@1a [dd] @##/ /rgya gar skad du/ sa tya kr-itya d+harmma ba tsa na sad d+harmma shrA ba ka thA/ bod skad du/ chos smra ba dang dam pa'i chos nyan pa la gus par bya ba'i gtam/ 'jam dpal gzhon nur [dd] gyur pa la phyag 'tshal lo/ /sangs rgyas bcom ldan 'das gang zhig gser btsom dang karNi ka dang nyi ma shar ma thag gi 'od 'bar zhing gsal bar byed pa dang/ rgya cher mi phyed pa'i 'od dang/ bco lnga'i zla ba'i dkyil 'khor thams cad du dri ma med cing rnam par dag pa dang/ tsam pa ka dang/ a sho ka rab tu rgyas pa dang/ bai DUrya dang/ indra nI la dang/ rdo rje dang/ ldong ros dang/ padma dang; glog gi 'od pas lhag pa dang/ gser bzang po'i 'od dang ldan pa'i bcom ldan 'das 'jig rten gsum gyi bla ma/ dpag tu med pa'i yon tan gyi tshogs kyis brgyan pa/ rin po che'i gter bsdus pa sangs rgyas bcom ldan 'das de dag ni mgon du gyur pa/ bla mar gyur pa/ chos kyi rje/ sbyod pa dang ldan pa/ sku dang gsung dang thugs kyis gnod pa med par kun du spyod pa/ / @2a @#/ /stobs bcu mnga' ba/ mi 'jigs pa bzhis brnyengs pa mi mnga' ba/ khyu mchog gi mchog /seng ge'i sgra sgrogs pa/ dbang po dang/ nye dbang dang/ drag po dang/ khyab 'jug dang/ gshin rje dang/ chu lha dang/ lus srul po dang/ nyi ma dang/ lha ma yin dang/ nam mkha' lding dang/ dri za dang/ mi'am ci dang/ lto 'phye chen po dang/ gnod sbyin dang/ srin po dang/ sha za dang/ grul bum dang/ rig pa 'dzin pa rnams kyis mngon par bstod pa/ byams pa dang/ snying rje dang/ dga' ba dang btang snyoms kyis bsam gtan mchog gi dran pa brnyes pa/ dran pa nye bar gzhag pa dang/ rdzu 'phrul gyi rkang pa dang/ yang dag par spong ba rnams la lhag par mos pa/ zil gyis gnon pa'i skye mched dang/ zad par gyi skye mched dang/ /stong pa nyid dang 'phags pa'i lam yan lag brgyad pa ston pa dang/ thugs rje chen pos yang dag par bskul ba/ gser dang/ dngul dang/ shel dang/ nor bu dang/ bai DUrya dang/ rdo rje dang/ indra nI la dang/ zla ba'i 'od rnams las lhag pa'i 'od mnga' ba/ rnam par gzigs dang/ gtsug tor can dang/ thams cad skyob dang/ 'khor ba 'jig @2b dang; gser thub dang/ 'od srungs dang/ dgra bcom pa yang dag par rdzogs pa'i sangs rgyas shAkya thub pa la sogs pas gsungs shing rjes su bstan pa 'di la/ kye dge slong 'di lta ste/ chos bshad pa dang/ chos kyi gtam la 'ga' zhig tu tshogs shing 'dug ste/ 'dug nas bya ba gnyis pa gang yang rung ba gcig gi rjes su gnas par bya ste/ chos kyi gtam bya ba'am yang na 'phags pa'i mi smra bas rjes su gnas par bya'o/ /de la 'phags pa'i chos dang ldan pa'i gtam du gyur pa dang/ 'phags pa'i mi smra bar gyur pa de gnyis ni nges par legs pa'i rgyur 'gyur ba yin te/ phyis mi rtog pa'i phyir dang/ the tshom gcod pa'i phyir nges par stobs kyis gzung ba'i phyir de skad du/ bcom ldan 'das kyis bka' stsal zhing 'di skad du gsungs so/ /dge slong dag gang zag gnyis po 'dis bsod nams mang po bskyed de sdig pa'i rtsa ba 'byin zhing bdud dang g.yul 'gyed par byed/ bdud kyi rgyal mtshan snyol bar byed/ chos kyi rgyal mtshan sgreng bar byed/ de bzhin gshegs pa'i chos kyi 'khor lo skor bar byed do/ /gnyis gang zhe na/ gang gus par byas te chos 'chad pa dang/ gang 'di na gus par byas te chos nyan pa'i/ /de bas na khyed kyis gus pas chos bshad par bya zhing bla ma rnams la gus par bya ste chos mnyan par bya'o/ /de bzhin gshegs pa rnams ni 'byung ba dkon no/ /mir skye ba ni rab tu dkon no/ /dal 'byor phun sum tshogs pa ni dkon no/ /de bzhin gshegs pa'i bstan pa la dad pa ni dkon no/ /de bas na 'khor ba'i nyes pa la kun du brtags pa la gus par byas te chos mnyan par bya'o/ /de ci'i phyir zhe na/ 'dir brjod par bya ste/ nges par dam pa'i chos nub par 'gyur zhing chos kyi snang ba dang bral bar 'gyur/ ye shes kyi snang ba rab tu nub par 'gyur la/ dge ba'i bshes gnyen dang phrad par mi 'gyur te/ rab tu 'jig pa dang bcas pa'i dus nye bar gnas shing/ chos dang mi ldan pa'i sems can rnams dang lhan cig 'grogs par 'gyur bar shes par byas nas gus par byes te chos mnyan par bya'o/ /cung zad na chos kyi @3a @#/ /gru ni zhig par 'gyur/ ye shes kyi ri ni rdib par 'gyur/ chos kyi nyi ma ni nub par 'gyur/ chos kyi chu bo ni skam par 'gyur/ chos kyi gtam gyis ni dben par 'gyur/ dbang po'i rtod thag ni chad par 'gyur/ byang chub kyi yan lag bdun gyi me tog ni skram par 'gyur; gsung rab kyi rgya mtsho ni bo bar 'gyur/ dran pa'i lcag ni chag par 'gyur/ rnal 'byor gyi dbang phyug ni yongs su mya ngan las 'das/ nyon mongs pa'i chom rkun ni stobs dang ldan par 'gyur la/ ring por mi thogs par yang dag pa'i spang leb bshig pas bcos legs byas pa; dran pa'i gru skya bas yongs su bsrung ba/ gdugs dang/ rgyal mtshan dang ba dan legs par btsugs pa/ ting nge 'dzin gyi zhal ce pas rtsod pa yongs su sbyong ba/ dad pa'i lam brgyags dang ldan pa/ brtse pa'i btung chu'i tshogs dang bcas pa/ dbang po dang stobs dang byang chub kyi lam gyi rin po ches yongs su bkang ba dang/ slob ba dang mi slob pa'i tshogs yongs su rgyu ba/ chos smra ba'i bya bas rab tu sad par byed pa thams cad mkhyen pa'i 'bad pas rab tu 'phel zhing spogs phyin pa/ dam pa'i chos kyi gtam gyis bcos pa'i rgya mtsho dba' rlabs kyi shugs kyis bskyod pa; dam pa'i chos kyi gru thams cad kyi thams cad du nub par 'gyur ro zhes shes par byas la/ sems can rnams kyi khong du chud par bya ba la 'bad pas dam pa'i chos kyi tshogs nub pas phyis yid la gcags pa med par bya ste/ 'jig rten ma rig pas mig long ba/ ser sna'i dag ba bas g.yogs pa/ phyogs dang mtshams la rtag pa dang/ chad par rnam par lta ba/ skye ba dang rgab dang na ba dang 'chi ba dang/ sdug bsngal gyis kun du gdungs pa/ 'chi ba'i g.yang sar lhung ba/ 'khor ba'i rtod thag gis kun du brtod pa/ gshin rje'i pho nyas skrag pa/ bya ba ngan pa la chags pa'i blo dang ldan pa/ phan tshun rtsod pas g.yengs pa'i sems can rnams phyin chad yid la gcags par mi 'gyur ro/ /de bas na 'khor ba'i nyes pa spang bar 'dod pa dang/ bdud kyi spyod yul spang bar 'dod pa dang/ phung po'i khur dor bar 'dod pa dang/ @3b nyon mongs pa'i shing gcad par 'dod pa dang/ ye shes kyi rdo rje 'chang bar 'dod pa dang/ 'khor ba'i 'khor lo phye mar brlag par 'dod pa dang/ ser sna'i rgya mtsho skam par 'dod pa dang/ sdug bsngal gyi rgya mtsho dbo bar 'dod pa dang/ khams gsum gyi tsher ma rim gyis shin tu dkrugs par 'dod pa dang/ nyon mongs spangs pa'i 'phags pa'i gang zag gi tshogs thob par 'dod pa dang/ ye shes kyi mig yongs su sbyong bar 'dod pa dang/ mchod pa'i gnas su 'gyur bar 'dod pa dang/ 'khor ba'i 'brog las rgal bar 'dod pa dang/ 'phags pa'i lam nas 'gro bar 'dod pa dang/ mya ngan las 'das pa'i grong khyer du 'jug par 'dod pa dang/ nyon mongs pa'i tsha bas gdungs pa'i yid tshim par byed par 'dod pa rnams kyis gus par bya ba dang/ dam pa'i chos kyi chus dbang bskur ba la 'bad par bya'o/ /de ci'i phyir zhe na/ brjod par bya ste/ dam pa'i chos thob pas sor mo'i phreng ba ma gsod pa las log par gyur pa dang/ gnod sbyin 'brog gnas mi rnams gsod pa las log par gyur pa dang/ klu'i rgyal po sog ma med lo tog 'joms par byed pa dang/ gnod sbyin mo 'phrog ma srog chags brgya phrag du ma gsod pa las log par gyur pa dang/ gnod sbyin ba spu khab dug gis rdeg par byed cing gsod pa dang/ rgya mtshon gnas pa'i nya ti ming gi la tshong pa stong phrag du ma gsod par byed pa dang/ sbal pa dud 'gro log par ltung ba'i 'jigs pa dang/ zla ba sgra gcan gyi 'jigs pa dang/ nyi ma lha ma yin gyi 'jigs pa dang/ brgya byin ngan song gi 'jigs pa dang/ tshangs pa rtag par lta ba las dang/ rtag tu 'tsho ba rtag tu lta ba las kyang/ gcer bu pa'i bu log par bya ba la mngon par sbyor ba'i las dang/ bram ze grags pa'i rigs mngon par zhen pa dam pa'i chos thos pa las log go/ /de dag la sogs pa gzhan dag tu mthar pa'i skom gyis gdungs shing srid pa'i yal ga gcod par 'dod pa dang/ ma rig pa'i sbubs dral bar 'dod pa dang/ shes rab kyi snang bas lta bar 'dod pa dang/ 'khor ba'i chu bo rgal bar 'dod pa dang/ de dag @4a @#/ /gi dam pa'i chos thos pas 'gro ba lnga'i 'khor bar 'gro ba las rab tu 'grol bar 'gyur ro/ /de lta bas na gus par byas te dam pa'i chos 'bad pas mnyan par bya'o/ /yang 'di skad du/ mkhas pas nad la sman pa bzhin/ /thog mar dam pa bsten par bya/ / nad sos bya phyir 'bad pa yis/ /sman ni sman pa la nyan ltar/ /dam pa'i chos ni mnyan par bya/ /blo dang ldan pa'i skyes bu yis/ /sman de rnams ni thos nas su/ /gus pas sten par byed pa ltar/ /de bzhin byas pas 'chi med 'grub/ /bdud rtsi de ni 'thung ba yis/ / mchog ni thob par byed pa yin/ chos smra ba dang dam pa'i chos mnyan pa la gus par bya ba'i gtam slob dpon sa 'tsho byin gyis mdzad pa rdzogs so// //rgya gar gyi mkhan po gnas brtan a dzi ta shrI b+ha dra dang/ lo tsA ba dge slong shAkya 'od kyis bsgyur ba'o// // @##/ /rgya gar skad du/ u da na ka thA/ bod skad du/ ched du brjod pa'i gtam/ 'phags pa 'jam dpal la phyag 'tshal lo/ /ji ltar chu srin kha ru rgya mtsho'i gzings rgyug bzhin du mi 'dod kyang/ /rmongs pa bdag 'dra las kyi dbang gis 'chi bdag kha ru rings par rgyug /snying rje med pa'i 'chi bdag bdud kyis 'gro ba gzhan yang de bzhin mi dra/ /de phyir cung zad skrag pa'i yid kyis dge ba'i bshes la 'dir phyag 'tshal/ /mkha' la nyi ma'i zer gyis zil pa bzhin du bdag gi tshe yi tshad/ /ring por gnas pa'i mthu med las dang 'bras bu grib ma bzhin du 'brang/ /sha khon yod pa'i dgra bzhin gshin rje'i tshogs rnams dga' ba'i bzhin gyis lta/ /de tshe nye du rnams kyang por zhing bdag nyid kho na skrag cing 'gro/ /sngan chad shi ba'ang bshes dang 'grogs pa ma mthong rgan rabs dag las min/ /lung las ma gsungs phyis kyang mi 'byung da ltar bdag la gdeng ci yod/ /gson tshe 'dir ni tshong khang chen por 'dus pa'i skye bo bzhin du 'gro/ /kwa yi sems khyod bag med ma byed glo bur ba des khyod ni gzung bar long/ /deng sang skye bo phal cher rnyed dang bkur stis 'chums shing bdud dbang song/ / @4b ngan song rgya mtsho 'phel zhing dkar po'i phyogs 'grib lha rnams smre sngags 'don/ /sdom brtson can dag bslab las lhod cing khyim ba dag gi pho nyar 'gro/ /lha min phyogs 'phel nag po'i klu yis nad rnams sna tshogs gtong bar 'gyur/ /de tshe 'gro ba bskyab pa'i don brtson thugs rje can gyi bcom ldan 'das/ /bsnyel ba mi mnga' de la dga' ba'i bzhin gyis sems khyod skyabs su deng/ /dper na rje bo'i las la bran gyis bzhin du thugs rje can gyis don/ /mdzad pa gang yin de la bdag gis shes bya yang dang yang du bslab/ /'gro ba mgu bas thams cad mkhyen pa mnyis par bla ma de skad gsungs/ /de mnyes byas pas bdag don 'gyur na de la sems khyod ci zhig skyo/ /don lnga bsdus pa'i gtam 'di bdag sems gdul ba'i ched du nges par byas/ /bsod nams de yis 'gro ba ma lus sangs rgyas spyan rnams thob par shog/ ched du brjod pa'i gtam drang srong chen po zla bas mdzad pa rdzogs so// //lo tsA ba tshul khrims rgyal bas bsgyur// @##/ /rgya gar skad du/ a ni tyArtha pa ri ka thA/ bod skad du/ mi rtag pa'i don gyi gtam/ dkon mchog gsum la phyag 'tshal lo/ /gang phyir 'dus byas thams cad ni/ /rkyen gyis gzhan du 'gyur ba ste/ /rtswa rtse rlung gis bskyod pa yi/ /zil pa bzhin du mi rtag go/ /gang zhig 'chi bdag rgod ma'i kha/ /dgang ka der ni mi 'jug pa/ /mtho ris yang dag sa stengs su/ /skyes bu de la yod dam ci/ /'di ltar sa gzhi brtan pa la; /sreg pa'i me 'byung kho na bzhin/ /rang bzhin lhan cig skyes pa yi/ /mi rnams 'chi la de bzhin no/ /gzugs dang longs spyod thos pa dang/ /tshul khrims la sogs rtag min te/ /gang yang 'dod chags bral ba yang/ /kun du gnas pa ma mthong ngo/ /rgyal ba 'jig rten mgon gcig pu/ /sdom brtson skye bo bzang po yang/ /gang gis ji skad du ni brjod/ /tshe ni mi rtag chu yi ri mo 'dra/ /skye dgu 'di dag skye na gcig pu ste/ /de bzhin 'chin na'ang gcig pu 'chi bar 'gyur/ /'di ni gcig pus sdug bsngal myong 'gyur gyi/ /'khor ba na ni @5a @#/ /grogs yod ma yin no/ /mi rtag pa'i don gyi gtam zhes bya ba snyan dngags mkhan chen po dga' ba'i dbang pos mdzad pa rdzogs so// /kha che'i paNDi ta bi na ya dang/ lo tsA ba grags 'byor shes rab kyis bsgyur ba'o// @##/ /rgya gar skad du/ su partha de sha pa ri ka thA/ bod skad du/ legs pa'i lam bstan pa'i gtam/ dkon mchog gsum la phyag 'tshal lo/ /byang chub sems dpa' sems dpa' chen po 'jam dpal gzhon nur gyur pa la phyag 'tshal lo/ /bdud ni mtha' yas sde dang bcas pa bstan pas 'bad pas 'bad pa med par rgyal mdzad la/ /rmad du byung ba'i gnas mchog brnyes nas drang sreng 'jig rten pa la brtson par mdzad/ /gang phyir thugs rje chen po dang ldan mchog tu gzhan la phan par brtson pa'i mdzad pa can/ /yon tan kun gyi gter du gyur pa sangs rgyas de la rtag tu phyag 'tshal lo/ /gang zhig rnyed na sdug pa dang bral las byung mya ngan rnams kyis nyon mongs med/ /mi sdug pa dang phrad las byung ba'i sdug bsngal rnyed sla 'byung bar 'gyur ma yin/ /'chi dang na dang rga dang rgud pa'i sdug bsngal slar yang 'byung mi 'gyur/ /sdug bsngal rnams ni mthar thug phung po lhag med lam bcas chos la phyag 'tshal lo/ /gang zhig dad sogs stobs kyis stobs chen bdud ni rnam par 'byer mdzad la/ /blo ni dge sbyong 'bras bu'i don gyi rgyan gyur 'jig rten 'das pa nyid du gyur/ /gang la sbyin na 'bras bu dpag med skye 'gyur thub pa'i slob ma dge 'dun ni/ /tshangs dang dbang po sogs kyis phyag byas blo sbyangs yon tan rgya mtsho de la 'dud/ /'gro ba rnal 'byor spyod pa byams pa'i sems ldan 'dod pa'i don ni rdzogs phyir dang/ /dam chos gsal bya'i phyir dang chos ston skye bo rnams la brtse bar bya ba nyid dang ni/ /dam pa rnams ni rab tu mgu bar bya dang bdag nyid kyis ni chos rnyed phyir/ /legs pa'i gtam ni thub dbang gsungs dang sbyar te bdag gis bshad par bya/ /bden la dga' zhing tshig re'ang nyams su len gyur rnams/ /rgyal ba'i legs bshad rab tu dga' bar gyur pa rnams/ /nyid kyi sku yis bsdus nas nye bar bsags @5b pa ni; /gang yin de dag dang pa'i yid kyis mnyan par bya ba'i rigs/ /de la legs pa'i lam ni tshul khrims dang/ ting nge 'dzin dang/ shes rab yin te/ legs par gyur pa'i lam yin pas na legs pa'i lam mo/ /legs pa'i zhes bya ba ni mchog tu bsngags pa ste; de ni gcig tu phan pa nyid yin pa'i phyir las dang nyon mongs pa'i gtsub shing las byung ba'i sdug bsngal nyid kyi me gsum rab tu zhi bar byed pas mya ngan las 'das pa yin no/ /lam zhes bya ba ni des mngon par 'dod pa'i don thob par bya ba'i phyir 'dis tshol bas tshol bar byed pa'i don gyis na lam mo/ /de yang rtogs pa'i thabs kyi rim pa'i cho ga yin no/ /yang na nges par 'byung ba la phan pa nyid yin pa'i phyir bsten par bya ba yin la/ de yang tshul khrims dang/ ting nge 'dzin dang/ shes rab yin pas na tshul khrims dang/ ting nge 'dzin dang/ shes rab ni legs pa yin no/ /de yang bcom ldan 'das kyis/ tshul khrims ting nge 'dzin 'byung ba la phan pa nyid yin pa'i phyir bstan par bya ba yin la/ chos rtogs phyir ni bsgoms pa yis/ /byang chub mchog ni thob gyur nas/ /khyod ni nges par bcom gyur pa/ /sdig can gyis ni shes par gyis/ /zhes gsungs pa yin no/ /de la tshul khrims zhes bya ba 'di ni kha na ma thob nyid kyis bde ba nyams su myong ba dang ldan pas na tshul khrims so/ /yang na 'dis 'gyod pa med pa'i bde ba bsten cing yon tan gcig nas gcig tu brgyud pa'i bsngags pa len pa'i phyir tshul khrims de la ni len pa'o/ /yang na tshul khrims dang ting nge 'dzin la skad kyi byings las tshul khrims su 'gyur te/ lus dang ngag dang yid kyi las yang dag par sdom pa zhes bya ba'i tha tshig go/ /de yang bram ze lus kyis legs par spyad pa rnam pa gsum gyis chos la sbyod par 'gyur ro/ / ngag gis ni bzhi'o zhes bya ba la sogs pa ji skad gsungs pa lta bu'o/ /yang na bsil bar gyur pas tshul khrims te/ de yang 'chi ba'i mthar thug pa'i bar gyi sems kyi gdung ba rab tu zhi bar byed pa'i don gyis so/ /de yang/ tsan dan shing gis gdungs pa sel min gyi/ /tsan @6a @#/ /ngan sa mchog gis byugs phreng bas min/ /chu yi legs byas sprin dang rlung gis min/ /ku mru ta rgyas rma med rdzing bus min/ /padmo utpal sna tshogs kyis khyab pa/ /spos chus khyab pa'i nor bu'i sa 'am ni/ /sdug pa'i lag pa'i rtse mos 'dren pa'am// me tog phreng ba thig phan 'jigs pa yis/ /srog mthar gyur pa 'byung ba'i dus su ni/ /dus de'i me 'dra 'jigs pa'i gdungs mi sel/ /gang phyir tshul khrims dran na'ang sel byed de/ /de phyir da ni tshim byed rnams kyi mchog /yang na nyes par spyod pa'i mi shes pa med pa'i phyir/ bde ba'i rnam par smin pa gnod pa med pa dang ldan pas na zhi ba yin pa'i phyir tshul khrims so/ /yang na/ /'di ni mgo bor gyur pa na/ /de'i phyir tshul khrims zhes bshad la/ /tshul khrims nyams pas 'chir 'gyur ba/ /dper na mgo bo bcad dang mtshungs/ /de yang dge slong gang dag bslab pa btang nas nyam chung ston cing dman pa shas che bar 'dod pa'i gnas su lhung ba 'di 'phags pa'i chos 'dul ba 'di la 'chi ba zhes bya'o zhes gsungs pa lta bu'i'o/ /yang na bde 'gro ste/ thar pa dang/ 'jig rten la phan par 'dod pa'i dam pa rnams kyis bsten par bya ba yin pas na tshul khrims zhes bya'o zhes bya ba'i tha tshig go/ /yang na dge ba'i lus dang ngag gi las rnams ni tshul khrims zhes bya ste/ de yang sangs rgyas gsungs pa'i lus dang ngag gi las bya ba dang bya ba ma yin ba rnams la de bzhin du 'jug pa'o/ /yang na 'tshe ba med pa'i bsam ba las nges par 'byung ba'i lus dang ngag gi rang bzhin gyi legs par sbyod pa las byung ba dang/ mi dge ba'i las kyi tshul las ldog pa'i mtshan nyid ni tshul khrims/ yang na lus dang ngag gis gzhan la phan ba dang 'tshe ba med pa rnam par 'phel ba ni tshul khrims yin no/ /yang na yang dag pa'i lus dang ngag dang 'tsho ba yin la/ de yang lus dang ngag gi nyes par sbyod pa las ldog pa'i mtshan nyid de/ 'gyod pa med pa la rab tu 'jug pa ste/ de dbang po sdom pa'i gnas la gnas pa'o/ /yang na de'i lus dang ngag gi sdom pa'i mtshan nyid de/ sdom pa med pa la @6b nye bar gnas pa yin/ de ni dge ba'i rtsa ba'i gnas la gnas pa yin no/ /yang na lus dang ngag gtsang ba nyid kyi mtshan nyid tshul khrims te/ zag pa med pa'i bde ba la nye bar 'jog pa yin la/ de ni dad pa dang ldan pa'i gnas yin no/ /de ni rnam pa gnyis te/ bcas pa'i tshul khrims dang/ ma bcas pa'i tshul khrims so/ /bcas pa'i tshul khrims ni mig dang rna bas bcas pa'i lus dang ngag gi dge ba'i las so/ /ma bcas pa'i tshul khrims ni yid kyi shes par bya ba'i lus dang ngag sdom pa'o/ /yang rnam pa gnyis te/ sbyor ba las byung ba dang; sbyor ba las byung ba ma yin pa'o/ /sbyor ba las byung ba ni gang lus dang ngag gi sbyor bas bsags pa'o/ /sbyor ba las byung ba ma yin pa ni gang yid gzhan du gyur pa las kyang nye bar bsags pa'i grangs su 'gro ba'o/ /yang gnyis te/ dam bcas pa sngon du 'gro ba dang/ chos nyid kyis thob pa'o/ /rab tu byung ba dang dus mnyam du'am/ khyim pa bslab pa len par khas len pa'am/ nor gtong ba ste 'di ni sdom pa yang dag par len pa sngon du 'gro ba'i tshul khrims so/ /yang brgyad pa la sogs pas lam bskyed nas zag pa med pa thob pa de ni chos nyid kyis thob pa'o/ /yang na 'jug pa dang ldog pa zhes bya ba rnam pa gnyis te/ de bzhin gshegs pas rjes su gnang ba'i lus dang ngag gis las la sbyod pa de ni 'jug pa'i tshul khrims so/ /gang bkag pa de mi byed pa ni ldog pa'i tshul khrims so/ /yang na spangs pa'i tshul khrims dang/ ma spangs pa'i tshul khrims so/ /de la gang lus dang ngag gi nyes par spyod pa mi byed pa de ni spangs pa'i tshul khrims so/ /lus dang ngag gis legs par spyod pa la rjes su 'jug pa ni ma spangs pa'i tshul khrims so/ /yang dag pa dang/ ma dag pa'i dbye bas rnam pa gnyis te/ sred pa dang/ lta ba ngan pa dang/ nga rgyal dang/ yang dag pa ma yin pa'i rtog pa dang/ ma 'dres pa dang/ yongs su tshang ba ni dag pa'i tshul khrims so/ /de las go bzlog pa ni ma dag pa'o/ /dag pa la gnyis yod pas @7a @#/ /rnam pa gnyis te/ gang 'da' ba med par rnam par byang ba de ni ltung ba med pa'i rnam par dag pa'i tshul khrims so/ /gang ltung ba slar bcos pas rnam par dag pa de ni ldang ba'i rnam par dag pa'i tshul khrims so/ /yang rnam pa gnyis te/ ltung ba med pas mchog tu gyur pa dang/ rnam par dag pas mchog tu gyur pa'o/ /gang rgyun du zhugs pa la sogs pa ni bsams bzhin du 'da' ba med pas de ni ltung ba med pa mchog tu gyur pa'i tshul khrims so/ /dgra bcom pa dang/ sangs rgyas dang/ yang dag par rdzogs pa'i sangs rgyas kyi gang yin pa de ni rnam par dag pa'i tshul khrims so/ /yang na slob pa dang mi slob pa dang so so'i skye bo la brten pas tshul khrims rnam pa gsum ste/ slob pa dang mi slob pa dang/ slob pa yang ma yin mi slob pa yang ma yin pa'o/ /yang na sems kyi dbang las dge ba dang mi dge ba dang lung du ma bstan pa nyid kyis rnam pa gsum ste/ mi mnyam par yongs su smin pa dang/ ma smin par ro/ /mi mnyam pa yongs su gyur pa ni gang gzhan la 'tshe ba'i phyir brten pa'o/ /mnyam par yongs su gyur pa ni sdug pa dang dbang po dang yul nyams su myong ba'i don du gang la brten pa'o/ / yongs su gyur pa ma yin ba'i don du gang la brten pa dang 'gyod pa med pa gang yin ba'o/ /yang dman ba dang/ 'bring dang/ mchog ste rnam pa gsum ste/ nye ba'i nyon mongs pa drag pos nyen pa dang cho ga mi shes pas gzi byin nyams pa ni dman pa'o/ /nyon mongs pa srab pa dang chog shes dang pa ldan ba ni 'bring ngo/ /nyon mongs pa med pas gsal la chog shes pas rab tu phye ba'i rnam par dag pa'i tshul khrims ni mchog go/ /yang dbang du bya ba rnam pa gsum gyis gsum ste/ 'jig rten gtso bo byed pa'i gang zag ni khrel yod ba can te/ 'jig rten gyi dbang du byas nas sdig pa spong pa ste/ de ni 'jig rten pa'i dbang du byas pa'i tshul khrims so/ /chos la gus pa ni chos gtso bor byas nas sdig pa spong ba de ni chos kyi dbang du byas nas tshul khrims so/ /bdag gtso bor byas pa de ni bdag nyid ngo tsha bas bdag nyid rjes su srung zhing sdig pa spong ba de ni bdag @7b nyid kyi dbang du byas pa'i tshul khrims so/ /yang 'jig rten pa dang 'jig rten las 'das pa dang/ 'jig rten las 'das pa las kyang 'das pa ste rnam pa gsum yin la/ so so'i skye bo rnams kyi ni 'jig rten pa'o/ /'phags pa'i lam dang 'bras bu la gnas pa rnams kyi ni 'jig rten las 'das pa'o/ /sangs rgyas bcom ldan 'das rnams kyi ni 'jig rten las 'das pa las kyang 'das pa'o/ /yang tshul khrims ni sred pa la gnas pa dang/ lta ba la gnas pa dang/ nga rgyal la gnas pa dang/ gnas pa med pa ste rnam pa bzhi'o/ /de la sred pa la ni srid pa dang longs spyod kyi don du byed pa'o/ /lta ba la gnas pa ni tshul khrims dang/ brtul zhugs mchog tu 'dzin pas bcom pa'o/ /nga rgyal la brten pa bdag la stod pa dang gzhan la smod pas bcom pa'o/ /gnas pa med pa ni gnas pa'i nyes pa las grol ba'i tshogs su gyur pa dang zag pa med pa'o/ /yang tshul khrims ni nyams pa dang/ gnas pa dang/ khyad par dang/ nges par 'byed pa'i cha gnyis kyi ste rnam pa bzhi'o/ /mi mthun pa'i phyogs ma spangs pa dang/ tshul khrims dang ldan pa yang dag par mi bsten pa dang/ skye bo tshul khrims 'chal ba dang 'grogs pa dang; rtog pa ngan pa'i go skabs 'byed pa dang/ shes bzhin du 'da' bar byed pa dang/ ltung ba 'chab pas tshul khrims las nyams pa'i skal ba can du 'gyur ro/ /tshul khrims la bag yod pa dang/ bslab pa la mang du gces par byed pa dang/ zhi gnas dang lhag mthong la mngon bar brtson pa ni tshul khrims gnas pa'i skal ba can du 'gyur ro/ /tshul khrims ting nge 'dzin gyi bya ba rnams la bag yod pa dang/ lhag mthong gi rim pa la shas cher brtson pa'i tshul khrims ni khyad par can gyi skal ba can du 'gyur ro/ /tshul khrims dang ting nge 'dzin phun sum tshogs pa dang; shes rab la mngon par brtson pa'i tshul khrims ni nges par 'byed pa'i cha'i skal pa can du 'gyur ro/ /yang dge slong dang dge slong ma dang/ bsnyen par ma rdzogs pa dang/ khyim pa las bcas pa'i khyad par gyi rnam pa bzhi'o/ /dge slong gi tshul khrims de ni so sor @8a @#/ /thar pa'i sdom pa'o/ /dge slong ma'i tshul khrims ni dge slong ma'i so sor thar pa'i sdom pa'o/ /dge sbyong gi dbang du byas pa'i sdom pa bslab pa'i gnas kyi sdom pa ni dgu ste/ bya rog skrod nus pa'i bslab pa'i gnas kyi sdom pa ni brgyad de/ de dag ni bsnyen par ma rdzogs pa'i tshul khrims so/ /bslab pa'i gzhi la dang/ gso sbyong gi zhag bslab pa'i gnas brgyad ni khyim pa'i tshul khrims so/ /yang rang bzhin dang/ chos nyid dang/ sdom pa dang/ spong ba zhes bya ba ni rnam pa bzhi'o/ /byang gi sgra mi snyan rnams kyi ni rang bzhin gyi tshul khrims so/ / srid pa tha ma pa'i byang chub sems dpa'i yum gyi ni chos nyid kyi tshul khrims so/ /lus dang ngag gi sdom pa brtan zhing rnam par dag pa ni sdom pa'i tshul khrims so/ /tshul khrims dang brtul zhugs mchog tu 'dzin pa'i gnyen por gyur pa dang/ nyon mongs pa 'grib par byed pa ni spong ba'i tshul khrims so/ /de ltar mang du'ang rnam dbye nus mod kyi/ /shin tu rgyas pas skyo ba skyed par byed/ /de yi rnam dag thabs ni bshad bya ste/ /mnyam par 'jog las tshul khrims rnam dag 'gyur/ /de la rnal 'byor gyi spyod pa yongs su sbyang bar bya ba dang/ so sor thar pa'i sdom pa'i phyir 'dun pa drag po skyed pa dang/ lus dang ngag gi las kyi mthas bsdus pa la yang 'tsho ba gzhan la rag las pas 'jug pa sbyang bar dka' ba las tha dad par gnas su zin na yang de rnam par sbyang bar bya ba'i phyir mchog tu 'bad pas sdom pa la brtson pa dang/ gso ba'i longs sbyod la yang bag yod par bya ba'o/ /de yang so sor thar pa'i sdom pas bsdams te gnas so zhes ji skad gsungs pa lta bu'o/ /de la so sor thar pa zhes bya ba ni so sor thar pas na so sor thar pa ste/ lam 'di ni so sor thar par 'gro bas so sor thar pa ste/ dper na grong khyer du 'gro ba'i lam la grong khyer gyi lam zhes bya ba dang 'dra'o/ /yang na sdig pa las so sor thar pas na so sor thar pa'am sdom pa zhes bya ba la slob par byed pas na dag cing grol bar byed pa yin pa'am/ bsod nams phun sum tshogs pa la lhag par mos pa mi @8b gtong bar byed pa zhes bya ba'i tha tshig go/ /yang na bsrung zhing thar par byed pa na bsrung thar ces bya ste/ nyes par sbyod pa dang/ kun nas nyon mongs pa rnams dang/ ngan 'gro rnams las srung bar byed pa'i phyir ro/ /ji skad du chos sbyod pa rnams ni chos kyis srung bar byed cing rim gyis thar par 'gyur ba yin zhes ji skad du bshad pa dang/ dge slong dag tshul khrims dang ldan pa ni 'gyod pa dang ldan pa'i sems su mi 'gyur ro/ /gzhan yang dge slong dag 'di ni chos nyid yin te/ tshul khrims 'di ni rim gyis 'bras bu mchog skyed par byed do zhes gsungs pas de'i phyir bsrung zhing thar pa zhes bya bar bshad do/ /yang na sdom pa med pas ltung ba'i ngang tshul can thar par byed pa 'di ni yang dag par zhugs par 'gyur ba ste nye ba'i nyon mongs pa las thar par byed pas na ltung ba las thar pa'o/ /yang na so so'i skye bo yin pas ltung ba'i chos can yin pa'i phyir ltung ba yin la/ las dang nyon mongs pa dag gis yongs su 'khor bar gyur cing shis pa ma yin pa'i ngan 'gro rnams su 'khyams pa sdug bsngal de las srung zhing thar par phyed pas na ltung ba las srung ba ste/ sdug bsngal de las thar pa zhes bya ba'i tha tshig ste/ rgyu las 'bras bu btags pa yin te/ de yang/ 'jug ngogs bde ba'i chu klung bde/ /zhes bya ba lta bu'o/ /yang ltung ba las legs par byed cing 'gro ba la mngon par brtson pa rnams rang la phan pa'i don byed do zhes pa'i tha tshig ste/ yang dag par zhugs pa rnams thar par byed pas na ltung ba las thar pa'o/ /yang na thog mar gyur pa ste/ thar pa sgrub pa la dang por gyur pa yin pa'i phyir dang por theg pa'o/ /de yang ltung ba'i tshogs rnam pa bdun te/ phas pham pa dang/ dge 'dun gyi lhag ma dang/ de gnyis ka'i nyes byas sbom po dang; ltung byed dang/ so sor bshags pa dang/ bshags par bya ba dang/ bsngom par bya ba'i nyes byas zhes bya ba'o/ /de la ltung ba 'dis phas pham par 'gyur bar spyod pas na phas pham pa'o/ /ltung ba 'di byung bar gyur na mal stan dang kha zas la sogs pa @9a @#/ /dge 'dun rgan po dang bar ma dang gzhon nu'i rjes la lhag mar spyod pas na dge 'dun lhag ma'o/ /bshags par bya ba'i nyes pa thams cad kyi nang nas 'di ches rags pas na nyes pa sbom po'o/ /mang ba'i phyir dang rang bzhin dang bcas pa'i spang bar bya ba sna tshogs pa nyid yin pa'i phyir spang ba la 'bad pas gnas pa yin pas ltung ba'o/ /nges par bshags par bya ba yin pas so sor bshags par bya ba yin pa 'am/ so sor bshags par bya bar 'os pa yin pas so sor bshags par bya'o/ /bshags pas slar bcos par bya ba'i nyes byas yin pas bshags par bya ba'i nyes byas so/ /slar de ltar mi bgyid do zhes yang dag par sdom par byed pas slar gso ba yin pas na bsdam par bya'o/ /'di dag ni ltung ba'i tshogs bdun yin no/ /de la sdom pas bsdams pa zhes bya ba ni 'di man chad shes par bya ste/ de la sdom pas bsngams pa ni bsngags par bya ba'i sdom pa sba bar bya ba'i cho gas yang dag par kun nas g.yogs shing sbas la bsrungs ba zhes bya ba'i tha tshig go/ /gnas pa zhes bya ba ni gnas shing bzhes la dus ji lta ba bzhin du sdod pa'o/ / cho ga dang spyod yul phun sum tshogs pa zhes bya ba ni cho ga bya ba dang sbyod yul du bya ba dag yin la/ phun sum tshogs pa zhes bya ba ni ldan pa'o/ /de la kun du spyod pas na chog ste rang gi gzhung lugs su spyod pa zhes bya ba'i tha tshig go/ /yang na de la spyod pa yin pas na sbyod pa ste/ de la rten cing rang gi phan pa thob par bya ba'i phyir de la spyod cing rtogs pa zhes bya ba'i tha tshig go/ /de yang sbyod pa ngan pa'i gnyen por gyur pa dang/ skye bo dam pa rnams kyis bsngags pa dang thar pa 'dod pa rnams kyis bslabs shing goms par byas pa dang; bslab pa 'dod pa'i rab tu zhi ba la blo byang ba rnams kyis ma smad pa spyod pa'i rim pa kha na ma tho ba med pa'o/ /cho ga ma yin pa ni dge slong me tog thu ba dang/ phreng rgyud mkhan byed pa dang/ rna rgyan byed pa dang/ de dag byas nas khyim pa la ster ba dang/ bud @9b med rnams dang lhan cig /stan dang khri gcig la 'dug pa dang/ snod gcig tu za ba dang/ de'i lus dang 'brel pa len pa dang/ de'i steng du lhung ba dang/ gar dang/ glu dang/ rol mo dang/ sgeg pa dang/ byug pa dang/ dri dang/ phreng ba dang/ gos dkar po dang/ kha tshar dang bcas pa'i gos 'chang ba dang/ khyim pa'i bya ba la sogs pa 'jug pa ste/ de lta bu la sogs pa byed pa yin no/ /ji skad du/ ki ta'i rim zhes bya ba'i 'dul ba las ji skad bshad pa lta bu'i/ gzhan dag gis bshad pa ni spyod pa ma yin ba ni rnam pa gnyis te/ lus dang/ ngag gi'o/ /de la lus kyi ni 'di na dge 'dun gyir gtogs pa yin na yang gnas brtan rnams dang/ dge slong rnams la mang du bsnyen bkur mi byed pa dang/ sdug pa dang gud pa dang bral ba'i sems dang ldan zhing rgyud dang ba ma yin bas zil gyis mnan pa dang/ rgyud shin tu rtsub pa rnyed pa dang bkur stis dregs pas myos pa na dge slong rgan po rnams la 'dzer zhing 'gro ba dang 'dug pa de lta bu'i bya ba med kyang mdun du 'gro ba stan mtho ba la 'dug pa de dag mthong zhing nyen kor du phyin na yang mdun bsu ba dang/ stan nas ldang ba dang/ phyag 'tshal bar mi byed/ de dag mchil lham med par 'chag pa dang/ bdag nyid mchil lham dang bcas par 'chag pa dang/ de dag sa phyogs dma' ba na 'chag pa na yang bdag nyid mtho ba gding ba dang bcas par 'chag pa dang/ stan gyis de dag la gnod par byed pa dang/ gzhon rims dag la brnyas pa dang bcas pas gnas par byed pa dang/ khrus byed pa'i tshe chu ngogs dag tu dge slong rgan rims dag la 'dzer zhing 'dzug pa dang/ mdun du zhugs pa dang/ 'dzer zhing khrus byed pa dang/ 'dzer zhing 'gro ba dang/ sngon du 'byung ba dang/ gzhan gyi khyim du 'jug pa na yang dge slong rgan rims la 'dzer zhing 'gro ba dang/ de lta bu'i bya ba med du zin na yang de dag la brnyas thabs su sngon du 'gro ba dang/ dben pa'i khyim dang gnas gang yin ba de dag tu gang na rigs kyi bud med dam bzhon nu ma brtags par 'jug par byed pa dang/ khye'u gzhon nu dag @10a @#/ /la mgo bo nyug par byed pa ste/ de lta bu dag ni lus kyi spyod pa ma yin pa'o/ /ngag gi ni 'di na la la zhig dge slong rgan rims la gus pa med pas de la ma dris par chos smra rtsom zhing lan 'debs par byed pa dang/ so sor thar pa ston pa dang/ de g.yeng ba mang po yod kyang ston pa dang/ gtam sna tshogs byed pa dang/ gzhan gyi khyim du 'jug pa na rigs kyi bud med dang/ rigs kyi gzhon nu ma dag gus pa med par 'di skad smra ste/ mi che ge mo zhes bya ba rigs che ge mo zhes bya ba khyod la kho bo cag gis bzar rung ba bza' 'am/ bca' bar bya ba khyed kyis deng ci zhig stobs par byed/ ci zhig za bar bya/ ci zhig btung bar bya/ khyod de ring ci zhig ster bar byed ces smra zhing/ yongs su rgod par byed la sun 'byin par byed ces bya ba de lta bu la sogs pa ni ngag gis spyod pa ma yin pa'o/ / mdor na tshul khrims 'chal pa dang 'brel pa'i spyod pa dang smra ba thams cad ni cho ga ma yin no/ /de ni gnyen por gyur pa'i spyod pa ni tshig yin par shes par bya'o/ /cho ga zhes bya ba dge slong rgan po dang/ bar ma dang gsar bu rnams la gces shing gus pa mang du byed pa dang/ byams pa'i lus dang/ ngag gi las dang/ rab tu zhi ba la dga' ba dang/ gzhan dad par byed pa dang/ ngo tsha dang khrel yod pas brgyan pa dang/ gya gyu med pa dang/ rnyed pa dang bkur sti ma bcom pa dang/ 'dul ba'i gzhung lugs rjes su 'jug pa dang/ dran pa dang/ shes bzhin gyis yongs su zin pa dang/ 'gro ba dang/ log par lta ba dang/ rnam par lta ba dang/ snam sbyar dang/ lhung bzed dang/ chos gos legs par 'char ba dang/ 'gro ba dang sdod pa dang/ 'dug pa dang/ nyal ba la sogs par ram/ thams cad du kun du spyod pa las bshad pa las gus par byed pa 'di ni cho ga zhes bya'o/ /yang spyod yul ni phyogs ba lang 'tsho ba yin pas na de la spyod yul zhes bya la/ 'dir ni ba lang gi spyod yul dang 'dra bas na spyod yul zhes bya ste/ 'di lta ste/ ba lang rnams mdog dang/ nad med pa @10b dang; bde ba dang/ srog rnams la phan par 'gyur ba phun sum tshogs pa dang/ sbrang bu dang/ sha sbrang dang/ sdig sbrul dang/ gcan gzan gdug pa'i 'tshe ba med pa/ rtswa sngon po rnam pa sna tshogs pa phun sum tshogs pa dang/ chu gtsang ba dang ldan pa dus ran pa dang/ shing gi grib ma'i tshogs phun sum tshogs pa dang ldan ba ni ba lang gi spyod yul yin la de bzhin du dge slong tshul khrims dang/ dad pa dang/ brtson 'grus dang/ dran pa dang/ ting nge 'dzin dang/ shes rab la sogs pa gang zhig nges par bsten na phan pa byed par 'gyur ba de ni spyod yul zhes bya'o/ / yang spyod yul ma yin pa ni/ smad 'tshong dang/ ma nid dang/ gzhon nu ma chen po dang/ yugs sa dang/ kun du rgyu la sogs pa gnas pa'i sgrib pa'i 'os yod pa dang/ rjes su mthun pa ma yin pa'i rgyal po dang/ rgyal po'i blon po dang/ bram ze dang/ khyim bdag dang/ mu stegs byang sna tshogs dang/ nyan thos lam dad pa'i khyim dang 'dres pa dang/ dge sbyong dang dge sbyong gi 'jigs pa la phyogs pa dang/ 'dod pa'i yon tan rnam pa lngas rnam par gtses pa med pa/ dge ba'i bshes gnyen la brten pa'i bde ba dang ldan pa/ bas mtha'i gnas mal dang ldan ba/ de lta bu'i bcom ldan 'das kyi dge slong rnams kyis bde ba 'phel bar byed pa yin te/ dge slong dag ji tsam na dgon pa dang/ nags 'dab dang/ bas mtha'i gnas mal la legs par spyod par gyur pa ni dge slong ngam/ dge slong ma mngon par 'dod pa'i dge ba 'phel bar 'gyur gyi nyams par mi 'gyur ro zhes gsungs pa yin no/ /der gnas nas kyang dran pa nye bar gzhag pa bzhi ni rang gi pha'i spyod yul dang/ yul yin no snyam nas cho ga dang spyod yul de dag phun sum tshogs pa dang ldan ba ni chog dang spyod yul phun sum tshogs pa yin no/ /mi dge ba'i sems bskyed pa tsam la yang 'jigs par lta zhing spongs pa zhes bya ba ni 'di dag phra rab tsam la sbrang bar bya ba phra mo tsam de dag kyang spang bar 'os pa yin zhing dam pa rnams kyis smad pa'i nyes byas phra mo tsam de yang yang dag par sdom pa'am/ mi @11a @#/ /dge ba'i sems bskyed pa tsam la yang 'jigs par lta zhing 'jigs par lta ba'i ngang tshul can te/ las kyi rnam par smin pa la yid ches pa'i bya ba'i lung las/ sdig pa chung du'ang 'di dang ni/ /phrad mi 'gyur zhes bsam mi bya/ /zhes ji skad gsungs pa lta bu'o/ / lus kyi las kyi mtha' dang/ ngag gi las kyi mtha' yongs su dag pa zhes bya ba ni las rnam pa gsum po kha na ma tho ba med pa so sor thar pa'i sdom pa'i spong ba goms pa'i ngang tshul dang/ sbyor ba can gyi cho ga dang spyod yul phun sum tshogs pa dang ldan pa dang ldan pas lus dang ngag dang yid kyi las yongs su dag pa yin no/ /yid kyi las yongs su dag pa ni kha na ma tho ba phra rab tsam yang 'jigs par lta bas sdig pa mi dge ba dang/ log par spyod pa dang/ rtog pa ngan pa yid la mi byed pas yid kyi las yongs su dag par 'gyur ba yin no/ /'tsho ba yongs su dag pa zhes bya ba ni 'di la 'tsho ba rnam par dag pa ste/ log par 'tsho ba yongs su spangs pa yin pa'i phyir yongs su dag pa ste/ nyes pa des kun nas ma gos pa'o/ /'tsho ba zhes bya ba ni 'di la brten te kun du 'tsho bas 'tsho ba yin pa'am/ legs par gnas te 'tsho ba yin pas na 'tsho ba'o/ / log par 'tsho ba ni gso ba byed pa dang/ ltas la sogs shes pa dang/ zhi ba la sogs pa'i las kyi tshogs sngags kyi sbyor ba dang/ mtshan ma lta ba dang/ skar rtsis dang/ ltas mkhan dang/ tshul 'tshos la sogs pas 'tsho bar byed pa ni log par 'tsho ba yin te/ log par 'tsho ba'i 'grel ba las ji skad bshad pa lta bu'o/ /gzhan dag ni gang mi dge ba'i las kyis 'tsho ba'am/ bzo dang/ mngag gzhug dang/ me tog dang/ 'bras bu dang/ rtsa ba dang/ 'dab ma dang/ so shing la sogs pa ster ba'i rgyus 'tsho ba 'di ni logs par 'tsho ba yin no zhes bshad do/ /gzhan dag ni gang 'tsho ba'i don du nyon mongs pa dang bcas pa'i sems kyis sbyor bar byed cing des 'tsho bar rtogs pa gang yin pa 'di ni log par 'tsho ba zhes bya'o/ /gzhan yang rnyed pa'i don du nyo tshong byas nas 'tsho bar byed pa dang/ chos 'chad pas 'tsho @11b bar byed pa de yang log par 'tsho ba yin te/ de dag ni dug dang 'dra ba dang dri ma dang bcas pa dang 'dra bar de yongs su song zhing nyes pa des ma gos par kun du rgyu 'tsho ba gang yin pa de ni 'tsho ba yongs su dag pa yin no/ /de yang ji lta bur 'grub par 'gyur zhe na/ brjod par bya ste/ lus kyi rma dkri ba la sogs pa/ sdug bsngal bsal ba'i don du sten byed cing/ /rig pas rnyed la sems ni cho ga shes pa/ /'tsho ba min pa'i nyes pas gnod mi 'gyur/ /yang rigs pa ni bdag nyid snod du rang bar byas pa dang/ rnyed pa'i bsam bas ma bcom pa dang/ 'jig rten gyi chos rnams kyis ma gos pa dang/ gzhan dag la 'dud cing gcam gsag gis bsgrub pa ma yin pa dang/ bdag nyid kyi yon tan yang dag pa ma yin pa ston par byed pa dang/ yang dag pa'i yon tan yang sbed par byed pa dang/ ngo tsha shes pa dang/ khrel yod pa dang/ slong mos spyod pa'i 'tsho bas 'tsho bsgrub pa la spyod pa 'di ni rigs pa zhes bya'o/ /de bzhin du de ltar zhugs pa las ma rnyed du zin kyang ma rnyed pa de la bdag gi 'tsho ba ni gzhan la rag las pa yin pa dang/ gzhan la re ba mi skyed pa dang/ bdag la stod par mi byed pa dang/ bcom ldan 'das kyis kyang ma rnyed pa rjes su dran pa dang las bdag gir bya ba'i rjes su 'brang ba dang/ rnyed pa'i nyes dmigs mthong bas kyi ma'o rnyed pa'i sems las bdag ring du gyur pa ni legs so snyam te de la yid gdung bar mi byed do/ /dka' thub nags tshal gnas la rnyed bkur te/ /mdza' ba'i sgo nas dgra bo 'ongs pa yin/ /zla ba'i zer gyis padma ji bzhin du/ /legs pa rab 'joms brtul zhugs lhod par byed/ /yang gal te rigs pas bcas pas rab tu rnyad par gyur na cung zad rnyed pa des dga' zhing dregs par mi byed cing len pa na yang tshod shes pa yin te/ lhag ma yod pa tsam du len la dregs pa'i nyes par ltung bar mi byed cing chung du zhig byin pa la yang sbyin pa po la brnyas par mi byed la sbyin pa po yang byams pa'i sems nye bar 'jog ste/ re zhig sbyin bdag 'di'i sbyin pa las byung ba'i bsod nams bya ba'i dngos po rdzogs par bya ba dang/ 'di'i ser sna @12a @#/ /dang phrag dog gi dri ma bsrabs par byas par 'gyur ba dang/ 'di'i dge ba'i bya ba la spro bar khas blangs pa las nyams par mi 'gyur ba dang/ gang 'di la rjes su yi rang ba'am grogs byed pa de dag kyang dge ba la sbyor bar 'gyur ba dang/ gal te 'di dag gis bla na med pa yang dag par rdzogs pa'i byang chub tu bsngos na 'jig rten la phan par zhugs pa dag gi grogs su 'gyur ro/ /'on te thar pa'i tshogs sam srid pa'i phun sum tshogs pa yongs su sngo bar byed na de lta na yang 'di'i grogs byas par gyur bas phan btags pa yin no snyam du rnam par ma bsams nas yongs su len par byed do/ /yongs su blangs nas kyang sbyin pa pos ji ltar yongs su bsngos pa bzhin du yongs su longs spyod par byed kyi gsog 'jog tu mi byed cing brlag par yang mi byed do/ /snod ma yin pa la yang sbyin par mi byed do/ /de ltar yongs su tshol ba dang/ len par byed pa dang/ yongs su longs spyod pas kun nas yongs su dag par byed pa ni 'tsho ba yongs su dag pa yin no/ /'tsho ba sgrub pa yongs su tshol ba dang/ len pa dang de ni phan pa la sbyor ba dang/ rigs pas 'jug pa dag pas mdzes pa ni/ dam pas 'tsho ba yongs su dag par bshad/ sdom pa yang dag par blangs pa'i bslab pa'i gzhi la slob pa zhes bya ba ni yang dag par slangs nas slob pa'i tshul khrims kyi bslab pa'i gnas la gnas pa yin la/ de yang de bzhin gshegs pa'i bka' la gus pas bslab pa'i gzhi don yod pa nyid yang dag par rjes su mthong ba dang/ thams cad du phan yon rnam pa bcu las dam pa'i chos kyi phun sum tshogs pa bcu bcu zhing phan yon re re la yang dag par brtags te bslab pa 'dod pa nyid dam/ kha na ma tho ba la 'jigs pa ni ltung ba lci ba dang/ yang bar rtog par mi byed cing sbom po dang/ phra ba rnams sdom par byed pa dang/ bslab pa la gus pa 'am de la bde bar dU shes pas yang dag par blangs pa'i bslab pa'i gzhi la slob pa yin no/ /gang zhig bde gshegs bstan pa la/ /bslab gzhi bcas par gyur pa ni/ /'di dag bsngams la sdug bsngal la/ /'di dag ldog las bde ba skye/ /so sor thar pa'i sdom pas legs @12b bsdams shing/ /rang gi chog spyod yul phun sum tshogs/ /kha na ma tho chung la'ang nyes chen lta/ /lus ngag yid kyi sbyor ba rnam par dag /ma smad 'tsho ba 'tsho ba rnam dag yin/ /bslab pa'i gzhi la sogs pas slob par dga'/ /bslab pa'i gnas su gyur pa gang cung zad/ /mi mthun de de gsal bar rnam par spong/ /mdo las tshul khrims kyi gags su gyur pa ni mi dge ba'i bshes gnyen yin par gsungs la/ de ni phung khrol thams cad kyi 'byung gnas yin te/ 'di ltar dad pa med pa dang/ ngo tsha med pa dang/ khrel med pa dang/ le lo dang/ shes rab 'chal pa nyid dang/ dbang po'i sgo ma bsdams pa nyid dang/ lto 'gengs pa nyid dang/ zas kyi tshod mi shes pa nyid dang/ nam gyi cha stod dang/ nam gyi cha smad la mi nyal ba la mngon par mi brtson pa dang/ sngon nyams su myong ba'i dgong pa dang/ smra ba dang/ dga' zhing rtse ba rjes su dran pa dang; dge ba'i chos mngon par mi brtson ba dang/ dge slong rgan rabs rnams la ma gus shing brtse bar mi sems pa dang/ tshul bzhin ma yin pa'i yid la byed pa dang/ tshig ngan par smra ba dang/ bzod pa med pa dang/ las dang smra dang 'du 'dzin la mngon bar dga' ba dang; khyim pa'i skye bo dang 'dre ba dang/ bud med la yang dang yang du lta ba dang/ khro ba dang khon du 'dzin pa la sogs pa'i nyon mongs pa rnams kyang tshul khrims kyi gags su gyur pa yin te/ tshul khrims kyi gags su gyur pa la gnas pa ni tshul khrims yongs su ma rdzogs pa rtogs par mi 'gyur ba'am yongs su nyams pa 'gyur/ /de bas na tshul khrims yongs su bsrung bar bya ba'i phyir de'i gnyen po'i phyogs su gyur pa dge ba'i bshes gnyen la sogs pa la brten par bya'o/ /tshul khrims rgyu ni dbang po sdom pa yin par bshad/ /phun sum tshogs des tshul khrims dri med dang ldan 'gyur/ /de bas thos pa'i rang bzhin lta la nges dmigs te/ /rang gi dbang po'i yul la 'phyan las bsrung bar bya/ /de bas na de bsrung bar bya ste/ sdig pa'i rgyur gyur pa nyid dang/ de la mtshan mar 'dzin pa dang/ de'i tshul dran pa dang/ @13a @#/ /de'i rnam pa yid la byed pa dang/ rjes su rtog pa spang ba dang/ yul gyi nyes dmigs mthong ba dang/ nyes dmigs mthong ba nas kyang de la lus kyis rgyad bsrings la sdug ba yid la byed pa spang bar bya zhing yul la chags pa'i gzhi shing dang 'bag la reg pa snyam ba dang/ gzan lta bur gyur pa'i 'tsho ba rkyen rnams zil gyis mnan la shin tu zhen pa las bzlog pa tshul bzhin yid la byed pa spong ba dang/ 'jig rten sna tshogs la mngon par ma chags par bya'o/ /cho ga gang gis bya zhe na/ gnyen por gyur pa la yang dag par brten pas spang bar bya zhing/ sems kun nas dran pa dang ldan bas phyogs kun du rnam par lta zhing gzugs la sogs pa la rnam par 'jug pa na de ltar sdig pa mi dge ba'i chos kyis dge ba'i sems gtugs nas gnas par 'gyur ro zhes dran pa brtan pos yang dag par srung bar byed pa yin no/ / ba ltar nag po'i phyogs la mngon par zhen pa'i sems yang dag par tshar gcad pa dang/ gzugs sdug pa dang bde ba la tsher ma lta bur lta ba dang/ yul rang bzhin shes par bya ba dang/ 'dod pa'i nyes dmigs tshol ba dang/ nges par 'byung ba la lhag par mos pa dang/ ting nge 'dzin gyi rgyu mtshan la sems dga' ba dang/ ting nge 'dzin gyi rgyu mtshan la sems gtong ba dang/ dge ba'i chos la 'grus par bya ba dang/ rgyun tu bya bas mngon bar brtson bar bya ba dang/ dbang po yongs su ma bsdams pa'i gang zag rnams yongs su spang ba dang/ dbang po bsdams pa'i gang zag rnams la brten pa dang/ sdom pa ma yin pa la 'jigs par lta bas spang bar bya'o/ /lcags kyi thur ma rab tu 'bar ba yis/ /mig la byug par gyur pa ches bla yi/ /rang gi ngan 'gro'i lam ni stsol byed pa/ /gzugs la chags dang sdang bas lta mi bya/ /lcags khu 'bar bas rna ba bkang bla yi/ /bag med chags dang dregs pa 'phel byed pa/ rngon pa'i khong glu dag pas lhag pa'i sgra/ /nyan pa bdag la phan pas thos mi rung/ /sna la bltas te spu gri rnon por ni/ /bdar ba gtsangs pa'i nad ni brang bla yi/ /bdag nyid sdug bsngal sna tshogs @13b 'phel byed pa'i/ /dri chags dgra ba rnam par 'phel mi rung/ /me lce 'bar ba'i mtshon ni rnon po yis/ /lce ni mngon du gcad par gyur bla yi/ /skye ba'i sdug bsngal lam ni skyed byed pa/ /ro la chags pa'i sdig byed de lta min/ /mkhas pas rang lus dgra sta rnon po yis/ / rnam par gtubs pas 'jig par gyur bla yi/ /reg pa sna tshogs sred pas gdungs gyur pas/ /yun rings dmyal bar skye bar 'gyur mi rung/ /gang phyir ci dga' spyod las yid ma bsrungs/ /sdug bsngal mtha' yas bskyed pa'i sdig pa sogs/ /dbang po lhag ma sdom pa'ang yod ma yin/ /de phyir mkhas pas de nyid bsrung ba'i rigs/ /mkhas pas 'dod chags nyes la mi sdug bsten/ /sdang la byams dang rtse goms yon tan gyis/ /rmongs la mi rtag 'du shes 'chi ba ni/ /rjes su dran dang bag yod bsten pas bsrungs/ /de ltar sdom pa ma yin pa las 'jigs pa mthong nas dbang po bsdam pa'i phyir 'bad pa dang bcas par gyur pa dang/ sred pa skye ba'i dngos po yin pas yongs su longs spyod pa'i rkyen la bag yod pa nyid du bya'o/ /gzhan gyi kha zas dang rnyong[?] dang shing gi gzugs brnyan dang mchil pa ltar 'tsho ba'i rkyen gyi yo byad rnams ni 'jigs pa bskyed pa yin no/ /de bas na so sor brtags pa'i stobs kyis tshul bzhin du yongs su brtags te longs spyad par bya zhing 'dod chags dang zhe sdang dang gti mug gis kun nas ldang ba dang bral zhing lhag par zhen pa dang/ mdud pa med pa dang/ lhag par ma chags pa dang; nyes dmigs mthong ba dang/ nges par 'byung ba'i shes rab dang ldan zhing rtse ba'i don du ma yin/ rgyags pa'i don du ma yin/ cha rgyan pa'i don du ma yin/ kha dog sdug par bya ba'i don du ma yin/ brgyan par bya ba'i phyir ma yin gyi/ gzhan du na dgos pa'i dbang gis der re zhig gos la longs spyod pa ni/ sbrang bu dang/ sha sbrang dang/ tsha ba dang/ grang ba dang/ sdig sbrul gyi reg pa las bsrung bar bya ba'i phyir/ ngo tsha bas gsang ba dgab pa'i phyir ma yin/ rab tu byung ba'i cha lugs dang rjes su mthun par bsod snyoms la yongs su @14a @#/ /longs spyod par bya'o/ /ji srid du lus 'di gnas shing 'tsho bar bya ba'i phyir srog bsrung ba shing rta'i mig bsku ba dang 'dra bar shin tu ma chags par rma 'i tshor ba bsal ba'i don du bsku ba dang 'dra bar bru ba tsha ba zhi bar bya ba'i don du rjes su chags pa med par srog bsrung ba'i phyir dang/ tshangs par spyod pa la yun ring du gnas par bya ba'i phyir dgon pa las thar pa'i don du bu'i sha za ba dang 'dra bar zhen pa med pas de ltar tshor ba rnying pa so sor gzhom par bya ba dang/ tshor ba gsar pa mi bskyed par bya'o zhes zas la tshod rig pa nyid du sman dang 'dra bar tshad yod par byas la lus 'di kha zas chad tsam bstan pas yun ring du gnas par bya ba'i phyir dang/ 'di nyid nad yin pas kha na ma tho ba med pa dang/ rnal 'byor la rjes su mthun pa dang/ lus bde blag tu rjes su gnas pa dang/ sred pa'i zhags pas ma bcings pa'i bde ba la reg par gnas par bya zhing tshod zin par zos pas mi dga' ba dang/ skom pa dang/ glal ba dang/ zas kyis lus lci ba dang/ gnyid dang rmugs pa kun du mi spyod pa yin zhing spyod lam la legs par gnas pa dang/ rnal 'byor la phan pa nyid kyis bde ba la reg par gnas par bya ba'i don du yin gyi rnam par rtog pa'i phyir ma yin/ rgyags pa'i phyir ma yin/ brgyan pa'i phyir ma yin zhes spang bar bya ba la so sor rtog cing 'di lta ste/ lus 'di gnas par bya ba dang/ 'tsho bar bya ba dang/ bkris pa bsal bar bya ba dang/ tshangs par spyod pa la phan par bya ba'i phyir yin no zhes bya ba la so sor rtog cing tshor ba rnying pa rnams spang bar bya ba dang/ gsar pa rnams mi skyed pa'i phyir ro snyam du sems shing de ltar tshad tsam za ba so sor rtog cing kha na ma tho ba med par 'tsho bas 'tsho ba dang/ bde ba la reg par gnas pa yin no zhes tshad tsam za ba la so sor brtag par bya'o/ /spang bar bya ba la so sor brtag cing 'dod pa'i bde ba la ma zhen pas de la rten par mi byed kyi bkres pa bsal bar bya ba dang/ tshor ba rnyed pa rnams spang bar bya ba'i phyir 'jug pa dang/ gsar pa rnams mi @14b skye bar bya ba'i phyir bdag nyid dang zhing dub ba la mi rten pa yin la tshig lhag ma rnams kyis ni go 'phang bar ma dang/ rjes su mthun pa yin no/ /de ltar na mal stan la yang tshul bzhin yid la byed bas so sor brtags te yongs su longs spyad par bya ste/ 'di ltar mal stan rnams la yang tshul bzhin ma yin pa'i yid kyis so sor brtags la yongs su longs spyad par bya ste/ ci nas 'di ltar sbrang bu dang/ rlung dang/ tsha ba dang/ sdig sbrul dang/ char dang/ ba mo'i reg pa bsal bar bya ba'i phyir mngon du gnod pa phyung ba bsal bar bya ba'i phyir dang/ nang du yang dag 'jog dang/ rjes su mthun par bya ba dang/ sgra la sogs pa'i g.yeng ba chung bar bya ba'i phyir longs spyad par bya'o/ /nad kyi rkyen sman ni ji srid gnod pa skyed par byed pa'i tshor ba rnams bsal bar bya ba'i phyir dang/ bde ba dam pa thob par bya ba'i phyir lus nyes dmigs mang po dang ldan par yid la bya ste spyad par bya'o/ /de ltar srog bsgrub pa la dgos pa dag /so sor rtog pa'i stobs kyis 'jug pa na ci nas nyes pa sngon du mi 'byung zhing/ 'di'i tshul khrims yongs su dag par 'gyur/ /yang so sor rtog pa'i dus gang zhig yin zhe na/ brjod par bya ste/ bsod snyoms dang nad kyi rkyen sman len pa'i dus nyid na 'am/ khams dang po dang/ chos gos dang/ mal stan dang por rnyed pa'i dus su'o/ /gzhan dag ni longs spyod pa yongs su longs spyod pa'i dus su bya'o zhes zer ro/ /kha cig na re nyin re zhing dus gcig gi tshe na bya'o zhes 'dod do/ /la la ni nyin re zhing dus gcig gi tshe bdag nyid ni rkyen gyis 'tsho'o zhes so sor rtog pan thams cad so sor brtags par gyur pa yin no zhes zer ro/ /yo byad bzhi po de dag kyang gang zag gi dbye bas longs spyod rnam pa ltar gyur te/ tshul khrims 'chal ba rnams kyi ni rku bas longs spyod pa'o/ /tshul khrims dang ldan pa yin zhing yid la byed pa la mngon bar mi brtson pa rnams kyi ni ngo tsha ba med par longs spyod pa'o/ /tshul khrims dang ldan zhing lhag pa'i sems la mngon par brtson pa rnams kyi ni rjes su gnang ba la longs @15a @#/ /spyod pa'o/ /slob ma rnams kyi ni skal ba la longs spyod pa'o/ /dgra bcom pa rnams kyi ni dbang phyug la longs spyod pa yin no/ /de la 'tsho ba rnam par dag pa ni so sor thar pa'i sdom ba'i 'khor yin te/ nyon mongs pas 'tsho ba'i thabs kyi rtsol ba las ldog pa ni lus dang ngag gi sdom pa sla ba yin no/ /dbang po sdom pa ni gnyi ga'i yin te/ sems bsrungs nas lus dang ngag gi las bsrungs pa nyid du 'gyur ro/ /kha nam tho ba'i yo byad ni dbang po sdom pa'i 'khor yin te/ nyon mongs pa'i dngos po'i rkyen rnams la rig pas tshad tsam du so sor brtags te rjes su skyong ba yin pa'i phyir ro/ /so sor thar pa'i sdom pa yang dad pa'i stobs te yongs su rdzogs par bya ste/ de ni de dang bral bar gyur na bsams bzhin du bslab pa las 'da' bas nyon mongs par 'gyur ro/ /de yang mdo las dge slong dag ji tsam du dge ba'i chos rnams la dad pa nye bar gyur pa de srid so sor thar pa'i sdom pa dang/ 'tsho ba yongs su dag pa dang/ brtson pa'i stobs la ston par 'gyur ba yin no zhes ji skad gsungs pa lta bu'o/ /de yang le lo can dang mi mthun pa tshol ba la zhugs pas nyon mongs par 'gyur ro/ /dbang po sdom pa'i ni khrel yod pa dang/ dran pa'i stobs la gnas pas yongs su rdzogs par bya'o/ /de yang de dang bral na skye mched gang yang rung ba'i nyon mongs pas dri ma can du 'gyur ro/ /rkyen gyi yo byad longs spyod pa yang shes rab kyi stobs la gnas pas yongs su rdzogs par 'gyur te/ de yang yang dag par so sor rtog pa la zhugs pa rnams kyi ni rnam par byang bar 'gyur ba yin no/ /de bas blo ldan bslab pa'i stobs gnas pa/ /tshul khrims rnam par dag pa nyid du 'gyur/ /de rnams dag pas yid kyi sdug bsngal ni/ /zhi bar byed pa'i ting 'dzin ma lus 'dren/ /tshul khrims 'chal las nyes mang 'byung 'gyur bar/ /yang dag bsams la tshul khrims ma brten par/ /gnas pa'i cho ga la ni 'bad bya ste/ /tshul khrims las byung yon tan mang po mthong/ /de la tshul khrims 'chal ba la ni 'gyod pa'i me rnam par @15b 'bar par 'gyur la/ 'gyod pa ni tshul bzhin ma yin pa'i yid la byed pa dang mya ngan dang zhum pa'i dri mas sbags pa'i 'byung gnas yin zhing/ ngan 'gro'i las gnyis med pa yin pa dang/ sman par bya ba'i dngos po dang/ grags pa ma yin ba'i skye gnas dang/ 'tshe ba rnams kyi gzhi dang/ legs par spyod pa rnams kyi sgrib pa dang/ skye bo ngan pa dang 'dres pa'i 'obs dang/ yon tan brjed pa dang/ sems sun 'byin par byed pa dang/ yon tan gyi phyogs 'dzin pa'i de'i bla ma dang/ slob ma dang/ grogs rnams kyi ngo tsha ba'i gzhi dang/ sdug bsngal brgya stong dpag tu med pa'i gzhir gyur pa dang/ de yongs su 'dzin pa'i gang zag chos kyi mdangs nyams par byed pa dang/ so ma btang ba'i chu snod ltar yon tan rin po che'i snod ma yin par 'gyur ba yin no/ /nyes pa rnams kyi snod du 'gyur ba dang/ phongs pa rnams kyi dben nyid dang/ dam pa ma yin pa'i phyogs su gyur pa dang/ dam pa rnams kyis bgrod par bya ba ma yin pa dang/ sdig pa'i dri ma can gyi las byed pa rnams dang/ skal ba mnyam ba dang/ yongs su dag pa'i las can gyi skyes bu dam pa dang/ skal ba mi 'dra ba yin/ khyad par rtogs pa yin/ skal ba med pa yin/ dge sbyong gi 'bras bu thob pa'i re ba med pa yin te/ lus dang ngag dang yid kyi las kha na ma thob dang bcas pa yin pa'i phyir ro/ /gos nag nog can dang 'dra bar mdog mi sdug pa yin te/ de nyes par spyad pa'i rjes su byed pa la brten ba rnams yun ring por sdug bsngal ba thob par 'gyur ba'i phyir sdug bsngal nyams su myong bar byed pa yin no/ /sbyin gnas rnams las 'bras bu chung dun du byed pa nyid kyis rin thang chung ba yin no/ /mi gtsang bar byed pa'i chos dang ldan pas na dur khrod kyi gnas ltar mi gtsang ba yin; snyan pa ma yin pa'i dris kun tu khyab pas na de dang 'dra ba yin/ tshul khrims dang ldan pa rnams kyis spang bar bya ba yin pas na de dang 'dra bar spang bar bya ba yin/ gang zag skal ba mnyam pa rnams dang gcig tu gnas par rung bas na de dang 'dra bar skyes bu sbrul lta bu @16a @#/ /yin/ tshangs pa mtshungs par spyod pa mkhas pa rnams kyis chos nyid blta bar bya ba ma yin pa'i phyir dur khrod kyi gnas ltar skye ba'i tshogs chen pos cho nges 'debs par bya ba yin/ dud 'gro 'dra bar mnog chung zhing nag nog dang bcas pa'i bud med dang/ reg pas me'i phung por ring por mi thogs par 'jug pa'i rgyur gyur cing gnas mal 'bar ba la gnas shing 'khyud pa dang/ yi dags kyi sdug bsngal du 'jug par 'gyur ba yin/ /skra'i thag pas byin par bsrung zhing mdung thung 'bar ba snying gar drag tu yang dag yang du bsnun pas sdug bsdul tsha zhing rno ba yin/ rigs kyi bu dang rigs kyi bu mo'i skye bo'i dmod pa nye bar gnas pas nyin re zhing nye bar gtses pa yin/ lcags kyi leb ma 'bar bas bsreg pas shin tu sdug bsngal ba'i chos gos gyon pa nyid yin/ lcags kyi thu lum shin tu 'bar pa'i zas za bas shin tu tsha bar rnam par smin pa'i bsod nams la spyod pa yin/ lcags kyi bum pa shin tu 'bar ba'i nang du gnas pa'i sdug bsngal mi bzad par rnam par smin pa'i mal snyan la yongs su longs spyod pas nyin re zhing rnam par bcom pa yin pas skyes bu dam pa rnams kyis mchog tu snying rje bar bya ba'i dngos por gyur ba yin/ ro bsregs pa'i mgal dum ltar dgos pa med cing gnyi ga'i don las nyams pa yin/ skye bo dam pa 'dus pa'i nang du 'jigs pa dang bcas shing/ 'jig rten gyis yid brtan du mi rung ba yin/ rjes su brtan par mi nus pa yin/ lha rnams kyi yang yid du mi 'ong ba yin/ tshul khrims nyams pa'i gtam thos nas sdug bsngal bar 'gyur ba yin/ tshul khrims phun sum tshogs pa'i gtam thos nas rjes su 'gyod par gyur pa yin/ 'di thos pa dang spobs pa la sogs pa'i yon tan gzung bar 'os par mi 'gyur te/ dur khrod kyi me dang 'dra ba yin/ de rmongs bzhin 'che ba'i dus byed par 'gyur zhing shi ba'i 'og tu yang dmyal ba dang yi dags kyi skye ba len par 'gyur ba yin/ lo grangs brgya phrag mang po shin tu 'das pa na de las thar na yang de'i rnam par smin pa'i lhag ma lus pas 'di na tshe thung ba nyid yin/ longs spyod chung ba yin/ @16b 'gran zla dang bcas pa gnas pas zil gyis gnon pa yin/ skur ba mang ba yin/ yid du mi 'ong ba'i sgra thos par gyur pa yin/ mdza' bo dang nye dus phongs par 'gyur ba yin/ 'khor mi 'dum ba nyid yin/ tshig gzung bar mi 'os pa yin/ tshul khrims dang lta pas phongs pa'i rnam par smin pa sdug bsngal len pa yin no/ /tshul khrims 'chal pas bsod nams chung ngu sogs/ /rnam smin de yang mthar ni gtugs par 'gyur/ /rigs ni dma' par skye ba 'thob 'gyur zhing/ /de rtogs sdug bsngal mang po'ang nyams myong 'gyur/ /las ni ngan pas de ru 'phangs nas ni/ /dman pa'i rigs su gyur pa'i las de yis/ /tshul khrims ma bslabs dam pa min la 'jug /dmyal ba'i me ni mtha' med par ltung 'gyur/ /tshul khrims brtan par gnas pa bskyed par bya ba'i phyir de la sogs pa tshul khrims 'chal ba'i nyes pa yang dag par bsam par bya'o/ /tshul khrims gnas pa'i yon tan ni de las go bzlog pa yin par yongs su brtag par bya'o/ /tshul khrims yang dag bsrung bar gyur na ni/ /'gyod pa'i me ni zhi bar 'gyur ba yin/ /dga' dang rab gus sad par byed pa'i rgyus/ /lus dang ngag gi dge ba skyed par byed/ /thar pa'i grong du 'jug pa'i lam nyid dang/ /mi dang lha dbang grub lam gnyis pa med/ /grags dang snyan dang bde ba skyed pa'i rgyus/ /tshe dang smad pas tshugs pa med pa yin/ /bla ma slob ma mdza' bshes ngo mi 'gyur/ /ma smad bde ba'i sgor ni gyur pa yin; /skye bo dam pa dang 'dre 'dren par byed/ /yon tan skyed pa'i cho gar gyur pa yin/ /'di dang ldan na mkhas pa'i yon tan ni/ /chen po rnams kyi snod du gyur pa yin/ /tshul khrims 'chal ba'i phongs pa ci yod pa/ /nyes pa de dang de ni rnam par spong/ /dam pa'i chos kyis bgrang bar 'gyur ba dang/ /yon tan la dga' bar yang go bar byed/ /khyad par rtogs pa'i skal bar ldan pa dang/ /bdag nyid yon tan dag gis bsngags 'os 'gyur/ /skye bo dam pa rnams dang skal mnyam gyi/ /rang gi yon tan rgya chen dman dang na/ / @17a @#/ /tshul khrims 'chal ba'i nyes pas mi gos shing/ /de las byung ba'i sdug bsngal thob mi 'gyur/ /mi yi bdag po sum cu rtsa gsum bdag /gal te 'dod na srid pa zad pa nyid/ /tshul khrims rnam dag des ni thob 'gyur la/ /smon lam grub pa'i rtsa ba 'ang tshul khrims yin/ /de ltar tshul khrims dang ldan pa dang/ tshul khrims 'chal ba 'di'i yon tan dang skyon yang dag pa bltas la/ tshul khrims 'chal pa las/ sems shin tu 'khums shing de la 'jug par mi 'gyur gyi/ tshul khrims la yang sems kyi spro ba 'phel ba dang/ dga' zhing mang du gces par byed de de la dga' zhing gces par sems pa mngon par 'phel zhing gus pas srung bar byed do/ /yid bzhin nor ltar bsam pa'i dbang gis don ster cing/ /rigs pa lta bur mngon par 'dod pa'i rdzas sgrub byed/ /dbul pos lha las bum pa bzang po rnyed 'dra zhing/ /bsngags 'os rang lus mi gcig lta bur bsrung bya yin/ /nus shing phan la rjes brtson mthun pa'i grogs 'dra zhing/ /shes ldan yon tan la dga' sdug pa'i bu gcig mtshungs/ /khyim du gter ni rgya chen byung ba dang mtshungs shing/ nad dang rga pa'i sdug bsngal dang bral srog dang mtshungs/ /grong khyer mi dbang lta bur yon tan phun sum tshogs/ /nang gshin 'bru ni phun sum tshogs pa'i zhing sa 'dra/ /nad rnams ma lus sel ba'i sman gyi mchog 'dra ste/ /tshul khrims de las lhag pa'i gus pas de bsrung bya/ /legs pa'i lam bstan pa las tshul khrims rnams par dag pa zhes bya ba phun sum tshogs pa dang po'o// //de ltar rnal 'byor spyod pa 'dis tshul khrims yongs su dag pas ting nge 'dzin phun sum tshogs pa'i yan lag gi gtso bo sbyangs pa'i yon yang dag par blang bar bya ste/ rnal 'byor spyod pas sbyangs pa'i yon tan yang dag par blangs pas ni 'dod pa chung ba nyid dang/ /chog shes pa nyid dang/ rab tu dben pa nyid dang/ nyon mongs pa spong ba dang/ brtson 'grus rtsom pa dang/ gso sla ba dang/ dgang sla ba dang/ bde ba la reg par gnas pa la gnas par 'gyur ro/ / @17b bya ba nyung bas ni tshul khrims bsrun gbar 'gyur ba ni ting nge 'dzin 'grub pa'i tshogs yin zhing sdon gyi 'phags pa'i rigs kyi lus su mthun pa dang/ rab tu dad par byed pa yin no/ /de las sbyangs pa'i yon tan bcu gnyis ni 'di dag yin te/ dgon pa pa nyid dang/ phyag dar khrod pa nyid dang/ bsod snyoms pa nyid dang/ stan gcig pa nyid dang/ cog pu ba nyid dang/ zas phyis mi len pa nyid dang/ chos gos gsum pa pa nyid dang/ phying pa ba nyid dang/ gzhi ji bzhin pa nyid dang/ dur khrod pa nyid dang/ shing drung pa nyid dang/ bla gab med pa nyid dang ngo/ /de la dam bca' ba dang rjes su mthun par 'di dgon par gnas pa yin bas na dgon pa pa'o/ /de'i dngos po nyid ni dgon pa pa nyid do/ /dam bca' ba yang de nas brtsams te grong gi mthar gnas pa spang bar bgyi zhing dgon par gnas par bgyi'o zhes bya'o/ /sbyangs pa'i yon tan lhag ma rnams la rim pa bzhin nyid kyis de'i mi mthun pa'i phyogs spong ba'o/ /de la dgon pa pa nyid kyi yon tan ni 'di yin te/ /dgon par gnas la mngon dga' ting nge 'dzin/ /thob pa'am yongs su bsrung bar nus pa yin/ /grong nang gnas rnams g.yeng ba'i nyes pa yis/ /sems ni rnam bcom nyer zhi thob mi 'gyur/ /de ru gnas pa nyid la phyag dar khrod/ /spyod pa lhag ma sbyangs pas rnam mdzes te/ /g.yul du mda' skyob phub bcas go bgos shing/ /mtshon cha phun tshogs ldan pas 'thab dang mtshungs/ /dgon par gnyid log gyur kyang dben par ni/ /gnas pas bde gshegs thugs mnyes byed nyid yin/ /grong gnas shin tu mnyam par gzhag gyur kyang/ /der ni ring 'dzin bde bar bsrung mi 'gyur/ /mdza' dang phrad dang rang gi srog dang ni/ /sdug pa'i lus la 'ang ltos pa med par ni/ /bas mtha' dgon par gan te brtson 'grus rtsom/ /yon tan khyad par gang zhig thob mi 'gyur/ /rol mo sna tshogs sgra dang glu yi sgra/ /g.yeng bar byed pa'i khyad par de dang de/ /dgon par med de gang phyir de yid 'ang/ /rnal 'byor la phan sbyor la spyod pa rnams ni de la brten par bya ba'i rigs so/ /de bzhin du phyag dar @18a @#/ /khrod pa nyid kyang de bzhin du dam bca' sngon du 'gro bas phyag dar khrod pa 'chang ba'i ngang tshul 'di la yod pas phyag dar khrod pa ste/ de'i ngo bo nyid ni phyag dar khrod pa nyid do/ /phyag dar khrod pa yang yul dang ngur khrod dang/ de'i gnyen 'khor dang/ bar dag gi khrod na ngogs ltar gnas pa de las mnyam pa dang/ mtho ba nyid yin pa'i phyir phyag dar khrod pa yin pa'am/ phyag dar 'jig rten pa rnams smod pa yon pas na phyag dar khrod yin la/ dam bcas pa'i cho gas khyim pas byin pa'i gos spangs pa phyag dar khrod bsags shing rab tu zhi zhing chog shes pa'i dpal dang ldan pa ni phyag dar khrod pa'o/ /de yang/ dgon par gnas shing chog shes sems kyis ni/ /gos ni dman las rab dman gyon byed la/ /'di la ltos pa drag pa mi 'byung zhing/ /'jigs dang 'khrugs pas rmongs par 'gyur ma yin/ /gzhan la chog shes yon tan go byed cing/ /yid kyang shin tu dang ba kho nar byed/ /sems ni gya nom sred las zlog byed la/ de thob phyir na sdug bsngal skyed mi byed/ /brlag na'ang rjes su gdung bar 'gyur min te/ /phyag dar khrod ni rnyed par dka' ma yin/ /gos phyir khyim pa dang ni 'dris pa yis/ /rang gi chos kyi las las nyams mi 'gyur/ /de ni rkun ma dag gis dogs mi skyed/ /bsrung ba'i 'bad pas de la bcom mi 'gyur/ /'di las phyogs kyi gnod pa'ang skye mi 'gyur/ /de ni log par 'tsho bas nyams mi 'gyur/ /sbyangs pa 'di ni sngon chad byung ba yi/ /thub pa rnams kyang rjes su 'jug pa yin/ / bdud kyi stobs las rgyal bar brtson pa la/ /dpa' bo go bgos lta bur gyur pa yin/ /gser gyi 'od 'bar ngang pas mtshan cing dkar/ /mdangs ldan spangs na rgyal pas gang bcas pa/ /de phyir lha dang mi yis phyag byas pa'i/ /phyag dar khrod la dam bca' su mi byed/ /dman pa gyon zhing zla 'dra'i mdangs ldan pa/ /yid du 'ong zhing mdzes pa'i gos dag kyang/ /gang zhig phyag dar khrod ni 'chang byed ltar/ /zhi ba'i phun tshogs de ni skyod mi byed/ /dgra bcom stong phrag mang pos 'chad byed pa/ /rnyed bla 'di ni kha na ma tho med/ /nyer zhi dpal ldan bsngags @18b 'os rnams kyis brten/ /phyag dar khrod la dga' bar su mi byed/ /rab tu byung nas gang zhig la gnas pa/ /ji skad smras bzhin byed pa de nyid mdzes/ /'dis ni gang zhig dam bcas byas gyur pa/ /de ni de bzhin 'dzin pas sdug pa yin/ /chog shes 'phel ba nor chen pa yi phyir/ / de yis chos ni phun sum tshogs par 'gyur/ /chog shes gtam gyis chog shes rab dgar 'gyur/ /dman las dman rnams gos kyis mgu ba yin/ /slob dpon gzhan dag ni rang bzhin gyi chos gos dang ldan ba la gnas nas phyag dar khrod pa nyid du dam bca' ba yin no zhes zer mod kyi; de ni khyim pa las blangs pa'i gos ma spangs pa'i phyir tshig tsam gyis dngos po sgrub par byed do/ /khyim pa las blangs pa'i gos lo mang zhig yongs su longs spyod cing 'jog pa de phyag dar khrod pa yin no zhes bya ba 'di yang mos pa tsam du zad do/ /de las bsod snyoms pa nyid ces bya ba ni dam bca' bas mgron du bos pa spangs te bsod snyoms la rgyu ba yin pas na bsod snyoms pa'o/ /bsod snyoms ni kham gyi zas slong ba zhes bya ba'i don yin te de rnyed pa zhes bya ba'i tha tshig go/ /bsod snyoms de yang dman pa dang/ bar ma dang/ mchog gi khyim du slong mo rgyu ba zhes bya ba'i don yin pa'am/ bsod snyoms kyi phyir rgyu ba'i brtul zhugs kyi ngang tshul 'di la yod pas na bsod snyoms pa'o/ /de'i dngos po nyid ni bsod snyoms pa nyid do/ /de yang dam bca' pa 'dis byed pa yin no/ /nga rgyal spong zhing brnyas pa bzod byed la/ /rang gi lus ni skyo ba bzod byed cing/ /mgron bos pa yi bsdams pa'i sdug bsngal ni/ /slong mos spyod la zhugs la yod ma yin/ /sbyin pa'i gter chen bde ba rgya che la/ /mi smra bzhin du skye bo 'dzud par byed/ /khyim nang 'jug pa'i nges pa'i bslab pa ni/ /de spyod pa yis dge slong shin tu mdzes; /dge slong tshul ni rang dbang gis 'tsho zhing/ /rang gi brtson pas thob la bde bar spyod/ /log 'tsho'i nyes pas zil gyis mi gnon zhing/ /'di yi phyogs 'di gang du 'ang dgag pa med/ /gang la gnas te rab tu byung gyur pa/ de ni de bzhin sgrub pas rnam par mdzes/ /zas @19a @#/ /kyi phyir ni sdug bsngal mi 'gyur zhing/ /dam pa rnams kyi tshul la rjes 'jug yin/ /nor dang nye du'i skye bo sdug dang khyim/ /kha zas ro zhim de dang de spangs nas/ /zas kyi sred pa las ni ldog gyur pa/ /mgu bas dge slong dngos po gsal byed yin/ /dam bca' ba'i dbang las stan gnyis pa la gnas pa'i kha zas spangs/ stan gcig la zas kyi rigs la spyod pa'i ngang tshul 'di la yod pas na stan gcig pa'o/ /kha cig ni de ni stan la 'dug pa'i mthar thug pa yin par 'dod la/ gzhan dag ni khrus byas pa'i mthar thug pa yin no zhes zer te/ gang zhig zos nas stan de las ma langs kyang lhung bzed khru ba'i chu blangs nas slang za bar mi byed pa dang/ kha zas so sor thob nas kham gyi tha ma zos nas yang slar mi za ba de ni zas kyi mtha' yin no zhes bshad do/ /de yang 'di ltar dam bca' ba goms par byed do/ /yang dang yang du za ba'i nyes pa yis/ /stan gcig rang gi bya ba spong mi byed/ /nad nyung gnod pa chung zhing lus srab 'gyur/ /rnal 'byor ldang ba yang bar 'dis 'gyur ro/ /cho ga bzhin gnas bde bar 'chag pa dang/ /thub dbang tshul gyis rjes su 'jug pa dang/ /chog shes gso sla'i yon tan rjes mthun zhing/ /zas kyi bde ba'i 'dam gyis gos mi 'gyur/ /'di yi sems ni ro la mi gdung zhing/ /bsam gtan rjes sbyor dag la dga' ba yin/ /de la dga' bas rab zhi bya dgos gcig /nyon mongs phyogs ni bde blag nyid du spong/ /dam bca' ba sngon du 'gro bas glos phab spangs te 'dug pa'i ngang tshul 'di la yod pas na cog pu pa'o/ /sems can dge ba la dam bca' ba'i yang dag par sgrub pa yin no/ /gnyid kyi mun pa stug pos mi non cing/ /sems ni mal stan bde ba'i dbang mi 'gro/ /'di yi lus su 'dzin pa srab pa dang/ /'di las mnyam par 'jog pa bder gnas 'gyur/ /le lo dngos po spong ba'i stobs skyed la/ /rang gi chos kyi las bsgrub la mi g.yel/ /yang ba'i rim gyis slar la brten pa na/ /ngal ba'i nyes pa shas cher nyams mi myong/ /skyil krung dang bcas lus ni drang por gnas/ /bsam gtan la @19b rtsol lus kyis gang 'dzin pa/ /dge slong 'chag gnas nyal ba'am 'dug pa yis/ /zhi ba'i dpal ni de 'dra 'dzin mi 'gyur/ /zas phyis mi len pa nyid ces bya ba ni phyis kha zas mi za ba'i ngang tshul can gang yin pa ni phyis mi len pa ste/ bca' ba sngon du 'gro bas lhag pa'i kha zas za ba las ldog cing de 'dor ba yin bas na zas phyis mi len pa'o/ /de'i dngos po nyid ni zas phyis mi len pa nyid do/ /phyis nas za ba spangs pa yin/ /dam bca' blangs par gyur pa yis/ /brkam chags med cing chog shes dang/ /dad pa'i tshul dang rjes mthun yin/ /slar yang kha zas tshol ba yi/ /ngal ba rnam par spangs nas ni/ /de tsam gyis cho ga ngo mtshar bcas/ /'dod mtshungs nyid ni yon tan dpal/ /spangs te za ba'i cho ga bral/ /ltos la gdung ba'i tshul spangs pa/ /de ni gso slar gyur pa ste/ /bde zhing lus yang 'gyur pa nyid/ /chos gos gsum pa yod pas chos gos gsum ste/ snam sbyar dang/ bla gos dang/ mthang gos dang/ bca' ba sngon du 'gro bas rtag pa spangs te chos gos gsum 'chang ba'i ngang tshul 'di la yod pas na chos gos gsum pa'o/ /de'i dngos po nyid ni chos gos gsum pa nyid do/ /chos gos gsum po tsam gyis ni/ /chog shes yang ba la 'jug cing/ /mang po la sred nyer bcas pas/ /gos sogs pa ni spangs pa yin/ /'dab chags lta bur blangs nas ni/ /gang du dga' bar 'gro bar byed/ /spang ba'i gnang ba dang bral zhing/ /de las dge slong nyon mongs med; /zhag bcu las 'das ltung ba ni/ /chos gos 'chang 'di la mi 'byung/ /gos brtag pa yi bya ba ni/ /'di la yod pa ma yin no/ /dam pa'i tshul 'jug la 'khur zhing/ /'dod chung yon tan rnams kyis brgyan/ /chos gos kyi ni bya ba yis/ /shin tu ngal bar 'gyur ma yin/ /dad pa dag pa 'di yis ni/ /ston pa lta bur mchod par byed/ /de bas 'di ni chos gos sogs/ /gus par rnam par 'phel bar 'gyur/ /phying pa nyid ces bya ba ni bal gyi rgyu la thags su ma btags pa la phying pa zhes 'jig rten na grags so/ /dam @20a @#/ /bca' ba sngon gyi 'gro bas phying ba 'chang ba'i ngang tshul 'di la yin pas na phying pa pa'o/ /de'i dngos po nyid ni phying pa pa nyid do/ /de yang/ dag par spangs pa'i yon tan ni/ /bal bsdus pa las byas pa'i gos/ /snal ma med pas chog shes pas/ /bzang po sred las byung ba yi/ /de tshol ba yis nyon mongs med/ /gos ni bzang po spangs ba yi/ /cha lugs 'chang bas 'bar zhing mdzes/ /dge slong rab zhi dga' ba ni/ /ston pa lta bur mdzes pa yin/ /dur khrod bla gab med pa dang/ /shing drung dag tu gnas pa na/ /de la brten pas char dang ni/ /tsha dang grang ba la sogs sel/ /'dis ni bzang po la chags pa'i/ /reg pa yis ni gnod mi 'gyur/ /bya ba mang nyung rang don dang/ /chog shes pa las nyams mi 'gyur/ /gzhi ji bzhin pa nyid ces bya ba ni dam bca' ba sngon du 'gro bas gzhi ji bzhin pa la gnas pa'i ngang tshul 'di la yod pas na gzhi ji bzhin pa'o/ /de yang gang du ji ltar rnyed pa'i mal stan gyis mgu bar gyur cing gsar bus yongs su bzung ba'i mal stan bzang po la chags pas des bslang ba yongs su spangs pa yin pa'i phyir ro/ /ji bzhin bting bas mgu ba'i phyir/ /sdom brtson shin tu mdzes pa yin/ /dge slong gsar bu mal stan na/ /bde la gnas pa rjes su bsrung/ /dman pa'i mal stan la 'dug kyang/ /bzang po la ni nye ba med/ /chags dang sdang ba'i phyogs kyi ni/ /gnod pa'i gzhi ru 'gyur ma yin/ /mal stan la ni chags pa yis/ /phan tshun du ni drangs pa yis/ /rang gi bya ba mi nyams shing/ /bral bar gyur kyang gnam mi g.yo/ /rtswa bting ba 'am sa la nyal ba na/ /ji bzhin gzhi las gyur pa'i bde ba ni/ /nor bu 'bar ba'i gzhal yas khang stengs na'ang/ /chog shes med pa'i sems la ji yod min/ /dur khrod pa nyid ces bya ba ni dam bca' ba sngon du 'gro bas dur khrod du gnas pa'i ngang tshul 'di la yod pas na dur khrod pa'o/ /de'i ngo bo nyid yin pas na dur khrod pa nyid do/ /de'i yon tan ni/ dur khrod du ni rgyun du 'chi dran pas/ /skyo 'gyur de las bag med 'gyur ma yin/ /mi gtsang sna @20b tshogs mtshan ma rnams mthong nas/ 'di yi 'dod pa'i 'dod chags 'phel mi 'gyur/ /'dir ni mi ma yin pa gus 'gyur zhing/ /'di yi srog la ltos pa chung 'gyur zhing/ /de la brten pas dregs pa spong 'gyur la/ /de bas de ni chos 'ga' mang dag 'thob/ /sems ni zhi la phyogs phyir rang srog dang/ bde dang lus la ltos pa med 'gyur la/ /sdig sbrul mi ma yin pa'i 'jigs pa las/ /der gnas pas kyang sdar bas skrag pa med/ /shing drung pa nyid ces bya ba ni dam bca' ba'i tshogs g.yogs pa'i gnas spangs la shing drung du gnas pa'i ngang tshul 'di la yod pas shing drung pa'o/ /de'i dngos po ni shing drung pa nyid do/ /der dam bcas pa'i yon tan ni/ gang zhig shing drung bzang po dag tu ni/ /mal stan dag gis sems mgu'i 'byor par ldan/ /phyogs rnams kun du thogs pa med par 'gro/ /de ni dam chos phun sum tshogs pa'i lam; /de ni chos kyang rnam par 'phel 'gyur zhing/ /bdud kyi stobs kyi dregs pa zlog par byed/ /de yi yid ni mnyam 'jog sgrub rgyu yi/ /bde ba dag las dge slong nyams mi 'gyur/ /rnyed par sla zhing yo byad nyung ba dang/ /'du 'dzi sdug bsngal sgrib pa dang mtshungs shing/ / rang gi gnas la yon tan rgya chen sten/ /dga' bas shing drung dag tu su mi gnas/ /lo 'dab gsar du byung bar gyur nas ni/ /mdog 'gyur bas bcom lo ma lhags pas shing/ /rang gi rtsa bar gnas pa'i sdom brtson la/ /mi rtag 'du shes ston pa lta bu yin/ /bla gab med pa nyid ces bya ba ni dam bca' ba'i tshogs g.yogs pa'i cho gas shing drung spangs pa'i gnas kun nas go skabs yod bla gab med pa la gnas pa'i ngang tshul 'di la yod pas na bla gab med pa pa'o/ /bla gab med pa'i ngo bo nyid ni bla gab pa nyid do/ /de yang dag par blangs pa'i yon tan ni; /mal stan tshol dang bsrung dang sbrug pa yis/ /yongs su nyal ba'i gzhir gyur ma yin zhing/ /bla gab med la sgrub par khas blangs la/ /'du 'dzi med pas shin tu mdzes pa yin/ /phyogs rnams kun du dgag pa med par ni/ /ri dags lta bur rang dgar @21a @#/ /'gro ba yin/ /chog shes yon tan mchog dang ldan 'gyur zhing/ /sems ni gnas khang 'du 'dzi las rnams grol/ /gnyid chung nyid dang yid la byed pa'i rjes mthun zhing/ /dam pa'i tshul la brten pas yon tan phyogs 'dzin cing/ lus kyi bde ba cung zad la chags rnam spong ba/ /yon tan de de bla gab med la gnas pas 'thob/ /skar tshogs rin chen 'od zer 'bar ba yis/ /nam mkha'i bla re nyi zla'i mar mer ldan/ /'jig rten du ma de snyed ri dang bcas/ /khang bzangs dang ldan gtsug lag khang chen yin/ /de dag la sogs pa'i yon tan gyi tshogs yang dag par 'byor bas na spyangs pa'i yon tan zhes bya ba dang/ nyes pa rnams sbyong bar byed pas na sbyangs pa'i yon tan zhes bya ba ste/ 'di lta ste/ glang po che chu 'thung ba la 'thung ba la zhes brjod pa'am/ zas za ba la za ba zhes smra ba dang 'dra bar tshig gong ma phyis te chog mi shes pa dang/ 'du 'dzi dang shas cher 'dre ba nyid dang/ le lo nyid dang/ gnyid dang/ 'du 'dzi'i nyes pa sbyong bar byed pa yin pas sbyangs pa zhes bya'o/ /dam bca' ba 'di dag ni nyes pa rnams kyi mi mthun ba'i phyogs yin bas sbyangs pa zhes bya la/ 'di dag ni dam bca' ba'i rten gyi bye brag tu phye ba yin no/ /de ni nyan thos mchog rnams kyis bsngags shing bzung ba yin te/ dgos pa byed pa'i mchog yin pas 'di dag yang dag par blang bar bya'o/ /de bzhin du 'di dag yongs su bzung ba'i sdig pa 'dod pa dang/ sems rnam par g.yeng ba dang/ dman pa dang/ kun du rmongs pa rnams kyi thun mong ma yin pa nyid yin pa'i phyir dang/ chog mi shes pa dang/ chags pa la sogs pa'i sdig pa so sor spong ba yin la/ thams cad kyi thun mong pa yin pa nyid dang/ mthar thug par bya ba nyid yin no/ /yang sangs rgyas dang/ chos dang/ dge 'dun la mchod pa dang 'dra bar/ 'dod pa'i 'dod chags dang gti mug med pa dag sbyong ba'i chos yin pa'i phyir dge ba yin no/ /de la dge slong dgon pas ma 'ongs pa'i 'jigs pa dran nas bag yod pa nyid dang/ brtson 'grus @21b brtul ba dang/ mchog tu bdag la phan bas gnas par bya'o/ /chos kyi dad dpon gyis dge slong sgra ngan las brtsams te bshad pa'i dgon pa pa'i tshul skyo bas ga yengs pa bsal bar bya ba'i phyir bsam bar bya zhing de bzhin du bslab par bya'o/ /bag med gnyid dang le lo'i rjes 'jug dang/ /khyim pa'i bde ba dran pas skyo bar 'gyur/ /log par brtson pas nags la mngon dga' dang/ /dga' zhing dgod sogs kyis ni dgon par g.yengs/ /sdig 'dod bsam pas dgon par gnas pa yin/ /dman zhing mi mkhas skyo ba nyid du 'gyur/ /rnam g.yengs bdag nyid shin tu g.yengs byed cing/ /sbyor ba bzang ldan nyes de'i skal can min/ /nyes la mngon dags kun du zhum 'gyur zhing/ /khyad par chung dus shin tu dag pas g.yengs/ /nyes la dgra bo lta bur yid rtsub cing/ /zhi la mngon brtson brtan pa rnams ni mdzes/ /de bzhin phyag dar khrod la sogs pa la skyes bu dam pa rnams kyi chos dang/ dam pa ma yin pa'i chos la yang dag par bsams nas/ sbyangs pa'i yon tan yang dag par blangs nas bdag la stod pa dang/ gzhan la smod pa dang/ dam pa ma yin pa'i lam gyi rjes su 'brang bar mi bya'o/ /'di dag ni gtso bo'i yo byad yin gyi dregs pa'i tshogs ma yin no/ /de rnams kyis bsgrubs pa'i rnyed pa dang/ bkur sti dang/ tshigs su bcad pa'i ro myang bar mi bya ste/ rnyed pa dang/ bskur sti dang/ tshigs su bcad pas lha sbyin rnam par ltung bar gyur pa yang dran par bya'o/ /dge slong phag dar khrod pas kyang phyag dar khrod 'chang ba dang/ rjes su mthun par rab tu zhi bar bya'o/ /'di las gzhan du na/ dge slong khengs shing mi brtan pa/ /phyag dar khrod ni gon gyur na/ /spre'u stag lpags gon mtshungs te/ /'di ni de yis mdzes ma yin/ /khengs pa med cing rang bzhin brtan/ /sdig med dbang po bsdams pa ni/ /phyag dar khrod kyis rnams mdzes te/ /ri sul gyi ni seng ger mtshungs/ /dad pa med pa'am dad pa chung ba rnams kyis 'di smad par 'gyur na yang/ gang smod par 'gyur ba 'di ni 'jig rten gyi chos yin pas dam bca' ba rjes su @22a @#/ /dor bar mi bya zhing 'di la bzod pa'i bsam pas zil gyis mnan par bya ba nyid yin no/ /bsod snyoms pa nyid kyis kyang grong khyer ram ljongs su bsod snyoms la zhugs pa na bslab pa yongs su dag pa dang/ dge ba yid la byed pas bdag nyid snod du byas pa bla ma'am/ de dang 'dra ba'i tshangs pa mtshungs pa rnams la dri ba byas nas gos gyon te/ ska rags bcings la shes bzhin dang ldan pas chos gos dang lhung bzed blangs la mdud pa bcings te/ mchil lham bgos nas dus la bab par grong du 'jug pa na yang nyi ma dang dus shes par byas la 'jug par bya'o; /'di lta ste slong mo spyod pas 'tsho ba 'di ni 'tsho ba'i tha chad yin zhing 'jig rten 'di ltar skra brags pa lag na thod pa thogs shing gos tha dad pa gyon nas gzhan gyi grong du slong mo rgyu bar gyur cig ces bya ba yin mod kyi/ de bzhin gshegs pa'i gdams ngag rjes su dran zhing lus kyi don du 'di ltar tshol ba la zhugs pa yin no zhes lus kyi nyes dmigs mthong ba dang/ grong khyer du 'jug pa'i bslab pa'i gzhi la rjes su slob bzhin pa dang/ chos gos dang sham thabs zlum por bgos pa dang/ mig gzhan du ma yengs pa dang/ lkugs pa ma yin bzhin du lkug pa lta bur byed cing bsdams pa lus shin tu bsngams par 'jug par bya'o/ /grong gi nang du zhugs shing rgyu ba dang/ rnyed pa dang/ ma rnyed pa dang/ bstod dang ma smad pa na dga' bar gyur pa med pa dang bsod snyoms ster ba rtsom pa'i bud med mtshan ma dang/ yan lag la rtog pa ltar spang zhing yongs su tshol ba med pa dang/ 'dod pa'i 'dod chags dang/ zhe sdang dang/ gti mug dang/ dregs pa skye ba'i dngos po rnams la dran pa brtan pas bsrung ba dang/ yongs su len pa'i tshod shes pa dang/ snyoms shing dus la rtog pa dang/ bag yod pas rgyu bar bya'o/ /'dris pa med cing mdza' bshes min khyim du/ /gyo mo'i snod thogs slong mo'i phyir rgyu la/ /mgo bregs brtsams pa'i gos ngan gyon pa la/ /bag med gyur na ngan pa rnams dang snyam/ /stan gcig pa dag gis kyang bza' ba dang/ bca' ba dang/ btung bar bya ba la longs spyod dam @22b bca' ba ni 'gal ba med na yang chog shes pa dang/ brkam chags med pa dang/ ro la zhen pa med pa dang/ rang gi bya ba las nyams par ma gyur pa las yang dag par bltas te stan gcig pa nyid la gnas nas longs spyod par rigs pa yin te/ /de tsam gyis 'tsho ba dang/ bde ba la reg bar gnas par 'gyur bar bya'o/ /cog bur 'dug ste gnyid log pa la 'jug par mchog tu gzhol bas 'gyel zhing mgo bo 'dud pa dang/ kha chu 'dzags pas nyal ba dang mtshungs par mi bya zhing/ /'di ni brtson 'grus rtsom pa'i phyir sgrub pa yin pas mal stan gyi bde ba spang bar bya'o/ /cog pu ma yin na yang sna sman btang ba'i don du dus nyung zad cig lus phab tu zin kyang dam bca' ba las nyams par mi 'gyur ro/ /zas phyis mi len pas kyang bstabs pa las lhag par longs spyad par mi bya zhing/ ma bstabs pa yang zos zin nas longs spyad par mi bya ste; brkam chags med pa dang/ chog shes pa'i rjes su mthun par bya'o/ /chos gos gsum pa bas kyang ci nas kyang yo byad bskyungs pas gnas par bya ste/ dbyar gyi ras chen la sogs pa yang dam bca' ba dang mi 'gal bar 'jug par bya'o/ /phying pa pas kyang phying pa'i rgyu las byas pa'i chos gos ma rnyed par gyur na bal las byas pa snal ma btags pa yang bcang bar bya ste/ de dang rjes su mthun pa ma yin pa'i phyir ro/ /gzhi ji bzhin pas kyang rkyen de lta bu byung na gzhan las rjes su gnang ngo/ /mnos la de'i mal stan la gnas par bya ste/ 'di lta bus de'i dam bcas pa nyams par mi 'gyur ro/ /dur khrod pas kyang bu ram til dang sbyar tshod dang sha'i tshod ma la longs spyad par mi bya zhing dge ba yid la byed pas gnas pa dang/ sangs rgyas dang chos dang dge 'dun mang du rjes su dran pa dang/ byams pa'i sems dang gal te smra na chos ston pas gnas par bya'o/ /gzhan dag na re dur khrod pas dur khrod du spyil po'am/ mal stan la sogs pa mi bya zhing dur khrod kyi gong gi cha 'am 'og gi char gnas par mi bya'o/ /glos phab ste nyal bar mi bya'o/ /nya dang sha dang 'o ma dang til dang/ bag zan dang/ ma sha'i @23a @#/ /sran chen bza' bar mi bya/ khyim du zhugs par mi bya/ lhung bzed gtang bar mi bya'o/ /skye bo'i 'dus pa chen po longs ba slar song nas gos kyi gnas dang stan blangs la ro sregs dang shin tu mi ring bar bor ba 'phangs pas nod pa tsam gyi gnas kyi nang du 'dug pa la nam langs nas gos dang stan blangs la 'gro bar bya'o zhes zer ro/ /shing drung pas kyang rnyings pa dang/ khang stong dang/ dbyar gyi dus ma gtogs pa gzhan du ljan ljin bcas pa'i shing gi rtsa ba spang bar bya'o/ /bla gab med pas kyang sbrang bu dang chu sbrang nyung ba/ sdig sprul dang/ srog chags gdug pa dang/ grog sbur me dang/ tsher ma dang bral ba'i gnas bstan par bya ba dpyar gnas pa'i dus su ni g.yogs pa'i gnas su 'dug par bya'o/ /dur khrod pas kyang gnas g.yogs pa yod na dbyar gnas kyi bar du 'dug pa la 'gal ba med la/ dbyar gyi gnas med na steng g.yogs yod par 'gro bar bya'o/ /de la dgon pa nyid kyang bar gyi nyes pas grong nang du dus cung zad cig 'dug na yang dam bca' ba mi gtor ba yin pa'i phyir nyams par mi 'gyur ro/ /de bzhin du chos nyan pa dang/ gso sbyong dang/ dgag dbye'i don dang/ kun la mngon par grags pa'i mdo sde 'dzin pa dang/ yongs su dag par bya ba'i phyir dang/ bsnyen par rdzogs par bya ba dang/ ltung ba las ldang ba dang/ ldang pa byed du gzhug pa dang/ nad gso ba dang/ nad g.yog bya ba la sogs pa'i rkyen gyis 'gro ba la nyes pa med do/ /de bzhin du shing drung pas kyang de dag lta bu'i bya ba'i gtsug lag khang du zhugs pa dang/ char 'bab pa na skya rengs shar bar gyur kyang shing drung ba nyid las nyams par mi 'gyur ro/ /shing drung pa dang/ bla gab med pa dang/ dur khrod pa'i nyes par 'byung ba yang dgon pa pa dang 'dra'o/ /phyag dar khrod pa nyid kyis kyang kha tshang bcad pa dang; mtha' ma bcad pa dang/ ba lang gis zos pa dang/ byi bas zos pa dang/ mes tshig pa dang/ bkra shis par bya ba'i phyir lam du 'dor ba dang/ dur khrod du gtogs pa dang/ smres te bor ba dang/ 'jug sogs kyi rgyal mtshan dang/ dge sbyong gis byin pa'i gos rnams gyon @23b pa la 'gal ba med do zhes kha cig 'dod de/ de rnams ni phyag dar khrod pa dang 'dra bar 'dod pa yin pa'i phyir ro/ /phyag dar khrod gnyug mtshol ba'i phyir zhugs pa la gal te khyim bdag gis sra zhing gsar pa'i dar la sogs pa byin pa na de blangs kyang phyag dar khrod las nyams par mi 'gyur ro zhes grag go/ /de bzhin du ched du bya ba'i kha zas dang/ tshul shing gis bab pa'i kha zas dang/ zla ba phyed pa dang/ gso sbyong pa dang/ dge 'dun gyi zas dang/ gtsug lag khang gi kha zas rnams ni mgron du bos pa ma yin pa'i phyir bsod snyoms pa nyid las nyams par mi 'gyur ro zhes zer ro/ / stan gcig pa nyid du zab yang glang po che gtum po dang/ rta dang/ khyu mchog mi srun pa dang/ sprul la sogs pa'i 'jigs pa dang/ mkhan po dang/ slob dpon dang/ tshangs pa mtshungs par spyod pa rnams la gus pas 'phral du langs nas zas la spyod kyang stan gcig pa nyid las nyams par mi 'gyur ro/ /de la sbyangs pa'i yon tan 'di rnams las dgon pa pa nyid dang/ cog pu pa nyid dang/ gzhi ji bzhin pa nyid dang/ dur khrod pa nyid dang/ shing drung pa nyid dang/ bla gab med pa nyid de drug na mal stan dang rab tu ldan pa yin no/ /phyag dar khrod pa nyid dang/ chos gos gsum pa nyid dang phyir pa pa nyid de gsum ni chos gos dang rab tu ldan pa yin no/ /bsod snyoms pa nyid dang/ stan gcig ba nyid dang/ zas phyis mi len pa nyid de gsum po nyid ni bsod snyoms dang rab tu ldan pa yin no/ /de dag las kyang bsod snyoms dang/ chos gos dang/ mal stan la sred pa nye bar skyed pa'i rgyur gyur pa rab tu zhi bar bya ba'i phyir dang/ 'phags pa'i rigs dang rjes su mthun par bya ba'i phyir yang dag par blang bar bya ste/ de la gnas na spang ba la mngon bar dga' ba nyid kyis srid par 'byung bar 'gyur ba'i rgyu can gyi srid pa rnam par gcod pa yin pas bde ba dang ldan pa yin no/ /kha cig na re sbyangs pa'i yon tan dang po gsum ni gtso bor gyur pa yin la lhag ma rnams ni khor du gyur ba yin no zhes 'dod de/ 'phags pa mdzes dga' la mngon par dgyes pa ston pa yin pa'i phyir ro/ /de yang bcom ldan 'das kyis dga' bo khyod nam ngas @24a @#/ /mthong bar 'gyur zhes bya ba'i tshigs su bcad pa ji skad gsungs pa lta bu'e/ /la la na re gang gis gnas brtan rnams mchog nyid du bstan cing grags pa'i lnga po 'di dag gis gtso bor gyur pa yin la de las gzhan pa bdun ni 'khor du 'gyur ba yin no/ /'di dag thams cad kyang dad pa rnam par dag pa nyid yin pa'i phyir dang/ yon tan du mas phul du byung ba yin pa'i phyir dang/ de bzhin gshegs pa dang 'dra bar smad par bya ba ma yin pa'i phyir dang/ de rab tu zhi ba yin pa'i phyir dang/ rab tu zhi ba 'phel bar byed pa nyid yin pa'i phyir bkra shis pa'i mchog yin no/ /legs pa'i lam bstan pa'i gtam las sbyangs pa'i yon tan gyis mdzes pa zhes bya ba phun sum tshogs pa gnyis pa'o// //sbyangs pa'i yon tan yang dag blangs/ /don dran pa la yang dag gnas/ /shes bzhin ldan pa'i rnal 'byor pa/ /sbyod pa thams cad don yod 'gyur/ /ji skad du bshad pa'i ldang ba dang 'dug pa na shes bzhin dang ldan pa kho na bya'o/ /de la lus dang/ ngag dang/ yid kyi las thams cad shes bzhin nyid kyis so sor legs par brtags nas bya ste/ 'di ni 'di'i rgyur bsgrub par bya'o/ /'di ni 'di'i rgyur spyad par bya'o snyam pas don med pa ci yang bsgrub par mi bya na dge ba rnams lta ci smos/ 'di ni shes bzhin don dang ldan pa yin no/ /ji skad du 'phags pa sgra gcan 'dzin la gdams pa las/ sgra gcan 'dzin de bas na lus kyi las byed par 'dod pas lus 'di ni rus pa sum brgya 'dus pa/ rgyus pas sbrel ba/ sha'i ris brgya phrag du mas zhal zhal byas pa/ pags pas g.yogs par blta bar bya'o/ /sems kyi dbang gis 'jug par byed pa/ me dang rlung gis rgyu bar byed pa/ sa dang chu dag shas che bar gyur pa na mal dang stan la sogs pa la 'jug pa/ rkyen la rag las pas mi brtan pa nyid kyis na sdug bsngal ba de nyid kyi phyir bdag dang bdag gi ba med pa zhes gsungs pa dang/ ji skad du dge slong dag lus 'di ni khyod gcig gi yang ma yin/ gzhan gyi yang ma yin pa 'di ni/ rang gi mtshan nyid yang dag par shes pa yin no zhes gsungs pa dang/ @24b nges par bya ba yongs su rdzogs nas kyang 'dug ste/ gang gis goms pa dang rjes su mthun par mngon par 'dod pa'i bya ba 'jug pas bya ba ni nges par 'byung ba yin la byed pa la mngon par phyogs pa dran pa nye bar gzhag pa dang/ rjes su mthun pa la mngon par phyogs pa 'dis yid la bya ste/ 'di ni rang gi spyod yul shes pa nyid yin no/ /shes bzhin du bya ba 'di dag las gang zhig gang gi dus su bsgrub par bya ba de dus ji lta ba bzhin du bsgrub par bya ste/ 'di ni ma rmongs pa'i yang dag pa shes pa nyid yin te/ ji skad du dge slong gis dus shes par 'gyur ba ji lta ba yin zhe na zhes bya ba la sogs pa gsungs pa yin no/ /de ltar yang dag pa'i shes bzhin nyid la sogs lus dang ngag dang yid kyi las shin tu rnam par dag pa ni ting nge 'dzin gyi sbyor ba tsam bsgrub par 'gyur ba yin no/ /lus dang ngag gi nyes pa 'bring dang ni/ /sems byung ba yi phra mo zhi gyur na/ /sa rdul bkrus pa'i gser ni phra mo bzhin/ /dge ba'i rnam rtog lhag ma lus par 'gyur/ /de ni ting nge 'dzin mngon par 'dus byas pa las thob pa sems bsdus nas 'jog pa zhes bya ba yin no/ /ji skad du phyag dar 'khrud par byed pa'i mdo las/ /yang dag mtshan ma la ni legs gnas la/ /mnyam zhing rgod dang zhum pa'i sems nyid ni/ /btang snyoms zhi dang 'dzin par gyur nyid du/ /sems de la ni mngon brtson mnyam par gzhag /gser gyi phye ma sa rdul sbyangs pa ni/ /se'u'i khar gzhag 'ju par 'dod pa na/ /me stobs mnyam zhing rno dang chung ba ni/ /btang snyoms gzhag dang dbal bsad sngar mtshungs dang/ /rnal 'byor spyod pa'i rnam g.yengs 'dis mnyam par gzhag pa'i phan yon la bsam par bya'o/ /rnal 'byor spyod pa'i ting nge 'dzin thob pa ni kha na ma tho ba med pa dang/ gzhan gyi kha na ma las pa'i ting nge 'dzin las byung ba'i dga' ba dang bde ba'i ro sten par byed pa na mi las 'das pa'i dga' ba yid du'ong ba nyams su myong bar 'gyur te/ ji skad du dge slong khyim stong par zhugs pa ni mi'i las 'dus pa'i dga' ba thob po zhes gsungs pa yin no/ /de bzhin du lus 'di nyid la dben pa las skyes pa'i dga' ba bde ba dang/ ting nge 'dzin yongs su @25a @#/ /sbyang ba byas pa'i sems 'jam zhing las su rung ba sgrib pa'i rnyog pa dang bral ba ni phung po dang khams dang skye mched kyi rang bzhin gyi bde blag tu mthong bar 'gyur ro/ /de bas na bcom ldan 'das kyis dge slong dag ting nge 'dzin bsgoms shing ting nge 'dzin mang du bya zhing bag yod pa dang/ sdig pa dang bral ba dang/ nang du yang dag par 'jog pas rnal 'byor la mnyam par gzhag par bya zhing sems nang du zhi bar bya'o/ /ting nge 'dzin la brten nas mngon par shes pa lnga dang/ /khyad par de dang de thob par 'gyur te/ ji skad du/ de de ltar mnyam par gzhag pa'i sems kyi cho 'phrul gyi cho ga mngon sum du bya bas sems la dbang sgyur zhing de rdzu 'phrul gyi bya ba dpag tu med pa nyams