@1a [dd] @##/ /rgya gar skad du/ ra sa shAstra sidd+hi nA ma/ bod
skad du/ dngul chu grub pa'i bstan bcos zhes bya ba/ sangs rgyas
la phyag 'tshal lo/ /thams cad mkhyen pa thams cad sbyin/ /[dd]

zhi ba dpal dang ldan pa'i gzugs/ /pha rol gces par byed pa'i
mchog /longs spyod rnam par grol la 'dud/ /dpal ldan mgon po'i
dbang phyug la'o/ /dngos po dngos po med par grol/ /

mthong dang ma mthong med pa yi/ /longs spyod grol ba rnam par
ster/ /dpal gyi dbang phyug phyag 'tshal bstod/ /dri med rang
byung dngul chu mchog /las kyis bslad pa ngan par bshad/ /sbyor
ba gzhan

la yon tan skyed/ /shi ru cha bas nad rnams 'joms/ /mkhas kyis
bsgrub pas bkres pa 'joms/ /brkams pas mkha' spyod 'grub par
'gyur/ /lhang tsher byin pa'i stobs kyis ni/ /yon tan brgyad

'gyur thob par 'gyur/ /mu zi dang ni sbyar ba yis/ /yon tan drug
'gyur thob par 'gyur/ /gser dang mnyam por sbyar ba la/ /ma 'gags
nam mkha'i lam la 'gro/ /gsha' tshe dkar pos mnyam pa

@2a @#/ /gsod; /las 'di nyis 'gyur dngul dang sbyor/ /dngul chu'i
nyis 'gyur chu dang sbyor/ /de bzhin gser dang sbyar bar bya/
/zangs ni drug cu rtsa bzhi 'pigs/ /dngul chu ser skyas las rnams
byed/ /me dang

sprad par 'gyur ba'i tshe/ /chu bur ltar du 'gyur ba dang/ /mi
g.yo ba ru bstan pa ni/ /lhang tsher dang ni sbyar bas so/ /gser
dang dngul ni mnyam pa yis/ /las rnams byed par 'gyur ba yin/ /de
nas mnyam pa'i mtshan nyid ni/ /

lhang tsher zhu bar gyur pa las/ /dngul chu dbang du byas par
'gyur/ /lus ngan po yi gser mdzod kyi/ /sgo rnams dbye bar 'gyur
ba yin/ /dri med gdong can lhang tsher ni/ /me yis 'ching bar byed
par 'gyur/ /mu zi las ni drang par

'gyur/ /gser gyi nang du chu song zhing/ /gcig tu 'dres shing
gang ba ni/ /sa steng 'di na rab tu dkon/ /ma sbyangs pa yis mi
'grub ste/ /dmar por btsos pa ma yin pas/ /rdzas rnams gser du mi
byed de/ /btsos shing sbyangs

pas 'grub pa yin/ /bye ba'ang 'grub par 'gyur pa yin/ /de nas
rdzas rnams dpag med brjod/ /mchog tu 'gyur ba rno lcags yin/ /ma
rnyed rno lcags gzhan yang yin/ /zangs dang gsha' tshe ra gan klu/
/sbyangs pa'i zangs dang

@2b gser dang dngul/ /rdo ltar lcags ni brgyad po la/ /dngul chu
gzhug par bya ba yin/ /sbyangs nas las rnams bya ba yin/ /dag
cing sbyangs pas bcud du byed/ /mu zi dang ni bi ma la/ /mak+Shi
ka dang de bzhin mtshal/ /ldong ros de bzhin zha nye drug /mdung
rtse dang ni ba bla dang/ /shes rab

can gyis sbyang bar bya/ /shes nas las rnams bya ba yin/ /gser
gyi las rnams ba blas byed/ /ser pos dkar po'i las rnams byed/
/lhang tsher dang ni ti tsha yis/ /ka ku shri yi las rnams byed/
/de rnams mtshan ma brjod bya ba/ /sbyang zhing dug dang bral bar
bya/ /rno lcags bzang

zhing dkar ba la/ /rno zhing mchog tu dro bar byed/ /zangs ni
mchog tu dmar ba bzang/ /de la rigs ni gsum du gnas/ /bal por
skyes pa'i rang bzhin bzang/ /ngan pa la sbyangs mchog tu 'gyur/
/kan d+ha 'ur du skyes pa ngan/ /bzang ngan 'dres mas las rnams
byed/ /sbyangs shing rjes

su sbyangs pa las/ /dngul chu rab tu dmar bar byed/ /klu ni gnag
dang dkar ba gnyis/ /rang bzhin mgyogs par chu ltar 'ju/ /ra gan
dri ma che ba mchog /rang bzhin chu ltar myur du 'ju/ /rang bzhin
gnyis pa myur du 'ju/ /dkar po pha rol mchog tu grags/ /ser po
gser

ltar mdangs bzang ba/ /bsregs na dri can nag por 'gyur/ /drag tu
bskol bas 'ju bar byed/ /rags pa zangs kyi khams las byung/
/bsregs na nag por 'gyur ba yis/ /de ni ring por 'ju bar byed/
/gsha' tshe dang ni 'dres pa las/ /'khar ba'i khams su byed par
'gyur/ /zangs

ma'i rang bzhin 'ju bar dka'/ /'khar bar gan myur du 'ju/ /gser
ni bdar na ser ba la/ /bcad na dkar por 'gyur ba yin/ /bsregs na
gur kum mdangs ltar byed/ /nyung ba lci zhing snum par byed/
/drug ni gser gyi mtshan nyid yin/ /dngul ni kunda ltar dkar
zhing/ /snum

la 'od can rab tu gsal/ /drug cu rtsa bzhi yon tan ni/ /khams
rnams kun la rab tu ldan/ /de rnams mdo ru bsdus te bshad/ /sngon
du bshad pa'i rjes su ni/ /dang po rno lcags bshad pa la/ /sbyang
ba lan bdun bar du'o/ /rno lcags rnon po gnyis la yang/ /gser ni
dbugs bcing

@3a @#/ /brtag par bya/ /ba tsha bcug cing sbyang bar bya/ /gzhan
yang dri chu lnga yis sbyangs/ /ba tsha dri chu gcig tu bsres/
/dag cing sbyangs par byas pa yis/ /skyur pos sbyangs shing rab
tu bsreg /de ltar mang du byas pa las/ /de yi rtsa ba bzung zhing
bsreg /yang ni skyur po

bcug cing sbyang/ /de lta bu yi rim pa yis/ /lcags dang rno lcags
sbyar bar bya/ /glang po che yi rus pa btab/ /mthing shing phye
ma rnam par blang/ /ra yi gcin gyis rnam par bsres/ /lan bdun bar
du sbyang bar bya/ /de ltar zangs ni sbyangs ba yis/ /blo ldan
gser 'gyur mkhan po rnams/ /

de ltar zangs ni sbyor ba yin/ /lcags brgyad nang du zangs ni
mchog /las rnams thams cad byed par 'gyur/ /de nas yang dag bshad
bya ba/ /ra gan sbyang ba'i cho ga bshad/ /seg bdar gyis ni phye
mar brdar/ /de nas phye ma zhib tu btags/ /ba tsha dang ni dri chu
bsre/ /lan bdun bar du

skam zhing bsreg /yang ni skyur po'i khu ba sbyin/ /lan gsum bar
du bsreg par bya/ /de ltar dag par byas pa yis/ /ra gan rnam par
sbyangs pa yin/ /de nas 'khar ba sbyang bar bya/ /sngar bzhin
zhib tu btags pa la/ /de la pa tsha dri chu sbyin/ /yang dang yang
du blugs shing bskol/ /lan bdun

bar du sbyangs pa yin/ /yang ni skyar po'i khu ba gzhug /cung zad
zha nye byin la bzhu/ /bsregs pas zangs su 'gyur ba yin/ /sngar
bshad rim pas zangs kyang sbyang/ /de ltar 'khar ba sbyangs pa
yis/ /mchog gi lcags ni sbyang pa'i thabs/ /zha nye sbyang bar
bya ba ni/ /de yi byed pa rnam

bshad na/ /yung ba phye mar btags pa'am/ /shr-I khaNDa rnam par
bsre/ /mang po gzhug cing bskam par bya/ /de nas zhwa nye sbyin
la btags/ /lan bdun bar du sbyangs pas 'dag /zha nye zhu bar gyur
ba na/ /'bras bu gsum gyi khu ba sbyin/ /zha nye sbyangs pa'i cho
ga yis/ /gsha' tshe

dkar po'ang nga bzhin sbyang/ /ldong ros kyi ni rang bzhin la/
/ma la ta yi khu bas spangs/ /gsha' tshe btags pa'i nang du blugs/
/yang dang yang du ska ma zhing btags/ /'dzo ti sma ti'i mar khu
blugs/ /med na me tog na ra dza'i/ /mar bu yi ni rnam par bsre/
/gzhan yang sbyar thabs

@3b mang po yis/ /nyes pa thams cad 'joms par byed/ /zha nye nag
po cung zad bsre/ /dngul gyi rang bzhin dag pa'o/ /'di ltar dri
chu lan gsum sbyang/ /btags shing btags shing lan bdun bkru/
/'dis ni dag cing rgyal bar byed/ /gser gyi sbyang ba brjod par
bya/ /mchog tu ba tsha

sbyang ba gces/ /skyur po yis kyang de bzhin du/ /mar dang sbrang
rtsi rnam par bsre/ /gser dang sbyar zhing btags par bya/ /las
rnams gzhan gyi drug 'gyur sbyang/ /des ni nges par 'grub par
'gyur/ /ji ltar gser gyi las rnams yin/ /de nas lcags kyi bya ba
brjod/ /ji ltar dbye

ba'i sbyor ba yis/ /paNTi han du skyes pa mchog /gser dang dngul
yang de na mchog /rno lcags ji ltar rnyed pa gzung/ /dang po
sbyang ba'i cho ga ni/ /phyi nas las rnams brjod par bya/ /'di
ltar gser zil rdo la ni/ /ba tsha dang ni skyur pos sbyang/ /lcags
kyi snod du legs par btags/ /lcags

kyi steng du ga 'us dgab/ /mtha' ni ras dang 'jim pas gtums/
/bsregs pas dag par 'gyur ba yin/ /phye mar gyur gyi bar du bsreg
/de ltar dag pa'i cho ga ni/ /las rnams kun la bya ba yin/ /mu zi
mar gyi mdog can bzang/ /'bring ni mang du rnyed pa blang/ /ngan
pa ba glang so dang mtshungs

de ltar mu zi rigs gsum yin/ /bi ma la ni ser mo bzang/ /gser
dang dngul gyi kha dog gis/ /rab dang 'bring ni shes par bya/
/shes nas las rnams bya ba yin/ /gser zil rdo ni ser ba la/ /rang
bzhin zangs kyi khams yin te/ /rag rdo dang ni gser zil rdo/
/khams dang rang bzhin

gcig pa yin/ /sprin gyi kha dog ji bzhin ser/ /me tog kar bir
'bras bu 'dra/ /de ni mchog tu gyur pa yin/ /rigs rnams dag par
shes pas sbyang/ /mchog dang bar dang tham ste/ /mak+Shi ka ni
gsum du snang/ /mtshal la rigs ni gnyis yin te/ /mchog ni nyi ma'i
'od ltar gsal/ /

gser mtshal rab tu dmar ba mchog /gnyis ka dngul chu'i khams yin
te/ /ldong ros dbye ba'i dri can mchog /ma tshur gyi mtshan nyid
brjod bya ba/ /smin cing ser ba mchog tu bzang/ /gser gyi sbal
rgyab ltar du ser/ /ma rnyed dmar po gzung bar bya/ /dag bas las
rnams bya ba yin/ /smin

@4a @#/ /pa ser po'i khams yin te/ /ba bla mchog tu dkar ba bzang/
/'bring ni rnam par ser ba yin/ /shes nas las la sbyar bar bya/
/las gzhan ser po phal pa'ang gzung/ /lhang tsher nam mkha'i ming
gis brjod/ /ser po na ga po dkar po las/ /lhang tsher zhu bas

las rnams byed/ /rnam par spyad pas las rnams byed/ /mchog ni
gser gyi mdog ltar ser/ /nag po bar ba'i khams yin te/ /gnyis ni
gser 'gyur las la bzung/ /dkar po dag par byas pa yis/ /dngul gyi
las kyang 'grub pa yin/ /tsi ta dmar po mchog yin te/ /dmar

po'i khams ni sbyin pa min/ /kam kus tra ni cung zad ser/ /thams
cad sngon du bshad zin te/ /lcags brgyad pos kyang gong du bshad/
/'di ni las kyis sbyar ba las/ /lcags rnams sbyar zhing btags pa
las/ /bsad cing rjes su 'bigs par byed/ /paN tre'i yul nas rdo
rje skyes/ /

rang byung lcags dang rdo lcags dang/ /zha nye zangs dang ra gan
dang/ /'khar ba gser dang de bzhin dngul/ /gsha' tshe dkar po
thams cad la/ /bkrus shing gsang bar bya ba yin/ /gser zil rdo
yis lcags 'joms shing/ /dngul dang gsha' tshe nyams pa yin/ /gser
gyi las ni dag pa

yin; /lcags drug rnam par sbyangs pa las/ /gser gyi las ni 'grub
par byed/ /dngul gyi las ni 'grub par 'gyur/ /zi ma'i khu ba rnam
par sbyin/ /skyur po'i khu bas dag par byed/ /gsha' tshe rnam par
btags pa las/ /yang ni zi ma'i khu ba blugs/ /skyu ru ra yi shun
pa bsre/ /de ltar

bsres shing btags pa la/ /yang ni ga 'u'i nang du bsreg /de ni
gsha' tshe phye mar 'gyur/ /phye ma dang ni ba bla bsre/ /mak+Shi
ka ni rnam par btags/ /btags pa ras kyis phye ma gtums/ /bal sran
nag po'i khu ba gzhug /me yi dugs kyis rnam par skam/ /ba lci
skams pa'i phye ma yis/ /chu

la bcug cing khu bas bdug /ba tsha dang ni dri chu bsre/ /rang
bzhin lan bdun bar du sbyang/ /skyur po'i khu bas phyi nas
sbyang/ /de nas las rnams bya ba yin/ /de bzhin bi ma la yang
sbyang/ /sngar bzhin cho ga de nyid kyis/ /sbyang zhing las rnams
bya ba yin/ /mu zi'i las rnams bshad bya ba/ /sngar

@4b bshad rim pa ci bzhin du/ /dang po rnam par btags par bya/
/lcags kyi snod kyi nang du ni/ /mar khu dang ni rnam par bsre/
/rang bzhin me la sbyang bar bya/ /d+ha du ra yi khu ba yis/ /lan
gsum bsres shing bskam par bya/ /mtshal ni btags par gyur ba la/
/rma bya'i mkhris pas rnam par

sbyangs; /ma rnyed ro ju'i mkhris pa yis/ /ji ltar mtshal ni
sbyangs pa bzhin/ /gser ldan sbal rgyab ldong ros dang/ /ba bla
dang ni skyur po'i rdo/ /rim pas mtshal shing sbyang bar bya/
/sbal rgyab dang ni kam bu tri/ /lhang tsher dang ni so khri
nya'i/ /mkhris pa yis ni bya ba yin/ /thams cad

lan bdun bar du sbyang/ /rim pa de bzhin bkru bar bya/ /lhang
tsher sbyang ba brjod bya ba/ /sngon bshad pa yi rjes bzhin du/
/mchog ni lhang tsher nag po yin/ /gser gyi las rnams 'grub par
byed/ /dkar pos dngul gyi las rnams byed/ /dngul chus sbyor zhing
'bigs par byed/ /lhang

tsher 'dab ma re re dbye/ /lcags kyi snod kyi nang du gzhug /tang
kru lu yi rtsa ba bsre/ /de yi khu bas rnam par gzhug /ras bal
gyi ni 'dab ma yi/ /khu ba yis kyang rnam par sbangs/ /nyi ma la
ni bdug cing skam/ /btags shing sngon gyi khu bas gzhug /de tshe
lhang tsher phye mar 'gyur/ /legs par

btags par gyur ba yis/ /zhabs su rnam par btags par bya/ /yang ni
bkru zhing btags par bya/ /tig tig khu bas rnam par bsre/ /bcug
cing lan gsum bar du bsreg /de ltar sbyangs pa'i cho ga yis/
/lhang tsher gnag dang dkar ba la/ /lhang tsher ser po mchog yin
te/ /gser gyi

las la mchog tu bshad/ /dag cing sbyang ba byas pa yis/ /dngul
chu dang ni lhang tsher sbyar/ /mu zi gser zil ba bla dang/ /de
ltar mtshal dang bzhi po la/ /rang bzhin dbang du bya ba brjod/
/las rnams thams cad byed par 'gyur/ /lhang tsher dmar po nag po
yang/ /'dab ma re rer dbye bar bya/ /

sngon gyi cho gas dag par bya/ /so khri nya yi mkhris pa sbyin/
/tsha la cung zad bsre bar bya/ /ga'u'i nang du bcug la gtums/
/sol ba'i me la rab tu bsreg /ga'u me yi rang bzhin ltar/ /gyur
gyi bar du bsreg par bya/ /ga'u kha dang ldan pa ru/ /tsha la byin
la bsregs pa ni/ /ga'u'i kha ni ma bcad par/ /

@5a @#/ /lcags kyi rang bzhin ltar du 'ju/ /gser gyi las kyi mtshan
ma la/ /'di ltar du ni bya bar bshad/ /lhang tsher dkar pos bden
par 'gro/ /'di yis byed pas thams cad shes/ /dngul gyis las
la'ang 'di bzhin du/ /gser zil rdo ni dag pa la/ /yang ni skyur
pos dag

par sbyang/ /lcags sam rdza yi snod du ni/ /skyur po'i phye mas
dgang bar bya/ /lcags kyi ber gas gsad par bya/ /skyur po'i khu
bas rnam par gzhug /dngul chu yang ni de bzhin te/ /de yi las kyi
bya ba yis/ /dngul chu ri lu bya bar 'gyur/ /yang ni skyur po
gzhug par bya/ /rdza yi snod kyi nang du

ni; /steng nas rdza yi snod kyis dag pa/ /phyi nas 'jim pas byug
par bya/ /'jim pas byugs pa ras kyis dkri/ /cung zad chu yang
sbyin par bya/ /de rjes 'og nas me yis spar/ /steng du dngul chu
chags par 'gyur/ /steng gi dngul chu rnam par bzung/ /lhag ma'i
dngul chu skam par 'gyur/ /'khru ba[?]

'khor 'di ni pa tang gi /mkhas pas 'di dag btags pa las/ /gser
zil rdo ni 'og na gnas/ /tsha la dang ni skyur bos bsre/ /ji ltar
sbyor ba gzhan la ni/ /ga'u kha med rim pas so/ /gser zil rdo yi
gtan la ni/ /bsregs pas 'og tu 'thob par 'gyur/ /zhag gcig

bden par grub pa las/ /gser gyi las kyi mtshan ma yi/ /mtshal gyi
las rnams brjod bya ba/ /bden par bya ba'i cho ga la/ /thog mar
zhib tu btags par bya/ /skyur po'i khu bas rnam par bsre/ /pa ta
ka yi sbyor ba yis/ /bden par dgug cing dbang du bya/ /ji ltar
dngul chu dngul bzhin

du/ /gser gyi las la 'bigs par 'gyur/ /ba bla'i rang bzhin brjod
bya ba/ /bden cing dgug pa'i las rnams brjod/ /thams cad 'dab
ma'i rim pas dbye/ /ba bla bzang po phye mar btags/ /so khri nya
yi mkhris pas bsre/ /mkhas pas 'di 'drar shes par 'gyur/ /phyi
nas tsha la'i phye mas

bsre/ /thams cad gcig tu btags par bya/ /lcags kyi steng du lcags
khebs dgab/ /'dab ma chung ngu dag cing bden/ /de yang phye mar
btags par bya/ /ga'u kha med nang du gzhug /skams nas rab tu
bsreg par bya/ /the tshom med par bden par 'grub/ /kha dog dkar
por mthong bar 'gyur/ /

@5b dngul gyi las kyi mtshan ma la/ /dag pa'i cho ga brjod bya ba/
/dngul chu dag cing 'bigs pa la/ /mi yi yid kyi don rnams ni/
/chos dang las dang don rnams 'grub/ /ji ltar rang gi lus kyi
don/ /dngul chu yis ni 'grub par 'gyur/ /mig g.yo ba yi dngul chu
mchog /phal pa rnams la mi sbyin no/ /

so phag phye ma sbyar zhing btags/ /ka ra dug dang ske tshe dang/
/tsha ba gsum dang sbyar ba yis/ /de bzhin chang gi sa bon dang/
/kham pa'i steng gi du ngad dang/ /de ltar rnam pa bcu gcig po/
/stobs can ming ni ra gan yin/ /thams cad gcig tu bsre bar bya/
/de rnams kun dang dngul chu bsre/ /bkrus

shing dngul chu btags par bya/ /yang dang yang du rnam par btags/
/zhag gsum gyis ni dag par 'gyur/ /srang brgya tsam du gang bar
bya/ /de la srang ni lnga bcu gzung/ /de phyed nyi shu rtsa
lnga'i srang/ /de tsam sgrub par mi nus na/ /srang gnyis la yang
bya ba yin/ /dngul chu bcing pa'i cho ga la/

stobs can sman rnams brjod bya ba/ /tshangs pa yi ni dbyug pa
dang/ /de bzhin tshangs pa'i zla ba dang/ /sprul gyi mig gi ming
can dang/ /de bzhin ser po nyi yi mig /de bzhin khu byug rtsa ba
dang/ /de bzhin man d+hu ba rni dang/ /gzhan yang 'dab ma sha lin
tshi/ /stobs po che yi sman dang ni/ /me tog

ngo tsha can dang ni/ /de rnams mchog tu gces pa'i sman/ /chu ni
skems par byed pa'i sman/ /zla ba'i khri shing brjod par bya/
/des ni las rnams thams cad bya/ /'byung po ral pa 'dab ma che/
/'dzo ti sma ti sma bo gcig /ha tra ku b+hi 'om dang/ /de bzhin
rnga mo 'am tsher ma dang/ /rma bya'i gtsug

phud 'od dang ldan/ /de bzhin skrod byed dmar po dang/ /klu yi
stobs zhes brjod pa yin/ /de rnams dngul gyi las rnams byed/ /lus
ngan po ni mchog tu brjod/ /de rnams chu ni 'ching bar byed/ /de
ltar brjod pa'i rnam grangs ni/ /chu ni 'ching bar byed pa yin/
/de ltar brjod pa'i sman rnams

las; /ji ltar 'byor ba sogs par ba/ /mkhas pa blo dang ldan pas
gzung/ /dag byed gang yang skyur po yin/ /rag rdo dang ni rnam
par sbyang/ /cung zad tsam gyi me la bdug /dugs kyis smin par
'gyur ba yin/ /rtag tu btags shing bdug par bya/ /nyi ma bdun gyi
bar du'o/ /de nas sman dang sbyar/

@6a @#/ /zhing btags/ /ji ltar rnyed pa'i sman gyi las/ /sman
rnams kun gyi khu ba bzung/ /ji ltar brjod pa'i man ngag gis/
/skyur po'i cho ga bya ba yin/ /mar khu yis kyang de bzhin
bsgrub/ /mar khu skyur po'i sbyor ba yi/ /nang du dngul chu gzhug
par bya/ /de yang me la cung zad

bdug/ /yang dang yang du gzhug cing bskam/ /de yi steng du brjod
bya ba/ /brjod pas bde ba grub par 'gyur/ /'di ltar dal gyis
bsgrub bya ba'i/ /sngon gyi cho gas bskam par 'gyur/ /ma ni'i
'dab ma chu lha'i shing/ /nir kun dri dang ma hA ra sa tri/ /dug
dang de bzhin sha tri dang/ /g+ha ni ha ri de

bzhin du/ /tshangs pa'i dbyug pa d+ha du ra/ /dug dang yungs nag
tsi tra ka /lce 'bigs la sogs sman rnams las/ /ji ltar rnyed pa
gzung bar bya/ /skyur po'i cho gas dal gyis gzung/ /myos byed de
bzhin lang ka li/ /gzhan yang kar bir dkar po dang/ /myos byed
dang ni shi kru dang/ /de rnams nye ba'i dug

tu 'dod/ /dug chen lnga yang brjod bya ba/ /sA thu ba dang srin
gi ba/ /ka la kub ta ser skya dang/ /sbrang rtsi ser po lta bu'i
dug/ /rgya mtsho'i tsha dang se d+ha ba/ /btso tsha dang ni rgya tsha
dang/ /dri chen tsha dang rnam pa lnga/ /tsha la ma tshur dang ze
tsha dang/ /de rnams 'gyur byed rnam gsum yin/ /gser zil rdo dang
dri

med rdo/ /thu thu ka dang dngul chu dang/ /g.yo byed dang ni
mtshal dang ni/ /mas sa ka dang bcud len bdun/ /ba bla dang ni
ldong ros dang/ /skyur po dang ni mu zi dang/ /sbal rgyab rdo
dang ka shi ka/ /'dab mas de rnams nyer bcud bdun/ /pA la sha
dang ka ta yi/ /a pha mar ka hi tshal/ /pi pi ling

gi sdong bu dang/ /ba tsha can gyi shing ste dang/ /gzhan yang
'gyur byed rnam gsum dang/ /ba dang glang chen rnga mo ste/ /de
ltar dri chu rnam gsum dang/ /sga dang de bzhin ka spu ka/ /tsi
tra ka ni dmar po dang/ /yung ba dang ni de bzhin btsod/ /tsandan
dmar po pa tam ka/ /ku sum b+ha dang 'dab ma'i dngul/ /

de rnams dngul 'tshed pa yi sman/ /dmar po'i sde tshan bsdus pa
yin/ /'dzo ti sma ti'i mar khu dang/ /ka ranydza dang a ta shi/
/de ltar khu ba'i sde tshan gsum/ /dngul chu 'tshed par byed pa
yin/ /de bzhin b+he sha'i shing dang ni/ /nyi ma la ni bskam par
bya/ /padma'i 'dab ma'i khu ba sbyin/ /b+ho ga na yi

@6b shing kun dang/ /de bzhin dung gi phye ma dang/ /ba tsha dang
ni dri chu'i sde/ /tsha dang de bzhin nye ba'i tsha/ /mchog tu gyur
pa'i sman sde dang/ /se 'du'i tsha dang skyur po las/ /skyur po'i
nang du bar snang las/ /dngul chu btso bar bya ba yin/ /man d+hu
ka yi 'dab ma la/ /khu ba bcug la btso bar bya/ /dri ma dprog

par byed pa yin/ /'khrul 'khor 'di ni 'bar ba'i me/ /ngang pas
sman pa'i 'khrul 'khor la/ /lhang tsher blugs par bya ba yin/ /sin
d+hu tsha dang mtshal yang sbyin/ /zangs kyi snod du blugs par bya/
/bug pa med pa'i 'khrul 'khor la'o/ /shin tu 'jam pa'i 'khrul
'khor gyis/ /nyin re nyin re ji

bzhin du/ /ser skya'i dug dang skyur po sbyin/ /bya rog gdug pa
ji bzhin bskam/ /sngon bshad skam pa'i cho gas sman/ /dngul chu
yi ni bcu drug 'gyur/ /btul ba'i lcags rnams gzhug par bya/
/thams cad dngul chu za bar 'gyur/ /phyi nas dngul chu dkar po
btags/ /thams cad gcig tu bya ba

yin; /rno lcags de bzhin rnon po gzhan/ /zha nye dang ni ra gan
sbyin/ /phyi nas dngul chu gzhug par bya/ /zangs dang zha nye
rnam par bsre/ /'khar ba dang ni ra gan rnams/ /dngul chu 'ching
ba'i don du'o/ /rno lcags gsad pas dngul chu 'ching/ /sum 'gyur
gser gyis dngul chu za/ /de ni dri ma spong bar

'gyur/ /gser zil rdo dang rno lcags gnyis/ /dngul chu bskam par
'gyur ba yin/ /dngul chu'i las kyi sbyor ba 'grub/ /phal ba'i
mdangs kyang de bzhin du/ /thams cad mnyam par bsres pa las/ /de
yi las kyi sbyor ba yis/ /lcags drug las rnams sbyor bar 'gyur/
/gser zil rdo yis las

rnams 'grub/ /des ni mchog gi las rnams 'grub/ /rin chen sa bon
sbyin par bya/ /des ni phyed pa'i gser du 'gyur/ /lan gnyis kyis
ni dkar por 'gro/ /yang ni rno lcags bsad pa la/ /nyis 'gyur
dngul dang sbyar ba yis/ /dngul chu 'grub par 'gyur ba yin/ /gser
ltar bskams par

gyur pa las/ /kun gyi don rnams 'grub par 'gyur/ /sum cu rtsa
gnyis 'bigs pa dang/ /lnga bcu brgya dang lnga brgya stong/ /khri
dang 'bum gyi bar du 'bigs/ /las 'di shes pas bcud dang ni/ /bcud
kyis len rnams 'grub par byed/ /zla ba gcig tu mang po'i tshad/
/yun ring gson dang

@7a @#/ /stobs chen ster/ /'bum phrag bar du 'tsho bar 'gyur/ /de
yi nyis 'gyur zos pa yis/ /lo ni bcu drug lon ltar 'gyur/ /mdze
la sogs pa'i nad brgyad 'joms/ /de ltar mang du zos pa las/ /nyi
zla skar ma gnas par 'tsho/ /skra dkar gnyer ma thams cad spong/
/yon tan

rang bzhin thams cad pa/ /'dir ni dngul chu'i bstan bcos las/
/don rnams rtogs nas bris pa 'di/ /b+ha li pa yis byas pa yin/
/kun gyi don rnams 'grub par shog /dngul chu rab tu grub pa'i
bstan bcos slob dpon chen po b+ha li pa yis mdzad pa rdzogs so//
//rgya gar gyi paNDi ta shrI na

rendra b+ha dra dang/ bod kyi lo tsA ba u rgyan pa rin chen dpal
gyis ri bo chen po sbud tra'i mgul gyi pho brang chen por bsgyur
ba'o// @##/ /rgya gar skad du/ /ra sa yA Na shA stra ud-i bra ti/
bod skad du/ gser 'gyur gyi bstan bcos bsdus pa/ thams cad mkhyen
pa la

phyag 'tshal lo/ /kun mkhyen zhi ba kun ster ba/ /dpal mgon mchog
tu zhi bar mdzad/ /longs spyod grol ba rab ster ba'i/ /dbang
phyug dam pa phyag 'tshal lo/ /phra dang sbom las rnam par grol/
/gsal dang mi gsal mchog tu zhi/ /dpal dang longs spyod grol ster
ma/ /mchog gi dbang phyug la phyag

'tshal; /mchog tu sra ba'i dngul chu yi/ /las kyi sbyor ba nges
par sbyar/ /de nyid rab sbyor mtha' la ni/ /yon tan skye bar
'gyur ba ste/ /brgyal ba yis ni nad 'joms shing/ /sman pa yis ni
dbul po spong/ /bcings pa yis ni mkha' la 'gro/ /dngul chu'i yon
tan rnam gsum mo/ /gal te

lhang tsher sman ni yon tan brgyad/ /mu zi zhu gyur 'di la yon tan
drug /dngul chu mnyam du gser gyis nges bcings nas/ /khyod kyis
mkha' la 'gro ba gang gis 'gog /gsha' tshe dngul chu'i ro yis
mnyam du bsnun/ /de phyed zla ba gnyis pa'i rim pa yis/ /gsha'
tshe zla ba'i phyogs gsungs gser

sbyor las; /zangs ma drug cu rtsa bzhi 'bigs par byed/ /de nyid
thig le mi gtong zhing/ /dmar skya'i mdog ni nor ster ro/ /me la
gnas shing mi g.yo ba/ /nam mkha' smin pa'i mtshan nyid do/ /gang
la dngul chu mnyam du zhu/ /dngul dang yang na gser dag gam/
/gcig tu gyur cing mi zad pa/ /de

@7b ni bcings pa'i mtshan nyid do/ /lhang tsher zhu ba gang zhig
gis/ /dngul chu dbang du byas gyur na/ /de yis chos dang nor dag
gi/ /sgo dag nye bar phye ba yin/ /kha yangs nam mkha' za ba
dang/ /ser po za bas mu zi dang/ /gser gyi mngal gyi khu ba nyid/
/nor 'dzin steng na shin tu dkon/ /snyig

min ma yin khyab pa yi/ /dmar min ma yin gzhan ma'i tshe/ /smin
dang rnyings pa nyid kyis ni/ /bye ba rnams ni 'bigs par 'gyur/
/de nas dngos po'i grangs brjod do/ /'od ldan lcags ni mchog tu
'gyur/ /de dngos med na lcags rnon po/ /ra gan zho phyed gsha'
tshe zangs/ /sgra gcan gser dang

dkar po rnams/ /lcags rnams brgyad du gsungs pa ste/ /dngul chu'i
smin pa so so la/ /sbyang ba nyid du bya ba ste/ /gser gyur las
la dngul chu rnams/ /mu zi de bzhin dri med dang/ /ma k+Shi ka
dang de bzhin mtshal/ /ku Na DI kA shr-i ka ma drug /gser gyi
mchog dang ba bla rnams/ /shes rab ldan pas

'bad pas sbyangs/ /mkhas pa las rnams shes par bya/ /gser gyis
las rnams ba bla yi/ /kha dog ser dang dkar po'i khams/ /lhang
tsher de bzhin sau bIr/ /kAM guShTha rnams so sor smin/ /de
rnams rtags ni bshad par bya/ /sbyangs pas khu ba rnams ni ltung/
/'od ldan yang shing khu ba dkar/ /rnon po

mchog tu rnon por 'gyur/ /zangs ma dmar dang sra ba ste/ /rigs ni
gsum du dbye ba las/ /bal yul las byung mchog yin te/ /'dab mar
gyur pa 'bring du rig /tha ma 'od kyi dri mar shes/ /las ni legs
par sbyar bar bya/ /sbyangs pas khyab byed nyid dang ni/ /dngul
chu'i smin pa nyid la phan/ /zha nye nag

po dkar bar shes/ /rang bzhin yang shing khu ba can/ /gsha' tshe
dri dang ldan pa mchog /tshogs pa nag cing myur du 'ju/ /myur du
'ju ba'i rang bzhin gyis/ /dkar por shin tu yongs su grags/ /ra
gan kha dog gser 'dra zhing/ /dri ma len cing dri dang ldan/
/drag cing brtan pa'i khu ba nyid/ /zangs kyi

khams ni mthug pa'o/ /sgra ldan dri ma yang dag ldan/ /sra zhing
mchog tu brtan gyur pa/ /zangs dang gsha' tshe dag bsres pa/
/mthug cing myur du 'ju pa'o/ /bcad na dkar zhing bdar na ser/
/bsregs na gur gum lta bu dang/ /snum dang nyung dus lce ba ste/
/gser gyi mtshan nyid rnam pa drug

@8a @#/ /skar ma kun da'i mdog dang mtshungs/ /snum dang skar ma
rab tu ste/ /yon tan drug cu rtsa bzhi ni/ /rigs kyi mtshan nyid
dag tu bshad/ /sngon rjes ji ltar de bzhin du/ /bsdus nas bdag
gis rab bshad bya/ /'od ldan la sogs lcags rnams kyis/ /sbyangs
nas snying

stobs dgug pa ste/ /'od ldan lcags sam yang na rno/ /gser ni dgug
cing phye mar bya/ /tsha yi sde tshan ji snyed dang/ /dri chu'i sde
tshan sbyar bar bya/ /tsha dang dri chu de nyid kyis/ /blo dang
ldan pas phye mar bya/ /gong bu gsum du blangs yang ni/ /skyur
rtsi rnam par mang pos gdul/ /de ni rtsa ba nyid du bya/ /slar

yang skyur rtsis sbyang bar bya/ /'di yis zangs dang 'od ldan
nam/ /yang na rnon po 'di yis sbyangs/ /glang chen rus phye yang
dag sbyor/ /mching bu'i phye ma nges sbyar bya/ /lan ni bdun gyi
bar du ni/ /ra yi dri chus gtor bar bya/ /de 'dir zangs ni sbyar
bar bya/ /blo dang ldan pa rnams kyis bshad/ /

'di yis zangs ni rab mchog tu/ /sbyang bya las rnams thams cad
la/ /de nas ra gan de bzhin du/ /sbyang ba bdag gis rab bshad
bya/ /'bad pa yis ni bdar bar bya/ /phye ma zhib mo nyid du bya/
/tsha bcug dri yi chu yis ni/ /mkhas pas nyi ma bdun du mnye/
/slar yang skyur mo dang bcas pas/ /kong

bu gsum du sbyin par bya/ /'di yi sbyang bar bshad pa ni/ /ra gan
cho ga ji bzhin no/ /'khar ba 'bad pas bdar bya ste/ /phye ma
zhib mo nyid du bya/ /tsha bcug dri yi chu yis ni/ /phye ma nyid
ni slar yang sbyang/ /lan bdun gyi ni bar du spyad/ /slar yang
skyur mos sbyang bar bya/ /zha nye byin nas me la bsreg /ji srid

zangs su ma gyur par/ /zangs khi gzugs gyur gang la ni/ /slar
yang zangs sbyin sbyang bar bya/ /sgra ldan byas par bshad pa yi/
/gtso bo dag ni bdag gis bshad/ /gzha nye sbyang bar bshad pa
yang/ /ji ltar rigs par bdag gis bshad/ /ba bla'i phye mas 'bar
bzhin du/ /sh'r-i khaNDa'i 'o mas sbyang/ /mang

por sbyang zhing phye ma dag /nyi ma la ni sbyang bar bya/ /me
gnas zhu dang phye ma la/ /zha nye yis ni nges par sbyang/ /lan
bdun gyis ni dag par 'gyur/ /'bras bu gsum gyi khu bas bkru/ /'di
yi sbyang ba bshad pa ni/ /zha nye gsha' tshe dag bzhin bshad/ /ku
NI DI yi dngos po dang/ /chang gi me tog khu ba yis/ /

@8b da yi phye ma sbyar bar bya/ /gsha' tshe res kyi yang yang du/
/'od kyi blo gros mar khu dang/ /yang na ka ranydza[?] mar khus/
/bkru zhing gtor ba nyid du bya/ /sbyang ba mang du gsungs pa
yis/ /nyes pa mang po rnam par spong/ /zha nye cung zad byin nas
ni/ /skar ma mkhas pas me la bsreg /de bzhan gyur pa dri chu yis/
/blo

dang ldan pas lan gsum bkru/ /de nas mtha' dang bar dag tu/ /lan
bdun du ni bkru bar bya/ /de yis dag par 'gyur ba ste/ /'di la
rnam par dpyang mi bya/ /gser mi sbyang par bshad pa yi/ /yon tan
rnams ni drug de yi/ /dang por tsha dang dri chu yis/ /ji snyed
skyur rtsis bkru bar bya/ /mar dang sbrang dag bsres

pa yis/ /byugs pas slar yang 'dzad mi 'gyur/ /'di yis dngos grub
'grub par byed/ /gser gyi rim pa ji bzhin no/ /lcags rnams gdul
bar gsungs pa yi/ /ji ltar mi 'gyur sbyong ba las/ /gser dngul ji
lta de bzhin du/ /'od ldan lcags dag ji snyed dang/ /de yi dngos
po rnon po la/ /dang po

sbyang bar byas nas ni/ /phyi nas las kyis mnyam du brtsam/ /mdog
bzang mas k+Shi ka nyid dang/ /tshwa dang skyur mo dag gis sbyang/
/'di grub chen u rgyan pa'i 'gyur yin// @##/ /rgya gar skad du/
/sambudd+ha b+ha Shi ta pra ti bimba lak+Sha Na bi brNa nA ma/ bod
skad du/ rdzogs pa'i sangs rgyas

kyis gsungs pa'i sku gzugs kyi mtshan nyid kyi rnam 'grel zhes bya
ba/ /thams cad mkhyen pa la phyag 'tshal lo/ /sku gnyis rjes skyes
rgyal ba yi/ /sku la phyag 'tshal de nas ni/ /bdag gis nges pas
mtshan nyid de/ /ji ltar nus bzhin rnam 'grel bri/ /ji ltar bsnyen
bkur bar bgyi zhes bya ba ni nye bar

spyad pa ste/ /bcom ldan 'das kyi sku'i cha shas kyi mtshan nyid
n-ya gro d+ha ltar chu zheng yongs su gab pa zhes bya ba ni n-ya
gro d+ha ni shing ljon pa ste/ de'i yal ga chu zheng gab pa lta
bu'o/ /'di 'od kyi dkyil 'khor la rab tu gsungs so zhes bya ba
kha cig go/ /gzhan la ni 'di sku khyad par la gsungs pa'i phyir
na phyag gnyis

logs su brkyang ba ni 'dom gang ste/ ji srid sku'i tshad de srid
'dom gyi srid du yang gsungs so/ /ji srid ces pa la sogs pa'i
'jam pa ni snum pa'i chos nyid do/ /mdzes pa ni yid 'phro ga
pa'o/ /'gying bag dang ldan pa ni gsum dgu la sogs pa'i yon tan
no/ /bdun mtho ba zhes pa ni cha shas bdun stengs su

@9a @#/ /mtho ba ste/ gang las na zhabs gnyis drang phyag gnyis
dang mgrin pa zhes so/ /de la zhes pa la sogs pas ni srid la sogs
pa lnga po rnams kyi tshad gsungs pa bshad par bya'o/ /byang chub
sems dpa' zhes bya ba la sogs pa ni ji ltar 'chad par 'gyur ba
nus pa nyon cig ces pa'o/ /dbu skra'i

gnas dang de gnyis la zhes pa ni dpral ba'i steng dang gtsug gtor
'og la sor mo bzhi'o/ /gtsug la yang sor mo bzhi'o/ /de gnyis ni
sor mo bzhir gsungs so/ /sor mo phyed dang bcu gsum zhal gyi
dkyil 'khor la'o/ /de'i sum cha dpral ba la sogs pa'i dbye ba las
so/ /kos ko'i mtha' gang gi de'i kos ko'i

mtha' dang/ /shangs kyi 'og ti mthar thug pa'i gnas la'o/ /kos
ko'i mtha' ni lhag bcas pa ni sor phyed kyis lhag pa nyid do/
/kos ko la ni sor gnyis ni logs kyi rgya ru ste/ /steng gi srid
pa yin pa zhes so/ /sor mo gsum po 'di srid du ste/ /ste cung zad
mtho ba zhes khyad par gyi bsdu ba'o/ /ltag

dang bcas pa ni byang chub sems dpa' la sogs pa rnams la mthong
ngo/ /'byung sa steng du cha yis zhes pa'i cha'i sgra yis sor mo
gsum gyi sum char bshad de/ /'byung sa mtho ba 'di'i cha la bim
pa'i ri mo zhes te/ /bim pa'i 'bras bu'i rnam pa'i ri mo zhes
pa'i don to/ /zhal gyi grwa ni cha gcig ste sor mo

gcig go/ /ji ltar byung ba ste ji ltar 'khrungs pa bzhin tshems
kyi rgyal po la sogs pa rim pas gang ba rnams kyi rnam par bkod
pa gsungs pa de bzhin du'o/ /sor mo'i sum cha zhes pa ni sor mo'i
sum cha pad sgros te de bzhin du sna'i rtse mo'i 'og tu'o/
/mchu'i steng du chu 'bab pa'i rnam pa lta bu'i pad sgros

so/ /sma ra'i gnas kyi dbus su mtshams 'dra ba'o/ /sor mo phyed
mnyam pa zhes khyad par gyi bsdu ba ste/ shangs kyi bu ga zhes pa
ni shangs kyi sbubs zlum por 'khyil ba'o/ /shangs kyi rgyud dang
shangs kyi rtse mo zhal dang mnyam pa'o/ /cha phyed ni sor mo
phyed do/ /spyan gyi bar la zhes pa ni spyan dag gi dbus la

sor mo ste sor gcig gi tshad do/ /dpral ba'i 'og can gnyis kyi nye
ba shangs kyi logs la re re ji srid pa zhes so/ /spyan gyi 'bras
bu'i dbus kyi snying po de la sor gnyis kyi lnga chas shes par
bya'o zhes pa ni kha cig go/ /de bzhin sor gcig gi snga cha la
byed do zhes te/ /'di ni rigs pa'i rang bzhin du rtogs

@9b so; /sor gnyis sor gsum dag ces pa ni sor gnyis ni spyan gyi
nor bu'i cha'o/ /sor gsum ni spyan gyi zur dang nye ba ste/
/sha'i zlum dang lhan cig go/ /spyan la sor mo bzhi ni rang gi
mtshams so/ /rnam par 'byung ba nas spyan gyi dbyibs su gsal ba'o/
/rtog po ni legs par mtho ba'o/ /spyan gyi (sbubs la [?])

sor mo gsum zhes pa ni smin ma'i 'og tu spyan 'bras nas brtsams
te/ steng dang logs sor mo gsum mo/ /spyan gyi zur dang shangs
kyi logs dang spyan dag gi bar mnyam du bya'o/ /kos ko'i zhes pa
ni kos ko'i mtha' dang steng du spyan 'bras kyi logs nges par
sbyar bar bya'o/ /de ma yin pa zhal gyi zur gnyis kyang de

bzhin bya'o/ /smin dbus ni smin ma'i bar du sor mo phyed dang
gnyis so/ /rgyar ni zheng du bya'o/ /dbus su zhes pa ni smin ma'i
dbus mdzod spur shes par bya'o/ /zla ba gang zhig mdzes pa ltar/
/shangs kyi rgyud dang mdzod spu'i thig /de bzhin gtsug tor
dbyibs legs pa/ /gtsug gi nor bu de shes bya/ /zhes pa'i

gtsug gi nor bu'i 'di dkyil gyi rnam pa'o/ /gtsug tor yang de
bzhin du'o/ /snyan gyi rtser yang zhes bya'o/ /bu ga'i steng du
snyan ni sor mo bzhi'o/ /zheng du ni rgya ru ste 'dab ma'i zheng
cha gcig go zhes so/ /snyan gyi rtse mo dag sor mo phyed kyi tshad
ni 'dab mar brjod do/ /steng mtho zhes pa ni sor mo gcig /snyan
gyi

sbubs ni phyed cha ste/ /sor phyed snyan gyi khung du 'jug pa
la'o/ /'gram pa nas snyan ngag gi dbus me tog kha ma bye ba'i
rnam par steng du 'khyil ba'o/ /sor phyed dang gsum gyis snyan du
'gyur te/ 'dab ma dang lhan cig phyed dang bcas pa'i sor mo gnyis
te/ nang gi cha zhes pa ni zheng du shar dang nub kyi

mtha'o/ /snyan gyi logs kyi 'dab ma la'o/ /spyan mtha' las mtha'
sor mo phyed dang lnga snyan kyi 'dab ma ste/ snyan gyi 'dab ma
dang bcas pa'o/ /snyan nas brtsams te snyan gyi bar bdun gyi
cha'i dbu la sor bco brgyad do/ /rgyab du sor mo bcu bzhi ste/
/nub kyi cha'i dbu la'o/ /de dag bar du ni nub kyi cha'i

khyad par dang ngo/ /sor mo sum cu rtsa gnyis ni zhes pa la sogs
pa ni gcig tu bya bar gsungs so/ /zlum po ni bskor ba'o/ /mgul ni
cha bzhi ste sor bzhi'o/ /mgul nas brtsams te snyan la steng du
sor mo dgu'o/ /shar dang nub kyi cha la bskor ba'i phyir sor mo
nyi shu rtsa bzhi mgul la'o/ /mgul ba las

@10a @#/ /mgul ba'i lhag ma la sor mo brgyad de/ /logs su snyan
gyi nye bar sor bzhi 'dzin pas so/ /thal gong sor mo bcu gnyis
so/ /snying ga'i bar zhes pa ni snying ga'i nye ba'i bar gyi cha
shas nyid dang bral ba zhes pa'i don to/ /gdong pa bzhi yi tshad
kyis ni/ /phyag gi srid du zhes te ring du'o/ /

phyag gi srid ces pa ni 'dir phrag pa nas brtsams te phyag gi
rtse mo ji srid pa phyag tu gsungs so/ /'dir phrag pa nas gru
mo'i steng yan chod sor mo nyi shu dpung pa la blta bar bya'o/
/gru mo'i 'og nas sku mkhrig ma yan chod phyag ngar te sor mo bcu
drug go/ /mkhrig ma'i 'og nas phyag gi rtse mo yan chad gru mo'i

zur gyi bar phyag ngar du blta bar bya'o zhes gsungs so/ /mchan
'og nas brtsams te bar lhu'i cha dang po'i tshigs kyi mtha' yongs
su blta ba ni sor mo nyi shu'o/ /phrag pa'i mdun gyi mtha' nas
brtsams te rgyab tu gsungs pa ni 'di gnyis mnyam du bcu gnyis kyi
tshigs so zhes so/ /tshigs kyi phyogs zlum po

la sor mo bcu gnyis so/ /phyag dag gi phyag gi srid du sor mo
bdun gyi tshad do/ /phyag gi mthil la dbus su rgyar sor lnga'i
tshad/ grangs zhes bya ba la sogs pas bcom ldan 'das kyi phyag la
mtshan rnams gsungs pa ni mtshan thams cad pa ste/ /'khor lo rtsibs
stong pa la sogs pas lhan cig pa'i gzugs

zhes pa ni mtshan thams cad kyi gzugs so/ /gang yang ji lta ba'i
ri mo'i rnam pa dang/ gang yang bkra shis kyi rnam pa dang/ gang
yang rig pa'i rnam pa dang/ gang yang sa'i rnam pa dang/ gang
yang g.yung drung 'khyil ba'i rnam pa zhes bya ba la sogs pa'o/
/shis pa'i yon tan med pa dang mi ldan pa'o/ /kun gyi

mtshan gyi gzugs su gyur pa'o/ /rnam pa phan tshun so sor ma 'byar
ba'o/ /phyag sor gung mo sor lnga'i srid du ring ba'o/ /gung mo
las tshigs phyed kyis dman pa mdzub mo ste sdigs mdzub bo/ /sor mo
phyed kyis dman pa ni ming med do/ /mtheb chung ni nye ba ste
ming med las zhes te/ /ming med pas

tshigs gcig gis dman pa ni mtheb chung ngo/ /de rnams tshigs phyed
sen mos mdzes pa ni yid 'phrog pa'o/ /mkhrig ma'i steng /'dir don
gyis go bar bya ba'i phyir mtheb chung spangs nas bzhi'o/ /lte ba
yang de bzhin du de srid sor mo bzhi pa nyid do/ /mtheb chen
tshigs gnyis so/ /tshigs phyed du sen

@10b mo'o/ /mtheb chen gyi rtsa ba dang/ mdzub mo'i rtsa ba'i bar
la sor mo gsum mo/ /mtheb chung dang mkhrig ma dag gi dbus kyi
cha phyag gi cha la srid du ste ring du sor mo lnga'o/ /'dir don
gyis go bar bya ba'i phyir mtheb chung spangs nas phyag gnyis kyi
dbus ma'i nye bar ring du tshigs gsum gyi cha yis mtho ba'o/ /

de steng zhes pa ni mchan 'og gi steng du phrag pa'i mtshams su
cha dgur bya'o/ /sor mo dgu po rnams kyi tshad do/ /brang dang sku
rgyab ces pa ni sku brang dang sku rgyab dag re re nyid la bskor
ba ste yongs su zlum du sor mo lnga bcu rtsa drug go/ /nu ma lte
ba'i bar de bzhin zhes pa ni nu ma dang lte ba'i bar la sor mo
bcu drug go/ /

kun 'bigs zhes pa ste khung dang/ tshigs dag ces pa ste tshigs kyi
mdud pa dag dang/ lte ba gnyis kyi cha shas pa gas pa 'dus pa de
dag lhan cig lte ba'i khung ni sor mo gcig go/ /lte ba'i dbus su
yongs su brtag pa ni lte ba nas brtsams te rgyab dang lhan cig ji
srid lte ba tshun chad zlum po la sor mo

bzhi bcu rtsa drug go /srid kyi rgya ru zlum po dag la pags pa'i
'og tu sor mo bzhi 'chad pa'o/ /sgang gnyis kyi steng du sor gcig
go /brla zhes pa ni brla'i steng du mnyam gzhag yang dag pa'i
gzugs bya'o/ /de dag steng gi dbus kyi bar la sor bcu gnyis so/
/brla'i rtsa ba'i zlum la sor mo sum cu

rtsa drug go /brla'i 'og gi dbus kyi zlum po la sor mi sum cu
rtsa gnyis so/ /pus mo zhes pa ni pus mo'i rtsar yongs su bskor
ba'i zlum la sor mo nyi shu rtsa brgyad do/ /tshigs bcings pa
sngon ma gnyis sor mo bzhi'o/ /pus mo 'og tu pus mo las sor mo
ste long bu sor mo gnyis so/ /long bu mi mngon pa

la sogs pa ni sor mo'i tshigs gnyis ni mngon pa dang/ sha yis
'khyil ba'o/ /de'i phyir rtsa ni gnas par 'gyur ro/ /rje dar dag
ni dbus kyi 'khyil pa sor mo nyi shu rtsa gcig gis yongs su zlum
po nyid do/ /dbus kyi 'og tu sor mo bcu bzhis yongs su zlum pa'o/
/long bu'i 'og tu zhes pa ni zhabs kyi long

bu man chod la sor bzhi'o/ /long bu'i phyi rol nas ji srid sen
mo'i bar du zhabs kyi srid du sor bcu gnyis so/ /zhabs kyi phyed
kyi zheng du 'o zhes pa ni sor mo drug go/ /steng dang 'og gi
rgyar sor mo gnyis so/ /zhabs gnyis kyi logs zhabs kyi long bu'i
'og rting pa la steng dang 'og tu sor