su myong bar byed do zhes gsungs pa yin pas/ ting nge 'dzin thob pa mi slob pa'i sa ma thob par ma nyams par dus byas nas ting nge 'dzin ji lta ba bzhin du gzugs dang/ gzugs med pa'i ting nge 'dzin phun sum tshogs pa thob par 'gyur ro/ /ji skad du skye ba rnam par 'byed pa las ting nge 'dzin gyi nye bar spyod pas nye bar bsags pa'i las kyi lha'i bdag po dang/ 'khor los sgyur ba la sogs pa'i phun sum tshogs par 'gyur ro zhes gsungs pa dang/ ji skad du/ dge slong dag nga len sum cu rtsa drug gi phar du lha rnams kyi dbang po brgya byin du gyur na/ rgyal po rgyal rigs spyi bo nas dbang skur bar gyur pa lta smos kyang ci dgos/ de lta na/ ting 'dzin grub phyir yid ni brtson gyur pa/ /de yi yang dag yon tan la lta ba/ /yon tan la dags bya ba 'grub pa dang/ /sems ni spro ba brten pa nyid du 'gyur/ /de la ting nge 'dzin zhes bya ba ni bying ba dang/ zhum pa dang/ rnam par g.yengs pa dang/ mi mnyam pa spang ba'i phyir sems dang sems las byung ba dmigs pa gcig la gtod pas ting nge 'dzin zhes bya ba'am/ sems dang sems las byung ba dmigs pa gcig yang dag par sdud pas na ting nge 'dzin yin pa'am/ phyin ci ma log pa yin pas ting nge 'dzin 'di la gtod cing 'jog pa na phun sum tshogs pa'i khyad par ye shes dang mthong ba de dang de skyed pa'i phyir ting nge 'dzin to/ /de yang gang rnam par dag pa'i sems @25b dmigs pa gcig la nye bar zhi ba'i yon tan gyis yang dag par brtson 'grus 'jug cing mi g.yeng bar gnas pa'am/ /nye ba'i nyon mongs pa'i rlung gis ma bskyod par khang pa'i nang gi mar me dang 'dra bar sems rtse gcig par 'jug pa ni ting nge 'dzin zhes bya ste/ sems gnas pa dang yang dag par gnas pa zhes bya ba la sogs pa ji skad gsungs pa lta bu'o/ /yang na rnam pa gcig pa dang/ sbyor ba gcig pa dang/ sgo gcig pa dang/ dmigs pa gcig pa la sems yang dag par 'jog pa'o/ /de yang sems rtse gcig pa'i mtshan nyid de/ nyon mongs pa'i yongs su gdung ba rab tu zhi ba'i phyir nye bar gnas pa'o/ /de ni 'gyod pa med pa dang/ rab tu dga' ba dang/ mgu ba dang/ shin tu sbyangs pas kun nas bslang ba'i gzhi'i gnas yin no/ /de ni sems rtse gcig pa'i mtshan nyad kyis rnam pa gcig yin no/ /'jag rten dang 'jig rten las 'das pa'i dbye bas ni rnam pa gnyis yin te/ byang chub kyi yan lag dang rab tu ldan pa ni 'jig rten las 'das pa'o/ /de las gzhan pa ni 'jig rten pa rnams so/ /yang; yang dag pa'i ting nge 'dzin ni rnam pa gnyis te/ /dge ba la sems rtse gcig pa ni yang dag pa'i ting nge 'dzin to/ /mi dge ba la sems rtse gcig pa ni log pa'i ting nge 'dzin to/ /gzhan yang lung du bstan pa dang/ lung du ma bstan pa gnyis te/ lung du bstan pa ni dge ba dang/ ma bstan pa ni mi dge ba dag go/ /de gnyi ga las go bzlog pa ni lung du ma bstan pa'o/ /gzhan dag ni ting nge 'dzin rnam pa gnyis su 'chad de/ nye bar gdags pa'i ting nge 'dzin dang/ gtod pa'i ting nge 'dzin to/ /ting nge 'dzin de dang de dag las snga ma'i cha dang nye ba ni gdags pa'i ting nge 'dzin to/ /rigs su gyur pa'i chos kyi rjes thogs la ni gtod pa'i ting nge 'dzin yin no/ /gzhan yang rnam pa gnyis te; dga' ba dang bcas pa dang/ dga' ba med pa'o/ /dga' ba dang bcas pa ni bsam gtan dang po dang/ gnyis pa dang/ de'i nyer bsdogs dang/ de'i mthus gnas pa'i snyoms par 'jug pa rnams so/ /dga' ba med pa ni de yan chad kyi bsam gtan dang/ nyer bsdogs @26a @#/ /dang; de'i mthus gnas pa rnams so/ /yang gnyis te/ /gzugs la spyod pa dang/ /gzugs med pa la spyod pa'o/ /gzugs la spyod pa ni slob pa dang/ so so'i skye bo rnams bsam gtan bzhi dang/ de'i nyer bsdogs dang/ de'i mthus snyoms par 'jug pa rnams so/ /gzugs med pa ni gzugs med pa la spyod pa rnams so/ /gzhan yang rnam pa gnyis te/ smon pa dang bcas pa dang/ smon pa med pa'o/ /byang chub kyi yan lag can ma yin pa srid pa mngon par 'grub par byed pa ni smon pa'o/ /byang chub kyi yan lag dang bcas srid pa spong bar byed pa ni smin pa med pa'o/ /yang rnam pa gsum te/ /rtog pa dang dpyod pa dang bcas pa tsam dang/ rtog pa med cing dpyod pa tsam dang/ rtog pa yang med dpyod pa yang med pa'o/ /de la rtog pa dang dpyod pa dang bcas pa ni bsam gtan dang po dang de'i mthus snyoms par 'jug pa'o/ /rtog pa med la dpyod pa tsam ni bsam gtan dang po'i bsam gtan khyad par can dang/ de'i mthus snyoms par 'jug pa'o/ /rtog pa med la dpyod pa med pa ni bsam gtan gnyis pa la sogs pa dang/ de'i nyer bsdogs dang/ de'i mthus snyoms par 'jug pa rnams so/ / yang ting nge 'dzin rnam pa bzhi ste/ nyams pa dang/ gnas pa dang/ khyad par dang/ nges par 'byed pa'i skal pa can no/ /gzhan yang 'dun pa dang/ brtson 'grus dang/ sems dang/ dpyod pa'i dbang du byas pa bzhi'o/ /de nyid dmigs pa dang/ rnam pa dang/ chung ngu dang/ 'bring dang chen po'i dbye bas ting nge 'dzin rnam pa mang po yod do/ /de yang shin tu bsdus pa dang/ rgyas pa ma yin par rim pa rab ma la gnas nas 'di dag tsam zhig rnam par gzhag pa yin te/ 'di lta ste bsam gtan bzhi dang/ de'i nye bsngogs gsum dang/ gzugs med pa rnam pa bzhi dang/ rjes su dran pa drug dang/ tshad med pa rnam pa bzhi dang/ dbugs dbyung ba dang rngub pa rjes su dran pa dang/ 'du shes bcu dang/ zad par gyi skye mched bcu dang/ zil gyis non pa'i skye mched brgyad dang/ rnam par thar pa brgyad dang/ zil gyis gnon pa dang/ 'du @26b shes med pa'i snyoms par 'jug pa dang/ stong pa nyid dang smon pa med pa la sogs pa'i ting nge 'dzin gsum dang/ rjes su mthun pa la rjes su mthun par 'du shes la sogs pa snyoms par 'jug pa dang/ stong pa nyid gsum dang/ yan lag lnga dang/ shes pa lnga dang ldan pa'i ting nge 'dzin rnams so/ /de ltar ting nge 'dzin gyi tshogs 'di dag rnal 'byor pas gzhung dang don gyi sgo nas yang dag par rtogs par byas nas kyang de rdzogs par bya ba'i don du gtam bcu bzhi'i yon tan phun sum tshogs pa'i dge ba'i bshes gnyen nam/ mkhan po'am/ slob dpon nam/ tshangs pa mtshungs par spyod pa de lta bu bsten par bya ba'am/ gang zhig la brten nam thos pa thos pa dang/ thos pa rnams yongs su dag par byed pa dang/ the tshom spong bar 'gyur ba dang/ lta ba drang por byed pa dang/ tshig zab mo'i don so sor shes rab kyis rtogs pa dang/ gang zhig la bslab pa na tshul khrims dang/ thos pa dang/ shes rab la sogs pa'i yon tan gyi khyad par 'phel bar 'gyur ba la brten par bya'o/ /gang yang sdug dang bla ma dang/ /dang bya smra mkhas tshig sma nus/ /zab mo'i gtam ni ston byed pa/ /gnas min pa ni mi sbyar ro/ /gal te rnyed na sdig med shes rab can/ /zhes bya ba la sogs dang/ kun dga' po 'di ni tshangs par spyod pa yongs su dag pa nyid yin no zhes bya ba la sogs pa ji skad du gsungs pa lta bu'o/ /de la sdug pa ni tshul khrims dang thos pa phun sum tshogs pa'i byams pa'i lus dang ngag dang yid kyis sam; sbyin pa dang/ snyan par smra ba dang/ don mthun pa dang/ don spyod pas ni sdug par 'gyur ba yin no/ /nye bar zhi ba la goms pa dang/ tshig ma 'chal ba dang ldan pa nyid dang/ chog shes pa nyid kyis na bla ma yin no/ /shes pa dang/ yon tan phun sum tshogs pa dang; khyad par rtogs par 'os pa'i spyod lam dang ldan pa'i phyir dang bar bya'o/ /chos la gus pa dang/ gzhan la phan pa la brtson pa'i blo can nyid dang/ yang dag par dang/ dus dang/ 'jam pa dang/ don dang ldan par tshig smra ba la mkhas pa dang/ bdag nyid gzhal ba @27a @#/ /shis pas na smra ba la mkhas pa'o/ /rang bzhin bzang ba nyid dang/ rang dang gzhan gyi gzhung lugs shes pa dang/ gtam gyi bya ba la mkhas pas na tshig smra ba nus pa'o/ /'jug pa dang ldog pa'i rim pa shes pa dang/ nges par 'byung ba'i bsam pa dang ldan pas zab mo'i gtam ston par byed pa'o/ /legs par brtags nas byed/ spyod pa'i mtshan nyid dang/ bslab pa dang/ mi mthun pa'i phyogs shes pas gnas ma yin par mi sbyor ba'o/ /yang na dge ba'i phyogs nyams par byed pa'i tshig dang las la mi sbyor ba yin pa'i phyir ro/ / sems can rnams ni phal cher nyes pa de dang de la spyod pa yin pa dang/ dad pa dang/ blo dang/ rtog dpyod pa yin pa'i phyir 'dod chags la spyod pa dang/ zhe sdang la spyod pa dang/ gti mug la spyod pa zhes de dang de ltar ston te/ dad pa la sogs pa la spyod pa yang gsum po 'di dag gi nang du 'dus pa yin te/ 'dod chags dang/ zhe sdang dang/ gti mug ni nyon mongs pa'i gtso bo yin pa'i phyir dang/ dad pa dang/ blo dang/ rnam par rtog pa ni de'i rigs kyi skal ba can yin pa'i phyir ro/ /'dod chags ni kun du sbyor ba'i bdag nyid can te/ de ni da lta byung ba'i don la tshul bzhin ma yin pas zhen pas na 'dod chags zhes bya la/ ma 'ongs pa'i nyon mongs pa can la don du gnyer ba'i sgo nas zhes pa ni sred ba zhes bya bar bshad do/ /de'i bdag nyid can gyi gang zag ni dge bar 'gyur ba'i don la tshul bzhin sbyor bas na dad pa la spyod pa zhes bya'o; /de bas na 'dod chags dang/ sred pa dang/ dad pa la spyod pa gcig tu rab tu skyes pa yin pa'i phyir dang/ 'byar ba'i bdag nyid can yin pa'i phyir gcig pa nyid ces bya'o/ /de bzhin du bral ba'i bdag nyid can ni zhe sdang ste/ de zhe sdang ba'i sgo nas 'bral bar 'gyur bas na zhe sdang zhes bya'o/ /bdag la bstod pa'i sgo nas 'bral bar byed pas nga rgyal zhes bya'o/ /de'i bdag nyid can gyi gang zag ni skye ba mang ba yin/ khams gsum po dang bral bar byed pas na shes rab kyi sgo nas blo zhes bshad do/ /de bas na 'di dag kyang gcig pa nyid @27b yin no; /de bzhin du rtog pa med pa'i bdag nyid can ni gti mug ste/ de ni rnam pa thams cad du rtog pa med pas na rmongs pa zhes bya ba'o/ /log par rtog pas na lta ba zhes bya'o/ /de'i bdag nyid can gyi gang zag ni tshul bzhin yid la byed pas 'jug pa yin du zin kyang rnam par rtog pa mang bar 'gyur zhing ma nges pa'i blo can yin te/ de bas na 'di dag kyang gcig pa nyid yin no/ /yang na 'dod chags dang/ sred pa dang/ dad pa ni rtse zhing yon tan tshol la yongs su mi spong ba'i rang bzhin can yin pas 'dod pa la chags pa ni sred pa zhes bya la/ dge ba dang dga' ba ni dad pa zhes bya'o/ /'dod chags dang srid pa'i yon tan tshol ba'i bdag nyid can ni 'dod chags dang/ sred pa zhes bya la/ dge ba tshol ba'i bdag nyid can ni dad pa yin no/ /phan pa ma yin pa yongs su mi 'dor ba'i mtshan nyid ni 'dod chags dang sred pa yin la phan pa yongs su mi 'dor ba'i mtshan nyid ni dad pa yin te/ de ltar na 'di dag kyang gcig pa nyid yin no/ /de las go bzlog pa'i spyi'i mtshan nyid kyi zhe sdang dang/ nga rgyal dang blo'i spyod pa rnams kyang cig pa nyid yin te/ brtse ba nyid dang/ nyes pa tshol ba dang/ yongs su 'dor ba'i rang bzhin can nyid yin pa'i phyir zhe sdang dang/ nga rgyal can gyi gang zag brtse ba med pa'i rang bzhin can yin la/ 'dus byas zhes pa ni blo yin no/ /zhe sdang dang/ nga rgyal ni gang zag nyes nga tshol ba'i bdag nyid can no/ /blo ni 'dus byas kyi nyes pa tshol ba'i bdag nyid can no/ /zhe sdang dang/ nga rgyal ni gang zag yongs su 'dor ba yin no/ /blo ni 'dus byas yongs su 'dor ba shes pa'o/ /de bas na mtshan nyid mtshan pas zhe sdang dang nga rgyal dang blo la spyod pa rnams ni mtshan nyid gcig pa nyid yin no/ /de bzhin du gti mug dang/ lta ba dang/ rnam par rtog pa la spyod pa rnams ni mi brtan zhing rnam par g.yo ba'i bdag nyid can yin pa'i phyir gti mug gi rnam par 'gyur ba'i bdag nyid can yin bas na mi brtan pa yin la/ lta ba ni log pa'i bdag nyid can yin pa'i phyir mi brtan pa yin no/ /rnam par rtog pa ni rnam par rtog par bya ba'i dngos po mang bo la rgyugs pas na mi brtan pa yin no/ / @28a @#/ /gti mug gi chos kyi mtshan nyid ma rtogs pas g.yo ba yin la/ lta ba ni log pa'i chos la rnam par g.yengs pas g.yo ba yin zhing rnam par rtog pa ni yang ba yin pas g.yo ba yin no/ /des na mi brten zhing g.yo ba yin pa'i gti mug dang lta ba dang/ rnam par rtog pa la spyod pa rnams spyi'i mtshan nyid kyi gcig pa yin no/ /'di dag ni las kyis phan tshun du tha dad par gyur pa yin te/ dge slong las kyi mtshan nyid kyis byis pa yin zhing las kyi mtshan nyid kyis mkhas pa yin no zhes ji skad gsungs pa lta bu ste/ des na tshul de ltar shes par bya'o/ / 'gro dang lta dang spyod dang smra ba dang/ /nyal dang zas dang gos gyon 'dod pa las/ /'jam dang rtsu ba dang kun nas g.yo ba'i mi/ /'dod dang khro dang gti mug la spyod bshad/ /nyes pa'i rang bzhin rjes 'jug byed pa rnams/ /'di dang pha rol dag tu de'i dbang gis/ /spyod pa sna tshogs 'gyur bde yi phyir/ /de las go bzlog tshul gyis 'di la sbyar/ /de lta sbyor ba dang ni mtshan nyid dang ldang bar bya ba'i mi mthun pa'i phyogs shes pas gnas pa ma yin pa la sbyor bar ma byed do/ /gang gi phyir rnal 'byor spyod pa/ 'di nyid 'phel bar 'dod pas 'di lta bu'i bla ma la yang dag par brten te gnas par bya ba'am/ slob dpon nam mkhan po yon tan de lta bu dang mi ldan bar gyur na gang na yon tan de lta bu'i bla ma yod pa der 'gro bar bya'o/ /dam pa rang gi yon tan gyis/ /mtho ba ring po nas kyang snang/ /dri med sa phyogs mdzes pa yi/ /ston ka yi ni ring por mtshungs/ /der 'gro ba ni nyon mongs pa dang bar chad mang bar 'gyur ba'am/ mi nus pa'am de lta bu dang ldan pa gang na yang yod bar thos par ma gyur na/ de bzhin gshegs pas gsungs pa'i chos 'dul ba nyid slob dpon gyi mchog yin pa la brten par bya ste/ de'i dbang gis rang la phan pa 'byung bar 'gyur ba'i phyir te; mdo sde las ji skad gsungs pa ston pa ni de skad gsungs pa yin la/ ji skad gsungs pa mdo sde las de skad ston pa yin te/ slob dpon yang rjes su ston pas 'di dag nyid rjes su ston pa nyid yin pa'i phyir ro/ /bcom ldan 'das kyis kyang/ gal te sdig bral shes rab @28b can lhan cig /spyod pa brtan pa'i legs gnas ma rnyed na/ /rgyal po rnam rgyal grol khror spangs pa ltar/ /dgon pa'i glang chen lta bur gcig pur spyod/ /ces gsungs pa dang/ de yang rang sangs rgyas kyis/ /dam pa shes rab can la yang dag brten/ /grogs kyi phun tshogs rab tu bsngags yin gyi/ /gal te nyes med de ni ma rnyed na/ /bse ru lta bur gcig pur spyod par dya/ /zhes ji skad bshad pa lta bu'o/ /gcig pu gnas pa ni ting nge 'dzin gyi bya ba ji skad thos pa bag yod pa nyid du yang dag par sgrub par 'gyur ro/ /ting nge 'dzin gyi mtshan ma'i nus pa la yid sbyar bar mi bya ste/ de la brten pa'i sems ni legs pa phul du byung bar mi 'gyur ro/ /de'i phyir phul du byung ba'i chos la nges par sbyar bar bya'o/ /dal 'byor gyi chos 'di ni lha'i bu'i 'gro ba'i snying po bas kyang shin tu mgyogs par 'gro ba yin no/ /de bas na yang dang yang du nyon mongs pa spong bar 'os pa'i kun du spyod pa dang/ nus pa che ba zag pa zad pa'i rten du gyur pa'am/ de ni lam gyi ting nge 'dzin gcig gi dbang du byas nas/ de las gzhan pa'i ting nge 'dzin gyi rgyu mtshan skyes pa dang/ /ma skyes pa'i nyes pa rnams zhi bar byed pa rnams kyang yid la bya'o; /'dod chags la spyod pa yin na yang zhe sdang dang gti mug gi nyon mongs pa rnams la kun du spyod par 'gyur ba yin la/ zhe sdang la spyod pa la yang 'dod chags dang gti mug la sogs pa zil gyis gnon par 'gyur zhing gti mug la spyod pa rnams la yang 'dod chags dang zhe sdang la sogs pa 'byung bar 'gyur ro/ /de bas na bcom ldan 'das kyis dge slong dag gal te 'dod pa la 'dun pa skyes par gyur na mi sdug pa'i mtshan ma tshul bzhin du yid la gyis shig ces bya ba la sogs pa nges par gsungs pa yin no/ /dge slong ma lhag pa'i sems la mngon par brtson pas gnas lnga yang dang yang du yid la bya zhing mtshan ma gsum pa yang dang yang du yid la bya'o/ /thams cad bag yod pa dang ldan par bya ste/ de ltar na ting nge 'dzin yongs su rdzogs par 'gyur ro/ /ji skad du/ bag yod pa'i rgyu dang/ brtson 'grus kyi rgyu @29a @#/ /dang; rtag tu bya ba'i rgyu dang/ rjes su sbyor ba'i rgyu dang/ yang dag par yid la byed pa'i rgyus de lta bu'i ting nge 'dzin la reg par 'gyur ro zhes gsungs pa dang/ sems kyi yang snyoms par 'jug pa dang/ gnas pa dang ldang ba la mkhas pa nyid du bya'o/ / gus par bya ba dang/ rjes su mthun par bya bas dmigs pa gang zhig gam/ rnam pa dang mtshan ma gang gis sems kyi nyon mongs pa nye bar zhi bar 'gyur ba de nyid yang dag par shes par bya'o/ /ji skad du/ /g.yos mkhan lta bu'i mdo las mtshan ma legs par gzung ba ni sems bskyed pa la mkhas par 'gyur ro zhes gsungs pa dang/ yang ji skad du/ mtshan ma legs par gzung ba'i phyir gom pa 'dor ba yang ting nge 'dzin la snyoms par 'jug par byed do zhes 'dren pa'i tshig dang nyes par bzung ba'i rjes su nyams par 'gyur ro zhes gnas brtan gyis bshad blta bu'o/ /mtshan ma ma brjod pas ni myur du snyoms par 'jug pa la gnas par 'gyur te/ mtshan ma legs par gzung ba yin pa'i phyir snyoms par 'jug pa bstan pa yin no/ /dran pa yang rnal 'byor spyod pa rnams kyi nus pa che ba'i chos yin te/ de ni thams cad du 'gro ba yin pa'i phyir de'i dbang gis 'das pa dang/ ma 'ongs pa dang/ mtshan ma rnams las nyams par mi 'gyur ro/ /de bas na thams cad du legs par smras pa'i dran pa dang ldan par bya'o/ /de ltar yang mdo las/ mnyam bar gzhag pa 'di ni dran pa la nye bar gnas pa rnams kyi yin gyi/ chos 'di ni dran pa nyams pa rnams kyi ma yin no zhes gsungs pa dang/ ting nge 'dzin las g.yeng ba'i nyes dmigs rnam pa du mas shin tu bsam par bya zhing/ /snga ma bzhin du ting nge 'dzin gyi yon tan mthong ba la 'bad par bya ste/ de ltar na ting nge 'dzin la sems yang dag par dga' bar 'gyur ro/ /ji skad du/ khyim bdag ga gon gyi dbang du mdzad de/ ting nge 'dzin thob nas de dbang du byas la/ dregs bar gyur pa med pa dang/ mi smra bar de'i gong ma'i khyad par thob pa'i phyir sems rab tu gzhug par bya'o/ /ji skad du ri bo'i chu dper mdzad de/ rnal 'byor @29b spyod pa la gces par byed pa'i chos smra ba nyung ba la sogs pa spang bar mi bya'o/ /dus su chos nyan pa la brten par bya'o/ /rang gi sems la so sor brtag pa mang du bya'o zhes ji skad bshad pa dang/ de ltar ting nge 'dzin gyi yan lag rnam par dag pa dang ldan na yid gang la nye bar sbyar ba yang dag pa'i sbyor ba dang ldan pa de thogs ma med pa nyid du ting nge 'dzin dang rdzu 'phrul la sogs pa'i gter thob par 'gyur ro/ /bag med nyes dang yan lag nyams pa ni/ /sngar ni rab tu 'grub par 'gyur ma yin/ /ting 'dzin de 'dras de phyir de rnams kyi/ /yan lag la ni 'bad pa nyid du gyur/ /legs pa'i lam bstan pa'i gtam las ting nge 'dzin gyi yan lag rnam par dag pa zhes bya ba phun sum tshogs pa gsum po/ /slob dpon dpa' bos mdzad pa'i legs pa'i lam bstan pa'i gtam rdzogs so// //rgya gar gyi mkhan po chen po dI paM ka ra shrI dznyA na dang/ /lo tsA ba chen po dge slong rin chen bzang pos bsgyur cing zhus te gtan la phab pa'o// //bam po phyed dang gsum mo// @##/ /rgya gar skad du/ da sha ku sha la karma pa tha ni rde sha/ bod skad du/ dge ba bcu'i las kyi lam bstan pa/ /dkon mchog gsum la phyag 'tshal lo/ /dge ba bcu po 'di dag ni mngon par mtho ba dang/ nges par legs pa thams cad kyi rgyu yin pas na/ sangs rgyas kyi slob ma dag gis 'di la bslab par bya'o/ /de la dge ba bcu gang zhe na/ lus kyi las rnam pa gsum ste/ srog gcod pa dang/ ma byin par len pa dang/ 'dod pas log par g.yem pa'o/ /ngag gi las rnam pa bzhi ste/ brdzun mi smra ba dang/ phra ma mi smra ba dang/ tshig rtsub po mi smra ba dang/ tshig 'khyal pa mi smra ba'o/ /yid kyi las rnam pa gsum ste/ brnab sems spang ba dang/ gnod sems spang ba dang/ log par lta ba spang ba dang/ / de yang mi dge ba bcu spang ba ni/ dge ba bcu yin pas/ spang bar bya ba bcu brjod par bya ste/ de ni 'phags pa byang chub sems dpa'i sde snod las ji skad du/ srog gcod pa yi sems can dang/ /gzhan gyi nor la 'phrogs pa dang/ /'dod pas log par g.yem pa dag/ /sems @30a @#/ /can dmyal bar rab tu 'gro/ /dbyen byed pa dang tshig rtsub dang/ /brdzun du smra zhing mi sdom pa/ /byis pa 'khyal bar smra ba rnams/ /so so'i skye bo bslus pas bcings/ /gzhan gyi spyod la brnab sems dang/ /gnod sems dag ni mang ba dang/ /mi gang lta ba log zhugs pa/ /ngan 'gro dag tu 'gro bar 'gyur/ /lus kyi sdig pa rnam gsum dang/ /ngag gi sdig pa rnam bzhi dang/ /yid kyi sdig pa rnam gsum ni/ /sdig byed pa dag rab tu byed/ /sdig pa'i las rnams byas pas na/ /de phyir ngan 'gror 'gro bar 'gyur/ /ci nas ngan 'gror mi gtong bar; /bskyab pa'i phyir ni rab tu 'byung/ /zhes bcom ldan 'das kyis gsungs pa dag go/ /ji ltar na nyes pa de dag rdzogs par 'gyur zhe na/ /srog gcod pa ni gzhi sems can yin pa dang/ /der 'du shes pa dang/ gsad par bsam pa dang/ sbyor ba byas pa dang/ sbyor ba byas pa de nyid kyi tshe 'am/ gzhan gyi tshe shi ba zhes pa yan lag lngas rdzogs par 'gyur ro/ /mi shi bar 'gyod pa las shi ba la ni na smad do/ /smyos pa dang/ sems 'khrugs pa dang/ tshor bas gzir ba la nyes pa med par thams cad la sbyar ro/ /ma byin par len pa ni/ yan lag bzhis rdzogs par 'gyur te/ blang bar bya ba gzhan gyis yongs su bzung bar gyur ba ni/ yin ba dang/ der 'du shes pa dang/ rku bar bsams pa dang/ gnas nas spros pa'o/ /'dod pas log par g.yems pa ni rnam pa bdun te/ bdag nyid las byung ba dang/ rang gi chung ma las byung ba las; chung mar mi rigs pa chung mar byas pa las byung ba dang/ chung ma ma yin pa las byung ba dang/ skyes pa las byung ba dang/ dud 'gro las byung ba dang/ khye'u dang bu mo las byung ba'o/ /de la bdag nyid las byung ba dang/ mi rigs pa'i yul dran pas dbang po las rang ngam/ gzhan gyis khu ba 'byin par byed pa'o/ /rang gi chung ma las byung ba ni/ dus ma yin par nyin par dang/ bsnyen gnas la gnas pa dang/ na ba dang/ sbrum ba dang/ mya ngan gyis gdungs pa dang/ zla mtshan dang ldan pa dang/ bang ma sangs ba la sogs pa dag dang/ gnas ma @30b yin pa pha ma dang/ bla ma dang/ dkon mchog dang/ mchod rten la sogs pa'i gnas dang/ yan lag ma yin pa'i kha dang/ bshang ba'i lam dang/ lte ba la sogs te/ mdor na bud med kyi dbang po las gzhan pa thams cad do/ /de ltar dus dang/ gnas dang/ yan lag min pa dag tu rang gi chung ma la 'khrig pa spyod pa ni/ rang gi chung ma las byung ba'i 'dod pas log par g.yem pa'o/ /chung mar mi rigs pa chung mar byas pa las byung ba ni/ tshangs par spyod pa'i dge bsnyen ma 'am/ dge slong ma 'am dge slob ma'am/ dge tshul ma'am/ bsnyen gnas la gnas pa'i bud med chung mar blang ste/ de dag mi dga' ba'am/ dga' yang rung ste/ sdom pa gtong ba'i rkyen byas pa ste/ 'di ni chung mar mi rigs par byas pa las byung ba'o/ /chung ma ma yin pa las byung ba ni/ bud med gang khyim thab gzhan gyis gzung ba dang/ rang gi bdun rgyud las ma 'das pa'i 'brel bar gyur pa dang/ chos kyi mtshan can dang/ sdom pa can dang/ pha ma dang/ ming po dang/ spun zla dang/ rus chags dang/ cho 'brang du smos pas bsrungs pa dang/ gyos sgyug dang/ skud po la sogs pa khyo'i phyogs smos pas bsrungs pa dang/ mi mnyam pa'i rigs dang yon tan gyis bsrungs pa dang/ smad 'tshong ma dag kyang skyes bu gzhan gyis rin sngar byin pas bzung ba dang/ skyes bu gzhan gyi chung ma dang 'dra bar bdag gis byas pa rnams te/ de dag dang 'khrig pa spyod pa rnams te gzhan gyis tshor na ni ches sdig pa che la/ ma tshor du zin kyang 'dod pas log par g.yem pa'i rnam par smin pa 'byung ngo/ skyes pa las byung ba ni/ skyes bu gzhan gyi kha dang bshad pa'i lam la sogs par mtshan sbyor ba'o/ /dud 'gro las byung ba ni/ ba lang dang/ ra lug dang/ rta bong la sogs pa'i mtshan dang bshad pa'i lam la sogs par mtshan sbyor ro; /khye'u dang bu mo las byung ba ni 'khrig pa spyad mi bzod pa'i khye'u dang bu mo'i kha dang mtshan dang/ bshad pa'i lam du mtshan sbyor ba'o/ /de ltar 'dod pas log par g.yem pa de dag ni yan lag gsum gyis rdzogs par 'gyur te/ dus la sogs pa de dag la de dag tu 'du shes pa dang/ @31a @#/ /sbyor ba byas pa dang/ rjes su mthun pa'i tshor ba nyams su myong ba'o/ /de ltar de dag ni las kyi nyes par spyod pa gsum mo/ /brdzun du smra ba ni rdzogs par 'gyur te/ gzhi ma nor bar khong du chud pa'o/ /de la'du shes bsgyur ba dang/ log par smra ba'o/ /phra ma ni yan lag gsum gyis rdzogs par 'gyur te/ dbye bar bya ba sems can nyid dang/ dbyen gyi tshig smras pa'o/ /tshig rtsub po ni yan lag gnyis kyis rdzogs par 'gyur te/ gzhi sems can yin pa dang/ tshig rtsub po smras pa'o/ /tshig 'khyal pa ni/ yan lag gnyis kyis rdzogs par 'gyur te/ /chos dang mi ldan pa der bsam pa dang/ tshig 'khyal pa smras pa'o/ /de dag ni ngag gi nyes par spyod pa bzhi'o/ /brnab sems ni yan lag gnyis kyis rdzogs par 'gyur te gzhi gzhan gyi yin pa dang/ de la brnab sems bskyed pa'o/ /gnod sems ni yan lag gsum gyis rdzogs par 'gyur te/ gzhi sems can yin pa dang/ de la kun nas mnar sems par gyur pa'o/ /log par lta ba ni/ yan lag gnyis kyis rdzogs par 'gyur te/ gzhi phyin ci ma log pa dang/ de nyid la bsam pa phyin ci log bskyed pa'o; /de dag ni khyad par gyi yan lag go/ /thun mong gi yan lag ni sems gtso zhes bya'o/ /de dag ni yid kyi nyes par spyod pa gsum mo/ /de ltar na kun nas slong ba'i sems pa dang/ rjes su spyod pa'i sbyor ba dang/ sbyor ba'i gzhi bsams pa de nyid dang/ sbyor ba'i 'bras bu dngos gzhi nyid spyad pa dang/ mjug rjes su yi rang ba'o/ /yan lag lnga rdzogs na ni mi dge ba gang yang legs par rdzogs pa yin no/ /thams cad ma tshad na ni cung zad spyad pa ci rigs par sbyar ro/ /cung zad du na gzhi ma nor ba nyid ni kha cig tu ma nges pa srid do/ / de ltar mi dge ba bcu po de dag spyad pa'i 'bras bu rgya cher ni/ dam pa'i chos dran pa nye bar gzhag pa las shes par bya zhing/ mdor bsdus pa ni ji skad du/ bcom ldan 'das kyis 'phags pa sdong po bkod pa las gsungs pa/ srog gcod pas ni sems can dmyal bar @31b khrid do/ byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ tshe thung ba dang/ nang mang ba'o/ /ma byin par len pas ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang rnam par smin pa gnyis mngon par bsgrub pa 'di lta ste/ longs spyod chung ba dang/ thun mong gi longs spyod du 'gyur ba'o/ /'dod pas log par g.yem pas ni/ sems can dmyal bar khrid do/ / byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ lhod pa dang bcas ba'i chung ma dang/ g.yog 'khor ma bsrungs pa'o/ /brdzun du smra bas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ skur pa mang ba dang/ gzhan gyis bslu ba'o/ /phra mas ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ g.yog mi mthun pa dang g.yog ngan par 'gyur ba'o/ /tshig rtsub pos ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ yid du mi 'ong ba'i tshig thos pa dang/ 'thab mo'i tshig thos par 'gyur ba'o/ /ngag 'khyal pas ni/ sems can dmyal bar khrid do/ /byol sang[?] gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ tshig mi btsun pa dang/ spobs pa mang ba'o/ /brnab sems kyis ni/ sems can @32a @#/ /dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ chog mi shes pa dang/ 'dod pa che ba'o/ /gnod sems kyis ni sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ gnod bas glags lta ba dang/ pha rol gyis ma nar ba'o/ /log par lta bas ni/ sems can dmyal bar khrid do/ /byol song gi skye gnas su khrid do/ /gshin rje'i 'jig rten du khrid do/ /de nas ci ste mir skyes na yang/ rnam par smin pa gnyis mngon par bsgrub pa 'di lta ste/ lta ba ngan pa ltung ba dang/ g.yo sgyu can du 'gyur ba'o zhes gsungs te/ de dag kyang mtshon pa ste/ mi dge ba bcu po 'di dag ni re re la yang rnam par smin pa yang shin tu mang po yod par rig par bya'o/ /da ni 'di dag gi lci ba dang yang ba nyid brjod par bya ste/ de ni 'phags pa de bzhin gshegs pa'i mdzod kyi mdo las gsungs pa/ 'od srungs pha yang yin la/ rang sangs rgyas kyang yin pa gsod pa gang yin pa 'di ni srog gcod pa'i nang na ma rungs pa'o/ /dkon mchog gsum gyi dkor 'phrog pa 'di ni ma byin par len pa'i nang na ma rungs pa yin no/ /ma yang yin la dgra bcom pa yang yin pa las nyal po byas pa 'di ni/ 'dod pas log par g.yem pa'i nang na ma rungs pa yin no/ /de bzhin gshegs pa la skur ba 'debs pa 'di ni/ brdzun du smra ba'i nang na ma rungs pa yin no/ /dge 'dun gyi dbyen byas pa 'di ni/ phra ma'i nang na ma rungs pa yin no/ /'phags pa rnams la mi snyan par rjod pa 'di ni/ ngag rtsub po rnams kyi nang na ma rungs pa yin no/ /chos thos par 'dod pa rnams rnam par g.yem par 'dod pa 'di ni tshig 'khyal pa'i nang na ma rungs pa yin no/ /yang dag par song ba dang/ yang dag par zhugs pa rnams kyi rnyed pa dang 'phrog par sems pa 'di ni/ brnab sems kyi nang na ma rungs pa yin no/ /mtshams @32b med pa byed pa 'di ni/ gnod sems kyi nang na ma rungs pa yin no/ /lta ba mchog tu 'dzin pa 'di ni/ /log par lta ba'i nang na ma rungs pa yin no zhes bya ba la sogs pa'o/ /mdor bsdu na rgyun du zhugs pa dang/ nyon mongs pa drag pos spyod pa dang/ rten gyi rang bzhin byang chub kyi sems dang/ dkon mchog gsum la mi rten cing/ rnam par sun 'byin pa kun du spyod pa la sogs pa med pa dang/ yon tan dang/ gtso bo 'phags pa'i gzhi las byung ba ste/ de dag dang gang ldan pa'i mi dge ba bcu ni lci ba nyid do/ /de bas na 'phags pa nA gArdzu nas kyang; rtag dang mngon par zhen dang gnyen po med/ /yon tan gtso ldan gzhi las byung ba'i las/ /dge dang mi dge rnam lnga chen po ste/ /de bas dge ba spyod la brtson par bgyi/ /zhes bshad do/ /da ni de dag rtsa ba'i nyon mongs pa dag gang gis rdzogs par byed pa bstan zhe na/ de ni chos mngon pa'i tshig le'u byas pa las/ /gsod dang gnod sems tshig rtsub dag /zhe sdang gis ni mthar phyin byed/ /log g.yem brnab sems ma byin len/ /chags pa yis ni mthar phyin byed/ /log par lta ba gti mug gi /lhag ma gsum gyis rdzogs par 'dod/ / ces bshad pa las shes par bya'o/ /nga ni de dag gi gnang ba nyid brjod par bya ste/ gang bdag gi don la rjes su lta ba cung zad tsam yang med la/ byed pa gzhan gyi don 'ba' zhig 'dod cing thams cad du snying rje dang ldan pa dag la ni/ yid kyi nyes par spyod pa gsum ma gtogs pa'am; log par lta ba nyid ma gtogs pa dag la lar rjes su gnang ba snang ste/ de la byang chub sems dpa'i sdom pa gtan la phab pa'i gtsug lag dag la blta'o/ /de ltar blang bar bya ba dang/ mi mthun pa'i phyogs dang/ yan lag dang/ 'bras bu dang/ lci yang dang/ rgyu dang; rjes su gsan pa dag gis dge ba bcu'i las kyi lam rgyas par bstan pa yin no/ /dge ba bcu yi las kyi lam/ /legs brjod bsod nams dri med gang/ /deng 'dir bdag gis bsgrubs pa des/ /'gro ba mi dge bcu spang shog /bdag kyang dge bcu'i yon tan @33a @#/ /gyis; /brgyan cing ngan 'gro spangs pa dang/ /'gro ba'i mi dge'i las lam bcu/ /gtan nas rgyun gcod byed par shog /dge ba bcu'i las kyi lam bstan pa zhes bya ba/ slob dpon bram ze btsun pa chos ldan rab 'byor dbyangs kyi zhal snga nas mdzad pa rdzogs so// //rgya gar gyi mkhan po budd+ha ka ra barma dang/ bod kyi lo tsA ba dge slong chos kyi shes rab kyis bsgyur cing zhus te gtan la phab pa'o// @##/ /rgya gar skad du/ sho ka bi no da na/ bod skad du/ mya ngan bsal ba 'phags pa spyan ras gzigs dbang phyug thugs rje chen po dang ldan pa la phyag 'tshal lo/ /gang zhig dga' bral nyam thag ste/ /rab tu mya ngan me 'bar ba/ /bsgribs nas shin tu spro bsrings shing/ /rang gi sems nyid brjod par bya/ /las kyi lam zhugs thob pa yi/ /sbron pa med par skye bo yang/ /nyes pa ma byas song gyur pa/ /de la ci zhig yongs su gdung/ /ci ste de nyid 'chi bar 'gyur/ /gzhan ni su yang min na go /'di ni byur chen non pa zhes/ /cho nge chen pos gdab par rigs/ /'di ltar thams cad skye ba yi/ /mdun na gnas pa 'chi ba ste/ /kun kyang 'phro bar snang ba'i phyir/ /mya ngan bya bar 'os pa min/ /mdza' dang 'grogs pa brkam pa yi/ skye bo mya ngan gyis gdungs pa/ /rnga rtsid dag la chags pa'i 'bri/ /rngon bas nags kyi nang du bzhin/ /gang tshe kun gyi bgrod bya zhing/ /de dang der ni 'gro ba yi/ /snga nas de der song ba la/ /ci yi phyir na mya ngan byed/ /mi bzad 'chi ba'i bdag po la/ /rab tu myos pa'i skye bo 'di/ /nags na gsod sred seng ge yi/ /mdun na ri dags gnas ba bzhin/ /'chi ba bzlog par bya ba yis/ /gang tshe thabs kun med pas na/ /spro sring ba dag mi bskyed par/ /chu la nya bzhin ci zhig 'dre/ /sa'am ci ste mtho ris na/ /skyes nas la la ma shi ba/ /'ga' zhig khyod kyis ma mthong ba/ /thos sam 'on te the tshom za/ /khams gsum 'di dag thams cad la/ /mi rtag me yis bsregs gyur pa/ /dgon par me ni 'bar ba yis/ /dgon pa'i me tog ji lta bzhin/ /rtag par 'du @33b shes rnams log na/ /srid rtse las kyang 'gro ba rnams/ /'chi ba'i zhags pas drangs gyur pa/ /zhags pas glang po bzhin du'o/ /bsam gtan las skyes bde ba myong/ /tshangs pas tshangs pa'i gnas las kyang/ /mi rtag phyir ni lhung gyur pa/ /chu yis klung gi 'gram sa bzhin; /brgya byin dag ni stong rnams kyang/ /'khor los sgyur ba brgya dag dang/ /dus kyis 'chi bar 'gyur ba ni/ /mar me 'bar ba rlung gis bzhin/ /drang srong chen po lnga mngon shes/ /mkha' la rgyang ring 'gro ba yang/ /gang na spyod yul 'chi med ba/ /der ni 'gro bar nus pa med; /gang dus rnams bsreg 'gyur te/ /lhun po'ang thal bar 'jig pa dang/ /rgya mtsho'i chu yang skam 'gyur na/ /lus can de dag lta ci smos/ /ci ste sangs rgyas rnams kyi sku/ /mtshan dang dpe byed kyis brgyan pa/ /rdo rje'i sku yang mi rtag na/ /chu shing snying po'ang med 'dra ba'i/ / lus can gzhan rnams smos ci dgos/ /gnyen gyis phang du blangs pa yi/ /skye bo rnams kyang 'chi bas 'phrogs/ /rgya mtsho'i nang na gnas pa yi/ /klu la nam mkha' lding gis bzhin/ /kyi hud mi srog kye gnyen zhes/ /shin tu sdug bsngal du 'bod pa/ /ji ltar sbrul gyis sbal pa bzhin/ /'gro ba rnams ni 'chi bas mid/ /rab tu 'grod dka'i don gyi mthar/ /ma phyin par ni 'jig rten 'di/ /rab tu zhi ba'i khar bcug pa/ /chu srin gnas su chu 'bebs bzhin/ /gang dus 'jig rten pha rol du/ /'gro ba'i rjes 'gro dga' med na/ /dgra'am ji ste mdza' sdug rnams/ /'di la bye brag med par 'gyur/ /skye bo gzhan la byams byed phyir/ /skye bo rang 'khor 'du shes pa/ /bsam pa'i 'dam du bying ba ni/ /glang po 'dam du bying ba bzhin/ /khyod kyi ji snyed bshes gnyen rnams/ /'khor ba'i nang na glang bor ba/ /gang ga'i bye ma rnams la yang; /de rnams tsam du yod ma yin/ /gang nyid khyod kyis rab bsgrims te/ /btse ba'i bu yi 'du shes pa/ /de nyid tshe rabs gzhan dus na/ /rdeg par byed cing dgrar 'du shes/ /rang gis shes pa'i nu ma yang/ /khyod kyis 'thung ba'i srid gzhan la/ /de yis khrag nyid 'thung @34a @#/ /ba dang; /rgyab nas sha yang zos pa yin/ /gang khyod 'di ltar 'khor gyur te/ /mgo la lan grangs brgyar rjed pa/ /de nyid bran gyur khyod yin te/ /rtogs pas lan grangs brgyar yang brtag /'gro ba'i rgyu yi dngos bo yis/ /sngon bcas gzhan du snang gyur pa; /gzhan na yongs su 'gyur ba ste/ /rme bdun drang srong bdun tshogs bzhin/ /ji ltar nam mkha'i char thigs ni/ /tshogs shing rnam par 'jig 'gyur pa/ /de bzhin 'khor ba'i srog chags kyang/ /tshogs shing rnam par 'jig par 'gyur/ /ldan ba dang ni bral ba yi/ /lus can rnams ni yud tsam ste/ /'bab chu dba' klong 'khyil shugs la/ /shing dag ji ltar btsugs pa bzhin/ /ngo mtshar che 'o ma rig mthu/ /gang gis 'gro ba rnams rmongs pa'i/ /bral ba'i sdug bsngal dran nyams shing/ /ldan pa rnams la sred par byed/ /gtsang ma'i gnas rnams ma gtogs par/ /sna tshogs las kyis chas nas su/ /bros pa gang du'ang mi ltung ba/ /sems can 'ga' yang yod ma yin/ /yang dang yang du dmyal ba na/ /zangs zhun bskol ba gang 'thungs pa/ /rgya mtsho nang gi chu la yang/ /de yi tshad tsam yod ma yin/ /khyi dang phag tu gyur pa na/ /mi gtsang ba ni gang zos pa/ /ri yi rgyal po lhun po yi/ /tshad las shin tu lhag par 'gyur/ /mdza' bshes rab tu bral ba yi/ /'khor ba'i gnas su gang dus pa/ /mig gi mchi ma'i thigs pa yis/ /snod du rgya mtsho'ang rung ba yin/ /phan tshun dag tu rtsod pa'i phyir; /mgo bo bcad pa gang yin pa/ /spungs na de ltar mtho ba ni/ /tshangs pa'i 'jig rten las kyang thal/ /srin por gyur cing rab bkres pas/ /lus ni zos pa gang yin pa/ /'o ma'i rgya mtsho che nang du/ /de yis bkang na shin tu gang/ /yi ngags 'jig rten mi bzang par/ /bkres skom sdug bsngal gang myong ba/ /de ni dran phyir rang gi snying/ /rang gi sha yang 'dod mi 'gyur/ /mi la dbul ba'i nyes pa yis/ /mtho btsams pa ni gang myong pa/ /brjod pa bdag la mthu med pa/ /rang gi lce la ngo tsha zhing/ /ri bo'i ngos la yun ring dus/ /lha yi bde ba myong gyur @34b pa; /lha rdzas yul gyis mi ngoms te/ shing skam pa la me bzhin du/ /dge ba'i las rnams yongs zad pas/ /bde 'gro las kyang shi 'phos te/ /tshe zad sa la lhung ba ni/ /'dab chags bya ni mkha' la bzhin/ /las kyi shugs kyis 'gro ba 'di/ /gang phyir 'khor lo bzhin du 'khor/ /de bas chags pa yongs spangs shing/ /thar pa la ni blo zhen bya/ /mya ngan bsal ba zhes bya ba/ slob dpon rta dbyangs kyis mdzad pa rdzogs so// //rgya gar gyi mkhan po a dzi ta shrI b+ha dra dang/ zhu chen gyi lo tsA ba dge slong shAkya 'od kyis bsgyur cing zhus te gtan la phab pa'o// @##/ /rgya gar skad du/ da sha ku sha lA karma pa tha ni rde sha/ bod skad du/ mi dge ba bcu'i las kyi lam bstan pa/ 'jam dpal gzhon nur gyur pa la phyag 'tshal lo/ /mi dge las kyi lam bcu ni/ /rang bzhin kha na tho bcas/ /bde ba don du gnyer ba yis/ /'bad pa yis ni spang bar bya/ /bcu po de dag gang zhe na/ /lus kyi dbye ba rnam gsum ste/ /ngag gi dbye ba rnam pa bzhi/ /yid kyi rab tu dbye ba gsum/ /mi dge bcu ru de dag 'dod/ /de rnams rab tu bshad par bya/ /de la re zhig lus kyis ni/ /srog gcod ma byin len log g.yem/ /ngag gi brdzun tshig phra ma dang/ /tshig rtsub dang ni 'khyal pa rnams/ /yid kyi log lta brnab sems gnod/ /de la srog gcod gang zhe na/ /srog dang ldan par gyur pa la/ /srog dang ldan par 'du shes la/ /gnod sems nye bar gnas pa dang/ /rim pa bzhin du byas ldan dang/ /srog ni bcad par gyur pa st/e /yan lag lnga po de dag dang/ /ldan ba srog gcod yin par bshad/ /ma byin len pa gang zhe na/ /gzhan dag gi ni yin pa dang/ /gzhan gyis bdag gir byas pa dang/ /gzhan gyi yin par 'du shes dang/ /rku sems nye bar gnas pa dang/ /rim pa bzhin du byas ldan dang/ /gnas nas spags par gyur pa ste/ /yan lag drug po de dag dang/ /ldan pa ma byin len par bshad/ /de la log g.yem gang zhe na/ /log par g.yem pa rnam bzhi ste/ /yul min pa dang @35a @#/ /dus min dang/ /yan lag min dang bgrod min pa'o/ /de la'ang yul min bya ba ni/ /dam chos mchod rten sku gzugs dang/ /byang chub sems dpa'i bzhugs gnas stsogs/ /mkhan po dang ni slob dpon dang/ /pha ma drung na gnas ba ni/ /yul min de ru mi bya'o/ /de la dus min bya ba ni/ /zla mtshan 'dzag dang sbrum ma dang/ /bu chung dang bcas mi myos dang/ /sdug bsngal yid mi bde sogs dang/ /yan lag brgyad gnas dus min yin/ /yan lag min pa gang zhe na/ /kha dang bshang lam byis pa dang/ /brlab bsdams lag pas bskyod pa yin/ /bgrod par bya min zhes bya ni/ /gzhan bzung chos kyi rgyal mtshan ldan/ /rigs kyis bsrungs dang rgyal mor gnas/ /gzhan gyis blangs dang smad 'tshong dang/ /nye du dag dang 'brel ba ni/ /de dag bgrod bya min pa yin/ /rnam pa de dag rnams la ni/ /rang gi chung ma bsten pa yang/ /'dod log spyod par 'gyur ba yin/ /brdzun du smra ba gang zhe na/ /dngos po gnas par gyur pa dang/ /'du shes gzhan du bsgyur ba dang/ /brdzun du smra bar gyur pa dang/ /rim pa bzhin du byas ldan dang/ /yan lag lnga po de dag dang/ /ldan pa brdzun du smra bar 'gyur/ / de la phra ma gang zhe na/ /gzhan dag dbye phyir phra ma yin/ /de la tshig rtsub gang zhe na/ /gzhan gyi gnad bsnun byed pa ni/ /yid du mi 'ong tshig smras yin/ /de la 'khyal ba gang zhe na/ /'dod pas nye bar blang ba dang/ /chags pa yid ni nyer bskyed nas/ /'brel med smra ba 'khyal pa yin/ / de la brnab sems gang zhe na/ /gzhan gyi nor dang longs spyod la/ /mchog tu mngon bar chags pa yin/ /gnod sems zhes bya gang zhe na/ /sems can rnams la sdang ba yis/ /rdeg dang 'ching dang gnod ba ste/ /de dag sems can la byed pa'o/ /log lta zhes bya gang zhe na/ /sbyin med mchod sbyin yod min dang/ /'jig rten pha rol yod min dang/ /dge sbyong bram ze lha rnams med/ /rdzogs sangs rgyas dang dgra bcom dang/ /rang sangs rgyas dang legs spyod dang/ /nyes par spyod pa yod min zhes/ /bya ba log par lta ba yin/ /'phags pa dran pa nyer gzhag dang// @35b thag ba chen po'i mdo rnams las/ /bcom ldan 'das kyis rgyas gsungs pa/ /'di ni mdo ru bsdus pa yin/ /mi dge las kyi lam bcu ni/ /dmyal ba chen po'i rgyu ru bshad/ /dge bcu las kyi lam bsten pas/ /dmyal la sogs par ltung ma yin/ /sems can rnams la phan pa'i phyir/ /skye zhing skye ba rnams su ni/ /gang zhig skye ba las rgyal ba'i/ /byang chub rang bzhin des 'grub shog /mi dge bcu'i las kyi lam bstan pa zhes bya ba/ slob dpon rta dbyangs kyis mdzad pa rdzogs so// //rgya gar gyi mkhan po a dzi ta shrI b+ha dra dang/ zhu chen gyi lo tsA ba dge slong shAkya 'od kyis bsgyur ba'o// @##/ /rgya gar skad du/ sadd+harma smr-i ti u pasthA na kA ri kA/ bod skad du/ dam pa'i chos dran ba nye bar gzhag pa'i tshig le'ur byas pa/ /dkon mchog gsum la phyag 'tshal lo/ /yon tan ldan zhing dbab bya phebs; /yang dag ye shes snang ba ldan/ /rtag tu gzhan gyi don mdzad pa/ /'jig rten gsum gtso phyag 'tshal lo/ /gang la byed po gzhan med pa/ /lus dang ngag dang yid kyi las/ /dge dang mi dge rang byas gang/ /'di yi 'bras bu 'jig rten spyod/ /de ltar/ /'jig rten mkhyen pa thugs brtses non/ /'jig rten gsum gtso gcig po nyid/ /'gro ba'i don du las gang dang/ /'bras bu gang dag yin gsung ba/ /de ni bdag gis mdor bshad kyi/ /khyod kyis nyon la dam pa dang/ /dam pa min ba'i rgyu yi las/ /bya ba dang ni spangs pa'i rigs/ / chags sdang gti mug 'jigs dang khro/ /mi gang mi ni gsod pa dang/ /gzhan yang bskyed nas gsod byed ba/ /de dag nges par yang sos 'gro/ /gang gi phyir na lo stong phrag /mang por yang ni de dag tu/ /btags shing btags shing yang 'tsho bas/ /de phyir yang sos yin par bshad; /pha ma dang ni grogs dang gnyen/ /bshes gnyen dang ni 'khu byed dang/ /phra ma brdzun ni smra ba'i mi/ /thig nag tu ni 'gro bar 'gyur/ /gang phyir de la shing bzhin du/ /thig nag btab nas sog le dang/ /'bar ba yis ni gshog byed de/ /de phyir thig nag yin par @36a @#/ /bshad; /ra dang lug dang wa dag dang/ /ri bong byi ba ri dags phag /gzhan yang bskyed nas gsod byas na/ /lus can bsdus 'joms 'gro bar 'gyur/ /gang phyir bsdus nas der 'dor nas/ /yang dag sreg par byed pas na/ /de yi phyir ni bsdus 'joms te// de ltar ming ni don mthun drag /'dir ni lus can gang dag gis/ /lus dang dag yid nyon mongs byed/ /gang dag lhang 'jug gzhan g.yo byed/ /mi de dag ni du 'bod 'gro/ /da ni drag po'i me dag gis/ /rgyun mi 'chad par sreg pas na/ /gang phyir skad ni drag 'byin pas/ /de phyir de dag du 'bod yin/ /gang gi lha dang bram ze dang/ /bla ma'i rdzas 'phrog sdug bsngal byas/ /gang ngag gtams pa 'phrog byed pa/ /de dag du 'bod chen por 'gro/ /mes sreg ba ni drag phyir dang/ /du 'bod pa yang che phyir dang/ /lci zhing che ba nyid kyi phyir/ /de ni du 'bod chen po yin/ / yon tan dag gis che ba la/ /gnod pa drag po byas pa las/ /pha ma bla ma bsad byas pa/ /nges par bskal bar mnar med 'tshed/ /me drag der ni lus dag gi /rus pa dag kyang lhags par 'gyur/ /gang phyir bde ba'i skabs med pa/ /de phyir mnar med yin par bshad/ /lus can gang dag gcig la gcig /gnod par dga' bas g.yul ngor gsod/ /sdig can de dag sdug bsngal dang/ /ldan pa'i ral gri'i sems can skye/ /gang phyir de yi sen mo ni/ /lcags byas 'bar rno de dag gis/ /gcig gis gcig gsod gang yin des/ /ral gri rtse mo can du bshad; /byi bo byed pa shal ma ri/ /lcags kyi rtse mo rtse mo 'bar/ /sor ni bcu drug yod pa la/ /du zhing stobs kyis 'dzegs par 'gyur/ /bud med shin tu 'jigs 'jigs lta/ /mchu rno lus chen 'bar ba yis/ /gzhan gyi lus med 'phrog pa la/ /'jus nas za ba kho nar 'gyur/ /bag phab pa la gnod byed mi/ /nags tshal ral gri 'dab can du/ /gtubs byas du zhing bya rgod khyi/ /'ug pa bya rog za bar 'gyur/ /gang dag gzhan gyi nor 'phrog pa/ /de dag lcags kyi thu lum ni/ /tsha ba dag kyang za ba dang/ /yang dang yang du zangs bskol @36b 'thung; /rtag tu rngon la dga' ba gang/ /lo ni bye bar du zhing yang/ /khyi ni lcags kyi mche ba can/ /mi srun shin tu dbang med za/ /chu skyes nya la sogs bsad na/ /chu bo rab med 'bar ba yi/ /zangs kyi chu bo'i chur 'gro zhing/ /mi de mes kyang bsreg par 'gyur/ / gang zhig rang don tsam rmongs nas/ /chos dang mi ldan shags 'gyed nas/ /sems can dmyal bar de du zhing/ /'khor los mngon par gzir bar 'gyur/ /'di la gang gis gzugs can la/ /gnod pa rnam pa mang byas pa/ /de dag yun ring 'khor lo dang/ /ri dang thob 'bar bas gzir/ /gang zhig chos kyi stegs 'jig cing/ /yang dag ma yin lam smra ba'i/ /mi de dag ni spu gri'i sos/ /gtams pa'i lam du 'gro bar 'gyur/ /son mos shig la sogs bcom na/ /de dag lus ni cher 'gyur la/ /ston brgyar yang dang yang du ni/ /brag sgong po yis 'joms par 'gyur/ /gang zhig brtul zhugs bzang mnos nas/ /legs par srung bar mi byed na/ /de ni nges par sha dang rus/ /'jigs pa'i me mar mur du bsreg /gang du 'tsho ba log pa ni/ /cung zad kyis kyang 'tsho byed pa/ /de ni rkyag 'jim nub gyur nas/ /srin po rnams kyis za bar 'gyur/ /'bru yi nang du 'khod pa yi/ /srog mthong nas ni 'joms pa gang/ /de ni lcags kyi gtun shing gis/ /yang dang yang du brdung bar 'gyur/ /shin tu khro zhing gtum pa dang/ /g.yo byed brdzun du smra ba dang/ /gzhan la gnod byed dga' ba ni/ /gshin rje'i srin bor skye bar 'gyur/ /sdug bsngal kun gyi sa bon ni/ /chung du la sogs dbye ba yis/ /lus ngag yid kyi sdig ba ste/ /de ni pha yang spang bar bya/ /sems can dmyal ba'i rabs rdzogs so// //'dod chags kyis ni rmongs pa dag /ngang pa phug ron la sogs dang/ /bong bu 'dod chags can rnams kyi/ /skye gnas srin sogs skye gnas te/ /khong khro 'dzin pas sprul du skye/ /nga rgyal khengs sems seng ger 'gyur/ /che ba yi ni nga rgyal gyis/ /khyi dang bong bu'i skye gnas te/ /ser sna phrag dog la sogs pa'i/ /skyon gyis lus can shi nas spre'u/ / @37a @#/ /mu cor smra dang spyi brtol che/ /rang bzhin mi brtan khrar skye'o/ /gsod dang 'ching dang ser sna yis/ /lus can ba lang khyi la sogs/ /'gyur ro mi srun las kyis ni/ /sdom dang sdig pa mi sdug skye/ /khro dang ser sna can gyi mi/ /shi nas sha ni za byed pa/ /stag dang spre'u wa dang dom/ /bya rgod spyang ki la sogs skye/ /mi srun khro gnyer sbyin byed mi/ /rdzu 'phrul chen bo'i klur skye'o/ /gtong zhing khro dang dregs pa yis/ /nam mkha' lding gi dbang phyug che/ /rang gi lus dang ngag yid kyis/ /sdig pa'i las ni gang byas pa/ /de ni dud 'gror skye bas na/ / de ni chung yang ma byed cig /dud 'gro'i rabs rdzogs so// //rtse log can gang sbyin pa spangs/ /bza' dang bca' ba spong byed pa/ /de dag yi dags lus srul bo/ /ro rnams za bar byed par skye/ /gang zhig byis brnams la 'tshe/ /sred pas 'drid par byed pa de/ /khong gi dri ma za byed pa'i/ /lus srul por ni skye bar 'gyur/ /mi gang spyod pa dman pa gang/ /shin tu zhum dang ser sna dang/ /rtag tu 'dod byed de shi nas/ /yi dags wa ba can du skye/ /gang zhig ci yang mi ster la/ /sbyin pa zlog par byed pa de/ /yi dags bkres pas rnyongs pa zhes/ / gsus che kha ni khab tsam 'gyur/ /gang zhig spyod dang sbyin mi byed/ /rigs kyi don du nor srung na/ /de ni yi dags mtshan gtor spyod/ /shin tu bsngos sa der skye'o/ /gang zhig gzhan gyi nor 'phrog 'dod/ /byin nas 'gyod par byed pa de/ /shi nas mchil ma skyugs pa la/ /bra bar byed pa'i yi dags skye/ /gang zhig khros pas mi snyan smra/ /mtshang 'bru ba ni smra byed pa/ /las des shin tu yun ring bar/ /yi dags kha 'bar skye bar 'gyur/ /gang zhig 'thab mo byed pa dang/ /ma chags sems ni khro byed pa/ /de ni yi dags me 'bar ma/ /srin dang sdig sprul phye leb za/ /gang zhig grong bcas 'bebs shing ster/ /byin zhing gnod par byed pa de/ /grul bum byad ni mi sdug pa/ /mchod par 'os par skye bar 'gyur/ /zas kyi ched du brtse med pas/ /srog chags bsad cing sbyin med gang/ /de dag shi nas nges par ni/ / @37b srin po'i bza' dang bca' bar 'gyur/ /rtag tu dri dang phreng la dga'/ /sbyin byed khro ba chung ba ni/ /lha rnams dga' ba'i rgyur 'gyur ba/ /dri za rnams su skye bar 'gyur/ /gang zhig kha cig phra ma che/ /khro zhing dgos pa'i ched sbyin na/ /de ni sha za ma rungs nyid/ /bzhin mi sdug par skye bar 'gyur/ /rtag tu rab sdang rtags bag can/ /gzhan la gnod pa byed pa dang/ /rtag tu sbyin la dga' ba ni/ /de dag shi nas 'byung por skye/ /ma rungs khro zhing sbyin byed la/ /chang zhim dag la dga' ba'i ni/ /shi nas gnod sbyin ma rungs pa/ /chang la dga' ba rnams su skye/ /gang dag pha ma bla ma rnams/ /ji ltar 'dod pa'i bzhon par 'degs/ /de dag gzhal med khang rgyu ba'i/ /gnod sbyin bde ba ldan par skye/ /sred dang ser sna'i skyon gyis ni/ /shi nas yi dags skye bar 'gyur/ /nyon mongs can dges gnod sbyin sogs/ /de phyir de ni spab bar bya/ /yi dags kyi rabs rdzogs so// //mi 'tshe ba yi lha dang mi/ /lha min rnams su tshe ring 'gyur/ /'tshe bas thung dur skye bar 'gyur/ /de phyir 'tshe ba rnam par spungs/ /mdze dang smon pa zad byed mi/ /mi nad gzhan yang gang dag yin/ /'byung po rnams la bsad dang bcings; /brdeg par byas pa rnams kyis 'byung/ /gang zhig gzhan gyi nor 'phrog cing/ /ci yang sbyin par mi byed pa/ /de ni 'bad pa chen pos kyang/ /rdzas na rnyed par mi nus so/ /gang zhig rdzas ni ma byin bar/ /len ba sbyin ba sbyin byed pa/ /de ni rdzas dang ldan gyur la; /phyis nas de ni med par 'gyur/ /mi gang mi 'phrogs sbyin mi byed/ /ha cang 'jungs pa ma yin ba/ /de dag tshigs ni chen po yis/ /nges par rdzas ni brten pa thob/ /gang zhig gzhan gyi nor mi 'phrogs/ /gtong dang ldan zhing ser sna spangs/ /mi de rdzas ni mi 'phrogs pa; rgya chen yid du 'ong ba thob/ /gang zhig 'di la rdzas sbyin pa/ /tshe dang mdog dang stobs ldan zhing/ /dpal dang ldan zhing nad spangs pa/ /rtag par bde dang ldan par 'gyur/ /gang zhig gos ni sbyin byed pa/ /'dzem bcas gzugs bzang longs spyod ldan/ /byin @38a @#/ /[PAGE M-iSS-iNG] @38b [PAGE M-iSS-iNG] @39a @#/ /bkur byed stong ldan bzod par byed/ /'thab mo la ni dga' ba dang/ /de ni sum cu rtsa gsum skye/ /rtsod la mi dga' 'thab mo la/ /yid ni dga' bar mi byed la/ /gcig tu dge la brtson ba gang/ /de dag 'thab bral nyid du 'gro/ /thos pa mang dang chos 'dzin dang/ /shes rab ldan zhing thar pa 'dod/ /yon tan rnams la dga' ba'i mi/ /de dag dga' ldan nye bar 'gro/ /mi gang rang nyid dul ba la/ /zhugs shing tshul khrims 'bogs pa la/ /spro ba che dang ldan pa de/ /gdon mi za bar 'phru la dgar 'gro/ /sems can gang zhig sman min mchog /sbyin dang dul dang yang dag bsdoms/ /phul byung yon tan lhag gyur te/ /nges par gzhan 'phrul dbang byed do/ /tshul khrims kyis ni mtho ris thob/ /bsam gtan gyis ni khyad par 'gyur/ /yang dag ji bzhin yongs shes pas/ /mthar ni yang srid med par 'gyur/ /mi dge bas ni bde mi thob/ /dge ba yis ni bde ba 'thob/ /de ltar dge dang mi dge ba'i/ /las kyi 'bras bu gsal bar bstan/ /sdug pa dang ni bral ba dang/ /mi sdug pa dang phrad pa dang/ /las rnams rang gi 'bras bur bcas/ /'chi dang rga dang na ba nyid/ /gsum po 'di dag bsam par bya/ /de lta na ni chags bral thob/ /chags dang bral na bsod nams 'dod/ /de bzhin sdig pa spong bar byed/ /de dag nyid kyang mdor nyon cig /bdag dang gzhan gyi don byed dang/ /gzhan la gnod byed spong ba ni/ /bsod nams bzlog pa sdig yin par/ /bdag nyid chen pos de skad gsungs/ /lha'i rabs rdzogs so// //dam pa'i chos dran pa nye bar gzhag pa'i 'gro ba drug gi tshig le'ur byas pa/ slob dpon btsun pa chos ldan rab 'byor dbyangs kyis mdzad pa rdzogs so// // rgya gar gyi mkhan po d+harmA ka ra dang/ /zhu chen gyi lo tsA ba gtsang de ben tra rak+Shitas bsgyur cing zhus te gtan la phab pa'o// @#/ /'dod pa'i yon tan lnga'i nyes dmigs bshad pa/ /'jam dpal gzhon nur gyur pa la phyag 'tshal lo/ /ri dags glang po @39b phye ma leb dang nya/ /sbrang ma lnga po de yang lnga yis bcom 'gyur te/ gcig gis bcom na gang zhig lnga rnams ni/ /rtag tu bstan pa ci phyir bcom mi 'gyur/ /rtswa yi myu gu gtsang ma za/ /shin tu ring du 'gro nus pa/ /ri dags rdon pa'i glu dbyangs kyis/ /nges par gsod pa tshol par 'gyur; /sa srung dang ni rab 'gren cing/ /ri yi rgyal po rgyun shes bya'i/ /ban glang mo yi nye reg gis/ /nges par glang po bsad sar song/ /'bar ba chen po'i tshogs dag gi /me chen dag ni mthong nas kyang/ /gzugs la chags pa chen po yang/ /phye leb me la 'jug par 'gyur; /bkag pa med pa'i lam 'gro zhing/ /rtag tu rnam par rgyu ba yin/ /ro myang ba la chags pa yi/ /nya ni lcags kyus rlag par byed/ /rtag tu nam mkha' la rgyu zhing/ /gzugs ni shin tu yid 'ong ba'i/ /bum pa dri yis nyes pa yis/ /des par 'chi bar 'gyur ba yin/ / ri dags nyid ni sgra tsam gyis/ /reg pas glang po brlag par 'gyur/ /gzugs nyid kyis ni phye leb ste/ /ro yis nya ni rnam par rlag /bud ba dri la chags pa ste/ /'di dag rgyu ni re re yis/ /skyes bu dag ni gcig la yang/ /lnga po 'di dag rtag ldan zhing// nyin mtshan du ni rab 'joms na/ /bde ba gnas ji thob par 'gyur/ /'dod pa'i yon tan lnga'i nyes dmigs bshad pa slob dpon dbyig gnyen gyis mdzad pa rdzogs so// //rgya gar gyi mkhan po d+harma shrI b+ha dra dang/ /zhu chen gyi lo tsA ba rin chen bzang pos bsgyur cing zhus te gtan la phab pa'o// @#/ /'phags pa spyan ras gzigs dbang byug gis/ dge slong rab gsal gzhon nu la springs pa'i phrin yig /sangs rgyas dang byang chub sems dpa' thams cad la phyag 'tshal lo/ /sngon 'phags pa spyan ras gzigs dbang phyug dang; /dge slong rab gsal gzhon nu gnyis dang por byang chub kyi mchog tu sems bskyed de grogs por 'thams nas/ gang gis lam sdon du grub pa des/ cig shos la bstang bar dam bcas pa las/ 'phags pa spyan ras gzigs dbang phyug gis lam sdon du grub ste/ dge slong @40a @#/ /rab gsal gzhon nu la bstad ba'i phyir phrin yig gis bzlugs pa/ grogs khyod ci ste 'am dam bcas brjed dam ci/ /'dod pa me mdag dong 'dra 'di la ci zhig chags/ /shin tu skyo ba'i yid kyis rab tu mi 'bad par/ /srid rgyu 'dod pa da dung gang ba ga la srid/ / theg pa mchog gis des 'byung 'gro ba'i don byos la/ /rgyu dang kha gsag drag pa nyid la mi gdung zhing/ /'gro las rnam grol lam la myur du ma 'bad na/ /dus gsum rgyal bas bskyab dka' phan thag chad du 'ong/ /rtog med rtog bral dus gsum thub pa kun gshegs shul/ /phra shing shes dka' tshig gi spyod yul ma yin yang/ phyogs tsam rtog pas sgro btags rgyal ba'i mthus brjod na/ /shin tu legs par rab nyon yid la gzung nus sam/ /dge slong rab gsal gzhon nus slar yang 'phags pa spyan ras gzigs dbang phyug la gsol pa/ mtho la mtho sems mi mdzad mnyam la 'gran mi mdza'/ /dma' la rdan can mi mdzad yongs la snyoms pa'i mgon/ /dpa' bo 'od zer stong 'bar lam mer bzhugs pa yi/ /mdangs bzang thugs rje'i mnga' bdag da ltar gang na bzhugs/ /khri lan bdud ris 'pham mdzad thar pa'i lam ston gsol/ /nyes bcu tha ba'i rdul bral stobs bcu rtsal 'phags gson/ /'jig rten gsum gyi gnyen gyur skyob pa dam pa gson/ /dpa' brtan bdud las shin tu mtshams med gcig tu brtan pa gson/ /bdag ni mun bcas bdud kyi zhags pas zin pa ste; /thar pa'i lam stor 'khor ba'i dgon par 'khyams lags na/ /cis 'dul gar legs thabs kyis myur du mi skyob par/ /dus rings bgrangs kyi bar du mgon khyod ci la gzhes/ /lha dang mi yi khyu mchog tshogs rab mtha' yas dgongs/ /mu stegs kha brgya pham mdzad skyes bu seng ge dgongs/ /yid bzhin dbyig gi rtog ltar re ba kun skong dgongs/ /thugs rje chu bo rgyun 'babs rgyal sras thu bo dgongs/ /srid gsum sgyu mar chos bstan ngo bo med bzhin du/ /bden spangs log pa'i lam zhugs srid pa'i lam zhugs pa/ /'khor ba'i gdos can grangs med bskyab @40b kyi mi lang zhes/ /dang che lha yi thugs kyang skyo bar rung mod kyi/ /'on kyang legs rgyu chos nyid bzod nas mya ngan 'das don du/ /'gro ba yongs kyi ched la go bgos mdzad lags kyis/ /mgon po rab gsal gzhon nu rjes dgongs nyag sring zhing/ /thugs rje'i thugs kyis bzod pa bzhes te bskyab tu gsol/ /stobs mchog dpal gyi mgur nas yi ge 'brus bsnyad pa/ /mkha' la tshon bkye bzhin du spyod yul ma lags pas/ /rgyal sras 'khor bcas rnams kyis gsal bar ma bstan na/ /bdag 'dra mtshan mar 'dzin pas gzung bar ga la nus/ / 'on kyang don gyi dam pa srid pa'i dpyis 'byin pa/ /gdams ngag bka' drin mchog 'di spyi bor blang slad du/ /ci nus sems kyi rtsal gyis log par gzung mi bgyid/ /bla ma'i sar bzhugs che ba'i mthus kyang bstad du gsol/ /'phags pa spyan ras gzigs dbang phyugs gis; dge slong rab gsal gzhon nu la springs pa'i phrin yig rdzogs so// //rgya gar gyi mkhan po sarba dznyA de ba dang/ /lo tsA ba ban de dpal brtsegs kyis bsgyur cing zhus te gtan la phab pa'o// @##/ /rgya gar skad du/ su hr-i da le kha/ bod skad du/ bshes pa'i spring yig /'jam dpal gzhon nur gyur pa la phyag 'tshal lo/ /yon tan rang bzhin dge 'os bdag gis ni/ /bde bar gshegs pa'i gsung bsnyad las byung ba'i/ /bsod nams 'dun slad 'phags pa'i dbyangs 'di dag /cung zad cig bsdebs khyod kyis gsan pa'i rigs/ /ji ltar bde gshegs sku gzugs shing las kyang/ /bgyis pa ci 'dra 'ang rung ste mkhas pas mchod/ /de bzhin bdag gi snyan ngag 'di ngan yang/ /dam chos brjod la brten slad smad mi bgyi/ /thub pa chen po'i bka' ni sman dgu zhig; /khyod kyi thugs su lta yang chud mod kyi/ /rdo thal las bgyis dgung zla'i 'od kyis ni/ /ches dkar nyid du ci ste mi bgyid lags/ /rgyal bas sangs rgyas chos dang dge 'dun dang/ /gtong dang tshul khrims lha rjes dran pa drug /rab tu bka' stsal de dag so so yi/ / @41a @#/ /yon tan tshogs kyis rjes su dran par bgyi/ /dge ba'i las lam bcu po lus dang ni/ /ngag dang yid kyis rtag tu bsten bgyi zhing/ /chang rnams las ldog de bzhin dge ba yi/ /'tsho ba la yang mngon par dgyes par mdzod/ /longs spyod g.yo ba snying po med mkhyen nas/ dge slong gram ze bkren dang bshes rnams la/ /sbyin pa tshul bzhin stsal bgyi pha rol du/ /sbyin las gzhan pa'i gnyen mchog ma mchis so/ /khyod kyi tshul khrims ma nyams mod mi dma'/ /ma 'dres ma sbags pa dag bsten par mdzod/ /khrims ni rgyu dang mi rgyu'i sa bzhin du/ /yon tan kun gyi gzhi rten lags par gsungs/ /sbyin dang tshul khrims bzod brtson bsam gtan dang/ /de bzhin shes rab gzhal med pha rol phyin/ /'di dag rgyas mdzod srid pa'i rgya mtsho yi/ /pha rol phyin pa rgyal ba'i dbang po mdzod/ /gang la pha dang ma dag mchod byed pa'i/ /rigs de tshangs bcas slob dpon bcas pa'ang lags/ /de dag la mchod grags par 'gyur ba dang/ /slad ma la yang mtho ris 'gyur ba lags/ /'tshe dang chom rkun 'khrig pa brdzun dang ni/ /chang dang dus min zas la chags pa dang/ /mal stan mtho la dga' dang glu dag dang/ /gar dang phreng ba'i khyad par rnams spong zhing/ /dgra bcom tshul khrims rjes su byed pa yi/ /yan lag brgyad po 'di dag dang ldan na/ /gso sbyong 'dod spyod lha lus yid 'ong ba/ /skyes pa bud med dag la stsol bar bgyid/ /ser sna g.yo sgyu chags dang snyom las dang/ /mngon pa'i nga rgyal 'dod chags zhe sdang dang/ /rigs dang gzugs dang thos pa lang tsho dang/ /dbang thad che bas rgyags pa dgra bzhin gzigs/ /bag yod bdud rtsi'i gnas te bag med pa/ /'chi ba'i gnas su thub pas bka' stsal to/ /de bas khyod kyi dge chos spel slad du/ /gus pas rtag tu bag dang bcas par mdzo/ /gang zhig sngon chad bag med gyur pa la/ /phyi nas bag dang ldan par gyur te yang/ /zla ba sprin bral lta bur rnam mdzes te/ /dga' bo sor phreng mthong ldan bde byed bzhin/ / @41b 'di ltar bzod mtshungs dka' thub ma mchis pas/ /khyod kyis khro ba'i go skabs dbye mi bgyi/ /khro ba spangs pas phyir mi ldog pa nyid/ /'thob par 'gyur bar sangs rgyas zhal gyis bzhes/ /bdag ni 'dis spyos 'dis gtag pham par byas/ /'di yis bdag gi nor phrogs gyur te zhes/ khon du 'dzin pas 'khrug long rnam bskyed de/ /khon 'dzin rnam spangs bde bar gnyid kyis log /sems can chu dang sa dang rdo ba la/ /ri mo bris pa de 'drar rig par bgyi/ /de'i nang nyon mongs can la dang po ni/ /mchog ste chos 'dod rnams la tha ma la gas/ /rgyal bas snying la 'bab dang bden pa dang/ /log par smra ldan skyes bu rnams kyi ni/ /sbrang rtsi me tog mi gtsang lta bu'i tshig /rnam gsum bka' stsal de las tha ma spang/ /snang nas snang ba'i mthar thug mun pa nas/ /mun pa'i mthar thug snang nas mun mthar thug /mun nas snang ba'i mthar thug gang zag ni; /gzhi ste de dag rnams kyi ngang por mdzod/ /mi ni a mra'i 'bras bzhin ma smin la/ /smin pa dang 'dra smin la ma smin 'dra/ /ma smin ma smin par snang smin la ni/ /smin par snang zhes bgyi ba 'drar rtogs mdzod/ /gzhan gyi chung ma mi lta mthong na yang/ /na tshod mthun par ma dang bu mo dang; /srid mo'i 'du shes bskyed bgyi chags gyur na/ /mi gtsang nyid du yang dag bsam par bgyi/ /g.yo ba'i sems ni thos mtshungs bu lta bur/ /gter bzhin srog dang 'dra bar bsrung bgyi ste/ /gdug pa dug dang mtshon dang dgra bo dang/ /me bzhin 'dod ba'i bde la yid 'byung mdzod; /'dod pa rnams ni phung khrol bskyed pa ste/ /rgyal ba'i dbang pos kimpI 'bras 'drar gsungs/ /de dag spang bgyi de yi lcags sgrog gis/ /'khor ba'i brtson rar 'jig rten 'di dag bcings/ /gang dag dbang po drug yul rnams la ni/ /rtag tu mi brten g.yo dang gang dag cig /g.yul ngor dgra tshogs la sa rgyal de dag las/ /mkhas rnams dang po dpa' rab lags par 'tshal/ /bud med gzhon nu'i lus ni logs shig tu/ /dri nga ba dang sgo dgu dod pa dang/ /mi gtsang kun snod 'dra ba dgang dka' dang/ /pags pas g.yogs dang rgyan yang @42a @#/ /logs shig gzigs/ /ji ltar mdze can srin bus nyen pa ni/ /bde ba'i don du me la kun bstan kyang/ /zhi bar mi 'gyur de dang 'dra bar ni/ /'dod pa rnams la chags pa'ang mkhyen bar mdzod/ /don dam gzigs par bgyi slad dngos rnams la/ /tshul bzhin yid la bgyid pa de goms mdzod/ /de dang 'dra bar yon tan ldan pa yi/ /chos gzhan 'ga' yang mchis pa ma lags so/ /skyes bu rigs gzugs thos dang ldan rnams kyang/ /shas rab tshul khrims bral ba bkur ma lags/ /de ltas gang la yon tan 'di gnyis ldan; /de ni yon tan gzhan dang bral yang mchod/ /'jig rten mkhyen pa rnyed dang ma rnyed dang/ /bde dang mi bde snyan dang mi snyan dan/ /bstod smad ces bgyi 'jig rten chos brgyad po/ /bdag gi yid yul min par mgo snyoms mdzod/ /khyod kyis bram ze dge slong lha dang ni/ / mgron dang yab yum dag ngang btsun mo dang/ /'khor gyi slad du'ang sdig pa mi bgyi ste/ /dmyal ba'i rnam smin skal nod 'ga' ma mchis/ /sdig pa'i las rnams spyad pa 'ga' yang ni/ /de yi mod la mtshon bzhin mi gcod kyang/ /'chi ba'i dus la bab na sdig pa yi/ /las kyi 'bras bu gang lags mngon par 'gyur/ /dad dang tshul khrims thos dang gtong ba dang/ /dri med ngo tsha shes dang khrel yod dang/ /shes rab nor bdun lags par thub pas gsungs/ /nor gzhan phal pa don ma mchis rtogs mdzod/ /rgyan po 'gyed dang 'dus la lta ba dang/ /le lo sdig pa'i grogs la brten pa dang/ /chang dang mtshan mo rgyu ba ngan song ba/ /grags pa nyams bar 'gyur ba de drug spang/ /nor rnams kun gyi nang na chog shes pa/ /rab mchog lags par lha mi'i ston pas gsungs/ /kun du chog shes mdzod cig chog mkhyen na/ /nor mi bdog kyang yang dag 'byor pa lags/ /des pa bdog mang ji ltar sdug bsngal ba/ /'dod pa chung rnams de lta ma lags te/ /klu mchog rnams la mgo bo ji snyed pa/ /de las byung ba'i sdug bsngal de snyed do/ /rang bzhin dgrar 'brel gshed ma lta bu dang/ khyim thab brnyas @42b bgyid rje mo lta bu dang/ /chung ngu'ang rku ba chom rkun lta bu yi/ /chung ma gsum po de dag rnam par spang/ /srid mo lta bur rjes mthun gang yin dang/ /mdza' mo bzhin du snying la 'bab pa dang/ /ma bzhin phan par 'dod dang bran mo bzhin/ /dbang gyur gang yin rigs kyi lha bzhin bkur; /kha zas sman dang 'dra bar rigs pa yis/ /'dod chags zhe sdad med par bsten bgyi ste/ /rgyags phyir ma lags bsnyems pa'i phyir ma lags/ /'tshag phyi ma lags lus gnas 'ba' zhig phyir/ /rig pa'i bdag nyid nyin par mtha' dag dang/ /mtshan mo thun gyi stod smad bzlas nas ni/ /mnal tshe'ang 'bras bu med par mi 'gyur bar/ /dran dang ldan bar de dag bar du mnol/ /byams dang snying rje dag dang dga' ba dang/ /btang snyoms rtag tu yang dag bsgom mdzod cig /gong ma brnyes par ma gyur de lta na'ang/ tshangs pa'i 'jig rten bde ba thob par 'gyur/ /'dod spyo dga' dang bde dang sdug bsngal dag /rnam par spangs pa'i bsam gtan bzhi po yis/ /tshangs dang 'od gsal dag dang dge rgyas dang/ /'bras bu che lha rnams dang skal mnyam thob/ /rtag dang mngon par zhen dang gnyen po med/ /yon tan gtso ldan bzhi las byung ba'i las/ /dge dang mi dge rnam lba chen po ste/ /de bas dge ba spyod la ba rtson par bgyi/ /lan tshwa srang 'gas chu ni nyung du zhig /ro bskyur bgyid kyi ganggA'i klung min ltar/ /de bzhin sdig pa'i las ni chung du yang/ /dge ba'i rtsa ba yang la mkhyen par bgyi/ /rgod dang 'gyod dang gnod sems rmugs pa dang/ /gnyid dang 'dod la 'dun dang the tshom ste/ /sgrib pa lnga po 'di dag dge ba'i nor/ /'phrog pa'i chom rkun lags par mkhyen par mdzod/ /dad dang brtson 'grus dag dang dran pa dang/ /ting 'dzin shes rab chos mchog lnga nyid de/ / 'di la mngon brtson mdzod cig 'di dag ni/ /stobs dbang zhes bgyi rtse mor gyur pa'ang lags/ /na rga 'chi sdug bral dang de bzhin du/ /las ni bdag gir byas las ma 'das zhes/ /de ltar yang dang yang du sems pa ni/ /de yi gnyen po'i sgo nas rgyags mi 'gyur/ / @43a @#/ /gal te mtho ris thar pa mngon bzhed na/ /yang dag lta la goms pa nyid du mdzod/ /gang zag log par lta bas legs spyad kyang/ /thams cad rnam par smin pa mi bzad ldan/ /mi ni yang dag nyid du mi bde zhing/ /mi rtag bdag med mi gtsang rig par bgyi/ /dran pa nye bar ma bzhag rnams kyis ni/ /phyin ci log bzhir lta ba phung khrol ba/ /gzugs ni bdag ma yin zhes gsungs te bdag /gzugs dang mi ldan gzugs la bdag nas min/ /bdag la gzugs mi gnas te de bzhin du/ /phung bo lhag ma bzhi yang stong rtogs bgyi/ /phung bo 'dod rgyal las min dus las min/ /rang bzhin las min ngo bo nyid las min/ /dbang phyug las min rgyu med can min te/ /mi shes las dang sred las byung rig mdzod/ /tshul khrims brtul zhugs mchog 'dzin rang lus la/ /phyin ci log par lta dang the tshom ste/ /kun du sbyor ba 'di gsum thar pa yi/ / grong khyer sgo 'gegs lags par mkhyen par gyis/ /thar pa bdag la rag las 'di la ni/ /gzhan gyis grogs bgyir ci yang ma mchis pas/ /thos dang tshul khrims bsam gtan ldan pa yis/ /bden pa rnam pa bzhi la 'bad par mdzod/ /lhag pa'i tshul khrims lhag pa'i shes rab dang; /lhag pa'i sems la rtag tu bslab par bgyi/ /bslab pa brgya rtsa lnga bcu lhag cig ni/ /gsum po 'di nang yang dag 'du bar 'gyur/ /dbang phyug lus rtog dran pa bde gshegs kyis/ /bgrod pa gcig pa'i lam du nye bar bstan/ /de ni bsgrims nas mngon par bsrung bgyi ste/ / dran pa nyams pas chos kun 'jig par 'gyur/ /tshe ni gnod mang rlung gis btab pa yi/ /chu yi chu bur bas kyang mi rtag na/ /dbugs rdub dbugs 'byung gnyid kyis log pa las/ /sad khom gang lags de ni ngo mtshar tshe/ /lus mtha' thal ba mthar skam mthar 'drul zhing/ /tha mar mi gtsang snying po ma mchis pa/ /rnam par 'jig dengs myags par 'gyur ba ste/ /so sor 'gyes chos can du mkhyen par mdzod/ /sa dang lhun po rgya mtsho nyi ma bdun/ /'bar bas bsregs pa'i lus can 'di dag kyang/ thal ba yang ni lus par mi 'gyur na/ /shin tu nyam chung mi lta @43b smos ci 'tshal/ /de ltar 'di kun mi rtag bdag med de/ /skyabs med mgon med gnas med de slad du/ /'khor ba chu shing snying po med pa las/ /mi mchog khyod kyi thugs ni dbyung bar mdzod/ /rgya mtsho gcig gnas gnya' shing bu ga dang/ /rus sbal phrad pa bas kyang dud 'gro las/ /mi nyid ches thob dka' bas mi dbang gis/ /dam chos spyod pas de 'bras mchis par mdzod/ /gang zhig gser snod rin chen spras pa yis/ /ngan skyugs 'phyags par bgyid pa de bas ni/ /gang zhig mi ru skyes nas sdig pa dag /bgyid pa de ni ches rab blun pa lags/ /mthun par gyur pa'i yul du gnas pa dang/ /skyes bu dam pa la ni brten pa dang/ /bdag nyid legs smon sngon yang bsod nams bgyis/ /'khor lo chen po bzhi ni khyod la mnga'/ /dge ba'i bshes gnyen bsten pa tshangs par spyod/ /yongs su rdzogs pa thub bas gsungs de'i phyir/ /skyes bu dam pa bsten bgyi rgyal ba la/ /brten nas rab tu mang pos zhi ba thob/ /log par lta ba 'dzin dang dud 'gro dang/ /yi dags nyid dang dmyal bar skye ba dang/ /rgyal ba'i bka' med pa dang mtha' 'khob tu/ /kla klor skye dang glen zhing lkugs pa nyid/ /tshe ring lha nyid gang yang rung bar ni/ /skye ba zhes bgyi mi khom skyon brgyad po/ /de dag dang bral khom pa rnyed nas ni/ /skye ba bzlog pa'i slad du 'bad par mdzod/ /des pa 'dod pas phongs dang 'chi ba dang/ na dang rga sogs sdug bsngal du ma yi/ /'byung gnas 'khor ba la ni skyo mdzad cing/ /'di yi nyes pa'i shas kyang gsan par mdzod; /pha ni bu nyid ma ni chung ma nyid/ /skye bo dgrar gyur pa dag bshes nyid dang/ bzlog pa nyid du mchi bas de slad du/ /'khor ba dag na nges pa 'ga' ma mchis/ /re res rgya mtsho bzhi bas lhag pa yi/ /'o ma 'thungs te da dung so so yi/ /skye bo'i rjes su 'brang ba'i 'khor ba pas/ / de bas chos mang nyid cig btung 'tshal lo/ /re re'i bdag nyid rus pa'i phung po ni/ /lhun po mnyam pa snyed cig 'das gyur te/ /ma yi thug mtha' rgya shug tshi gu tsam/ /ri lur ba grangs kyang sa yis lang mi 'gyur/ /brgya byin 'jig rten mchod 'os gyur nas ni/ /las kyi dbang gis phyir yang @44a @#/ /sa steng lhung/ /'khor los sgyur ba nyid du gyur nas kyang/ /'khor ba dag tu yang bran nyid du 'gyur/ mtho ris bu mo'i nu ma rked ba la/ /reg pa'i bde ba yun ring myong nas slar/ /dmyal bar 'thag gcod dbang ba'i 'khrul 'khor gyis/ /reg pa shin tu mi bzad bsten 'tshal lo/ /rkang pa'i reg pas nem par bde bzod pa/ /lhun po'i spo la yun ring gnas nas ni/ /slar yang me mur ro myag rgyu ba yi/ /sdug bsngal mi bzad phog snyam bgyid 'tshal lo/ /mtho ris bu mos 'brongs shing dga' ba dang/ rnam par mdzes 'tshal son par rtses nas slar/ / 'dab ma ral gri 'dra tshal nags rnams kyis/ /rkang lag rna ba sna gcod 'thob par 'gyur/ /dal gyis 'bab pa lha yi bu mo ni/ /gdong mdzes gser gyi padma lhan bzhugs nas/ /slar yang dmyal ba'i chu bo rab med par/ /tsha sgo bzod brlag chu tshan 'jug 'tshal lo/ /lha yul 'dod bde shin tu chen po dang/ tshangs nyid chags bral bde ba thob nas slar/ /mnar med me yi bud shing gyur pa yi/ /sdug bsngal rgyun mi 'chad pa bstan 'tshal lo/ /nyi ma zla ba nyid thob rang lus kyi/ /'od kyis 'jig rten mtha' dag snang byas te/ /slar yang mun nag smag tu phyin gyur nas/ /rang gi lag pa brkyang ba'ang mi mthong 'gyur/ /de ltar nongs par 'gyur 'tshal bsod nams ni/ /rnam gsum mar me'i snang ba rab bzhes shig /gcig pu nyi ma zla bas mi brdzi ba'i/ /mun nag mtha' yas nang du 'jug 'tshal lo/ /sems can nyes par spyad pa spyod rnams la/ /yang sos thig nag rab tu tsha ba dang/ /bsdus 'joms du 'bod mnar med la sogs pa'i/ /dmyal ba rnams su rtag tu sdug bsngal 'gyur/ /kha cig til bzhin 'tshir te de bzhin gzhan/ /phyem zhib mo bzhin du phye mar rlog /kha cig sog les 'dra ste de bzhin gzhan/ /sta re mi bzad so rnon rnams kyis gshags/ /de bzhin gzhan dag khro chu bzhu ba yi/ /khu ba 'bar ba 'khrigs pa ldud par bgyid/ /kha cig lcags kyi gsal shing rab 'bar ba/ /cher ma can la kun du rgyud par bgyid/ /kha cig lcags kyis mche ba ldan pa'i khyi/ / @44b gtum pos dbad cing lag ba gnam du bsgreng/ /dbang med gzhan ngag lcags mchu rnon po dang/ /sen mo mi bzad ldan pa'i khwa rnams 'thog /kha cig srin bu sbur ba sna tshogs dang/ /sha sbrang sbrang bu mchu rings khri phrag dag /reg na mi bzad rma srol cher 'byin pas/ /za bar bgyid cing 'gre ldog smre sngags 'don/ /kha cig mdag me 'bar ba'i tshogs su ni/ /rgyun mi 'chad bar rab bsreg kha yang bgrad/ /kha cig lcags las byas pa'i zangs chen du/ /spyi'u tshugs 'bras kyi cung 'phed bzhin du 'tshed/ /sdig can dbugs 'byung 'gags pa tsam zhig gi /dus kyis bar du chod rnams dmyal ba yi/ /sdug bsngal gzhal yas thos nas rnam stong du/ /mi 'jig gang lags rdo rje'i rang bzhin no/ /dmyal ba bris pa mthong dang thos ba dang/ /dran dang bklags dang gzugs su bgyis rnams kyang/ /'jigs pa skye bar 'gyur na mi bzad pa'i/ /rnam smin nyams su myong na smos ci 'tshal/ /bde ba kun gyi nang na sred zad pa/ /bde ba'i bdag por bgyid pa ji lta bar/ /de bzhin sdug bsngal kun gyi nang na ni/ /mnar med dmyal ba'i sdug bsngal rab mi bzad/ /'di na nyin gcig mdung thung sum brgya yis/ /rab tu drag btab sdug bsngal gang lags pa/ /des ni dmyal ba'i sdug bsngal chung ngu la'ang/ /'ol yang mi bgyid char yang mi phod de/ /de ltar sdug bsngal shin tu mi bzad lo/ /bye ba phrag brgyar nyams su myong yang ni/ /ji srid mi dge de zad ma gyur pa/ /de srid srog dang 'bal bar mi 'gyur ro/ /mi dge'i 'bras 'di rnams kyi sa bon ni/ /lus ngag yid kyi nyes spyad khyod kyis ni/ /ci nas de rdul tsam yang ma mchis pa/ /de ltar nyid kyi rtsal gyis 'bad par mdzod/ /dud 'gro'i skye gnas na yang gsod pa dang/ /bcings dang brdeg sogs sdug bsngal sna tshogs pa; /zhi 'gyur dge ba spangs pa rnams la ni/ /gcig la gcig za shin tu ma bzad pa/ /kha cig mu tig bal dang rus pa dang/ /sha dang pags pa'i ched du 'chi bar 'gyur/ /dbang med gzhan dag rdog pa lag pa dang/ lcags dang lcags kyu 'debs pas btab ste bkol/ / @45a @#/ /yi dags na yang 'dod pas phongs pa yis/ /bskyed pa'i sdug bsngal rgyun chags mi 'chos pa/ /bkres skom grang dro ngal dang 'jigs pa yis/ /bskyed pa shin tu mi bzad bsten 'tshal lo/ /kha cig kha ni khab kyi mig tsam la/ /lto ba ri yi gtos tsam bkres pas nye na/ /mi gtsang gyi nar bor ba cung zad kyang/ /'tshal ba'i mthu dang ldan pa ma lags so/ /kha cig pags rus lus shing gcer bu ste/ /ta la'i yang tog bskams pa lta bu lags/ /kha cig mtshan zhing kha nas 'bar ba ste/ /zas su 'bar ba'i khar babs byem 'tshal/ /smad rigs 'ga' ni rnag dang phyis dang/ /khrag sogs mi gtsang ba yang mi rnyed de/ /phan tshun gdong du 'tshog cing mgrin pa nas/ /wa ba byung ba smin pa'i rnag 'tshal lo/ /yi dags rnams la sos ka'i dus su ni/ /zla ba'ang tshal dgun ni nyi ma'ang grang/ / ljon shing 'bras bu med 'gyur 'di dag gis/ /bltas pa tsam gyis klung yang bskam par 'gyur/ /bar chad med par sdug bsngal rten gyur pa/ /nyes par spyad pa'i las kyi zhags pa ni/ /sra bas bcings pa'i lus can kha cig lo/ /lnga stong dag dang khrir yang 'chi mi 'gyur/ / de ltar yi dags rnams kyis sna tshogs pa'i/ /sdug bsngal ro gcig thob pa gang lags pa/ /de yi rgyu ni skye bo 'jungs dga' ba/ /ser sna 'phags min lags par sangs rgyas gsungs/ /mtho ris na yang bde chen de dag gi /'chi 'pho'i sdug bsngal nyid ni de bas che/ /de ltar bsams nas ya rabs rnams kyis ni/ /zad 'gyur mtho ris slad du sred mi bgyi/ /lus kyi kha dog mi sdug 'gyur ba dang/ /stan la mi dga' me tog phreng rnying dang/ /gos la dri ma chags dang lus las ni/ /sngon chad med pa'i rdul 'byung zhes bgyi ba/ /mtho ris 'chi 'pho spron bgyid 'chi ltas lnga/ /lha yul gnas pa'i lha rnams la 'byung ste/ /sa steng mi rnams 'che bar 'gyur ba dag /sbron par byed pa'i 'chi ltas rnams dang 'dra/ /lha yi 'jig rten dag nas 'phos pa la/ /gal te dge ba'i lhag ma 'ga' med na/ /de nas dbang med @45b dud 'gro yi dags dang/ /dmyal bar gnas pa gang yang rung bar 'gyur/ /lha min dag na'ang rang bzhin gyis lha yi/ /dpal la sdang phyir yid kyi sdug bsngal che/ /de dag blo ngad ldan yang 'gro ba yi/ /sgrib pas bden pa mthong ba ma mchis so/ /'khor ba de 'dra lags pas lha mi dang/ /dmyal ba yi dags dud 'gro rnams dag tu/ /skye ba bzang po ma lags skye ba ni/ /gnod ba du ma'i snod gyur lags mkhyen mdzod/ /mgo'am gos la glo bur ne shor na/ /de dag bzlog phyir bgyi ba btang nas kyang/ /yang srid med par bgyi slad 'bad 'tshal te/ /de bas ches mchog dgos pa gzhan ma mchis/ /tshul khrims dag dang bsam gtan shes rab kyis/ /mya ngan 'das zhi dul ba dri med pa'i/ /go 'phang mi rga mi 'chi zad mi 'tshal/ /sa chu me rlung nyi zla bral thob mdzod/ /dran dang chos rab 'byed dang brtson 'grus dang/ /dga' dang shin tu sbyangs dang ting 'dzin dang/ /btang snyoms 'di bdun byang chub yan lag ste/ /mya ngan 'das thob bgyid pa'i dge tshogs lags/ /shes rab med par bsam gtan yod min te/ /bsam gtan med par yang ni shes rab med/ /gang la de nyid yod pas srid pa yi/ /rgya mtsho gnag rjes lta bur 'tshal bar bgyi/ /lung ma bstan pa bcu bzhi 'jig rten na/ /nyi ma'i gnyen gyis rab gsungs gang dag lags/ /de dag rnams la bsam par mi bgyi ste/ /de yis blo ni zhi bar bgyid ma lags/ /ma rig pa las las te de la sa ni/ /rnam shes de las ming dang gzugs rab 'byung/ /de las skye mched drug ste de las ni/ /reg pa kun du 'byung bar thub pas gsungs/ /reg pa las ni tshor ba kun 'byung ste/ /tshor ba'i gzhi las sred pa 'byung par 'gyur/ /sred pas len pa bskyed par 'gyur ba ste/ /de las srid pa srid las skye ba lags; /skye ba yod na mya ngan na rga dang/ /'dod pas phongs dang 'chi dang 'jigs sogs kyi/ /sdug bsngal phung po shin tu che 'byung ste/ /skye ba 'gags pas 'di kun 'gag par 'gyur/ /rten cing 'brel par 'byung 'di rgyal ba yi/ /gsung gi mdzod kyi gces pa zab @46a @#/ /mo ste; /gang gis 'di ni yang dag mthong ba des/ /sangs rgyas de nyid rig pas rnam mchog mthong/ /yang dag lta dang 'tsho dang rtsol ba dang/ /dran dang ting 'dzin dag dang las mtha' dag /yang dag rtog nyid lam gyi yan lag brgyad/ /'di ni zhi bar bgyi slad bsgom par bgyi/ /skye 'di sdug bsngal sred pa zhes bgyi ba/ /de ni de yi kun 'byung rgya chen te/ /'di 'gog pa ni thar pa lags te de/ /'thob bgyid 'phags lam yan lag de brgyad lags/ /de ltar 'phags pa'i bden pa bzhi po dag /mthong bar bgyi slad rtag tu brtson par bgyi/ /pang na dpal gnas khyim pa rnams kyis kyang/ /shes pas nyon mongs chu bo las brgal gyi/ /gang dag chos mngon bgyis pa de dag kyang/ /gnam las babs pa ma lags lo tog bzhin/ /sa rum las 'thon ma lags de dag sngon/ /nyon mongs rag las so so'i skye bor bas/ /bsnyengs dang bral la mang du gsol ci 'tshal/ /phan pa'i gdams ngag don po 'di lags te/ /khyod kyis thugs dul mdzod cig bcom ldan gyis/ /sems ni chos kyi rtsa ba lags par gsungs/ /khyod la de skad gdams pa gang lags de/ /bas par dge slong gis kyang bgyi bar dka'/ /'di la gang zhig spyod pa'i ngo bo de'i/ /yon tan bstan pas sku tshe don yod mdzod/ /kun gyi dge ba kun la yi rang zhing/ /nyid kyi legs par spyad pa rnam gsum yang/ /sangs rgyas nyid thob bgyi slad yongs bsngos nas/ /de nas dge ba'i phung po 'di yis khyod/ /skye ba dpag tu med par lha mi yi/ /'jig rten kun gyi rnal 'byor dbang mdzad nas/ /'phags pa spyan ras gzigs dbang spyod pa yis/ /'gro ba nyam thag mang po rjes bzung ste/ /'khrungs nas na rga 'dod chags zhe sdang rnams/ /bsal te sangs rgyas zhing du bcom ldan 'das/ /'od dpag med dang 'dra bar 'jig rten gyi/ /mgon po sku tshe dpag tu med par mdzod/ /shes rab tshul khrims gtong 'byung grags chen dri ma med/ /lha yul nam mkha' dang ni sa steng rgyas mdzad nas/ /sa la mi dang mtho ris lha ni @46b na chung mchog /bde dags dga' ba nges par rab tu zhi mdzad de/ /nyon mongs nyam thag sems can tshogs kyi 'jigs skye dang/ /'chi ba zhi mdzad rgyal ba'i dbang po nyid brnyes nas/ /'jig rten las 'das ming tsam zhi la mi bskyengs pa/ /mi bgres nongs pa mi mnga'i go 'phar brnyes par mdzod/ /bshes pa'i spring yig slob dpon 'phags pa klu sgrub kyis/ /mdza' bo rgyal po bde spyod la bskur ba rdzogs so// //rgya gar gyi mkhan pos sarba dznya de ba dang/ zhu chen gyi lo tsA ba ban da dpal ba rtsegs kyis bsgyur cing zhus te gtan la phab pa'o// @##/ /rgya gar skad du/ shri Shya le kha/ bod skad du/ slob ma la springs pa'i spring yig /dkon mchog gsum la phyag 'tshal lo/ /gang gis mdzad pa shin tu dka' spyad sngon byung ba/ /mi'am ci dang lha mo rnams kyis rab bsnyad na/ /bdud kyi bu mo bzhin ras padma'i nags tshal dag /da ltar zla ba'i zer gyis phog pa bzhin du zum/ /bkra shis yid 'ong shin tu rmad byung sku mnga' ba/ /bsod nams chung ngu'i skye bos mthong ba rnyed dka' ba/ /'jig rten mngon par 'dod pa'i re ba bsgrub pa gang/ /yid bzhin nor bu lta bur gzhan don ro gcig spyod/ /gang zhig rtag tu pha rol bde bas bde 'gyur zhing/ /gzhan dag sdug bsngal gyur pas mchog tu 'o brgyal ba/ /thugs rje chen pos yon tan shin tu bskrun pa gang/ /de nyid rang gi bde sdug spangs te bzhugs pa yin/ /gang zhig gzhan gyi don du dbu rnams gcod byed kyang/ /padma lta bur dgyes pa'i spyan 'byed gzigs mdzad cing/ /nyid kyi don du gdugs dkar gcig gis khebs pa lta'i/ /sa yang ral gri so bdar rnon po lta bur dgongs/ /zla ba yar gyi ngo ltar yon tan gsal ba rdzogs/ /nyes pa'i mun pa sel mdzad gcig du yid du 'ong; /'jig rten phan la brtson ba rab tu gsal ba byung/ /de shar zla ba bzhin du 'gro ba bsil bar mdzad/ /bstan pa rin chen mchog ltar bzang la 'phan med pa/ /rnam bar dag chul gang yin klu mgo gdengs ka can/ /chen po rnams kyis gtsug gi rgyan bzhin gus mnos @47a @#/ /nas; /sa yi steng na gnas pa'i rab rib sel bar mjad/ /chos kyi sprin de phan pa mdzad pa'i don du g.yos/ /chos kyi bdud rtsi mya ngan 'das pa mchog gi rgyu/ /ro gcig gdung ba sel ba char chu bzhin du bab/ /de ni snod la brten nas ro rnams du mar gyur/ / snod yangs zab la dri ma med cing gsal ba yi/ /bsam pa dang ldan khur kun bzod pa gang dag la/ /skye bo kun gyis nye bar spyad bya de gnas pa/ /mtsho chen mi yi gzugs can de la phyag 'tshal lo/ /gang zhig skye nang rga shi sel ba'i bdud rtsi de/ /thob bar mi byed mi sbyod 'dzin par mi byed pa/ /de dag nyes mang gti mug thibs pos bslad pa ste/ /yun ring nad kyis thebs pa sman chen mi bsten bzhin/ /'gro ba kun gyi mig gcig dri ma med pa gang/ /de nis rnams gsum po'i spyi mthun sgron ma ste/ /bstan pa legs par rnyed nas gang zhig 'dor ba de; /gti mug shin tu rmad byung dag gis gtses par zad/ /byang chub khang bzangs bgrod lam them skas lta bu yi/ /bslab gzhi bcas pa rnams la rkang tshugs rton pa rnams/ /rjes su sgrub pas go 'phang che mthor phyin 'gyur te/ /ldog par byed pa rang gi sa ni gnyug mar ltung; /skye ba'i rgya mtsho shin tu rgal dka' rgal 'dod pa/ /su zhig tshul khrims gzings gyur lag tu 'ong ba spang/ /'phags pa'i ded dpon dang bral lam rgyus mi shes pa/ /'brog dgon 'khyams na ci ste yun rings gdungs mi byed/ /'khor ba'i ri sul khrod kyi g.yang sar lhung gyur pa/ /mun nag thibs po'i nang nas ldang bar brtson pa gang/ /yon tan smyug ma'i phreng ba bar ma dor 'dor ba/ /de dag shugs drag nyam nga'i ltung bar 'og tu ltung/ /gang dag gcig pu'ang yid kyis nges par rab brtags ste/ /yang dag lam dang lhan cig 'grogs par byed pa de/ /sa steng dkyil na gtso bor gyur pa dam pa ste/ /slob ma mchog des bla mar bkur ba nyid du 'gyur/ /ngo tsha yon tan tshogs skyed ma gcig ya rabs mo/ /mchog tu g.yo med byams pa lta bu'i rjes 'brang ba/ /bden dang gzhung la dga' ba'i gzi @47b brjid ldan pa rnams/ /srog ni bde blag gtong bar byed kyi dam bcas min/ /re zhig skye bo kun gyis dpyas dang sdig pa yis/ /'gro ba kun la dmyal ba mi bzod phar zhog gi /rang bzhin rnal ma bor nas smod pa sdug bsngal ba/ /mkhas la sa steng de las sdug bsngal gzhan ci yod/ /gang zhig thub pa rnams kyis srol btod chos kyi lam/ /rgya chen gru dang 'dra ba rnyed nas slar 'dor ba/ /'khor ba'i rgya mtsho'i klong 'khyil gar mkhan 'dra rnams la/ /dga' bas nges par de yi sems bslus 'gyur ba snyam/ /gang zhig 'khor ba'i 'khor lo rtag tu 'khor gyur pa'i/ /nang du zhugs nas bsti ba tsam la bder sems pa/ /de ni nges par dbang med rim gyis brgya phrag tu/ /'gro ba mnyam dang mi mnyam kun du 'khyam par 'gyur/ /shin tu mi bzad dri nga mi gtsang gtser bas bgags/ /rab tu dog pa mun nag thibs por 'dug pa'i mi/ /mngal gnas dmyal ba lta bu'i nang du de zhugs nas/ /lus yongs bskum la sdug bsngal chen po brnag dgos so/ /de ni rim gyis til mar btsir spyad sra ba yis/ /btsir ba ltar byas de nas ci zhig ltar de btsa'/ /'on kyang mod la de srog mi 'dor gang yin pa/ /sdug bsngal nye bar spyad pa'i rnam par mtho btsams mod/ /mi gtsang de nang gnas bcas 'phel ba'i lus de ni/ /mngal gnas rlam pas dkris shing dri ngi ma bzang ldang/ /gzir bas gnod pa bdo ste rma rmen zhig pa ltar/ /gyur pa de yi skyon gyis sngon gyi dran pa spong/ /byis lus nye bar spyod pa kun la mi 'bongs pa/ /mi brten 'khor ba spangs te mkhrang pa'i dngos gyur nas/ /dar la babs pa'i ri dbang btsan bo'i ri sul du/ /sbrul gdug gnas gyur mu la bag rkyang spyod par byed/ /bsam brlag de ni de nas kyang lhung la; /lhung bzhin mi gtsigs spyod pa mi 'dor ba/ /byis pa bdag lus sdug pa rga ba dang/ /'chi ba med ba nyid du sems pa lta/ /rmongs pa de ni thub dbang gis bstan pa'i/ /lam bzang rnam par spangs nas lam min par/ /glang po myos pa lcags kyu med pas gzhan// @48a @#/ /bab dgu phye mar rlog pa bzhin du 'gro/ /de nas de ni mi 'dod bzhin du mgor/ /brtse med rga bas rdog pa nan mnan nas/ /skra dkar lcags kyu bdar ba rnon po yis/ /glang chen rdzi bos glang chen bzhin du 'debs/ /'on kyang de ni spyod la skyor 'byin pas/ /dge ba'am 'jigs pa bzhin du spang bar 'gyur/ /rmongs pa bya ba min byed bdag skyes pa/ /smyug ma 'bru chags lta bur brlag par zad/ /de nas de ni 'chi bdag dga' ba'i spun/ /gzhil ba'i bcos thabs med pas bzung nas ni/ /rgas pa'i ngo bo 'chi bdag 'ongs nas ni/ / rgod pa bzhin du sbyi nas 'dzin par byed/ de nas de ni ltu tshigs rnams 'bye zhing/ /blo yang bslad 'gyur 'gro ba nyams par 'gyur/ /lus kyang dengs nas shig shig par 'gyur la/ /nges par sdig pa 'phel ba kho nar 'gyur/ /dbang po rnams kyang rim gyis zhum nas ni; /yul la chags kyang nus pa nyams par 'gyur/ /gnas skabs gang du 'di 'gro gyur ba de/ /gal te dmyal na yod na de nyid 'jigs/ /bdag gis ji ltar de bzhin 'di ma byas/ /ci ste de ltar de byas 'gro ba nyams/ /bdag gis ci ste 'di ltar 'chi bdag ni/ /mgo bor rdog pas gnon pa 'phrigs ma gyur/ /mya ngan rdo rje de lta de lta bur/ /sems la gnod pa rnams kyis de gtses nas/ /nye du'i skye bo dud mo'i mchi rgyun can/ /sdug bsngal snying ni rdo rje lta bus bltas/ /gnad kyi gshis su 'jebs par gzir nas ni/ /shin tu mi bzad mun rum 'jug par 'gyur/ /'bad pa lhur blangs srung ba byas pa'i lus/ /yid 'ong 'dris pa rnam par 'dor bar 'gyur/ /gshin rje'i zhags pas dam du btags pa ste/ /co do 'bal zhing cho des 'debs byed kyang/ /de yis glengs pa nye du'i skye bo yis/ /rang gi dus sgra ldir ba bzhin mi thos/ /bgrod dka' chu dang pha bang thag thug 'dom pa'i bar/ /tsher ma rnon pos 'dzings pa nyam nga'i lam dag du/ /dus kyi zhag sa pas ske nas btags te gshin rje'i mi/ /gtum po rnams kyis dbyug pas bda' zhing khrid par 'gyur/ /mi bzad skam pas rgyang @48b nas chu klung dri med pa/ /mthong nas btung bar 'dod de song na de nyid kyang/ /skra shad nya lcibs tshogs dang rnag sungs 'dres pa dang/ /'dam rdzab khrag dang byi sas gang ba'i chur 'gyur ro/ /dus rlabs rlung langs chu 'thor ri rtse bsil 'gyur zhing/ /tsan dan ljon pa sngon 'khrungs ma la yar song nas; /de yang 'di la nags sreg me lce rnos 'khrigs shing/ /mgal dum 'gyel ba mang pos rad rod can du 'gyur/ /chu gter rlabs 'jigs 'phang mtho gyes pa las byung ba'i/ /dbu ba tsher ma lhag ge stug par song na yang/ /de yang 'di la bye tshan khu ba dmar rtsub pa'i/ / rlung dmar 'jebs pa 'tshub pa'i mya ngan nyid du 'gyur/ /'di ni de gnas char sbrin ldang bar 'dod na yang/ /sbrin las lcags mda'i char pa dud 'thul mdag mar bcas/ /tsha tsha rdo rje'i pha bang dmar 'phrog ser mdog lta bu yi/ /glog phreng dmar ser 'gyu ba lus la char du 'bab/ /cha bas nyen la bu yug kyang ni tshar 'gyur la/ /lhags pas nyam thag pa la me yang grang byed do/ /shin tu mi bzad las yongs smin pas rnam rmongs pa/ /'di la sna tshogs 'di kun phyin ci log tu snang/ /khab mig tsam gyi kha la dpag tshad mad 'jigs pa'i/ /lto can nyam thag rgya mtsho chen po'i chu 'thung kyang/ /mgul phugs yangs pa nyid du phyin par ma gyur par/ /kha yi dugs kyis chu yi thigs pa skam par 'gyur/ /ral pa'i tshogs mang spungs pas bsgyings pa'i khyi dag gis/ /mche ba gtsong rings rdo rje'i rtse mos lus dbad cing/ /chu bo rab med thal skyo me lces gang ba'i dogs/ /rdo bzur rnon mi bzad rtse rnon can du bdas/ /sbu gri rnos gtams lcug chal lo ma ral gri yi/ /nang du thang chad rgyugs na lus smas skyabs med pa/ /rtse gsum mdung thung dang ni ral gri rnos gar ba'i/ /khron pa gshin rje'i kha bas thu ba'i nang du lhung/ /nyi tshan gyis gdung bzod dka' rlag par dga' ba'i lus/ /ljon shing lo ma sngo stug mthong nas song ba dang/ /de yi lo ma mtshon brgya lhung bas lus dbad cing/ de na yun ring dud mo las shes brlag par gnas/ /bud med kun nas me lce brgya phrag 'thon pa'i mi/ /me stag phreng ba 'khrigs pa'i rgyan gyis @49a @#/ /gzhag gyur cing/ /sog le lta bu'i rtsub pa'i lus kyi zon med pa/ shin tu sdug pa'i tshul du bcum nas 'khyud par byed/ /ri dang mnyam du lug ru 'jigs su rung ba gnyis/ /'dus pa'i phrag tu lus kun phye mar rlog cing 'joms/ /cung zad bsil ba'i rlung zheg langs pas brtas nas de/ /de bzhin phyir yang lan brgyar kun nas phye mar rlog /bse khyi bong bu ce sbyang stong phrag gis bred nas/ /shal ma ri mtho mi bzad de la myur 'dzegs na/ /tsher ma'i tshogs kha thur du bltas pas thal 'byin cing/ /zug rdu tshabs bo che dag khong rlag nub par 'gyur/ /gshin rje'i lag na thogs pa dus kyi zhags pa lta'i/ /sbrul sdug mgo 'phang bstod pas dam gzhag gzhungs nas ni/ gson por kha dang bya gar kang ka bya rgod kyis/ /de na gnas pa'i mig dag tsham tshom med par 'dru/ /de lus de dag gi mchu rdo rje rtse mo ltas; /brtsam pa med dbang nyam thag nga ro 'byin byed cing/ /thur du babs na lcags tsher gyen du kha bltas pa/ /sbom ba rno ba mang pos lus phug dran pa nyams/ /de bas kha cig mdung rtse gsum pa 'bar ba dang/ /zug rdu rnon pos lus dbang thur du 'bab mi nus/ /de tshe mtshon cha bdar ba'i mchu can khwa rnams kyis/ /kun du drangs pas rgyu lto brang breng nar zhang 'thor/ /kha cig ri bo'i g.yang sa ya ngar g.yang du lhung/ /kha cig 'bru mar skol ba'i zangs chen nang du ltung/ /gzhan dag phye ma sreg pa me stag 'phro ba yi/ /sa gzhi rkang pa gzhag pa'i gnas mi thod par lhung/ /kha cig 'bu sbrang phra mo lcig lcig 'dug pa yi/ /tshogs kyis lus rmugs bam zhing rnam par 'drul/ /las kyi rang bzhin snyi la 'tsho ba thogs pa rnams/ /bskyod pa tsam yang bya bar mi nus bzhin du gson/ /lhags pa dpe med rus ba la yang thim pa yis; /lus sbrebs 'dar zhing bskur nas gum gum por 'dug pa/ /chu bur brgya byung rdol ba las skyes srog chags kyi/ /ral gris dbad nas zhag dang chu ser rkang bcas 'dzag /dkos thag so 'thams skra dang spu rnams g.yengs gyur pa/ /mig dang rna ba lkog ma gnod @49b pas kun gzhir zhing/ /lus dang sems kyi bar dag rab tu klong gyur nas/ /grang ba'i dmyal bar gnas shing shin tu 'o dod 'bod/ /dmyal me du ba mched dku mnam pa 'thul bas gnam mdog 'gyur/ /me lce'i lag mang rnam par 'phros nas phyogs kyi dkyil 'khor khebs; /rus god dkar dum phreng ba'i rgyan gyis spud pa skyi g.ya' ba/ /glang chen pags gyon bsdigs thabs kye ma kyi hud zer ba bzhin/ /la lar me stag che 'phro 'khrug pa 'ur sgra tog yar la/ /zhag gis bab na skad ngan bod pa'i rtse zhil chil chil 'bar/ /brang gi rus pa'i khong du thal la lhag lhag sgra grags pa/ /bskal pa'i dus kyi me yis bskyod du med pa'i nang du lhung/ /glo nas rtswa skam rnying las sbar ba lta bur me tshogs 'bar/ /mgrin dang kha nas me lce 'bar ba dud bcas bstud mar 'byung/ /khong lto gas pa nas lug nang khrol nar bas kun bred cing/ /brda mi phrad pa'i skad chen tsam zhig 'don par byed par zad/ /sdug bsngal che las thar par 'dod pas de dag yang dang yang/ /sgo bye gseb gzhan mthong nas thag ring ci zhig ltar te 'byer/ /gang tshe las kyi sgo 'phar dam pos de de yang bcad 'gyur pa/ /de tshe yi mug bzod blag sdug bsngal gzhan yang 'byung bar 'gyur/ /mnga' chen rno tshogs 'bar ba char bzhin 'bab pa'i rjes la yang/ /dmyal ba'i srung mas dbyug pas btab cing mchi ma 'dzag bzhin du/ /lcags zhun khu ba ma stag 'bar ba'i phreng bas 'khrigs pa ldud/ /kha sna rna ba'i bug dag nas dud 'thul gyen du 'byung/ /mig dang glad spris rdol gyi bar du kun sreg cing/ /glad pa'i rgyas la 'bar ba'i me lce smug nag tshogs/ /me de khros pa lta bur de yi lus phung la/ /bud shing skam po bcer la sbar ba bzhin du mched/ /skye bo de srog rig zar klung gi chu ltar g.yo/ /dmyal ba'i me yang der zad tsha ba'ang der zad de/ /las rnams ji ltar thams cad shin tu mi bzad pa/ /snang bar 'gyur ba de ltar yongs su sgyur par byed/ /skye bo rang gi las kyis dbang med 'chal spyod pa/ /brgya la sdig nas dmyal ba dag nas thar na yang/ /'jig rten 'gro ba mtha' dag bye @50a @#/ /ba 'phyes rnams su/ /mi yi dngos po shin tu rnyed par dka' ba nyid/ /gal te kla klo dmyal ba'i srung dang spyod mtshungs sam/ /dud 'gro