@11a @#/ /bzhi 'o; /sor mo drug gi rgya las ni zhes pa la sogs pas
ni rgya ste/ 'phred la sum 'gyur gyis zlum po ste zhes pa ni
rting ba'i zur gcig nas gcig gi rting bar du zhabs dang lhan cig
du zlum po la sum 'gyur ni sor mo bco brgyad ces pa'i don to/
/zhabs kyi sor mo lnga po rnams ni tshigs

gnyis pa rtse mo'i phyed du sen mos mdzes pa ni mtheb chen no/
/sor mo lnga po rnams ni yongs su zlum pa'o/ /srid du sor mo gsum
zhes pa ni ring du sor mo gsum mo/ /zhabs kyi mdzub mo ni srid du
mtheb chen dang mnyam pa nyid do/ /de'i phyir mtheb chen gyi srid
du 'dzub mo'o/ /cha bcu drug gi dbus ma dman zhing thung

ba'o; /gung mo las brgyad chas dman pa ni ming med do/ /ming med
las brgyad chas dman pa ni mtheb chung ngo/ /sor mo rnams ni sor
gcig gi dpangs su'o/ /mtheb chen ni phyed dang bcas pa'i sor mo'i
dpangs su'o/ /zhabs kyi phyed rgyab rus sbal gyi rgyab lta bu'o/
/zhabs kyi mthil 'khor lo la sogs pas rnam

par brgyan pa'o/ /mnyam du 'brel pa ni ngang pa'i rkang pa ltar
ma chad par 'brel pa'o/ /bya'i sgo nga zhes bya ba la sogs pas ni
zhal rnam pa bzhi ru gsungs so/ /skyes bu chen po'i zhal ni bya'i
sgo nga'i rnam pa'o/ /maNDal gyi rnam pa'o ni khro bo rnams kyi
yin no/ /gru bzhi pa yang ngo/ /rdzogs pa'i sangs rgyas rnams kyi

rab tu zhi bar bya'o/ /spyan ni dangs par gyur pa ste/ thams cad
la gzigs par byed pa thams cad mkhyen pa'i spyan no/ /steng du
lta bar byed pa dang/ dman pa la brten pa dang/ 'og tu lta ba
yang ma yin par ro/ /bdag gis rnam 'grel 'di byas bsod nams des/
/sangs rgyas la sogs tshad na rdzogs

byas te/ /rnam par mi rtog byang chub tshogs thob cing/ /skye dgu
rnams kyis rgyal ba nyid thob shog /yang dag par rdzogs pa'i
sangs rgyas kyis gsungs pa'i sku gzugs kyi tshad kyi mtshan nyid
kyi rnam 'grel rdzogs so// //rgya gar gyi mkhan po d+harma d+ha ra
dang/ lo tsA ba yar klungs pa grags pa rgyal mtshan gyis mang yul

gung thang gi rgyal sar bsgyur ba'o/ /grub pa kun mkhyen chos
rgyal gyi/ /gsung gi 'od zer snang ba brten/ /mkhas chen b+ho Ta
paNDi ta/ /dam chos 'dzin dag gsung brten nas/ /yar klungs grags
pa rgyal mtshan gyis/ /gung thang rgyal sar legs par bsgyur// @##/
/rgya gar skad du/ pra ti

@11b pi mba lak+Sha NaM nA ma/ bod skad du/ sku gzugs kyi tshad
kyi mtshan nyid ces bya ba/ thams cad mkhyen pa la phyag 'tshal lo/
/a te'i ri la sangs rgyas pa'i/ /sngon gyi rgyud dang bstan bcos
su/ /sku gzugs tshad kyi mtshan nyid rnams/ /thub pa rnams kyis
sngon gsungs gang/ /go rims ji bzhin

lhan cig tu/ /de 'dir yang dag bsdu ba'i phyir/ /thams cad mkhyen
la phyag 'tshal nas/ /lha sku'i mtshan nyid brjod par bya/ /sor mo
bcu gnyis lag mthil dang/ /gdong dang mtho yang de bzhin du/ /don
gcig ming du 'ang 'di zhes bya/ /kA la ma sor gnyis go la kAM/
/lag pa'i padma'i bzhi cha la//

sor mo'i tshad du shes par bya/ /de nas sor mo brgyad cha yis/
/nas su mkhas pas rig par bya/ /sku yi yan lag nyid lag gi/ /chag
tshad don nges gsungs pas na/ /rnam pa 'di yis de bzhin du/ /mkhas
pas chag tshad gzhal bar bya/ /gang zhig cung zad lus srid kyi/
/cha dgu yi ni cha gcig dang/ /mtho

gang gdong du byas nas ni/ /de bzhin du ni rgyar yang ste/ /ba
yig rnam pa a 'bras dang/ /mkha' 'gro'i sgo nga til 'bras bzhin/
/de nas dbyibs kyi mtshan nyid ni/ /rnam pa bzhi zhes gsungs pa
la/ /sor mo gcig gis dman pa ni/ /ba yig rnam pa'i tshad yin no/
/gang zhig sor mo gnyis dman pa/ /a

'bras lta bu'i zhes bya'i gdong/ /gang zhig phyed bcas sor gcig
dman/ /mkha' 'gro'i sgo nga 'dra bar brjod/ /gang zhig sor mo
gsum spangs pa/ /til gyi 'bras bu 'dra bar brjod/ /gdong ni bzhi
po rnams la yang/ /rnam par spang bya 'gram pa la/ /til 'bras
dbyibs kyi nges pa ni/ /lha mo

rnams kyi bzhin la 'dod/ /bstan bcos mi mthun bzhin byas nas/
/sbyin bdag rnam par nyams par 'gyur/ /bstan bcos mthun pa bzhin
mdzad na/ /phun tshogs dang ldan mnyen dang bcas/ /gtsug tor cha
la sor bzhi ste/ /gdugs kyi rnam pa 'dra bar bya/ /sor mo phyed
dang sor mo bzhi/ /dpral ba ru ni

yongs su grags/ /dbral ba'i phyed kyi nges pa ni/ /sor mo bcu
dang ldan par bya/ /sor gnyis mig bar de bzhin du/ /sna gong
phyed bcas sor mo dang/ /sor gnyis logs dang steng du ste/ /sna
yi rgyud la nas gsum mo/ /sna rdog zlum po sor mo ste/ /rgyud kyi
rtsa ba nas gnyis so/ /rna ba snyan gyi bu ga

@12a @#/ /ni; /nas gsum yin te shin tu mdzes/ /dung bzhin 'di ni
'khyil pa ste/ /mkhas pa yis ni tshad ldan bya/ /'di tshad yang dag
rig pa yis/ /lce yi khyim du rab gsungs pa/ /til gyi me tog sna
ma dang/ /ne tso khra yi gdong ba bzhin/ /sor gcig dang ni nas
gnyis

te/ /de ya 'og gi cha ru gsungs/ /ma mchu la ni nas drug ste/ /ya
mchu la ni nas bzhir bya/ /pad sgros steng du gnas pa ni/ /sor mo
yi ni sum char bya/ /zhal gyi ma mchu mtshungs pa la/ /rgya ru sor
mo gnyis su bya/ /gyes mtshams nas drug dbus su ni/ /sna tshogs re
khA bri bar bya/ /zhal gyi

grwa yang sor mo phyed/ /cung zad tsam zhig dma' bar byed/ /kos
ko'i zheng du sor gnyis te/ /srid kyi tshad du nas bcu'o/ /sor
phyed smin ma'i dbus su ste/ /sor mo lnga ni ring du bya/ /nas
phyed smin ma'i re khA'i tshad/ /ma nyes gzhu yi dbyibs 'dra'o/
/sor gnyis nas gnyis spyan la ste/ /rgya yi sum

cha spyan gyi ni/ /sum cha nag por yang dag gsungs/ /de yi sum
cha spyan 'bras yin/ /nas phyed rdzi ma'i tshad du gnas/ /ku mud
utpal 'dab 'dra dang/ /padma'i 'dab 'dra nya lto 'dra/ /mig
mthar sor bzhi shes par bya/ /myos 'bab la ni sor mo gcig /snyan
gyi zheng du sor mo gnyis/ /srid du sor

mo bzhi yin no/ /snyan gyi rgyab kyi 'byung sa nas/ /sor mo gnyis
su yongs su grags/ /mdun khyud yang dag sor mo phyed/ /de phyed
steng gi sgur por bya/ /sor mo yi ni bzhi cha yis/ /snyan shal
gyi ni zheng yin no/ /snyan gyi gsang gnas nas gnyis te/ /ji ltar
mdzes pa mu khyud nang/ /snyan gyi mu khyud

rtsa ba nas/ /gri gug dbyibs su rab tu grags/ /snyan gnyis dag gi
dbus kyi ni/ /dbu la sor mo bco brgyad do/ /yang na mtho do nyid
du gsungs/ /sor bcu gnyis bcu gcig the tshom med/ /smin mtshams
spyan dbus dag la ni/ /sor mo gnyis su yongs su grags/ /snyan gyi
rtsa dang kos ko'i bar/ /

sor mo rnams ni brgyad du 'gyur/ /de bzhin gos ko dpral ba dang/
/spyan dag kyang ni mtshungs par bya/ /zhal gyi gru sogs mig 'bras
dag /thig ni mnyam pos gzhal bar bya/ /smin ma'i re khA snyan
rtse'i thig /thig gis mnyam du tshad par bya/ /snyan gyi mdun
khyud spyan dbus kyang/ /de bzhin du ni mnyam par

@12b gzhal; /lkog ma'i steng ni sor mo bzhi/ /mgul ba'i srid
kyang de bzhin no/ /phrag rtsa dang ni snyan rtsa'i bar/ /ji srid
sor mo drug yin no/ /kos ko'i sha ni zlum po ste/ /ji ltar mdzes
par byas nas ni/ /de yi tshad du 'phyang ba'o/ /kos ko'i khung
dang snyan khung gi /dbus kyi khung ni thung zhing

dma'; /cod pan dang ni ral pa bcings/ /'khyil pa skra yi lhag ma
dang/ /gtsug phud dang ni rtse mo gsum/ /dbu rgyan dang ni thor
tshugs bcings/ /de rnams sor mo brgyad du ring/ /de bas lhag par
mi bya'o/ /dge dang mi dge 'chad 'gyur ba'i/ /zhal gyi rnam pa
cung zad ni/ /'dzum zhing

mnyen par byas nas ni/ /mtshan nyid dang ni ldan par bya/ /bska
dang tsha ba dang ni dro/ /de bzhin du ni skyur dang kha/ /gdong
gi dbyibs ni rig byas nas/ /ring du yongs su spang bar bya/ /de
nas gzhan yang bshad bya ba/ /lus kyi tshad kyi mtshan nyid ni/
/mgrin pa'i mtshams nas lte ba'i bar/ /gnyis

kyis gdong pa gnyis su bya/ /lte ba mdoms kyi sba ba dang/ /rtsa
nas 'phred la logs dag dang/ /phang tshos dag dang de bzhin du/
/mgrin mtshams nu ma'i dbus dag dang/ /nu ma'i mthar yang de bzhin
du/ /mgrin logs dpung ba'i rtse mo nas/ /mtho re'i tshad du rab tu
gsungs/ /lte ba nu ma'i bar

cha ni/ /sor mo rnams ni bcu bzhi ste/ /thig ni mnyam du gdab par
bya/ /de bzhin mgrin mtshams brang gi gzhol/ /lus kyi rked pa'i
rgya la ni/ /mtho ni gsum gyi tshad du gsungs/ /rgyab la sor mo
drug dag bya/ /de bzhin brang gi nu ma'i mthar/ /nu ma'i dkyil
'khor logs su ni/ /sor mo gnyis kyi

tshad kyis so/ /nu ma'i rtse mo nas gnyis zlum/ /nas gsum lte ba'i
dkyil 'khor la/ /lte ba'i zabs ni mdzes byas la/ /g.yas su 'khyil
bas mtshan pa'o/ /sor gnyis gsang ba'i gnas la ste/ srid/ /de yi
srid du gung mo'o/ /

mthe bong la ni sor bzhi bya/ /de dang mtshungs pa mthe'u chung/
/gung mo'i srid las sen gang dman/ /mdzub mo ru ni shes par bya/
/mthe bo che yi rgya ru ni/ /zheng la nas rdog dgu yin te/ /phyed
dang bcas pa'i gnas brgyad kyis/ /gung mo'i zheng ni mdzes par
bya/ /gnyis po nas rdog brgyad du rig/ /

@13a @#/ /mthe'u chung ni nas bdun shes/ /mtheb chung rtsa nas
mkhrig ma la/ /sor mo rnams ni lnga ru 'dod/ /lag mthil dbus kyi
zheng la yang/ /de yi tshad kyis shes par bya/ /mthe bo'i tshigs
nas ma khrig ma'i bar/ /ji srid sor mo bzhi yin no/ /mthe bo'i
rtsa nas mdzub mo'i bar/ /ji

srid sro mo gnyis su 'gyur/ /sor mo rnams ni tshigs pa gsum/ /mthe
bong la ni tshigs gnyis 'gyur/ /sor mo so so rnams kyi ni/ /tshigs
pa rnams ni mnyam du brjod/ /rtse mo zlum zhing phra bar rig
/tshigs su rnams ni bde bar sbyang/ /so la sor phyed rtse mo ste/
/'phred la tshigs phyed de bzhin

du; /sen mo'i rtsa ba zla phyed kyi/ /rnam pa can du mkhas pas
bya/ /phyag gi mthil ni gang bar bya/ /dge ba'i re khas nye bar
mdzes/ /phyag gi re khA 'chad 'gyur ba/ /lha rnams kyi ni dge
ba'i mtshan/ /dung dang padma rgyal mtshan dang/ /'khor lo rdo rje
shag ti dang/ /'khyil ba bum pa zla ba gdugs/ /

de bzhin dpal be'u lcags kyu gdugs/ /rtse gsum nas ni phreng ba
dang/ /nor gsum gyi ni de nyid bya/ /lte ba gsang ba'i dbus dag
ni/ /brla yi rtsa ba mtshungs par bya/ /brla ni mtho dor ring ba
nyid/ /rje ngar rings su gdong gnyis bya/ /pus mo la ni sor gnyis
gnyis/ /long bu sor gnyis gcig tu

shes/ /rting ba sor gnyis gnyis su shes/ /bim pa'i 'bras bu smin
pa bzhin/ /zhabs kyi phyed du sor mo bdun/ /srid kyi tshad du sor
mo bcu/ /zhabs kyi bzhi char gyur ba yis/ /mthe ba chen gyi ni
srid du brjod/ /de dang rtse mo mtshungs par shes/ /gung mo nas
phyed kyis dman la/ /ming med sen

mo phyed gyis so/ /mtheb chung tshigs pas dman pa'o/ /mthe bo che
yi zheng du ni/ /nas ni bcu ru shes par bya/ /mthe ba chen sor
mo'i rtse mo yi/ /bar la nas ni gsum gu 'gyur/ /rtse mo'i zheng
la nas dgu ste/ /phyed bcas nas brgyad gung mo'o/ /ming med zheng
du nas brgyad dang/ /mtheb chung nas

ni bdun rnams su/ /tshad kyi mtshan nyid du ni gsungs/ /ma 'bras
gzhon nu'i dbyibs 'dra bar/ /ma the bo che ni rtag tu byal/
/zhabs kyi bol gong rus spal gyi/ /rgyab gyi rnam pa mtshungs par
byal/ /zhabs kyi sor mo'i dbyibs rnams ni/ /chu skyes padma 'dra
bar grags/ /zhabs kyi mthil dag mnyam

@13b par bya/ /sen mo'i dbyibs ni nya phyis bzhin/ /de nas gzhan
yang bshad bya ba/ /yongs su zlum po'i mtshan nyid ni/ /sor mo sum
cu rtsa gnyis kyis/ /dbu ni yongs su zlum par shes/ /sor mo bco
lnga sum 'gyur gyis/ /dbu ni yongs su zlum par bya/ /zhes pa'ang
'byung ngo/ /mchan 'og

ngag gi dbus kyi rgyr/ /'dir ni sor mo nyi shu ste/ /sro gnyis
bcu dgu rnams kyi ni/ /blo ldan rnams kyis zlum por bya/ /lag
pa'i rtsa bar bar dang rtse/ /sor mo brgyad drug bzhi yin te/
/rang gi rgya yi tshad kyi ni/ /sum 'gyur gyi ni zlum por bya/
/lto ba rang dbus rgyal ni/ /sor mo bco lngar sehs par

bya; /'og tu sor mo bcu drug ste/ /sor mo bco brgyad rked pa la/
/sor gnyis drug ni brla yi rtsar/ /byin pa'i dbus su sor mo drug/
/byin pa'i mtha' mar sor gnyis gnyis/ /phyed bcas rgya ru rab tu
sbyar/ /de rnams kun kyang de bzhin du/ /zlum po sum 'gyur nyid
du bya/ /de bzhin sor mo

kun kyang ni/ /zlum po nyid du rig par bya/ /dbu yi rgyab phyogs
ltag pa ni/ /sor gnyis phyi ru phyed par grags/ /rgyab kyi rgyud
ni mnyam par bya/ /phang tshos mnyam par 'phyangs pa la/ /brla
dang rkang pa byin pa yang/ /sor mnyam par ni 'phyang bar bya/
/rgyab kyi mtshan nyid reg bya ba/ /de ni bsdus

pa'i don gyis bstan/ /mu tig gser gyi do shal sogs/ /rna rgyan
dpung rgyan lag gdub dang/ /gos dang na bza'i bkod pa yis/ /sku
yi gnas la brgyan par bya/ /sku gzugs lhag dang bcas pa yi/ /yon
tan skyon rnams brjod bya ste/ /ring zhing yangs dang ldan gyur
na/ /gnas rnams legs par

bstan pa steng/ /dbu ni gdugs kyi dbyibs lta bus/ /nor bu 'bru ni
legs 'phel ster/ /dpral ba smin ma'i dbyibs legs pas/ /rtag tu
dpal ni ster bar 'gyur/ /pad sgros ne tsho'i 'dra ba yis/ /skyes
dgu bde bcas rgyal bar 'gyur/ /sku ni mgrin ba dung 'dra na/
/dngos grub thams cad rtag tu byed/ /

sku ni ser ge'i dbyibs 'dra bas/ /lo legs dang ni stnyobs 'phel
'gyur/ /phyag ni glang chen lag 'dra bas/ /'dod pa'i don kun
sgrub par byed/ /phyal legs 'bru rnams phun tshogs shing/ /rtag tu
lo legs rnams su byed/ /brla yi cha ni legs par 'phel/ /byin pa'i
dbyibs legs grong rnams

@14a @#/ /'phel; /sku yi khabs ni legs gyur bas/ /tshul khrims rig
pa rab tu 'grub/ /de rnams sku yi bsngags brjod nas/ /dman bas
yul phyogs nor rnams 'joms/ /zheng dang srid du dman pa yis/ /mu
ge dang ni yul 'joms 'gyur/ /lus dman gyur pas sgur po dang/
/shangs

dman pas ni khro pa dang/ /g.yon mig phyugs rnams zad byed cing/
/steng mig nor ni 'dzad par byed/ /mig chung mig ni zlum po dang/
/de bzhin du ni mig yon dang/ /mig dman pa dang 'og mig rnams/
/ring du rnam par rig par bya/ /sku yi phyal ni dman gyur na/
/'bru rnams rtag tu nyams par

byed; /sku yi brla ni dman gyur na/ /ma la gnas brtan ltung bar
'gyur/ /shangs dang spyan dang phyag sor gsum/ /thung ba rnams ni
nyes pa che/ /mgrin pa kos ko rje ngar gsum/ /ring ba rnams ni
nyes pa che/ /dbu dang snyan dang shangs dang gsum/ /phra ba
rnams ni nyes pa che/ /de phyir skyon yon shes byas

nas; /sku gzugs rnam par spros par bya/ /srid du mtho dgu'i tshad
kyis ni/ /yongs su zlum po mnyam du bya/ /A tre ya'i thig le
zhes pa las mtho dgu pa'i mtshan nyid do// //yang na zhed la phyed
bcas brgyad/ /lha rnams dang ni mi rnams kyi/ /mi rnams la ni
mtho brgyad dang/ /mi mo brgyad dang bdun

yang yin/ /dge ba drug bdun mtho yis ni/ /yongs su zlum dang
dpangs su mtho/ /rnams kyi mtshan nyid rtags rnams ni/ /ji skad
gsungs bzhin dgod par bya/ /lha mo rnams kyi mtshan nyid kyi/
/srid du gdong brgyad mkhas pas bya/ /gdong la sor drug gnyis su
bya/ /lus la sor mo bcu gcig gis/ /

'phred la mgrin nas nu ma dang/ /de bzhin gnyis po nu rtse'i bar/
/thams cad gdong gi nang nas ni/ /lus ni rnam par brjod par bya/
/chu so'i dbus ni sor lnga dang/ /sor mo bcu ru shes par bya/
/rked pa sor mo nyi shur bya/ /brla ni sor mo bcu gcig dang/
/phus mo sor gsum de bzhin du/ /rje ngar sor mo

bco brgyad do/ /long bu la ni sor gnyis bya/ /lha mo rnams kyi
mtshan nyid dge /sor mo sum cu rtsa gsum gyis/ /dbu ni yongs su
zlum por bya/ /phyag gi rtsa ba sor lnga yi/ /sum 'gyur gyi ni
zlum por bya/ /sor mo gsum gyis mkhrig ma'i mtshams/ /de bzhin du
ni zlum por bya/ /brla yi dbus su sor

@14b gnyis drug /sum 'gyur gyis ni zlum por 'gyur/ /byin pa'i
dbus su sor mo lnga/ /sum 'gyur gyis ni zlum por 'gyur/ /thams
cad du ni sum 'gyur te/ /sor mo rnams kyang de bzhin no/ /mig gi
mtha' dang mig dang ni/ /nu ma de bzhin rked pa rnams/ /cung zad
cha ni lhag tu bya/ /skye bo blta na sdug

par 'gyur/ /A tre ya yi thig le las/ /mtho brgyad kyi ni mtshan
nyid do// //de nas gzhan yang bshad bya ba/ /byis pa rnams kyi
mtshan nyid ni/ /yon tan drug gi byis gzugs dang/ /dmag dpon yang
ni yon tan drug /log 'dren gnod sbyin rnams kyi ni/ /gzugs brnyan
tshad kyi mtshan nyid do/ /

mgo yi steng du sor gnyis shes/ /gdong ni sor gnyis drug tu
'gyur/ /mgrin pa la ni sor gnyis bya/ /lus la sor mo nyi shur
'gyur/ /sor gsum cha yi lte ba dang/ /zabs su'ang de bzhin sor
gsum mo/ /brla ni sor gnyis mdun du bya/ /pus mo de bzhin sor
gnyis so/ /rje ngar sor mo drug

tu bya; /long bu sor mo gcig tu shes/ /rting ba la ni sor mo
gsum/ /ji ltar sngon ma'i rim pa yis/ /rkang pa'i srid du sor
gnyis lnga/ /mthe bong la ni sor gnyis te/ /mthe bong rtse mo
mnyam par bya/ /nas kyis dman ba gung mo ste/ /sen mos dman pa
ming med do/ /mtheb chung nas kyis dman pa'o/ /

sor mo brgyad kyis mgrin mtshams nas/ /dpung cha de bzhin sor mo
dgu/ /lag ngar sor gnyis lnga yin te/ /lag pa'i srid du sor gnyis
gnyis/ /sor mos dman pa mdzub mo ste/ /ming med gung mo'i sen
phyed kyi/ /cha yis dman par bya ba ste/ /ming med la ni nas kyis
dman/ /mtheb chen mtheb

chung srid ngu'o/ /A tre ya'i thig le zhes pa las mtho bdun gyi
mtshan nyid do// //de nas gzhan yang bshad bya ba/ /mtho drug pa
yi mtshan nyid ni/ /sor gcig mgo bo'i steng du ste/ /yon tan gsum
mgur zlum por bya/ /sor gnyis drug ni gdong dbus la/ /rna ba sna
rtse de bzhin du/ /sor gnyis gsum

ni mgrin dbus la/ /lto dbus sor mo bcu drug go/ /lus la sor gnyis
drug tu 'gyur/ /rkad pa sor gnyis bdun yin no/ /brla dbus sor
gnyis bzhi yin te/ /bus mo sor bzhi nas drug go/ /byin pa'i dbus
la sor mo lnga/ /long bu de bzhin sor mo gsum/ /sor mo lnga yis
rkang pa yi/ /

@15a @#/ /zheng gi tshad du yongs su grags/ /nas dgu yis ni mtheb
chen te/ /de bzhin par ni nas gsum mo/ /nas brgyad kyis ni rtse
mo bya/ /nas bdun gyis ni gung mo bya/ /nas rdog drug gis ming
med la/ /theb chung la ni nas rdog lnga/ /de bzhin du ni mkhas pa
yis/ /

rkang pa'i sor mo mdzes pa dang/ /sor mo de bzhin rting ba'i
rgya/ /ji skad gsungs pa bzhin du bya/ /A tre ya'i thig le zhes
pa las mtho drug gi mtshan nyid do// //de nas gzhan yang bshad bya
ba/ /mtho bcu ba yi mtshan nyid ni/ /tshangs pa lha mo tsar tsi ka
/drang srong bram

ze srin mo rnams/ gang zhig lha dang sangs rgyas rnams/ /blo dang
ldan pas sku gzugs bya/ /mkhas pas brtsam bya 'di rnams kyi/
/gzhan rnams kyis kyang de bzhin bya/ /gtsug tor la ni sor bzhir
'gyur/ /bzhin la de bzhin sor gnyis drug /mgrin pa sor mo bzhi ru
bya/ /lus la sor mo sum

cu drug /de bzhin dpyi la sor mo bzhi/ /brla la sor mo sum cu
drug /pus mo sor mo lnga ru shes/ /rje ngar sor mo sum cu drug
/long bu sor mo gnyis su shes/ /sor mo lnga yis shin tu mdzes/
/'og gi cha la rab tu bya/ /sor gnyis dgu yis de bzhin du/ /dpung
ba'i cha la rab tu

bya; /mgrin mtshams brang zhol rtse de bzhin/ /sor gnyis bcu ru
shes par bya/ /dpung pa la ni sor gnyis gsum/ /de bzhin lag dar
sor mo brgyad/ /lag pa'i yal ga blang ba ni/ /sor mo bdun du shes
par bya/ /ji ltar mdzes par bya ba ni/ /sha yi 'khyil bag rnams
su

shes; /A tre ya'i thig le zhes pa las mtho bcu'i mtshan nyid
do// //yang dag thub pa rnam par ni/ /thung ngu'i tshad du gsungs
pa yi/ /sku gzugs chen po'i bkod pa ste/ /rab tu bshad bya da ni
nyon/ /khru ni bco lnga lhag pa yang/ /sku gzugs chung ngur shes
par bya/ /bar

ma nyis 'gyur dag tu shes/ /chen po rnams ni sum 'gyur ro/ /gal
te bdag nyid dga' 'dod ni/ /de las gzhan pas mi bya ste/ /sku ni
tshar ba mi ster dang/ /yang na nor rnams zad par byed/ /sku ni
chag pas rigs nyams shing/ /gas pas phyogs rnams 'khrug par byed/
/sku'am

@15b gal te ling ga dang/ /lha mo ma mo'i tshogs de bzhin/ /go
cha'i las ni blta byas nas/ /myur du de rnams gshegs par bya/ /me
tog mchod yon de bzhin du/ /spos dang zhal zas gtor ma dang/ /gos
la sogs pa dbul bya zhing/ /de bzhin spyin sreg las byas nas/
/dge dang zhi ba'i chu bo

la; /lha yi sngags ni bzlas byas nas/ /skra dang thag pa mun dza
dang/ /zar ma du ka la de bzhin/ /cho ga bzhin du bltas nas ni/
/thag pa yis ni bcing bar gsungs/ /khyu mchog steng du bcings nas
ni/ /lha rnams rnyid pa spyan drangs la/ /gos kyi rang bzhin sku
gzugs ni/ /chu bo chen po'i 'gram

dag dang/ /de bzhin gtsang bo 'dus rnams la/ /de ru de bzhin
'phang bar bya/ /gser dang dngul dang de bzhin du/ /zangs dang ra
gan rang bzhin yang/ /gal te bdag nyid dpal 'dod na/ /kun kyang
me la gzhu bar bya/ /shing gi rang bzhin las gyur sku/ /de bzhin
gos kyis yongs dril nas/ /snum dang

sbrang gis brlan byas la/ /sgron me yis ni sbar bar bya/ /sa rdo
rang bzhin las byung sku/ /ri bo'i phyogs gyur gang zhig tu/ /sa
ni mi gang tsam brkos nas/ /sku gzugs spas te dgang bar bya/ /sku
gzugs rnying pa gshegs bya ba/ /bdag nyid chen po rnams kyis bya/
/dus ni bye ba stong rnams su/ /lha yi

'jig rten rnams kyis mchod/ /A tre ya'i thig le zhes pa las
rnying pa gshegs su gsol ba'i mtshan nyid do/ /drang srong chen po
A tre'i bus mdzad pa'i sku gzugs kyi tshad kyi mtshan nyid rdzogs
so// //mkhas pa d+harma d+ha ra dang/ sgra bsgyur grags pa rgyal
mtshan gyis/ /sku gzugs chag

tshad mtshan nyid kyi/ /sgra don legs par bsgyur ba yin// @#/ /grub
thob brgyad cu'i mngon par rtogs pa bzhugs/ @##/ /thams cad mkhyen
pa la phyag 'tshal lo/ /lU yi pa du ba'i mdog can/ /skyes pa dang
lhan cig pa'o/ /ling pa pa mdog ser po bud med

dang lhan cig pa'o/ /ku bi rU pa mdog dkar po bud med dang lhan
cig pa'o/ /Deng gi pa mdog ser po 'ud med dang lhan cig pa'o/
/klu sgrub zhabs gur gum gyi mdog can bud med dang lhan cig pa'o/
/ka kha ya la pa kha dog dkar po skyes pa dang lhan cig pa'o/
/mtsho skyes rdo rje mdog ser po zhabs

@16a @#/ /g.yon phyed kyi skyil krung gi gar can bud med dang lhan
cig pa'o/ /za nyal 'chag mdog sngo ljang dge slong gi gzugs skyes
pa dang lhan cig pa/ /sar ha pa mdog ser po bsam gtan gyi phyag
rgya can bud med dang lhan cig pa/ ri khrod pa du ba'i mdog can
skyes pa dang lhan cig pa/ /

sgeg pa'i rdo rje mdog ser po rdo rje dril bu'i phyag rgya can
bud med dang lhan cig pa/ dA ri ka pa mdog ser po skyes pa dang
lhan cig pa/ ye shes zhabs dge slong kha dog dkar po skyes pa
dang lhan cig pa'o/ /uNDa ta ba nag po bud med dang lhan cig pa/
thag pa ser po bud med dang lhan cig pa/ padma rdo rje

dkar sham zhabs g.yas brkyang g.yon phyed skyil krung gi gar gyis
bzhugs pa bud med dang lhan cig pa/ da byag gnyen rdza gsar pa'i
mdog can dge slong chos kyi 'khor lo'i phyag rgya can skyes pa
dang lhan cig pa/ dzA land+ha ra pa ro gnyer pa dang mtshungs pa
gar gyi zhabs can bud med dang lhan cig pa/ chos

kyi grags pa gur gum gyi mdog can dge slong gi dges pa skyes pa
dang lhan cig pa/ bu ba ser po bud med dang lhan cig pa/ ka shi
ri pa bzhengs pa'i gur gum gyi mdog can bud med dang lhan cig pa/
tog tse ba ljang gu skyes pa dang lhan cig pa/ in dra b+hU ti pa
rgyal po'i 'gying bag gis bzhugs pa sngo ljang bung

med dang lhan cig pa/ klu'i byang chub cog pus gnas pa spyi bor
phregs sgra'i phyag rgya can nag po ba skyes pa dang lhan cig
pa'o/ /'od mdzad zhabs rdza gsar gyi mdog ca na ral gri bsnams pa
bud med dang lhan cig pa/ ma ga na Di pa sngo ljang skyes pa dang
lhan cig pa/ Dom bi ba dkar sham stag gi smang steng na

gnas pa bud med dang lhan cig pa/ thod pa can dkar sham skyes pa
dang lhan cig pa/ la ba pa la ba bsnams pa rdza gsar gyi mdog can
bud med dang lhan cig pa/ tai lo pa nag po bud med dang lhan cig
pa/ mar me mdzad dkar sham gzhon nu'i cha byad ca na bud med dang
lhan cig pa'o/ /dge bsnyen zla ba sngo ljang po ti'i

phyag rgya can bud med dang lhan cig pa'o/ /ra bu ta nag po skyes
pa dang lhan cig pa/ dga' ba'i rdo rje skyes pa dang lhan cig pa/
ka do la pa phyag slong pa'i snod can skyes pa dang lhan cig pa/
lpags lha ma mkhan dkar po bud med dang lhan cig pa/ pa ga la pa
nag po bzhengs pa phyag na bum pa bsnams pa skyes pa

@16b dang lhan cig pa/ ba su band+ha ba g.yas pas rlung g.yab
g.yon pas bum pa bsnams pa rdza gsar pa lta bu bud med dang lhan
cig pa/ tsa pi DI pa gur gum gyi mdog can 'jar khyim dang ras
bsnams pa sngo ljang bud med dang lhan cig pa/ dam tshig rdo rje
bdud rtsi'i thod pa bsnams pa sngo ljang bud med

dang lhan cig pa/ ce spyang zhabs rdza gsar gyi mdog can skyes pa
dang lhan cig pa/ ka ran pa sngo ljang bud med dang lhan cig pa/
d+ha mu pa phyag na rnga 'dzin pa nag po skyes pa dang lhan cig
pa/ d+ha ma pa ser po be zhengs pa bud med dang lhan cig pa/ ku
mA ri pa ga nu'i gzugs dang kha dog can bud med dang lhan

cig pa; band+he ba rus pa'i rgyan cha can phyag na gri gug dang
thod pa bsnams ba gar gyi zhabs can bud med dang lhan cig pa/ ku
ba ji ba gur gum gyi mdog thod pa bsnams pa skyes pa dang lhan
cig pa/ rin chen myu gu rin po che'i phur ma bsnams pa sngo ljang
bud med dang lhan cig pa/ ral gri grub pa nag po ral

gri dang lhung bzed kyi phyag rgya can 'greng ba skyes pa dang
lhan cig pa/ d+ha ki bardza gsar gyi mdog can rdza rnga bzung ba
bud med dang lhan cig pa/ ku ma ru ba gar gyi zhabs can dkar po
skyes pa dang lhan cig pa/ Ten Ta na pa ser po rtswa phad bzung
ba bud med dang lhan cig pa/ spyod pa gur gum gyi mdog can

'greng ba bud med dang lhan cig pa/ ko blas mkhan lag sha bzung
ba skyes pa dang lhan cig pa/ kun za zhabs gur gum gyi mdog can
bud med dang lhan cig pa/ di pA ka ri ti pa ser po thal mo sbyar
ba skyes pa dang lhan cig pa/ bzhi gtum nag po bud med dang lhan
cig pa/ dge slong 'dun

skyong rdza gsar gyi mdog can skyes pa dang lhan cig pa/ khrus
mkhan gur gum mdog can bud med dang lhan cig pa/ d+ho ki Di ba ser
po bud med dang lhan cig pa/ be sna sngo ljang bud med dang lhan
cig pa/ dbyug pa pa ser po bud med dang lhan cig pa/ yan lag med
pa'i rdo rje ser po khro bo'i zhabs mtshan

ma 'greng ba rdo rje dril bu'i phyag rgya can rus pa'i rgyan can
bud med dang lhan cig pa/ 'phags pa'i lha 'greng ba dge slong gi
rang bzhin skyes pa dang lhan cig pa/ la ba pa gur gum gyi mdog
can mnyam gzhag gi phyag rgya can bud med dang lhan cig pa/ thag
pa mkhan dkar sham zhabs 'khril ba bud med

@17a @#/ /dang lhan cig pa/ sa ra ha nag po 'greng ba phyag na
mda' gzhu bsnams pa skyes pa dang lhan cig pa/ dpal 'dzin zhabs
chos kyi 'khor lo'i phyag rgya can bud med dang lhan cig pa/ tsa
tra li pa gur gum gyi mdog bzhengs pa bud med dang lhan cig pa/
ko ki li pa rdza gsar gyi

mdog can 'gying cha gnas pa bud med dang lhan cig pa/ dril bu pa
gur gum gyi mdog can phyag na rdo rje dril bu bsnams pa rtags
langs pa zhabs g.yas brkyang ba g.yon bskum bud med dang lhan cig
pa/ nA ro ba mdog sngo ljang bud med dang lhan cig pa/ khyi mo
can bzhengs pa me lo'i mdog can bud

med dang lhan cig pa/ rin chen 'byung gnas zhi ba dge slong ser
po phyag na po ti bsnams pa skyes pa dang lhan cig pa/ kar li pa
ser po gar gyi zhabs can bum pa bsnams pa bung med dang lhan cig
pa/ mkha' mkhan ser po phyag na rdo rje dri la bu bsnams shing
glog la sdigs mdzub byed pa bud med dang

lhan cig pa/ khanda ri pa me tog ku sum pa'i mdog can bya'i tshogs
su spro ba skyes pa dang lhan cig pa/ g.yung bo me lo'i mdog can
langs pa 'bar ba thogs pa bud med dang lhan cig pa/ byi la can me
lo'i mdog can bud med dang lhan cig pa/ ka na pa rnal 'byor ba ma
ser mo gar phyag dang thod pa 'dzin

pa skyes pa dang lhan cig pa/ rnal 'byor ma me la kha la me lo'i
mdog can rdo rje dang dril bu 'dzin pa'i phyag rked par gnas pa
bud med dang lhan cig pa/ rnal 'byor ma grub pa can dpal mo sdo
ljang zhabs g.yas bskum pa g.yon brkyang ba mi ro'i stan la gnas
pa phyag na rdo rje dril bu 'dzin pas rig mal 'khyud pa

rus pa'i rgyan can bud med dang lhan cig pa/ nI lo pa sngon po
mol pa'i phyag rgya can skyes pa dang lhan cig pa/ ye shes myu gu
dkar po mi 'jigs pa'i phyag rgya can bud med dang lhan cig pa/
rang rang gi las dang rjes su mthun pa'i tshul 'dzin pa bcu phrag
brgyad dang bzhi'i go rims rdzogs so// //

mi pham zla ba dang/ b+ha ba b+ha Da ba dang/ dge ba'i go cha dang/
gnas bzhi'i grub thob dang bcas pa bal bo'i yul gyi bu lon khod
pa snyam nas lo nyis brgya dgu bcu rtsa gcig na/ wa zla'i nag po
phyogs kyi chos drug gi nyin bar skar ma lag la dge slong dpal
sdes sems can thams cad kyi don du bris pa'o// //

@17b @##/ /rgya gar skad du/ sarbe shwa rar sa yA na ro ga ha ri
sa rI puShTi ka ranA ma/ bod skad du/ thams cad kyi dbang phyug
gi bcud len nang thams cad 'joms shing lus kyi stobs rgyas par
byed pa zhes bya ba/ thams cad mkhyen pa la phyag 'tshal lo/ /dang
po dngul chu sbyang ba'i don du so phag gi phye ma

dang sbyar la lan bdun gyi bar du btag cing sbyar bar bya'o/
/de'i skabs su yang nyi ma la bdug par bya'o/ /shing a kon gyi
'o mas lan bdun gyi bar du btag cing sbyang bar bya'o/ /de'i
stabs su yang nyi ma la bdug par bya'o/ /yang shing be 'un gyi 'o
mas sngar bzhin no/ /kaNTi zhes bya ba'i shing tsher ma can gyi
khu bas sngar bzhin

no; /ku mA ra'i khu bas sngar bzhin no/ /tsi tra'i khu bas sngar
bzhin no/ /mdze tsha'i khu bas sngar bzhin no/ /sman de rnams
bkrus shing dngul chu bzung ngo/ /ling gi zhes bya ba'i sman 'dab
ma gsum pa/ ro tsha me tog med pa/ sdong bu mtho gang tsam yod
pa'i khu ba rlugs nas btags pas skam zhing skud ba ltar drang du
'ded

par 'gyur ro/ /zangs sbyong bar 'dod pas srab mor byas la skyur
po'i nang du zhag bdun gyi bar du sbang ngo/ /dar ba'am chur khu
la yang de bzhin no/ /legs par bkru bar bya'o/ /de nas zangs dang
mu zi mnyam par byas la rdza gong nang du du ba mi 'chor bar
bya'o/ /dngul chu lta bur dkar por 'gyur ro/ /gsha' tshe sbyong ba
la pong gi khu

bas sngar bzhin no/ /lcags gsad par 'dod pas ba'i chu la 'bru
gsum btab la srab mor byas la gzhug go/ /bcug pa ni bsregs pas
so/ /phyi nas yang 'bru gsum bcug la zangs bzhin no/ /lhang tsher
gsad par 'dod pas zhib tu btags la skyur bor bcug la zangs bzhin
no/ /a ra d+he'i lo ma ni gnyen po yin te zangs

bzhin no/ /ba'i lci bas kha mnan par bya'o/ /rdo pha wang gsad
bar 'dod pas/ k+Shi ri ka na ta'i lo mas nyi ma la lan bdun bdug
par bya'o/ /mar khu tshan de bcug ba sngar gyi zangs bzhin no/
/dkar por song ba ni 'byed pa'o/ /dngul sbyang bar 'dod pas nir
ba si'i khu bas lan bdun gyi bar du lcags bzhin du gsad par
bya'o/ /ji

ltar dngul chu gsad pa bzhin du bi ma la yang gsad par bya'o/
/gser sbyong bar 'dod pas ka tsa na'i ba ji ltar zangs gsod pa
bzhin bya'o/ /ji ltar gser gsod pa bzhin su ba ki ta yang de
bzhin no/ /de ltar sbyangs pa thams cad cha mnyam par byas la/ a
ba ni cha gsum mo/ /de ltar thams cad zhis tu btags la gong bur
bya'o//

@18a @#/ /nad pa la ra ti bzhi bzhi byin na/ nang thams cad 'phrog
go/ /skyur po dang sngo spang ngo/ /phye dang khur ba yang spang
la/ ra ti bzhi bzhi zla ba drug tu zos na/ skra dkar dang gnyer
ma spong zhing/ tshe nyi zla dang mnyam mo/ /mtshon gyis mi chod
cing bud med la khu ba 'phro bar mi 'gyur ro/ /zla ba

drug gi bar du gru la phyin na 'byings pa bsrung ngo/ /dbang
phyug gis bstan pa'i rin po che'i bcud len grub pa rdzogs so//
//ha ri d+ho bar gyi rnal 'byor ba shi ba dA sha dang/ u rgyan
pas pu trar bsgyur ba'o// @#/ /sbos kyi sbyor ba re'u char byas pa
bzhugs/ @#/ /dkon

mchog gsum la phyag 'tshal lo/ /a kar pa tra tu rus rdo dregs
spri yang gla sgang spra tshil ba le ka/ /pri ka shing tsha rgya
spos spang spos tsan dan sen mo thang chu kun tur rnams/ /sbyor
ba sbos rgyal gla rtsi ga pur dag gis gso zhing bdug pa mchog gis
bdug /me tog zhim pos bsgo bgyis dang dri sbyar

mchog tu 'di 'gyur lus mchog ma/ /shing tsha a kar ba tra pri ka
tu rus spang spos rgya spos rdo dregs dang/ /kun du gan d+ha ba
lig thang chu pri yang sen mo can dan gla sgang rnams/ /go rims
bzhin du cha re bskyed cing dri'i sbyor ba brgyad pa phrag gnyis
dang/ /bzhi ba'i sbyor ba'ang nyi shu las ni gnyis

kyis nyung bar gyis shig 'dzangs ma mo/ /a kar kun tur tu rus
gan d+ha thang chu pri yang tsan dan gnas rnams su/ /sug smel pa
mu ru rta bya ku re'u mig tsor gzhag bya zhing/ /shing tsha'i gnas
su gran ti bzhag cing de yi cha las gsum du bsgyur byas te/ /de
dag sbyor ba re ltar byas pas khrus

kyi cho ga'i sbyor ba'i rnam pa yin/ /sha ta ma rtan mur pi dri
li ni de ba nA ge sar/ /dran tshe'i gnas su seng phrom ha man
gsum bzhag dri phyi'i sbyor ba yin/ /shing tsha ta mal pri yang
tsan dan ru rta seng phrom dang ni shu dag dang/ /sthe'u na cha
drug ldan pa'i rim pa ba lang phru gu lta bur sreg pa yin/

ga bur sprang rtsi ka ra gur kum ma tu lung ga'i bdug spos sbyor
ba ste/ /rgya skyegs du ru ka dang spra tshil sbyar ba ngag ni
bdug spos reng bu yin/ /ru rta ge sar shu ti a mra tso ra dag
dang sbyar ba btung ba bsgo ba yin/ /spos rgyal shu ti sug smel
a mra ru rta sbyar ba zhal la bsgo ba yin/ /a

@18b kar tsan dan sthe'u na ge sar mkhan pa shu ti a smra ru rta
dang/ /du ru ka dang sbyar ba til mar dri zhim bsgo ba'i sbyor ba
yin/ /de ltar kho bos khyod la phan bar bya phyir sna tshogs rnam
par brtag byas pa/ /bde bar gshegs pa'i pho brang rkyen du 'os
pa'i dri dang bdug pa'i sbyor ba yin/ /dri[?]

sbyar ba'i mig mngas ris kyi sbyor ba tshig le'ur byas pa slob
dpon klu sgrub kyis mdzad pa rdzogs so// @#/ /spos kyi sbyor ba
re'u char byas pa'i thabs bshad pa bzhugs/ @##/ /dkon mchog gsum la
phyag 'tshal lo/ /spos sbyor gtsug lag 'di la ni/ /rnam

grangs rgyas par rab brjod na/ /mtha' yas pa zhig 'byung mod kyi/
/mdor bsdus don gyi rnam brgyad po/ /gdab spos phye ma byug pa
dang/ /bdug spos dang ni khrus kyi spos/ /lus kyi dril phyi bya
ba dang/ /btung ba bsgo dang kha yi spos/ /til mar dri zhim bsgo
ba yis/ /spos

rnams sbyor ba'i cho ga bstan/ /de la spos kyi sbyor ba thams cad
kyi rtsa ba lta bur gyur pa a ka ru la sogs pa'i spos rnam ba
bcu drug po rnams spos snod re'u mig bcu drug dag tu gzhag pa
bstan ni 'di ltar/ a kar pa tra tu rus rdo dregs bri yang gla
sgang spra tshig ba li ka /bri ka shing tsha rgya spos spang spos
tsan

dan sen mo thang chu kun tur rnams/ /zhes bya ba dag yin te/ de
ltar a ka ru la sogs pa spos sna bcu drug po rnams dang bor
bstan pa 'di ni sbyor ba'i rnam pa thams cad la dri'i 'du 'phrod
sna mthun par sbyar ba dang/ sna bzhi po'i sbyor ba sbyil cha bco
brgyad du nges par 'dod pa'i phyir re'u mig bcu drug po dag tu so
sor

gzhag pa go rims kyis nges par bstan pa yin no/ /'dir spos kyi
rnam pa mang po bstan pa kun kyang dri'i sbyor ba spyi'i cho gar
bstan pa ni dri gso ba dang/ bdug pas bdug pa dang/ me tog zhim
pos bsgo bar bstan pa yin te/ 'di ltar spos rgyal gla rtsi ga pur
dag gis gso zhing bdug pa mchog gis bdug /me tog zhim pos bsgo

ba bgyis pa dang zhes bya bas bstan pa yin te/ 'di dag gi thabs
dang cho ga ni zhib tu 'og nas ston to/ /dri sbyar mchog tu 'di
'gyur zhes bya ba ni sbyor ba'i yon tan brjod pa'o/ /lus mchog ma
zhes bya ba ni snyan par bod pa'i tshig go/ /de la sngar bstan
pa'i spos sna bcu drug po rnams nyid kyang so so'i cha mang nyung
gi tshad bstan pa'i phyir go

@19a @#/ /rims kyi tshul du gzhan du bstan pa ni/ shing tsha a kar
pa tra pri ka tu rus spang spos rgya spos rdo dregs dang/ /kun
tur gan d+ha ba lig thang chu pri yang sen mo tsan dan gla sgang
rnams/ /go rims bzhin du cha re bskyed cing dri yi sbyor ba
brgyad pa phrag gnyis dang/ /zhes bya ba dag

yin te/ dri'i sbyor ba brgyad pa phrag gnyis su bya ba dang/ go
rims bzhin du cha re bskyed pa la shing tsha cha gcig /a ka ru
cha gnyis/ gan d+ha pa tra cha gsum/ pri ka cha bzhi/ du ru cha
lnga/ spang spos cha drug /rgya spos cha bdun/ rngo dregs cha
brgyad du bya ba rnams la cha brgyad pa phrag cig dang/

yang kun tu ru cha gcig /gan d+har ba cha gnyis/ /ba li ka cha
gsum/ /thang chu cha bzhi/ pri yang ku cha lnga/ chu srin sen mo
cha drug /tsan dan cha bdun/ gla sgang cha brgyad du bya ba rnams
ni cha brgyad pa phrag gnyis su bya ba yin na/ /de ltar shing tsha
la sogs pa spos sna bcu drug po rnams smos

pa de dag a ka ru la sogs pa dang por bstan pa'i spos rnam pa
bcu drug po de dag nyid yin na/ ci'i phyir gong du don gcig tu
bsdus te ma bshad ce na/ snga ma ni sbyor ba rnam pa thams cad
kyi spyi'i cha grangs mnyam par gtan la dbab pa'i phyir/ re'u mig
bcu drug po dag tu spos rnams so sor

gzhag pa'i go rims kyi nges ba bstan pa yin la/ 'dir spos sna bcu
drug po de dag gi so so'i dri'i khyad par 'jam rtsub dang drag
dal la sogs pa mi 'dra ba'i sgo nas so so'i cha grangs mang nyung
gi tshad mi mnyam par 'dod pa'i phyir cha bskyed pa'i go rims kyi
tshul rnams pa gzhan du bstan pa yin no/ /

de ltar spos sna bcu drug po da ltar spos sna grangs du zhig
sbyor ba gcig tu bya/ sbyor ba rnams ni du zhig yod/ sbyor ba
gcig la cha grangs ji tsam zhig tu bya zhe na/ 'di lta ste/ bzhi
ba'i sbyor ba zhes smos pas sna bzhi zhing sbyor ba gcig tu bya
ba bstan pa yin na/ /sna bzhi ba'i sbyong ba de'i rnam grangs
bstan pa ni

'di lta ste/ mjug thogs su nyi shu zhes smos te/ 'dis spos sna
bzhi pa'i sbyor ba rnam pa nyi shu yod par rig par bya'o/ /spos
sna bzhi ba'i sbyor ba gcig la cha du zhig tu bya ba ma bstan pas
cha las zhes bya ba smos te/ cha'i sgo nas zhes bya ba'i tha tshig
go/ /sna bzhi ba'i sbyor ba 'di la cha'i sgo nas grangs bstan pa
ni/ gnyis kyis nyung bar

@19b gyis shig ces bya bar bstan te/ gnyis kyi phris shig ces bya
ba'i tha tshig go/ /gang las phri zhe na/ sdang bzhi ba'i sbyong
ba'i rnam pa ni nyi shu bstan ma thag pa nyi shu las gnyis kyis
phri na grangs bco brgyad du 'gyur te/ de ltar sna bzhi pa'i
sbyor ba gang yang rung ba gcig la cha bco brgyad po

dag tu bya ba bstan pa yin no/ /'dzangs ma mo zhes bya ba ni
bshes gnyen can zhes bya ba ste/ bod pa'i tshig go/ /de ltar spos
sna bzhi la cha bco brgyad pa'i sbyor ba rnam pa nyi shu bzhed pa
de ji lta bu zhig snyam pa la/ 'di ltar a ka ru la sogs pa dang
por bstan pa'i spos rnams ba bcu drug

ba cha grangs gong du bstan pa bzhin du bskyed la/ re'u mig bcu
drug po dag tu go rims ji skad du 'byung ba bzhin du ma nor bar
bzhag ste/ 'di ltar re'u mig bzhi pa'i phreng bzhi zhig yod pa
las phred dang po la a ka ru/ gan d+ha pa tra/ tu rus ka /rdo
dreg bzhi gzhag pa dang/ de nas yi ge phreng ba bzhin du phreng
dang 'og

re'u mig bzhi/ pri yang ku/ gla sgang/ gan d+ha ra sa la/ ba li ka
bzhi gzhag /phreng gsum pa la pri ka/ /shing tsha rgya spos dang/
spang spos bzhi gzhag /phreng tha ma la tsan dan/ chu srin sen
mo/ thang chu/ kun tu ru bzhi po rnams gzhag pa byas na cha bco
brgyad yod pa'i spos sna bzhi bo'i sbyor ba rnam pa nyi shur
'gyur te/ ji

ltar zhe na/ 'di ltar re'u mig bzhi pa'i phreng ba bzhi po ngos
gnyis su bsres pa la sbyor ba rnam pa brgyad/ grwa bzhi nas re'u
zur sprod rgya gram du bgrangs pa'i sbyor ba rnam gnyis te bcu
dang/ yang phyogs bzhi nas mtha'i phreng ba re re bor la 'dab
chags su re'u mig bzhir bgrangs pa'i sbyor ba rnam pa bzhi dang/

mtha' bzhi nas re'u 'dab chags su bgrangs pa'i sbyor ba rnam ba
bzhi ste brgyad dang/ dbus kyi cha las re'u 'dab chags su bgrangs
pa'i sbyor ba rnam pa gcig dang/ grwa bzhi nas re'u mig re re
bzhi zhig bgrangs pa la sbyor ba rnam pa gcig ste bcu dang/ de
ltar rnam pa bzhi po de dag

ni spos sna bzhi po cha brgyad yod pa'i sbyor ba rnam pa nyi shu
po dag yin no/ /de ltar spos kyi sbyor ba rnam pa nyid shu po de
dag las gang yang rung ba gcig sbyor bar 'dod na spos sna bzhi po
cha bco brgyad por byas pa rnams phye mar btags la/ dang por dri
chus spru ba dang/ dri gso ba dang

@20a @#/ /bdug pas bdug pa dang/ me tog dri zhim pos bsgo ba rnams
kun la'ang 'dra bar bya'o/ /de la dri chu sbyar ba ni/ /tsan dan
gla sgang ba li ka /pu shel tse dang pri yang ku/ /dzA ti pha la
cha bsnyams pa/ /zhes spos kyi gtsug lag gzhan las 'byung ba'i
spos de rnams rtsa ba'i spos phye

ma srang lnga la khu ba'i spos zho gcig gi thang du brtsis te/
rtsid por btags la chu bcu drug 'gyur gyi nang du bskol te/ khu
ba bzhi cha lus pas brul tsam du sprus nas de'i nang du dri gso
ba'i rdzas sngar rtsa ba las bshad pa'i dzA ti pha la dang/ ga
pur dang/ gla rtsi rnams cha bsnyams la rtsa ba'i spos sna bzhi
po'i spyir ji tsam

yod pa las snga ma bzhin du srad la gzhal la dri gso ba'i phyir/
zho gcig gi thang brtsis la/ phye mar btags pas gdab cing 'dres
par bya'o/ /de nas dud pas bdug pa ni yang rtsa ba'i spos rnams
dri chus sprus te/ lde gu byas la rje'u gsar ba'i nang du ngos la
byugs te cung zad ma skams par

byas la/ rje'u gzhan gyi nang du me ma mur blugs te/ spos kyi kyi
dud ba 'thul bar byas pa'i steng du kha sdub tu bzhag cing dud pa
gzhan du ma shor bar bdug go/ /de la bdug pa'i spos sbyor bzhi/
/rgya skyegs thang du pri yang phog /chu srin sen mo kun tu ru/
/ru rta dang ni bu ram bcas/ /bdug

pa mchog tu bstan pa yin/ /zhes bshad pa yin te/ 'di rnams cha
bsnyams pa phye mar btags pa bu ram nyid kyis sbrus pa des bdug
par bya'o/ /de la me tog dri zhim pos bsgo ba ni sna ma'i me tog
dang/ bal lu dang/ skyang sho ba la sogs pa me tog dri zhim po ga
phur dang bsres pa byib cing dris bsgo

bar bya'o/ /spos phye ma'i sbyor ba sna bzhi po lha'i gnas dang/
bdag nyid kyi khyim dang/ gos dang/ lus la gdags pa 'di nyid kyi
sbyor ba'i cho ga dri gso ba la sogs pa'i rim pa ni de dag yin
no/ /gzhan du 'og nas bdug spos la sogs pa'i sbyor ba gcig la dri
gso ba la sogs

pa'i rim pa mi mthun pa dag ni so so'i skabs nyid du bstan to/
/phyi ma'i spos sna bzhi po 'di nyid chu thabs su byas te byug
pa'i gor yang spyad par bya'o/ /spos kyi sbyor ba re'u char byas
pa'i thabs bshad pa rdzogs so// //'di dag gi zhus dag lo tsA pa
snar thang pu Na+ya rasmi yin no// //

@20b @#/ /thub pa chen po drang srong gar gas ltas kyi rnam pa
bstan pa bzhugs/ @##/ /thub pa chen po drang srong gar gas ltas kyi
rnam pa bstan pa zhes bya ba'i gtsug lag /thams cad mkhyen pa la
phyag 'tshal lo/ /gza' skar rig pa'i pha rol phyin/ /thub pa'i
tshogs mchog gar ga la/ /

b+ha gu ris ni phyag 'tshal te/ /thal mo sbyar nas yongs su zhus/
/lha yi mig ldan dka' thub che/ /skal ldan rgya mtshe che lta bu/
/zhes rab mchog gi rab rtogs pa'i/ /rigs pa de ni thob par 'tshal/
/yul gyis dngos dang dngos med dang/ /bstan dang 'bras bu grub pa
dang/ /mi rnams kyi ni

pham rgyal dang/ /sprin gyi kha dog gzugs rnams dang/ /de bzhin
nyi ma zla ba dang/ /lha yul bar snang sa bla yi/ /ltas su byung
ba'i mtshan ma dang/ 'phral gyi char ba'i mtshan ma dang/ /dus
mtshan chags dang dge mi dge/ /nyi zla dag gi nyin 'khor nas/
/skam mda' lhung dang gnam grum dang/

dri za yi ni grong khyer dang/ /sa g.yo ba yi 'bras bu dang/ /nyi
ma'i gzugs ni khyim pa dang/ /de bzhin zla ba khyim brjod pa/ /de
dag thams cad ma lus pa/ /dka' thub 'grub pas gsung par 'os/ /de
skad dris nas gzi chen po/ /gar g.yis ni tshig smras pa/ /sda[?] gu
ris ni gang dris pa/ /de

nyid nyon cig skal ba can/ /mar me lta bu'i gtsug lag 'di/ /dgos
pa thams cad rig byed pa/ /grags dang gsal dang rnams gsal dang/
bde sdug nges par rtogs byed pa/ /bram ze gtso dang rgyal po la/
/drang srong mchog gis bstan par bya/ /nyi ma dang zla ba'i ltas
la legs ldan gang gi

tshe nyi ma utpa la sngon po lta bu'i 'od can/ reg pa na gzi byin
du rno ba can/ zla ba ltar bsil ba can nam mkha'i dkyil du song
la snang ba de'i tshe ni rgyal po 'chi bar 'gyur ro/ /gang gi tshe
nyi ma 'char ba dang nub pa kho na'i tshe 'khor lo bzhin du 'khor
bar gyur pa de'i tshe ni gdon mi za bar rgyal po 'tshe /bar 'ong la

pha rol gyi dmag tshogs rna mas kyang 'ong zhing/ yul rnams kyang
'khrug par 'gyur te/ de'i tshe yul ni dgon bzhin ri dags kyis gang
bar 'gyur ro/ /yang na nyi ma gzas zin pa yang med par 'od bar
'gyur ba de ni de'i tshe rgyal po de dag gi phyi nang na rtag tu
'tsho bar 'gyur ro/ /yang dag gi tshe nyi ma

@21a @#/ /gzas ma zin par/ nam mkha' la phyed du snang ngam/ nyi
ma nyid nam mkha' la g.yo bar gyur tam/ kha dog ngan ba'am/ skya
bor 'gyur na de'i tshe rgyal po 'tshe zhing/ skye bo 'tshe ba dang
lo nyes pa dang/ chom rkun rnams kyi mthur gyur ba'am/ yang na
dbang pos

char mi 'beb bar 'gyur ro/ /yang dus mtshams ma yin par nyi ma
dang zla ba gzas zin par gyur na/ de'i tshe mi dag mtshon gyis
'debs la/ de bzhin du nang dang 'thab pa dag gis 'tshe bar yang
'gyur/ rgyal bo yang 'tshe zhing/ mu ge dang/ mi ngas dag gi tshogs
chen por 'gyur ro/ /mi rnams

kyang nye du phu nu dag dang mi mthun zhing 'gal bar 'gyur ro/
/mi'i bu rnams mngal du yang 'chi bar 'gyur ro/ /yang nyi ma 'od
zer dang bral zhing mi long bu lta bur snang na/ de yang nges par
rgyal po 'jigs par rig par bya'o/ /yang na nyi ma nam mkha' la
khrag gi 'od can lta bu snang ba de'i tshe rgyal

po rnams dang/ de la brten pa rnams dang/ yul rnams dang/ de
bzhin du dbang po rnams dang/ phan tshun du gsod par 'gyur ro/
/de'i tshe skye bo thams cad chos dang mi mthun par phyin ci log
par spyod pa'i ltas yin no/ /gang gi tshe nyi ma 'char ba na/ gzhu
ltar rab tu sgu bar snang zhing/ sprin

dmar dag gis khebs na/ de'i tshe pha rol gyi dmag tshogs dag 'ong
bar 'gyur ro/ /gang gi tshe nyi ma 'char ba na/ gzugs brnyan dag
snang ba de'i tshe na 'jigs pa chen po 'ong bar bstan to/ /de dag
gi tshe nyi ma 'char ba dang/ nub pa kho na de'i tshe nyi ma mgo
bcad pa lta bu'i sprin gyis khebs pa de'i tshe

na; yul du 'jigs pa chen po 'byung bar rig par bya'o/ /yang nyi
ma 'char ba nub pa kho na'i tshe nyi ma 'khyams pa dang/ skan mda'
ltung ba dang/ sa g.yo bar gyur pa de'i tshe rgyal po gsod par
'gyur ro/ /yang gal te nyi ma gzugs bu gu can dang/ bong bu dang/
khrag lta bu'i nyi ma phyed dus gsal

bar snang na/ mi'i bdag po mtha' dag 'tshe ba dang/ nad dang/ mu
ge dag ldang bas skye bo bas ba'i dus su 'gyur ro/ /gang gi tshe
nyi ma zla ba dag 'khyams zhing du kyil 'khor tha dad du chud la/
rtsub par gyur pa de'i tshe ni the tshom med par dmag 'byung bar
'gyur ro/ /gang du nyi ma dang zla ba dag

@21b 'khyams pa dang/ dkyil 'khor mtha' bdag ma yin pa dang/
rtsub cing rnam par gzhag pa dang/ nyams par gyur pa de'i tshe
'char ba med par 'gyur zhing/ mu ge dang mi ngas dag 'byung bar
rig par bya'o/ /gang du nyi ma dang zla ba dag rma bya'i mgrin pa
lta bu 'khyams par gyur pa de'i tshe na des mu

ge 'byung bar bstan to/ /gang gi tshe nyi ma sprin gyi kha dog lta
bu dang/ 'ja' 'dra ba dang/ dkyil 'khor chung bar gyur pa de'i
tshe na 'phral 'phral du char pa 'bab par 'gyur ro/ /gang gi tshe
nyi ma dang/ zla ba dang/ gza' rnam gsum 'gal bar gyur pa ni zhag
gsum tshun chad char ba 'bab pa dang/ zla ba

gsum tshun chad du 'jigs pa chen po 'byung bar rig par bya'o/
/gang gi tshe zla ba chu la zla brnyan dag snang bar 'gyur na yang
zhag gsum tshun chad char pa 'bab pa dang/ zla ba gcig la 'jigs pa
chen po 'byung bar 'gyur ro/ /gang gi tshe zla ba 'khyams shing
ngan du nub par rab tu snang na/ gza' rnams kyi

yang zil gyis non par 'gyur ro/ /de bzhin du snang ba chung par
gyur pa de'i tshe na/ dmag dpon rnams 'chi bar 'gyur la/ de bzhin
du yul de yang lo nyes dang/ mu ge dang/ mi ngas pa dag kyang
'byung/ rgyal po yang 'tshe bar 'gyur ba dang/ chom rkun pa dag
kyang brgyal bar 'gyur ba'i ltas su

bstan to/ /yang zla ba'i gzugs 'khyams pa dang/ gza' rnams phan
tshun du mtho zhing zhum par yang gyur pa de ni/ lus can rnams
shin tu mnar bar 'gyur bar bstan to/ /zla ba'i gzugs 'khyams pa
na/ gang gi tshe/ zla ba khrag gi mdog lta bu'i kha dog tu gyur pa
de'i tshe na dmag khrag gi 'dam

rdzab can 'byung bar 'gyur ro/ /nyi zla'i ltas kyi le'u ste dang
po'o// //gza' skar gyi ltas la drang srong chen po gar ga la legs
ldan phyogs kyi skyong ba dag ji ltar gnas pa dang/ gza' dang
rgyu skar dag gi che chung dang/ ji ltar rgyu ba dang/ skar ma
dag gang nas 'byung zhing ji ltar ltung ba dang/

rnam par rgyu ba dag skyes bu dam pa tshangs pa lta bu'i gzi brjid
can gyis bdag la bstan du gsol zhes nyon mongs pa can ma yin pa'i
slob ma b+ha gu ris kun du dris pa dang/ rig pa'i gnas thams cad
kyi pha rol tu phyin pas bshad pa/ phyogs skyong dag ni bzhi ste/
rang gi phyogs la yang dag par brten pa dag

@22a @#/ /go; /gza' dang rgyu skar thams cad kyi steng na sme bdun
dag gnas shing/ de dag gi 'og na ni spen pa dag gnas so/ /nyi
ma'i dkyil 'khor ni dpag tshad brgya stong du brjod do/ /zla ba ni
bcu drug tu brjod do/ /sgra gcan 'dzin ni nyis 'gyur ro/ /snar ma
dang/ gro bzhin dang/

rgyal dang/ mgo dang/ byi bzhin dang/ nag pa dang/ sa ri dang/ sa
ga dang/ lag dang/ snron dang/ snrubs dang/ nab so dag ste/ rgyu
skar bcu gnyis pa dag gi dkyil 'khor ni dpag tshad gnyis gnyis so/
/de bzhin du skar ma phra mo gzhan dag gi tshang du rgyang grags
tsam mo/ /de dag gi grangs ni

dung phyur phrag gnyis dang/ bye ba phrag brgyad dang sa ya phrag
ldar bshad de/ rgyu skar gyi dkyil 'khor la gnas pa dag yin no/
/rgyu skar me bzhi dang/ nag pa dang/ sa ri dang/ sa ga dang/ lag
dang/ de bzhin du mgo dang/ nag so dang/ sbo rnams ni rlung gi
dkyil 'khor yin te/ de dag

dbang ba'i dus su gal te sa ga yo ba dang ser ba 'bab pa dang/
sgra gcan 'dzin mthong bar 'gyur pa dang/ skar mda' dang/ ser ba
mi bzad ba 'bab par 'gyur na de'i tshe na rdul gyi char mi zad pa
'byung ba dang/ de'i tshe rlung dmar ma rungs pa ldang zhing/
khang bzangs dang/ rta babs dang/ ba gam dang

skyed shing dang/ khang pa rnams 'gyel bar byed/ mtsho chen po
dang/ 'bab chu dang/ rdzing dang/ khron pa rnams kyi chu yang
skem par byed pa ste/ de ltar sngon gyi rig pas rlung las gyur
ba'i bye brag tu brjod pa yin no/ /gal te de dag nye bar zhi ba'i
rgyu zhag bdun tshun chad char ma bab bar gyur na rlung 'khrugs pa

las byung ba'i gnod pa la gzhan dag kyang 'byung bar 'gyur te/
yul ma tun da dang/ yul ba li ka dang/ yul ka tsa da dang/ yul
kam po dza dang/ yul bar bar dang/ yul spos 'dzin dang bcas pa
dag tu yang 'khrug cing phan tshun mi mthun pa dang/ de bzhin du
nad dag gis zin pa'i sgra mi snyan pa dang/

lus 'phags dag kyang nyen par 'gyur/ mtshon gyis thebs pa dag
kyang 'byung/ rgyal po rnams la yang dmag 'dren par 'gyur zhing/
de bzhin du ma'i mngal yang 'gags pa dang/ sa yang 'bras bu mi
skye ba dang/ shing thog dang/ 'bras bu'i shing dag kyang ngan
cing nyung ba dang/ dbang pos

@22b kyang char pa chen po mi 'bebs pa dang/ phyogs thams cad kyi
sa'i mdangs kyang sngo gnag tu 'gyur zhing mi gsal ba dang/ rtsub
par snang ba dang/ ba lang dang/ ra lug dang/ bya dang/ ri dgas
dag kyang 'jigs pa med par yang skrag cing 'drog pa dang/ phyogs
bslad cing phan tshun thob par 'gyur

ro/ /yang rgyu skar sa ga dang/ smin drug dang/ rgyal dang/
khrums stod dang/ b+ha ga'i lha gang yin pa 'di dang/ mchu dang/
gshin rje'i lha gang yin pa 'di dag dbang ba'i dus su sa g.yos
pa'am/ gnam grub pa 'byung bar gyur na me'i phyogs kyi dkyil
'khor la bab pa'i shugs kyis gnod pa 'byung

bar rig par bya ste/ mkhris pa'i rigs las gyur gnod pas skye dgu
shin tu gzir ba dang/ bud med rnams la khrag nad 'byung ba dang/
ba dang ma he zho skam pa dang/ bsod nams bya bar brtsams shing
bsam pa thams cad kyang 'grub par mi 'gyur la/ sems can rnams la
yams nad 'byung

ba dang/ de bzhin du nad dang/ rgyal po las kyang gyur ba 'byung
ba dang/ skye dgu rnams kyang phan tshun dga' ba dag byed nas mi
mthun par yang 'gyur zhing nyin mtshan du phyogs rnams su gnas me
zhi bar yang mi 'gyur/ sprin yang char pa 'bebs par mi 'gyur/ de
bzhin du 'dod 'jo dag kyang 'o ma med par

'gyur ba dang/ shing ljon pa'i rigs dang/ lcug ma dag kyang me
tog dang/ 'bras bu nyung ba dang/ chu'i gnas khron pa dang/
rdzing dang/ lteng ka la sogs pa yang skam par 'gyur zhing/ mu ge
dang nad kyis nyen pa 'byung ba dang/ yul 'khrug par yang 'gyur/
chom rkun gyi 'jig rten rnams kye mthu

dang; ri dags rnams kyang 'dren par 'gyur/ sha sprang dang/
sbrang bu mchu rings rnams dang/ de bzhin du rigs ngan gyi rigs
dag kyang 'phel bar 'gyur te/ de ltar me'i phyogs kyi dkyil 'khor
du chos lugs de rnams 'byung bar shes par bya'o/ /khrums smad
dang/ chu lha dang/ de bzhin du nam gru dang/

bden bral gyi lha dang/ skag dang/ de bzhin lag ni chu'i dkyil
'khor yin te/ de ni bstan bcos rig pa rnams kyis brjod pa yin no/
/gal te 'dir sa g.yo ba dang/ gnam grum pa byung ba dang/ nyi ma
dang/ zla ba yang nye ba'i chags pa dang ldan pa dang/ mjug rings
dang/ de bzhin du ltas su

@23a @#/ /'byung ba gzhan mthong bar gyur na chu lha'i de ni skye
dgu rnams la dge ba'i rgyu yin par shes par bya ste/ der lo legs
pa dang/ ba 'o ma mang ba nyid du yang shes par bya'o/ /bud med
dag kyang dus tshang nas tshor ba med par bde bar btsa' bar 'gyur
ro/ /sa bon ji ltar btab pa bzhin du

grub nas sa yang lo tig gi phreng ba can du 'gyur zhing/ rgyal po
rig pa'i rjes su 'brang ba dag kyang mi dge ba med par 'gyur ro/
/bram ze la sogs pa'i rigs bzhi po yang rang gi las rnams la gnas
par 'gyur/ skyad kyis 'tsho ba thams cad kyis kyang rnyed pa'i
mchog rnyed par 'gyur zhing/ sa las

skye ba rnams kyang 'bras bu dang/ me tog dang 'dab ma dang ldan
zhing 'phel bar 'gyur ba dang/ bde ba dang/ lo legs pa dang/ nad
med pa dang/ skye dgu rnams la yang dge bar 'gyur ro/ /mon gru
dang/ snar ma dang/ snron dang/ de bzhin du lha mtshams dang/ byi
bzhin gro bzhin dang/ de

bzhin du gzhan yang chu smad ni dbang po chen po'i phyogs kyi
dkyil 'khor du rig par bya ste/ thams cad shin tu phan pa'i rgyu
yin zhing skye dgu rnams la bde ba dang/ nad med pa dang/ rgyal
po rnams la dge ba rab tu sbyin par byed pa yin no/ /gal te 'dir
sa g.yo ba dang/ de bzhin du gnam grum pa la

sogs pa 'byung ba dang/ nyi ma dang zla ba nye ba'i chags pa can
du gyur pa dang/ mjug rings mthong bar gyur ba dang/ gzhan yang
glo bur du byung ba gzhan ji ltar 'byung ba yang der ni bstan
bcos rig pa'i thub pa rnams kyis mi dge ba med par bstan te/ lo
tog ngag shin tu phun sum tshogs pa dang/ lo

legs pa dang/ chom rkun med pa dang/ bram ze rnams kyi sbyin sreg
dang/ mchod sbyin gyi bya ba thams cad 'grub par 'gyur zhing/ rig
par byed pa'i rgyal po thams cad kyang sa srung bar byed par
'gyur ba dang/ rigs kyang rang gi chos la gzhol zhing/ sems chos
la mngon par dga' ba dang/ dus ji

lta ba bzhin du char chu 'bab pa dang/ shing rnams me tog dang/
'bras bu smin par byed pa dang/ skye bo mtha' dag rab tu dga' ba
dang/ lhags pa rnams phan tshun dga' bar 'gyur zhing/ sprin rnams
don med par ma yin te/ sa gzhir char pa legs par 'bab par 'gyur
ba dang/ mi rnams kyi bya

@23b ba ji ltar brtsams pa rnams kyang phal cher grub par 'gyur
zhing lus can rnams la yang gnod pa byed pa rnams dang/ grog sbur
rnams dang/ sbrul dang/ byi ba la sogs pa dang/ de bzhin du yams
kyi nad rnams dang/ ba la sogs pa rnams kyang yang dag par 'jig
par 'gyur ro/ /rnam pa gzhan du na

dbang po chen po'i dkyil 'khor dbang bar gyur na chu dang/ me
dang/ rlung las gyur pa bad kan dang/ mkhris pa las gyur pa'i
nang rnams dang/ de bzhin du rlung las gyur pa rnams 'byung ste/
de dag ni gzhan du ma yin no zhes pa bstan to/ /gza' rnams kyi
le'u ste gnyis pa'o// //

skar mda'i ltas la skar mda' 'di dag ni de dag ni mtshan ma bstan
pa'o/ /'jig rten dag na rtags ston par byed pa ste/ de la gang gi
tshe dbang po rnams dang chu lha dang/ rlung lha dang/ me'i phyogs
kyi gzhan dag ni kha dog sna tshogs shing gzugs 'jigs pa dang/ me
stag dang bcas shing 'od dang

bcas pa dang/ sol ba 'bar ba ltar snang ste/ nam mkha'i ngos la
char du 'byung bar 'gyur ro/ /gshin rje'i phyogs kyi skar mda'
gnag pa dang/ dmar po reng red po dang/ rtsub pa ni 'jigs par
byed pa ste mi'i rgyal po rnams dang/ yul rnams la 'jigs pa chen
po 'byung bar brjod pa yin no/ /

de bzhin du bar snang la 'dug pa dang/ ri dang rgya mtsho la 'dug
pa yang yin no/ /gang du lha yul dang/ sa stengs su lhung zhing
bzlog phyogs su 'gro bar 'gyur na yul der zhi ba ma yin par 'gyur
ro/ /rgyab phyogs su ni rtag tu zhi bar 'gyur ro/ /de bzhin du de
dag ni 'jig rten thams cad du rgyu ba dang/

gzugs 'dod pa 'dzin pa dag yin no/ /gnod par gyur pa'i yul dag tu
dmag 'gyed du 'jug pa yang byed par 'gyur ro/ /de'i 'og tu rang
bzhin gyis dmag kho nas 'jig rten rnams 'chi bar byed par 'gyur
ro/ /de dag lhung ba dag rjes su mtshan nyid yang dag par rab tu
brjod par bya ste/ dkar po

'gro zhing me stag dang bcas pa ni bram ze rnams la 'jigs pa
'dren pa yin no/ /de bzhin du dmar po rnams ni rgyal rigs rnams
la'o/ /ser po ni rje'u rigs rnams la'o/ /nag po dang sngo bskangs
ni dmangs rigs rnams la ste/ shin tu 'jigs pa 'byung bar brjod
do/ /de bzhin du skar mda' sngo

@24a @#/ /ba sangs dang/ rtsub pa dang/ 'grum pa dang/ dkar po
dang/ ser po dang/ kha dog rnam pa sna tshogs dang/ me stag dang
bcas pa dang/ du ba 'thul ba dag tu lhung ba der ni rgyal po la
gnod par 'gyur ro/ /gang du la lar phag dang/ spre'u dang/ wa
ltar bcos pa

dang; rig dags dang/ bong bu'i gzugs lta bu'i 'od can gyi skar
mda' lhung ba der ni rgyal po dang yul 'khor du bcas te 'chi bar
'gyur ba the tshom med do/ /gang rgyu skar dang phrad nas gang
mi'i mdun du grum zhing skar mda' grugs pa der ni de nyid du
'bras bur 'gyur par rnam par bshad par bya'o/ /

gza' dang/ rgyu skar gang gi ba lang gi lam dang/ rta babs dang/
rgyal mtshan khyim du lhung ba de la ni 'jigs pa chen po 'byung
bar brjod pa yin no/ /gang du skar mda' nyi ma la mngon du phyogs
te lhung ba ni shin tu 'jigs par byed par 'gyur ro/ /ba ba sangs
la reg par byed pa de ni der

rgyal po la 'jigs pa 'byung bar 'gyur ro/ /gang du zla ba'i dkyil
'khor la reg pa me lce'i 'od dang mnyam pa'i skar mda' lhung ba
de ni rgyal tshab gsod par 'gyur ro/ /gal te skar mda' lha'i bla
ma phur bu la gdud bar byed pa der ni mdun na 'don gsod par 'gyur
zhing bram ze'i bdag nyid la yang

gnod par 'gyur ro/ /gang gi tshe skar mda' lag la gdung bar byed
pa dang/ lha lta bu 'byung ba der gzhon nu 'chi bar 'gyur zhing/
de'i tshe rgyal po la yang gnod par 'gyur ro/ /gang du skar mda'
lhung zhing gza' mig dmar la gnod pa byed pa der ni dmag dpon
gsod par 'gyur zhing/ mtshon dang

me'i 'jigs pa yang 'byung bar 'gyur ro/ /gal te skar mda' 'bab pa
nyi ma'i bu spen pa la gnod par byed pa der ni sna bo'i gtso bo
dang/ tshogs can dag 'chi bar 'gyur ro/ /gang gi skye ba'i rgyu
skar la skar mda' rtug la gal te zhi bar 'gyur bar mi byed na pho
de 'chi bar 'gyur ro/ /tri shang gu dang/

b+hi ri shi dang/ sa ga dang/ sa ri dang/ skar ma khyi khrid dang/
smal bo dang/ ri bya dang/ de bzhin du bra mta na d+hi da ya dang/
a ru na dang/ shi shu ma ra dang/ sme'u bdun dang/ de bzhin du
gung tshigs kyis khebs shing skar mda' lhung ba de shin tu 'jigs
pa chen po 'byung bar 'gyur zhing/ dmag mang

@24b pos 'khrug pa dang/ mtshon gyis 'tshe ba yang rab tu zad par
byed par 'gyur/ de'i tshe yul 'jigs par byed pa'i chom rkun la
sogs pa yang 'byung bar 'gyur ro/ /gang du skar mda' rab tu 'bar
ba sa la thur du thad kar 'jug pa de'i tshe ni dgra dag gis rgyal
po gsod par 'gyur zhing yul 'jigs

par yang 'gyur ro/ /skar mda' rta'i dbyibs lta bu ni rgyal po'i
dmag la gnod par 'gyur ro/ /ral gri dang/ rtse gsum dang/ kha
TwAM ga'i dbyibs lta bu ni yul dang rgyal por bcas pa la gnod
par 'gyur ro/ /skar mda' chen po gdugs dang/ rgyal mtshan dang/
shing rta'i rnam pa dag tu

sa la ltung ba ni zhag bdun gyi dmag dang rgyal por bcas pa la
gnod par 'gyur ro/ /gang gi tshe sa la skar mda'i char pa dang/
rdo'i char ba chen po dag bab pa de'i tshe ni dmag stong gi khrag
sas 'thung bar 'gyur ro/ /gang gi tshe skar mda' me'i kha dog lta
bu gnam grum pa dang bcas te sa steng du

lhung ba de'i tshe ni dmag mi stong gi khrag sas 'thung bar 'gyur
ro/ /gang du glang po che dang/ rta dang/ shing rta'i gzugs lta
bu'i 'od dang/ ri lta bu'i rnam pa dag thur du lhung ba ni yul
dang/ rgyal po dang bcas pa la gnod par 'gyur ro/ /gang gi tshe
skar mda' dus tshigs snga ma kun du phrad pa du ba lta

bu sa la thur du lhung ba de'i tshe ni rgyal po gsod par 'gyur ro/
/dus tshigs kyi phyi ma la brten pa'i skar mda' me lta bu lhung ba
ni mchod sbyin byed pa rnams 'chi zhing/ de bzhin du mchod sbyin
gyi las rnams 'jigs par 'gyur ro/ /gang gi tshe skar mda'i sgra
chen pos rab tu rgyug cing yul yul dang/ grong

grod du lhung ba de'i tshe ni rtag tu rgyal po 'chi bar 'gyur ro/
/shar gyi phyogs char kun du 'byung zhing nyi ma'i lam la brten
te nub tu kha bltas shing song nas yul ma ga d+hAr phyin te/ grum
pa ni lo tog rnams smin na yang lo nyes dang/ de bzhin du mi ngas
'byung bar yang 'gyur zhing 'jig rten rnams la rang gi mi

mthun pa las 'gyur ba'i dmag kyang 'byung bar bshad do/ /rgyal po
rnams dang khyim khol 'byor ba'i mi rnams kyang 'chi bar 'gyur
te/ 'jig rten la gnod par byed pa nyes pa rnam pa mang po de lta
bu dag 'byung bar 'gyur ro/ /gang du me tog kunda dang zla ba
dang/ dngul gyi 'do lta bu'i skar mda' lhung ba

@25a @#/ /dang; rgyal po rnams rgyal ba dang/ lo legs pa dang/ bde
bar byed pa smra bar byed do/ /skar mda' chen po kha dog rab tu
'bar ba shin tu snum pa dang dngul dang/ shel gyi 'od 'dra ba ni
char pa 'bab par smra bar 'gyur te/ 'di la the tshom med do/ /gang
du skar mda' chen po du ba

dang bcas pa gzugs 'dzin par byed pa me stag dang bcas pa sol
ba'i dmog lta bu byung ba de'i tshe ni rgyal po la 'jigs pa chen
po 'byung bar 'gyur ro/ /du ba'i mdog lta bu dang/ che ba dang/
skar ma ltar dag pa dang/ g.yas g.yon du so sor 'gro bar 'gyur ba
dang/ bai DU rya'i mdog lta bu dang/

shel gyi 'od lta bu dang/ gser gyi mdog lta bu dang/ dngul lta bu
dang/ zla ba'i 'od zer ltar dkar ba dang/ zho'i 'od dang 'dra
ba'i skar mda' de ni lo legs par 'gyur ro/ /rgyal po rgyal bar
'gyur ba thub pa snga ma rnams kyis rab tu bstan to/ /bai DU
rya'i mdog lta bur bstan pa ni char pa 'bab

par brjod do/ /shel lta bur gyur na ni lo legs par 'gyur ro/ gser
gyi 'od lta bu gyur na ni mes 'khrug par 'gyur ro/ /dmar por gyur
na ni dmag 'byung bar brjod do/ /'di skad du gang bstan pa ni zla
ba gnyis ma lus par de'i rnam par smin par 'gyur brjod do/ /skar
mda'i

ltas te le'u gsum pa'o// //sprin dang/ glog dang/ 'ja' 'od kyi
ltas la gang gi tshe sprin gyi gzugs g.yung drung 'khyil pa lta bu
dang/ gdugs dang/ lteng ka dang/ shing rta bsreg pa bkra shis pa
dang ldan pa'i dbyibs dang/ ri lta bu dag ni skye dgu bde bar
byed pa'o/ /de

bzhin du dbang po'i mtshon cha'i rnam pa lta bu dag dang/ dbyig pa
lta bu dag ni bde bar yang mi byed la/ mu ge yang ston par byed
do/ /gang gi tshe dbyar gyi dus su sprin mdung thung dang/ gsal
shing dang dpa' rlabs lta bu dag dang/ rgyal mtshan dang/ ba dan
lta bu dag dang/ mtshon cha sna tshogs lta

bur snang ba de'i tshe/ dmag khrag gi 'dam rdza ba can mi bzad pa
'byung la lo tog kyang chud zos bar 'gyur zhing/ chom rkun dag
kyang 'phel bar 'gyur ro/ /sprin tha dad du chad pa dang/ shing
skam lta bu dang/ gtun shin lta bu dang/ mgo thod lta bu'i dbyibs
gang yin pa de dag ni mod la 'jigs pa'i

@25b dmag 'ong par 'gyur ro/ /yang sprin bya sna tshogs lta bu
dang/ rnga mo dang/ bong bu'i sprin gyi tshogs dag nyi ma shar ba
dang nub pa kho na'i tshe nyi ma'i zur nas 'gro bar gyur na de ni
skye bo zad par 'gyur ba'i nad dang/ mtshon la sogs pa 'byung bar
rig par bya'o/ /yang sprin gyi gzugs 'gog pa can lta

bur gyur cig /rdul gyi tshogs 'dren par byed pa'i rlung drag po
dang bcas pa 'byung ba ni rgyal po dang skye bo phal pa dag 'chi
ba dang/ yul 'khor dang/ dgon pa na gnas pa dag la gnod par bstan
to/ /nam mkha' la sprin med par 'brug zer ba dang/ 'brug zer la
char med pa'i sprin ni gnod pa

'byung ba'i sprin yin no/ /'od glog dang 'ja' rlung gi ltas la
gang gi tshe nyi ma'i drung lho phyogs ngos nas glog 'byung bar
'gyur la/ de'i dus su rgyal po'i pho brang dang/ rta babs dang/
glang po che dang/ rta'i bres kyi khang steng dang/ rgyal po'i
lam dang/ khrom lam gyi bzhi mdo dang/ grong khyer gyi sgo

dang; shing chen po rnams la thog dang ser ba 'bab pa'am/ skar
mda' dag kyang lhung bar gyur na der lo gcig tshun tshad du 'jig
rten kun du zad par 'gyur bar rig par bya zhing/ yul der rgyal po
gzhan 'ong bar yang the tshom med do/ /nyi ma la 'byung ba'i glog
de nyid rgyal po'i rta babs dang/ pho

brang gi sgor bab na rgyal po dang/ de la brten pa dag kyang 'chi
bar 'gyur/ rta bres dang glang po che'i bres su bab na de'i srung
ma nges par 'jigs par 'gyur ro/ /ra bar babs na dmag mi'i gtso bo
dag 'chi bar 'gyur ro/ /gang gi tshe me'i phyogs nas glog 'od me
lta bu 'byung ba ni nad rnams kyis

'khrug pa dang/ rlung drag pos gnod pa 'byung ba'i ltas yin no/
/bden bral gyi phyogs nas glog 'byung bar byed pa de'i tshe ni
rlung dal ba 'byung bar byed cing nad kyis 'jig rten zad par yang
'gyur ro/ /gang gi tshe nam mkha' sprin med par phyogs dag tu rtag
par glog 'byung bar 'gyur ba der ni

rgyal po 'chi ba dang/ yul 'khor dang bcas pa 'jigs par byed
pa'o/ /gang gi tshe glog me tog gi 'bras bur mdzes shing snum pa'i
'od can sprin gyi dbus na 'dug pa ni bde ba dang lo legs par
'gyur bar bstan no/ /'ja' ltas la gang gi tshe gzhan dag gis grong
khyer bskor ba na 'ja' 'byung bar

@26a @#/ /gyur na grong de nyid 'jigs cing 'jigs pa chen po nye
bar gnas par rig par bya'o/ /yang gang dag tu dmag gis grong
khyer bskor ba na nyi ma'i dkyil 'khor 'jas khebs par gyur na de
las ser ba 'jigs pa 'byung ba dang dmag tshogs de las kyang gtso
bo 'chi bar gyur pa ston to/ /gang

gi tshe dmag gi g.yul shom zhing go cha gyon pa na 'ja' nyi ma'i
dkyil 'khor dang mnyam par gyur pa ni/ /de ni phyogs gnyi ga 'chi
ba yin no/ /gang dag tu dmag 'gyed pa'i g.yul du zhugs pa na mdun
nam g.yas nas 'ja' 'byung ba ni de dag gsod par ston pa yin no/
/dbyar ka 'ja' 'khyil pa mang

ba dang/ sa g.yo ba dang/ zla brnyan dag byung ba de'i tshe pha
rol gzhan gyi 'jigs pa dag 'byung bar byed pa'o/ /gang dag tu
mtshan mo 'ja' nam mkha' la mngon par byung na de ni dge ba ma yin
te/ pha rol gyi dmag tshogs 'ong ba dang/ yul 'khrug cing rgyal po
'chi ba dang/ yang na rgyal po sma

'bab pa la sogs pas ston pas na dbang po mchod pa bde legs su
'gyur ba'i cho ga byas nas yul de nas gzhan du 'gro bar bya'o/
/gang gi tshe mtshan mo nam mkha' la 'ja' kha dog ngan cing shin tu
che la ri mo gsum 'byung ba de'i tshe rgyal po'i dkyil 'khor rnams
la myur du 'jigs pa 'byung zhing gzhan gyi

dmag tshogs dag gis kyang 'chi bar 'gyur bar ston pa'o/ /gang gi
tshe 'phral du nye bar sprul pa'i 'ja' rtags mthong na de'i grong
khyer 'jig pa dang/ yul 'khor 'jig par 'gyur bar rig par bya'o/
/'od ltas la gang gi tshe nam mkha' la 'od kyi rnam pa gdugs dang/
rgyal mtshan dang/ shing rta'i

rnam pa dag dang 'khor lo dang/ dung la sogs pa bkra shis kyi
mtshan mar bya ba dag dang/ 'od ral gri dang/ padma'i dbyibs kyi
rnam pa dag 'byung ba ni rgyal po rnam par rgyal bar 'gyur bar
bstan to/ /yang gang du 'od kyi rnam pa mgo thod lta bu dang/
dbyig tho dang/ gtun shing dang/ sgrog rus lta bur snang

ba dag gis ni rgyal po dang bcas pa'i yul 'jigs par bstan to/
/yang gang du 'od kyi rnam pa mgo thod lta bu dang/ dbyig tho
dang/ nya dang rus sbal 'dra ba dang/ de bzhin du sbal pa dang/
nya phyis dang/ chu srin lta bu dag gis kyang 'jigs pa chen po
'byung bar ston to/ /sprin glog dang 'ja' 'od la

@26b sogs pa'i ltas kyi le'u ste bzhi pa'o// //phyogs cha brgyad
po dag nas 'brug glog la sogs pa 'byung ba'i ltas la shar phyogs
la sogs pa phyogs cha brgyad po dag nas 'brug glog la sogs pa zer
ba las dge 'dun gyi ltas su blta ba ni/ sos dang po dbyar zla
'bring po nya la dbang po'i

phyogs kyi gnas su 'brug zer ba thos shing de nyid du rlung byung
na de'i tshe ni chu chen po dang/ char 'bab par 'gyur zhing lo
legs pa dang/ bde ba dang/ skye dgu dag dang/ rgyal po la nad med
par 'gyur zhing sngon gyi bstan bcos rig pa rnams kyis brjod pa
yin no/ /de bzhin du dbyar zla 'bring po zhes

kun la yang sbyar te/ me'i phyogs cha nas gal te glog 'byung
zhing rlung yang 'byung bar 'gyur na de'i tshe me'i 'jigs pa
'byung zhing lo nyes pa dang/ mi ngas dang/ de bzhin du chom rgun
gyi gnod pa dang/ rgyal po la mi dge ba dang/ nad kyis bslongs pa
nyid du 'gyur ro/ /gshin rje'i phyogs su gal

te glog dang/ rlung dang po 'byung bar 'gyur na de'i tshe ni rgyal
po dang chom rkun gyi gnod pa dang/ me dag dang/ nad dag gi 'jigs
pa dang/ mu ge dang/ mi ngas dang/ mi rnams phan tshun gsod pa
dang/ 'jig rten la gnod par byed pa spyang ki dang/ stag las gyur
pa dag kyang 'byung bar

'gyur ro/ /bden bral gyi phyogs su gang gi tshe glog dang/ rlung
'byung zhing sprin dag kyang snang la/ 'brug sgra yang grag na
dbang pos char chung du 'bebs par byed cing/ lo tog dag kyang
'byung bar mi 'gyur/ /byi ba dang bye ba la sogs pa dag kyang kun
nas 'bab par 'gyur ro/ /chu lha'i phyogs su

gang gi tshe glog dang rlung 'byung zhing/ /'brug sgra yang grag
pa de'i tshe ni char pa chen po 'bab par 'gyur zhing/ /lo tog
thams cad smin pa dang/ lo legs pa dang/ bde ba dang/ skye dgu
rnams na med pa nyid dang/ de bzhin du chos kyi 'byung bar yang
'gyur ro/ /rlung gi phyogs su gang gi tshe

glog dang rlung byung na rlung chen pos nyams pa'i char mi 'bab
pa dang/ lo tog skye ba yang mi 'gyur/ rlung nad rnams kyang
'byung zhing de bzhin du mi nad rnams kyang 'byung ba dang/ 'jig
rten la gnod par byed pa thams cad 'byung bar 'gyur ro zhes rnam
par bshad par 'gyur ro/ /ku be ra'i phyogs nas gang

@27a @#/ /gi tshe glog dang rlung byung ba de'i tshe dbang pos zla
ba bzhin du rtag tu char 'bebs shing 'bru la sogs pa lo tog phun
sum tshogs pa dang/ me tog dang/ 'bras bu la sogs pa phun sum
tshogs pa dang/ rgyal po rang gi chos kho nas gnas shing chos dang
ldan pa dang/ skye dgu thams

cad chos la dga' zhing phan tshun phan par 'dod pa la dga' rangs
pa dang/ ba dang bzhon rnams kyang 'o ma mang bar 'gyur ro/ /dpal
ldan gyi phyogs su dbyar zla ba 'bring po nya ba'i tshe glog dang/
de bzhin du rlung 'byung bar gyur cing sprin sgra byung bar yang
gyur pa de'i tshe ni chu'i char chen po 'bab par 'gyur ba dang/

bde ba dang/ nad med pa dang/ lo legs pa dang/ lo tog phun sum
tshogs pa dang/ skye dgu rnams nad med cing phan tshun byams pas
rnam par 'brel ba can du 'gyur ba dang/ rgyal po rnam par rgyal
ba dang/ de bzhin du yams kyi nad thams cad rab tu zhi bar 'gyur
zhing/ sa las skye ba thams

cad kyi me tog dang/ 'bras bu la sogs par 'byung bar 'gyur ro/
/dbyar ka 'brug gi sgra drag tu yang 'byung na sgra brnyan gyis
nyams pa'i sgra gnam lta bu dang bcas pa grag pa der ni lus can
rnams la shin tu dman par 'gyur par bstan pa'o/ /so ga'i dus su
phyogs brgyad nas 'brug glog dang rlung

la sogs pa ldang ba'i ltas kyi le'u ste lnga pa'o// //bar snang
las 'byung ba'i ltas la gang gi tshe skar mda'i char pa 'bab pa
dang/ khrag gi char pa dang/ mar dang/ 'bru mar dang/ zhag gi
char pa bab na rgyal po dang bcas pa'i grong khyer 'jig par 'gyur
ro/ /yang grong khyer ram/

khyim du sol ba'i char pa 'bab cing/ phub ma dang/ skra dang
'dres pa'i rdul lhung ba dang/ bye ma'i char pa 'bab pa de myur
du 'jig par mngon par shes pa dag gis brjod do/ /gang du 'bru mar
gyi chag chag dang/ mar gyi thigs pa lhung zhing/ /bong ba la
sogs pa yi dags kyis phyung ba'i nyes pa

rnams 'byung bar gyur na yul 'khor dang/ grong khyer dang/ khang
pa dang/ de bzhin du ba lang rdzi'i gnas der rab tu 'jig par
'gyur ro/ /yang mchod rten dang/ skye shing dang/ sa'i phyogs dag
tu khrag gi chag chag dang/ sha dang rus pa'i dum bu mgo thod
dang/ skra shad la sogs pas mngon du

@27b gang ba de dag tu ni nges par nye 'khor gyi skye bo'i skal
ba zad pa'i ltas su bstan pa yin no/ /rdo'i char ba la gang du
rdo bim pa dang/ u dum bA ra lta bu dang/ ka bed ta'i 'bras bu
dag bab pa der na 'jigs pa chen por 'byung bar ston to/ /rdo
'bras sA lu'i tshogs ma 'dra ba dang/ 'bra go'i rus pa lta bu dag
zhi

lo legs pa dang/ bde bar 'byung bar ston to/ /rdo dkar po rgya
shug gi 'bras bu lta bu dang/ ba ru ra'i tshi gu dag bab pa ni
skye dgu rnams bde ba'i rgyur 'gyur ro/ /rdo shel dang/ shel rdo
lta bu dang/ me tog kunda dang/ 'o ma ltar snum pa dang/ zla ba'i
mdog ltar gsal ba dag ni mi rnams bde

bar byed pa'o/ /gang gi tshe ser ba tshub ma dang/ kha col dang
bcas pa dang/ me lta bu dag dang/ rdul dang bcas pa dang/ sa gam
par yang gyur pa der ni rgyal po yul 'khor dang bcas te 'jig par
ston to/ /yang bar snang la ser ba babs nas rdo dang mtshon cha
lta bu me'i rnam pa dag 'byung bar gyur na

de ni skye bo la ring por mi thogs par 'jigs pa 'byung bar bstan
to/ /gal te ser ba drag tu chu'i nang du bab pa las ni bde ba
dang/ lo legs pa dang/ rgyal po rnams rnam par rgyal bar 'gyur
te/ /'bras bu zla ba drug na ston par brjod do/ /yang gang gi tshe
dbyar ka phyogs rab tu tsha bar 'gyur la gnam

grum par gyur na de ni rgyal po dang bcas pa'i skye bor rab tu
gsod par byed do/ /nyin par rtag tu gnam grum pa'i sgra 'byung ba
der yang yul 'jig pa'i rtags yin te/ rgyal po yang 'chi bar ston
pa'o/ /gang lho phyogs su gnam grum/ sprin dang sgra mnyam par
'gyur zhing/ /rlung rtsub pa dag langs par gyur ba

der ni skye dgu rnams pa de bar mi 'gyur bar ston pa'o/ /yangs
g.yo ba gnam grum pa dang bcas par 'byung ba de'i tshe ni nges par
rgyal ba 'chi bar 'gyur ro/ /yang g.yo ba dang/ gnam grum pa lhan
cig tu 'byung ba'am/ yang skar mda' chen po phyogs gang dag tu
'gro ba'i phyogs der nad dang/ mu

ge las gyur pa nyam thag pa dang bcas pa'i 'chi ba rgyug ba ston
pa'o/ /gang du me dang/ khug rna dang/ sprin gyi gnod pa rnams
med par rdul gyi khrem gnyer dag gis nam mkha' kun du khebs shing
nyi ma'i 'od zer yang zil gyis gnon par byed pa de'i tshe na rgyal
po rnams nges par 'chi bar 'gyur ba yin no/ /

@28a @#/ /gang du nyin gcig bzhin du tshub mas kun du bslang ba'i
rdul reng bus nam mkha' dang/ phyogs thams cad kun du khebs par
gyur pas ni rgyal po 'chi bar 'gyur zhing skye bo rnams kyang
'chi bar 'gyur ba yin no/ /bar snang las sgra chen po 'byung
ngam/ /sa phyogs nas 'byung

yang rung ste/ /gang dag mi snyan pa dang/ mi mthun pa dag gi
sgra byung ba de ni phan tshun gsod pa dang/ 'thab pa dang/ mi
mthun par gyur ba dag gi rgyur bstan to/ /gang gi tshe gzugs mi
snang bar srog chags rnam pa tha dad pa'i sgra byung ba na sdug
bsngal bar grags pa de'i tshe ni rang gi yul 'khor du bcas pa'i

rgyal po 'chi bar 'gyur/ /nad dang/ mu ge dang/ gnod par yang
'gyur zhing/ /'ji ka rten yang zad par 'gyur/ rgyal srid ngan pas
kyang brlag pa dang/ bu smad dang yang 'bral bar 'gyur ro/ /bar
snang las byung ba'i ltas kyi le'u ste drug pa'o// //phyi rol las
'byung ba chen po'i ltas la

gang gi tshe shing ljon pa dang/ gel ba dag las dus dang mi ldan
par 'bras bu 'byung na rgyal po'i yul phyogs su gtogs pa gsod par
'gyur ro/ /yang gang gi tshe mchod sbyin gyi shing dang/ lha rten
byas pa dang/ ka ba dang/ gzugs la sogs pa shing skam po dag las
lo ma skyes bar rtsol ba ni rgyal po

'chi ba'i ltas dang/ de bzhin du skye bo dag 'khrug pa'i ltas su
bstan to/ /yang yul dang/ grong dang/ grong khyer gang dag tu
shing dang/ shing ljon pa dag las me tog dang/ 'bras bu phyin ci
log tu skye bar gyur na de ni bdag po 'chi ba'i rtags yin no/
/gang gi tshe snga dro'i dus su shing dang mi'i grib

ma shar phyogs su gnas par gyur pa dang/ phyi dro yang mi dang
shing gi grib ma nub phyogs su gnas par gyur na rgyal po 'chi bar
'gyur ro/ /chu zab mo dang/ khron pa dang/ rdzing dang/ mtsho la
sogs pa srog chags chu na rgyu ba rnams gang du skam pa der ni
ring por mi thogs par skye bar 'jigs par 'gyur

zhes bstan to/ /rlung med par glo bur du khron pa dang/ rdzing
rnams kyi chu dag kun 'khrug par 'gyur ba gang yin pa der ni
rgyal po dang/ yul dang yul 'khor la mi dge bar bstan to/ /gang
du rlung med par glu bur du grong gi nye 'khor du 'jug pa'i shing
ljon pa a shwad tha dad pa ta la sogs pa rtsa ba