phan tshun za bar byed pa'i nang dag tu/ /skye ba thob par 'gyur na gang gi phyir yang ni/ /g.yang du lhung bar 'gyur ba'i ngang tshul de nyid bsten/ /gang zhig thob nas skye ba'i rgya mtsho mthar 'byin cing/ /byang chub mchog gi sa bon dge ba'ang 'debs gyur pa/ /yid bzhin nor bu bas kyang yon tan lhag pa yi/ /mi nyid de ni su zhig 'bras bu med par byed/ /bde gshegs lam bsten 'gro ba 'dren par chas gyur cing/ /sems kyi stobs chen mi yis rnyed pa gang yin pa'i/ /lam de lha dang klu yis mi rnyed lha min dang/ /mkha' lding rig 'dzin mi'am ci ste lto 'phyes min/ /mi yi dngos po shin tu rnyed dka' rnyed gyur nas/ /don du brnag pa gang yin de ni brtun te bsgrub/ /mar me'i me lce shugs drag rlung gis bskyod pa lta'i/ /tshe ni skad cig gnas pa'i gdengs yang yod ma yin/ /'di ni sang bya 'di ni thang cig 'og tu bya/ /'di ni de'u re bya zhes skye bo sems pa na/ /gshin rje be con nag thogs zur gyis lta ba yi; /mig rtsa dmar khros ma rangs gad mos re snyam 'debs/ /sos ka me tog rgyas pa'i dus 'de 'byung bar 'gyur/ /zla ba gsal bas mtshon pa'i ston dus 'di 'byung zhes/ /skye bo thams cad dga' 'gyur bdag gi tshe 'di ni/ /zad par 'gyur zhes shin tu mi dgar 'gyur ba med/ /zla ba'i dkyil 'khor rgyas pa nye bar brgyan byas shing/ /rked 'chings char chen sprin gyi 'khrigs pas 'khyud gyur pa/ /ri rtse'i nags kyi mthongs der chags pa med pa ni/ /rlung ltar g.yo ba'i rang bzhin tshe gtugs skal ba che/ /nags mthongs ri dags rgyu ba'i tshogs kyis bsten byas la/ /kun nas nyams dga' bzang po de ni skyid pa gang/ /de ci dga' ba'i nags tshal lha mo'i nyams bag tu/ /thel gyis 'bebs pa'i rdo leb can la yod 'gyur snyam/ /nags klung chu gtsang dogs kyi dben pa skyid pa gang/ / @50b de ci lha yi bu mo dri zhim byugs pa yi/ /lan bu'i rgyan du thogs pa'i rgyu ldan me tog tshogs/ /mdzes pa'i zil gnon lha yi chu la'ang yod 'gyur ram/ /rtsa ba 'bras bu shun pa lo ma phun sum tshogs pa'i ljon shing ldan/ /nags tshal ltos med ri bo'i chu rgyun bsil 'bab chags pa med pa'i gnas/ /chu klung yangs pa'i mtha' ru 'bras bu me tog lhung bas brgyan pa yi/ /nyams dga' bas mthar ci zhig med de dmyal sdong khyim gyis bslus te sdod/ /ri sul yangs par skye bo bun long med pas rab bde ba/ /nyer spyod rgya chen nags tshal sdo 'khrungs phreng bas sbrengs/ /chu dogs snyan pa phu chu'i rgyun 'dra rnga ltar snyan pa yis/ /bdag cag nyon mongs yul ma yin zhes 'don la sgrogs pa bzhin/ /'dod pa rnams dang 'byor dang srid gsum rgyal ba yis/ /sgyu ma smig rgyu chu zla dpa' rlabs 'dra bar gsungs/ /rmi lam lta bu'i ngan spyod 'khrul bas bslus pa yi/ /byis pa gang dag de la chags pa dmyal bar ltung/ /yul dang dug mtshungs dang po myod ba tsam na bde/ /yul dang dug mtshungs rnam smin rtsub pas mi bzad pa/ /yul dang dug mchungs gti mug mun pas thibs por byed/ /yul dang dug mtshungs shugs bzlog dka' zhing g.yo ba yin/ /dug dang yul rnams blo yis nges par brtags byas na/ /nyis na dug bla mi bzad rang bzhin yul rnams min/ /dug ni skye ba gcig la dug tu 'gyur bar zad/ /yul ni tshe rabs gzhan la'ang dug tu 'gyur bar byed/ /dug ni dug dang bsres nas rab tu zhi bar 'gyur/ /gsang sngags mchog dang dug sel sman gyis gso bar rung/ /dug ni thabs ldan spyad na mi la phan 'gyur gyi/ /dug chen yul ni nam yang de lta ma yin no/ /ji ltar glang bu khron zab kha nas 'khrungs pa yi/ /rtswa lo kham 'ga' tsam la yid ni chags gyur pa/ /rnyed pa grub pa med par g.yang du ltung ba ltar/ /'tsho ba'i 'jig rten bde ldan 'dod pa'ang de dang 'dra/ /lha yi bu mo dal gyis 'bab pa'i chu rgyun gyis/ /'phral thabs klong pa rnams dang lhan cig rtse myong @51a @#/ /nas; /phyer yang chu bo rab med rba drag 'bogs pa yis/ /smas pa'i sdug bsngal mi bzad bstan par bya dgos so/ /lha tshal dpag bsam shing lo'i gding ba kun bkram par/ /lha yi bu mo dang bsten bde bar gnas nas kyang/ /phyir yang mtshon rnon mang po 'bab pas lus dbang pa/ /lo ma ral gri lta bu'i nags tshal bgrod dgos so/ /rkang bzhag nems dang 'phar byed reg na bde ba yi/ /ri rab spo yi dkyil du yun ring gnas nas kyang/ /phyir yang bye ma bsregs pa'i me ma mur gyi tshogs/ /brla dang rkang lag kun du zhig par 'khyam par 'gyur/ /dril bu mdzes khrol mu tig phreng tshogs lhag ge ba/ /gzhal med khang du zhugs te lha yul bgrod nas kyang/ /mi bzad skyabs med mun nag thibs po dpag med pa/ /pha mtha' med pa'i nang du spyi tshugs ltung bar 'gyur/ /gang du lha klu mi'am ci yi mgo rgyan gyi; /'od kyi tshogs kyis rkang rten dmar ba'i brgya byin yang/ /las kyi rlung 'khrugs 'gro ba ngan par 'gro 'gyur ba/ /de la skyes bu su zhig 'jigs pa bstan mi byed/ /me tog rab tu rnyings shing lus rdul thon pa dang/ /gos rnying smre zhing nye du rnams la lta ba yis/ /lha rnams 'chi ba'i rab tu sdug bsngal gang yin de/ /'tsho ba chu bur lta bur g.yo ba'i mi la med/ /sdug bsngal me tshogs 'phung bas 'jigs pa'i 'jig rten 'dir/ /skye bo bde snyam mngon pa'i nga rgyal byed pa dang/ /de ni gshin rje'i kha yangs 'byed par byed pa ste/ /de ni skye ba phyi ma'i ljon shing sa bon yin/ /de ni gshin rjes srid mtshor rgyu ba'i sems can la/ /log par smon pa'i 'jigs pa dbyig pa nag po'i rtser/ /sred pa'i tha gu ring pos dam bzhag btags pa yi/ /mchil pas nya la bya ba bzhin du btab pa yin/ /dmyal rnams zangs chen lhag lhag skol ba tsha ba'i shugs drag nas/ /skad cig tsam zhig mgo stod dbugs 'byin 'gyur ba rnams/ /lcags kyi tho ba rab tu mang po khros te gzas pa yis/ /brgyab na de nyid mchog tu bde ba yin par sems pa ltar/ /de bzhin sdug bsngal mi bzad pa yis dbang med rtag @51b gzir cing/ /re zhig tsam zhig ji zhig ltar te skye shi'i 'khrugs med nas/ /skad cig sdug bsngal gnyug mar bzod dka' me lce zhil gyur na/ /'jig rten thams cad bde ba kham 'ga' la yang sred par byed/ /ji lta ji ltar 'gro ba kun la bde ba'i 'du shes bskyed/ /de lta de ltar gti mug mun pa shin tu stug por 'gyur/ /ji lta ji ltar 'gro ba kun la sdug bsngal 'du shes bskyed/ /de lta de ltar gti mug mun pa shin tu srab mor 'gyur/ /ji lta ji ltar sdug pa bsgom pa shin tu rnam 'phel ba/ /de lta de ltar 'dod chags me lce shin tu 'phro bar 'gyur/ / ji lta ji ltar mi sdug bsgom pa shin tu 'phel 'gyur ba/ /de lta de ltar 'dod chags me lce shin tu rtse zhil 'gyur/ /bud med yan lag dring rul pa mi sdug dang/ /pad ma'i 'dab ma utpal dag tu snyam byed pa/ /snyan dngags mkhan gyi brdzun de'i 'bras bu mi bzad pa/ / de dag de yi mngal gnas 'jug pa de yin no/ /'gro bar lan brgyar ma son 'gro de gang zhig yod/ /sngon chad lan mang ma myong bde ba de gang zhig /rnga yab dkar mdzes lta bu'i dpal gang ma thob pa/ /de yang gang zhig yod na 'on kyang 'dod chags 'phel/ /gang gi gling bar ma gnas chu bo de yong min/ /yul phyogs gang du gnas ma bcas pa'i gnas de med/ /gang du ma song nam mkha'i phyogs de'ang yod min na/ /'on kyang 'dod chags dgang dka' 'phel bar 'gyur ba nyid/ /sngon chad lan mang ma myong sdug bsngal de yod min/ /'gro bar gang gis tshim gyur 'dod pa de dag med/ gang gi ltor mnyal ba'i sems can de med na/ /'on kyang ji ltar 'khor ba can la chags bral med/ /skye ba yongs su 'dzin pa 'gro ba rgya chen 'dir/ /bde dang sdug bsngal dag tu lan mang 'gre ldog pa/ /'gro ba gnyen ma gyur pa'i skye bo de gang med/ /'on kyang zhe sdang sprul gyi rang bzhin 'jigs par gnas/ /gang dang lhan cig 'dus nas bgad cing rtses pa dang/ /glu blangs dga' 'dun byas shing gcig tu zos 'thungs dang/ /dus kyi rim pas me tog rna rgyan dengs byas dang/ /gnas skabs ci zhig @52a @#/ /ltar mnyam mi mnyam byas pa yi/ /nye du 'khor ba'i rgya mtsho'i khongs su chud gyur pa/ /klong gi nang du lhung ba lta bu snang bzhin du/ /skye shis 'phos pas ngo ma shes pa de bor nas/ /gal te gcig thar byed na de las khrel bor med/ /byis pa bang na btsa' ba ci yang mi nus par/ /gang gi nu zho byams pa'i shugs kyis gzags 'thungs pa/ /ngal ba mang bsten byams pa bsten pa de dag 'dir/ /shin tu ma rabs zhig na'ang spong bar su zhig spro/ /gang gi khong na 'di skabs rnyed nas gnas bcas shing/ /gang gi rtse bag sems kyis zon bcas 'di blangs pa/ /nyon mongs de dag sdug bsngal skyabs med der bor nas/ /'gro ba ma rabs tha shal zhig na'ang su zhig spro/ /'gro ba sdug bsngal mi bzad mang pos dbang med skyabs med 'dir/ /gzhan gyi don du sdug bsngal gang de bde zhes skyes mchog gsungs; /skad cig gzhan bkres skom dang tsha ngal bral bas rangs byas pa/ /des dga' gang yin de dang 'dra ba 'di na'ang gang zhig yod/ /gzhan phan bde ba skyed par brtson pas dga' ba rnyed pa gang/ /de ni yul bde'i longs spyod lhur len rnams kyis ji ltar yang/ /gzhon bdes mi thob mi dbang 'byor pa'i yo byad rnams kyis min/ /chung mas ma yin gzhan min lha gnas lha min 'gro bas min/ /shin tu rnyed sla rtswa kham 'ga' lta phyugs kyang rang nyid za/ /shin tu skom pas gdungs pa'ang chu zhig rnyed na dga' mgur 'thung/ /'di na skyes bu gzhan don byed par brtson pa gang yin ba/ /de 'di'i brjid bag yin te de bde skyes bu'i rtsal de 'phags/ /nyi ma rlabs chan rta zhon rgyu pa snang byed gang yin dang/ /khur la mi rtsegs sa yis 'jig rten 'degs pa gang yin de/ /rang don 'ga' med chen po rnams kyi rang bzhin de 'dra ste/ / de dag 'jig rten phan dang bde ba'i rol gcig tu gzhol/ /'jig rten ma rig dud sprin 'khrigs pas 'gro ba 'khrugs gyur ba/ /sdug bsngal me rab 'bar ba'i nang du dbang med ltung mthong nas/ /thong la me lce 'bar ba lta bur yid brel brtson pa gang/ /'di na de dag skyes @52b bu yin te mkhas pa'ang de dag yin/ /gzhan gyi don du me lces gang ba'i mnar med dmyal bar yang/ /gangs dang zla 'od bsil ba lta bur rab tu dga' bzhin 'jug /nyid kyi don du pad ma kha bye lhag ger 'dug pa yi/ /mtsho yang de la me lce'i tshogs bzhin rab tu gdungs bar byed; /gzhan la phan bar byed par chas pa'i mkhas pa rnams/ /lo ma ral gri tshal na'ang bde blag gnas byed kyis/ /skad cig tsam yang lha yi bu mo dang 'grogs nas/ /dga' ba'i tshal gyi nang du skyid par byed mi 'gyur/ /rgal bar gyur pa skyabs med skye bo bsgral ba'i phyir/ /phyir yang chu bo rab med nang du 'jug byed kyis/ /lha yi chu bo dba' rlabs chil chil 'dug pa yis/ /reg pa'i bde ba bdag nyid sten par byed ma yin/ /de ltar rgyan gyis brgyan gyur legs spyad rin po che/ /gsal ba'i nang na gsal ba zhi ba'i bdud rtsi yangs; /dga' ba'i dga' ba byas pa mi gzo rnyed dka' ba/ /bkra shis rnams kyi bkra shis zhi ba'i bde rgyun te/ /bde bar gshegs pa'i gsung gi me tog rtag bsten bya/ /ljon shing me tog de las 'bras bu rgya chen 'byung/ /bde gshegs me tog gsung las don tshogs bsten bya ste/ /sbrang ma sbrang rtsi la mchog dga' bar byed la ltos/ /skad cig gcig la zad cing rtag tu 'khrug pa'i yul rnams spong/ /zhi ba'i bde 'bras 'chi ba'i 'tsher med gcig bu dben pa sten/ /rnam thar sgo yi gtan pas gti mug 'khrugs pa'i rab rib sol/ /rta mchog rte'u ni shin tu yun ring gnyid log 'gyur ma yin/ /khyod gcig gdung bas nyam thag rnams la srid pa'i mya ngam du/ /shing chen sdang brtan rgya chen kun gel bzod dang dul ba'i lo ma can/ /zhig nas me tog shes rab yal ga rab smin lo bran stug /smon lam rtse mo tshul khrims dri ma rab zhi 'bras bcas kyis/ /khyod gcig gdung bas nyam thag rnams la srid pa'i mya ngam du/ /mtsho chen yangs gsal byin gzhol gting zab bsam pa rab tu dangs/ /rtag bsil sprul gdug rnyi yis bag med 'jigs spangs rang bzhin gyis/ /rab tu @53a @#/ /gtsang zhing sred ba gcod byed rtul ba'i khur bzod kyis/ /khyod gcig gdung bas nyam thag rnams la srid pa'i mya ngam du/ /sprin chen skye bo mang phan mi 'jigs smra ba'i sgra chen sgrogs/ /drag pa rgya chen char gyi shugs drag snying rje'i rlung gis bskyod/ /rdul bral zhi bas tshul khrims dri mas sa steng brgyan par gyis/ /bdag gis de skad brjod pas bsod nams cung zad bsgrubs pa gang/ /de yis skye bo ma lus bde gshegs spyod la dang byed cing/ /rtag bde longs spyod bzang ldan yid la re ba 'byor ba dang/ /gzhan la phan dga' de nas rim gyis kun mkhyen bgrod par shog /dmyal ba lag mthil ltar mnyam rnam bsal me rab zhi ba dang/ /skam 'khrungs padma'i lo mas khebs shing rtsa ba'i khye'u so 'thon/ /gtsang zhing dri zhim padma kha byes sa rnams brgyan pa dang/ /rgyas shing bzang la ser bu'i ngad bcas char zim 'bab pa par shog /bdud dpung pham pa cho nges 'debs pas mi bsnyengs sgrogs pa po/ /lha chu'i rtse mo bas kyang dga' mdzad lha dang mi 'dul ba/ /skye shi nyon mongs sdug bsngal rgyun rnams 'joms pa'i sangs rgyas dag /phyogs dang phyogs su brang pa bzhin du nam zhar 'byung bar shog /'gro ba chos kyi kun dga' 'phel ba'i dga' ston che bar shog /'chi bdag re ba shin tu yun ring goms pa don med shog /thub pa'i skye bo gtam tshogs 'phel bas zhe ba bdud rtsi yi/ /char gyi zla ba'i snang ba rab bzang bsil bas don byas shog /slob ma la springs pa'i phrin yig slob dpon chen po tsan dra go mis mdzad pa rdzogs so// //rgya gar gyi mkhan po sarba dznya de ba dang/ /zhu chen gyi lo tsA ba ban de dpal brtsegs rak+Shi tas bsgyur cing zhus te gtan la phab pa'o// @##/ /rgya gar skad du/ ma hA rA dza ka ni ska le kha/ /bod skad du/ /rgyal po chen po ka nis ka la springs pa'i spring yig /de bzhin gshegs pa thams cad la phyag 'tshal lo/ /bgrod par bgyi 'os khyod lags na/ /bkug kyang ma mchis gang lags de/ /ma gus ma lags brnyas ma lags/ /rga @53b dang nad kyi bar chad bgyis/ /bdag ni sems can thams cad dang/ /'dra bar khyod la brtse mod kyis/ /khyod kyi yon tan gyis khyod la/ /lhag par nye mgon khyad par bgyid/ /gdams bgyi phal cher mchis mod kyi/ /thams cad gdams bar sus rdo thogs/ /khyod kyi yon tan gang lags des/ /bdag ni spyi brtol skyes par gyur/ /bzlog pa med pa'i yon tan gyis/ /phyogs rnams kun du bsgos pas ni/ /mi mchog rnams kyang thugs thub par/ /mdza' bshes bzhin du 'dzem pa med/ /de ltas snyan bstod nyid kyi ched/ /bdag gis gsol ba 'di gson te/ /bsgrub dang btang ba'i phyogs gnyis las/ /gang rigs de ni nyams su bzhes/ /dga' bar bgyid pa'i yul rnams dang/ /rgya gas par bgyid pa'i lang tsho dang/ /bdag nyid rang dgar spyod pa de/ /kun du don med bgyid pa'i sgo/ /phung bar byed pa de gsum spang/ /mkhas pas dam pa bsten pa dang/ /dbang po dul dang shes rab kyi/ /stobs mthus nyams ni smad nas spyad/ /khyod gyi nyos pa'i gzhir gyur pa'i/ /cha ni gsum po de dag rnams/ /chos lugs dag dang 'dul ba yis/ /bcos nas yon tan nyid du mdzod// ci ste rgyal po blon po dag /dkyel che snying rje'i bdag nyid ni/ /rtag tu nyon mongs med pa yi/ /las kyis rgyal srid bya bar rung/ /'jig rten 'di na blo gros kyis/ /nyam chung gyur dang mgon med pa/ /bya ba ma yin byed pa la/ /gdon mi za bar 'jug par 'gyur/ /de bas ji srid sa de las/ /myur du ma brgal bar du ni/ /blo mthu bskyed phyir mkhas pa dag /bsdu bar dgyes pa'i nan tan mdzod/ /chos kyi bstan bcos gdon bgyi zhing/ /de yi don gyi tshul gson la/ /gsan pa'i chos rnams rnam dpyad de/ /dpyad pa la ni mkhas par mdzod/ /mya ngan gyis ni ma gdungs shing/ /na gzhon nad med longs pa yi/ /dngos po da ltar byung ba yi/ /blo gros la ni mi nus med/ /'dir ni skyes bu dam pa las/ /dus dus su yang nyung zad gson/ /nyung du bsags na'ang nges par ni/ /ring por mi thogs mang por 'gyur/ / @54a @#/ /rtag tu chu thigs re re'i rgyun/ /bar chad med par 'bab pa yis/ /gang zhig gang bar mi 'gyur ba'i/ /snod de ji lta bu zhig mchis/ /de ltar dpe gsal de lta bu/ /rgyal po tshad mar mdzad nas ni/ /dam pa'i chos ni gsan pa la/ /rtag tu dges pa nyid du mdzod/ /yon tan nor ni gnyer la gnyen/ /mkhas shing snying rje'i bdag nyid can/ /byas gzo phongs chos mi bgyid pa/ /bzang po khyod kyi slad du zhog /khyod kyi blun dang phongs chos can/ /skams shing byas pa mi gzo dang/ /kha gsag gtum po mi bzad pa/ /yul na rang gnas su ma stsal cig /rtag tu so so'i skye bo yi/ /khyad par mkhyen bar mdzod cig dang/ /de yi khyad par mkhyen tsam la/ /phun sum tshogs pa rag las so/ /mi gang dka' ba spyod byed dang/ /dor bar bya dka' 'dor ba dang/ /bzod par dka' ba bzod byed dang/ /bkur dka' nyams su len pa dang/ /gnas min las ni zlog byed dang/ /gnas su 'jog par brtson pa dang/ /de yi bsam pa mthun gus dang/ /bde bar 'dod cing 'o byams pa/ /de dag rnams ni mdza' bshes te/ /gnyen 'dun grogs po'ang de dag lags/ /rang don tsam phyir 'brang ba'i mi/ /gzhan dag skye bo phal par bas/ /grogs po phan par 'dod pa'i tshig /mi snyan yang ni phan pa dang/ /'jam dang bde ba lags pa dag /thugs la bzhag par mdzad du gsol/ /tshig snyan phan pa ma lags dang/ /'jam yang bden pa ma lags pa/ /dam pa ma yin rnams kyi tshig /khyod kyi thugs la ma bzung shig /phan par smra ba khro yang ni/ /khyod kyis gnang chen dag tu mdzod/ /mi phan smra ba bstod bgyis kyang/ /dgyes pa dag tu ma mdzad cig /rab dangs mtsho la dang pa yi/ /rgyal po dang ni chus 'jigs bzhin/ /dam pa rnams kyis bsnyen sla dang/ /dam pa min pas bsnyen dka' mdzod/ /khyod kyis mkhas rnams tshim bgyis pas/ /'byor ba don du gnyer mi bgyi/ /yon tan dgyes phyir khyod kyis ni/ /yon tan rnams kyis mi ngoms mdzod/ /longs @54b spyod byed dam bde ba dang/ /sdug bsngal phrad pa'am spyod pa'am/ /spyod lam kun du spyod pa na/ /khyod kyis dam pa bsten pa dang/ /dran pa'i grogs kyis bskor ba na/ /bag yod par ni gnas 'gyur te/ /sA la'i shing la 'khri shing bzhin/ /bzang po dpal gyis 'khyud par 'gyur/ /khyod kyis gzhom ba bden pa dang/ /khyad par zhing la sbyin pa dang/ /dran dang bral bas 'dod pa dbye/ /chad pas gang du'ang gcad mi bgyid/ /log pas 'thab gcugs byed pa dang/ /bkren la dman par lta ba dang/ /tshul khrims ldan rnams mi dga' dang/ /dka' thub sdom pa 'khrul byed pa/ /bzhi po 'di dag 'dod min te/ /rtsa ba 'joms par bgyid pa lags/ /rab brtson khyod kyi yul na ni/ /de dag gtan ma mchis par mdzod/ /stobs dang ldan pas stobs chung ba/ /gnang chen gyis ni mi gnang dang/ /mchod 'os rnams kyis mi mchod dang/ /smos 'drin kyis ni mi shes pa/ /gang yang rung la gang gis kyang/ /brnyas pa med par khyod kyis mdzod/ /tha snyad rnams ni dag pa yis/ /kun la 'dra bar gzigs su gsol/ /kun gyis rang gi chos thob cing; /chos kyis thams cad 'tsho bar mdzod/ /mi sdug kyang ni nyes med na/ /thams cad bde bar mdzad du gsol/ /pha yis bu la ji lta bar/ /khyod kyis 'khor la byams bgyis na/ /bu yis pha la ji lta bar/ /khyod kyis zhabs 'bring dga' bar bgyid/ /phal rnams rang bzhin bzang na ni/ /khyod kyi dgongs pa bzhin du 'gyur/ /phal rnams rang bzhin ngan na ni/ /khyod kyi dgongs pa bzhin mi 'gyur/ /gal te gzhung lugs bzang bzhes na/ /gong nas gong du 'phang bar 'gyur/ /ci ste ngan pa'i spyod mdzad na/ /'og nas 'og tu ltung bar 'gyur/ /dam pa'i las la gnas na ni/ /khyu mchog dang ni khyu lta bur/ /rjes su 'tsho ba'i skye bo'i tshogs/ /'di kun rjes su 'brang bar 'gyur/ /khyod ni gya gyu la zhugs na/ /gya gyu kho na'i rjes 'brangs pas/ /skyes dgu khyod mdzad rjes 'brang pa'i/ / @55a @#/ /skye dgu de ni nyams par 'gyur/ /de bas bdag gzhan bsrung slad du/ /thugs kyis rab tu bsgrims nas ni/ /gna' rgyal drang srong rnams kyi lugs/ /nyams pa sar par bcos su gsol/ /gna' yi rgyal po'i spyod pa las/ /gang dag bzang ba de mdzod la/ /mi rigs pa ni gang lags de/ /smad bar mdzod la spang du gsol/ /sngon gyi bka' khrims skyon chags pa/ /gna' nas mchis kyang rgyun chod la/ /rgyal po ka ni skas mtshan pa'i/ /khrims su bca' ba gsar pa mdzod/ /lha khyod yon tan don gnyer bas// yon tan lha bzhin kho nar mdzod/ /lha khyod skyon rnams mkhyen pa yis/ /lha bzhin nyes med kho nar mdzod/ /zla ba mar gyi ngo bzhin du/ /nyes pa'i tshogs rnams 'grib pa dang/ /zla ba yar gyi ngo bzhin du/ /rtag tu yon tan gyis brgyan mdzod/ /yab mes bzhin du bdag nyid kyis; /chos kyis sa steng bskyang ba dang/ /yang mis bzhin du lha gang gi /dus ston 'phel bar mdzad du gsol/ /khyod kyis mtho ris byang grol gyi/ /them skas ma mnyam mnyam pa'i phyir/ /bsod nams las byung bzo rig che/ /rtag tu lha khang dag tu sogs/ /rga dang 'chi bas bsnyengs mdzod de/ /chos bzhin rgyal srid dpal sbyad nas/ /bgres kar dgon par gshegs su gsol/ /dam chos bstan pas 'bras mchis mdzod/ /rang byung rnams kyi rjes bslabs pas/ /ku sha'i rigs su 'khrungs khyod kyis/ /yab mes 'phags rigs nyi ma yi/ /gdung rgyud chos lugs ma nyams mdzod/ /skye ba can la nges par ni/ /rga dang 'chi dang na mchis na/ /ma bgres ma bsnyungs ma 'grongs zhes/ /legs smon gsol yang ci la sman/ /srid pa dag ni gang yang rung/ /de nyid rgas dang 'chi ba lags/ / yongs su bsgyur bas rga ba ste/ /skad cig 'jig pa 'chi ba yi/ /margas man ma 'chi zhes/ /smra ba dag ni smra ba na/ /de ltar 'jig rten kun 'bar na/ /yang srid med las gzhan ci yod/ /gang na mi mthun yod ma yin/ /gang du 'du byed 'jig mi 'gyur/ /gang na @55b gcig tu bde bar gnas/ /gang du song na 'chi mi 'gyur/ /srid pa kun nas nyon mongs dang/ /sdug bsngal 'byung ba phyir mi mkho/ /de slad des pa srid pa rnams/ /med par bsgom pa rgyas par mdzod/ /'dir ni bgyi ba 'di nyid de/ /de las gzhan pa'i bgyi mi 'tshal/ / bgyi ba de ni bgyis pa yis/ /mi bgyi ba yi tshar phyin to/ /bgrang phreng bzhin du 'khor ba ru/ /lan mang yongs su 'khor ba ni/ /lan brgya 'am yang na stong dag tu/ /'jig rten dag tu cim bgyis/ /'di ma bgyis slad byis pa yi/ /yang dang yang du bgyi 'tshal bas/ / thog ma med pa'i dus can 'di/ /da dung bar du ma log go/ /'chi bdag su dang mi bshes pa/ /glo bur dag tu 'bab 'gyur bas/ /sang dag bya zhes ma bzhes par/ /dam pa'i chos la bsnyur te mdzod/ /'di sang deng 'di mi bya zhes/ /bya ba mi la bzang po min/ /nam zhig khyod ni med 'gyur ba'i/ /sang de gdon mi za bar 'ong/ /'chi bdag brtse ba med pa can/ /skyes rtsal don med gsod 'gyur ba/ /gsod pa sngon du 'ong bzhin du/ /mkhas pa su zhig bag rkyong spyod/ /de las dpag chen bzod med des/ /mda' ni mi bzad 'chor med par/ /de ni ji srid ma 'phangs pa/ /de srid rang gi don la 'bod/ /rnam smin 'byin pa sngon las kyis/ /khyod ni yongs su btang gyur pa/ /gsar pa'i las dang rjes 'brel zhing/ /'chi bdag gis ni drangs pa na/ /dge dang sdig pa ma gtogs par/ /'gro ba thams cad phyir log nas/ /'ga' yang khyod rjes mi 'brang bar/ /mkhyen par mdzod la legs par spyod/ /bdag ni snying rjes zil gnon cing/ /yid mi dga' ba'i rlan gyis ni/ /shin tu brlan pa'i smre sngags 'di/ /re zhig gsan par mdzad du gsol/ /'gro ba dman pa log ltung ba/ /mgon med nyes med phal cher ni/ /rtswa dang chu dang 'bras bu ni/ /phal pas 'tsho ba sgrub bgyid pa/ /bya dang ri dags phyugs dag la/ /rgyal pos gsod dam gsod 'jug pa/ /cig rigs sam mi rigs pa/ /bde la gnas pa khyod @56a @#/ /nyid gsungs/ /khyod ni chen por mi khro zhing/ /gnod pa bgyid la'ang bzod ces gda'/ /khyod kyi thugs rje dud 'gro la/ /kye ma su yis dgag par bgyis/ /gnod pa bgyid la bzod mdzad cing/ /gnod mi bgyid pa 'gums mdzad bas; /khyod la brtse dang mi brtse ba'i/ /rgyu mthun pa ni gnyis ka gda'/ /sngon chad bgyis pa'i sug las kyis/ /'di ltar 'ben du gyur pa la/ /khyod nyid gnod pa mdzad na go/ /su la skyabs su mchi ba gsungs/ /gzhan gyis gnod pa bgyis na yang/ /nyid kyi phyag gis bshug 'tshal na/ /khyod bzhengs mngon du gnod mdzad na/ /phyogs kun mun par ma gyur tam/ /kun la srog ni phangs pa ste/ /kun la gson pa sdug pa lags/ /thams cad 'chi ba'i chos can te/ /thams cad sdug bsngal rnams kyis gdungs/ /'di ltar gang zhig mi 'tshal ba/ /de nyid kyis ni sdug bsngal te/ /mkhas pa su zhig mgar ba ltar/ /tshig pa la ni yang sreg bzhin/ /khyod ni srog gcod mi dgyis shing/ /srog gcod dgyes las phyir log na/ /rgyal srid nyams par 'gyur ram ci/ /lugs 'di ci zhig lags pa gsungs/ /mtshon cha'i thabs la mkhas khyod kyis/ /g.yul ngor srol btod mthong lags na/ /gzhan du khyod la ri dags la/ /ci slad gnod pa'i las rnams mdzad/ /ri dags gzhon nu'i spyan mnga' khyod/ /spyan dang 'dra ba'i ri dags rnams/ /rtabs nas rig rig lta ba las/ /ci yi slad du thugs mi rje/ /khyod kyi spyan dang mig 'dra'i phyir/ /khyod la dga' ba gang lags de/ /ri dags la yang dga' bgyid na/ /khyod ni ji ltar dgyes mi mdzad/ /log par ltung dang spyan 'dra dang/ /mgon med yul na gnas pa nyid/ /re re yang ni ri dags dag /mi 'gums pa yi rgyur rung ngo/ /mi rnams la ni mdzad pa bas/ /sdug bsngal lhag par brtags pa yi/ /dud 'gro rnams la ches lhag par/ /khyod kyi thugs rjes mdzad du gsol/ /khyod nyid bsrung ba'i don 'di la/ /bdag gis thal mo @56b sbyar mi 'tshal/ /rgyud gzhan gsal bas gus bgyis bar/ /legs par thugs tshod mnga' lags grang/ /co nas bzung ste bslab sbyang ba/ /dam pa rnams kyi lugs su grags/ /de ltar lags pas rgyal po la/ /bu sdug bzhin du gsol ba lags/ /gal te bdag gis mi phan pa/ /gsol na bdag la chad pas khum/ /ci ste gcig tu phan gsol na/ /bdag gis gsol ba bzhin du mdzod/ /gal te mi dgyes mdzad par ma gyur na/ /bdag gis yang dang yang du gsol bar 'tshal/ /ci ste bdag tshig khyad du 'gums mdzad na/ /bka' mchid 'di ni nges par btang bar bgyi/ /dgyes par gyur na slar rjes mi 'gums te/ /mi dgyes gyur na dog sa gzung bar 'tshal/ /gnod bgyid nyi ma ltar rngo mi thogs pas/ /sa bdag zla ba nya ba bzhin du mdzod/ /sa bdag tsher ma'i shing las sbrang rtsi ltar/ /dgra bo las kyang legs par smras pa gzung/ /gser gyi ri la dug rgyu na ji bzhin du/ /yid 'ong skye bo'i tshig ngan spang 'tshal lo/ /mi mchog gal te legs par mdzad pa'i sbyor bas bsgrubs gyur te/ /pha rol gnod pa sel ba'i dpal 'di yon tan rgyan rnams kyis/ /phyug par bgyid na legs spyad brgya la chags phyir g.yo ba'i snying/ /mi brten pa yang rang dbang med par yun ring khyod la chags/ /slob dpon ma ti tsitras rgyal po chen po ka nis ka la springs pa'i spring yig rdzogs so// //rgya gar gyi mkhan po bidyA ka ra pra b+hA dang/ /zhu chen gyi lo tsA ba ban de rin chen mchog gis bsgyur/ A tsArya dpal brtsegs kyis zhus te gtan la phab pa'o// @##/ /rgya gar skad du/ tsitta ratna bi shod+ha na kra ma nA ma le kha/ /bod skad du/ sems rin po che rnam par sbyang ba'i rim pa zhes bya ba'i spring yig /sangs rgyas dang byang chub sems dpa' thams cad la phyag 'tshal lo/ /sa gsum dbang phyug skye dgu chos kyis skyong mdzad pa/ /lha mi'i bla ma 'phags pa'i gang zag rnams kyi yab/ /rgo la ba tshar gcod rang gi 'khor gyi dga' skyed pa/ /chos kyi rgyal po gcig pu de ni rgyal gyur cig /blo zhan bdag @57a @#/ /'dras gzhan la skul bar mi nus shid/ /bskul bas phan par 'gyur ba'ang deng sang nyung mod kyi/ /'on kyang sa yi bdag po khyod kyis nongs pa yal bor nas/ /'gro mang de 'drar 'gyur 'di ma bzod khyod la bskul/ /mi skyong khyod kyi dbang phyug 'di ni sngon chad nyid kyi thugs; /gdul dka' legs par btul las brnyes kyi gzhan gyis byin pa dang/ /sa yi rum nas 'thon dang gnam babs lta zhig ga la lags/ /sa bdag dpal 'di mi nyams bzhed na da dung thugs thul 'tshal/ /gang zhig phan na de ni brtags te dka' yang mdzad rigs la/ /gang zhig mi phan de ni bsgrub par sla yang gtang ba'i rigs/ /de phyir sngon tshe thub chen rgyal bu zla bar gyur pa yis/ /rgyal po su ta sa yi bu la gdams pa smras pas kyang/ /rgyal po gcig pus g.yul ngor dmag gi dpung las rgyal/ /sems tsam tshar gcad phyir ni sngar ma ma mdzad cig /mi yi bdag po 'jig rten phyi ma'ang gzigs par rigs/ /de bas dgyes kyang phan pa ma yin bsten mi rigs/ /zhes so/ /de phyir gang gis dman pa'i rigs su ltung byed pa/ /nga rgyal dgra spangs bdag gi tshig 'di sad phyir yang/ /ci nas mi bdag khyod kyis gus pas gsan rigs te/ /legs smras byis las blangs zhes thub chen gsal bar gsungs/ /sa bdag tsher ma'i shing las sbrang rtsi bzhin/ /dgra bo las kyang legs smras gzung bar bya/ /gser gyi ri las dug gi chu rgyun bzhin/ /yid 'ang skye bo'i tshig ngan spang 'tshal lo/ /zhes so/ /gang zhig ma btul mnar med sogs/ /sdug bsngal bzod dkar skyed byed cing/ /de nyid btul bas lha mi dang/ /'jig rten min pa'i bde ba'ang 'thob/ /rab tu mthu ldan sems 'di ni/ /mkhas pa su zhig 'dul mi byed/ /'dir sems ni rang bzhin gyis 'od gsal ba rtag tu rnam par mi rtog pa'i rang bzhin yin mod kyi/ lus dang ngag bran lta bu dang bcas pa glo bur gyi nyon mongs pa dang nye ba'i nyon mongs pa dag gis dkrugs pa ste/ de'i phyir 'di dag rnam par sbyangs te nor bu chu shel gyi 'od ltar rab tu @57b 'od gsal ba'i rang bzhin dkrug ma dang bral ba bskyed de/ /'di tsam ni mi gnas pa'i mya ngan las 'das pa'o/ /de la 'dir bsdu na sems de dkrugs pas rtog pa can du byed cing/ /lus dang ngag bran ltar 'khol ba ni rnam pa bzhi ste/ thams cad kyi rgyu rnam par rtog pa mang ba dang; 'dod chags dang/ zhe sdang dang/ /gti mug shas che ba'o/ /de la gang rnam par rtog pa mang pa des ni rlung gi ting nge 'dzin la dmigs pas de spang bar bya ste/ bgrang dang rjes 'gro 'jog pa dang/ rtog pa dang ni bsgyur pa dang/ /yongs dag rnam pa drug tu 'dod/ /de ni bgrang ba dang/ /rjes su 'gro ba dang/ 'jog pa dang/ nye bar rtog pa dang/ sgyur ba dang/ yongs su dag pa ste rgyu drug dang ldan na yongs su rdzogs pa yin no/ /de la bgrang ba zhes bya ba ni/ /dbugs rdub pa dang dbugs 'byung ba dag la sems gtad nas mngon par 'du bya ba med par lus dang sems rnal du bzhag ste dran pa tsam gyis gcig dang gnyis nas bcu'i bar du bgrang bar byed pa'o/ /sems mngon par bsdus pa dang rnam par g.yeng bar dogs pas ha cang mang ba dang nyung dur ni ma yin no/ /de la skyon ni gsum yod de/ gal te gcig la gnyis su brtsis na lhag par bgrang ba'i skyon yod do/ /gal te gnyis la gcig tu 'dzin na ma tshang bar bgrang ba'i skyon no/ /gal te dbugs rdub pa la dbugs 'byin par 'dzin tam dbugs 'byin pa la dbugs rdub par 'dzin na 'chol bar 'dzin pa'i skyon no/ /de las gzhan pa ni yang dag par bgrang ba yin no/ /bar skabs su sems rnam par g.yengs na/ /yang mgo nas ji srid du ting nge 'dzin ma thob kyi bar du bgrang bar bya'o/ /rjes su 'gro ba zhes bya ba ni 'di dag ji srid cig tu 'byung ngam 'jug /ci 'di dag lus thams cad la khyab bdag gcig gam phyogs 'ga' zhig nas rgyu ba dag yin zhes mngon par 'du bya ba med par dbugs rdub pa dang/ /dbugs 'byung ba'i rjes su 'gro ba ste/ de 'jug pa na lkog ma dang/ snying ga dang/ lte ba dang/ rked pa dang/ brla dang/ byin par 'jug pa'i rim @58a @#/ /gyis rkang pa gnyis kyi bar du rjes su 'gro la/ 'byung ba na mtho gang dang 'dom gang gi bar du 'byung ngo/ /gzhan dag na re rlung gi dkyil 'khor dang rnam par 'thor byed kyi rlung gi bar du'o zhes zer te/ 'di ni de kho na nyid yid la byed pa'i phyir rigs pa yin no/ / 'jog pa zhes bya ba ni nor bu'i thag pa bzhin du sna'i rtse mo nas rkang pa'i mthe bo'i bar du gnas par lta zhing ci 'di dag phan 'dogs par byed pa zhig gam/ gnod par byed pa zhig gam/ grang ngam dro ba zhig ces rtog pa'o/ /nye bar rtog pa zhes bya ba ni 'di dag ni rlung 'ba' zhig ma yin gyi 'byung ba chen po bzhi po dag dang 'byung bdag las mngon par grub pa'i rgyur byas pa'i gzugs dang/ de dag la brten pa'i sems dang sems las byung ba rnams kyang yod do zhes phung po lnga nye bar rtog pa'o/ /sgyur ba zhes bya ba ni rlung la dmigs pa'i blo bsgyur te chos kyi mchog gi bar du blo gong nas gong du dge ba'i rtsa ba rnams la yang dag par sbyor ba'o/ /yongs su dag pa ni mthong ba'i lam la sogs pa la 'jug pa'o/ /gzhan dag na re sgyur ba ni dran pa nye bar gzhag pa nas rdo rje lta bu'i ting nge 'dzin gyi bar yin la/ rnam par dag pa ni zad pa shes pa la sogs pa yin no zhes zer ro/ /'di lta bu ni slob dpon dbyig gnyen gyi zhal snga nas ji ltar bris pa kho bos 'dir yang bris par shes par bya'o/ /de ltar rim pa drug po de dag gi las ni/ ji skad du 'phags pa sa'i snying po 'khor lo bcu pa'i mdo las gsungs pa bzhin te/ de las ni ji ltar dran pa'i dbang gis yang dag pa ji lta ba bzhin du dbugs phyi nang du rgyu ba la rtog ce na/ /yang dag pa ji lta ba bzhin du bgrang ba dang/ rjes su 'gro ba dang/ zhi gnas dang/ lhag mthong dang/ 'jug pa dang/ yongs su dag pa la rtog go/ /de la bgrang bas ni bya ba'i las kyi dngos po rnam pa gnyis byed par 'gyur te/ /rten du gyur pas rnam par rtog pa dang rnam par dpyod pa gnyis thul bas/ /dbugs phyi nang du rgyu ba'i mtshan nyid 'dzin par nus pa'o/ /rjes su 'gro bas kyang bya ba'i las kyi dngos po rnam pa gnyis byed par 'gyur te/ yang dag par 'byung ba la brten @58b cing; rnam par rtog pa dang rnam par dpyod pa dang bral ba dang/ dbugs phyi nang du rgyu ba'i 'jug pa'i mtshan nyid la mkhas par 'gyur ba'o/ /zhi gnas kyis ni bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba 'bri bar mngon du ston pa dang/ ting nge 'dzin gyi mchog la gnas par nus pa'o/ /lhag mthong gis kyang bya ba'i las kyi dngos po rnam pa gnyis byed par 'gyur te/ dbugs phyi nang du rgyu ba zad par mngon du ston pa dang/ sems dang sems las byung ba'i chos so sor rtog pa la gnas pa'o/ /'jug pas kyang bya ba'i las kyi dngos po rnam pa gnyis byed par 'gyur te/ nye bar len pa'i phung po spong ba'i sbyor ba la mkhas pa dang/ 'phags pa'i sar 'jug pa la sbyor ba'o/ /yongs su dag pas kyang bya ba'i las kyi dngos po rnam pa gnyis byed par 'gyur te/ kun nas nyon mongs pa spong ba dang/ lta ba yongs su dag pa'o zhes so/ /de ltar dbugs thung du rdubs na yang dbugs thung du rdubs so snyam du yang dag pa ji lta ba bzhin du rab tu shes so zhes bya ba la sogs pa bcu drug kyang legs par rtogs par 'gyur ro/ /'dir rnam par rtog pa mang ba la bstan pa ni gtsor byas kyi yon tan ma lus pa 'di la brten pas na thar pa'i grong khyer gyi sgo 'byed pa ni dbugs rdub pa dang 'byung ba dran pa yin te zhes gsungs so/ /ji ltar zhe na rab tu gdul dga' ba'i sems zhes brjod pa de ni rlung las gud du ma dmigs pa'i phyir te/ de bas na sems zhes bya ba de ni rlung du brjod do zhes gsungs so/ /de ltar mi bdag khyod kyis rlung gi phra dang zab mkhyen nas/ /yun ring dus nas rnam rtog dgra yis rab tu gtses pas shin tu yang/ /mnyel zhing skyo ba'i thugs ni deng nas ngal bsos rtog dgra bzlog pa dang/ /lo yis ma yin gus par sbyor bas zhag gi rim pas rtog bral mdzod/ /de nas rim gyis yongs su dag pa'i mthar yang khyod kyi thugs gzhol na/ /sa bdag khyod gyi skye ba 'bras bcas de nas chos kyi rgyal por 'gyur/ /de yi bar du lha mi'i bde ba tshad med rnams la dgyes bzhin du/ /thugs btul mthu yis spyod pa 'di la the tshom @59a @#/ /med par mngon sum gnas/ /rnam par rtog pa'i gnyen po bshad zin te/ /sems kyi rtog pa sbyang ba'i rim pa'o/ /mi skyod khyod kyi thugs ni gal te bud med kyis phrogs na/ /'di ni sa yi bdag po'i mthu rtsal rab tu dman pa ste/ /gang gi g.yul chen 'jigs su rung ba gzhom pa'i thabs mkhyen na/ /mi gtsang kun snod mngon gyur bud med mtshan nyid mi mkhyen 'di mtshar che/ /shin tu yid 'ong tsher ma'i gnod pa'ang mi bzod lus 'di ni/ /bud med bsten pa'i rgyu las 'di dang slad pa mgo gcod sogs/ /rab tu bzod dka'i sdug bsngal 'byung 'di nyid kyis mngon sum na/ /'on kyang bla ma'i bka' yis 'dod chags zhi bar byed pa mdor brjod bgyi/ /chags pa can rnams kyi gnyen po ni rus gong yid la bya ba yin te/ keng rus chags can thams cad la zhes bshad pas so/ /ji ltar zhe na/ /rus pa rgya mtsho'i bar du ni/ /spro zhing sdud pas las dang po/ /rkang rus dang ni thod phyed bar/ /btang bas sbyang ba byas par bshad/ /smin ma'i bar du sems 'dzin pas/ /yid la byed pa rdzogs pa yin/ /zhes bshad pa'i rim pas so/ /gzhan yang byis pa rnams ni phal cher kha dog dang/ dbyibs dang/ reg pa 'jam pa dang/ bsnyen bkur la chags te/ de dag gi gnyen por ni rnam par bsdos pa dang/ rnam par dmar ba dang/ rnam par tshig pa dag yid la byed pas kha dog la chags pa dag sel to/ /rnam par rangs pa dang/ rnam par zos pa dang/ rnam par 'thong bdag yid la byed pas ni dbyibs la chags pa sel bar byed do/ /rnam par dbus gzhig pa dang rus gong rgyus pas 'brel ba dag yid la byed pas ni reg bya 'jam pa la chags pa sel to/ /rnam par bam pa'i ro mi g.yo ba rkyal ba stong pa bus pa lta bu/ /rdo ltar bsnyen bkur phyed pa dang bral ba yid la byed pas ni rkang pa bkru ba la sogs pa'i bsnyen bkur la chags pa sel bar byed do/ /gzhan yang rnam par phye ste brjod na/ sngo bsangs la sogs pa'i kha dog la chags pa zhig na rnam par bsngos par yid la bya'o/ /tsandan dang ga bur la sogs pa'i dris phyugs pa'i @59b lus la chags pa lta na rnam par rangs par yid la bya'o/ /mtshan sprad pa'i reg bya la chags pa zhig na rnam par 'bus gzhig par yid la bya'o/ /dbyibs phun sum tshogs pa la chags pa lta na rnam par bam par yid la bya'o/ /rgyan gyis mdzes pa'i lus la chags pa zhig na rnam par dmar bar yid la bya'o/ /sha rgyas pa'i lus la chags pa zhig na rnam par zos par yid la bya'o/ /'khyud pa dang 'o byas pa la sogs pa'i rtse 'jo la chags pa'i dus na rnam par 'thor bar yid la bya'o/ /kha dog dang dbyibs phun sum tshogs pa la chags par gyur na rnam par tshig par yid la bya'o/ /so rnams dkar ba la chags pa'i tshe na rus gong gi yid la byed pas zhi bar 'gyur ro/ /rab tu mi bzad nags bsregs me lce'i tshogs/ /char rgyun drag pos skad cig zhi byed ltar/ /byis pa'i nags tshal thal bar byed pa yi/ /'dod chags me chen mi sdug char gyis 'joms/ /'jig rten gnod pa'i rtsa ba ji snyed pa/ /kun gyi phul byung 'khrig pa'i 'dod chags te/ /sa bdag 'di mkhyen 'dod las phyir ltos dang/ /rab tu dgyes pa byis pas ma myong ba/ /bsam gtan bde bas lus la phan 'dogs shing/ /kha na mtho med pa myong ba'i rigs/ /'dod chags dang bcas pa'i sems sbyang ba'i rim pa ste/ /'dod chags kyi gnyen po bshad zin to// //lha mi'i bla mas gang du 'bad pas bkag gyur pa/ /de ni 'gro la byams dang snying rje med pa ste/ /de phyir mi dbang khyod kyis thub la gus pa dang/ nyid kyi thugs kyang dam pa'i grangs su 'gyur ba'i phyir/ /gang la skra rtses gzung bya'i skye bo de la yang/ /nyid kyi sras bzhin gces shing byams pas bskyang bar rigs/ /bshes gnyen dam pa'i lung gis goms par byas pa las/ /srin po sha za seng ge sogs kyang 'gro la byams// de phyir mi dbang khyod kyis thugs ni 'jam pa dang/ /'gro ba bskyang las nam yang phyir ldog ma mdzad cig /legs pa'i lam ni ji snyed bstan pa dag las kyang/ /gtso bor gyur pa byams dang snying rjer dam pas gsungs/ /'di ji ltar bsgom par bya zhe na/ dang por rang gi ma'am @60a @#/ /pha'am bu 'am bu mo'am/ 'brel pa gnyis sam/ gang yang rung ba cig bde ba ma lus pa dang phrad par gyur cig snyam pa dang/ /bdag gis de dang phrad par bya'o zhes pa dang/ nus pa lta na dngos su de bsgrub pa dang/ phrad pa la phrag dog med pa nyi ma 'ga' zhig gus par bsgom mo/ /de nas ni de bas cung zad mi gcugs pa la'o/ /rim gyis par ma la'o/ /de nas dgra bo dman pa la'o/ /de nas de'i bar ma la'o/ /de nas de dgra bo rab tu ma rungs pa la'o/ /de la ma la sogs pa dang mnyam pa thob pa na grong dang grong khyer pa la'o; /de nas ni yul dang ljongs dang gling gcig dang gnyis la sogs pa nas stong spyi phud dang/ stong gnyis bar ma dang/ stong gsum gyi stong chen po dang/ phyogs bcu'i 'jig rten gyi khams ganggA klung gi bye ma snyed la sogs par byams pas khyab par byas te/ de nas gzhung de bzhin du sdug bsngal dang bral bar gyur cig ces pa dang/ sdug bsngal dang bral ba la dga' ba dang/ de dag 'jig rten las 'das pa'i lam la dgod par bya'o zhes bya ba'i rim pas snying rje dang dga' ba dang btang snyoms rnams bsgom mo/ /dang po nyid du sdug cing yid du 'ong ba'i mtshan nyid can gyi byams pa yid la ma byas par ni sdug bsngal dang bral ba'i snying rje ga la 'jug ste/ de ltar rim pa gzhan yang ngo/ /gnod par sems pa'i yid tsam bor bas kyang/ /'khor los sgyur nyid thob par thub pas gsungs/ /byams sogs goms las 'chi med ma brnyes kyang// tshangs pa'i 'jig rten bde ba rgya chen thob/ /de phyir mi rje khyod kyis gang sbyod pa/ /tshangs pa'i gnas bzhi yis ni gnas par rigs/ /khyod kyis 'byor pa dug can zas bzhin du/ /bor nas gcig pu gzhan du gshegs 'tshal na/ /grogs bzang 'dod med dge ba de bkri'i phyir/ / thugs ni rnam par sbyang bar cis mi mdzad/ /zhe sdang dang bcas pa'i sems sbyang ba'i rim pa ste/ zhe sdang gi gnyen po bshad zin to// //rang dang gzhan dang gnyis ka las skye dang/ /rgyu med 'byung zhes smra ba gang lags pa/ /'di dag log par smra ba phung khrol ba/ / @60b legs par spyad kyang 'bras bu mi 'dod 'byin/ /de phyir khyod kyis rten cing 'brel 'byung ba/ /lta ngan sel 'joms thub pa'i man ngag mchog /bdud rtsi'i mchog 'di myur du gsol ba yis/ /dkar phyogs ma lus rgyas shing brtan por mdzod/ /rten cing 'brel par 'byung ba ji lta bu zhe na/ 'di lta ste ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /de'i rkyen gyis reg pa/ de'i rkyen gyis tshor ba/ de'i rkyen gyis sred pa/ de'i rkyen gyis len pa/ de'i rkyen gyis srid pa/ de'i rkyen gyis skye ba/ de'i rkyen gyis rga shi dang/ mya ngan dang/ smre sngags 'don pa dang/ sdug bsngal ba dang/ yid mi bde ba dang/ 'khrug pa rnams 'byung bar 'gyur te/ /de ltar na sdug bsngal gyi phung po chen po 'di 'ba' zhig 'byung bar 'gyur ro zhes shes rab kyi mig gis lta bar byas te rgyu med pa la sogs pa bsal lo/ /don 'di ni 'phags pa byang chub sems dpa'i sde snod las/ gang du ma rig skye 'gyur ba/ /nyon mongs rgyu ni tshul bzhin min/ /de yi rkyen ni 'du byed de/ /sdug bsngal bar du skye bar 'gyur; /zhes pa dang/ gang gis sems can dag 'gyur ba/ /rgyu gnyis dang ni rkyen gnyis te/ /gzhan las rjes su mthun sgra dang/ /nang du tshul bzhin lta ba'o/ /de bzhin rgyu ni zhi gnas te/ /lhag mthong yang ni rkyen yin no/ /zhes gsungs so/ /de ltar srid pa 'byung ba'i rim pa la yid ches par byas nas/ yang ma rig pa 'gags pas 'du byed 'gag pa nas sdug bsngal gyi phung po chen po 'di 'ba' zhig 'gag par 'gyur ro zhes bya ba'i bar du yid la bya'o/ /de nas rtag par ma yin pa dang/ chad par ma yin pa dang/ 'pho bar ma yin pa dang/ de dang 'dra ba'i rgyud du 'jug pa dang/ rgyu chung du las 'bras bu chen po 'byung ba zhes nges par bzung ste/ phyi rol yang sa bon las myu gu dang de las 'dab ma dang/ /de las sdong bu dang/ de las me tog dang/ de las 'bras bu 'byung zhing rgyu de dag dang rkyen 'brel bar 'byung ba khams bzhi @61a @#/ /dang nam mkha' dang dus kyi khams te/ rnam pa bcu gnyis po 'di dag tsam mo zhes 'byung ba dang/ 'gag pa las rgyu med pa dang/ mi mthun pa'i rgyu spangs te 'dir ni mdor bsdus nas rten cing 'brel bar 'byung ba yid la byas pas rig pa bskyed pa dang/ ma rig pa'i ngo bo'am de las 'byung ba'i log par lta ba spang ba'o/ /gal te rgyas par yid la byed pa lta zhig na rang rang gi mtshan nyid dang/ ming gi don dang/ las tha dad pa dang/ yan lag lngas yang dag bar bsdus pa dang/ yan lag gsum gyis yang dag par bsdus pa dang/ gsum las gnyis 'byung ba dang/ gnyis las bdun 'byung ba dang/ bdun las gsum 'byung ba dang/ dus gsum pa'i ngo bor gzhag pa dang/ rkyen dang 'brel ba dag yid la bya'o/ /sa bdag rten cing 'brel 'byung mkhyen na snang bas mun pa bzhin/ /khyod kyi thugs la gnas pa'i gti mug go skabs ga la mchis/ /'di mkhyen srid pa'i 'khor lo phra zhing zab pa gzigs pa'i phyir/ /shes rab ye shes spyan gnyis dri med lung gi sman byugs gzigs/ /ji skad du 'phags pa klu sgrub kyi zhal snga nas kyang/ /rten cing 'brel bar 'byung 'di rgyal ba yi/ /gsung gi mdzod gyi gces pa zab mo ste; /gang gis 'di ni yang dag mthong ba des/ /sangs rgyas de nyid rig pa rnam mchog mthong/ /zhes bsnyan to/ /gti mug dang bcas pa'i sems sbyar ba'i rim pa ste/ rten cing 'brel bar 'byung ba yid la byed pa bshad zin to/ //mi yi bdag po gal te phra ba'i thugs kyi go skabs su/ /thog ma'i rtsom med dus can sdig pa'i rtsa ba'i rtog dgra 'di/ /zhen pa gnas snyam zhum pa'i rtog pa mi bzad zhugs gyur na/ /de yi gnyen por brten cing skyes pa'i dngos pos rang bzhin gzigs/ /dri med me long ngos la skyes pa'i bzhin gyi gzugs brnyan gang/ /gal te yang dag gnas na rkyen la rag las mi 'gyur zhing/ /slar 'di rnam par 'jig 'gyur go skabs can du ga la 'gyur/ /de phyir dngos med rkyen la rag las gcig pu rnam par spang/ /ji ltar gnas pa'i rang bzhin 'di yang legs par rnam dpyad na/ /rab tu phra rdul bar du 'gyur @61b zhes dam pas dang por gsungs/ /gal te dngos yod de dag shes rab cis mi 'bab/ /de phyir de yang phyogs cha'i bye brag dag gis ga la gnas/ /rin chen sems kyi khyad par 'ga' zhig sna tshogs snang zhe na/ /de bzhin 'di la'ang skad cig ces bya rab phra dam pas gsungs/ /skad cig skad cig ces bya'i gang dag phra la rnam par rmongs/ /de yang ji ltar thogs ma dbus mtha' dag tu blta mi nus/ /de'i phyir rin po che'i phreng ba las/ /skad cig ji ltar mtha' yod ltar/ /thog ma dang dbus de ltar brtag /skad cig rang bzhin gsum gyi phyir/ /'jig rten skad cig la mi gnas; /zhes bstan to/ /de ltar 'di dag phyi dang nang du bcas pa gcig min zhing/ /de nyid phyin na de yi rang bzhin rnam bsags du ma'ang min/ /'di dag las dben dngos po shes rab mig gis 'ga' ma dmigs/ /des na 'di dag mtha' gnyis grol bar dam pas gsal bar gsungs// de bzhin gcig gis gcig nyid skyes pa mngon sum 'gal mthong ste/ /rab tu phra ba'i 'bras bu rgyu ni gcig min la ltos par/ /'gro ba'i mngon sum nyid du ston pa bzhin du nges par gnas/ /de bzhin gcig gis gcig min skyed sogs thams cad gnod par bcas/ /dngos rnams thug med ma lus slar skyed 'gyur 'di bzlog dka'i phyir/ /yod pa 'ga' zhig skye zhes 'di ni sus kyang smra mi nus/ /gang med 'ga' zhig skye na med pa'i tha snyad su zhig 'jog /de phyir bdag las skye sogs 'di dag mkhas pas rtsa nas bton/ de ltar khyod kyi shes rab spyan gsal dri med rnam rgyal pas/ /rten cing 'brel 'byung mtshan nyid 'di la yun ring gzigs pa na/ /thog med sring rgyud bsags pa'i bsnyengs gnas rab tu phra ba yang/ /gang na'ang gnas par 'gyur 'di gzigs min mi bdag gang gis zhum/ /de ltar ni 'phags pa mi pham pa'i zhal snga nas/ 'di la bsal bya ci yang med/ /bsnan par bya ba cung zad med/ /yang dag nyid la yang dag lta/ /yang dag mthong na rnam par grol/ /zhes gsungs shing/ 'phags pa klu sgrub kyi zhal snga nas kyang/ mthong ba'i chos la mya ngan 'das/ /bya ba byas pa'ang de nyid yin/ /zhes gsungs so/ des na @62a @#/ /gang la dga' ba'am yang dag skrag nas 'di ci zhig /bskal pa bye bar bsgrubs kyang brtan gnas de ni su yis nus/ /gang zhig nam mkha' gzhom zhes 'bad pa'ang blun te rnam par ngal/ /ci'i phyir zhe na gdod nas ma skyes de la su yis dgag /de 'dra'i gnas med 'dir gnas ye shes can te rtag bde ldan/ /gang la rnam rtog med 'di bde zhes thub pas gsal bar gsungs/ /'di spangs lha yul 'dod pas rab tu yid 'phrog byed pa dang/ /'khor los sgyur ba'i 'byor ba'ang dam pas tsher ma'i gnod 'drar gsungs/ sa bdag 'on kyang gnas 'dir shin tu dgyes par ma gyur cig /ci phyir zhe na bdag gzhan phan pa mi bzod 'byor las khyod/ /rnam par ltung ba'i sgo mo mi mkhas rnams la 'di rab spang/ /kha cig sgo 'dir rab dga' 'jug la snying brtse ring du spangs/ /gzhan dag gnas 'dir 'khrul phyir las 'bras thal ba bzhin du byed/ /gzhan dag shin tu med las sangs rgyas yon tan bsam yas 'dod/ /'di 'dra 'di dag sgo 'dir zhugs nas rang gzhan de las nyams/ /de phyir 'di ni yan lag ldan bar bags kyis bsten par bgyi/ /de ltar ni 'phags pa dri ma med par grags pas bstan pa zhes bya ba theg pa chen po'i mdo las kyang/ ming yang yod dang yod ma yin par tshig gis gsungs/ /rgyu la brten te byung ba'i chos ni 'di kun te/ /'di la bdag med tshor ba po dang byed med kyang/ /dge dang mi dge'i las rnams cung zad med mi 'gyur/ /zhes gsungs so; /rten cing 'brel bar 'byung ba'i de bzhin nyid bsam gyis mi khyab par yid la bya'o/ /mi dbang yan lag bzhi po 'di tsam gyis/ /khyod kyi thugs kyi dri ma rags pa rnams/ /nges par bsal 'gyur 'di la dgos pa mdzad/ /de las gong du khyad par rnam bzhed na/ /dkyil 'khor byug pa sngon du 'gro ba yis/ /skye ba gzhan du 'byor pa mi zad pa/ /da lta'i bzhed pa nyid kyi phyag gnas ltar/ /slu ba med par bdag gis brjod par bgyi/ /oM badzra re khe hUM/ gtsang spyod pa yi lci ba ni/ /chu dang 'o ma zho dang mar/ /thams cad de las byung ba dag /snod ba tsang @62b bskol te chu rnams dbo/ /tshigs ma dor te dbus kyi chas/ /dbyibs ci dga' ba'i maNDal ni/ /sa bdag khru gang yan chad par/ /gsang sngags don la gzhol bar byug /de nas de ni gus pa yis/ rgyal pa sras gsum bcas la 'bul/ /mjug tu thub bas gsungs pa yi/ /tshigs bcad 'di dag brjod par bya/ /ba yi lci ba chur bcas sbyin pa ste/ /legs par byug par byed pa tshul khrims so/ /srin bu grog sbur bsal ba bzod pa yin/ /bya ba la ni nyer zhugs brtson 'grus te/ /de yi skad cig sems ni gcig byed pa/ /bsam gtan shes rab ri mo gsal ba'o; /thub pa'i maNDal byas pa yis/ /pha rol phyin pa 'di drug 'thob/ /gser gyi mdog tu 'gyur ba ste/ /nad rnams kun dang bral bar 'gyur/ /zla ba ltar mdzes gsal ba yi/ /lha dang mi ni dam par skye/ /nor dang gser ni 'byor ba yi/ /rgyal po'i rigs su skye bar 'gyur; /bde bar gshegs pa'i pho brang mchog /maNDal gang zhig byed pa dang/ /sdig pa thams cad mi byed cing/ /dge ba phun sum tshogs pa dang/ /rang gi sems ni yongs 'dul ba/ /'di dag sangs rgyas rnams kyis bsngags/ /zhes so/ /de nas dge ba de nyid rgyu mtshan du byas la/ dkon mchog gsum la phyag 'tshal zhing/ /dkon mchog gsum la skyabs su mchi/ /bdag ni khyed la rnams kun dbul/ /sdig pa thams cad bshags par bgyi/ /'gro ba'i dge la rjes yi rang/ /dam chos 'khor lo mchog bskor dang/ /yongs su mya ngan 'das spang phyir/ /bdag ni khyod la gsol ba 'debs/ /'di sogs dge ba'i las rnams ni/ /byang chub bla na med par bsngo/ /'gro ba sdug bsngal khur chen bor ba'i phyir/ /bdag gi sems ni byang chub phyir bskyed de/ /ma bsgral bsgral dang mgrol dgrol ba dang/ / dbugs ma phyin pa bdag gis dbyugs dbyung ste/ /mya ngan ma 'das bdag gis mya ngan bzla/ /de ltar byang chub kyi sems rab tu brtan par bskyed la ji ltar 'dod pa'i bya ba dge ba la 'jug par bya'o/ /mi dbang khyod thugs sbyangs pas dge ba rgya chen dag la dgyes bskyed na/ / @63a @#/ /sbyin dang tshul khrims bzod pa brtson 'grus bsam gtan shes rab pha rol phyin/ /rgya chen spel mdzad der yang khyod kyi thugs ni rma med 'bad 'tshal te/ /sems ma bsrungs pa'i skyes bu'i dge la 'jug pa bu chu'i rgyun khrus ltar/ /phan dang 'brel ba'i gnod pa'ang rab tu ma rungs gyur pa'i gnas skabs mchis/ /gnas 'di mkhas pas gzigs nas mthu ldan nyid kyi thugs ni bsrung 'tshal lo/ /de ltar bsnyengs dang bral na mang du gsol ci 'tshal/ /phan pa'i man ngag don po 'di lags te/ /khyod kyi thugs thul mdzod cig bcom ldan gyis; /sems ni chos kyi rtsa ba lags zhes gsungs/ /tshigs su bcad pa gcig pu 'di 'phags pa klu sgrub kyi zhal snga nas mkhar gyi rgyal po bde spyod la gdams pa bshes pa'i spring yig las bdag gis drangs pa'o/ /mi skyong khyod ni gal te gsang ba'i lam la dgyes pa na/ / lam der rab tu rtogs dka' sems la rma 'byin tshig 'phros te/ /bud med 'khyud sogs tshul khrims yin yid la byed par ldan/ /kha cig mngon sum 'khrig dang drag shul spyod la 'jug pa ste/ /mi dbang thugs la gnod na thub pa'i bka' yang dug dang 'dra/ /de phyir khyod kyis gsang ba'i lam du zhugs pa'i rgyu mtshan las/ /khyod thugs 'dod chags la sogs dri mas gos pa 'di ni spangs/ /gang gzhan skye bo de 'dra bzlog par khyod kyis rnam bsgrub rigs/ /don 'di ni/ zhu ba'i 'og tu za ba la/ /mar gyi nying khu ka ra dang/ /sbrang rtsi dag ni bdud rtsi bzhin; /ma zhu za ba dug tu 'gyur/ /de bzhin rab rgyas bdud rtsi mchog /dgongs pa'i tshig la mi mkhas shing/ /byis pa'i blo dang ldan rnams la/ /me bzad pa yi dug tu 'gyur/ /zhes gsungs te/ 'di ni 'phags pa yongs su mya ngan las 'das pa chen po zhes bya ba theg pa chen po'i mdo las gsungs pa bdag gis 'dir bris pa'o/ /rin chen sems 'di rnam par sbyang ba'i phyir/ /thub pa'i bka' lung cung zad 'dir bris pas/ /sa yi bdag po thugs ni dri med pa/ /ston ka'i zla rgyas lta bur gsal gyur cig /'gro ba'ang rim gyis sems ni rnam sbyangs te/ /mu tig @63b dri med 'bru ltar rnam dag shog /sems rin po che rnam par sbyang ba'i rim pa zhes bya ba'i spring yig slob dpon byang chub sems dpa' chen po dgra las rgyal ba gsang bas mdzad pa rdzogs so// //rgya gar gyi mkhan po A tsArya du lo ba dang/ lo tsA ba dge slong chos kyi shes rab kyis bsgyur cing zhus te gtan la phab pa'o// @##/ /rgya gar skad du/ gu ru le kha/ bod skad du/ bla ma la spring ba/ thams cad mkhyen pa la phyag 'tshal lo/ /rgyal sras rnams kyi don du stug po bkod par sangs rgyas nas/ /dga' ldan skye bo'i don mdzad phyir ni dam pa tog dkar gyur/ /de nas 'dir ni 'gro ba'i don du shAkya thub gyur gang/ /kun mkhyen nyes bral ngo bo nyid med de ni rgyal gyur cig /bla ma mkhas pa blo gros rgya che la/ /'dod sred bag med nyon mongs spang ba'i thabs/ /thub pa'i gsung bzhin mdor bsdus brjod pa 'di/ /sman bzhin phan par brtags nas gsan pa'i rigs/ /ji ltar rigs ngan lag nas rin chen mchog /blo ldan skye bos rab gus len pa ltar/ /kun rmongs bdag gis brtse bas gsol ba yi/ /spring yig 'di ni rab gus blang bar 'os/ /ston pa'i mdo sde zab cing rgya chen rnams/ /mkhan po nyid kyi thugs su chud mod kyi/ /lus kyi don du gsod pa'i kha zas ltar/ /bdag gis brjod pa 'di yang bstan par mdzod/ /ri dags glang po phye ma leb dang nya/ /sbrang ma lnga po lnga yis bcom gyur na/ /gcig gis bcom na gang gis lnga po kun/ /rtag tu bsten na ci phyir bcom mi 'gyur; /'dod pa rnams ni kun nas 'bar ba ste/ /rab tu smad cing bsad dang dgra bo yin/ /phyir rgol ba dang rtswa yi sgron me dang/ /ki ma pa ka yi 'bras bu ral gri'i so/ /me mdag spungs pa dug gi lo ma dang/ /lcags kyu tsher ma mi gtsang rlubs lta bu/ /'dod pa'i rgyus ni sems can dmyal bar ltung/ /yi dags rnams dang dud 'gror skye bar 'gyur/ /'dod la brkam pa bde 'gror mi skye zhing/ /mya ngan 'das pa nam yang thob mi 'gyur/ /dal rnyed shes rab ldan gyur cing/ /rgyal ba'i bstan la zhugs pa khyod/ /'dod dang sred pa bag med dang/ /nyon mongs rnams @64a @#/ /ni spang bar mdzod/ /kun rtog las ni 'dod skye bas/ /'dod pa'i rtsa ba mkhyen nas ni/ /khyod ni kun rtog ma mdzad dang/ /de ni khyod la 'byung mi 'gyur/ /'dod pa rnams las mya ngan skye/ /'dod pa rnams las 'jigs pa 'byung/ /'dod pa dag ni rnam spangs na; /mya ngan med cing 'jigs pa med/ /'dod pa'i rnam smin sdug bsngal te/ /dang po mngar la 'bras bu tsha/ /me sgron lag nas ma bor na/ /mjug tu byis pa sreg byed pa zhin/ /nor bu'i rna cha bu dang chung ma la/ /yongs su chags sems gang yin la ltos na/ /lcags shing gres ma las byas chings ma gang/ /de dag dam po min zhes 'phags pa gsungs/ /'dod pa'i chings ma gang yin de lhod kyang/ /rab tu dgrol bar dka' zhes 'phags pas gsungs/ /brtan rnams 'dod pa'i bde la mi lta bar/ /de dag gtubs nas myur du 'gro bar byed; /'jig rten sna tshogs gang de 'dod min gyi/ /skyes bu'i kun rtog 'dod chags 'dod pa yin/ /'jig rten sna tshogs de la gnas kyang ni/ /'on kyang 'jig rten 'di na 'dun pa 'dul/ /mi rnams la ni brten pa'i 'dod pa med/ /'dod pa gang la chags te mi rtag pas/ /yang srid med phyir sems kyis rab spangs la/ /'chi ba'i gnas mi 'gyur bar gyis zhes gsungs/ /'dun pa bskyed cing zag par mi byed dang/ /sems la skyon med pa dang dran pa dang/ /'dod pa rnams la so sor ma chags gang/ /de ni gong du 'pho ba yin zhes gsungs/ /mgar ba yis ni rdul bzhin du/ /blo gros ldan pas rim pa bzhin/ /skad cig thang cig cung zad tsam/ /rang gi dri ma bsal bar bya/ /lham mkhan gyis ni ko ba dag /yongs su sbyangs pa'i lham bde ltar/ /'dod pa gang dag gang spangs pa/ /de de bde ba phun sum ldan/ /gal te bde ba kun 'dod pa/ /'dod pa thams cad yongs su spongs/ /'dod pa thams cad yongs spangs pas/ /mchog tu bde ba thob par 'gyur/ /ji srid 'dod pa'i rjes 'brangs pa/ /de nyid rab tu ngoms mi 'gyur/ /de la gang dag shes rab kyis/ /zlog byed de dag tshim pa 'thob/ /'dod @64b pas ngoms par mi 'gyur bas/ /shes rab kyis ni ngoms pa bde/ /shes rab kyis ni ngoms pa'i mi/ /srid pa'i dbang du mi 'gyur ro/ /'dod la chags pa'i mi gang yin/ /de dag kye ma chos min dga'/ /cung zad gson por 'dug pa na/ /bar chad mthong bar mi 'gyur ro// blo ngan longs spyod gyis bcom pa/ /pha rol tshol bar mi byed cing/ /bsam brlag 'dod la srid pa yis/ /bdag phung gzhan yang phung bar byed/ /lha yis 'dod pa'i char bab kyang/ /'dod ldan rnams la ngoms mi 'gyur/ /brgya byin dang ni mnyam pa yi/ /lha yi 'dod pa yod gyur kyang/ /nga las nus bzhin mi ngoms par/ /rtogs par mdzod la legs par spyod/ /'dod pa mnog chung nyes mang bar/ /mkhas pa rnams kyi khong du chud/ rdzogs pa'i sangs rgyas nyan thos rnams/ /lha yi 'dod pa rnams la yang/ /lhag par dga' bar mi 'gyur gyi; /sred pa zad pas dgyes par 'gyur/ /gang dag sdug bsngal rgyu shes pa/ /de dag nam yang 'dod la dga' mi 'gyur/ /'jig rten dag na zug rngu'i rgyur mkhyen nas/ /'di dag gdul phyir bstan pa 'thob par mdzod/ /'dod pa spang ba'i le'u ste dang po'o// //lus can rnam par rtog pas rab bcom pa/ /'dod chags mi bzad gtsang ma'i rjes lta bas/ /'dod chags phyir zhing rab tu 'phel 'gyur te/ /rang gi 'ching ba de yis dam por byed/ /gang dag rnam rtog nye bar zhi dga' zhing/ /mi sdug bsgom pa rtag tu dran byed pa/ /de yi sred pa rab tu spangs pa yin/ /rang gi 'ching ba de dag gtubs par 'gyur/ /'dod pa'i mun nag dra bas g.yogs/ /sred pa'i dgab pas bkab pa dang/ /bag med 'ching bas bcings pa dag /tshod mar chud pas nya dang 'dra/ /skyes bu bag med rab tu spyod byed pa/ /'khri shing bzhin du sred pa 'phel 'gyur zhing/ /skye rga na 'chi'i rjes su 'gro 'gyur te/ /ma drung nu zho 'dod pa'i bu dang 'dra/ /'dod pa'i bran dang mngon dga' chags byed dang/ /yid bde ba la rtog par byed pa dag /de yis yang dang yang du 'khor bar 'khyams/ /tshal dang 'bras bu 'dod pa'i @65a @#/ /sbre dang mtshungs/ /mi gang rtag tu bde ba 'dod byed pa/ /skye rga na 'chi'i dra bar chud 'gyur zhing/ /ngan 'gro'i srid pa rnams kyis mdun du bdar/ /rgya nang ri bong yongs su rgyugs pa bzhin/ /srid pa'i zhags pas mdud pa'i sems can dag /srid dang longs spyod dag la sems chags shing/ /bu dang chung ma rnams la rab zhen pa/ /yang dang yang du sdug bsngal 'thob par 'gyur/ /skye bo grub dang bde rnams dang bral zhing/ /bdud kyi sbyor ba dag dang ldan pa de/ /'jigs dang sdug bsngal rnams kyis 'joms 'gyur te/ /rtswa dang lo ma'i mchog la me dang 'dra/ /'di na sred pa de 'dra spong byed pa/ /sred dang longs spyod dag la sred bral zhing/ /dge slong srid pa zil gyis gnon byed pa/ /lhag ma med par yongs su mya ngan 'da'/ /gang zhig 'jig rten spang dka' ba'i/ /srid pa'i bud med 'dir bsten pa/ /de yi mya ngan 'phel 'gyur te/ /rtswa la char pa bab pa bzhin/ /gang zhig 'jig rten spang dka' ba'i/ /srid pa'i bud med 'di spong ba/ /de yi mya ngan ldog 'gyur te/ /padma la ni chu thigs bzhin/ /u shi'i phyir ni rtswa bzhin du/ /srid pa'i rtsar bcas drung nas phyung/ /skyes bu sred pa dang 'grogs na/ /yun ring dus su 'khyams 'gyur bas/ /sred pa drung nas phyur shig dang/ /mya ngan med cing 'jigs pa med/ /yang dang yang du nyer len cing/ /yang dang yang du mngal du 'jug /gnas skabs 'gyur dang gzhan 'gyur bas/ /sems can 'od dang 'gro bar 'gyur; /'dir ni spang dka'i sred pa de/ /spongs la sa bon chod cig dang/ /de yi sred pa med 'gyur zhing/ /de ni yang du 'khor mi 'gyur/ /gang phyir srid mtsho'i rgyur gyur pa/ /yul la sred pa 'bras kyi gzhi/ /'khri shing dra bas khebs byed pa/ /gdung bar byed pa ma btul na; /sdug bsngal 'di ni yang dang yang/ /rnam pa kun du ldog mi 'gyur/ /dper na ljon shing rtsa nas ma bton na/ /bcang kyang phyir zhing skye ba kho nar zad/ /de bzhin srid pa'i phra rgyas ma bton na/ /yang dang yang du sdug bsngal 'di mi ldog /dper na bdag nyid kyis ni @65b byas pa'i mtshon/ /de yi rkun po'i mthu yis bdag gsod ltar/ /de bzhin nang gi sems las byung ba yi/ /srid bas lus can nye bar gsod par byed/ /de ltar srid las sdug bsngal dag /'byung ba'i nongs dmigs mkhyen nas ni/ /sred spang nye bar len med pa'i/ /don dam dge slong mchog 'gyur mdzod/ /sred pa spang ba'i le'u ste gnyis pa'o// //bag yod 'chi med gnas yin te/ /bag med pa ni 'chi ba'i gnas/ /bag med 'chi bar mi 'gyur ste/ /bag med pa ni rtag tu 'chi/ /de yi khyad par de rig pas/ /mkhas pa rnams ni bag dang ldan/ /bag yod pa la rab dga' ba/ /'phags pa'i spyod yul dga' ba yin/ /brten pa grub bde bla med pa/ /mya ngan 'das la reg pa yin/ /gang tshe mkhas pa bag yod pas/ /bag med bcom pa de yi tshe/ /shes rab khang bzang steng 'dzegs nas/ /mya ngan med las gdung bcad de/ /brten rnams ri bo'i rtse dag nas/ /sa steng byis pa rnams la blta/ /brtson 'grus dang ni bag yod dang/ /yang dag sngom dang dul ba yis/ /mkhas pa'i gling du byas nas ni/ /chu bo chen po mngon du zlog /brtson pa ldan zhing dran dang ldan pa dang/ /spyod pa gtsang zhing brtags nas byed pa dang/ /yang dag sdom dang chos kyi sa 'tsho ba dang/ /bag yod rnams kyi grags pa mngon par 'phel/ /tshul khrims ting 'dzin shes rab mchog /thub pa'i bslab gzhi rnams la bslab/ /nyer zhi rtag tu dran ldan pa'i/ /skyob ba mya ngan med pa yin/ /dman pa'i chos la mi brten cing/ /bag med pa la brten mi bya/ /log par lta la 'dod med dang/ /'jig rten 'phel bar mi bya'o/ /'jig rten pa yi yang dag lta/ /chen po su la yod gyur pa/ /de ni tshe rabs stong du yang; /ngan 'gror 'gro bar mi 'gyur ro/ /bag med pa la sbyor byed pa'i/ /skye bo byis pa bsam brlag yin/ /tshong dpon nor rnams bsrung ba ltar/ /mkhas pa bag dang ldan par bya/ /bag med pa la mi sbyor zhing/ /'dod pa rnams la rgyab phyogs nas/ /rtag tu @66a @#/ /bag yod sems byed pa/ /zag pa zad pa thob par 'gyur/ /zag pa zad pa ma thob par/ /mkhas pas bag med mi bya ste/ /ri dags mo yis seng ge ltar/ /bag med pa dag gsod par byed/ /bag med pha rol bud med sten byed pa'i/ /mi gang yin la gnas skabs 'di bzhi 'byung/ /bsod nams min 'thob bde bar mi nyal dang/ /dam pas smad cing lus zhig ngan 'gror skye/ /gang zhig bdag bde lta 'dod pa/ /de ni gong ma bzhin du sbyar/ /byis pa'i shing rta bzhin gyur pas/ /brtan pas brtson 'grus zhan mi bya/ /dper na byis pa'i shin rta dag /lam chen bznag po bor nas ni/ /lam ngan dag tu 'gro byed pa/ /mig chag sems khong chud pa ltar/ /de bzhin chos ni spangs pas kyang/ /chos min rjes su 'jug byed pa'i/ /byis pa'i 'chi bdag dbang 'gro zhing/ /chos nyams bde ba bcom pa 'thob/ /gang zhig bya ba rnam spangs nas/ /mi bya ba dag byed pa dang/ /bag med pa yis rlom byed pa/ /de dag rnams kyi zag pa 'phel/ /gang zhig lus sogs dran pa dag /rtag tu legs par brtsams pa dang/ /bya ba ma yin mi byed cing/ /rgyun du bya ba byed pa dang/ /dran dang shes bzhin ldan pa de'i/ /zag pa rnams ni zad par 'gyur/ /ji tsam mang du smra byed pa/ /de dag dam chos 'dzin pa min/ /gang dag 'di na thos nyung yang/ /yid kyi chos dag mngon sum byas/ /gang dag chos la bag byed pa/ /de dag dam chos 'dzin pa yin/ /gal te rigs bcas mang du smras kyang ni/ /bag med mi dag de ltar byed mi 'gyur/ /dper na phyugs rdzis gzhan gyi phyugs bgrang ltar/ /de dag dge sbyong skal ba thob ma yin/ /gal te rigs bcas nyung du smra byed kyang/ /chos kyi rjes su chos la spyod pa dang/ /'dod chags zhe sdang gti mug spong byed pa/ /de dag dge sbyong skal ba thob pa yin/ /bag yod bsngags pa rjod byed cing/ /rtag tu bag med la smod pas/ /bag med mchod sbyin rgyal ba yang/ /lha rnams nang na gtso bor 'gyur/ /bag dang bcas pa'i mkhas pa yis/ /don gnyis rab tu len par byed/ /tshe 'di'i don ni gang yin dang/ /phyi ma'i don ni gang yin pa'o/ /de @66b dag brten pas rtogs pas na/ /mkhas pa zhes ni nges par brjod/ /dge slong bag yod la dga' zhing/ /bag med pa la 'jigs lta bas/ /bdag nyid ngan 'gro las 'dren te/ /'dam rdzab las ni glang chen bzhin/ /sdig pa'i chos rnams sbrug par byed/ /rlung gis ljon shing lo ma bzhin/ /kun du sbyor ba phra rags dag /sreg ste me yis rtswa bzhin no/ /'du byed nyer zhi zhi ba yi/ /go 'phang mchog ni so sor rtogs/ /mya ngan 'das dang nye ba'i phyir/ /yongs su nyams 'gyur mi srid do/ /brtson 'grus ldan zhing bag yod dang/ /chos spyod legs par spyod byed pa; /'jig rten 'di dang pha rol du/ /dga' dang bde ba rab tu 'thob/ /zhi phyir bslab pa la brten dang/ /rtsol ba dang ni brtson 'grus skyed/ /mi dran pa dang bag med dang/ /brtson 'grus chung dang kun sdom med/ /gnyid dang sdom pa g.yeng ba rnams/ /'di dag bslab pa'i bar bcad pas/ /khyod kyis yan lag de mkhyen nas/ /dran pa chud ni mi gzan mdzod/ /mkhas khyod tshul khrims bzang ba dang/ /bag yod pa la dgyes pa yis/ /kun rtog legs par mnyam zhog ste/ /nyid kyi thugs ni rjes su srungs/ /gang zhig chos 'dul 'di la ni/ /bag dang ldan par spyod byed pa/ /skye ba'i 'khor ba rab spangs nas/ /sdug bsngal tha mar byed par 'gyur/ /bag med pa spang ba'i le'u ste gsum pa'o// //nyon mongs rnams ni bdag 'joms sems can 'joms shing tshul khrims 'joms/ /nyams bcas rnyed bas dman zhing srung dang de bzhin ston pas spangs/ /rtsod bcas mi snyan de ni gzhan du mi khom rnams su skye/ /thob dang ma thob nyams pas 'jigs dang sdug bsngal chen po 'thob/ /nyon mongs lhag pas thub la rma 'byin te/ /dam chos spong dang dge 'dun skur bar byed/ /pha ma gsod cing chom rkun log g.yem spyod/ /rdzun dang phra ma tshig rtsub 'khyal ba smra/ /brnab sems gnod sems log lta yid byed cing/ /dmyal ba yi dags dud 'gro 'phel bar byed/ /'dir ni nyon mongs sa bon bzhin/ /klu bzhin rtswa bzhin ljon shing bzhin/ /de bzhin shun pa lta bu ste// @67a @#/ /las ni shun bcas 'bras dang 'dra/ /de bzhin sman dang me tog bzhin/ /skye ba bza' btung grub pa 'dra/ /kun sbyor 'ching ba bag la nyal/ /nye ba'i nyon mongs kun nas dkris/ /chu bo sbyor ba nyer len mdud/ /sgrib dang tha ba dri ma sdig /zug rdu ci yang nye bar sbyod/ /zag pa phongs pa yongs su mdud/ /'khrug dang 'thab ba rims nad dang/ /nags sbyor dang ni gnas zhes bya/ /'dod chags khong khro gti mug dang/ /nga rgyal lta ba the tshom dang/ /khro dang khon du 'dzin pa dang/ /'chab dang tshig dang phrag dog dang/ /ser sna dang ni sgyu bag dang/ /g.yo rgyags rnam 'tshe ngo tsha med/ /khrel med rmugs dang rgod pa dang/ /ma dad pa dang le lo dang/ /bag med pa dang brjed ngas dang/ /rnam g.yengs shes bzhin ma yin pa/ /rab mkhas khyed kyis spang bar mdzod/ /nyon mongs de dag spang slad du/ /zhi gnas lhag mthong bsgom pa dang/ /mi sdug byams khams rten 'brel dang/ /dbugs rdub dbugs dbyung dran pa mdzod/ /dran pa nyer gzhag spang ba bzhi/ /de bzhin rdzu 'phrul rkang pa dang/ /dbang stobs byang chub yan lag dang/ /lam gyi yan lag bsgom par mdzod/ /de ltar 'dir ni mdor bsdus nas/ /mkhas pa khyod la springs pa yi/ /dge ba gang des 'gro ba kun/ /rnam grol zhi ba zob par shog /nyon mongs pa spong ba'i le'u ste bzhi pa'o// //bla ma la spring ba dge slong dgon pa pas mdzad pa rdzogs so// //rgya gar gyi mkhan po A tsArya bi na ya tsA na dra dang/ bod kyi lo tsA ba dag slong chos kyi shes rab kyis bsgyur cing zhus te gtan la phab pa'o// @##/ /rgya gar skad du/ su taM le kha/ bod skad du/ bu la spring ba/ 'jam dpal gzhon nur gyur pa la phyag 'tshal lo/ /mtsho chen sa gzhir gyur 'di dgra bcom bye ba'i yul/ /legs spyod mis gang dpe med dpal sgo rig gnas 'dir/ /mkhas pa rin chen rje rje'i rgyud 'dzin bram ze'i rigs/ /gzugs stobs shes rab phun tshogs ma hA dzA nar 'gyur/ /mchog tu brtse ba'i pha ma mdza' bshes @67b gnyen 'dun tshogs/ /mchil ma'i thal ba bzhin du ltos med yal dor nas/ /mtha' 'khob kla klo mun pa'i nang na gcig 'khyams pa/ /blo ldan bu de shes rab sgron mas snang gyur cig /shin tu brtse ba'i ded dpon bdag gis ni/ /legs bshad rgya mtsho'i gling nas blangs pa yi/ / spring yig rin chen 'di ni bu la bskur/ /rab gus dga' zhing dad pas mnyan par gyis/ /dge ba'i yul dbus khang bzang longs spyod dang/ /g.yo med sems kyis rgyun du brtse ba yi/ /pha ma mdza' bshes rtsa lag spangs nas ni/ /bu khyod mtha' 'khob rgyu ba shin tu smad/ /dam chos phyir ni pha ma yal dor nas/ /nor bzang bzhin du yul gzhan rgyu 'os na/ /'dod pa'i don du pha ma yal dor nas/ /smad pa'i don du rgyu ba ga la rigs/ /bu khyod gzugs sdug mchog dang sgra snyan dang/ /dri zhim ro mchog reg bya'i bde byed pa/ /'dod pa'i 'dam du 'gro ba 'di dag bying/ / dper na glang chen 'dam du chud pa bzhin/ /'dod pa las ni 'jigs dang sdug bsngal dang/ /mya ngan dang ni 'tshe ba sna tshogs 'byung/ /gsod dang bcing dang yan lag gcod pa dang/ /me dang chu dang g.yang sar 'dor bar byed/ /'dod la brkam pas sems can dmyal ba dang/ /yi dags dud 'gro rnams su sdug bsngal rnyed/ /mir gyur na yang sdug bsngal mi snyan dang/ /dri mi zhim dang bkres skom mad kyis gzir/ /g.yen ba can la prug na bde/ /de bzhin 'jig rten 'dod ldan bde/ /de bas 'dod pa med pa bde/ /ji ltar me long brag ca dang/ /spos snod gzar bu nam mkha' rnams/ /gzugs brnyan sgra grags spos dang ni/ /tshod ma'i ro dang rlung rnams kyis/ /nam yang ngoms par 'gyur ba med/ /de bzhin mig dang rna ba dang/ /sna dang lce dang lus rnams dang/ /gzugs mdzes sgra snyan dri zhim dang/ /ro mchog reg bya bde ba yis/ /nam yang roms par 'gyur ba med/ /de bas 'dod pa rnams spang zhing/ /'phags pa'i chos rnams bsten par bya/ /tshul khrims ting 'dzin shes rab mchog /rnam grol bde bas ngoms par 'gyur/ /'dod la chags pa spang bar bya'o/ /nor la chags pas 'dir gdung phyi mar gdung/ / @68a @#/ /gnyis kar gdung ste des na bdag nyid kyis/ /las rnam smin mthong de gdung rab tu gdung/ /'gro ba dman par song bas phyir zhing gdung/ /bsag dang bsrung dang brlag pa'i gdung ba yis/ /nor ni phung khrol mtha' yas shes par bya/ /nor la chags pas g.yeng bar gyur pa rnams/ /srid pa'i sdug bsngal las grol skabs med do/ /nor gyi phyir ni rgyal bu dge don gyi/ /mig gnyis tsher ma rnon pos brtol bar gyur/ /bu mo mdza' bo rna ba bye ba ri/ /rgya mtshor shi 'phos 'khyam par gyur pa yin/ /'di na nor 'tshol kha cig gsal shing btsugs/ /la la yan lag nyid lag gcod par snang/ /gzhan dag btson ra shin tu zab mor bcug /kha cig khong sgril su mi 'dod kyis bcings/ /nor bu len pa'i tshong pa lnga brgya dag /sing ga la yi gling du srin mos bzung/ /rdzu 'phrul chen po'i rta rgyal ba la has/ /de dag bsgral bar nus pa ma yin no/ /'di na gser dang dngul dang baiDUrya/ /mu tig byi ru asma garb+ha dang/ /kArShA pa Na la sogs tshar babs kyang/ /nor 'tshol rnams ni ngoms par 'gyur ba med/ /gangs can 'bigs byed dang ni mnyam pa yi/ /nor gyi phung po la ni dbang bsgyur kyang/ /nor tshol gcig kyang doms par 'gyur ma yin/ /de phyir bu khyod nor la chags pa spongs/ /'di na nor mang skye bo sdug bsngal ba/ /'dod pa chung rnams de lta ma yin te/ /klu dbang rnams la mgo bo ji snyed pa/ /de las byung ba'i sdug bsngal de snyed do/ /lus srog yal bar dor nas nor bsags kyang/ /shin skal ba nyams par 'gyur ba yi/ /nor de rmi lam sprin dang mtshungs pa yin/ /de bas 'dod pa chung zhing chog shes bya/ /nor mang bsags shing sba byas kyang/ /cung zad cung zad sbyad pa yis/ /'jungs pa'i nor ni 'dra ba ltar/ /sdug bsngal skyed pa kho nar zad// bu khyod gal te nor 'tshol na/ /'phags pa'i nor bdun bsten par gyis/ /rgyal po rkun pos mi phrogs shing/ /srid pa'i dbul ba sel bar 'gyur/ /rtag tu tshul khrims ldan pa la/ /sbyin ba bkur stis brgyan par gyis/ /nor rnams de ltar gter du sbos/ /rjes su 'brang zhing @68b dbrog tu med/ /'di na nor slong dman pa ste/ /mi sbyin pa ni de bas dman/ /nor sbyin pa ni mchog yin te/ /mi 'dod pa ni de bas mchog /nor la chags pa spang ba'o/ /'dod pa'i phyir ni byis pa rnams/ /bud med rul pa sten byed pa/ /'gro ba rul par 'gro 'gyur zhing/ /ngan song rnams su ltung bar 'gyur/ /'jigs pa chen po'i 'ching ba ni/ /bud med zhags pa mi bzad pa/ /sangs rgyas rnams kyis 'dod pa dang/ /bud med bsten pa'ang ma bsngags so/ /lam 'dis byang chub bar bcad pas/ /sbrul gdug shin tu khro ba ltar/ /mkhas khyod bud med rnam par spongs; /mi gang dag ni bud med 'dod/ /de dag bde bar ga la 'gyur/ /bud med phung bar byed pa ste/ /'jig rten 'di dang pha rol phung/ /rnam pa kun du nor 'jig dang/ /ngan song rtsa ba bud med yin/ /bu khyod bdag la phan 'dod na/ /de bas bud med rtag tu spongs/ /bud med rnams kyi rang bzhin ni/ /'dod can rnams kyis mi rig ste/ /skyes pa dang ni yid gcugs shing/ /rtse dga' du ma byas nas kyang/ /sbrul gyi lpags rnying 'dor ba ltar/ /bud med kyis ni blo bur 'dor/ /sbrang mas me tog rnying pa ltar/ /bud med kyis ni nor med pa'i/ /skyes pa rgan po 'dor byed cing; /gzugs byad ngan pa'ang 'dor ba yin/ /rab tu brtse bas bud med dag /thams cad du ni yongs bskyangs kyang/ /bud med shin tu mi bzad pa/ /bdag gir bya bar mi nus so/ /de yi rang bzhin 'di yin te/ /bud med rnams ni sems mi srun/ /byas pa drin du mi gzo bas/ / rang gi skyes pa'ang gsod par byed/ /chu bo dang ni sder mo can/ /rwa can lag na mtshon thogs pa/ /rgyal po ngan dang bud med la/ /nam yang yid brtan mi bya'o/ /bud med kha zas nyis 'gyur te/ /g.yo sgyu dag ni bzhi 'gyur yin/ /phrag dog shas ni drug 'gyur te/ /'dod pa brgya 'gyur yin par bya/ /shing rnams kyis ni med dang ni/ /char gyis rgya mtsho chen po dang/ /'byung po kun gyis gshin rje ltar/ /skyes pa bud med ngoms mi 'gyur/ /pu ka rtse yi kha chu yis/ /bye ma'i phung po ji ltar 'bang/ /skyes pa gzhon nu thams cad kyis/ /bud med gcig ni @69a @#/ /ngoms mi 'gyur/ /byi bo byed pa'i ngang tshul can/ /ma bsdams mi bsrun 'dod la brkam/ /rang gi chung mas mi chog ste/ /'jig rten dag na smad 'os yin/ /'di dang pha rol sdug bsngal 'gyur/ /gsod dang chad pa drag po myong/ /sems can dmyal ba rnams su skye/ /de bas bu khyod de spongs shig /byi bo byed pa shal ma li/ /lcags kyi tsher ma rtse mo 'bar/ /sor ni bcu drug yod pa la/ /du zhing stobs kyis 'dzegs par 'gyur/ /bud med shin tu 'jigs 'jigs lta/ /mche rno lus che 'bar ba yis/ /gzhan gyi bud med 'phrog pa la/ /ci nas za ba kho nar 'gyur/ /gal te chung mar brten na yang/ /de yi nyes dmigs drug cu lnga/ /drag shul can gyi mdo las gsungs/ /de'i phyir bud med spang bar bya'o/ /bud med la chags pa spang ba'o// //gang zhig 'thungs nas ra ro glo nas gom tshugs dbang med 'od; /yul grong ma 'dris par yang 'khyam zhing brdeg 'chos 'gyur/ /bza' dang mi bza' spyad med dug dang 'dres pa za/ /de bas bu khyod myos 'gyur khu ba rtag tu spongs/ /gang 'thungs na ni bdag la brtan med blo nyams shing/ /phyugs dang 'dra bar mdza' bos spong zhing dgra bos 'phya/ / 'dus pa bro gar byed cing glu len 'khar rda rdung/ /dge legs grags nyams rgyu de su zhig 'thung bar byed/ /de 'thungs ngo tsha khrel yod dor nas ni/ /gcer bur byung kyang 'dzem med smyon pa bzhin/ /rkun po gcan gzan rgyu ba'i lam du 'gro/ /lus srog nyams rgyu de ni khyod kyis spangs/ /de 'thungs skyugs pas gos shing 'gyel gyur nas/ /kha yang khyi yis dogs pa med par ldags/ /dran med lam po cher yang nyal gyur na/ /bag med rtsa ba rtag tu spang bar bya/ /gang zhig 'thungs nas myos par 'khrul 'gyur te/ /'bris na an d+ha dag kyang rme byung na/ /du chen 'thib ste phan tshun thal mar byung/ /phung khrol rtsa ba de ni su zhig 'thung/ /gang zhig 'thungs na dpal gyi gzhir 'gyur rigs/ /je mtho je mtho gyur pa'ang rlag byed pa/ /nor gyi dbyig ldan khyim kyang phung 'gyur ba/ /nyes mang gzhi rtsa de ni su zhig 'thung/ /glo bur du zhing re 'ga' dgod par byed/ / @69b ma nges smra zhing gdon gyis zin pa bzhin/ /dam pas smad cing brnyas pa'i gnas gyur pa/ /'khrul slad rgyu de su zhig 'thung bar byed/ /bag yod rnams kyang de 'thungs sems nyams shing/ /bdag la phan pa'i lam du mi 'jug pa/ /ma brtags mang du smra zhing tshig rtsub 'byin/ /sgo gsum nyams byed de ni btung mi bya/ /gang gi nyes pas sngon gyi lha rnams myos/ /lha yi dbang po'i dpal ni nyams gyur nas/ /skyabs 'dod phyir na rgya mtsho'i nang du gab/ /lha yang nyams byed de ni btung mi bya/ /mi bya ba yang bya ba bzhin du byed/ /mi bden pa yang bden pa bzhin du smra/ / zhum pa rnams kyang ma zhum bzhin du spyod/ /myos 'gyur rigs nyams sdug bsngal rgyur gyur pa/ /sdig pa'i srin mo byur ngan mngon sum bzhin/ /rtsod pa'i gzhi dang tha dad ma yin pa/ /snying gi mun pa mi bzad de su 'thung/ /de 'thungs yid ni rab tu 'khrugs gyur nas/ /brtse ba'i pha dang ma yang gsod 'gyur zhing/ /nyes med dge sbyong bram ze drang srong gsod/ /chom rkun dang ni log g.yem smad pa byed/ /rdzun dang phra ma tshig rtsub 'khyal pa smra/ /brnab sems gnod sems log lta'i mun pa 'dzin/ /mi dge'i rtsa bde ni btung mi bya/ /gang zhig btung na tshul khrims ting 'dzin dang/ /shes rab lta ba 'tsho ba cho ga dang/ /dran pa shes bzhin dad pa brtson 'grus nyams/ /dge chos chud gzon de ni btung mi bya/ /de 'thungs sdig spyod rnams ni lus zhig nas/ /rab tu bzod dka'i sems can dmyal bar ltung/ /yi dwags dud 'gro rnams kyang smyon par 'gyur/ /sdug bsngal rtsa ba de ni btung mi bya/ /thub pas dga' ba can gyi mdo las ni/ /myos 'gyur nyes pa sum cu rtsa lnga gsungs/ /de phyir bu khyod bdag la phan 'dod na/ /nyes kun rtsa ba de ni btung mi bya/ /chang dga' dgos pa thams cad la/ /rtag tu bag med spyod par 'gyur/ /mkhas pa rnams kyi sman 'gyur zhing/ /dkar po'i chos rnams 'grib par 'gyur/ /nyes kun rtsa ba bag med gnas/ /'di dang gzhan du rnam par rmongs/ /de bas skye bo chen po khyod/ /chang la dga' ba rtag tu spongs/ /phan par smra ba dkon pa ste/ /nyan par byed pa @70a @#/ /shin tu dkon/ /de dag bas kyang mi nyan yang/ /phan pa'i rjes su byed pa dkon/ /phan par smra ba mchod pa ni/ /bsgo ba shin tu sgrub pa yin/ /bu khyod nga la mchod 'dod na/ /gdams pa bzhin du rjes su sgrubs/ /chang la dga' ba spang ba'o/ /bdag gi spring yig rin chen 'di/ /bu la brjod pa las byung ba'i/ /dge ba gang des 'gro ba kun/ /thams cad mkhyen pa thob par shog /bu la spring ba paNDi ta mkhas pa chen pos sad dza na chen pos mdzad pa rdzogs so// //kha che'i mkhan po ma hA dza na dang/ bod kyi lo tsA ba mar ba chos kyi dbang phyugs gis bsgyur cing zhus te gtan la phab pa'o// @##/ /rgya gar skad du/ bi ma la ratna le kha nA ma/ /bod skad du/ dri ma med pa rin po che'i spring yig ces bya ba/ /bla ma rnams la phyag 'tshal lo/ /rje btsun ma sgrol ma la phyag 'tshal lo/ /ma hA g+ha tir sku bltams nas/ /sangs rgyas bstan pa 'phel mdzad cing/ /rgyal srid chos kyis skyong mdzad pa/ /nir ya phal rgyal gyur cig /khyod kyis sdon chad sbyin pa dang/ /dge ba bcu dang gso sbyong dang/ /bzod dang brtson 'grus la goms pas/ /lha khyod da lta phun sum tshogs/ /bla ma rnams kyi bka' lung dang/ /mdo stsogs chos kyi rjes 'brang 'di/ /gus pas spyi bos blang mdzod dang/ /bdag gzhan gnyis la phan par 'gyur/ /the tshom thams cad rnam spangs shing/ /sgrub la nan tan che bar mdzod/ /gnyid rmugs le lo rnam spangs shing/ /rtag tu brtson 'grus 'bad par bya/ /dran dang shes bzhin bag yod pas/ /dbang po'i sgo rnams rtag tu bsrung/ /nyen mtshan dus su yang dang yang/ /sems kyi rgyud la brtag par bya/ /rang skyon rtog la mig bzhin bya/ /gzhan skyon rtog la long ba bzhin; /dran dang nga rgyal med pa dang/ /stong nyid rtag tu bsgom par bya/ /bdag gi nyes pa bsgrag bya zhing/ /gzhan gyi 'khrul pa btsal mi bya/ /gzhan gyi yon tan bsgrag par bya/ /bdag gi yon tan sba bar bya/ /rnyed dang bkur sti spang bya zhing/ /khe grags rtag tu spang bar bya/ / @70b byams dang snying rje bsgom bya zhing/ /byang chub sems ni brtan par mdzod/ /mi dge bcu ni spang bya zhing/ /rtag tu dad pa brtan par bya/ /'dod pa chung zhing chog shes dang/ /byas la drin du gzo bar bya/ /khro dang nga rgyal spang bya zhing/ /dman pa'i sems dang ldan par bya/ /log pa'i 'tsho ba rnams spang zhing/ /chos kyi 'tsho bas 'tsho bar bya/ /zang zing thams cad rnams spang zhing/ /'phags pa'i nor gyis phyug por bya/ /rtag tu 'du 'dzi spang bya zhing/ /dgon pa la ni gnas par bya/ /'khyal pa'i tshig rnams spang bya zhing/ /rtag tu ngag ni bsdam par bya/ /bla ma mkhan po mthong ba'i tshe/ /gus pas rim gro bskyed par bya/ /khyad par can gyi skyes bu dang/ /gang zag chos kyi mig can dang/ /las dang po yi sems can la/ /ston pa'i 'du shes bskyed par bya/ /sdug bsngal dag gis gdungs pa dang/ /sems can thams cad mthong ba'i tshe/ /byang chub sems ni skyed bya ste/ /pham bu tsha'i 'du shes bskyed/ /'jig rten bya ba kun spangs te/ /rtag tu ting 'dzin bsgom par mdzod/ /sdig pa'i grogs po spang bya zhing/ /dge ba'i bshes la sten par mdzod/ /tshul khrims 'chal ba'i dge slong dang/ /chos kyis phongs pa gzhan dag dang; sdig pa spyod pa mthong ba'i tshe/ /de dag yal bar dor mi bya/ /mi dge'i bshes gnyen thams cad dang/ /sdig pa'i grogs po thams cad dang/ /dkon mchog gsum dang bla ma dang/ /mkhan po slob dpon mi gus dang/ /byas la drin du mi gzo dang/ /tshe 'di 'ba' zhig dran pa dang; /gzhan yang dang pa chung ba dang/ /zhag gsum 'das par gnas mi bya/ /sdang dang mi dge'i sa spangs shing/ /gang du bde bar 'gro bar bya/ /gang la chags pa spang bya zhing/ /chags pa med par gnas par bya/ /chags pas bde 'gro mi 'thob cing/ /thar pa'i srog kyang gcod par byed/ /gang du dge ba'i bshes gnas pa/ /der ni rtag tu gnas par bya/ /bla ma rtag tu bsten pa dang/ /rtag tu mdo sde blta bar bya/ /thog mar brtsams pa gang yin pa/ /dang por de nyid bsgrub bya zhing/ /gzhan du gnyis ka 'grub mi 'gyur/ /gzhan du sdig pa bshags pa dang/ / @71a @#/ /bsod nams mchog la 'bad par bya/ /'jig rten spyod dang mthun pa dang/ /rtag tu pha rol sems su mdzod/ /gang tshe mtho ba'i sems skyes tshe/ /de tshe nga rgyal bcag bya zhing/ /gang du bag yod bral ba'i tshe/ /bla ma'i gdams ngag dran par bya/ zhum pa'i sems ni byung ba'i tshe/ /sems kyi gzengs kyang bstod par bya/ /shes rab pha rol phyin dran te/ /spros pa ma lus zhi bar mdzod/ /gang du chags sdong yul byung tshe/ /sgyu ma sprul ba bzhin du blta/ /mi snyan tshig rnams thos pa'i tshe/ /brag ca lta bur mkhyen par mdzod/ /lus la gnod pa byung ba'i tshe/ /sngon gyi las su blta bar bya/ /bas mtha' dgon par rab gnas shing/ /ri dags shi ba'i ro bzhin du/ /gang du sus kyang mi shes par/ /bdag gis bdag nyid spa bar bya/ /rtag tu yi dam brtan par bya/ /'dod dang gnod sems gnyid dang rmugs/ /le lo snyom las sems byung tshe/ /de tshe bdag la rngan bgrang zhing/ /brtul zhugs snying po dran bya dang/ /mi rtag pa dang 'chi ba bsam/ /gzhan gyi mdun du gnas pa'i tshe/ /zhi nges gsong por smra bar bya/ /khro gnyer ngo 'dzum spang bya zhing/ /rtag tu 'dzum zhing gnas par bya/ /rtag tu gzhan la dga' bya zhing; /ser sna med cing gtang la dga'/ /rtag tu phrag dog spang bar bya/ /gzhan gyi sems ni bsrung bya zhing/ /rtsod pa thams cad spang bar bya/ /do dga' med cing gsar 'grogs med/ /rtag tu zungs ni thub par bya/ /rtag tu bzod dang ldan pa dang/ /'dod pa chung zhing chog shes bya/ / gdol pa bran gyi 'du shes so/ /de tsha shes dang khrel yod dang/ /pha rol mgu bya de la brtson/ /rang gi sdom pa bsdam par mdzod/ /gzhan la brnyas pa spang bya zhing/ /gus pa'i tshul gyis gnas par bya/ /gzhan la gdams ngag byed pa'i tshe/ /snying rje phan sems ldan par mdzod/ /sangs rgyas chos la gus pa dang/ /dam chos nam yang spang mi bya/ /rtag tu dkon mchog gus pa dang/ /'khor gsum yongs su dag par mdzod/ /sngon du snying rje song ba yis/ /nyin dang mtshan mo lan gsum du/ /mchod pa bdun du rab grags pa'i/ /phung po gsum pa gdon par mdzod/ / @71b 'gro ba'i sdug bsngal bsal 'dod pas/ /smon lam rgya chen gdab pa dang/ /sems can smon dang byang chub 'dod/ /thams cad byang chub chen por bsngo/ /dus ni ring por dam bcas nas/ /rtag tu brtson dang ldan par bya/ /de ltar mdzad na tshogs gnyis po/ /rdzogs 'gyur sgrib gnyis zad par 'gyur/ /mi lus thob pa don yod cing/ /mthong ba'i chos la mya ngan 'da'/ /bdag dang gzhan don rdzogs gyur nas/ /dam pa nyid ni thob par 'gyur/ /sos ka'i khu byug gzhon nu skad snyan sgrogs zhes te/ /rma bya gzhon nu skad mi snyan pa mi sgrogs sam/ /mkhas pa mang pos legs par gsungs pa yod mod kyis/ /rgyal po gdung ba bcad phyir bdag gis bris pa yin/ /phan sems ldan pa'i gtam de legs par dgongs mdzod la/ /rtogs dang ldan pa'i skye bo gzhan la'ang smra bar mdzod/ /rtag tu lha drug dran mdzod dam tshig gtsang mar mdzod; /rgyal srid chos kyis skyong mdzod bdag la bzod par mdzod/ /dri ma med pa'i rin po che'i spring yig ces bya ba/ /gnas brtan mkhas pa chen po dI paM ka ra shrIdznyA nas/ rgyal po ni rya pha la la brdzongs pa rdzogs so// //dus de nyid du bla ma de nyid dang/ lo tsA ba dge slong tshul khrims rgyal bas bsgyur ba/ shlo ka bzhi bcu pa'o// @##/ /rgya gar skad du/ tsandra rA dza le kha ka/ bod skad du/ rgyal po zla ba la springs pa'i spring yig/ 'jig rten mgon po la phyag 'tshal lo/ /sa gsum dbang phyug lha dang mi yi rje/ /yon tan rtul bod 'phags pa'i bu stong mnga'/ /mnyam med chos kyi 'khor los sgyur mdzad pa/ /chos kyi rgyal pos rgyal po rgyal gyur cig /grogs po'i ming can rnal 'byor gyis/ /zla ba'i mtshan can sa bdag la/ /brtse bas rgyang nas nyid kyi drung/ /rigs pa'i gdams ngag 'phrin du gsol; /sa bdag ji ltar 'byor pa'i dus/ /de nyid dus na spyad btang zhing/ /yongs su bsngo bas gter du sba/ /tshe 'di gcig la gzhan dpag med/ /gang tshe phyi nas ser sna dang/ /phongs pas bsregs na ci bgyir mchis/ /sa bdag ji ltar gang dang mdza'/ /de ltar snga @72a @#/ /nas 'brel rab spang/ /des na gnod pa mang po'i rtsa/ /skal lan mi bgyid grags mi bgyid/ /gang tshe yud tsam rkyen stobs kyis/ /dbang bsgyur de tshe ci bgyir mchis/ /sa bdag ji ltar dgrar lta ba/ /de ltar sngon nas rtsong mi bgyi/ /ma la rkyen dbang gis bskul lags/ /sgyu 'dra gnyis ka dngos med phyir/ /gang tshe nags la me shor ltar/ /'bar bar 'gyur tshe ci bgyir mchis/ /sa bdag ji ltar g.yar po'i lus/ /nad med rgud med bder gnas pa/ /de nyid tshe na snying po blang/ /na 'chi rgud pas 'jigs med bgyi/ /gang tshe na rgas rgud sogs na/ /dran yang de tshe ci bgyir mchis/ /longs spyod ci 'dra khyim gyi sbrang/ /bshes pa ci 'dra tshong khang mi/ /sdang sde rmi lam gnod pa bzhin/ /rang lus ci 'dra sprul gyi lpags/ /'du 'dzi ci 'dra nad gzhi bzhin/ /tshe srog ci 'dra ri gzar chu/ /gang tshe gang la sems chags pa/ /de nyid dus na de btang bgyi/ /ci phyir chung yang gang la zhen/ /de nyid 'ching ba mi bzad phyir/ /gang tshe gang la sems sdang ba/ /de nyid dus na de bzhag bgyi/ /ci phyir chung yang blo 'khrug pa/ /de nyid phung khrol mi bzad phyir/ /gson cig 'di ltar khyod kyis sa/ /rgya mtsho'i mthar thug dbang 'byor pa'ang/ /nam zhig khyod nyid rnam 'gyur dus/ /de tshe ci 'dra legs par gsungs/ /re zhig khyod sku rdo rje ltar/ /'gro ba'i skyabs dang rin chen ni/ /brtan du mi rung g.yo bdag pas/ /nges par bskyed dus de mchis so/ /de ltar phun tshogs dpal gyi gseb/ /khyod ni dgyes rol snyam bgyid na/ /thar pa rnams kyis rgyal srid bsdam/ /rgyal po bying ba lta bur gzigs/ /sdug bsngal rgya mtsho gting mtha' med/ /srid pa'i glong du bying gyur kyang/ /skyo med 'jigs med dga' dang dgod/ /bdag cag snying la ci zhig mchis/ /phongs dang btsal dga' bsrung dang brlag /'bral dang phrad dang na rgas rgud/ /rtag tu 'bar ba'i mer zhugs kyang/ /bde rlom smyon pa lags pa snyam/ /gzugs sgra dri ro reg dang chos/ /gzugs brnyan dgra brnyan tshogs mtshungs phyir/ /rtag tu mi bsam chags mi bgyi/ /chags na'ang de nyid rnam spyod @72b mdzod; /thog med bag chags las dbang gis/ /sems ni bung bas rtsi bzhin no/ /rigs pa dang ni gdams ngag dang/ /skyon dran pas ni slar bzlog bgyi/ /don med don log don dman don/ /'di 'dra'i don du 'dod nas dar/ /sgo gsum mi bzad sdug bsngal bgyis/ /mi mchog kyang ni rnam dpyod rigs/ /ji ltar lus ngag de bzhin yid/ /rtse dang 'khyal dang rnam g.yeng dang/ /srog gcod phra ma gnod sems sam/ /tshe 'dir chags pas dge bgyid pa/ /de lta de ltar don yod bzang/ /don mchog bgyis na cis ma legs/ /ji ltar mi rtag srin po yi/ /khar chud ma gyur de srid par/ /lha yi srid pa ru bzlog la/ /bsgrim par mdzod cig mi yi rje/ /gang tshe srin bu'i mgrin chud gyur/ /de tshe khyod kyi dmag dang dpung/ /mthu dang 'byor pa btsun mo sras/ /rtsal bsnyems cir yang ma mchis so/ /kye ma sngon nas dub pa'i las/ /rtag tu bzod dka'i sdug bsngal gyis/ /nyer rtsa la da dung bsnyems med na/ /rgyal srid rgyal po ji ltar dregs/ /rgya mtshor bying bas rnyed pa'i gru/ /chu rgyun drag po'i rba dang ni/ /mngar skyur lo tog bya skrod shing/ /rgyal po na rgas rgud dang 'chi/ /bzhi po 'di dag bsam par gyis/ /ji ltar phan btags de ltar gnod/ /yod na skyo dang med na gdung/ /'grogs na skyon mthong rtsod gyur pa/ /sems can rnams kyi mtshan nyid lags/ /gcig tu dge ba dkar po'i chos/ /des ni 'di phyi 'phral yun du/ /don yod don yod da gos mi dgos/ /na rgas rgud dang 'chi la dris/ /kyi hud 'jig rten mig bcas long/ /mngon sum rtag tu nges mthong yang/ /da dung cung zad mi sems pa/ /khyod snying rdo rjer gyur tam ci/ /tshe 'di bstod bde rnyed grags kyis/ /gzi brjid 'od kyis snying brid pa/ /'chal rnams de don gnyer ba yis/ /sems g.yengs nas ni dran ma mchis/ / yun ring sngon nas da lta srid/ /na tshod gzhon dang gnyen dang rgan/ /'di tsam grangs kyis shi gyur kyang/ /khyod ni rten dbang gis gnas na/ /ji srid skyes nas da lta'i bar/ /dus ni thung ngam ring yang rung/ /yud tsam bsdad kyang mi snyam par/ /skad cig gcig gi chad par 'das/ /de bzhin da nas 'chi @73a @#/ /mtha' yas/ /cung zad 'dug pa'i lang med par/ /chad kyis 'das pa'i skad cig la/ /dran pa yud tsam byas te 'gro /btsun mo lta mo 'dra na yang/ /mi bzad rul sungs brgyal ba nyid/ /sgo dgu mi gtsang rgyun rtag 'dzag /bshes gzugs ro langs lags so rje/ /lha gcig ji ltar khyod 'byor kyang/ /gshegs nas 'jig rten gzhan bzhung tshe/ /mya ngan thang la dgra bcom ltar/ /gcig bu sras med btsun mo min/ /na bza' ma mchis bshes ma mchis/ /rgyal srid ma mchis khab ma mchis/ /dpag med mthu dbung mnga' lags kyang/ /gzigs su ma mchis gsan ma mchis/ /gcig tsam nyid gcig phyi thag gi /rjes su 'brang ba'ang mi mnga'o/ /mdor na nyid kyi mtshan tsam yang/ /de tshe med na gzhan ci smos/ /'jig rten bde ba sdug bsngal te/ /thar pa'i bde ba bde ba nyid; /de bas sdug bsngal mi bzhed na/ /nges par thar pa cis mi bzhed/ /thar pa zhes bya bcing grol phyir/ /'ching rgyu longs spyod sems can lus/ /bsdam phyir chags sdang zhes dang yin/ /de phyir rgyal pos 'di nyid gzhom/ /gang yang mi yi gtso bo gson/ /'di na gang dag 'dren pa yin/ /bshes gnyen ngan pas sems bslad dag /'jig rten snga phyi med smra ba/ /de ni sprul gdug nag po'i lha/ /tshig tsam rigs pa la brten nas/ /zhib mo rnam dpyod ma mdzad par/ /lha yi thugs brten mi rung ngo/ /'di ltar snga phyi yod min na/ / da ltar srog sems gsal 'di gang/ /rlan drod dus sad yal 'dab las/ /me tog 'bras bu ji bzhin no/ /nags dang sa las me tog dang/ /sha mo rdol ba bzhin ce na/ /'o na ji lta de lta bur/ /shing sdong la yang srog sems min/ /gang de 'di 'dra dngos po'i rigs// tha dad rigs pa'i mtshan nyid ni/ /de bas 'di dang 'di yi dpe/ /mtshungs par dpag par mi nus so/ /gzigs shig sems can srog lus dang /gcig dang cig shos rtag gi na/ /re zhig gcig na lus dang sems/ /shing dang nam mkha' 'dra ba'i phyir/ /de dag @73b phan tshun de 'drar 'gyur/ /pha dang bu yi lus sems bzhin/ /de zad cig shos zad min pas/ /tha dad phyogs kyang mi rung ngo/ /yun ring gnas skabs 'brel ba yis/ /rjes su 'gro ldog nges na ni/ /shing dang yal ga ri dang sdong/ /thams cad da ltar thal bar 'gyur/ / sems ni thogs med 'gags med bdag /mkha' ltar zhi dag stong pa'i phyir/ /gang du ji ltar chad par 'gyur/ /dul ba gzhan yang mu stegs can/ /bdag tu lta ba gtan ma mchis/ /'di la mgon po ma brtags par/ /nyid kyis bab col mi bgyi'o/ /'ching ba rnam grol las gdams pa/ /gzigs nas brtan pos rnam dpyod mdzod/ /mi bzad lta ba 'di nyid las/ /gcig ni sreg byed me dpung ste/ /gnyis pa lcags sgrog 'ching ba lags/ /mkhas rnams nye bar mi bgyid do/ /de ltar lta ba'i dri ma las/ /log nas drang srong bstan zhugs te; /nyan thos rang sangs rgyas dang sras/ /theg gsum rim gyis bgrod par gsol/ /dpyod ldan bdag gis khyod gsol cig /gus dang mi gus tsam nyid kyis/ /blang bar mi bgyid dor mi bgyi/ /gser la mgar bas bsreg sogs bzhin/ /rnam brtags nges par gyur nas gdod/ /mi rigs rgyang du 'phang du gsol/ /de ste rigs par gzigs na ni/ /nyid kyis spyi gtsug blang du gsol/ /rgyal po zla ba la springs pa'i spring yig /rnal 'byor gyi dbang phyug shrI dzA ga ta mi tra A nandas mdzad pa rdzogs so// //rnal 'byor gyi dbang phyug de nyid dang/ bod kyi lo chung gnubs tshul khrims shes rab kyis bsgyur ba'o// @##/ /rgya gar skad du/ byag ta pa da su hr-i da le kha TI kA/ bod skad du/ bshes pa'i spring yig gi rgya cher bshad pa tshig gsal ba/ 'phags pa 'jam dpal gzhon nur gyur pa la phyag 'tshal lo/ /slob dpon klu sgrub kyis mdza' bo rgyal po bde spyod la spring yig yon tan can 'di bskyar bas na bshes pa'i phren yig ces bya ba'o/ /de la yon tan rang bzhin zhes bya ba ni bod pa ste/ sngon gyi dge ba'i rtsa ba las nges par skyed pa'i phyir/ /rang @74a @#/ /bzhin ni rgyu yin no/ /de nyid kyi phyir/ dge 'os zhes 'chad par 'gyur te/ gang zhig 'das pa'i dus na dge ba byed pa de ni/ da ltar byung ba'i dus na/ dge ba'i skal ba can du 'gyur ro/ /'dis ni 'di dam pa'i chos mnyan pa'i 'os nyid yin par bshad de/ /de lta bas na khyod kyis 'phags pa'i dbyangs 'di dag gsan pa'i rigs so zhes bya ba yin no/ /de dag sus ni byas/ ci'i phyir ni byas she na/ bdag gis ni/ de bzhin gshegs pa'i gsung bsnyad las byung ba'i/ /bsod nams 'dun slad 'phags pa'i dbyangs 'di dag /cung zad cig bsdebs zhes bya ba smos so/ /de bzhin gshegs pa'i gsung bsnyad ces bya ba ni rab tu bstan pa zhes bya ba'i tha tshig ste/ de las byung ba'i bsod nams gang yin pa de la 'dun pa'i phyir bdag gis/ 'phags pa'i dbyangs 'di dag bsdebs shing sbyar gyis/ gsan pa'i rigs so zhes bya ba yin no/ /'phags pa'i dbyangs zhes bya ba ni tshigs su bcad pa'i ming ngo/ /de dag kyang ci tsam zhig ce na/ cung zad cig ces bya ba smos te/ 'dis ni tshig mangs pa'i 'jigs pa spong bar byed do/ /rnam pa gzhan du na/ yon tan rang bzhin zhes bya ba ni yon tan gyi ngo bo nyid ces bya ba'i tha tshig ste/ 'dis ni 'di dge ba'i mtshan nyid yin par bshad do/ /dge 'os zhes bya ba ni dge bar 'os pa nyid de/ dge ba'i bsam pa can gang yin pa de ni dge bar 'os pa yin no/ /de bas na dam pa'i chos mnyan pa'i rigs so zhes ston par byed de; dge ba ni de'i sngon du 'gro ba can yin pa'i phyir ro/ /lhag ma ni snga ma yin no/ /gal te khyod kyi snyan dngags bzang po ma yin pa 'di mi nyan no snyam du sems na de'i phyir/ ji ltar bde gshegs sku gzugs shing las kyang/ /zhes bya ba la sogs pa smos te/ kyang zhes bya ba'i sgras ni; rdo ba dang 'jim pa la sogs pa bsdu'o/ /ci 'dra'ang rung zhes bya ba 'dis ni bzang po'am bzang po ma yin pa yang rung zhes bya ba'i tha tshig go/ /ji ltar shing las de bzhin gshegs pa'i sku gzugs byas pa ci 'dra'ang rung ba ni bzhi po'i khyad par la mkhas pa rnams @74b kyis mchod par bya ba yin pa de bzhin du bdag gi snyan dngags 'di yang ngan zhing bzang po ma yin yang/ dam pa'i chos kyi gtam la brten pa'i phyir bsngags par bya ba yin no zhes ston par byed de/ bsngags par bya ba yin pa'i phyir/ mnyan par bya ba yang yin no snyam du dgongs pa yin no/ /'on te ngas de bzhin gshegs pa'i bka' rnams shes zin pa nyid pas/ yang snyan dngags 'dis ji zhig bya snyam du sems na de'i phyir/ thub pa chen po'i bka' ni snyan dgu zhig /khyod kyi thugs su lta yang chud mod kyi/ /zhes bya ba la sogs pa smos te/ yang zhes bya ba'i sgras ni thos pa dang rab tu bshad pa dang bsgom pa dag bsdu'o/ /'di skad du khyod kyi thub pa chen po sangs rgyas bcom ldan 'das kyi bka' snyan pa dag lta thugs su chud mod kyi/ 'on kyang snyan dngags 'di smad par bya ba ma yin no zhes bshad pa yin no/ /de ci'i phyir zhe na/ rdo thal las bgyis dgung zla'i 'od kyis ni/ /ches dkar nyid du ci ste mi bgyid lags/ /zhes bya ba smos so/ /ni zhes bya ba ni 'di ltar zhes bya ba'i tha tshig ste/ 'di ltar gzhal med khang rdo thal las byas pa rang bzhin gyis dkar ba yang zla ba'i 'od zer rnams kyis bzlas pa bzhin du dkar po nyid du byed pas bka' stsal zin pa la yang bzlas na/ ches gsal ba nyid du 'gyur bas snyan dngags 'di smad par bya ba ma yin no/ /de la nyon mongs pa dang skye ba bag chags dang bcas pa de med pa'i phyir/ thub pa chen po ni de bzhin gshegs pa'o/ /legs par gsungs pa'i phyir snyan pa yin no/ /'di man chad rgyal bas sangs rgyas chos dang zhes bya ba la sogs pa ni chos bstan pa yin no/ /sdig pa'i chos las rgyal ba'i phyir/ rgyal ba ni sangs rgyas bcom ldan 'das rnams te ji skad du/ sdig pa'i chos las nga rgyal bas; /de bas nyer 'gro nga rgyal ba'o/ /zhes gsungs pa lta bu'o/ /rjes su dran pa drug /rab tu bka' stsal zhes bya ba drug gang zhe na 'di lta ste/ sangs rgyas rjes su dran pa dang/ chos rjes su dran pa dang/ dge 'dun rjes su dran pa dang/ gtong ba rjes su dran pa dang/ tshul @75a @#/ /khrims rjes su dran pa dang/ lha rjes su dran pa'o/ /de la sangs rgyas la dmigs pa'i dran pa nyid rjes su dran pa yin te/ de bzhin du thams cad la sbyar ro/ /yang rjes su dran pa de dag ji ltar bsgom par bya zhe na/ rang rang gi zhes bya ba la sogs pa smos te/ sangs rgyas la sogs pa so so'i yon tan rnams kyis rjes su dran pa de dag rjes su dran par bya zhing yid la bya'o zhes bya ba'i tha tshig go/ /'dir ni sangs rgyas la sogs pa nyid rjes su dran pa dag yin par bshad de/ rjes su dran pa'i gnas yin pa'i phyir ro/ /de'i phyir sangs rgyas la sogs pa de dag rang rang gi yon tan gyi tshogs rnams kyis rjes su dran par bya'o zhes byas na legs par 'byor pa nyid do/ /yang sangs rgyas la sogs pa'i yon tan gang dag yin zhe na/ re zhig sangs rgyas kyi yon tan ni/ 'di ltar de ni de bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa 'jig rten mkhyen pa/ skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ sangs rgyas bcom ldan 'das zhes bya ba ste/ de lta bu la sogs pa ni/ de bzhin gshegs pa'i yon tan yin no/ /'di ltar bcom ldan 'das zhes bya ba ni 'jig rten na snyan pa'i rnam par grags pa gang yin pa de ni/ 'di ltar bcom ldan 'das/ 'di ltar de bzhin gshegs pa zhes tshig thams cad dang sbyar bar bya ste/ 'di lta bu yang yin/ 'di lta bu yang yin zhes bya ba'i tha tshig go/ / de la 'dod chags la sogs pa bcom pa nyid kyis bcom ldan 'das so/ /byang chub kyi snying po la bzhugs pa la/ bar chad bya bar brtson pa'i bdud bcom pa'i phyir yang bcom ldan 'das so/ /rnam pa gcig tu na 'di la skal ba yod pas na bcom ldan 'das de dbang phyug la sogs pa dang ldan pa'i phyir ro/ /de bzhin gshegs pa zhes bya ba ni dngos po ji lta bar gnas pa de dag de bzhin du rtogs shing thugs su chud pas na de bzhin gshegs pa'o/ /ji skad gsungs pa de kho na ltar yin gyis gzhan du mi 'gyur ba'i phyir yang de bzhin gshegs pa'o/ /dgra bcom pa @75b zhes bya ba ni nyon mongs pa'i dgra bcom pa'i phyir ro/ /'khor ba'i 'khor lo'i rtsibs bcom pas 'di'i phyir yang dgra bcom pa'o/ /rnyed pa dang bkur stis mchod par 'os pa'i phyir yang dgra bcom pa'o/ /yang dag par rdzogs pa'i sangs rgyas zhes bya ba ni 'dis chos rnams yang dag par phyin ci ma log par kun nas sangs rgyas bas na yang dag par rdzogs pa'i sangs rgyas so/ /rig pa dang zhabs su ldan pa zhes bya ba ni rig pa dang zhabs su ldan pa ste/ mkhyen pa dang zhabs lta bu tshul khrims dang ting nge 'dzin dag dang ldan pa'i phyir rig pa dang zhabs su ldan pa'o/ /bde bar gshegs pa zhes bya ba ni mdzes pa'i gnas su gshegs pa'i phyir bde bar gshegs pa zhes bya'o/ /phyir mi ldog par gshegs pa'i phyir yang bde bar gshegs pa ste/ rims nad legs par byang ba bzhin no/ /'jig rten mkhyen pa zhes bya ba ni 'jig pas na 'jig rtan no/ / de yang rnam pa gnyis te/ sems can gyi 'jig rten dang snod kyi 'jig rten no/ /de dag mkhyen pas na 'jig rten mkhyen pa ste sems can gyi 'jig rten gyi ni rten cing 'brel bar 'byung ba'i yan lag bcu gnyis rnam par gzhag pa yongs su mkhyen pa'i phyir dang/ snod kyi 'jig rten gyi yang sa dang ri la sogs pa 'byung ba dang gnas pa dang tshad la sogs pa yongs su mkhyen pa'i phyir 'jig rten mkhyen pa zhes bya'o/ /rnam pa gcig tu na 'jig rten gyi tha snyad bzang po yongs su mkhyen pa'i phyir 'jig rten mkhyen pa zhes bya'o/ /skyes bu 'dul ba'i kha lo sgyur ba/ bla na med pa zhes bya ba la/ gdul bar rung ba ni gdul ba'o/ /de dag ni skyes bu yang yin la/ gdul ba yang yin pas skyes bu gdul ba'o/ /de dag gi kha lo sgyur ba ni skyes bu 'dul ba'i kha lo sgyur ba ste de dag gdul ba'i phyir ro/ /bla na med pa ni nyan thos dang rang sangs rgyas dag pas khyad par du 'phags pa'i phyir te 'dul ba ni 'dir 'phags pa'i lam thob pa yin par rig par bya'o/ /des ni 'di 'dul bar 'gyur te/ yang dmu rgod kyi ngo bor mi 'gyur ba'i phyir ro/ /lha dang mi rnams kyi ston pa zhes bya ba la lha dang mi zhes smos pa ni de dag mchog yin pa'i phyir ram/ @76a @#/ /'phags pa'i lam gyi snod yin pa'i phyir ro/ /phyin ci ma log par ston pa'i phyir ston pa ste/ de bzhin gshegs pa'i yon tan 'di dag ni bsam pa ji lta ba bzhin du chos ston pas rab tu phye ba bstan pa yin pa'i phyir/ sangs rgyas bcom ldan 'das zhes bya ba ni/ de kho na nyid thugs su chud pa'i phyir sangs rgyas zhes bya ste/ tshig gi mjug mi mngon par byas pa'i phyir ro/ /rnam pa gcig tu na blo rgyas pa'i phyir te/ padma rgyas pa bzhin no/ /yang na mi shes pa'i gnyid las sad pa'i phyir te skyes bu gnyid sad pa bzhin no/ /'di ni tshig 'di rnams kyi bsdus pa'i don yin te/ rgyas par ni bstan bcos gzhan dag las khong du chud par bya'o/ /sangs rgyas rjes su dran pa bshad zin to/ /chos kyi yon tan ni legs par gsungs pa la sogs pa yin te/ 'di lta ste bcom ldan 'das kyi chos ni legs par gsungs pa yang dag par mthong ba dang nad med pa dus chad pa med pa/ 'di mthong ba la don yod pa/ nye bar gtod pa/ mkhas pa rnams kyi so sor rang gi rig par bya ba ste/ bstan pa'i chos dang rtogs pa'i chos zhes bya ba chos rnam pa gnyis bstan to/ /de la bsdus pa'i don ni legs par gsungs pa zhes bya ba 'dis ni thog ma dang bar dang tha mar dge ba nyid kyis bstan pa'i chos bshad la/ lhag ma rnams kyis ni rtogs pa'i chos bshad do zhes bya ba yin te/ ha cang tshig mangs su dogs pas ma spros so/ /dge 'dun gyi yon tan ni legs par zhugs pa la sogs pa yin te/ 'di lta ste bcom ldan 'das kyi nyan thos kyi dge 'dun ni legs par zhugs pa/ drang por zhugs pa/ rigs par zhugs pa/ mthun par zhugs pa 'di lta ste/ skyes bu zung bzhi dang/ skyes bu gang zag ya brgyad po dag yin no/ /bcom ldan 'das kyi nyan thos kyi dge 'dun 'di ni kun du sbyin pa'i 'os su gyur pa/ rab tu sbyin pa'i 'os su gyur pa/ bskor bar bya ba'i 'os su gyur pa/ thal mo sbyar ba'i 'os su gyur pa/ 'jig rten gyi bsod nams kyi zhing bla na med pa zhes bya ba yin no/ /'dir yang bsdus pa'i don ni 'phags pa'i dge 'dun slob pa dang mi slob pa'i yon tan @76b rnams pa gnyis bstan te legs par zhugs pa la sogs pa tshig bzhis ni bsgrub pa'i yon tan bshad do/ /kun du sbyin pa'i 'os su gyur pa la sogs pas ni mchod par 'os pa nyid kyi yon tan bstan to zhes bshad pa yin no/ /gtong ba'i yon tan ni kyi ma bdag skye bu'i yon tan ni ser sna'i dri ma kun nas langs pa rnams kyi nang nas ser sna'i dri ma dang bral ba'i sems kyis gnas shing mchod sbyin khor mor byed pa dang/ lag pa rkyong ba dang/ rnam par gtong ba la dga' ba dang/ sbyin pa la 'ged par dga' ba gang yin pa de ni bdag gis rnyed pa legs par rnyed pa yin no zhes bya ba yin te/ 'dir yang rang gi rgyud du gtogs pa'i sbyin pa'i yon tan ser sna'i dri ma spangs pa dang/ sbyin pa'i dang tshul can dang/ lus kyis brtson 'grus brtsams pa dang/ dngos po yongs su gtong ba dang/ de la mngon par dga' ba zhes bya ba rnams bstan to/ /tshul khrims kyi yon tan ni bdag gi tshul khrims ni ma nyams pa/ skyon med pa/ ma 'dres pa/ ma gos pa/ rang dbang yod pa/ mkhas pas bsngags pa/ ting nge 'dzin bsgrub pa dag yin no zhes bya ba yin no/ /'dir yang rang gi rgyud du gtogs pa'i tshul khrims kho na'i yon tan rnams bstan te/ tshigs rnams kyi don ni 'og nas bstan par bya'o/ /lha'i yon tan ni rgyal chen ris bzhi pa'i lha dag dang/ sum cu rtsa gsum pa nas gzhan 'phrul dbang byed kyi bar dag yod do zhes bya ba yin te/ lha de rnams dang bdag nyid kyi yon tan dag rjes su dran par byed pa yin no/ /de la skye ba'i lha rnams kyi skye ba'i rgyud du gyur pa'i yon tan dang/ bdag nyid kyi tshul khrims dang/ ting nge 'dzin dang/ shes rab kyi yon tan rnams ni lha'i yon tan yin no zhes bshad do/ don du na 'dir rang gi yon tan rnams kho na lha'i yon tan dag dang mtshungs par byas nas dran pa ni rjes su dran pa zhes bya bar bshad do/ /rjes su dran pa'i gnas drug ni sems dang bar byed pa'i phyir dang/ bsod nams chen po rgyu yin pa'i phyir dang po nyid du bstan nas/ de la sems mngon par dad pas dge ba bya'o zhes bstan pa'i phyir/ dge ba'i @77a @#/ /las lam bcu po zhes bya ba la sogs pa smos te/ 'bras bu yid du 'ong ba'i phyir dge ba'o/ /bya ba'i ngo bo nyid yin pa'i phyir las kyang yin la/ bde 'gro'i lam yang yin pas las kyi lam mo/ /las kyi lam bcu po de dag kyang gang zhe na/ 'di lta ste/ srog gcod pa spong ba dang/ /ma byin par len pa spong ba dang/ 'dod pas log par g.yem pa spong ba dang/ brdzun du smra ba spong ba dang/ phra ma spong ba dang/ tshig rtsub mo spong ba dang/ tshig kyal pa spong ba dang/ brnab sems med pa dang/ gnod sems med pa dang/ yang dag pa'i lta ba ste dge ba'i las kyi lam bcu po 'di dag bsten par bya'o/ /yang de dag ji ltar bsten par bya zhe na/ lus dang ni/ ngag dang yid kyis rtag tu zhes bya ba la sogs pa smos te/ de la srog gcod pa spong ba la sogs pa gsum ni lus kyis rtag tu bstan par bya'o/ /brdzun du smra ba spong ba la sogs pa bzhi ni/ ngag gis rtag tu bsten par bya'o/ /brnab sems med pa la sogs pa gsum niyid kyis rtag tu bsten par bya'o/ /rtag tu zhes bya ba 'dis ni las kyis byas pa dang bsags pa ston par byed do/ /de la ji ltar srog gcod par 'gyur zhe na/ srog chags pha rol yang yin srog chags yin par yang 'du shes/ gsad pa'i sems kyang nye bar gnas par gyur/ brtsal ba yang byas/ des kyang sha ni srog bcad pa yin te/ sdig pa'i khyad par ni gzhi dang bsam pa dang sbyor ba'i khyad par las rig par bya'o/ /ji ltar ma byin par blangs par 'gyur zhe na/ gzhan gyis yongs su bzung ba yang yin/ gzhan gyis yongs su bzung ba yang 'du shes/ rku ba'i sems kyang nye bar gnas/ gnas nas kyang spags na ma byin par len pa yin te/ /'dir sdig pa'i khyad par ni rdzas de gang gi yin pa de'i khyad par dang sbyor ba dang bsam pa'i khyad par las rig par bya'o/ /ji ltar 'dod pas log par g.yem par 'gyur zhe na/ bud med gzhan gyis bsrungs pa'am/ chos kyis bsrungs pa'am/ rang gi bud med la yang dus ma yin pa dang/ gnas ma yin pa dang/ yul ma yin pa dang/ yan @77b lag ma yin pa 'khrig pa'i chos bsten na 'dod pas log par g.yem pa yin te/ 'dir yang sdig pa'i khyad par ni gzhi dang bsam pa dang sbyor ba'i khyad par las rig par bya'o/ /de la ji ltar na brdzun du smras par 'gyur zhe na/ slu ba'i bsam pa dang lta ba yid la bzhag nas/ don rnam par go ba la tshig tu smra ba'am/ lus kyis rnam par rig par byed pas kyang rung ste de lta na brdzun du smras pa yin te/ the tshom za ba'i dngos po la nges pa bzhin du smra ba yang brdzun du smra ba kho na yin no/ /'dir yang sdig pa'i khyad par ni bslu bar bya ba'i khyad par dang bsam pa'i khyad par las rig par bya'o/ /ji ltar phra ma byas par 'gyur zhe na/ dga' bar 'dod pa'am dbye ba'i bsam pas 'ga' zhig las gzhan zhig la mi dga' ba thos nas de la bsnyad par gyur pa dang/ de las thos nas 'di la bsnyad par gyur na yang dag pa yang rung/ yang dag pa ma yin pa yang rung ste/ de lta na phra ma byas pa yin no/ /yang dag pa ma yin pa smras na yang brdzun du smras pa yang ci'i phyir mi 'gyur zhe na/ kha cig na re 'gyur ba kho na yin no zhes zer ro/ /de ni de ltar gzung bar mi bya ste/ ci'i phyir zhe na/ 'di dbye ba'i bsam pa can yin gyi/ bslu ba'i bsam pa ni med pas so/ /de ltar byas na yang dag pa ma yin pa tshig rtsub mo smras na yang brdzun du smras par mi 'gyur te/ bsam pa gnyis cig car mi srid pa'i phyir ro/ /ji ltar tshig rtsub mo smras par 'gyur zhe na thos pa'i sems dang ldan pas/ pha rol po sdug bsngal bar bya bar 'dod pas/ don mngon par go ba la tshig tu smra na tshig rtsub mo smras pa yin no/ /don mngon par mi go ba la tshig 'khyal par 'gyur ro/ /ji ltar tshig 'khyal par smras par 'gyur zhe na/ brdzun du smra ba la sogs pa gsum ma gtogs pa tshig gzhan gang zhig nyon mongs pa can gyi sems kyis brjod na/ de ltar na tshig rkyal pa smras pa yin no/ /las kyi lam gsum po 'di dag kyang brdzun du smra ba bzhin lus kyis kyang byed la sdig pa'i khyad par yang brdzun du smra ba dang 'dra ba kho nar rig par bya'o/ /ji ltar brnab sems su 'gyur zhe na/ gal te gzhan gyi bdog @78a @#/ /pa dag la 'dod pa skyed par byed na de ltar na brnab sems su 'gyur ba yin no/ /ji ltar gnod sems yin zhe na/ gal te sems can gzhan la zhe sdang na de lta na gnod sems su gyur pa yin no/ /ji ltar log par lta bar 'gyur zhe na/ gal te las dge ba dang mi dge ba rnams kyi 'bras bu med do snyam du nges par sems na de lta na log par lta bar 'gyur ro/ /las kyi lam gsum po 'di dag gi sdig pa'i khyad par ni bsam pa'i khyad par kho na las rig par bya la brnab sems kyis ni dmigs pa'i dbang gis kyang sdig pa'i khyad par du 'dod de/ mi dge ba'i las kyi lam bcu po 'di dag spong ba'i dbang gis dge ba bcu'i las kyi lam bsten par bya'o/ /chang rnams las ldog par mdzod cig ces bya ba la/ chang ni kha na ma tho ba chen po'i rgyu nyid yin mod kyang/ spyad pa kho nas mi dge ba nyid ma yin pas las kyi lam rnams kyi nang du ma bshad de de lta bas na logs shig tu dgag par ston to/ /mang po'i tshig ni chang ni myos par 'gyur ba nyid du khyad par med kyang rgyu'i khyad par las rig par bya ste/ bcos pa'i chang ni bu ram chang dang/ 'bras phye'i chang dang/ sbrang rtsi'i chang ste rnam pa gsum mo/ /sbyar ba'i chang ni me tog las mnan pa la sogs pa yin par rig par bya'o/ /dge ba'i 'tsho ba la yang mngon par dgyes pa zhes bya ba ni mdzod ces bya bar sbyar te/ dge ba'i 'tsho ba ni gzhan la mi gnod par 'jug pa gang yin pa'o/ /de ltar dge ba'i las la rnam par gnas pas bdog pa ji lta ba bzhin du sbyin pa sbyin par bya'o zhes bstan pa'i phyir longs spyod g.yo ba zhes bya ba la sogs pa smos so/ /spyad par bya ba yin pas/ longs spyod de 'di ni sbyin par bya ba'i dngos po zas dang skom la sogs pa'i tshig bla dags so/ /longs spyod de dag kyang mi brtan pa'i phyir g.yo ba'o/ /ngoms mi shes pa'i phyir snying po med pa ste/ 'dis ni longs spyod rnams la kun du 'dzin pa ldog par byed do/ /mkhyen nas zhes bya ba ni rtogs par byas nas so/ /dge slong zhes bya ba la sogs pas ni sbyin pa'i zhing rnam pa gsum po ston te/ /sbyin gnas kyi zhing ni dge sbyong dang bram ze rnams so/ /snying rje'i zhing ni bkren pa rnams so/ /phan 'dogs @78b pa'i zhing ni bshes pa rnams so/ /tshul bzhin zhes bya ba 'dis ni gus par bya ba bstan to/ /de ni gcig tu rnam par smin pa yid du 'ong ba'i rgyu yin pa'i phyir te/ bcom ldan 'das kyis dge slong dag bsod snyoms gus par byas pa rnams kyi rnam par smin pa ni 'dod pa sdug pa/ dga' ba yid dang 'thad pa so sor myong bar 'gyur ro zhes gsungs so/ /sbyin las gzhan pa'i gnyen mchog ma mchis so/ /zhes bya ba 'dis ni sbyin pa phan chen po 'dogs pa yin pa nyid du ston te/ 'dis ni 'dir sbyin pa la brten par bya ba yin par rig par bya'o/ /longs sbyod rnams la mi lta bas tshul khrims yang dag par blangs nas bsrung bar bya'o zhes bstan pa'i phyir/ /khyod kyi tshul khrims ma nyams mod mi dma'/ /zhes bya ba la sogs pa smos so/ /de la mnyams pa ni ji ltar yang dag par blangs pa las gcig las kyang ma 'das pa'i phyir ro/ /tshul khrims gcig las 'das pas ni nyams par 'gyur ro/ /bslab pa mang po zhig las 'das pas ni skyon can du 'gyur ro/ /de gnyi ga med par bstan pa'i phyir/ /ma nyams mod mi dma' zhes bya ba smos te/ tshul khrims skyon can ni mod dma' ba yin no/ /ma 'dres zhes bya ba la tshul khrims 'dres pa ni mi dge ba'o/ /'dren mar 'dug pa gang yin pa ste/ de med pa'i phyir ma 'dres pa'o/ /ma sbags pa ni srid pa dang longs spyod kyi don du yongs su ma bsdos pa'i phyir ro/ /tshul khrims 'di nyid rnam pa gzhan du mi 'gyur ba'i phyir ma gos pa zhes bya ste/ gos pa ni rnam pa gzhan du ston to/ /ma nyams pa la sogs pa'i yon tan dang ldan pa'i tshul khrims gang yin pa de ni rang dbang yod pa yang yin te/ sred pa'i bran nyid las thar pa'i phyir ro/ /de nyid kyi phyir tshul khrims de ni mkhas pa 'phags pa rnams kyis bsngags pa yin la/ ting nge 'dzin sgrub par byed pa yang yin te/ tshul khrims dang ldan pa'i sems ma nyam par 'jog pa'i phyir ro/ /tshul khrims de lta bu de khyod kyis brten par bya'o/ /ci'i phyir zhe na/ khrims ni rgyu dang mi rgyu'i sa bzhin du/ /zhes bya ba la sogs pa smos te/ ni zhes bya ba'i sgra ni 'di ltar zhes bya ba'i don to/ /ji ltar sa ni 'gro ba rgyu ba dang mi rgyu ba'i @79a @#/ /skye ba dang/ gnas pa dang 'phel ba'i rgyur gyur ba de bzhin du tshul khrims kyang ting nge 'dzin la sogs pa yon tan thams cad kyi gzhi rten yin no/ /'dis ni gus pa bskyed pa'i phyir tshul khrims kyi skyes bu byed pa'i 'bras bu bstan te/ de ltar re zhig sbyin pa dang/ tshul khrims spyir bshad pa yin no/ /da ni theg pa chen po la gzud pa'i ched du sbyin pa la sogs pa pha rol tu phyin pas bsdus pa rnams bstan pa'i phyir/ sbyin dang tshul khrims zhes bya ba la sogs pa smos so/ /de la byang chub tu sems bskyed pas/ sems can thams cad la phan par bya ba'i phyir; sbyin pa ni sbyin pa'i pha rol tu phyin pa yin te tshul khrims la sogs pa'i pha rol tu phyin pa yang de dang 'dra bar rig par bya'o/ /bzod pa ni 'dir gzhan gyis gnod pa byas pa la mi mjed pa'i bzod pa dang/ sdug bsngal dang du len pa'i bzod pa zhes bya ba bzod pa rnam pa gnyis su bzhed do/ /brtson 'grus ni sems can gyi don du sangs rgyas kyi chos btsal bar spro ba'o/ /bsam gtan ni sems can gyi don byed pa dang/ byang chub sems dpa'i ting nge 'dzin sgrub par byed pa'i bsam gtan bzhi pa'o/ /shes rab ni chos thams cad yang dag pa ji lta ba bzhin du shes par byed pa dang/ sems can rnams la don phyin ci ma log par rab tu ston par byed pa'i rab tu byed pa gang yin pa ste/ shes rab de lta bu ni/ nyan thos la sogs pa la med pa'i phyir gzhal du med pa zhes bya'o/ /pha rol phyin pa 'di dag rgyas mdzad ces bya ba ni pha rol tu phyin pa 'di rnams sgrubs shig ces bya ba'i tha tshig go; /ci'i phyir zhe na/ srid pa'i rgya mtsho'i pha rol phyin pa rgyal ba'i dbang po mdzod/ /ces bya ba smos so/ /de la pha rol tu phyin pa mdzod ces bya ba ni pha rol du son par gyis shig ces bya ba'i don to/ /gang gis she na srid pa'i rgya mtsho'o/ /nyan thos dang rang sangs rgyas dag kyang srid pa'i rgya mtsho'i pha pha rol tu son pa yin pas/ rgyal ba'i dbang po zhes bya bas khyad par du byed de/ 'di skad du pha rol tu phyin pa drug rdzogs nas/ sangs rgyas nyid thob pas khyod kyis kyang pha rol du phyin pa rnams rdzogs par byos la/ sangs rgyas su gyis shig ces bshad pa yin no/ /de bzhin du sbyin pa la @79b sogs pa dang ldan pa'i khyim pa dag kyang yod pas de dag gi dge ba'i las gzhan bstan pa'i phyir/ /gang la pha dang ma dag mchod pa yi/ /rigs de changs bcas zhes bya ba la sogs pa smos so/ /de la rigs gang la pha dang ma dag mchod pa'i zhes bya ba 'dis ni/ rigs 'di la mi dang mi ma yin pas byas pa'i gnod pa med par bstan to/ /tshangs pa dang bcas pa nyid kyis ni rigs de lhas byin gyis brlabs pa nyid du ston to/ /slob dpon dang bcas pa nyid kyis ni/ bla ma'i khyad par gyis byin gyis brlabs pa nyid du ston to/ /gzhan yang mthong ba'i chos dang/ tshe phyi ma'i phan yon bstan pa'i phyir/ de dag mchod ces bya ba la sogs pa smos te/ de gnyis la mchod pa ni de dag la mchod pa'o/ /pha dang ma dag la mchod pa ni mthong ba'i chos la yang dag par 'gyur la pha rol du yang mtho ris su 'gyur te/ /de lta bas na khyim na gnas pas bsgrims te pha dang ma dag la mchod pa bya'o zhes bya ba yin no/ /khyim na gnas pa rnams la dus thams cad du tshangs par spyad pa dka' ba'i phyir na nyin zhag gcig pa'i tshangs par spyod pa la yang sbyar ba'i ched du gso sbyong yan lag brgyad pa bstan pa'i phyir/ 'tshe dang zhes bya ba la sogs pa smos so/ /de la 'tshe ba ni srog gcod pa'o/ /chom rkun ni ma byin par len pa'o/ /'khrig pa ni bshang ba dang gci ba dang kha'i lam du log par sgrub pa'o/ /brdzun ni brdzun du smra ba'o/ /chang ni bcos pa'i chang dang sbyar ba'i chang ngo/ /dus min zas ni nyi ma phyed yol nas dus su rung ba'i dngos po spyod pa'o/ /mal stan mthon po ni khri dang khri'u tshad las 'das pa'o/ /glu dag dang gar ni 'jig rten grags pa kho na'o/ /spos dang phreng ba spyod pa ni che ba'i don du bkag gi nad pa'i nad gso ba'i phyir ni ma yin no/ /brgyad po de dag ni gso sbyong gi yan lag yin no/ /yang 'di dag gang gi yan lag cha shas su gyur pa yin pa/ 'di'i sdom pa gzhan gang zhig yod ce na/ 'ga' yang med de 'on kyang spyi'i yan lag ces bya ste/ phyi ma la yan lag lnga pa bzhin no/ /yang yan lag 'di dag nyid dgra bcom pa'i tshul khrims kyi rjes su byed pa yin nam zhe na/ gang gi phyir 'di skad du/ dgra bcom @80a @#/ /tshul khrims rjes su byed pa yi/ /yan lag brgyad po 'di dag dang ldan na/ /zhes bshad de 'di skad du yan lag dang po 'dis bdag 'phags pa dgra bcom pa de dag gi tshul khrims kyi rjes su slob po/ /rjes su bgyid do zhes bya ba la sogs pa 'byung ngo zhe na/ 'dir dgra bcom pa'i tshul khrims ni yan lag rnams yin la/ dgra bcom pa'i tshul khrims kyi rjes su byed pa ni gang zag yin par snang ngo/ /de lta yin dang 'dir rten gyis brtan pa bstan te/ dper na khre'u dag sgrogs so zhes bya ba lta bu yin pas nyes pa med do/ /da ni/ gso sbyong 'dod spyod lha lus yid 'ong ba/ /zhes bya ba la sogs pas gso sbyong gi sdom pa 'di'i rnam par smin pa'i 'bras bu ston par byed de/ 'di skad du/ nyin zhag gcig pa'i gso sbyong gi sdom pas ni 'dod pa na spyod pa'i lha drug gi nang gar 'dod par skye bar 'gyur ro zhes bshad pa yin no/ /skyes pa bud med dag la zhes bya ba ni skyes pa dag dang bud med dag la sbyin par byed kyis/ gzhan ma ning la sogs pa la ni ma yin te/ de dag la sdom pa skye ba med pa'i phyir ro/ /stsol bar bgyid ces bya ba ni sbyin par byed pa'o/ /khyim pa de dag nyid la bya ba ngan pa la chags pa'i nyes pas ser sna la sogs pa 'byung la/ de dag kyang ngan song gi rgyu yin pas de las bzlog par/ ser sna zhes bya ba la sogs pa smos so/ /de la ser sna ni sbyin pa dang mi mthun par rang gi phun sum tshogs pa la kun du 'dzin pa'o/ /g.yo ni sems gya gyu ba ste gang gis na rang gi bsam pa rab tu mi brtan pa'o// sgyu ni gzhan slu ba ste gang gis na 'di ltar 'dis bsam pa shes nas glags rnyed par mi 'gyur bar gzhan rmongs par byed pa'o/ /chags pa ni bdag la sred pa dang longs spyod la sred pa'o/ /snyom las ni brtson 'grus kyi mi mthun pa'i phyogs kyi chos te/ le lo zhes bya'o/ /mngon pa'i nga rgyal ni khyad par thob par bya ba ma thob par bdag gis thob bo snyam du nga rgyal byed pa gang yin pa'o/ /'dod chags ni 'khrig pa la sred pa'o/ /zhe sdang ni sems can rnams la kun nas mnar sems pa ste/ chos brgyad po 'di dag dang/ rigs kyis rgyags pa la sogs pa lnga dang mi dge ba'i @80b chos bcu gsum la dgra bzhin du blta bar bya ste/ de rnams dang lhan cig 'grogs par mi bya'o zhes bya ba'i tha tshig go/ /de la rgyags pa ni chos de rnams kyis sems gzengs rab tu mthos pa ste/ gang gis nar ro ba bzhin du chos dang chos ma yin pa sgrub par mi 'gyur ba'o/ /de nyid kyi phyir rgyags pa ni rang gi chos la chags pa'i sems ni yongs su gtugs pa'o zhes 'byung ste/ rang gi chos la so so'i 'dod chags kyis de kho na la sems de yongs su gtugs shing yongs su zad par 'gyur gyi/ chos sam chos ma yin pa gzhan sgrub par mi 'gyur ba yin no zhes bya ba'i tha tshig go/ /khyim pa rnams la yang bag dang bcas par bya ba yod pas de dag de la dgod par bzhed nas/ bag yod bdud rtsi'i gnas te zhes bya ba la sogs pa smos te/ bag yod pa ni mya ngan las 'das pa bdud rtsi'i rten yin no zhes bya ba'i don to/ /bag med pa ni 'chi ba'i gnas yin no/ /ji ltar shes she na/ thub pas bka' stsal to zhes bya ba la sogs pa smos so/ de bzhin gshegs pas bka' stsal pa'i phyir ro zhes bya ba'i tha tshig ste/ bag yod bdud rtsi'i gnas yin te/ /bag med pa ni 'chi ba'i gnas/ /bag yod 'chi bar mi 'gyur te/ bag med pa ni rtag tu 'chi/ /zhes tshigs su bcad pa de bka' stsal pa'i phyir ro/ /de la bag yod pa ni dge ba'i chos bsgom pa'o/ /bzlog pa ni bag med pa yin par rig par bya'o/ /de bas khyod kyis dge chos spel slad du/ /zhes bya ba ni gang gi phyir de ltar bag yod pa phan yon che ba de'i phyir khyod kyis dge ba'i chos spel bar bya ba'i phyir rtag tu bag yod par bya ste/ dge ba'i chos la goms pa dor bar mi bya'o zhes bya ba'i don to/ /'on te khyod kyis kho bo'i don zhig bya bar chad na/ dang po nyid nas ci ste ma smras kho bo sngar bag med par gyur zin pas/ bag yod pas ci byar yod snyam du sems na de'i phyir/ gang zhig sngon chad bag med gyur pa las/ /zhes bya ba la sogs pa smos te/ /'di skad du/ gang zhig sngon chad bag med par gyur pa de yang gal te phyis bag yod pa la brten na de ni mdzes pa nyid de/ dper na zla ba sprin dang bral ba bzhin no @81a @#/ /zhes bshad pa yin no/ /ci sems can de lta bu 'ga' tsam mthong ngam zhe na/ /mthong ngo zhes bstan pa'i phyir/ dga' bo sor phreng zhes bya ba la sogs pa smos so/ /dga' bo zhes bya ba shAkya gzhon nu 'dod chags chen po zhig yod de/ de ni rang gi chung ma la shin tu lhag par chags pas de med par thang cig tsam yang dga' ba mi myong ngo/ /de 'dra ba de de bzhin gshegs pas khyim nas khrid de rab tu phyung ngo/ /rab tu phyung yang nyin dang mtshan du de kho na la rjes su rtog par byed kyis chos la ni ma yin no/ /de lta bu la de bzhin gshegs pas dgra bcom pa nyid thob pa'i dbang du mdzad do/ /sor mo'i phreng ba zhes bya ba ni bram ze'i bu zhig go/ /de ni blun po zhig ste 'di ltar des chos su 'gyur ro zhes bya ba bla ma'i lung mnyan nas mi dgu brgya dgu bcu rtsa dgu bsad do/ /de yang phyis de bzhin gshegs pas rab tu phyung nas/ khams gsum las 'dod chags dang bral bar gyur to/ /mthong ldan ni ma skyes dgra'o/ /de ni zhe sdang can zhig ste/ 'di ltar des mi dge ba'i grogs po dang phrad pa dang/ sngon gyi sha khon chags pas pha chos dang ldan pa'i rgyal bo gsad do/ /de yang dge ba'i bshes gnyen de bzhin gshegs pa'i bstan pa kho na la brten nas; dmyal ba'i me'i bud shing las thar ro/ /rigs kyi bu bde byed yang tshul bzhin ma yin pa yid la byed pa'i dbang gis gzhan gyi chung ma la nyal po bya ba'i le lan gyis ma bsad nas/ de bzhin gshegs pa'i bstan pa kho na la brten te/ pho long brdabs pa dang 'dra bar dmyal ba'i rdo rje las thar te/ mtho ris kyi 'jig rten gyi bde ba nyams su myong bar gyur to zhes grags te/ de ltar dga' bo la sogs pa de dag kyang sngon bag med par gyur pa las phyis bag yod pa'i dbang gis sdug bsngal gyi khyad par de dang de las thar bas/ khyod kyang sngon bag med par gyur du zin kyang phyis bag yod par bya dgos so zhes bya ba yin no/ /khyim pa rnams la mi 'dod pa du ma 'bab pa'i dbang gis khro ba mang ba'i phyir de la 'dun pa las bzlog pa'i ched du bzod pa bstan pa'i phyir/ 'di ltar bzod mtshungs thub dka' ma mchis pas/ /zhes bya ba la sogs pa smos so/ /bzod @81b pa dang 'dra ba'i dka' thub ni med kyi bzod pa kho na dka' thub thams cad kyi mchog yin te/ bzod pa dka' thub dam pa zhes tshigs su bcad pa de dag bka' stsal pa'i phyir ro/ /'di skad du bzod pa dang ldan pa kho na dka' thub can yin gyi/ sems khro bas nyams pa la rlung dang chu dang rtsa ba dang 'bras bu za zhing lus skem pa dang/ ral pa dang lo ma dang shing shun dang/ /hral hrul gyon pa ni ma yin no zhes bshad pa yin no/ /'di ltar bzod pa dang ldan pas ni nyon mongs pa rnams gdung bar byed la/ cig shos kyis ni lus so/ /lus gdungs pa tsam gyis ni bde 'gro yang mi thob na thar pa lta zhig smos kyang ci dgos/ gang gi phyir/ de ltar bzod pa phan yon che ba de yi phyir/ /khyod kyis khro ba'i go skabs dbye mi bgyi/ /bzod pa'i yon tan gzhan yang bstan pa'i phyir/ /khro ba spangs pas phyir mi ldog pa nyid/ /ces bya ba la sogs pa smos te/ khro ba spangs pa gang gi dbang gis na 'dod pa'i khams sdug bsngal du ma dang 'brel bar 'ong bar mi 'gyur ba'i phyir mi ldog pa nyid kyang thob ste/ gnas 'di la ni sangs rgyas zhal gyis bzhes so/ /gnya' bo yin no zhes bya ba'i tha tshig ste/ ji skad du bcom ldan 'das kyis dge slong dag 'di lta ste/ khro ba spongs shig dang/ khyod phyir mi ldog pa'i gnya' bor gyur pa nga yin no zhes bya ba lta bu'o/ /de la bzod pa gang yin zhe na/ mi khro ba dang/ khro ba skyes na yang de'i mod kho na la zhi bar byed kyis zhe la 'dzin par mi byed pa gang yin pa'o/ /da la khro ba gang zhe na/ sems can dang sems can ma yin ba dag las mi 'dod pa nye bar 'bab pa da ltar byung ba la brten nas/ sems gtum pa gang yin pa ste/ tshig pa za ba zhes kyang bya'o/ /bdag ni 'dis spyos zhes bya ba la sogs pas ni bzod pa khon ston to/ /kho na du 'dzin pa'i yul rnam pa bzhi ste/ 'dis bdag spyos so/ /'dis bdag gtags so/ /'dis bdag pham par byas so/ /'dis bdag gi nor phrogs so zhes de ltar khon du 'dzin cing de ltar gzhan gyis gnod pa byas pa zhe la 'dzin na khro ba'i nyes rtsom 'khrug long rnams skyed do/ /gang gi sems la de lta bur 'dzin pa med cing khon du 'dzin pa rnam par spangs pa de ni sems kyi sdug bsngal med pa'i phyir/ / @82a @#/ /bde bar gnyid kyis log gi /cig shos ni sems sdug bsngal bar 'gyur ba'i phyir sdug bsngal zhing gnyid kyis log go/ /da ni sems can chu dang zhes bya ba la sogs pas/ sems can so so'i skye bo thams cad la yang ji skad bshad pa'i dge ba dang mi dge ba'i sems dag kun du 'byung bas/ de la khyod kyis dge ba la ni sems brtan par byas la/ mi dge ba la ni sems mi brtan par bya'o zhes bya ba de ston par byed do/ /sems can thams cad ni chu la ri mo bris pa lta bu dang/ sa la ri mo bris pa lta bu dang/ rdo la ri mo bris pa rnam pa gsum ste/ de ltar sems can rnam pa gsum du rig par bya'o/ /chu la ri mo bris pa lta bu yang kha cig ni mi dge ba la'o/ /kha cig ni dge ba la ste/ rdo la ri mo bris pa'i bar yang de dang 'dra'o/ /de'i nang na nyon mongs pa can rnams la ni dang po ste/ /chu la ri mo bris pa lta bu mchog yin la/ chos 'dod pa rnams kyi nang na ni tha ma ste/ rdo la ri mo bris pa lta bu mchog yin no/ /de bas na khyod kyis mi dge ba la ni chu la ri mo bris pa lta bur byas la/ dge ba la ni rdo la ri mo bris pa lta bur bya'o snyam du dgongs pa yin no/ /ji ltar sems can rnams kyi sems rnam pa gsum yin pa de bzhin du ngag kyang rnam pa gsum mo zhes bstan pa'i phyir/ rgyal bas snying la 'bab pa dang/ /zhes bya ba la sogs pa smos te/ rgyal bas tshig rnam pa gsum bka' stsal to zhes bya bar sbyar ro/ /de dag gang zhe na/ sbrang rtsi me tog mi gtsang lta bu'i tshig /ces bya ba smos so/ /de dag kyang su'i yin zhe na/ snying la 'bab dang bden pa dang/ /log par smra ldan skyes bu rnams kyis ni/ /zhes bya ba la sogs pa smos so/ /tshig snyan pa ni sbrang rtsi lta bu yin no/ /de nyid kyi phyir snying la 'bab cing dga' bar byed pas na snying la 'bab pa zhes bya'o/ /tshig bden pa ni me tog lta bu ste/ bsngags par bya ba yin pa'i phyir ro/ /tshig log pa ni mi gtsang ba lta bu ste/ smad pa'i phyir tshig gsum po de dag gi nang nas/ tshig tha ma ni mi gtsang ba lta bu ste/ de khyod kyis spang bar bya'o zhes bya ba'i tha tshig go/ /sems can 'khor ba na 'khor ba rnams kyi spyod pa rnam pa bzhi ste/ de bas na khyod kyi spyod pa mchog la @82b gnas par bya'o zhes de la sbyar ba'i phyir/ snang nas snang ba'i mthar thug ces bya ba la sogs pa smos te/ mdo las ni snang ba las snang ba'i mthar 'gro ba zhes 'byung ngo/ /de la snang nas snang ba'i mthar thug ces bya ba ni lha dang mi'i dbang thang chen po rnams kyi nang du skyes nas yang de nyid du skye ba gang yin pa'o/ /mun pa nas mun pa'i mtha' zhes bya ba ni ngan 'gro 'am mi dbang thang chung du rnams kyi nang du skyes nas yang de nyid du skye ba gang yin pa'o/ /snang nas mun mthar thug ces bya ba ni lha dang mi dbang thang chen po rnams kyi nang du skyes nas/ ngan song gsum dang mi dbang thang chung ba rnams kyi nang du skye ba gang yin pa ste dper na 'jungs dga' lta bu'o/ /mun nas snang ba'i mthar thug ces bya ba ni ngan song gsum dang mi dbang thang chung du rnams kyi nang du skyes nas lha'i 'jig rten dang mi dbang thang chen po rnams kyi nang du skye ba gang yin pa ste/ dper na lha'i bu sbal pa lta bu'o/ /de dag ni gang zag bzhi ste/ de dag gi nang nas dang po mdzad de snang ba nas snang bar 'gro bar mdzod cig ces bya ba'i don to/ /da ni khyim pa rnams ni sems can mang po dang 'grogs dgos te/ de bas na de dag la ji ltar rigs par bsgrub par bstan pa'i phyir/ de dag gi spyod pa'i khyad par bstan pa la/ mi ni a mra'i 'bras bzhin zhes bya ba la sogs pa smos so/ /a mra'i 'bras bu ni rnam pa bzhi ste/ la la ni ma smin yang phyi rol nas smin pa lta bur snang ngo/ /la la ni smin yang sngon po'i ngo bo dang ma bral bas ma smin pa lta bur snang ngo/ /la la ni ma smin la ma smin pa nyid du snang ngo/ / la la ni smin la smin pa nyid du snang ngo/ /de dang 'dra bar gang zag kyang rnam pa bzhir rig par bya ste/ de la dang po ni bsam pa nyams la sbyor ba phun sum tshogs pa yin no/ /gnyis pa ni sbyor ba nyams la bsam pa phun sum tshogs pa yin no/ /gsum pa ni gnyi ga nyams pa yin no/ /bzhi pa ni gnyi ga phun sum tshogs pa yin no/ /de khyim pa rnams la ni 'dod pas log par g.yem pa spang dka' ba'i phyir/ de yang gzhan gyi chung ma mthong ba sngon du 'gro ba can yin pas de las bzlog pa'i phyir/ gzhan gyi chung ma mi lta zhes bya ba la sogs pa smos te/ mdo las ni btsun pa bud @83a @#/ /med la ji ltar bsgrub par bgyi zhes gsol ba dang/ kun dga' bo/ /mi lta bas so zhes bka' stsal to/ /'dir ni khyim ba'i skabs yin pas gzhan gyi chung ma zhes bshad do/ /'on te ji ltar mthong bar gyur na/ de la yang ma dang bu mo dang/ sring mo'i 'du shes bskyed par bya'o; /de yang bab col du ma yin gyi/ 'on kyang na tshod dang mthun par ro/ /de ltar bsams kyang gal te 'dod chags skye ba lta na chags pas chags par gyur na bud med de la dri nga ba dang sgo dgu dod pa dang zhes bya ba la sogs pa ji skad 'chad par 'gyur ba lta bur mi gtsang ba nyid du 'ang yang dag par bsam par bgyi'o/ /gal te mi gtsang ba nyid du bsams su zin yang gtsang ba'i sems byung na/ de'i tshe ji ltar bya zhe na sems bsrung bar bya'o zhes bstan pa'i phyir ro/ /g.yo ba'i sems ni thos mtshungs bu lta bur/ /zhes bya ba la sogs pa smos te/ 'di skad du/ ji ltar 'jig rten na thos pa la sogs pa don chen po nyid kyis bsrung ba de kho na bzhin du khyod kyis sems bsrung bar bya'o zhes bshad pa yin no/ /'dir yang bsrungs na bde ba thob par 'gyur te/ bcom ldan 'das kyis 'di skad du/ /sems dul ba ni bde ba 'thob/ /ces gsungs ba lta bu'o/ gzhan yang gdug pa la sogs pa bzhin du 'dod pa'i bde ba dag la yid 'byung bar gyis shig /de la gdug pa ni sbrul lo/ /de ni ma rungs pa nyid kyis yid 'byung ba'i rgyu yin pas so/ /dug ni gsod par byed pa'i bdag nyid kyis so/ /mtshon ni sdug bsngal bskyed pa'i rgyu nyid kyis so/ /dgra ngo ni bde ba'i gegs byed pa'i rgyu nyid kyis so/ /mi ni gdung bar byed pa'i rgyu nyid kyis so/ /yul rnams kyang bdag dang gzhan la gnod pa'i rgyu nyid kyis gdug pa bzhin du ma rungs pa yin no/ /dge ba'i las chud gzon par byed pa nyid kyis dug bzhin du gsod par byed pa'i bdag nyid yin no/ / ngan song 'dren par byed pa'i phyir mtshon bzhin du sdug bsngal bskyed pa'i rgyu yin no/ /lha dang mi'i phun sum tshogs pa thag srid par byed pa'i phyir dgra bo bzhin du bde ba'i gegs byed pa'i rgyu yin no/ /'gyod pa bskyed pa'i phyir me bzhin du gdung bar byed pa'i rgyu yin no/ /de bas na 'dod pa'i @83b bde la yid 'byung mdzod/ /gzhan yang 'dod pa rnams ni phung ba skyed par byed pa ste/ de'i phyir yang 'dod pa'i bde ba dag la yid 'byung bar gyis shig /yang na ci'i phyir 'dod pa'i bde ba nyams su myong ba dag la gdug pa la sogs pa bzhin du yid 'byung bar bya zhe na/ 'dod pa rnams ni phung ba skyed pa ste zhes bya ba la sogs pa smos so/ /ni zhes bya ba'i sgra ni gang gi phyir zhes bya ba'i don to/ /de dag ni nye bar spyod pa'i dus na bde ba skyed mod kyis/ 'on kyang mjug tu phung bskyed par byed pa kho na yin pas mkhas pa rnams kyis kha zas dug can bzhin spang bar bya ba kho na yin no/ /'di ltar 'dod pa rnams ni dang po dga' bar byed pa nyid kyi phyir dang tha mar yongs su gdung bar byed pa nyid kyi phyir/ rgyal ba'i dbang pos kimpa'i 'bras 'drar gsungs/ /dper na kimpa'i 'bras bu shun pa tsam zhig bzang gi nang ngan pa dang 'dra'o/ /gzhan yang 'dod pa rnams ni 'khor bar 'ching pa'i rgyur gyur pa'i phyir yang spang bar bya ba kho na yin no zhes de ston par byed de/ de'i lcags sgrog gis 'khor ba'i btson rar 'jig rten 'di dag bcings zhes bya ba ni yul gyi lcags sgrog gi 'khor ba'i btson rar sems can gyi 'jig rten 'di bcings so zhes bya ba yin no/ /da ni gang zhig dbang po tshar gcod par byed pa de sngags pa'i sgo nas de la sran bskyed pa'i phyir/ gang dag dbang po drug yul rnams la ni/ /zhes bya ba la sogs pa smos te/ yul dang phrad nas 'gyur ba'i phyir de la mi brtan pa zhes bya'o/ /yul la mngon par 'dod pa nyid kyis g.yo ba yin no/ /gang dag ci dbang po drug po de dag las rgyal bar byed pa dang gang dag cig 'thab mo'i g.yul ngor dgra'i tshogs las rgyal bar byed pa de dag las mkhas shing mdzangs pa rnams ni/ dang po dbang po las rgyal bar byed pa gang dag yin pa dpa' rab legs par 'tshal te 'dod do zhes bya ba'i tha ftshig go; /'di ltar dud 'gro yang g.yul las rgyal bar snang ste/ de dag gis dbang po las rgyal bar bya bar mi nus so/ /gang yang mi gtsang ba nyid du 'ang yang dag bsam par bgyi zhes bshad pa de bstan pa'i phyir/ bud med gzhon nu'i lus ni logs shig tu/ /zhes bya ba @84a @#/ /la sogs pa smos so/ /de la lus zhes bya ba'i sgra ni lus dri nga ba zhes bya ba la sogs pa'i tshul du re re dang sbyar bar bya'o/ /'dir lus ni dri ra ba dang/ /dbyibs dang/ mi gtsang ba'i rten dang ngoms mi shes pa dang/ khong na snying po med pa'i sgo nas bzang po ma yin pa rnam pa lnga smos so/ /de bas na bud med gzhon nu'i lus 'di lta bu yang logs shig tu ltos la/ rgyan yang logs shig tu ltos shig dang de nas 'dod chags kyi me zhi bar 'gyur gyi/ gang gi tshe rgyan rnams dang/ lus gcig tu zlum ste bltas pa de'i tshe ni 'dod chags kyi me mched pa kho nar 'gyur bas khyod kyis de ltar blta bar mi bya'o snyam du dgongs pa yin no/ /gzhan yang ngoms par bya ba'i phyir lus la nye bar spyod par 'dod na/ 'dod pa rnams la ni bskal pa brgya phrag tu yang ngoms pa med pas de dag bsten te ci bya zhes bstan pa'i phyir/ ji ltar mdze can srin bus nyen pa na/ / zhes bya ba la sogs pa smos so/ /ji ltar mdze can srin bus btsugs pa bsal ba'i phyir mi bsten kyang zhi bar mi 'gyur ba de bzhin du byis pa dag 'dod pa'i gdung ba bsal ba'i phyir yul rnams bsten kyang ngoms par mi 'gyur gyi rnam par nyams par 'gyur ba 'ba' shig tu zad de/ 'di ni re zhig 'dod pa'i 'dod chags rnam par gnon pa'i sbyor ba bshad pa yin no/ /'di tsam gyis ni de kun du 'chad pa ma yin pas khyod de kun du gcad par 'dod na lam 'di bsgom par bya'o zhes bstan pa'i phyir ro/ /don dam gzigs par bgyi slad dngos rnams la/ /zhes bya ba la sogs pa smos te; don dam par ni chos rnams kyi ngo bo nyid phyin ci ma log pa'o/ /de mthong bar bya ba'i phyir te/ de'i yul can gyi ye shes bskyed pa'i phyir zhes bya ba'i don to/ /dngos rnams la/ tshul bzhin yid la bgyid pa de/ /zhes bya ba ni gzugs la sogs pa phung po'i dngos po rnams la dmigs nas chul bzhin yid la byed pa ste/ don dam pa'i ye shes skye ba dang/ mthun pa'i yid la byed pa zhes bya ba'i tha tshig go/ /'dir yid la byed pa smos pas ni sems dang sems las byung ba'i tshogs mtha' dag bzung ste/ 'dir gtso bo bstan pa mdzad pa yin no/ /yid la bya ba de @84b goms mdzod/ /ces bya ba ni phyin ci ma log pa'i tshul du yang dang yang mngon du byas nas mnos shig ces bya ba'i to/ /de ltar bsgoms te ci zhig bya zhe na/ de dang 'dra bar yon tan ldan pa yi/ /zhes bya ba la sogs pa smos so/ /don dam pa'i ye shes bskyed cing nyon mongs pa nye bar zhi ba'i rim gyis sems can rnams mya ngan las 'da' ba'i bde ba dang sprod par byed pa gang yin pa 'di ni yon tan dang ldan pa'i chos yin te/ 'di dang 'dra ba'i chos gzhan ni 'jig rten na 'ga' yang med pas 'di kho na chos thams cad pas yon tan dang ldan pa yin no/ /yid la byed pa de yang nges par 'byung ba'i cha dang mthun pa'i gnas skabs na mi rtag pa dang/ sdug bsngal ba dang/ stong pa dang bdag med pa'i rnam pa can yin par rig par bya ste/ de ni 'phags pa'i lam skye ba dang/ mthun pa yin no/ /da ni shas rab 'di'i cha ba'i bdag nyid brjod pa'i phyir/ skyes bu rigs gzugs thos dang fldan rnams kyang/ /zhes bya ba la sogs pa smos te/ rigs dang ldan ba rgyal rigs shing sA la chen po lta bu la sogs par skyes pa dang ldan pa gang dag yin pa dang/ gzugs dang kha dog dang/ dbyibs dang mtshan phun sum tshogs pa gang dag yin pa dang/ thos pa dang ldan pa bstan bcos thams cad la 'jigs pa med pa gang dag yin pa de dag kyang gal te ji skad bshad pa'i shes rab dang tshul khrims dang bral ba 'jig rten na bkur ba ma yin zhing/ gus par bya ba ma yin la/ yid brtan par bya ba yang ma yin gyis/ rigs la sogs pa med du zin kyang shes rab dang tshul khrims dang ldan na mchod par bya ba kho na yin pas/ 'di kho na la 'bad par bya'i/ rigs la sogs pas nga rgyal ni mi bya 'o snyam du dgongs pa yin no/ /'jig rten mkhyen pa rnyed dang ma rnyed dang/ /zhes bya ba la sogs pas ni 'phags pa'i lam skye ba dang mthun pa kho na ston par byed do; /'jig rten gyi chos la gnas pa la 'phags pa'i lam skye ba med pa'i phyir/ 'dis gdon mi za bar 'jig rten gyi chos rnams la mnyam pa nyid rnyed do/ /'dir 'jig rten gyi chos ni rnyed pa ma rnyed pa la sogs pa la dmigs pa'i yid bde ba dang yid mi bde ba yin gyi/ rnyed pa la @85a @#/ /sogs pa ni ma yin te/ 'phags pa rnams la yang mnga' ba'i phyir ro/ /de lta bas na dmigs pa'i dbang gis 'jig rten gyi chos rnam pa brgyad nyid yin par rig par bya'o/ /de la mi snyan pa dang smad pa ni lkog dang lkog ma yin pa'i bye brag las rig par bya'o; /'jig rten gyi chos brgyad po 'di dag mgo snyoms mdzod ces bya ba ni yid bde ba dang yid mi bde ba ma bskyed ces bya ba'i tha tshig go/ /de nyid kyi yid kyi yul ma yin par 'gyur te/ /gang gi phyir de dag gi gzhi can gyi nyon mongs pa 'di'i sems 'khrug par byed pa rnams skye bar 'gyur ba lta bur; rnyed pa dang ma rnyed pa la sogs pa 'di yul gyi dngos por mi 'gyur ro/ /gzhan yang 'jig rten na chos ma yin pa yang chos su grags te/ de las ldog pa'i phyir ro/ /khyod kyis bram ze dge slong lha dang ni/ /zhes bya ba la sogs pa smos te/ khyod kyis dge slong dang bram ze dang lha dad mgron dang ma la sogs pa 'di dag gi don du sdig pa mi bya'o/ /ci'i phyir zhe na/ dmyal ba'i rnam smin skal nod 'ga' ma mchis/ /zhes bya ba smos te/ 'di dag gi don du sdig pa byas pa yang khyod kho na dmyal ba'i sdug bsngal dang sbyor bar byed kyis/ ma la sogs pa de dag dmyal ba'i sdug bsngal gyi skal pa len par mi byed do/ /gal te bram ze la sogs pa'i don du sdig pa byas pa rnam par smin pa mi 'dod pa can du gyur na/ ci'i phyir de'i mod la rnam par smin par mi 'gyur snyam du sems na/ sdig pa'i las rnams spyad pa 'ga' yang ni/ /zhes bya ba la sogs pa smos te/ 'di skad du sdig pa'i las kyis de'i mod kho na la mtshon cha bzhin du gcod par mi byed mod kyi/ 'on kyang 'chi ba'i dus la bab pa na sdig pa'i las kyi 'bras bu mngon par 'gyur ro zhes bshad pa yin no/ /dus de'i tshe dge ba dang mi dge ba'i las gang byas pa de mngon du 'gyur te/ dper na phye ma red kyi dus su ri brtsegs pa rnams kyi grib so 'bab pa lta bu yin no/ /de mthong nas kha cig ni bzhin mdangs gsal bzhin du 'chi 'o/ /gzhan dag ni bzhin gyi mdog ngan par gyur nas 'chi'o/ /de dag kho na la dmigs nas 'chi 'pho ba'i sems kyi mjug thogs su nyid mtshams sbyor ba'i sems 'byung @85b ste; /de'i tshe na las kyi rnam par smin pa smin par 'gyur ro/ /'bras bu ni rnam par smin pa'o/ /de ltar 'jig rten gyi chos rnams dang phul te/ 'phags pa'i chos la dgongs par bzhed nas dad dang tshul khrims zhes bya ba la sogs pa smos so/ /de la dad pa ni las dang 'bras bu dang bden pa dang dkon mchog la mngon par yid ches pa'o/ /tshul khrims ni mi dge ba spong ba yang dag par len pa'o/ /de yang sngom pa rnam par brgyad du rig par bya'o/ /'di lta ste/ dge slong gi sdom pa dang/ dge slong ma'i sdom pa dang/ dge sbyong gi sdom pa dang/ dge sbyong ma'i sdom pa dang/ dge bsnyen gyi sdom pa dang/ dge bsnyen ma'i sdom pa dang/ bsnyen gnas kyi sdom pa'o/ /gtang ba ni mchod pa dang phan 'dogs par 'dod pas ci rigs par dngos po gtong ba gang yin pa'o/ /thos pa ni dge ba'i bsam pas thar pa dang/ mthun pa'i chos mnyan pa dang 'dzin pa'o/ /dri med ces smos pas ni thos pa rnam par byang ba nyid du ston to/ /ngo tsha shes pa ni bdag gi dbang du byas nas/ kha na ma tho bas 'dzem pa gang yin pa'o/ /khrel yod pa ni gzhan gyi dbang du byas nas kha na ma tho bas mdzem pa gang yin pa dang/ shes rab ni chos rnams kyi rang dang spyi'i mtshan nyid rab tu rnam par 'byed par zhugs ba gang yin pa'o/ /de dag ni nor bdun lags par thub pas gsungs te/ zag pa med pa'i bde ba'i rgyu yin pa'i phyir dang thun mong ma yin pa'i phyir ro/ /gser la sogs pa 'jig rten na grags pa'i nor gzhan ni/ don ma mchis shing gsob dang yam bral ste/ nyon mongs pa nye bar zhi ba'i rgyu ma yin pa'i phyir dang/ thun mong yin pa'i phyir ro/ /de ltar 'phags pa'i nor bsags par bshad nas de chud mi za ba'i thabs/ rgyan po 'gyed dang zhes bya ba la sogs pa smos so/ /de la rgyan po 'gyed pa ni cho lo 'i rgyan po 'gyed pa la sogs pa rnam pa du ma'o/ / 'dus pa la lta ba ni dga' ston la sogs pa la skye bo phal po che 'dus pa'o/ /le lo ni dge ba byas pa dag la mi spro ba'o/ /sdig pa'i grogs po ni gang zag gang la brten nas dge ba la mi 'jug la mi dge ba la ni 'jug par 'gyur ba'o/ /chang ni bcos pa'i chang dang sbyar ba'i chang ngo/ / @86a @#/ /mtshan mo rgyu ba ni nyi ma nub pa dang khyim gzhan dang grong gzhan la sogs par 'gro ba'o/ /drug po de dag ni ngan song ba yin ta/ de dag la brten nas longs spyod dang/ 'tsho ba dang dge ba'i chos nyams par 'gyur ba'i phyir ro/ /ngan song gi rgyu la ngan song zhes bya ba ste/ dper na na sman la tshe zhes bya ba lta bu'o/ /mdo las ni khyim bdag gi bu drug po 'di dag ni ngan song gi sgo yin no zhes gsungs te/ der ni rgyu'i don yin par gsal ba kho nar go'o/ /grags pa nyams par 'gyur ba zhes bya ba 'dis ni de dag gi nyes dmigs gzhan ston to/ /gang gi phyir de ltar yin pas de dag lhag par spyod pa yongs su spang ba'i sgo nas spongs shig /yang phyi'i nor gyi gnyen por kun nas nyon mongs pa med pa'i thabs gzhan bstan pa'i phyir/ nor rnams kun gyi nang na zhes bya ba la sogs pa smos te/ gser la sogs pa phyi'i nor thams cad pas ni chog shes pa'i nor rab mchog ste/ khyad par du 'phags pa yin par gsungs so/ /sus shes na lha mi'i ston pas te/ sangs rgyas bcom ldan 'das kyis zhes bya ba'i tha tshig go/ /gang gi phyir bcom ldan 'das kyis de skad du gsungs pa de'i phyir de bzhin gshegs pa'i bka'i rjes su 'brangs pa khyod kyis chog shes par gyis shig snyam du dgongs pa yin no/ /chog shas pa la yon tan ci zhig yod ce na/ chog mkhyen na/ nor mi bdog kyang yang dag 'byor pa lags/ /zhas bya ba smos te/ na zhes bya ba ni gang gi phyir zhes bya ba'i don to/ /nor mi bdog pa ni gser la sogs pa'i nor med pas so/ /de yang chog shes pas yang dag par 'byor pa yin te/ nor gyi 'bras bu ni chog shes pa yin pa'i phyir/ gal te nor med du zin kyang chog shes na dbul bzhin du yang nor dang ldan pa kho na yin par rig par bya'o/ /chog shes pa yang gang yin zhe na/ gang zhig 'das pa la rjes su mya ngan mi byed/ ma'ongs pa la mngon par 'dod pa mi byed/ da ltar byung ba lta lhag par chags pa med pa de'i chos gang yin pa ste/ des na 'di la chog shes pa zhes bya'o/ /de ltar chog shes pa'i yon tan bshad nas/ chog mi shes pa rnams kyi nyes dmigs bstan pa'i @86b phyir; des pa bdog mang zhes bya ba la sogs pa smos te/ des bzhes bya ba ni bod pa yin no/ /snod spyod pa la sogs pa yo byad mang po bdog pa rnams ji ltar bsrung ba dang sba ba la sogs pa dang/ chud zos na yang sdug bsngal skye ba ltar yo byad mang po mi bdog pa rnams la ni de ltar ma yin no/ / ji ltar shes she na/ klu mchog rnams kyi mgo bo ji snyed pa/ /zhes bya ba la sogs pa smos te/ dper na klu gang la mgo bo bdun yod pa de la de dag las byung ba'i sdug bsngal yang de snyed kho na yod la/ gang la gsum yod pa de la ni ches nyung du yod/ gang la gcig yod pa de la ni ches shin tu nyung du yod pa de bzhin du/ bdog pa'i khyad par gyis bsdug bsngal gyi khyad par rig par bya'o/ /khyim na gnas pa rnams la bud med yongs su bzung ba mi 'gal ba'i phyir de dag gi skyon dang yon tan dpyad pas kun nas nyon mongs pa med pa'i thabs bstan pa'i phyir/ rang bzhin dgrar 'brel zhes bya ba la sogs pa smos te/ rang bzhin gyis dgra dang 'brel zhing ldan pa zhes bya ba'i tha tshig go/ /chung ma de 'dra ba ni gshed ma lta bu yin te/ de bas na spang bar bya'o/ /de las rang bzhin gyis dgra ni gang zhig skyes pa gsod par 'dod pa'o/ /khyim thab brnyas bgyid ces bya ba ni khyod la brnyas pa byed pas na khyim thab brnyas bgyid de/ bud med de 'dra ba ni jo mo dang mtshungs pas de yang spang bar bya ba kho na yin no/ /chung ma gang zhig chung ngu rku ba de yang chom rkun ma lta bu yin pas spang bar bya ba kho na yin no/ /'o na chung ma ci 'dra ba cig blang bar bya zhe na/ sring mo lta bur rjes mthun zhes bya ba la sogs pa smos te/ ji ltar sring mo ming po'i rjes su mthun zhing de'i tshig khyad du mi gsod pa de bzhin du/ chung ma khyo'i rjes su mthun pa gang yin pa de ni bkur ba yin no zhes bya bar sbyar ro/ /ji ltar mdza' bo mdza' mo'i snying la 'bab cing rim gror bya ba'i khyad par de dang des snying dga' ba de bzhin du/ khyo'i snying la 'bab pa'i chung ma gang yin pa de yang bkur ba kho na yin no/ /ji ltar ma bu la lus dang sems kyi sdug bsngal dang bral bar 'dod pas phan par 'dod cing phan par 'dod pa'i ngang tshul can yin pa de bzhin du khyo la phan par 'dod pa'i chung ma gang yin pa de yang bkur pa kho @87a @#/ /na yin no/ /bran mo bzhin du dbang bsgyur gang yin pa ste ji ltar bran mo dga' mgur byar yod pa nyid kyi dbang du 'gyur ba de bzhin du khyo'i dbang du 'gyur ba'i chung ma gang yin pa de ni bkur ba kho na yin no/ /chung ma bzhi po de dag ni rigs kyi lha zhes bya ste/ rigs mi nyams pa'i rgyu yin pa'i phyir ro/ /'di man chad ni ting nge 'dzin la sbyar ba'i phyir/ bsam gtan gyi sbyor ba ston to/ /bsam gtan la gces pa'i chos ni gnyis te/ zas kyi tshod zin pa dang/ mi nyal bar brtson pa'o/ /de la re zhig zas kyi tshod zin pa'i dbang du byas nas/ kha zas sman dang 'dra bar rigs pa yis/ /zhes bya ba la sogs pa smos te/ lus ni rma lta bu yin pa'i phyir ro/ /dper na sman ha cang yang nyung du ma yin ha cang mang po yang ma yin par btang na/ de lta na phan thogs par 'gyur ba de bzhin du zas kyang ha cang nyung du yang ma yin ha cang mang po yang ma yin par bstan par bya ste/ de lta na lus kyang bstan par 'gyur la/ gnod pa yang bskyed par mi 'gyur ro/ /don 'di nyid rigs pa yis zhes bya ba 'dis ston par byed do/ /'dod chags zhe sdang med par bsten bgyi ste/ /zhes bya ba ni de tsam du bza' ba gang yin pa de yang 'dod chags dang zhe sdang dag dang ma 'brel bar bya'o zhes bya ba'i don to/ /ji ltar zhe na de bsten pa yang/ rgyags phyir ma lags zhes bya ba la sogs pa smos te/ rgyags par 'dod pa gang zhig rgyags par bya'o snyam pa dang 'tshag par bya'o snyam nas zas za ba gang yin pa de ni 'dod chags kyis za ba yin no/ /gang zhig bsnyems pa'i phyir za ba de ni/ bsnyems pa'i 'bras bu de ni gzhan la gnod par byed pa yin pa'i phyir zhe sdang gis za ba yin no/ /de la rgyags pa ni 'dod chags kyi rgyu lus dang sems kyi 'gyur ba 'ga' kho na yin no/ /'tshag ni yan lag dang nying lag rgyas pa'o/ /bsnyems pa ni nyams stobs so/ /de dag med par lus gnas pa 'ba' zhig gi phyir te/ srog gi dbang po yongs su gzung ba'i phyir zhes bya ba'i tha tshig go/ /mi nyal bar brtson pa'i dbang du byas nas rigs pa'i bdag nyid ces bya ba la sogs pa smos te/ de la rigs pa'i bdag nyid ni dge ba la mngon par @87b brtson pa la bya'o/ /dge ba la sbyor bas nyin par mtha' dag 'das nas te/ 'das par byas nas so/ /yongs su rdzogs par byas nas zhes bya ba'i tha tshig ste/ bcom ldan 'das kyis ji skad du/ nyin par 'chag pa dang/ 'dug pa dag gis sgrib par 'gyur ba'i chos rnams las sems yongs su sbyong bar byed do/ /yongs su sbyangs nas zhes gsungs pa lta bu yin no/ /mtshan mo'i thun gyi stod smad ces bya ba ni rigs pa'i bdag nyid kyis nyin mo kho na 'da' ba 'ba' zhig tu ma zad do/ /'o na ci zhe na/ rigs pa'i bdag nyid kyis mtshan mo yang cha stod dang cha smad 'das nas te/ bcom ldan 'das kyis ji skad du mtshan mo'i thun dang po la 'chag pa dang/ 'dug pa dag gis sgrib par 'gyur ba'i chos rnams las sems yongs su sbyong bar byed do/ /yongs su sbyangs nas thun par ma la gtsug lag khang gi phyi rol du rkang pa bkrus te/ gtsug lag khang du zhugs nas glo g.yas ba phab ste/ rkang pa'i thog tu rkang pa bzhag la/ dran pa dang ldan zhing shes bzhin du seng ge'i gzims thabs su nyal bar byed do/ /de thun tha ma la myur ba myur bar langs nas 'chag pa dang 'dug pa dag gis sgrib par 'gyur ba'i chos rnams las sems yongs su sbyong bar byed do zhes gsungs pa lta bu yin no/ /de dag bar du mnol zhes bya ba ni thun dang po dang thun tha ma dag gi bar gyi thun gang yin pa der nyol cig ces bya ba'i tha tshig go/ /de yang gyi na nyal bar bya ba ma yin no/ /'on kyang ring por mi thogs par langs la dge ba bya'o snyam pa'i dran pa dang ldan par bya ste/ de lta bu'i dran pa nye bar bzhag nas zhes bya ba'i don to/ /ci'i phyir zhe na/ mnal tshe'ang zhes bya ba la sogs pa smos te/ 'di skad du lus dge ba la sbyor bzod par byas nas langs te/ dge ba bya'o snyam pa de lta bus nyal ba ni gnyid log kyang dge ba'i sems pa sngon du gtong ba'i phyir/ dge ba kho na skye bar 'gyur bas dus de na yang tshe don med par mi 'gyur ro zhes bshad pa yin no/ /de ltar lus dang sems las su rung bar byas nas/ bsam gtan gyi spyor ba'o zhes bstan pa'i phyir/ byams dang zhes bya ba la sogs pa smos te/ byams pa la sogs pa ni bsam gtan @88a @#/ /gyi sbyor ba yin te/ de dag la goms pas bsam gtan dang po la sogs pa skye ba'i phyir ro/ /de la byams par byed pas na byams pa ste/ sdug par byed ces bya ba'i don to/ /snying rje bar byed pas ni snying rje ste/ sdug bsngal bar mi byed ces bya ba'i don to/ /dga' bar byed pas na dga' ba ste/ rangs par byed ces bya ba'i don to/ /rigs par lta bas na btang snyoms te/ phyogs su ma lhung bar lta zhes bya ba'i don to/ /byams pa gang yin zhe na/ sems can rnams la bde ba dang sprod pa'i rnam par zhugs pa'o/ /snying rje ni sdug bsngal dang bral ba'i rnam par zhugs pa'o/ /dga' ba ni bde ba dang mi 'bral ba'i rnam par zhugs pa'o/ /btang snyoms ni bar ma gnas pa'i rnam par zhugs pa ste/ byams pa la sogs pa'i chos bzhi po de dag rtag tu bsgom par bya'o/ /de la re zhig byams pa bsgom par 'dod pa ni tshul khrims yongs su sbyangs nas/ phyogs dben pa zhig tu stan bde ba la 'dug cing sangs rgyas la sogs pa'i yon tan rjes su dran pas sems bzang po bskyed de/ gang zag yon tan dang ldan pa bkur sti bya bar 'os pa/ bla ma lta bu'i gnas zhig la dad pa bskyed nas skyes bu dam pa 'di bde bar gyur cig snyam pa'i yid la byed pa 'jug par byed de/ ji srid du 'di'i sems chung du byung ba de srid du 'jug par byed do/ /de nas gang zag sdug pa la sems gtod par byed de/ de la yang ji srid du 'di la gang zag snga ma dang mnyam pa'i sems skyes pa de srid du sems gtod par byed do/ /de nas gang zag tha ma la gtod par byed de/ de srid du gang zag tha ma gnyis dang mnyam pa'i sems skyes pa de srid du gtod par byed do/ /de nas gang zag mi sdug pa la sems gtod par byed de/ de la yang de srid du gtod par byed do/ /gal te 'di la gang zag sha khon can zhig yod na de la 'di bde bar gyur cig snyam pa'i sems skyed par byed de/ de la yang ji srid du snga ma dag dang lhan cig tu snyam pa'i sems skyes pa de srid du skyed par byed de/ 'di tsam gyis na 'di'i byams pa'i sems kyis rnam par grol ba mtshams tha dad pa bsgom pa yin no/ /de phyin chad ni phyogs khyab par byed pa'i dbang gis @88b yid la byed par rig par bya ste/ bcom ldan 'das kyi ji skad du de byams pa dang ldan pa'i sems kho na med pa 'gran zla med pas phyogs gcig tu mos nas khyab par bya ste/ rdzogs par byas nas gnas so zhes bya ba'i bar rgyas par gsungs pa lta bu yin no/ /snying rje ni gang zag sdug bsngal ba mgon med pa skyabs med pa la dmigs nas rim pa 'di nyid kyis 'jug par bya'o/ /dga' ba ni gang zag sdug pa la dmigs nas rim pa 'di nyid kyis bsgrub par bya'o/ /btang snyoms ni gang zag tha mal pa la dmigs nas rim gyis sems can thams cad la 'jug par bya ste/ de ltar rtag tu byams pa dang/ snying rje dang dga' ba dang btang snyoms bsgom par bya'o/ /yang byams pa la sogs pa de ltar bsgoms pa rnams kyi 'bras bu ci zhig yin zhe na/ /gong ma zhes bya ba la sogs pa smos te/ 'di skad du byams pa la sogs pa de ltar bsgoms pas ni mya ngan las 'das pa 'thob par 'gyur ro/ /'on te ji zhig ltar mya ngan las 'das pa ma thob na 'on kyang tshangs pa'i 'jig rten bde ba thob par 'gyur/ gzugs kyi khams su 'dod pa'i khro ba'i yongs su gdung ba dang bral ba'i bsam gtan skyon med pa zhi ba nyams su myong bar 'gyur ro zhes bshad pa yin no/ /de ltar byams pa la sogs pa yongs su grub pas bsam gtan bzhi 'thob po zhes bstan pa'i phyir/ 'dod spyod ces bya ba la sogs pa smos so/ /'di ltar rnam par spangs zhes bya ba'i sgras ni 'dod pa rnam par spangs pa dang/ spyod pa rnam par spangs pa dang/ dga' ba rnam par spangs pa dang/ bde ba dang sdug bsngal ba rnam par spangs pa zhes bya ba re re dang sbyar te/ da dag ni go rims bzhin du bsam gtan bzhi yin no/ /bsam gtan bzhi po de dag thob pas/ 'bras bu ci zhig thob par 'gyur zhe na/ rnam par smin pa'i 'bras bu bstan pa'i phyir/ tshangs dang 'od gsal zhes bya ba la sogs pa smos te/ bsam gtan dang po bsgoms pas ni tshangs ris kyi lha rnams dang skal ba mnyam par skye bar 'gyur ro/ /gnyis pas ni 'od gsal ba rnams dang ngo/ /gsum pas ni dge rgyas pa rnams dang ngo/ /bzhi pas ni 'bras bu che ba'i lha rnams dang @89a @#/ /skal pa mnyam par skye bar 'gyur ro/ /de la bsam gtan dang po la sogs pa 'dod pa rnam par spang ba la sogs pa ni mdo'i rjes su 'brang ba kho nas rig par bya'o/ spyod pa rnam par spangs pas ni rtog pa med pa yang bshad pa yin te/ gang na spyod pa med pa de na gdon mi za bar rtog pa yang med pas so/ /bde ba dang sdug bsngal rnam par spangs pas ni bde ba yang ma yin sdug bsngal ba yang ma yin pa'i tshor ba ston par byed do/ /da ni 'dod pa na spyod pa'i dge ba dang mi dge ba rnams kyi lci yang gi bye brag bstan pa'i phyir/ rtag dang mngon par zhen dang zhes bya ba la sogs pa smos te/ de la las kyi lci ba nyid ni rgyu bzhi po sbyor ba'i khyad par dang/ bsam pa'i khyad par dang/ gnyan po'i khyad par dang/ gzhi'i khyad par gyi sgo nas bshad do/ /de la sbyor pa'i khyad par ni las chung du la yang dus ring mo zhig tu sbyar ba'i phyir ro/ / las dus yun thung du yang nyon mongs pa dang/ rab tu dang ba drag po dang ldan pa'i bsam pa'i khyad par las lci bar 'gyur ro/ /las byas pa yang gnyen po stobs dang ldan pas zil gyis mnan na nyam chung dur 'gyur la/ las de nyid gnyen po med par gyur na stobs dang ldan par 'gyur ro/ /gzhi ni rnam pa gnyis te yon tan dang ldan pa dang/ phan 'dogs pa'o/ /de la yon tan dang ldan pa ni dkon mchog gsum dang/ gang zag 'gog pa las langs pa la sogs pa kha cig go/ /phan 'dogs pa ni pha dang ma dag dang gzhan yang phan pa khyad par can 'dogs pa dper na/ sha bkra ba dang dom dang spre'u la sogs pa lta bu'o/ /de ltar na dge ba dang mi dge ba'i las rnam pa lnga po de ni 'bras bu nges pa dang/ mang po 'byin pa'i phyir chen po ste/ de las khyod kyis mi dge ba yongs su spangs te/ dge ba spyad pa la brtson par bgyi'o/ /lan tshwa srang 'gas zhes bya ba la sogs pas ni/ las chung du ni mang po'i stobs dang ldan pas zil gyis gnon par 'gyur zhes ston par byed do/ /bsdus pa'i don ni de bas na/ khyod kyi dge ba ni nyung du mi dge ba ni mang du byas nas 'jigs pa med par yang mi bya la/ dge ba ni mang du mi dge @89b ba ni nyung du byas nas ha cang skrag par yang mi bya'o zhes bya ba yin no/ /yan lag gi don ni rtogs par sla'o/ /da ni rgong dang 'gyod dang zhes bya ba la sogs pas bsam gtan dang/ rnam par thar pa dang 'gal ba'i chos rnams ston par byed do/ /de dag 'bad de rnam par spang bar bya ba'i phyir ro/ /rgod pa dang 'gyod pa ni sgrib pa gcig yin no/ /gnod sems ni gnyis pa yin no/ /rmugs pa dang gnyid ni gsum pa yin no/ /'dod pa la 'dun pa ni bzhi pa yin no/ /the tshom ni lnga pa yin no/ /de dag ni sgrib pa lnga yin te/ bsam gtan dang rnam par thar pa'i lam la sgrib pa'i phyir ro/ /de la rgod pa ni sems rnam par ma zhi ba ste/ yid mi 'byung ba zhes bya ba'i tha tshig go/ /'gyod pa ni ngan par byas pa la dmigs pa'i sems la gcags pa ste/ phyis mi dga' ba zhes bya ba'i tha tshig go/ /gnod sems ni khong khro ba ste/ kun nas mnar sems kyi dngos po dgu la rig par bya'o/ /de la kun nas mnar sems kyi dngos po dgu ni 'di dag yin te/ bdag la gnod par byas so/ /byed do/ /byed par 'gyur ro zhes bya ba gsum tshan dang po dang/ bdag gi mdza' bo yid du 'ong ba phan par 'dod pa gang yin pa de la gnod par byas so/ / byed do; /byed par 'gyur ro zhes bya ba gsum tshan gnyis pa dang bdag dang mi mdza' ba yid du mi 'ong pa gnod par 'dod pa phan par mi 'dod pa gang yin pa de la phan par byas so/ /byed do/ /byed par 'gyur ro zhes bya ba gsum tshan gsum pa'o/ /kun nas mnar sems kyi dngos po bcu pa gnas ma yin pa zhes bya ba yang brjod do/ /kun nas mnar sems de ni sngon gyi khon dang 'brel pa las rig par bya'o/ /rmugs pa ni lus dang sems dag las su mi rung ba nyid do/ /gnyid ni gnyid log pa'o/ /'dod pa la 'dun pa ni 'dod pa rnams la 'dod chags pa'i dngos po gang yin pa ste/ sred pa dang mngon par 'dod pa zhes bya ba rnam grangs yin no/ /the tshom ni thar pa dang thar pa'i lam la the tshom za ba gang yin pa'o/ /sgrib pa lnga po de dag ni dge ba'i nor 'phrog par byed pa nyid kyis chom rkun pa zhes bya'o/ /yang ci'i phyir chos gnyis gnyis sgrib pa gcig tu bshad ce na/ g.yo ba dang @90a @#/ /blun pa nyid du mthun pa'i phyir te/ rgod pa dang 'gyod pa ni gnyis ka yang g.yo ba yin no/ /rmugs pa dang gnyid ni blun pa yin no/ /de ltar bar chad kyi chos rnams bstan nas thar pa dang rjes su mthun pa'i chos rnams bstan pa'i phyir/ dad dang brtson 'grus dag dang dran pa dang/ /zhes bya ba la sogs pa smos te/ ji ltar thar pa dang 'gal ba'i chos lnga yod pa de bzhin du thar pa dang rjes su mthun pa yang/ lnga kho na yin no zhes bya ba'i tha tshig go/ /dad pa la sogs pa 'di dag gang gi mjug thogs su 'phags pa'i lam skye zhing gnas skabs gzhan du phyin pa la/ chos mchog ces bya'o/ /chos kyi mchog ces bya ba'i ming kho na 'thob pa 'ba' zhig tu yang ma zad do/ /'o na ci zhe na/ stobs zhes bya pa dang/ dbang po zhes bya ba dang/ rtse mo zhes bya ba yang 'thob bo zhes bya ba'i don to/ /de la stobs zhes bya ba ni bzod pa'i gnas skabs na'o/ /dbang po zhes bya pa ni dro ba'i gnas skabs na'o/ /rtse mo zhes bya ba ni dro bar gyur pa'i mjug thogs su skye ba gang yin pa'o/ /dbang po lnga bsgom pa ni rgyags pa spang ba sngon du 'gro ba can yin pas rgyags pa spang par bstan pa'i phyir; na rga 'chi sdug bral dang zhes bya ba la sogs pa smos te/ bdag ni na ba dang rga ba dang 'chi ba zhes bya ba'i chos 'di gsum las kyang ma 'das pa de bzhin du sdug pa dang bral ba dang/ las bdag gir bya ba las kyang ma 'das so zhes de ltar sems pa ni/ de'i gnyen po yin pa'i phyir gnyen po'i rgyags pa 'jig par 'gyur ro zhes bya ba'i tha tshig go/ /de la las bdag gir bya ba nyid ni las ji lta ba bzhin bde ba dang/ sdug bsngal ba 'byung ba'o/ /lhag ma ni don go bar zad do/ /gal te mtho ris thar pa mngon bzhed na/ /zhes bya ba la sogs pa ni/ dad pa la sogs pa'i dbang po skye ba'i rgyu ston to/ /yang dag lta la goms pa dag tu mdzod/ /ces bya ba de la yang dag pa'i lta ba ni tshe phyi ma la legs par spyad pa dang/ nyes par spyad pa'i las rnams kyi 'bras bu 'byung bar yid ches pa ste/ 'jig rten pha rol yod pa nyid du yid ches pa @90b zhes bya ba'i don to/ /yang dag pa'i lta ba de lta bu med na sbyin pa la sogs pa legs par spyod pa gang cung zad cig yod kyang/ thams cad rnam par smin pa mi bzad ldan/ /zhes bya ste/ rnam par smin pa yid du mi 'ong ba can kho nar 'gyur ro zhes bya ba'i dan to/ /de lta bas na yang dag pa'i lta ba ni dge ba'i rtsa ba thams cad skyed pa'i rgyu yin no zhes bshad par 'gyur ro/ /da ni mi ni yang dag nyid du mi bde zhing/ /zhes bya ba la sogs pas skyo ba'i rgyu ston te/ mi bde zhes bya ba ni sdug bsngal ba zhes bya ba'i tha tshig go/ /mi rtag ces bya ba ni skad cig ma zhes bya ba'i don to/ /bdag med pa ni nang gi byed pa'i skyes bu dang bral ba zhes bya ba'i don to/ /mi gtsang ba ni sungs pa dang rul ba'i mi gtsang ba nyid dang ldan pa zhes bya ba'i tha tshig ste/ mi ni yang dag pa'i shes rab kyis legs par brtags na de lta bu yin no/ /gang dag dran pa nye bar ma bzhag pa de dag ni log par 'dzin to/ / des na nyes pa ci yod ce na/ dran pa nye bar ma bzhag rnams kyis ni/ /phyin ci log bzhir lta ba phung khrol pa/ /zhes bya ba smos te/ phyin ci log bzhi ni sdug bsngal ba la bde ba'o snyam du 'du shes phyin ci log dang sems phyin ci log dang/ lta ba phyin ci log go/ /de bzhin du mi rtag pa la rtag go snyam pa dang/ bdag med pa la bdag go snyam pa dang/ mi gtsang ba la gtsang ngo snyam du 'du shes phyin kyi log dang/ sems phyin ci log dang/ lta ba phyin ci log dang/ phyin ci log tu lta ba de ni ngan song dang 'khor ba'i rgyu yin pa'i phyir ro/ /phung krol ba ste/ de lta bas na khyod kyis mi ni sdug bsngal ba la sogs pa nyid du rig par bya'o/ /gal te mi sdug pa dang/ mi rtag pa dang mi gtsang ba ni yin grang na/ bdag med pa yin par rtogs par mi nus te/ bdag gcig med na/ las dge ba dang/ mi dge ba rnams kyi 'bras bu su zhig spyod snyam du sems na; gzugs ni bdag ma yin zhes gsungs te/ bdag ces bya ba la sogs pa smos te/ 'di skad du bshad pa yin te/ bdag gcig yod na gzugs la sogs pa'i ngo ba nyid gcig yin pa 'am/ de las gzhan pa zhig yin par 'gyur grang/ re zhig gzugs la sogs @91a @#/ /pa'i ngo bo nyid ni ma yin no zhes bstan pa'i phyir/ /gzugs ni bdag ma yin gsungs la/ rnam par shes pa'i bar yang bdag ma yin zhes gsungs te/ re zhig 'di ni lung gi bdag gzugs la sogs pa'i ngo bo nyid yin pa bkag pa yin no/ /'di la rigs pa gang yin zhe na/ bdag ni gzugs la sogs pa'i ngo bo nyid ma yin te/ gzugs la sogs pa dang 'dra ba kho nar mi rtag pa nyid du thal bar 'gyur ba'i phyir ro/ /'on te gzugs la sogs pa las gzhan pa zhig yin no zhe na/ de la rnam pa gsum ste/ des lhas byin ba lang dang ldan pa lta bur gzugs la sogs pa dang ldan pa zhig yin pa'am/ dper na lhas byin re lde la 'dug pa bzhin du gzugs la sogs pa la gnas pa zhig yin pa'am/ dper na 'khri shing dang gel pa la sogs pa sa la brten pa ltar de la gzugs la sogs pa brten pa zhig yin grang/ 'di'i lan go rims bzhin du bdag gzugs dang ldan min zhes bya ba la sogs pa smos te/ re zhig 'di ni lung yin no/ /rigs pa brjod par bya ste/ bdag gzugs la sogs pa la dbang ba ci zhig yod de/ lhas byin ba lang rnams la bkol ba dang/ bzho ba la sogs pa bya bar dbang ba ltar de'i 'dod pas gzugs la sogs pa 'dor ba dang len pa ni med do/ /mi 'dod bzhin du yang gzugs la sogs pa 'jig pa mthong ba'i phyir/ ji ltar 'di de dang ldan no zhes brjod par bya/ phyogs gnyis pa la yang ji ltar 'di gzugs la sogs pa gnas pa zhes brjod par bya ste/ gzugs can ma yin pa'i chos la ni lhas byin re lde la 'dug pa ltar bla 'og tu gnas par rung ba ma yin no/ /gang gis na de dag na gnas pa mngon par gyur pa de la gnas pa'i bdag gis kyang gzugs la sogs pa la phan cung zad kyang mi 'dogs la gzugs la sogs pas kyang de la phan cung zad kyang mi 'dogs so/ /'on te 'di de la zhon nas de dag 'jug par byed de/ dper na rta la zhon nas rta bzhin no zhe na/ de yang rung ba ma yin te/ mi 'dod bzhin du yang 'jug pa dang ldog pa mthong pa'i phyir/ @91b bdag gis 'dod pas gzugs la sogs pa 'jug pa dang ldog par 'gyur ba ni med do/ /phyogs gsum pa la rigs pa ni/ khri shing la sogs pa ni sa la brten ba nyid yin te/ de la brten nas gzugs la sogs pa skye ba dang/ gnas pa dang 'phel ba mthong ba'i phyir ro// gzugs la sogs pa'i skye ba la sogs pa ni de ltar bdag la rag las pa ma yin te/ bdag med bzhin du yang phyi'i gzugs la sogs par mthong ba'i phyir ro/ /gang dag gi ltar na rtswa la sogs pa srog yod pa de dag ltar na lan tshwa la sogs pas ma nges pa yin no/ /de ltar na phung po lnga po re re la rnam pa bzhi bzhi yin pas 'jig tshogs la lta ba rnam pa nyi shur bshad pa yin te/ 'jig tshogs la lta ba'i ri'i rtse mo nyi shu mtho ba ni ye shes kyi rdo rjes bshig nas rgyun du zhugs pa'i 'bras bu thob par 'gyur ro/ /da ni mi mthun pa'i rgyu dang rgyu med pa yongs su spang ba'i sgo nas dngos po rnams kyi skye ba'i rgyu bstan pa'i phyir/ phung po 'dod rgyal las min zhes bya ba la sogs pa smos te/ 'dod rgyal zhes bya ba ni gnam babs so/ /dus zhes bya ba ni dus su smra ba rnams kyis chos thams cad kyi skye ba dang 'jig pa'i rgyu chos rtag pa khyab pa gcig pu zhig kun brtags pa ste; ji skad du/ dus ni 'byung ba rnam smin byed/ /dus ni skye dgu rnam 'jig byed/ /dus ni gnyid log rnam sad byed/ /dus ni 'da' bar dka' ba yin/ /zhes bshad pa lta bu yin no/ /rang bzhin yang grangs can rnams kyi chos thams cad kyi skye ba'i rgyur gyur pa snying stobs dang rdul dang mun pa'i ngo bo nyid gcig pu rtag pa khyab pa zhig brtags pa yin no/ /ngo bo nyid ni chos kyi bdag gi dngos po ste/ rang gi ngo bo zhes bya ba'i tha tshig go/ /dbang phyug kyang/ phra zhing bsam gyis mi khyab rab tu srab byed kun rig thams cad byed/ /rnal 'byor goms pas thob pa'i blo can bsam gtan yul/ nyi ma zla ba chu me rlung phyogs nam mkha'i lus can te/ /zhi ba'i bde dga' grub pa 'dod pa rnams kyis dbang phyug rtag tu bsgom/ /zhes bya ba de lta bu'i yon tan gyi khyad par can zhig kun brtags pa yin no/ /dngos po rnams de dag las mi skye bas na mi mthun pa'i rgyur smras @92a @#/ /pa bkag pa yin no/ /rgyu med can min zhes bya ba 'dis ni rgyu med par smra ba bkag go/ /lhag ma rnams kyis ni dngos po rnam kyi rgyu phyin ci ma log pa ston to/ /de la dngos po rnams 'dod rgyal las mi skye'o zhes bya ba ni ji ltar shes she na/ skyes bu'i byed pa 'bras bu dang bcas par mthong ba'i phyir ro/ /'bras bu med pa yang snang ba ma yin nam zhe na/ snang ba bden te de ni rgyu gzhan ma tshang ba'i phyir ro/ /dngos po 'ga' zhig rgyu ji snyed cig skye ba las gal te de dag tshogs kyang dngos po de mi skye na 'dod rgyal gyis byas so zhes bya bar gsal bar shes so/ /dus kyang thams cad kyi skye ba'i rgyu ma yin te/ rjes su 'gro ba dang ldog pas mi dmigs pa'i phyir nam mkha'i me tog bzhin no/ /gzhan yang de ni rtag pa'i phyir dngos po rim gyis skye bar mi 'gyur te/ rgyu mtshang bas ni dngos po skye bar mi 'gyur ro/ /dngos po rnams kyi skye ba dang 'jig pa cig car du yang thal bar 'gyur te/ rgyul khyad par med pa'i phyir ro/ /'on te skye ba dang 'jig pa de la khyad par yod na ni rtag pa nyid du mi 'gyur ro/ /rgyu la rtag pa cung zad kyang ma mthong bas dus la rgyu'i dngos po rnam pa thams cad du med do/ /'jig pa ni rgyu dang ldan pa yang ma yin te/ med pa'i phyir gtan med pa bzhin no/ /rang bzhin yang 'di nyid kyis ci rigs par bkag par rig par bya'o/ /gzhan yang rang bzhin ni 'gyur bar mi 'gyur te/ rtag pa'i phyir skyes bu bzhin no/ /skyes bu'i don du rang bzhin 'gyur ba yang ma yin te/ rtag pa'i phyir dper na rang bzhin gyi don du skyes bu lta bu'o/ /rang bzhin spyod par bya ba ma yin te/ rtag pa'i phyir skyes bu lta bu kho na'o/ /skyes bu spyod par byed pa yang ma yin te/ rtag pa'i phyir rang bzhin lta bu kho na'o/ /rang bzhin chos thams cad kyi sa bon gyi rten yang ma yin te/ rtag pa'i phyir skyes bu lta bu kho na'o/ /rang bzhin snying stobs dang rdul dang mun pa'i ngo bo nyid kyang ma yin te/ rtag pa'i phyir skyes bu lta bu kho na'o/ /gzhan yang rang bzhin 'gyur ba zhig tu 'gyur na ci bdag nyid thams cad kyis sam/ 'on te phyogs gcig gis gal te bdag nyid @92b thams cad kyis na ni rang bzhin chad par 'gyur ro/ /'on te phyogs gcig gis na ni mi rtag pa nyid du thal bar 'gyur ro/ /ngo bo nyid las kyang mi skye ste/ yod pa'i phyir skyes zin pa bzhin no/ /dbang phyug kyang ma yin te/ sa la sogs pa'i lus can yin pa'i phyir sa la sogs pa lta bu kho na'o/ /gcig la phan tshun 'gal ba'i ngo bo nyid kyang rung ba ma yin la/ du ma'i bdag nyid kyang ma yin bas 'di sa la sogs pa'i lus can nyid du ma yin par mi srid do/ /rab tu srab mor byed pa yang ma yin te/ skye ba'i lus can yin pa'i phyir/ skye ba lta bu kho na'o/ /kun rig pa yang ma yin te/ rab tu srab mor byed pa'i phyir/ grol ba'i bdag bzhin no/ /thams cad byed pa yang ma yin te/ phra ba'i phyir rdul phra rab bzhin no/ /'di ni rtag pa yang ma yin te/ sa la sogs pa'i lus can yin pa'i phyir sa la sogs pa lta bu kho na'o/ /dbang phyug chos thams cad kyi skye ba'i rgyu yang ma yin te/ cig char mi skye ba'i phyir rdza mkhan bzhin no/ /gzugs la sogs pa dbang phyug gi bskyed pa yang ma yin te/ dngos po yin pa'i phyir dbang phyug bzhin no/ /dbang phyug ni thams cad byed pa yang ma yin te/ bdag med pa'i phyir bum pa bzhin no/ /bdag yod pa nyid cig yin na ni skyes bu bcings pa bzhin du dbang phyug ma yin pa nyid du thal bar 'gyur ro/ /rgyu med par smra ba ni 'jig rten nyid kyis bsal bar zad de/ de la cung zad kyang mi brjod do/ /'o na dngos po rnams ci las skye zhe na/ mi shes las dang sred las byung rig mdzod/ /ces bya ba smos te/ /dper na sa bon ma nyams pa la lud kyis g.yogs shing chus brlan pas ni myu gu mngon par 'grub par byed do/ /de bzhin du mi shes pas g.yogs pa'i las sred pa'i chus brlan pas kyang yang sred pa'i myu gu mngon par 'grub par byed do; /de la mi shes pa ni bden ba rnams la kun du rmongs pa ste/ ma rig pa dang mi mthong ba dang mun pa zhes bya ba rnam grangs yin no/ /byis pa ma rig pas dmus long du gyur pa ni 'di la bde bar bya ba'i phyir ram/ phyi ma la bde bar bya ba'i phyir dge ba dang mi dge ba'i las byed de/ de @93a @#/ /ni 'di 'i ma rig pa'i rkyen gyis 'du byed yin no/ /las ni rnam pa gsum ste/ dge ba dang mi dge ba dang mi g.yo ba'o/ /gzugs dang gzugs med ba na spyod pa'i dge ba la ni mi g.yo ba zhes bshad de/ las 'di rnam pa gsum char yang ma rig pa'i rkyen can yin zhing khams gsum pa'i sred pas brlan pa ni yang srid pa'i myu gu mngon par 'grub par byed par rig par bya'o/ /de lta yin na 'o na phung po 'di 'dra ba dag las grol bar bya ba la grogs gyis shig ce na/ thar pa bdag la rag las zhes bya ba la sogs pa smos te/ grol ba ni rang gi sems la rag las pa'i phyir thar pa thob par bya ba la grogs kyis bstang ba'i kha na las par ni mi 'dod do/ /'o na thabs gang yin zhe na/ thos dang tshul khrims bsam gtan ldan pa yis/ /zhes bya ba la sogs pa smos so/ /de la thos pa ni ldan pa dang mthun pa yin par reg par bya'o/ /tshul khrims ni ma nyams pa la sogs pa dang ldan pa'o/ /bsam gtan ni nges par 'byed pa'i cha dang mthun pa yin par rig par bya ste/ /de ltar tshul khrims dang thos pa dang bsam gtan dang ldan pas bden pa rnam pa bzhi la 'bad par gyis shig dang/ de ltar na/ thar pa thob par 'gyur ro snyam du dgongs pa yin no/ /lhag pa'i tshul khrims zhes bya ba la sogs pas ni thar pa'i lam kho na ston par byed do/ /de la lhag pa'i tshul khrims ni mya ngan las 'das par yongs su bsngos pa gang yin pa'o/ /lhag pa'i sems ni 'phags pa'i lam gyi rten bsam gtan bzhi yin no/ /lhag pa'i shes rab ni nges par 'byed pa'i cha dang mthun pa yin par rig par bya'o/ /bslab pa gsum po de dag ni bslab pa thams cad kun du sdud par gyur pa yin no zhes bstan pa'i phyir/ bslab pa brgya rtsa lnga bcu lhag cig ni/ /gsum po 'di nang yang dag 'du bar 'gyur/ /zhes bya ba smos te/ gang gi phyir bslab pa gsum po 'di'i nang du bslab pa brgya lnga bcu lhag cig 'du bar 'gyur ba de'i phyir bslab pa gsum po 'di la 'bad de bslab par bya'o zhes bya ba'i don to/ /bslab pa brgya lnga bcu ni so sor @93b thar pa las 'byung bar rig par bya'o/ /dbang phyug lus rtog dran pa zhes bya ba la sogs pas ni thar pa'i lam kho na ston par byed de/ lus rtog pa ni lus la song ba'o/ /lus dmigs pa zhes bya ba'i tha tshig ste/ de ni lus kyi 'greng ba dang 'dug pa la sogs pa'i gnas skabs kyi rnam par dpyod par byed pa yin no/ /lus su rtog pa'i dran ba de ni bde gshegs kyis/ /bgrod pa gcig pa'i lam du nye bar bstan/ /de ji skad du dge slong dag sems can rnams rnam par dag par byed pa dang sdug bsngal ba dang/ yid mi bde ba las yang dag par 'da' bar byed pa dang/ rigs pa'i chos rtog par byed pa dang/ mya ngan las 'das pa mngon du byed pa'i bgrod pa gcig pa'i lam ni 'di lta ste/ lus su rtog pa'i dran pa yin no zhes rgyas par gsungs pa lta bu yin no/ /de la bgrod pa gcig pa nyid ni bde blag dang myur ba dang/ gdon mi za bar thob pa'i rgyu yin pa'i phyir te/ de lta bas na bgrod pa gcig pa zhes bya ba'i sgra ni 'dir lam bsngags pa'i tshig yin par blta bar bya'o/ /gcig tu 'gro ba ni bgrod pa gcig pa ste/ lam la rnam pa gnyis su med pas ngo bo gcig tu zhugs pa'i phyir ro zhes bshad pa yin no/ /de ni bsgrims nas mngon par bsrung bgyi ste/ /zhes bya ba ni dran pa de lta bu de ni dgos pa che ba'i phyir khyod kyis 'bad de bsrung bar bya'o zhes bshad pa yin no/ /de nyams na re zhig chos gzhan dag kyang 'jig par 'gyur na/ mya ngan las 'das pa 'thob par byed pa rnams lta smos kyang ci dgos zhes bstan pa'i phyir/ dran pa nyams pas chos kun 'jig par 'gyur/ /zhes bya ba smos so/ /'di man chad/ tshe ni/ gnod mang zhes bya ba la sogs pas ni thar pa thob pa'i rgyu skyo ba'i rgyur gyur pa 'chi ba la dran ba nye bar gtod par byed de/ tshe gnod pa du ma dang 'brel pa rlung gis btab pa'i chu'i chu bur bas kyang mi rtag na zhes bya ba 'dis ni tshe skad cig ma nyid yin par bstan to/ /dbugs rdub dbugs 'byung gnyid kyis log pa las/ /sad khom gang lags de ni ngo mtshar che/ /zhes bya ba ni tshe de ltar gnod pa mang bcan skad cig ma yin na/ skyes bu dbugs rdub @94a @#/ /pa'am dbugs rdubs nas phyir 'byung ba'am/ gnyid kyis log pa la sogs pa las sad khom pa gang yin pa de ni ya mtshan che 'o zhes bya ba yin no/ /gnod pa ni rnam pa gnyis su rig par bya ste/ /phyi rol gyi ni rlung dang nyi ma dang sdig sprul la sogs pa'o/ /nang gi ni rlung la sogs pa 'khrugs pas kun nas bslang ba'i nang la sogs pa'o/ /lus mtha' thal ba zhes bya ba la sogs pas ni lus la snying po'i blo 'dor du 'jug pa ste/ de lta na yang 'chi ba la dran pa nye bar gtod pa kho na yin no/ /de la lus mtha' thal ba zhes bya ba la sogs pa'i don ni mdo'i tshig lnga'i rjes su 'brangs nas rig par bya ste/ bcom ldan 'das kyis ji skad du dge slong dag shi zhing dus las 'das pa'i lus nye du rnams kyis mes bsregs pa 'am/ chus bskur ba 'am sa'i 'og tu 'dzud par byed cing/ yang na ni rlung dang nyi ma dag gis skems par 'gyur ro/ /yang na ni dud 'gro'i skye gnas su gtogs pa'i srog chags sna tshogs za bar 'gyur ro zhes gsungs pa lta bu'o/ /de la lus zhes bya ba ni rnam par 'gyes pa'i bdag nyid yin pa'i phyir ro/ /mtha' thal ba zhes bya ba ni mes bsregs zhes bya ba'i don yin no/ / mthar skam zhes bya ba ni sa'i 'og du 'dzud par byed cing/ yang na ni rlung dang nyi ma dag gis skems par 'gyur ro zhes bya ba'i tshig 'di gnyis kyi don yin no/ /mthar 'drul zhes bya ba ni chu bsgyur ba zhes bya ba'i don yin no/ /tha mar mi gtsang zhes bya ba ni dud 'gro'i skye gnas su gtogs pa'i srog chags sna tshogs za bar 'gyur ro zhes bya ba 'di'i don yin no/ /snying po ma mchis pa zhes bya ba ci'i phyir zhe na 'di ltar/ rnam par 'jig dengs myags par 'gyur ba ste/ /so sor 'gyes chos can du mkhyen par mdzod/ /snying po med pa nyid ni rnam par 'jig pa la sogs pa nyid kyis ston par byed de/ de la rnam par 'jig pa'i chos can ni mes 'joms pa'i phyir ro/ /dengs pa'i chos can ni rlung dang nyi ma la sogs pas skems pa'i phyir ro/ /myags pa'i chos can ni chus 'drul pa'i phyir ro/ /so sor 'gyes pa'i chos @94b can ni srog chags rnams kyis kham bur rnam par 'jig pa'i phyir ro/ /mkhyen par mdzod ces bya ba ni rtogs par gyis shig pa'o/ /sa dang lhun po rgya mtsho zhes bya ba la sogs pas ni ches brtan pa rnams kyang mi rtag pa nyid du mthong bas rang gi lus la shin tu snying po med pa'i blo nye bar gtod par byed de/ sa dang lhun po dang rgya mtsho rnams zhes bya bar tshig tu bsdu ba'o/ /de dag ni sa dang lhun po rgya mtsho nyi ma bdun/ /'bar bas bsreg pa'i lus can te/ /nyi ma bdun 'bar ba ni nyi ma bdun po dag gis 'bar ba'o/ /gang dag la des bsreg pa'i lus yod pa de dag la de skad ces bya ste/ sa la sogs pa nyi ma bdun gyi ni/ /'bar bas bsreg pa'i lus can de dag kyang/ /thal ba yang ni lus bar mi 'gyur na/ /shin tu nyam chung mi lta smos ci 'tshal/ /re zhig che thang du bstan pa de dag kyang gnas skabs de lta bur 'gyur na rnam pa thams cad du nyam chung ba'i lus gang yin pa 'di lta smos kyang ci dgos te/ 'di la mi rtag pa nyid kyis gzhom par mi nus pa'i gnas skabs gang yin pa de med do zhes bya ba yin no/ /de la sa la sogs pa nyi ma bdun gyis bsreg pa ni nyi ma bdun 'char ba'i mdo'i rjes su 'brangs nas rig par bya ste/ bcom ldan 'das kyis ji skad du/ dge slong dag gang dus yun ring mo zhig 'das nas char pa mi 'bab la/ de nas sa chen po 'di la sa bon gyi tshogs dang 'byung ba'i tshogs gang dag yin pa dang/ chu bran bskam par 'gyur ba'i dus de yang yod do/ / dge slong dag gang dus ring mo zhig 'das nas char mi 'bab la/ de nas 'jig rten 'dir nyi ma gnyis pa zhig 'byung bar 'gyur te/ de byung nas sa chen po 'di la chu bo chen po bzhi ma gtogs pa chu bo thams cad bskam par 'gyur ba'i dus de yang yod do/ /'jig rten du nyi ma gsum pa byung bas ni chu bo chen po bzhi dang ma dros pa la sogs pa'i mtsho chen po rnams kyang bskam par 'gyur ro/ /'jig rten du nyi ma bzhi pa byung bas ni rgya mtsho chen po las shing ta la tsam yang bskam par 'gyur la/ dpag tshad tsam yang bskam par 'gyur bsan dpag tshad brgya rtsa yang bskam par 'gyur ro/ /'jig @95a @#/ /rten du nyi ma lnga byung bas ni dpag tshad nyis brgya la sogs pa'i khyad par gyi chu bskam par 'gyur ro/ /'jig rten du nyi ma drug pa byung bas ni chu'i thigs ba chung du yang mi lus shings chen po 'di dang ri'i rgyal po ri rab kyang du ba 'thul bar 'gyur te/ dper na thang lcags bsreg pa rtswa'i nang du bor ba bzhin du du ba 'thul bar 'gyur te/ du ba kun du 'thul bar 'gyur ro/ /'jig rten du nyi ma bdun ba byung bas ni stong gsum gyi stong chen po'i 'jig rten gyi khams 'di kun 'bar bar 'gyur rab tu 'bar bar 'gyur te/ dper na mar sar ram 'bru mar bsregs na thal ba yang mi lus pa bzhin du 'gyur ro/ /de ltar 'du byed du gtogs pa thams cad ma lus bar bsregs nas rang yang 'chi bar 'gyur te/ re zhig 'di ni mes 'jig pa'i dbang gis sa dang lhun po dang rgya mtsho rnams 'jig par bshad pa yin no/ /'di dag ni chus 'jig pa'i dbang gis kyang 'jig la/ rlung gis 'jig pa'i dbang gis kyang 'jig par rig par bya'o/ /de la khyad bar ni 'di yod de nyid ma gnyis pa'i ji lta bde ltar chus 'jig pa la ni tsha sgo chu'i char 'bab bo/ rlung gis 'jig pa la ni rnam par 'thor byed kyi rlung chen po ldang ngo/ /de ltar 'di kun zhes bya ba la sogs pas ni ji skad du bshad pa'i don gyi mjug bsdus nas gdams ngag sbyin par byed de/ mi rtag pa dang bdag med pa ni bshad zin pa nyid do/ /skyabs med pa ni sdug bsngal las yongs su skyob par byed pa'i rje dpon 'ga' yang med pa'i phyir ro/ /mgon med pa ni de lta bu'i nye ba'i tshogs kyang med pa'i phyir ro/ /gnas med pa ni tha mal bar 'dug pa gzhan 'ga' yang med pa'i phyir te/ /gang gi phyir 'jig rten 'di de ltar skyabs med pa yin pa de'i phyir kye mi mchog khyod kyis 'khor ba chu shing ltar snying po med pa las yid 'byung bar gyis shig ces bya ba yin no/ /da ni dge ba'i snod mi nyid rnyed dka' bar rab tu bstan pa'i phyir/ rgya mtsho gcig gnas zhes bya ba la sogs pa smos te/ rgya mtsho gcig na gnas pas na rgya mtsho gcig gnas so/ /de ni rgya mtsho gcig na gnas pa yang yin la/ rus sbal yang yin pas rgya mtsho gcig na gnas pa'i rus sbal lo/ /rgya mtsho gcig na gnas @95b pa'i rus sbal dang gnya' shing bu ga la zhes bya bar tshig bsdus te/ de gnyis phrad pa'i rgya mtsho gcig na gnas pa'i rus sbal dang gnya' shing bug par phrad pa'o/ /mi nyid thob pa ni de pas kyang dka' ba'o/ /don 'di yang mdo kho na las rgyas par bstan te/ dge slong dag 'jig rten rgya mtsho gcig tu gyur pa'i nang na rus sbal long ba tshe ring ba yun ring por 'tsho ba zhig gnas shing de lo brgya 'das nas lan cig gyen du 'byung la/ rgya mtsho chen po de na gnya' shing bu ga phug pa cig yod pa de shar gyi rlung gis bdas na ni nub phyogs su 'gro zhes bya ba rgyas par bka' stsal nas/ dge slong dag gang du rus sbal long bde gyen du 'byung ba'i mgrin pa gnya' shing de'i bu gar chud par 'gyur ba'i dus de ni yod kyi/ dge slong dag mir skye ba thob pa ni de bas kyang chas dka' bar nga smra'o zhes gsungs so/ /dud 'gro las zhes bya ba ni dud 'gro'i skye gnas las so/ /des ni mi thob bar ni dka' ste/ de dag shin tu blun pa'i phyir ro/ /gang gi phyir de ltar mi nyid thob par shin tu dka' ba de'i phyir mi dbang gis/ dam chos spyod pas mi de 'bras bu mchis par mdzod cig /'dis ni 'di skad du khyod kyis thos pa tsam gyis chog par mi bya'o/ /'on kyang nan tan snying por bya'o zhes bya bshad pa yin no/ /gang zhig gser snod ces bya ba la sogs pas ni de ltar rnyed dka' ba'i mi nyid thob nas/ gang zhig dge ba mi byed pa de smad pa'i sgo nas dge ba la sbyor bar byed do/ /gser gyi snod rin po ches spras pas ngan skyugs dag 'phyags par 'os pa ma yin pas gnas ma yin par sbyod pa ni 'jig rten gyis smad par bya ba yin no/ /mir skyes na gang zhig sdig pa rnams byed pa ni de bas kyang ches smad par bya ba kho na yin te/ mi nyid ni rin po che'i snong bas kyang ches rnyed par dga' pa'i phyir ro/ /da ni mthun par 'gyur pa'i yul du gnas pa dang zhes bya ba la sogs pas rgyal po 'phags pa'i lam gyis snod nyid yin par ston to/ /de la mthun pa'i yul ni gang zhig gang gis sems mnyam par gzhag pa dang mthun pa yin te/ 'tshe ba dang gnod pa dang bral ba'i phyir ro/ /skyes bu dam pa la brten pa ni dge ba'i bshes gnyen la yang dag par brten pa'o/ /de yang @96a @#/ /lung phun sum tshogs pa'am/ rtogs pa phun sum tshogs pa yang rung ste/ yon tan dag gis mnyam pa'am/ khyad par du 'phags pa'i yon tan can yin no/ /yang na mdza' bo 'am/ bla ma yid brtan du rung ba smra mkhas pa tshig bzod pa don zab mo smra ba gnas pa yin par sbyor bar mi byed pa gang yang rung ste/ gang gi rjes su bslabs nas tshul khrims dang/ thos pa dang/ gtong pa dang/ shes rab kyis 'phel bar 'gyur ba de 'dra ba de ni skyes bu dam pa zhes bya'o/ /bdag nyid kyis legs pa'i smon lam ni bdag nyid kyis ji skad bshad pa bzhin byed pa'i sgo nas legs par sgrub pa'o/ /sngon yang bsod nams bgyis zhes bya ba 'dis ni tshogs bsags pa nyid du ston to/ /de dag ni 'khor lo zhes bya pa ste/ 'phags pa'i lam gyi shing rtas 'gro bar byed pa yin pa'i phyir ro/ /'khor lo chen po de bzhi ni khyod la mnga' zhing yod pas de'i phyir 'phags pa'i lam bskyed pa'i phyir 'bad par byos shig snyam du dgongs pa yin no/ /dge pa'i bshes gnyen bsten pa zhes bya ba la sogs pas ni 'phags pa'i lam bskyed pa la skyes bu dam pa la brten pa gtso bo yin par ston to; /'phags pa kun dga' bos bcom ldan 'das 'di lta ste/ dge ba'i bshes gnyen dang dge pa'i grogs po 'di ni tshangs par spyod pa'i phyed lags so zhes gsol ba dang/ bcom ldan 'das kyis kun dga' bo khyod de skad du dge ba'i grogs po 'di ni tshangs par spyod pa'i phyed lags so zhes bya ba'i bar ma smra shig /kun dga' bo 'di lta ste/ dge ba'i bshes gnyen dang dge ba'i grogs po 'di ni tshangs par spyod pa yongs su rdzogs par byed pa yin no/ /de ci'i phyir zhe na/ kun dga' bo skye ba'i chos can rnams dge ba'i bshes gnyen la brten nas skye ba las yongs su grol lo zhes rgyas par bka' stsal to/ /gang gi phyir bcom ldan 'das kyis de skad du bka' stsal pa de'i phyir skyes bu dam pa