@28b zugs pa rtsa ba 'gyel bar gyur na grong khyer de 'jigs par
'gyur ro/ /yang rlung ma langs par yang thog ltung ba dang/ lus
mi snang bar tshig mi snyan ba zer ba dang/ sha za mo'i glu sgra
'byung ba ni 'phral du rgyal po la 'jigs pa 'ong bar bstan to/
/gal te glo bur du gdugs kyi shing dang/ khri dang/ khri'u dang/

khang pa'i srog rten gyi shing dang/ de lta bu'i rnam pa dag gi
shing rdo chag grums su gyur pas ni de dag gi bdag po 'chi bar
ston to/ /yang rgyal po nges par 'chi bar 'gyur ba'i tshe ni rlung
dring ba dang/ zas sungs pa lta bu'i dri dang/ khyi dang/ bya
dang/ byi la dang/ bong bu la sogs pa'i dri dang/ de bzhin

du phye ma lta bu'i dri 'byung bar 'gyur ro/ /yang rgyal po 'chi
ba'i tshe ni rgyal mtshan gyi rtse mo dang/ rta babs dang/ sgo gang
dag tu ser ba 'bab cing me med par yang me mdag ltung bar 'gyur
ro/ /rtse mo dang/ rol mo'i sgra mi snyan pa dang/ mtshon rnam pa
sna tshogs mi mdzes par gyur ba ni yul 'khor

dag tu 'jigs pa 'byung ba'i ltas yin no/ /gang du mtshon rnams
'gul ba dang/ ral gri shubs dang bral bar gyur ba dang/ gzhu ma
bdungs pa bdungs par gyur na de ni nges par dmag mi bzad pa
'byung bar ston to/ /gang gi tshe phyogs thams cad du ni nyin mo
'am/ mtshan mo yang rung ste/ nags

kyi me snang bar gyur ba de ni lo nyes pa dang/ skye bo ngas par
'gyur ro/ /nyin mo'am/ yang na mtshan mo yang rung ste/ nam mkha'i
sprin gyis kun du khebs pa na phyogs tsha bar gyur ba de'i tshe ni
rgyal po gsod par 'gyur ro/ /gal te dgun ni dro bar gyur la dpyid
ni grang bar gyur na lus rnams kyis nyes pa dang

'chi bar 'gyur ro/ /dbang pos kyang char nyung ngu du 'bebs pa
dang/ dus 'chol bar yang 'gyur/ 'jigs pa byed pa'i chom rkun
rnams kyis kyang lo tog chud gson par 'gyur ro/ /phyi rol 'byung
ba chen po dag gi ltas kyi le'u ste bdun pa'o// //srogs chags kyi
tshig tu smra ba med pa kun gyi

ltas la khyi rnams 'dus te kha gyen du bltas nas yang dang yang
du du bar byed pa de ni yul 'pho bar byed par 'gyur ro/ /yang nyi
ma 'char ba'am nub pa kho na'i tshe khyi dag phyi rol du kha gyen
du bltas te du bar byed na yul rnams 'jig pa'i rgyu yin no/ /yang
lha khang dang/ lam po che dang/ rgyal po'i lam

@29a @#/ /dang; lam gyi bzhi mdor khyi kha gyen du bltas te du bar
byed na de ni chom rkun dang/ me'i 'jigs pa 'od bar ston pa yin
no/ /yang khyi dang/ bya rog rgyal po'i lam dang/ lam gyi bzhi
mdor thang la gcig tu 'dus nas gal te sgra chen po 'brin par byed
pa dang/ ci dgar

'gro bar byed pa de ni pha rol gyi dmag tshogs 'ong ba yin no/
/gang gi tshe bya rog dang/ bung ba dang/ sbrang bu rnams ra ba
dang/ grong khyer gyi sgo dang/ thang dang/ lam gyi bzhi mdor
sbrang rtsi tshang du byed par gyur na glo bur gyi 'jigs pa dang/
rgyal po'i 'jigs pa 'byung bar rig par bya'o/ /de bzhin

dur ba dang/ khyim gyi mdun dag tu yang de lta bur snang na/ de
bzhin du 'jigs pa 'byung bar rig pa bya'o/ /de la glo bur gyi
'jigs pa 'od zhes bya ba ni pha rol gyi dmag tshogs 'ong ba dang/
me dang chom rkun gyi 'jigs pa dag 'byung bar ston pa yin no/
/yang gang du sog chags phra mo dag la la

ra ba dang/ grong khyer gyi sgo dang/ yang thog dang/ sgo khang
la 'phyang mo nyug cing 'dzegs par snang ba der ni pha rol gyi
dmag tshogs kyi ring po mi thogs par grong khyer myur du 'jig par
'gyur ro/ /gang gi tshe khyi dang/ wa dang/ byi la la sogs pa
dang/ bya sna tshogs dag dus mtshams med par

'khrig pa dang ldan pa'i tshe ni rgyal po dang/ yul rtag tu 'jig
par bstan pa yin no/ /de bzhin du mi dang/ rta dang/ rnga mo
dang/ bong bu'i rigs dang/ ba lang mo dang/ bya dang/ ri dags
rnams dang/ khyi dang/ byi ba dang/ sbrul dag dang/ srog chags
phra mo gzhan dag gi yang mngal phyin ci

log tu gyur pa der ni yul rnams 'khrug pa dang/ rgyal po yang
'chi bar 'gyur ro/ /yang gang du bya dang/ /ri dags kyi rigs
rnams dang/ khung na nyal ba rnams log par 'khrig pa dang ldan
par smra ba de ni rgyal po 'chi bar 'gyur ro/ /bya rog gi gshog
pa dkar po mthong na mi dge ba yin te/ /yul

de nas 'gro bar bya'o/ /de bzhin du bya rgod la sogs pa'i gshog
pa lhung bar mthong ba dang/ wang la mi sos par brgyal bar 'gyur
ba der ni yul gyi bdag po dang/ rgyal po dag 'chi ba'i ltas bu
bstan to/ /yang dag gi tshe grong khyer du khwa'i tshogs 'dus nas
grong gi phyi rol du 'dong ba de ni nges par

@29b grong gi skye ba med par 'gyur ro/ /wa shing gi steng na
'dug gam/ ra ba dang/ sgo khang dang/ khyim du 'dug ste/ sgra
chen po 'byin zhing shin tu 'jigs par sbron pa dang/ wa nyi ma la
kha bltas te rengs thabs su 'dug nas skad drag tu 'bying pa der
ni dmag 'byung bar bshad par bya'o/ /shing mthon po'am/

khang steng mthon po'am/ /mdzod mang por 'dug ste/ kha nyi ma la
bltas nas wa skad drag tu 'byin pa ni mi las gyur pa dang/ rgyal
po las gyur pa'i nyes pa 'byung bar byed do/ /khwa 'dus pas sa la
mchu btsugs te/ cang mi smra bar skad cig 'dug nas 'dus te gang
gi tshe nam mkha' la 'phur ba de'i tshe

dmag gis 'tsho ba rnams la shin tu khrag 'byung bar 'gyur ro/
/khwa kha 'thabs shing skad 'byin pa'i tshogs rtag tu 'brel ba
gang yin pa de ni gal te khyim mam/ grong khyer ram/ yul 'khor
dang/ yul dang/ ba lang rdzi'i gnas 'jigs par 'gyur par brjod par
bya'o/ /khwa sa la mchu'i rtse mo gtad

de; skad mi bzad pa mi gsal ba'ang 'byin pa der ni de'i tshe shin
tu 'jigs pa chen po 'byung bar bstan to/ /sha za ba'i bya'i
mchu'i rtse mo las gang du sha lhung ba der ni glo bur dang/
rgyal po las gyur pa'i 'jigs pa chen po 'ong bar bstan to/ /gang
du ri dgas kha nyi ma la gyen du bltas te/ mi dga'

zhing mthong bar byed na yul gyi skye bo bsgrungs su zin kyang
sems can gzhan dag gis 'jigs par gyur ba der ni rgyal po la
brnyas par mthong bar 'gyur ro/ /gang du wa nyin par nyi ma la
kha lta zhing yang dang yang skad drag po 'byin pa dang/ mtshan mo
gza' rnams la lta bar byed cing brgyal ba'i tshe ni nges par

rgyal po 'chi bar 'gyur ro/ /bya rgod dang/ bya lhas dang/ chu
nas skyes pa'i bya dang/ khwa dang/ thi ba dang/ zas su sha za ba
gzhan dag rgyal mtshan gyi rtse mo dag dang/ khang steng du 'dug
pa ni de'i tshe zad par 'gyur bar mngon par shes pa bdag gis rab
tu brjod do/ /gal te nyi ma phyed pa'i tshe glang po che dang/

ba lang gi gnas dang/ rta'i bres su 'ug pa snang la phyugs dag
kyang bzhon par 'gyur ba ni nges par rgyal po 'jigs pa 'byung bar
bstan to/ /yang gang gi tshe glang po che'i lag pa'i rtse mos
khrag skyug par byed pa dang/ glang po che mchog dag mche ba chag
pa dang/ rta rnams kha ngal bar gyur pa'i rgya po la

@30a @#/ /'jigs pa 'byung ba'i rgyur bstan to/ /gang du padma'i
'dab ma bting bdag tu bya rog rnams rtse bar byed cing/ /thang la
yang bya ka raNDa pa dang/ ngang pa'i tshogs dag rtse bar khyim
mam grong khyer de 'jig par 'gyur ro/ /srog chags tshig tu smra ba
med pa rnams kyi ltas

kyi le'u ste brgyad pa'o// //char ltas la sprin gyi gzugs ri'i
rnam pa lta bu ngag dang/ phag dang chu srin lta bu dag dang/
sbal pa dang glang po che'i gzugs lta bu dag dang/ ril pa dang
bum pa lta bu dag dang/ seng ge dang/ stag dang/ glang po che
bzhin du lha'i sprin dag gis khebs pa'i nyi ma'i

mod la char ba 'bab par brjod par bya'o/ /ldong ros kyi mdog lta
bu dang/ de bzhin du mtshal lta bu dang/ ne tso snang ba'i mdog
dang/ nye ba'i sprin dag gis char pa 'bebs par yang dag par bstan
par bya'o/ /padma'i 'dab ma lta bu dang/ de bzhin du rdo spungs
pa lta bu'i sprin gyis nyi ma dang zla ba'i

gzugs khebs par gyur pa de ni de'i tshe phyogs su 'od chen po
'byung bar 'gyur ba'i char pa 'bab par bstan par bya'o/ /gang gi
tshe nam mkha' la yan lag thams cad sprin gyis thibs por khebs nas
gdugs lta bu'i glog 'byung bar byed/ 'brug sgra ring du 'dod dga'
'byung ba de'i tshe ni sa chus shin tu

gang bar 'gyur ro/ /yang gang gi tshe sprin i sha ni'i phyogs
dang/ shar dang/ byang gi phyogs nas byung ste/ ring zhing brtan
pa'i sgras 'brug zer ba de'i tshe yang gcig pa chu dang ldan par
'gyur ro/ /yang zla ba yar gyi dang mar gyi ngo yang rung ste/
gza' thams cad 'byung zhing 'du ba'i sprin de dang ni char

pha bab par byed de/ /'di ni sngon gyi lung shes pa dag gis bstan
pa yin no/ /gang gi tshe dgun zla 'bring por gyur pa na sprin 'dus
par snang zhing/ rlung snun pa'i sprin rum nas 'byung ba ldang ba
de'i tshe ni zla ba drug par gyur nas dbang pos char ba 'bebs par
'gyur ro/ /dgun zla tha chungs la sprin brtsegs

pa'i sprin rum 'dus pa glog dang dang bcas pa ni dbyar zla 'bring
por yang dag par gyur nas chu mang du rnam par gtong bar 'gyur
ro/ /dpyid zla ra ba la sprin rum du gyur pas ni dbyar zla tha
chungs la char 'bab par bstan par bya'o/ /gang gi tshe dgun zla
tha chungs dang dpyid zla 'bring po rnams la sprin rnams

@30b 'dzings par byed pa ni de'i tshe zla ba drug drug gi phyed
de'i tshe char pa mi 'bab par brjod par bya'o/ /gang gi tshe dgun
zla tha chungs dang/ dpyid zla 'bring po rnams la sprin rlung rum
can dag chu gtong bar mi byed pa ni dbyar ka char pa de 'bebs par
'gyur ro/ /gang gi tshe byang phyogs dang/ byang

shar dang/ de bzhin du shar dang/ nub dag nas glog 'byung ba ni
char pa 'bab par ston pa'o/ /yang phyogs thams cad nas glog kun
du 'byung bar gyur pa de'i tshe ni nam mkha' khebs pa'i char ba
'babs par ston pa yin no/ /gang gi tshe glog gi 'od dmar zhing
mtha' sngon bar snang bde'i tshe ni me'i

phyogs nas char pa chung zad 'bab par 'gyur ro/ /gang gi tshe nub
phyogs kyi char sprin gyi dbus 'ja' snum pa nor bu baiDUraya'i
'od lta bu byung bar gyur cing glog 'gyur pa'i yal ga dang/ rang
gi phyogs nas rlung gis bskyod par 'gyur ba de'i tshe ni zhig bdun
bdun du char ba 'bab par rig par bya'o/ /gang gi tshe

shar ram byang nas kha ba 'bab cing rlung 'byung la phyogs dud ka
dang/ sngo bsangs su byed pa de'i tshe ni chu cher 'bab par 'gyur
ro/ /gang gi tshe nyi ma shar ba'am/ dus tshigs kyi chags pa 'byung
bar char pa'i thigs pa 'bab pa de'i tshe ni nges par char mo che
'bab par 'gyur ro/ /gal te yang nyi ma

shar ba'i tshe spal pas skad ran cing snyan pa 'byung ba de'i tshe
char mo che 'bab par 'gyur ro/ /mi gzhan zhig lag na gdugs thogs
nas char ba'i mtshan ma dris sam mkhyim 'gengs bzhin du dris na
de'i tshe rtag tu char pa 'bab par 'gyur ro/ /gos gsher bas kyang
dris na char ba'i rgyu yin te/ de la

mod kho nar char du 'bab par 'gyur ba the tshom med do/ /chu'i
phyogs su 'dug nas dris kyang rung ste/ char pa 'bab par blta bar
bya'o/ /byi la dang/ sre mong dang/ sprul rnams dang/ gang yang
gzhan dag tu gan du gnas pa dag gal te drod mi mthun par nrgyug
par byed na mod la char 'bab par ston pa

yin no/ /byis pa 'jim pas byug pa dang/ mgo me tog phreng ba
dkris pa gang na 'dug pa dar ni/ 'phral du char pa mngon par 'bab
par byed do/ /lus rngul gyis byugs pa'i byis pa dag rdul gyis
rtse bar byed pa dang/ yur ba 'gengs par byed na phral du char pa
'bab pa'i yin te/ char pa

@31a @#/ /'bab pa'i mtshan nyid la mkhas pa rnams kyis de ni 'phral
du char pa 'bab par bshad pa yin no/ /gang gi tshe sprin kyang
med/ kha ba yang med par rlung shin tu bsil ba dag 'byung zhing/
lus can grang bar byed pa ni der 'phral du nges par char pa 'bab
par byed pa'o/ /chu

nas skyes pa'i bya shing gi yal ga la zhon pa dag nyi mas 'dab ma
skems par byed pa ni shin tu char pa 'bab par yang ston pa yin
no/ /gang gi tshe shing la gnas pa'i bya 'dab ma skems par byed pa
de ni char pa 'bab par byed pa'i rgyu yin par bstan bcos mkhas pa
rnams kyis bstan bcos las brjod pa

yin no/ /grong gi byi'u khrus byed cing 'dab ma sbrug par byed pa
gang yin pa de ni char pa 'bab pa'i yang dag pa'i shes pa rnams
kyis char pa'i rgyu yin par brjod pa yin no/ /char ltas kyi le'u
ste dgu pa'o// //dus tshigs kyi 'od chags pa'i ltas la bram ze rig
pa can gyis dus tshigs kyi

'od chags pa bsgrims te brtags nas dus bstan par bya ste/ gang gi
tshe nang nub tu dus tshigs mdog snum zhing/ ldong ros lta bu'i 'od
dam pa bla'i 'od lta bur mthong na zhag gsum gyi bar du char pa
'bab par ltas shes pa dag gis brjod pa yin no/ /dus tshigs kyi kha
dog dung dang/ gur gum dang/

ba lang gi gcin lta bu'i 'od 'byung ba de dag ni 'phral du char
ba 'bab pa'i rgyu yin no/ /dbyar ka dus tshigs gnyis kar yang kha
dog snum pa dang/ gur gum lta bu dang/ gnag pa dang/ rang bzhin
gyis mtshal gyi 'od lta bu 'byung ba dang/ kha dog khrag gi rgyun
dang mtshungs pa'i 'od dang/ de

bzhin du rgya skyegs kyi khu ba lta bu dang/ de bzhin du zangs
ltar dmar ba dag gis ni dus tshigs 'jigs par byed par 'gyur ro/
/dus tshigs kha dog rtsub pa dag tu dmag dang mtshon gyis 'debs pa
dang/ khrag gi chag chag btab pa'i sa rnams 'byung ba ni shin tu
'jigs par 'gyur ro/ /dus

tshigs kyi chags pa shin tu dmar ba ni nyin gsum du char pa 'bab
par bstan to/ /yang na mtshon gyis 'debs pa mtshon gyis 'tsho ba'i
skye bo zad par yang 'gyur ro/ /gang du dus tshigs gnyi gar phyogs
su rdo yi char ba 'bab pa der ni mkhris pa'i nad la sogs pas lus
can 'chi bar 'gyur ro/ /

@31b gal te dus tshigs kyi chags pa yang dang yang du byis pa dag
dmag 'gyed pa na rnam par skrag par 'gyur zhing rab tu rgyug par
byed pa der ni yul 'khor 'jig par 'gyur ro/ /dus tshigs kyi rang
bzhin dang ldan pa'i nyi zla gnyis dang lhan cig tu 'byung zhing/
kha dog gi 'od dmar ba dang/ rtsub

pa ma yin pa ni lo legs pa dang bde ba'i rgyu yin no/ /dus tshigs
gnyi gar 'od shin tu gang cing mun pa dang 'dra bas gang na de'i
dmag dpon rnams 'khrug pa dang/ gsod par yang bstan par bya'o/
/gang du dus tshigs kyi rang bzhin grang ba dang/ dro ba dang/
'jam pa dang/ rtsub pa

rnams phyin ci log tu gyur pa der ni nad dang/ 'chi ba dang/
rgyal po la 'jigs pa 'byung ba'am/ yang na nges par bdag po 'chi
bar bstan pa yin no/ /de'i nye 'khor du chom rkun dang/ sbrul
dang/ srin po rnams kyi dbang du yang 'gyur ro/ /dus tshigs kyi
'od chags pa'i le'u ste bcu

pa'o// //dri za'i grong khyer gyi ltas la/ gal te shar phyogs su
dri za'i grong khyer byung bar gyur na nub phyogs na 'dug pa'i
rgyal po la mchog tu 'jigs pa 'byung bar bstan pa yin no/ /gang
gi tshe nub phyogs su dri za'i grong khyer snang bar gyur na/ de'i
tshe na shar phyogs na gnas pa rnams la

'jigs pa chen po 'byung bar brjod par bya'o/ /gang gi tshe byang
phyogs su dri za'i grong khyer snang bar gyur na de'i tshe ni lho
phyogs na gnas pa'i rgyal po rnams la 'jigs pa 'byung ngo/ /gang
gi tshe lho phyogs su dri za'i grong khyer snang bar gyur na de'i
tshe ni byang phyogs na gnas pa rnams la 'jigs pa 'byung bar

brjod pa yin no/ /dri za'i grong khyer chags pa'i le'u ste bcu
gcig pa'o// //gal te gang du 'jig rten pa'i lha'i gzugs gar byed
pa dang/ rab tu g.yo bar gyur pa dang/ smra bar gyur pa dang/ mig
mchi mas gang ba dang/ rtul bar gyur ba dang/ gas par gyur pa
dang/ dum bur

gyur pa dang/ thams cad zhig pa la sogs pas ni 'jigs pa rnam pa
du ma 'byung bar rig par bya'o/ /de la yang gar gyis ni dmag mang
po 'byung ngo/ /rab tu g.yo bas zla ba bzhin dmag 'byung ba dang/
zla ba drug gis rgyal po kun du zad par 'gyur ba dang/ ring po mi
thogs par yul 'jig par

@32a @#/ /[PAGE M-iSS-iNG]

@32b [PAGE M-iSS-iNG]

@33a @#/ /ma rnams ni zhag bdun tshun chad kyis so/ /dri za'i grong
khyer chags pa ni zla ba gsum gyis 'bras bu 'byung bar bshad do/
/ltas sna tshogs bstan pa'i 'bras bu 'byung ba'i dus bstan pa'i
le'u ste bcu bzhi pa'o// //gnod pa'i ltas ngan rnams kyi rgyu
bstan pa

dang; de dag gi ngo lon gyi cho ga bstan pa/ yong gi srid pa ma
yin pa phyin ci log tu snang ba gang yin pa de dag ni phal cher
mi dga' ba'i 'bras bu'i dbus su 'byin par rig par bya'o/ /de ci'i
phyir zhe na/ de dag gi rgyu ni 'di ltar nyes par spyod pa mang
po la sogs shing bsags pa las byung ba'i phyir te/

de dag yang kha cig las ngan pa'i dbang gis yul log par snang bar
grub pa yang yod/ kha cig mi ma yin pa dag gis sbran pa'i phyir
ched du bstan pa dag yod pas na gang dag mi ston pa ltar snang ba
de dag kyang 'dir thub pa lha'i mig can de dag gis bstan pa bzhin
nges pa can du gzung bar bya'o/ /gang dag

kha cig tu dngos po mi srid pa lta bu zhig tu brgya la snang na/
der yon tan zhig na dge zhing bzang ba dang/ phyin ci log cig
na'ang mi dge ba'i don du rig par bya'o/ /de ltar mi dge bar gyur
ba'i mtshan ma de dag ni gnyen po so sor brten pa dag gis zlog par
'gyur srid de/ de dag kyang gang zhe na/ bsod

nams la rab tu gnas pa'i sems dang ldan pa rnams dang/ rnam par
dag pa la rten bdag dang/ sbyin sreg dang/ bzlas brjod la brtson
par bya ba dang/ ser sna bcom pa dang/ lha dang bram ze dag la
mchod pa dang/ zhib dang rgyas pa'i bzlas brjod dang/ sbyin sreg
gi cho ga bya ba dang/ bsam pa

dri ma med pas nor rab tu sbyin pa dag gi mtshan ma ngan ba dag
gis mi tshugs shing rnam par 'jig par byed do/ /gal te gnyen po
byed pa'i stobs dag gis kun du zlog par gyur na yang rgyal po
'chi ba las rab tu bcad de tshe nur/ grong dang/ grong khyer dang/
yul 'khor de dag rgyug cing rnam par 'jig pa

yang yun ring du gnas pa tsam du 'gyur bar bstan to/ /thub pa'i
tshogs mchog gar ga la/ b+ha ra d+hwa dza gau ta mas/ /lha yul bar
snang sa bla dang/ /gza' skar srog chags rnams kyi ltas/ /sa bdag
mi yi rgyal po dang/ /grong dang yul 'khor gnas pa la/ /gnod par
gyur pa'i ltas

@33b 'byung la/ /cho ga gang dang gang dag gis/ /zhu bar 'gyur ba
zhus pa las/ /thub pa gar gas lung bstan pa/ /phan par 'gyur ba'i
cho ga gang/ /gau ta mas nyan par gyis/ /dang por sbyin pa gtang
bya ste/ /lha dang bram ze mngon mchod na/ /sbyin sreg bzlas
brjod mchod sbyin gyis/ /

gtong ba'i ngo lon bya bar bstan/ /de la thog mar ba lang dang/
/dbyig dang gos la sogs pa dag /bram ze rnams la sbyin byin nas/
/so sor khyim du rgyal po la/ /gtso bo dag la ci rigs par/ /dbang
sgyur ba ni legs par bya/ /mdun na 'don zhing mnyam gzhag pa/
/zhag bdun smyung ba

byas gyur pas/ /lha la gtor ma rab phul te/ /u dum bA ra'i yam
shing sreg /shing mar btags pa brgya rtsa brgyad nang par ldang
zhing sngags rig pas sbyin sreg bya'o/ /yang na bram ze gtsang ma
zas su mar za zhing bza' ba dang bca' ba spangs te/ zhag gsum
smyung ba byas pa'i sngags mkhan

gyis rig sngags tra ta ram zhes bya ba 'dis a pa marga'i yam
shing bsreg shing mar la btags pa brgya rtsa brgyad sbyin sreg
bya'o/ /yang rgyal po'i pho brang ngam/ grong khyer ram/ yul gyi
phyir rgyal po'i mdun na 'don gyi lha la zhag bdun du gtor ma
phul la/ mar bre do'am/ yang na bre gad mar la

btags pa'i nas bre'u chung gnyis kho nas sbyin sreg bya'o/ /de
ltar sbyin sreg gi cho ga zin nas bram ze rnams brgya'am/ de las
lhag pa dag la 'o thug blud pa'am/ yang na zhag bdun du chos ston
bya'o/ /de'i 'og tu bram ze dag la yon sbyin pa ni gser dang/
dngul dang/ rta dang/ glang dang/ gos

rnam pa sna tshogs dag sbyin par bya'o/ /yang na bram ze rnams la
glang gcig dang bcu sbyin pa ste/ cho ga 'di ltar byas na ltas
las 'byung ba'i gnod pa thams cad zhi zhing bzlog par 'gyur ro/
/ltas las gnod par 'gyur ba'i ngo lon gyi cho ga bstan pa'i le'u
ste bco lnga pa'o// //thub pa chen po drang srong

skar ma'i ltas kyi gtsug lag rma bya'i ltas sna tshogs bstan pa
zhes bya ba'i ltas ji snyed pa rdzogs so// //A rya byA ka ra
Na'i nang nas 'byung ba gza' dang rgyu skar gyi rang bzhin bshad
pa rgyu skar nyi shu rtsa brgyad ni 'di lta ste/ smin drug dang/
snar ma dang/ mgo dang/ lag dang/ nab so dang/ rgyal

@34a @#/ /dang; skag dang/ mchu dang/ gre dang/ dpo dang/ me bzhi
dang/ nag pa dang/ sa ri dang/ sa ga dang/ lha mtshams dang/ snron
dang/ snrubs dang/ chu stod dang/ chu smad dang/ byi bzhin dang/
gro bzhin dang/ mon gre dang/ mon gru dang/ khrums stod dang/
khrums

smad dang/ nam gru dang/ tha skar dang/ bra nye dang/ 'di rnams
ni rgyu skar nyi shu rtsa brgyad do/ /de la rgyu skar ni du/
dbyibs ni ji snyed yod/ yud tsam dang ldan pa ji snyed/ zas ni
ci/ rus ni ci/ lha rnams ni gang/ kye bram ze padma'i snying po
can smin drug ni skar ma drug ste/ dbyibs ni spu gri lta bu'o//

yud tsam sum cu dang ldan pa'i cha drug dang bcas pa'o/ /zas ni
zho'o/ /lha ni me lha'o/ /rus ni rje'u rigs kyi rgyud do/ /rgyu
skar snar ma ni skar ma lnga ste/ dbyibs ni shing rta lta bu'o/
/yud tsam ni bzhi bcu rtsa lnga dang ldan pa'i cha bdun dang bcas
pa'o/ /kha zas ni zho dang sbrang rtsir sbyar ba'o/ /lha ni skye
dgu'i bdag

po'o/ /rus ni gau ta ma'o/ /rgyu skar mgo ni skar ma gsum ste/
dbyibs ni ri dags kyi mgo lta bu'o/ /yud tsam ni sum cu dang ldan
pa'i cha dang bcas pa'o/ /zas ni ri dags kyi sha'o/ /lha ni zla
ba'o/ /rus ni b+ha ra d+hwa dza'o/ /rgyu skar lag ni skar ma gcig
ste/ dbyibs ni sog le lta bu'o/ /yud tsam bco lnga

dang ldan pa'i cha bdun dang bcas pa'o/ /kha zas ni khrag go/
/lha ni drag shul can no/ /rus ni dmar po'i rgyud do/ /rgyu skar
nab so ni skar ma gnyis te/ dbyibs ni khang pa'i gdung lta bu'o/
/yud tsam bzhi bcu rtsa lnga dang ldan ldan pa'i cha bdun dang
bcas pa'o/ /kha zas ni mar dang khur ba'o/ /lha ni nyi

ma'o/ /rus ni dbang byed do/ /rgyu skar rgyal ni skar ma gsum
ste/ dbyibs ni ril ba lta bu'o/ /yud tsam sum cu dang ldan no/
/kha zas ni sbrang dang spos so/ /lha ni phur bu'o/ /rus ni rtswa
shun gyon pa'i rgyud do/ /rgyu skar skag ni skar ma drug ste/
dbyibs ni sbrul mgo'i gdengs ka lta bu'o/ /yud tsam

bco lnga dang ldan pa'i cha bdun dang bcas pa'o/ /kha zas ni
sbrul gyi sha'o/ /lha mang sbrul lo/ /rus ni dma' ba'i rgyud do/
/padma'i snying po can rgyu skar 'di bdun ni shar sgor gtogs so/
/rgyu skar mchu ni skar ma drug ste/ dbyibs ni chu bo lta bu'o/
/yud tsam sum cu dang 'brel ba'i mtshan yin

@34b no; /zas ni til dang sbyar ba'i thug pa'o/ /lha ni spen
pa'o/ /rus ni ser skya'i rgyud do/ /rgyu skar gre ni skar ma
gnyis te/ dbyibs ni rtsig pa'o/ /yud tsam ni sum cu dang ldan
pa'i cha bdun dang bcas pa'o/ /kha zas ni zhag drug cus smin pa'i
'bras sam ti la gyi tshigs ma za'o/ /lha ni khyab

mjug go/ /rus ni gzhon rtsi mo'i khyim thab kyi rgyud do/ /rgyu
skar dpo ni skar ma gnyis te/ dbyibs ni khri lta bu'o/ /yud tsam
bzhi bcu dang ldan pa'i cha bdun dang bcas pa'o/ /kha zas ni
khre'o/ /lha ni nyi ma dang gshin rje'o/ /rus ni e ti'i rgyud
do/ /rgyu skar me bzhi ni skar ma lnga ste/ dbyibs

ni lag pa lta bu'o/ /lha ni ra skyes la zhon pa'o/ /yud tsam sum
cu dang ldan pa'i cha bdun dang bcas pa'o/ /zas ni bya sna tshogs
dang sre da'o/ /rus ni 'od srungs kyi rgyud do/ /rgyu skar nag pa
ni skar ma gcig ste/ dbyibs ni padma'i snying po 'dra'o/ /lha ni
nyi ma'o/ /yud tsam ni sum cu dang ldan

pa'i cha dang bcas pa'o/ /kha zas ni shing tog sna tshogs za'o/
/rus ni sA la'i shing drung pa'i rgyud do/ /rgyu skar sa ri ni
skar ma gcig ste/ dbyibs ni nor bu rin po che lta bu'o/ /yud tsam
bco lnga dang ldan pa'i cha bdun dang bcas pa'o/ /kha zas ni phye
dang til thug sbyar ba dang/ bal sran sde'u btags pa

za'o; /lha ni rlung lha'o/ /rus ni yid chen gyi rgyud do/ /rgyu
skar sa ga ni skar ma bzhi ste/ dbyibs ni ra'i rten mgo lta bu'o/
/yud tsam bchi bcu lnga dang ldan pa'i cha bdun dang bcas pa'o/
/kha zas ni til dang/ me tog dang/ rgyu sran smug po za'o/ /lha
ni dbang po dang me lha'o/ /rus ni mtshan mo zhes

bya ba'i rgyud do/ /kye padma'i snying po can rgyu skar bdun po
'di dag ni lho phyogs kyi sgor gtogs so/ /rgyu skar lha mtshams ni
skar ma bzhi ste/ dbyibs ni glang po che'i mgo dang sna lta bu'o/
/yud tsam ni sum cu dang ldan pa'i cha dang bcas pa'o/ /zas ni
chang dang/ sran chung dang/ sbrang rtsi'o/ /lha ni

nyi ma'o/ /rus ni spen pa dang rgyud 'gro'o/ /rgyu skar snron ni
skar ma gsum mo/ /dbyibs ni them skas lta bu'o/ /yud tsam bco
lnga dang ldan pa'i cha dang bcas pa'o/ /kha zas ni 'bras sA lu
dang/ mar dang/ 'bras thug go/ /lha ni dbang po'o/ /rus ni legs
byed kyi rgyud do/ /rgyu skar snrubs ni skar ma

@35a @#/ /dgu ste/ dbyibs ni skar ma gsum dang ldan pa'i ri dags
kyi rgyal po rmad du byung ba'i ral pa lta bu'o/ /yud tsam ni sum
cu dang ldan pa'i cha bdun dang bcas pa'o/ /kha zas ni 'o ma
dang/ nags kyi rtsa ba dang/ sdong bu dang/ 'bras za'o/ /lha ni
sdong bu can no/ /rus ni ka ta ya na'i

rgyud do/ /rgyu skar chu stod ni skar ma bzhi ste/ dbyibs ni
mchod rten lta bu'o/ /yud tsam sum cu dang ldan pa'i cha cha bdun
dang bcas pa can gyi rgyud do/ /kha zas ni n+ya gro d+ha za'o/
/lha ni chu lha'o/ /rus ni ka tya zhes bya ba'i rgyud do/ /rgyu
skar chu smad ni skar ma bzhi ste/ dbyibs ni gom pa g.yon pa lta
bu'o/ /yud tsam

ni bzhi bcu rtsa lnga dang ldan pa'i cha bdun dang bcas pa'o/
/kha zas ni sbrang dang spos so/ /lha ni thams cad ces bya'o/
/rus ni stag dgu zhes bya ba'i rgyud do/ /rgyu skar byi bzhin ni
skar ma gsum ste/ dbyibs ni glang mgo lta bu'o/ /yud tsam ni drug
dang ldan pa las yud tsam cig la thog mar las byed do/ /

kha zas ni rlung za'o/ /lha ni tshangs pa'o/ /rus ni gso ma can
gyi rgyud do/ /rgyu skar gro bzhin ni skar ma gsum ste/ dbyibs ni
rnga lta bu'o/ /yud tsam ni sum cu dang ldan pa'i cha bdun dang
bcas pa'o/ /kha zas ni mar sar bsrubs ma thag pa dang bya sha
za'o/ /lha ni khyab 'jug go/ /rus ni maud gal gyi bu'i

rgyud do/ /kye padma'i snying po can rgyu skar bdun po 'di dag ni
nub sgor gtogs so/ /rgyu skar mon gre ni skar ma bzhi ste/ dbyibs
ni bya lta bu'o/ /yud tsam ni sum cu dang ldan pa'i cha bdun dang
bcas pa'o/ /kha zas ni byi la'i sha la reg par byed pa dang/ rgya
sran smug po za'o/ /lha ni nor lha'o/ /rus ni

gnas pa zhes bya ba'i rgyud do/ /rgyu skar mon gru ni skar ma
brgya ste/ dbyibs ni skar ma gcig dang 'brel bas me tog gi phung
po 'dra'o/ /yud tsam bco lnga dang ldan pa'i cha bdun dang bcas
pa'o/ /kha zas nir sha za'o/ /lha ni chu lha'o/ /rus ni skar ma'i
du'i rgyud do/ /rgyu skar khrums stod ni smar ma gnyis

te; dbyibs ni shing rta 'dra'o/ /yud tsam ni sum cu dang ldan
pa'i cha bdun dang bcas pa'o/ /kha zas ni lug gi sha dang khrag
go/ /lha ni 'ba' zhig 'tsho zhes bya'o/ /rus ni skye bo'i las kyi
rgyud do/ /rgyu skar khrums smad ni skar ma gnyis te/ dbyibs ni
shing rta 'dra'o/ /yud tsam bzhi bcu rtsa lnga

@35b dang ldan pa'i cha bdun dang bcas pa'o/ /kha zas ni bal sran
no/ /lha ni sprul dang ga za'o/ /rus ni nor rgyal gyi rgyud do/
/rgyu skar nam gru ni skar ma sum cu rtsa gnyis te/ dbyibs ni
skar ma gcig dang ldan pas gru lta bu'o/ /yud tsam ni sum cu dang
ldan pa'i cha bdun dang bcas pa'o/ /de'i zas ni

phye dang sha'o/ /lha ni nyi ma'o/ /rus ni bskyed pa'i bu zhes
bya ba'i rgyud do/ /rgyu skar tha skar ni skar ma gsum ste/
dbyibs ni rta mgo'i mgul pa lta bu'o/ /yud tsam ni sum cu dang
ldan pa'i cha bdun dang bcas pa'o/ /kha zas ni sbrang rtsi dang
sha za'o/ /lha ni dri za'o/ /rus ni rta 'jig gi rgyud do/ /rgyu
skar

bra nye ni skar ma gsum ste/ dbyibs ni mo mtshan lta bu'o/ /yud
tsam ni sum cu dang ldan no/ /kha zas ni til dang 'bras so/ /lha
ni gshin rje'o/ /rus ni brga'i rgyud do/ /padma'i snying po can
rgyu skar bdun po 'di rnams byang gi sgor gtogs so/ /le'u bcu
drug go// //nam mkha' las

'byung ba brtag pa'i le'u las 'byung ba gshin rje dang/ chu lha
dang/ dbang po dang/ lus ngan las dbyug pa lta bu shar shar po
mtshan mo'am nam phyed kyi dus na yud tsam mam/ /yud tsam gsum gyi
bar du nam mkha' las phal cher rab tu snang ba yal ka mang po
rgyal chen drang po shin tu ring ba rab tu 'phros pa

byung na zla ba gcig gis de'i yul 'khor du 'thab pa dang/ lo la/
mi'i dbang po dang/ char pa la gnod par byed do/ /le'u ste bcu
bdun pa'o// //ljang sngon dang/ rtsub po dang/ bar chad chad pa
dang/ ljang ser dang/ 'od 'tsher ba dang/ dud pa lta bu dang/
sbrul 'dra ba dang/ dbyug pa 'dra ba

brgyad snang na char ba mi 'bab pa dang/ lo zas dang/ bkres pa
dang/ srog chags la sogs pa la 'jigs par 'gyur ro/ /shing ta la
phyed tsam snang ba'am/ shign ta la gnyis sam/ gsum mam bzhi'am/
lnga tsam gyi dbyibs ltar snang na 'phral du smin no/ /yang na
zla ba bcu gnyis sam

zla ba brgyad brgyad ni lo nyes dang/ mi'i dbang po dang/ chu
skam pa dang/ 'chi ba dang/ 'thab mo'i g.yul dang/ nor stor bi
rnam par smin pa 'byung bar 'gyur ro/ /de yang mod la char bab na
gnod par mi 'gyur ro/ /'bras bu rnam par smin pa bstan pa ji ltar
bshad pa bzhin du shar phyogs sam/

@36a @#/ /nub phyogs su dbyug pa lta bur snang na rgyal po gzhan
dang/ bram ze 'chi bar byed do/ /byang phyogs dang/ lho phyogs
nas dbyug pa lta bur snang na de'i 'khor gyi mi la gnod pa dang/
me'i 'jigs par 'gyur ro/ /shing rings ltar thad kar byung ba'am/
chu rlabs mang po ltar snang ba'am/

mig mangs ris lta bu'i dbyug par 'dug nas rkun po'i dpung skye ba
dang/ yul 'khor ngan zhing mi rigs pa 'byung ngo/ /rtsub po dang/
dum bu dang/ 'jam po ma yin pa dang/ glog dang skar mda' dang/
gnam lcags dang skar ma mjug rings dang/ mes 'gag pa ltar snang
ba la thog gam/ skar

mda' 'dres na mi'i dbang po dang/ yul 'khor du 'jig par byed de/
legs par gyur pa'i tshes grangs dang/ byed pa'i yud tsam la 'byung
ba'i dbyug pa ltar snang ba ni gnod par mi byed de/ rgyal po'i
srid che ba dang char 'bab pa dang/ yul la phan par 'gyur ro/
/shar phyogs dang/ byang phyogs na

dbyug pa ltar snang ba de'i phyogs nas dbyug pa la gnod do/
/phyogs mtshams nas dbyug pa ltar snang na bud med dang/ ba lang
sbrum ma rnams 'jig go/ /kyog kyog dang/ mi mnyam pa la sogs pa
rgyal mtshan dkar po ltar gyen du byung na rgyal po dang/ yul
'khor 'jig pa dang/ skran nad dang/ 'chi

bar byed do/ /nyin mtshan kun du dbyug pa rtse mo gyed pa ltar
snang na yul gyi rgyal po 'chi bar 'gyur ro/ /dbyug pa lta bu'i
rtse mo can du snang na yul thams cad kyi rgyal po 'chi ba dang/
de'i yul 'jig par 'gyur ro/ /gal te nyin mtshan rgyun mi 'chad par
rtag tu dbyug pa lta bu snang na yul 'khor de

'jig pa dang/ de'i yul phyogs su nad dang/ me dang/ char ba 'bab
po/ /le'u bco brgyad pa'o// //skar mda'i mtshan ma bshad pa'i le'u
la skar mda' 'ja' 'dra ba dang/ gdugs dang/ shing gi yal ga 'dra
ba dang/ rtsa grung po dang/ dbyig pa 'dra ba dang/ dkyil 'khor
'dra

ba dang/ 'khor lo lta bu'i skar mda' snang na/ bram ze dang/
rgyal rigs gtso bo dam pa dang/ rgyal po'i btsun mo dang/ nang mi
dang/ yul 'khor gyi mi dang/ mi'i dbang po dang/ bla mar bya ba
dang/ blon po 'chi bar 'gyur ro/ /nam mkha' la skar ma snang ba
las gyur na char mi 'bab po/ /skar

@36b mda' dus gnyis su byung ngam/ skar mda' phar phyir log na
gnam gar song gnas der gnod par 'gyur ro/ /skar mda' dkar la
dbyibs legs par snang ba ni bsngags par bya ba yin no/ /chu'i
nang gi srog chags gya gyur 'gro ba dang/ mtshon sha ka ti dang/
skar mde'u dang/ rta lta bu dang/ byi la lta bu dang/

sgra dang bcas pa phal cher snang na nyes pa mang po 'byung ngo/
/skar mda' 'bar ba bzhin du song ba las phyir log pa dang/ skar
mda' gzhan gyis phog ste zhig na yul de'i rgyal po la gnod pa'i
dgra bskyed de/ nang par ram/ nub mo'am/ de'i tshe mtshams su skar
mda' rtsub mo yon po snang na rab tu bsngags pa

ma yin no/ /skar mda' gnam gyi dbus su song la sprin gyi chu
'thung ba ltar zhugs shing/ skar mda'i sgra med na/ skar mda'i
dbus kyi mtshams yod par snang ba/ 'jam zhing drang la shin tu
yangs shing dkar ba/ logs g.yas g.yon du yang nam mkha' la rnam
par rgyu ba snang na skar mnga' de dag ni dge ba ste/

'bras bu dam pa rab tu sbyin par byed do/ /skar mda' kha yod pa
zhig snang na rgyal po la gnod pa dang/ btsun mo la gnod par
'gyur ro/ /skar mda' rgyab kyis song la dud pas chog pa lta bu
sgra can du byung na yul de'i 'khor ma rung bar 'gyur ro/ /srod
la skar mda' byung ba ni bkra shis so/ /skar mda' ri

bong gi khrag ltar snang ba 'bar ba lhung na rgyal po dang dmag
dpon la gnod do/ /skar mda' mtshan mo zla ba la phog gam nyin par
nyi ma la phog na mi'i bdag po zla ba 'am skar mda' la mos par
byed pa de 'chi'o/ /skar mda' rab tu 'bar bas gza' 'am rgyu skar
la mngon par phog na de la mos pa rnams la mi rung

bar 'gyur ro/ /nye bar skar mda' me'i 'od lta bur lhung na yul
'khor gyi dbang po dang yul du bcas pa rnam par 'jig go/ /yul
gyis gang du skar mda' sgra grags par lhung na yul der rgyal po
dang/ blun po dang/ rkun bo'i drag shul snang bar 'gyur ro/ /skar
mda'i le'u ste bcu dgu

pa'o// //nam mkha' las sgra byung ba'i ltas kyi mtshan ma bstan
pa/ rlung gnyis phan tshun nas phrad pa las gnam gru ma pa lta
bu'i sgra byung ste/ de yang sa la babs pa dang/ gyen du 'byung
ba dang/ thad du dang/ rgyang ring po khong du chud par bya'o/
/nyi ma rtse la sgra byung na rgyal rigs la gnod do/ /snga

@37a @#/ /dro sgra byung na dmangs rigs la gnod do/ /nyi ma phyed
pa'i tshe sgra byung na bram ze'i sde la gnod do/ /nyi ma nub pa'i
tshe sgra byung na rje'u rigs kyi tshogs la gnod do/ /nyi ma nub
ka'i dus su sgra byung na rigs ngan rnams la gnod do/ /nam gyi
bzhi thun gyi tho rangs sgra byung na lo thog la gnod

do; /mtshan gyi gung la sgra byung na srin po mang po phung bar
byed par 'gyur ro/ /nam mkha' phan tshun na sgra byung na glang po
che dang/ rta ma rung bar byed do/ /nam langs nas sgra byung na
'gron po mang po la gnod do/ /sgra byung ba dal la thung na gnod
pa chung dur 'gyur ro/ /sgra ring du byung na 'jigs pa 'byung
ngo/ /

dus gsum gang yang rung ba'i mtshams su sgra chen po byang phyogs
su lhung na bram ze dam pa 'chi bar 'gyur ro/ /de bzhin du rgyu
skar gyi tshogs gang gi nyi ma la sgra byung na de la brten pa'i
bram ze gang yin pa la gnod do/ /bden bral gyi phyogs nas sgra
byung na drag shul gyi las byed pa la gnod do/ /rlung gi

phyogs nas sgra byung na mtha' 'khob kyi lho bral la gnod do/
/me'i phyogs nas sgra byung na mes 'tsho ba la gnod do/ /phyogs
ring du sgra 'byin pa der dpa' bo rnams dang/ sbrul po che la
gnod do/ /sgra ltas kyi le'u ste nyi shu pa'o// //nyi ma dang zla
ba 'khyims pa'i ltas kyi bye brag bstan pa/

nyi ma 'am/ zla ba'i 'od dang/ rlung gcig tu 'dres pa las byung
ba ni 'od 'khyims pa zhes bya ba'o/ /de la mar dang/ til mar
dang/ chu dang/ dngul dang/ 'o ma dang/ thi ba lta bu'i kha dog
tu 'khyims na char ba 'bab po/ /bong bu dang/ rnga mo dang/ shing
rta lta bu'i 'od 'khyims pa las rab tu zhig

ste/ rnam par gyes shing kha dog ngan par snang na mi dge bar
'gyur ro/ /nyi ma dang zla ba gnyis ka'i nyin mtshan du 'od
'khyims par rtag tu 'gro na bcing ba dang/ mtshon dang nad 'byung
ngo/ /me 'bar bzhin du 'khyims na mchu mngon par skye'o/ /'ja'
'dra ba'i dbyibs su 'khyims na mtshon mang po

'byung ngo/ /rdul 'dra bar 'khyims na mu ge 'byung ngo/ /sum rim
du 'khyims na grong dang/ rgyal po la mi dge'o/ /rgya skyegs kyi
khu ba dang/ zho'i mdog 'dra bar 'khyims na 'thab mo dang g.yul
'byung ngo/ /ser por 'khyims na yul 'khor gsum du 'jigs par ston/
skya bo dang/ ljang sngon du

@37b 'khyims na sbrum ma 'chi'o/ /nor bu 'dra ba'i phyed dang sum
cha'i dum bu gcig 'khyims na char pa 'phral du 'bab po/ /mtshan
dus gsum du 'khyims na grong mi dang/ rgyal po 'chi bar 'gyur ro/
/nyi ma gsum gyi bar du 'jam zhing snum par 'khyims na char ba
'bab po/ /rtsub por 'khyims na

char pa 'bab na zla ba gcig na 'jigs pa 'byung bar ston to/ /skar
ma dang gza'i thog tu 'khyims pas non na rang gi mthu las byung
ba'i 'bras bur bstan par bya'o/ /nyi zla 'khyims pa'i le'u ste
nyi shu gcig go// //'ja' zug pa'i ltas kyi mtshan ma bstan pa/
rlung dang/ sprin dang/

nyi ma'i 'od las byung ba ni 'ja' zhes bya'o/ /'ja'i tshon sna
tshogs su snang na char pa 'bab po/ /chu'i nang du zug na char rab
tu che'o/ /tshon dkar po la sogs pa ni bram ze la sogs pa la gnod
do/ /ser skya dang/ me'i mdog dang/ me tog dmar zang zang rtsa ba
ser ba lta bu'i 'ja' zug na yul du

'jigs pa 'byur ro/ /'ja' sngon por zug na lo ma rung bar 'gyur
ro/ /'ja'i dbus nyi tshe zhig na char mi zad par 'gyur ro/ /mtshan
mo shar phyogs su 'ja' zug na rgyal po la gnod do/ /nub phyogs su
mtshan mo 'ja' zug na mi'i gtso bo la gnod do/ /char 'bab pa'i tshe
'ja' zug na char 'chad do/ /char

mi 'bab pa'i tshe 'ja' zug na char 'bab po/ /shar phyogs su 'ja'
zug na char 'bab bo/ /lho phyogs la sogs pa phyogs gsum du 'ja'
zug na bram ze la sogs pa la mchod pa mang po 'ong ngo/ /de bzhin
du lho phyogs nas nub phyogs su 'ja' zug na rgyal rigs dang/
rje'u rigs dang/ dmangs rigs

la gnod do/ /dus gsum gyi mtshams su 'ja' zug na yul 'jig par byed
do/ /nyi ma'i rtse la lho phyogs su 'ja' zug na mi la 'jigs pa
'ong ngo/ /mtshams su 'ja' zug na bud med ma rung bar 'gyur ro/
/lan gnyis su 'ja' zug na bde ba 'phel ba dang/ lo legs par 'gyur
ro/ /tshes

grangs bzang po dang/ rgyu skar bzang po dang/ yud tsam dang/
byed pa dang/ gza' bzang po dang/ khyim pa dang/ skabs bzang po'i
tshe 'ja' zug na dge ba ste/ rgyal po'i srid skye ste/ rkun po spa
gong bar 'ong ngo/ /de bzhin du nya 'dra ba dang/ dbyug pa 'dra
ba dang/ dri za'i grong khyer lta bu dang/

@38a @#/ /phyogs tshig pa dang bcas par snang ba yang tshul gong ma
dang 'dra bar tshes grangs dang/ rgyu skar dang/ gza' la sogs pa
bzang ngan gyi tshul gong ma dang 'dra bar gdon mi za bar rtogs
pa'i mis shes par bya'o/ /de lta bur snang ba gyur pa'i rjes la
zhag bdun tshun chad du char babs na

zhi ba yin/ legs par 'gyur ro/ /'ja' ltas kyi le'u ste nyi shu
gnyis pa'o// //sa g.yo ba'i ltas kyi mtshan nyid bstan pa/ de la
chos ma yin pa'i mthu las byung ba'i dus su skar ma drag shul can
dang/ yud tsam dang/ thang cig dang/ tshes grangs mi bzad pa'i tshe
sa g.yos na skye bo

thams cad kyi phun sum tshogs pa ma yin pa'i 'jigs pa 'ong bar
'gyur ro/ /tshes grangs bzang po'i tshe sa g.yos na rab tu dge ba
zhes bya'o/ /skar ma tshes grangs la sogs pa bzang ngan 'dres pa'i
tshes g.yos na phan gnod kyi 'bras bu yang 'dren mar 'gyur ro/
/tshes grangs bzang po'i tshes g.yos na rgyal

po dang/ skye bos chos legs pa'i 'bras bu thob par 'gyur ro/ /sa
g.yos bzhin du yul gzhan du song na yul der gnas par 'gyur zhes
bya ste/ de yang chos nyams pa'i nyes pa ma byas nas g.yos kyang
legs par gyur te/ de dag tu char 'bab cing rab tu zhi bar 'gyur
ro/ /gnas lcags rnon po lhung

pa'i sgra drag pos sa rab tu g.yos na skye bo 'thab cing 'khon pa
dang/ mu ge dang/ mi ngas kyis zad par 'gyur ro/ /sa g.yo ba
g.yas phyogs su 'gro zhing 'brug sgra ltar mnyen zhing zab pa'i
sgra grags la/ dus tshigs dang tshes grangs bzang ba la ma 'khrul
ba'i skabs su sa g.yos na dge bar 'gyur

ro; /nam gza' skar drag po'i dus su sa g.yos pa'i dus na ri dgas
dang bya rnams me 'bar ba bzhin du 'gyur la/ gzhan yang mi dge
ba'i mtshan ma'i ltas dag snang na 'jig rten du rab tu gnod pa
drag po 'byung bar 'gyur ro/ /rgyu skar dang/ gza' dge ba'i dus
su yang de ltar gyur na de'i tshe 'bras bu

dge bar mi 'gyur ro/ /dge ba'i ltas kyi mtshan ma byung la/ bya
rnams kyang khrag khrig lang long med cing rab tu zhi ba dang/
rlung yang zhi bar gyur pa ni dge bas kyang rab tu dge ba zhes
bya ste/ mi dge ba'i ltas ngan drag po zhi bar 'gyur ro/ /sa
g.yos pa'i 'og tu gal te char pa 'bab pa na de'i tshe bde ba