rnams la brten par bya'o/ /yang skyes bu dam pa la brten pas tshangs par spyod pa yongs su rdzogs pa yin pa ji ltar shes she na/ rgyal ba la/ brten nas @96b rab tu mang pos zhi ba thob/ /ces bya ba smos so/ /de la tshangs pa zhes bya ba ni mya ngan las 'das pa'o/ /de'i don du spyod pa ni tshangs par spyod pa ste lam mo/ /de lta bas na tshangs par spyod pa yongs su rdzogs pa sdug bsngal ba mtha' dag zad pa'i rgyur gyur pa 'phags pa'i lam gyi rgyu ni dge ba'i bshes gnyen yin no zhes bshad pa yin no/ /log par lta ba 'dzin dang zhes bya ba la sogs pas ni dge ba bya bar mi rung ba nyid du ston par byed do/ /de la log par lta ba 'dzin pa ni 'jig rten pha rol med do zhes bya bar 'dzin pa gang yin pa'o/ /dud 'gro nyid ni dud 'gro'i skye gnas su skye ba'o/ /yi dags nyid ni yi dags kyi 'jig rten du skye ba'o/ /dmyal bar skye ba ni dmyal ba'i 'jig rten du skye ba'o/ /rgyal ba'i bka' med pa ni sangs rgyas 'byung pa med pa'i phyir ro/ /mtha' 'khob tu kla klor skye ba ni der skye ba gang yin pa'o/ /sangs rgyas 'byung ba yod kyang glen zhing lkugs pa nyid ni lag brda byed pa'o/ /tshe ring lha nyid gang yang rung bar ni/ /skye ba zhes bya ba ni 'du shes med pa dag dang gzugs med pa rnams so/ /gnas brgyad po de dag tu dge ba bya ba'i dal ba med pas na mi khom pa zhes bya'o/ /de nyid kyi phyir nyes pa mong bas skyon zhes kyang bya'o/ /mi khom pa'i skyon/ /de dag dang bral khom pa rnyed nas ni/ /skye ba bzlog pa'i slad du 'bad par mdzod/ /ces pa smos te phyin chad mi khom pa'i gnas de dag tu skye ba bzlog pa'i ched du zhes bya ba'i don to/ /da ni des pa 'dod pas phongs dang zhes bya ba la sogs pa gang smos pa ni 'jig rten thams cad la mngon par mi dga' ba'i 'du shes nye bar sgrub cing mya ngan las 'das pa la rgyud gcig tu gzhol bar bya bar bzhed pa yin te/ sdug bsngal zhes bya pa'i sgra ni 'dod pas phongs pa'i sdug bsngal dang/ 'chi ba'i sdug bsngal zhes bya ba la sogs pa'i tshul du re re dang sbyar ro/ /'dod pas phongs pa la sogs pa ni sdug bsngal gyi rgyu yin pa'i phyir sdug bsngal zhes bshad kyi/ tshor ba'i rang bzhin yin pa'i phyir ni ma yin no/ /sogs pa zhes smos pas ni mya ngan dang smre sngags 'don pa la sogs @97a @#/ /pa gzung ngo/ /de ltar sdug bsngal du ma'i 'byung gnas rten 'khor ba nye bar len pa'i phung po lnga'i ngo bo nyid las skyo mdzad cing/ yid 'byung ba bskyed par bya zhing zhes bya pa'i tha tshig go/ /'khor ba 'di'i nyes pa skyo ba'i rgyu shas kyang gsan bar mdzod cig /'khor ba'i nyes pa ril brjod bar mi nus pa'i phyir phyogs gcig zhal gyis bzhes so/ /'khor ba'i nyes pa de yang rnam pa bdun zhig brjod de 'di lta ste/ nges pa med pa'i nyes pa dang/ ngos mi shes pa'i nyes pa dang/ lus yang dang yang du 'dor ba'i nyes pa dang/ yang dang yang du nying mtshams sbyor ba'i nyes pa dang/ yang dang yang du mtho dman gyi ngo bor 'gyur ba'i nyes pa dang/ grogs med pa nyid kyi nyes pa dang/ 'gro ba drug gi nyes pa'i sdug bsngal nyams su myong ba'i nyes pa'o/ /de la nges pa med pa'i dbang du byas nas/ pha ni bu nyid ces bya ba la sogs pa smos so/ /bzlog pa nyid du zhes bya ba ni bu ni pha nyid du/ chung ma ni ma nyid du/ skye bo bshes pa ni dgra bo nyid du 'gyur ba'o/ /de lta bas na 'khor ba na nges pa 'ga' yang med do/ /ngoms mi shes pa'i nyes pa'i dbang du byas nas/ re res rgya mtsho bzhi pas zhes bya ba la sogs pa smos te/ tshigs su bcad pa'i don ni go bar zad do/ /lus yang nas yang du 'dor ba'i nyes pa'i dbang du byas nas/ re re'i bdag nyid ces bya ba la sogs pa smos te/ de la bdag nyid rus pa'i phung po zhes bya ba ni lus kyi rus pa'i phung po zhes bya ba'i don to/ /yang dang yang du nyid mtshams spyor ba'i nyes pa'i dbang du byas nas/ ma yi thug mtha' zhes bya pa la sogs pa smos te/ bcom ldan 'das kyis ji skad du/ dge slong dag dper na skyes bu 'ga' zhig gis sa chen po 'di la rgya shug gi tshi gu tsam gyi ri lu thogs te/ 'di ni bdag gi ma'o/ /'di ni bdag gi ma de'i yang ma'o zhes 'dor bar byed na/ dge slong dags chen po 'di'i 'ji ba ni/ ches sngar zad par 'gyur gyi/ mi rnams kyi ma brgyud pa ni de lta ma yin no zhes nga smra'o zhes gsungs pa lta bu'o/ /yang dang yang du mtho dman gyi ngo bor 'gyur ba'i nyes pa'i dbang du byas nas/ brgya byin zhes bya ba la sogs pa smos te/ tshigs su bcad pa'i @97b don ni go bar zad do/ /mtho ris bu mo zhes bya ba la sogs pa la mtho ris bu mo ni lha'i bu mo dag go/ /de dag gi nu ma dang rked pa la reg pa ste/ reg pa des bde ba myong nas nyams su myong zhes bya ba'i don to/ /shin tu mi bzad bsten 'tshal lo/ /zhes byib ni reg pa te por mi bzad pa bstan dgos so zhes bya ba'i tha tshig go/ /de yang gang zhe na/ 'thag gcod dbang pa'i 'khrul 'khor gyi/ /reg pa zhes bya ba la sogs pa smos te/ 'khrul 'khor zhes bya ba'i sgra ni re re dang sbyar ro/ /de la 'thag pa'i 'khrul 'khor ni 'di lta ste/ dmyal dmyal ba bsdus 'joms na yod pa lta bu'o/ /gcod pa'i 'khrul 'khor ni dmyal ba thig nag na yod pa yin no/ /dbad pa'i 'khrul 'khor ni tsha ba dang rab tu tsha pa na yod pa yin par rig par bya'o/ /rkang pa reg pas nem par bde bzod pa/ /zhes bya ba ni rkang pa'i rig pas nem zhes byed pa dang/ par ces byed pa'o/ /de'i bde pa bzod bas na/ rkang ba'i reg pas nem par bde bzod pa/ /zhes bya ste/ bde bar rung zhing bde ba'i rten byed ces bya ba'i tha tshig go/ /lhun po'i spo de dang 'dra ba la yun ring po lha'i lo stong du gnas pa ni/ slar yang me mur ro myags rgyu ba yis/ /sdug bsngal mi bzad phog snyam bgyi 'tshal lo/ /de la me ma mur ni pus mo nub tsam ste/ gang du rkang pa bzhag pa na pags pa dang sha dang khrag zhig par 'gyur la/ bteg na pags pa dang sha dang khrag slar skye bar 'gyur ba yin no/ /ro myags ni phyi sa'i 'dam rdzab gang na srog chags 'bu mchu rnon zhes bya ba lus thams cad dkar la mgo bo gang pa yin te/ de dag gis sems can de rnams kyi pags pa yang 'bigs sa par byed ces bya ba rgyas par mdo las ji skad 'byung ba bzhin rig par bya'o/ /mtho ris bu mos 'brongs shing zhes bya ba la sogs pas ni mtho ris kyi bu mo dag gis 'brongs pa ni mtho ris bu mos 'brongs pa ste/ nye par bsten pa zhes bya ba'i tha tshig go/ /mtho ris bu mos 'brongs shing dga' ba dang/ rnam par mdzes tshal son ba de dag rtse nas te dga' ba'i tshal du son pa dang @98a @#/ /rnam par mdzes pa'i tshal du son pa dag rtse rtse nas/ slar/ 'dab ma ral gri 'dra tshal nags rnams kyis/ /rkang lag rna ba snan gcod 'thob pa 'gyur/ /de la 'dab ma ral gri lta bu'i tshal zhes bya ba ni me ma mur dang ro myags dang spu gri'i so gtams pa'i lam po cha 'das nas rgyas bcad pa zhig na nags tshal sngon po lta bu zhig snang ste/ der sems can gnas tshol ba skyabs tshol ba de dag rgyug par byed cing sems can der zhugs pa rnams la las las byung pa'i rlung dag ldang zhes bya ba rgyas par 'byung ba yin no/ /dal gyis 'bab par zhugs nas zhes bya ba ni lha'i rdzing bu dal gyis 'bab pa zhes bya ba der zhugs nas so/ /khyad par ji lta bu can zhig tu zhe na/ lha'i bu mo zhes bya ba la sogs pa smos te/ gang na lha'i bu mo gdong mdzes pa dang gser gyi padma yod pa de la de skad ces bya'o/ /slar yang dmyal ba'i chu po rab med par 'jug 'tshal lo/ /khyad par ji lta bu can zhig tu zhe na tshwa sgo bzod rlag chu tshan du ste/ chu bo rab med ces bya ba la lo ma ral gri lta bu'i tshal 'das nas dmyal pa 'obs bzhin du bskor te 'dug pa/ gang du sems can gnas tshol ba skyabs tshol ba de dag ces bya ba rgyas par mdo las ri skad 'byung ba bzhin rig par bya'o/ /bzhi po 'di dag ni lhag pa yin par bshad de 'di lta ste/ me ma mur dang/ ro myags dang/ lo ma ral gri lta bu'i tshal dang chu bo rab med do/ /lhag pa bzhi po de dag ni sems can dmyal ba thams cad kyi sgo bzhin go rims bzhin du rnam par gnas te/ de lta bas na sems can dmyal ba chen po brgyad 'chad par 'gyur ba re re zhing lhag pa bcu drug yin no/ /lha yul 'dod bde zhes bya ba ni 'dir sum cu rtsa gsum pa yan chad kyi 'dod pa'i lha 'thab bral ba la sogs pa gang yin pa de dag yin par bzhed de/ de dag na yod pa'i bde ba gang yin pa de thob nas so/ /shin tu chen po zhes bya ba ni 'dod pa'i bde ba'i khyad par ro/ /yang na chags pa dang bral ba'i bde ba'i khyad par yin te/ bde ba thams cad las khyad par du 'phags pa'i phyir ro/ /de'i gong ma gzugs kyi khams na ni/ tshangs @98b nyid chags bral bde ba ste/ chags pa dang bral ba nyid ni 'dod pa'i 'dod chags rnam par gnon pa las rig par bya'o/ /bde ba de 'dra ba thob nas kyang dus gzhan na mi dge ba'i las bsags pa'i phyir lan grangs gzhan la myong bar 'gyur ba'i las kyi 'phen pas slar/ sdug bsngal rgyun mi 'chad par bstan 'tshal lo/ /zhes bya bar sbyar ro/ /gang du de bsten dgos she na/ mnar med du'o/ /khyad par ji lta bu can zhig gis she na/ me'i bud shing gyur ba yis te/ lus bsregs pas zhes bya ba'i tha tshig go/ /nyi ma zla ba nyid thob ces bya ba ni nyi ma nyid dang zla ba nyid thob nas so/ /rang lus kyi/ 'od kyis 'jig rten mtha' dag snang byas te/ /zhes bya ba ni 'jig rten pa'i tshig gi tshul gyis de skad du 'chad par zad de 'od 'di lta bu nyi ma 'am zla ba'i lus kyi 'od ni ma yin gyi/ gzhal med khang gi yin pas/ rten dang brten pa dag dbye pa ma byas pas de skad ces bshad par rig par bya'o/ /slar yang mun nag smag tu phyin gyur nas/ /zhes bya ba ni mun nag smag tu phyin nas zhes bya bar sbyar te/ de ni 'jig rten gyi bar dag na yod pa yin par rig par bya'o/ /der skyes nas ni rang gi lag pa brkyang ba'ang mthong mi gyur/ grogs med pa nyid kyi nyes pa'i dbang du byas nas/ de ltar nongs par 'gyur 'tshal zhes bya pa la sogs pa smos te/ de ltar ji skad bshad pa'i rnam pas 'chi dgos pa yin pas bsod nams ni/ rnam gsum mar me'i snang ba rab bzhes shig /bsod nams rnam gsum nyid mar me'i snang ba yin pas na/ bsod nams ni rnam gsum mar me'i snang ba'o/ /bsod nams rnam pa gsum ni lus kyi dang ngag gi dang yid kyi 'o/ /yang na sbyin pa las byung ba dang/ tshul khrims las byung ba dang/ bsgoms pa las byung ba'o/ /ci'i phyir bsod nams kyi mar me'i snang ba blang zhe na/ gcig pu mun nag mtha' yas nang du 'jug 'tshal lo/ /zhes bya ba la sogs pa smos te/ ma 'ongs pa'i dus na ni ma rig pa'i mun pas g.yogs pas mi gsal ba'i phyir dang/ yongs su ma chad pa'i phyir mun nag mtha' yas zhes @99a @#/ /bshad do/ /der gcig bu grogs med par 'jug dgos la de yang sdug bsngal du ma'i 'jigs pa dang bcas pa yin pas de'i gnyen por bsod nams rnam pa gsum gyi mar me'i snang ba long shig ces bya ba yin no/ /'di man chad kyi gzhung ni 'gro ba drug gi nges pa'i sdug bsngal nyams su myong ba'i nyes pa'i dbang du byas pa yin par rig par bya'o/ /de la re zhig dmyal ba'i 'gro ba'i dbang du byas nas/ sems can nyes par spyad pa spyod rnams la/ /yang sos thig nag ces bya ba la sogs pa smos te/ tshigs su bcad pa 'dir ni tshig bsdebs pa nyams su myong dgos pas/ dmyal ba rnams bab bab tu bstan pa mdzad do/ /'di la go rims ni 'di yin par rig par bya ste/ yang sos dang/ thig nag dang/ bsdus 'joms dang/ ngu 'bod dang/ du 'bod chen po dang/ tsha ba dang/ rab tu tsha ba dang/ mnar med pa zhes bya ba 'di dag ni sems can dmyal ba chen po brgyad yin no/ /sogs pa zhes bya ba'i sgras ni lhag pa rnams dang/ grang ba'i dmyal ba rnams dad/ nyi tshe ba'i dmyal ba rnams bsdus par rig par bya'o/ /rtag tu sdug bsngal 'gyur zhes bya ba ni rgyun mi 'chad par sdug bsngal bar 'gyur ba'o/ / su dag la dmyal ba 'di rnams rgyun mi 'chad par sdug bsngal bar 'gyur zhe na/ nyes par spyad pa spyod rnams la/ /zhes bya ba smos te/ gang dag lus dang ngag dang yid kyis nyes par spyad pa spyod pa rnams la'o/ /'phags pa rnams kyis smad cing dgongs pa'i spyad pa ni nyes par spyad pa ste/ de yang mi dge ba bcu'i lus kyi las sngar ji skad bshad pa lta bu yin no/ /de la re zhig dmyal ba yang sos na ni sems can rnams phan tshun 'dus nas las las byung ba'i mtshon cha sna tshogs kyis yan lag dang nying lag dag kun du rdung bar byed/ kun du gcod par byed cing der dran pa brlag nas sa la rab tu 'gyel lo/ /de'i rjes la nam mkha' las khyed rnams yang sos par gyur cig ces bya ba ba'i sgra grags par 'gyur te/ dmyal ba de ni yang sos zhes bya'o/ /thig nag na ni sems can rnams den yod pa'i skyes bu gnod pa byed pa rnams kyis ri dbyibs sna tshogs pa dag gi gseb tu @99b bcug nas thig nag po dag drangs te/ shing bzhin du rko bar byed gsheg par byed pas dmyal ba de ni thig nag ces bya'o/ /bsdus gzhom ni sems can rnams gcig tu bsdus par gyur pa dang/ de na yod pa'i skyes bu gnod pa byed pa rnams kyis ri dbyibs sna tshogs pa dag gi gseb tu 'dzud cing/ ri de dang de dag gis 'tshir bar byed de/ da ltar btsir ba rnams kyi khrag chu klung bzhin du 'bab par 'gyur ro/ /de bzhin du lcags kyi 'tshir spyad chen por bcug nas 'tshir bar byed cing steng nas rdzo chen po 'bab pas de dag lcags kyi sa gzhi la kun du gdung bar byed kun du gtub par byed/ kun du 'joms par byed pas/ dmyal ba de ni bsdus gzhom zhes bya'o/ /du 'bod na ni sems can gnas tshol ba rnams lcags kyi khang par 'jug par byed do/ /der zhugs pa rnams la me 'byung bar 'gyur te/ de na de rnams la me 'byung zhing me lce gcig tu gyur pa 'bar bas nyam thag ba'i [?]dngos 'o dod 'bod pas na dmyal ba de ni du 'bod ces bya'o/ /du 'bod chen bo na ni khyad par 'di yod de/ de na sems can gnas tshol ba rnams khang sgrom du 'jug go/ /des na dmyal ba du 'bod chen po zhes bya'o/ /tsha ba na ni sems can rnams de na yod ba'i skyes bu gnod pa byed pa rnams kyis/ slar[?] rab tu 'bar ba'i nang du bcug nas sreg par byed do/ /yang de rnams mdung 'bar bas mas 'bigs par byed de/ de rgyab rol nas phug pas glang par thal 'byin cing de rnams kyi spu'i bu ga thams cad dang sgo thams cad nas kyang me 'byung ngo; /yang de rnams sa gzhi kun du 'bar ba la gan rkyal du bsnyal nas lcags kyi tho ba kun du 'bar ba dag gis rdung bar byed de/ de na dmyal ba de tsha ba zhes bya'o/ /rab tu tsha ba na ni khyad par 'di yod de mdud rtse gsum pas rgyab rol nas btab pas de'i rtse mo gnyis ni thal gong gnyis su thal 'byin la/ gcig ni glad par thal 'byin to/ /yang lcags kyi leb ma kun du 'bar bas lus thams cad nas 'khri bar byed do/ /yang lcags zangs kun du 'bar ba tsha sgo'i chu bskol ba'i nang du khas bub tu 'jud[?] par byed cing de rnams de na steng dang 'og dang thad @100a @#/ /kar 'gro ba na pags pa dang sha dang khrag dag bsnyil nas rus pa'i keng rus tsam lus so/ /phyir byung na ni pags pa dang sha dang khrag dag slar skye par 'gyur te/ /des na dmyal ba de rab tu tsha ba zhes bya'o/ /mnar med pa ni phyogs bzhi dang bla 'og thams cad nas me 'bar bar 'khrigs par 'dug ste/ der sems can rnams kyi pags pa dang/ sha dang/ rgyus pa dang/ /rus pa nas rkang gi bar la zhen nas lus la mar me'i snying po la zhen pa bzhin khyad par gnas so/ /de na nyam thag pa'i nga ro grag pa ma gtogs pa 'di dag ni sems can no/ /'di dag ni me'o zhes bye brag tu dbye bar mi nus te me'i phung po lta bur snang ngo/ /sems can rnams la me dang sdug bsngal gyi bar mtshams med bas na/ dmyal ba de ni mtshams med pa zhes bya'o/ /da ni ci rigs par dmyal ba de dag na yod pa'i sdug bsngal gyi khyad par ston par byed do/ /de la kha cig til bzhin 'tshir zhes bya ba ni/ /dmyal ba bsdus 'joms na lcags kyi 'tshir spyad 'bar bar bcug nas/ 'tshir bar byed pa'o/ /phye ma zhib mo bzhin du phye mar rlog /ces bya ba ni dmyal ba de nyid na/ dmyal ba'i srung ma ya sos ma mchu mnan pa dag che thang du 'bad pas lcags kyi mchig 'bar ba dag gi steng du/ mchi gu de kho na dang 'dra bas phye mar rlog par byed pa'o/ /sog les 'dra zhes bya ba la sogs pas ni dmyal ba thig nag na/ gshen rje'i mi ci la ma rag par chas pa/ brod brod ltar 'dug pa dag gis shing mkhan gyi shing rlon pa la bya ba bzhin du sog les rab tu 'bar bas so rad rod du 'dug pa dang/ sta re me 'bar ba rnams kyis gsheg par byed pa yin no/ /de bzhin gzhan dag khro chu bzhus pa'i zhes bya ba la sogs pa ni chu bo rab med kyi 'gram na/ rkam pa 'bar pas kha'i bu ga phye bar khro chu me drag po'i reg pas sra ba las thal te nal nal po nyid du gyur pa 'bar bas ldud par byed pa yin no/ /kha cig lcags kyi gsal shing zhes bya ba la sogs pa ni dmyal ba tsha ba na dmyal ba pa lcags kyi gsal shing 'bar ba tsher ma can la rgyud par byed @100b pa yin no/ /kha cig lcags kyi mche ba ldan pa'i khyi/ /zhes bya ba la sogs pa ni lo ma ral gri lta bu'i tshal na/ khyi sre bo lcags kyi mche ba can gtum po ngan pa skad po cher zug pa dag gis dbad cing lag pa gnam tu bsgrengs nas/ 'o dod 'bod par byed pa yin no/ /dbang med gzhan dag lcags mchu rnon po dang/ /zhes bya ba la sogs pa ni dbang med pa gzhan dag lcags kyi shal ma ri'i nags tshal na 'thog par byed pa yin no/ /gang dag gis shen/ lcags mchu rnon po dang/ sen mo mi bzad ldan pa'i khwa rnams kyis te/ khwa gang dag la lcags kyi mchu rnon po dang sen mo mi bzad pa yod pa de dag la de skad ces bya'o/ /kha cig srin bu sbur ba sna tshogs dang/ /zhes bya ba la sogs pa ni srin bu dang sbur ba dag ste/ srin bu ni lus las byung ba rnams so/ /sbur ba ni phyi rol nas byung ba rnams so/ /sna tshogs pa ni kha dog dang dbyibs dang rigs tha dad pas so/ /de bzhin du/ sha sbrang sbrang ma nag po khri phrag dag /sna tshogs pa zhes bya bar sbyar ba ste/ sha sbrang dang sbrang ma nag po dag ces bya bar tshig bsdu'o/ /sbrang ma nag po zhes bya ba ni sbrang ma lding nag ces bya ba'i don to/ /khri phrag ces smos pa ni mang po nyid du mtshon pa yin no/ / reg na mi bzod ces pa ni gang dag gi reg pa mi bzad pa de dag gis reg na mi bzod pa'o/ /gang dag gis rma srol cher 'byin pa/ de dag la de skad ces bya ba ste/ de la snga mas ni tshor ba mi bzad pa'i rgyu nyid bshad do/ /gnyis pas ni rma srol che ba'i rgyu nyid bshad do/ /'gro ldog ces bya ba ni chor[?] ba mi bzad pas nyen pas lus mi brtan pa yin te/ sdug bsngal 'di yang lhag ma dag na yod par rig par bya'o/ /kha cig mdag me 'bar ba'i tshogs su ni/ /zhes bya ba la sogs pa ni dmyal ba'i srung ma lcags kyi 'dan kar 'bar ba la kom tshugs bcas shing/ ci la ma rag par chas pa dag gis dmyal ba rnams lcags kyi mdag ma me 'bar ba lta bur 'bar ba'i tshogs su sreg par byed pa yin te/ lus tshor ba bzod rlag med pas nyen pa de dag ni kha'i bu ga bgrad pa tsam las gshis brlag go/ /sdug bsngal 'di yang dmyal ba tsha ba na @101a @#/ /yod par rig par bya'o/ /kha cig lcags las byas pa'i zangs chen du/ /zhes bya ba la sogs pa ni yang kha cig ni dmyal ba rab tu tsha ba na lcags las byas pa'i zangs po che me 'bar ba 'khrigs par 'dug pa tsha sgo'i chu bskol bas bkang ba'i nang du 'bras kyi cung pa de[?] bzhin du 'tshed par byed pa yin no/ /sdig can dbugs 'byung 'gags pa tsam zhig ni/ /zhes bya ba la sogs pas ni dmyal ba'i sdug bsngal mi bzad pa nyid ston te sdig can ni sdig pa dang ldan pa'o/ /dbugs 'byung ba 'gags pa tsam gyi dus ni/ dbugs 'byung ba 'gags pa tsam gyi dus de de tsam zhig gis bar du chod pa bzhin du gang gi phyir sdig can dag dmyal ba rnams kyi sdug bsngal gzhal du med pa de lta bu thos nas/ 'jigs par mi 'gyur ba de'i phyir rdo rje'i rang bzhin yin te/ ha cang 'jigs mi shes ches so zhes bya ba'i tha tshig go; /rdo rje'i rang bzhin no zhes bya ba ni 'jigs mi shes pa nyid du ston par byed pa yin te/ sdig pa can rnams kyi dmyal ba'i sdug bsngal shi ma thag tu 'byung ste/ de ltar gting la thug gi sdug bsngal chen po thos nas 'gyod par mi byed pa gang yin pa de ni de dag gi rdo rje'i rang bzhin yin no; /dmyal ba bris pa zhes bya ba la sogs pas ni de nyid dran par byed de rtsig pa la sogs pa la bris pa mthong ba rnams kyang 'jigs pa skye bar 'gyur na zhes thams cad la sbyar ro/ /thos pa ni gzhan dag gis bsnyad pa'o/ /dran pa ni sngon nyams su myong pa'o/ /bklags pa ni gzhung gi ngo bor sbyor ba'o/ /gzugs su bgyis pas ni 'jim pa la gzugs su byas pa zhes bya ba'i tha tshig go/ /dmyal ba de lta bu dag kyang/ 'jigs pa skye bar 'gyur na mi bzad pa'i/ /rnam smin nyams su myong rnams smos ci 'tshal/ /de dag ni rnam par smin pa mi bzad pa yang yin la; nyams su myong ba yang yin pas/ mi bzad pa'i rnam smin nyams su myong ba rnams te/ de'i gnas skabs na dmyal ba rnams 'jigs pa shin tu yang bskyed do zhes bya ba'i tha tshig go/ /bde ba kun gyi nang na sred zad pa'i/ /zhes bya ba la sogs pas ni dmyal ba na yang @101b thams cad du sdug bsngal mtshungs pa ma yin gyi 'on kyang la lar khyad par yod do zhes ston par byed do/ /de la sred pa zad pa'i bde ba ni rnam par grol ba'i bde ba yin par rig par bya ste/ /de bzhin du 'jig rten na sdug bsngal gang dag ji snyed yod pa de dag gi nang na dmyal ba mnar med pa'i sdug bsngal mi bzad pa yin no/ /'di na nyan gcig ces bya ba la sogs pas ni mi'i sdug bsngal bas dmyal ba'i sdug bsngal gyis khyad zhugs par ston par byed de/ mdung thung sum brgyas nyi ma thog thag tu btab pa'i mi'i sdug bsngal gang yin pa de ni mi'i 'jig rten na shin tu sdug bsngal ba yin no/ /sdug bsngal de 'dra ba de yang dmyal ba'i sdug bsngal chung du dang yang mnyam par mi 'gyur te/ dmyal ba'i sdug bsngal chung du yang sdug bsngal de bas khyad zhugs so zhes bya ba'i tha tshig go/ /de ltar dmyal ba'i sdug bsngal mi bzad pa nyid du bshad nas las zad pa kho nas de zad par 'gyur gyi gzhan du ni ma yin no zhes bstan pa'i phyir/ de ltar sdug bsngal shin tu mi bzad pa/ /zhes bya ba la sogs pa smos te/ 'di skad du las de ni sdug bsngal drag po'i tshor ba 'di lta bus kyang 'chi bar mi 'gyur ba gang yin pa de lta bu'i stobs dang ldan pa yin no zhes bshad par 'gyur ro/ /mi dge'i 'bras 'di rnams kyi sa bon ni/ /zhes bya ba la sogs pas ni dmyal ba'i sdug bsngal las bzlog pa'i phyir rgyal po la 'doms par byed do/ /mi dge'i 'bras 'di rnams kyi zhes bya ba ni dmyal ba rnams sems can thams cad kyi las kyi dbang gis 'byung ba'i phyir ro/ /sa bon ni rgyu'o/ /lus dang ngag dang yid kyi nyes par spyad pa ni sngar bshad pa yin no/ /khyod kyis ci nas kyang sa bon de rdul tsam yang med pa de ltar 'bad par gyis shig ces bya ba ni 'di la gdams pa yin no/ /dud 'gro'i skye gnas su gtogs pa'i sdug bsngal gyi dbang du byas nas/ dud 'gro'i skye gnas na 'ang zhes bya ba la sogs pa smos te/ de la dud 'gro'i skye gnas su gtogs pa'i sdug bsngal ni spyi dang khyad par du bstan par rig par bya'o/ /spyir bstan pa'i dbang du byas nas/ bsad pa dang/ bcing @102a @#/ /dang brdeg sogs sdug bsngal sna tshogs pa/ /zhes bya ba la sogs pa smos so/ /de la bsad pa ni gsod pa'o/ /'ching ba ni thag pa la sogs pas so/ /brdeg pa ni lcags la sogs pas so/ /sogs zhes bya ba'i sgras ni bkol ba dang/ sna dbug pa la sogs pa bsdus te/ 'di ni re zhig dud 'gro'i skye gnas su gtogs pa rnams kyi sdug bsngal mi dang mi yin pas byas pa'i dbang du byas nas bshad pa yin no/ /rang gi rigs kyis byas pa'i sdug bsngal gyi dbang du byas nas/ zhi 'gyur dge ba spangs pa rnams la ni/ /gcig la gcig za shin tu mi bzad pa/ /zhes bya ba la sogs pa smos so/ /zhi 'gyur dge ba spangs pa rnams la zhes bya ba ni nges par 'byed pa'i cha dang mthun pa'i dge ba spangs pa rnams la zhes bya ba'i tha tshig ste/ mya ngan las 'das pa thob par byed pa'i dge ba ni zhi bar 'gyur ba'i dge ba yin pas so/ /'dir spangs pa nyid kyis ni snod ma yin pa nyid du bshad do/ /gcig la gcig za zhes bya ba ni phan tshun za ba zhes bya ba'i tha tshig go/ /'dir yang zhi bar 'gyur ba'i dge ba spangs pa nyid kyis ni shin tu blun pa nyid du bshad do/ /de lta bu rnams phan tshun za ba ni shin tu mi bzad pa yin te/ 'gyod pa med pa nyid kyis rnam par smin pa gcig tu sdug bsngal ba'i phyir ro/ /khyad par gyi dbang du byas nas/ kha cig mu tig bal dang rus pa dang/ /zhes bya ba la sogs pa smos te/ kha cig ni mu tig gi phyir 'chi bar 'gyur ro/ /kha cig ni bal gyi phyir ro/ /kha cig ni rus pa'i phyir te/ dper na glang po che lta bu'o/ /kha cig ni sha'i phyir te ri dags la sogs pa'o/ /kha cig ni pags pa'i phyir te gzig la sogs pa'o/ /dbang med gzhan dag ces bya ba la sogs pa la 'dir btab ste zhes bya ba'i sgra ni re re[?] dang sbyar ro/ /de la rdog pas btab ste bkol ba ni rta la sogs pa'o/ /lag pas btab ste bkol ba ni ma he la sogs pa'o/ /lcags gis btab ste bkol ba ni bong bu la sogs pa'o/ /lcags kyus btab ste bkol ba ni glang po che rnams so/ /gdab @102b pas btab ste bkol ba ni glang la sogs pa'o/ /yi dags kyi 'gro ba'i sdug bsngal gyi dbang du byas nas/ yi dags na yang 'dod pas phongs pa yis/ /zhes bya ba la sogs pa smos so/ /'dir yang spyi dang khyad par du bstan par rig par bya ste/ re zhig spyir bstan pa ni 'dod pas phongs pa bgres pa la sogs pa byas pa'i sdug bsngal yin no/ /nam yang 'dod pas yongs su rdzogs pa med pa'i phyir rgyun chags pa'o/ /mi 'chos pa zhes smos pa ni/ sdug bsngal mi bzad pa nyid du ston te/ /bkres skom zhes bya ba la sogs pas ni bkres pa dang skom pa dang grang ba dang dro ba dang/ ngal ba dang 'jigs pa zhes bya bar tshig bsdus te/ 'di rnams kyis bskyed pa'i sdug bsngal shin tu mi bzad pa/ thig gi drag po bstan 'tshal lo zhes bya bar sbyar ro/ /de la ngal ba ni zas kyi phyir yongs su rgyug pa rnams la 'byung ngo/ /'di dag gi 'jigs pa ni skyes bu ral gri dang gtun shing dang zhags pa thogs pa rnams mthong na skye'o/ /sdug bsngal khyad par du bstan pa'i dbang du byas nas/ kha cig kha ni khab kyi mig tsam la/ /zhes bya ba la sogs pa smos te/ gang dag gi kha khab kyi mig tsam du chung ba de dag la de skad ces bya ste/ lto ba ri yi gtos tsam zhes bya ba ni lto ba ri'i gtos kyi tshad tsam zhes bya ba'i tha tshig go/ /mi gtsang gyin bor ba cung zad kyang/ /zhes bya ba ni kha'i bu ga phra ba'i phyir mi gtsang ba ci bder bor ba cung zad tsam yang bza' bar mi nus so zhes bya ba yin no/ /kha cig pags rus lus zhes bya ba ni sha med pa'o/ /gcer bu zhes bya ba ni sgren mo'o/ /ta la'i yang tog bskams pa lta bu lags/ /zhes bya ba ni shing ta la mgo bskams pa dang 'dra ba zhes bya ba'i tha tshig ste/ yi dags de dag ni lha ma yin zhes bya'o/ /yi dags kha cig ni kha nas 'bar ba ste/ kha gdangs na me 'bar ba lta bu 'byung ba yin no/ /ci nyin par ram zhe na/ ma yin te mtshan zhing zhes bya ba smos te nub mo zhing ngo/ /yang de dag zas su ci zhig za zhe na/ zas su 'bar ba'i khar babs bye ma 'tshal/ /zhes bya ba smos te/ kha 'bar bar byed pa'i bye ma babs pa ni/ 'bar ba'i khar @103a @#/ /babs bye ma'o/ /gang dag la zas su de dag bdog pa de dag la de skad ces bya'o/ /yi dags kha cig gis ni phyis dang rnag la sogs pa'i mi gtsang ba yang mi rnyed do/ /de ci'i phyir zhe na/ smad rigs zhes bya ba smos te bsod nams ma byas pa'i phyir ro zhes bya ba'i tha tshig go/ /'o na de dag ci zhig za zhe na/ phan tshun gdong du 'tshog cing zhes bya ba la sogs pa smos te/ de dag gi phan tshun mthong nas khros pa'i dbang gis gdong du 'tshog par byed do/ /kha cig ni lag pa nas tho ba dag phyung ste/ gcig la gcig snun par byed do/ /des na de dag gi mgrin par lpa ba 'byung ste/ de yongs su smin pa'i dpang gis khong du 'dzag pa la zas kyi bya ba sgrub bo/ /yi dags 'di dag kha cig la sos ka'i dus su ni zla ba yang tsha bar 'gyur la/ dgun gyi dus la bab na ni nyi ma yang grang mor 'gyur ro/ /ljon shing 'bras bu med 'gyur zhes bya ba ni bsod nams dang mi ldan pa de rnams la ni shing ljon pa 'bras bu smin zhing zhim pa/ yal ga dud pa dag kyang mes bsregs pa bzhin du 'bras bu dang lo ma dag kyang med par 'gyur ro/ /de dag gis bltas pa tsam kho nas chu zhim po bsil ba 'bab pa'i klung yang mig gdug pa'i dug gis bsregs pa bzhin du skam par 'gyur ro/ /kha cig la ni me 'bar ba 'khrigs pa'i mdag mes gang bar 'gyur ro/ /kha cig la ni rnag gi klung srin bu sna tshogs kyis gang ba 'bab par 'gyur ro/ /kha cig la ni phyis dang gcin gyis gang bar 'gyur ro/ /de lta bu de dag dus ji srid cig tu 'tsho zhe na/ lo lnga stong dag dang khrir yang zhes bya ba la sogs pa smos te/ kha cig lo ni lnga stong/ kha cig ni lo khrir yang mi 'chi'o/ /khyad par ci lta bu can dag yin zhe na/ bar chad med par sdug bsngal rten gyur pa/ /zhes bya ba smos te/ bar chad med par sdug bsngal gyi tshor bas nyen pa dag ces bya ba'i don to/ /yang ji ltar de dag gi lus sdug bsngal ba de lta bus kyang 'jig par mi 'gyur te/ nyes par spyad pa'i las kyi zhags pa ni/ /sra bas bcings pa'i lus can zhes bya ba smos te/ gang dag gis nyes par spyad pa'i las kyi @103b zhags pa sra bas bcings pa zhes bya bar tshig sbyar ste/ de'i phyir mi 'jig go zhes bya ba'i tha tshig go/ /sdug bsngal de 'dra ba'i rgyu gang yin zhe na/ de ltar yi dags rnams kyis zhes bya ba la sogs pa smos so/ /de la de ltar zhes bya ba ni ji skad bshad pa sten par byed do/ /sna tshogs pa zhes bya ba ni bkres pa dang skom pa la sogs par rig par bya'o/ /ro gcig ces bya ba ni sdug bsngal bar chad med pa nyid du ston par byed do/ /skye bo 'jungs dga' ba/ zhes bya ba la/ skye bo 'jungs pa ni skye bo ser sna can te/ de dag la dga' ba'o/ /de yang gang yin zhe na; ser sna 'phags min zhes bya ba smos te/ 'phags pa ma yin ba nyid ni nyon mongs pa can nyid la rig par bya'o/ /ser sna de ni yi dags kyi 'jig rten du skye ba'i rgyu yin par sangs rgyas bcom ldan 'das kyis gsungs te/ bdag cag ser sna can rnams ni/ /mig tshugs she dag lta lta nas/ /sbyin pa chung zad ma stsal des/ /bdag cag yi dags 'jig rten lhags/ /zhes 'byung ba'i phyir ro/ /lha'i 'gro ba'i sdug bsngal gyi dbang du byas nas/ mtho ris na yang bde chen zhes bya ba la sogs pa smos te/ mtho ris dag na lha'i bu mo sgeg ma dang gzugs la sogs pa yul sna tshogs pa'i yid du 'ong ba dag gis bde ba chen po nyams su myong ngo/ /de na bde ba de 'dra ba yod mod kyi/ de dag gi 'chi 'pho'i sdug bsngal nyid 'chi ba'i dus ni yid shin tu mi bde ba 'byung ba ni bde ba de bas kyang che'o/ /de ltar bsams nas ya rabs rnams kyis ni/ /zad 'gyur mtho ris slad du sred mi bgyi/ /ya rabs yin yang zad par 'gyur ba'i ngang tshul can gyi mtho ris la dga' bar mi bya'o zhes bya ba'i tha tshig go/ /lha rnams la gnad 'chad pa'i tshor ba med pa'i phyir ci'i phyir 'chi 'pho ba'i sdug bsngal 'byung zhe na/ lus kyi kha dog mi sdug 'gyur ba dang/ /zhes bya ba la sogs pa smos so/ /'di skad du bshad pa yin te/ de dag la gnad 'chad pa'i tshor ba med pas lus kyi sdug bsngal med mod kyi/ 'chi 'pho pa'i snga ltas rnams mthong na sems shin tu sdug bsngal ba ni @104a @#/ /'byung ste/ ji skad du/ de nas lha'i bu zhig snying rje rje skad du ngu zhing/ kyi hud dal gyis 'bab/ kyi hud rdzid bu zhes smre sngags 'don to zhes rgyas par 'byung ba lta bu yin no/ /lha rnams kyi 'chi 'pho ba'i snga ltas kyi sdug bsngal de dag kyang lnga yin te/ 'di lta ste sngon gyi kha dog phun sum tshogs pa med pas lus kyi mdog mi sdug pa dang/ rang gi stan la mi dga' ba dang/ me tog gi phreng ba rnyings pa dang/ gos la dri ma chags pa dang lus las rdul 'byung ba'o/ /de ltar na gang dag mthong nas lha rnams yid mi bde ba skye bar 'gyur bas/ mtho ris 'chi 'pho sbron byed snga ltas lnga/ /lha yul lha'i 'jig rten na gnas pa'i lha rnams la 'byung ste/ mi rnams kyi 'chi bar 'gyur ba sbron pa'i snga ltas bzhin no/ /dper na khrus byas shing byug pas brkus pa gang yin pa zhig gi snying dang por tsha ba dang/ rna ba ma bkag par sgra mi thos pa de ni ring por mi thogs par 'chi bar 'gyur ro zhes bya ba la sogs pa lta bu yin no/ /lha yi 'jig rten dag nas 'phos pa la/ /zhes bya ba la sogs pas ni lha rnams la sdug bsngal de tsam pa 'ba' zhig tu ma zad kyi/ de nas shi 'phos pa rnams la yang 'byung ba kho na 'o zhes bya ba de ston te/ bsdus pa'i don ni lha'i 'jig rten nas shi 'phos pa la gal te lha dang mir skye bar 'gyur ba'i dge ba cung zad kyang med na slar ngan song gsum du sdug bsngal nyams su myong bar 'gyur ba kho na'o zhes bya ba yin no/ /lha ma yin gyi sdug bsngal gyi dbang du byas nas/ lha min dag na'ang rang bzhin gyis/ /zhes bya ba la sogs pa smos so/ /lha ma yin rnams la ni rang bzhin gyis snyems pa'i nga rgyal las skyes pa'i nga rgyal yod/ de dag kyang nga rgyal che ba'i phyir ro/ /de lta bas na 'dis ni de dag gi nyon mongs pa'i kun nas nyon mongs pa'i sdug bsngal bshad do/ /rang bzhin gyis zhes bya ba smos bas ni g.yul 'gyed pa'i tshe lus kyi sdug bsngal yang 'byung ngo zhes ston par byed do/ /lha'i dpal la sdang phyir zhes bya ba 'dis ni snyems pa'i nga rgyal las skyes pa'i sdug bsngal gyi rgyu ston par byed do/ /skye ba'i kun nas nyon mongs pa'i sdug bsngal yang bstan pa'i phyir ro/ /de dag blo @104b dang ldan na yang/ /zhes bya ba la sogs pa smos te/ gal te 'di dag la dge ba dang mi dge ba rnam par dpyod par nus pa'i blo yod du zin kyang 'on kyang 'gro ba'i sgrib pas bden pa mthong ba ni med do/ /'gro ba de nyid gang bden pa mthong ba'i rten gyi ngo bor mi 'gyur ba de lta bur med ge ba'i las kyis 'phangs pa yin te/ de bas na sgrib pa zhes bya'o/ /lha ma yin gyi 'gro ba'i 'phen par byed pa ni mi dge ba'i las yin la yongs su rdzogs par byed pa ni dge ba kho na yin par 'dod do/ /lha'i 'gro ba ni 'phen par byed pa dang yongs su rdzogs par byed pa yang dge ba yin pas/ lha'i 'gro ba las lha ma yin gyi 'gro ba 'gro ba gzhan nyid du rnam par gzhag go/ /mi'i 'gro ba'i sdug bsngal gyi khyad par ni logs shig tu bshad de/ sbyir des pa 'dod pas phongs dang 'chi ba dang/ /na dang rgas sogs sdug bsngal du ma yin/ /'byung gnas zhes bya ba la sogs pa kho nas bstan zin pa'i phyir dang/ sngar yang mi rnam pa du mas smad pa'i phyir ro/ /da ni de ltar 'khor ba'i nyes pa bshad nas de la mngon par mi dga' ba'i 'du shes nye bar bsgrub par/ 'khor ba de 'dra lags pas zhes bya ba la sogs pa smos te/ gang gi phyir de ltar 'khor ba nyes pa dang ldan pa de'i phyir lha la sogs par skye ba ni bzang po ma yin no/ /de ltar khyad par du skye ba'i nyes pa bshad nas/ mir skye ba ni gnod ba du ma'i zhes bya ba la sogs pa smos te/ skye ba ni nye du'i gnod pa la sogs pa gnod pa du ma'i snod du gyur cing rten du gyur pa yin par shes par gyis shig ces bya ba yin no/ /de ltar 'jig rten thams cad la mngon par mi dga' ba bskyed nas/ mya ngan las 'das pa la gzhug pa'i phyir/ mgo 'am gos la zhes bya ba la sogs pa smos te/ mgo la me shor ram gos la me shor na zhes bya bar sbyar ro/ /de dag phyir bzlog bgyi ba btang nas kyang/ /zhes bya ba ni de dag gsad pa yang btang nas zhes bya ba'i tha tshig go/ /yang srid med par bgyi slad 'bad 'tshal te/ /zhes bya ba ni lus dang srog la mi lta ba'i brtson 'grus chen po de lta bu yang srid med par bya ba'i phyir 'bad par bya dgos @105a @#/ /so zhes bya ba yin no/ /ci'i phyir zhe na/ 'di bas ches mchog dgos pa gzhan ma mchis/ /zhes bya ba smos te/ 'di bas khyad par du 'phags pa'i dgos pa gzhan ni med kyi/ 'di ltar skyes bu'i don gyi dam pa ni 'di kho nar zad do snyam du dgongs pa yin no; /yang srid med pa yang ji ltar 'thob ce na/ tshul khrims dag dang bsam gtan shes rab kyis/ /zhes bya ba la sogs pa smos te/ bslab pa gsum yongs su rdzogs par byas nas mya ngan las 'das pa thob par gyis shig ces bya ba'i don to/ /mya ngan las 'das pa de la yang rnam pa gnyis te phung po'i lhag ma med pa dang/ phung bo'i lhag ma dang bcas pa'o/ /de la phung po'i lhag ma med pa ni sdug bsngal nye bar zhi bas rab tu phye ba'i phyir zhi ba zhes bya ba'i sgras ston to/ /phung po'i lhag ma dang bcas pa ni dbang po ngul bas rab tu phye ba'i phyir/ dul ba zhes bya ba'i sgras ston to/ /gnyi ga yang 'dod chags la sogs pa'i dri ma nye bar zhi bas/ dri ma med pa ste/ mya ngan las 'das pa zhes bya ba'i go 'phang gnas de lta bu thob cing rab tu thob par gyis shig ces bya ba'i tha tshig go/ /mi rga mi 'chi zhes bya ba la sogs pas ni mya ngan las 'das pa de nyid kyi khyad par gyi sgo nas bsngags pa bshad pa yin te/ de la dengs pa med pas na mi rgas pa'o/ /'chi bar mi 'gyur bas na mi 'chi ba'o/ /zad pa med pas na mi zad pa'o/ /lhag mas ni phyi rol pa'i mya ngan las 'das pa las khyad par du bya ba'i phyir te chen po bzhi dang nyi ma dang zla ba dag med par bshad do/ /da ni chos gang dag mngon du gyur pas mya ngan las 'das pa thob par 'gyur ba'i chos de dag bstan pa'i phyir/ dran dang zhes bya ba la sogs pa smos te/ de la dran pa ni dmigs pa ma brjed pa'o/ /chos rab tu 'byed pa ni de la shes rab gang yin pa'o/ /brtson 'grus ni mngon par sbro ba gang yin pa'o/ /dga' ba ni dmigs pa de nyid la yid bde ba gang yin pa'o/ /shin tu sbyangs pa ni lus dang sems las su rung ba gang yin pa'o/ /ting nge 'dzin ni sems rtse gcig pa nyid do/ /btang snyoms @105b ni sems dang sems las byung ba rnams rnal du 'dug pa dang lhun gyis grub par 'jug pa gang yin pa'o/ /chos bdun po de dag ni byang chub zag pa med pa'i ye shes kyi yan lag tu gyur pa'i phyir/ byang chub kyi yan lag ces bya ste 'khor du gyur pa'i phyir ro zhes bya ba'i don to/ /dge tshogs lags zhes bya ba ni dge ba'i rgyu yin no zhes bya ba'i tha tshig go/ /shes rab med la zhes bya ba la sogs pas ni chos gzhan gnyis po 'di lta ste/ bsam gtan dang shes rab dag mngon du gyur pas/ mya ngan las 'das pa 'thob par ston te/ de gnyis zung du 'brel pas mya ngan las 'das pa thob par 'gyur la/ de gnyis ni phan tshun gyi stobs kyis 'grub par ston to/ /shes rab med la bsam gtan yod min la/ /zhes bya ba ni gang zhig bsam gtan legs par bskyed mi shes pa de ni 'dir shes rab med pa yin par dgongs pa yin te/ de la ni bsam gtan mi 'grub po/ /bsam gtan med par yang ni shes rab yod min te/ /zhes bya ba ni bsam gtan med par yang gang gi chos rnams ji lta ba bzhin shes par 'gyur ba'i shes rab med de/ sems mnyam par gzhag pas yang dag pa ji lta ba bzhin du shes so zhes 'byung ba'i phyir ro/ /gang la de gnyis ka yod pa de 'khor ba gnag rjes lta bur rig par bya'o/ /rnam pa gcig tu na gang la skyes nas thob pa'i shes rab med pa de la bsam gtan mi 'grub la/ bsam gtan med par yang bsgoms pa las byung ba'i shes rab mi 'grub kyi gang la shes rab dang bsam gtan de gnyi ga yod la de'i 'khor ba gnag rjes lta bur rig par bya ste/ myur ba kho nar brgal bar nus pa'i phyir ro/ /da ni mya ngan las 'das pa 'thob par byed pa'i chos 'di rnams kyi bar chad du gyur pa bsam par bya ba ma yin pa'i gnas la sems pa/ de las bzlog pa'i phyir lung ma bstan pa zhes bya ba la sogs pa smos so/ /de bzhin gshegs pas lung du ma bstan pa'i dngos po bcu bzhi gsungs pa bcu bzhi gang zhe na/ 'di lta ste/ 'jig rten rtag pa dang/ 'jig rten mi rtag pa dang/ rtag pa yang yin mi rtag pa yang yin pa dang/ rtag pa yang ma yin @106a @#/ /mi rtag pa yang ma yin pa dang/ 'jig rten mtha' dang ldan pa dang/ 'jig rten mtha' dang mi ldan pa dang/ mtha' dang ldan pa yang yin mtha' dang mi ldan pa yang yin pa dang/ mtha' dang ldan pa yang ma yin mtha' dang mi ldan pa yang ma yin pa dang/ de bzhin gshegs pa shi phan chad yod pa dang/ de bzhin gshegs pa shi phan chad med pa dang/ de bzhin gshegs pa shi phan chad yod kyang yod la med kyang med pa dang/ de bzhin gshegs pa shi phan chad yod pa yang ma yin med pa yang ma yin pa dang/ srog gang yin pa de lus yin pa dang/ srog kyang gzhan la lus kyang gzhan zhes bya ba yin no/ /dngos po bcu bzhi po 'di dag ni dris na lung mi bstan par bya ba yin pa'i phyir lung du ma bstan pa zhes bshad de/ 'di nyid gzhag par bya ba'i dri ba yin par bstan to/ /gnas 'di dag ni bsam par bya ba yang ma yin no; /de ci'i phyir zhe na/ de yis blo ni zhes bya ba la sogs pa smos so/ /'di skad du gang zhig bsams na phan pa thob pa'am/ bde ba thob par 'gyur ba de bsam par bya ba yin na gnas 'di dag ni bsams pas ni sems zhi bar skyed par mi 'gyur bas bsam par bya ba ma yin no zhes bshad pa yin no/ /de ltar bsam par bya ba ma yin pa'i gnas yongs su spang bar bshad nas gang zhig bsams na byang chub kyi phyogs dang mthun pa 'di rnams skye bar 'gyur bde la sems nye bar gtad par/ mi shes pa las las te zhes bya ba la sogs pas ni rten cing 'brel bar 'byung ba'i yan lag bcu gnyis ston te/ 'di dag gi don ni mdo'i rjes su 'brangs nas khong du chud par bya'o/ /de la mdo ni 'di yin te/ ma rig pa'i rkyen gyis 'du byed/ 'du byed kyi rkyen gyis rnam par shes pa/ rnam par shes pa'i rkyen gyis ming dang gzugs/ ming dang gzugs kyi rkyen gyis skye mched drug /skye mched drug gi rkyen gyis reg pa/ reg pa'i rkyen gyis tshor ba/ tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/ skye ba'i rkyen gyis rga ba dang 'chi ba dang mya ngan dang smre @106b sdags 'don pa dang sdug bsngal ba dang yid mi bde ba dang/ 'khrug pa rnams 'byung ste/ de ltar na sdug bsngal gyi phung po chen po 'ba' zhig po 'di 'byung bar 'gyur ro/ /de ltar lugs dang mthun pa'i dbang du byas te bshad nas lugs las bzlog pa'i dbang du byas nas/ skye ba 'gags pas 'di kun 'gag par 'gyur/ /zhes bya ba smos te/ skye ba 'gags pas rga ba dang 'chi ba dang mya ngan dang smre sngags 'don pa la sogs pa'i chos rnams 'gag par 'gyur te/ de ltar ni sdug bsngal gyi phung po chen po 'ba' zhig po 'di 'gag par 'gyur te/ skye ba 'gags pas ni srid pa 'gag par 'gyur la/ ma rig pa 'gags pas 'du byed 'gag pa'i bar du 'gyur ro/ /ma rig pa gang zhe na/ mdo nyid las gang sngon gyi mtha' mi shes pa zhes bya ba la sogs pa bstan to/ /'dir mdor bsdu ba ni 'di yin te/ bden pa rnams mi shes pa ni don dam par ma rig pa yin no/ /mi shes pa zhes bya ba ni shes pa'i mi mthun pa'i phyogs yin par rig par bya'o/ /byis pa ma rig pa de dang ldan pa'i las dge ba dang mi dge pa dang mi g.yo ba ni ma rig pa'i rkyen gyis 'du byed rnams yin no/ /mdo las ni lus kyi 'du byed dang/ ngag gi 'du byed dang/ yid kyi 'du byed rnams zhes gsungs so/ /de skad du gsungs mod kyi/ 'on kyang 'dir ni lus dang ngag dang yid kyi las smos pa kho nar rig par bya'o/ /las de'i sa bon gang yin pa des bsgos pa'i sems ni 'du byed kyi rkyen gyis rnam par shes pa yin no/ /mdo las ni 'bras bu rgyus bstan pa'i dbang du mdzad nas/ rnam par shes pa'i tshogs drug go zhes gsungs te/ dper na tshe dang ldan pa khyod kyi dbang po rnams ni rab tu dangs zhes bya ba lta bu yin no/ /de bzhin du rnam par smin pa'i rnam par shes pa ni phra ba nyid kyis rang gi ngo bo bstan par bya ba ma yin te; 'bras bu bstan par mdzad do/ /rnam par shes pa de yang 'du byed rnams kyis rim pa gang gis ming dang gzugs la sogs pa mngon par 'grub par byed pa 'phangs pa'i rim pa de kho nas rkyen du gyur pa'i phyir/ rnam par shes pa'i rkyen gyis ming dang gzugs zhes bya ba nas reg @107a @#/ /pa'i rkyen gyis tshor ba zhes bya ba'i bar gyis bshad do/ /ming dang gzugs gang zhe na/ ma'i mngal du nying mtshams sbyor ba'i gnas skabs nas tshor ba la sogs pa gzugs can yang ma yin pa'i phung po bzhi dang/ 'byung ba dang rgyur byas pa'i gzugs te ci rigs par sbyar ro/ /de nyid nur nur po zhes bya ste/ rim gyis ni mer mer po la sogs pa'i tha snyad kyang 'thob bo/ /de la phung po bzhi ni yang srid par 'khrid pa'i phyir dang yul la 'gro ba'i phyir dang ming nyid yin no/ /'byung ba dang rgyur byas pa ni grang ba la sogs pas 'gyur ba skyed pa'i phyir gzugs nyid yin no/ /ming dang gzugs de nyid rnam par 'phel ba'i rim gyis mig la sogs pa skye ba'i gnas skabs ni skye mched drug gi rkyen du 'gyur te/ gnas skabs de ni skye mched drug rdzogs par 'gyur bas so/ /skye mched drug nyid ni sems dang sems las byung ba rnams skye ba'i sgo'i don gyis so/ /skye mched drug po de dag yongs su smin pa dang/ yul yang mngon du gyur pa la reg pa skye ste/ rten gyi bye brag gis rnam pa drug kho na'o/ /bde ba myong bar 'gyur ba la sogs pa'i reg pa ci 'dra ba de dang 'dra bar bde ba dang sdug bsngal ba dang/ bde ba yang ma yin sdug bsngal ba yang ma yin pa'i tshor ba skye'o/ /de ltar na 'du byed rnams kyis 'phangs pa'i yan lag sred pa dang len pas mngon par brlan pa ni 'chi ba'i dus ni srid par 'gyur ro/ /de nas ci ltar 'phangs pa'i rim gyis skye bar yang 'gyur/ rga bar yang 'gyur ro/ /'tsho bar yang 'gyur ro/ /de la sred pa gang zhe na/ tshor ba bde ba la ni mi 'bral bar 'dod/ sdug bsngal ni 'bral bar 'dod/ bde ba yang ma yin sdug bsngal yang ma yin pa la de gnyi gar mi 'dod pa gang yin pa ste/ de yang mdo las 'dod pa dang gzugs dang gzugs med pa na spyod pa'i bye brag gis rnam pa gsum du bstan to/ /len pa gang zhe na/ 'dod pa la sogs pa la 'dun pa'i 'dod chags gang yin pa'o/ /mdo las ni dmigs pa'i bye brag gis 'dod pa nye bar len pa dang/ lta ba nye bar len pa dang/ tshul khrims dang brtul zhugs nye bar len pa dang/ @107b bdag tu lta ba nye bar len pa zhes bya ba rnam pa bzhir bstan ta/ 'dun pa'i 'dod chags des 'dod pa la sogs pa nye bar blangs par 'gyur bas so/ /sred pa dang len pa dag la khyad par ci yod ce na/ khyad par med par yang srid pa mngon par 'dod pa ni sred pa'o/ /khyad par du mngon par 'dod pa ni len pa'o/ /yang na ring ba'i rgyu ni sred pa yin la/ nye ba'i rgyu ni len pa yin par rig par bya'o/ /'du byed kyi sa bon sred pa dang len pas mngon par brlan pa de nyid 'bras bu skyed par mngon du phyogs pa ni srid pa zhes bya'o/ /mdo las ni 'dod pa'i srid pa dang/ gzugs kyi srid pa dang; gzugs med pa'i srid pa zhes gsungs so/ /de skad gsungs mod kyi/ 'on kyang 'dir ni 'das pa'i srid pa kho na yin par bshad do/ /srid pa'i mjug thogs su skye ba yin te/ ming dang gzugs kyi rim gyis tshor ba'i bar yin no/ /skyes nas ni rga ba dang/ 'chi ba la sogs par 'gyur ro/ /de ltar na zhes bya ba la sogs pa ni ji skad bshad pa'i rim gyis sdug bsngal gyi tshogs bdag med pa 'di 'byung bar 'gyur ba yin te/ mdo las ni skye ba la sogs pa rnam grangs tsam kho nas bstan par mdzad do/ /de ltar na 'dir rten cing 'brel par 'byung ba'i yan lag bcu gnyis mdor bsdus nas yan lag bzhir rnam par gzhag pa mdzad par rig par bya ste/ 'di lta ste/ dper na/ 'phen par byed pa'i yan lag dang/ 'phangs pa'i yan lag dang/ mngon par 'grub par byed pa'i yan lag dang/ mngon par 'grub par byed pa'i yan lag go; /yan lag bcu gnyis mdor bsdus nas/ /yan lag bzhir ni bgrangs pa ste/ /gsum dang bzhi dang gsum dang ni/ /gnyis po dag ste go rims bzhin/ /de ltar na re zhig skye ba gnyis rnam par bzhag pa'i dbang du mdzad nas bshad pa yin na/ /mdo las ni ma rig pa dang; 'du byed 'di ni sngon gyi mtha' pa'i 'phen par byed pa yin no zhes 'byung ba'i phyir/ yan lag bcu gnyis skye ba gsum du rnam par 'jog par mdzad de/ de la ma rig pa dang 'du byed ni 'das pa'i skye ba'o/ /rnam par shes pa nas srid pa'i bar du ni da ltar byung ba'i skye ba'o// @108a @#/ /skye ba dang rga shi ni ma 'ongs pa'i skye ba'o/ /de la langs pa'i skye ba ni ma rig pa'i rkyen gyis 'du byed byas pa rnams kyis skye ba 'di la nyid mtshams sbyor ba'i rnam par shes pa nas gzung ste/ tshor ba'i bar gyi rnam par smin pa 'grub la/ da ltar byung ba'i sred pa dang; len pa dang/ srid pa rnams kyis ma 'ongs pa'i skye ba la sogs pa skyed do zhes bya bar rig par bya'o/ /skye ba gsum du rnam par gzhag pa 'di'i dgos pa ni sngon dang phyi ma'i mtha' dang bar dag la kun du rmongs pa rnam par bzlog pa yin no/ /de skad du gsungs mod kyi/ 'on kyang ma rig pa'i rkyen gyis 'du byed rnams kyis skye ba skyed pa'i dus na srid pa dang len pa dang srid pa dag kyang yod pa kho na yin la/ sred pa dang len pa dang srid pa dag gis ma 'ongs pa'i skye ba skyed par byed pa de yang ma rig pa'i rkyen gyis 'du byed do/ /ming dang gzugs la sogs pa las gzhan pa'i skye ba la sogs pa yang yod pa ma yin pas de dag nyid rnam pa gzhan gyis bshad pa yin te/ de lta bas na skye ba gnyis su rnam par gzhag pa yang mi 'gal ba kho na yin no/ /rten cing 'brel bar 'byung ba de ni lam gsum du rig par bya ste/ 'di lta ste ma rig pa dang sred pa dang len pa rnams ni nyon mongs pa'i lam yin no/ /'du byed dang srid pa ni las kyi lam yin no/ /yan lag lhag ma rnams ni rnam par smin pa'i lam ste spros pas chog go/ /dkyus ma brjod par bya ste/ rten cing 'brel par 'byung 'di rgyal ba yi/ /zhes bya ba la sogs pas ni rten cing 'brel bar 'byung ba'i bsngags pa yin no/ /rten cing 'brel bar 'byung ba 'di ni de bzhin gshegs pa'i gsung gi gces par gyur pa yin te/ 'di ltar gang gis 'di legs par shes pa des de bzhin gshegs pa'i bstan pa yang dag par rtogs pa yin no/ /zab mo ste zhes bya ba ni zab mo nyid kho na ston par byed pa yin no/ /gang gis 'di ni yang dag mthong/ /zhes bya ba la sogs pas ni sangs rgyas bcom ldan 'das kyis zag pa med pa'i ye shes bla na med pas thugs su chud par bya ba nyid kyis zab pa nyid du ston pa yin no/ /rten cing 'brel par 'byung ba shes pas de shes nas/ rten cing 'brel @108b par 'byung ba zab mo nyid du bshad pa yin te/ ji skad du dge slong dag gang gis sA lu'i ljang pa 'di shes pa des rten cing 'brel bar 'byung ba shes so/ /gang gis rten cing 'brel par 'byung ba shes pa des chos shes so/ /gang gis chos shes pa des sangs rgyas shes so zhes gsungs pa lta bu yin no/ /yang na gang gis 'di ni yang dag mthong/ /zhes bya ba la sogs pas ni rgyal ba'i gsung gi mdzod kyi gces pa nyid ston par byed do/ /zab pa nyid ni rang gis ma byas pa dang/ gzhan gyis ma byas pa dang/ gnyi gas ma byas pa dang/ rgyu med pa las byung ba ma yin pa nyid kyi phyir rig par bya'o/ /'di ltar rang las kyang mi skye/ gzhan las kyang ma yin/ gnyis ga las kyang ma yin/ rgyu med pa las kyang mi skye'o/ /'on kyang ma rig pa'i rkyen gyis 'du byed rnams te/ lhag ma rnams kyang de dang 'dra'o/ /rnam pa gcig tu nam rig pa yang 'di snyam du bdag gis 'du byed rnams bskyed par bya'o snyam du mi sems/ 'du byed rnams kyang 'di snyam du bdag cag ni ma rig pas bskyed do snyam du mi sems la/ ma rig pa med par yang 'du shes rnams 'byung bar mi 'gyur zhes bya ba yang sngon la byed pa po ni mi dmigs te/ de ltar na rten cing 'brel bar 'byung ba zab pa nyid du rig par bya'o/ /de ltar rten cing 'brel bar 'byung ba la mkhas pas 'phags pa'i bden pa bzhi la dmigs pa'i lam bsgom par nus so zhes bstan pa'i phyir/ yang dag lta dang 'tsho dang zhes bya ba la sogs pa smos so/ /de la yang dag pa'i lta ba ni zag pa med pa'i shes rab bo/ /yang dag pa'i 'tsho ba ni kha gsag dang log pa'i 'tsho ba spang ba'o/ /yang dag pa'i rtsol ba ni brtson 'grus te/ de yang yang dag par spang ba bzhi'o/ /yang dag pa'i dran pa ni/ dmigs pa ma brjed pa'o/ /de yang dran pa nye bar gzhag pa bzhi po lus dang/ tshor ba dang sems dang chos la dmigs pa rnams yin te/ dran pa nyid dran pa nye bar 'jog pa ni dran pa nye bar gzhag pa nyid yin pas so/ /gang dag 'dis dran pa nye bar 'jog pas zhes 'chad pa de dag gi gzhung lugs kyis ni dran pa nye bar gzhag pa shes rab yin no/ /yang dag pa'i ting nge @109a @#/ /'dzin ni bsam gtan bzhi pa'o/ /yang dag pa'i ngag ni ngag gi dge ba'i las kyi lam bzhi'o/ /yang dag pa'i las kyi mtha' ni lus kyi mi dge ba'i las kyi lam spong ba'i rang bzhin gsum mo/ /yang dag pa'i rtog pa ni gnod sems med pa'i rtog pa dang/ nges par 'byung ba'i rtog pa zhes bya ba la sogs pa ste/ dge ba'i rtog pa rnams pa du ma ni yang dag pa'i rtog pa'o/ /'phags pa'i lam gyi yan lag brgyad po 'di ni zhi bar bgyi ba'i slad du ste/ mya ngan las 'das pa thob par bya ba'i phyir bsgom par bgyi'o/ /'di ni 'phags pa'i lam 'di'i dmigs par gyur/ 'phags pa'i bden pa bzhi bstan pa'i phyir/ skye 'di zhes bya ba la sogs pa smos so/ /bzhi gang zhe na 'di lta ste/ sdug bsngal gyi bden pa dang/ kun 'byung gi bden pa dang/ 'gog pa'i bden pa dang/ lam gyi bden pa'o// sdug bsngal gyi bden pa gang zhe na/ skye ba'i sdug bsngal zhes bya ba smos te/ mdor na nye bar len pa'i phung po lnga sdug bsngal ba'o zhes 'byung ba'i phyir nye bar len pa'i phung po lnga'i mtshan nyid kyi skye ba gang yin pa de ni sdug bsngal gyi bden pa yin no/ /skye ba de yang 'du byed kyi sdug bsngal nyid kyis sdug bsngal ba yin par rig par bya ste/ de nyid la dgongs nas nye bar len pa'i phung po lnga sdug bsngal ba'o zhes bshad do/ /mdo las ni/ skye ba sdug bsngal ba'o zhes bya ba la sogs pas bstan par mdzad do/ /kun 'byung ba'i bden p gang zhe na/ sred pa zhes bgyi ba/ de ni de yi kun 'byung rgya chen te/ /zhes bya ba la sogs pa smos so/ /yang 'byung ba'i sred pa/ dga' ba'i 'dod chags dang lhan cig pa/ /de dang der mngon par dga' ba gang yin pa 'di lta ste/ 'dod pa'i sred pa dang/ 'byung ba'i sred pa dang/ 'jigs pa'i sred pa zhes 'byung ba'i phyir ro/ /de yi zhes bya ba ni sdug bsngal gyi'o/ /'di las sdug bsngal kun 'byung bas na kun 'byung ste rgyu zhes bya ba'i don to/ /rgya chen te zhes bya ba ni sred pa'i dmigs pa mang ba nyid du ston to/ /de lta ma yin na ni 'di rgya chen po nyid du rung ba ma yin no// @109b de la yang 'byung ba zhes bya ba ni/ yang srid pa la zhes dgongs pa'o/ /dga' ba'i 'dod chags dang lhan cig pa zhes bya ba ni yid bde ba dang lhan cig pa'i 'dod chags zhes bya ba'i tha tshig go/ /de dang der mngon par dga' ba zhes bya ba ni/ yang srid pa la dmigs pa nyid du ston par byed do; /'dod pa'i sred pa zhes bya ba ni 'dod pa'i khams la dmigs pa'o/ /'byung ba'i sred pa zhes bya ba ni gzugs dang gzugs med pa'i khams la dmigs pa'o/ /'jig pa'i sred pa zhes bya ba ni bdag nyid med par dmigs pa'o/ /'gog pa'i bden pa gang zhe na/ 'di 'gog pa ni thar pa lags zhes bya ba smos te/ kun 'byung ba 'di 'gog pa gang yin pa de ni thar pa yin no/ /de ni 'gog pa'i bden pa yin par rig par bya'o zhes bya ba'i tha tshig ste/ sred pa de nyid gtan 'gog pa dang/ rnam par zhi ba gang yin pa zhes 'byung ba'i phyir ro/ /de lta bas na 'dir sred pa zad pa mya ngan las 'das pa yin no zhes bstan pas ni phung po'i lhag ma dang bcas pa'i mya ngan las 'das pa ston to/ /lam gyi bden pa gang zhe na/ 'thob bgyid 'phags lam yan lag de brgyad lags/ /zhes bya ba smos te/ mya ngan las 'das pa 'thob par byed pa'i lam gyi bden pa ni gang 'phags pa'i lam yan lag brgyad pa bshad ma thag pa de yin no zhes bya ba'i don to/ /de ltar 'phags pa'i bden pa bzhi po dag /ces bya ba la sogs pa ni mya ngan las 'das pa thob par bya ba la sbyor bar byed do/ /de ltar zhes bya ba ni de ltar lam bsgom pa ji skad bshad pa'i rnam pas rtag tu dus thams cad du brtson par bya ba yin no/ /de ci'i phyir zhe na/ 'phags pa'i bden pa bzhi po dag /mthong bar bgyi slad de/ 'phags pa'i bden pa bzhi mthong bar bya ba'i don du'o/ /'phags pa rnams kyi bden pa gang dag yin pas na/ /'phags pa'i bden pa ste/ 'di dag ni 'phags pa rgyun du zhugs pa la sogs pas bden pa nyid du gzigs pa'i phyir ro/ /bdag cag khyim pa rgyal srid la gnas pa rnams kyis ji ltar 'phags pa'i bden pa bzhi mthong bar @110a @#/ /nus she na/ pa phan dpal gnas zhes bya ba la sogs pa smos te/ 'di skad du bshad pa yin te/ khyim pa rgyal srid la gnas pa gzugs can snying po la sogs pas kyang 'phags pa'i bden pa bzhi shes pas nyon mongs pa'i chu bo las brgal bar byas pas/ de bas na khyod kyang 'bad par byos shi gces bya ba'i don to/ /gang dag chos mngon bgyis pa de dag kyang/ /zhes bya ba la sogs pa sa ni 'phags pa'i lam skyes bu'i rtsal gyis bsgrub par bya ba nyid du ston par byed do/ /de dag kyang/ gnam las babs pa ma lags zhes bya ba ni de dag dang po nyid nas shes pa yongs su grub zin pa cig las 'dir lhags pa ma yin pa'o/ /lo tog bzhin/ su rum las 'thon ma lags zhes bya ba ni skyes bu'i rtsa la med par gyi na lo tog bzhin thon pa ma yin pa'o/ /'o na ci lta zhe na/ so so'i skye bo yin pa las 'bad de/ dge ba'i bshes gnyen la brten nas nyon mongs pa'i chu bo las brgal bar zad de/ de lta bas na skrag par byed cig snyam du dgongs pa yin no/ /da ni/ bsnyengs dang bral bar mang du gsol ci 'tshal/ /zhes bya ba la sogs pas mdor bsdus nas 'doms par byed de/ bsnyengs dang bral ba zhes bya ba ni bod pa'o/ /phan pa'i gdams ngag don po 'di lags so/ /zhes bya ba ni phan pa'i gdams ngag gces pa 'di nyid do zhes bya ba'i tha tshig go/ /de yang gang zhe na/ khyod kyis thugs du la mdzod cig ces bya ba smos te/ khyod kyis sems mi dge ba'i gnas nas bslangs te dge ba la zhog shig ces bya ba'i don to/ /ci'i phyir zhe na/ bcom ldan 'das kyis/ /sems ni chos kyi rtsa ba lags par gsungs/ /zhes bya ba smos so/ /ni zhes bya ba ni gang gi phyir zhes bya ba'i don to/ /gang gi phyir bcom ldan 'das kyis dge ba'i chos de thams cad kyi rtsa ba sems yin par bstan pa de'i phyir khyod kyis sems dul bar bya ste/ yid ni chos rnams kyi sngon du 'gro ba'o zhes 'byung ba'i phyir ro/ /de lta bas na bsdus pa'i don ni yid rab tu dang bas ni bde ba thams cad thob par 'gyur la/ yid @110b rab tu 'khrugs pas na sdug bsngal thams cad thob par 'gyur ro zhes bya ba yin no/ /khyod la de skad gdams pa gang lags de/ /zhes bya ba la sogs pas ne 'di skad du ston to/ /bdag gis chos ji snyed bstan pa thams cad bsgrubs pas kyang de bzhin gshegs pa'i bstan pa la gnas par 'gyur ba ni ma yin no/ /'on kyang phyogs gcig bsgrubs pas kyang gnas pa yin te/ 'di ltar de thams cad ni dge slong khyim na gnas ba yongs su bor ba rnams kyis kyang bsgrub par dka' na khyim pa rnams kyis lta smos kyang ci dgos/ de lta bas na de'i nang nas/ gang zhig nus pa'i ngo bo de'i yon tan bstan cing bsgrub pas sku tshe don yod par gyis shig dang/ de nyid chos thams cad 'thob pa'i rgyur 'gyur ro snyam du dgongs pa yin no/ /de ltar chos bstan pas sems mgu bar byas nas/ theg pa chen po la gzhug par bzhed de/ kun gyi dge ba kun la yi rang zhing/ /zhes bya ba la sogs pa smos so/ /'jig rten na dge ba gang cung zad zag pa dang bcas pa dang/ zag pa med pa dang/ 'jig rten pa dang/ 'jig rten las 'das pa gang ji snyed cig yod pa de dag thams cad la rdzogs pa'i sangs rgyas rnams kyis ji ltar thugs su chud pa/ de bzhin du bdag gis kyang rjes su yi rang ba bla na med pas rjes su yi rang ngo zhes bya ba la sogs pas tshig tu ston pas rjes su yi rang bar bya zhing dge ba'i rtsa ba 'dis bdag mgon med pa rnams kyi mgon/ skyabs med pa rnams kyis skyabs/ dpung gnyen med pa rnams kyi da phung gnyen/ gnas pa med pa rnams kyi gnas/ sangs rgyas su gyur cig ces/ nyid kyis legs par spyad pa rnam gsum yang/ /sangs rgyas nyid thob pa gyi slad yongs bsngos nas/ /de nas rjes su yi rang ba dang/ yongs su bsngos pa las byung ba'i dge ba'i phung bo 'di yis khyod/ /sku tshe dpag tu med pa mdzod ces bya ba 'chad par 'gyur ba dang sbyar ro/ /rim pa gang gis shes na skye ba dpag tu med par zhes bya ba la sogs par smos te/ skye ba tshad med pa dag tu mdzad nas so/ /ci zhig mdzad ce na/ lha dang mi'i/ 'ji @111a @#/ /rten kun gyi rnal 'byor dbang mdzad nas/ /zhes bya ba smos te/ lha'i 'jig rten dang mi'i 'jig rten thams cad du rnal 'byor gyi dbang phyug mdzad cing byang chub sems dpa'i ting nge 'dzin gyi che ba'i bdag nyid kyis khams gsum gyi dbang po brnyes nas so/ / gzhan yang/ 'phags pa spyan ras gzigs dbang spyod pa yis/ /skye bo nyam thag mang po rjes bzung ste/ /ji ltar bcom ldan 'das 'phags pa spyan ras gzigs dbang phyug gis thugs rjes brlan pa'i thugs kyis sems can rnam pa du ma seng ge dang/ glang po che dang/ sbrul dang/ me dang/ chom rkun dang/ bcings pa dang/ chu dang/ rgyal po dag las bskyabs pa de bzhin du khyod kyis kyang de kho na'i tshul du sems can nyam thag pa rnams rjes su bzung nas so/ /de lta bas na 'dir snga mas ni sangs rgyas kyi chos yongs su smin par bshad la/ phyi mas ni sems can yongs su smin par bshad do/ /de ltar tshogs yongs su rdzogs pa srid pa tha mar 'khrungs nas/ nad la sogs pa'i chos rnams yongs su spangs te/ 'jig rten rnams kyi mgon po mdzod cig /gang du zhe na/ sangs rgyas kyi zhing ji ltar yongs su sbyangs par 'gyur ro/ /khyad par ji lta bu can zhig ce na/ sku tshe dpag tu med pa ste/ bde ba can na bcom ldan 'das snang ba mtha' yas ji 'dra ba de 'dra bar sangs rgyas par gyis shig ces bya ba'i tha tshig go/ /yang na nad la sogs pa bsal te/ sangs rgyas kyi zhing yongs su sbyangs nas zhes bya ba yin te/ de ltar yongs su sbyangs nas sangs rgyas kyi zhing der 'khrungs pa dang srid pa tha ma la mgon po mdzod cig ces bya ba yin no/ /shes rab tshul khrims zhes bya ba la sogs pa ni/ 'di skad du/ de ltar sangs rgyas nyid thob nas; dus ci ran cig gis sems can gyi don mtha' yas pa mdzad de/ sangs rgyas kyi yongs su mya ngan las 'das pas yongs su mya ngan las 'das pa thob par gyis shig ces ston par byed do/ /de la shes rab tshul khrims gtong 'byung grags chen zhes bya bar sbyar te/ 'di @111b ltar bcom ldan 'das de ni shes rab phun sum tshogs pa ste/ nges par 'byed pa'i shes rab dang ldan pa'o/ /'di ltar de ni tshul khrims phun sum tshogs pa ste/ ma nyams pa la sogs pa'i yon tan dang ldan pa'i tshul khrims kyi phung po bla na med pa dang ldan pa'o/ /'di ltar bcom ldan 'das de ni gtong ba phun sum tshogs pa ste thams cad gtong ba'o zhes de ltar yon tan la dga' ba'i skye bos dga' ba'i yid kyis mngon par dga' bar bya ba'i grags pa chen po rgyas par mdzad cing spel nas so/ /dri ma med ces smos pas ni yon tan rnams dpe zla med pa nyid du ston to/ /yang gang du rgya bskyed ce na smras pa/ lha yul mtho ris dang/ nam mkha' bar snang dang/ sa steng mi'i 'jig rten du'o/ /gzhan yang mi'i 'jig rten gyi sa la mi dang mtho ris ni lha rnams nges par rab tu zhi bar mdzad de zhes bya bar sbyar ro/ /khyad par ji lta bu dag cig ce na na chung mchog / bde dags dga' ba dag ste/ na chung mchog rnams kyis bde ba'i dga' ba ni na chung mchog bde ba'i dga' bas dga' ba'o/ /des dga' ba dag ste/ de ltar rab tu myos pa'i mi dang lha rnams kyang rab tu zhi bar mdzad nas zhes bya ba ste tshul khrims la sogs pa la bkod nas so/ /nges par zhes smos pas ni 'phags pa'i chos la dgod par ston to/ /de nyid kyi phyir lha dang mi rnams smos te/ de dag kho na 'phags pa'i chos kyi snod yin pa'i phyir ro/ /de lta ma yin na lha ma yin rnams kyang na chung mchog gi bde ba'i dga' bas dga' ba yin no/ /de ltar 'jig rten du grags pa chen po yang rgyas par mdzad/ lha dang mi rnams kyi don yang mdzad nas so/ /nyon mongs nyam thag sems can tshogs kyi 'jigs skye dang/ /'chi ba zhi mdzad rgyal ba'i dang po nyid brnyes nas/ /zhes bya ba 'dis ni dang po kho nar rig par bya ste/ 'dir tshig gi go rims sbyar ba ni rgyal ba'i dbang po de lta bu brnyes nas grags pa chen po yang rgyas par mdzad/ lha dang mi rnams kyang rab tu zhi bar mdzad de/ mya ngan las 'das pa thob par mdzod cig ces bya ba 'di yin no/ /de la nyon mongs nyam thag ces bya ba ni sems can nyon mongs pas gzir ba mang @112a @#/ /po'i'o/ /'jig pa dang skye ba dang 'chi ba ni/ 'jigs skye dang 'chi ba ste/ gang la de dag zhi bar byed pa'i ngang tshul yod pa de la de skad ces bya'o/ /'dir yang 'jig pa ni 'jig tshogs la lta bas byas pa yin no/ /skye ba ni mi shes pa dang/ las dang/ sred pa las rab tu skye ba yin no/ /'chi ba ni kha cig ni las zad pa las so/ /la la ni tshe zad pa las so/ /la la ni ya nga ba ma spangs pa las te rnam pa gsum du rig par bya'o/ /sangs rgyas nyid kyis ni sems can rnams kyi de dag thams cad sel to/ /'jig rten las 'das zhes bya ba la sogs pa thams cad ni mya ngan las 'das pa'i khyad par yin no/ /de la 'jig rten las 'das zhes bya ba ni phung po lhag ma med pa'i mya ngan las 'das pa'i dbyings su 'jig rten zad pas rab tu phye ba'i phyir ro/ /phung po'i lhag ma dang bcas pa yang 'jig rten pa'i sems kyis rig par bya ba ma yin pa nyid kyis 'jig rten las 'das pa ni yin na de ni 'dir mi gzung ste/ sangs rgyas nyid kyis bsdus pa'i phyir ro/ /ming tsam zhes bya ba ni dngos po nyid las sel ba yin te/ mdo las lnga po 'di dag ni ming tsam ste 'das pa dang ma 'ongs pa dang mya ngan las 'das pa dang so sor ma brtags par 'gog pa dang gang zag go zhes 'byung ba'i phyir ro/ /zhi ba ni 'khor ba'i gnod pa med pa'i phyir ro/ /mi bsnyengs pa ni de la 'jigs par bya ba dang/ 'jigs pa dag med pa'i phyir ro/ /mi bgres pa ni zad mi shes pa'i phyir ro/ / nong sa pa mi mnga' ba ni rtag pa'i phyir te/ phung po'i lhag ma med pa'i mya ngan las 'das pa'i dbyings kyi go 'phang de lta bu brnyes par mdzod cig ces bya ba'i tha tshig go/ /bshes pa'i phrin yig gi rgya cher bshad pa'i tshig gsal ba zhes bya ba/ slob dpon blo gros chen pos mdzad pa rdzogs so// //rgya gar gyi mkhan po sarba dznyA de ba dang/ zhu chen gyi lo tsA ba bande dpal brtsegs kyis sgyur cing zhus te gtan la phab pa// @##/ /rgya gar skad du/ shi Shya le kha ti pa na/ bod skad du/ slob ma la sbring @112b ba'i phrin yig gi dka' 'grel/ jo mo sgrol ma la phyag 'tshal lo/ /slob ma'i spring yig rtogs dka' ba'i/ /tshig rnams gsal bar byas pa yis/ /skye rmongs mi shes spang ba'i phyir/ /dka' 'grel bdag gis bri bar bya/ /'gro ba rnams la snyen par grags pa'i zla bar grags pa'i slob ma dpa' bo rin chen grags zhes bya ba blon pos rgyal sred kyi don du khrid pa la/ dpal tsan dra go mi'i zhal snga nas kyi phrin yig 'dis bzlog go zhes pa ni gdams ngag go/ /de bzhin gshegs pa gang gis sngon gyi mdzad pa spyad pa rnams rab tu bsnyad pas bdud kyi bu mo rnams kyi bzhin ras pad ma'i nags tshal dag zum par byed pa ste/ sngon gyi mdzad pa ni sngon spyad pa ste/ /de sbyad par mdzad do/ /rab tu bsnyad pa ni dbyangs kyi sbyor bas bsnyad pa'o/ /lha mo ni lha'i khyim thab mo'o/ /dus yang 'di ltar ro/ /zum par byed pa ni kun nas zum par byed pa'o/ /bdud ni 'dod pa'i lha la sogs pa'o/ /bkra shis ni phan pa dang bkra shis par byed pa'o/ /yid du 'ong ba ni bsngags pa dang yid bde bar byed pa'o/ /sku ni lus gang yin pa'o/ /shin tu ni mchog tu'o/ /rmad du byung ba ni ngo mtshar ba'o; /shin tu yang yin la rmad du byung ba yang de yin no/ /gar gis 'jig rten pa rnams kyi mngon par 'dod pa rdzogs pa ni yid la re ba thob pa'o/ /gzhan don ro ni gzhan don mchog tu'o/ /gcig pu gnyis su med pa yang yin la spyod pa yang de yin pas gzhan don ro gcig par spyod pa'o/ /dbu cod pan nyid kyi padma ni spyan gyi [?]bad ma'o/ /bye ba ni kha bye ba'o/ /des na spyan gyi padma ste de'i rang bzhin no/ /khebs pa nyid ni gnyis med pa'o/ /gdugs dkar po gang yin pa ji ltar ral gri'i so bdar bas lus can sdug bsngal skyed par byed pa ste; de bzhin du sa gzhi yang gzhan gyi longs spyod pa dang ldan pa sdug bsngal ba'o/ /bde ba ni dga' ba'o/ /sdug bsngal ni mi bzod pa'o/ /gang zhig thugs rje chen po'i yon tan bskrun pa 'dzin pa'o/ /spangs pa ni bral bar gyur pa ste/ de lta mod kyi de'i @113a @#/ /sdug bsngal dang bde ba zhes smras so/ /de nyid ces bya ba ni nyon mongs gang zhig bde ba dang sdug bsngal bas kyang de nyid de'i bde ba dang sdug bsngal ba ste rang gi rgyud de dang des so/ /'jig rten mngon par 'dod pa'i re ba ni de mchog tu sgrub par byed pa'o; /gsal 'byung ni gang zhig shar bas so/ /de'i phyogs gcig ni yang zla ba phyed do/ /dkar po yang yin la phyogs gcig kyang de yin pas so/ /de la yongs su rdzogs pa yang yin la yon tan yang de yin pas des gsal ba'o/ /nyes pa ni mtshan ma'o/ / 'dod chags la sogs pa yang tshul khrims kyis ring du spong ba'o/ /yid du 'ong ba ni gang du des yid dga' bar byed pa'o/ /rab tu gsal bi na gsal bar skyed par byed pa zhes brjod do/ /gtsug ni spyi bo'o/ /lta bu ni mtshungs pa'o/ /gdengs ka nyid ni gang zhig gi mgo bo la lus kyi rtags yod pa'o/ /bzang po ni thar pa bgrod par byed pa'i phyir ro/ /'phen pa med pa ni nyams pa med pa'o/ /rnam par dag pa ni bsam pa'i stobs so/ /tshul ni ngang tshul lo/ /gang yin pa ni ci zhig ste/ bstan pa de ni bka'o/ /sa'i steng na gnas pa ni gnas gang na rab rib mi shes pa sel bar mdzad pa ste/ de spong bar byed pa'o/ /chos nyid ni 'bebs par byed pas sprin te/ rgyun 'byin par byed pa'o/ /g.yos pa ni skyed pa'o/ /chos nyid ni bdud rtsi ste chos kyi bdud rtsi ni legs par spyod pa'o/ /ro gcig pa ni rang bzhin te gang zhig ni char chu phab pas so/ /de dag gis gdung ba bsal ba ni mya ngan las 'das ba'o/ /snod nyid ni gzhi nyid de rten no/ /rten des bcud de sna tshogs par 'gyur ba ste/ nyan thos la sogs pa'i dbye bas so/ /snod yangs pa dang zab pa ni gzhol ba'o; /dri ma med pa dang gsal ba ni sbas pa ma yin pa'o/ /gnas ni sems kyi gnas gang dag yin pa'am/ bzod pa ni de gzhan gyis gnod pa byed pa bzod pa zhes bya'o/ /de zhes bya ba ni chos kyi bdud rtsi'o/ /skyes bu'i gzugs byang chub sems dpa' de nyid mtsho @113b chen po zhes bya'o/ /thob par byed pa ni thos pas so/ /mthun pa ni bsam pas so/ /'dzin par byed pa ni bsgom pas so/ /chen po yang yin la dri nga ba yang yin pas dug chen po'o/ /yun ring nad kyis thebs pa ni nyon mongs pa'i nad kyis btab pa'o/ /sman chen po ni bdud rtsi'o/ /gang zhig bzung nas yang 'dor ba zhes bstan pa ni gang gi phyir bstan pa gcig pu gnyis su med pa'i mig go/ /dri ma ni mig ser la sogs pa'o/ /sa gsum na gnas pa ni sa gsum mo/ /gti mug ni mi shes pa ste/ gso ba ni rol par byed pa'o/ / rmad du byung ba ni gang zhig ngo mtshar ba'o/ /lhag pa'i tshul khrims la sogs pa bslab pa'i gzhi rnams la gnas pa rab tu byung ba la sogs pa'i bcas pa rnams spangs pa'o/ /nges pa zhes pa ni rim pa tha dad pa'o/ /byang chub nyid ni spyong ba'o/ /de'i khong bzangs 'dzeg par byed pa ni skas ka'o/ /de'i lam ni bgrod par byed pa'o/ /gnas de nyid du nges par 'dzegs pas so/ /de nyid du rkang pa la brten nas 'dzeg par byed pa ste/ go 'phang ni lam gyi khyad par du'o/ /mtho ba ni che ba'o/ /sa ni mi dge ba'i gnas so/ /phyin gyur ni skyed par byed pa'o; /ldog par byed pa ni thob pa spong pa'o/ /skye ba zhes bya ba ni skyes pa'o/ /tshul khrims nyid gzings te lag tu 'ongs pa'o/ /'brog dgon ni 'jigs pa dang bgrod dka' ba'o/ /yun ring ba ni dus so/ /'phangs pa ni drang ba'o/ /bral ba ni dben pa'o/ /shin tu'i sgra ni mchod par byed pa bkag pa ste/ /bzang po'i lam ni lam bzang po zhes bya bar 'gyur ro/ /rgyal ba'i yon tan rnams kyi phreng ba ni phreng du sbyar ba ste/ rgyal ba'i yon tan zhes bya ba la gzhung kha cig las brjod do/ /gnyug ma'i thob pa las bar ma dor 'dor ba ni dmyal ba la sogs pa'o/ /der ltung ba ni ji ltar ltung bar 'gyur ba de ltar 'og tu ltung bar 'gyur ba'o/ /shugs drag ni myur du'o/ /'khor ban 'khor ba ste de nyid ri'o/ /de'i sul ni dma' ba 'am gzhol ba'i phyogs so/ /de'i khrod ni gseb tu'o/ /de nyid ni g.yang sar lhung @114a @#/ /ba'i gnas so/ /de'i phyir dam pa ni gtso bo ste mchog tu brtson ba'o/ /mun nag thibs po ni gang du mi shes pas so/ /gcig pu yang ni dge ba'i bshes gnyen gyis dben par yang 'di dag bya'o zhes nges par rtogs par byed pa ste/ las dang bya ba rnams sems kyis yang dag par brtag pa'o/ /lhan cig ni mtshungs par ro/ /'grogs pa ni dus shes pa'i don to/ /sa ni 'gro ba ste/ /de nyid ni dkyil 'khor ro/ /de'i gtso bor gyur pa ni cod pan du gyur pa'o/ /'gyur ba ni thob pa'o/ /bla ma ni chen po nyid do/ /ngo tsha ni 'dzem pa'o/ /ya rabs ni yang dag pa'i lam la gnas pa'o/ /dag pa ni dri ma med pa'o/ /gzi brjid dang ldan pa ni mchod par 'os pa'o/ /srog ni tshe'o/ /bde blag tu ni 'dis so/ /bden pa ni don ji lta ba brjod pa'o/ /de la gnas pa ni gnas par byed pa'o/ /dga' ba ni mchog tu 'dzin pa'o/ /dam bcas ni yang dag pa'i lam du gzung ba'o/ /dpya ba ni smod pa'o/ /sdig pa'i 'gro ba dang lam ni lam po che'o/ /chos kyi rang bzhin ni chos las byung ba'o/ /rgya che ba ni yangs pa'o/ /thob pa ni brgyan pa'o/ /'khor ba nyid bgrod dka' ba'i phyir rgya mtsho'o/ /ldog pa dang 'jug par byed pa ste/ de nyid gar mkhan 'dra ba'o/ /dga' ba ni 'dod pa'o/ /des na klong 'khyil te g.yob pa'o/ /'khor ba nyid ni 'khor lo ste/ /'khor ba'i bdag nyid yin pa'i phyir ro/ /brgya phrag tu ni rnam pa brgya'o/ /mi bzad pa ni bzod par dka' ba'o/ /'gag pa ni gang ba'o/ /'dug pa ni nye bar gyur pa'o/ /thibs po ni mang pos so/ /zhugs nas ni rab tu zhugs nas so/ /brang pa ni nyams su myong bas so/ /sdug bsngal ni mi bzod pas so/ /lus yongs su bskum pas ni lus kun nas zlum por byas pas so/ /der zhes bya ba ni mngal du'o/ /de zhes bya ba ni sems can no/ /gnas pa ni bcings pas so/ /mngal ni mngal te lus gang zhig mngal gyi nang du dkris pa'o/ /bod pa ni chen pos so/ /mngal gyi gnas skabs su sngon gyi dran par byed pa ni ji ltar rmal @114b byed pa bzhin du de spong bar byed pa ste/ /de bzhin du mngal gyi skyon skyugs pa dang 'dra ba bzhin du spong ngo/ /de nas tha dad du rdol nas de ni mngal gyi gnas na sra bas til mar btsir spyad bzhin du sra bas til mar btsir ba ltar byas pas so/ /de nas ni de lta bu'i rnam pa sdug bsngal nye bar longs spyad nas gang zhig thob pa ni skye ba'o/ /mi phongs pas ni brtse pas so/ /nye bar spyad bas ni bya dka' ba zhes bya'o/ /dar la bab pa ni ri sul gyi gseb po/ /yul gyi sprul dug ni kun du zhen pas so/ /de nyid ni yul te de'i gnas gyur ni gnas pas so/ /de nas kyang zhes pa ni ri sul nas so/ /lhung ba ni ngan 'gror ro/ /bsam brlag ni ma smin pa'o/ /mig gtsigs pa ni phyin ci log go/ /'chi ba med pa ni 'chi ba dang bral ba ste/ gang la dga' ba dang 'chi ba de dag yod pa ma yin pa'o/ /rol pa ni sgeg pa dang mtshungs par ldan pa'o/ /sems pa ni shes pa'o/ /lam min pa ni lam bden pa'o/ /de'i phyir rmongs pa ste mi shes pa'o/ /bab dgu ni bya ba mngon sum pa'o/ /phye mar rlog pa ni lam ngan par 'jug par byed pa ste chud gson par byed pas so/ /rdog pas mnan pa ni bya ba'i gnas skabs so/ /shin tu 'debs pa bzhin du 'gyur ba ste/ de bzhin du dga' ba dang bcas pas so/ /de nas zhes pa ni gnas skabs gzhan du'o/ /mthar thug pa ni dpe'o/ /gzung ba ni za ba'o/ /bod pa ni chen pos so/ /gang zhig zhi bar byed pa'i thabs med pa ni rgyu med pa'o/ / dga' ba nyid kyi rjes su skyes pa gang zhig nu bos so/ /yang na dga' ba nyid za ba zhes bya ba'o/ /de nas ni de ma thag tu'o/ /bye ba ni lhod par 'gyur ba'o/ /tshig rnams ni mdud pa'o/ /blo bslad pa ni zad par 'gyur ba'o/ /nyams 'gyur ni dman par 'gyur bas so/ / 'gro ba ni rkang ba'i bya ba'o/ /zad pa ni chud zos pas so/ /'di ni kun du 'gro ba'o/ /yongs su ni kun nas so/ /shig shig po ni lhod pa'o/ /'phel ba ni brten pa'o/ /chags pa ni re ba'o/ /rim gyis zhum nas ni mthu med par gyur pa'o/ /dbang po gang zhig la @115a @#/ /yul 'dzin pa med pas so/ /nyams pa ni bral ba ste/ gang zhig la nus pa'i spro ba med pas so/ /chags pa ni zhen pa'o/ /'gro bar gyur pa ni thob pa zhes bya'o/ /gnas skabs ni gnas skabs so/ /gnas skabs de ni gal te dmyal bar 'gyur ba ste; de'i tshe dmyal ba'i 'jigs pa dang bcas pa nyid ni 'jigs su rung ba nyid do/ /'dis ni sdug bsngal chen po nyid ston par byed pa'o/ /'di zhes pa ni sngar bstan pa ma byas pa'o/ /byas pa ni rjes su gnas pa'o/ /nyams pa ni chud zos par gyur pa'o/ /'gro ba ni 'dod pa'o/ /rdog pas mnan pa ni rdog pa'i gnas skabs gang yin pa'o/ /de'i phyir de lta de lta bur zhes pa ni de ltar yang zhes bya'o/ /mchog tu gdung ba'i rang bzhin 'di zhes pas ni ne'i rkyen no/ /gnod pa ni na tshas so/ /snying rje yod pa zhes pas ni a tsa'i rkyen no/ /sdug bsngal ni na tsha skyes pas so/ /phyi rgyun can ni phyi ma'i chu'o/ /de'i rjes la ni lus spong bar 'gyur ro/ /yid du 'ong ba ni 'dod pa'o/ /srung ba ni skyob par byed pa'o/ /'bad pa yang yin la lhur blang ba mang ba de yin pa zhes bya'o/ /chos la sogs pa dang rang 'dod ces bya ba ni tshig bsdu ba'o; /gang zhig tha dad na mi 'tsho ba ni gnad ces bya'o/ /de'i gshis ni gnas so/ /der gang zhig gis gzir bar byed pas so/ /mun rum ni mi gsal ba'o/ /shin tu mi bzad pa ni shin tu mthug pa'o/ /cho nges 'debs pa ni dud mos 'debs pa'o/ /co to ni skra'o/ /pho nya ni khro ba'i rnam pa'o/ /zhags pa ni thag pa'i khyad par ro/ /dam du bcings pa ni bcings pas so/ /skye bo ni bshes so/ /rang gis byas pa'i du ba nyid sgra de yin pa'i phyir ro/ /ldir ba nyid ni g.yengs pas so/ /khrid par 'gyur ba ni khyer ba'o/ /mi bzad pas ni 'jigs pa'i tshogs so/ /mtshungs pa'i dbyug pas bda' zhing gang du 'khrid par byed pa'o/ /chu klung ni chus gang ba'i phyogs so/ /de dag bar ma chad pa ni khengs pa'o/ /der bgrod par dka' ba ni spyad par dka' ba'o/ /nag po zhes pa ni gnag pa'o/ /ngan 'gro'i 'bras bu bstan pa ni phyir @115b mthong nas ni mngon sum du gyur pa'o/ /btung bar 'dod pa ni btung ba don du gnyer pa'o/ /gang yin pa ni chu'o/ /de nyid sra ba'i chu yang yin la nya lcibs mo yang yin pas de dag go/ /tshogs ni gcig tu byas pa'o/ /de'i rnag sungs ni rnag ces bya ste de'i 'dam rdzab po/ /des gang ba ni de las 'dzeg cing skyes pa'i khrag dang mi gtsang ba'i chu nyid la 'dres pas so/ /dus rlabs ni de'i rlung 'khrugs pas so/ /mthar thug pas ni ri rtse'o/ /des na bsil bas ni ri rtse'i phyogs gcig gang yin pa'o/ /kun nas tsandan sngon po'i ljon pa gang yin pa'o/ /gang tshe de lta bur gyur pa'i ma la yar sdig pa byed pa'i sems can dang phrad pa na de'i tshe nags bsregs me lce rnon po 'khrigs pa'o/ /rtse mo ni 'bar ba'o/ /des dkrigs pa ni dkris pa'o/ /de'i mgal du ma 'gyel ba'i rnam pa mang pos kyang der rad rod can du gyur pa ste/ mtho ba dang dma' bar gyur pas so; /'jigs pa ni 'jigs su rung bas so/ /rlabs ni rgyas pa'o/ /dpa' ni klong ngo/ /de dag gyes pa ni dpa' rlabs las skyes pa'i gyes pa'o/ /dar skyes pa'i dpa' drag po'i dbu ba nyid ni gang zhig dgod pa'i so gtsigs pa'o/ /tsha bas gdungs pa dang rab tu gdungs pa 'phel ba dang ldan pa'i don to/ /rtsu ba pa ni sdug bsngal sbyin par byed pa ste/ /des na 'di ni mya ngan nyid do/ /de la sprin ni tshogs pa'o/ /de la 'khor ba pa ni 'khor ba'o/ /nges na bye tshan rtsub pa yang de yin la mya ngan yang de yin pas rlung dmar gyi chu'i phyogs zhes bya ba ste; de'i rang bzhin no; /dug mi bzad pa zhes kyang kha cig las brjod do/ /khug rna ni rgyas pa'o/ /dmar rtsub pa ni dmar ba'o/ /der zhes pa ni rgud pa'i gnas su'o/ /lcags mda'i char ni char du 'bab pa'o/ /dud 'thul 'dab mar bcas pa dag tu 'gyur ro zhes bya'o; /der yang rdo rje'i pha bong 'phro ba pha bong ste/ /de'i tsha tsha 'phro ba ni gang du me'i du ma bu ste phreng ba ni tshar du dngar ba'o/ /de'i dmar ser gyur pa'o/ /tsha ba ni gdung ba'i nyes pa ste sdug bsngal ba'o/ /tshar 'gyur ni sred par byed pas so/ /lhags pa ni ba mo ste de dang 'dres @116a @#/ /pa'i rlung dmar ro/ /tsha ba yang ni me yang ngo/ /las mi bzad pa ni shin tu mi bzad pa'i las so/ /'gyur ba ni 'bras bu smin pa'o/ /khab kyi kha ni gang zhig gi kha'o/ /dpag tshad mang po ni gang zhig dpag tshad mang po dang bcas pa ste/ lto ba zhes bya ba dang sbyar ro/ /dpag tshad mang 'jigs ni 'jigs su rung ba ste/ gang zhig gi lto ba ni nang ngo/ /nyam thag pa ni skom pas gzir ba'o/ /'di kha ste de'i tsha ba'i dugs kyis so/ /yangs pa yang yin la mgrin pa yang de yin pas so/ /bskams par gyur pa ni chu'i thigs pa'o/ /de nyid phyin pa ni ltung ba'i gnas so/ 'gugs pa ni kun du 'gugs par byed pa'o/ /shin tu gang bas na gang ba'i ngogs so/ /rab med ni dmyal ba'i chu'o/ /bul tog gi chus gang ba'i dogs ni rab med kyi ngogs zhes bya'o/ /mi bzad pa ni brnag dka' ba'o// rtse mo ni mtha'o/ /rno ba ni shin tu rno ba'o/ /mi mnyam pa ni ngogs te gang na rdo'i pha bong yod pa'o/ /bda' ba ni bdas pa'o/ /ral pa'i tshogs mang ba ni skra'i tshogs bsgyings pa'o/ /khyi yang yin la bsgyings pa yang de yin no/ /khyi de dag gi mche ba lcags kyu nyid rdo rje yin pas rdo rje'o/ / rtse mo ni rtse mo de nyid kyis so/ /dbang pa ni lus gang yin pa'o/ /rgyug pa ni skrag par shes par bya ba ste/ gang zhig khyad par du lus gtubs pas skyabs ma dmigs pa'o/ /lo ma nyid ni 'dab ma ste/ lo ma'i 'dab ma de'i nags tshal lo/ /de na khyad par ci zhig ce na/ spu gri'i so gtams pa'i 'dab ma'o/ /mdung dang rtse gsum dang mdung thung ni mtshon cha'i khyad par ro/ /mdung thung ni mdung thung ngo/ /ral gri ni ral gri nyid do/ /de nyid dgod pa dang 'dra bar yod pa ste/ khron pa gang zhig tu khyad par ci zhig ce na/ kha ste bug pa'i sgo'o/ /rgyal ba ni gang zhig gzhan pham pa'o/ /lhung ba ni nye bar gyur pa'o/ /gal te zhes pa ni mthus sod pa'o/ /mthug pa ni bar mtshams med pa'o/ /lo ma ni 'dab ma gang yin pa'o/ /nyi tshan gyis gdungs pa'i tsha ba de nyid kyis sdug bsngal mi bzod pa ste/ bzod par dka' ba'o/ /des chad pa ni skyo ba'i @116b lus gang yin pa'o/ /shing de dag gi lo ma nyid ni mtshon cha de dag ste/ de dag brgya phrag lhung bas gang zhig gi lus bcad pa ste/ shing gi rtsa pa de nyid du'o/ /mthar thug pa ni bas mtha' ste/ lhag pa yang yin la rtse mo yang de yin pas de dag brgya phrag rnams so/ /de dag ni mi rtag ste/ de'i phreng ba ni gral du dngar ba'o/ /des g.yengs pa yang yin la 'bar ba yang yin pas de nyid lus te/ des na lus kyi zhags pas so/ /sog le bzhin du rtsub pa'i lus shin tu rtsub pa 'di dag gis so/ /de dag gong nas gong du sdug pas srog chags dag bcum nas 'khyud pas gtong bar ji ltar dam par 'gyur ro/ /ri kha sbyar ba'i ri ste ri nyid dang 'dra ba mtshungs pa gang yin pa ste/ de dag kyang 'jigs su rung ba ste 'jigs par byed pas so/ /'dus pa'i phrag ste lug de dag 'dus pa'i phrag tu ste/ de dag gi zung des 'joms pa ni btags pa ste/ des na phye mar rlog cing 'joms pa'o/ /de nas lus kun bcom pa'i dus der skad cig gis cung zad de bsil bas brtas pa ste phan pas so/ /srog ni mtsho ba gang yin pa'o/ /de bzhin du zhes pa ni 'khyud pa bzhin no/ /bse ni bse ru gcig go/ /bred pa ni 'jigs par gyur pas so/ / 'dus pa ni gzugs brnyan tsam gyi phyir ro/ /de la zhes bya ba ni shalma li la'o/ /khwa ni bya rog go/ /'byin pa ni g.yo bar byed pas so/ /brtsams pa med pa ni stobs kyis so/ /dam zhags ni bcings pas so/ /'chi ba ni gshin rjes ske nas btab pa'o/ /'dzeg par byed pa ni shing la 'dzeg par byed pa'o/ /dran pa dang bral ba ni sems nyams pas so/ /dbang pa ni gtubs pa'o/ /nyam thag 'byin pa ni du ba'i sgra'o/ /rtse mo ni cha shas so/ /mtshungs pa ni mnyam pa'o/ /lcags ni 'dir lcags so/ /de yang der kha gyen du bltas pa ni kha gyen du bltas pa'o; /mang po ni rab tu mang po'o/ /sbom pa ni mthug po'o/ /rnon pos phug pa ni phur bus so/ /'bab par mi nus pa ni thar bar mi nus pa ste/ shalma li de nyid las so/ /dud mo ni tsho nges 'debs pa'o/ /'bar ba'i zug rngu ni de bzhin du dbang du byed pa'i zug rngu'o/ /kun du drangs pa @117a @#/ /ni bton pa'o/ /brgyang ba ni 'then pa ste/ nang gi rgyu lto gang yin pa'o/ /khwa ni bya'o/ /mtshon cha ba dar ba ni mchu gang yin pa'o/ /bye ma tsha mo yang yin la sa yang de yin pa zhes bya'o/ /gzhi ni rten no/ /rkang pa gzhag pa ni bor ba'o/ /de mi thob pa nyid ni skrag pas lhung bar 'gyur ba'o/ /'tshe ba ni srog dang bral ba'o/ /las nyid zhags pa bzhin pas zhags pa'o/ /thogs pa ni gzung ba'o/ /'pho ba ni 'pho ba ste gzhan du 'gro ba'o/ /lcig lcig chen po ni des byas pa'i sgra chung ngo/ /rmugs pa ni rnyings pa'o/ / stong pa ni stong pa'o/ /rus pa la yang zhes pa la sogs pa'o/ /tshigs su bcad pa gnyis po yang gnas so zhes pa ni 'di dag nyid kyi bya ba'o/ /gang grang ba'i sems can dmyal ba rnams so/ /shin tu ni mthar thug pa'o/ /'o dod ni skad 'byin pa'o/ /sbrebs pa ni rnam pa tha dad par 'gyur ba'o/ /'dar shang ni g.yo ba'o/ /bskum pa ni lus zlum por byas pa gang yin pa'o/ /lhags pa dpe med pa ni 'dra ba med pa gang yin pa'o/ /rma brtol ba ni gang zhig 'dzag pa'o/ /chu bur brgya phrag las skyes pa'i srog chags kyis zos pa ni zos pa'o; /des dbad pa de'i phyir 'dzag pa ni lug pa'o/ /rkang dang zhag dang bcas pa dag tu 'jug pa zhes pa ni gang dag rkang dang zhag dang chu ser dang bcas pa rnams so/ /so tha ma ni so gang dag yin pa rnams so/ /spu dang ba sbu ni tso do dang sbu gang yin pa dag go/ /g.yengs par gyur pa ni phan tshun 'brel ba'o/ /sems med pa ni sems dang mi ldan pa ste/ bems po ni btang snyoms su gyur pa'o/ /gnam mdog gyur zhes bya ba la sogs pa'i tshigs su bcad pa gnyis kyis ni dmyal me nas lhung ba ste 'gro ba'i bya ba'o/ /ci zhig tu gyur pas she na/ rnam par 'phro ba ni 'khrugs pa'o/ /mang ba ni mthug pa'o/ /mnam pa ni dring ba'o/ /tsha ba ni rno ba'o/ /gang zhig du ba de 'thul ba rnam par g.yengs pa gang zhig gis gnam mdog tu gyur pa'o/ /che dgu ni 'phel ba'o/ /rtse mor 'bar ba gang yin pa ni lag pa de dag go/ /mang ba ni tshogs pa'o/ / @117b rnam par pra ba ni ston pa'o/ /phyogs kyi dkyil 'khor ni yul khebs pa gang yin pa'o/ /skye g.ya' ba ni 'jigs su rung ba'o/ /'jigs byed ni dbang phyug chen po'i khyad par ro/ /rab gar ni rang yang yin pa ste/ de bsam gyis mi khyab pa zhes bya ba'i don to/ /glang chen lpags gyon kye ma kyi hud zer ba bzhin/ /de dag la 'jug ces pa ni 'jigs byed kyi glang chen pags pa'o/ /de su zhig ce na/ dmyal ba ste de'i rnam pa'o/ /la lar zhes pa ni phyogs gcig na'o/ /cher ni rgyas par ro/ /skad 'gag ni dus thung ba'o/ /rtse zhil ba zhes pa ni gnas pa'o/ /ba skyad du med pa ni 'phel ba'o/ /khong ni de'i nang du'o/ /bskal pa'i dus kyi me ni 'jig pa'i dus kyi me'o/ /skam po zhes pa la sogs pa'i tshigs su bcad pa gnyis kyis ni yang sdug bsngal rgyun mi 'chad par ltung bar byed pa'o/ /yang ji lta zhe na/ rtswa'i tshogs kyis yang ngo/ /gse pa gzhan ni bar mtshams so/ /sgreng ba ni phye ba'o/ /nar ba ni brkyang ba'o/ /'dod pa ni re ba'o/ /de'i gseb g.yogs pa ni bcad pa ste/ las nyid sgo glegs so/ /ci zhig ce na brda mi phrad pa'o/ /ci'i phyir brda mi phrad ce na/ de nyid du de dag rnyings pa gong bur gyur pa ste/ bzod dka' ba'i phyir ro/ /de bzhin du lus kyi rtsib logs su zug pa zhes brjod do/ /dud bcas bstud mar byung ba ni rkan gang yin pa nas so/ /me lce gang yin pa ni rtse mo'o/ /grol ba ni bye ba'o/ /mi bzad pa ni sdug bsngal ba'i phyir ro/ /skad ces 'don pa nyid ni skad 'don pa tsam ste de nyid lhag ma'i bya ba gang yin pa'o/ /lcags bzhu khu ba 'thung zhes pa ni bya ba ste/ /mda' po che ni mtshon cha'i khyad par ro/ /char bzhin 'bab pa ni de'i phyir rjes la'o/ /'khrigs pa ni g.yogs pa'o/ /rna ba ni nyan pa'o/ /bud shing skam por bcer ba lta bu las mched pa ni ltos pa med par sreg par byed do/ /ci zhig gis she na mes so/ /kun byed pa ni rang ngo/ /rdol ba ni mig dang mgo bo ste/ thod pa yang yin la glad rgyas kyang yin pas mgo bo'i glad pa'o/ /smug nag ni dmar ser ro/ /'bar ba ni rtse mo'o/ /de dag gi dus gang @118a @#/ /yin pa'o/ /mched pa ni skyed par byed pa'o/ /yang gang gi phyir srog ni 'tsho ba'o/ us sthu ba nyid ni byi la'o/ /der zad pa sems can de dag nyid do/ /'di dag nyid ni me la sogs pa'i dmyal ba'i las kyi dbang du byas pa mi bzad pa nyid du 'gyur ro/ /'di nyid las kyi dbang du byas nas 'khrugs par snang ba'o/ /spyod pa ni kun du spyod pa gang yin pa'o/ /'phyes rnams su ni 'jigs pas g.yengs pa rnams so/ /spyod mtshungs ni gsod par byed pa'o/ /skye ba ni skyes pa'o/ /ngang tshul ni spyod pa'o/ /thob pa ni dmyal ba la sogs pa'o; /dge ba ni zhi ba'o/ /lhag pa ni gzhan gyi don phul du byung ba'o/ /lam ni rten no/ /nam mkha' lding ni bya khyung la sogs pa'o/ /klu ni nor rgyas la sogs pa'o/ /lag pas 'gro bas na lag 'gros te sprul lo/ /brtun pa ni brtson 'grus dang ldan pa'o/ /don ni go bgos pa'o/ /brnag pa ni dam bcas pa'o/ /mi'i dngos po slu ba ni mngon par slu ba'o/ /rnyed gyur ni thob nas so/ /shin tu 'joms pa nyid ni dge ba'i las so/ /las dang byed pa po gang gis de nyid dmigs pa ni byas pas so/ /gang gi phyir gnas pa ni yun ring por gnas pa ste/ de'i nges pa med pa'o/ /shugs drag rlung gis bskyod pa ni g.yo ba ste/ mar me'i rtse mo rlung gis btab pa bzhin du g.yo bas so/ /zur gyis blta ba ni zur mig gis te zur mig tu byas pa'o/ /dbyug pa nag po gang gis so/ /so ga me tog rgyas pa ni me tog kha bye ba'o/ /mi dga' ba ni skyo ba'o/ /shin tu ni mchog tu'o/ /zad par 'gyur ba ni god par 'gyur ba'o/ /ri rtse nags kyi mthongs der ni shing la sogs med pa'i phyogs so/ /dkyil 'khor ni gzugs so/ /rgyas pa ni yongs su rdzogs pa'o/ /char sprin nyid ni rke rags te/ rked pa bcings pa dang gang dag yin pa'o/ /nyams dga' ba ni mtho ris kyi skyed mos tshal gang yin pa'o/ /sa gzhi de nyid bsngags pa'i phyir ka ni rkyen sbyin no/ /lha mo ni lha'i chung ma zhes bya'o/ /nyam bag tu ni bde bar ro/ /mdzes pa ni spang bar ro/ /skal @118b pa bzang po ni dga' byed pa'o/ /lhab lhub med pa ni g.yos spyod pa med pa'o/ /rab bde ba ni shin tu dri ma med pa'o/ /dben pa ni skye bo med pa'o/ /dri zhim bskus pa ni khrus kyi 'dag rdzas so/ /de nas lan bu rgyan du thogs pa'i rgyu ldan ni de dag phan tshun 'dres par gyur pas so/ / rgyun ni gang zhig mtho ris kyi chu'o/ /de dag dgod pa ni kha bye bas so/ /rang nyid rtse ba dang rol pas nye bar dgod pa'i rang bzhin gang yin pa'o/ /lha ni lha mo'o/ /skye bo lhab lhub med pa ni grogs med pa'o/ /chu dang bral ba ni ngogs kyi gle ma'o/ /phug gis sgrogs pa ni snyan par thos pa'o/ /'dod chags dang bral ba ni srid pa las yid byung ba'o/ /phun sum tshogs pa ni 'byor ba'o/ /khor yug ni mthar thug pa'i longs spyod pa gang yin pa'o/ /phreng ni gral lo/ /nyer spyod ni 'khor du gnas pa'o/ /gang dag 'dod pa la chags pa rnams ni dmyal bar ltung bar 'gyur ro/ /de dag 'dod pa spang bar bya zhes pa ni lhag ma'o/ /dpag bsam mtshungs pa ste rmi lam nyid na de dang rtse ba la sogs pa rnyed par dka'o/ /'khrul pa ni nor ba'o/ /slu ba ni slu bar byed pa'o/ /bde ba ni dga' ba'o/ /rnam par smin pa ni smin pa'o/ /tsha ba ni rno ba'o/ / rmongs pa nyid ni gti mug par byed pa de'i phyir ro/ /'thibs por byed pa ni kun du spyod pa'o/ /nges par brtags pa ni rnam par dpyad pa'o/ /mchog ni bde ba sbyin par byed pa'o/ /mi bzad pa ni 'jigs su rung ba'o/ /dug nyid mi 'dod pa'i 'bras bu sbyin pa'o/ /dug nyid dang ldan pas ni dug nyid rab tu zhi bar byed pa'o/ /dug sel ba ni sman no/ /gsor rung ba ni mthus bsgrubs pa ste/ rigs pa dang ldan pa'i sbyor bas so/ /chags pa ni sred pas so/ /rnyed pa ni thob pas so/ /klongs pa ni g.yengs pas so/ /rtse myongs ba ni rigs kyi myong ba la sogs pa'o; /lha'i bu mo ni lha mo'o/ /'khyams pa ni 'khor ba'o/ /phrad pas smras pa'i sdug bsngal mi bzad pa bsten dgos so/ /dpag bsam shing lo gding ba kun bkram pa ni nags bting ba'i tshogs gang yin pa'o/ /mdzes pa ni yid du 'ong ba'o/ /rtse ba ni lhan cig rtse bar @119a @#/ /byed pa'o/ /rtse mo ni rno ba'o/ /'khrugs pa ni kun nas g.yengs pa'o/ /rkang bzhag ni gnas su'o/ /nems dang par ni mtho ba dang dma' ba'o/ /rdul nyid ni rdul lo/ /me tshogs ni thal tshen gyi me'o/ /tsha ba nyid ni me mar mur de la'o/ bye ma bsregs pa ni bye ma bsregs pa'i tshogs so/ /zhig par byed pa ni rkang pa dang/ brla dang/ lag pa gang yin pa rnams so/ /mun nag thibs po ni mun nag gis g.yogs pas so/ /mi bzad pa ni 'jigs pa 'byung ba'o/ /gnas pa ni yun ring bar gnas pa gang yin pa'o/ / dpag med ni tshad med pa'o/ /mtha' dang pha rol de dag yod pa ma yin pa gang yin pa'o/ /dril bu 'khrol ba ni kha nas sgra 'byin pa'o/ /mdzes pa ni brgyan pa'o/ /'khrol ba ni dril chung de dag go/ /de mu tig phreng ba'i tshogs ni zhes pa ste lhag ge ba ni mdzes pa'o/ /'od ni lha'i khyad chos so; /mgo rgyan ni cod pan no/ /dmar ba ni kha dog go/ /rkang rten ni rkang pa'i gdan no/ /der 'gro ba ni rab tu spyod pa'o/ /rab tu rnyings pa zhes pa ni a ta ril a na ra'i rkyen byin pa'o/ /'dzag pa ni rdul 'dzag pa ste rdul gyis lus po kun gos pa'o/ /dri ma chags pa ni rnyings pa ste gos gang yin pa'o/ /de bzhin du snying rjes smre zhing nye du rnams kyi tshogs la lta ba'o/ /'gyur ba ni thob pa ste shin tu sdug bsngal ba'o/ /sdug bsngal de ni mi rnams la med do/ /sdug bsngal gyi me tshogs spungs pa ni gang ba'o/ /de ni gshin rje'i 'jigs su rung ba'o/ /bde bar mngon pa'i nga rgyal byed pa ni bde ba'i sgro 'dogs pa'o/ /byed pa ni 'byung ba'o/ /de la bde ba snyam nga rgyal byed pa ni 'joms par byed pa'o/ /gshin rje'i khar 'jug par byed ces pa'i don to/ /de zhes pa ni bde bar mngon par rlom par byed pa'o/ /gshin rje la sbyin pa ste/ sred pa'i pa'i rang bzhin brtan pas thi gu ring po ste/ gang zhig de'i dam bzhag ste sdom pa'o/ /btab pa ni gzung ba'o/ /log par smon pa ni don du gnyer ba'o/ /'jigs pa ni 'jigs su rung ba'o/ /dbyug pa nag po gang zhig gis so/ /sred pa ni gos pa'o/ /mchog tu ni phul @119b du byung ba nyid do/ /bde bas sems pa ni de nyid myur bas so/ /khros te gzas pa ni brtags pas so/ /mgo bstod pa ni gang du skad cig go/ /dbugs phyin thob pa ni gang zhig grol zhing thar bas so/ /bskol ba'i tshab ni rjes su 'chi bas so/ /de'i dran pa ni de nyid myur bas so; /zangs chen ni bshad pa'i chu gang yin pas so/ /de'i phyir yang kha cig las sod pa ni rnam par g.yengs pa zhes kyang brjod do/ /kham 'ga' ni kham gcig go/ /sred pa ni zhen pas so/ /mi bzad pa ni bzod par dka' ba'o/ /dbang med rtag tu ni gang du bcings pas bcings pa ste/ de ni rtag tu ste nyin dang mtshan du zhes pa'i don to/ /ci zhig ltar ni gzhan dbang du'o/ /skyed pa ni skyed par byed