@38b dang; lo legs pa dang/ nad med par 'gyur ro/ /sa g.yos pa'i
rjes la skar mda' chen po lhung bar gyur na de'i tshe skye bo
ltogs pa dang/ mtshon dang/ nad kyis zad par 'gyur ro/ /nam sa
g.yos pa'i rjes la rlung drag po lang sa pas gseg ma khyer zhing
'gro bar 'gyur ba'i tshe na mu ge 'byung bar 'gyur

ro; /sa g.yos shing 'gro ba dang/ rlung ldang ba dang/ nyi ma
dang/ zla ba'i 'od rnams dang/ 'di rnams mthun par 'gron bkra
shis te dge'o/ /de lta bu dang mi mthun par 'gro zhing sa g.yos
na mi dge ste smad pa yin no/ /zla ba phyed phyed cing lan gsum
gsum g.yos pa zla ba gcig la spyir sa lan

drug g.yos par gyur na dgra'i tshogs 'ong bar ston to/ /yul gang
du sa g.yo ba bstud pa der yang dang yang zhag gcig gam/ zhag
bdun nam/ zhag bcu gcig gam/ zla ba phyed dam/ zla ba re re zhing
sa g.yo 'am/ zla ba drug tu 'am/ zla ba bcu'am/ lo gcig tu 'am/
lo bcu'i bar du'am/

de bas kyang lhag par lan mang du g.yos sam/ de las nyis 'gyur du
g.yos na yul phun sum tshogs pa dang ldan pa'i rgyal po dang dmag
dang 'khor du bcas pa ma rung bar 'gyur/ /yul de rgyal po gzhan
byed de/ de yang yul der rab tu 'tshe zhing gnod pa byed pas yul
de nyid dgon bar gyur nas ri dgas

gnas par 'gyur ro/ /tshul gong ma bzhin du dpyid zla tha chung sa
las g.yos na gnod pa'i 'bras bu zhag bcu nas 'byung ngo/ /dbyar
zlar ba la sa g.yos na rnam par smin pa'i 'bras bu zhag bcu gnyis
na 'byung ngo/ /dbyar zla 'bring po las g.yos na rnam par smin
pa'i 'bras bu zhag nyi shu rtsa lnga na 'byung

ngo/ /dbyar zla tha chung sa las g.yos na 'bras bu zhag bdun cu
rtsa ldan 'byung ngo/ /ston zla ra ba las g.yos na rnam par smin
pa'i 'bras bu zhag brgyad na 'byung ngo/ /ston zla 'bring po las
g.yos na 'bras bu zla ba gnyis na 'byung ngo/ /ston zla tha chung
sa las g.yos na 'bras bu zla ba gsum na 'byung ngo/ /dgun

zlar ba las g.yos na 'bras bu zla ba gnyis na 'byung ngo/ /dgun
zla 'bring po las g.yos na 'bras bu zhag lda bcu rtsa lnga na
'byung ngo/ /dgun zla tha chung sa las g.yos na 'bras bu zhag
brgyad na 'byung ngo/ /dpyid zlar ba las g.yos na 'bras bu ni
zhag lnga bcu na 'byung ngo/ /dpyid zla 'bring po las g.yos na

@39a @#/ /zhag lnga bcu rtsa gsum na 'bras bu 'byung bar skar
mkhan gyis shes par bya'o/ /de ltar sa g.yos pa'i 'bras bu de
ltar bstan pa yin no/ /de ltar zla ba'i ngo re re zhing sa g.yo
ba'i dmigs kyang yar gyi tshes gcig dang/ mar gyi tshes bcu drug
dang/ mar gyi tshes nyi

shu gsum dag dang/ yar gyi tshe sa bcu bzhi dang/ bco lnga dang/
nyi shu dgu dang/ sum cu ste/ dus tshigs 'di rnams lta bu'i dus su
sa g.yos pa'i 'bras bu ni tshul de ltar blta'o/ /sa g.yos pa'i
ltas kyi le'u ste nyi shu gsum pa'o// //nam zla ba bcu gnyis kyi
ngo kun

la sa rtag par g.yos te/ shing yang 'gul/ chu yang g.yos te/ mer
mer byed cing/ de ltar dus tshigs dang/ dus tshigs ma yin par g.yos
te/ rlung langs pas shing yang bcag /grong dang/ grong khyer
dang/ grong 'dab dang/ grong de na brten pa'i skye bo rnams med
par gyur

te; gcan gzan gyi zil gyis gnon nas yul 'brog tu gyur te/ de ltar
sa g.yos pa ni gnod pa'i 'bras bu lo bco lnga nas yul phyogs der
yang su yang mi gnas par 'gyur ro/ /rgyu skar smin drug gi nyi ma
las g.yos na grong dang grong khyer la me bstud par shor te/
shing rtsi yang tshig /

gos nag po gyon pa'i sde dang/ nor bu mkhan rnams dang/ mgar ba
dang/ bram ze me 'byin pa'i spyod pa byed pa 'di rnams la mi dge
/'byung khungs nas nor bu byung ba rnams dang/ 'phel ba rnams
kyang subs par 'gyur/ yul de la brten pa'i pa lang dang/ shing
rta 'dren pa'i mi dang/ bram

ze dang/ 'dreg mkhan spu gri'i las byed pa dang/ yul sin du zhes
bya ba'i yul phyed kyi mi dang yul am bsta dang/ yul chu klung
lnga zhes bya ba na gnas pa'i mi dang/ yul shi bzhes bya ba dang/
yul ba si ti zhes bya ba dang/ yul ta she ra ka zhes bya ba dang/
yul brta ba dang/ /yul rta la d+ha na zhes bya

ba dang/ /yul gangs khrod na gnas pa rnams dang/ lho phyogs kyi
lung pa na gnas pa'i skye bo rnams la gnod pa 'byung bar 'gyur/
de ltar sa g.yos pas gzi brjid nyams te nang drag pos 'debs/
ltogs par 'gyur/ /than chen dang/ chom rkun

@39b dang; pha rol gyi dgra rnams kyis gnod pa drag po byed par
'gyur ro/ /rgyu skar snar ma'i nyi ma la sa g.yos na sa bon thams
cad chud zos par 'gyur ro/ /sa la 'bru btab pa yang mi skye/ de
dang 'dra bar rtswa yang dkon/ /nags khrod nas cung zad ci
'khrungs pa yang dkon no/ /bud med sbrum ma

rnams kyi rum rab tu mi bde/ mu ge dang/ mtshon dang/ nad kyis zad
de/ skye bo sum cha gcig gnas par 'gyur ro/ /mi'i dbang po che
ba'i bdag nyid can dang/ dpal dang ldan pa'i mi mchog rnams dang/
bram ze gzi brjid can mang po dang/ ba lang phyug po dang/ dbang
dang ldan pa dang/

yul phi pa sha dang/ yul sha ta ru dang/ yul sin d+hu dang/ yul
an da dang/ chu bo ba ni sti'i 'gram na gnas pa dang/ chu bo e
ra ba ti'i drung du gnas pa dang/ yul ku d+ha na gnas pa'i mi
dang/ chu bo tsan tra b+ha ga zhes bya ba'i 'khor na gnas pa'i mi
dang/ chu bo su ta na zhes bya ba dang/ chu bo 'di

dag gi 'gram na gnas pa'i mi dang/ yul nags 'brog chu dang ldan
pa dang/ chu bo a gro ta dang/ se ra sa ti zhes bya ba'i 'khor
dang/ yul sa brta pra rta zhes bya ba rnams dang/ ra bdog pa'i
gtso bo dang/ 'di rnam bzhir sa g.yos na gnod pa 'byung bar 'gyur
ro/ /rgyu skar mgo'i nyi ma la sa

g.yos na sman rnams dang/ nad dpyad byed pa'i sman pa rnams dang/
rtswa so ma zhes bya ba la skom du sbyar te/ 'thung ba'i chos
bzhin byed pa rnams dang/ rtswa so ma la skom du 'thung ba rnams
dang/ bram ze nags khrod na gnas shing dka' thub byed pa rnams la
mi rung bar 'gyur/ yul dbus ma ga d+hAr char

cher 'bebs te lo legs/ bde bar 'gyur/ /rgyal po nang phan tshun mi
mthun te rtsod par 'gyur/ /yul a b+hi sha ha'i mi dang/ yul shul
ra se na dang/ chu bo tshar ma nA ti na gnas pa dang/ yul ka ta
la'i mi dang/ yul bad sa'i mi dang/ yul pan tsa la'i lho phyogs
dang/ yul pan tsa la'i

byang phyogs dang/ yul ma ga d+hA na gnas pa'i mi dang/ mi la
gnod par 'gyur ro/ /yul su la'i mi dang/ yul be sha la'i mi dang/
yul ma la zhes bya ba'i 'khor mi dang/ 'di rnams la gnod pa rnam
pa drug 'byung ste/ chom rkun dang/ mes 'jigs pa dang/ mi ngas
dang/ than chen la

@40a @#/ /sogs pa'i khyad zhugs pa'i gnod pa rnams kyis skye bo la
zil gyis gnon par 'gyur ro/ /rgyu skar lag la sa g.yos na shing
'om can rnams dang/ 'o ma ma rung bar 'gyur ro/ /zas skom phyogs
su ma rung bar 'gyur/ /'gron pa rnams dang/ gcan gzan dang/ rgya
mo

thogs pa'i nya 'chor ba la sogs pa rnams dang/ 'ob brko zhing
khron pa brko ba dang/ sdig pa'i las can rkun po rnams dang/ gdol
ba dang/ rigs ngan dang/ yul shar phyogs dang/ yul phun da brta
dang/ mu stegs gcer bu dang/ yul oM tra dang/ yul bu li da'i mi
dang/ yul sha ba ri'i ang/ yul an dra'i byang phyog

ng ldan pa a ta bya so ta ka zhes bya ba dang/ yul gzhan yang de
dang 'dra ba chu dang ldan pa'i nags 'brog kyang gnod pa drag po
mi bde ba sna tshogs pa rnam pa drug gis gnod pa 'byung bar 'gyur
ro/ /rgyu skar nab so'i nyi ma la sa g.yos na chang 'tshong dang/
gsal shing dang/

mtshon thogs pa'i mi dang/ khur ba 'tshong ba'i mi dang/ gdugs
phyed pa'i mi dang/ shing mkhan rnams dang/ mi gsod pa'i gshed ma
rnams dang/ btsas dang/ 'gro ba'i tshong ba rnams dang/ 'khor lo
byed pa rnams dang/ 'khor lo slob pa rnams dang/ lhang tshor 'thag
cid sbyor ba dang/ sha 'tshong ba

dang; dud 'tshong dang/ grong na gnas pa'i tshong ba dang/ gang dag
skye bo phal po che lhan cig gnas pas 'tshong ba dang/ tshul can
rnams dang/ char cher 'bab pas lo la yang gnod par 'gyur ro/
/rgyal po dang/ lho ka'i gnas na gnas pa'i rgyal phran rnams
dang/ rgyal phran de dag la phyogs pa'i

yul mi rnams dang/ yul gyi mchog dang/ to ka zhes bya ba dang/
mon yul kan tu na gnas pa'i mi rnams dang/ spyang ki khyi mang po
rnams la sa g.yos na gnod par 'gyur ro/ /rgyu skar rgyal gyi nyi
ma la sa g.yos na mi dge ba byas pa dang/ bram ze dam pa dang/
rgyal po sbyi bo nas dbang bskyur ba rnams

dang; rgyal po'i bu gzhon nu dang/ dpon sna phra mo dang/ mi mang
po'i tshogs pa dang/ blon po rnams dang/ dge slong rnams dang/
sbrang po dang/ bram ze dang/ mkhas pa rnams dang/ chos la rab tu
brtson pa rnams dang/ bsod nams chen po byed pa'i mi rnams la
gnod par 'gyur ro/ /de ltar shar

@40b phyogs dang/ yul ta ma li ba ta'i grong rdal dang/ shar
phyogs kyi gling du ma ta ra ti ba dang/ mon yul ka ma ru ba
dang/ shar phyogs kyi rgya mtsho'i gling na gnas pa dang/ gser gyi
gling na gnas pa dang/ chu bo gang gA'i rgya mtsho'i gting du
'bab pa dang/ 'gram na gnas pa'i skye bo rnams la gnod par

'gyur ro/ /rgyu skar skag gi nyi ma la sa g.yos na klu rnams
dang/ sbrul rnams dang/ sdig sbrul rnams dang/ grog ma rnams
dang/ grog ma mang po rnams dang/ srin bu sna tshogs dang/ khyi
dang/ rmig pa gcig pa rnams dang/ dug rnams dang/ dug sbyor zhing
byed pa'i mi rnams dang/ sems can

gang dag ri khrod na gnas pa rnams dang/ yul mtha' 'khob na rku
'phrog byed cing 'joms pa'i mi rnams dang/ zol ba dang/ rku thabs
kyis 'thab mo 'gyed pa'i mi rnams dang/ sdig pa'i las la dga'
ba'i mi rnams dang/ mi blun po rnams dang/ mi ngan pa dang/ tshig
ngan pa smra ba rnams dang/

yul to sa la dang/ yul ko sa la dang/ grong khyer kanytsi dang/
yul ling ga dang/ yul an dra dang/ yul an dra'i byang phyogs
dang/ yul ya ma'i grong rdal nyams dga' dang/ ri b+hyin d+ha dang/
ri b+hyin d+ha byang phyogs kyi ngos dang/ ri de'i drung dang/ rtse
mo dang/ srangs sa na gsum pa'i skye bo rnams

la gnod pa drag po nad dang/ me dang/ mi ngas dang/ than chen
dang/ ser ba dang/ yang dang yang mtshon kar 'gyed pas yul de
phyogs na mya ngan byed cing 'gro ste/ sa g.yo bas gzi brjid
nyams nas gnod pa de lta bu 'byung bar 'gyur ro/ /rgyu skar
mchu'i nyi ma la sa g.yos na rgyal po chen po mya ngan byed par

'gyur ro/ /mchod sbyin byed pa dang/ dad pa rnams ldog par 'gyur/
mi mang po 'du ba dang/ dga' ston byed pa dang/ lha'i gtso bo la
mchod sbyin byed pa rnams dang/ sngags thams cad ni ldog par
'gyur ro/ /gang dag btsas pa dang/ cher skyes pa dang/ gzhan yang
mkhas pa'i mchog

dang; rol mo mkhan mkhas pa dang glu snyan pa dang/ rigs che po
blo dang ldan pa'i mi rnams dang/ 'bru nag po til dang/ zar ma
sran ma la sogs pa la gnod pa yul ka ling ka'i phyed dang/ ka
ling ka'i nub phyogs dang/ yul an ti'i ri la brten pa'i mi rnams
dang/ ri byin d+ha'i ngos

@41a @#/ /phyed la brten pa'i mi rnams la sa g.yo ba dang/ sa rnam
par g.yos na de dag la yang gnod pa 'byung bar 'gyur ro/ /rgyu
skar gre'i nyi ma las g.yos na dus tshigs log par 'gyur te/ de'i
rlung drag po ldang bar 'gyur/ brten pa byas pa ma rung bar
'gyur/ yod pa'i

ma rung bar 'gyur/ smad 'tshong ma dang/ chos la dga' ba dang/
g.yos mkhan dang/ sho gam gyis 'tsho ba dang/ btson 'tsho ba dang/
snam bu 'thag pa dang/ khyad par chu bo sin d+hu'i lho phyogs kyi
phyed dang/ shar phyogs kyi phyed dang/ yul ma hA ka ri ri khrod
kyi sdong bu dang/ yul dang/ lung

pa'i nang na gnas pa'i skye bo dang/ ri kis kin da'i grong khyer
dang/ grong rdal dang/ de bzhin du yul shur par ka dang/ yul tsha
ser che ba nags ri chu mang ba na gnas pa'i ba lang la sogs pa
dang/ skye bo mi srun pa mang pos bskor zhing/ me tog rgyas pa
ltar ldang zhing gnas pa las g.yos te mdangs

nyams na gnod pa 'byung bar 'gyur ro/ /rgyu skar dbo'i nyi ma la
sa g.yos na tshong pa rnams dang/ gling phran na gnas pa'i mi
dang/ 'gron po lam du zhugs pa dang/ mchod sbyin gyi snod dang/
yo byad rnams dang/ sbrul gyi gdong gis 'tsho ba'i mi rnams dang/
bag ma lam bca' ba la sogs pa dang/

bkra shis byed pa dang/ yul ma he se na'i grong rdal dang/ grong
khyer nyams dga' ba ba lang gi khyu mang po dang ldan pa dang/
chu bo ga da ba ra'i 'gram gyi yul dang/ yul ma hA be na na
dang/ chu bo ma sa ri ta'i 'gram na gnas pa'i grong rdal dang/
grong 'dab kyi mi dang/ yul dbus a ga dang/ mon yul

bdag dang/ yul ka ling ka'i phyed dang/ yul ni kri ti dang/ yul
kha sha'i mi rnams dang/ slas bud med mang po bsrel ba dang/
snying las sems pa'i mi rnams dang/ grong dang grong dam pa rnams
dang/ rgyal po la brten pas 'tsho ba'i mi de lta bu la sa g.yos na
gnod par 'gyur ro/ /rgyu skar me bzhi

las g.yos na rdza mkhan dang/ sman pa rnams dang/ tshogs kyi gtso
bo dang/ blon po dang/ blon po chen po dang/ dmag dpon rnams
dang/ glang po 'dul sbyong byed pa'i mi dang/ chom rkun byed pa
mang po dang/ chom rkun byed pa'i gtso bo ri gdong sa btsan la
brten pa'i mi rnams dang/ bram ze srad bu se

@41b ral du thogs pas 'tsho ba rnams dang/ lha don du gnyer ba
rnams la mi smod pa'i mi rnams dang/ bram ze'i lag la rda kha don
'don pa dang/ mchod sbyin gyi yo byad kyi tshogs sbyar ba dang/
yul ha se na'i grong rdal nyams dga' ba dang/ ri rma bya zhes bya
ba'i drung na gnas pa dang/ ri pa ri ya tra'i drung na

gnas pa dang/ sdings dang/ lung pa dang/ lung pa phran mang po
sna tshogs na gnas pa'i mi rnams dang/ yul spang kur dang/ yul sa
sra dang/ yul a mu tra dang/ 'di rnams la sa g.yos na gnod par
'gyur ro/ /rgyu skar nag pa las g.yos na ri mo 'bri ba'i las
rnams ma rung bar 'gyur/

ri mo 'bri ba rnams dang/ shing mkhan rnams dang/ bzo bo dang/
gser mgar dang/ rdo rje gsor ba'i las byed pa dang/ bzang kan
dang/ nor bu 'brug cing nor bu mdog pa dang/ rgyan la dga' ba
dang/ tshong ba dang/ mig sman sbyor shes pa'i mi dang/ rgyan byed
pa'i mi dang/ yul pra ba ka

sha dang/ yul a ni la'i grong rdal dang/ yul ma gyi sma dang/
yul a pan ti dang/ ri sa d+hya'i drung dang/ ri byin mda'i 'khor
na gnas pa'i skye bo rnams dang/ mi dra ma rnams la de ltar sa
g.yos na gnod par 'gyur ro/ /rgyu skar sa ri la sa g.yos na chom
rkun byed pa'i mi rnams dang/ mgar mkhan

rnams dang/ 'tshe zhing gnod pa'i mi rnams dang/ la 'phrad 'joms
pa'i mi rnams dang/ yul gangs ri'i byang phyogs kyi shod na gnas
pa'i mi rnams dang/ rol mo mkhan dang/ bzhad gad mkhan dang/ dka'
thub can zas su rlung za ba dang/ tshul ma yin pa'i dka' thub grub
pa'i mi rnams

dang; mi dge ba dam pa'i mi rnams dang/ nga rgyal can rnams dang/
yul sa ha ta'i mi dang/ yul an dar sti'i mi dang/ yul bi pu la
dang/ yul ka tsa'i skye bo mang po phal po che dang/ yul ba ya pa
dang/ yul ba shud krang ka dang/ yul da ra ga zhes bya ba'i grong
dang/ phal po che'i mi dang/

gling sna tshogs na bud med dam pa gnas pa dang/ rkang 'gros kyis
gang bar rgyas shing grong khyer kru ber zhes bya ba la 'byor
zhing rgyas par gnas pa dang/ ri dam pa brad dza ya ho zhes bya
ba'i drung na gnas pa'i mi dang/ rgya mtsho'i 'gram na gnas pa'i
mi dang/ yul bri sni dang/ yul an dra ga dang/ ma

@42a @#/ /du zhes bya ba'i mi dang/ sa twa ta zhes bya ba'i mi
dang/ 'di dag gi gnas rnams dang/ mi'i sde d+ha sha na zhes bya ba
rgya mtsho chu'i 'gram grong khyer rnam pa brgya dang/ grong khyer
rnam pa stong snyed du gnas pa de dag la sa g.yos na rab tu gnod
par 'gyur ro/ /rgyu skar sa ga la sa

g.yos na mi las su bya ba rnams ma rung bar 'gyur ro/ /bram ze
dam pa me la rjed pa rnams dang/ gsal ba ma 'khrul pa smra ba
rnams dang/ til dang/ bal gyi sa bon dang/ mon sran sde'u dang/
bu ram shing gi khu ba dang/ 'bru rnams dang/ mi rgan pa rnams
dang/ mi phal po cher gnas pa

rnams dang/ 'bras so ba dang/ sa bon btab pa sman las sran chung
dang/ sran ma dang/ sran tsa na sha ka dang/ rgya sran nag po
dang/ yungs kar dang/ yul du ra'i mi dang/ yul ma ku ra'i mi
dang/ yul ba ya na dang/ de bzhin du yul ri ma ka'i mi dang/ yul
ba par na mi mang pos gang ba

dang; yul ka mar a di sta ta zhes bya ba na gnas pa'i mi de dag
la sa g.yos gnod pa 'byung bar 'gyur ro/ /rgyu skar lha mtshams la
sa g.yos na mdza' bo byams shing sdug pa 'bye bar 'gyur ro/
/chung ma dang nor gyi bya ba la sogs pa rnam pa bcu gcig tu
bshad pa/ gnyen byas shing/ bag

ma blang ba la sogs pa dang/ yo byad bsags shing spel ba dang/
bag ma blang ba rnams dang/ mchod sbyin bya ba rnams de dag gi
las bya ba dang/ bkra shis bar bya ba rnams dang/ ltas su blta ba
rnams dang/ bram ze zhi ba dang ldan pa rnams dang/ dka' thub can
rnams dang/ thub pa dang ldan

pa rnams dang/ dka' thub dang ldan pa rnams dang/ brtul zhugs
dang ldan pa rnams dang/ yul ka sha zhes bya ba na rgyal srid
chen po rnam pa brgyad dang ldan pa'i yul dang/ rgyal po'i mtha'
'khor yug na gnas pa 'bra go tshal nyams dga' ba'i gnas na 'bra
gos srog 'tsho ba rnams dang/ skad

rnam pa sna tshogs shes pa'i 'jig rten pa rnams dang/ gzi brjid mi
mngon par byed/ gzugs dang/ gos dang/ rgyan dang/ spyod pa dang/
byed pa dang/ 'gro ba dang/ cha byad rnam pa sna tshogs dang ldan
pa zas su nya sha za zhing lus nyams bde ba skyid pa de lta bu'i
mi rnams la sa g.yos na rab tu gnod par

@42b 'gyur ro/ /rgyu skar snron las g.yos na ri chen po bsnyil
bar 'gyur/ /'jig pa'i rlung rab tu ldang/ yul a mra ka zhes bya
ba'i yul du yul ka sha'i mi dang/ rkun po dang/ mi ngas dang/
than chen dang/ ser ba dang/ yang dang yang mtshon kar 'gyed pa
yul de phyogs na mya ngan byed cing 'gro ste/

sa g.yos pas gzi brjid nyams nas gnod pa de lta bu 'byung bar
'gyur ro/ /tshul ma yin pa dag gis phan tshun du gnod pa byed par
'gyur ro/ /mi g.yon can dang/ rgyal po dang/ rgya'i m dang/ de
bzhin du sgo lcags 'byed cing rku ba'i mi rnams dang/ yul an
dra'i mi rnams dang/ yul pu linda na

gnas pa'i mi rnams 'jig par gnas par 'gyur/ mdza' ba'i dpung dang
ldan pa rnams dang yang phyed par 'gyur/ rgyal po chen po dang/
snyom las dang ldan pa rnams kyang tshar gcod pa dang/ bya rog
dang/ ri dags pri sha dang/ gcan gzan dang/ gcan gzan drag shul
can chen po rnams dang/

yul ka ra dang/ yul pa ra dang/ yul shud d+ha se nan gnas pa'i mi
dang/ yul ma la ya'i mi rnams dang/ tho gar gyi yul bag le dang/
bar sig gi yul dang/ za hor gyi yul dang/ ka pu sha'i yul gyi ri
ba ri she na'i 'khor na gnas pa'i mi dang/ 'di rnams la sa g.yos
na dgra drag po myur

du 'byung zhing gnod par 'gyur ro/ /rgyu skar snrubs la sa g.yos
na rkang bzhi pa dang/ rkang pa gnyis pa dang/ de bzhin du phug
na gnas pa rnams dang/ yi dags sha za rnams dang/ sems can gang
dag ri la gnas pa rnams dang/ mu ge myur du 'byung/ sa la chu
yang myur du skams par 'gyur ro/ /dgra

rnams ri drung du song nas de nas dga' bar gnas pa dang/ chos kyi
yo byad rnams dang/ gang na nags tshal phun sum tshogs pa dang/
rgan ra dang/ bu ram shing gi khu ba dang/ 'bras bu mngar po cung
zad yod pa rnams dang/ shing du ka'i tshal dang/ me tog sna tshogs
rnams dang/ 'bru dang sa bon rnams dang/

'bras la sogs pa rnam pa tha dad pa sna tshogs dang/ khyim gyi las
kun brtsam pa dang/ brtan par bya ba'i rnam pa dang/ tsa ba
bskyed cing bskrun pa'i las sna tshogs dang/ ro langs byed pa'i
las rnams dang/ yul sun dang/ gog yul dang/ yul ka ta ya'i mi
dang/ ba lang rdzi la sogs pa'i ri'i rtse mo

@43a @#/ /dang; phug dang/ rdzid bu na gnas pa'i mi rnams dang/
rkang bzhi pa sna tshogs dang/ dka' thub can shing thog dang rtsa
ba za ba rnams dang/ yul ka sha'i byang phyogs kyi gnas yul sa
btsan po la brten pa'i mi de rnams la sa g.yos na gnod pa 'byung
bar 'gyur ro/ /rgyu skar chu stod la

sa g.yos na mi las skyes pa dang/ 'gron po lam na gnas pa dang/
tshong pa dang/ rgya mtsho la rgyu zhing 'gro ba dang/ kha zas nyas
'tsho ba dang/ chu srin byis pa gsod pa dang/ 'ug pa dang/ chu
srin na kra dang/ chu srin ma ka ra dang/ rus sbal dang/ rus
dang/ rigs dang/ btsun pa dang/ phyug po dang/

mkhas pa rnams dang/ bzhon pa'i mchog bdog pa dang de dag la
'jigs pa chen po rab tu 'byung bar 'gyur ba dang/ chu'i las su
bya ba rdzing skyil ba dang/ rdzing bu brko ba dang/ tshal bu
dang/ skyed mos tshal sna tshogs dang/ nor dang/ 'bru dang/ chang
gi yo byad sbyor bas 'tsho ba'i mi rnams dang/ yol ta ru na

dang; yul ru ga ka ti sa ra'i mi rnams dang/ yul kam po dza nas
skyes pa'i mi rnams dang/ tho gar gyi yul dang/ yul hu na nas
skyes pa'i mi rnams dang/ yul sha za'i mi dang phyugs rdzi rnams
dang/ yul ka na nas skyes pa'i mi rnams dang/ ri dags nyams pa'i
mi dang/ skye gnas ngan pa

nas skyes pa'i mi dang/ bya gag dang/ bud med dang/ chu chen po
pak+Sha'i 'gram na gnas pa'i mi rnams dang/ gangs ri'i ri logs kyi
ngos gnyi ga na gnas pa'i mi rnams dang/ ri rke dang/ ri drung na
gnas pa'i mi rnams dang/ ri rgyud chad pa na gnas pa dang/ lung
pa na gnas pa rnams las

g.yos na gnod par 'gyur ro/ /rgyu skar chu smad la sa g.yos na
bzo bo rnams la gnod par 'gyur te/ lcags mgar dang/ phya mkhan
dang/ tshon mo steng mkhan dang/ shing mkhan rnams dang/ 'dreg
mkhan dang/ phyug po rnams dang/ rkun po rnams dang/ bzo po rnams
dang/ sna tshogs

rnams dang/ thos zlos 'don pa'i gcam bu rnams la gnod par 'gyur/
yul ga na ra'i mi rnams dang/ yul ke ka ya dang/ yul kha sha ba
rnams dang/ gu zan yul dang/ yul ba gur na gnas pa ri brags pa
gtum po rnam pa stong snyed dang/ bru sha yul la sogs pa dang/
yul sa gar de'i

@43b skye bo rnams la gnod par 'gyur ro/ /rgyu skar gro bzhin la
sa g.yos na rgyal pos bkur ba'i mi rnams dang/ bram ze rig byed
slob pa'i mi rnams dang/ bstan bcos la mkhas pa'i mi rnams dang/
snyan dngags shes pa'i mi rnams dang/ yul gan da ra nas yul kau
shAmbA'i bar dang/ yul me ta ra sta

na gnas pa rnams dang/ si ni sa kyi yul gnyis dang yul du spras
ha dang/ yul du me la rjed pa'i mi dang/ yul sa ge ka'i mi dang/
yul lam ba ka'i mi dang/ yul na ga ha ra dang/ yul tsa ta bi sha
ya dang/ yul ga tsi ka na gnas pa ma rung ba du ma dang/ yul la
ba zhes bya ba'i ri la gnas pa

dang; mtha'i rgyal po chen po rnams dang/ yul ki sad ta dang/ yul
sa ba tir dang/ yul ba ri ra za dang/ yul ba rna pu ri'i grong
rdal dang/ klu'i gnas rnams dang/ 'di dag la sa g.yos na gnod pa
'byung bar 'gyur ro/ /rgyu skar mon grel sa g.yos na mi phyug po
dang/ ra lug dang/ bong bu dang/ rnga

mo dang/ dre'u dang/ wa dang/ ri dags kyi rnam grangs tha dad pa
dang/ ma he dang/ 'phong dang/ rtsal che ba dang/ 'dun khang sna
tshogs dang/ grong khyer gyi tshong dpon rnams dang/ yul kha ga
dang/ yul swa ti man ta dang/ yul khi la dang/ yul mu na dang/
yul ba twa ka ra dang/ yul gon tha ma'i rnams

dang; yul bo za dang/ yul sA la'i grong khyer bru sha yul dang/
gu zan dang/ yul tsid dra dang/ chang zhim po sna tshogs dag la
dga' ba rnams dang/ ri sha sha'i ri logs na gnas pa'i mi sna
tshogs la sa g.yos na gnod par 'gyur ro/ /rgyu skar mon gru la sa
g.yos na sa'i 'og tu gnas pa

rnams dang/ rgya mtsho'i 'og na gnas pa dang/ rgya mtsho'i nang na
gnas pa'i sems can rnams dang/ sems can gzhan yang chu la brten
pa dang/ de bzhin du rta dang/ glang po che dang/ khyi rnams
dang/ bong bu dang/ rnga mo dang/ bya rnams dang/ de bzhin du
dmag mi dpa' bo dam pa dang/ mtshon

shag ti dang/ ral gri kyog po dang/ ral gri thogs pa'i mi rnams
dang/ yul pral lha'i mi dang/ yul lho phyogs kyi rgyu kyi rong la
brten pa dang/ lho phyogs kyi ri rgyud la drang srong thub pa
gnas pa rnams dang/ yul 'khor lo gcig pa zhes bya ba'i mi dang/
bud med nu ma ya gcig pa rnams dang/

@44a @#/ /dmag dpon du bskos pa 'di dag la sa g.yos na gnod par
'gyur ro/ /rgyu skar khrums stod la sa g.yos na chu dang mes
'tshos pa'i mi rnams dang/ de bzhin du ba lang gsod cing ma he la
dga' ba dang/ nor bu de sogs la tshong byed pa dang/ yul su bir
'byor ba dang ldan pa dang/

lug gsod cing 'tsho ba'i mi dang/ nags kyis 'tsho ba'i rje'u rigs
dang/ dmangs rigs dang/ rol mo mkhan dang/ mi dam pa dang/ rta
rnams dang/ yul mal la dang/ yul ma la la ba dang/ sgo 'byed cing
rku ba'i mi ngan pa rnams dang/ 'di dag la sa g.yos na gnod par
'gyur ro/ /rgyu

skar khrums smad la sa g.yos na tshong pa dang/ chu la brten pa
rnams dang/ 'gron lam du zhugs pa rnams dang/ tshong pa rgya mtsho
la gru bo ches 'gro bar chas pa dang/ sangs rgyas kyi chos la
dga' ba rnams dang/ rang gi rigs rnams dang/ chang 'tshong gi las
byed pa dang/ yul shi ba'i mi dang/

yul pa'i yo ta'i mi rnams dang/ rgyal rigs a dzu na ya na'i
rgyud dang/ yul sin d+hu dang/ yul ha nu sma dang/ kha che yul gyi
mi dang/ ri khrod zab mo na gnas pa'i mi dang/ rtse rgod na gnas
pa'i yul dang/ yul rnam pa du ma dang/ yul ta ga la dang/ bar
nang ga la'i mi dang/ lha'i bu gang

gi gnas me tog sna tshogs bye bas brgyan pa yul ri can brgyad ces
pa na skye bo du mas gang bar/ gos dang rgyan rnam pa sna tshogs
dang/ mtshon cha sna tshogs dang ldan par gnas pa las g.yos na gnod
pa 'byung bar 'gyur ro/ /rgyu skar nam gru la sa g.yos na 'thab
mo'i g.yul drag shul cher

'byung; grong phun sum tshogs pa dang ldan pa dang/ grong mi rnams
dang/ ri khrod na gnas pa rnams dang/ 'dun khang rnams dang/ yul
de ta la'i mi dang/ yul a nu sha dang/ tsa ka dang/ yul dzi ba
ra dang/ yul ma tha dang/ yul ka sha dang/ yul ban ka na zhes bya
ba na dpung gi

snyems pa'i nga rgyal mchog dang ldan pa na rlom par gnas ba gar
byed cing glu len pa dang/ smad 'tshong mas 'tsho ba dang/ yul sha
na ka dang/ yul a pir ra dang/ yul na na ti dang/ yul tsar ma
nan ti na gnas pa'i mi dang/ dmag mi dang/ dmag dpon dang/ yul mi
ti la'i grong rdal gyi mi

@44b dang; bal yul nas shar phyogs dang/ byang phyogs kyi gzer
mtshams kyi yul 'di dag la sa g.yos na gnod pa 'byung bar 'gyur
ro/ /rgyu skar tha skar la sa gsos na rta rnams la nad 'byung bar
'gyur/ grong du mi gsod pa 'byung ba dang/ mi spun nad gsod pa
'byung/ tha skar gyi do la rum du

bu cha gas pa la mi dge'o/ /tha skar gyi dus su btsas pa la mi
dge ste/ de pan chad lo gsum na mi bde ba 'byung dam/ de nas lo
bcu na 'chi bar 'gyur/ yul la ri da dang/ yul ti gar ta dang/ yul
pa na tsa la'i skye bo rnams dang/ yul ardzu na'i mi rnams dang/
yul da ru dang/ yul

da na bya dang/ yul sa ti na'i mi rnams la gnod par 'gyur ro/
/rgyu skar bra nye la sa g.yos na rkun po rnams la gnod pa cher
'gyur/ rgyan po byed pa dang/ mdud pa dang/ sgo lcags 'byed cing
rku ba dang/ me long 'tshong ba dang/ dbyig dug sbyor zhing sdud
pa'i mi dang/ 'khor lo byed pa

dang; btson srung dang/ gtum po sdig can rnams dang/ rkun po
rnams dang/ g.yo byed pa rnams dang/ mi srun pa dang/ phra ma
byed pa dang/ gdol pa dang/ rigs ngan la sogs pa'i yul gyi mtha'
na gnas pa rnams dang/ rgya yul na rgya rnams dang/ rgya dam pa
rnams dang/ yul dga'

ba bzang po zhes bya ba rnams dang/ yul sa+ya ba na gnas pa'i mi
rnams dang/ chu bo chen po si ta zhes bya ba'i 'gram na gnas pa'i
skye bo rnams dang/ mtsho ma dros pa yid bzhin zhes bya ba'i 'jig
rten rnams la grags pa de la 'dod chags dang bral ba rnams dang/
rig sngags grub pa dang/ rig

'dzin gyi tshogs rnams dang/ drang srong thub pa rnams kyis kyang
bsnyen par bya ba shing 'dzambu'i skye bo mang po gnas pa dang/
ke la se ti sa'i gangs dang/ gangs mangs te nor bu can gyi ri
dang/ spos ngad ldang ba gangs ltar go dang/ de bzhin du su ri pa
sha zhes bya ba ngos bzad ba dang/ ri dang ri sa bar ni

zhes bya ba dang/ byang phyogs ngos dang/ gling rnam pa sna tshogs
mang po dang/ ri rad rod dag na gnas pa'i gnod sbyin dang/ 'byung
po dang/ sha za dang/ dri za dang/ srin po'i tshogs mang po dag
dang/ grub pa dang/ rig 'dzin dang/ klu rnams dang/ de bzhin du
sman rnam pa stong snyed la

@45a @#/ /gnod pa 'byung bar 'gyur/ /de ltar sa g.yos pa'i rjes la
zhag bdun tshun chad du sa la phan pa'i spren sngo gnag 'jam po
mig bsku ba'i sman gyi mdog ri chen po 'dra ba las 'brug sgra zab
mor sgrog cing nye bar 'brug sgra drag la glog rnam pa sna tshogs
'gyu zhing/ nam mkha' la sngon

po shur shur po lta bu snang ba'am/ sgra 'byung ba'am/ skar mda'
lta bu med la rlung me drag pa ldang zhing tshub ma lta bu mi sdug
pa ni med/ sbrin gyi gzugs bkra shis kyi ri mo sna tshogs dang/
dpang po rdo rje lta bu snang ba dang/ nang par nyi ma 'char ba
dang/ nyi ma nub nas zla ba 'char ba'i tshe sprin gyis

ma chog par char pa dang/ nam mkha' sprin dal la snyoms pa 'jam
po'i gzugs rgyad ring por song ba glog phan tshun du 'phro ba'i
sprin de lta bu ni dge ba'i mtshan ma yin no/ /sprin 'jam la dal
snyoms te/ bar chad med cing sprin gyi gzugs lag pa mi snang ba
de lta bur snang na sprin mtshan ma de lta bu dang

ldan pa ni lha'i dbang po'i sa g.yos bar bstan pa yin no/ /de
ltar gang dang gang du sa g.yos pa'i phan gnod kyi 'bras bu'i
dmigs ni 'jigs shing dngangs pa med par yid rton la sa bon thams
cad thob shig /las dang 'tsho nam rnams kyang gyis shig /rnam par
rgyal bar 'gyur bar yad bstan

to; /tshong pa yang de'i tshe kun du song yang 'jigs pa med do/
/yang sa g.yos pa'i rjes la zhag bdun tshun chad du nam mkha' la
sprin gyis khebs te/ thar chags su sprin bal ltar dal snyoms song
la/ nub phyogs su nam mkha' la chu srn gyis pa gsod pa dang/ sbal
ba rnams dang/ nya dang/

chu srin 'dra ba'i sprin gyi gzugs snang la nang nub tu nyi ma
dang zla ba 'char ba'i tshe sprin gyis bsgribs pa med pa de ltar
snang ba'i mtshan ma ni chu'i dkyil 'khor gyi sa g.yos pa zhes bya
ste/ de ltar sa g.yos pa'i phan gnod kyi 'bras bu yang drang
srong chen pos ji ltar mthong ba bzhin du bstan par bya ste/
thang bu dang/

ri ngos dang/ zhing dang/ mtsho 'gram dang/ de dag tu sa bon thob
shig dang/ sa dma' ba dang/ ha cang chu che ba'i sa dang/ 'dam
rdzab can du btab na ni ma rung bar 'gyur ro/ /tshul de lta bur sa
g.yos pa ni bkra shis te chu'i sa g.yos pa zhes bya'o/ /yang sa
g.yos pa'i rjes la zhag bdun

@45b tshun chad du rlung drag po langs la/ nang par dang nub kar
nyi ma dang zla ba dmar ser du snang ba de lta bu'i mtshan ma
snang bar mthong na de ni rlung gi sa g.yos pa zhes bya ste/ de'i
phan gnod kyi 'bras bu bstan pa nyon cig /de'i tshe shes rab can
bdag gar yang mi 'gro bar go ste/ 'dug la mtshon cha bskyab

pa'i gcan rtsig pa dang/ 'obs brko ba gyis shig /rgyal po pha rol
po dang/ mtshams gcig tu 'dug pa dang rtsod par 'gyur te/ skye bo
la 'jigs pa 'byung bar 'gyur ro/ /de ltar sa g.yos pa thams cad
ni lhag par mi rnams la gnod pa 'byung bar bsgrags te/ de lta bu
ni rlung gi sa g.yos

pa zhes bya ba'o/ /yang sa g.yos pa'i rjes la zhag bdun tshun chad
du de'i tshe skar mda' shin tu drag po ltung ba dang/ nang nub kyi
tshe damr po gyur la/ nyi ma dang zla ba yang dmar por snang ste/
tshul de ltar mthong na de ni me'i sa g.yos pa zhes bya ste/ khyim
rnams bsrungs kyang mes tshigs par 'gyur ro/ /

du ba dang/ me dang/ mtshon rab tu 'byung bar 'gyur/ zla ba dgur
char mi 'bab ste/ zhing tha bar lus par 'gyur/ de ltar sa g.yos
pa ni ngan cing mi dge ste/ me'i sa g.yos pa zhes bya'o/ /de la
snga dro sa g.yos na rgyal po dang/ dmag gi dpung dang ldan pa/
rta dang/ glang po che dang/ dmag

dpon dang/ blon por bcas pa la mi dge'o/ /nyi ma gung la sa g.yos
na nad kyis 'debs so/ /phyi ma red sa g.yos na ba lang dang/
phyugs dang/ dmangs rigs dang/ de bzhin du rje'u rigs rnams la
gnod par 'gyur ro/ /nang par dang/ nyi ma nub pa dang/ nam gyi
gung dus mtshams su sa g.yos

na rkun po dang/ gos dmar po gyon pa'i mi rnams la mi dge'o/
/mtshan mo srod la sa g.yos na gnod pa byed pa dang/ mtha' 'khob
na gnas pa'i rkun po rnams dang/ ma ning rnams dang/ mtshan gyur
pa rnams dang/ phyug po rnams dang/ tshong spogs byed pa'i tshong
pa dang/ zhing rmed pa la mi dge'o/ /zla

ba mar gyi ngo'i nam gung la sa g.yos na gtum po drag shul can
ngan byed pa rnams la mi dge'o/ /zla ba yar gyi ngo'i nam chung
la sa g.yos na mchod sbyin byed pa'i yo byad dang/ bram ze mchod
sbyin byed pa rnams la gnod par 'gyur ro/ /sa g.yos kyi le'u ste
nyi shu bzhi pa'o// //nyi ma

@46a @#/ /dang zla ba'i 'od dang/ gzugs brnyan gyi mtshan ma bstan
pa/ yul gang du nyi ma shar ba'i tshe nyi ma dang 'dra bar nam
mkha' la snang na de'i lho byang gi phyogs kun du nyi ma'i dkyil
'khor gyi gzugs rab tu gsal ba yang ma yin/ /'od zer yang mi gsal
la/ sprin gyis kyang nam

kun chod na de ni char pa 'bab pa yin te/ dbyar gyi tshe ni nyi ma
'dra ba rtag par yang 'byung ngo/ /dus 'di ma yin pa dus gzhan
gyi tshe nyi ma 'dra bsnang na 'jigs pa 'byung bar 'gyur ro/ /yul
gang du nyi ma 'dra ba dkar po shar na yul dang bram ze rnams la
mi rung ngo/ /nyi ma 'dra ba'i kha dog dmar po

shar na rgyal rigs rnams dang/ mtshon cha thogs pas 'tsho ba la
gnod par shes par bya'o/ /nyi ma 'dra ba kha dog ser po'am kha
dog sngon por 'gyur na rje'u rigs rnams dang/ ba lang dang/
phyugs kyis 'tsho ba'i mi rnams la gnod par shes par bya'o/ /gal
te yul gang dang gang du nyi ma 'dra ba

kha dog nag por shar na dmangs rigs rnams la gnod pa dang/ char
pa cher 'gyur ro/ /gal te nyi ma'i g.yas rol du nyi ma 'dra ba
byung na lho phyogs su 'jigs pa cher 'byung/ /zhag bdun tshun chad
char 'bab par bshad do/ /nyi ma'i byang phyogs ni nyi ma 'dra bar
kha dog dkar por snang ba byung na de ni byang

phyogs kyi rgyal po la 'jigs pa cher 'byung/ /char mi 'bab/ mu ge
'byung/ phan tshun du 'thab par 'gyur/ gal te yul gang du nyi ma'i
dkyil 'khor dmar bar snang na btsod kyi kha dog ltar dmar la/ gal
te sngon po yang snang na zla ba lnga na rgyal po 'chi bar 'gyur
ro/ /de lta bu byung na de'i rjes la ltas

ngan drag po 'byung ste/ rgyal po 'thab cid gsod pa dang/ khrag
dang mkhris pa'i nad rnams kyang 'byung bar 'gyur ro/ /nam nyi
ma'i dkyil 'khor gyi nang na me skyes pa'i gzugs 'dra ba go dang
bcas pa gsal bar snang na zla ba bzhi tshun chad du rgyal po 'chi
bar 'gyur ro/ /yul der rgyal po sde dang bcas

te ma rung bar 'gyur ro/ /nyi ma'i dkyil 'khor gyi nang na zhags
pa sngon po dang/ ser po dang dmar po shar ba nam snang ba'i tshe
zla ba bzhin mi'i dbang po ma rung bar 'gyur ba dang/ yul du mi
nad kyang 'byung ste/ 'jigs pa chen po shes par bya'o/ /nam nyi
ma'i dkyil 'khor la ral gri gyen du 'greng

@46b pa; utpal sngon po'i 'dab ma dang 'dra ba chad zung dang
bcas pa gsal bar snang ba dang/ gang du zhags par snang ba de
nyid kyi 'bras bu yang 'dir bstan te/ khyad par du mi mang po
mtshon gyis 'chi bar 'gyur ro/ /nyi ma'i dkyil 'khor gyi nang na
ril ba spyi blugs lta bu'am/ reng reng po'am/

bub lta bu snang na zla ba gsum tshun chad du bram ze rnams dang/
rgyal po la yang gnod pa 'byung bar ston to/ /de'i tshe lo ma rung
bar 'gyur ba'i char mo che 'bab pa dang/ mu ge 'byung bar 'gyur
ro/ /nyi ma'i dkyil 'khor gyi nad na/ bsil yab 'dra ba dang/ yang
na sbrul 'dra ba snang na zla ba gsum

na yul du 'jigs pa drag po 'byung bar ston/ /mi sbrul gyis zin pa
rnams kyang sprul gyi dug gis phog pas mi 'tsho bar 'gyur ro/ /nyi
ma'i dkyil 'khor gyi nang na/ gal te bya rog lta bu snang ngam
'on te bya snang na bram ze rnams dang/ rgyal po la gnod pa zla
ba phyed dang gsum na 'byung bar 'gyur ro/ /

yang nyi ma'i dkyil 'khor gyi nang na bya rgod kyi gzugs dang/
gcan gzan smri gang ma ti ka'i gzugs lta bu snang na zla ba phyed
dang gnyis na gnod pa 'byung ngo/ /wa'i gzugs lta bu snang na zla
ba gcig na gnod pa 'byung ngo/ /lung bod gi gzugs lta bu snang na
zhag bcu na gnod pa 'byung ngo/ /yang nyi

ma'i dkyil 'khor gyi nang na dbyig pa lta bu'am/ gtan ba sbom po
lta bu nyi ma'i nang na snang na rgyal po phan tshun gcig pas gcig
srid che bas bsnyems pa dang/ rgya mtsho bzhi la dbang ba'i mi'i
dbang po de lta bu la mi dge ste/ /'jigs pa mngon du 'byung bar
'gyur ro/ /de ltar ltas ngan gyi 'bras bu

'byung ba'i dus nges pa bstan pa las dus der gnod pa ma byung ste
mi snang na de ni lo gcig na 'bras bu sum 'gyur du skye ste/ gnod
pa 'byung bar ston to/ /zla ba dum bur lhags sam/ mdog gyur tam/
gas pa dang/ zla ba'i gzugs chen por gyur tam/ 'phro ba dang/ rab
tu g.yo ba dang/ zla ba

tshes pa'i rwa mi gsal ba 'di rnams ltar snang na skye bo la 'jigs
pa byung ba'am skye bo la 'jigs pa 'byung bar 'gyur ro/ /zla ba
de la gza' spyang kis thams cad zin na yang skye bo la 'jigs pa
'byung bar bshad do/ /tshul 'di dang 'dra bar nyi ma la gza' zhugs
te/ nyi ma shi na yang zla ba dang 'dra bar

@47a @#/ /blta zhing bag yod par yid la bzung zhing shes par
bya'o/ /yang zla ba'i mdog thal ba 'dra ba dang/ sngo reng 'dra
ba dang/ zangs 'dra ba'i mdog dang/ mdog ser po dang/ skya bo
dang/ byi ru'i mdog tu snang ba dang/ zla ba'i mdog mi gsal ba
snang na mig nad kyi 'jigs pa 'gyur

ba dang/ mtshon gyis 'gyed pa dang/ nad kyi 'jigs pa 'byung ba
dang/ gzhan yang gnod pa 'byung bar 'gyur ro/ /yang zla ba'i mdog
dkar la snum zhing gsal bar snang na phyogs su bde ba dang char
che ba dang zhi bar 'gyur ro/ /de ltar zla ba 'gro ba dang/ bya
ba dang/ gnas pa dang/ zla ba'i tshad dang/ mdog

gyur pa dang/ tshul dang/ za ba rgyu ba yang sems can gyi bsod
nams ma yin pa byas pa'i 'bras bu mu ge dang/ mtshon dkar 'gyed pa
dang/ 'chi ba dang/ tshegs 'byung ba'i gnod pa 'byung bar ston to/
/mtshan mo zla ba tshes pa nas gza' rnams kyis zla ba'i steng na
phar thal te song na de rnams kyi gnod

pa'i dmigs pa so sor bstan te/ spyir ni rgyal po dang/ mi dam pa
ma rung bar 'gyur/ /char pa ha cang che ba dang/ bla ma ma rung
bar 'gyur ba dang/ rgyal srid ma rung bar spyir ston to/ /zla
ba'i steng na pa sangs kyis mnan te song na rgyal po ngan pa ma
rung bar 'gyur ro/ /zla ba'i thog nas mig dmar dang

spen pas non te song na bkres pas 'jigs pa dang/ kho na drag shul
can du 'byung ba dang/ rab tu 'jigs pa 'byung bar 'gyur ro/ /zla
ba la phod mjug rings kyis non te song na mu ge dang/ mtshon gyis
'gyed par ston te/ /zla ba la gza' lag gis non te song na lo legs
pa dang/ bde bar

'gyur ro/ /de ltar zla ba'i steng na phar gza' rnams kyis non
cing phug ste song ba'i 'bras bu de ltar bstan pa yin no/ /gza'
rnams kyis zla ba phug ste song ba de'i 'bras bu ni zla ba gzas
phug pa las zla ba'i gzugs cher skyes la 'od lhag par chen de ni
rgyal ba zhes bya'o/ /gal te pham par gyur te/ mthu

rtsal bri ba na zla ba 'dar zhing g.yon pham pa zhes bya'o/ /de
la pa bsangs kyis phug ste song na yul man tra dang/ yul ban tra
tsam dang/ yul ga ga d+hA dang/ yul da mo tra dang/ yul ku ba ra
dang/ mar gyi yul dang/ yul sa ra ga ra dang/ yul kha sha dang/
yul bu lin tra dang/ yul ke ke la

@47b dang; kha che'i yul dang/ par sig gi yul dang/ ri khrod na
gnas pa rnams dang/ bud med rgyal mo byed pa'i yul dang/ yul u
pa tri tra dang/ yul ang ga dang/ yul u tu kur tsa dang/ yul su
tsa dang/ yul su shi na ra dang/ yul pu ru sha dang/ yul bu lin
ha dang/ bal yul dang/

ba lang rdzi la sogs pa rnams dang/ yul pra ta na dang/ yul sta
la da na dang/ bcu la gnas pa'i mi rnams dang/ gangs ri'i lho
phyogs kyi ngos la gnas pa'i mi rnams la zla ba bdun tshun chad
kyi gnyen dang bcas pa rnams ma rung bar 'gyur ba 'byung bar
'gyur ro/ /nam zla ba 'od gsal ba la phur

bus phug ste song na yul pa sa ta dang/ yul sin d+ha dang/ yul gan
d+hA ra dang/ ri khrod na gnas pa'i mi rnams dang/ bag le'i yul
dang/ sog le'u yul gyi lung pa'i ljon nas ri khrod pa brgya stong
snyed dang/ kha che yul gyi mi la zla ba bcu tshun chad kyis gnod
par the tshom med par 'gyur ro/ /

nam zla ba'i 'od gsal ba mig dmar gyis phug na rgyal po yul gzhan
du 'gro ba'am/ rgyal srid bya bar brtson pa'am/ rgyal srid byed
par zhugs pa la ma rung bar 'gyur ro/ /bzhon pa'i rta rnams zad
par 'gyur/ /phan tshun du dbye zhing gnod pa dang/ dug dang mtshon
mang pos ma rung bar

'gyur; yul a yo dang/ yul pu lin dang/ yul ka ling ka'i rgyal po
rnams dang/ yul pu ri dang/ yul sha ka ti mi ta'i skye bo rnams
ma rung bar 'gyur ro/ /yul te gar ta dang/ yul ma la ya ba dang/
yul ku ra dang/ yul pa tad tsa ra dang/ yul shi ba ya'i mi rnams
dang/

dmag dpon rnams dang/ mi'i tshogs rnams dang/ dmag gi tshogs rnams
dang/ dpung dang ldan pa'i dus dang/ dang tshul la sogs pa dang
ldan pa'i mi rnams dang/ yul lho phyogs na gnas shing rten pa'i
mi rnams la zla ba drug gis 'jigs pa 'byung bar ston to/ /nam zla
ba gza' spen

pas phug ste song na bram ze gtso bo dang/ rgyal po gdugs thogs
pa 'thab mo'i g.yul du 'jug /'thab par byed/ blon po dang bcas/
/sde'i gtso bo dpon tshan rnams 'thab par 'gyur/ /grong rdal dang/
tshod ba lam du zhugs pa dang/ yul a tsu ta'i mi dang/ yul go'u
sa'i mi dang/ yul

@48a @#/ /a bi sha ha'i mi dang/ yul ga shud tra'i mi dang/ yul
ma la ba dang/ yul a pi ra dang/ mya ngan rnams dang/ yul mang
ba rnams dang/ ba lang dang/ bong bu dang/ rnga mo dang/ 'di
rnams rgyal mtshan du byed pa'i yul rnams ma rung ba dang/ yul rus
pa can du 'gyur

ro; /yul de rnams kyi mi la zla ba bcu bzhi na sdig pa zhi ba
dang ldan pa yin no/ /nam gza' lag gis zla ba phug na lo legs/
nad med char pa legs par 'bab/ skye bo la gnod pa med cing bde ba
dang/ zhi bar 'gyur ro/ /zla ba phod mjug rings kyis phug ste
song la/ gal te skar thod las

dud pa 'thul na mi dpa' bo dang/ mtshon gyis 'tsho ba rnams dang/
chom rkun byed pa'i mi rnams gzhan gyi mthu rtsal dang/ gnod pa
dang/ drag shul gyis 'chi bar 'gyur ro/ /yang gal te zla ba de la
gza' gzhan gyis 'bugs shing zla ba'i ngos la 'dud cing reg par
song na mtshon gyi gnod pa sna

tshogs mang po 'byung ngo/ /la te zla ba'i nang du gza' rnams song
ste nub na rgyal po 'chi ba dang/ lus dang nor yang ma rung bar
'gyur ro/ /yang btsas pa'i bla skar gyi nang du gza' spyang ki
zhugs pa 'am/ /zla ba la gza' spyang ki zhugs la skar mda' zla ba
la phog na rgyal po 'chi'o/ /zla ba dang

gza' gnyis kyi 'od zer phrad pa dang/ gza' zla ba'i thog na phar
non te reg par song na gsar du zhugs pas snga na gnas pa rnams
pham par byed pa dang/ rgyal pos skye bo rnams 'joms shing za bar
'gyur ro/ /zla ba me tog padma dang me tog ku mu da dang 'dra/
/tshes grangs bzhin du zla ba skye zhing shas

cher snang na/ dkyil 'khor 'od zer ldan te nyams pa med par 'gro
ba yin/ de ltar 'od zer bsil ldan mi rnams rgyal bar 'gyur/ /zla
ba 'char zhing 'gro bar bshad pa'o// //rgyu skar dang/ rgyu skar
gyi khyim gyi nang du gza' mig dmar zhugs pa'i mtshan ma bstan pa/
rgyu skar rgyu skar

gyi khyim gang yang rung ba'i nang du gza' mig dmar 'od kyi mdog
'jam pa dang ldan zhing chen por 'gyur te/ zla ba brgyad dam/ zla
ba bdun gyi bar du zhugs shing 'dug pa las 'od kyi kha dog dang/
bongs che ba nyams na de ni mi dge ba yin te/ rgyu skar gang dang
gang gi nang du gza' mig

@48b dmar zhugs pa de nyid la gnod par 'gyur ro/ /gza' mig dmar
tshul de lta bur zhugs pa ni skye bo rnams la gnod par 'gyur ro/
/yang gza' mig dmar yon par 'gro zhing 'jug pa dang/ phyir yang
'khor zhing zhugs pa dang/ mig dmar gyi 'od dang mdog nyams pa
dang/ gza' mig dmar

rgyu skar dang nye zhing 'od 'dres pa dang/ mig dmar las dud pa
'thul ba dang/ 'bar ba dang/ mig dmar gyi rtse mo lus 'od zer
dang ldan par 'gyur ba dang/ phan tshun du 'pho zhing 'gro ba'am/
lam gcig tu 'dug la 'od dmar po 'am/ yang na dud pa mi sdug pa
cher 'thul na gnod pa byed pa 'dod pa de ni rgyal po 'chi bar
'gyur ro/ /

yang na gza' mig dmar 'od dmar po 'bar na 'byung po thams cad la
mi rung bar 'gyur ro/ /yang na gza' mig dmar nam mkha' la rgyu
zhing shar nub ltas mi snang bar 'gro na/ mi rigs bzhi rnams
'jigs par 'gyur/ /gang dang gang gi rgyu skar nang du zhugs so/
/de ltar mi snang na mi de dag la gnod par 'gyur ro/ /nam gza'
mig dmar rgyu skar

dang; skar ma kun gyi nang du 'od kyi mdog bzang por snang na/ mi
rigs bzhi thams cad la phan par 'gyur ro/ /mig dmar gyi mdog
dang/ 'od nyams na mi dge ste ngan par blta'o/ /yang gza' mig
dmar yon por 'gro zhing 'jug pa tsha ba zhes pa bya ba dang/ gdong
mchi ma can zhes bya ba dang/ sbrul zhes bya ba dang/ gdong dmar
po zhes bya ba dang/ mig dmar

yon por 'gro bar drag shul can zhes bya ba dang/ de bzhin du gtun
bu zhes bya ba dang/ mig dmar shar ba rgyu skar bdun gyi nang du
zhugs pa dang/ yang na rgyu skar dgu'am yang na rgyu skar brgyad
kyi nang du zhugs pa las phyir log na de ni yon po tshang ba zhes
bya'o/ /mig dmar de ltar zhugs pa la de'i tshe khang thog gi thad
ka'am nags tshal gyi tor to'i

ka nas mig dmar rtag tu rgyal ba bzhin du 'dug la/ nag gu reng
reng po zhig tu gyur na rims nad kyang 'byung/ /rab tu dga' ba
med par byed/ /gang dag me'i las kyis 'tsho zhing btso ba dang/
sreg par byed pa de dag kyang me shor shing thar pas skye bzad
par 'gyur ro/ /rgyu skar bcu gcig gam yang na rgyu skar bcu 'am
yang na bcu gnyis kyi nang du

zhugs te 'dug na de ni gza' 'dra po yon por zhugs pa gdong 'chi
ma zhes bya ste/ gza' de ltar zhugs pa na sprin du char pa 'bab
ste/ char legs par 'bab kyang gzhan gyis gnod pa byas bas pham
par mi 'gyur/ /mi'i lus kyi srog gzung lnga yang nad can du 'gyur
ba de'i phyir na nad mang po 'byung bas mi kun rid cing skems pa
dang/ 'jig

@49a @#/ /rten du mi rnams la nad mang po 'byung bar 'gyur ro/
/rgyu skar bcu gsum mam yang na rgyu skar bcu bzhi'i nang du gza'
mig dmar zhugs pa las slar log na de ni yon po sbrul zhes bya
ste/ glang po che rnams dang/ sprul po che dang sbrul rnams kyis
gnod pa byed par 'gyur/ mtshon gyis smras pa rnams mi 'tsho/ /sman
dang 'bras bu rnams

dang; ldum bu rnams legs par smin cing 'khrungs par 'gyur/ char
snyoms par 'bags bon thams cad rab tu 'khrung ngo/ /yang rgyu
skar bco lnga'am/ bcu drug gi nang du gza' zhugs na/ gang 'drag
shul can de gdong dmar po zhes bya ste/ rgyal po phan tshun 'thab
cing g.yul bkye ste/ mtshon gyis smas pas de'i tshe sha khrag gi

'dam du 'gyur ro/ /yang gza' mig dmar rgyu skar bcu bdun gyi nang
du zhugs te/ phyir log na de ni drag shul can dang/ gtun bu drag
po zhes bya ste/ de'i tshe na skye bo mang po rnams snying rje
med/ /snying brtse ba med/ /bka' khrims dang/ chos lugs med de/
/de'i dus ni skye bo rnams gcig la gcig ral gri dang/ mdung bus
'debs

shing 'phel bar 'gyur ro/ /gzhan yang gza' mig dmar gza' drug tu
'pho zhing 'gro ba tshangs pa skye dgu'i bdag po ltar rab tu ston/
/de lta bu la mig dmar de song ngam/ /'dug gam/ yod dam/ med dam
byar yang mi rung ste/ de la nam zla ba gsum gyi bar du gza' mig
dmar rab tu sang na de'i tshe skye bor mis nad kyis ma rung ba
dang/

sa'i bcud zad par 'gyur ro/ /gza' mig dmar bong sa chung du
'gyur/ /rnam par gzer bar 'gyur/ /rnam par gnod par 'gyur/ /dkyil
'khor chung dur gyur par yul phyogs gang na snang ba de'i tshe mig
dmar phan pa zhes bya ste/ de ni yul phyogs su gnod par 'gyur ro/
/gza' mig dmar de ltar gyur na me'i las dang/

me la rjed pa'i las byed pa'i mi dang/ yul ma le bya'i mi dang/
yul ku sha'i mi dang/ yul nya sha'i mi dang/ yul bi ti'i mi dang/
yul sa la da mi'i mi rnams dang/ yul la ba'i mi dang/ yul mog
tu'i mi dang/ yul lta'i rjed pa'i mi rnams dang/ yul mo gu ra
dang/ yul me'i dbang po zhes bya ba dang/ yul sba ra zhes pa 'di

rnams la gza' gzhan gyis gza' mig dmar pham par byas nas yul de
rnams kyi mi la gnod par 'gyur ro/ /gza' mig dmar 'jug pa bstan
pa'o/ /Ar+ya sha ru la karNI nang nas gza' skar gyi ltas
'byung ba btus pa/ ltas dang mtshan ma dge bar gyur cig /rdzogs
so// //

@49b @##/ /rgya gar skad du/ yu d+ha dza yA rNa ba tantra rA dza
sba ro da ya nA ma/ bod skad du/ g.yul las rnam par rgyal ba
zhes pa'i rgyud kyi rgyal po dbyangs 'char ba zhes bya ba/ 'phags
pa 'jam dpal gzhon nur gyur pa la phyag 'tshal lo/ /rje btsun ye
shes 'od zer gyis/ /

'gro ba mun par ldongs pa rnams/ /rmongs pa thar mdzad 'dren pa'i
gtso/ /zhi ba nyi zer gus phyag 'tshal/ /dpal ldan kai lA sa ri
la/ /lha mchog bcom ldan 'das bzhugs te/ /lha mo gangs ri'i sras
mo yang/ /myur du gtso bo mnyes byed brtson/ /grub pa'i tshogs
mnyam

thams cad dang/ thub pa'i tshogs rnams 'ongs shing 'dus/ /'jig
rten don gnyer 'dus pa kun/ /ston pa'i mdun na mnyan 'dod 'khod/
/lha mos gsol ba/ /bcom ldan lha yi lha mchog gtso/ /ri bong can
ni spyi bor 'dzin/ /dbang phyug chen po ye shes don/ /dkar

mo bdag la rnam par 'bye/ /mchog tu dga' ba gsang ba can/
/dbyangs 'char zhes bya gsang ba'i rgyud/ /khyod kyis bdag la
sngar gsungs pa/ /skye bo blo gros dman pa la/ /rgyas min shin tu
gsal ba ni/ /'dod pa'i don kun sgrub byed pa/ /dbang phyug che la
bdag gsol bas/ /

mdor bsdus pa ni bshad par gsol/ /lam lda rnam par shes pa dang/
/dbyangs dang gsal byed 'char ba las/ /stobs kyi bye brag ji ltar
lags/ /gza' gnas dus sbyor 'char ba yis/ /dge dang mi dge ba de
dang sdug/ /de bzhin rnyed dang mi rnyed dang/ /'tsho dang 'chi

ba de bzhin ci/ /de bzhin rgyal dang 'pham pa dang/ /'gro dang
'ong ba'i bye brag ci/ /rang gi lus kyi sbyor ba yis/ /gzhan gyi
sems dang khu tshur gyi/ /de bzhin bye brag shes pa dang/ pho nya
yis ni smras pa yi/ /ming gi dbyangs dang gsal byed kyi/ /bye
brag so sor shes

pa dang/ /'dri byed ming gi skar ma dang/ dus sbyor bye drag ji
ltar lags/ /sha la ka yi 'khor lo dang/ /de bzhin a pa ka ha Ta/
/dus kyi 'khor lo ji lta bu/ /tshe yi gnas skabs ji ltar lags/
/skye ba brtag pa'i bye brag rnams/ /nges par bdag 'tshal bshad du

@50a @#/ /gsol/ /lam dang rdon pa'i 'khor lo dang/ /dkar po'i
'khor lo ji ltar lags/ /rma la rtse gsum 'khor lo ci/ /skar mas
rigs rnams shes pa ci/ /'dab chags 'khor lo ji lta bu/ /tshangs
pas sbrul gyi 'khor lo dang/ /seng ge gdan gyi

bdag nyid ci/ /mda' gzhu ral gri'i 'khor lo dang/ /bum pa'i 'khor
lo de bzhin ci/ /padma'i 'khor lo rdzong 'khor lo/ /sgra gcan
'khor lo bdag la gsungs/ /spen pa dang ni bya khyung dang/ /bkris
pa'i 'khor lo lha chen ci/ /ming gi gsal byed phyogs mtshams

su; /rgyal ba'i 'khor lo bshed du gsol/ /dus sbyor phyed pa shes
pa dang/ zla ba'i snyigs ma gnas pa dang/ /klu rnams 'char ba ji
ltar lags/ /bdag ni khyod mnyes byed spro bas/ /dbang phyug lha
yi lha mchog la/ /ji ltar bdag gis zhus pa'i don/ /

gnang na dkar mo bdag legs nyan/ /lha chen nges par bshad du
gsol/ /bcom ldan 'das kyis bka' stsal pa/ /khyod kyis ji ltar
zhus pa bzhin/ /thams cad rim pas gsal bar bshad/ /dbyangs dang
gsal byed gza' rnams ni/ /mdzes ma khyod la bdag

gis bshad/ /'khor lo mtshan nyid thams cad dang/ /rigs ldan mtshan
nyid mtha' thug pa/ /khyod la dgos pa gang yin pa/ /mngon sum
nges par bshad par bya/ /sngon tshe lha dang lha min dag /ba spu
ldang ba'i g.yul 'gyed tshe/ /lha yi dbang pos bdag la dris/ /'di
bshad

lha min pham par byas/ /bstan bcos gsang ba chen po'i rgyud/
/g.yul las rnam par rgyal bar grags/ /gzhan du rdzogs par ngas ma
bshad/ /gsang chen 'khor lo ma lus pa/ /thub pa'i tshogs rnams nga
la nyon/ /'di la gtso mo dga' bar gyis/ /rgyud rnams kun du

sbas pa ste/ /gsang ba las kyang ches gsang ba/ /gang gis dbyangs
'char mi shes par/ /g.yul las rgyal bar 'dod pa ni/ /mkha' la khu
tshur bsnun 'dod dang/ /smig rgyu'i chu ni snyegs pa bzhin/ /mdzes
ma ji ltar 'jig rten du/ /dus kyi lha rnams 'char ba la/ /

@50b brtag dpyad med par 'jug pa ni/ /blun por nges so rdzong lha
mo/ /dus kyi bdag po rnams 'byung bas/ /brtags shing dbyad nas
'jug par bya/ /shis dang mi shis thams cad kyi/ /mtshan nyid rnams
ni ston par byed/ /gcig tu yid ni dag pa la/ /mi rtog phyir na
'di mi

dgos/ /lus nad rlung gi bye brag gis/ /dus gsum 'bras bu shes par
byed/ /des na nang gi rlung la ni/ /mnyam par gzhag la rig par
bya/ /gang tshe g.yul du chas pa na/ /sems ni dang zhing mdzes pa
dang/ /spro zhing gsal ba dge ba yin/ /rnga la rang sgra byung ba
na dge/ /ral gri

la sogs mtshon cha rnams/ /gsal zhing rang sgra 'od 'bar dge/
/rgyal mtshan ba dan rta dang glang/ /sgra 'don gsal zhing stobs
'byed dge/ /mdun nas brtan g.yo'i rang bzhin yang/ /rang gis
brtags la shes par bya/ /de las bzlog na mi shis pa/ /rol mo
brdungs kyang sgra mi

gsal/ /rlung rnams rgyud las bzlog pa dang/ yid ni ldang kyog mya
ngan zin/ /rol mo mtshon cha la sogs rnams/ /ral dang chag sogs
ngan pa yin/ /gang tshe tshong la chas pa na/ /de tsho zong la byi
bas zos/ /chag gam stor ram mi mdzes pa/ /mi shis ltas mthod log
par bya/ /

de bzhin dgos don bya ba kun/ /ltas kyi dge dang mi dge dpyad/
/tshes la dbyangs dang gsal byed dang/ /rgyu skar gza' rnams 'char
bar 'gyur/ /rnal 'byor pa gang yid nang chud/ /mnyam nyid dbyings
nas me bzung la/ /rang gi lus la gnas pa yi/ /lam lnga ston no
lhas mchod

ma; /'dir ni rgyas par ma bstan te/ /cung zad tsam zhig bstan par
bya/ /lus can rnams kyi zhag gcig la/ /stong phrag nyi shu rtsa
gcig dang/ /brgya phrag drug gi lhag pa'i dbugs/ /rgyu ba'i
grangs su shes par bya/ /dbugs 'byung 'jug dang bar ma ste/
/dbugs zhes bya bar yongs su

grags/ /dbugs drug chu srang zhes bya ste/ /drug cu la ni dbyu gu
gcig /dbyu gu drug cu zhag gcig yin/ /tha mal gnas pa rig par
bya/ /de la 'pho ba bcu gnyis te/ /thun ni brgyad du bstan pa
yin/ /g.yas dang g.yon pa'i lam lnga las/ /dkyil 'khor lnga ni
rnam par

@51a @#/ /rgyu; /g.yas nas sa la sogs pa ste/ /nam mkha' la sogs
g.yon nas rgyu/ /sa sogs dkyil 'khor re re la/ /drag po rkang pa
dang ba cas kyis/ /nyung ba'i sum brgya drug cu'o/ /nyung ba dbu
ma'i khams su grags/ /mi mnyam pa dang mnyam pa'i khyim/ /

lug dang glang sogs rim pa bzhin/ /dus mda' rkang pa dang bcas
pas/ /nyung ba'i brgya phrag bco brgyad lam/ /nyung ba dbu ma'i
lam du grags/ /de ltar 'pho ba bcu gnyis la/ /bdun cu rtsa lngas
lhag pa yi/ /drug brgyar rab tu grags pa yin/ /mdor na dbu ma'i
lam nyid nas/ /

sum cu gnyis kyi cha shas gcig /dman pa rnams la 'chi ster zhing/
/rnal 'byor ba la mchog ster 'gyur/ /nyi ma zla ba'i lam gnyis
po/ /lho dang byang gi bgrod pa ste/ /dkyil 'khor lnga ni rab tu
rgyu/ /byang gi bgrod pa zla ba la/ /nam mkha' me chu sa rlung
ni/ /dbus dang steng

'og ka ba dang/ /zur la brten nas rim pa bzhin/ /nam mkha' lug gi
khyim yin te/ /me ni glang du yongs su grags/ /chu ni nya yi 'pho
ba yin/ /sa ni bum pa zhes bya ste/ /rlung ni 'khrig par yongs su
grags/ /zla rgyu byang bgrod chu srin no/ /nam mkha' dbus ma'i
spyor ba ste/ /me

ni grub pa'i sbyor zhes bya/ /chu ni bdud rtsi'i sbyor bar brjod/
/dngos grub sbyor ba dbang chen po/ /phun sum tshogs pa'i sbyor ba
rlung/ /pa sangs zla ba gza' lhag dang/ /phur bu rim bzhin mkha'
ma gtogs/ /bzhi dang bcu drug bcu gnyis dang/ /brgyad kyi sor du
yongs su grags/ /lho yi bgrod pa'i nyi ma

la; /dkyil 'khor snga ma'i rim pa las/ /nam mkha' srang gi khyim
du brjod/ /me ni sdig pa'i dus sbyor to/ /chu ni bu mo'i 'pho ba
yin/ /sa ni seng ge'i khyim du grags/ /rlung ni gzhu zhes de
bzhin no/ /lho bgrod nyi ma kar ka Ta/ /nam mkha'i 'jigs byed
sbyor ba ste/ /me ni 'chi ba'i

sbyor bar grags/ /mi shes pa yi sbyor ba chu/ /dbang chen gyis ni
sreg sbyor ba/ /rlung ni mya ngan sbyor bar bshad/ /mig dmar dang
ni spen pa dang/ /de bzhin nyi ma sgra gcan rnams/ /nam mkha'i
lhag ma rim pa bzhin/ /de nas gzhan dag 'pho ba ni/ /stong dang
brgyad brgya'i grangs

@51b la ni; /g.yas nas lug sogs mi mnyam drug /g.yon nas glang
sogs mnyam pa drug /rim pa bzhin du 'pho 'gyur te/ /rags pa'i cha
la bstan zhes zer/ /de ltar nang gi 'pho ba la/ /dge dang mi dge
la sogs rnams/ /'dri bar byed pa'i skye bo la/ /legs par brtags
te bshad

par bya/ /de nas gzhan yang bshad par bya/ /lam lnga'i mtshan nyid
bzang po mchog /sa yi lam gyis rgyal srid de/ /nor dang 'bru dang
longs spyod dang/ /rgyal dang phun sum tshogs pa dang/ /rnyed pa
thob dang sdud par byed/ /chus ni don rnams 'grub par ston/ /yid
la bsams pa thams cad

kyi; /'dod pa'i don bsgrub kun byed pas/ /mdzes ma de ltar yid la
gzung/ /me yi lam nas rgyu ba las/ /bkres skom ngal du ba sdug
bsngal byed/ /bya ba thams cad nyams 'gyur zhes/ /shes par gyis
shig bzang mo kye/ /rlung gis 'thab rtsod skyo dang rmongs/ /nor
zad byes 'khyams gdung

bar byed/ /zla ba dang ni nyi ma dang/ /sgra gcan lam nas rgyu ba
la/ /bzang ngan bye brag shes par bya/ /dug sogs gzhom dang rgyal
la sogs/ /zla ba'i rgyu bar rab tu bsngags/ /g.yul bsham rol
rtsed ston mo dang/ /gcad bsreg btsol sogs pa dang/ /dbang dang
dgug pa'i las la ni/ /nyi ma'i

stobs ni bsngags pa yin/ /gnyis ka'i bdag nyid ston byed pas/
/shis dang mi shis nges med par/ /sgra gcan the tshom can zhes
bya/ /mdzes ma zla ba'i lam rgyu la/ /skye bo nyi ma'i phyogs nas
'dri/ /'dod pa'i don ni nyams par 'gyur/ /nyi ma las rgyu zla bar
gnas/ /snga ma bzhin du don med

'gyur; /gang nas nyi ma zla ba rgyu/ /der gnas 'dri ba'i skye bo
ni/ /bsam pa'i don kun 'grub par 'gyur/ /gal te gnyis kar gnas pa
las/ /'dri na the tshom can zhes bya/ /lam lnga la ni rgyu ba
gsum/ /'gro dang 'ong dang gnas pa'o/ /'dri bar byed pa'am rang
gi'ang/ /'ong bas thams cad dge

ba ste; /'gro bas ngal ba don med 'gyur/ /gnas pa la ni the tshom
'gyur/ /lam lnga rnam par rgyu ba las/ /dge dang mi dge mkhas pas
brtag /chu dang sa dang me dang ni/ /rlung gi dkyil 'khor rgyu ba
las/ /zhi rgyas dbang dang dgug pa dang/ /gsad dang bskrad sogs
shes par bya/ /lam

@52a @#/ /lnga'i de nyid mi shes par/ /bya ba thams cad mi 'grub
ste/ /de yi sbyor ba mi shes par/ /de yi ngal ba don med 'gyur/
/rlung ni thams cad byed pa ste/ /rtog ge ba yis mi shes so/ /lha
mo 'di rnams legs bzung la/ /dge dang mi dge bshad par gyis/ /lha
mos gsol ba/ dbang

phyug chen po bcom ldan 'das/ /lha yi lha mchog thams cad mkhyen/
/lam lnga legs par khyed kyis gsungs/ /da yang bdag la cung zad
tsam/ /zhu ba mchis pas gsan du gsol/ /dbyangs dang gsal byed
'char ba ci/ /dbyangs kyi grangs ni du zhig mchis/ /de bzhin gsal
byed grangs ni

du; /ring thung bye brag ji ltar 'char/ /dkar nag phyogs la gang
'char lags/ /bdag gis mi shes lha khyod la/ /nges par the tshom
med par yang/ /ma lus pa ni bdag zhu bas/ /de rnams mthar thug
bshad du gsol/ /bcom ldan 'das kyis bka' stsal pa/ /ji ltar khyod
kyis bdag zhus pa/ /

thams cad bshad kyis mnyan par gyis/ /dbyangs dang gsal byed
bzang po rnams/ /ji ltar 'char ba'i nges pa ni/ /dpyid zla 'bring
sogs zla ba yi/ /bcu drug nas bzung stong gi bar/ /dkar phyogs
zhes byar ri sras mo/ /de yi tshes gcig nas brtsams te/ /nya yi
bar ni nag phyogs 'dod/ /de

la dpyid 'bring zla bar grags/ /de ltar rim bzhin shes par bya/
/de la dpyid 'bring la sogs pa'i/ /tshes la 'char ba'i dbyangs
rnams ni/ /a yig dang ni i yig dang/ /de bzhin gsum pa u yig
ste/ /e yig lha mo yid 'phrog ma/ /o yig dang ni lnga ru 'dod/
/de ltar nga yis dbyangs su

brjod; /dbyangs kyi rang bzhin rim bzhin du/ /sa dang chu me
rlung dang ni/ /nam mkha'i sbyor bas shes par bya/ /dri dang ro
dang gzugs dang ni/ /rig bya sgra rnams rim bzhin dran/ /dbyangs
lnga zhes bya lha chen ma/ /bya ba kun la shes par bya/ /ring ba
lnga rnams dkar phyogs la/ /lan gsum du yang

'gyur ba yin/ /ka nas ha yi mthar thug pa/ /pa nya Na gsum spangs
pa yis/ /gsal byed phyogs gnyis dag las 'char/ /dkar phyogs nag
phyogs dag la yang/ /mdzes ma yi ge sum chur 'gyur/ /gsal byed ka
nas nga yi bar/ /dkar po'i phyogs la rim bzhin 'char/ /dkar
phyogs

@52b ring ba lan gsum ste/ /ka sogs rnams dang lan gcig 'gyur/
/dkar po'i phyogs kyi tshes rnams dang/ /nag po'i phyogs kyi tshes
la yang/ /dga' ba nas ni brtsams nas su/ /lan gsum du yang 'char
ba yin/ /r-i r-I l-i l-I spangs pa yi/ /dbyangs yig thung du lnga
po rnams/ /nag po'i phyogs

la 'char ba ni/ /d+ha sogs rnams dang lhan cig 'char/ /so so'i
tshes kyi byed pa rnams/ /bdag por lan gsum du yang 'gyur/ /dzan
ma ha ni an ta ka /dzan ma ha ni rim pa bzhin/ /byis pa gzhon nu
lang tsho rgyan/ /smin te shi ba rim pa bzhin/ /a sogs dbyangs
kyi bye brag dang/ /tshes ni lnga la

rim pas sbyar/ /byis pa rgan pa la sogs la/ /dar rgud las kyi bye
brag byed/ /tshes la 'char ba'i dbyangs rnams dang/ /ming gi
dbyangs rnams sbyar bar bya/ /dpyid 'bring dkar phyogs sogs
brtsams nas/ /dbyangs rnams 'char ro lha mo kye/ /nyin zhag bdun
cu rtsa gnyis la/ /dbyangs ni re re 'char

bar 'gyur/ /de bzhin zhag ni bcu gnyis la/ /dbyangs ni re re
'char ba dang/ /de bzhin zhag lnga dag la yang/ /dbyangs rnams
'char bar 'gyur ba dang/ /nyin re bzhin du dbyangs re 'char/
/thung dang ring pa'i dbyangs lnga po/ /nyin lnga mtshan lnga
'char ba'ang dran/ /lnga dang sum cu bdun cu gnyis/ /rags

pa phra ba'i dbye ba yis/ /'char bar 'gyur ro dkar mo kye/ /dkar
nag phyogs kyi so so la/ /gsal byed re re 'char ro kye/ /nag po'i
phyogs kyi zla byed la/ /ri bong can dang dus drug dang/ /drag
po'i tshes grangs rnams la yang/ /dga' ba dang ni a yig dag /nag
po'i phyogs la thung rnams 'char/ /

mig dang thub pa nyi ma la/ /bzang po'i ming can tshes dang ni/
/dbyangs kyi yi ge gnyis pa ni/ /so sor skye zhing 'char bar
byed/ /me dang bkra shis 'dod tshes la/ /rgyal ba zhes byar grags
pa dang/ /u zhes 'byung ba'i dbyangs yig 'char/ /bzhi yi nyin
zhag bu ga dang/ /de bzhin bcu bzhi'i nyin zhag

la; /stong par brjod pa'i tshes dang ni/ /e yi yi ge dbang bye
brag /mda' dang phyogs zhes bya ba dang/ /de bzhin bco lnga tshes
grangs la/ /rdzogs ba zhes pa'i tshes dang ni/ /dbyangs yig o ni
nges par 'char/ /dkar po'i phyogs kyi chos grangs la/ /a sogs
lnga ni 'char bar dran/ /sngar bzhin brjod

@53a @#/ /pa'i tshes rnams la/ /lha mo ring por shes par gyis/
/dga' ba bzang po rgyal ba dang/ /stong pa rdzogs pa'i bye brag
la/ /mig dmar gza' lhag pur bu nyid/ /pa sangs spen pa rim bzhin
sbyar/ /dkar nag phyogs kyi bye brag la/ /dbyangs dang gsal byed
'char bal/ /rang bzhin

dbang gis dge mi dge /bar ma'i 'bras bu ma mthong bar 'gyur/
/dga' ba'i tshes la mig dmar dang/ /rgyu skar smin drug a yig
rnams/ /'dzom na dang po'i ming yig a/ /na 'chi rma 'byung 'bras
bu med/ /bzang po'i tshes dang gza' lhag ces/ /rgyu skar ma chu
dang a yig dbyangs/ /'char tshe i yig

ming can rnams/ /nyon mongs 'gyur te snga ma bzhin/ /rgyal po'i
tshes la bla ma'i gza'/ /rgyu skar skag 'char u yig dbyangs/ /u
yig ming can srog mthar byed/ /bag[?] ma la sogs 'bras bu med/
/stong ba'i tshes dang pa bsangs/ /rgyu skar mon gru de bzhin te/
/dbyangs ni i yig 'char ba la/ /e

yig sngar bzhin 'bras bu med/ /rdzogs pa'i tshes la spen pa dang/
/rgyu skar bra nye nyid 'byung ni/ /dbyangs yig o 'char dus su
ni/ /ming ni o can myur du brlag /dga' ba'i tshes la nyi ma'i
res/ /a dang ming can nad yun ring/ /bzang por zla ba'i res la
ni/ /i dang de ming de bzhin no/ /rang sa

nas ni lnga ba la/ /nus par 'gyur ro dka' zlog ma/ /a ni o la
nub pa ste/ /i ni a la de bzhin no/ /u yang i la rab tu nub/
/e ni u yi dbyangs la nub/ /u ni nub ba e zhes bshad/ /mdor
nas ni nam mkha' la/ /chu nis la nub par 'gyur/ /de bzhin du ni
shes par bya/ /rtsod

pa nad dang g.yul 'gyed dang/ /bya ba kun la shes par bya/ /'char
ba'i dus su dge ba ste/ /nub dus mi shis par yad dran/ /byis
gzhon lang tsho rgan dang 'chi/ /gnas skabs lnga ru brjod pa yin/
/rang sar byis par grags pa ste/ /gnyis pa gzhon nu gsum la 'tsho/
/bzhi pa rgan te lnga pa shi/ /bye

brag so sor shes par bya/ /gsal byad nub na nad 'byung ste/
/dbyangs ni 'chi ba ster bar byed/ /lus dang srog gi dbye ba yis/
/gsal byed dbyangs la shes par bya/ /gzhan yang phyogs kyi bye
brag ni/ /shar du i yig lho phyogs su/ /e yi yi ge 'char bar
'gyur/ /u yig nub tu 'char ba ste/ /byang du

@53b e ni 'byung zhing 'char/ /dbus su o yig zhes byar grags/
/dbyangs dang gsal byed 'char phyogs su/ /'gro ba bya ba kun la
spang/ /de ltar dbyangs rnams gang 'char ba/ /bltas na yid la rab
tu bzung/ /rags pa dang ni phra ba yi/ /gnas skabs bye brag la
'char ba/ /bdag gis ji ltar bshad

ba bzhin/ /shes par gyis shig gangs ri'i bdag/ /g.yul las rnam
par rgyal ba dbyangs 'char ba zhes bya ba'i rgyud las lam lnga
dang dbyangs 'char ba nges par bstan pa chen po ste le'u dang
po'o// //lha mos gsol ba bcom ldan 'das/ /lha chen khyod kyis
dbyangs 'char ba/ /shin tu

bdag la rgyas par gsung/ /yang ni bdag la zhu ba mchis/ /rA
shi'i dkyil 'khor 'char ba las/ /'dri byed rnyed dang mi rnyed
dang/ /rgyal dang pham pa thams cad ni/ /mdzes dga' khyod la ji
bzhin zhu/ /shin tu gsang ba bshad du gsol/ /lo gcig gi nid kyil
'khor la/ /cha shas dum bu'i

mtshan nyid dang/ /gtso bo stobs kyi bye brag dang/ /dus sbyor
byed pa'i mtshan nyid dang/ /ngus sbyor ji ltar yin pa dang/ di la
'dri byed dge mi dge /gza' yi rigs la sogs pa las/ /la sogs bye
brag shes pa dang/ /dus gsum bye brag shes pa rnams/ /dbang phyug
gtso bos bshad du gsol/ /

bcom ldan 'das kyis bka' stsal pa/ /nyon cig mdzes ma ma lus pa/
/rA shi'i mtshan nyid thams cad dang/ /gza' rnams khyim la 'khod
pa dang/ /zhag gcig gi ni cha shas la/ /bgos pas dus sbyor bcu
gnyis te/ /dus sbyor dkyil 'khor mnyam par sbyor/ /dus sbyor gza'
bdun gnas pa

yi; /'bras bu dkar po yum khyod nyon/ /lug glang 'khrig ba kar ka
Ta/ /de bzhin seng ge bu mo dang/ /srad sdig gzhu dang chu srin
dang/ /bum pa nya yi khyim rnams su/ /mig dmar pa sangs gza' lhag
dang/ /zla nyi gza' lhag pa ba sangs/ /mig dmar phur bu spen pa
yi/ /phur gu zhes bya khyim pa dag

gza'/ /lug glang 'khrig ba kar ka Ta/ /shar lho nub byang ri ma
ba bzhin/ /sing ge la sogs brgyad rim bzhin/ /khyim gyi phyogs
kyi stobs su brjod/ /nyi ma pa sangs mig dmar dang/ /rA hu spen
zla gza' lhag phur/ /shar nas dbang ldan mthar thug par/ /g.yas
bskor lam gyi 'khor lo ste/ /nyi

@54a @#/ /ma shar dge chu bdag ngan/ /de bzhin kun la shes par
bya/ /lug la nyin mtshan dbyu gu ni/ /nam mkha' me zhes yongs su
grags/ /sum cu so gnyis nyi shu brgyad/ /glang gi nyin mtshan las
shes bya/ /'khrig par nyin mo sum cu bzhi/ /nyi shu rtsa drug
mtshan du drang/ /kar ka

nyin mo sum cu drug /mtshan la nyi shu rtsa bzhi zer/ /seng ger
nyin mo sum cu bzhi/ /nyi shu rtsa drug mtshan mo'i tshad/ /bu mor
grags pa'i nyin mtshan la/ /sum cu so gnyis nyi shu brgyad/ /srang
ni lug dang 'dra ba yin/ /sdig pa'i nyin la nyi shu brgyad/
/mtshan mo sum cu rtsa gnyis zer/ /gzhu yi

khyim la nyi shu drug /nyin mo'o mtshan mo sum cu bzhi/ /chu srin
nyin mo nyi shu bzhi/ /mtshan la sum cu rtsa drug grags/ /bum pa'i
nyin mo nyi shu drug /sum cu rtsa bzhi mtshan la'o/ /nyi shu rtsa
brgyad nya yi nyin/ /mtshan mo sum cu so gnyis zer/ /de ltar chu
tshod shes par bya/ /'pho ba gang la

gnas pa yi/ /'das pa'i zhag grangs ji snyed pa'i/ /gnas gnyis
steng ma chu yis bsgyur/ /chu srang nyi shu rtsa lnga yis/ /'og
ma bsgyur la drug cus bgo/ /rnyed ba steng du sbyin par bya/
/phyed pas lhag na gcig sbyin bya/ /steng ma drug cus thog pa
rnams/ /chu srin la sogs byang bgrod la/ /sbyin pa nyid

du bya ba yin/ /kar ka Ta sogs lho bgrod la/ /dor bas nyin mo'i
chu tshod yin/ /steng mas drug cu la phri la/ /de la gcig phab
lhag mas dbri/ /des ni mtshan mo'i chu tshod shes/ /'pho ba'i nyin
mtshan chu tshod de/ /steng ma brgyad kyis thob pa ni/ /thun phyed
chu tshod bya bar grags/ /lhag ma drug cus bsgyur ba

las; /'og gi chu srang steng du gzhug /brgyad kyi chas rnyed thun
phyed kyi/ /chu srang zhes kyang dka' zlog ma/ /skar mig dbyug
tshes lug gi tshad/ /rig byed mkha' me glang du brjod/ /ro dang zhe
lnga 'khrig pa'i yin/ /dgu dang nam mkha' kar ka Ta/ /drag dang
bco lnga seng ge'o/ /bcu gsum sum cu bu

mor dran/ /tshes dang bzhi la srang yin zer/ /nor zla stong ba
sdig par go /nyi shu bco lnga gzhu yin mnyam/ /zung mig sum cu
chu srin mthong/ /rgyal ba mda' chu bum par grags/ /'khor lo nya
ru shes par bya/ /khyim gyi 'khor lo rdzogs pa yi/ /mtshan nyid
rnams ni bstan pa yin/ /gzhan yang

@54b skar ma drug cus bsgyur/ /'og gi chu tshod steng du blangs/
/mda' dang yon tan zlas thob ba/ /'das pa'i khyim yin lhag ma la/
/sum cus bsgyur la chu srang ni/ /gnyis kyis bgos thob gzhug par
bya/ /mda' dang yon tan zlas thob pa/ /gang nas khyim gyi 'das
zhag yin/ /de la dbyu gu chu srang

dang; /dbugs kyi don du go rims bzhin/ /bsgyur bas thob pa dbyu
gu dang/ /chu srang dbugs su rim bzhin 'gyur/ /rgya mtsho chu dang
zla ba la/ /cha bdun thur ma gri ba mar bcas/ /bgos pas thob pa
chu tshod yin/ /chu srang dbugs kyang rim bzhin sbyar/ /lug dang
srang la drug sbyin bya/

glang dang bu mo rang sar gzhag /'khrig pa seng ger brgyad dor
ro/ /kar ka Ta ru bco brgyad dang bri/ /sdig pa nya la bcu pa
sbyin/ /gzhu dang chu srin bum pa la/ /bcu gnyis dag ni sbyin pa
las/ /snga dro 'das pa'i phyi dro lus/ /de yis 'das pa'i dbyu gur
bri/ /lhag ma lus dang 'das pa

shes; /nam mkha' mkha' zung lug gi tshad/ /nam mkha' rig byed mtshe
ma glang/ /stong pa nor lha zung 'khrig pa/ /mkha' so kar ka Ta
ru dran/ /mkha' dus me rnams seng ge la'o/ /nam mkha' mkha' mtsho
bu mor dran/ /rim pa'i rim pa smin pa las/ /srang sogs bzlog go
gangs ri'i bdag /

thams cad nyi ma'i rjes 'brangs te/ /zhag gcig la ni las kyang
byed/ /lug sogs khyim rnams res 'jog tu/ /mi mnyam pa dang mnyam
par shes/ /mi mnyam pa ni po yin te/ /mnyam pa mo zhes bya bar
dran/ /pho khyim rnams ni drag po ste/ /mo khyim rnams zhi zhi
bar brjod/ /g.yo dang brtan

dang gnyis rang bzhin/ /lug sogs rim pa bzhin du gnas/ /dus sbyor
rjes su 'brang bu rnams/ /thob par 'gyur ro lha mdzes ma/ /khyim
gyi dus sbyor du ma bu drug/ /bshad kyis lha mo che na mo nyon/
/dus sbyor gcig dang phyed pa dang/ /sum cha dgu cha bcu gnyis
cha/ /sum cu'i cha shas bye

brag rnams/ /shes par gyis shig lha mdzes ma/ /dus sbyor gyi ni
chu tshod dang/ /phyed dang sum cha dgu cha dang/ /bcu gnyis cha
yi chu tshed dang/ /sum cu'i cha shas rab grub pa'i/ /dbyu gu'i
grangs rnams bshad pa ni/ /zhag gcig la ni bcu gnyis te/ /de yi
gcig gi longs spyod pa/ /mkha'

@55a @#/ /dang nam mkha' brgyad dang gzugs/ /dus sbyor gcig gi
tshad du brjod/ /phyed pa la sogs bye brag rnams/ /lha mo dus
sbyor nying las phye/ /mkha' mkha' bu ga mkha' mkha' ro/ /mkha'
mkha' mig dang mkha' ro rnams rim pa bzhi/

shes par bya'o bzang mo kye/ /dus sbyor phyed sogs mtshan nyid
bshad/ /skal ba chen po'i bdag mo nyon/ /lug la sogs pa'i 'pho ba
yi/ /'das ba'i zhag grangs ji snyed pa/ /rang gi chu srang dag
gis bsgyur/ /sum cus bgos pas rnyed pa ni/ /khyim de'i 'das pa'i
chu srang yin/

de yis khyim gyi chu srang la/ /phri ba'i lhag ma ma 'ongs pa/
/des ni 'pho ba'i 'das pa dang/ ma 'ongs pa ni shes par byed/
/dus sbyor gang yin ngos gzung phyir/ /de yi dus kyi chu tshod ni/
/'das rnams drug cus bsgyur bar bya/ /de la ma 'ongs chu srang
gis/ /phri bas ma ldang de nyid

yin; /ldang na so sor rim bzhin dbye/ /lug sogs drug la rim pa
ste/ /srang sogs drug las bzlog pas dbyi/ /gang tshe ma ldang thig
le shar/ /de tshe dus sbyor tad kA la/ /phri ba'i lhag ma sum cus
brgyar/ /de la tad kal chu sang gis/ /bgos pas thob pa bsgyur ba
la/ /'og gi chu tshod steng du

drug cus bsgyur ba la/ /chu srad gis thob dbyu gu ste/ /yang lhag
drug cus bsgyur ba la/ /chu srad gis thob chu srang yin/ /yang
lhag bsgyur bgos de thob dbugs/ /tad kA la cha shas dbugs srang
dbugs/ /dus sbyor gyi ni gnas lngar bzhad/ /dus sbyor thog mar
gzhag pa'i phyir/ /tang

kA la ni sum cus ba sgyur/ /'og gi cha shas steng du bcug /de
yang drug cus bsgyur bya ste/ /'og gi chu tshod steng du gzhug
/mkha' mkha' brgyad dang gzugs kyis bgo /thob pa dus sbyor tad
kA la/ /dus sbyor phyed pa lta ba'i phyir/ /cha shas drug cus
bsgyur ba la/ /'og gi chu tshod steng du

gzhug /mkha' mkha' bu gas bgos pa las/ /byed pas lhag na gcig
sbyin bya/ /gnyis bas mang ba mi srid de/ /gcig ni bdag po nyi ma
ste/ /gnyis kyi zla ba bdag po yin/ /de nas dus sbyor sum cha
brtag /sngar bzhin cha shas drug cus bsgyur/ /chu tshod steng
gzhug drug brgyas

@55b bgo /ji srid lhag na gcig sbyin bya/ /rnyed pa gsum las mang
ba min/ /gcig ni tad kA la yin te/ /gnyis ni tad kA la nas
bgrangs lnga/ /gsum byung dgu ba'i dus sbyor te/ /gang yin bdag
po'i 'bras bu 'byung/ /de nas dgu cha brtag par bya/ /cha shas
drug cus bsgyur ba la/ /

chu tshod steng gzhug mkha' stong mig /bgos pas lhag na gcig sbyin
bya/ /de ni dus sbyor dgu cha ste/ /thog mar tang kA la gang yin
nas/ /bzung la dgu cha gang yin blta/ /gang yin bdag po'i 'bras
bu 'byung/ /lug seng gzhu rnams lug nas bgrang/ /chu srin bu mo
glang rnams

ni/ /chu srin nas ni thog ma bya/ /'khrig pa bum pa srang rnams
ni/ /dad por srang nas grangs bzang ngo/ /ka ra ka Ta dang sdig
pa nya/ /ka ra kaTa nyid thog mar gzhag /bcu gnyis cha ni blo ta
ba la/ /cha shas drug cus bsgurb la/ /chu tshod steng gzhug mkha'
chos kyis/ /thob la

lhag na gcig sbyin bya/ /tang kA la nas bgrangs pa yi/ /gang yin
bdag po'i 'brang bu 'byung/ /gzhan yang sum cha'i cha la yang/
/cha shas sngar bzhin bsgyur bar bya/ /chu tshod bcug la mkha' ros
bgo /lhag ma thob na gcig sbyin bya/ /mig dmar spen pa phyir bu
dang/ /gza'

lhag pa sangs rim pas bzhag /lnga dang lnga brgyad bdun lnga/
/gnas gnyis dag la dgod par bya/ /lug sogs mi mnyam pa yi khyim/
/rim pa bzhin du bgrangs pa yi/ /dbus kyi bdag po'i 'bras bu
'byung/ /glang sogs mnyam la rim min te/ /de ltar shes bya mdzes
ma kye/ /

bum drug bden pa'i gza' rnams ni/ /rim pa bzhin du bzhag pa la/
/dge dang mi dge'i mtshan ma brtag /lug glang kar ka gzhu dang ni/
/chu srin dus sbyor 'og ltas skye/ /nya ni 'phred ltas skye ba
ste/ /lhag ma skye ba sted du lta/ /bu mo 'khrig pa bum pa srang/
/mdog bzang gzhan ni ngan

pa yis/ /dus sbyor gnas stobs nye bar shes/ /mi rnams la ni yongs
su grags/ /'khrig pa bu mo srang bum pa/ /shar du ltobs dang ldan
pa ste/ /lug glang seng ge gzhu rnams ni/ /lho ru de bzhi na
ltobs su 'gyur/ /sdig pa'i dus sbyor gcig pu ni/ /nub tu stobs
cher 'gyur bar

@56a @#/ /grags; /kar ka chu srin nya ni byang/ /phyogs kyi stobs
su bshad pa yin/ /lug glang 'khrig pa kar ka Ta/ /gzhu dang chu
srin mtshan mo la/ /seng ge bu mo srang sdig pa/ /bum nya nyin mo
stobs dang ldan/ /tad kA la yi dus sbyor gyi/ /mthong ba'i sa na
bdag po'i

gza'/ /yod na shin tu bzang ba ste/ /de yi grogs po yod kyang
bzang/ /btang snyoms la ni btang snyoms 'gyur/ /nya yi khyim bdag
phur bu ste/ /de yis mthong ba'i sa rnams la/ /de dang grogs po
yod na bzang/ /dgra rnams yod na mi dge ste/ /bdun la dgra yod
'chi bar 'gyur/ /

dge sdig gang yod stobs che ste/ /dran pa'i stobs su rab tu
grags/ /de nas gzhan yang dus sbyor gyi/ /dum bu sum cu'i cha
shas bshad/ /lug tu nyi mar cha shas bcu/ /glang la zla ba cha
shas gsum/ /kar ka phur pa lnga yang dge/ /bu mo gza' lhag bco
lnga'o/ /srang du

spen pa mkha' mig dang/ /chu srin mig dmar nyi shu brgyad/ /nya
la pa sangs nyi shu bdun/ /cha shas 'di dag yun la dge/ /rA sa
nas ni bgrangs pa yi/ /bdun pa la ni mi dge ba/ /lug tu spen pa
nyi shu ste/ /kar ka mig dmar nyi shu brgyad/ /bum par gza' lhag
bco lnga ste/ /bu

mor pa sangs nyi shu bdun/ /sdig par zla ba gsum yin no/ /chu
srin phur pa lnga yin no/ /srang du nyi ma cha shas bcu/ /'di dag
cha shas yun la ngan/ /tad kA la yi dus sbyor la/ /zhing bdag
gza' ni 'char ba dang/ /de las gzhan pa'i khyim rnams su/ /khyim
bdag gza' rnams

'char ba'i tshe/ /de yis dgos pa'i don rnams ni/ /'grub 'gyur
mdzes dga' bde skyed ma/ /rang gi skye ba'i khyim dang ni/ /tad
kA la yi dus sbyor nas/ /mthong ba'i sa ni bdun yin te/ /gsum
dang bcu la rkang pa gcig /bzhi dang brgyad la rkang pa gsum/
/lnga dang dgu la phyed mthong

bshad/ /bdun pa thams cad rdzogs par mthong/ /bzhi ni mi mthong
mdzes dga' ma/ /mthong dga' stobs kyi bye brag bshad/ /rang rang
sde tshan gnas pa las/ /nyi ma phur bu pa sangs/ /nyin mo stobs
dang ldan par 'gyur/ /mig dmar rA hu spen pa zla/ /mtshan la
stobs cher ldan