pa'o/ /shin tu ni phul du byung bsams pa nyid do/ /rnam 'phel ni rgyas par ro/ /bsgoms pa ni goms par byed pa'o/ /rtse mo ni 'bar ba'o; /mi sdug pa ni mi mdzes pa'o/ /snyoms byed pa ni mtshungs par byed pa'o/ /mi zad pa ni bzod par dka' ba nyid do/ /yang de dag go/ /'gro ba ni 'gro ba drug po rnams las gang yang rung bar skye ba'o/ /ma song ba ni ma thob pa'o/ /mdzes pa ni sdug pa ste gang zhig dga' ba'o; /de yang ni de ltar yang ngo/ /'dod chags ni zhen pa'o/ /gnas ma bcas pa ni gnas par ma byas pa'o/ /gnas ni gzhi'o/ /phyogs ni phyogs gcig go/ /song ba ni bgrod par byas pa'o/ /sdug bsngal gyis gang ba'i phyir dgar dka' ba'o/ /nyams su myong ba ni thob pa'o// 'dod pa de dag med pa ni rgyur gyur ba gang zhig gis tshim pa ni zhen pa log pa'o/ /nyal ba ni nyal bar byas pa'o/ /skye ba blangs pas zhes bya ba'i don to/ /yongs su 'dzin pa ni yang dang yang du skye ba len no/ /rgya chen ni shin tu rgyas par ro/ /'jigs pa ni 'jigs su rung ba'o/ / gnas de ni gdengs dka'o/ /sdug bsngal nyams su myong ba ni lus kyis so/ /gang zhig dang rdul gyis gtses pas so/ /tshogs pa ni bdag nyid dang tshogs nas so/ /lhan cig 'dug nas bgad par byas pa dang rtses pa ni rtsed mo dang/ glu ni rab tu blangs pa dang/ 'thungs @120a @#/ /pa 'di btung ba byas pa dang/ gcig tu zhen pa ni tshogs pas so/ /zos pa ni bza' ba'o/ /dga' mthun ni brjod pas so/ /dus ni me tog dang ldan pa'o/ /dengs pa ni khyer nas gzhung kha cig las ni dus kyi rim pas zhes pa brjod do/ /gnas skabs ni gnas pa'i bye brag go/ /mnyam pa ni bde ba'i sbyin pa'o/ /ci zhig ltar ni dka' bas zhes pa'i don to/ /skye shi ni skyes pa dang shi ba'i rgyun te de'i 'pho ba ni yang dang yang du'o/ /snang bzhin du chud zos pa'o/ /klong ni chu'i 'khor ba'o/ /gcig thar ni gcig pu'o/ / 'di ni nyan thos rnams so/ /dka' ba byas pa ste/ de'i phyir bor ba ste dor bar byas pa'o/ /mi nus pa ni rang dbang du'o/ /nu zho ni 'o ma'o/ /byams pa dang rjes su 'brel pa ste/ de'i ma'o/ /ngal brtse ba la sogs pa'o/ /gcig tu bstan pa zhes bya ba ni rkyen sbyin no/ /ma rabs ni chom rkun no/ /gang gi ni ma rnams kyi'o/ /'ang gi sbras ni pang du'o/ /bdag gi bur gyur ces bya ba'i skabs gang yin pa'o/ /rtse bag sems ni rnam par g.yeng pa'o/ /'di blangs pa ni zon pa dang bcas pa'o/ /'di ltar ni byis pa'o/ /pang pa ni pang du blangs pa de srid du'o/ /btsa' ba ni thob pa'o/ /khong du 'dzin pa la sogs pas sdug bsngal ba nyid do/ /skyabs ni skyob pa'o/ /brtse ba'i rang bzhin ni gzhan sdug bsngal ba na 'di mi srid pa'o/ /'gro ba bzlog pa ni bgrod pa'o/ /dbang med pa ni g.yeng pa'o/ /gzhan zhes pa ni sems can no; /skad cig kyang rangs par byas pa ni de dga' ba gang yin pa de dang 'dra ba ste mtshungs par yod pa'o/ /de ci'i phyir zhe na/ bkres pa ni ltogs pa'o/ /sred pa ni zhen pa'o/ /tsha ba ni rdul byung ba gang yin pa'o/ /bral ba ni med pa'o/ /des dga' ba bzhin sdug pa ni mdzes pa gang yin pa'o/ /skyes pa ni rgyu'o/ /gzhon pa ni glang po la sogs pa'o/ /nye bar mkho ba ni g.yog la sogs pa'o/ /ji ltar yang ni rnam pa gang gis kyang ngo/ /shin tu ni 'dus pas so/ /rtswa ni sngo rnams so/ /de'i kham 'ga' ni kham gcig go/ /de yang mi rnyed pa'o/ / @120b gang 'dod pa ji ltar 'ga' zhig tu'o/ /'ang ni bsdus pa'o/ /brtson pa ni brtson par byed pa'o/ /rang ni bdag nyid do/ /brjod pa ni nus pa'o/ /bde ba ni yang 'di'o/ /skyes bu ni skyes bu'i byed pa'o/ /ngo mtshar ba ni rmad du byung ba'o/ /snang ba ni gsal ba'o/ /mi rtsegs pa ni ma chad pa'o/ /mkhas pa ni kun brtags pas so/ /rang bzhin de 'dra ba ni rang gi ngo bo de'o/ /'di ni 'di lta bur gyur pa'o/ /phan dang bde ba'i ro ni dbugs 'byin pa'o/ /gcig tu gzhol ba ni ro myang ba'o/ /ma rig pa ni rmongs pa'o/ /de nyid ni du ba'o/ /de nyid ni mun par byed do zhes pa ni mun par ro/ /de'i sprin ni g.yogs pa ste/ khyab pas na der 'khrigs pa'o/ /bod ba ni sa'o/ /mtho ba ni khyad par 'gro ba'i 'khrugs par 'gyur ba'o/ /nang du ni spyod pa gang yin pa'o/ /ltung ba ni dma' ba'o/ /thod ni dkris pa'o/ /thod la me mcher 'bar ba lta bu ni mtshungs pa'o/ /mgo dang thod la me shor ba dang mtshungs pa zhes pa'i don to/ /skyes bu ni skyes bu'i yon tan dang ldan pa zhes bya ba'i don to/ /'jugs pa ni zhugs pa'o/ /mnar med pa ni ngal so dang bral ba'o/ /gang ba ni khyab pa'o/ /gzhan gyi don du ni gzhan gyi ched du'o/ /gangs dang zla 'od lta bu ni ji lta ba ming gis bsil bar 'gyur ba lta bu'o/ /dga' bas ldang ba ni ba spu ste/ lus kyi ba spu ldang ba gang yin pa'o/ /kha bye ba ni rgyas pa'o/ /padma ni 'dam skyes so zhes bya ba'o/ /de nyid kyis lhag ge pa gang yin pa'o// 'dus pa ni gnas pa'o/ /mkhas pa ni skyes bu dam pa'o/ /chas pa ni bskor nas so/ /dga' ba'i tshal ni lha'i skyed mos tshal lo/ /bsgral ba'i phyir ni gzhug pa'i phyir ro/ /brgal bar gyur pa ni byang chub sems dpar bstan pa ste/ dmyal ba'i las las yang dag par 'das pa'i phyir ro/ /dba' rlabs ni tha dad pa'o/ /de'i chil chil ni phan tshun 'dras par gyur pa'o/ /des reg pa ni phrad pa'o/ /des na bde ba'o/ /de ltar ni rnam pa gzhan gyis zhes bya'o/ /bsten par byed pa ni bdag nyid do/ /rgyan gyis ni phyir spyir ro/ /brgyan gyur ni @121a @#/ /snying po'o/ /zhi ba ni dpal lo/ /bdud rtsi nyid ni bdud rtsi ste/ yon tan gyi rten yin pa'i phyir ro/ /yangs pa ni rgya che ba'o/ /gsal ba ni mar me bzhin no/ /rnyed dka' bas ni sdug bsngal bas rnyed pa'o/ /dga' bar byed pa'i phyir dga' ba ste dga' bar byed ces pa'i don to/ /zhi ba ni thar pa'o/ /bkra shis pa ni dga' pa'o/ /bsten pa ni goms par byed pa'o/ /me tog nyid ni me tog go/ /'bras bu ni 'byin par byed pa ste gang gi phyir ljon shing rnams kyi me tog nyid ni 'bras bu ste lo ma la sogs pa'o/ /don tshogs ni mi rtag pa nyid rjes su gnas pa'o/ /sbrang rtsi ni me tog gi snying po'o/ /mchog ni rab tu gyur pa'o/ /don du gnyer ba ni lta ba'o/ /spong ba ni 'dor ba'o/ /rtag tu ni rgyun du'o/ /'tshe ba ni rnyed dka' ba'i nyes dmigs so/ /'khrugs pa ni rnam par g.yengs pa ste dag pa nyams pa'i phyir ro/ /skad cig la 'jig ni chud zos pa ste/ des sna 'di la chags pa yod pa zhes bya'o/ /dben pa ni mtha' gcig tu nges pa'i rang bzhin re/ mtha' gcig tu zhi bas sam dben pas so/ /sol ba ni spangs pas so/ /rab rib ni mi shes pa ste gti mug go/ /rang bzhin ni gtsug phud gang yin pa'o/ /ni ni gang gi phyir ro/ /rte'u skyes ma thag ni yun ring por gnyid bsten par 'gyur ba ma yin no/ /de bzhin du bsgom pa'i dus na yang mi shes pa'i gnyid yun ring por bsten pa ma yin no/ /'dul ba ni bslab pa'o/ /che ba ni rgyas par ro/ /shing ni snying po'o/ /bzod pa'i gnas skabs so/ /lo ma ni g.yogs pa'o/ /smon lam ni smon pa'o/ /rtse mo ni co do'o/ /srid pa ni mya ngam ste chus dben pa'i sa gzhi'o/ /gcig ni gtso bo ste grib ma la sogs pa phun sum tshogs pa'o/ /gsal ba ni grags pa'o/ /yangs pa ni rgya che ba'o/ /mtsho zab pa ni de'i gting du'o/ /rab tu dang ba ni dri ma med pa ste/ bsam pa'i gnas skabs sam sems gang yin pa'o/ /ba mo ni bsil ba'o/ /sbrul gdug ni chu srin la sogs pa'o/ /snying ni rtsa la sogs pa'o/ /bag med pa ni mun pa'o/ /rab tu @121b gtsang ba ni bde ba sbyin pa'o/ /sred pa ni zhen pa'o/ brtun pa ni kun du dkrugs pa'o/ /de nyid khur yin pas khur tsha'o/ /smra ba ni brjod pa'o/ /grags pa ni yon tan grags pa'o/ /rgyun ni 'byung ba'o/ /shugs drag ni shugs kyis 'bab pa'o/ /bskyod pa ni bsgul ba'o; /rdul rab zhi ba ni rdul phran no/ /gang gis bsgrubs pa ni thob pa'o/ /dad pa ni gus pa'o/ /rtag bde ba'i longs spyod ni gzugs la sogs pa'i yul rgyas pa gang yin pa'o/ /rim gyis ni thos pa la sogs pas so/ /dga' ba med pa ni sems can no/ /'dir zhes pa ni dmyal ba'o/ /mnyam pa ni 'dra ba'o/ /padma sna tshogs pas gang ba'o/ /bzang po ni dpal lo/ /rgyas shing ni rdzogs par ro/ /shog cig ni phun sum tshogs par ro/ /brnag pa ni bsam pa'o/ /bdud dpung pham pas cho des 'debs pa ni/ sangs rgyas byung ba gang yin pas so/ /lha'i chu ni nam mkha'i ganggA'o/ /de la rtse ba ni rol par byed pas so/ /de bzhin du dga' bas na dga' mdzad do/ /'du ba ni gan tu 'ongs pa ste lha dang mi gang dag yin pa'o/ /'joms pa ni mi 'jug pa'i rang bzhin te byed pa po gang yin pa'o/ /chos ni gsung rab bo; /des kun dga' ba ni dga' ba ste de'i rgyu yin no/ /de nyid ni dga' ston chen po'o/ /'phel ba ni gsal ba'o/ /'chi bdag ni gshin rje'o/ /don med pa ni 'bras bu med pa'o/ /tsan dra go mi'i snang ba ni ye shes sam zla ba'o/ /don byas pa ni 'bras bu dang bcas pa'o/ /bsil ba ni rnar 'ong ba'o/ /gtam tshogs ni klags pa la sogs pa'o/ /'phel ba ni de'i rgyun no/ /'phags pa'i skye bo'i gtam gyis ni zla ba'i snang ba'i dge bar gyur pa thob pas zhes pa'i don to/ /slob ma la springs pa'i dka' 'grel slob dpon pai ro tsa na rak+Shi tas mdzad pa rdzogs so// //rgya gar gyi mkhan po paNDi ta chen po su ga ta shrI mi tra dang/ lo tsA ba dge slong tshul khrims rgyal mtshan gyis sgyur ba'o// @##/ /rgya gar skad du/ shi Shya le kha br-itti/ bod skad du/ slob ma la @122a @#/ /spring pa'i 'grel pa/ sangs rgyas dang byang chub sems dpa' thams cad la phyag 'tshal lo/ /thub dbang sras bcas bzhugs kun la/ /rab tu gus pas rtag btud nas/ /slob ma rnams la phan don du/ /slob ma'i spring yig rnam par dbye/ /'dir 'phags pa zla bde ni bdag dang gzhan gyi grub pa'i mtha' rgya mtsho'i pha rol tu son pa/ shes bya thams cad kyi gzugs brnyan shes pa'i me long la rab tu snang ba/ rig pa'i gnas thams cad la chags pa dang thogs pa med par dbang 'byor pa mang du thos pa'i bdud rtsi'i nyid khus blo gros kyi dbang po rgyas pa/ sa chen po la yang dag par bzhugs pas bdud kyi 'tshe ba dang bral ba/ gcig tu theg pa chen po lhur len pas theg pa gzhan la 'dod pa med pa/ bdag dang gzhan mnyam par sgom pas 'gro ba thams cad la phan pa dang bde bar zhugs pa/ byang chub sems dpa'i spyod pa mthar byung ba/ brtson 'grus lhod pa med pa/ chos thams cad bdag med par mnyam pa nyid rab tu rtogs pa dang/ dkon mchog gsum gyi rigs gong nas gong du rgyas par bya ba'i phyir rab tu gzhol ba/ bdag nyid 'dod pa'i 'dam las brgal nas gzhan yang bsgral bar bzhed pa ste/ rang gi slob ma dge slong gi brtul zhugs dor te rgyal bo'i bu mo dang 'dod pa bsten pa las slar bzlog pa'i phyir de la gdams pa spring ba'i thog mar ston pa la bstod pa ni rgyu phun sum tshogs pa gang gis zhes tshigs su bcad pa gcig go/ /sangs rgyas bcom ldan 'das gang gis bdud btul nas mdzad pa shin tu dka' spyad mdzad pa ni ji skad du/ lha chen thig le mchog ma la/ /chags pa skyes pas gdong bzhi byung/ /bdud kyi bu mo'i sgeg pa yis/ /khyod kyi ba spu'i rtse ma g.yos/ /zhes bshad pa lta bu'o/ /'o na ston pa'i dka' spyad dpag tu med pa ma yin nam/ 'di kho nas ston pa ji lta bu zhe na/ /gdams pa'i yul slob ma de bud med la chags ba bzlog pa'i phyir ro/ /'bras bu phun sum tshogs pa ni/ /bkra shis zhes pa rkang pa gnyis so/ /bkra shis pa ni sprul pa'i sku'o/ /yid du 'ong ba ni longs spyod @122b rdzogs pa'i sku'o/ /rmad du byung ba ni chos kyi sku'o/ /yang na ston pa'i thugs dang/ gsung dang/ sku ste rim pa bzhin no/ /yang na spangs pa dang ye shes dang che ba nyid de/ rim pa de la sgrib gnyis ni mi shes pa yin la/ de dag spangs pa ni bkra shis pa'o/ /mi shes pa ni yid du mi 'ong ba yin la/ ye shes ni yid du 'ong ba'o/ /che ba nyid ni 'jig rten gsum na gtso bor gyur pa rmad du byung ba'o/ /bsod nams chung du'i skye bo ni chos kyi rgyun gyi ting nge 'dzin ma thob pa rnams so/ /mthong ba rnyed par dka' ba ni ji skad du/ ji ltar chu yi snod chag na/ /zla ba'i gzugs brnyan mi snang ba/ /de bzhin sems can ngan pa la/ /sangs rgyas gzugs kyang mi snang ngo/ /zhes bshad pa lta bu'o/ /'o na su la snang zhe na/ mos pa spyod pa'i skye bo dang/ 'phags pa nyan thos rnams la sbrul pa'i sku kho na snang ngo/ /mtshan ma med pa'i sar zhugs pa'i byang chub sems dpa' rnams la longs spyod rdzogs pa'i sku kho na'o/ /mtshan ma dang bcas pa'i sar zhugs pa'i byang chub sems dpa' rnams la de gnyis ka snang ngo/ /sangs rgyas kyis la ni chos kyi sku kho nar zad kyis gnyis po med do/ /de skad du yang/ sprul yod longs spyod rdzogs pa med/ / longs spyod rdzogs yod cig shos med/ /longs spyod rdzogs dang cig shos yod/ /longs spyod rdzogs dang cig shos med/ /de la mos pa brtan rnams dang/ /mtshan ma med pa'i sa rnams dang/ /mtshan ma bcas pa gzhan rnams dang/ /sangs rgyas nyid dang go rims bzhin; /zhes pa lta bu'o/ /byams pa phun sum tshogs pa ni/ /'jig rten zhes rkang pa gnyis so/ /'jig rten pa rnams mngon par 'dod pa'i re ba bsgrubs pa ni de dag mtho ris dang thar pa la bkod pa'o/ /yang na long ba dang phrad pas mig thob pa la sogs pa'o/ /ro gcig ni rgyun ma chad par ro/ /yang na rang don dang ma 'dres pa'o/ /snying rje phun sum tshogs pa ni gang zhig rtag tu zhes tshigs si bcad pa gcig go/ /de nyid rang gi bde ba bsgrubs pa dang sdug bsngal sel ba yang yin te/ srid par gnas kyi bar du mya ngan las mi 'da' bar 'dug pa yin no/ /phrin @123a @#/ /las phun sum tshogs pa ni gang zhig gzhan gyi zhes tshigs su bcad pa gcig go/ /ston pa ni sngon rgyal po zla 'od du gyur pa gang zhig bram ze'i khyi'u le'u du tsa dbu slong ba gzhan gyi don du dbu nags kyi ljon shing la bcings te bram ze gcod du bcug pa ni shing de'i lhas gegs byas pa'i tshe padma 'dam gyis ma gos pa lta bur lha dang bram ze la chags sdang med par dgyes pa'o/ /ston pa nyid kyi don du gdugs dkar po gcig gis 'dzin pa po'i rang gi lus khebs pa lta bur sa thams cad kyang rang gi rgyal srid kyis khebs kyang/ de la ral gri so bdar pa rnon pos yan lag la sogs pa gcod pa ltar dge ba'i bar chad du dgongs so/ /yang na sdug bsngal gyi rgyur dgongs so/ /yon tan phun sum tshogs pa ni/ /zla bzhes tshigs su bcad pa gcig go/ /zla ba ni tshes gcig nas cher 'phel ba dang/ 'od gsal ba dang/ bco lnga'i tshe dkyil 'khor rdzogs pa dang/ mun pa sel ba dang/ gcig tu rgyu ba dang/ yid du 'ong ba dang/ lta ba po'i mig la phan pa dang/ lus la bsil ba dang/ nam mkha' la 'char ba dang chos dgu dang ldan pa bzhin du ston pa yang ngo/ /de la yon tan ni gsum ste/ sku dang/ gsung dang/ thugs kyi'o/ /cher 'phel ba ni bcu man chad du'o/ /gsal ba ni shes bya thams cad mngon sum du snang ba'o/ /rdzogs pa ni sangs rgyas kyi sar ro/ /nyes pa'i mun pa sel bar mdzad pa ni gdul bya'i ma rig pa sel ba'o/ /gcig pu ni zhing gcig tu sangs rgyas gnyis mi 'byung ba'o; /de ci'i phyir zhe na/ /'gran zla med pa'i las bsags pa dang/ gdul bya rnams ston pa la blang dor ldog pa dang/ bdag 'dren pa med ba rnams kyi 'dren pa byed par gyur cig /ces smon lam grub pa'i phyir ro/ /de skad du yang/ lhan cig gnyis min sangs rgyas bzhin; /zhes bshad do/ /yid du 'ong ba ni sku byad lta bas chog mi shes pa'i phyir ro/ /de skad du/ nye bar zhi la yid du 'ong/ /'bar la gnod pa mdzad mi mnga'/ /dul la rngom brjid che ba yi/ /sku 'dis su zhig dad mi mdzad/ /khyod kyi sku ni gang gis ni/ /lan brgyar @123b mthong dang gang zhig gis/ /dang po mthong ba de gnyis ka/ /'dra bar mig ni mgu bar mdzad/ /khyod kyi sku ni mdzes pa'i phyir/ /lta bas mi ngoms rang bzhin pas/ /mthong ngo cog ni phyi phyir zhing/ /dga' ba skyed par mdzad pa lags/ /zhes bshad pa lta bu'o/ /'jig rten ni khams gsum mo/ /phan par brtson pa ni de dag sdug bsngal rgyu dang bcas pa las bzlog nas/ bde ba rgyu dang bcas pa la dgod pas na le lo med pa'o/ /bsal ba byung ba ni de skad du yang/ /khyod thos pas ni spro ba skye/ /mthong bas dad pa skye bar 'gyur/ /khyod gsung thos pas dga' 'gyur te/ bsten pas rnam par grol bar mdzad/ /ces pa dang/ bsgrags pas sdig pa 'phrog par mdzad/ /khyod dran pas ni rangs par 'gyur/ /bsal bas blo gros skye 'gyur te/ /yongs su shes pas rnam par 'dag /khyod la bsu bas dpal du byed/ / bsten pas blo gros mchog tu 'gyur/ /brten na 'jigs pa med par mdzad/ /bsnyen bkur bgyis pas bde bar 'gyur/ /zhes bshad pa lta bu'o/ /de shar ba ni sangs rgyas 'jig rten du byon pa'o/ /bsil bar mdzad pa ni gdul bya rnams kyi me gsum zhi bar mdzad pa ste; de skad du yang/ re zhig dang por khyod kyi gsung/ /nyan pa rnams kyi yid 'phrog mdzad/ /de nas yid la bsam bgyis na/ /chags dang gti mug rnams kyang sel/ /zhes bshad pa lta bu'o/ /de ltar sangs rgyas la bstod nas/ chos la bstod pas nyes pa 'joms pa ni/ bstan pa zhes tshigs su bcad pa gcig go/ /rin chen mchog bai DU rya ni bzang ba dang/ 'phan med pa dang/ mching bu rnam par dag pa dang/ klu'i gtsug gi rgyan du gyur pa dang/ klu'i gnas sa 'og gi mun pa rab rib sel ba ste/ /chos lnga dang ldan pa de bzhin du bstan pa yang ngo/ /de la bstan pa ni gnyis las rtogs pa'i chos dang sbyar na bzang ba ni ting nge 'dzin no/ /'phan med pa ni tshul khrims te/ ji skad du/ rnam dag yon tan bzhi ldan no/ /'chal khrims de rgyus 'phan ma byung/ /de yi gnyen po zhi la brten/ /zhes @124a @#/ /bshad pa lta bu'o/ /rnam par dag pa ni shes rab bo/ /lung gi chos dang sbyar na mdo sde dang/ 'dul ba dang/ mngon pa ste go rims bzhin no/ /chen po ni rigs can gsum mo/ /mnos pa ni thos pa la sogs pa byed pa'o/ /sa'i steng na gnas pa ni bsam gtan dgu na spyod pa rnams kyi yid la gnas pa'o/ /rab rib ni mi shes pa gnyis pa'o/ /legs par sgrub pa ni chos kyi sprin de zhes tshigs su bcad pa gcig go/ /char sprin ni nam mkha' la g.yos pa dang/ char gyi rgyur gyur pa dang/ char chu de yang ro gcig pa dang; tsha ba'i gdung ba sel ba dang/ snod kyi dbang gis ro du mar 'gyur ba ste/ chos lnga dang ldan pa bzhin du bstan pa yang ngo/ /phan pa mdzad pa ni snga ma ltar ro/ /mya ngan ni 'khor ba pa'i/ /'das pa ni de las brgal bar ro/ /mchog ni nges pa don dam par dge ba yin pa'i phyir ram/ 'dus ma byas pa'i phyir ro/ /de'i rgyu ni des de thob par byed pa'o/ /ro gcig pa ni chos thams cad bdag med pa/ tha mi dad pa'o/ /yang na theg pa gcig tu tha mi dad pa ste/ ji skad du/ shA ri'i bu nga la dad par gyis shig nges par zung shig /shA ri'i bu de bzhin gshegs pa la ni brdzun gsung ba mi mnga' 'o/ /shA ri'i bu theg pa ni 'di gcig pu kho nar zad de/ 'di lta ste/ sangs rgyas kyi theg pa'o zhes gsungs pa lta bu'o/ /gdung ba sel ba ni sdug bsngal ba dang nyon mongs pa spong ba'o/ /snod ni nyan po'i dbang po tha dad pa'am/ rigs tha dad pa'o/ /ro rnams du mar 'gyur ba ni theg pa gnyis sam gsum mam bzhir 'gyur ba'o/ /de skad du yang/ lha yi theg dang tshangs pa'i theg /bde gshegs nyan thos rang rgyal gyi/ /theg pa tha dad ngas bshad do/ /zhes gsungs pa lta bu'o/ /'o na sngar ro gcig tu zhes theg pa gcig tu bshad pa dang 'gal lo zhe na/ mi 'gal te/ go rims bzhin du nges pa'i don dang/ drang ba'i don gyi dbang du byas pa'i phyir ro/ /de ltar chos la bstod nas/ dge 'dun la bstod pa'i bsam pa phun sum tshogs pa la bstod pa ni/ snod yangs zhes rkang pa phyed dang gnyis so/ /rgya @124b mtsho chen po ni 'bab chu'i snod du gyur pa dang/ rgya che ba dang/ zab pa dang/ dri ma med pa dang/ bla 'og gsal ba dang/ gru gzings la sogs pa 'debs pan khur bzod pa dang/ khrus dang btung ba la sogs pa nye bar spyad pa dang/ nya dang rus sbal la sogs pa'i gnas su gyur pa ste/ chos brgyad dang ldan pa bzhin du dge 'dun rnams kyang ngo/ /de la dge 'dun ni rgyud yon tan gyi snod du gyur pa dang/ yangs pa'i bsam pa ni tshad med pa bzhi yid la byed pa ste/ sems can thams cad la dmigs pa'i phyir ro/ /zab pa'i bsam pa ni bdag med pa gnyis yid la byed pa ste gting dpag dka' ba'i phyir ro/ /dri ma med pa'i bsam pa ni dri ma drug dang bral ba'i phyir ro/ /ji skad du/ gzhan yang nyon mongs dri ma drug /sgyu dang g.yo dang rgyags pa dang/ /de bzhin 'tshig dang khon 'dzin dang/ /rnam 'tshe'o zhes bshad pa lta bu'o/ /gsal ba'i bsam pa ni nyon mongs pa'i mun pa sel ba'i phyir ro/ /sbyor ba phun sum tshogs pa ni/ /khur kun bzod ba zhes rkang pa phyed dang gsum mo/ /de la khur bzod pa ni gzhan gyi don byed pa na skyo ba med pa'o/ /de skad du yang/ dper na rab dul stobs ldan glang po che/ /khal rnams khyer kyang skyo bar 'gyur ba med/ /de bzhin byang chub sems dpa' rab dul ba/ /sems can khur gyis skyo bar 'gyur ba med/ /ces pa dang/ yang/ sems can khur chen mgo la khyer ba yi/ /sems pa mchog ni dal gyis 'gro mi mdzes/ /bdag gzhan 'ching ba sna tshogs rab bcings pas/ /brtson pa brgya 'gyur gyis ni bya bar rigs/ /zhes bshad pa lta bu'o/ /skye bo kun gyis dge 'dun la legs par sgrub pa thams cad do/ /nye bar spyang bya ni mtho ris dang thar pa'o/ /de gnas pa ni de thob pa'i rten byed pa'o/ /'o na dge 'dun ni 'gro ba gzhan gyi rten can yang ma yin nam/ mi'i gzugs can kho nar brjod pa ji lta bu zhe na/ phal che ba'i phyir ro/ /de ltar mchod par brjod nas/ gdams ngag brjod pa'i dam pa'i chos mi 'dzin pa'i nyes pa ni/ gang dag ces tshigs su bcad pa gcig go/ /bstan pa 'dir mi 'jug pa gang dag skye ba ni mngal la sogs pa nas 'byung ba'o/ / @125a @#/ /rga ba ni na tshod gyur pa'o/ /shi ba ni srog gyur pa'o/ /bdud rtsi ni dam pa'i chos so/ /de thos pas thob par mi phyed/ bsam pas mi spyod/ sgom pas 'dzin par mi byed pa'o/ /yang na bslab pa gsum dang rim pa bzhin no/ /yang na theg pa gsum dang ngo; /de la nyes pa ci yod ce na/ /de dag nyes mang zhes rkang pa gnyis so/ /bzung nas btang ba'i nyes pa ni/ /'gro ba kun gyi zhes tshigs su bcad pa gcig go/ /mig ni chos te/ lam dang lam ma yin pa mthong bar byed pa'i phyir ro/ /dri ma med pa'i lung ni dri ma med pa'i rjod byed yin la/ rtogs pa ni de'i rgyu yin pa'i phyir ro/ /sa gsum ni khams gsum mo/ /bzung nas ma btang ba'i phan yon ni/ byang chub ces rkang pa bzhi'o/ /bslab pa'i gzhi bcas pa ni sgrub pa dang spang bar khas blangs pa rnams so/ /rkang tshugs rton pa ni khas blangs pa rnams mi nyams par byed pa'o/ /go 'phang chen po ni mtho ris so/ /go 'phong mtho ba ni thar pa'o/ /sa gnyug mar ltung ba ni mi khom par skye ba'o/ /tshul khrims ni srid pa'i rgya mtsho las rgal ba'i rten byed pa'i gzings su gyur pa'o/ /lag tu 'ong ba ni de thob pa'o// spong ba ni de stong pa'am nyams par byed pa'o/ /sbong mod nyes pa cir 'gyur zhe na/ 'phags pa'i zhes rkang pa gnyis so/ /g.yangs ni ngan 'gror 'gro ba ste/ bde 'gro nas thur du ltung ba'i phyir ro/ /de skad du yang/ 'di 'og stong phrag nyi shu na/ mnar med pa'o/ /de tsam zhes pa pa dang; yang dpag tshad stong du ltung ba yis/ /yun rings g.yang sa smos ci dgos/ /zhes bshad pa lta bu'o/ /ldang bar brtson pa ni g.yang sa dang mun pa nas thar par 'dod pa'o/ /tshul khrims la sogs pa'i yon tan rgyun mi 'chad par smyug ma'am/ nar mar bstan par bya ba'i 'dren pa ste/ dpyad thag gam zhags pa lta bu'o/ /bar ma dor 'dor ba ni de spong ba'o/ /dor mod nyes pa cir 'gyur zhe na/ de dag ces rkang pa gcig go/ /lam ji ltar bsgrub pa'i thabs ston pa na tshul bzhin yid la byed pa ni/ gang dag ces tshigs su bcad pa gcig go/ /thar @125b pa chol ba gang dag gcig pur gnas sam/ 'ang gi sgras mang po'i tshogs na gnas kyang rung/ yid kyis rab brtags ni 'di snyam du bdag gi sgo gsum las gsum po gang la 'jug snyam du dpyod pa'o/ /de ltar dpyad pas sgo gsum dge ba la 'jug na de la sbyor zhing gnyis la 'jug na da dag las bzlog bar bya'o zhes ston pa ni yang dag las dang zhes rkang pa gcig go/ /yang dag pa'i las ni dge ba'o/ /lhan cig ni yul dang dus kun du'o/ /mnyam par 'grogs pa ni de lus dang srog gi phyir yang mi 'dor ba'o/ /yang na de la 'jug par slob pa'o/ /des phan yon ci thob ce na/ /sa steng zhes rkang pa gnyis so/ /sa steng dkyil na ste mi rnams kyi dbus na'o/ /gtso bor gyur pa ni dge ba sgrub pa'o/ /dam pa ni mi dge ba spong ba'o/ /yang na tshul khrims ni ma thob pa thob par byed pa dang/ /thob pa mi nyams par byed pa ste tshig gnyis dang rim pa bzhin no/ /slob ma mchog ni de len pa'o/ /bla ma ni de sbyin pa'o/ /bkur ba nyid du 'gyur te/ des de la sgrub pa'i mchod pa phul ba'i phyir ro/ /ngo tsha shes pa ni ngo tsha zhes tshigs su bcad pa gcig go/ /dper nam ni bu'i lus skyed pa dang/ rigs btsun pa dang/ bu la g.yo mi byed pa dang/ bu la byams pa dang/ bu'i rjes su 'brang ba dang/ bu la bden par smra ba dang/ bu la gzhung lugs che ba dang/ bu skyong ba la dga' ba dang/ bran mo la sogs pa zil gyis gnon pa'i gzi brjid che ba dang/ rang gi srog gtong gi bu mi gtong ba ste/ chos bcu dang ldan pa bzhin du ngo tsha shes pa yang ngo/ /ngo tsha shes pa rnams ni rang gi srog bde blag tu gtong bar byed kyi dam bcas pa'i bslab pa rnams mi gtong ba yin te/ mdo las dge tshul pha la bu mos gsol ba btab pa na tshul khrims kyi don du rang gi srog dor ba'i gtam rgya cher gsungs ba lta bu'o/ /khrel yod pa ni re zhig ces tshigs su bcad pa gcig go/ /dam bca' ba btang mod nyes pa cir 'gyur zhe na/ re zhig skye bo kun gyi dpyas dang zhes smos te/ mdza' ba dang mi mdza' ba dang bar ma thams cad kyis nyes pa sgrogs pa'am/ sdig pa'i 'gro ba ni ngan @126a @#/ /sor rnams te de dag ni mi dge ba las skyes pa'i phyir ro/ /rang bzhin rnal ma bor ba ni sngon gyi grol so dang chos dang zang zing gi longs spyod las nyams pa'o/ /mkhas la sa steng ni tshul khrims nyams pa de kho na sdug bsngal che'o/ /de las ma gtogs pa'i sdug bsngal gzhan ci yod/ lam mi sgrub pa'i nyes pa ston pa'i sred pas slu bar 'gyur ba ni/ gang zhig ces tshigs su bcad pa gcig go/ /chos kyi lam ni theg pa gsum ste/ rigs can gsum gyis bgrod par bya ba'i phyir ro/ /rgya chen po ni phan yon shin tu rgya che pa'o/ / yang na theg pa chen po'o/ /dor mod nyes pa cir 'gyur zhe na/ 'khor ba'i rgya mtsho zhes rkang pa gnyis so/ /gar mkhan gyi lus kyi byed pa mi rtag pa dang 'dra bar ro/ /dga' ba ni rjes su chags pa'o/ bslus pa ni mtho ris dang thar pa las nyams pa'o/ /'khor bar 'khyams par 'gyur ba ste/ gang zhig 'khor ba'i zhes tshigs su bcad pa gcig go/ /rtag tu 'gyur ba ni 'gro ba gcig nas gcig tu 'pho ba'o/ /bsti ba tsam ni 'dod pa'i yul lnga thob pa'o/ /mnyam pa ni lha dang mi rnams so/ /mi mnyam pa ni ngan 'gro rnams so/ /'khyams mod nyes pa cir 'gyur zhe na/ sdug bsngal gyis gzir bar 'gyur zhes ston pa na/ thog mar mi'i dbang du byas nas mngal gyi sdug bsngal ni/ shin tu mi bzod ces tshigs su bcad pa gcig go/ /skye ba'i sdug bsngal ston pa'i shin tu dog pa ni/ de ni zhes rkang pa gnyis so// srog mi spang ba ni/ 'on kyang zhes pa rkang pa gnyis so/ /mi gtsang bas gzir ba ni mi gtsang zhes rkang pa gnyis so/ /lus dang sems nyams par 'gyur ba ni gnod pa zhes pa rkang pa gnyis so/ /sngon gyi dran pa spong ba ni mngal gyi sdug bsngal rnams brjed pa'o/ /byis pa'i sdug bsngal ni lus zhes rkang pa gnyis so/ /nye bar spyod pa kun la mi 'ongs pa ni des sgo gsum gyi las yongs su rdzogs par mi nus pa'o/ /dar la bab pa'i sdug bsngal ston pa'i sbyor ba nyams pa ni dar la bab ces rkang pa gnyis so/ /sbrul gdug ni 'dod chags la sogs @126b pa'o; /gnas gyur ni rten byed pa'o/ /mu ni mtha' ste 'dod pa lnga'o/ /bag rkyong ba ni ngo tsha ba dang 'jigs pa med par ro/ /spyod mod nyes pa cir 'gyur zhe na/ bsam pa nyams pa ni/ bsam brlag ces tshigs su bcad pa gcig go/ /dge ba'i bsam pa brlag pa de ni dar la bab pa de nas kyang rgan por lhung ngo/ /mi gtsigs spyod pa mi 'dor ba ni sgo gsum zhi bar spyod pa'o/ /de mi 'dor ci'i phyir zhe na/ rga shi med par lta ba'i phyir zhes ston pa ni/ byis pa bdag lus zhes rkang pa gnyis so/ /lam las nyams pa ni rmongs pa zhes tshigs su bcad pa gcig go/ /de ltar sems pa med na nyes pa cir 'gyur zhe na/ rmongs pa zhes smos te/ blang bya dang dor bya mi shes pa'o/ /lam bzang ni sbyin pa la sogs pa ste 'bras bu yid du 'ong ba 'byin pa'i phyir ro/ /lam min ni mi dge ba srog gcod pa la sogs pa ste 'bras bu yid du mi 'ong ba 'byin pa'i phyir ro/ /bab dgu ni rtswa shing la sogs pa glang po'i lam du bab pa thams cad phye mar rlog cing 'gro ba bzhin du mtho ris dang thar pa phye mar rlog cing ngan song 'khor bar 'gro ba'o/ /rga ba'i sdug bsngal ston pa'i dga' bas lus dbang sgyur ba ni/ de nas de ni zhes tshigs su bcad pa gcig go/ /dar la bab pa ni de nas mi gtsigs pa de ni'o/ /dge ba'i chos 'grib par 'gyur ba ni/ 'on kyang zhes rkang pa gnyis so/ /mi dge ba 'phel bar 'gyur ba ni/ rmongs pa zhes rkang pa gnyis so/ /rang gi phun sum tshogs ba nyams par 'gyur ba ston pa na skra nyams pa ni de nas de ni zhes tshigs su bcad pa gcig go/ /dgod pa bzhin du zhes pa ni skye bo rnams dgod pa'i tshe so dkar po snang ba bzhin du rgas pas skra dkar po snang ba'o/ /lus dang bsam pa nyams pa ni de nas de'i lhu tshigs zhes tshigs su bcad pa gcig go/ /blo bslad pa ni sems 'khrugs shing dran pa nyams pa'o/ /'gro ba nyams pa ni yul gzhan du 'gro ba na 'khar ba 'am bzhon pa med na 'gro mi nus pa'o/ /de skad du yang/ kha lo sgyur ba mi rid nyam chung zhing/ /sha khrag bskams shing rgyus lpags nyi tshes dkris/ /mgo dkar so rgal lus ni @127a @#/ /rab skem la/ /'khar bar brten cing mi bde khyogs 'gro su/ /zhes gsungs so/ /dengs pa ni mdangs yal ba'o/ /shig shig po ni tshigs rnams 'khrul pa'o/ /dbang po nyams pa ni dbang po zhes rkang pa gcig go/ /'dod pa bsten pa nyams pa ni/ yul la zhes rkang pa gcig go/ /'jigs pa skyed pa ni/ gnas skabs zhes rkang pa gnyis so/ /rga ba'i gnas skabs gang du dar la bab pa 'di 'gro bar 'gyur ba'o/ /'chi ba'i sdug bsngal ston pa ni 'gyod pa'i sdug bsngal ba ni/ bdag gis zhes tshigs su bcad pa gcig go; /'di ma byas ba ni dge ba ma byas pa'o/ /de la byas pa ni sdig pa de spyad pa'o/ /'gro ba nyams pa ni bde 'gro nas ltung ba'o/ /'phrigs par ma gyur pa ni de ltar ma shes pa'o/ /mya ngan gyis sdug bsngal ba ni mya ngan zhes tshigs su bcad pa gcig go/ /rdo rje bsnun pas lus la gnod pa de lta bur mya ngan skye bas sems la gnod pa'o/ /gnad gcod pas sdug bsngal ba ni/ gnad kyi gshis su zhes pa'i tshigs su bcad pa gcig go/ /zas dang gos la sogs pas bde ba lhur byas nas bkres skom dang tsha grang la sogs pa bsrung bar byas pa'o/ /yid du 'ong ba ni gces phangs su 'dzin pa'o/ /'dris pa ni thog ma med pa nas nga'i lus snyam du zhen pa'o/ /gshin rjes bzung bas sdug bsngal ba ni/ gshin rje'i zhags pas zhes tshigs su bcad pa gnyis so/ /cho nges 'debs na de nye du rnams kyis thos pas grogs byed par 'gyur ro zhe na/ de yis zhes rkang pa gnyis so/ /gshin rjes bzung mod nyes pa cir 'gyur zhe na/ bgrod dka' zhes rkang pa bzhi'o/ /dus kyi zhags pa ni 'chi ba'i dus kyi tshe'o/ /de ltar mi'i sdug bsngal bstan nas/ ngan 'gro'i sdug bsngal ston pa'i yi dags zas la sgrib pa can gyi sdug bsngal ni/ mi bzad pa skom pas zhes tshigs su bcad pa gcig go/ /phyi'i sgrib pa can gyi sdug bsngal ston pa'i ri bo phyin ci log tu snang ba ni/ dus rlabs zhes tshigs su bcad pa gcig go/ /rlung gis chu bskyod pa'i dus su rlabs chen po langs nas chu @127b gyen du 'thor bas ri rtse bsel ba'o/ /chu bo phyin ci log tu snang ba ni/ /chu gter zhes tshigs su bcad pa gcig go/ /chu gter ni rgya mtsho ste chu mi zad pa'i 'byung gnas su gyur pa'i phyir ro/ /char sbrin phyin ci log tu snang ba ni/ /'di ni zhes tshigs su bcad pa gcig go/ /tsha grang phyin ci log tu snang ba ni/ tsha bas nyen la zhes rkang pa gnyis so/ /de ltar phyin ci log tu snang ba'i rgyu ni shin tu zhes rkang pa gnyis so/ /nang gi sgrib pa can gyi sdug bsngal ni/ kha ba mig tsam zhes tshigs su bcad pa gcig go/ /de ltar yi dags kyi sdug bsngal brjod nas/ dmyal ba'i sdug bsngal ston pa'i khyis 'tshe ba ni ral pa'i zhes tshigs su bcad pa gcig go/ /spu gris smas pa ni spu gri zhes rkang pa gnyis so/ /khron par ltung ba ni/ rtse gsum zhes rkang pa gnyis so/ /gshin rje'i kha bas thu ba ni/ /de bas das 'jigs pa'o/ /lo ma'i ral gris gshags pa ni/ nyin mtshan zhes tshigs su bcad pa gcig go/ /de'i tshe dud mo khon bshes yin gyi de las gzhan pa'i bshes med pas de brlag par gnas so/ /bud med 'bar bas 'khyud pa ni/ bud med ces tshigs su bcad pa gcig go/ /'khrigs pa ni snga ma shi bar phyi ma skye ba'o/ /lug gis 'joms pa ni ri dang zhes tshigs su bcad pa gcig go/ /shalma li'i gnod pa'i yar 'dzegs pa'i tshe tsher mas gnod pa ni/ bse khyi zhes tshigs su bcad pa gcig go/ /sprul gyis gnod pa ni gshin rje'i zhes rkang pa gnyis so/ /byas gnod pa ni/ gson por zhes tshigs su bcad pa gcig go/ /mar 'bab pa'i tshe tsher mas gnod pa ni/ thur du zhes rkang pa gnyis so/ /mtshon gyis gnod pa ni/ /de na zhes rkang pa gnyis so/ /byas 'tshe ba ni/ de tshe zhes rkang pa gnyis so/ /g.yang sar lhung ba ni/ kha cig ri bo'i zhes rkang pa gcig go/ /zangs su btsos pa ni/ kha cig 'bru mar zhes rkang pa gcig go/ /sa gzhi 'bar bar ltung ba ni gzhan dag ces rkang pa gnyis so/ /'bu sbrang gis za ba ni/ kha cig 'bu sbrang zhes rkang pa gnyis so/ /'o na de ltar sdug bsngal chen pos @128a @#/ /bcom pa rnams 'chi 'pho bar mi 'gyur ba ci ste zhe na/ de dag gson pa'i rgyu ni/ las kyi zhes rkang pa gnyis so/ /las ni mi dge ba'o/ /'tsho ba ni srog go/ /thogs pa ni des gzung ba'o/ /rang gi yan lag bskyod pa tsam yang ngo/ /gson pa ni bdag nyid 'chi bar smon kyang mi 'chi ba'o/ /de ltar tsha ba'i dmyal ba bstan nas/ grang ba'i dmyal ba ston pa'i chu bur can ni lhags pa zhes rkang pa phyed dang gsum mo/ /chu bur rdol ba ni/ rdol ba zhes rkang pa phyed dang gnyis so/ /so tham tham pa ni kos thag cas tshigs su bcad pa gcig go/ /da ni rab tu tsha ba bye brag tu ston pa'i me'i gnod pa ni/ dmyal mes zhes rkang pa gnyis so/ /dmyal ba'i srung mas 'tshe ba ni/ rus gong zhes rkang pa gnyis so/ /mnar med pa'i sdug bsngal ston pa'i mdor bstan pa ni/ gnyis las phyi'i gnod pa ni; la lar zhes rkang pa gnyis so/ /nang gi gnod pa ni brang gi zhes rkang pa gnyis so/ /rgyas par bshad pa yang gnyis las nang gi gnod pa ni/ glo nas zhes tshigs su bcad pa gcig go/ /phyi'i gnod pa ni/ sdug bsngal zhes tshigs su bcad pa gsum mo/ /de las gnas khang gi gnod pa ni/ sdug bsngal zhes tshigs su bcad pa gcig go/ mda'i gnod pa ni/ mda' chen zhes rkang pa gcig go/ /dbyug pas gnod pa ni dmyal ba'i srung mas zhes rkang pa gcig go/ /khu ba 'bar pa'i gnod pa ni/ lcags zhun zhes rkang pa drug go/ /spyi'i don bsdu ba ni/ skye bo zhes tshigs su bcad pa gcig go; /de ltar dmyal ba'i sdug bsngal bstan nas/ dud 'gro'i sdug bsngal ston pa/ des ngal 'byor rnyed par dka' ba ni/ skye bo zhes tshigs su bcad pa gcig go/ /'chal spyod pa ni mi dge ba byed pa'o/ /de nyes pa cir 'gyur zhe na; brgyal zhe na/ 'jig rten 'gro ba mtha' yas bye ba 'phyes rnams su dud 'gror skye'i/ mi'i dngos po shin tu rnyed par dka' ba nyid/ mi'i nang na yang smad par skye ba ni/ gal te zhes rkang pa gcig go/ /dud 'gro gcig nas gcig tu brgyud pa ni/ dud 'gro zhes rkang pa @128b byed dang gnyis so/ /de nas dmyal bar ltung ba ni/ gang gis zhes rkang pa phyed dang gnyis so/ /de ltar theg pa thun mong gi lam sgrub pa gdams nas theg pa chen po'i lam sgrub pa la gdams pa brjod pa na sgrub pa'i rten ni gang zhig ces tshigs su bcad pa gcig go/ /gang zhig ni dal 'byor ro/ /skye ba ni sems can rnams der bying ba dang de las brgal dka' bas rgya mtsho'o/ /byang chub mchog gi sa bon dge ba ni de skyed pa ste/ /ji skad du/ rigs kyi bu byang chub kyi sems ni sangs rgyas kyi chos thams cad kyi sa bon lta bu'o zhes gsungs pa lta bu'o/ / dge ba ni de ma bskyed pa skyed cing mi nyams par byed pa'o/ /bsgrub par bya ba'i lam ston pa ni/ bde gshegs zhes rkang pa gnyis so/ /mi ma yin pas bsgrub par mi nus pa ni/ lam de zhes rkang pa gnyis so/ /mi rnams lam bsgrub pa la sbyar ba ni/ mi'i dngos po zhes rkang pa gnyis so/ /lam la 'jug pa'i sgo mi rtag pa yid la byed pa na skad cig gi mi rtag pa ni/ mar me zhes rkang pa gnyis so/ /glo bur gyi mi rtag pa ni/ 'di ni zhes pa'i tshigs su bcad pa gcig go/ /rgyun gyi mi rtag pa ni/ so ga zhes tshigs su bcad pa gcig go; /sgrub pa'i gnas ni/ zla ba'i zhes tshigs su bcad pa gcig go/ /sgrub pa'i grogs ni/ nags mthongs zhes tshigs su bcad pa gcig go/ /dga' ba'i nags tshal ni sum cu rtsa gsum pa rnams la yod pa'o/ /sgrub pa'i cha rkyen chu phun sum tshogs pa ston pa ni nags rlung zhes tshigs su bcad pa gcig go/ /chu gtsang ni dri rnyog pa dang/ srog chags med pa'o/ /dogs bde ba ni 'gram gnyis kyang ngo/ /dben pa ni 'du 'dzi nyung ba'o/ /de na skyid pa gang yin pa de ni sum cu rtsa gsum pa'i lha'i bu mo'i lus lha'i spos dang sman dri zhim bos byugs pa'i mgo bo'i lan bu'i rgyan du thogs pa me tog gi tshogs mdzes pa zil gyis gnon pa'i rgyun dang ldan ba lha'i chu la'ang yod par 'gyur ram/ rgyun dang ldan pa'i lha'i chu ni sum cu rtsa gsum pa'i mtshe'u dal gyis 'bab pa yin no/ /shing phun sum tshogs pa @129a @#/ /rtsa ba 'bras bu zhes tshigs su bcad pa gcig go/ /nyams dga' ni yid du 'ong ba'o/ /bas mtha' ni grong zad pa'i mur thug pa'o/ /gcig bu ni grogs med par ro/ /dmyal sdong ni khyim gyi grong 'dab bam chung ma ste 'bras bu'i ming rgyu la btags pa'i/ /bslus med gnas pa ni nges brid par mi nus pa'o/ /de dag gi don bsdus pa ni ri sul zhes tshigs su bcad pa gcig go/ /de la gnas kyi don bsdu ba ni ri sul zhes rkang pa gcig go/ /shing gi don bsdu ba ni/ nyer spyod ces rkang pa gcig go/ /chu'i don bsdu ba ni chu dogs zhes rkang pa gnyis so/ /ri sul yangs pa ni gcong rong dang dam grog la sogs pa med pa'o/ /nyer spyod rgya che ba ni der 'chag pa dang 'dug pa la sogs pa bag yangs su spyod pa'o/ /nyan pa ni thos pa'i tshe rna bar 'phrod pa'o/ //ji ltar snyan zhe na rnga ltar ro/ /phu chu bdag cag skom pas nyon mongs shing sdug bsngal ba'i yul min te/ 'thungs na ngoms pas bde zhing skyid pa'i yul yin zhes 'gron la sgrogs pa bzhin chu sgra 'byin pa'o/ /sgrub pa'i bar chad spong ba na/ 'dod pa'i nyes pa yid la byed pa ni/ 'dod pa rnams zhes bya ba la sogs pa'o/ /de la 'dod pa rnams snang la rang bzhin med pa ni/ 'dod pa rnams 'byor dang zhes rkang pa gnyis so/ /'dod pa'i 'bras bu yid du mi 'ong ba ni rmi lam lta bu zhes rkang pa gnyis so/ /ngan spyod 'khrul pa ni mi dge ba bcu byed pa'o/ /de la chags pa ni 'dod pa la sred pa'o/ /'dod pa'i bde ba yid du mi 'ong ba ni/ yul dang zhes tshigs su bcad pa gcig go/ /dug pas 'dod pa nyes dmigs che ba ni dug dang zhes rkang pa gnyis so/ /de'i gtan tshigs ni dug ni zhes rkang pa drug go/ /de ltar 'dod pa dang yul gyi nyes pa brjod nas/ 'dod byed yul can gyi nyes pa ston pa ni/ ji ltar zhes tshigs su bcad pa gcig go/ /rnyed pa grub pa med pa ni rtswa lo ma zos pa'o/ /de dang 'dra bar bde 'gror grub pa med par ngan 'gror ltung ba'o/ /de ltar 'dod pa sbyi'i nyes pa bstan nas khyad par du lha'i 'dod pa'i @129b nyes dmigs ston pa'i mtshe'u la chags pa'i nyes pa ni lha'i bu mo zhes tshigs su bcad pa gcig go/ /'phral thabs glong ba ni rang gi phun sum tshogs pas dregs pa'o/ /ljon shing la chags pa'i nyes pa ni dga' tshal zhes tshigs su bcad pa gcig go/ /dpag bsam gyi shing ni bzhi ste/ bza' btung dang/ gos dang/ rgyan dang/ rol mo'i dpag bsam gyi shing ngo/ /sa la chags pa'i nyes pa ni/ /rkang gzhag ces tshigs su bcad pa gcig go/ /de la rkang pa gzhag na nems zhes sor bzhis dma' bar 'gyur zhing bteg na par zhes sor bzhis mtho bar 'gyur ba'o/ /reg na bde ba ni lus la phan 'dogs pa'o/ /khang bzangs la chags pa'i nyes pa ni/ dril bu zhes tshigs su bcad pa gcig go/ /khang pa de'i steng g.yogs nas dril bu mdzes pa 'khrol zhing mu tig gi phreng ba'i tshogs 'phyang ba 'od lhag ge ba'i gzhal med khang du zhugs te/ /lha yul dar 'dod pa lnga bgrod nas te longs spyod byas nas kyang ngo/ pha mtha' ste thar thabs med pa'i nang du'o/ /dbang phyug la chags pa'i nyes pa ni/ gang du zhes tshigs su bcad pa gcig go/ /rnam par rgyal byed kyi khang bzangs gang du rgyal chen ris bzhi dang/ /sum cu rtsa gsum pa'i lha dang/ klu dang/ mi'am ci'i sbyi bos brgya byin gyi rkang pa la gtugs nas/ de dag gi mgo bo'i rgyan gtsug gi nor bu mar gad kyi 'od kyi tshogs kyis rkang rten te gdan khri dmar por gyur pa'o/ /de yang 'gro ba ngan par 'gro bar 'gyur ba ni ngan song du lhung ba ste/ ji skad du/ brgya byin 'jig rten mchod 'os gyur nas ni/ /las kyi dbang gis phyir yangs stengs ltung/ /zhes bshad pa lta bu'o/ /srog la chags pa'i nyes pa ni me tog ces tshigs su bcad pa gcig go/ / 'tshe ba ni srog go/ /de ma 'gags bar du sems can gson por 'tsho ba'o/ /sdug bsngal ba la bde bar rlom pa'i nyes pa ni sdug bsngal zhes tshigs su bcad pa gcig go/ /nga rgyal byed mod nyes pa cir 'gyur zhe na/ de ni zhes rkang pa gnyis so/ /'khor ba la chags @130a @#/ /pa'i nyes pa ni/ de na gshin rjes zhes tshigs su bcad pa gcig go/ /log par smon pa ni srid pa dang srid pa'i yo byad thob par 'dod pa'o/ de nyid 'jig pa'i rgyu yin pas 'jig pa zhes bya'o/ /sdug bsngal ba la bde bar rlom pa'i dpe dgod pa ni dmyal rnams zhes tshigs su bcad pa gcig go/ /dmyal ba de nyid shin ci ma dung snyam pas thob bsnun pas mchog tu bde ba yin par sems so/ /don de dang 'dra bar sbyar ba ni/ de bzhin zhes tshigs su bcad pa gcig go/ /rtag tu ni mya ngan las 'das pa ma thob kyi bar du'o; /re zhig tsam zhig ni lha dang mir skyes pa na'o/ /ji zhig ltar bsod nams bsags pa'i dbang gis ngan 'gro'i skye shi'i 'khrul 'khor med nas skad cig ste/ bde 'gro nas ma lhung bar du ngan 'gro'i sdug bsngal gnyug mar bzod dka' me lce lta bu zhi 'gyur na/ lha dang mi'i 'jig rten thams cad bde ba kham 'ga' ste/ lha dang mi'i 'dod pa lnga la yang sred par byed do/ /lam sgrub pa'i rang bzhin gnyen po sgom pa na 'khor ba sdug bsngal du yid la byed pa ni/ ji lta ji ltar 'gro ba kun na zhes tshigs su bcad pa gcig go/ /stug po ni shas che ba'o; /srab mo ni shas chung ba'o/ /mi sdug par yid la bya ba ni ji lta ji ltar sdug pa zhes tshigs su bcad pa gcig go/ /mched pa ni 'phel ba'o/ /zhil ba ni 'grib pa'o/ /zhar la bud med sdug par smra ba'i 'bras bu ni/ bud med ces tshigs su bcad pa gcig go; /lus ni padma ltar 'jam/ byad bzhin zla ba ltar mdzes/ mig ni utpal ltar dkar gnag phyed ces mgo snyoms pa'o/ /snyoms mod nyes pa cir 'gyur zhe na/ snyan dngags mkhan gyi brdzun de'i zhes rkang pa gcig go/ /mi bzad pa de gang zhig ce na/ de dag ces rkang/ pa gcig go/ /mi rtag par yid la byed pa ni sems can mi rtag pa ni/ 'gro ba zhes tshigs su bcad pa gcig go/ /snod mi rtag pa ni gang gi zhes tshigs su bcad pa gcig go/ /longs spyod mi rtag pa ni sdug bsngal ba dang/ bde ba dang/ skye gnas la longs spyod @130b pa ste; rim pa bzhin sngon chad ches pa rkang pa gcig dang gcig dang gnyis so/ /byams pa dang snying rje yid la byed pas nye du la byams pa sgom pa ni/ skye ba zhes tshigs su bcad pa gcig go/ /grogs la byams pa sgom pa ni/ gang dag ces tshigs su bcad pa gcig go; /dus kyi rim pa ni so ga la sogs pa'o/ /mnyam pa ni rigs la sogs pas mtshungs pa dang 'grogs pa'o/ /mi mnyam pa ni mtho ba'am dma' pa dang 'grogs pa'o/ /gnyen bshes la snying rje bsgom pa ni/ nye du zhes tshigs su bcad pa gcig go/ /sems can thams cad nye du yin na dgra dang bar ma la nye dur ngom shes pa ji lta bu zhe na/ skye shis zhes rkang pa gnyis so/ /ma la byams pa sgom pa ni/ byis pa zhes tshigs su bcad pa gnyis so/ /bu'i ched du las kyi mtha' sna tshogs la 'bad pas ngal ba mang po bsten kyang bu la byams pa bsten pa de dag rang bzhin gyi don byed pa'i skabs 'dir bu shin tu ma rabs shig yod du zin na'ang ma de spong zhing 'dor bar su zhig spro ste spro bar mi bya'o/ /de ltar byams pa dang snying rje sgom pa'i thabs bstan nas/ goms pa'i phan yon ston pa'i snying rje'i phan yon ni/ 'gro ba sdug bsngal zhes tshigs su bcad pa gcig go/ /sdug bsngal mi bzad pa mang po ni sdug bsngal chen po gsum mam/ brgyad dam/ brgya rtsa bcu la sogs pa'o/ /dbang med pa ni mi 'dod bzhin du 'byung ba'o/ /skyabs med pa ni sdug bsngal sel ba'i grogs med pa'o/ /gzhan sdug bsngal ba'i don du bdag gi sdug bsngal bzod pa gang yin pa de bde ba'i rgyu la gnas pas bde zhes skyes mchog gsung ngo/ /tha na skad cig tsam yang gzhan la bza' btung byin pas des bkres skom dang bral ba dang/ gos byin pas cha brang dang bral bas de mgu zhing rangs par byas pa des bdag dga' ba gang yin pa de dang 'dra bar snying rje goms pa 'di na gang zhig yod de med do/ /byams pa'i phan yon ni gzhan phan zhes tshigs su bcad pa gcig go/ /gzhan la mya ngan las 'das pa'i phan yon @131a @#/ /dang; lha mi'i bde ba bskyed par brtson pas bdag dga' ba rnyed pa gang yin pa de ni ste/ de dang mnyam pa yul lnga'i bde ba'i longs spyod lhur len pa rnams kyis ji ltar thob ces 'og ma dang sbyar ro/ /de ltar phan yon bstan nas/ spyod pa ston pa'i byams pa'i spyod pa gzhan bde ba sgrub pa la brtson pa ni shin tu rnyed sla zhes tshigs su bcad pa gcig go/ /byam pa'i spyod pa byed pa 'di kho na'o/ /'phags pa ni rang gi don lhur len pa rnams pas de mchog tu gyur pa'o/ /gzhan bde ba sgrub pa la gzhol ba ni/ nyi ma rlabs chen zhes tshigs su bcad pa gcig go/ /de 'dra zhes bya ba ni nyi ma dangs dang mtshungs pa'o/ /gcig tu gzhol ba ni rang don dang 'dren mas ma yin pa'o/ /yang na gcig pu gzhol te grogs la mi ltos par ro/ /snying rje'i spyod pa ston pa'i gzhan gyi sdug bsngal sel ba la brtson pa ni/ 'jig rten zhes tshigs su bcad pa gcig go/ /gzhan gyi sdug bsngal sel bar dga' ba ni/ gzhan gyi don du tshigs su bcad pa gcig go/ /gzhan gyi sdug bsngal sel ba na bde ba ni/ gzhan la phan par zhes tshigs su bcad pa gcig go; /rang smin nas gzhan smin par byed pa ni/ rgal bar 'gyur zhes tshigs su bcad pa gcig go/ /de ltar byams pa dang snying rje yid la byed pa bshad nas/ bslab pa gsum ba rtan par byed pa 'chad pa ni de ltar zhes bya ba la sogs pa'o/ /tshul khrims bsngags pa ni/ de ltar zhes rkang pa gcig go/ /rwa dang/ ba so la sogs pa'i rgyan pas gser dang/ dngul la sogs pa'i rin po che'i rgyan mchog tu gyur pa ltar legs spyad de/ tshul khrims ni rgyan gyi mchog go/ /de skad du yang/ tshul khrims ldan pa rgyan rnams kun gyi mchog// ces gsungs so/ /shes rab bsngags pa ni/ gsal ba'i zhes rkang pa gcig go/ /nor bu dang mar me la sogs pa'i gsal ba'i nang na nyi zla'i gsal ba mchog yin pa ltar shes rab ni shes bya gsal bar byed pas mchog go/ /de la phan yon ci yod ce na/ zhi ba @131b bdud rtsi yangs zhes smos te/ mya ngan las 'das pa chen po 'thob ces bya ba'i tha tshig go/ /de skad du yang/ thub pa khyed kyi ye shes kyis/ /snang bas mi shes rab rib dag /'joms pa'i tha na nyim yang/ /me khyer tsam yang mi po da do/ /zhes bshad do/ /ting 'dzin bsngags pa ni/ dga' ba'i zhes rkang pa gcig go/ /mi rnams kyi dga' ba'i nang na 'khor los sgyur ba'i dga' ba mchog yin pa ltar/ /ting nge 'dzin ni shin tu sbyangs pa'i dga' ba dang ldan pas mchog go/ /'o na de sus rnyed par 'gyur zhe na/ byas pa gzo ba rnams kyis rnyed bar sla'i/ byas pa mi gzo bas rnyed par dka' ba'o/ /de gsum gyis 'bras bu mya ngan las 'das pa'i bsngags pa ni/ bkra shis zhes rkang pa gcig go/ /gza' dang rgyu skar dang tshes grangs bzang po la sogs pa bkra shis pa rnams kyi nang na gang gis 'dod pa'i don grub pa'i bkra shis mchog yin pa ltar zhi ba ste mya ngan las 'das pa ni sdug bsngal dang/ nyon mongs pa dang bral bas mchog go/ /'on te sdug bsngal dang bral ba tsam yin gyi bde ba ma yin nam zhe na/ bde rgyun sten zhes smos te bde ba'i rgyun mi 'chad pas so/ /de ltar rtogs pa'i chos bsngags nas/ lung gi chos bsngags pa ni/ bde bar gshegs pa'i zhes tshigs su bcad pa gcig go/ /de la brten na phan yon ci yod ce na/ ljon shing zhes rkang pa gcig go/ /'bras bu rgya chen ni mtho ris dang thar pa'o/ /'o na gsung gi don nam tshig gang bsten zhe na/ bde gshegs zhes rkang pa gnyis so/ /sprang ma me tog bzhag nas sbrang rtsi len pa ltar ro/ /de ltar gdams ngag rgyas par brjod nas/ mdor bsdus te bshad pa'i 'gro ba spyil gdams pa ni/ skad cig ces tshigs su bcad pa gcig go/ /skad cig la lus 'jig longs spyod zad cing rtag tu ste/ gnyen po skyes kyi bar du sems g.yeng zhing 'khrugs par byed pa'i yul lnga po rnams spongs/ zhi ba'i bde 'bras thob par byed cing 'ching ba'i 'tshe ba med par byed pa gcig pu grogs la mi ltos par dben pa ste 'du @132a @#/ /'dzi med pa bsten/ bdag dang gzhan 'khor ba las rnam par thar pa mya ngan las 'das pa'i sgo mo dbye ba'i gegs bstan pa lta bu'i gti mug ste rmongs pa dang/ 'khrugs pa ste ldongs pa dang/ rab rib ste chags pa sol te spongs/ spyir rta rnams rang bzhin gyis gnyid che yang rta'i mchog cang shes ni rte'u ste phru gu nas bag zon che bas shin tu yun ring por gnyid log par 'gyur ba ma yin te/ cung zad gnyid log nas rtswa chu la spyod do/ /de bzhin du sangs rgyas kyi slob ma rnams kyang 'dod pa la yun ring por sten par mi byed de/ cung zad bsten kyang des skyo bar byas nas dge ba spyod do/ /de ltar skye dgu spyi la gdams nas slob ma la bye brag tu 'doms pa ni shing chen po lta bur chos dgu dang ldan par gyis shig ces brjod pa ni/ khyod gcig ces tshigs su bcad pa gcig go/ /dper na shing chen po sdong po lta bu ni brtan pa'o/ /gel pa lta bu bzod pa'o/ /dul ba ni lo ma lta bu'o/ /zhi gnas ni me tog lta bu'o/ /shes rab ni yal ga lta bu'o/ /rgyu rab tu smin pa ni lo bran myu gu lta bu'o/ /smon lam ni rtse mo lta bu'o/ /tshul khrims ni grib ma lta bu'o/ /rab zhi ste mya ngan las 'das pa ni 'bras bu lta bu'o/ /mtsho chen lta bur chos bcu gcig dang ldan par gyis shig ces brjod pa ni/ khyod gcig ces tshigs su bcad pa gcig go/ /dper na mtsho chen po yangs pa ltar shes rab rgya che ba dang/ gsal ba ltar shes bya gsal ba dang/ byin gyis gzhol ba ltar dge ba la gzhol ba dang/ gting zab pa ltar chos zab mo rtogs pa dang/ rab tu dang ba ltar dang ba'i dad pa dang ldan pa dang/ rtag tu bsil ba ltar nyon mongs pa'i gdung ba las bsil ba dang/ sprul gdug pa'i rnyi yis bag zhad med pa ltar dug gsum med pa dang/ me'i 'jigs pa spangs pa ltar ngan 'gro'i 'jigs pa spangs pa dang/ rang bzhin gyis rab tu gtsang ba ltar tshul khrims kyis gtsang ba dang/ skom pa gcod pa ltar sred pa gcod pa dang/ gru gzings 'degs pa'i khur bzod pa ltar gzhan don byed pa'i khur bzod pa'o/ /char sprin chen po lta bur chos drug dang ldan par gyis @132b shig ces brjod pa ni/ khyod gcig ces tshigs su bcad pa gcig go/ /dper na char sprin chen po des me tog la sogs pa la phan 'dogs pa ltar skye bo mang po sdig pa las bzlog ste/ dge ba la bkod nas phan 'dogs pa dang/ 'brug gi sgra sgrogs pa ltar 'khor ba'i sdug bsngal gyis mi 'jigs pa dam pa'i chos smra ba'i sgra chen sgrogs pa dang/ char chen po 'bab pa ltar grags pa rgya chen pos khyab pa dang/ char de rlung gi shugs drag pos bskyod pa ltar sems snying rje'i rlung gis bskyod ba dang/ sa'i rdul ldang ba zhi ba ltar nyon mongs pa'i rdul rab tu zhi bar byed pa dang/ grib mas sa stengs brgyan pa ltar tshul khrims kyis sgo gsum brgyan pa'o/ /de ltar gdams ngag brjod nas/ de las byung ba'i dge ba bsngo ba'i legs pa grub par bsngo ba ni/ bdag gis zhes tshigs su bcad pa gcig go/ /bde gshegs spyod pa ni dang po sems bskyed pa nas tha ma mya ngan las 'das pa'i bar ro/ /rtag tu bde pa ni ji srid 'tsho'i bar du nad med pa'o/ /longs spyod bzang po ni log par 'tsho ba med pa'o/ /yid la re ba 'byor pa ni 'dod pa'i don thams cad grub pa'o/ /gzhan la phan par dga' ba ni/ sems can thams cad sdug bsngal las bsgral nas bde ba la 'god par spro ba'o/ /kun mkhyen ni shes bya thams cad thugs su chud pa'o/ /bgrod par shog ces pa ni de thob par smon pa'o/ /nyes pa zhi bar bsngo ba ni dmyal ba zhes tshigs su bcad pa gcig go/ /dmyal ba'i dam grog dang g.yang sa lag mthil ltar mnyam mun nag rnam bsal lus la me 'bar ba rab tu zhi ba dang/ ro myags btsog pa'i 'dam rdzab bskams nas der 'khrungs shing skyes pa'i padma'i lo mas khebs shing rtsa ba'i khye'u so thon pa dang/ ro myags kyi 'dam de gtsang zhing dri zhim gyur nas/ phyogs der padma kha bye bas sa rnams rnam par brgyan pa dang/ dmyal ba rnams bde ba rgyas shing bsam pa bzang la rlung ser bu'i ngad bcas char zim 'bab pas tsha ba'i gdung ba zhi bar shog /sten pa 'byung bar bsngo ba ni/ bdud dpung zhes @133a @#/ /tshigs su bcad pa gcig go/ /sgrogs pa ni dam pa'i chos ston pa'o/ /lha'i chu ni mtshe'u dal gyis 'bab pa'i/ /rtse mo ni der lha dang lha mo rnams rtse bas nang phan tshun dga' ba byed pa bas kyang gdul bya rnams dga' bar mdzad pa'o/ /gdul bya de dag kyang gang zhe na/ lha dang mi 'dul ba zhes smos so/ /gang gi phyir gdul zhe na/ skye shi zhes rkang pa phyed do/ /gang gis 'dul zhe na/ sangs rgyas dag ces rkang pa phyed dang gnyis so/ /brang pa bzhin du zhes bya ba ni gdul bya rnams gang la mos pa'i skur ro/ /nam zhar zhes bya ba ni rtag tu'o; /bstan pa rgyas par bsngo ba ni/ 'gro ba zhes rkang pa gcig go/ /de'i 'gal rkyen med par bsngo ba ni/ /'chi bdag ces rkang pa gcig go/ /mthun rkyen tshogs par bsngo ba ni 'phags pa'i zhes rkang pa gnyis so/ /'phags pa'i skye bo ni sangs rgyas dang byang chub sems dpa' dang; nyan thos rnams so/ /'o na rang sangs rgyas 'phags pa'i skye bo ma yin nam zhe na/ yin mod kyi/ de ni lus kyis chos ston gyi ngag gis mi ston pas gtam tshogs med do/ /gtam tshogs ni theg pa gsum mo/ /spel ba ni gong nas gong du rgyas pa'o/ /de la phan yon ci yod ce na/ zhi ba'i bdud rtsi zhes bya'o/ /zhi ba'i bdud rtsi'i char gyis bsil bas don byas shog /zhi ba'i bdud rtsi'i zla ba'i snang ba rab bzang don byas shog /ces tshig rnam par sbyar ro/ /bdag gis slob ma'i spring yig 'di/ /rtogs shing cung zad bshad pa las/ /dge ba dri med gang thob des/ /'gro kun rnam par grol bar shog /slob ma la spring ba'i 'grel pa/ /slob dpon mkhas pa chen po shes rab 'byung gnas blo gros kyis rang gi slob ma rnams la phan pa'i don du mdzad pa rdzogs so// //rgya gar gyi mkhan po bi nA ya tsan dra dang/ bod kyi lo tsA ba dge slong chos kyi shes rab kyis sgyur cing zhus te gtan la phab pa'o// !/ /lho za mo tshangs dbyangs la sdug bsngal gyi bye brag bstan pa bzhugs so// @##/ /slob ma lho za tshangs pa'i dbyangs zhes bya ba zhig gis me tog gtor/ gung skyems drangs @133b gus pa bgyis nas/ rje lha gcig lags 'khor ba'i sdug bsngal gyi mtshan nyid 'di kho na yong ji lta bu lags/ bka' stsal par zhu zhes gsol pas/ slob dpon gyis cung zad tsam zhig btud de dgongs nas tshigs su bcad pa 'di dag bka' stsal to/ /thog ma med pa'i dus ni bgrangs pa nas/ /rang sems 'khrul ba'i lus la chags pa yis/ /skye gnas mang po brgyud cing skye shi mang po myong/ /'khor ba'i sdug bsngal 'di la bzod pa'i glags med do/ /dmyal ba yi dags byol song sdug bsngal mi bzad pa/ /gsum dang brgyad kyi sdug bsngal 'dam rdzab yin/ /skol cag kun kyang 'dam rdzab 'di la gnas/ /rigs par ldan pa'i skyes bu'i shes rab kyis/ /bka' dang bstan nas nan tan bstan pa 'di/ /mi khom gnas brgyad skyes tshe ma nyan dbang med/ /khom ldan mi lus thob pa gsan du gsol/ / bskal par bsags pa'i bsod nam rgya mtsho yis/ /rab tu dkon pa'i khom ldan mi lus thob/ /lho yi 'dzam bu'i gling du skye ba dkon/ /shAkya thub pa'i bstan pa'i chos bslab 'tshal/ /phung po 'di ni sems dang gnang gzhes 'bral/ /sdig dang bsngos nas ci bsnyod ci bskon yang/ /ro stod ro smad chags pa'i gzugs phung 'di/ /sdug bsngal rtsa gzhi chen por shes par gyis/ /de yi phyir na gzugs lam chags shing/ /rnam shes ma rig mun la chags pa ni/ /shes rab me ltar 'bar ba'i sgron ma yis/ /ma rig mun rum gting nas thar bar 'gyur/ /'dod chags zhe sdang gti mug dbang po ches/ /btsog pa'i mang la gnas sdug bsngal sna tshogs myong/ /ma yi drag dal tsha grang 'grangs bkres kyis/ /'gyur ba'i sdug bsngal der che phyis mi smos/ /'byung ba'i dus na sog mig drangs pa snyam/ / dbugs chad brgyal nas ngan song sgo ru byung/ /byung bas tsher ma'i nang du bskyur ba snyam/ /blangs pas bye'u chung khra yis khyer ba snyam/ /ba spu'i bu gar lhags pa'i mda' re byung/ /nyams su tshor ba'i sdug bsngal sna tshogs myong/ /skye ba'i sdug bsngal 'di la bzod pa'i @134a @#/ /glags med do/ /phung po 'di la rgas pa yongs kyis 'ong/ /mgo la skra med kha na so yang med/ /mig kyang mi mthong rna ba'ang mi thos la/ rtag tu nad pa ji bzhin mal na nyal/ /ldang yang mi nus sgur ram gog ci 'gro/ /zas 'dod skom 'dod kun gyis 'bod cing slong; /rgas pas nyam thag gzugs kyi phung po de/ me long grib ma mthong na 'dre bas 'jigs/ /gnod pa ma byas mi byed byed mi 'gyur/ /khyim mtshes byis pa kun kyang shin dga'/ /rgas pa'i sdug bsngal 'di la bzod pa'i glags med do/ /phung po 'di la nab yongs kyis 'ong/ / ci na yang ni bzod pa'i glags med de/ /shi ru dogs nas sdug bsngal nyam thag pas/ /sha la mes sreg gtar ka dbug dral byed/ /sman gyi rang bzhin kha la btung dka' yang/ /shir dogs phan re dbang med brang cing 'thung/ /blo log mi yis bsgyur kyang mi slongs te/ /nad gram sems rten snying la kun 'dus nas/ /gnang gcod na ba'i sdug bsngal bzod pa'i glags med do/ /phung po 'di la shi ba yongs kyis 'ong/ /phyogs bzhi'i ngos nas ri rdib ji bzhin du/ /de la zhur med de la gsol du med/ /dang po 'chi ba'i nad de bzod glags med// tshig kyang 'chol nas mig kyang khur zur bros/ /re gdung bred do 'o byas snying gtugs nas/ /dus shing gdungs nas smre sngags mang po bton/ /'jus shing 'phyangs kyang phan pa ci yang med/ /gshed ma 'chi bdag srog gcod snying bcu pa'i/ /sdug bsngal nang na shi ba mi phod de/ /shi las thar pa'i sems can gcig kyang med/ /med pa btsal gyis mi rnyed sdug bsngal ni/ /yul dang gnas spangs gnyen por phyogs bzhir brgyugs/ /sgyu dang zol gyis bslus nas 'dod pa btsal/ /lam gyis dub dang bkres skom sdug bsngal khyad bsad nas/ /sha rus bye ba tsam du nyon mongs than bskol te/ /khyim du nam phyin snyam pa'i yid kyis gdung bas myos/ /gal te rnyed pa grub nas khyim du phyin na yang/ /'di bas lhag btsal snyam nas yang ni tshol khro'i lam du zhugs/ /btsal ba grub pa dgra dang phrad de kun phyogs sgren mor btang/ /rang @134b yang ma bsad brdegs nas btang ba 'on kyang rigs pa che/ /khyim du phyin nas bu smad dang phrad na yang ngo 'dzum gnag /chom rkun la sgugs byed pa'ang sdug bsngal lhag par che/ /tshong pa sgyu zol bre srang sgyur zhing slu byed dang/ /ma byin len dang 'phrog rlom byed dang 'jab bu dang/ /mthus 'phrog khrel dang bral ba ci dgos yi dags skye/ /med pa btsal ba 'di yang bzod pa'i glags med do/ /yod pa btsal bas mi thub sdug bsngal chen po ni/ /bdag shi gzhan gyi dbang du gyur gyis dogs pa'i sdug bsngal dang/ /bu tsha gnyen bshes shi ru dogs pa'i sdug bsngal dang/ /ci nas pha rol mthos kyis dogs pa'i sdug bsngal dang/ /nor phyugs shor gyis dogs pa'i sdug bsngal dang/ /nye drung shi nas phrad 'dod mi phrad 'di yang sdug bsngal glags med do/ /sdang ba'i dgra dang phrad kyis dogs pa'i sdug bsngal ni/ /be rga mtshon gyis mgo lus med par brdegs/ /ci yod phrogs nas ral gri rno rtul sad/ /snying rje ye med dgra dang phrad pa yi/ /sdug bsngal 'di yang bzod pa'i glags med do/ /byams sdug gnyen dang bral gyis dogs pa'i sdug bsngal ni/ /pha ma bu tsha gnyen bshes phangs pa rnams/ /dbang med las kyis shi nas bral ba'i tshe/ /dus skabs med par mi bskyud sems la dran/ /gdung sems mya ngan 'di ltar bskyud mtha' med/ /phung po zhig pa tsam du mya ngan cher byas te/ /yod dam snyam nas brtags na ga la yod de med/ /sra chas dam du bcings nas sa 'og sbas pa ste/ /rul myags bskams nas thal ba'ang dengs pa la/ /brgya bos stong bos rnams ni mi thos na/ /dko byams sdug gnyen dang bdag tu phrad par ga la 'gyur/ /byams sdug gnyen dang bral du dogs pa'i sdug bsngal 'di la'ang bzod pa'i glags med do/ / sdug bsngal 'di brgyad len pa'i phung po yin/ /lnga phung 'grub par byed pa'i rtsa ba dug lnga yin/ /dug lnga rang dgar spyod pa'i sems can ni/ /sems can lus ni sna tshogs tshang bar blangs/ /de yi nang nas gzugs rab 'phags pa'i rgyu/ /mi lus rin chen bzang sdug mdzes @135a @#/ /thob ldan/ /btsan phyug bde skyid thob pa'i skyes bu yang/ /mi tshe 'di la dge ba ma spyad na/ /dmyal ba yi dags ngan song gnas su lhung/ /rang la rang sdang rang sdug btson rar chud/ /sdug bsngal sde brgyad nang na rtag tu 'khor zhing 'khyam/ /'phags pa nyan thos yon tan smon pa yis/ /phung po sdug bsngal dgrar mthong skyon rnams spongs/ /bsrung ba'i tshul khrims dag cing gtsang bar gyis/ /gsung rab rgya mtsho zhal thon bar ma bcad/ /sdig pa byang bar 'dod na rtag tu mthol bshags gyis/ /dgra bcom mos pas spyod pa grub pa dang/ /bden gnyis don rtogs theg pa chen po yi/ /chos dang gang zag bdag med rtogs par gyis/ /mkhyen bzhi sku gsum grub la phyag 'tshol mchod/ /sdug bsngal brgyad spangs bde la rtag gnas 'gyur// //slob dpon ka ma la shI las lho za mo tshangs pa'i dbyangs la sdug bsngal brgyad kyi bye brag bstan pa rdzogs so// !/ /(rje 'bangs dang bod btsun rnams la sbring yig bzhugs so//) @##/ /'phags pa 'jam dpal la phyag 'tshal lo/ /bod kyi spu rgyal mgo nag yongs kyi rje/ / khri srong lde'u btsan ag tshom mes kyi sras/ /rlung nam 'phrul gyi rgyal po'i dbon po yi/ /srong btsan sgam po spyan ras gzigs kyi sku/ /byang chub sems dpa'i sku rgyud gdud ma chad/ /'gro drug nang na shes rig che ba'i mi/ /dug lnga sdong po rgyud drug kun gyi gzhi/ /khri rje thog btsan man chad brgyud ma yi/ /dge bcu thang khrims btsugs nas dul bar mdzad/ /rigs kyi sprul pa khri srong lde'u btsan gyis/ /'gro ba'i mun pa'i skar khung dbye slad du/ /rgya gar yul gyi rdo rje gdan stengs su/ /sde snod gsum po shAkya thub pa sa gsungs/ /kun dga' bo la sogs pa'i 'khor rnams smin/ /'dzam bu'i gling gi snying po'i dbus su gyur/ /bsod nams che ba'i mkhas pa grangs kyis smin/ /de gsan thugs kyi rus pa bcas nas ni/ /bsod nams chung ba'i rgyal khams smin bya'i phyir/ /'phags pa'i rigs can ma lus kun btsal @135b te; bai ro tsa na ska ba dpal brtsegs dang/ /klu yi rgyal mtshan ye shes sde dang ni/ /e ra a ro manydzu la sogs la/ /nor gyi dam pa gser dngul dbyig bskur nas/ /rgya gar yul gyi dam chos len du brdzangs/ /bod kyi mun rum nag po'i skar khung phye/ srid kyi chab srid mnga' thang dgung la reg /budd+ha gu hya bdag dngos glo ba dga'/ /chab srid yo ba kun gyi gzhung srong zhing/ /sprul pa'i rgyud ma chad pa'i nang na lde/ /khri srong lde'u btsan mnga' bdag zhal snga nas/ /mi chos lha chos mnga' thang rtse ru chibs/ /rin chen 'bar ba'i sku yi phung po la; /rlung mkhris bad kan 'dus pa'i nad chen dang/ /stong phrag brgyad cu'i bgegs kyis ma btsal bar/ /'jam dpal dang ni mu ri ta la khums/ yas kyi sa nas bdag 'dra spyan 'dren pa/ /sku mnyel lags te bdag la dbang ma mchis/ /'phags pa 'jam dpa' zhal nas bod yul du/ /khyod kyis phyin na srog dang 'bral bar gsungs/ /bdag la dbang med khri lan skyes lan du/ /man ngag yo ga a ba ta ra brdzangs/ /bang chen mi gnyis po yi rtsed lan du/ /mngon par byang chub pa yi tan tra bshad/ /phyi nang gnyis kyi lag len mang po kun/ /gcig kyang ma lus dgos pa thams cad brdzangs/ /gzigs rtog mdzad la gzhan du shor ra re/ /bod kyi mi ni sgrin la tshor skyen te/ /mthod ba thams cad la'ur byed par 'gyur/ /nyes dmigs cha med dam chos stong bar byed/ /dmyal rgyu mang zhing 'bras bu brlag par 'chi'o/ /phyi nang gnyis kyi lag len sba bar mdzod/ /rtsed la skyes lan gnyis kyis 'gro don mdzod/ /khri srong lde'u btsan yas kyi yang dbon gyi/ /raksha gnyis kyi bu gnyis phyogs rigs gcod/ /bod kyi rgyal khams srid kyi mkhar bu yang/ /zhe dbon man chad srid mkhar zhig par mchi'o/ /zhabs 'degs nyung zhing dmangs mo chung mar len/ /mtha' yi kha bzhi kun du grong slong byed/ /rgyal po'i dbyar ni bus pa'i rtse 'jo 'bul/ /dmangs mo tshol zhing grong zan slong bar mchi/ /yar 'gro mar 'gro 'gron po mtha' dag @136a @#/ /dang; /btsan po 'jal yang rgyal khams mi bzhin du/ /ngo mtshar mi che zhes ni mi phyogs par/ /'gron po ji bzhin rgyal nyal byed par mchi'o/ /phyogs bzhir sgyur ba'i mkhas pas bsgyur ba'i chos/ /rgyal po smos shing yon tan brjod pa'i phyir/ / sde snod gsum po'i bka' rgyud ma lus pa/ /mda' bdag phyir smos dpon sras drin du mchi'o/ /sku shugs phyung la bka' rgyud ma lus pa/ /lnga bcu rtsa dgu'i bar du bsgyur ba mdzod/ /drug cu na ni 'jig rten 'das nas ni/ /rgyal khams gzhan du skye ba bzhes par mchi'o; /'gro ba ris drug mtho dman gar skye pa/ /rang byung rig pa'i rgyal po rang dbang che/ /rdzas kyi shes pa shes pa'i nang na dbul/ /sems kyi mtshan nyid shes pa phyug ces mchi'o/ /de phyir sems kyi mtshan nyid legs par rtogs/ /sems ni khang spre'u glog ste ris drug rgyu; /mtho dman gar 'gro rang sems nyid dbang che/ /le lo ma mdzad rang sems ltas zhes mchi'o/ /gros kyi gdams ngag man ngag bstan pa ni/ /rgyal po nyung na brin phyir khab gzhis skyungs/ /btsun mo gcig la dang du bzhes pa ni/ /'phra mig g.yus spras brgyan cing mdzes pa dang/ gcig sems gcig la chags shing sha tsha mchi'o/ /srin bu gdong dmar bod kyi rgyal khams mi/ /dam tshig nyams shing mna' la mi 'dzem la/ /shes pa rags shing khong brnags chud ba yis/ /sngar byas khyad du gsod par 'os zhes mchi'o; /bsod nams che bar dpag bsam shing bu 'khrungs/ /bsod nams chung ba'i bod kyi rgyal khams su/ /shing bu ta la phyis mi skye ba 'khrungs/ /shing la gnod kyis 'chad pa shol cig mchi'o/ /gtsug lag khang dang mchod rten khang bzangs rnams/ /sdig pa kun la gnod de las rmang yin/ /dam chos bsgyur ba zhu thug dag tu mdzod/ /lan cig dus su tshad mar byed par mchi'o/ /rgyal po'i rang bzhin gzhan dang smra mi bya/ /zugs thub gzobs la rab tu brtan par mdzod/ /thugs chen nang blon dpa' ba'i mi rnams @136b la; /dgos don gces spras lhug par smos shes mchi'o/ /srid la gnod pa'i gros ni me snyan bor/ /khengs par mi bya zhi dul bskyar zhing smra/ /gtsigs dang bya dga' blon po rnams la ni/ /ha cang ma che ran tsam bya zhes mchi'o/ /blon po'i 'dod pa chu bzhin mi bzad pas/ /srid kyi mkhar ni 'jig pa'i nyes mchis te/ srid kyis gal la bab pa'i dus na ni/ /sras la mi phangs sdig la mi 'dzem mchi'o/ /bsgyur ba mi bla snyan khung bskyed pa dang/ /phyed tsam khyad du khums la rna la bzod/ /srid kyi chu mtha' rtog cing zad mi shes; /dkon mchog gsum ni spyan ltar mdzod ces mchi'o/ /theg pa kun la 'jug sgo re re ste/ /kun gyi sgo nas 'bras bu thob mod kyi/ /gsang sngags rdo rje theg pa dang du bzhes/ /bkri ba'i don du kun la'ang sbyad tshul bstan/ /rdo rje theg pa dang du bzhes mchi'o/ / mtha' lho ba la rigs shes pa yod pa la/ /yid ches ma mdzad bong so bzhugs gnas rnams/ /kun du ma spong phung ba'i nyen mchis te/ /cal col ma mdzad co ge bzhugs zhes mchi'o/ /btsun mo rnams dang bud med gzhan dag la/ /'dod chags rang bzhin phyi phyir 'dod pa'i phyir/ /thugs kyis khug la ha cang sbyad mi bya/ /nga khyod sre zhing mtho dman med par mchi'o/ /yid ches med par dgos don bsgrub mi bya/ /zas kyi sbyor shom zhim pos dgos mi bsten/ /zhe sas phyogs pa'i 'bangs la nye ring med/ /gzhan gyis mthong bar ma yin grong gzhan du; /gnyen pos bdag kyang 'gro bar mi mchi'o/ /rgyal po'i rang bzhin rgya mtsho'i chu lta bu/ /zha lag phyogs bzhir rgyas nas slar yang 'du/ /rgyal po'i rang bzhin de bzhin yongs kyis bsgrub/ /rgya mtshos kun sangs chos kyis 'gro drug spongs/ /zha lag phyogs bzhir don byed sku gdung rnyed/ /so so snang yang slar la 'dus bzhin du/ /rlan gyis myu gu skyed bzhin gros rgya bskyed/ /chu yis 'bras bu bsgrub ltar dam chos bsgrub/ /rgya mtsho ma g.yos bzhin du g.yo mi bya/ /chu ni mnyen pa bzhin du khong mnyen bya/ /rgya mtsho gting dpag dka' @137a @#/ /bzhin tshod mi gzung/ /chu chen bzlog thabs med bzhin srid la bya/ /rgya mtsho kun la khyab bzhin dang lag bskyed/ /chu 'thung ngoms pa bzhin du gzhan ngoms bya/ /rgya mtshos chu rnams sdud bzhin 'khor rnams bsdu/ /chur ni gzugs brnyen gsal bzhin gsal bar bya/ /rgya mtsho yon tan ji ltar ldan pa bzhin/ /rgyal po gcig gi sku la ldan gyur na/ /spu rgyal bod kyi rgyal po'i mnga' bdag rgyud/ /mgo nag yongs kyi rje ru bskos zhes mchi'o/ /'ol byung gdams ngag spyan sngar brdzangs pa 'di/ /mnga' bdag rgyal po'i mun pa'i skar khung mdzod/ /dus min rtag tu thugs la gdags par zhu// //blon po rnams la brdzangs pa/ /khong dal smras pa btsan na blon pos rab tu chud/ /bud srid khye 'byin mi yi khong brna yis/ /so nams rgya yis chod na kun kyang drag par 'gyur/ /drang 'jam mig thag byed na srid mtha' yin/ /mkhas btsun sngags pa khyad du mi gsod bu tsha'i gter/ /khong gdug kha 'jam byed pa'i blon po 'jigs/ /'o byams ban de 'khur ba'i blon po chos dang ldan/ /kun la snyoms par zas kyis bsten pa gzhan la byams/ /dul zhing gtang ba thub pa'i mi ni grogs por bcal/ /'phral du khros pa lan mi ldon pa dgrar mi bya/ /dgra thabs zab mo dgra la byas pa rang la'o/ /nye dpung ma bshig gcig tu bsdus na dgra yang 'jigs/ /blo gtad mi la bu bzhin brtan par byed pa'i mi ni brling po yin/ /kha tshags dam la zas sgo yangs na yul mis rtsi/ /phur ma'i mi la spyi ched dang du blangs na smras pa nyan/ /yon tan can gyi mi la bkur sti byas na bsod nams che/ /shes rab can gyi mi la bslab sbyang byas na mkhas par 'gyur/ /dga' ba'i mi la gcam par phab nas smras na khong blo gtod/ /chung ma ji ltar mdzangs kyang gros blo gting mi gtad/ /skyes bu kun du grags pa tha shal che na nyams/ /ci la 'ang tshod zin sgrin khar mi 'dor rang lugs byed pa bzang/ /sngar byas 'gyod pa med par shes na mi yi blon po yin/ /dgra thabs mkhas la ral ka byed pa blon po @137b dpa' bo yin/ /kha 'jam che la khang ba rna chung ba'i mi la blo mi gtad/ /bskon thos rna gzod g.yos pa med na gdeng po che/ /pha ma dkon mchog phud du khur na rang gi ltar/ /ngan pa rnams la zhes sas phyogs na dman pa'i gzhi/ /dgra la sran du 'dzugs na phyis dgra 'jigs/ / khong ba rna chung ba'i mi la gnyer mi gtad/ /chung ma mdog sdug pho dad che ba blang mi bya/ /sge'u sres gud du byed ba'i chung ma gshin pa'i rtags/ /ngag 'jam khong yangs smra ba btsan de zhi na mdzangs/ /dpa' zhing phyogs che blo gtad thub pa pho zhes bya/ /tshig mkhas dgra la gnag na gnyen gyi rag 'jigs che/ /mi don byed pa rang don bzhin du 'bad na g.yo sgyu chung/ /rang don bzhag nas mi don byed pa do mi rtag /ngo dga' rma zhing kha rngam ngo mi rtag na khyo ga'i mo/ /'jam la gros gal gcod zhi btsan na gros zla bya/ /dpa' la gnyid chung lag pa gtsang bas lam grogs bya/ /nye ring gang du 'gro yang grogs dang 'grogs/ /spro ring kha tshags dam pa'i 'khor re skyid/ /pha khu bzang po'i bu tsha ngan pa phos tshig che/ /'phral du khong gyod nga ro che ba'i mi dang 'grogs pa byur/ /pha tshan bzang po'i gseb tu skyes pa'i ngan pa rang mthong che/ /kha dman khyim mtshes kun la sdang ba'i mi ni glang/ /mna' ma rnams dang 'khon par byed pa'i bshal thag yin/ /ngan las bu phos byas na gros re khug pa re/ /phar dan bu ru ngan na gros mjug 'thab mos byed/ /sngon du dpa' bo thod rgal byas na skyes bur 'gyur te dgra yang rtsi/ /mi btsan brdzun du smras pa'i tshig mi btsun/ /smra mi nyan pa'i nang du smra ba blun pa ma yin nam/ /rang shes chung ba yon tan can la smod pa ngan pa yin/ /pha mes yon tan smos shing rang spu ngan pa lo nyes yin/ /khong gyod gnyen la sdang ba bu lon ngan pa byol song yin/ /byas pa med par rang mthod che ba glen pa yin/ /bcol ba med pa'i las la 'jug pa smyon ba yin/ /zas ngor 'khrug ldan byed pa phung ba yin// //sgom chen rnams la brdzangs pa/ /tshul chos mi bya shes pa'i sa mi gzung/ /sde snod gsum po kun la lta rtog bya/ /bltas pa'i tshig la mi brtag don la @138a @#/ /dpyad/ /lung la mkhas pa'i slob dpon rnams dang 'grogs/ /sgom chen yin zhes phug tu yong mi 'dug /yid ches med par bsgom par tshul mi bcos/ /the tshom bcad cing mkhas pa'i zhal yang lta/ /the tshom chod cing blo la snang ba dang/ /sgom pa'i gol sgrib chod cing don shes shing/ /rus sbal kho gor nang na 'dug pa de/ /brkyang bskum 'dug 'gro gzhan gyis ma mthong ltar/ /'khor gyis slebs par ma yin dben par 'dug /snying po don las nyin mtshan 'byung mi bya/ /chung ma gshin yang bsgom g.yog bya ba min/ /'du long ngan par 'khor du bsten mi rung/ /rang sems dpang du btsugs sa la yengs mi bya/ /g.yeng dang bying rmugs yod zhig yod gyur na/ /tshul 'chos mi bya bla ma rnams la dri/ /thams cad mnyam pa'i snying por gyur pa'i rtags/ /ci la'ang chags thogs mi mnga' mnyam par 'gyur; /de 'dra'i sgom chen sangs rgyas rnams dang mtshungs/ /dus min rtag tu sems la gdams dag 'di/ /sgom chen rnams kyi sems la shar bar smon// //spyi'i ban de rnams la brdzangs pa/ /mi dge bcu spangs dge ba bcu las ni/ /lus ngag yid gsum dus bzhir g.yo mi bya/ /dam chos zab mo'i phyir ni srog gis bor/ /mkhas su re zhes shes pa'i sa mi gzung/ /bdag gis shes kyang the tshom gzhan la dri/ /chos kyi srid pa sa gsum sems pa bzhin/ /doms par mi bya shes rab gsum gyis bslab/ nges pa rang la med par gzhan mi bslab/ /bsrung ba rnam gsum zhing tshigs bzhin du bsrung/ /rdo rje slob dpon yi dam lha ltar bkur/ /man ngag zab mo mig gi 'bras ltar btsa'/ /theg pa kun la mkhas kyang gsang theg la/ /gzhan shes de la ma 'byor ban de ni/ /theg gzhan shes kyang gsang theg ma 'byor na/ /gser 'dod bong ba rnyed pa ji bzhin no/ /nyon mongs lnga po skye rgyud ma chod par/ /btsun par skye rgyud gcod pa snying re rje/ /nyon mongs ma spangs btsun ba gnyis mi 'phrugs/ /sa bon rul ba'i 'bras bu ji bzhin no/ /nyon mongs lnga po @138b dug sdod ma bsgyel bar/ /skur nas lha phyag 'tshal ba snying re rje/ dug sngo dam bsgyel za bsrung gnyis mi 'phrugs/ /skyer tsher dar gyis phur pa ji bzhin no/ /nyon mongs lnga po dbyings su ma bskor bar/ /mchod rten bskor ba byed par snying re rje/ /chos dbyings ma mthong bskor ba gnyis mi 'phrugs/ /mar 'dod lha khang khyis bskor ji bzhin no/ /nyon mongs lnga po rnam par ma dag par/ /gdong bkrus lag pa bsnyal ba snying re rje/ /rnam par ma dag 'khru ba gnyis mi 'phrugs/ /bre ka nas kyis bcad pa ji bzhin no/ /nyon mongs lnga po zhi bar ma byas par; /chos nyid zhi bar lta bar snying re rje/ /zhi bar ma byas lta ba gnyis mi 'phrugs/ /char ma gnam sdong ljong bu ji bzhin no/ /nyon mongs lnga po mgo bo ma bregs par/ /mgo zlum dpung zlum byed pa snying re rje/ /nyon mongs ma bregs mgo zlum gnyis mi 'phrugs/ /mun gnag nad na rdzas tshol ji bzhin no/ /nyon mongs lnga po dul bar ma byas par/ /pha rol dgra dpung 'joms pa snying re rje/ /dul bar ma byas dgra 'joms gnyis mi 'phrugs/ /ri gzar rbab shor 'dzin pa ji bzhin no/ /chos nyid zab mo lta bas klong du bya/ /spyod pas 'gro don bsam gtan rgyun mi bcad/ /ye shes ral gris skye rgyud gcad par rigs/ /nyon mongs lnga pos ldang ba gnas su bstim/ /yang ldang yang ldang byed na chos nyid bsam/ /mnyam pa'i don la bsam ba'i gtan la gzhug /rang dbang med par gzhan dbang bskur mi bya/ /dus gsum chos kyi mtshan nyid blo la gzhag /gsang sdags zab mo grong yul mi la ni/ /bstan par mi bya rnga dril yang mi brdung/ /yas ra yas lug mkhas zhes gsad mi bya/ /pho mo mang po'i nang du sgrub pa byed par khrel/ /zas nor gsang sngags zab mo yon du 'tshong ba smyos/ / gsang sngags bsam gtan yi dam nyid du nyo tshod byed pa med/ /ban de'i rang bzhin grong gi dbus mi 'dug /tshong la mi bza' sdig pa'i rmang gzhir 'gro/ /pho bla mi byang chub ma'i dad kyang skyungs/ /be'u mang po mi bsrel sdig pa'i rgyu/ /nyin mtshan med par 'gro don byed 'dod @139a @#/ /pas; /rang sems dag na 'dod pa'i don la sgrub/ /mi nag skye bo mang po'i 'gro don yang/ /tshod yod mi bya bsam gtan nyid du bya/ /'di rnams ma nor shes pa ban de yin/ /nyin re bzlas pa mi gcad skyo dub kyang mi bya/ /rtse gcig dang du blangs la bya ba yin/ /mkhas pa'i rang bzhin don la mkhas pa yin/ /tshig la mkhas pa ne tsho tshig zlos mkhas/ /rtse gcig yang dag bden pa'i rlung las ni/ /rang sems dpang du btsugs la nyams mi bya/ /nyin mtshan med par chos kyi don la ni/ /dus gsum 'du 'bral med par ting 'dzin bya/ /shes pa tshe yang mkhas pa'i sa mi gzung/ /rdo rje slob dpon yi dam lha bzhin du/ /khur zhing rtse gcig yi dam nyid du bya/ /de dang mi 'brel brtse gdung tshe mar 'grogs/ /bden pa ston pa'i rdo rje slob dpon ni/ /mig gi 'bras ltar bkur ba'i rang bzhin la/ /g.yog 'khor ngan pa slob dpon spong byed pa/ /nyan byed mi de blun po spre'u zhes bya/ /'di rnams bdag gis mdo tsam bstan pa 'di/ /bod kyi rgyal khams phan bde'i sems la ni/ /gdams ngag 'di ni kun la shar bar smon// //slob dpon chen po sangs rgyas gsang bas bod kyi rgyal po khri srong lde'u btsan rje 'bangs dang/ bod btsun rnams la brdzangs pa'i spring yig go// !/ /dang skyed sgron ma bzhugs so// @##/ /sems can dam pa'i chos la dad pa skyed mdzad pa'i/ /dad pa skyed mdzad bla ma dam pa dang/ /mos pas yon tan 'byung ba'i dkon mchog la/ /bdag nyid gus pas de la phyag 'tshal lo/ /zhe sdang me yis rang gi rgyud bsregs shing/ /gti mug mun pas shes rab dmigs bu ljongs/ /'khor ba'i g.yang sar lhung bas sdug bsngal rgyun mi 'chad/ /'khor ba'i btson rang bzung zhing lcags bcug pa'i/ /ma 'ongs skye bo'i don du bdag gis brtsam par bya/ /bdag gi rgyud la legs par tshur bltas bas/ /mi lus 'di ni shin tu thob par dka'/ /gyang ngos sran ma gtor ba gcig chags srid/ /thams cad sa la ltung nas song ba ltar/ /mi lus thob dka' @139b sems can grangs la ltos/ /rgya mtsho gcig nas gnya' shing bug pa dang/ /rus sbal phrad pa bas kyang dud 'gro nas/ /mi nyid ches thob dka' bas mi dbang gis/ /dam chos spyad pas de 'bras mchis par mdzod/ /sbyin nor 'dra ba'i mi lus 'di thob tshe/ /'di la phan pa'i thar pa ma bsgrubs par/ /phyis ni dal 'byor phun sum tshogs pa 'di/ /thob par dka' ba'i tshe 'di chud ma gsan/ /'jig rten spyod ba dag la phar bltas pas/ /thar la mi mos sdig la dga' ba skyed/ /mtho la phrag dog mnyam la 'gran sems byed/ /dma' la nga rgyal bstod na dregs pa skye/ /mi snyan brjod na khong nas 'khrug par 'gyur/ /rang don thar pa rgyab tu bor byas nas/ /'khrul don bu dang nor la bdag tu 'dzin/ /skyabs pa'i chos bzhag thar pa'i lam sna bor/ /sdug pa'i mi chos glen pa'i bu nor sog /ji tsam sdig pa bsdos nas nor bsags kyang/ /sdig pa'i rnam smin rmongs pa bdag nyid 'khur/ /bsags pa'i nor ni kho bdag cu tsha khyer/ /ro dang mtshungs kyang bdag nyid bzang por 'dzin/ /'khor ba'i btson rar tshud kyang 'bros bsam med/ /phyi na rten med zas nor bu la chags// dad ldan pha ma'i gdung sems rtsad nas bral/ /bdag ni stobs bzad gzhan ni dregs pa 'joms/ /gzhan gyi nor dad rdzas la chags pa skye/ /ma bcol gzhan la gnod pa'i kha gtogs zer/ /nyan bshad dus na bsam pa logs su gtong/ /dkon mchog mthong na skyon med gshe chil smra/ /sems can mthong na zhe sdang gsod sems skye/ /'di la skyid na phyi ma sdug mod zer/ /de dang ldan pa'i sems can skye bo de/ /mi lus chud gsan ad tsa snying re rje/ /gling mchog bzhin 'dzam gling 'dir skye dka'/ /'di na sems can grangs mad gnas pa la/ / mi lus 'di ni shin tu thob dka' na/ /'on long zha bor gyur kyang chos spyod dka'/ /sgro skur med pa'i lus thob gzhon pa'i tshe/ /dam chos mi spyod mi lus chud re gsan/ /gang zhig gser snod rin chen spras pa yis/ /ngan skyugs 'phyag par byed pa de bas kyang/ /gang zhig mi ru @140a @#/ /skyes nas sdig pa dag /byed pa de dag rab tu blun pa lags/ /na dang rga dang 'chi ba'i dus byung na/ /mi lus chud gsan 'gyod kyang phan pa med/ /dper na zon med dgra phyogs phyin pa'i tshe/ /dgra yis zin nas 'gyod pa'i 'bras sems skye/ /skyes kyang phan med bdag gis mi thar na/ /de 'dra de bas chos la 'bad par rigs/ /phyis 'jigs dogs nas sngon du mkhar dpe rtsig /phyi ma ngan song 'jigs nas sngon du spyod/ /lo dus su ni dar cig mi sdod na/ /nam la yod de tshe la long med do/ /lo zlas 'das shing 'chi dang phar phar nye/ /rang gi tshe ni gang kha'i shing pu 'dra/ /'chi bdag bdud ni gad rtsi'i chu bo 'dra/ /skye rgan 'chi rang thag re mos 'dra/ /mi rtag 'gyur ba dbyar dgun ston dpyid 'dra/ /snga ma shi ba'i mi rnams kun gyis kyang/ /rtag tu re zhing bu dang nor bsags kyang/ /bu nor phyir lus bdag la phan pa med/ rang nyid dge sdig gnyis dang sbrags nas 'gro/ /nor dang rdzas ni shing ga'i bye'u chur 'dra/ /mi rtag nges kyis chags sems gnyen pos chod/ /skyid sdug mi rtag kha song di ring 'dra/ /chos la 'gro bar chas tshe gnyen 'dun tshogs/ /yon tan brjod cing mi chos bya dgos zer/ /nor gyis brid cing de yi bar du gcod/ /dug bum thogs nas gtor du 'ongs dang mtshungs/ /bdag la bya snyam gnyen 'dun smra ba nyan/ /bde ba bkag nas g.yang sar gtong dang mtshungs/ /'khor ba'i bu tsha dug gi me tog 'dra/ /mthong na dga' ste ngan song rgyu sogs yin/ /bdag nyid 'chi bdag bdud kyis bslus pa'i tshe/ /mal gyi tha mar nyal nas lus gdungs te/ /zas kyi tha ma skyug kyang dur brgyags stod/ /pha ma gnyen 'dun rnams kyis mtha' bskor te/ /de tshe rang la ci yis phan sems dang/ /shags kyis mi lo dpa' bos 'thab tu med/ /mkhar gyis mi thub nor gyis slu ru med/ /gnyen gyis mi phan sngar ma 'bros su med/ /zug gzer che yang gnyen 'dun bskor mi btub/ /gson tshe byams kyang shi nas 'jigs nas 'bros/ /yul mkhar bor nas rang shong gcig tu skyel/ /gnyen 'dun por nas bdag rang gcig @140b bu 'khyam/ /bdag la byams kyang phyi nas 'ong ba med/ /de 'dra'i gnyen rtsa dgos kyi rdul bzhin spongs/ /byang sems myu gus rtsad nas ma bsregs par/ /byang chub mchog gi sems de rtag tu zung/ /byang chub sems bskyed gyur na skad cig gis/ /'khor ba'i btson rar bsngams pa'i nyam thag rnams/ /bde gshegs sras su dgongs te byin gyis rlobs/ /sems can mi bde bsal bar 'dod pa dang/ /'khor bar gnas dang bral bar 'dod pa rnams/ /byang chub mchog gi sems 'di rtag tu bskyed/ /'phags pa'i gdams dag don chen 'di lags te// khyod kyis thugs dul mdzod cig bcom ldan gyis/ /byang sems chos kyi rtsa ba lags par gsungs/ /khengs grags dge ba bsod nams 'bras bu bzhin/ /bden par spyad kyang zad par 'gyur ba yin/ /sems bskyed pa yi yon tan rtag par yang/ /'bras bu 'byin cing mi zad 'phel ba yin/ /sdig pa'i phung por rir ba tsam yod kyang/ /sems bskyed tsam gyis de dag zhi nus na/ /de la bag can rnams kyis cis mi rten/ /des ni dus mtha'i me bzhin sdig chen rnams/ /skad cig gcig gis de dag bsreg par nus/ /de phyir bdag gis sems bskyed g.yo ba dang/ smon dang 'jug pa gnyis kyis sems bskyed de/ /mi ldog rtse gcig pa yi dad pa yis/ /byang chub sems de rtag tu gzung bar bya/ /de nas le lo gnyis kyi dbang song bas/ /sems bskyed brjed kyang bsod nams shugs la 'phel/ /rgyun mi 'chad pa'i chu bo'i gzhung dang mtshungs/ /nam yang 'byung ste yon tan brjod mi lang/ /sems bskyed dad pas dam chos sgor zhugs pa'i/ /skyes bu dam pas man ngag 'di ltar zung/ /mi khom gnas su skyes na chos spyad dka'/ /rang la dbang yod bzhin du dbang med zer/ /bdud kyis mngon bslus rang nyid phung bar 'gyur/ /thar pa bdag ma rag las 'di la ni/ /gzhan gyis ci yang grogs bgyir ma mchis kyis/ /mi lus thob tshe dpal gyis sbyad par rigs/ /bde sdug zin pa med kyis dam chos sbyod/ /'jig rten longs sbyod sus za cha med kyis/ /sdun na sdod kyi son ma 'bad par rigs/ /gal te mi lus thob nas gzhon @141a @#/ /pa'i tshe; /'jig rten dga' ba'i ca co sogs bor la/ /gzhon pa'i tshe ni dam chos dang du lod/ /bu tsha snying sdug 'khor ba'i rtong phur yin/ /bu tsha ba den par 'dzin pa'i rmongs pa 'ga'/ /lus la shig za byar mig gis byas/ /sor mo'i rgya ba bkye nas gshed mas gsad/ /rnam smin gdong na sdod de phyi mar smin/ /sdug bsngal myong tshe bu yis bdag mi phan/ /khyod kyis dge slong bram ze lha dang ni/ /mgron dang yab yum sras dang btsun mo dang/ /'khor gyi slad du sdig pa mi bgyi ste/ /dmyal ba'i sdug bsngal bskal 'dod 'ga' ma mchis; de phyir bu la ma chags chos la 'bod/ /gzhon tshe dam pa'i chos la ma 'bad na/ /rgas nas nyan 'dod rna bas sgra mi thos/ /shes rab bying bas blo la rtogs pa dka'/ /chos la 'gro 'dod lus la nus pa med/ /chos la dga' yang bdag gis sbyod mi nus/ /gzhon pa'i tshe na dam chos cis mi spyad/ /dam pa'i chos la bden bar ngo yis zung/ /'jig rten bde ba sprin bzhin 'gyur ldog che/ /chos la sbyod na phyug por mkhyen par mdzod/ /'jig rten nor gyis phyug pas phung bar nges/ /sdig bcu spangs nas dge bcu dang len pa/ /mdzangs pa lags te skyes bu phyi mar bde/ /mi 'khyag tsam du dag dug gon byas shing/ /mi ltogs tsam du zas ngan zos byas pa/ /longs spyod bla med byang chub bsngo bar bya/ /nor rnams kun gyi nang na chog shes pa/ /rab mchog lags par lha mi'i ston pas gsungs/ /kun du chog shes mdzod cig chog shes na/ /nor mi bdog kyang yang dag 'byor pa lags/ /bdag ni khyod la byams pa'i zhal ta zer/ /bdag la zas nor skyabs kyi re ba med/ /ngan song 'khor ba'i gnas dang bral phyir gdams/ /bka' ltar mi byed gti mug smad pa'i gnas/ /g.yang sar 'gro yang dogs zon bya dgos na/ /bskal pa'i gting lhud g.yangs smos ci dgos/ /di ring sang la 'chi bar mi 'gyur zhes/ /bde bar 'dug pa bdag gis ga la rigs/ /chos spyad gzhon yang shi ba bde ba ste/ /zhing khams dag par 'gro zhing sdug bsngal med/ /chos med rgan rgon shib @141b skyid ces smra/ /shi sdug lags te ngan song gnas su 'gro/ /skyid sdug gnyis kyi bye brag mkhyen par mdzod/ /chos dang ldan na dman yang bkur sti thob/ /chos kyi dag byung mkhas pas bshad kyi nyon/ /'jig rten nor dang ldan zhing dam chos rdzas kyis spyod/ /chos lam thongs rdzas kyi mngon zhen gyis/ /longs spyod rnams ni skar ma'i rang bzhin la/ /yongs su ma btang de dag des par 'gyur/ /dgra dang chom rkun dag dang rgyal pos 'joms/ /mi bsad stong du 'gro srid rkun pos rku yang srid/ /chos la btong ba'i brtson 'grus spyad par rigs/ /longs spyod g.yo ba snying po med mkhyen nas/ /dge slong bram ze gnyen dang bshes rnams la/ /sbyin pa tshul bzhin stsal bgyi pha rol du/ /sbyin las gzhan pa'i gnyen mchog ma mchis so/ /'gron po yun rings rgyags su sbyin pa rme/ /rdzas rnams myur du thod cig skyes bu dad pa can/ /byin rlabs 'dir 'byung phyi ma gdong na sdong/ /bde skyid 'dod dang sdug bsngal spong 'dod dang/ /rigs mtho bzhin legs bde ba'i gnas thob dang/ /bde mthong mos shing sdug bsngal spong 'dod pas/ /dam chos 'di ni rtag tu spyad par bya/ /lha dang mi yi bde ba thob 'dod pas/ /dge bcu spyod de lus kha bsrung ba ni/ /'dod log g.yem dang srog gcod rku ba dang/ /brdzun dang phra ma tshig rtsub 'khyal pa dang/ /brnab sems gnod sems log par lta ba dang/ /rang don lags kyis sdig bcu rgyab tu bor/ /rang la byams shing brtse bas 'bad par bya/ /rdon pa mi rgod rkun po jog pa sogs; /sdig pa'i rkyen sogs grogs po 'dug pa spong/ /kun du dge ba'i slob dpon sman bzhin bsten/ /'on long zhar sgur lus thob rgud pa dang/ /dbul phongs bzhin dan las las nad mang rnams/ /rnam smin lags kyis gzhan la yus ma ches/ /mtho ris ngan song gnyis la gad mos pa/ /rang dbang yod kyis skyid sdug khyad par nyon/ /gal te mtho ris thar pa mngon zhe na/ /yang dag lta ba goms pa dag tu mdzod/ /rnam rtog ri bos mnan pa'i sems can rnams/ /sdug bsngal 'di la bzod pa'i glags med de/ /'khor bas 'khor te zo @142a @#/ /chu khyud mo 'dra/ /rnam rtog rlung gis khyer te rtsi shing lo 'dab 'dra/ /rnam rtog rgyud la skyes te rtswa la me mched 'dra/ /ye shes skad cig mi gnas dbyar kha'i she mun 'dra/ /phyi yi sdug bsngal bzhi ni rang sems myong/ /yod na mi thub med na btsal mi rnyed/ /byams dang bral dogs sdang dang phrad kyi dgos/ /nang gi sdug bsngal bzhin ni rang lus 'joms/ /ma lus 'byung tshe brag bar btsir ba 'dra/ /ma yis mchod sa tshe g.yang la phyin pa snyam/ /lhung tshe tsher ma'i dang du bsgyur ba snyam/ /blangs na bye chung khra yis khyer ba snyam/ /skye ba'i sdug bsngal rang yus rdul bzhin rlog /lo zla 'das shing rgas pa shugs kyis 'od/ /rgas tshe mgo la skra dkar so yang med/ /rna bas mi thos mig gis rang mi mthong/ /'dug na rang lus sa rdo chad pa 'dra/ /langs na spang las phur pa 'byin dang mtshungs/ /phyi sgor 'gro yang sgur nas gog cing 'gro/ /zas skom 'dod na gzhan la rag las slong/ /bu tshas mthong yang mi mos yid mi 'ong/ /dug po bskon zhing sgo rtsa srung du gtod/ /gzhan dag 'ong nas ngo tsha phar zur zer/ /khyim mtshes byis pa gshe zhing 'tshe ru 'ong/ /'tshogs par phyin na skyugs bro phar song zer/ /shi skal chad de rgan rgon yi dags skye; /ngo tsha khrel 'dzem shor de gzhan gyis skyur/ /bu smad kun yang shin rung zhes smras/ /rkang lag 'dar zhing kha mig chu yis khengs/ /lus kyi stobs shor ber ga grogs su tshol/ /legs par smras kyang gzhan gyi rnar mi snyan/ /bde bar nyal kyang lus tshigs khol zhing na/ /gzhan la gtam smras rgas pa'i dag mi snyan/ /rgas pa'i sdug bsngal bshad na kun la'ang/ /lus la nad med bde sdug re ba rnams/ /nges pa 'dod pas nongs dad 'chi ba dang/ /na rgal sogs sdug bsngal du ma yi/ /'byung gnas 'khor ba la ni skyo mdzod cig /de yi nyes pa'i shas kyang mkhyen par mdzod/ /khams gsum 'khor ba'i lam la bde ba med/ /rigs drug sems can nad la grangs re mang/ /dug lnga dug gsum nad kyi dbal re cha/ /thog mtha' med pa nad kyi yun re ring/ /de ltar lags te ma rig bde ru med/ /'chi bdag bdud kyi zhags pas zin pa'i tshe/ /lus @142b ngag yid gsum nad kyis thebs pa'i tshe/ /dag gi sdug bsngal rnga mo bu stor 'dra/ /lhad lhar rtser tser cis kyang nad kyi dbang/ /lus kyi sdug bsngal skam la nya skyur 'dra/ /rgal bu stong stod 'phar yang nyams stobs med/ /'bros par bsams kyang thar ba'i dus mtha' med/ /gzer gyis lus btab ngo tsha khrel 'dzem shing/ /gnyen 'dun bskor yang sdug bsngal rang gis myong/ /zas skom kha ru bcug kyang blo brlag med/ /nye bas bos kyang kha nas rkang mi thon/ /ji ltar nyal kyang bde ba'i bar skabs med/ /sdig la 'gyod pa skyes kyang bshags long med/ /na ba'i sdug bsngal lags te kun la 'ong/ /des na mi ni yang dag nyid du mi bde zhing/ /mig tsang bdag med pa ru rig par bgyi/ /'chi ba'i tshe na dge sdig las kyis 'byed/ /dge ba can ni 'chi tshe bde ba mthong/ /mun pa'i khams nas bde ba byung ba dang/ /lus la chags pa med cing lus sems bral nas dga'; /bde gshegs bskor ba byed cing chos bshad mthong/ /bde ba'i zhing khams byung bas mos ba 'byung/ /gdugs dang rgyal mtshan mchod pa'i rdzas 'bul dang/ /'gro drug gnas mthong snying rje'i sems 'byung ste/ /de dang ldan na bde ba'i gnas su skye/ /sdig can dag ni 'chi tshe nyes skyon mthong/ /snang ba'i khams ni mun pa nas sros bzhin/ /mthon spyi tshugs thur la song ba mthong/ /lag na 'dug pa gdug pa'i mtshon char mthong/ /sgra skad thams cad gdug rtog sgra ru thos/ /sdig pa byas na ngan song lam du ston/ /'chi bdag gshin rjes rgyab nas phul zhing brdeg / srog gcod bdud kyis gdong nas brtson bzhin khrid/ /gcan gzan gdug pa'i 'brug sgra bzhin du sgrogs/ /mtshon cha gdug pa'i dbal ni rtsad bzhin 'dzugs/ /'khor ba'i g.yang sar ri gzar rbab bzhin 'dril/ /yi dags gnas na sdug bsngal dpag tu med/ /bkres skam grang do dal dang 'jigs pa yis/ /skyed pa shin tu mi bzad sten 'tshal lo/ /mgo lus skom par mi mthun rgyu las byung/ /skom skyugs bro zer sna yi rgyu las byung/ /sdug bsngal che ste las la zad dus med/ /gal te tshe zad dmyal ba'i gnas 'gro ste/ /skad cig yud kyis gnas der myur par @143a @#/ /phyin/ /dmyal ba'i sdug bsngal rig na mchi ma 'ong/ /btsong khu rgyal po 'phrang du bsdad nas ni/ /gson po pags pa bshus shing yan lag 'don/ /de ltar byas kyang rnams smin 'chir mi 'dod/ /bye ba phrag brgya nyams su myong yang ni/ /ji sring mi dge de zad ma gyur pa/ /de srid sdog dang 'bral bar mi 'gyur ro/ /dmyal ba'i lcags khad mthong na dga' snyam sems/ /las kyi sgo phye nang du dbang med 'gro/ /las rlung phug nas sgo gcod mun pa 'thibs/ /phyogs mtshams kun nas me 'byung 'bros sa med/ /sha rus tshig kyang 'chi ru las kyis 'tsho// rang nyid zangs su 'chod cing sha rus bral/ /phur bzhi rgyang shing steng 'og lcags kyis btab/ /lcags gzer steng 'og lus la gang bar 'debs/ /gal te 'bul na lhu tshigs rus pa 'bral/ /lcags kyi bya phra mkha' la lding zhing 'debs/ /mtshon cha'i 'khor los lus la dum bur gcod; /lcags kyi tho chen mkha' la lding zhing brdeg /sogs les spyi bo'i gtsug nas rkang 'thil gshog/ sbu gris btams pa'i ril dbang med 'dzeg /rnag khrag bshul ba'i dri ma dpag tshad khyab/ /rang gis rang bsregs skye bo rang gis len/ /'chongs pa de ltar lags te lha mi dang/ / dmyal ba yi dags dud 'gro rnam dag tu/ /skye ba bzad po ma lags skye ba ni/ /gnod pa du ma'i snod gyur lags pas mkhyen par mdzod/ /des na 'jig rten bde nus ci la phan/ /de phyir bdag gis bshad pa'i man ngag nyon/ /'gro ba'i don mdzad bla ma dam pa yis/ /ma rongs sems can skye pa'i don dag tu/ /man ngag dad skyed sgron ma 'di brtsams pas/ /'gro ba kun gyis sangs rgyas thob par shog/ /slob dpon ka ma la shI las mdzad pa/ /dad skyes sgron ma rdzogs so// @## /rgya gar skad du/ dr-iShTA na ta mA lya/ bod skad du/ dpe'i phred ba/ 'jam dpal gzhon nur gyur pa la phyag 'tshal lo/ /dang por smra ba rnams kyi rab mchog ston pa dang/ /srid pa gsum gyi 'dod chags rnams 'joms chos dang ni/ /thams cad mkhyen pa'i bstan pa bdud rtsi'i snod gyur pa/ /gang zag mchog brgyad kyis brgyan dge 'dun rab brtul zhing/ /bsam @143b rdzogs rtsib logs 'tsher la sogs pa de dang de/ /thams cad yod smra'i khyu mchog dad pas mchod byas te/ /dpe yi phreng ba 'di ni bdag gis bshad par bya/ /rab blo'i legs sbyar ma sbas 'di na de bstan gyis/ /yon tan dang skyon gyi mtshan nyid khong du chud pa las mchod bar bya ba dang/ ma chad par bya ba ma yin ba rtogs par 'gyur bas yon tan dang skyon gyi mtshan nyid khong du chud pa la rab tu 'bad par bya'o/ /de yang 'di ltar rjes su thos te/ yul gan d+ha ra nas tshong pa kha cig bcom brlag tu song ba dang/ de de na mchod rten rnams la yang dang yang du phyag 'tshal zhing dge sbyod rnams la yang bsnyen bkur dang bcas pas phyag byed par gyur pa dang/ de la 'di ni dge bsnyen yin no snyam du shes nas bram ze rnams kyis bzhad gang byas par gyur to zhes grag go/ /de nas re zhig gcig na de so ga'i dus kyi phyi dro'i tshe bram ze zhig gis lam srang na 'dug go/ /der yang bram ze kha cig khrus byas shing dris byugs pa dang zas la spyad pas dbang po tshim pa dang khang pa sgo'i phyogs na lag na rnga yab thogs shing mchod phyir dkar po thogs la/ gcig tu shas cher ba gang de gtam la rjes su chags shing dga' bas kun du 'khod bar gyur ba dang/ de rnams kyis dge bsnyen de bltas nas rab tu bgad do/ /khram ze gzhan zhig gis kyang smras pa/ /sangs rgyas kyi dge bsnyen khyod tshur shog stan yod par 'dug shig /de der 'dug pa dang/ bram ze zhig gis dris pa/ gang lha chen po dang khyab 'jug la sogs pa'i lha rnams spangs nas sangs rgyas la mchod pa byed par gan d+ha ra ba rnams kyi rang bzhin 'di ci zhig yin/ des bdag de smras pa/ bdag cag ni sangs rgyas bcom ldan 'das kyi yon tan rnams kyi phyogs gcig shes kyi lha chen po la sogs pa'i lha rnams kyi yon tan ni mi shes te/ rgyu des na sangs rgyas bcom ldan 'das la mchod pa byed pa yin no; /des de'i tshig de thos pa dang/ /bram ze kha cig gis smras pa/ legs ldan lha chen po'i yon tan mi shes pa 'di ni/ khyod glen pa yin te gang gi phyir/ 'di na lha min grong khyer mkha' la rgyu/ /skyes pa bud med rgan dang gzhon bcas pa/ /gzhu chen blangs nas 'bar ba'i mda' yis ni/ /me @144a @#/ /yis rtswa bzhin skad cig dag gis bsregs/ /dge snyen gyis smras pa/ gang rang bzhin gyis 'chi ba'i chos can gyi srog chags rnams la gsad pa'i phyir 'bad pa dang ldan pa'i sems can gyi khyad par de 'dra ba la ni kho bo mi dga'o/ /su zhig zil pa'i thigs pa ni/ /rtswa yi rtse la chags pa dag /dang gis 'jig pa'i chos can la/ /gzhig pa'i phyir ni 'bad par byed/ /re zhig gzhan thams cad lta zhog gis/ ci khyed rnams pha rol la gnod pa byed pa yon tan yin par shes sam/ /de nas bram ze de dag thams cad kyis dus gcig tu smras pa/ lha ma yin gsod pa ni yon tan yin par rab tu shes pa'o/ /dge snyen gyis dbugs phyung ste smras pa/ las gang las ni dam pa rnams/ /ngo tshar gyur pa de nyid la/ /dam pa min pa dregs gyur pa/ /kye ma 'jig rten ngo mtshar che/ /zhes bya ba ni 'jig rten las legs par smras pa yin no/ /mdor na/ yon tan skyon stsogs brtags la bya ba dang// bya min sad pas rgyal ba'i yon tan ni/ /rgya chen rdzes la yon tan nges dga' rnams/ /mchod pa'i 'bras bu 'dod pa rgya chen yin/ /skyon la yon tan dag tu 'du shes shing/ /skyon dang ldan pa dam par shes pas mchod/ /'bras bu rgya chen thob par mi 'gyur gyi/ /lta ba ngan pa dag kyang 'phel bar 'gyur// tshig de bram ze rgan po kha cig gis thos pa dang/ khro bas 'bar ba'i mig gis dge bsnyen de la lta zhing brnyas pa dang bcas lag pa g.yon pas ston cing smras pa/ gan d+ha ra ba rmongs pa rnams de skad ma smra shig /gal te lha ma yin gsod bar dga' ba'i lha chen po la sogs pa'i lha rnams mchod par bya ba ma yin na mchod par bya bar su zhig 'gyur/ dge snyen gyis smras pa/ /gang yon tan yang dag pa dang ldan par 'gyur ba ste/ bram ze chen po ltos shig /gang zhig stobs ldan 'tshe ba rnams/ /gal te mchod byar de gyur na/ /dred dang gzig dang stag la yang/ /'gro ba rtag tu mchod par 'gyur// yon tan skyon mkhas dam pa ni/ /su la yang ni 'dod mi byed/ /dred la sogs pa'i gdug pa rnams/ /yon tan med la mchod mi byed/ /mi 'tshe la sogs yon tan yin/ /'tshe sogs skyon du shes par bya/ /yon tan skyon rnams mi shes pas/ /skyon ni yon tan dag tu shes/ /gang gis shin tu drag po'i las// @144b 'jig rten byis pas mthong nas su/ /mchod pa'i yul las mi mkhas pas/ /de nyid lan ni mchod byar shes/ /gan d+ha ra ba ni nges par yang/ /skyon dang yon tan rtog dang ldan/ /des na sangs rgyas bcom ldan la/ /dad kyi lha chen sogs la min/ /bram zes smras pa/ kye gan d+ha ra ba re zhig sangs rgyas zhes bya ba 'di su zhig yin dge bsnyen gyis smras pa/ /shAkya'i rigs su legs 'khrungs pa/ /kun mkhyen nyes pa kun las rgyal/ /sems can kun la phan bzhed ba/ /drang srong chen po sangs rgyas yin/ /bram zes smras pa/ gal te sangs rgyas drang srong chen po yin par shes na/ gzhan la gnod pa byed pa de mchod par bya ba ma yin par smra 'am/ 'di la 'pho ba dang/ me 'bar ba dang/ rgyas pa dang/ gnas 'jog dang/ rgyun shes dang/ phur bu gsum pa dang/ rgyun shes kyi bu la sogs pa drang srong chen po rnams kyis dmod pa 'debs so zhes 'jig rten na grags so/ /gal te sangs rgyas de drang srong chen por gyur na nges par des kyang dmod pa 'debs par byed par 'gyur ro/ /dge bsnyen gyis rna ba bkag nas smras pa/ sdig par ma gyur cig /sangs rgyas bcom ldan 'das ni dmod pa 'debs par mi mdzad do/ /bram zes smras pa/ sdig pa zhi bar gyur cig ces 'dir ci'i phyir smra/ gal te sangs rgyas dmod pa 'debs par mdzad na ni/ de yang dag par 'tshe ba can du 'gyur ro/ 'on te su la yang dmod pa mi 'debs na sangs rgyas 'di la mthu ci yang med do/ /de nas bram ze de dag rnams kyis gnyis ka ltar 'gal ba'i tshig gis gan d+ha ra ba khyad par du bsad nas gsang mthon pos brgyad par brtsams so/ /dge bsnyen des ma 'khrul pa nyid du smras pa/ sangs rgyas bcom ldan 'das mthu chen po mi mnga' ba yang ma yin mod kyi 'on kyang dmod pa'i rgyu dang bral bas gang la yang dmod pa mi mdzad do/ /bram ze chen po ltos shig /chags can gang la kun du chags/ /de dang bral na de khros te/ /bya dang bya min rnam rmongs pa/ /phyi nas dmod pa gtong bar 'gyur/ /de bzhin gshegs pa 'dod chags bral/ /rmongs pa dang bral khro las rgyas/ sems can thams cad phan mdzad na/ /de ni dmod pa ji ltar mdzad/ /de nas bram ze de rnams yid la @145a @#/ /bzung ba'i rgyu rnams rjes su dpog cing dge bsnyen de la smras pa/ kye gan d+ha rab gal te sangs rgyas dmod pa mi byed na/ /nges par phan 'dogs par yang mi byed do/ /dmod pa dang phan 'dogs pa'i nus pa dang bral na ni/ drang srong chen por yang mi 'gyur ro/ /dge bsnyen gyis smras pa; sangs rgyas bcom ldan 'das dmod pa'i nus pa mi mnga' ba 'di ni de ltar bden mod kyi/ /'on kyang phan 'dogs par ni spyod pa nyid yin te/ /khyed rnams kyang ltos shig /gzhan gyi sdug bsngal la sdar bas/ /de ni dmod pa mi mdzad kyi/ /'jig rten phan 'dogs brtson pas na/ /phan par yang ni mdzad pa yin/ /rga nad 'chi ba'i sdug bsngal gyis/ /dang gis 'jig rten sdug bsngal na/ /rma la lan tshwa ji bzhin du/ /mkhas pa su zhig dmod pa 'debs/ /de yang byams pa la gnas shing/ /rtag tu snying rje'i bdag nyid can/ /de bzhin gshegs pa'i gsung bsil ba'i/ /chu yis 'jig rten tshim par mdzad/ /de nas bram ze de rnams yud tsam zhig mgo thur du smad nas bsams te/ dge bsnyan de la rjes dang bcas pa'i mig gdangs pas bltas te/ smras pa kye gan d+ha rab shin tu brtags pa'i gnas rnyad nas khyod kyis rab tu dad pas bdag cag ngo mtshar du byas so/ /mang du smrang pas ci zhig bya ste/ gan d+ha ra zhes bya ba'i yi ge ni don phyin ci ma log par grags pa yin te/ ci'i phyir zhe na/ go zhes bya bas ru bshad/ /sa de gang zhig yang dag 'dzin/ /skyes bu da ma pa de rnams ni/ dam pas 'dzin zhes bshad do/ /ci'i phyir nas 'di ni/ khyed cag rnams kyis 'dzin mi byed/ / gang phyir khyed kyi yon tan bsdags/ /mgon po sangs rgyas la brten yin/ /de nas dge bsnyen des bram ze rnams kyi sems snod du rung bar byas par shes te/ da ni sangs rgyas kyi yon tan bshad pa'i dus yin no snyam nas/ yang dag par dga' ba'i bzhin gyis gzengs bstod de smras pa/ gang khyed rnams sangs rgyas bcom ldan 'das la dad pa skyes par gyur pas bdag ni mchog tu yang dga' ba skyes par gyur mod kyi/ 'on kyang dad pa 'di nyid 'phel bar bya ba'i phyir yon tan dang skyon gyi mtshan nyid rjes su dran par bya ste/ de ci'i phyir zhe na/ gang tshe 'gro ba yon tan rab rtog tshe/ /rgyal ba yon @145b tan rgya mtsho gcig bur mthong/ /zhi dang dga' ba skyes par gyur mod kyi/ /tshul khrims ting 'dzin shes rab kyis/ /sangs rgyas dang mnyam gang na'ang yod ma yin/ /dper na ri rab mnyam pa'i rin med/ /rgya mtsho mnyam pa'i mtsho ni yod ma yin/ /de bzhin sangs rgyas dang mnyams stengs sam/ /mkha' la lus can mchog de yod ma yin/ /shAkya'i khyu mchog des ni gang phyir dal bas dka' bar ma zhugs ci zhig yod/ /thub pas phan pa'i don du lan mang dgongs te ma gzigs de ni gang zhig yod/ /de la skyabs song drang srong des ni phan gdags ma byas de ni gang zhig yod/ /'di nas des gsungs lam la rab gnas nyon mongs dgra bcom de ni su zhig yod/ /mu stegs kun las rgyal de bde bar gshegs zhes yon tan rnams rgyas dri med grags pa'i kha bye gzhan su yod/ /phug na seng ge lta bur lha yul sa stengs dag na 'jigs med rang gi gsung mchog sgrogs pa gzhan su yod; /rtag tu yid 'ong gsung gis las dang nyon mongs dag gi gnas skabs rjes su ston pa mdzad pa'ang gzhan su yod/ /gang gis mchod rten mkha' la sprin dkar lta bur 'gro ba yang dag brgyan pa 'ga' yang 'di na yod ma yin/ /de nas bram ze de rnams de bzhin gshegs pa'i yon tan gyi bsngags pa thos pa dang/ sangs rgyas la mngon par dad par gyur to/ /'dis ci zhig ston pa yin zhe na/ de ltar sangs rgyas kyi yon tan thos pas bcom ldan 'das la mngon par dang par shes pas/ dad pa la ni gzhan rnams kyang yang dag par gzhug par bya'o zhes nye bar ston pa'i mdo brtsams ba yin no/ /de yang dge slong dag khyed rnams kyis gang rjes su brtse ba dang/ gang snying brtse bar bya'o zhes rgya cher gsungs pa'i phyir te/ sangs rgyas mchog la gsungs pa'i yon tan gyi phan yon gyi mdo sde dag la yang nye bar sbyar bar bya'o/ /gus par byas te chos nyan pa la yang brjod par bya'o/ / yang 'dis ci zhig ston ce na/ de ltar sangs rgyas kyi yon tan thos pa don gzhan la mdon par zhen pa'i bram ze rnams kyang bcom ldan 'das la mngon par dad par 'gyur na/ sangs rgyas kyi yon tan thos pas rna dkrugs pa lta smos kyang ci dgos te/ khyed rnams sangs rgyas kyi yon tan thos pas dad @146a @#/ /pa rnam par 'phel bar ci'i phyir mi 'gyur te/ de bas na sangs rgyas dang/ sangs rgyas kyi bka' dag gi bsngags pa mnyan par shin tu 'dod pa'i khyim na gnas pa dang/ rab tu byung ba khyed rnams kyis ma yengs par mnyan par bya'o zhes 'di ni yang dag par skul bar byed pa yin no// sangs rgyas mchog gi dpe ste dang po'o/ /rdzogs so// //rgya gar gyi mkhan po d+harma shrI b+ha dra dang/ lo tsA ba ban de tshul khrims yon tan gyis bsgyur cing/ dge slong rin chen bzang pos bcos nas zhus te gtan la phab pa// @## //rgya gar skad du/ a sho ka mu kha nA ga ba ni ya pa ri tstshi daH/ bod skad du/ mya ngan med pa'i sgo nas klu btul ba'i le'u'o/ /'di ltar rjes su thos te/ sangs rgyas bcom ldan 'das mya ngan las 'das nas lo brgya lon pa na/ grong khyer pa ta li pu trar rgyal po mya ngan med ces bya ba 'khor los sgyur ba'i rgyal po'i bzhi cha la dbang byed pa zhig byung bar gyur to/ /des nor gyi don du tshong pa lnga brgya bkug nas smras pa/ shes ldan dag khyed song la rgya mtsho chen po nas rin po che sna tshogs pa long la shog shig /gang gi tshe de dag rim gyis song ste rgya mtsho chen por phyin nas/ rin po che dang/ gser dang/ dngul dang/ rdo rje dang/ bai DUrya dang; shad ka shi la dang/ bye ru la sogs pa rin po che'i tshogs du mas de dag gi gru yongs su bkang ste 'dzam bu'i gling du phyogs te chas so/ /de dag log nas 'ongs pa na rgya mtsho'i dkyil du klus gru bcom nas/ de nas tshong pa de dag srog gi lhag ma 'ba' zhig dang grus 'ongs te/ gang gi tshe rim gyis grong khyer pa ta li bu trar phyin pa dang/ rgyal po mya ngan med kyis tshod pa rnams 'ongs so zhes thos so/ /de skad ces bya ste/ rtswa yis me ni ngoms med sreg /rgya mtsho chu yis ngoms pa med/ /'dir ni lha yul yid 'ong bas/ /'gro rnams dbang drug ngoms pa med/ /ces bya ba yin pas de 'dod pa'i rgyus sems bskyed cing nor du ma dgram pa'i gnas bya'o snyam du bsams te/ de nas de'i rdzing bu dang bcas pa'i skyed mos tshal du gnas rgyan thams cad kyis brgyan pa/ bdan dang rgyal mtshan bsgreng ba bla re dang gos kyis spras par yid du 'ong ba'i spos rnams ni gtul/ gangs ltar @146b bsal ba'i chus gang ba'i rdzing bu na shel lta bu'i phye ma dang ldan pa utpal dang/ padma dang/ ku mu ta dang/ puNDa rI ka rnams kyis khebs pa/ dang pa dang/ khu byug dang/ rma bya dang/ ne tso dang/ ri skegs dang/ dur pa dang/ ka la ping ka dang/ shang shang te'u dag bya skad snyan pa sgrogs pas nyams dga' ba/ pi wang dang/ gling bu dang/ rdza rnga dang/ sgra bzangs dang/ 'khar rnga dang/ pa Ta ha dang/ rnga bo che dang/ dung rnams rgyun du rdung ba/ blon po dang/ grong mi dang/ ljongs kyi mi dang/ skye bo rnams ni 'dus/ dge sbyong dang/ bram ze dang/ kun du rgyu dang/ gcer bu pa dang/ kun du 'tsho ba pa la sogs pa ngo mtshar gyis 'dus te nor bu dang/ mu tig dang/ bai DUrya dang/ shang ka shi la dang/ byi ru dang/ mu tig dmar po dang/ mu sa la ga wa dang/ indra nI la dang/ mthon ka chen po la sogs pa'i rin po che'i bye brag rnams blta bar bya'o snyam mo/ /de nas rgyal po nor dgram par 'dug ste/ tshong pa lnga brgya po de dag kyang rgyal po'i drung du 'ongs pa dang/ thams cad stod g.yogs gcig pu dang ldan zhing gcer bur gnas so/ /rgyal pos smras pa/ ci'i phyir 'di lta bu'i gnas skabs su gyur/ tshong pa rnams kyis smras pa/ lha gru bcom pas 'di ltar 'gyur ro/ /rgyal pos smras pa/ gang gis gru bcom par gyur/ tshong pa rnams kyis smras pa ba tshwa can gyi rgya mtshon gnas pa'i klus bcom lags so/ /rgyal pos smras pa/ bdag gis dus 'dir ji ltar bsgrub par bya/ tshong pa rnams kyis smras pa/ lha 'di yongs su btsal du gsol/ /gal te tshol bar mi mdzad na phyi nas kyang tshong pa 'ga' yang rgya mtsho chen por 'jug par mi 'gyur ro/ /de'i tshe 'khor de na dge slong dbang po zhes bya ba bsod nams che ba zhig yod de/ de rgyal po dang ha cang yang mi ring ba zhig na 'dug par gyur to/ /rgyal pos tshe dang ldan pa dbang po la smras pa/ slob dbon bdag gis 'di la ji ltar bsgrub par bgyi/ tshe dang ldan ba dbang pos smras pa/ rgyal po chen po zangs ma'i byang bu la yi ge bris la rgya mtshor rdzongs shig /ci tsam na rgyal pos zangs ma la spring yig tu bris te smras pa/ sa 'di rgya mtshos gtugs pa skyong/ /rgyal po stobs ldan mya @147a @#/ /dan med/ /rab tu drag cing btsan pa yis/ /nor khyer mtshor gnas gang yin pa/ /de dag 'dir ni myur ba ru/ /nga yi drung du bskyal bar gyis/ /zhes yi ger bres te/ zangs ma'i byang bu de rgya mtshor bskyur ro/ /de nas klu ma rangs nas/ rgya mtsho nas slar 'dzam bu'i gling du bskyur ro/ /de nas rgyal po'i pho nyas zangs ma'i byang bu de blangs nas slar ba ta li pu trar 'ongs te/ rgyal po la skabs de bsnyad pa dang/ de nas rgyal po mya ngan med sems khong du chud nas mtshan mo stan gyi steng du nyal te/ ji ltar 'di la bsgrub par bya snyam du sems so/ /de nas nam mkha'i dkyil na gnas pa'i lhas rgyal po la smras pa/ rgyal po chen po sdug bsngal ma byed cig /'jig rten gsum mchog lha mi'i mchod/ /stobs phyug chu srin rgyal mtshan can/ /mthar byed bde gshegs sku gdung la/ /mchod pa rnams kyis rab mchod gyis/ /de rjes khyod kyi dgos 'grub 'gyur/ /lha gnyis pas smras pa/ gang zhig bya min rgyal chen mya ngan ma mdzad par/ /sngags dang rig sngags sman sbyor mi bgyid par/ /mi dbang dbang du bya bar nus 'gyur ba/ /bde gshegs bstan la lhag par gus pa yis/ /de yis klu rgyal gang yin dbang du 'gyur/ /de nas zhag gnyis pa la rgyal po mya ngan med skra bkrus te/ gos dkar po bgos nas dri dang/ me tog dang/ phreng ba dang/ byug pa rnams thogs nas tshig 'di skad ces smras so/ /phyogs mtshams mkha' bzhugs rdzu 'phrul ldan/ /shar gyi phyogs dang gzhan bzhugs la/ /bdag ni gsol 'debs spyan 'dren gyis/ /bdag la thugs rjes gzung du gsol/ /rgyal pos de skad ces smras ma thag tu shar phyogs dang lho phyogs dang nub phyogs dang/ byang phyogs rnams nas dgra bcom pa stong phrag drug cu byon zhing 'dus par gyur to/ /rgyal pos me tog dang/ spos dang/ dri dang/ byug pa rnams thogs nas/ de bzhin gshegs ba'i sku gdung la mchod pa byas te/ de nas bcom ldan 'das la mngon par bstod pa/ na ba dang ni rgas dang sdug phongs gzhan yang 'chi gzigs nas/ /rgyal bas yul dang 'byor ba btsun mo'i 'khor dang nye du spangs/ /sa bdag zas gtsang drung gshegs bskrad nas rgyal po'i dpal spangs pa/ /bcom ldan de la @147b bdag gus dang bas de yi sku gdung mchod/ /gang gi stobs kyis bdud ni shin tu stobs ldan blta bar dka' rnams bcom/ gang gis bA ra NA sIr 'khor lo legs bskor srid spangs zhi bar mdzad/ /gang gis lnga sde skye ba'i sdug bsngal gyis gdungs 'chi ba bkrol/ /shAkya thub de'i sku gdung dpe med 'di la bdag gis yang dag mchod/ /gang zhig gang du mya ngan 'das gshegs 'dir ni mar me 'gags pa bzhin/ /glang po stong stobs las lhag de ni mi rtag stobs kyis phye mar brlags/ /sa bdag mchog gis cha brgyad mnyam bgos sku gdung yang dag mchod gyur pa/ /de yis sku gdung dpe med 'di ni 'jig rten mkhas pas yang dag mchod/ /de nas dge slong gi dge 'dun la gdugs tshod drangs nas mchod do/ /de nas rgyal pos tshe dang ldan pa dbang po la smras pa/ 'phags pa ci zhig mchog tu bsgrub par bgyi/ tshe dang ldan pa dbang pos smras pa/ rgyal po chen po dang po ni khyod kyi gzugs/ gnyis pa klu'i gzugs te/ sku gzugs legs pa gnyis mdzod la gser gyi snod chen po byas pa'i nang du de gnyis stsol cig dang de las mngon sum du gzigs par 'gyur ro/ /de bzhin du byas te phyis rgyal pos bltas pa dang/ klu'i gzugs 'dug pa la rgyal po'i gzugs phyag byed pa rgyal pos mthong ngo/ /rgyal po yid la gcags par gyur pa dang/ tshe dang ldan pa dbang pos smras pa/ rgyal po chen po dus 'dir yang dang yang du nyi ma re re la khyad par gzigs par 'gyur ro/ /ji lta ji ltar rgyal pos de bzhin gshegs pa la me tog dang/ phreng ba dang/ dri dang/ spos dang/ byug pa rnams kyis mchod cing dge slong gi dge 'dun la yang rang gi lag nas bza' ba dang bca' ba rnams tshim par bstabs shing rgya cher mchod par byas te/ chos kyang gus par mnyan pa de lta de ltar rgyal po'i gzugs langs pa la klu'i gzugs phyag 'tshal bar gyur to/ /yang de'i rjes la klu'i gzugs de yan lag thams cad kyis rgyal po'i gzugs la phyag 'tshal bar gyur pa mthong bas des rgyal po yid rab tu dga' bar gyur te/ tshe dang ldan pa dbang po la smras pa/ kye ma dkon mchog gsum mchod pa'i/ /'bras bu ci 'dra 'di la gzigs/ /rgya mtsho'i nang na gnas pa'i @148a @#/ /klu; /bdag gis btul zhing 'di dbang bgyis/ /blo gros chung ba'i mi rnams kyang/ /su zhig sangs rgyas mchod mi bgyid/ /gang zhig 'bras bu 'phral bskyed la/ /su zhig yid kyis sems mi bgyid/ /bdag nyid che ba thob 'dod pa'i/ /lha rnams dang ni mi rnams kyis/ / rdzogs pa'i sangs rgyas yang dag mchod/ /skye ba zad cing yang srid med/ /slob dpon dbang pos skabs la bab par shes nas smras pa/ rgyal po chen po zangs ma'i yi ge yang nga spring ba'i rigs so/ /rgyal pos yang zangs ma'i yi ge de bskur nas btang ngo/ /de rgya mtshor bskyur ba dang/ klu'i rgyal pos yi ge de spyi bos blangs so/ /de nas des rgyal po la lan mang du lha tshong ba de dag 'dir rdzongs shig /so so'i rin po che gang lags pa bskur la slar brdzong ngo zhes smras pa dang/ de nas rgyal po'i pho nya slar 'ongs nas rgyal po la phrin de smras pa dang/ de nas rgyal pos tshong pa rnams bos nas smras pa khyed cag song la so so'i rin po che gang yin pa long la slar shog shig /de nas gnas brtan dbang pos rgyal po la brgyad pa/ chos kyi rgyal po las rdzul dan pa 'bul bar byed pa yin mod/ de nas rgyal pos gnas brtan dbang po la smras pa/ slob dpon 'o na ji ltar bsgrub par bgyi/ gnas brtan dbang pos smras pa/ khyod la chad pa yin gyis rang gi phrag pa la khur la 'dir skyol cig ces zangs ma la yi ge slar btang bar gyis shig /de nas rgyal pos spring yig tu bris pa 'dzam bu'i gling gi dbang phyug dam pa'i mnga' bdag gi bka' bcag pa'i chad par rang gi phrag pa la skyol cig ces yi ge btang ba dang; yi ge bklags ma thag tu klu'i rgyal po skrag par gyur nas smras pa/ lha de lta lags na gdugs bdun na 'tshal la 'chi'o/ /de rgyal pos thos pa dang/ pha ta li pu tra'i grong khyer thams cad du dril bsgrags te/ gang zhig grong khyer 'di na gnas pa'i skyes pa dang/ bud med bsod nams kyi khyad par dang/ rgyal po'i rnam par 'phrul pa mthong bar 'dod pa dag zhag bdun pa la rgyal po'i pho brang du shog shig /de nas rgyal pos zhag bdun pa la grong khyer pa rnams dang/ blon po dang/ grong rdal dang/ ljongs kyi mis yongs su gang bar bskor te/ rgyal po'i rdzu 'phrul chen po dang/ mthu @148b chen po dang/ 'byor pa chen pos 'khor gyi khyams su song nas seng ge'i khri la 'dug go /de nas klu'i rgyal po klu du mas yongs su bskor nas mi'i cha byang du sprul te/ rang rang gi phrag pa la rin po che'i khur thogs nas rgyal po chen po mya ngan med ga la ba der song ste phyin nas khur rnams phog nas rkang pa gnyis la phyag byas so/ /skye bo'i tshogs chen po de ngo mtshar du gyur te/ sngon ma mthong ba mthong ngo zhes ca co'i sgra bsgrags te 'di skad ces smras so/ /'di 'dra'i bsod nams stobs kyis ni/ /rgyal po yongs su gzung bar gyur/ /skye bo rnams ni ngo mtshar skyes/ /lha rnams dang ni 'di ru yang/ /phun sum tshogs pa 'dod pa yis/ /bsod nams gang yin zhes bya ba/ /'di lta'i bye brag su mi sgrub/ /bsam du med pa'ang gang bsams pa/ /don de 'bad pa med pa ru/ /mi rnams la ni 'bras bur smin/ /rkang thang glang chen myos pa dang/ /rta dang shing rtas rgya mtshon/ /gnas pa'i klu dang lhan cig g.yul/ / stobs chen sna tshogs mtshon chas min/ /sdug bsngal mgo bo'i gdengs ka can/ /bsod nams rang bzhin 'di 'dra ba'i/ /zhags pa yi ni nges bcings nas/ /mya ngan med rgyal zhal mthong ba/ /bka' drin bsams pas rjes mthun 'jug /des kyang de dag sna tshogs pa'i dka' bas 'ongs pa mthong nas/ bcom ldan 'das kyi bka'i yon tan rjes su brjod pa/ bcom ldan 'das kyis 'di skad gsungs/ /bsod nams me yis mi 'tshig ste/ /rlung gis 'jig par mi 'gyur ro/ /bsod nams chu yis 'ju mi 'gyur/ /sa bzhin du ni khyer mi 'gyur/ /rgyal po dang ni chom rkun gyis/ /dbrog tu med par bsod nams gnas/ /skyes pa dang ni bud med kyis/ /dbrog par nus pa ma yin no/ /bsod nams bde ba skyed pa'i gter/ /'dir ni lus par mi 'gyur te/ /gang dang gang du skyes pa ru/ /de dang der ni rjes su 'brang/ /de nas blon po gzhan zhig ngo mtshar skyes nas 'di skad ces smras so/ /yongs su bskor ba'i 'khor dbus na/ /bsod nams rgyan gyis rgyal po mdzes/ /skar ma'i tshogs kyis yongs bskor pa'i/ /ston ka yi ni zla ba bzhin/ /chu dang mkha' la 'gro ba'i klu/ /bsod nams kyis ni nges pham byas/ /sa la gnas pa'i dgra yi @149a @#/ /tshogs; /bsod nams kyis ni zad par byed/ /ji ltar yid la bsams pa yi/ /bde ba bsod nams kyis thob byed/ /bsod nams 'di ni bsags pa ru/ /sems dang ldan ba su mi byed/ /sbas pas grub ces bya ba'i blon pos smras pa/ bcom ldan 'das kyis 'di skad gsungs/ /bsod nams 'di ni dag byed yin/ /bsod nams nges par 'bab stegs te/ /mtho ris su ni 'gro ba'i lam/ /mi rnams bdes rol bsod nams yin/ /bsod nams rnal 'byor pa rnams kyi/ /mya ngan 'das par 'gro ba'i lam/ /yang blon po gsum pa gzhan zhig gis smras pa/ bsod nams kyis ni khyod kyi bzhin/ /zla ba dang ba shar dang mtshungs/ /rgya mtsho'i nang du zhugs pa yang/ /bsod nams kyis ni stor ma mchis/ /yid du 'ong ba thob byed pas/ /bsod nams 'gro bas phyag byar 'os/ /bsod nams yang dag bsags pa la/ /'bad par mi rnams su byed pa/ /bsod nams kyis rgyal skyes bu ni/ /rta yis ma yin glang pos min/ /shing rtas bsod nams las rgyal min/ /mda' dang ral gris ma yin no/ /nor rnams dang ni yul dang ni/ /g.yul gyis bsod nams las rgyal min/ /bsod nams kyis ni rgyal ba la/ /rigs dang stobs dang gzugs kyis min/ /bsod nams kyis 'phags mi rnams ni/ /sa rnams gsum gyi steng na gnas/ /bsod nams mi rnams gnas yin te/ /bsod nams thar pa thob byed mchog /bsod nams 'jig rten grags byed yin/ /de phyir bla med bsod nams btsal/ /mtho ris thob byed ngan song spong/ /mi yis rtag tu bsten bya ste; /mkhas pas bsod nams bya ba yin/ /de nas rgyal pos tshong pa de dag rnams la smras pa/ khyed rang rang gi rin po che rnams khyer cig /de nas de dag gis blangs nas rgyal po la rab tu bstabs te/ gzhan yang lha'i sbyor bas lags kyi/ /lha'i de dag legs par snoms shig /rgyal pos smras pa; bdag la cung zad kyang dgos pa med kyis khyer la song la the tshom med par longs spyod cig /de nas rgyal pos rab tu dga' ba'i yid kyis dkon mchog la bstod pa 'di skad ces smras so/ /e ma sangs rgyas e ma'o chos/ /e ma'o bstan pa phun sum tshogs/ /sa rdul snyim gang phul @149b ba yi/ /rnam par smin pa 'di 'dra thob/ /de nas rgyal pos yang smras pa/ /ding 'dir klu ni bdag dbang gyur/ /thub chen khyod kyi bka' drin las/ /legs spyod rgyal po bdag bgyid pa/ /bdag gi skye ba 'bras bcas lags/ /yon tan mchog ldan thub pa yi/ /bstan mchog 'di la su mi 'jug /dper na sa bon rdul btab pas/ /'bras bu chen po sbyeng byed na/ /rin chen phul ba smos ci 'tshal/ /de nas klu chos la sbyar nas slar song ngo/ /mya ngan med pa'i sgo nas klu btul ba'i le'u rdzogs so// //rgya gar gyi mkhan po gnas brtan a dzi ta shrI b+ha dra dang/ dge slong shAkya 'od kyis bsgyur ba'o// @##/ /rgya gar skad du/ saM g+ha manta/ bod skad du/ dge 'dun spyan drang ba/ sangs rgyas la phyag 'tshal lo/ /mgon po kun mkhyen rdzogs sangs rgyas/ /dri ma med pa zab mo'i chos/ /yon tan che ldan dge 'dun te/ /dkon mchog gsum la bdag phyag 'tshal/ /dpal shAkya'i rigs chen po dam pa gtsang ma dpal shAkye'i mgon po thub pa sangs rgyas nyid/ sa la mdzad pa mtha' dag rdzogs te/ 'jig rten du yongs su mya ngan las 'das pa na/ dpal dga' ba'i bshes gnyen zhes bya ba'i sngom brtson rnam par thar pa brgyad la bsam gtan pa mngon par shes pa drug pa 'jig rten las 'das pa zhig byung bar gyur to/ /de yang 'di ltar thos te/ sangs rgyas bcom ldan 'das yongs su mya ngan las 'das nas lo brgyad brgya 'das pa de'i tshe de'i dus na yul shi bi'i grong du/ rgyal po rnam par rgyal ba'i sde'i dus su/ dga' ba'i bshes gnyen zhes bya ba'i dge slong byung ste/ dge slong de yang dgra bcom pa/ rnam par thar pa brgyad la bsam gtan pa/ mngon par shes pa drug dang ldan pa rdzu 'phrul chen po can/ mthu chen po dang ldan pa ste/ de yongs su mya ngan las 'das pa'i dus su dge slong gi dge 'dun 'dus pa la/ ma 'ongs pa'i don lung bstan pa dge slong rnams kyis ma shes te/ gnas brtan dga' ba'i bshes gnyen la yongs su dris pa/ gnas brtan bcom ldan 'das shAkya thub pa'i bstan pa yun ji srid cig gnas zhes so/ /de nyid la smras pa mar 'bri ba'i tshe lo bcu pa nas/ yar 'phel ba'i @150a @#/ /tshe lo drug khri pa'i bar de srid du gnas so/ /de'i 'og tu lo stong phrag bcur dbu skra sha la sogs pa'i ring bsrel gnas par 'gyur ro/ /de'i 'og tu lo stong phrag bcur rang sangs rgyas rnams 'byung bar 'gyur ro/ /de nas lo brgyad khri pa la byang chub sems dpa' sems dpa' chen po byams pa yang dag par rdzogs pa'i sangs rgyas 'byung bar 'gyur ro/ /bcom ldan 'das byams pa de bzhin gshegs pa dgra bcom pa yang dag par rdzogs pa'i sangs rgyas de'i bstan pa la/ rdzogs pa'i sangs rgyas shAkya thub pa'i bstan pa la sangs rgyas la dge ba'i rtsa ba bskrun pa'am; chos la dge ba'i rtsa ba bskrun pa 'am/ dge 'dun la dge ba'i rtsa ba bskrun pa de thams cad sangs rgyas byams pa'i bstan pa la 'dus pa gsum par yongs su mya ngan las 'das par 'gyur ro/ /de la sangs rgyas la dge ba'i rtsa ba bskrun pa gang zhe na/ tha na nas tsam gyi sangs rgyas ri mor bris pa dang; glegs bam bris pa dang/ 'tsho ba'i rgyu bsgrubs pa'o/ /chos la bskrun pa gang zhe na/ nyan thos kyis bshad pa 'am/ byang chub sems dpas bshad pa'am/ sangs rgyas kyis gsungs pa'ang rung ste/ tha na tshigs su bcad pa gcig tsam bzung ba'o/ /dge 'dun la bskrun pa gang zhe na/ phyogs pa la sogs pa spyan drangs pa dang/ tha na a ru ra gcig tsam phul ba'o/ /de skad thos nas dge slong de rnams dus pa dang/ gnas brtan gyis dbugs phyung ba/ dge slong rnams ma du shig /smre sngags ma 'don shig /de ci'i phyir zhe na/ bcom ldan 'das kyis yongs su mya ngan las 'das pa'i dus kyi tshe/ /nyan thos chen po bcu drug po rnams kyi phyag tu dam pa'i chos gtad par gyur te/ sbyin pa po rnams dang sbyin bdag rnams la rjes su brtse ba'i phyir dang/ yon yongs su sbyong ba'i phyir du'o/ /de skad ces smras pa dang/ dge slong de rnams kyis gnas brtan dga' ba'i bshes gnyen la 'di skad ces smras so/ /gnas brtan bdag cag rnams kyis gnas brtan chen po bcu drug po de dag rnams kyi mtshan dang/ de dag gang du bzhugs pa mi shes so/ /gnas brtan gyis smras pa/ tshe dang ldan pa rnams dang po re zhig gnas brtan b+ha ra d+hwa dza piNDo la b+ha ra d+hwa dza bsod @150b snyoms len zhes bya ba/ dgra bcom pa stong dang thabs cig tu nub gyi ba lang spyod na bzhugs so/ /gnas brtan gser (ka na ka bat+sa) be 'u zhes bya ba dgra bcom pa lnga brgya dang thabs cig tu byang phyogs kha che'i yul na bzhugs so/ /gnas brtan b+ha ra d+hwa dza zhes bya ba dgra bcom pa drug brgya dang thabs cig tu shar gyi lus 'phags gling na bzhugs so/ /gnas brtan mi phyed (a b+he dya) pa zhes bya ba dgra bcom pa bdun brgya dang/ thabs cig tu byang gi sgra mi snyan gyi gling na bzhugs so/ /gnas brtan ba ku la zhes bya ba dgra bcom pa brgyad pa brgya dang thabs cig tu dzamdu'i gling na bzhugs so/ / gnas brtan (b+ha dra) bzang po zhes bya ba dgra bcom pa dgu brgya dang thabs cig tu zangs gling na bzhugs so/ /gnas brtan (kA lo da yI) na ga po 'char ka zhes bya ba dgra bcom pa stong dang thabs cig tu sing ha la'i gling na bzhugs so/ /gnas brtan bklI pu tra zhes bya ba dgra bcom pa brgya phrag bcu gcig dang/ thabs cig tu pa Na ba'i gling na bzhugs so/ /gnas brtan sbed (go pa ka) byed ces bya ba dgra bcom pa stong phrag bcu gnyis dang thabs cig tu ri spos kyi ngad ldang na bzhugs so/ /gnas brtan lam (pAntha ka) bsten zhes bya ba dgra bcom pa brgya phrag bcu gsum dang thabs cig tu sum cu rtsa gsum na bzhugs so/ /gnas brtan sgra (rA hu la) gcan 'dzin ma grags 'dzin dang/ lhan cig dgra bcom pa stong phrag bcu bzhi dang thabs cig tu pri yadgu'i gling na bzhugs so/ /gnas brtan nags (pa na gA pI) na gnas zhes bya ba dgra bcom pa brgya phrag bcu dang thabs cig tu ri skya bo la bzhugs so/ /gnas brtan (ang gi ta) yan lag 'byung zhes bya ba dgra bcom pa brgya phrag bcu gsum dang thabs cig tu ri ngos yangs la bzhugs so/ /gnas brtan klu'i (nA ga se na) sde zhes bya ba dgra bcom pa brgya phrag bcu bzhi dang thabs cig tu lus 'phags ril bzhugs so/ /gnas brtan (a dzi ta) ma pham pa zhes bya ba dgra bcom pa lnga brgya dang thabs cig tu bya rgod phung po'i ril bzhugs so/ /gnas brtan lam phran tsU DA paNTha bsten zhes bya ba dgra bcom pa brgya phrag bcu drug dang thabs cig tu ri gshol mda' 'dzin la bzhugs so/ /gnas brtan bcu drug po de rnams la shin @151a @#/ /tu chung ba'i yon phul yang 'bras bu chen por 'gyur ro/ /de ltar yang/ sems can gang zhig bdag bstan la/ /skra tsam rab tu sbyin byed pa/ /bskal pa stong phrag brgyad cur ni/ /longs spyod chen po'i 'bras chen dang/ /gzugs dang nad med bde spyod cing/ /de bzhin 'dod pa'i dbang phyug dang/ /mthar yang bla med byang chub kyi/ /'bras bu mngon du thob par 'gyur/ /de lta'i 'bras bu che thos nas/ /su zhig bsod nams byed mi 'gyur/ /ga NDI 'i dus ston chags bral dus ston dang/ /phyogs pa spyan drang la sogs dag kyang bya/ /da ni chags bral rnams kyi mchod pa'i cho ga brjod par bya ste/ dang po re zhig nyi ma dang po la/ rje btsun sangs rgyas kyi sku khri mtho ba la bzhugs su gsol te/ nyi ma 'char ka'i dus su me tog la sogs pa rnams kyis yang dag par mchod de/ de'i spyan sngar maNDal gsum dang/ na mo budd+hA yaH na mo d+harmA ya/ na maH saM g+hA ya zhes bya ste gnas lngar me tog la sogs pa rnams dbul bar bya'o/ /de nas rang sangs rgyas dang byang chub sems dpa'i dge 'dun chen po dang/ 'phrog ma la oM yig sngon du 'gro ba'i bzhi pa'i mtha' can gyis me tog la sogs pa dbul bar bya'o/ /sangs rgyas la sogs pa'i maNDal gsum gyi de ma thag tu/ chu tshod bdun pa'i don du spyan drang bar bya ste/ tshig 'di sngon du 'gro bas so/ /nub kyi ba lang spyod kyi gling na bzhugs pa'i gnas brtan b+ha ra d+hwa dza bsod snyoms len thub pa dge slong stong phrag gis yongs su bskor ba rnams/ spyin pa'i bdag po ming 'di zhes bya bas sang zhal zas la chu tshod bdun pa'i don du spyan drang bar bgyi'o/ /zhabs la mchod yon dang zhabs kyi chu sngon du 'gro bas so/ gnas brtan gser be'u zhes bya ba dge slong lnga brgyas yongs su bskor ba de/ bdag dang sbyin pa'i bdag po ming 'di zhes bya bas song chu tshod bdun pa'i don du zhabs la mchod yon la sogs pa sngon du 'gro bas spyan drang par bgyi'o/ /de bzhin du sangs rgyas dang chos dang dge 'dun dang rang sangs rgyas dang byang chub sems dpa'i dge 'dun chen po dang/ /'phrog ma la yang mchod yon sngon du 'gro bas/ bdag dang sbyin pa'i bdag pos sang zhal zas la spyan drang bar bgyi'o/ /nyi @151b ma phyi ma la snga bar chu glung gi 'gram dang skyed mos tshal dang mchod rten gyi gnas dang nye ba 'am/ gzhan du yang rung ste phyogs gtsang mar so so'i rnam pa sngon du 'gro ba la dbul ba la sogs pa bya ba'o/ /'di ltar bya ste/ nub kyi ba lang spyod kyi gling na bzhugs pa'i gnas brtan b+ha ra d+hwa dza bsod snyoms len thub pa dgra bcom dge slong stong gis bskor ba de/ bdag che ge mo zhes bya ba dang sbyin pa'i bdag pos chu tshod bdun pa'i don du gzung lags kyi stan 'di la bdag rjes su gzung ba'i slad du bzhugs su gsol/ zhabs bsil 'di dang zhabs la mchod yon 'di dag zhabs dag la dbul bar bgyi'o/ /dUrba ma nyams pa dang dri dang me tog dang bcas pa'i rung ba'i chu yis zhabs dag bkru bar bgyi'o/ /de nas so so la gdan phul te ji lta bar bzhugs pa la zhal zas la sogs pa dang yid las byung ba'i 'byor pa lha rdzas kyi dri dang me tog dang bdug pa dang sgron me dang gos dang gdugs dang ba dan la sogs pa ji ltar 'byor pa dbul bar bya ste/ tshig 'di yis so/ /gnas brtan b+ha ra d+hwa dza bsod snyoms len thub pa dgra bcom pa stong gis bskor ba la zhal zas la sogs pa sna tshogs pa'i tshod ma dang khur ba dang bshos dang zho la sogs pa dang bcas pa rung ba'i dri bzang po'i chus gang ba'i bum pa dang lha rdzas gya nom pa me tog dang bdug pa la sogs pa phul ba 'di bdag che ge mo dang sbyin pa'i bdag po dang sems can thams cad kyis thams cad gzigs pa bla na med pa yang dag par rdzogs pa'i byang chub thob par 'dod pas dbul bar bgyi'o/ / gnas brtan gnyis pa gser be'u zhes bya ba dge slong lnga brgyas yongs su bskor ba de/ bdag ming 'di zhes bya ba dang/ sbyin pa'i bdag pos chu tshod bdun pa'i don du gzung lags kyi/ stan phul ba la bdag rjes su gzung ba'i slad du bzhugs su gsol/ zhabs bsil dang zhabs kyi mchod yon 'di zhabs dag la dbul bar bgyi'o/ /dUrba ma nyams pa dang/ dri dang/ me tog dang bcas pa'i rung ba'i chu yis zhabs dag bkru bar bgyi'o/ /de nas stan gnyis pa phul te/ ji lta bar bzhugs pa la zhal zas la sogs pa yid dang mthun pa'i lha rdzas kyi dri dang me tog @152a @#/ /dang bdug pa dang sgron me dang gos dang gdugs dang ba dan dang rgyal mtshan dang dril bu la sogs pa ji ltar 'byor pa tshig 'dis dbul bar bya'o/ /gnas brtan gser be'u thub pa lnga brgyas bskor ba la zhal zas la sogs pa sna tshogs pa'i tshod ma dang khur ba dang bshos dang zho la sogs pa dang bcas pa'i lha rdzas gya nom pa dri bzang po'i rung ba'i chus gang ba'i bum pa dang me tog la sogs pas bdag ming 'di zhes bya ba dang sbyin pa'i bdag po dang sems can thams cad bla na med pa yang dag par rdzogs pa'i byang chub thams cad gzigs pa nyid thob cing rab tu dgod par 'dod pas dbul bar bgyi'o/ /de bzhin du sangs rgyas dang chos dang dge 'dun dang rang sangs rgyas dang byang chub sems dpa'i dge 'dun chen po dang/ gnod sbyin mo chen mo 'phrog ma la yang bza' ba la sogs pa sna tshogs pa'i tshod ma dang zho la sogs pa dang khur ba dang bshos dang lha rdzas gya nom pa dri zhim po rung ba'i chus gang ba'i bum pa dang me tog la sogs pa 'di yang bdag ming 'di zhes bya ba dang sbyin pa'i bdag pos sems can thams cad bsgral ba'i phyir de rnams la dbul bar bgyi'o/ /bzhes pa yongs su rdzogs pan zhal bsil dang/ tsandan dang tAmbu la yang 'bul zhing bzod pa gsol bar bya ste/ de skad brjod do/ /gang 'dir bdag gis ma rnyed dang/ ma shes pa dang ma tshang ba/ /de yang dgongs chen bzod par gsol/ /zhing dang bsam pa rnam dag las/ /nyung du phul yang mi nyud 'gyur/ /bden pa yi ni tshig 'di yis/ /phra mo yang ni rgya cher 'gyur/ /phyag 'tshal ba yang bya ste/ ston pa'i bstan pa skyong mdzad ri mchog gling dang nidgi dza lar bzhugs/ /sangs rgyas mnyes pa lhur mdzad nyon mongs ltos 'gro 'joms/ /sems can don ni mchog tu rgyas mdzad sangs rgyas bstan pa bsrung/ /gnas brtan bcu drug slob mar bcas pa'i zhabs la mchog tu phyag 'tshal lo/ /bsod nams yongs su bsdo ba yang bya ste/ bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ rga nad 'chi ba'i rlabs chen 'khrugs pa yi/ /srid pa'i mtsho las 'gro ba 'don par shog /ces so// @152b lcogs brgyad rang bzhin ri bo ni/ /gling dang nye gling yang dag ldan/ /rin chen bdun gyis yang dag dkrigs/ /bla med yon 'di dbul bar bgyi/ /bla ma byang chub sems rnams la/ /'gro bas kun mkhyen thob bya'i phyir/ /rin chen maNDal yang dag rdzogs/ /dngos po kun gyis dbul bar bgyi/ / de ltar smon lam brjod nas gshegs su gsol te/ /khyed kyis sems can don kun mdzad/ /rjes su mthun pa'i dngos grub stsol/ /sangs rgyas yul du gshegs nas kyang/ /slar yang 'byon par mdzad du gsol/ /oM badzra mu swAhA zhes pas gshegs su gsol/ /dge 'dun spyan drang ba zhes bya ba 'di dpal 'byor rab brtan gyi phyag dpe rgya dpe las zha lu lo tsA bas sgyur cing zhus so// @##/ /rgya gar skad du/ stha bI ro pa ni mantra NaM/ bod skad du/ gnas brtan spyan drang ba/ thams cad mkhyen pa la phyag 'tshal lo/ /btsun pa rnams dgongs su gsol/ dgongs nas kyang/ shel dang/ nor bu dang/ dngul dang/ ku mu ta dang/ kha ba'i phung po dang/ zla ba'i 'od zer dang/ ston gyi chu dang/ nam thang ba dang/ padma'i rtsa lag ltar dri ma med par mdzod la/ rlung gi stobs kyis shing gi lcug phran bskyod pa dang/ smig rgyu dang sgyu ma dang/ rmi lam dang/ glog dang/ rta'i shing rta'i rdul dang/ ba glang gi phru gu'i rna mchog dang/ sbrul gyi lce dang/ zil pa dang/ rgya mtsho bskyod pa'i rlabs ltar g.yo ba'i yid/ skad cig re re la yang mi sdod par 'gro brtse gcig pa'i ting nge 'dzin gyi stobs kyis yud tsam zhig rgyu ba nang du dgag tu gsol/ smras pa/ ri gzar 'bab pa'i dba' rlabs gyur pas kyang/ /gang gi dba' rlabs 'gyur la bsgrun med par/ /'jig pa thogs med g.yo ba'i yid de ni/ /yud tsam rtse gcig mdzod cig btsun pa rnams/ /lha yi bu mo yi chad shugs phyung skad cig zim mar byas pa'i mig; /ring zhing rdzir ldan bkra la 'od 'tsher mig chags lta ba'i g.yo ba yis/ /gang gi thugs ni skye rgyun gcod pa las 'khrungs g.yos par ma gyur pa/ bdud kyi dpung 'joms mkhas gcig thams cad mkhyen pa de la phyag mdzod cig /skye ldan gang zhig bsten na dud 'gro'i skye @153a @#/ /gnas sems can dmyal zhi dang/ /yi dags 'jig rten gnas su 'gro bar mi 'gyur sdug bsngal 'jig byed pa/ /'khor bdag na 'gro ba chen po rnams kyi grogs gyur 'phags gcig po/ /zhi bde 'gro de'i sgor gzhol chos de la ni gus pas brten par mdzod/ /zhi ba'i bdag nyid gang zhig bde gshegs gsung rab mthar phyin 'byung smra zhing/ /gang la gus par cung zad tsam zhig byin yang sbyin pa 'phel 'gyur la/ ye shes snang bas mun pa zad byas dge slong dge 'dun de la ni/ /nyon mongs gcad pa'i ched du thams cad kyis kyang gus par phyag mdzod cig /lcang lo chun po'i skra mang mgo la thogs shing dpung mgo gnyis g.yogs la/ /rang gi 'od zer phyogs mthar 'phro ba rnams kyis 'jig rten kun 'gengs pa/ lha dbang brgya byin cod pan btud de tshangs la phyag byas gang yin de/ /byin nas dga' byas sems kyi ting 'dzin shin tu chen po'i 'bras bu yin/ /rdo rje 'od 'phro'i phreng bas dpung rgyan 'dres nas mdzes gyur cing/ /lha la bka' stsol dbang po mtho ris skyong ba gang yin pa/ /de dag dge ba dag 'byung rnam smin 'gyur dus nyams dga' zhing/ /mngon par 'dod pa'i 'bras bu phun sum tshogs pa'i rgyu rnams yin/ /kha nas rgyags 'gyur dri zhim 'byung zhing mig gi mtha' dmar la/ /dbugs 'byung do shal g.yos pas nu ma 'bur la 'drud byed pa/ /sdu gu lhan cig nor bdag dga' tshal 'dug pa gang yin pa/ /de yang 'gro ba nyams dga' sbyin pa'i bdag nyid chen po yin/ /'brug sgra sgrogs shing sprin rnams chu ni kun du len byed pa/ / rlabs 'byung dus na nor bu byi ru dung dang nya phyis 'byung/ /rin chen gnas nang chu lha nyid kyi 'byor pas gang bsrung ba/ /der yang rgyu ni sbyin pa mchog ces thub pas bka' stsal to/ /gang yang 'od zer rnams kyis mkha' la skar ma'i 'khor lo zil mnan cing/ /ku mu ta yi rdzing yangs rnams su dpal ni rab tu rnam phye nas/ /glang po'i mche ba'i dpal dang ldan zhing mtshan mo shin tu rab mdzes pa/ /de yang nges par sbyin pa nyid kyi 'bras bu ro bro mang po yin/ /ri rab rtse la shing rtas lam kha 'dug pa'i rin chen rdo gcog cing/ /rta yi rkang lag rnams kyis dgu tshigs chu bo'i rlabs ni gcod byed la/ / @153b mun pa bsal phyir nyi mas skar ma zil mnan lham me gang yin pa/ /de rgyu yid kyi ting nge 'dzin gyis bskyed pa'i sbyin par thub pas gsungs/ /rgyal mtshan rtse btags rin chen 'od zer snang bas nam mkha' dmar gyur cing/ /rta rmig 'dor bas mkha' la sprin gyi phreng ba dag kyang 'dral byed la; /rnga yab dkar pos g.yabs shing 'khor los sgyur ba song ba gang yin pa/ /'dod pa'i 'bras bu de yang sbyin pas bsgrubs zhes thub pas bka' stsal to/ /gser gyi padma'i rdul gyi bye mas dmar bris mtshor ni khrus byas te/ /de ni nags 'dab bung ba sgra 'byin rnams su nyal ba'i bde rnyed nas; /rig 'dzin chung ma lhan cig 'jigs med mkha' las 'gro ba gang yin pa/ /de yang ser sna 'jil zhing skyon med dga' ba'i sbyin pa'i gzi brjid yin/ /ma la ya yi ri rtser tsandan grib mas bsil ba yangs pa dang/ /'bigs byed ri dang gangs dang lhun po'i ri dang man da ra ba'i ri bo la; /grub pa'i tshogs chen chung ma lhan cig 'jigs bral dga' ba gang yin pa/ /'dod pa'i 'bras bu tshe 'di'i snying po 'byor pa de yang gtong bas yin/ /bud med rkang gdub 'khrol bas 'grogs nas 'phur ba'i phu ron gnas pa yin/ /khang pa mthon po rnams dang 'bigs byed ri rtse 'gran pa'i ban glang dang/ /gdugs dang rda yab bud med g.yog 'khor rin chen gser dang rta rnams dang/ bzang mdzes de dag kun kyang sngon gyi sbyin pa'i dge ba'i rnam smin yin/ bandu ka ltar rtsa dmar rgyun chang gser snod bzang por legs blugs pa/ yongs dag a mra smin gas lta bur dri zhim utpal 'gying zhing ldem/ /na chung gshin ma nam dgos dus kyis stobs shing yams grangs mang 'drim pa/ /mchog tu dge ba de rgyu sbyin pa yin zhes blo gros dag pas gsungs/ /gser gyi phag skas rkeng bcings snyan smra 'jam zhing smin ma ya gcig bskyod/ /mig yangs rnar thug dkar nag 'byes la skra bkab me tog phreng dkris pa'i/ /na chung bzang mo bral rgyas bdag nyid legs byas rnams kyi bran ltar byed/ /tshogs bsags 'bras de sbyin pa'i che ba nyid ces zas gtsang sras pos gsungs/ /de lta lags pas bde bar gshegs pa'i gsung rab mtha' dag thugs @154a @#/ /su chud pa shin tu rgyas pa'i chu ltar gyur pa snying po dri ma med pa dang/ lha'i skye bo dang klu'i gnas su gyur pa/ tshul khrims 'dren ma ma yin zhing rgya che ba'i chu dang ldan pa/ dge ba la rnam par rtog pa'i zla ba shar ba'i dbang gis/ /ting nge 'dzin sna tshogs rgyas pa'i dus kyi rlabs gyis byang chub kyi yan lag skyon med pa'i nor bu mang po kun du g.yengs pa/ sems kyi 'og gzhi la 'phags pa'i lam yan lag brgyad pa'i ri bo chen po brtan pa/ 'bras bu'i bye brag thob pa gang zag chen po'i chu srin rgyu ba/ 'phags pa'i bden pa dang/ yang dag par spong ba dang/ rdzu 'phrul gyi rkang pa'i shing 'jon pas mdzes par byas pa/ dran pa nye bar gzhag pa'i ngogs dang ldan pa/ sgrib pa'i ro mi gnas pa/ sbyangs pa'i yon tan gsom pa dag pa'i mu tig gi nya phyis kyi log lus dang ldan pa/ mngon par rtogs pa'i chos nyid gting mi dpogs shing zab pa/ rgyun mi 'chad par klog pa dang kha ton byed pa'i sgra rgya cher 'byung ba/ 'phags pa'i dge slong gi dge 'dun gyi rgya mtsho chen po la bdag gsol ba 'tshal lo/ /'di lta ste/ srid pa'i 'gro ba gcig nas gcig tu brgyud pa dum nas dge ba'i sa bon btab pa/ bde bar gshegs pa'i bstan pa gzhal med khang gis gzhi gcig pur gyur pa/ bzod pa dang des pa dang byams pa dang/ tshul khrims dang thos pa dang zhi ba'i gnas/ bdag dang gzhan gyi gzhung gi don gyi de kho na ma lus par rtogs pa/ yongs su shes pas bsgoms pas dran pa nye bar gnas pa yang dag pa'i ye shes mthong bas log par lta ba'i rab rib bsal ba/ legs par brjod cing shis la rgya che ba'i mig dang ldan pa skye bo bla ma la bsnyen bkur byed pa dang mngon du smra ba dang/ phyag 'tshal ba la sogs pa'i tshul bzang po dang ldan zhing mdongs gsol che bas snyan pa rnams bskyed pa/ ston gyi zla ba nya ba'i 'od zer dag pa lta bu'i yid 'byung ba/ sbyin bdag chen po che ba'i bdag nyid can ming 'di zhes bya ba 'di ni khyim bdag legs sbyin dang/ bzang ldan dang/ btsun mo'i 'khor gyi bla dang/ mu shi la dang/ tra du sa dang/ go shi la dang/ ta pa karNi ka dang/ mgon med zas sbyin dang/ drag po dang/ nag ba dang/ @154b nam gru la sogs pa dang/ gzhan yang bcom ldan 'das la yid mgon par dad pas/ rgyal po gsal rgyal dang/ tshangs pas byin dang/ rgyal po 'char ka'i bu dang/ gtum po rab snang la sogs pa sa'i steng la dbang ba'i sbyin pa las byung ba'i legs par spyad pa'i rjes su slob ste; lus dang/ longs spyod dang/ srog la sgyu ma dang/ smin rgyu dang/ dri za'i grong khyer dang/ mgal me skor ba dang/ rmi lam dang/ ri'i 'bab chu ltar g.yo bar ri gnas/ stobs bcu mnga' bas gsungs pa'i tshigs su bcad pa dang/ chos dang mngon pa dang/ 'dul ba dang/ mdo sde 'dzin cing dge ba'i las kyi 'bras bu rnam par smin pa yod do zhes bsod nams kyi sa bon skyed pa'i rgyu 'khro ba'i bde ba phun sum tshogs pa'i gzhi/ skye bo ngan pas rnyed par dka' ba ser sna can gyi yid 'joms pa sgrub pa ni ston ka'i zla ba dri ma med pa ltar dang ba'i thugs mnga' ba/ srid pa'i sa bon nyon mongs pa gcod pa/ sems can thams cad kyi bsam pa mkhyen pa/ grags pa 'jig rten gsum du khyab pas bdud kyi bu mo steg pa rgyun gcod pa'i rgyu/ skyabs su 'os pa/ chos ston pa/ 'gro ba la dge pa'i phyir bya dka' ba'i phrin las rnams kyis/ chos thams cad thugs su chud pas rnam par sangs rgyas pa'i sangs rgyas nyi ma'i 'od zer gyi snang ba gsal bas reg nas/ padma'i 'dab ma rgyas pa ltar ring zhing rdzi ma legs pa'i spyan dang ldan pa/ gnod sbyin gyi bdag po'i gtsug gi nor bu chen pos zhabs kyi sor mo kun tu bskor ba gser gyi mchod sdong ltar gsal ba/ sku la rdo rje dang; lcags kyu dang/ padma dang/ nya dang/ rgyal mtshan dang/ gdugs dang/ 'khor lo la sogs pa'i mtshan rnams kyi mtshan mnga' ba/ padma'i 'byung gnas rnams la snang ba mdzad pa'i 'od kyi phreng ba bye brag med par khyab pa rgyas par 'gengs pa/ bung pa'i tshogs ltar sngo ba'i gtsug tor gyi nang nas kun du 'byung ba'i 'od kyi dra bas phyogs kyi dkyil 'khor ma lus par bkra bar byas pa/ kha na ma tho ba med par zhugs pa/ 'phags pa'i bden pa ston pa/ zhi par gzhol ba'i lam du 'dren pa/ 'jig rten sgrol ba/ mnyes gshin pa'i gnyen gcig pu/ mu stegs can ngan @155a @#/ /pa'i rgol ba rnams kyis gsung dang thugs dang dpal dang/ mthu la mi gnod pa/ zas gtsang ma'i sras/ yul rnams kun la sred pa 'byung ba'i rgyun rnams skems pa'i rgyu/ /skye bo mkhas pa rnams ni sad par bya phyir shar gyur ba/ /bag la nyal gyi rab rib sel ba ye shes snang ba'i mchog /sa rnams mtha' dag snang bas phyogs rnams thams cad snang mdzad pa/ /phyag dang zhabs dang dbu ni rab tu byin zhing tshul khrims dang/ /smon lam dag gis byang chub lam bzang yang dag bsgrubs gyur pa/ /srid pa'i 'gro ba'i dug gi snye ma'i steng du lhung ba'o/ /skye dgu rnams la kha na ma tho ba med pa ston par mdzad pa/ srid pa rnam pa gsum 'jig pa/ bcom ldan 'das stobs bcu'i stobs dang ldan pa/ mi 'jigs pa bzhi mnga' ba/ dpa' ba dang mthu kha na ma tho ba med pa/ mtshan dang dpe byad bzang pos brgyan pas sku brjid pa/ pha rol tu phyin pa drug dang dka' ba brgya phrag du mas dam pa'i chos dkon mchog bsgrubs pa/ brtsal ba tsam gyis sems can mtha' dag gi bsam pa thugs su chud pa/ thams cad mkhyen pa'i 'phags pa nyan thos kyi dge 'dun rab tu zhi ba dang/ tshul khrims dang/ thos pa dang/ ting nge 'dzin dang/ bzod pa dang; byams pa dang/ sbyangs pa'i yon tan dang ldan pa/ nyon mongs pa'i rab rib dang ling tog ma lus par bsal ba/ 'khor ba'i rang bzhin rig pa dang phyogs dang phyogs kyi gtsug lag khang dang/ kun dga' ra ba dang/ ri dang/ nags 'dab dang/ khrad khrod dang/ chu dang/ ri sul dang; gsher sa dang/ ne'u gseng dang/ shing gi grib ma rnam pa sna tshogs la dgyes pa/ yul dang ljongs du ma la phan gdags par rtsol ba mdzad pa/ yang dag pa'i dran pa dang/ ting nge 'dzin dang/ dga' ba thob pa las ma nyams pa/ phung po lnga'i phyir skad cig yang dag par so sor rtog pa'i yid la byed pa bskyed pa/ mdo dang/ 'dul ba dang/ chos mngon pa dang/ skyes pa'i rabs dang/ gleng gzhi dang/ tshigs su bcad pa dang/ rtogs pa brjod pa dang/ de lta bu byung ba dang/ gtan la dbab pa'i gtam gyis sems sbyangs pa/ rang gi lus dang/ @155b ngag dang/ yid kyi 'jug pa dran pa nye bar gnas par rgyu ba/ /dbang po dang/ stobs dang/ byang chub kyi yan lag dang/ bden pa dang/ 'phags pa'i lam dang/ dran pa nye bar gzhag pa sgom pa goms pas dad pa thob pa la tshe rabs gzhan dang gzhan nas bsags pa'i dge ba'i rnam par smin pas grub pa/ ji ltar 'byor pas nus pa dang mthun pa'i rtsom pas tshogs bsags pa/ phan yon lnga'i rgyu sems can thams cad gnas par byed pa/ 'jig rten pha rol du bde ba thob par byed pa/ kha dog dang dri dang ro dang reg pa dang ldan pa yid du 'ong ba/ gya nom pa'i bza' ba dang/ bca' ba dang/ ldag pa dang/ rdub pa dang/ gzhibs pa la sogs pa zhal zas bsham par bya ba rnam pa sna tshogs zhal zas khyad par can gyis spyan 'dren to/ /de la thog mar bcom ldan 'das shAkya thub pa yongs su mya ngan las ma 'das pa'i tshe/ gang dag ye shes kyi mes nyon mongs pa'i bud shing thams cad ma lus par bsregs pa/ gtong ba'i ngang tshul can gyis sbyin pa'i sa bon 'phel ba'i rgyur gyur pa/ phra ba gzigs pa/ mkhas pa/ de kho na la bsgoms pa 'di lta ste/ gnas brtan b+ha ra d+hwa dza bsod snyoms len dang/ 'phags pa sgra gcan zin dang/ sbyin byed dang/ lam bsten dang/ skyed byed dang gser be'u dang/ rtogs byed dang/ rdo rje can gyi bu dang/ 'phags pa bsrung ba'i klu dang/ klu sde la sogs pa slob ma bstan pa gnas par bya ba'i phyir gnod par gyur kyang lus kyi khur khyer ba rnams dang/ gzhan yang gang dag sum cu rtsa gsum pa'i skye bo la phan pa'i phyir/ gser gyi rdo leb chen po'i steng na 'dug pa'i rig sngags 'chang du ma glu len pas glang po che yur ba/ bung ba'i mchus padma la 'jib cing 'khod pa'i manda ka'i rdzing gi chu dang ldan zhing yal ga gsal ba'i steng na rin po che'i me tog gi phreng ba bres pa'i shing yongs 'dus kun du mdzes par byas pa'i ri'i lhun po 'bab chu 'bab pa'i sa gzhi la 'khod pa rnams dang/ yang na gang dag /gser ri'i dkyil nas bsil ba'i chu 'bab la/ /chu la zla ba'i gzugs brnyan 'byung 'gyur zhing/ /zla ba'i 'od kyis ku mud kha phye ste/ /ku mud tshal na skad snyan dang pa gnas/ /ngang mo mtshe'u na sgra skad snyan pa 'byin/ /mtshe @156a @#/ /ngogs rma bya dga' bcas rgyags par gnas/ /rma bya rgyags sgras ri sul snyan par grags/ /ri sul yal ga lhags pas ri rtse 'khrigs/ /ri rtse stod rnams na ni sprin chags la/ /lang ling sprin gyi sman ljongs khra khro snang/ /sman ljongs skyes pa'i nor bu ldum bu gsal/ /ldum bu las brul lhung ba'i me tog ldan/ /me tog rgyas pa'i dpag bsam shing tshal mdzes/ /mdzes pa'i lha mo gser gyi pag skad drung/ /gser gyi phag skad sgras ni bya 'drogs shing/ /byas 'chos shing thog rtsa las chad cing grul/ /rtsa 'phyang khu ba zags pa spos kyi dri/ /spos glang dbang po dregs brag dri rab zhim/ /dri rab zhim ba'i li shi ri 'khor mang/ /ban glang mo rgyags drag 'gro lang long gyur/ /bung ba'i khyu yis me tog zegs gyur cing/ /yal ga me tog rgyas pas gad pa dkar/ /gad pa chad pas nor bu'i ldum bu snang/ /me tog mgo lcogs bral bas rnam par bkra/ /nor bu sil ma mod pos ri gzhol spras/ /me tog zegs pa'i shing gi yal gar gnas pa'i bud ba dga' bas 'phur rnams dang/ /zla pa'i 'od zer dkar po dad pa lta bus nye 'khor rdo ba chag chag btab/ /lhun po mtho ba'i ril thub pa gang dag rab tu zhi ba'i thugs kyis bzhugs/ /de dag dri med zla 'dra'i grags ldan 'di yi spyin pa'i gnas la brten du gsol/ /rgya mtsho'i nye ba'i chu 'gram ri ro ma la ya'i/ /ri bos[?] ta mal spal mig 'thon pa'i phreng ba can/ /sbrul mang 'khris pa'i tsandan shing gi nags tshal na/ /brten pa gang dag bzhugs par gyur pa de dag dang/ /nyi ma'i rta yi rmig pas rdo bcag cing/ /mi 'am ci yi bu mo phrugs kyis nyams dga' la/ /ri sul mthon po dpag bsam nags mang dang/ ri 'gab rnams na gang dag bzhugs pa dang/ /shing gi me tog 'phrul pas dri zhim byas pa'i ser bu dad ldang zhing/ /nags na glang po dregs pa zag pas bsgos pa'i rin chen 'khri shing khyim/ /khyim la chags pa med pa'i lha yis bstan pa'i bsod nams chu gling gi /gnya' shing 'dzin khri bya rgyal khyung gnas pa na gang dag bzhugs pa dang/ /ba glang mos bsnyogs snang ba rtsu ba 'gyur tshal/ /me tog ldan zhing ser bu dad ldan pa/ /sa hya ri bo @156b ngos rab yangs pa la/ /yang dag thugs mnga' thub pa bzhugs dgu dang/ /padma utpa la rgyas pa 'byung ba'i gnas/ /nyin re nyi ma'i shing rtas rdo snad can/ /srid pa'i 'jigs bral rab tu yid 'ong ba/ /'char ba'i ri stengs gang dag bzhugs pa dang/ /ri yi rtse mos sngo bsangs sprin thal sman ljongs can/ /ngogs ldan chu bo man da ras ni ri sul bkrus/ /glang chen myos pas bsnyogs pas sa phyogs rlog pa'i ri/ /'bigs byed rma bya rgyags gnas pa na bzhugs dgu dang/ /sna tshogs 'byung khung tshon gyis kha bsgyur phug dang ldan zhing sprin kyang chags gyur la/ /ko lpags ldan pa gtsang ma'i chu yis ngogs kyi rdo ba mang po bkrus gyur cing/ /ngos la ba lang mjug ma mong po dag gis 'phyang zhing glog 'gyus snang byas pa/ /yongs 'dus ri rtse phrag na gcig pu sred dang bral ba gang dag bzhugs pa dang/ yang/ gang dag shing dang 'khri shing rnam pa mang po 'dab chags par gnas pa/ ne'u gseng 'jam la sngo pa'i steng na rma bya'i khyu gar byed cing sgra snyad pa 'byin pa/ ri dags kyi tshogs bag yangs gnas pa'i sos bcad pa'i rtswa'i myu gu yod pa/ me tog dri zhim pos bsgom pa'i ser bu 'jam zhing bsil ba'i ngad ldang ba'i nags 'dab rnams su gnas bcas te bzhugs pa rnams dang/ yang/ gang dag dus su rlabs 'byung pa'i chu'i dpa' rlabs kyis g.yengs pa'i na le sham dang li shi dang la ba kha'i 'bras bu sngon po mang po 'khrigs pa'i tshal dang/ a ka ru'i shing khrod na gnas pa'i sprul mgo'i gdengs ka gdengs shing 'jigs su rung ba yod pa/ glang po che dregs pa dang bcas pa'i gnas byu ru'i sdong bu bsgyel ba dang ldan zhing/ nyi ma'i 'od zer gyis reg pa'i dbang gis mu tig yod pa'i nya phyis kha bye ba'i khog pas rnam par spras pa nye bar 'bul ba dang ldan pa/ nor bu mchog gi rdo las grub pa'i chung ma'i skye bo gnas shing bya'i khyu dga' ste sgra 'byin pas glu len pa lta bu yod pa'i rgya mtsho'i gling dag na/ klu'i bdag po'i lus chen pos sku dkris te/ gdengs ka'i gdugs kyis nyi ma'i 'od zer bsgribs shing bsam gtan mdzad pa rnams dang/ sman ljongs dag na phyogs kyi glang chen brang gis rdo ba khebs pa'i khyu 'khod cing/ khyor bcas lan cig ma yin ra @157a @#/ /ror gyur pa'i gnod sbyin mo dag gnas gyur la/ /klu yi rgyal po mgo bo stong de kha nas me 'bar 'byung bas shing sreg cing/ /gangs ri ti se la ni blo gtsang gang dag zhal ton mdzad cing bzhugs pa dang/ /rgya mtsho'i rlabs kyis bshal ba'i ri bo 'gab ldan ma smad pa/ /ri bo man da ra la nyin phyed tshun chad bzhugs bzhugs shing/ /nyi ma phyed par gyur nas gang dag gzhan du bzhugs pa'i phyir/ /nor bu'i rtse mo bkram pa'i 'khor yug ri la brten pa dang/ /gang dag 'khri shing gzhon nus rdo ba khebs gyur pa'i/ /dbang chen rtse mo yid du 'ong bar bder gnas te/ /mkha' lding shugs kyis nang du klu rnams dkrugs pa yi/ /rgya mtsho rin chen gnas la rnam par gzigs pa dang/ /ngang pa'i tshogs can shin tu gtsang ba drag 'bab char gyi chu yis ri 'gab bkrus gyur cing/ /phyogs kyi glang pos bsgyel ba'i sa la ki yis rdo ba chen po mang po khebs gyur la/ /gcan gzan dbang po ral pa 'khyil zhing gsal bas dpung pa'i phyogs 'bar nyal bas gang gyur cing/ /sbal mig mthon pa'i lcug mas 'khor bas grub pa ngal sos ri bo kron dzar gang gshegs dang/ /gang dag mun bsal khyad par can gyi blos/ /shing ljon sna tshogs me tog rgyas gyur cing/ /ri dags rgyu bas ne'u gseng gzhon snang ba/ /gzi rdo nags rnams mi spong bzhugs pa dang/ /yang gang dag nub kyi ba lang spyod dang/ shar gyi lus 'phags po dang/ byang gi sgra mi snyan dang gling gzhan dag na skyes pa'i lcug phran mdog snum zhing sngo la 'jam pa mang pos sa gzhi kun du khebs pa/ shing gi grib ma'i dkyil 'khor bsil ba dang/ khri shing gis 'khor zhing ri dags mang po gnas pa'i nags tshal de dang de dag na bzhugs pa rnams dang/ yang gang dag dar dang/ gan d+ha ra dang/ gu zan dang/ li dang/ shi ring dang/ ba le dang/ bri sha dang/ kha che'i yul dang/ rgya yul dang/ grong khyer zas 'dra dang/ rdo 'jog zas 'dra dang/ skyes pa'i grong khyer dang/ phyogs mtshams dang/ kun ti ma la ba dang/ srung byed dang/ grong khyer dang/ tsha du ka dang/ tsha ta dang/ b+ha ru kad tsha dang/ kau shAmbI dang/ ser skya'i gnas dang/ mnyan yod dang/ mi thub pa dang/ grong khyer me tog dang/ ti ra dang/ bcom rlag @157b dang; grong khyer longs spyod dang/ tsam pa ka dang rgyal po'i khab dang/ dbang po'i brag phug dang/ 'brog dang/ ko na'i grong dang/ kun dga'i grong dang/ mchod rten gyi grong dang/ 'khrur bcug gi grong dang/ rnam par rgyal ba'i grong dang/ yangs bcan dang/ li khar shing 'phel ba dang; 'phel byed dang/ zangs kyis g.yogs pa dang/ rdo snyigs 'dzin dang/ ko sa la dang/ a na dra dang/ ka ling ga dang/ pa rba dang/ ya ba na'i gling dang/ sing ga la'i gling dang/ ka la sha'i grong khyer dang/ gser gyis dang/ ha ri ke la dang/ ba ro sha ka ta ha dang/ na ri ke la dang/ pa na sa'i gling dang/ shu sa ra dang/ nimba'i grong khyer dang/ dpal gyi zhing dang/ dngul chu'i gnas la sogs pa yul dang/ cha byad dang/ skad dang/ gnas pa dang/ cho ga dang/ rigs dang/ rus dang/ tshul khrims dang/ tshul khrims can du ma'i yul/ mi gnas pa'i yul gzhan dag na bzhugs pa rnams dang/ /gang dag sngon chad nyi zla'i 'od kyis ma phog cing/ /she sha sbrul gyi lus kyi 'obs gnas ri yi drung/ /de yi gtsug gi rin chen 'od kyis mun bsal ba'i/ /sa 'og tu ni ring bor ma thogs gshegs gyur dang/ /gang dag chu ltar sa la thogs med bye'u 'dzul mdzad pa dang/ /gang dag sar gnas phyag gi rtse mos zla ba reg mdzad dang/ /gang dag bya ltar nam mkha' la ni shugs kyis rgyu mdzad cing/ /na bza'i tha mas sprin mthar reg pas sprin ling 'jig mdzad dang/ /gang dag lha dang/ klu dang/ grub pa dang/ 'khor ba dang/ tshogs rnams kyis rtag tu mchod pa'i ri 'jigs med dang bung ba'i ri dang/ rgyal bu rgyal byed kyi tshal dang/ shar gyi ri bo dang/ nub kyi ri bo dang/ shi ri kun pa ta dang/ kun du so ma dang/ ta ma sa'i tshal dang/ bsil ba'i tshal dang/ lhas sprul dang/ 'jigs med pa ri dang /nags tshal chen po dang/ tsher ma can gyi tshal dang/ byams pa'i ri dang/ chu srin byis pa bsod kyi ri dang/ ri nag po dang/ gnas kyi ri dang/ ser skya'i ri dang/ me tog gi ri dang/ klu'i ri bo dang/ tsandan gyi ri bo dang/ tsher ma'i ri bo dang/ lha yul babs pa dang/ a sa simba dang/ kun dga' ston ldan dang/ ri bo'i rgyal mtshan dang/ gzhi bkrus dang/ rang gi mchod rten dang/ @158a @#/ /sA lu spungs ldan dang/ pho brang 'khor dpal yon can dang/ bya rgod kyi phung po dang/ ri dags kyi nags dang/ ka sho dang/ gtsug lag khang gser ka ni Shka sha hi/ la sogs pa cho 'phrul rmad du byung ba sna tshogs dang ldan pa rnams dang/ d+harma rA dzi ka mchod rten du ma dang/ sangs rgyas bzhi'i gdan khri yod pa bsod nams su gyur pa'i sa phyogs rgyun mi 'chad par klog pa dang/ kha ton dang/ bsam gtan dang/ ting nge 'dzin dang/ snyoms par zhugs pa dang/ tshul bzhin yid la byed pas 'jug pa dag pa'i sgra bcom pa rnams bzhugs bzhugs pa/ chos gos dang bsod snyoms dang mal cha dang/ na ba'i gso sman dang/ yo byad dang 'tshog chas rnams kyis legs par byas pas mtha' mtha' na chu'i gnas yod pa la nye bar spyod pas nyams dga' ba/ bde bar gshegs pa'i zhabs kyis bcags pas gtsang bar gyur pa'i sa gzhi can/ zhi ba thub pa'i skye bo gnas pa rnams na/ de kho na bsgoms pa'i yid kyis ting nge 'dzin bskyed pa/ tshe'i lhag ma gnas par mdzad pa rnams dang/ gang dag glog 'gyu bya gag dag gis sku lus bkra byas sprin snum 'dra gyur nas/ /bkres pa'i sdug bsngal snod gyur mda' rtse rnon po lta bu'i spu yis rab gang zhing/ /bsgoms bas mig zha me stag bcas pa'i me rnams kyis ni kun nas lus bskor ba'i/ /yi dags gnam du lta ba rnams la thugs rjes steng nas char gyi rgyun 'bebs dang/ /rin chen bye ma'i phreng bas gya gyur dkrigs mtho la/ /dang khyu bag yangs gnas shing lang long nyal gyur cing/ /chu dang nye bas chu yi zer mas bsil gyur pa/ /ma na ya yi mtsho gling bsam gtan mdzad dgu dang/ /gang dag mi ro mang po'i sha dang khrag gi ro bro bas dga' bar gyur pa'i bya khwa'i tshogs kyis gang bar gyur pa'i sa phyogs mgo'i thod pa gas nas tshil thigs zags pa'i snum gyis mched pa'i mes tshig cing/ rang gi me lces shing bcer ba bskams shing rnyings pa'i lag pa dang/ rkang pa dang/ so dang/ skra'i dum grugs kyis gang zhing/ zla ba dri ma med pa'i 'od lta bu'i keng rus kyi phung po yod la/ skabs shig tu ro langs byung nas/ a la la a la la zhes sgra 'byin cing/ me stag dang bcas pa'i @158b gad mo drag pos 'byung ba 'khrugs shing skrag par gyur pa ce spyang mi bzad pa'i kha nas du ba dang bcas pa'i me lce 'byung ba'i dur khrod chen po dag na bud med kyi ro sbos shing lto sgang nger gyur pa'i steng na 'dug cing/ dga' ba'i bya rgod kyi mchu dang/ sder mos lto 'brang cing lto'i nang na srin bu'i rigs rnams gnas pa/ ce spyang gi stobs kyi shugs kyis drangs pa'i nang grol dri mi zhim pa'i dum bus 'khor la/ bya khwa bkres pas mig gi sha brus pa dag la gzigs shing/ rtag tu mi sdug pa bsgoms te/ gang dag kha cig ro'i gnas mal dong nas ni/ /khrag dang sa chags dmar zhing rtsub pa'i skra 'khyil dang/ /bya yi mchu dang sder mos mig rkong brus pa yang/ /mi ro bor ba'i lus la gzigs par gyur pa dang/ /sgo dang srang bar la lar me 'bar me lce'i rtse mo mang pos mgo rmongs shing/ /ral gri gtun dang rdo bas bsnun cing brdungs nas skye bo ku co 'don gyur la/ /gshin rje'i pho nya snying rje med pa sdod cig zer ba'i bzod glag sgras gang ba'i/ /sems can dmyal ba rnams su'ang srogs chags don phyir gang dag skad cig 'jug pa dang/ /gzhan yang sha ri'i mi'i dug mangs glang po che 'khrug pa'i mdun logs na yal ga bregs pa'i sdong bu yod pa phyogs kyi phar nas rlung chen po langs pas 'od ma'i tshal bskyod nas 'khri shing gi dra ba dang drud pa las me byung ba'i me lces shing mchog sna tshogs tshig nas/ ri dags dang/ phag rgod mchog ma gyogs pa brgya phrag dag skrag cing mgo rmongs pa yod pa/ shing lo mang po lhags la shing rnyings pa can bsil ba'i grib ma sang sid med ba; nyams dga' ba'i longs spyod yod pa/ nags kyi ma he dang phag rgod kyis me tog utpa la dang/ padma dang/ sa ha ka ra bskyod pas chu dri zhim por gyur pa'i mtshe'u 'gram na shing la spre'u 'i khyu gnas pa nye 'khor gyi ri las chu rlabs mi drag par 'bab pas 'khor nas ne'u gseng mong pa'i sa gzhi yod pa'i 'brog dag na zhi ba'i bdag nyid can 'chag pa dang klog pa dang kha ton dang/ bsam gtan la mngon par brtson pa/ gang dag bag med pa'i gnas dar la bab pa yol bar mdzad pa rnams dang/ ri bo rdo leb che zhing yangs la rab tu snum pa 'dra gyur cing/ /glog gi phreng bar me tog yod la 'ja' @159a @#/ /yis bkra ba'i bdag nyid can/ /chu bsil sprin chags rnams la chu 'bab zer phran chags pa'i rdzing ldan can/ /ser bus na bza' g.yo ba gang dag nyi ma'i gung la bzhugs pa dang/ /de bzhin du rtag tu goms pa'i lam nas 'dong ba'i glang bo'i khyu'i rmig rjes yod la/ /nags kyi ma he 'khrugs pa'i rwas grog mkhar chen po bshig pa'i shul gyi khung bu nas sbrul gyi lus phyed phyung ste/ nags kyi rlung 'gam pa yod pa/ sa tshal stug po dang 'dam bu dang/ shing ka sha stug po'i khrod na stag zung du gnas pa can/ phag rgod kyi snas rlog pa'i gla sgong gi rtsa ba 'dzings pa ral pa ltar 'dug pa yod pa shing ni tsu la'i me tog brul bas rdo ba rtsa dmar bar gyur pa yod pa/ shing gi phyogs su ri dags kyi khyu 'dam rdzab la thogs pa yod pa/ shing lo sngon po stug por skyes pa'i dri bsung mang po yod pa'i gsher ba'i chu rgyun ngag tu mngon par dgyes shing dge ba'i phyogs ston pa rnams dang; rin po che'i 'od zer gyis chu'i rtsa dmar bar gyur la/ thugs bsam gtan la zhen pas dpag bsam gyi shing gi lcug ma'i rtse mos reg pa'i ri sbos kyi dad ldang gi sul na rtsol ba med pa gang dag bzhugs pa dag gang dag seng ge bsgyings pa yod pa ri dags rgyu ba dang ldan pa/ chu 'dus te 'bab pa yod pa g.yos pas steng gi rtse mo ldem pa'i sngags kyis skar ma'i tshogs 'phangs pa/ sa'i steng na lci ba lhun po yang lcug phran la bya ba bzhin du sgrim mi dgos par zhabs kyi sor mos sa'i 'og gi rmad dang bcas pa gsal bar 'phen pa dag dang/ ting nge 'dzin thob pa gang dag char pa'i chus rdol ba'i bu ga du ma nas nyi ma'i 'od zer byung ba zla ba lta bu yod cing/ rmang rdo dang rtsig ngos shag shig tu gyur pa'i mtshams su ba rgya chags pa/ sbrul gsob rlung gis gang ste sgang der 'dug pa'i phreng ba rtag tu yod cing/ nags kyi ri dags kyi lces tsha sgo rdul can rtsub po blngags pas/ shing rtsa sed sid por gyur pa yod pa/ rtsig rmang du srin bu go da'i tshogs ring nas gnas par gyur cing/ sre mo mgo bstod de phyogs su blta bas byi ba skrag pa yod la/ nang du rtsa sngon po stug po skyes pa'i 'jag ma'i drung gi gseb na phye ma leb rgyu ba yod cing/ 'ug pa mang po sgra 'byin cing glu len ba lta bu @159b yod pa'i grong stong sus kyang ting nge 'dzin ma byas pa rnams na/ ston pa'i bka' nan tan gyis bsgrub pa rnams dang/ gzhan yang/ gang dag g.yag gi rmig pas rdo bcag yod cing sprin ldings ldan gyur la/ /mtha' mar sA la thang shing skyes la chu bsil mi khebs 'bab yod cing/ /bsam gtan zhen pa'i blos ni kha ba bab pas chos gos lci zhing zag gyur kyang/ /gangs ri dag gi ltong na 'gro ba shing gi drung du bzhugs par dgyes pa dang/ /nang na chu srin 'khrugs te g.yos pas nya rnams kun 'byer zhing/ /skam pas nyam chung gyur pa'i sprin btung kha yis chu 'thungs la/ /gshong du 'khyil bar sbrul dbugs phyung bas rba rlabs rgyun 'chad pa'i/ /rgya mtsho la yang mtshan mo brtan pa gang dag 'chag mdzad pa/ /snod gyur bdag nyid thugs ldan gtsang ma'i lhung bzed phyag bsnams shing/ /bsod nams ldan pa'i sku lus na bza' chos gos rab g.yo ba/ /de dag sang gi gdugs ni nam gyi gung du phyin pa na/ /gaNDI brdungs pa'i sgra snyan skad gsang grags par gyur pa'i tshe/ /bstan bcos sna tshogs kyi de kho na goms pa'i chu blugs pas mi shes pa'i sems kyi dri ma bkrus pa'i mkhas pa'i tshogs 'dus pa/ nyi ma shin tu mang po nas 'dris pa'i srid pa'i spros pa bcad pa/ bde bar gshegs pa'i gsung rab rin po che'i sgrom du gyur pa/ dge ba'i tshogs bdud rtsi'i btung ba'i gzhi bro ba/ ye shes kyi gser ma gtogs pa brdar ba'i brdar rdo sngon por gyur pa/ legs par spyad pa stong gi tshogs bsags pas grags pa rgya che ba dang ldan pa/ sbyin bdag chen po bdag nyid can ston gyi nam thang lta bu'i yid dang ldan pa ming 'di zhes bya ba 'di'i gan du/ ma he'i rwa ltar sngo zhing dri med mkha' las 'phur/ /gzi brjid kyis ni nyi ma'i 'od zer stong 'thor zhing/ /mngon du phyogs nas 'ong ba'i sprin ni dral nas su/ /skye bo phan phyir thub rnams song 'dir gshegs su gsol/ /rgyun mi 'chad par ting nge 'dzin dang/ klog pa dang/ 'chag pa dang/ skye bo bla mal brten par mngon du dga' ba'i blo gros dang ldan pa/ mya ngan las 'das pa'i lam gyi rjes su mthun pa/ kha na ma thob med pa'i rig pa gsum rab tu sgrub pa/ nyon mongs pa las grol bar 'dod pa'i dge slong gang dag @160a @#/ /'di na gnas pa 'dul ba'i cho ga la goms pa/ lus dang ngag dang yid kyi 'jug pa zhi ba dang ldan pa de dag kyang ma lus par ci bder do mod kyi mtshan mo zad par mdzod la/ 'di nyid du gnas par mdzod cig /thub pa'i sras mo shes rab zhi dang dul bas brgyan pa'i dge slong ma/ tha dad gling dang klu dang nags dang ri dags spros pa'i bsam bral zhing/ /'dod chags zhe sdang gti mug dri bral zhi 'os 'gro ba'i ma lta bu/ /de dag dgyes par mdzod la sbyin bdag phan par bzhed pas sang 'dir spyon/ /phyag na rdo rje la sogs pa dang gnod sbyin gtso bo dang/ /grub pa rnams dang gang dag lha ma yin dang klu rnams dang/ /sangs rgyas ni rab tu dad pa'i lha mchog gang yin pa/ /de dag rnams kyang sbyin bdag 'di la phan phyir sang 'dir spyon/ /lha dang/ klu dang/ gnod sbyin dang/ rig sngags 'chang dang/ /grub pa dang/ mi 'am ci dang/ nam mkha' lding la sogs pa 'byung po rnams dang/ stobs bcu mnga' ba'i bstan pa'i yon tan bsgrub pa dang ldan pa rnams kyis kyang/ dam pa'i chos gnas par bya ba dang/ sbyin bdag chen po bdag nyid che ba 'di/ snod bzang po la sbyar ba dang/ sbyin bdag chen po 'di la grogs bgyi bas nyid kyis dge ba'i yon tan skyed ba la dge 'dun nan tan mdzod cig /rgyun mi 'chad par bsrung ba dang/ bskyab pa dang/ bskyang ba la brtson par mdzod cig /yang dul ba dang/ tshul khrims dang/ thos pas shin tu che ba'i 'phags pa'i dge slong gi dge 'dun 'dus pa la gsol ba 'tshal lo/ /lhun po las byung sbrul mgo lnga 'dra rdo rje ka na ka /nya dang gdugs dang 'khor lo dag dang lcags kyu'i mtshan mnga' ba/ /padma gser gyi dpal ldan phyag sor dra ba srab mos 'brel/ /sen mo'i 'od kyis khyab pa rgyal ba'i phyag gis bskyab par shog /srid pa'i 'dod chags nyon mongs zhags pa bsal zhing sred med pa; /chu yi chu gter lta bur yon tan rnams kyi gnas gcig pu/ /thub pa'i sras mchog dge 'dun bdag gis gus par spyan drangs pas/ /de ring dge ba gang bsags de ni byang chub thob gyur cig /ji srid mkha' la 'od 'phro 'od kyis gsal bas rnam par snang byed cing/ /ri dags @160b rtags can 'od kyi ral pa'i dkyil 'khor ldan la 'char ba dang/ //rgya mtsho rgyas par gnas pa de srid lha dang lha min phyag byas pa'i/ /bde bar gshegs kyi bstan pa thogs pa med par gnas par shog /gnas brtan spyan drang ba slob dpon b+hA ba skanda pa zhes bya bas mdzad pa rdzogs so// //A tsArya dzi na mi tra dang/ ban de ye shes sdes sgyur cing zhus te gtan la phab pa'o// @#/ /bstan pa'i gtad rabs bzhugs so// @##/ /sangs rgyas la phyag 'tshal lo/ /de nas 'phags pa nyi ma gung pas kha cher gshegs te rdzu 'phrul gyi cho 'phrul gyis 'phags nas klu'i rgyal po au duShTa btul lo/ /bA rA Na sI'i ljongs kyi skye bo'i tshogs rnams la rtsed mos mdzad nas kha cher gshegs pa yin no/ /rdzu 'phrul gyis skye bo'i tshogs dang lhan cig tu ri bo spos kyi ngad ldang du gshegs nas klu rnams btul lo/ /gur gum blangs nas kha che rnams bstan pa la btsud nas grong dang grong khyer dang ljangs rnams dang rgyal po'i pho brang gis brgyan nas thams cad la phan btags shing kha che ba de dag dga' bar mdzad nas bcom ldan 'das kyi bstan pa rgyas par mdzad de/ bstan pa yongs su bskyangs nas sems can rnams la phan pa mdzad de 'phags pa shA na'i gos can la bstan pa gtad cing/ rdzu 'phrul gyi cho 'phrul bstan nas yongs su mya ngan las 'das so/ /'phags pa shA na'i gos can gyis kyang gar gyi rje zhes bya ba'i tshong dpon gyi bu ru mgo bo'i ri bo la gtsug lag khang mdzad nas 'phags pa nyer sbas rab tu phyung zhing bsnyen par rdzogs nas dgra bcom par gyur te/ gnas pa las de la bstan pa gtad de yongs su mya ngan las 'das so/ /'phags pa nye bar sbas kyis kyang bdud sdig can btul te/ phug srid du khru bco brgyad pa rgyar khru bcu gnyis par gnas nas/ de'i gdams ngag bdun gyis dge slong rnams kyis dgra bcom pa nyid mngon sum du byas pa'i thur ma rnams kyis bkang ngo/ /bar skabs der mya ngan med ces bya ba stobs kyis 'khor los sgyur ba'i rgyal po byung ste/ bcom ldan 'das kyi bstan pa la dad pa phyi phyir thob nas 'phags pa grags pas dge ba'i bshes gnyen byas pas @161a @#/ /bcom ldan 'das kyi mchod rten gang yin pa rnams dang nyan thos kyi yang ste/ de rnams la so so so sor gser gyi rgyan phul lo/ /byang chub kyi shing la yang de bas ches lhag par rab tu dang ba skyes nas bkur sti chen po byas te/ gser dang dngul dang baiDUr+ya dang shel gyi rang bzhin gyi bum pa sna tshogs pa dri'i chus yongs su bsgos pa rnams kyis de la khrus gsol to/ /der 'ongs nas lo lnga'i bar du dge slong 'bum phrag gsum la ston mo [?] byas te/ dang po la 'phags pa la bsod snyoms rgyas pa dang/ rgyal mtshan la sogs pas mchod do/ /gnyis pa la slob pa rnams la'o/ /gsum pa so so'i skye bo dge ba can rnams la chos gos gsum rnams kyis g.yogs so/ /ji tsam du rim gyis dbyig dang gser bye ba dgu bcu rtsa drug phul te/ kha cher yang dge 'dun rnams la de dag nyid phul lo/ /de ltar 'phags pa nyer sbas kyis sems can la phan pa mdzad cing bstan pa yongs su bskyangs nas 'phags pa d+hI ti ka rab tu phyung zhing bsnyen par rdzogs nas dgra bcom pa nyid la bkod/ de la bstan pa gtad nas yongs su mya ngan las 'das so/ /'phags pa d+hI ti kas kyang bstan pa yongs su bskyangs shing sems can la phan pa mdzad nas/ 'phags pa nag po la bstan pa gtad nas yongs su mya ngan las 'das so/ /'phags pa nag pos kyang bstan pa yongs su bskyangs shing sems can la phan pa mdzad nas 'phags pa legs mthong la bstan pa gtad de yongs su mya ngan las 'das so/ /'phags pa legs mthong gis kyang bstan pa yongs su bskyangs shing sems can la phan pa mdzad nas yongs su mya ngan las 'das so/ /ji tsam du yangs pa can du yangs pa can pa'i dge slong rnams kyis rung ba ma yin pa'i gzhi bcu byung ste/ de dag thams cad 'dod la sogs pa'i dgra bcom pa bdun brgya rnams kyis nye bar zhi bar bya ba'i phyir bdun brgyas bsdu ba mdzad do/ /bar skabs der bcom ldan 'das yongs su mya ngan las 'das nas lo sum brgya lon te/ mya ngan med ces bya ba'i rgyal po nyid shi nas kha cher legs mthong byung ste ma dang pha dag las de la seng ge zhes bya ba'i @161b ming du grub pa bcom ldan 'das kyi bstan pa la rab tu byung ste dgra bcom pa nyid mngon sum du byas so/ /ji tsam na byang gi lam nas rgyal po ka niShka zhes bya ba 'phags pa seng ge blta pa'i phyir kha cher zhugs so/ /de la 'phags pa seng ges chos bstan to/ /des de las chos thos nas byang gi lam du song ste ka niShka'i mchod rten la rab tu gnas pa dang de rnams kyis bcom ldan 'das kyi bstan pa la sbyin pa dag sbyin/ bsod nams dag byas so/ /dge slong rnams la yang bstan nas kha cher rna rgyan gyi nags kyi gtsug lag khang du 'phags pa rtsi ba logs la sogs pa'i dgra bcom pa lnga brgya dang/ ba su mi tra la sogs pa'i btsun pa bzhi brgya rnams dang/ byang chub sems pa lnga brgya rnams kyis kyang chos mngon pa rnam par bshad pa mdzad cing kha cher yang de rnams dge 'dun la phul lo/ /'di rgya dpe shog gcig ma cig lag tu byung ba/ bstan pa'i gtad rabs su 'dug pas mgo mjug ma tshang na yang/ tshong 'dus kyi pho brang du 'gos lo tsA ba gzhon nu dpal gyis bsgyur ba yin no/ !/ /dgra bcom dge 'dun 'phel gyis lung bstan pa bzhugs so// @##/ /dgra bcom pa dge 'dun 'phel gyis lung bstan pa; 'phags pa 'jam dpal gzhon nur gyur pa la phyag 'tshal lo/ /'di skad bdag gis slob dpon gyis bshad pa thos pa na/ /yul 'di'i gtsug lag khang bru nya zhes bya ba'i dgra bcom pa dge 'dun 'phel zhes bya ba gsum rig pa mngon par shes pa thob pa/ rnam par thar pa brgyad la bsam gtan pa zhig dus gzhan zhig na slob ma zhig dang thabs cig tu dbyar zla ba gsum 'jig tshogs kyi ri zhes bya ba la bzhugs te/ slob ma bande chos 'dul ba la slob pa zhig lags na/ sangs rgyas mya ngan las 'das nas lo nyis stong lon pa dang/ sangs rgyas kyi bstan pa rgya gar gyi yul kau shAmbI zhes bya bar nub par 'gyur ro zhes thos nas 'di snyam du rgya gar yul gyi chos dus de tsam zhig na/ yul kau shAmbIr nub par 'gyur ba lta zhig na/ li yul la sogs pa gzhan gyi chos yun ji srid cig tu gnas par 'gyur/ nam 'jig rkyen ni gang gis 'jig par @162a @#/ /'gyur snyam du the tshom skyes so/ /de nas dgra bcom pa de phyi 'phred kyi dus kyi tshe nang du yang dag 'jog pa las bzhengs pa dang/ slob ma des mkhan po'i zhabs la yan lag ldas phyag 'tshal nas 'di skad ces the tshom zhus so/ /slob dpon ston pa bcom ldan 'das shAkya thub pa'i bstan pa lo nyis stong nas 'jig par lung bstan na/ li yul 'di la sogs pa yul gzhan gyi bstan pa ji srid du gnas par 'gyur/ /nam 'jig rkyen gang gis 'jig par 'gyur ba lags/ de nas mkhan pos bka' stsal pa/ bu khyod kyis li yul la sogs pa'i skye bo mang po'i don dang/ bde bar gshegs pa'i bstan pa yun ring du gnas par bya ba'i phyir the tshom dris pa legs kyis/ legs par nyon la yid la zung shig dang/ li yul la sogs pa'i bstan pa ji srid du gnas par 'gyur/ nam 'jig pa dang rkyen gang gis 'jig par 'gyur ba ngas so sor lung bstan par bya'o/ /bcom ldan 'das shAkya thub pa'i bstan pa ni bcom ldan 'das mya ngan las 'das nas lo stong lnga brgya lon pa dang yul du dad pa med pa rnams 'byung zhing dam pa'i chos 'jig tu rgol lo/ /de'i tshe li yul 'dir dad pa med pa'i rgyal po yang 'byung bar 'gyur zhing/ yul yang rgyal pos phan tshun rtod cing 'phrog par 'gyur ro/ /de phyin chad ni yul yang nyin gcig bzhin du nyams par 'gyur/ grong dang gtsug lag khang la sogs pa yang phal cher stongs par 'gyur/ mi rnams kyang nyin gcig bzhin du phyir yang dkon mchog gsum la dad pa 'bri bar 'gyur ro/ /rgyu des na dkon mchog gsum dang/ chos smra ba dang/ bsam gtan pa kun kyang mchod gnas su mi byed cing/ mu stegs kyi rgyal po dang/ blon po dang/ yul 'dzin pa dang/ khyim bdag rnams kyang chos dang mi mthun pa'i phyogs 'dzin cing dge ba bcu'i las kyi lam yal bar 'dor bar 'gyur ro; /chos dang mthun pa ma yin pa dang/ ma brtags pa dang/ bab chol gyi longs spyod kyang sogs par byed par 'gyur ro/ /de nas de'i 'og tu dge slong dang/ dge slong ma rnams 'tsho ba'i yo byad kyi phyir g.yem spyo bar gyur te/ chos 'dul ba las 'byung ba dge sbyong gi tshul dang/ spyod pa @162b zhi ba dang/ dul ba dang/ ngo tsha shes pa dang/ khrel yod pa la sogs pa yal bar 'gyur zhing/ zhing dang/ ldum ra dang/ nyo tshong dang/ skyi brnya dang/ slong mo ba rnams kyis 'tsho bar byed do/ /khyim pas bslab par bya ba'i bzo dang/ khyim gyi so nams dang/ 'thab rtsod dang/ sgo gsol zam[?] po che yang byed par 'gyur/ pho nyar yang 'gro bar byed/ las kyi go 'phang dang/ rtsa 'jid yang tshol bar byed par 'gyur te/ de'i tshe gtsug lag khang dang/ dgon pa la mi gnas shing bde bar gshegs pa'i gdams ngag yal bar bor te/ yang dang yang du mkhar dang/ grong dang/ tshong dus dang/ srang dang/ sum mdo na gnas par sems dga' bar 'gyur/ bran dang/ bran mo dang/ rkang 'gros kyang tshol bar byed do/ /rgyu des na khyim bdag dang/ yul 'dzin pa dang/ blon po la sogs pas kyang de dag la rim gro mi byed cing/ dad pa phyir log nas dkon mchog dang dge 'dun gyi dkor la yang 'phrog par byed do/ /khyim pa de dag gis kyang nor rdzas de dag la brten cing spyad pas bsod nams 'bri bar 'gyur ro/ /rgyu des na li yul la sogs par gnod pa sna tshogs 'byung zhing lo re bzhin dma' bar 'gyur te/ rtsod pa dang/ nad dang/ dus ma yin pa'i char dang/ rlung dang/ dgra mang po yang 'byung bar 'gyur ro/ /dus ma yin pa'i sad dang/ srin bu dang/ bye ba dang/ byi ba yang 'byung bar 'gyur ro/ /de'i tshe na sems can rnams nang mi mthun par 'gyur zhing dus tshigs kyang 'chol bar 'gyur te/ de ltar na yul gang dang gang du chos lugs log pa byed pa de dang der ni gnod pa de dag 'byung bar 'gyur ro/ /de'i tshe li yul la sogs par rgyal po dang/ blon po la sogs pa ya rabs las kyang dkon mchog la snying thag pa nas dad pa 'ga' las mi 'byung na/ phal pa lta smos kyang ci dgos te/ rgyu de lta bus li yul la sogs pa'i dkon mchog gsum gyi mchod gnas thams cad kyi thams cad du rmegs med par 'gyur ro/ /de nas li yul la sogs par dge slong gi gnas sngon rgyal po la sogs pa dad pa can gyis byas pa yang blon po la sogs pa dad pa med pa rnams kyis btsan @163a @#/ /'phrogs su 'phrogs nas bdag nyid gnas par byed do/ /dge slong rnams kyang 'khyams nas 'tsho ba dang/ chos gos dang/ gnas kyis phongs par 'gyur ro/ /blon po la sogs pa de dag gis dge slong gi zhing chu dang/ ldum ra la sogs pa yo byad rnams kyang btsan thab su 'phrog par byed/ lha 'bangs dang/ nang gi g.yog rnams kyang dge slong gi ngag mi nyan cing gnya' rengs su byed par 'gyur ro/ /de nas dge slong rnams kyis kyang de lta bur gyur par shes nas yi mug ste/ li yul gyi dge slong rnams phan tshun du gcig la gcig 'di skad du yu bu cag rnams gtsug lag khang tshar ma zhes bya ba dang po chos 'byung ba'i gnas der 'du'o zhes sbran nas gtsug lag khang der 'dus te/ dpyid zla tha chungs tshes bco lnga'i nub mo gso sbyong byas nas gcig la gcig 'di skad du yu bu cag rnams sngon bag med par gyur nas mkhas pa chos dang mthun pa rnams la dbang zos pa'i rgyus de ltar khyim pa rnams kyis kyang rtsis med par byas te/ da ni 'tsho ba yang mi 'byor na deng phyin chad gang du 'dong/ thabs ni gang gis 'tsho bar bya zhes smras te/ de'i tshe thams cad kyis cho de chen po 'debs par 'gyur ro/ / de nas de'i tshe bde bar gshegs pa'i bstan pa srung ba'i lha/ bcom ldan 'das kyi byas pa gzo ba thams cad kyang gtsug lag khang der 'dus te gcig la gcig lta zhing 'di skad du bde bar gshegs pa'i bstan pa ni yun ring por mi gnas so/ /yul 'di yang stongs par 'gyur ro zhes mya ngan byed cing du bar 'gyur ro/ /de'i tshe dge slong de dag 'di snyam du yul 'dir ni 'tsho ba mi 'byor na 'di bor te yul gzhan du 'gro bar bya'o snyam du sems mthun par gyur pa gang du 'dod par bya zhes gros byas te/ yul nye ba gzhan dang gzhan na ni dad pa med pa dag gis gang/ rgya gar yul du 'dod du ni lam mi thar bas bod kyi yul na/ dkon mchog gsum la mchod gnas su byed ces grags pas der 'gro bar byas nas nyi ma 'di la 'dong ngo zhes dus btab nas de'i nub mo gtsug lag khang tshar mar gzhag go/ /nam langs pa dang bud med dad pa can @163b zhig gis gdan chud la spyan drangs te/ de nas gaNDI brdungs nas dge 'dun spyi'i gtsug lag khang bskor te mchod pa byas pa dang/ sangs rgyas kyi gzugs brnyan gyi gdan khri zhig gas pa'i gseb nas sgrom bu tha ram can zhig snang bar gyur te/ de nas sgrom bu de phye ba dang/ de'i nang nas gser las byas pa'i kha zas kyi sder cha bdun byung ste/ dge slong kun gyis de blangs te/ 'brur bsgyur nas de dge 'dun kun dbyar zla ba gsum gtsug lag khang tshar mar tshul du 'jug pa'i 'tsho ba sbyar nas zong lhag ma las yul nas byung ste/ 'gro ba'i lam brgyags dang khur khal sbyar re// dbyar zla ba gsum 'das nas 'di skad du yu bu rnams byin gyis brlabs pa'i yul 'di bltas la 'gro bar bya'o zhes smras te song nas/ 'phags pa sa'i snying po'i gnas gtsug lag khang ye shes ri zhes bya ba'i drung du phyin pa dang/ de'i tshe de na brag la mchod rten gyi 'og gzhi rnyed pa zhig yod pa rdib pa'i nang nas/ gser phor chen po mu tig gis gang ba zhig byung ba dang de yang blangs te 'brur bsgyur nas phyogs der rgun zla ba gsum gnas pa'i 'tsho ba sbyar te/ de nas dpyid byung ste 'gro ba'i dus la bab nas song ste/ shel chu 'og ma brgal ba dang/ yul mi stod pa rnams kyis sa lam yogs su gdugs tshod sbyar nas/ nyi ma re re zhing gtsug lag khang dag tu gdugs tshod gsol bar 'gyur ro/ /de'i tshe yul mi smad pa rnams kyis kyang dge slong rnams yul byung ste 'gro zhes thos nas dge 'dun de dag gtsug lag khang cong zhes bya bar spyan drangs nas/ zhag bdun gyi bar du bshos sbyor bar 'gyur ro/ /de'i tshe li yul na gnas pa'i klu thams cad 'di snyam du bde bar gshegs pa'i bstan pa ni rmegs med par 'gyur la thug go snyam du mya ngan byed cing bstan pa gnas par bya ba'i phyir char chen po phab ste/ char pa des gtsug lag khang cong zhes bya ba'i nang nas mchod rten gyi gzhi zhig yod pa nas gser phor gser phyes gang ba zhig byung ba dang/ de yang dge 'dun gyis btsongs nas dpyid kyi 'tsho ba'i yo byad rnams sbyor bar 'gyur ro/ /de nas yang yul mi smad pa rnams kyis gtsug lag khang @164a @#/ /sA la'i tshal zhes bya bar dge 'dun rnams spyan drangs nas zhag bdun gyi bar gyi gdugs tshod gsol nas zhag bdun lon pa'i nyin par yul stod smad kyi mi thams cad gtsug lag khang sa na bar 'dus nas dge 'dun la rdzongs dang khur khal 'bul lo/ /de'i tshe mi rgan rgon rnams na bslab pa 'dzin par byed/ gzhon nu rnams ni rgyar nas lta zhing gad mos 'debs pa dang grogs byed par 'gyur ro/ /de'i tshe mkhar dge ba can gyi nang nas kyang mi rgan rgon kha cig gis gos kha dog bsgyur ba dang/ lam du 'jug pa'i yo byad so so nas thogs nas so so'i dge ba'i bshes gnyen dge slong de dag gi mdun du lhags nas 'phags pa rnams bzod par bzhes shig ces smra zhing mchis te/ phyag 'tshal bar 'gyur ro/ /de'i tshe mchod pa de ni dper na ku sha'i grong khyer gyi mi rnams bcom ldan 'das mya ngan las 'das par shes nas mya ngan byed pa bzhin du mchod pa byed pa dang 'dra bar/ li yul du dkon mchog gsum mchod pa'i tha ma yin no/ /de'i 'og tu dge slong rnams gtsug lag khang de nas bod yul ngos su chas pa dang lam khan mchod rten rnying pa zhig gi drung du dpal lha mo chen mos dge 'dun gyi ched du gser gyi dang tse phu dung gang bzhag pa rnyed nas dge 'dun gyis de ba gos te lam gyi chas rdzas sbyor bar 'gyur ro/ /de'i tshe li yul gyi mkhar gtsug lag khang ka sa ra zhes bya bar rgyal rigs las skyes pa'i yon bdag cig 'byung bar 'gyur te/ yon bdag des dge 'dun rnams zhag bdun du mchod ston gsol bar 'gyur ro/ /de'i tshe mchod ston gsol ba de ni li yul du dge 'dun gyi mchod ston gsol ba'i tha ma yin no/ /de nas dge slong rnams me skar gyi lam du zhugs te song ba dang/ de'i tshe dge slong pho mo gsar bu las phal cher rang rang gi slob dpon dang/ mkhan po la chos gos phul te bzod par gsol nas slar yul du ldog par 'gyur dge slong pho mo gsar bu kha cig ni rab tu byung ba'i dngos po mi gtong zhing pha ma la sogs pa'i gnyen skyel du 'ongs pa rnams la mya ngan gyi tshig smra zhing dus nas gnyen rnams phyir bzlog ste/ dge 'dun dang lhan cig tu @164b mi dga' ba'i yid kyis phyir byin gyis brlabs pa'i yul dang/ gnyen gyi rjes bzhin du lta bzhin par me skar gyi lam du zhugs te 'gro bar 'gyur ro/ /de ltar song ba dang de'i tshe rnam thos kyi bu dang/ dpal lha mo chen mo gnyis mchog tu snying rje skyes te/ 'brog mi pho mo gnyis kyi lus su bsgyur te/ dge 'dun rnams spyan drangs nas yul me skar du zla ba gsum gyi bar du gdugs tshod gsol te/ lam du 'jug pa'i yo byad ci dgos pa yang rdzong bar 'gyur ro/ /de nas dge slong de dag mdo lo'i lam du zhugs nas ri dang lung pa'i sul gtugs te song ba dang/ 'brog dgon par lam stor nas du zhing phyogs bcu'i sangs rgyas kyi mtshan dang li yul gyi lha thams cad kyi ming nas 'bod par 'gyur ro/ /de'i tshe rnam thos kyi bu snying rje skyas nas g.yag dkar po sgal pa dang/ snal chu can cig tu sprul nas dge slong de dag gi drung du 'ongs pa dang dge slong rnams kyis de mthong nas g.yag 'di ni mi'i khal g.yag cig yin te/ 'di'i phyi bzhin song na gdon mi za bar mi rnams dang phrad par 'gyur bas da ni mi 'chi'o snyam du yid sos te/ g.yag des kyang lam drangs nas gseb lam du byung ste/ tshal byir bskyal nas g.yag nyid mi snang bar gyur to; /de'i tshe dge slong rgan rgon mang po zhig ni lam kar 'chi bar 'gyur ro/ /de nas yul tshal byi'i bod rnams kyis dge slong de dag mthong nas bsu te/ /'phral du yo byad rnams sbyar nas bod yul 'dir li yul gyi dge slong mang po lhags na ji ltar bgyi zhes pho nyar gtong bar 'gyur ro; /de'i tshe na rgya rje'i bu mo byang chub sems dpa'i rigs can cig btsas pa bod kyi rgyal po'i khab tu len cing btsun mo dam pa byed par 'gyur te/ /de ni dad pa shin tu che ba/ snying rje dang ldan pa skad snyan pa dang des pa/ bslab pa'i yan lag lnga bzung ba zhig 'byung bar 'gyur ro/ / btsun mo des nyi 'og gzhan nas dge slong mang po bod kyi yul du lhags par mthong nas/ sangs rgyas kyi bstan pa ni ring du mi gnas so snyam nas mya ngan chen pos non nas rang gi 'khor bud med nyis brgya dang/ skyes pa sum brgya dang/ ru rum dang/ gzo bo dang gnang chen rnams drung du @165a @#/ /bos te dus nas 'di skad ces/ bde bar gshegs pa'i bstan pa ni de 'u re 'jig par gyur gyis khyed rnams myur du bsod nams ma byas/ tshul khrims ma bsrungs na 'phyis par 'ong do zhes smras par 'gyur ro/ /de nas btsun mo des rgyal po la 'di skad du dge 'dun de rnams bdag gis bzhon pa dang gos la sogs pa'i yo byad sbyar nas 'dir spyan drang bar ci gnang zhes gsol pas rgyal pos kyang gnang bar 'gyur te/ tshul de lta bus dge slong de dag bod yul du 'gro bar 'gyur ro/ /de'i tshe bod yul gyi rgyal po dang blon po rnams kyis dge slong de dag mthod nas dad pa chen po skye zhing gtsug lag khang chen po bdun yang brtsig par 'gyur ro/ /de bzhin du dge slong an rtse pa dang gus tig pa dang/ par wan pa dang/ shu lag pa rnams kyang sdug bsngal chen pos non nas bru sha'i yul du 'gro bar 'gyur ro/ /tho kar yul dang/ kha che'i yul gyi dge slong rnams kyang dad pa med pa'i mi rnams kyis gtses te/ ma chags nas zu sha'i yul du 'gro bar 'gyur ro/ /dge slong de dag thams cad kyis bru sha'i yul du phyin nas/ bod yul na gtsug lag khang mang po brtsigs pa dang/ rgyal po byang chub sems dpa' zhig gnas pas dkon mchog gsum la mchod pa dang ri mo cher byed pa thos nas yid dga' ste/ thams cad bod yul du 'gro bar 'gyur ro/ /bod yul du lhags nas lo gsum gyi bar du ni mchod pa chen po la sogs pa skyid pa nyams su myong bar 'gyur ro/ /lo gsum lon pa dang bod kyi yul du bdud kyi ris kyi lha dang/ lha ma yin dang/ klu dang/ gnod sbyin dang/ dri za rnams kyis nad chen po 'bras dang/ phol mig dang/ 'brum bu gdug pa dag gtong bar 'gyur te/ nad des zhang blon dang dmag du ma dag 'chi bar 'gyur ro/ /de'i tshe rgyal mo de'i snying gar 'bras gsug pa byung sta/ shi nas lha yul du skye bar 'gyur ro/ /de'i tshe bod kyi zhang blon rnams khros 'khrugs te 'di skad ces bdag cag gi yul 'di sngon gya nom pa las phyis mi bkra mi shis pa 'khyams pa sha stag 'dir lhags nas da ni yul du yang 'di lta @165b bu gnod pa rnam ba sna tshogs byung bar 'gyur gyis/ rdzas lhag ma 'di rnams kyang yul 'dir mi gzhag cing sa mtshams 'das te bskrad par bya'o zhes gros byas nas dge slong gcig kyang bod yul du gnas su mi gnang ngo zhes glo bur du bsgo bar 'gyur ro/ /rgyal mo de nad kyis thebs pa'i tshe bdag nyid mi 'tsho bar tshor nas rgyal po la kha chems su bdag gum na bdag gi nor rdzas ril gyis dge 'dun la 'bul bar ci gnang zhes gsol nas rgyal pos kyang gnang ste/ btsun mo'i rdzas thams cad dge 'dun la 'bul zhing des rgya gar gyi yul gan d+ha ra zhes bya bar 'gro ba'i rdzas byas nas 'gro bar 'gyur ro/ /de'i tshe bod yul gyi dge slong rnams kyang yi chad nas nyi 'og gi dge slong rnams dang gros gcig tu byas nas lhan cig tu 'gro bar 'gyur ro/ /skye bo dang rtsod pa'i dus de'i tshe rgya yul gyi dge slong rnams kyang shin tu sdug bsngal bas gzir nas yul gand+ha rar 'gro bar 'gyur ro/ /de ltar dong ba dang dge slong de dag thams cad yul gan d+ha rar 'gro ba'i lam kar phrad par 'gyur ro/ /de'i tshe bod kyi dmag gis rjes bzhin bsnyags nas lam kar bran g.yog dang/ nor phyugs dag phrogs te dge slong dag kyang gsod par 'gyur ro/ /de ltar dge slong de dag bod kyi dmag gis bdas nas klu'i rgyal po e la'i 'dab kyi gnas drung du phyin pa dang/ klu'i rgyal po e la'i 'dab kyis mi rgan zhig gi gzugs su bsgyur te dge 'dun gyi mdun du 'ongs nas phyag 'tshal te/ skyes bu dam pa khyed rnams gar gshegs zhes dris pa dang/ dge slong rnams kyis 'di skad du bdag cag gi yul na dad pa med pa sha stag gis gdabs 'tsho ba'i yo byad la sogs pas phongs te/ da yul gan d+ha rar 'tsho ba'i yo byad tsam zhig ci rnyed snyam nas lhags so zhes smras pa dang/ de nas de'i tshe klu'i rgyal po de bde bar gshegs pa'i bstan pa 'jig pa'i mtshan ma rtogs nas mchi ma khrag tu 'dzag cing dus nas/ dge 'dun rnams la yul der gshegs nas shul brgyags ji tsam mnga' zhes rmed par 'gyur ro/ /dge 'dun kun gyis kyang zhib tu brtsis @166a @#/ /nas zhag bco lnga'i brgyags yod do zhes smra bar 'gyur ro/ /klu'i rgyal pos 'di skad du 'di nas yul gan d+ha rar mtsho 'di'i g.yas g.yon du bskor na zhag bzhi bcu rtsa lnga'i shul mchis na/ dgung bco lnga'i brgyags 'tshal lam/ gzhan yang shul ka nas la ka mthon po dang nags tshal stug po dang/ gcan gzan gdug pa dang/ sbrul gdug pa dang/ sdig sbrul la sogs pa dang/ chom rkun pa yang mchis pas phyi nas tshur yang dmag gis bsnyegs pa dang/ mtsho 'di'i nang na yang bdag gi 'khor gtum po dad pa ma mchis pa du ma zhig mchis pas bdag gis phyir bzlog par mi nus te/ bdag ni de'i shul du bzhud par mi dga' zhing mchis so/ /de'i tshe dge slong pho mo mang po de dag thams cad 'di snyam du bdag cag rnams 'chi ba'i dus la bab pa 'dra snyam nas du zhing mya ngan byed par 'gyur ro/ /de'i tshe klu'i rgyal po e pa'i[?] 