@56b 'gyur te/ /nyin dang mtshan la stobs che ba/ /gza' lhag ces
byar yongs su grags/ /phur bu dang ni pa ba sangs/ /dkar po'i
phyogs la stobs che ste/ /nyi ma dang ni spen pa dag /nag po'i
phyogs la stobs su 'gyur/ /gnyis ka la ni stobs byed pa/ /zla ba
mig dmar gza'

lhag go/ /zla ba dang ni pa ba sangs/ /glang sogs mo rnams stobs
ldan te/ /lhag ma'i gza' rnams pho khyim la/ /stobs dang ldan
'gyur mthong dga' ma/ /byang du bgrod tshe stobs che ba/ /nam
mkha'i nor bu ri bod can/ /de las gzhan pa'i gza' rnams ni/ /lhor
bgrod stobs

byed yid 'dren ma/ /nyi ma zla ba bzhi pa la/ /stobs 'gyur mdzes
dga' snying 'dren ma/ /rgyas par gza' lhag de bzhin te/ /pa ba
sangs kyis dbang la stobs/ /mig dmar dgug pa phur bu bskrad/
/gsad la stobs che spen pa'o/ /de rnams dbang byed khyim rnams
la'ang/ /

stobs dang ldan par rab tu grags/ /rang rang khyim du 'ongs pa'i
tshe/ /stobs dang ldan par bdag gis dran/ /gzhan dag zhing der
'ongs pa'i tshe/ /'di yi 'bras bu ga la ster/ /gza' rnams stobs
kyi bye brag ni/ /spen pa mig dmar gza' lhag dang/ /phur bu pa
sangs

zla ba nyid/ /de bzhin nyi ma rim pa bzhin/ /gcig nas bdun gyi
bar du yang/ /re re yis ni stobs 'phel 'gyur/ /nyi ma'i grogs po
phur bu ste/ /zla ba'i phur bu gza' lhag go/ /gza' lhag dang ni
pa ba sangs/ /mig dmar grogs por yongs su grags/ /zla ba mig dmar
phur

bu dang/ /pa sangs dang ni spen pa dag /gza' lhag dang ni grogs
por dran/ /phur bu'i grogs po nyi zla dang/ /de bzhin pa sangs
spen par brjod/ /de bzhin pa ba sangs kyi grogs/ /mig dmar gza'
lhag phur bu spen/ /yang ni spen par grags pa las/ /gza' lhag
phur bu pa ba

sangs/ /grogs las gzhan pa dgra zhes grags/ /gzhan dag grogs dang
grogs min pa/ /btang snyoms 'dod zer lhas mchod ma/ /mchod sbyin
nges brjod sring srung dang/ /snyan ngag dag gi rig byed la/
/phur bu pa sangs mig dmar dang/ /gza' lhag rim bzhin bdag por

@57a @#/ /brjod; /nag cha dag la dbang byed pa/ /zla ba nyi ma mig
dmar dang/ /spen pa'o dkar cha dbang byed pa/ /zla ba de bzhin
phur bu dang/ /pa sangs dge'o rje btsun ma/ /gza' lhag gnyis ka'i
mtshams la dbang/ /nyi ma mig dmar phur bu rnams/ /skyes pa'i

gza' ru bstan pa yin/ /khu ba dang ni ri bong can/ /bud med dag
gi gza' zhes grags/ /gza' lhag dang ni spen pa dang/ /ma ning
zhes bya lha chen ma/ /phur bu dang ni pa ba sangs/ /bram ze'i
rigs su bstan pa yin/ /nyi ma dang ni mig dmar dag /rgyal rigs
zhes byar yongs

su grags/ /zla ba rje rigs zhes bya ste/ /gza' lhag dmangs rigs
dag tu brjod/ /pha ni bram ze ma ni dmangs/ /de yi bu ni spen
zhes bya/ /sgra gcan zhes byar grags pa ni/ /gdol ba'i rigs su
shes par bya/ /nyi ma dang ni zla ba dag/ /rgyal po'i rigs su
yongs su

grags/ /phur bu pa sangs blon po'i gza'/ /mig dmar dmag dpon bdag
por grags/ /gza' lhag rgyal po'i bu zhes grags/ /bran gyi gza' ni
spen par grags/ /mig dmar spen pa sgra gcan nyi/ /drag po'i gza'
ru yongs su grags/ /lhag ma rnams ni zhi bar

brjod/ /pa sangs phur bu lhag pa zla/ /bsod nams dag gi gza' yin
te/ /gzhan na sdig can zhes byar dran/ /mdzes dga' gza' yi rang
bzhin yin/ /phur bu tsam pa bzhin du ser/ /nyi ma dmar skya'i
mdog tu gsal/ /mig dmar dmar nag ri bong khrag /zla ba dkar la

ser ba'i mdangs/ /gza' lhag sngo dang ljang dmar ston/ /ba sangs
kha dog sna tshogs pa/ /spen pa nag po sgra gcan sngo/ /de ltar
gza' yi kha dog bzhed/ /nyi ma dang ni mig dmar dang/ /bzhu dang
mi bzhu'i khams zhes bya/ /gza' lhag dang ni spen pa la/ /rtsa ba
zhes bya gos la

sogs; /zla ba phur bu pa ba sangs/ /srog chags rigs yin dkar mo
che/ /de ltar dus sbyor bcu gnyis kyang/ /lug glang 'khrig pa la
sogs pa/ /khams dang rtsa ba srog rim bzhin/ /tha skar bra nye
smin drug sogs/ /khams rtsa srog sogs go rims bzhin/ /kun la

@57b sbyar te shes par bya/ /lus nor spun zla grogs po dang/ /bu
dgra chung ma 'chi dang chos/ /las dang rnyed stor go rims bzhin/
/tad kA la dus sbyor sogs shes bya/ /tad kA la yi dus sbyor la/
/tad kA la dang bzhi ba dang/ /bdun pa dang ni bcu pa rnams/ /u
pa tsa yi bdag nyed

du; /gnas kyi dbang gis gru bzhir grags/ /tad kA la dus sbyor
gnas pa las/ /gsum drug bcu dang bcu gcig rnams/ /u pa dza ya'i
bdag nyid du/ /shes par bya'o lha chen ma/ /dang po gsum sogs mi
mnyam pa/ /u pa dza te dge ba yin/ /gnyis pa bzhi sogs

mnyam pa ste/ /u pa dza te mi dger brjod/ /tad kA la lnga pa
dgu pa rnams/ /zur gsum zhes byar yongs su grags/ /bar du gnyis
ni gnas pa la/ /gru bzhi'i mtshan nyid shes par bya/ /gsum ni bar
du gnas gyur pa/ /zur gsum du yang brjod pa yin/ /lnga pa dang

ni bdun pa dag /de bzhin grib mar yongs su grags/ /brgyad pa nyin
ngos zhes bya ste/ /de bzhin bcu gnyis mtshams zhes bya/ /bzhi
dang brgyad pa la gnas te/ /bzhi pa zhes byar yongs su grags/
/gnyis pa dang ni lnga pa dang/ /brgyad pa dang bcu gcig mthar
thug pa/ /

dus sbyor tad kA la gnas pa yi/ /thur smad ces ni yongs su
grags/ /gsum drug dgu pa bcu gnyis pa/ /de bzhin gyen stod ces
sbyar smra/ /gsum pa dang ni bcu pa la/ /rkang pa gcig ni mthong
bar dran/ /de bzhin lnga dang dgu pa la/ /rkang pa gnyis ni
mthong zhas grags/ /

bzhib dang ni brgyad pa la/ /rkang pa gsum mthong bde ster ma/
/bdun pa'i gnas su gzhag pa la/ /bzhi pa yongs su rdzogs par
mthong/ /ma lus pa ni gnas pa la/ /gza' yi 'bras bu bskyed pa
yin/ /gsum dang bcu la spen pa gnas/ /yongs su rdzogs pa ster ba
yin/ /

lnga dang dgu la phur bu gnas/ /bzhi dang brgyad la mig dmar
dang/ /bdun pa la ni lhag ma zhes/ /gza' mchog rdzogs par ster ba
yin/ /rang gi skye ba'i dus sbyor la/ /bdun pa'i gnas su gzhag pa
la/ /dus me 'char tshe 'chi bar grags/ /nyi mas nad 'byung mig
dmar dgra/ /

@58a @#/ /spen pas nor ni nyams par 'gyur/ /ke tus don nyams lhas
mchod ma/ /sgra gcan shar na dgra yang pham/ /zla bas rang rgyal
gza' lhag rtsod/ /pa ba sangs kyis don rnams 'grub/ /phur bus
sngags rnams 'grub par ston/ /mdor na skye gnas

bdun pa la/ /bzang ngan zhi drag gnas pas shes/ /de ltar rA
shi'i dkyil 'khor gyi/ /cho ga'i bye brag bdag gis bshad/ /g.yo
ba zung ni 'phyang ba khyod/ /logs par rtogs sam 'dod dga'am/
/bram ze rnam par dag pa'i tshogs/ /phung po gsum mkhyen thub
dbang po/ /sgra

yi bstan bcos don spangs pa/ /klags pas chog pa don grub pa/
/nyan par 'dus pa'i sems dge ma/ /bla ma dam pa'i rim pa yis/
/mchog tu gsang ba'i bstan bcos 'di/ /gzi brjid dga' ba ma lus
mthong/ /'di ni g.yul las rnam par rgyal ba zhes bya ba'i rgyud
las/ /dus

sbyor gyi gza'i dum bu drug gi don rab tu phye ba chen po ste
le'u gnyis pa'o// //lha mos gsol pa/ /skal ldan lha yi lha mchog
gtso/ /ri bong can gyis dbu la brgyan/ /mchog tu dge ba thams cad
mkhyen/ /ji ltar dus sbyor dge mi dge/ /bzhi dang cho ga sngar
gsungs

nas; /lha chen rdzu 'phrul mnga' ba khyed/ /dus sbyor phrin las
thams cad ni/ /mi gsung bzhugs pa ji ltar lags/ /bcom ldan 'das
kyis bka' stsal pa/ /dka' zlog lha mo mchog tu ni/ /gsang ba
bshad kyis grogs mo nyon/ /bsam pa sngon du legs bzhag ste/ /bye

brag so sor legs bsams te/ /snga dro'i dus su sems dge bas/
/mngon sum dran pa sor bzhag nas/ /mdun bsngad gdong ni mngon
phyogs te/ /yid ches the tshom med dga' bas/ /gus pas phyag ni
btsal byas te/ /yon phul nas ni mnyes par byas/ /de ltar sngon du
byas

nas ni/ /langs dang rgyab kyis phyogs pa min/ /g.yas dang g.yon
nas ma yin par/ /mdun du dma' sar bsdad nas ni/ /dgos pa'i bsam
pa sngon btad ste/ /don gsal tshig gis dri bar bya/ /slob dpon
mkhas shing bye brag shes/ /dga' zhing blo gsal yid gzhungs

@58b pas; /tad kA la dus sbyor rab shes pas/ /dum bu drug gi bye
brag mthong/ /gza' rnams khyim dang rgyu skar la/ /gnas pa'i
longs spyod shes pa dang/ /gza' skar tshes dang byed sbyor sogs/
/rnam par dag ba des byas te/ /dri bar byed pa'i tshig tshogs kun/
/khong du chud

nas smra bar bya/ /zur gsum pa dang bsod nams shar/ /ud pa tsa
la sdig can gnas/ /'dri byed rnyed pa 'byung zhes bstan/ /de las
bzlog na rnyed pa med/ /tad kA la dus sbyor phur bu gnas/ /bzhi
dang bdun la zla ba gnas/ /bcu bar nyi ma snang gyur na/ /smras
ma thag tu

don rnams 'grub/ /dang po dang ni gnyis pa la/ /bcu dang bcu gcig
bsod nams yod/ /de ma thag tu don rnams ni/ /de ltar 'grub par
bstan pa yin/ /tad kA la dus sbyor g.yo ba la/ /sdig can gza'
dang lhan cig gnas/ /don rnams med cing rnam par 'joms/ /

sngar nas med pa'i sdug bsngal 'byung/ /tad kA la dus sbyor bdag
yod pa/ /de yi grogs po snang yang bde/ /bzhi pa la ni yod na
yang/ /the tshom med par bde bar ston/ /bcu gcig pa dang brgyad pa
la/ /sdig can nye bar gnas pa dang/ /bzhi pa la yang sdig can
gnas/ /'dri

byed sdug bsngal 'byung bar dran/ /dang po gnyis pa bzhi pa dang/
/bdun brgyad bcu la bsod nams yod/ /'dri byed tshe ring lo mang
thub/ /gru bzhi la yang de bzhin no/ /tad kA la yi dus sbyor
dang/ /bzhi dang brgyad la sdig pa gnas/ /dgra rnams kyis 'tshe
don nyams shing/ /'dri

byed 'chi bar 'gyur ba yin/ /tad kA la dus sbyor sdig gza' yod/
/lus la nad rnams 'byung bar 'gyur/ /bzhi bar sdig can yod pa na/
/gnyen bshes rnams ni 'thab rtsod 'khrug /de bzhin bdun par sdig
can yod/ /chung ma 'ong tshad 'chi bar ston/ /bcu pa sdig can

rtag par gnas/ /bya ba'i las rnams 'grub mi 'gyur/ /de las bzlog
ste bsod nams yod/ /rim pa bzhin du dge ba yin/ /gru bzhi tshang
bar dge ba can/ /'dri byed grags dang snyan pa 'byung/ /dang po
lnga ba bdun dang brgyad/ /de la bsod nams snang 'gyur zhing/ /

@59a @#/ /gsum drug bcu dang bcu gcig la/ /zla nas nad can myur du
grol/ /dang po lnga dang bdun brgyad la/ /sdig can gza' dang zla
ba 'dzom/ /dri byed nad ni 'byung ba ste/ /nad can yin na 'chi
bar 'gyur/ /dang po lnga bdun brgyad la sdig /dang po gnyis bzhi

lnga bdun brgyad/ /bcu gnyis zla gnas de bzhin no/ /gsum la sogs
pa re mig rnams/ /khyim du gnas shing 'jug pa ste/ /dgu pa la
sogs de bzhin du/ /yul lam khyim nas 'thon par grags/ /'jug la
zhi ba'i lha rnams 'byung/ /'dri bar byed pa rgyal bar bshad/ /

'thon la zhi ba'i gza' rnams tshang/ /pham pa rgyal bar byed pa
yin/ /'jug la sdig can gza' rnams shar/ /gang zhig 'dri ba pham
pa ste/ /'thon la drag po'i gza' rnams 'byung/ /rgyal ba pham par
'gyur ba yin/ /zhi drag gnyis ka phyed mar gnas/ /phan tshun
'khrug pa

'dum par brjod/ /rgyal ba zhi ba'i gza' yod na/ /shin tu dge ste
rgyal bar nges/ /pham la zhi ba'i gza' yod na/ /thog mar pham nas
de nas rgyal/ /rgyal la sdig can yod pa na/ /dang po rgyal nas de
nas pham/ /'khrug pa'i gros byed dang po ni/ /pham pa zhes ni bya
ba ste/ /

phyi nas gros byas rgyal ba zhes/ /bde ster lha mos shes par
gyis/ /dang po'i bdun par bsod nams yod/ /gsum dang drug dang bcu
pa dang/ /bcu gcig pa la sdig pa gnas/ /de tshe 'dri byed skyes bu
rgyal/ /gza' lhag phur bu pa sangs gsum/ /bcu ba la ni shar ba
na/ /dpung

gi tshogs ni rnam par rgyal/ /thams cad 'jom mam re re'ang bzang/
/lug glang seng ge gzhu rnams ni/ /tad kA la dus sbyor la 'char
zhing/ /de la sdig can yod pa na/ /dgra bos bdag nyid 'chi bar
'gyur/ /bzhi par yang ni de 'char tshe/ /de dang 'dra ste dgra bos
'ching/ /tad kA la

dus sbyor la sogs pa/ /dus sbyor gnas ni re re la/ /gza' ni gnyis
gsum bzhi la sogs/ /'dzom par 'gyur ba legs par brtag /lnga dang
dgu par sdig can yod/ /de tshe dgra ni 'ongs gyur tam/ /chom rkun
la sogs 'ong ba na/ /bdag gis pham par byas te song/ /nyi ma

@59b mig dmar spen pa gsum/ /bzhi yi gnas su 'dzom pa na/ /lam du
zhugs pa'i gtam thos kyang/ /dgra bo 'byung bar ga la 'gyur/
/gza' lhag phur bu pa sangs gsum/ /sngar bzhin bzhi bar 'dzom
gyur na/ /dogs pa med kyang dgra bo rnams/ /'ong ste dgra nyid
'joms

par 'gyur/ /gang tshe g.yo ba'i tad kA la/ /nyi ma dang ni phur
pa shar/ /dgra bo lam du zhugs te 'ong/ /de tshe bzlog par the
tshom med/ /brtan pa'i tad kA la dus sbyor la/ /nyi ma phur bu
'dzom ste gnas/ /pha rol dmag gi dpung tshogs kyang/ /lam du mi
'jug dge ba yin/ /nyi

ma gza' lhag phur bu dkar/ /g.yo ba'i dus sbyor la 'dzom na/ /re
re'am thams cad gang yin pa/ /'dri ba don rnyed dgra las rgyal/
/tad kA la dus sbyor bstan pa la/ /phur bu spen pa mnyam par
gnas/ /dgra rnams 'byud bar 'gyur ba rnams/ /gal te ma 'ongs
pa'ang srid/ /

tad kA la dus nas bgrangs pa yi/ /gnyis la gsum pa phur pa la/
/pa sangs shar na pha rol dgra/ /'ong ste rang nyid pham par
'gyur/ /lug seng sdig pa'i dus sbyor la/ /nyi ma mig dmar mthong
sar yod/ /brkus sam sbas sam sems pa ni/ /bzhu dang mi bzhu'i
khams

las grub/ /bu mo chu srin 'khrig bum la/ /gza' lhag spen pa 'dzom
pa'am/ /re re mthong na rtsa ba'i rigs/ /khu tshur ram ni stor ba
sogs/ /sems sogs tshig tu ma brjod rnams/ /de las grub po mthong
dga' ma/ /srang gzhu nya glang kar ka Tar/ /zla ba phur bu pa ba
sangs/ /

'dzom mam re re mig gis mthong/ /ma smras srog chags rigs yin
gye/ /ma brjod lkog gyur kha dog ni/ /gza' yi mdog dang bstun pa
yin/ /brtan pa'i khyim dang dgu cha'i khyim/ /gcig par gyur pa de
yi tshe/ /stor ba'i rdzas dang longs spyod rnams/ /rang ma'i khyer
bar the tshom

med; /tad kA la dus sbyor dgu cha yis/ /gnyis ka g.yo bar gyur
pa na/ /rkun mo phyi yi mi yin te/ /nor de gzhan du khyer nas
song/ /tad kA la khyim dang a sa khyim/ /gnyis ka'i rang bzhin
yin pa'i tshe/ /phyi nang gnyis kar gtogs pa'i mis/ /nor de phyi
nang mtshams su sbas/ /

@60a @#/ /gru bzhi dang ni gnyis pa dang/ /u pa tsa la bsod nams
yod/ /'dri byed stor ba rnyed 'gyur te/ /de las bzlog na na mi
rnyed do/ /zla ba dkar char gyur pa dang/ /tad kA la dus sbyor
gza' lhag dang/ /phur bu pa sangs snang gyur na/ /stor ba'i nor
ni rnyed pa yin/ /de

ltar rku bar byed pa yi/ /skyes bu'i rigs dang kha dog dang/ /las
dang nus pa la sogs pa/ /dus sbyor bdag po'i gza' yis shes/ /dgu
cha'i longs spyod brtsams pa yi/ /thob pa sdon chad song ba'i
grangs/ /lhag ma yis ni ma 'ongs pa'i/ /grangs des rnyed pa'i dus

tshod shes/ /dgu cha'i bdag po'i gza' la dris/ /zla ba chu tshod la
rtsis te/ /de yi grangs kyis rnyed pa yin/ /mig dmar zhag grangs
kyis 'dzin te/ /dgu cha'i bco lnga zla phyed la/ /sum cu zla ba
gcig na rnyed/ /gza' lhag zla ba gnyis la brtsi/ /sum cu byung na
zla ba gnyis/ /bco lnga

zla ba gcig na rnyed/ /nyi ma zla ba drug yin pas/ /sum cu tshang
na zla ba drug /bco lngas zla gsum dag na rnyed/ /phur bu zla ba
dgur 'gyur bas/ /sum cu tshang na zla dgu ste/ /bco lnga zla ba
phyed dang lnga/ /pa sangs zla ba phyed na byed/ /bco lnga byung
na phyed dang brgyad/ /spen pa lo yi bdag nyid

pas; /sum cu tshang na lo gcig ste/ /bco lnga zla ba drug na
rnyed/ /de yi bar gyi grangs kyi dus/ /mkhas pas zhib tu dpyad
par bya/ /tad kA la yi dus sbyor ram/ /dgu pa yi ni dum bu yi/
/bdag po'i gza' ni bltas nas kyang/ /gzhan la bshad bya mdzes
dga' ma/ /gal te nyi ma

yod pa na/ /rgyal po dang ni me dang khrag /nyi ma shar dang me
tog gi/ /dmar po'i rigs rnams rmi ba yin/ /zla ba bud med me tog
dang/ rin po che dang sna tshogs rmi/ /sa le sbram la sogs pa yi/
/dkar po'i rigs rnams rmi ba yin/ /mig dmar byi ru khrag dang ni/
/nam mkha' la ni 'phur la

sogs/ /tad kA la yi dus sbyor la/ /mig dmar snang na rmi ba yin/
/gza' lhag dag la rmi lam ni/ /chos bshad pa dang nyan pa rmi/
/phur bas ri mo 'bri ba dang/ /klog dang rig pa sna tshogs dang/
/rta dang byis pa rtse ba dang/ /pu ti lha dang gnyen mthong rmi/
/ba sangs chu la rgal ba

@60b dang; /gar dang rtse dang 'khrug pa rmi/ /khyim dang gza' ni
so so ste/ /khyim bdag min pa'i gza' shar na/ /rmi lam 'dren ma
'byung ba 'am/ /yang na rmi lam mi shes so/ /khyim bdag gza' yi
dgrar gyur ba'i/ /gza' rnams shar na ngan pa rmi/ /nyi ma gnas pa
nas bgrangs pa'i/ /

bdun na zla ba yod pa'am/ /zla gnas bdun la nyi ma yod/ /de tshe
'dri na rmi lam yod/ /de las gzhan pa 'dri ba la/ /rmi lam med
par shes par bya/ /rmi lam rmi ba'i dus bstan pa/ /tad kA la cha
shas sum cu yi/ /rang bzhin yin pas de la blta/ /cha shas bcu
shar sum cha na/ /btso

lnga shar na nam phyed na/ /sum cu yod na tho rangs te/ /de la
sogs pa'i bye brag rnams/ /mkhas pas zhib tu brtag par bya/ /'pho
ba'i rgyu skar tshes bsres la/ /spyod pa'i gza' yis legs par
bsgyur/ /ming yig dang po'i gsal byed ni/ /rim pas bsres la gsum
gyis bgo/

de yi lhag mas dkon mod dang/ /rin gyi bye brag ston par byed/
/zang dkon rims mang ri bo can/ /dbu mar brjod pa gnyis lhag pa/
/ma lus pa la rims med mod/ /zla re bzhin du brtags te smra/
/skyes bu ji snyed snang gyur pa/ /mi rnams rgan pa'i rim pa yi/
/dbyangs dang

gsal byed ji snyed pa/ /re re bri la gsal byed sdom/ /gnyis kyis
bsgyur la dbyangs kyis dbri/ /skyes bus bgos lhag rgan po nas/
/rim pa bzhin no gangs ri'i bdag /blo gsal yid gzhungs las shes
bya/ /slar yang gzhan yang gsal byed rnams/ /rim pas bgrangs la
re re

bri; /de la sngar gyi cho ga yis/ /chom rkun the tshom med par
shes/ /skyes pa bud med lhan cig las/ /lus dang yan lag so sor
phye/ /lus ni rgya mtshos bsgyur byas te/ /yan lag me yis bsgyur
bar bya/ /gcig tu bsdoms la gsum gyis bgo/ /zung ni bu mo gcig
mkha' bu/ /

gang tshe bud med 'ongs pa yis/ /dris pa'i dang po'i gsal byed
'gsum/ /sde tshan bgrang bsdam mig gis phye/ /pho mo zla ba stong
pas shes/ /gsal byed rim pas blangs pa gsum/ /sdom la bcus bsgyur
dgus thob pa/ /'das pa'i zla ba shes par bya/ /sbrum ma'i zla
ba'o dga' byed ma/ /

@61a @#/ /de ltar nges pa ma mthong bas/ /yang nas yang du 'dri ba
la/ /sngar gyis thob pas de dang ni/ /lhag ma bsres la dgu yis
phye/ /lhag mas zla ba rtogs pa ste/ /thig le shar na zla ba bcu/
/yang ni 'dri bar byed pa la/ /rnyid dang lhag ma bsdoms la brtag
/gzhan

yang sbrum ma'i gsal byed ni/ /dang po mi mnyam bu skye zhing/
/gnyis dang bzhi sogs bu mor 'gyur/ /tha ma lnga la ma ning
'gyur/ /bud med ming gi skar ma'i grangs/ /de bzhin tshes dang
gza' dang ni/ /dri tshig dang po'i yi ge'i grangs/ /bsres la bdun
gyis bgos pa yi/ /lhag

ma mnyam na bu mo ste/ /mi mnyam pa ni bu ru mthong/ /bud med
sbrum mar gyur ba yi/ /ming gi dbyangs rnams ji snyed pa/ /gsang
ba'i tshad ma gang yod bsre/ /thub pas bgos pas rnyed pa rnams/
/lnga yis bsgyur la lhag ma bsre/ /de la gsum gyis bgos thob pa/
/ri bong can nyid

mig dang me/ /lha mi sa 'og rim bzhin 'ongs/ /yang na drug gis
bgos pa'i lhag /gcig gnyis gsum bzhi lnga dang stong/ /lha dang
lha min mi dud 'gro/ /yi dags dmyal ba rim bzhin yin/ /gsal byed
rim can dang po gsum/ /bsres la gsum gyis bgos pa las/ /lhag

ma gcig gis don rnyed cing/ /gnyis lus dbu mar bstan pa ste/
/lhag ma med na 'dri byed kyi/ /don ni the tshom med par nyams/
/de ltar bzang ngan brtags nas ni/ /yid la sems pa shes par bya/
/skyes pa bud med gnyis kyi ni/ /ming gi yi ge ji snyed pa/ /a
sogs dbyangs su shes

bya ste/ /ka sogs gsal byed lha dga' ma/ /ming gi dbyangs kyi
grangs rnams dang/ /ming gi gsal byed ji snyed pa/ /so sor phye
la gcig tu bsre/ /de la 'jig rten gyis che bas/ /lhag ma gzugs
dang stong par shar/ /skyes pa 'chi bdag gis 'dzin te/ /ji srid
gnyis ni snang

gyur na/ /mi mo de bzhin srog dang bral/ /'di ni khyo shug cho ga
ste/ /gzhan du ma bshad ri sras mo/ /gyen du re khA dgu pa la/
/'phred la re khA gsum bris la/ /a ka tsa Ta ta pa ya/ /sha
rnams steng dgod 'og ma la/ /klu mda' ro dang mtsho dang ni/ /zla
me mig rim bzhin du

@61b dgong/ /ming gi yi ge ji snyed pa/ /'og mas steng la bsgyur
bar bya/ /dbyangs dang gsal byed so sor bsdom/ /mtsho dang mig gis
rim bzhin bsgyur/ /gcig tu bsdoms la me yis phye/ /lhag mar stong
pa ri bong can/ /skyes pa gshin rjes sngon la khrid/ /gang tshe

zung du lhag pa na/ /de tshe bud med sngon la 'gro/ /mdzes dga'
khyo shug sbyor ba ste/ /gzhan du ngas ni ma bshad do/ /gshin
rje'i gnas 'gro ming yig gi/ /dang por dkar phyogs yi ge snang/
/nag po'i phyogs la 'chi ba ste/ /dang por nag phyogs yi ge
snang/ /dkar po'i phyogs la

dus las 'da'/ /khyo shug yin te gzhan las min/ /ming gi gsal byed
dang po la/ /mnyam dang mi mnyam yi ge snang/ /g.yon du gsal dag
rim pa bzhin/ /mig gi dang po 'grib par grags/ /rang gi skyes
pa'i skar ma yis/ /'dod pa'i don kun sgrub byed cing/ /dge dang
mi

dge'i 'bras bu kun/ /'di nyid gcig pus nges par mthong/ /skyes bu
zla ba'i tshes grangs las/ /skar ma'i nges pa rtogs par 'gyur/
/zla ba shes pas skyes khyim gang/ /shes pas de las 'bras bu
ston/ /skyes pa'i tshes grangs lhag ma yin/ /nyi shu rtsa dgu la
phri ba'i/ /lhag ma

skyes skar rtogs par dran/ /dkar phyogs gcig nas grangs rnams
bzung/ /nag phyogs tshes la gsum bsnan dang/ /zla ba'i skar ma
shes pa dang/ /de bzhin rang gi skyes zla la/ /bcu gcig 'dres pas
shes par byed/ /ji ltar skye ba'i nyi ma'i grangs/ /gsum gyi snon
'bring lhan cig

pa; /de yi grangs ni gnas pa las/ /skyes pa'i skar ma rab tu
byed/ /skyes pa'i tshes la nyi shu lnga/ /bsres la nyi shu bdun
gyis bgo/ /lhag mas tshes gcig nas brtsams pa'i/ /skar ma'i grangs
ni ston par byed/ /de ltar skar ma'i rab phye ba/ /skyes pa'i zla
ba nyin zhag dran/ /'di la

rang gi zla ba ni/ /sngon sod skar ma btsal ba yin/ /rang gi skar
ma shes pa las/ /don kun shes par 'gyur bar dran/ /gang gis skar
ma mi shes pa/ /de yi ngal ba don med dran/ /rang gi 'dod pa'i
skar ma nas/ /lha mo nan tan las shes bya/ /'dri byed srog gi las
byed sar/ /

@62a @#/ /bzlog nas gnas na dgos don med/ /gal te las ni byed par
gnas/ /bsam pa'i yid la 'dod pa 'grub/ /skyes pa sgo nang g.yas
'jog cing/ /de bzhin bud med g.yon 'jog pa/ /dge zhing shes par
ston pa ste/ /bzlog na 'dri ba'i don nyams

'gyur; /g.yas kyi yan lag g.yo ba dang/ /snying nyid ngan pa rnam
par spang/ /nye 'khor shis pa'i bya ba byed/ /bsam mi dgos bas
don mi 'grub/ /'dri byed mgrin pa 'gram pa dang/ /rna ba sna mig
brang dang ni/ /lce dang gsang ba snying dang so/ /skra dang
dpral ba gsus pa dang/ /nu ma

dang ni dku rnams su/ /lag pa g.yas pas reg cing g.yo/ /gdong ni
sngon du bltas pa'i tshe/ /dge ba'i las yin bzhin bzangs ma/
/g.yon pas reg cing g.yo ba ni/ /de las bzlog par shes par bya/
/'dri byed pho nya'i nye 'khor na/ /ba lang ra lug gsod pa dang/
/'thab rtsod rdeg

cing rdung ba dang/ /brtson 'dzin srog 'joms nor stor dang/ /snod
stong skye bo yul dman pa/ /gos hrul mdze can mdog mi sdug /skrag
dang byed cing chad pas bcad/ /sems stong mya ngan byed pa
mthong/ /kha dog yid du mi 'ong ba/ /kha ni 'og bltas rlung tshub
mthong/ /'gro phyogs

las bzlog skye bo sogs/ /mthong na mdzes pa'i don rnams med/ /dud
'gro gsod las thar pa dang/ /brtse zhing dga' zhing dgod pa dang/
/nad pa sos dang brtson rnams thar/ /dge ba'i glu dang de bzhin
gar/ /phun sum tshogs pa'i gnas rnams mthong/ /rol mo'i sgra skad
snyan pa

dang/ /dge slong bram ze bla ma lha/ /lha mchod pa dang dga' ston
byed/ /nor rnyed tshong pa rnyed pa che/ /gang dag skyes bu ya
mtshan can/ /gos bzang yan lag bzang ba dang/ /rgyal po bud med
rgyan can mthong/ /dkar phyogs dang ni mthun pa'i mdog /nyi gsal
'bras bu me tog rgyas/ /

rdzing bur bya rnams rtse ba dang/ /rang la byis pa'i tshogs dga'
zhing/ /sems dge tshig 'bru dge ba sgrogs/ /mthong na de tsha 'dod
don 'grub/ /lha mo the tshom ji lta bu/ /'phral du mngon du byed
pa nyid/ /nyi ma thabs ldan g.yas phyogs su/ /zla ba shes rab
g.yon phyogs dran/ /

@62b lkog tu gyur pa'i phyi rol don/ /de yi bye brag shes pa yin/
/dgos pa med kyang byis pa rnams/ /dga' ba'i phyir bshad dga'
sbyin ma/ /'jigs byed ltang tshe dbu ma yi/ /rnam 'gyur ston na
'grub 'gyur zhing/ /bza' btung la sogs thob par dran/ /khyab 'jug
rnam 'gyur de las

bzlog /dbu ma nyal na mi dgu dang/ /tsa muNDi yi sngar bzhin
grags/ /gang zhig sus kyang mi shes shing/ /'jig rten gsum na
rnyed dka' ba/ /gsang ba'i rgyud chen khyod la smras/ /mdzes ma
gsang ste gces par zung/ /'di ni g.yul las rnam par rgyal ba'i
rgyud kyi rgyal po las/ /pho

nyas dris pa'i lan bstan pa ste le'u gsum pa'o// //lha mos gsol
ba/ bcom ldan dbang phyug lha yi gtso/ /g.yul gyi dus su rgyal ba
dang/ /pham par bshad pa shes pa ni/ /dbang phyug lha las nyan
par 'tshal/ /bcom ldan 'das kyis bka' stsal ba/ /ji

ltar khyod kyis bdag dris pa/ /nyon cig lha mo bshad par bya/
/gzhan du ngas ni ma bstan te/ /ngo mi chog pas khyod la bshad/
/gang zhig dbyangs 'char zhes bya ba'i/ /bstan bcos bshad pa don
yod pa/ /dgra dang rtsod par byed pa yi/ /dus ni ma nor nges
bzung ste/ /'khrug pa la

sogs rtsom pa la/ /mdzes ma khyim gyis ston par byed/ /rgyu skar
rkang pa dgu dgu la/ /khyim gcig ces byar yongs su grags/ /lug
sogs nya yi mthar thug par/ /'pho khyim ces bya lha dga' ma/ /tha
skar la sogs nas bzung ste/ /nam gru'i mthar thug rim bzhin dran/
/bdag

gi ming gi skar ma yi/ /de nyid 'khor lo las shes bya/ /rkang pa
brgya yi 'khor lo las/ /ming gi skar ma shes par bya/ /ming gi
thog ma'i yi ge ni/ /btus pas shes bya dga' byed ma/ /gang tshe yi
ge rtseg ma yod/ /de tshe steng ma gzung bar bya/ /yi ge dgod pa'i
re mig ni/ /phan tshun

kun nas bcu bcu ste/ /brgya phrag gcig gi re mig la/ /ming gi
skar ma rig par bya/ /dang por shar nas brtsams nas ni/ /re mig
rnams la rim pa bzhin/ /a wa ka ha Da zhes pa/ /steng nas bri ba
nyid du bya/ /de bzhin du yang lho phyogs su/ /ma Ta pa dra ta
rnams so/ /chu nas

@63a @#/ /na ya b+ha dza kha/ /ga sa da tsa la rnams ni/ /byang du
de ltar rim bzhin bri/ /thog ma'i yi ge bdun gnas pa/ /rang gi
sde tshan bzhi bzhir bstan/ /de la a yig i yig dang/ /u dang o
dang e dang bzhin/ /de rnams dbyangs kyi yi ge dang/ /lhan cig

byed do dga' byed ma/ /rang rang thad ka ru/ /rang gi rigs kyi yi
ge 'byung/ /ku su b+hu du gsum pa'i grar/ /rkang pa bzhi la bri ba
ni/ /g+ha nga tsha dang Sha Na Tha/ /d+ha phaDha dang tha dz+ha nya/
/rkang pa re re gsum gsum ste/ /bcu gnyis dag gis bstan pa yin/
/de ltar re mig brgya po[?]

rnams/ /yi ges yongs su gang ba bri/ /thung dang ring bar mnyam
shes pas/ /rkang pa'i steng du rnam par bzhag /tha ma gnyis kyis
ma tshang dbyangs/ /gsal byed yongs su rdzogs par gnas/ /yi ge
bzhi bzhi bsdoms pa las/ /skar ma gcig tu 'gyur ba yin/ /rkang pa
brgya dang

bcu gnyis la/ /'di ltar a i u e ste/ /bzhi po smin drug yi
ger brjod/ /o dang wa wi wu rnams ni/ /snar ma'i yi ger rnam par
gnas/ /de bzhin we wo ka ki mgo/ /ku g+ha nga tsha lag tu bstan/
/ki ko ha yi nam sor dran/ /hu he ho Da rgyal zhes grag /Di Du De
Do zhes bya ba/ /skag

tu shes bya lha chen ma/ /mchu yi ma mi mu me ste/ /mo Da Di Du
gre zhes brjod/ /De Do pa pi dbo ru dran/ /me bzhi pu Sha Na
Tha'o/ /pe po ra ri nag pa zer/ /ru re ro ta sa rir smra/ /ti tu
te to sa ga ste/ /na ni nu ne lha mtshams so/ /no ya me yu snron
du grags/ /ye yo b+ha b+hi snrubs su dran/ /b+hu

d+ha pha Ta chu stod yin/ /b+he b+ho dza dzi chu smad thob/ /dzu dze
dzo kha gro bzhin no/ /khi khu khe kho byi bzhin drna/ /ga gi gu
ge zhes bya ba/ /mon gru yin no gang ri'i bdag /go sa si su mon
grer thos/ /she sho da di khrums stod shes/ /du tha dza nya
khrums smad bshad/ /nam gru de do tsa tsir grags/ /tsu

tsi tso lA tha skar lo/ /li lu le lo bra nyer grags/ /de ltar
rkang pa brgya 'khor lor/ /ming gi skar mar shes par bya/ /re mig
nga rgya ba'i 'khor lo der/ /ming gi skar ma shes par bya/ /rgyu
skar re re ldan pa la/ /bzhi bzhi'i cha ru shes par bya/ /'khor
lo'i ri mo dgod pa la/ /brgyad

@63b kyis lhag pa'i nyi shu'o/ /de ltar shar gyi phyogs la gnas/
/lho la sogs par mnyam par gnas/ /ri mo brgyad po mnyam bris pas/
/rkang pa re la cha bzhir bgo /shar nas brtsams te gsal bar ni/
/rkang pa brgya pa legs par gnas/ /rgyu skar bzhi la gsal bar ni/
/rkang pa

bzhi ru grags pa yin/ /smin drug la sogs bsdoms pa las/ /bcu
gnyis lhag pa'i brgya phrag gcig /dbyangs dang gsal byed lnga
sogs la/ /de ltar bye brag shes par bya/ /rkang pa'i ri mor gang
gnas las/ /gnod pa'i mtshan nyid shes bya ba/ /'di ltar 'gyur ro
grogs mo

kyi; /sol ba dang 'khyud pa dang/ /du ba gdong tshugs mthong sa
rnams/ /gtso mo nyon la yid la gzung/ /dang por smin drug gnas pa
la/ /sdig pa'i gza' ni mnyam par gnas/ /a yig la ni 'khyud pa
zhes/ /gsal por khong du chud par bya/ /e yi yi ge du bar dran/
/byang

phyogs lo yig sol bar dran/ /nub phyogs ji bzhin yi ge kho/
/gdong tshugs zhes bya ra yongs su grags/ /mthong ba'i sa rnams
slebs pa ste/ /gnod pa lnga yin bzhin bzang ma/ /sol bas 'chi bar
'gyur ba ste/ /'khyud pas lus la nad rnams 'byung/ /du bas yid la
'dod pa

med; /gdong tshugs rigs ngan tha shal 'gyur/ /mthong ba'i 'bras
bu'i bye brag las/ /shes bya'i dpa' bo'i dbang phyug ma/ /thog
mar smin drug bzhag pa yi/ /rgyu skar rkang pa gsal ba la/ /gal
te nyi ma mnyam par gnas/ /rgyu skar gsum du rab tu brjod/ /a
nas bcu

gnyis pa nas ki/ /mgo yi rkang ba'i tha mar dran/ /zla ba gnas na
nub phyogs su/ /mthong sa rkang pa nyi shu gnyis/ /mon gru'i
rkang pa tha ma yi/ /su yig gsal por mthong ba yin/ /de ltar gza'
kun ngag gis ni/ /mthong ba'i mtshan nyid shes par bya/ /nyi ma'i
bcu gnyis yin par

grag ;mig dmar gyi ni gsum par grags/ /de ltar lha yi blon po
drug /nyi ma'i bu yi brgyad rnams ni/ /nyi ma la sogs rgyab tu
grags/ /zla ba la sogs mdun du ste/ /rA hu gza' lhag pa sangs
te/ /bzhi po 'grogs lugs gcig tu rten/ /zla ba mthong ba nyi shu
gnyis/ /de bzhin

@64a @#/ /rA hu'i dgu ru dran/ /zla ba'i bu yi bdun yin te/ /de
bzhin dkar pos lnga zhes bya/ /nyi ma'i mthong sa nor rnams zad/
/mig dmar rA hu spen pa yis/ /lus can rnams ni 'chi bar byed/
/phur bus gnyen rnams brlag cing 'chi/ /pa sangs las nyams don mi

'grub; /gza' lhag dgra 'byung zong mi lom/ /zla bas 'jigs pa chen
po 'byung/ /gtso bo mthong ba'i 'bras bur dran/ /de nas gzhan
yang bshad par bya/ /sha la ka yi 'khor lo ste/ /bag ma la sogs
cho ga mchog /grogs mo lha chen mdzes dga' nyon/ /skar ma'i dge
da[?]

mi dge ba/ /ma lus pa ni ston par byed/ /thug ma bdun pa'i 'khor
lo ste/ /nges pa'i 'bras bu ston pa yin/ /shar nas nub tu ri mo
bdun/ /lho nas byang du'ang de bzhin te/ /thad kar gdong tshugs
'byung bas na/ /sha la ka zhes grags pa yin/ /sum cu drug gi re
mig bcas/ /

smin drug nas ni bra nye'i bar/ /shar nas brtsam pa'i sbyor ba
yis/ /nyi shu rtsa brgyad rim bzhin bri/ /che zhe de la sdig pa'i
gza'/ /lhan cig gnas te 'khyud pa ni/ /de yi thad ka'i skar ma
la/ /ma rungs gdong ni zug par nges/ /'khyud pa'i mdun na sol ba
ste/ /rgyab ma du ba'o bcun

mo kye/ /de yi nus pa de tsam de/ /sngon du shes bya lha sras mo/
/sol ba 'khyud pa du ba gdong/ /stobs bzhi'i 'khor lo zhes bya'o/
/nyi ma dang ni lhan cig pa'i/ /phyogs ni mi shes pa zhes bya/
/nyi ma'i dkyil 'khor gnas pa'i phyogs/ /a ta mi ta zhes byar
grags/ /phyogs gang

bsod nams gza' rnams yod/ /'char ba zhes bya dge ba yin/ /nyi ma
dang ni lhan cig pas/ /a ta mi tar grags pa yin/ /gza' rnams zla
ba'i thad ka sogs/ /bag ma'i 'bras bu nges par brlag /nyi ma'i
thad kar khyo rnams shi/ /mig dmar gyi ni bu dang bral/ /zla ba'i
tad kAr

gza' lhag yod/ /bza' btung med do lha yi sras/ /lha yi bla mas
nor nyams shing/ /sngon chad med pa'i sdug bsngal 'byung/ /ba
sangs khyos ni spangs nas su/ /btsun mo la sogs mgo reg byed/
/spen pa'i thad kar zla ba yod/ /smad 'tshong du ni 'gro zhes
grags/ /zla ba yod pa'i

@64b thur ma la/ /bsod nams sdig pa gnas gyur pa/ /mdung dang
mdung ni chen po yi/ /sbyor bar yongs su grags pa yin/ /mdung
dang mdung chen sbyor ba la/ /bu skyes 'chi bar 'gyur ba ste/
/gal te byes su phyin pa na/ /zla ba gnyis na nges par 'chi/ /bag
ma blangs na khyo ni 'chi/ /bshes

dpa' bye zhing don rnams med/ /bya ba gang yang 'grub mi 'gyur/
/mdzes dga' khong du chud par gyis/ /smin drug la sogs skar ma
rnams/ /phyogs su bdun bdun gnas pa las/ /mig dmar la sogs gza'
rnams ni/ /rgyu skar re re'i bdag por dran/ /skar ma rang gi bdag
por

gnas/ /skyon med bde ster rang gi bu/ /byes bgrod sogs dang bya
ba la/ /rang gi bdag pos bde bar byed/ /bdag po rang gi bu la
gnas/ /thams cad shes byed lha chen ma/ /byang la sogs pa phyogs
bzhi ru/ /zla ba gnas pa'i skar ma rnams/ /dbo dang khrums smad
chu smad dang/ /

rgyal dang mchu dang sa yi bu/ /mig dmar zhes bya thad kar song/
/chom rkun gyis 'tshe bza' btung med/ /sngar nas med pa'i nad
'byung zhing/ /longs spyod zad 'gyur med do kye/ /chu smad gro
bzhin me bzhi dang/ /nag po mon grer zla ba gnas/ /de yi thad kar
gza' lhag shar/ /'chi

sogs mi dge sna tshogs pa/ /nor bu bu dang bu mo dang/ /longs
spyod rnams ni ma lus nyams/ /khrums stod snrubs dang tha skar
mchu/ /sa ga rnams la zla ba gnas/ /tha skar phur bu'i gdong
btsugs na/ /rgyal po yul du mi bzhag cing/ /bya ba kun la mi dge
ste/ /gnyen rnams

gsal bar 'chi bar 'gyur/ /snron dang chu stod gre dang skag /nam
gru rnams su zla ba yod/ /de yi thad kar pa sangs bltas/ /bag ma
blangs na khyo 'chi ste/ /pus mo la sogs na ba dang/ /phyugs kun
brlag par 'gyur ba yin/ /smin drug lag dang chu stod dang/ /byi
bzhin bra nyer zla ba

gnas/ /tha skar gal te spen pa 'ongs/ /nad 'byung grogs rnams
'chi bar dran/ /rgyu skar bdag po'i nus pa ste/ /rang gi bdag
po'i 'khor lo yin/ /smin drug la sogs rim pa bzhin/ /bzhi bzhir
yongs su phye ba las/ /sde tshan bdun du 'gyur ba ste/ /bzhi la re
khAs bsko rab bdun/ /

@65a @#/ /nyi zla pa sangs phur bu dang/ /mig dmar gza' lhag rA
hu spen/ /rim pa bzhin bstan mtha' ma'i char/ /rA hu spen pa
gnyis te bzhin/ /sde tshan phan tshun bsnol gnas las/ /mo de thad
ka'i nus pa 'byung/ /nyi ma mig dmar thad kar te/ /mig dmar nyi

mar gdong btsugs so/ /de bzhin zla ba gza' lhag ste/ /spen pa
phur pa phan tshun bltas/ /pa sangs rA hu de bzhin du/ /thad kar
bsnol bas stobs su 'gyur/ /grong dang grong khyer phyogs rnams
su/ /phyugs dang rin chen lo tog sogs/ /thad ka'i skyon gyis
brlag par ni/ /'gyur ro

lha yi dbang phyug ma/ /gza' rnams thad kar gdong btsugs pas/
/phan tshun chen po'i 'khor lor grags/ /smin drug la sogs rim pa
bzhin/ /phyogs der bdun ni gnas pa las/ /rang gi phyogs su 'gro
bar chas/ /dge'o dpa' mo dbang byug ma/ /shar phyogs shar bzhin
byang

du ste/ /byang yang byang bzhin shar du'ang bzang/ /de bzhin lho
dang nub phyogs kyang/ /phan tshun mnyam par dge ba yin/ /me nas
rlung du sa ri g+ha/ /mtshams la rgal na mi shis pas/ /don nyams
sdug bsngal ngal dub dang/ /rmongs shing 'chi bar 'gyur ba yin/
/me dang rlung du

mtshams bcas pas/ /sa ri g+ha yi 'khor lo yin/ /dbang ldan bra nye
smin drug dbus/ /mer ni skag dang mchu zhes brjod/ /bden bral sa
ga lha mtshams dbus/ /gro bzhin mon gre rlung de bzhin/ /rang gi
phyag rgya'i sbyor ba ste/ /lha mo de ltar phan tshun gnas/
/phyogs bzhi phan tshun

mi mthun phyir/ /phan tshun rnam par spangs pa yin/ /rdzogs pa
dang ni zug pa'i dbus/ /rang gi phyag rgya'i sbyor bar dran/
/rdzogs dang zug pa'i dbus su ni/ /bzlog ste 'gro la bzang ba
med/ /rdzogs dang zug pa'i chu tshod lnga/ /mi dge'i lhag ma skyon
dang bral/ /sngar bshad thad ka'i

gdong tshugs kyis/ /'khor lo de ltar 'dir shes bya/ /de ltar ma
'khrul shes bya ste/ /skyon gyi 'bras bu rnam par spangs/ /rang
gi phyag rgya'i 'khor lo ste/ /be ra mu pa'i 'khor lo yin/ /de
ltar thur ma'i 'khor lo mchog /dge dang mi dge'i bye brag rnams/
/phye ste rgyas par bstan pa

@65b ste; /legs par rtogs sam skal bzang ma/ /'di ni g.yul las
rnam par rgyal ba'i rgyud kyi rgyal po las/ /rkang pa brgya ba'i
'khor lo'i cho ga bstan pa dang sha la ka'i 'khor la bstan pa
chen po ste le'u bzhi ba'o// //lha mos gsol ba/ lha chen 'khor lo
mchog tu dge

rkang ba brgyad cu rtsa gcig pa'i/ /cho ga shin tu rgyas par
yang/ /dbang phyug lha las nyan par 'tshal/ /bcom ldan 'das kyis
bka' stsal ba/ /rkang pa brgyad cu rtsa gcig pa'i/ /mnyam pa'i
'khor lo rgyas pa 'dir/ /g.yul las rnam par rgyal ba yi/ /bstan
bcos don kun ma

tshang med/ /sha la ka yi 'khor lo yang/ /'di dang lhan cig mnyam
par gnas/ /thig ni drang po cha bcu ru/ /mdzes ma mnyam par gnas
par bya/ /de la re mig brgyad cu gcig /'byung bar nges so sdu gu
ma/ /grwa nas grwar bzung sre mig la/ /a sogs dbyangs kyi yi ge
dgod

smin drug nas ni pra nye'i bar/ /phyi yi re mig bdun la dgod/
/lnga la gsal byed nyi shu rnams/ /a wa ka ha Da sogs dgod/ /de
bzhin thog mar glang la sogs/ /re mig gsum la dgod par bya/ /dga'
ba la sogs tshes rnams ni/ /dbus kyi re mig lnga la dgod/ /de ltar
skar ma

la sogs pa/ /g.yas bskor sbyor bas dkar mo kye/ /de ltar brgyad
cu rtsa gcig la/ /dus kyi lha rnams thams cad tshang/ /rang gi
rgyu skar gsal byed dbyangs/ /khyim dang tshes la mche ba brtag
/sdig gza' thad ka la ni ngan/ /gnyis dang gsum gyis brlag 'gyur
te/ /gcig gi thad

kar song ba yis/ /don nyams nor rnams zad par byed/ /ming la drag
po'i gza' rnams 'joms/ /nges par 'chi bar mthong zhes dran/ /bsod
nams sdig can ming la zin/ /rims 'byung nor rnams zad par byed/
/be na si kar drag po'i gza'/ /gsum 'dzom tshe ni 'jig par ston/ /

skyes pa las dang bi nA shar/ /a d+ha na la rims nad 'byung/
/bsod nams gza' rnams shar nub tu/ /nyi ma la nub ngan par 'gyur/
/ming gi skar mar nyi ma song/ /'chi ba la sogs 'byung ba'i
phyir/ /phyogs gang nyi ma gnas pa'i phyogs/ /rgyu skar yi ge dus
sbyor tshes/ /phyugs nyams