'dab kyis dge 'dun rnams kyi mdun du pus mo btsugs nas dge 'dun ma bshums shig /bdag gis dge 'dun rnams kyi slad du srog kyang yongs su btang zhing bdag nyid kyi lus mtsho 'di'i steng du zam par bgyid lags so/ /bdag gis sngon bde bar gshegs pa'i bstan pa thog mar legs par ma bsrungs par chad par srog gis god pa zhig gcod par 'tshal lo zhes smras par 'gyur ro/ /de nas klu'i rgyal po des rang gi lus sbrul chen po zhig gi gzugs su bsgyur nas/ bod yul ngos kyi ri 'i rtse mo la ni mgos 'khyud/ yul gan d+ha ra'i ri'i rtse mo la ni mjug mas 'khyud de lus kyi zheng du ni shing rta lnga'i khyon tsam gyi zam par btags so/ /de'i tshe dge slong de dag gis sbrul chen po de'i gzugs de mthong nas sngangs skrag ste/ phyogs su 'byer par 'gyur ro/ /de nas klu'i rgyal po des mi skad phyung ste/ dge 'dun dag ma sdangs shig / bdag gi lus 'di khyed kyi slad du zam par btags pa lags kyis/ ma bsnyengs par rjes dgra choms su dogs pa ni 'bangs dang phyag rjed dang khur rnams sngon la dgyer du gsol de'i 'og tu dge 'dun gzhon rims gshegs su gsol/ /bgres po rnams ni slad kyis gshegs su @166b gsol zhes smra bar 'gyur ro/ /de'i tshe klu'i rgyal po de'i rgyab kyi pags pa phyugs kyi rmig pa dang mi'i rkang pas bshus te rma chen po byung ste mtsho'i nang du rnag khrag kyang 'dzag par 'gyur ro/ /mi phyugs phal yang mtsho'i nang du ltung zhing 'chi bar 'gyur ro/ /tha mar dge 'dun rgan rabs rgal ba'i 'og tu klu'i rgyal po nyid kyang 'chi bar 'gyur ro/ /mtsho de yang skams par 'gyur te/ mtsho bskams pa'i nang du klu'i rgyal po shi ba'i rus pa ri lta bur 'dug par 'gyur ro/ /ma 'ongs pa'i dus na sangs rgyas byams pa 'khor lnga brgya dang thabs cog tu klu'i rgyal po e la'i 'dab kyi rus pa'i drung du gshegs te klu'i rgyal po e la'i 'dab kyi skyes pa'i rabs brjod pas byams pa'i 'khor dge slong lnga brgya po de dag thams cad kyis dgra bcom pa'i 'bras bu thob par 'gyur ro/ /de nas dge slong de dag yul gan d+ha rar phyin nas lo gnyis kyi par du gnas so/ /lo gsum pa'i tshe yul de'i rgyal po dad pa can zhig yod pas 'chi bar 'gyur ro/ /rgyal po de shi ba'i 'og tu rgyal po de'i bu dad pa can zhig dang dad pa med pa zhig rgyal srid la brtod nas dmag gi g.yul bkye nas/ phyogs gnyis su chad par 'gyur ro/ /de'i tshe na dge slong de dag gi nang na dge slong dpa' ba brtul phod pa tsham tshom med par stong zhig yod pas rgyal bu dad pa med pa de dmag gis btab ste pham par byas nas rgyal bu dad pa can de la rgyal srid 'bul bar 'gyur ro/ /rgyal bu dad pa can des zla ba lnga rgyal po byas nas yang dge slong stong po de dag gis bsad nas dge slong gcig rgyal po la bcug ste lo gnyis kyi bar du rgyal po byed par 'gyur ro/ /de'i tshe yul gan d+ha ra'i blon po dang yul mi thams cad 'dus te gsangs nas ci'i phyir nyi 'og gi mi bdag cag gi yul du bros pa/ ngan pa 'dis bdag cag gi rgyal po gsad do zhes gros byas nas 'phral la dmag drangs te rgyal po gtubs par 'gyur ro/ /de'i tshe yul gan d+ha ra na gnas pa'i dge slong thams cad mthong dgu bsad de dge slong gang zhig yul dbus su bros te thar pa de 'ba' zhig gson par 'gyur ro/ /de'i 'og tu yul dbus ma @167a @#/ /gtogs par 'dzam bu'i gling 'di na dad pa med pa gsum 'byung bar 'gyur te/ sig ni la sogs pa mang po zhig gis rgyal po na ti zig gi rgyal po byed par 'gyur ro/ /dru gu rus sna tshogs du mi'i rgyal po ni dru gus byed par 'gyur ro/ /gzhan mang po zhig gi rgyal po ni bod kyi rgyal po byed par 'gyur ro/ /rgyal po de gsum ka ni yang sems mthun par 'gyur ro/ /rgyal po de gsum la dmag dpa' ba/ brtul bod pa sum 'bum zhig yod pas yul dbus ma gtogs pa/ gzhan yang dag pa'i lta ba'i dzin pa'i yul thams cad bcom nas mi mang po kha btags nas grong la sogs pa yang stongs par 'gyur ro/ /de nas rgyal po de gsum 'dus nas yul dbus su dmag drangs zhes gros byed par 'gyur ro/ /de'i tshe na yul dbus kau shAmbI zhes bya bar rgyal po bzod dka' zhes bya ba zhig 'byung bar 'gyur te/ de btsas pa'i tshe khrag gi char pa yang 'bab lag pa gnyis kyang gru mo man chad khrag gis bskus pa lta bur dmar ba zhig yin no de'i blon po yan lag mchog dang ldan pa lnga brgya dang dmag mi g.yul ngor dpa' ba nyis 'bum byung bar 'gyur ro/ /de'i tshe ta zig gi rgyal po la sogs pa gsum yul dbus kau shAmbIr sod nas rgyal po bzod dka' tshol bar byed do/ /de nas rgyal po bzod dkas de skad thos nas dmag dang chas te rgyal po de dag gi mdun du bsgugs nas zla ba gsum gyi bar du rgyun du g.yul chen po sprad pa dang/ rgyal po dad pa med pa de gsum dmag dang bcas te gtan med par brlag par 'gyur ro/ /rgyal po bzod dka' dmag dang bcas pa slar yul du 'khor nas rgyal po de 'di snyam du bdag gis mi mang po kha btags na/ bdag gi 'gro ba ni ji lta bu zhig tu skye bar 'gyur/ nam zhig ngan song gsum las thar par 'gyur snyam du 'gyod pa skye bar 'gyur ro/ / de nas rgyal po de la blon po rnams kyis gsol ba/ ma bsnyengs par dmar bu can gyi yul na dge slong shir sha ka zhes bgyi ba sde snod gsum la mkhas pa zhig bzhugs pas de spyan drongs dang/ des lha khyod kyi las ngan pa de bshags par 'gyur ro zhes smra bar 'gyur la/ rgyal pos @167b byang dge slong de spyan drangs nas/ de'i mdun du las ngan pa ji ltar byas pa thams cad lo rgyus smra bar 'gyur ro/ /dge slong des kyang 'di skad du rgyal po khyod kyis shin tu ma legs pa byas kyi che thang du 'gyod la/ 'dzam bu'i gling gi dge slong thams cad 'dir spyan drongs la rtag tu yo byad lnga phul te; skyabs su 'gro ba dang nyin gcig bzhin du dge 'dun gyi mdun du sdig pa shogs shig /khyod kyis mi mang po kha btags pa'i las bsrabs par 'gyur ro zhes smra bar 'gyur ro/ /de nas de'i tshe rgyal po des yul yul gyi dge slong rnams spyan 'dren pa gtong bar 'gyur ro/ /dge slong rnams kyis kyang yul kau shAmbI zhes bya ba na rgyal po bzod dka' zhes bya ba dge 'dun la yo byad lnga 'bul ba zhig yod do zhes thos nas yi rangs te/ yul kau shAmbI zhes bya bar 'gro bar 'gyur ro/ /de'i tshe yul kau shAmbIr dge slong 'bum 'du bar 'gyur ro/ /de nas tshes bco lnga'i nub mo dge slong rnams gso sbyong la 'dus te dge slong shing sha ka bos nas khyed kyis so sor thar pa'i mdo thon cig ces smra bar 'gyur ro/ /dge slong shir sha kas kyang 'di skad du khyed rnams la so sor thar pas ci zhig bya/ mi sna dang rna ba gcad pa la me long gis ci zhig bya zhes smra bar 'gyur ro/ /de nas de'i tshe dge slong de dag gi nang na dgra bcom ba su ta ra zhes bya ba langs nas seng ge lta bu'i skad kyis dge slong shir sha ka la 'di skad ces khyod ci'i phyir de skad ces smra kho bo ni bde bar gshegs pas bka' stsal pa bzhin bslab pa cig kyang ma nyams so zhes smras pa dang/ dge slong shir sha ka shin tu skyengs par 'gyur ro/ /de nas dge slong shing shaka'i slob ma a kan bi zhes bya bas dgra bcom pa de la 'di skad du khyod ci'i phyir nga'i slob dpon la mi mad sngar de skad smra zhes khros nas lag pa gnyis kyis sgo gtan blangs nas dgra bcom pa de gsod par 'gyur ro/ /de nas dgra bcom pa de'i slob ma dge slong ka ra ta zhes bya bas kyang rang gi slob dpon gsad par mthong nas shin tu khros te dbyug pa blangs nas dge slong shir sha ka gsod par 'gyur ro/ /de'i tshe dge slong dag rim gyis khros nas phyog gnyis su chad nas gcig gis gcig gsod @168a @#/ /par 'gyur ro/ /de nas sum cu rtsa gsum gyi lha thams cad der lhags te/ dge slong shi ba'i ro de dag mthong nas dud mos 'debs shing mchod pa byed par 'gyur ro/ /dge slong de dag gis gos kha dog bsgyur ba dang skra dang sen mo yang lha'i gnas su khyer bar 'gyur ro; /de'i tshe yul der rlung dmar nag po dang/ ser po dang 'dres pa ldang zhing dus dus su me'i char pa 'bab pa dang sa g.yo ba dang/ 'ur sgra dang tug com dag kyang 'byung bar 'gyur ro/ /de nas rgyal po des skya rengs shar ba'i tshe 'di ltar dge slong thams cad kha btags pa mthong nas/ mya ngan gyis gdungs pa'i rgyus mig gis res 'ga' ni mthong res 'ga' ni mi mthong bar 'gyur ba bzhin du myong la/ gtsug lag khang du brgyugs nas cho nges btab ste/ dgra bcom pa dang dge slong sde snod gsum pa'i ming nas 'bod cing de gnyis kyi ro pang gis 'khyud de/ 'di skad du kye sde snod gsum pa khyod ni bde bar gshegs pa'i dam pa'i chos kyi mdzod 'dzin pa lags/ kye dgra bcom pa khyod ni bde bar gshegs pa'i bslab pa'i gzhi 'dzin pa lags na/ da khyed gnyis nongs pas 'jig rten 'di stongs par gyur to zhes smra bar 'gyur ro/ /dam pa'i chos nub pa'i nub mo sum cu rtsa gsum pa'i lha rnams kyang lta ma yin gyis pham par byas nas 'bros par 'gyur ro/ /de nyid kyi nub mo lha rtag tu myos pa'i nang nas lha 'di ni zhes bya ba 'chi 'pho bar 'gyur ro/ /de nas 'dzam bu'i gling de'i bu ram shing dang/ rgun dang sbrang rtsi thams cad kyang nub par 'gyur ro/ /bdud dbang sgyur zhes bya ba yang 'chi bar 'gyur te/ de nas nas dang gro dang 'bras thams cad nub par 'gyur te/ 'dzam bu'i gling gi mi rnams kyi zas su sred dang khre rgod dang rtswa'i 'bras bu sna tshogs za bar 'gyur ro/ /dar dang za 'og dang man tri dang/ ras bzang po la sogs pa yang nub nas gos su gso ras dang/ re phyar la sogs pa gyon par 'gyur ro/ /gser la sogs pa'i rin po che sna tshogs kyi rgyan rnams kyang nub nas rgyan du rtswa las byas pa la sogs pa thegs par 'gyur ro/ /tshon bzang po dang ro zhim po rnams kyang @168b nub par 'gyur ro/ /de bzhin gshegs pa'i sku gzugs rnams kyang klu'i gnas su 'khyer bar 'gyur ro/ /li yul gyi mkhan po rnams 'dus nas li rje btsun legs kyi ring la yos bu'i lo la brtsis nas de nas lo brgya rtsa gnyis na dam pa'i chos nub par 'gyur ro/ /dgra bcom pa dge 'dun 'phel gyis lung bstan pa rdzogs so// !/ /li yul lung bstan pa bzhugs so// @##/ /li'i yul lung bstan pa/ dkon mchog gsum la phyag 'tshal lo/ /li yul byung nas li'i rgyal po rabs drug ni 'das/ rabs bdun gyi rgyal po bi dza ya kIrti zhes bya ba'i tshe na/ sang ka ya pra ha Na ya'i gtsug lag khang dang nye ba'i lung pa sa ka ya byi ri zhes bya ba na/ sang g+ha bard+ha na zhes bya ba'i dgra bcom pa zhig bzhugs te/ /de'i slob ma ban de zhig 'dul ba la slob ba las ban des tsandra garb+ha dang/ 'dul ba'i dar ma sangs rgyas kyi lung mthong nas dgra bcom pa la zhus pa/ li yul dang/ shu lig dang/ an se 'di gsum na sangs rgyas mya ngan las 'das pa'i 'og tu dam pa'i chos kyi gzugs brnyan dang/ mchod rten bzhugs pa rnams dus ji tsam zhig na nub/ sus ni bshig /mthar ji ltar 'chi ba bshad cing lung bstan par gsol pa las/ dgra bcom pas bka' stsal pa/ 'di lta bu'i the tshom zhus pa ni dge'o/ /sangs rgyas shAkya thub pa mya ngan las 'das pa'i 'og tu chos kyi gzugs brnyan dang ring bsrel lo nyis stong du gnas nas nub par 'gyur ro/ /yul 'di gsum du rgya dang/ gdong dmar dang/ so byi dang/ drug gu dang/ hor la sogs pa dgra phal cher g.yos nas rtsod cing 'khrug par 'ong ste/ de bas na sangs rgyas kyis chos nyams shing mchod rten yang phal cher re'u rul du 'gyur ba bshig cing zhig ste/ dge 'dun gyi 'tsho pa'i yo byad kyang 'chad par 'ong ngo/ /yul 'di gsum la yang an se dang/ shul gi ni chos mi byed ba'i dgra mang pos dkrugs te/ phal cher ni bsregs bshig ste stongs par 'gyur ro/ /gtsug lag khang 'di rnams kyi ban de yang phal cher li yul du 'ong ngo/ /li yul gyi gtsug lag khang @169a @#/ /dang mchod rten la sogs pa na byang chub sems dpa' lnga brgya bzhugs te/ nyis brgya lnga bcu ni rab tu byung ba'i tshul du bzhugs/ nyis brgya lnga bcu ni khyim pa'i nang du skye ba blangs te bzhugs/ 'ge'u to shan gyi gtsug lag khang mi bskal pa bzang po'i sangs rgyas stong rtsa lnga'i zhabs kyis bcags shing rgyun mi 'chad par gnas pa'i pho brang du 'gyur ro/ /'phags pa 'di rnams kyi che ba dang/ thugs rje dang/ byin gyi rlabs kyis li yul gyi mchod rten dang/ dam pa'i chos spyod pa dang/ yang yul gzhan las rgyas shing yun ring du gnas so; /rgyal po phal po che li yul 'dod pa'i phyir rtsod cing 'thabs te/ gang gis thob pa'i rgyal po de yang li yul gyi yon bdag chen por 'gyur te/ mi bshig mi 'bri bar byed cing mchod par 'ong ngo/ /de'i dus na gdong dmar gyi rgyal po zhes bya ba dbang thang dang mthu skyes nas yul khams gzhan mang du phrogs bzung ngo/ /de'i tshe na byang chub sems dpa' gcig gdong dmar gyi rgyal po'i skye ba blangs te/ bod khams su dam pa'i chos 'byung ngo/ /yul khams gzhan nas kyang chos kyi mkhan po dang/ gsung rab mdo sde la sogs pa spyan drangs so/ /gdong dmar gyi yul du gtsug lag khang dang/ mchod rten mang du brtsigs/ dge 'dun sde gnyis btsugs/ rgyal po dang blon po la sogs pa dkor ril gyis dam pa'i chos la spyod/ rgyal po gdong dmar de'i tshe li yul yang rgyal po de'i rigs su dbang bar 'gyur ro/ /dam pa'i chos dang/ mchod rten la sogs pa'i dkon mchog gsum gyi mnga' ris mi 'bri/ rgyas par btsugs shing mchod do/ /rgyal po gdong dmar gyi rgyud rabs bdun du dam pa'i chos spyod par 'gyur ro/ /rgyal po 'di'i rabs bdun du yul khams gzhan na dkon mchog gsum gyi mchod rten bzhugs pa la ngan sems dang gnod pa mi byed do/ /de'i dus na li yul gyi dge 'dun yang tsan dra garb+ha'i lung bstan pa las 'byung ba bzhin du dad pa bri/ chos khrims dang mi ldan/ 'jig rten gyi khe dang grags pa tshol/ rgyal po dang blon po'i dku gtsang gi nang du 'jug cid dam pa'i chos dman par byed pa @169b dag kyang mang du 'byung ste/ de'i tshe zhang blon dang/ zhang blon gyi bu tsha yang dad pa 'bri bar 'gyur ro/ /dkon mchog gsum gyi mnga' ris kyang ban des spyad pas li yul gyi mchod rten dang/ dam pa'i chos la sogs pa dkon mchog gsum gyi mnga' ris kyang mngon pas 'brir 'ong ngo/ /rgyal po dang; blon po yang ban de de la mi dga'o/ /de'i rjes la byang chub sems dpa' cig gdong dmar gyi rgyal po byas pa'i rgyud rabs bdun gyi tha ma la rgyal po de'i chung ma rgya yul nas rgya rje'i bu mo kong co byang chub sems dpa' yin pa zhig 'khor drug brgya dang gdong dmar gyi yul du 'ongs so/ / kong co de 'phags par chos la dad dbang thang che bas gdong dmar gyi rgyal po yang dad pa che ste/ sngon bas kyang dam pa'i chos rgyas par 'gyur ro/ /de'i dus na li yul gyi rgyal po gzhon zhing chos mi spyod pa zhig gis li yul gyi dge slong rnams la bsgo ba/ yang na ni skye bor bo pas shig / yang na ni gar dga' bar dengs shig ces bskrad nas dge 'dun ril gyis tsar ma zhes bya ba'i lha khang du 'dus nas gros byed pa'i tshe/ lha khang gi nang 'khor 'dus pa'i dkyil nas gser gyi zan dad gser gyi 'khur ba cha bdun byung nas dge slong lnga stong rgyal pos 'tsho ba bcad de/ mi 'byor ba'i zla ba gsum du 'tsho ba'i zong du 'gyur/ de'i tshe de'i dus na la la ni skye por babs/ ma babs pa gung du 'gro ba rnams kyang pha ma dang/ gnyen 'dun dang/ yul sa dang 'bral ba mi dga' ste/ dud mo chen po 'byung ngo/ /dge 'dun phal mang po lam du zhugs te/ /song ba las 'bong zhes bya ba'i lha khang du phyin pa dang/ de na mchod rten chen po zhig bzhugs pa rlung gi rgyal po dad pa can gyis dral te/ nang nas gser gyi phor pa mu tig gis bkang ba zhig byung nas dge 'dun spyi la phul lo/ /gzhan yon bdag dang pa can gyis 'tsho ba'i yo byad sna sna nas phul lo/ /de nas dge 'dun rnams mdo li me skar gyi yul du phyin te/ mu tig gis zla ba phyed kyi 'tsho ba'i yo byad sbyar ro/ /me skar nas song te/ rkong nya zhes bya ba'i lha khang na dge 'dun bzhugs pa'i tshe bai shra ma Na dang/ dpal gyi lha mo mi khyo shug tu sprul nas yul de na 'dug ste/ @170a @#/ /dge 'dun thams cad la bdag cag bsod nams bgyid do zhes gsol nas/ /zla ba phyed kyi bar du dge 'dun la mchod ston gsol nas dpal gyi lha mos phu rung gang gi gser gyi dong rtse dge 'dun spyir phul te/ dge 'dun ril gyis gdong dmar gyi yul du kha bltas te song ba las/ yul pha shan gyi rong du gcan pa dang phrad de ma bkye'o/ /lam gzhan yod na song zhig ces zer to/ /de'i tshe bi shra ma Na g.yag dkar po rgal ba can snal chu yod pa zhig tu sprul pa dge 'dun gyis mthong ste/ g.yag rgal can 'di ni mi'i phyugs yin pas 'di gar 'gro ba'i phyi bzhin du 'deng zhes zer ro/ /de'i tshe g.yag des nye lam du drangs te/ /zhag bzhi lngas ban de ril gyis gdong dmar gyi yul tshal byi zhes bya bar phyin to/ /de'i tshe yul de'i dbang pos dge 'dun mang po zhig stod phyogs nas byon to zhes gdong dmar gyi rgyal po la sbran to/ /de'i tshe rgyal po'i btsun mos rgyal po la stong phyogs nas dge 'dun yul stor te 'khyams nas byon pa sun ma dang yo byad bdag sbyor na/ gdong dmar gyi yul du spyan drangs bar ci gnang zhes gsol nas gnang ste/ dge 'dun rnams bzhon pa dang 'tsho bas bsu nas gdong dmar gyi yul du phyin to/ /de nas gdong dmar gyi rgyal po dang/ kong co 'khor dang bcas pas mchod rten la phyag byas nas dge slong 'di'i nang na sde snod gsum la mkhas pa'i mkhan po rnams ma gtogs par gzhan 'di ltar mkhas pa bzhugs sam zhes dris pa dang/ mkhan po na re an se dang/ shu lig dang/ bru sha dang/ kha che zhes bya ba'i yul na 'di 'dra bar mkhas pa'i dge 'dun mang du yod do zhes smras pa dang/ de'i mod la 'gugs pa'i pho nya btang ste/ dge 'dun ril gyis gdong dmar gyi yul du spyan drangs so/ /de'i tshe gdong dmar gyi yul du gtsug lag khang bdun brtsigs so/ / mchod pa'i yo byad dang/ dkon mchog gsum gyi mnga' ris kyang sngon bas bskyed nas dge 'dun rnams kyang gtsug lag khang bdun gyi nang du so sor bzhugs so/ /de'i rjes la lo gsum mam bzhin na kong co'i snying gar 'brum chen byung nas na ba'i tshe kong chos rgyal po la gsol pa/ bdag @170b ni nad 'di las mi 'tsho ste/ nga 'gum na bdag gi bran dang/ nor phyugs rnams dkon mchog gsum la mgum par 'bul lo zhes gsol te phul lo/ /'khor drug brgya yang dge bsnyen gyi mtshan mas btab ste rab tu phyung ngo/ /de'i rjes la kong co 'das so/ /kong co 'das pa'i 'og tu rgyal po gdong dmar gyi khams su 'brum nad 'byung ste blon po dang/ zhang blon gyi bu tsha la sogs pa mang du 'chi'o/ /de'i tshe blon po rnams 'dus te rgyal po la gsol pa/ sngon rgyal khams 'di na 'di 'dra ba'i 'brum nad ma byung na/ nga ltar lto bal gyi dge slong 'khyams pa mang po 'ongs nas kong co yang 'das/ blon po dang zhang blon las kyang mang du gum pas ban de 'di kun yang rgyal khams su mi gzhag par bskrad pa'i rigs zhes gsol ba las rgyal pos 'di bskrad pa'i rigs sam mi rigs da dung zhib tu dpyod cig ces bsgo ba las blon po rnams ban de bskrad par kha 'dus nas rgyal po la gsol te/ rgyal khams su ban de ril gyis mi gnas par gros chad nas kun bskrad pa las gdong dmar gyi dge slong khros te/ dge slong 'di rnams bskrad nas bdag cag kyang 'di na mi 'dug go zhes byas pa dang/ blon po rnams khros nas khyed rnams kyang gang dga' bar dengs shig ces bsgo'o/ /kong co gdong dmar gyi yul du 'ongs pa'i 'og tu rgyal pos te'u shi'i chos bzung nas rgya'i dge slong yang ril gyis gdong dmar gyi yul du 'ongs so/ /de'i dus na rgyal khams de'i dge slong gis gdong dmar gyi khams kyi ring bsrel dang/ gsung rab dang/ mchod pa'i yo byad dkon mchog gi mnga' ris gcig kyang ma lus par bkal nas nub phyogs su kha bltas te/ gan d+ha ra chen po'i yul du 'gro bar chas te song ngo/ /de'i tshe rgya dang/ gdong dmar dang/ rgya gar dang/ li la sogs pa ganggA tshun chad na dam pa'i chos spyod pa yang nub par 'gyur ro/ /ganggA'i pha rol na kau shAmbI'i yul du ni zla ba gsum zhig gnas te nub bo/ /gan d+ha ra'i yul gyi 'dab na klu'i rgyal po e la pa tra'i gnas mtsho'i 'gram du dge 'dun rnams phyin pa dang/ dkon mchog gsum gyi byin gyi rlabs kyis mtsho @171a @#/ /yang rnyogs shing 'khrugs par gyur nas/ klu'i rgyal pos nga'i gnas ci ste rnyogs shing 'khrugs snyam ste/ 'phrul gyi mig gis bltas nas sangs rgyas shAkya thub pa'i gsung rab dang/ dam pa'i chos nub tu nye ste/ dge 'dun phal mo che mthong ba'i dus 'di yin par shes nas rgan po zhig tu sprul nas/ mtsho'i 'gram du byung nas dge 'dun la phyag byas te dris pa/ dge 'dun 'di snyed cig ga la byon/ gar gshegs/ dge 'dun gyis smras pa/ bdag cag rgyal po gdong dmar gyi yul na gnas pa las yon bdag dad pa bri/ dkon mchog gi rten bshig pas bdag cag gan d+ha ra chen po'i yul du 'gro'o zhes smras pa dang/ rgan pa na re dge 'dun 'di snyed cig la 'tsho ba ci mnga'/ gan d+ha ra chen po'i yul du mtsho chen po 'di bskor nas 'gron zhag bzhi bcu'i lam yod do/ /dge 'dun la zhag nyi shu'i 'tsho ba las med na phyin tam zhes smras pa dang/ dge 'dun phal cher smre zhing du ba klu'i rgyal pos mthong ste/ klu'i rgyal po mi dga' nas gdung ba skyes te dge 'dun la smras pa/ thad ka 'di na nye lam sbrul gyi zam pa zhig yod de/ de'i steng du 'gro nus na myur du phyin zhes smras nas rgan po mi snang bar gyur to/ /de nas klu'i rgyal po des ri gar 'dzeg pa'i lam zhig snang bar byas/ bdag dngos sprul chen po zhig tu sprul te/ mtsho'i steng du zam par bcas nas dge 'dun phal cher bsgral nas sngon sdig pa byas pa'i las kyis da ltar byol song gi lus thob pa 'di yang thar ram snyam bsams te/ smon lam btab nas sbrul gyi zam pa btsugs so/ /de'i tshe nyin zhag bco lnga mi phyugs rnams rgal ba las mi phyugs kha cig ni sprul gyi zam pa las lhung ste shi'o/ mi phyugs mang po rgyu ba'i tshe sprul gyi rgyab kyang la lar ni rdol/ la lar ni ral te rnag khrag gi thigs pa char bzhin du zags pas mtsho yang khrag can du byas so/ / dge 'dun mang po sprul gyi zam pa rgal ba'i mjug kyang gdong dmar gyis bcad do/ /de'i rjes la sprul mtshor lhung ste/ tshe 'das nas dga' ldan gyi gnas su skyes so/ /mtsho yang bskams so/ /de'i dus na dge 'dun rnams gand+ha ra'i rgyal po'i yul du lo gnyis kyi bar du 'tsho ba'i yo @171b byad sbyar/ so sor ci bder gzhag go/ /lo gnyis lon pa dang rgyal po de tshe 'das so/ /rgyal po la bu gnyis yod pa gcig ni lha chos la dad/ gcig ni mu stegs kyi chos spyod pas rgyal thabs la rtsod par gyur nas lha chos spyod pa'i non ban des byas te/ de rgyal nas rgyal thabs kyang des gzur ngo; /rgyal po de'i tshe dge 'dun yang sngar bas dbang thang bskyed de/ yo byad dang bde bar ldan par gyur nas lo phyed lon pa dang/ ban de gcig gis rgyal po bsad nas rgyal srid pan des gzung bas gand+ha ra'i rgyal 'bangs ril log ste/ ban de rgyal po byed pa de bsad do/ /ban de gzhan rnams kyang rgyal khams de na mi gnas par ril gyis bskrad nas gan d+ha ra'i yul du yang chos nub po/ /de nas dge 'dun rnams kyang yul khams gzhan du 'khyams shing 'dong ngo/ /de'i tshe de'i dus na nub phyogs kyi rgyal po dang/ byang phyogs kyi rgyal po yan pa la sogs pa sngar bas dbang thang bskyed de/ rgyal po gsum mjal dum byas nas rgyal po 'di gsum gyis nub phyogs dang/ byang phyogs kyi yul yang bzung/ rgyal po de gsum gcig cing yang dmag 'bum dang chas te/ kaushAmbI'i yul du drangs pas kau shAmbI'i rgyal pos dam gsum 'bum rgyal po dang bcas te gcig kyang ma las par byas so/ /de nas kau shAmb+hi'i rgyal pos dmag mang po bsad pa'i sdig sbyang ba'i phyir 'dzam bu'i gling gi dge slong ril spyan drangs nas kau shAmbI'i yul du phyin pa'i rjes/ dge 'dun 'khrugs nas gcig gis gcig bsad de/ 'dzam bu'i gling gi spyi'i lha chos kun der nub po/ sangs rgyas shAkya thub pa mya ngan las 'das nas lo bye ba phrag lnga bcu rtsa bdun dang/ sa ya phrag drug na sangs rgyas byams pa mi mjed kyi 'jig rten du sems can gyi don la gshegs so/ /tsan dra gar b+ha'i lung bstan pa dang mthun no/ /'phags pa'i mchod rten gom sa la gand+ha dang/ glang mgo ri'i steng na sangs rgyas shAkya thub pa'i sku gzugs chen po bzhugs pa'i yon tan mdo tsam btus pa'i gzhung la sangs rgyas shAkya thub pa bsod nams dang ye shes kyi tshogs rdzogs nas 'gro ba mang po'i don du bla na med pa'i sangs @172a @#/ /rgyas te bzhugs pa'i pho brangs spyir nyi shu rtsa gcig bzhugs pa la/ li yul 'di yang de bzhin gshegs pa'i pho brang nyi shu rtsa gcig pa lags te/ bzhugs pa'i pho brang gzhan pas yon tan lhag par che/ li yul ni gna' mtshor mchis pa'i dus na sangs rgyas shAkya thub pas yul du 'gyur par lung bstan cing byin gyis brlab pa'i slad du byang chub sems dpa' dang/ nyan thos dang/ lha klu sde brgyad la sogs te 'khor khri phrag nyi shu dang/ bya rgod phung po'i ril bar snang las ldings te/ li yul mtshor gyur par gshegs nas da ltar chu bo shel chab mgo ma'i 'gram na chab kyi steng padma'i gdan la bzhugs te/ mtsho 'di yul du 'gyur bar lung bstan byin gyis brlabs te/ byang chub sems dpa' sems dpa' chen po brgyad 'khor nyi khri dang/ mgon po srung ma brgyad 'khor sum khri lnga stong lnga brgya rtsa bdun rnams la 'phags pa'i mchod gnas 'di dang/ yul srung bar bka' zhal gyis gtad de/ dam stsal ba'i rjes la/ shA ri'i bu dang/ rnam thos kyi bus snag gi ri dril te chab pho nas dogs dga' pa dang/ sangs rgyas sngar padma'i gdan la bzhugs te/ ri glang ru'i steng da ltar shAkya thub pa'i sku gzugs chen po bzhugs pa'i sar gdugs mtshan bdun gyi bar du ting nge 'dzin gyis rnam par rol cing bzhugs nas slar rgya gar gyi yul yangs pa'i grong khyer du gshegs te/ mya ngan las 'das nas dgung lo brgya lon pa dang/ li yul yang yul du gyur nas sngar yang sangs rgyas rgya mtsho'i steng na padmo la bzhugs pa'i thad kar da ltar go ma sa la gand+ha'i mchod rten bzhugs pa'i nang na shel ljang gu'i pho brang gi steng glang mgo tsandan las bgyis pa'i mchod rten gyi nang na gnas pa'i sangs rgyas rabs bzhi'i ring bsrel bzhugs te/ la la gnas der phyin te mchod pa gces spras kyi mchod do cog thams cad lung bstan cing phyir mi ldog par rig par bya ste/ gdugs tshan bdun gyi bar du bskor cing mchod pa bgyis na mtshams med pa lnga'i sdig pa 'byad par 'gyur ro zhes 'byung ngo/ /dngar ldan gyi grong khyer mkhar dge ba can gyi shar @172b phyogs na 'phags pa'i mchod gnas sangs rgyas kyis lung bstan zhing byin gyis brlabs pa'i ad+ha ma'i mchod rten lcags thag can bzhugs pa yang mgon po sum cu rtsa gsum gyi gnas rten/ lha klu sde brgyad la sogs te srung ma rnams dus bzhi'i rab la 'du ba'i 'dus pa chen po ste/ dge 'dun sde gnyis dang/ yul gyi dpon sna rnams kyis gna' mchod rten 'di srid pa tshun chad deng sang gi bar du dus bzhi'i rab la nar mar mchod pa che thang du bgyid/ gzhung las kyang li yul du mi ngas dang phyi dgra la sogs te ma legs pa byung ba'i dus su theg pa chen po'i mdo sde 'dus pa chen po dang/ dam pa'i chos padma dkar po'i mdo sde bklags na g.yul zhi bar 'gyur zhes 'byung bas gzhung la brten te lugs su stsal nas deng sang gi bar du dgung lo gcig bzhin dpyid dang/ dbyar dang/ ston 'u then gyi dge 'dun bzhugs so/ /'tshal gyi dgung bdun gyi bar gong du smos pa'i mdo sde la sogs pa klog cing thugs dam bskul ba dang/ bsngo bcol rgya cher bgyid/ mchod rten chen po brgyad la yul ser skya'i grong khyer lum pa'i tshal du mchod rten chen po gcig /yul ma gad+hA rgyal po'i khab chu bo nai ra nydza na'i 'gram rdo rje'i gdan la mngon par byang chub pa'i sar mchod rten chen po gcig yul ma gad+hAr rgyal po'i khab tu bdud kyi dmag 'bum phrag bco brgyad btul ba'i sar mchod rten chen po gcig sangs rgyas mngon par byang chub nas gdugs tshan bdun gyi bar du cang mi gsung bar bzhugs pa dang/ tshangs pas chos kyi 'khor lo bskor bar gsol ba btab pa'i sar mchod rten chen po gcig /yul kA shi bA rA Na sI'i grong khyer gyi drung na ri dags kyi tshal du chos kyi 'khor lo bskor ba'i sar mchod rten chen po gcig /yul ko sa la mnyam du yod pa'i grong khyer du mar bdud sde dgu bcu rtsa drug pham par mdzad nas cho 'phrul chen po bstan pa'i sar mchod rten chen po gcig /yul ba sang sang ga sha'i grong khyer du sangs rgyas sum cu rtsa gsum gyi lha yul nas gshegs pa'i sar mchod rten chen po gcig /gyang yul rtsa mchog gi grong khyer shing sA la zung gi 'og tu mya ngan @173a @#/ /las 'das pa'i sar mchod rten chen po gcig /ring bsrel gyi mchod rten chen po brgyad la ram gra ma ka'i yul du mchod rten chen po gcig /pa pa'i yul du ring bsrel gyi mchod rten chen po gcig /gyad yul na ring bsrel gyi mchod rten chen po gcig /yangs pa'i yul na ring bsrel gyi mchod rten chen po gcig /tsanytsA kalpa'i yul na ring bsrel gyi mchod rten chen po gcig /baiShNU dwI pa'i yul na ring bsrel gyi mchod rten chen po gcig /ser skya'i yul na ring bsrel gyi mchod rten chen po gcig /rgyal po'i kha ba na ring bsrel gyi mchod rten chen po gcig li yul gyi lo rgyus dang/ gtsug lag khang dang/ dge 'dun sde gnyis kyi grangs ni gna' thog ma sangs rgyas 'od srungs 'jig rten du byung ba'i tshe li yul yang de tsam na yul du gyur te/ de na gnas pa'i mi rnams kyang chos bgyid/ slad kyi sangs rgyas 'od srungs kyi chos bstan pa gzhag pa nub pa'i tshe/ li yul gyi chos kyang zhig nas drang srong khar shwa dang/ kha re'u steng zhes bgyi ba la sogs pa drang srong mang po'i yul mi ring ba zhig tu li yul phyogs kyi ri rtsa dag na gnas te/ des na dge ba'i bshes gnyen bgyid bgyid pa las slad kyi drang srong de rnams la mi ngan kha cig gis gtses nas rngan can bgyis/ bkur sti dang rim gro ma bgyis pas dang srong de rnams kyang mi dga' nas li yul spangs te/ nam mkha' la ldings nas yul gzhan du mchis/ de nas ni li yul gyi mi rnams kyang chos la ma dad de lta ba logs par gyur te/ klu rnams mi dga' ste chab byung nas li yul yang mtshor gyur to/ /yun ring mo zhig tu mtshor mchis mchis pa las slad kyi yangs sangs rgyas shAkya thub pa rgya gar yul du byung ste/ sems can gyi don mdzad cing chos kyi 'khor lo bskor ba la sogs pa sangs rgyas kyi phrin las su mdzad pa rnams mdzad nas mya ngan las 'da' bar bstan pa nye ba zhig gi dus na/ sangs rgyas bcom ldan 'das shAkya thub pa rgyal po'i khab bya rgod phung po'i ri la bzhugs te zla ba'i snying po gsungs pa'i tshe yul khams so so'i mgon po dang/ lha klu la sogs pa srung ma rnams la gtad pa'i @173b dus na li yul yang lung bstan te/ rnam thos kyi sras dang/ gnod sbyin gyi sde dpon chen po la sogs yang dag shes dang/ rgyal po ma skyes dgra'i bu mo dri ma med pa'i 'od dang/ gzhon nu rdo rje sde dang/ lha'i bu mo blo rab brten dang/ lha mo 'phrog ma la sogs pa 'khor dang bcas pa la gtad nas bcom ldan 'das nyid kyang 'khor rnam bzhi 'bum phrag du ma dang nam mkha' la ldings nas li yul du gshegs te/ da ltar 'gum tir gyi mchod rten chen po bzhugs pa'i thad kar mtsho'i steng du ta la bdun srid tsam gyi gnam 'phang gi nam mkha' la padma'i gdan la bzhugs nas phyogs bcu'i sangs rgyas kyi zhing so so nas de bzhin gshegs pa rnams kyis li yul byin gyis brlabs pa'i slad du bskul ba'i 'od zer phyogs su khyab par btang/ phyogs bcu na bzhugs pa'i de bzhin gshegs pa thams cad kyis kyang li yul byin gyis brlab pa'i slad du sangs rgyas kyi zhing so so nas sangs rgyas shAkya thub pa la mchod pa bgyid pa'i byang chub sems dpa'i 'khor dang yul 'khor bsrung zhing byin gyis brlab pa'i sngags kyi snying po dang/ 'od zer btang nas dus gcig tu sangs rgyas shAkya thub pa'i spyi gtsug tu 'dus par byin gyis brlabs nas dge'o zhes bya ba'i sgra chen po byung ngo/ /de nas bcom ldan 'das shAkya thub pas kyang li yul mtshor gyur pa 'od zer gyis khyab par mdzad nas 'od zer de dag las chu'i khar padma sum brgya drug cu rtsa gsum byung/ padma re re'i khar yang me mar kha re re byung de nas 'od zer de dag gcig tu 'dus nas chab kyi steng du g.yas phyogs su lan gsum bskor nas chu'i dkyil du nub par 'gyur ro/ /de nas bcom ldan 'das kyis 'phags pa'i shA ri'i bu dang/ rnam thos kyi sras la bka' stsal pa/ khyed kyis maM sa bar na barba ta zhes bya ba'i ri snag gi kha dog 'dra ba'i mtsho 'di drol zhig ces bka' stsal nas/ 'phags pa shA ri'i bu'i gseg shang gi rtsa ba dang/ rnam thos sras kyi mdung rtses mtsho dral nas/ bcom ldan 'das kyang glang mgo'i ri steng na sku gzugs chen po bzhugs pa'i g.yon logs kyi lha khang gi nang @174a @#/ /nad ltar mchod rten chung du zhig bzhugs pa'i sar sems can gyi don mdzad pa'i slad du gdung bdun de na bzhugs so/ /de nas 'phags pa kun dga' bos bcom ldan 'das la zhus pa/ bcom ldan 'das ci'i rgyu/ ci'i rkyen gyis 'od zer dang/ padmo dang/ me mar 'di dag snang bar 'gyur/ /ci'i rgyu ci'i rkyen gyis 'od zer 'di rnams gcig tu 'dus nas g.yas logs su lan gsum bskor te chab kyi dkyil du nub/ de nas bcom ldan 'das kyis kun dga' bo la bka' stsal pa/ shA ri'i bus gseg shang gi rtsa ba dang/ rnam thos sras kyi mdung rtses mtsho dral bas phyis 'tsho bskams nas nga mya ngan las 'das pa'i 'og tu yul li yul zhes bya ba 'di 'byung ste/ 'od zer lan gsum 'khor ba'i sar ni khor khor yug tu phyis 'u then gyis mkhar lnga ldan gyi grong khyer chen po brtsig par 'gyur ro/ /chu'i dkyil du 'od zer nub pa'i sar ni yul byin gyis rlob cing srung ba'i rA dza gra ma'i sangs rgyas kyi sku gzugs ngas tsandan gyi nang du sku'i grib ma nub par byin gyis brlabs te byas pa zhig rgya gar yul nas nam mkha' las gshegs te bzhugs par 'gyur ro/ /chu'i nang na padmo dang me mar byung ba'i sar ni phyis theg pa chen po spyod pa'i dge slong pho mo gnas pa'i gtsug lag khang chen po sum brgya drug cu rtsa gsum rgyal po la sogs pa yon bdag dad pa can rnams kyis brtsigs nas de bzhin gshegs pa'i sku gdung la mchod pa byed pa'i byang chub sems dpa'i dge slong pho mo'i tshul dug nas pa nyis brgya lnga bcu dang khyim pa skye bo'i tshul du gnas pa nyis brgya lnga bcu ste lnga brgya rtag tu nags so/ /gzhan yang phyir mi ldog pa'i la ngas pa'i byang chub sems dpa' theg pa chen po'i chos la rgyas par spyod pa la phal cher gnas te/ 'di ni dus gsum du gshegs pa'i sangs rgyas kyi zhing khud pa yin no zhes byang chub sems dpa' 'jam dpal dang/ spyan ras gzigs kyi dbang phyug la sogs pa byang chub sems dpa' brgyad dang/ rnam thos kyi sras dang/ gnod sbyin gyi sde dpon chen po yang dag shes dang/ rigs kyi bu mo dri ma med pa'i 'od dang/ gzhon nu @174b rdo rje lam dral dang/ lha klu la sogs pa la dus thams cad du srungs shig par de bzhin gshegs pas gtad do/ /de nas bcom ldan 'das la byang chub sems dpa' 'jam dpal dang/ byams pa dang/ spyan ras gzigs kyi dbang phyug dang/ nam mkha'i snying po dang/ sa'i snying po dang/ kun du bzang po dang/ mthu chen dang/ sman gyi rgyal po byang chub sems dpa' dang/ rnam thos kyis ras 'khor gnod sbyin sum stong dang/ gnod sbyin gyi sde dpon yang dag shes 'khor khri phrag bcu dang/ lha gzhan gyis mi thub pa'i 'khro stong dang/ nam mkha'i spyan 'khor brgyad stong dang; lha'i bu gser phreng 'khor lnga brgya dang/ klu'i rgyal po gnas dros po 'khor stong dang/ lha mo lcags kyu can 'khor stong phrag bcu dang/ lha mo gnas ldan ma 'khor lnga stong dang/ rigs kyi bu mo dri ma med pa'i 'od dang/ gzhon nu rdo rje sde dang/ lha'i bu blo rab brtan dang/ lha mo 'phrog ma 'khor dang bcas pa la sogs pas bcom ldan 'das kyi spyan sngar dam tshig bcas nas li yul bsrung bar zhal gyis bzhes te/ deng sang gi bar du yang 'phags pa byang chub sems dpa' 'di brgyad dang/ rnam thos kyi sras la sogs pa'i mgon po dang/ lha dang/ klu dang/ lha mo rnams thog ma sangs rgyas gau to shan du gshegs te 'khor mang pos bskor nas bzhugs pa'i tshe byang chub sems dpa' 'di rnams dang/ mgon po dang lha klu rnams gal bzhugs bzhugs pa'i gnas dang/ dam tshig blangs pa'i sar da dung yang yul srung zhing byin gyis rlob/ mngon rtags dang mtshan ma dag kyang/ 'byung; de nas sangs rgyas mya ngan las 'das nas dgung lo nyis brgya sum cu rtsa bzhi lon pa'i 'og tu rgya gar gyi rgyal po d+harma a sho ka zhes bgyi ba zhig gis sngon sems can mang po zhig bkum pa las slad kyi 'phags pa dgra bcom pa ya sho zhes bgyi ba zhig gis dge ba'i bshes gnyen bgyis nas/ sngar sdig pa mi dge ba'i las ci bgyis pa mthol zhing bshags/ slad kyis mi bgyi bar yang yi dam bcas/ 'dzam bu'i gling na sangs rgyas shAkya thub pas byin gyis brlabs pa'i gtsug lag khang dang/ mchod rten bzhugs pa rnams su mchod pa bgyid cing/ dogs @175a @#/ /byin can gnyen po byin gyis brlabs pa mchis so 'tshal du gtsug lag khang dang/ mchod rten brgyad khri bzhi stong brtsig tu mchis pa las mtsho ba skams nas li yul yang stong du mchis pa'i tshe/ da ltar 'u then gyi sku mkhar mchis ba'i dog sar kus po yin du shul phyung nas dro dgongs shig btab pa'i nub mo rgyal po'i btsun mo dam pa las khye'u mtshan dang ldan pa bzang po zhig btsas nas/ sngon rgyal po'i btsun mos de kun dga' ra ba'i skyed mos tshal du mchis pa las/ rdzing bu'i nang du khrus bgyid cing mchis pa'i dus na rnam thos sras 'khor dang bcas pa nam mkha' la gshegs pas kyang gzigs/ rgyal po'i btsun mos kyang rnam thos sras kyi sras byad bzhin bzang po mthong bas sems kyi bur chags pas kus po yin du btsas nas/ rgyal po d+harma a sho kas ltas mkhan rnams bkug ste/ bu 'di'i tshe ring ngam thung/ mtshan ma bzang ngan dang/ dbang thad ci yod ces brtags na/ ltas mkhan rnams kyi mchid nas bu 'di mchan ma yang bzang/ dbang thang yang rab tu che ste/ mi tha mal pa ma lags pas rgyal po yab sku tshe ma 'phos bar rgyal po bgyid par 'gyur zhes bgyis pa dang/ rgyal po d+harma a sho ka phrag dog skyes te khros nas/ kho de ltar dbang thang che na kho bdag 'tsho zhing srid 'dzin grang/ 'di nga la mi dgos kyis bor cig ces mchis nas/ mas kyang bu 'di mi bor du ni rgyal po khro zhing drag shul che bas bu bkum du dogs nas mas bu de bor ba las slad kyis sa las nu ma byung nas de 'tshal ba las ma gum nas ming yang phyis sa nur btags so/ /de'i rjes la rgya rje byang chub sems dpa' chen po bu stong dbang ba cig byung ste/ de la bu dgu brgya dgu bcu rtsa dgu ni mchis na/ stong du bu gcig gis ma tshang bas rnam thos kyi sras la gsol ba btab ste bslangs pa las rnam thos kyi sras kyis bltas pa na khye'u sa nu bsod nams can por ba mthong nas blangs te rgya rje'i bu skal du stsal; de nas rgya rjes bu de gsos nas slad kyi khye'u chen por skyes nas rgya'i bu sbun dar byis pa rtse rtse ba las 'thabs nas khyod rgya rje'i bu ma yin no zhes bgyis pa dang/ khye'u de glo ba mi dga' nas mi gzhan dag la yang lo rgyus smras nas yang de ltar gyur nas rgya rje la bdag thog ma skyes pa'i @175b yul tshol/ sa tshol du mchi bar ci gnang zhes gsol ba las/ rgya rje'i zhal nas khyod nga'i bu yin te/ yul sa yang 'di yin mi dga' ma byed cig ces lan du ma bsgo ba las ma nyan nas rgya rjes rgyal bu sa nu rgyal po'i thabs stsal te/ dmag stong phrag bcu dang bsgrags te nub phyogs su yul tshol/ sa tshol du btang ba las li yul gyi me skar du phyin te/ de nas mchis pa la rgya gar yul nas kyang rgyal po d+harma a sho ka'i blon po ya sha zhes bgyi pa la dku dar nas/ blon po ya sha spad spun rje khol 'khor yan chad rgyal po la mi dga' ba bdun stong yul nas byung ste/ nub phyogs shar phyogs su yul tshol sa tshol du mchis mchis pa las/ 'u then gyi shel chab gong ma'i yul phyogs su mchis pa dang rgyal bu sa nu'i 'khor gyi tshong pa shel bgyi ba dang/ zod bgyi ba gnyis la ba sbrum ma thun mong ba cig mchis pa las/ /ba bu nad langs nas me skar nas zhugs ngams thang kar brtol te to lar bros pa las/ mi de gnyis kyis rjes bzhin du bdas pa las to lar slebs te/ ba be'u 'brangs pa las yul de'i ming yang be'u 'brangs pa'i sa 'bru so lo nya zhes btags/ to la'i zhugs dams kyi ming yang li skad du sher bzang zhes btags te de nas mi gnyis kyis bltas nas/ yul ljongs stong pa bzang po zhig gda' nas 'di bdag cag gi rgyal bu sa nu'i yul sar rung ngo zhes mchid gros su 'tshal nas yul sa de lta zhig mchis mchis pa dang/ 'u then gyi shel chab gong mar mchis pa dang/ blon po ya sha'i 'khro dang mjal nas khyed su'i mi/ ga las mchis zhes smras pa dang/ mi de gnyis kyis kyang rgyal bu sa nu'i lo rgyus zhib tu bshad pa dang/ ya shas kyang rgyal bu sa nu me skar na mchis pa'i steng du pho nyas 'phrin pa las khyod ni rgyal rigs/ bdag ni blon po'i rigs na/ chu srid cig tu 'tham ste/ khyod kyis ni rgyal po byas/ bdag gis blon po byas te'u then gyi ljongs 'dir yul sar btsugs na rung ngo zhes mchi na/ de nas rgyal bu sa nu yang 'khor dang bcas te 'u then gyi shel chu ngo mar mchis nas tshar 'di nya'i 'og yul hang gu dzo zhes bgyi bar mjal te/ rgyal bu dang blon po ya sha gnyis yul sa la ma dum ste/ dmag bkye ste 'thabs pa las nam mkha' @176a @#/ /las rnam thos kyi sras dang/ dpal gyi lha mo byung nas bshug te/ 'thab tu ma stsal nas/ dog sa de nyid du rnam thos kyi sras dang/ dpal gyi lha mo bzhugs pa'i steng khang re re zhig brtsigs pa yang deng sang gi bar du mchis te/ yul gyi srung mar gtso bo rnam thos kyi sras dang/ dpal gyi lha mo mchod pa yang de lags/ de nas rgyal bu sa nu dang/ blon po ya sha yang dum nas sa nus ni rgyal po bgyis/ ya shas ni blon po bgyis nas rgyal po sa nu'i 'khor rgya rnams ni'u than gyi shel chu 'og ma man chad mdo lo skor dang/ skam sheng yan chad du bkod/ blon po ya sha'i 'khor rgya gar rnams ni shel chu gong ma yan chad rgya dang/ kong sheng man chad du bkod/ shel chu dbus ni rgya gar dang/ rgya'i blon po dang/ 'bangs stod rims 'dres par bkod nas yul btsugs mkhar brtsigs te/ rgya gar dang rgya phrad pa'i yul ni li lags te/ 'phral skad ni rgya gar dang rgyar mi mthun pa/ yi ge ni rgya gar dang bags kyis mthun/ 'jig rten pa'i lugs ni rgya dang phal cher mthun/ chos kyi lugs dang chos skad ni rgya gar dang phal cher mthun/ li'i 'phral skad ni thog ma byang chub sems dpa' 'jam dpal nyan thos kyi dge slong gi tshul du sprul te/ mtshan bai ro tsa na zhes bgyi bas byis pa phyugs rdzi khye'u 'jos dang/ mu le 'ji zhes bgyi ba gnyis la sogs pa la yul tsar ma zhes bgyi bar li skad phyung ste/ kun la bslabs nas/ khye'u de gnyis kyang gar mchis pa'i cha su la yang ma mchis te/ 'di skad kyang thog ma 'phags pa rnams kyis bstan zhing bslabs pa las/ thog ma li yul byung nas dgung lo du lon pa ni gau to shan gyi mkhan po mo rgu de shing la sogs pa mkhan po bgres rims rnams kyis mkhan po snga rabs rnams la bka' mchid thos pa dang/ 'phags pa rnams kyis lung bstan pa dang/ li rje'i rgyal rabs kyi yi ge dang zhib tu gtugs nas/ gna' thog ma rgya gar yul du rgyal po ma skyes dgras rgyal po bgyis pa nas brtsis na rgyal po ma skyes dgras spyir dgung lo sum cu rtsa gnyis rgyal po bgyis pa las/ rgyal sred bzung ste dgung lo lnga lags pa las sangs rgyas mya ngan las @176b 'das; de tshun chad dgung lo nyi shu rtsa bdun rgyal po bgyis te/ rgyal po ma skyes dgra nas rgyal po d+harma a sho ka'i bar du rgya gar gyi rgyal po rabs bcus rgyal srid bzung ste/ d+harma a sho kas spyir rgyal po dgung lo lnga bcu rtsa lnga bgyis pa las rgyal por zhugs nas dgung lo sum cu lags pa'i 'og tu rgyal bu sa nu btsas te/ sa nu dgung lo bcu gnyis lon pa'i tshe rgyal rje rgyal thabs btsal nas/ thag ma skyes pa'i yul tshol sa tshol du mchis pa las rgyal pos nu dgung lo bcu dgu lon pa'i tshe li yul btsugs te/ thog ma li rjer zhugs pa yan chad zhib tu brtsis nas sangs rgyas mya ngan las 'das nas dgung lo nyis brgya sum cu rtsa bzhi lags nas li yul yang gdod byung bar 'gyur/ rgyal bu sa nu thog mar li rjer zhugs nas rgyal srid bzung tshun chad dang/ li rje btsan bzang btsan la brtan thog mar li rjer bskos nas li rje'i rabs lnga bcu rtsa drug dang/ chag tshab cig byung ngo/ /gna' dang po mtsho bskams nas rgyal bu sa nu dang/ blon po ya sha la sogs pas thog mar gzhi bzung ste yul btsugs/ rgyal bus nu'i bu rgyal po ye'u la zhes bgyi bas 'u then gyi dngar ldan gyi grong khyer brtsigs te/ li yul byung nas dgung lo brgya drug cu rtsa lnga 'das pa'i 'og tu rgyal bu ye'u la'i bu rgyal po bi dza ya saM b+ha ba zhes bgyi bas rgyal por zhugs nas dgung lo lnga lags nas li yul du thog mar chos byung ste/ 'jam dpal dang byams pa gnyis gyis li yul 'di dus gsum gyi sangs rgyas kyi khud pa lags par thugs su chud nas byams pa ni mir skye ba blangs te/ rgyal po bi dza ya sam b+ha ba zhes bya ba sprul/ 'jam dpal ni dge slong 'phags pa bai ro tsa na'i gzugs su sprul nas las dang nyon mongs pa mthar phyin pa'i gnas yul tsar ma tsu le'i tshal du gshegs te/ li yul na mchis pa'i sems can rnams kyi dge ba'i bshes gnyen mdzad cing li skad kyang byis pa phyugs rdzi rnams la bcos shing bstan/ li'i yi ge yang bslabs nas de'i 'og tu chos byung ngo/ /de nas rgyal po ye'u la'i rgyal po bi @177a @#/ /dza ya saM b+ha bas yon bdag bgyis nas dge ba'i bshes gnyen 'phags pa bai ro tsa na'i slad du thog mar li yul du tsar ma'i gtsug lag khang chen po brtsig par bgyid pa las li rje bi dza ya saM b+ha ba'i blon po dang/ 'bangs 'khor dang bcas pa kun gyis kyang tsar mar gtsug lag khang re re brtsig par gsol nas brtsigs pa mang po zhig byung ba las rgyal pos bsams pa/ gtsug lag khang brtsig tu ma stsal na ni bdag la dngos sdig tu 'gyur/ /de snyed cig brtsigs na ni slad kyis zhig ral du gyur na yang mi slongs su glo ba chung nas dge pa'i bshes gnyen 'phags pa bai ro tsa na la zhus pa na/ de bzhin gshegs pa'i sku gdung shA ri ram su la bzhugs pa rnams kyi gtsug lag khang dang/ mchod rten rtsig shig ces bsgo na/ sdig tu mi 'gyur ro zhes byung nas/ rgyal pos kyang blon po dang 'bangs rnams la de bzhin du bsgo nas tsar mi'i gtsug lag khang chen po rgyal po bi dza ya saM b+ha bas brtsig pa'i tshe/ rgyal po'i 'khor dang blon po dang 'bangs rnams kyi rtsar ma'i gtsug lag khang chung du dang/ mchod rten brtsigs so 'tshal gyi nang na shA ri ram ma stsal ba cig kyang ma mchis te/ gtsug lag khang brtsigs pa lags nas/ 'phags pa bai ro tsa nas rgyal po bi dza ya sam b+ha ba la rgya po gaNDI brdungs la 'phags pa rnams spyan drongs shig ces bgyis pa dang/ rgyal po'i mchid nas de bzhin gshegs pa mngon sum du 'dir gshegs te bdag gi lag tu gaNDI ma stsal gyi bar du bdag gaNDI mi brdung ngo zhes smon lam btab pa dang/ de ma thag tu 'jam dpal gyi sprul pa dge slong bai ro tsa nas nam mkha' la de bzhin gshegs par sprul te/ nyan thos chen po bcu drug dang thabs cig tu tsar mar de bzhin gshegs pa'i tshul bstan nas rgyal po bi dza ya saM b+ha ba'i lag tu gaNDI stsal nas; rgyal pos gaNDI brdungs pa dang dgung bdun gyi bar du gaNDI de'i sgra ma chad par byung ste/ de bzhin gshegs pa'i sprul pa mngon sum du gshegs pa'i dan rtags su gor ma la zhabs kyis bcags pa'i rjes da dung gi bar du tsar ma na mchis/ 'phags pa nyan thos chen po bcu drug la mchod pa @177b rin po che sna tshogs las bgyis pa'i bshos cha bcu drug rgyal pos phul ba yang tsar ma'i gtsug khang gi nang du 'phags pa rnams kyis gter du stsal te/ phyir dus dmas shing dge 'dun la yon bdag ma mchis te 'tsho ba mi 'byor ba'i dus na rin po che'i bshos cha de rnams de'i tshe sa'i 'og nas 'byung zhes 'phags pa dge 'dun 'phel gyis lung bstan pa dag las kyang 'byung/ dge slong 'phags pa bai ro tsa na'i mchod pa'i rkyen du klu'i rgyal po hu lor zhes bgyi bas kha che'i yul nas de bzhin gshegs pa bdun gyi sku gdung bzhugs pa'i mchod rten cig spyan rangs nas nam mkha' las gshegs pa dang ltar tsar ma na bzhugs te/ mchod rten 'di dri gtsang khang gi nang na bzhugs te/ grib ma slad rol du gsal bar 'byung/ rgyal po bi dza ya sing ha zhes bgyi ba tsar ma'i gtsug lag khang du mchod pa bgyid du mchis pa las sku gzugs lder so bgyis pa cig 'chag cig gshegs par mthong nas mtshams med pa lnga byang ngo zhes mchi ba yang da ltar bzhugs/ gtsug lag khang de'i srung mar zhal gyis bzhes pa yang/ lhan nam mkha'i spyan dang nor bu bzang po zhes bgyi ba lags te/ deng song gi bar du mngon rtags dang/ mtshan ma dag kyang 'byung/ 'phags pa'i lung bstan dag kyang sbyar na yang thog ma gtsug lag khang 'di rnams brtsigs pa yang dge ba'i bshes gnyen dang/ yon bdag 'phags pa sha stag gis mdzad la gtsug lag khang dang mchod rten bzhugs so 'tshal gyi nang na yang de bzhin gshegs pa rnams kyi sku gdung dang byang chub sems dpa' dang/ nyan thos dang/ rang sangs rgyas kyi sku gdung bzhugs pas gnyan cing byin che rab ste/ thog ma li yul du gtsug lag khang byung ba yang 'di las snga ba ma mchis so/ /de nas tsar mar 'jam dpal gyi sprul pa dge slong 'phags pa bai ro tsa nas chos phyung rgyal po bi dza ya saM b+ha bas gtsug lag khang brtsigs tshun chad rgyal po li rje rabs bdun gyi bar du gtsug lag khang gzhan ma brtsigs/ de nas de'i 'og tu rgya gar yul nas 'phags pa dgra bcom pa budd+ha du ta dang/ kha gang ta dang/ kha ga ro yang dang/ kha ga drod dang bzhi byung ste/ gau to shan gyi Arya sta nar bzhugs so/ /de'i tshe byang chub sems dpa' byas pa yang li rje ba dzi @178a @#/ /ya bIrya bya bar gyur te/ rgyal po de srog mkhar gyi steng nas bltas nam khar gyi phyi rol na gser dang/ dngul lta bur snang ba zhig mthong nas bsnyags pa dang/ da ltar 'gum tir gyi mchod rten chen bo bzhugs pa slebs nas bltas na/ sha ba ni gnod sbyin gyi sde dpon chen po yang dag shes su gyur te rgyal po la smras pa/ kye rgyal po khyod sangs rgyas kyis lung bstan pa bzhin 'dir gtsug lag khang gcig brtsigs pa rigs so zhes bgyis pa dang/ su'i phyir brtsigs zhes rgyal pos zhus pa dang/ sangs rgyas kyi pho nya zhes bgyi pa 'phags pa dgra bcom pa budd+ha ta la sogs pa bzhi khyed kyi dge ba'i bshes gnyen du 'ongs pa 'di dag gi phyir brtsig ces bsgo ba dang/ 'phags pa dgra bcom pa de dag kyang rgyal po bi dza ya bIrya'i drung du byon nas chos bshad pas rgyal po yang tshe snga ma'i smon lam dran nas de ma thag tu dogs brtag pa'i phur bu der btab ste/ gtsug lag khang 'gum tir brtsigs so; /de nas rgyal po bi dza ya bIrya 'gum tir gyi gtsug lag khang du mchod pa bgyid du mchis pa'i tshe bu chung ngu zhig stor nas rjes bcang pa de btsal na/ gau to shan gyi lung bu'i nang nas sangs rgyas 'od srungs kyi sku gdung bzhugs pa'i mchod rten gyi drung nas bu rnyed de/ de nas rgyal pos mchod rten 'di gang gi dus na sus brtsigs zhes smras pa dang/ dge ba'i bshes gnyen 'phags pa de dag gi zhal nas mchod rten 'di sangs rgyas 'od srungs mya ngan las 'das pa'i tshe brtsigs te sangs rgyas 'od srungs kyi sku gdung bzhugs so/ /li yul sngon mtshor gyur ba'i dus na mchod rten 'di ris g.yogs te chus ma zhig la/ phyis kyang yul 'di mchod 'gyur te/ yang mchod rten 'di ris g.yogs nas chus mi 'jig ste/ sangs rgyas byams pa byung ba'i tshe yang mtsho bskams nas yul du gyur pa'i dus na mchod rten 'di 'byung ste/ gnas 'di ni rus gsum du gshegs pa'i de bzhin gshegs pa rnams kyis sangs rgyas kyi zhing khud pa'i nang na yang gau to shan 'di pho brang sa gcig yin te dus gsum gyi sangs rgyas rnams kyang kun 'dir gshegs shing lung ston/ sems can gyi don mdzod do/ /phyogs bcu 'i sangs rgyas kyi zhing so so nas byang chub sems dpa' stong phrag nyi shu yang dus gsum du glang mgo ri 'di la mchod pa mdzad du byon @178b nas slar gshegs so zhes bstan/ de nas rgyal po bi dza ya bI rya dad pa'i shugs chen pos glang mgo ri'i steng du gau to shan gyi gtsug lag khang brtsigs nas bu chung du de yang thar bar btang ste phyis dgra bcom pa'i 'bras bu thob nas/ li yul du dgra bcom par gyur pa 'di las snga ba ma byung bas 'di ni lam ston pa'o zhes mo rgu bde shi bya bar btags te/ thog ma mo rgu bde shi'i ming ni de nas byung ste deng sang gi bar du yang thub ldan dang/ dka' thub kyi mchog las btus te/ mo rgu bde shir bsgo ba lags/ gau to sha na dang/ 'gum tir gyi gtsug lag khang 'di gnyis bzhugs pa'i dog sa yang dus gsum gyi de bzhin gshegs pa rim gyis 'byung ngo 'tshal gyi zhabs kyis bcags/ byin gyis brlabs pa'i steng du 'phags pa'i lung bstan dag dang sbyar nas yang/ thog mar gtsug lag khang 'di rnams brtsigs pa yang dge ba'i bshes gnyen dang/ yon bdag 'phags pa sha stag gis mdzad la/ gtsug lag khang dang/ mchod rten bzhugs so 'tshal gyi nang na de bzhin gshegs pa'i sku gdung dang/ byang chub sems dpa' dang/ nyan thos dang/ rang sangs rgyas kyi sku gdung bzhugs pas gnyan zhing byin che rab ste/ gtsug lag khang gi srung mar zhal gyis bzhes pa yang rnam thos kyi sras dang/ gnod sbyin gyi sde dpon yang dag shes dang/ klu'i rgyal po gnas dros po lags te deng song gi bar du yang mngon rtags dang mtshan ma dag kyang 'byung ba'i phyir/ li yul gyi gtsug lag khang bzhugs so 'tshal gyi nang na gtso bor bgyi ba lags/ rgyal po bi dza ya bIryas 'gum tir gyi gtsug lag khang brtsigs tshun chad rgyal po rabs gnyis kyi bar du gtsug lag khang gzhan ma brtsigs/ de nas de'i 'og tu rgyal po bi dza ya dza ya zhes bgyi bas rgya rje'i bu mo bu nye shwa ra zhes bgyi ba mchis 'brang du blangs nas rgya rje'i bu mo des li yul du srin bu'i sa bon zhig 'tshal te mchis nas yul ma sha bgyi bar srin bu gsos pa dang/ srin bu ma tshar ba'i skabs su blon po rgyus ma 'tshal ba kha cig gis rgyal po bi dza ya dza ya rgya rje'i bu mo rgyal po'i btsun mo bgyid pa des sprul gdug pa mang po ma zhar gso zhing mchis te chen por gyur @179a @#/ /pa dang/ yul phyogs su gnod par glo ba chung na ji ltar bgyi zhes blon po dag gis zhus pa dang/ sbrul gso ba'i khang par mes thong la kun sregs shig ces bsgo ba dang/ rgyal mos de thos nas 'phral du ni rgyal po la rgyus kyis bshad pa'i rdo ma thogs nas/ srin bu shas shig bskus te gsang thabs su gsos te/ slad kyis kha cher dar dang srin bal phyung nas dar dang men dri btags te/ rgyal po la bstan nas rgyus kyis zhib tu bshad pa dang/ rgyal po yang 'gyod pa skyes te/ rgya gar yul nas dge slong 'phags pa sang g+hag+ho Sha zhes bgyi ba li yul du byon nas dge ba'i bshes gnyen du spyan drangs te/ srin bu phal cher bkum pa'i dngos sdig bshags sbyang bgyis nas po tarya dang/ ma zhi'i mchod rten dang/ gtsug lag khang chen po brtsigs te/ de bzhin gshegs pa'i sku gdung sha ri ram mang po tsam zhig stsal te/ de'i slad du dpyid zla ra ba'i ngo thog thag bcom ldan 'das shAkya thub pa'i sku'i gzugs brnyan ma zho po tarya zhes bgyi ba'i gtsug lag khang na bzhugs so zhes 'phags pa dag gis lung bstan pas deng sang gi bar du yang/ li yul gyi dge 'dun sde gnyis dang/ rgyal po dang/ blon po man chad 'bangs yan chad lo re zhing dpyid zla ra ba'i ngo la mchod par bgyid cing/ ril gyis po tarya'i gtsug lag khang du mchis te/ gtsug lag khang 'di yang gnyen zhing byin che rab ste/ lha ratna ba la dang/ ratna shU ra gnyis srung mar zhal gyis bzhes pa lags te/ deng song gi bar du yang dngos rtags dang mtshan ma dag kyang 'byung ngo/ /de nas rgyal po bi dza ya dza zhes bgyi ba la bu spun gsum mchis te/ phu bo rab 'dod 'dros zhes bgyi ba ni rgyal srid ma 'tshal te/ bsod nams bgyid cing rgya gar yul du mchis/ de'i nu bo bar ma yang rgyal srid ma 'tshal nas bander zhugs te ming d+harmA nanda zhes btags nas rgya gar yul du chos slob tu mchis/ nu bo tha chungs rgyal sar zhugs te ming bi dza ya d+harmar btags rgyal po bi dza ya d+harma de dpa' zhing rtsal chebs gsod rkyen dag la dga' nas/ phu bo bande @179b d+harmAnnda rgya gar yul nas mchis pa chos mnyan zhing bslab nas bsgoms pas 'phags pa dgra bcom par gyur te/ 'phags pa d+harmA nandas rgya gar yul nas bltas na/ nu bo rgyal po ba dzi ya d+harma gsod rkyen bgyid cing sdig pa mi dge ba'i chos la zhen par mthong nas glo ba brjes te/ dge ba'i bshes gnyen bgyi ba'i slad du rgya gar yul nas li yul du mchis te/ nyon bgyir gyi ri rtsa shel chab 'og ma dang/ nye ba zhig tu sbyil po bgyis te de na bsgom bzhugs pa las nyin gcig cig /'phags pa de sha ba gser gyi kha dog 'dra ba zhig tu sprul te; 'u then gyi sku mkhar gyi slad rol shar phyogs logs na 'gus no zhes bgyi ba'i sgang bu zhig mchis pa'i khar byung ba dang/ rgyal po bi dza ya d+harmas srog mkhar gyi steng nas mthong nas mda' gcig 'phangs pa dang/ sha ba'i brlar phog nas sha ba ni bros/ rgyal po ni slad bzhin du bsnyegs pa dang/ sha ba de 'phags pa d+harmAnanda'i sbyi la bu'i nang du mchis/ rgyal po slad bzhin du mchis pas bltas na spyil po'i nang na sha ba ni cang ma mchis/ dge slong gcig brla la mdas phog pa 'byin cing mchis pa mthong nas/ phu bo lags par ni ngo ma 'tshal te/ phu bo dge slong d+harmA nandas byin gyis brlabs nas phu bo lags par gdong ngo 'tshal te/ rgyal pos btsun pa ci nongs zhes bgyis pa dang/ khyod kyis bdag la mda' 'phangs te ci bya zhes bgyis pa dang/ rgyal pos kyang sha ba ma lags par tshor nas bdag gis nongs na khri lan zhes bgyis pa dang/ dge slong de'i mchid nas gcig tu na da khyod kyi phu bo yin/ gnyis su na nga 'phags pa dgra bcom par gyur pas/ rgyal po khyod kyi mtshar gyi sdig pa thob ste/ mtshams med pa dang 'dra ba'i las byas par gyur te/ bshags sbyangs dang/ bsod nams cher ma byas na mi rung ngo zhes bgyis pa dang/ rgyal po de yang 'gyod pa skyes te rab tu ma dga' nas/ 'phags pa dgra bcom pa de'i zhabs la 'jus te/ bzod gsol bshags sbyangs bgyis nas bdag gi sdig pa 'di ji ltar 'byang zhes zhus pa dang/ 'phags pa d+harmA nanda'i @180a @#/ /zhal nas da 'phral du gzhan byar med kyi yul 'bro tir zhes bya ba'i ljongs pha bi na sngon sangs rgyas bcom ldan 'das shAkya thub pa byang chub sems dpa'i spyad pa spyod pa'i tshe/ rgyal po zla 'od ces bgyi ba'i dus na bram zes mgo blangs te/ rgyal po nyid kyis mgo bcad nas/ bram ze la stsal ba'i phrin yig las dka' ba rnam pa gcig mdzad pa'i sa 'di yin/ gnyis su na bcom ldan 'das shAkya thub pa rgyal po'i khab bya rgod phung po nas li yul byin gyis rlob cing/ gau to shan du gshegs pa'i tshe byang chub sems dpa'i 'khor mang pos bskor nas byang chub sems dpa' sa'i snying po dang/ ri k+Sha ta a sho ka zhes bya ba 'di byin gyis brlabs te 'di na bzhugs bzhugs/ deng sang gi bar du yang gzugs brnyan 'di bzhugs/ rnam pa gsum du na 'bod b+ha long zhes bya ba'i tshal chung ngu pha pa'i na yang bcom ldan 'das kyi zhabs kyis bcags nas phyis 'phags pa 'byung ba rnams kyi sgom sar byin gyis brlabs te/ gnas 'di rnams srung bar lha dzi na ri sha ba dang/ lha mo a sho ka dang/ klu'i rgyal po ta k+Sha ka dang gsum gyis dam tshig blangs te/ deng sang gi bar du yang gnas 'di srung zhing rgyal pos 'dir gtsug lag khang gcig brtsigs na snga phyi'i sdig pa mi dge ba'i las ci bgyis pa 'byong ngo zhes bgyis pa dang/ rgyal po bi dza yad+ha rma dad pa skyes nas slan chad gsong rkyen mi bgyid par dam bcas/ rgyal po zla 'od kyis bram ze la mgo sbyin gtong du bgyis pa'i sar de ma thag tu dogs brtags pa'i phur bu btab nas/ dge ba'i bshes gnyen 'phags pa d+harmA nanda'i slad du 'bro tir gyi mchod rten dang/ gtsug lag khang chen po brtsigs/ sku mkhar gyi nang du yang lho sgo'i sge'u chung mchis pa'i nang logs na klu'i rgyal po chen po ba ru Na'i gnas kyi steng na ba ri tha zhes bgyi ba'i mchod rten gnyen po bzhugs pa'i drung na nang gi gtsug lag khang zhig dang/ mchod rten chen po zhig brtsigs te/ mchod rten gyi nang du de bzhin gshegs pa bdun gyi sku gdung stsal/ sangs rgyas rin chen @180b mang gi thog ma'i sku gdung ma zhig pa nyid spyan drangs te/ da ltar gtsug lag khang 'di'i nang na bzhugs/ 'bro tir gyi gtsug lag khang 'di yang gnyan zhing byin che ba ste/ deng sang gi bar du yang mngon rtags dang mtshan ma 'byung ngo/ /li yul du thog ma ma hA sa ma g+hi ka'i sde yang dge slong 'phags pa d+harmA nanda byung nas/ 'u than na 'bro tir gtogs par gtsug lag khang brgyad dang/ kam sheng gtsug lag khang kha brgyad kyi dge 'dun yang ma hA saM g+hi ka'i sder gtogs/ de nas de'i 'og tu rgyal po bi dza ya dza ya'i bu chen po rgyal bu 'don 'dros kyis sang tir gyi gtsug lag khang brtsi ga par dog sa 'jal te brtsams pa las yo byad rgyu rkyen gyis ma 'tshal nas rgyal bu 'don 'dros kyis bsams pa/ gzhan nas ma phrogs pa/ ma rkus pa/ dkon mchog gsum gyi dkor la ma 'bags par nor gtsang ma bdag nyid kyis rkang gis btsugs te/ btsal la gtsug lag khang brtsig go snyam na thog ma rgya gar yul du mchis te/ mkhan po 'phags pa sa manta si dd+hi mkhan por spyan drangs/ stod phyogs thog thog tu yang mchis nas nor gtsang ma btsal/ de nas slar log nas rgya yul du mchis pa dang rgya rje'i blon po gcig gyos la chags te/ dgum par bgyis pa las/ 'don 'dros kyis rgya rje la blon po 'di'i skyin par bdag dgum par ci gnang gsol ba las rgya rjes kyang gnang ste/ gshed mas rgyal bu la ral gri btab pa na bcad 'phro nas 'o ma byung ste/ ma gum nas rgya rje la sogs pa ngo mtshar rmad du gyur te mchod pa bgyis/ yon yang mang po tsam zhig phul/ blon po des kyang srog rin gyi yon phal cher phul ba blangs nas/ slar li yul gyi 'dab nye ba zhig tu 'khor mang po dang lhan cig tu mchis pa dang/ rgyal po 'don 'dros kyis nu bo rgyal po bi dza ya d+ha rma rgyal srid 'dzin zhing mchis pa las/ blon po kha cig gi mchid nas rgyal bu'i gcen rgyal bu 'don 'dros rgya rjes li yul gyi rgyal por bskos te/ rgyal po'i rgyal srid 'phrog tu 'ongs so zhes bgyis pa dang/ rgyal po bi dza ya d+harma yang phu bo 'don 'dros la mi dga' nas sku mkhar @181a @#/ /gyi nang du yang ma btang/ phrad du yang ma btub nas/ sang tir gyi gtsug lag khang brtsigs pa'i sa gzhir mchis shig ces bsgo nas/ phu bo rgyal bu 'don 'dros kyang sang tir du mchis te/ nu bos kyang chu dang rtswa shing la yang dbang ma bskur te/ kho bdag gi rin gyis 'jal te/ yo byad sbyor zhing mchi sa pa las/ thog ma rgya gar yul du mkhan po 'phags pa sa manta sidd+hi dge ba'i bshes gnyen gyi phyogs la bltas nas phyag 'tshal te mchod pa bgyis nas smon lam btab/ spyan drangs pa dang/ mkhan po yang rgya gar yul nas nam mkha' la lding ste/ li yul du rgyal po 'don 'dros kyi drung du gshegs nas gtsug lag khang ji ltar brtsigs pa'i bshes gnyen yang bgyis/ rgyal po spun gnyis kyi bar du ma 'jal ba'i sdum bgyi ba'i slad du sum cu rtsa gsum gnam du gshegs nas bcom ldan 'das shAkya thub pas byang chub sems dpa'i spyad pa spyod pa'i tshe lus kyi yan lag dang/ bu smad la sogs pa'i sbyin gtong bgyis shing phrin las dka' ba ji ltar mdzad pa bzhin du no le zhes bgyi ba dang/ zlos chos li yul du mi bgyir mi rung zhes lha rnams la gsol nas sum cu rtsa gsum gnam gyi lha dang/ rgyal chen ris bzhi'i lha rnams li yul sang tir bgyi bar gshegs te/ sangs rgyas bcom ldan 'das sngon phrin las dka' ba ji ltar mdzad pa bzhin du lta rnams zlos chos bgyis pa'i tshe rgyal po bi dza ya d+harmas blon po dang/ 'bangs rnams la gcig kyang der mchir mi rung ngo zhes bgyis pa las; lha'i rol mo bzang po snga na ma byung ba de thos nas mi gcig gis gcig sbran te ma bzod nas der mchis/ slad kyis rgyal po'i 'khor kun gar mchis/ rgyal pos smras pa dang/ blon po dag gis rgyus kyis zhib tu bshad pa dang/ rgyal po bi dza ya d+ha rma yang ma bzod de/ sang tir gyi gtsug lag khang gi 'dabs su mchis pa dang/ phu bo rgyal po 'don 'dros kyis bsu nas spun der mjal ba dang/ nu bo rgyal po bi dza ya d+harmas phu bo la phyag bgyis nas/ pus mo sa la btsugs thal mo sbyar te/ 'phags pa bdag gis khyod kyi mthu stobs ma rig nas nga rgyal gyi dbang du gyur nas bdag @181b gis rab tu nongs pa bzod par gsol zhing mchis na/ bdag la dngos sdig tu mi 'gyur bar bzod pa bzhes par ci gnang zhes bgyid pa dang/ phu bos kyang bzod pa blangs pa dang/ des slar nu bo la bzod pa gsol nas lag sbrel te gtsug lag khang du mchis nas mchod pa bgyis/ lha klus no le bgyis pa dang/ gtsug lag khang rtsig pa la rjes su yi rang nas yon phul/ gtsug lag khang rtsig pa'i dang rogs bgyis te rkyen ris bkum ste phul/ thog ma spun ma mjal te/ bzod pa gsol ba'i sar mjal mo ka ka ro da zhes bgyi ba'i gtsug lag khang zhig brtsigs nas thog ma yi yul du sarba ti bAng kyi sde theg pa chung du pa yang mkhan po 'phags pa sa manta sidd+hi las byung/ gtsug lag khang gi srung ma yang lha ka bi la zhes bgyi bas zhal gyis bzhes gsungs/ deng sang gi bar du lo gcig cing yang rtag tu ston zla ra ba tshes bdun dang brgyad kyi gdugs la/ de bzhin gshegs pas phrin las dka' ba mdzad pa'i zlos chos no le bgyid de/ yul mi ril gyis chos nyan cing der mchis te/ gtsug lag khang 'di yang gnyen zhing byin che bar bgyid do/ /de'i 'og tu rgyal po ba dzi ya d+harma'i bu rgyal po bi dza ya sing has rgyal po bgyid pa'i tshe ga 'jag gi rgyal pos li yul du dmag mang po drangs te/ rgyal po ba dzi ya sing ha dang 'thabs pa las ga 'jag gi dmag pham ste/ ga 'jag gi rgyal po yang li rjes zhags pas zin nas 'gum par bgyid pa las thar par gsol nas rgyal po ba dzi ya sing ha'i mchid nas/ rgyal po khyod bdag gis mi dgum par thar par btang gis; nam khyod dgra choms pa'i dus ni bdag gi dge ba'i bshes gnyen mdzad cing slar byon cig ces bgyis nas/ thar par stsal te ming yang A nanda se nar btags te slar shu lig tu btang/ de nas dge slong A nanda se na slad kyis dgra bcom nas thog ma li rje dang dam bcas ba bzhin nam mkha' la lding ste/ li yul gshegs nas/ rgyal po bi dza ya sing ha'i dge ba'i bshes gnyen bgyi ba'i slang du snying rje yang dad pa skye sa nas 'phags pa dgra bcom ba A nanda se na'i slad du sam nya'i gtsug lag khang dang/ mchod rten brtsigs te/ gtsug lag khang gi srung ma ni rnam thos kyi sras dang/ lha ka pi la @182a @#/ /bzhugs te/ gcug lag khang 'di yang gnyan zhing byin che bar bgyid ngo/ /de nas de'i 'og tu rgyal po bi dza ya kIrtis 'phags pa 'jam dpal gyi sprul pa kam sheng du chos spal ba'i dgra bcom pa spyi bri zhes bgyi bas dge ba'i bshes gnyen bgyis nas dad pa skyes pa'i slad du sru nyo'i gtsug lag khang brtsigs te/ thog ma ka ni ka'i rgyal po dang/ gu zan gyi rgyal po dang/ li rje rgyal po bi dza ya kIrti la sogs pas rgya gar yul du dmag drangs nas so ked ces bgyi ba'i grong khyer phab pa'i tshe/ rgyal po bi dza ya kIrtis shar rim mang po zhig rnyed pa yang sru nyo'i mchod rten de'i nang du stsal/ thog ma dog sa rtog pa'i phur bu 'debs pa'i tshe/ rgyal po bi dza ya kIrti la dge ba'i bshes gnyen 'phags pa spyi bri'i zhal nas phur bu 'di la rgyal pos lag pa mas yar lan lngar bya bas na mngon rtags 'byung ngo zhes bgyid pa dang/ rgyal pos kyang dogs brtag pa'i shug pa'i phur bu la lhag pas lan lngar byabs pa dang/ phur bu de la shug pa'i yal kha khru gang pa lnga de ma thag tu de'i nyin par skyes nas slad kyis shug pa de'i drung du bande dag gis d+harma bklags pa dang shug pa de las chos bshad pa'i sgra dag byung nas slad kyis bande gzhon nu dag d+harma thogs te chos nyan pa mchis na yang/ de bzhin du chos 'chad pa'i sgra dag byung ba las slad kyis bande gcig gis d+harma log par bklags nas de ltar ma yin no zhes lhas bsgo ba dang/ mnyan nas de tshun chad chos bshad pa'i sgra yang ma byung slad kyis gtsug lag khang 'di'i chab ka chab kyis 'tshal te chab ma byin nas gtsug lag khang zhig tu nye ba las/ dge slong btsun pa sum pon zhes bgyi ba dgra bcom du nye ba zhig gis gtsug lag khang de mi zhig par bgyi ba'i slad du dgra bcom par 'grub pa'i dge ba'i rtsa ba des klur skye bar smon lam btab nas de ma thag tu lus las chad byung nas mi'i lus la 'phos par shel chu chung ngu'i klur gyur na dog sa'i 'og tu nub nas deng sang gi bar du gtsug lag khang de'i chab shel chu chung ngu las drangs te/ gtsug lag khang 'di yang deng sang gi bar du ma zhig ste/ gnyan zhing byin che bar bgyid/ srung ma yang lha su dza @182b ya dang/ phyag brnyan sing ha mu kha dang/ shel chab chung ngu'i klu sum pon gyis srung ngo// //de nas de'i 'og tu rgyal po bi dza ya kIrti'i bu rgyal po bi dza ya sang gra ma zhes bgyi ba dpa' zhing rtsal che ba zhig byung nas/ phyi dgra mang po zhig la bsdos nas sems can phal cher bkum/ de'i 'og tu seng ge mi la rgol ba zhig byung ste/ dmag gis btab na yang 'khums te rgyal po gcig pus seng ge de la brgal te zin nas bkum/ de nas rgyal po de'i ming yang seng ger btags/ rgyal po de yang ri dags shor du mchis pa las shel chab chung ngu'i 'gram du tshal zhig tu dgongs btab pas/ de'i nub mo tshal de'i nang nas zhugs mar 'dra ba zhig rgyang nas gda' nas slad de nang par bltas na/ dge slong 'phags pa dgra bcom pa dznyA na ya sho de na bzhugs pa las 'od byung bar mthong nas/ dad pa skyes te mchod pa bgyis nas 'phags pa 'di na ci mdzad ces zhus pa dang/ dgra bcom pa dznyA na ya sho'i zhal nas sa 'di yang sngon gyi de bzhin gshegs pas byin gyis brlabs pa lags te/ rgyal pos 'dir gtsug lag khang cig brtsig par rigs so zhes bgyis pa dang/ rgyal pos kyang 'phags pa de la dad pa skye ba'i slad du bsgo ba bzhin du mnyan nas sdig pa bshags/ gtsug lag khang gi dogs brtag pa'i phur bu btab nas/ gser gyi gzhong ba cig spyi bo la bzung ste/ da bdag gis brtsigs pa gtsug lag khang 'di yun du tshugs shing brtan par 'gyur na phyogs bcu na bzhugs pa'i 'phags pa rnams kyis byin gyis brlabs shing de bzhin gshegs pa'i sku gdung bdag gi gzhong pa 'di'i nang du stsal bar ci gnang zhes smon lam btab pa dang/ nam mkha' las sha ri ram mang po tsam zhig gzhong pa'i nang du gshegs nas rgyal po sngar bas lhag par dad pa skyes te/ dge ba'i bshes gnyen ya sho'i slad du d+harma kIrtis gtsug lag khang mchod rten chen po brtsigs te/ nang du sha ri ram mang po tsam po zhig stsal bas gtsug lag khang 'di yang gnyan zhing byin che bas srung ma rnam thos kyi sras dang/ lha ka pi las srung// //de nas rgyal po ba dzi ya d+harmas rgyal srid bzung @183a @#/ /ba man chad/ bidza ya kIrtis rgyal bo bgyis pa yan chad/ rgyal po rabs bcu bzhi'i bar du res 'ga' ni/ yul du phyi dgra gzhan gyis dmag drangs te gtses/ res 'ga' ni li rje dag gis yul gzhan du dmag drangs nas 'bangs kyi tshigs gyur; de'i 'og tu dru gu a no shod kyis li yul du dmag drangs nas/ gau to shan man chad kyi gtsug lag khang phal cher mes bsregs te yul dams/ 'bangs 'gribs nas gtsug lag khang gsar pa rtsig pa'i rngo ma thogs/ de nas de'i 'og tu rgyal po bi dza yakIrti'i bu rgyal po bi dza ya sang gra ma zhes bgyi ba dgung lo bdun lon pa zhig /rgyal por zhugs nas slad kyis mi thur son pa dang/ yul 'di sus bshig /ci'i slad du dams zhes/ dge 'dun rgan rabs dang/ /blon po dag la smras pa las/ dge 'dun dang/ blon po rnams kyang dru gu a mo no shod la sogs pas sngon yul ji ltar bshig pa'i lo rgyus zhib tu bshad pa dang/ rgyal po bi dza ya sang gra mas blon po dag la dmag tshogs ci mchis pa sdus shig ces bsgo nas sngon gtses shing/ yul bshig pa'i rgyal po rnams kyi yul du dmag drangs te/ lan glan nas yul bshig /sems can phal cher bkum/ de nas slar log nas shel chab 'og ma'i 'gram du mchis pa dang/ dge slong bdun zhig chab kyi nang du khrus bgyid cing rtsed mo sna tshogs bgyid pa mthong nas/ dge slong gis tshul ma yin par byed ces byas pa dang/ dge slong de bdun yang de ma thag tu nam mkha' la lding nas rgyal po de la rdzu 'phrul rnam pa bcu drug bstan pa dang/ rgyal po de'i yid la bdag gis sngar yang sems can mang po zhig srog bcad de bkum/ da yang 'phags pa de rnams la ngan sems bskyed pa rab tu nyes so snyam pa'i 'gyod pa cher skyes/ 'phags pa de dag gis rdzu 'phrul rnam pa sna tshogs bstan pa mthong nas dad pa yang cher skyes te/ 'phags pa de dag ga la bzhugs pa'i drung du bsnyen nas mchod pa dang/ bshags sbyangs bgyis/ bzod par gsol nas 'phags pa dgra bcom pa po nyan re ta la @183b sogs pa 'phags pa bdun gyi phyir 'gu zhan gyi gtsug lag khang brtsigs te/ 'phags pa dgra bcom pa bdun gyis kyang dog sa de byin gyis brlabs nas/ zhi ba'i sa dgu zhan ta zhes bgyi bar gtsug lag khang gi mtshan ma yang brtags te/ gtsug lag khang 'di yang gnyan zhing byin che rab ste/ lha dzi na ri sha ba dang/ nor bu bzang po gnyis kyis srung ngo// //de nas de'i 'og tu rgyal po bi dza ya sang gra ma'i bu/ rgyal po bi dza ya sing ha zhes bgyi bas rgyal por zhugs nas/ dge ba'i bshes gnyen 'phags pa dgra bcom pa d+harma pa la la 'phags pa khyod la rdzu 'phrul ci mnga' ba bdag la bstan par ci gnang zhes gsol pa las/ 'phags pa de'i rdzu 'phrul gyis rgyal po bi dza ya sing ha dga' ldan du khrid de/ 'phags pa byams pa bzhugs pa'i gnas dang/ zhal bstan nas slar mchis pa dang/ rgyal po bi dza ya sing has bzha' ser ma'i gtsug lag khang rtsigs te/ dga' ldan na byams pa 'khor dang bcas pa ji ltar bzhugs pa'i sku gzugs bgyis/ slad kyis byams pa la mchod pa'i slad du mgon po dang/ lha klu gshegs pa rnams kyis tshul ci 'dra ba mgon po'i rten khang zhig brtsigs nas mgon po dang/ lha klu'i gzugs bgyis pa da dung yang bzhugs te/ gtsug lag khang 'di yang gnyan zhing byin che bar bgyi/ lha gangs can dang/ 'brog gnas zhes bgyi bas srung/ deng sang gi bar du mngon rtags dang mtshan ma dag kyang 'byung ngo// //de nas de'i 'og tu yang rgyal po bi dza ya ba la man chang/ rgyal rabs drug gi bar du gtsug lag khang gzhan ma brtsigs so/ /de nas de'i 'og tu yang rgyal po bi dza ya ba la zhes bya ba'i bu rgyal po bi dza ya sang gra ma zhes bgyi ba rgyal por bgyid pa'i tshe/ cu gu pan nas tshe'u pa na'i sku gzugs nam mkha' las lding ste/ li yul du gshegs pa rgyal pos mthong nas dad pa'i shugs kyis sangs rgyas bzhugs pa'i dri gtsang khang brtsigs/ de nas slad kyis rgyal po de'u then gyi sku mkhar gyi steng gi /byang sgo'i sgo @184a @#/ /khang na mchis pa zhig gi tshe na ba lta na sku mkhar gyi slad rol na dge slong cig khyim pa skye bo la phyag 'tshal te bka' mchid mchi ba mthong nas do mtshar du mthong ste/ rgyal po des blon po zhig mngags nas zhib tu rtog tu btang ba las/ blon po des dge slong dang/ skye bo la so sor rmas nas dge slong gi mchid sa khyim pa skye bo 'di ni 'phags pa 'jam dpal gyi sprul pa lags zhes mchi/ khyim pa skye ba de'i mchid nas dge slong 'di 'phags pa sa'i snying po'i sprul pa lags zhes mchi ba dang/ blon po des kyang rgyal po la de bzhin du slar gsol ba dang/ rgyal po bi dza ya sang gram yang de ma thag tu 'phags pa de dag gi drung du bsnyen nas phyag 'tshal mchod pa bgyis nas/ 'phags pa dag ga las gshegs zhes zhus pa dang/ 'phags pa gnyis kyi zhal nas bdag cag gnyis kyang shar phyogs de bzhin gshegs pa mi 'khrugs pa'i sangs rgyas kyi zhing nas sems can gyi don la 'dir 'ongs so zhes 'byung ba dang/ de nas rgyal po bi dza yas sad gra ma'i mchid nas 'phags pa thugs rje dang ldan pa gnyis kyis rdzu 'phrul gyi mthu stobs kyis/ de bzhin gshegs pa mi 'khrugs pa'i sangs rgyas kyi zhing bdag la bstan par ci gnang zhes gsol pa dang/ de bzhin du gnang nas de bzhin gshags pa mi 'khrugs pa'i zhal nas/ sangs rgyas kyi zhing yang bstan pa dang/ rgyal po des de bzhin gshegs pa'i sku dang/ sangs rgyas kyi zhing yang mthong/ nam mkha' las shing rta'i steng nas sangs rgyas mang po zhig gshegs nas/ de dag gis 'od zer btang brgyal po'i spyi bor rig par mthong ste/ dad pa'i shugs kyis sangs rgyas kyi gzugs ji ltar mthong ba bzhin du gzugs su yang bgyis te/ shing rta'i nang du byang srang du yang drangs nas mchod pa chen po bgyis te/ deng sang gi bar du yang dpyid bla ra ba yar gyi ngol byang srang du sku gzugs chen po 'dren pa dang/ dge 'dun sde gnyis spyan drangs nas byang chub 'byung gnas bkra shis bsil ba'i tshul du mchod rten gsol zhing/ mo hyo ra'i @184b mchod pa chen po bgyis pa yang rgyal po des bgyis nas dge ba'i ba shes gnyen 'phags pa dgra bcom pa mo dgu de shi a ba ya d+had gi slad du bzha' sang gre re ma'i gtsug lag khang brtsigs te/ rnam thos kyi sras dang/ yang dag shes bgyi ba yang srung ngo// //de nas rgyal po bi dza ya sha sta man chad rgyal po rabs bzhi'i bar du gtsug lag khang gsar pa gzhan ma brtsigs/ de nas de'i 'og tu rgyal po bi dza ya kIrti zhes bgyi ba 'gum tir du mchis pa las/ da ltar b+ha ba nya'i gtsug lag khang bzhugs pa'i sar mchis pa dang/ klu'i rgyal po zhig der byung nas rgyal po bi dza ya kI rtil smras pa/ sngon sangs rgyas 'od srungs kyi tshe dogs 'di byin gyis brlabs nas gtsug lag khang brtsigs pa'i sa 'di yin te/ de yang rgyal po khyod kyis gtsug lag khang gcig brtsig pa'i rigs so zhes bgyis pa dang/ rgyal pos smon lam btab pa; da ltar 'dzam bu'i gling na 'phags pa dag gis byin gyis brlabs te 'dir gshegs par gnang na/ bdag gis gtsug lag khang brtsig par 'tshal lo zhes smon lam btab pa dang/ de ma thag tu nam mkha' las 'phags pa dgra bcom pa bcu bdun gshegs nas rgyal po bi dza ya kIrti yang dad pa'i shugs chen po skyes te/ rgyal po dang btsun mo lag dar te/ b+ha ba nya'i bsgom sa dang/ gtsug lag khang brtsigs te/ gtsug lag khang 'di yang gnyan zhing byin che bar bgyid/ lha gzhan gyis mi thub pa dang nor bu bzang pos srung ngo/ /gtsug lag khang 'di yang gna' bod kyi mnga' ris su gtogs pa'i tshe mgar blon btsan nyen gung ston li yul gyi dbang po bgyid pa'i tshe brtsigs pa lags/ de nas de'i 'og tu rgyal po bi dza ya sang gra ma dang bu rgyal po bi dza ya sang gra ma spang rgya yul du mchis nas slar li yul du mchi ba'i bar du dru gu'i dmag gis shul khums pa las pha ni rgya yul du gum/ bu chung ste slar mchi ba'i rngo ma thogs pa'i skabs su/ li'i blo na po a ma cha khe meg ces bgyi bas dgung lo bcu gnyis kyi bar du rgyal tshab bgyis nas rgyal srid bzung ba'i dge ba'i bshes gnyen dge slong 'phags pa ba ru na tsa zhes @185a @#/ /bgyi ba'i slad du ma na 'di'i mchod rten dang/ gtsug lag khang brtsigs te/ de bzhin gshegs pa'i sku gdung sha ri ram mang du btsal te/ de ltar gtsug lag khang 'di lha nam mkha'i spyan dang gnod sbyin gyi sde dpon yang dag shes zhes bgyi bas srung ngo/ /de nas rgyal bo bi dza ya sang gra ma'i bu rgyal po bi dza ya bi kra ma zhes pas slar li yul du mchis nas/ dge ba'i bshes gnyen 'phags pa dgra bcom pa de bendra chen gyi slad du gtsug lag khang byi zha gre rma brtsigs te/ da ltar lha gzhan gyis mi thub pa dang/ nor bu bzang bos srung ngo// //de nas de'i 'og tu rgya'i blon bo ser the shi dang rgyal po bi dza ya d+ha rma gnyis kyis dag ba'i bshes 'gum tir gyi bar mag 'dzin se na zhes bgyi ba'i slad du bong mkhar gyi byams pa mai tri'i gtsug lag khang brtsigs te/ da ltar gtsug lag khang 'di rnam thos sras kyis srung ngo/ /de nas de'i 'og tu rgyal po'i blon po ka the shi dang/ rgyal po bi dza ya saM b+ha ba zhes bya ba gnyis kyis dge ba'i bshes gnyen u de na dra rod ci dang/ d+harmA nanda gnyis kyi slad du khe gan rtse'i gtsug lag khang brtsigs te/ da ltar gtsug lag khang 'di rnam thos sras kyis srung ngo/ /thog ma dge slong 'phags ba bai ro tsa na tsar ma'i tshal du gshegs pa phyugs rdzi la sogs pa mi 'og ma dag gis mthong nas/ rgyal po bi dza ya saM b+ha ba la bdag cag gis snga na ma mthong ba'i mi 'di lta bu zhig tsar ma'i tshal du mchis so zhes gsol pa dang/ rgyal po bi dza ya saM b+ha ba yang de ma thag tu tsar mar mchis nas 'phags pa bai ro tsa na mthong ba dang/ dad ba skyes nas phyag 'tshal mchod pa bgyis nas/ 'phags pa des kyang rgyal bo bi dza ya saM b+ha ba'i dge ba'i bshes gnyen bgyis nas legs nyes gnyis kyi 'bras bu bstan to; /chos bshad bshags sbyob bgyid du stsal ba las/ rgyal po de yang chos kyi mig bye nas lhag par yang dad pa skyes nas rgyal po slar sku mkhar du mchis nas thog ma 'phags pa bai ro tsa na gshegs so zhes bka' mchid snyan pa thos pa'i sar mchod rten chen po zhig brtsigs te/ ming @185b yang su stong nyar btags/ slad kyis mchod rten de yun rings pas zhig nas/ de nas de'i 'og tu rgyal po bi dza ya bo han chen po dang/ rgya yul nas mchis pa'i dge slong 'ba' la shi zhes bgyi ba mchis pas tsar ma'i dge 'dun dge ba'i bshes gnyen du spyan drangs nas su stong nya'i gtsug lag khang brtsigs te/ da ltar rnam thos kyi sras kyis srung ngo// //dge slong ma'i gtsug lag khang rnams kyi gtan tshigs dang/ snga phyi'i go rims la rgyal bo bi dza ya sing ha zhes bgyi ba zhig chung du nas rgyal por zhugs te/ chungs pa'i skabs su blon po kha cig gis rngan can bgyis te; rgyal mo dang/ mchis 'brang slas dang/ nang 'khor ma rnams dag mi rigs pa bgyis nas slad kyis rgyal po de chen por gyur nas/ sdar blon po de dag gis rngan can bgyis shing brnyas pa de dran nas/ khon dran par gyur te/ slad kyis rgyal po des blon po rnams ri dags shor ba ltar thabs kyis brid nas 'u then gyi shel chab gong ma'i yul pa ro gza' zhes bgyi blon po bdun cu rtsa lnga bkum nas/ slad kyis rgyal po der gtsug lag khang zhig kyang brtsigs/ de nas sku mkhar du mchis nas rgyal po mchis pa'i gnas nas rgyal mo dang/ slas dang/ nang 'khor ma mchis pa'i khang pa phyi sgo bkum nas 'grul bcad/ de bzhin du 'gum par bgyis pa las/ rgyal po de'i btsun mo 'khor dang bcas pa phongs te nyam thag nas phyogs bcu'i sangs rgyas dang byang chub sems dpa'i mtshan nas brjod/ mchod pa bgyis te/ lha khang bskor d+harma bklags/ bsod nams cher bgyis pa'i mthus rgya gar yul nas 'phags pa dgra bcom pa ma ya sha pradznyA dang/ sthya shu ta dang/ sang handa la sogs pa nam mkha' la lding ste/ rgyal mo mog sha ko sha dang/ sa lu ca la sogs pa 'khor mchis pa'i drung du gshegs nas rgyal mo de dag la chos bshad de rab tu byung ba las ngang pa'i shugs kyis de ma thag tu rgyal mo de dag gi 'khor las brgya rtsa bcu gnyis dgra bcom par gyur nas nam mkha' la lding ste/ bsod snyoms len du gshegs pa rgyal po bi dza ya sing has mthong nas/ de ma thag tu gnas der mchis te bltas na rgyal mo mog sha ko sha @186a @#/ /dang; sa lu ca la sogs pa'i 'khor ril rab tu byung ste/ phal cher dgra bcom par gyur te/ rdzu 'phrul sna tshogs bstan pa mthong nas rgyal po yang rab tu dga' nas dad pa'i shugs kyis gnas de nyid du gtsug lag khang brtsigs te/ bran zhing dang/ nor phyugs la sogs pa mchod pa'i yo byad mang po tsam zhig phul nas gtsug lag khang de'i ming yang nu'o nya zhes btags te/ gtsug lag khang 'di yang gnyan zhing byin che bar bgyid/ da ltar lha phur pa'i lag pa zhes bgyi bas srung// //de nas de'i 'og tu rgyal po 'don 'dros kyi btsun mo rgya rje'i sras mo sho rgya zhes bgyi ba'i bu mo dge slong ma sho'i dza ya zhes bgyi ba dgra bcom nas nu mo yo sha rgya'i dge ba'i bshes gnyen bgyi ba'i slad du rgya yul nas 'u then du mchi ba'i phyir nu mo rgyal mo sho rgyas yo zo 'jo'i gtsug lag khang brtsigs te/ da ltar klu'i rgyal po da ci dang/ da ra gnyis srung// //de nas de'i 'og tu rgyal po bi dza ya sha ta'i nu bo a ma ca ze ro'i mchis 'brang du su ha tsho ha zhes bgyi ba khyim thab gsum pa dang/ bud med de la rgyal po'i mchid nas bdag dang mi phrad du mi rung ngo zhes bgyis pa dang/ bud med de'i mchid nas bdag dgung bdun zhig khyim thab kyi 'dun bgyid cing slad rol du mi mchi bar ci gnang zhes gsol pa/ rgyal pos kyang de bzhin du gnang nas de ma thag tu bud med de yang gsang ste rab tu byung nas dgung bdun gyi bar du sems rtse gcig tu sangs rgyas rjes su dran pa'i ting nge 'dzin bsgoms nas/ de bzhin gshegs pa'i zhal yang mngon sum du mthong nas dgra bcom ste ming yang budd+ha nandar btags/ de nas dgung bdun lags pa dang/ rgyal pos bud med de 'gugs pa zhig btang ba de'i mchid nas mo rab tu byung ste/ 'phags ma dgra bcom mar gyur nas/ da ltar 'od kyang 'byung zhing mchis so zhes bgyis pa dang/ rgyal po der ma chis nas 'phags ma de la 'od kyang 'byung/ rdzu 'phrul sna tshogs bstan pa yang mthod nas dad pa skyes te/ de nas 'phags ma budd+ha nanda'i slad du zer ro/ /'dzo'i gtsug lag khang brtsigs te gnyan zhing byin che bar bgyid/ da ltar @186b lha dga' ba'i dbang phyug ces bya bas srung// //de nas de'i 'og tu rgyal po bi dza ya nanda zhes bgyi ba nam gyi rgyal po khu mar bya ba'i mchis 'brang dang/ mjal ba'i bu mo gcig cig mchis pa rab tu byung nas dgra bcom par gyur pas bltas na/ bdag ni li rje bi dza ya ma ti'i bu mo lags par thugs su chud nas 'phags pa d+harma ba la de dang/ dge slong ma 'phags ma nyi shu shu lig nas nam mkha' las lding ste li yul du gshegs nas rgyal po yab la thog ma'i lo rgyus kyang bshad/ rdzu 'phrul rnam pa sna tshogs kyang bstan pas rgyal po yang dang pa skyes nas bu mo 'phags ma dgra bcom ma d+harma ba la'i slad du po yen do'i gtsug lag khang brtsigs te/ da ltar rnam thos kyi sras dang/ klu'i rgyal po hu lor bgyi bas srung/ de nas de'i 'og tu rgyal po bi dza ya sang gra ma seng ge zhes bgyi ba'i ma rgyal mo d+harma zhes bgyi ba rab tu byung nas dgra bcom pa'i 'bras bu thob nas spyil po'i nang du bsgom zhing mchis pa las nub mo 'od phyung ste/ rgyal pos mtshan ma gzugs pa'i phyir mda' cig 'phangs/ nang par mda' tshol du btang ba'i sa de na rgyal po'i ma d+harma de bzhugs pa mthong nas rgyal po yang dad pa skyes te/ ma 'phags ma dgra bcom ma d+harma zhes bgyi ba'i slad du rgyal pos dro mo mdza' zhes bgyi ba'i gtsug lag khang brtsigs te/ da ltar lha ser skyas srung/ de nas rgyal po bi dza ya sang gra ma'i nu bo bre sya stu lag ces bgyi ba zhig gis rgyal po gru gu mo zhig rab tu byung nas ming yang a shu ka sum zhes bgyi bar btags te dgra bcom pa'i slad du dad pa skyes nas/ tra ke 'dzo zhes bgyi ba'i gtsug lag khang brtsigs te/ da ltar gnod sbyin gyi sde dpon yang dag shes kyis srung// //de nas gtsug lag khang 'gu zhan brtsigs pa'i rgyal po bi dza ya sang gra ma'i mchis 'brang rgyal po 'prom ge sar gyi bu mo 'u rong ga zhes bgyi ba'i bu mo gnyis rab tu byung nas dgra bcom ste 'phags ma de gnyis gcig gi mtshan ni shil ma ta zhes bgyi/ gcig gi mtshan ni gau sha ra zhes bgyi ste/ 'phags ma de gnyis kha che yul nas nam mkha' la lding ste/ ma rgyal mo'u rong gi dge ba'i @187a @#/ /bshes gnyen du gshegs te/ 'phags ma de nyid gnyis kyi slad du rgyal mos ho ron 'dzo'i gtsug lag khang brtsigs te/ da ltar klu'i rgyal po hu lor bgyi ba dang/ gser gyi skra zhes bgyi ba gnyis srung// //de nas rgyal po bi dza ya kIrti'i bu mo bi zha dza yas bu mo 'phags ma dgra bcom ma bi ta she ca'i slad du po lon jo'i gtsug lag khang brtsigs te/ da ltar gnod sbyin gyi snge dpon yang dag shes kyis srung// //de nas rgyal po bi dza ya ba la'i bu mo gu zan gyi rgyal mo'i mchis 'brang bgyid pa'i zha phra ba zhes bgyi bas bu mo dge slong ma 'phags ma dgra bcom ma bi zha dza ya'i slad du en mo no'i gtsug lag khang brtsigs te/ da ltar ser skyas srung// //de nas rgyal po bi dza ya ba la zhes bgyi bas snga slad du sems can mang po zhig bkum nas 'gyod pa skyes te/ bsod nams phal cher bgyis/ mchis 'brang yang thar par btang nas 'phags ma dgra bcom mar gyur pa'i slad du dad pa skyes nas kho mo no no'i gtsug lag khang brtsigs te/ nga ltar rnam thos kyi sras kyis srung ngo// //de nas li rje'i blon po a ma ca khe meg ces bgyi bas phu bo 'o spun gsum gdugs gcig tu bkum nas/ ma yang thar bar zhugs nas de nyid du a ma ca khe meg gis gus sde re ma'i gtsug lag khang brtsigs te/ de ltar lha nam mkha'i spyan dang/ gnod sbyin gyi sde dpon yang dag shes kyis srung/ de nas rgyal po bi dza ya dza ya zhes bgyi bas o sku'i rgyal po'i bu mo mchis 'brang du blangs te/ rgyal mo des dge ba'i bshes gnyen 'phags ma dgra bcom ma gzhe ma'i slad du o ska no'i gtsug lag khang brtsigs te/ de ltar lha mo zhes bgyi bas srung// //de nas rgyal po bi dza ya sang gra mas kus pa'i or myong nag gi gtsug lag khang brtsigs te/ nang kor ma mang zhig thar par skyes nas da ltar rgyal po ku na'i srung ma'i lha mo gser gyi me tog dang/ lha mo dung can gnyis srung// //de nas rgyal po bi dza ya ba las cu gun pan gyi rgyal po'i bu mo shu to ka zhes bgyi ba mchis 'brang du blangs pa'i bu mo dge slong ma dgra bcom ma a sho ka shI la'i slad du gtso'u no'i gtsug lag khang brtsigs te/ da ltar lha a ba lha dang/ lha 'dzam @187b b+ha ke ru ta zhes bgyi ba gnyis srung// //de nas rgyal po bi dza ya sing ha'i mchis 'brang ga 'jag gi rgyal mo a lyong dza zhes bgyi ba'i dge ba'i bshes gnyen du shu lig nas dge slong ma 'phags ma dgra bcom ma bdun gshegs pa'i slad du rgyal po bi dza ya sing has khye sho no'i gtsug lag khang brtsigs te/ da ltar lha ser skyas srung/ rgyal po bi dza ya sang gra ma rgyal po bgyid pa'i tshe kha che'i yul nas dge slong ma 'phags ma dgra bcom ma shI la ta dang/ gau shurya zhes bya ba gnyis nam mkha' las lding ste gshegs nas slad kyis khyim bdag na no bod bgyi ba'i khyim drung du bzhugs nas rgyal po bi dza ya sang gra ma la smras pa/ rgyal po chen po dogs 'di ni sngon sangs rgyas shAkya thub pa byang chub sems dpa'i spyad pa spyod pa'i tshe byang chub sems dpa' swa shang zhes bgyi bar gyur pa na/ bram ze la bu ming sring gnyis yon du phul te/ phrin las dka' ba rnam gcig mdzad pa'i sa 'dir lags pas 'dir gtsug lag khang cig brtsig par rigs so zhes bgyis pa dang/ khyim bdag na mo bod ces bgyi ba de yang dad pa skyes nas/ khang khyim dang sa de yang yon du phul nas/ rgyal pos kyang gtsug lag khang zhig brtsigs/ yon bdag las kyang ming dras nas gtsug lag khang gi mtshan yang na mo 'bu gdong zhes bya bar btags/ da ltar klu'i rgyal po hu lor dang/ lha gser gyi skra zhes bgyi bas srung/ de nas li rje'i blon po 'da' no ya zhes bgyi ba zhig gis tshong 'dus bar mar sku gzugs chen po bgyis pa las slad kyis yang li'i blon po a ma ca bi dad kyi sku gzugs chen po'i lha zhig ral du gyur pa yang gsos/ kong sheng gi dge slong ma'i slad du 'da' no yo na'i gtsug lag khang brtsigs te/ da ltar rnam thos sras kyis srung/ 'u then na dge 'dun sde gnyis bzhugs pa'i gtsug lag khang chen por rtse ba ni sku mkhar gyi nang dang/ slad rol na drug cu rtsa brgyad bzhugs/ gtsug lag khang 'bring du bgyi ba ni dgu bcu rtsa lnga lags/ gtsug lag khang chung ngur bgyi ba ni brgya bzhi bcu rtsa brgyad bzhugs/ sgo sgo'i mchod pa'i lha khang chung du dang/ yon bdag ma mchis pa'i @188a @#/ /lha khang dang/ mchod rten gyi sku mkhar gyi nang dang/ slad rol gyi tshar yan chad na sum stong drug brgya brgyad cu rtsa brgyad bzhugs/ 'u then na dge 'dun sgos 'tsho yan chad byi ba lo la brtsis na khri tsam zhig bzhugs/ mdo lo dang me skar phyogs na gtsug lag khang chen po ni bzhi zhig bzhugs/ sgo sgo'i lha khang dang yon bdag ma mchis pa'i lha khang chung ngu ni brgya lhag tsam bzhugs/ dge 'dun nyi shu tsam bzhugs/ kam shed dang pho nya dang/ be rga 'dra dang/ o rgu yan chad ji la man chad sku mkhar gyi nang dang/ slad rol gyi mtshar yan chad na gtsug lag khang chen po nyi shu rtsa gsum bzhugs/ gtsug lag khang 'bring ni nyi shu rtsa gcig bzhugs/ gtsug lag khang chung ngu nyi shu rtsa gsum tsam bzhugs/ sgo sgo'i mchod pa'i lha khang chung ngu dang chong rten chung ngu ni spyir brgyad brgya sum cu rtsa dgu bzhugs/ dge 'dun sde gnyis las rkyen pa dang/ sgo 'tsho yan chad sbyir bzhi brgya sum cu rtsa brgyad bzhugs/ gyil kyang man chad kong sheng dang/ durya yan chad sku mkhar gyi nang dang/ slad rol gyi tshar yan chad na gtsug lag khang chen po bcom lnga tsam bzhugs/ sgo sgo'i lha khang chung du dang/ yon bdag ma mchis pa'i lha khang chung ngu dang/ mchod rten yan chad bzhugs/ dge 'dun sde gnyis las rkyen pa dang/ sgo 'tsho yan chad spyir dgu brgya drug cu rtsa gsum bzhugs/ rgyal po sa nu'i tsha po rgyal po bi dza ya saM b+ha ba zhes bgyi ba'i tshe/ thog ma li yul du chos byung ste brtsis na khyi lo'i shol bor ba'i ston zla tha chungs yan chad dgung lo stong nyis brgya lnga bcu rtsa drug tsam lags/ 'phags pa zla ba'i snying pos zhus pa dang/ lha mo dri ma med pa'i 'od kyis zhus pa dang/ 'phags pa dgra bcom pa dge 'dun 'phel gyis lung bstan pa rnams dang mthun par li'i yul dang/ der li rje'i rgyal po rnams kyis 'phags pa rnams spyan drangs nas/ sangs rgyas kyi bstan pa dang/ de'i gzhi gtsug lag khang dang/ lha khang dang/ mchod rten rnams ji ltar bzhengs pa dang/ dge 'dun sde gnyis ji ltar spel ba'i tshul rgyas bar bstan pa li yul lung bstan pa zhes bya ba rdzogs so// //