@66a @#/ /'thab rtsod mya ngan 'byung/ /bran g.yog longs spyod
rnam par nyams/ /nyi ma dang bral phyogs gsum kar/ /dgra las
rgyal zhing grogs bzang phrad/ /'dod pa'i don 'grub phun sum
tshogs/ /rnyed dang grags pa de bzhin 'byung/ /dbang po la sogs
sde tshan gyi/ /lag

sogs dbus na gnas pa la/ /nyi ma gnas tshe nub 'gyur te/ /phyogs
de'i ming gi rgyu skar dang/ /tshes khyim gsal byed dbyangs rnams
ni/ /bsregs nyams tshad pas gdungs pa yis/ /rnam par nyams par
'gyur ba'i phyir/ /dbus su zla ba gsum gsum ngan/ /lhag ma'i
phyogs gsum

dge ba ste/ /zla ba'i sde tshan de bzhin smra/ /gsal byed rgyu
skar tshes khyim dbyangs/ /phyogs kyi bdag po mkha' 'gro'i phyir/
/gang gi phyogs na nyi ma gnas/ /'gro 'dug byed pa dge bar grags/
/da gzod dge dang mi dge brtag /sngon du bsams pa mkhas pa yin/
/shar du smin drug

skag gi bar/ /nges gnas yi ge lnga po yang/ /a wa ka ha Da la
sogs/ /khyim ni glang 'khrig kar ka Ta/ /dga' ba zhes bya grwa
nas dbyangs/ /dbyangs yig dang po lnga pa dang/ /dgu pa dang ni
bcu gsum yod/ /nyi ma shar du 'ongs tshe nub/ /mchu nas sa ga'i
bar du yang/ /ming

gi gsal byed lnga po ni/ /ma yig la sogs ldan par gnas/ /de bzhin
seng ge bu mo srang/ /grwa ni dbyangs yig gnyis pa dang/ /drug pa
bcu pa bcu bzhir dran/ /bzang po tshes te lho phyogs su/ /nyi ma
gnas tshe nub par grags/ /lha mtshams la sogs gro bzhin mthar/ /na
nas

kha yi mthar thug par/ /gsal byed yi ge lngar yang grags/ /sdig
pa gzhu dang chu srin dran/ /rgyal po'i tshes so dbyangs yig
rnams/ /mi thub drag dang dbang phyug gnas/ /gal te chu ru nyi ma
song/ /de rnams nub par bstan pa yin/ /mon gru la sogs bra nye
gnas/ /gang nas la yi mthar

thug par/ /yi ge lnga ni gnas par bstan/ /khyim ni bum pa nya
dang lug /tshes ni stong pa dbyangs ni chu/ /nor dang nyi ma rgyal
por dran/ /nyi ma byang nas nub pa yin/ /bsod nams gza' rnams dge
zhes zer/ /rtsa ba yan lag tshes kyi gza'/ /nye ba'i gza' la sogs
pa rnams/ /

@66b nyi ma gnas pa'i rjes 'brang zhing/ /de bzhin spro zhing
sdud par byed/ /ji ltar glog ni lnga ba la/ /longs spyod yongs su
rdzogs par shes/ /'di ltar brgyad la shu la gnas/ /bcu bzhi pa la
'brug tu dran/ /bco brgyad de bzhin mjug tu brjod/ /mkha' mig
gtso zhas nges par mthong/ /

thog ces ming dang lag par grags/ /sa g.yos gsum lhag nyi shu'o/
/de bzhin rgyal ba zhes bya ba/ /gtun shing dag tu grags pa yin/
/sgra gcan mig dmar spen pa rnams/ /mthong sa sngon du dgu gsum
brgyad/ /nye ba'i gza' yi sbyor ba rnams/ /rgyu skar la sogs shes
par bya/ /

rgyu skar nyi shu rtsa bdun ni/ /thams cad tshang bar bskor ba
yin/ /dus sbyor phyed gza' 'char ba ni/ /sum cu'i tshes la'ang
'char zhing bskor/ /dang po'i thun la tshes kyi bdag /lan bzhi byi
bzhin dus sbyor byed/ /nyin mo gza' rnams drug la bskor/ /mtshan
mo lnga la bskor ba yin/ /

'di ltar lo dang lug sogs khyim/ /tshes dang thun mtshams rim pa
bzhin/ /bdag po'i gza' rnams 'char bas na/ /skar ma las ni rtogs
par bya/ /dzan ma hA ni a na d+ha ka /dzan ma hA ni rim pa
bzhin/ /tshes la lan gsum 'char bar grags/ /dkar po la sogs tshes
gcig la/ /

dus sbyor phyed la de ltar 'char/ /phyed gong phyed 'og dkar nag
dran/ /mtshams yang de ltar dkar nag brjod/ /drag po'i tshes dang
drag po'i gza'/ /skar ma drag po gsum 'dzom pa/ /shin tu mi shis
ngan pa ste/ /ba ni sha ka zhes byar grags/ /rkang pa brgyad cu
rtsa gcig pa'i/ /'khor

lor gsum 'dzom gdong tshugs grags/ /glang chen myos pa'i mche ba
yis/ /blangs te za bar byed dang mtshungs/ /g.yas g.yon mche bas
'dzin pa ste/ /sna yi mdun na sdod pa gsod/ /ji ltar grwa bzhir
gnas pa yi/ /a sogs bzhi pos spang ba las/ /gal te dbyangs yig
bcu gnyis

kyang; /mche ba nges pa cis mi spang/ /bsam gyis mi khyab rgyu yi
phyir/ /brjod du mi btub gsang ste bzhag /re mig dang po dgu pa
dang/ /bcu bdun nyi shu lnga pa ste/ /rkang pa brgyad cu rtsa
gcig las/ /'dis ni mche ba rnam par spangs/ /gzhan yang rkang pa
bcu gnyis kyi/ /u phyogs

@67a @#/ /dbyangs yig bcu gnyis po/ /gal te 'di la gdong tshugs
shar/ /grwa bzhir gdong tshugs ci ste med/ /rkang pa drug la gang
gnas pa/ /nyi shu rtsa gcig nyi shu lnga/ /brgya phyed gcig gis
ma ldang ba'i/ /brgya yi phyed dang gcig lhag pa/ /re mig bdun cu
rtsa

gcig pas/ /khengs pa rnams kyis de ma spangs/ /grwar gnas yi ge
ji bzhin te/ /zla ba 'phil bar mi byed do/ /nyi zla'i bar mnyam
bco lnga ste/ /cung zad bsnol bas 'grib par dran/ /des na gang
ba'i tshes la ni/ /glang chen mche bas rgyab kyis phyogs/ /lo dang
zla ba nyin zhag la/ /

rnam par 'char bar shes par bya/ /dkar nag phyogs kyi nyin zhag
la/ /dbyangs dang gsal byed stobs byed dran/ /dkar phyogs las
skyes dkar po ste/ /nag phyogs las skyes nag po la/ /stobs ni che
bar 'gyur pa ste/ /zla ba phyed par yongs su grags/ /g+ha nga tsha
dang Sha Na Tha/ /d+ha

pha Dha dang tha dza nya/ /ka ba bzhi por gnas pa las/ /gsal byed
yi ge gsum gsum bstan/ /smin drug sdig can gnas pa las/ /bra nye
g.yas song a dang glang/ /dga' ba bzang po srang dang ta/ /sa ga
g.yon te byi bzhin bdun/ /de bzhin rgyu skar kun la sbyar/ /snar
ma u dang tha

skar g.yas/ /wa 'khrig o dang bu mo dang/ /sa ri g.yon te gro
bzhin mdun/ /mgo yi g.yon nas ka yig dang/ /kar ka seng ge pa nag
pa/ /mdun du chu smad ces bya ste/ /a dpal dang nam gru g.yas/
/bsod nams shar na zas med cing/ /sdig can bdag nyid rnam par

nyams/ /lag gi g.yon nas ha dang lI/ /Ta yig me bzhi g.yas su
wa/ /li tsa khrums smad mdun phyogs su/ /chu stod sdig can zas
med cing/ /sngon bzhin srog mthar byed pa yin/ /nab so'i g.yon du
Ta ba dbo/ /g.yas su ka yig glang lug dang/ /khrums stod mdun du

snrubs zhes bya/ /sdig pas 'joms par ston pa yin/ /rgyal gyi don
du u dang gre/ /g.yas su ha yig 'khrig pa o/ /nya dang sa yig
mon gre dang/ /mdun du snron te mche bas btab/ /skag nas g.yon du
mchu zhes dran/ /Da dang kar ka dga' ba sdong/ /bum pa ga yig mon
gru

@67b g.yas; /lha mtshams mdun gnas sdig pas gdungs/ /mchu yi g.yas
su skag bzung ste/ /g.yon nas ma yig seng ge dang/ /bzang po
rgyal ba chu srin kha/ /byi bzhin mdun du bra nye'o/ /sdag gnas
bcom pa'i bdag nyid dran/ /gre yi g.yon nas Da yig dang/ /bu mo
i yig

gzhu dang dza/ /gro bzhin g.yas su u dang rgyal/ /mdun du tha
skar sdig can 'joms/ /dbo yi g.yon du pa dang srad/ /sdig pa 'ba'
zhig chu smad rnams/ /g.yas phyogs ma Da nab so bzung/ /mdun du
nam gru sdig gza'i bdag /ra o ya dang chu stod rnams/ /me bzhi'i
g.yon

du mche bas btab/ /Da li ha dang lag rnams g.yas/ /khrums smad
mdun du sdig pas gnod/ /nag par sdig pas gnod pa las/ /ta na
snrubs ni g.yon du ste/ /pa dang seng ge kar ka Ta/ /ka dang mgo
g.yas khrums stod mdun/ /g.yas g.yon mdun du gnas pa rnams/ /sdig

can bdag nyid gnod par dran/ /sa rer sdig gnas g.yon du ri/
/snron no g.yas su de bzhin ra/ /bu mo o dang 'khrig pa ma/
/snar ma mdun du mon grer grags/ /sa gar sdig can lha mtshams
g.yon/ /g.yas su ta yig srang bzang po/ /dga' ba glang dang a
yig dang/ /smin

drug mdun du mon gru bzung/ /lha mtshams la gnas g.yas su ni/ /sa
ga g.yon nas na sdig pa/ /rgyal pa stong pa lug dang la/ /bra
nye'o de bzhin mdun du skag /snron la ya yig gzhu aH nya/ /tsa
yig tha skar mche ba g.yon/ /g.yas su ri yig sa ri bzung/ /rgyal
ni mdun te sdig

pa'i bdag /snrubs nas b+ha yig chu srin dang/ /bum pa da yig nam
gru g.yon/ /na ta nag pa g.yas su ste/ /mdun du nab so sdig can
gnod/ /gang zhig chu stod sdig can gnas/ /dza ai sha dang khrums
smad g.yon/ /ya e ra dang me bzhi gnas/ /mdun na lag gi gnod can
dag ;

gal te chu smad sdig can gnas/ /kha ga khrums stod g.yon pas
'dzin/ /b+ha yig sdig ba srang la dbo/ /g.yas te mdun du mgo la
gnod/ /gro bzhin la gnas g.yas su dza/ /gzhu dang a yig bu mo
Ta/ /bre'o g.yon pas r-i yig dang/ /mon gru de bzhin mdun snar ma/
/byi bzhin

@68a @#/ /gyi ni g.yas phyogs su/ /kha yig chu srin rgyal ba
bzang/ /seng ge ma yig mchu rnams zin/ /g.yon du mon gre smin
drug mdun/ /mon grer gal te sdig can gnas/ /g.yas su byi bzhin
g.yon dug /bum pa stong dga' kar ka Ta/ /Da ka g.yas so

sa ga mdun/ /mon grur bdag nyid chen po gnas/ /sa dang nya khyim
o 'khrig pa/ /ha rgyal g.yon bzung g.yas su ri/ /gro bzhin du ni
sa rir dran/ /gnod pa khrums stod la gnas te/ /kha ga chu smad
g.yas su 'dzom/ /g.yon du da yig lug glang ka /nab so'i mdun du

nag pa bcom/ /khrums smad gal te sdig can 'ongs/ /tsa li wa lag
g.yon pas 'dzin/ /sha o dza dang khrums stod g.yas/ /mdun du me
bzhi rnam par 'joms/ /nam gru'i g.yas su da yig dang/ /bum pa chu
srin b+ha yig snrubs/ /g.yon du la a rgyu skar mgo/ /mdun

du dbo zhes bcom par dran/ /tha skar g.yon du u yig dang/ /snar
ma g.yas su tsa yig nya/ /a tha gzhu dang ya dang snron/ /mdun
du gre ni rnam par nyams/ /bra nye g.yon du smin drug ste/ /g.yas
su la yig lug stong pa/ /rgyal ba sdig pa na yig dang/ lha mtshams
mdun du

mchu zhes grags/ /rang gnas dang por skyes pa ste/ /de bzhin bcu
par las zhes brjod/ /de nas rkang pa bcu drug pa/ /rnam par 'ges
pa zhes byar dran/ /rkang pa'i grangs ni bco brgyad par/ /rgya
can zhes byar yongs su grags/ /lha mo nyi shu rtsa gsum par/ /bi
nA shArka zhes

bya'o; /nyi shu rtsa lngar bshad pa la/ /yid can zhes byar kun du
grags/ /de ltar mche ba drug gnod pas/ /drug 'dzin zhes bya lha
sras mo/ /rkang pa bcu dgu pa yi grangs/ /a d+ha na zhes de bzhin
brjod/ /rigs dang yul dang dbang bskur gsum/ /gang la mche bas
bzung

ba'am; /gdong mjug med na dge ba ste/ /gdong 'jug mche bas mi dge
byed/ /skyes par gdon shar nad 'byung zhing/ /nor zad ku co dgra
dang rtsod/ /las la mche gnas grogs dang 'thab/ /bzo byas bla med
las mi 'grub/ /rnam 'gres gnyen bshes pho mo dbye/ /gal

@68b te rgya can mche bas btab/ /bsam pa'i don rnams 'grub mi
'gyur/ /bi na sha ka rims nad 'chi/ /yid can gdong tshugs sdug
bsngal 'thob/ /de ltar drug la mi dge byed/ /smin drug bram ze'i
rigs yin te/ /rgyal rigs 'dzin pa rgyal zhes bya/ /nam gru
rje'u'i rigs la

gnas; /me bzhi dmangs rigs la sogs dran/ /dbus nas brtsams te yul
rnams su/ /smin drug la sogs gsum gsum po/ /hu ra'i yul gyi mthar
thug par/ /rim pa bzhin du shes par byed/ /gzugs 'di sdig can
gang gnas pa'i/ /gsum la dbugs sogs

rim pa bzhin/ /lag sogs gsum la sdig can gnas/ /shar gyi rgyal po
tshogs rnams 'jig /smin drug sogs gsum yul dbus kyi/ /ma ga d+hA
sogs rnams la ngan/ /skag sogs shar lho'i sems can skrag /dbo
sogs lho ru mi dge ste/ /sa ri la sogs lho nub

pa; /snron sogs sin d+hu sogs nub shes/ /nub byang hor sogs chu
smad sogs/ /mon gre la sogs byang gi yul/ /nam gru la sogs byang
shar yul/ /sdig gnas mi dge dbang phyug ma/ /snying ga bshang lam
de bzhin kha/ /yan lag bzhi dang lhan cig tu/ /dbo gnyis

mnyam par gsum gnas la/ /rus sbal 'khor lor yongs su grags/ /lha
mo skar ma'i skyor ba yis/ /dge dang mi dge'i 'bras bu thob/
/snying gi dbus kyi yul rig cing/ /yan lag bzhis ni mtshams kyi
yul/ /kha yi shar na gnas pa'i yul/ /bshad lam nub phyogs

btsun mo kwa/ /dbo gnyis lho byang yul du ni/ /dbyangs 'char
rgyud las yongs su grags/ /bsod nams sdig can gang sbyor ba/ /dge
dang mi dge nges par mthong/ /de nas se bI tsa kra bshad/ /legs
par nyon cig lha chen ma/ /'di ni rnam par shes tsam gyis/ /dgos
pa

thams cad 'grub 'gyur ba'i/ /rang gi se bar 'dzin pa yi/ /skar ma
dang por gzhag pa las/ /mgo bor bdun bzhag mdzes dga' ma/ /de
bzhin rgyab tu bdun nas brjod/ /snying gar bdun ni gnas par
bstan/ /rkang par bdun bzhag dbang phyug bdag /rang gi skar mar

@69a @#/ /gang brjod pa/ /mgo bo'i dbus song mchog tu dge /mgo bor
gnas pas dga' bskyed cing/ /mchod 'gyur legs ster rjes 'dzin
'gyur/ /rgyab kyi skar ma la sogs ngan/ /ji bzhin pa yi bcu cha
snyed/ /gal te snying ga'i skar mar sor/ /bdag po'i

dbang song ci bgyid byed/ /ji snyed rkang pa'i skar ma la/ /zhu
ba don med nyon mongs 'gyur/ /mig gis mi mthong re thag 'chad/
/bden par nges dran ri sras mo/ /de ltar brgyad cu rtsa gcig
pa'i/ /'khor lo zhes grags bzhin bzang ma/ /'di ni g.yul las rnam
par rgyal ba gsang

ba'i rgyud kyi rgyal po las rkang pa brgya cu rtsa gcig pa'i
'khor lo sbyor ba bstan pa chen po ste le'u lnga pa'o// //lha mos
gsol pa/ lha yi lha mchog bcom ldan 'das/ /thams cad mkhyen pa la
zhus pa/ /lus can skyes pa'i gnas skabs la/ /dge dang mi dge ji

ltar gnas/ /dus kyi 'khor lo ji lta bu/ /gnas dang 'chi ba'i
khyad par las/ /dge dang mi dge'i rim pa bzhin/ /lha chen bdag la
cis ma gsung/ /bcom ldan 'das kyis bka' stsal pa/ /mchog tu gsang
ba'i man ngag lha/ /dkar mo myur du nyan par gyis/ /lus

can kun gyi srog shes pa/ /dus kyi 'khor lo zhes bya ba/ /mu
khyud bzhi pa lte ba can/ /rtsibs ni bcu gnyis re mig ni/ /sum cu
bdun ldan 'khor lo ste/ /rim pa gsum du bris nas ni/ /tshe dang
srog rlung zhag grangs dang/ /lo zla nyin zhag rim pas pri/ /nyi
khyim 'pho ba

zhes bya ba/ /g.yas dang g.yon pa'i lam las ni/ /rgyu ba'i mtshan
nyid rig par bya/ /'di la dge dang mi dge brtag /nag po'i tshes
gcig nas bzung ste/ /nyin zhag gsum du 'pho gcig la/ /zla ba'i
bgrod pa rgyu ba ste/ /de nas nyin gsum nyi bgrod 'gyur/ /de
bzhin bco

lnga'i bar du yang/ /zhag ni gsum gsum shes par bya/ /dkar po'i
tshes gcig nas brtsams te/ /nyin zhag gsum du snga dro ni/ /nyi
ma'i bgrod pa rgyu ba ste/ /de bzhin tshes ni bco lnga'i bar/ /dus
sbyor gcig la rgyu bar 'gyur/ /dus sbyor re re rgyu ba las/
/phyin ci log tu nges

@69b par rgyu/ /rtsod pa la sogs nges 'gyur pa/ /nyin zhag lngar
ni log par rgyu/ /rtsod pa la sogs 'byung bar 'gyur/ /zla ba
phyed kyis nad 'byung zhing/ /zla ba gcig gis gnyen rnams brlag
/zla phyed gsum gyis 'chi bar 'gyur/ /de ltar shes bya mdzes ma
kye/ /zhag gcig

nas ni bzhi ba'i bar/ /bcu nas bzhi yi bar gyi lo/ /zhag lnga nas
ni brtsams nas ni/ /nyi shu rtsa lnga'i mthar thug pa/ /lnga
lnga'i zhag ni 'phel ba yin/ /nyi shu lnga nas sum cu gsum/ /re
re zhag ni 'phel ba yin/ /de la gsum gnyis gcig gi lo/ /drug gsum
gnyis

gcig phyed kyi zla/ /bco lnga gsum gnyis gcig gi zhag /de ltar lo
zla zhag rnams kyis/ /lus can rnams kyi srog 'dor byed/ /de ltar
the tshom med mtshan nyid/ /ma lus par ni bshad par bya/ /skar ma'i
ming la zla ba gnas/ /bcu bzhi pa la nyi ma song/ /'dzom

pas lus can srog 'dor 'gyur/ /thams cad mkhyen pas gsang ste
bshad/ /dus 'di shes par bya ba ste/ /snga ma'i sbyor ba 'di
rdzogs 'gyur/ /rang gi rlung dang skar khyim brtag /ltas kyi
'khor lo brtag par bya/ /ji ltar sangs rgyas bcom ldan 'das/
/g.yas g.yon

rlung gi bye brag blta/ /'pho ba'i dus tshod brtag bya ste/ /bye
brag phyed pas smra bar bya/ /lam gsum las rgyu bye brag ni/
/dbus rgyu nyin phyed 'chi ba ste/ /g.yon nas rgyu na nub mo
'chi/ /g.yas rgyu nyin mo 'chi bar ston/ /'di ni rtsi gcig yid
gnas pa/ /mnyam par gzhag pas

shes par 'gyur/ /tshe yi mtshan nyid ji tsam zhes/ /rlung gi dbugs
la ma g.yengs blta/ /ji ltar rlung ni lam gcig las/ /zhag lngar
rgyus na ri sras mo/ /lo gsum gyi ni rim pa yis/ /mi rnams srog
ni zad par 'gyur/ /gal te nyin zhag bcu rgyus na/ /lo gnyis lus

can srog 'dor 'gyur/ /bco lnga'i nyin zhag rgyus pa na/ /lo gcig
la ni nges par 'chi/ /gal te nyin zhag nyi shu rgyu/ /mi rnams
zla ba drug nas 'chi/ /nyi shu rtsa lngar rgyu byed na/ /zla ba
gsum gyis 'chi bar 'gyur/ /nyin zhag nyi shu rtsa drug gis/ /srog
ni zla ba gnyis na

@70a @#/ /'dor; /nyin zhag nyi shu rtsa bdun gyis/ /zla ba gcig na
gshin rje'i gnas/ /gal te nyin zhag nyi shu brgyad/ /zla ba khyed
na lho phyogs song/ / nyin zhag nyi shu rtsa dgu rgyus/ /nyin
zhag bcu na nges par 'chi/ /sum cu rgyus na zhag lnga na/ /sum cu
gcig

gis zhag gsum na/ /sum cu gnyis kyis zhag gnyis na/ /nyin zhag
sum cu so gsum gyis/ /lus can rnams kyi lam po cher/ /zhag gcig
gis ni srog 'dor dran/ /nyi phyed nas ni nyer lnga'i bar/ /lha
yis shes kyis gzhan gyis min/ /ji srid ma shi'i bar du ni/ /blo
ldan

mkhas pas shes par bya/ /dang por de ltar shes byas la/ /'dri ba
rnams la lan gdab bya/ /lus can rnams kyi 'chi ba'i dus/ /legs
par brtags na de ltar mthong/ /brtag tu de ltar brtag bya ste/
/ji bzhin mkhas la dri bar bya/ /mchu yi zla ba shar dus su/ /chu
srin 'pho

bar yongs su grags/ /de tshe tho rangs ma la nas langs/ /nyi ma
shar kar blta bar bya/ /dgun zla tha chungs zhes bya ba/ /chu
srin 'pho ba'i sbyor bar grags/ /de nas gzhan yang bshad par bya/
/tshe yi gnas skabs 'bras bu la/ /dge dang mi dge'i sbyong ba
rnams/ /gtso

mo gzhan la ngas ma bshad/ /nyi zla mig dmar sgra gcan dang/
/phur bu spen pa gza' lhag dang/ /du mjug pa sangs zhes bya ba/
/gza' rnams dgu ru yongs su grags/ /lus can tshe yi gnas skabs la/
/kun du dbang byed 'di rnams yin/ /yongs su rdzogs dang dbu

ma dang/ /'bring dang tha mar shes par bya/ /nyi ma'i lo drug
shes bya ste/ /zla ba lo bcu mdzes dga' ma/ /mig dmar zhes bya lo
bdun yin/ /sgra gcan la ni bco brgyad dran/ /bla ma'i bcu drug
spen pa ni/ /nyi shur gcig gis ma tshang ba'i/ /gza' lhag lo ni
bcu bdun

grags/ /du ba mjug rings lo bdun dran/ /pa sangs mnyam par nyi
shu ste/ /dge dang mi dge'i rim pas spyod/ /bsdus pas brgya dang
nyi shu ste/ /lus can mchog gi tshe rabs grags/ /rgyu skar smin
drug la sogs pa/ /lan gsum bskor bas nyi shu bdun/ /re mig thad
drang

@70b rim pa lnga/ /sde tshan dgu dgur gnas pa la/ /nyi ma nas
brtsams pa sangs mthar/ /dgu bo re mig rnams la grags/ /gnas
skabs 'bras bu rim pa bzhin/ /'di 'dra'i bstan bcos lha yis
bshad/ /tshes dang mkha' me bzhi bcu lnga/ /drug cu'i dus kyi chu
tshod rnams

dang po gnyis gsum bzhi pa ste/ /cha 'am skal bar grags pa yin/
/cha shas dang por skyes pa rnams/ /mchog gi tshe zhes yongs su
grags/ /cha shas gnyis par skyes pa rnams/ /tshe lo brgya ru grags
pa yin/ /gsum pas brgyad cur shes bya ste/ /bzhi pa drug cur shes
par bya/

bsdoms pas brgya dang nyi shu ste/ /gnas skabs tshe tshad de la
ltos/ /rang gi skyes pa'i chu tshod la/ /nyi shu lhag pa'i brgya
yis bsgyur/ /de la dgu bcus bgos thob pa/ /tshe tshad rnams la rim
bzhin dbri/ /lhag ma lus can tshe tshad de/ /'chi slus pa na snon
par bshad/ /cha shas

dang pos mchog la dbri/ /gnyis pas brgya la dbri bar bya/ /gsum
pas brgyad cu la dbri'o/ /cha shas bzhi pa drug cur dbri/ /slus
na dang por snon pa med/ /cha shas gnyis par lnga ster te/ /cha
shas gsum par bcu sbyin bya/ /cha shas bzhi bas bco lngar bsnan/
/nyi zla

mig dmar la sogs pa'i/ /so so'i lo rnams zhag tu bsgyur/ /de la
yrang rang lo yis bsgyur/ /de la rang rang lo yis bsgyur/ /de la
mkha' dang nyi mas bgo/ /rnyed pa sum cus bgos thob pa/ /zla bar
'gyur ro lhag ma zhag /yang na so so'i lo rrnams kun/ /mkha' dus
me yis bsgyur bar bya/ /de

la mkha' dang nyi mas bgo /rnyed pa rnams na brtan pa yin/ /lhag
ma drug cus bsgyur thob pa/ /chu tshod rnams su shes par bya/
/gza' dgu rang rang bstan pa la/ /rang rang lo yis bsgyur bar
bya/ /mkha' dus mes bgos thob pa lo/ /gal te rnyed par ma gyur
ana/ /sum

cus bgos la zla ba bya/ /de yi lhag ma zhag tu 'gyur/ /de ltar
mchog gi tshe la ni/ /lus can rnams la yongs su grags/ /'dri byed
skyes pa'i skar ma yi/ /bdag po gang yin de yi lo/ /mchog nas cha
shas bzhi ba'i bar/ /lhag ma lus can tshe tshad yin/ /'dri bar

@71a @#/ /byed pa'i tshe tshad gang/ /thog mar rang gi lo yis
bsgyur/ /mkha' dang nyi mas thob pa lo/ /lhag ma yod na gsum gyis
bsgyur/ /sum cus bgos la zla ba bya/ /lhag ma dag ni zhag tu
'gyur/ /de 'og rim pa ji bzhin du/ /dgu yi mthar thug

blta bar bya/ /cha shas bzhi yi gnas skabs kun/ /blo ldan bye
brag shes bya ste/ /lo zla zhag dang dbyu gu dang/ /chu srang
dbugs kun phra bar byed/ /lus can tshe yi gnas skabs la/ /dge ba
dang ni mi dge ba'i/ /lo zla zhag gi gnas skabs rnams/ /legs par
brtags

te smra bar gyis/ /nyi shu rtsa bdun re mig las/ /lo bdag gang
yin shes bya ste/ /rang gi skyes pa'i skar ma ni/ /bgrangs la
gang yin shes par bya/ /gro bzhin dbus su song ba yi/ /ming gi
skar ma zhes bya ba/ /de yi mtshams su 'chi ba ste/ /sdig pa'i
gnas skabs thob par

byed; /stobs ldan 'chi bar 'gyur ba ste/ /stobs chung longs spyod
rlag par byed/ /stobs mnyam nad ni 'byung bar yang/ /byed do
mchog gi gzugs can ma/ /lha mchod sbyin dang cho ga'i las/ /dge
ba'i bshes dang 'grogs shing zhu/ /dge sbyong bram ze bsnyen bkur
sogs/ /

dus min 'chi ba 'joms par byed/ /rgyu skar 'og na gnas pa'i gza'/
/tshe yi gnas skabs 'bras bu ston/ /de nyid rim pas lus can tshe/
/gnas skabs 'bras bu thams cad shes/ /nyi ma rgyal pos rnyed pa
'byung/ /mkhris pa'i nad rnams 'byung ba dang/ /gnyen grogs

rnams dang 'bral ba dang/ /nor zad pa dang nyes pa 'byung/ /zla
ba'i lo bcur gnyid che zhing/ /bud med rnams ni mnyam par rnyed/
/gos dang rgyan la sogs pa rnyed/ /rang phyogs dgrar 'gyur bu mo
skye/ /mig dmar lo bdun dgra rnams 'byung/ /gnyen bshes rnams

dang 'thab rtsod 'byung/ /khrag dang mkhris pa'i nad 'byung
zhing/ /gzhan gyi bud med rnams dang 'grogs/ /lha min dbang po'i
bco brgyad la/ /nor zad lce zug chung ma 'chi/ /gnyen brlag don
nyams sems nad 'byung/ /gzhan du 'gro dgos brnyas par 'gyur/ /

@71b phur bu'i bcu drug grags pa la/ /gzhan gyis khur zhing bu
thob 'gyur/ /nor dang chos dang gos 'phel zhing/ /sbyin sreg sems
dang rig pa 'phel/ /spen pa'i bcu dgur lus nad 'byung/ /chung ma
bu dang 'thab rtsod cing/ /blo dman rmugs shing le lo che/ /byes
su

'khyams shing yul na bskor/ /gza' lhag lo ni bcu bdun la/ /gnyen
grogs dang mthun chos dang sbyar/ /shes rab 'phel zhing lus nad
sbyor/ /rlung nad cham pa khrag nad 'byung/ /ke tu'i bdun la bu
brlag cing/ /nor zad spun zla sring mo 'chi/ /dgra dang phrad
cing

rgyal pos 'joms/ /bud med ma rungs rnams dang rtsod/ /pa sangs
nyi shu lo rnams la/ /bud med rnyed cing chos kyang rnyed/ /don
dang las 'grub dge ba 'phel/ /nor thob grags pa 'phel bar 'gyur/
/de ltar tshe yi gnas skabs su/ /dge dang mi dge rnam par spyod/ /

skyes pa'i bye brag ma lus pa/ /lha mo bdag gis nges par bstan/
/de nas gzhan yang skyes pa yi/ /'khor lo zab mo lha mo nyon/
/bstan bcos 'dir ni ma gsungs kyang/ /thub pa chen pos rnam par
bshad/ /nyi mas 'khyud pa'i skar ma de/ /spyi bo'i steng du bri
bar bya/ /de

bzhin kha la gsum yin te/ /dpung mgor gnyis te mkhrig mar gnyis/
/lag pa la gnyis snying gar lnga/ /skar ma gcig ni lte ba la/
/gsang bar skar ma gcig yin te/ /pus mo la ni skar ma gnyis/
/rkang par brgyad dgod skye ba brtag /rkang pa las skyes tshe
thung 'gyur/ /

pus mo las skyes byes 'khyams shing/ /gsang ba las skyes 'khrig
pas brlag /lte ba las skyes dbul por 'gyur/ /snying ga las skyes
longs spyod ldan/ /lag pa las skyes rkun mor 'gyur/ /mkhrig mar
skyes pa sdug bsngal can/ /dpung pa las skyes khur po pa/ /

kha las skyes pa chos dang ldan/ /spyi bo'i skar ma las skyes pa/
/rgyal por 'gyur bar the tshom med/ /de ltar dge dang mi dge ba/
/skyes ma thag tu mkhas pas brtag /dus kyi 'khor lo'i sbyor ba
las/ /shes par 'gyur ro dbang mo che/ /'di ni g.yul las rnam par

@72a @#/ /rgyal ba dbyangs 'char ba'i rgyud kyi rgyal po las skyes
pa'i skabs bstan pa chen po ste le'u drug pa'o// //bcom ldan 'das
kyis bka' stsal pa/ /de nas gzhan yang bshad par bya/ /ji ltar
lam gyi 'khor lo mchog /lam du zhugs

pa'i mi rnams la/ /phan gnod 'bras bu mthong bar 'gyur/ /rtsa
gsum 'khor lo rnam 'byor pa/ /tha skar la sogs rim bzhin bri/
/rgyu skar rim bzhin rtsa gsum khrid/ /nam gru'i mthar thug mdzes
ma nyon/ /tha skar dang ni lag dang yang/ /nab so dang ni de
bzhin dbo/ /

me bzhi snron dang bcas pa dang/ /snrubs dang mon gru khrums stod
rnams/ /dang po'i rtsa la rim bzhin bri/ /bra nye dang ni de
bzhin mgo/ /rgyal dang gre zhes bya ba dang/ /nag pa de bzhin lha
mtshams dang/ /chu stod mon gru khrums smad rnams/ /blo ldan mchog
gi gzugs can ma/ /

gnyis pa'i rtsa zhes yongs su grags/ /smin drug nas ni snar ma
dang/ /skag dang mchu dang sa ri dang/ /sa ga chu smad gro bzhin
dang/ /nam gru lha mo rtsa gsum dran/ /de rnams gza' dang yang
dag sbyor/ /bsod nams sdig can gza' rnams brtag /lam 'jug tatkA
la

rgyu skar gyi/ /rtsa rgyud la gnas gza' yi las/ /mda' 'phen drug
cus rkang pa gcig /rkang pa bzhi la dpag tshad yin/ /'gro sar dpag
tshad ji snyed pa/ /rtsa rgyud la gnas gza' yis bsgyur/ /de la nyi
shu bdun bgos thob/ /dro lam du 'gyur lhag ma la/ /bzhis

bsgyur thob pa rkang pa ste/ /lhag ma mkha' dus bsgyur las thob/
/mda' 'phen zhes bya de rnams su/ /dge dang mi dge'i 'bras bu
'byung/ /sdig can rnams kyis mi dge byed/ /bsod nams gza' rnams
bde ba byed/ /nyi mas 'jigs kyang skyon med 'gyur/ /rA hu lam

med mi dge byed/ /spen pas rtsod dang 'ching bar byed/ /mig dmar
'chi bsam gzhan gyis gsod/ /zla bas bud med mnyam par mthun/
/gza' lhag rig byed rnams dang phrad/ /phur pas chos dang sbyor
bar byed/ /pa sangs bdag pos mchod par 'gyur/ /ke tus

@72b cung zad mi dge byed/ /mda' 'phen rkang pa dro lam rnams/
/gza' yis bsgyur la 'khor lo yis/ /thob pa'i grangs kyis lam
rnams su/ /dge dang mi dge byed par 'gyur/ /lam gyi 'khor lor
'dri byed gang/ /lam zhugs rnams la phan byed yin/ /dkar

po'i 'khor lo bshad par bya/ /mdzes gzugs thal sbyor 'dri bar
bya/ /spyi bo'i mig dang kha mgrin pa/ /lag gnyis thal mo de
bzhin rkang/ /gsang ba de bzhin snying gar ni/ /dkar pos 'khyud
brtsams gsum gsum dgod/ /spyi bo'i dus la gang dbang 'dod/ /bram

ze bud med blon po rnams/ /bram ze rig byed chos kyis bkur/ /bud
med bstan nas chung mar byed/ /blon pos nor ster phun sum tshogs/
/mig gis bran dang bud med 'dul/ /rang la gdug cing nye ba dang/
/chung ma nor dang bkra shis byed/ /kha la rgyal rigs ma ning

gis; /mgo skor byed dang smra dgos dang/ /lus la tshad pa 'bab pa
yin/ /mgrin par rje'u rgyal rnams dang/ /bud med la smras nor
rnams dang/ /bud med thams cad 'dul ba yin/ /lag gnyis skar mar
ngag smras pa/ /rgyal dang dmag dpon skyes pa la/ /rang la

ltas ngan 'bab pa dang/ /yul dang nor dang skye bo sdang/ /thal
mo la ni gang dbang ba/ /phal pa dang ni ma ning la/ lha dang bla
ma mchod byed cing/ /chos dang sbyin dang rgyal rnams 'grub/
/rkang pas bdag po bram ze blon/ /skyes pa rnams la rim pa bzhin/
/nor zad chung ma

spangs pa dang/ /dgra yi dbang du song bas 'jig /gsang ba'i dus
la rnal 'byor pas/ /dbang bya bran dang bud med dang/ /yon tan
can 'khor chung mas 'bor/ /snying ga'i dus la dbang bya ni/ /bram
ze dag dang ma ning la/ /dbang du byed na gnyen grogs spong/ /nor
dang

bram ze bud med rnyed/ /dgu cha'i dum bu'i mtshan nyid de/ /ji
srid na 'thob yun tshod ni/ /kha na chu tshod yun yin te/ /lag pa
zhag tu brjod par bya/ /gzhan rnams zla ba mig la lo/ /de yi nges
pa sngar 'das kyi/ /drug par lhag ma gang yin pa/ /spyi bo'i
phyed brtsi mig

@73a @#/ /la gcig /mgrin lag drang po snying ga phyed/ /thal mo
gnyis yin kha la drug /rkang pa dgu yin gsang gnas drug /nyin
zhag dkyil 'khor mnyam dus na/ /ji srid bzhin la ma 'phos bar/
/de yi 'bras bu mnyam par mthong/ /dkar po'i

'khor lo bstan nas kyang/ /de nas gzhan yang bshad par bya/ /ri
dags pa yi 'khor lo mchog /zla ba dang ni ri dags pa'i/ /dbus su
sdig pa'i gza' rnams kyis/ /'khyud pa'i grangs dang mnyam pa ni/
/srog chags rnams ni gsod par bshad/ /sdig pas 'khyud

pa'i kha dog bzhin/ /rngon pa las ni bshad par bya/ /gsum ni cha
shas khyim la gnas/ /dgu cha la gnas nyis 'gyur gnas/ /'khyog po
mthon po la gnas gza'/ /gsum gyis bsgyur ba'i grangs bzhin bstan/
/'di yi 'gyur gyis thams cad la/ /byed do dpa' bos phyag

byas ma/ /gza' skar sbyor ba de dag gi /rma rnams 'byung bar
brjod par bya/ /stod dang smad dang logs dang rgyab/ /longs spyod
cha yis de bzhin no/ /lha mo 'di 'dra'i 'khor lo ni/ /bden phyir
mngon sum byed pa yin/ /yang na rab tu byed pa gzhan/ /bshad do
tshogs kyi

bdag mo kye/ /gza' yi grangs ni tshes kyis bsgyur/ /gzugs kyis
dman byas rang gis bsgyur/ /phyed dman bdun dang mig gis bgo
/lhag ma cha shas gang yod pa'o/ /de ltar srog chags ji tsam pa/
/rgyal po sogs kyis 'ching bar byed/ /phye ba'i lhag ma gcig gis

ni; /bros pa nyid du bstan pa yin/ /khyim dang skar ma ji bzhin
du/ /blo ldan mtshan nyid shes par bya/ /de nas rab tu byed pa
gzhan/ /ji ltar bshad do bzhin bzang ma/ /tshes ni gza' dang lhan
cig pa/ /gzugs kyis dman byas rang gis bsgyur/ /phyed dang 'dod
pa'i chu tshod

kyis/ /bgos pa'i lhag ma gang yod pa/ /srog chags de yin mkhas pa
yis/ /rgyal po bdag la brjod par bya/ /sngon las ma dag nyin zhag
la/ /dge dang mi dge mang por 'gyur/ /mi mthun phyogs la sdug
bsngal 'byung/ /nges 'byin yan lag rma rnams 'byung/ /so sor

@73b phyin nag yang la ltung/ /skyes pa'i mtshams kyis rang nor
nyams/ /lhag ma rnams kyi 'bras bu ni/ /tshogs kyi bdag pos dge
bar brjod/ /nyi zla mig dmar gza' lhag phur/ /pa sangs spen pa
rA hu dang/ /ke tu'i grangs kyis rim pa bzhin/ /dro lam la sogs
bsgyur

bar bya/ /rngon pa'i 'khor lo bstan nas kyang/ /rgyan gyi 'khor
lo btsun mo nyon/ /rgyan gyi 'khor lo 'di yi las/ /g.yul shom
shags 'gyed 'thab rtsod la'o/ /zheng du re khA bcu gnyis te/ /de
bzhin chu ru drug pa bri/ /yid dang rgyu skar mi gnyi ma/ /tshes
dang drug dang rgya

mtsho me/ /de bzhin bcu bdun brgyad dang bug /re mig rnams la rim
bzhin bri/ /de 'og A li kA li yang/ /rim pas mnyam par bri bar
bya/ /r-i r-I l-i l-I a rnams spang/ /k+Sha ni rnam par spangs pa
yin/ /'di yi re mig yang dag pa/ /lnga bcu rtsa lngar yongs su
grags/ /de

nas ming gi yi ge grangs/ /dbyangs dang gsal byed ji snyed pa/
/legs par bltas la rang rang gi/ /steng gi grangs kyis bsgyur bar
bya/ /nor gyis bgos te khyer ba yi/ /lhag mas rgyal mtshan la sogs
'char/ /de bzhin dbyangs dang gsal byed ni/ /'di ltar

rjes su grangs pa rnams/ /rgyal mtshan du ba seng ge khyi/ /khyu
mchog bong bu glang po che/ /bya rog dang ni brgyad du grags/
/'di rnams stobs kyi bye brag ni/ /bya rog gnyis 'gyur khyi la
brjod/ /khyi gnyis bong bur shes bya ste/ /bong bu'i nyis 'gyur
khyu mchog dran/ /khyu

mchog nyis 'gyur glang po che/ /glang po'i nyis 'gyur seng ge la/
/seng ge'i nyis 'gyur rgyal mtshan te/ /rgyal mtshan stobs gnyis du
ba la'o/ /de ltar stobs kyi bye brag shes/ /brgyad kyi cha yis
thob pa yi/ /lhag ma yongs su bsam pa ste/ /gcig sogs lhag mar
gyur

pa'i grangs/ /rgyal mtshan la sogs bdun rim bzhin/ /rgyan ni 'khor
lo'i stobs bstan pa/ /de ltar brjod bya dbang mo che/ /de nas
ming gi yi ge sogs/ /brtag pa gzhan yang bshad par bya/ /rgyal
dang pham pa yongs shes pa/ /dbyangs 'char rgyud la bshad pa
nyon/ /

@74a @#/ /rang dang rang gi dgra bo yi/ /ming gi gsal byed rtogs
pa dang/ /ming gi dbyangs ni nges byas la/ /gsal byed bzhi yis
bsgyur byas te/ /dbyangs ni gnyis kyis bsgyur byas la/ /gcig tu
bsdoms par byas nas kyang/ /bdun gyi cha yis bgo bar

bya; /de yi lhag mar gang gyur pa/ /gnyis ka mnyam na 'dum pa
ste/ /mi mnyam stobs la bltas pas shes/ /ming gi yi ge ji snyed
pa/ /gcig gis gcig la dbri bar bya/ /lhag ma gang yod rgyal ba
ste/ /ma ldang ba ni 'pham par 'gyur/ /lhag med mnyam pas 'dum

par byed/ /de ltar shes bya dka' bzlog ma/ /ming gi dbyangs dang
gsal byed rnams/ /so sor phye la legs par brtag /zung gis pham
par shes bya ste/ /kha yar bas ni rgyal bar ston/ /dbyangs dang
gsal byed ji snyed pa/ /so sor mnyam na 'dum par ston/ /lha mo

de ltar 'khor lo mchog /so sor shes par bya zhes grags/ /de nas
shin tu gsang ba yi/ /rma brtag 'khor lo bshad par bya/ /skyes
bu'i gzugs kyi 'khor lo la/ /rgyu skar gnas pa'i mtshan nyid can/
/lus kyi cha shas gang du rma/ /byung zhing ji tsam 'byung ba
zhes/ /nyi

ma gnas pa'i rgyu skar nas/ /bye brag phye la rim bzhin bri/ /mgo
bor gsum la kha la gsum/ /snying ga lnga ste lag par brgyad/
/rkang pa dag la brgyad yin te/ /de ltar gzugs la dgod par bya/
/rang gi skar ma'i dus sbyor las/ /mthong bar sdig can gang yod
pa/ /

rma byung che chung mthong dang stobs/ /bdun par the tshom med par
'gyur/ /zla ba gnas pa'i cha shas la/ /rma rnams 'byung bar shes
par bya/ /rma rnams che chung lta ba ni/ /dgu cha'i dum bu blta
bar bya/ /de yi grangs kyi sor gyis bcal/ /sdig can gnas par rma
'byung bshad/ /

nyi ma mthong na rma log 'gyur/ /rA hu mthong na rma zer thebs/
/spen pa mthong na skyes bu yi/ /rma la khrag ni med par 'gyur/
/mig dmar mthong na khrag dmar 'byung/ /gal te 'chi bar 'gyur
ba'ang srid/ /gza' yi 'khor lo gnas pa las/ /sdig can gnas

@74b pas shes par byed/ /de ltar bden pa'i mtshan nyid can/ /so
sor bye brag phyed par bye/ /'di yi nyi ma mgor bstan pas/ /rma
'byung drang srong gis shes 'gyur/ /de nas mdor bsdus mnyam pa
ni/ /tri shU la yi 'khor lo bshad/ /gang zhig shes pas g.yul
'gyed

tshe; /rtsod pa'i mtshan nyid shes par bya/ /tri shU la ni gsum
bris te/ /rim pa bzhin du skar ma dgod/ /nyi mas 'khyud pa'i skar
ma dang/ /rtse mo nas bzung bar bri bar bya/ /nyi mas 'khyud pa'i
skar ma nas/ /mgo bzung rtse mor skar ma gsum/ /tri shU la yi yu
ba la/ /rgyu

skar drug ni rim bzhin bri/ /de nyid phyi rol 'thon pa yi/ /mdung
rtse gsum la rgyu skar gsum/ /tri shU la yi yu ba la/ /rim pa
gsum gsum brtsegs mar bri/ /de nas steng du brtsegs pa yi/ /dbu
ma'i rtse mo'i yu bar yang/ /g.yas pa'i rtse mor gsum yin te/ /yu
ba

gsum gsum brtsegs mar bri/ /mdor na rtse mo rnams la gsum/ /yu
bar gsum gsum brtsegs mar bri/ /dbu ma 'khrug pa'i tri shU la/
/g.yas pa nang du 'jug par brjod/ /g.yon pa phyi rol 'thon pa
ste/ /dbyangs 'char rgyud las de ltar mthong/ /zla ba gang na
gnas

pa brtag /rang gi skar ma gang nas gnas/ /rang gis brtags la shes
par bya/ /gdug pa'i gza' rnams gar yod ngan/ /phyir 'thon pa la
phyir log 'gyur/ /nang 'jug skar mas nang du chud/ /dbu ma 'khrug
par 'gyur ba ste/ /'og ma gnyis la rtsod pa chung/ /bar

ma gnyis la 'bring por 'gyur/ /steng ma mnyam la 'thab rtsod che/
/rtse mo gsum la shin tu che/ /mdung ni dbu mar gang yod pham/
/rang dang dgra yi skar ma dag /'di la bsrung ba shin tu gces/
/g.yas dang g.yon gyi tri shU la/ /nang 'jug phyi rol 'thon pa
las/ /

rtsod pa che 'bring gong ma bzhin/ /dbyangs 'char rgyud las bshad
pa yin/ /'di ltar rang gi rgyu skar la/ /sdig can mi dge zhi ba
dge/ /tri shU la gsum zhabs bsdus dgod/ /nyi ma gnas pa'i skar
ma ni/ /tri shU la bar ma'i rtse mo nas/ /rim pa bzhin du dgod
par

@75a @#/ /[PAGE M-iSS-iNG]

@75b [PAGE M-iSS-iNG]

@76a @#/ /rigs yin na/ /mi dang srin po kun las rgyal/ /mi dang
srin po lhan cig pa/ /me dang chu bzhin 'gal bar 'gyur/ /de ltar
khyo shug la sogs pa/ /rigs kyi 'khor lo bstan pa yin/ /de nas
gzhan yang bshad par bya/ /gang gis shes pa

tsam gyis ni/ /mig gi mtshan nyid shes 'gyur ba/ /the tshom med par
bshad kyis nyon/ /tha skar mgo dang rgyal dang ni/ /me bzhi lha
mtshams gro bzhin dang/ /nab so gang dang lhan cig pa/ /de yi mig
ni dge ba ste/ /bsam pa'i don kun 'grub pa yin/ /dro lam

brgya yi yul yang mthong/ /lag dang snrubs dang mon gre dang/ /sa
ri gre dang chu stod dang/ /khrums stod mig ni long ba dang/ /don
dang las kun 'grub pa med/ /mchu dang nag pa snron zhes bya/
/snar ma dbo dang chu smad dang/ /khrums smad rnams la 'dri byed
kyi/ /mig ni

shel lam g.yo bar 'gyur/ /bra nye de bzhin smin drug skag /mon
gru sa ga byi bzhin dang/ /nam gru gang yod mig dmar zhing/ /nag
por 'gyur zhing dge ba med/ /nor dang rnyed pa rab sbyor med/
/yid la 'dod pa rnam par spangs/ /de nas sde brgyad 'khor lo
mchog /gang

gis shes pa'i mi rnams kyis/ /stobs dang gnyen po'i bye brag
rnams/ /bshad kyis lha yi bdag mo nyon/ /a yi sde tshan lha yin
te/ /ka sde lha ma yin du brjod/ /tsa sde gang gnas klu zhes bya/
/bzhi yi sde tshan dri zar grags/ /ta sder gnas pa gnod spyin
dran/ /de

bzhin pa sde srin por smra/ /ya yi sde tshan sha za ste/ /sha yi
sde tshan mi zhes grags/ /'di ltar lha min stobs gcig ste/ /klu la
de yi nyis 'gyur bshad/ /de gnyis nyis 'gyur dri za ste/ /de
gnyis nyis 'gyur gnod sbyin no/ /de gnyis 'gyur gyis srin po ste/
/srin mo'i

nyis 'gyur sha za dang/ /sha za'i 'gyur gyis lha la brtag /lha yi
nyis 'gyur mi zhes grags/ /de ltar phan tshun nye ring du/ /grangs
ni gang mang stobs cher 'gyur/ /phyogs mtshams thad kar mi mdza'
ste/ /stobs chen rnams kyis chung ba gsod/ /g.yul gyi dus su

@76b bstan pa ste/ /'khor lo'i stobs ni nges par mthong/ /ming gi
dang po gsal byed la/ /rnam par dpyod par yongs su grags/ /de
ltar phan tshun nye ring du/ /grangs ni gang mang stobs cher
'gyur/ /de ltar stobs kyi bye brag 'di/ /tshangs pas rgyud du
bshad pa

yin; /g.yul gyi dus su 'khor lo 'di/ /stobs kyi cha yis rgyal
pham ston/ /sde tshan ji ltar gnas pa dang/ /stobs bskyed pa yi
rim pa ni/ /dbang me gshin rje bden bral dang/ /chu rlung gnod
sbyin dbang ldan dang/ /go rims bzhin du gnas pa ste/ /'di rnams

stobs la khyad par gnas/ /stobs chen rnam par rgyal 'gyur te/
/chung ba pham par 'gyur ba yin/ /rang la pha rol phyogs kyi
stobs/ /srog chags rnams kyi lus kyis gsal/ /a sde 'di ltar bya
khyung ste/ /ka yi sde tshan byi la ra dran/ /tsa yi sde tshan seng
ger

dran; /Ta sde spyang khur shes par bya/ /ta yi sde tshan sbrul du
gsal/ /sa sde byi lar yongs su grags/ /ya yi sde tshan glang po
che/ /sha sde lug tu yongs su brjod/ /de nas 'dab chags 'khor lo
mchog /gang gis shes pa tsam gyis kyang/ /dus kyi stobs

kyis 'dod don kun/ /the tshom med par 'grub 'gyur bshad/ /de ltar
phyogs mtshams brgyad po la/ /shar nas brtsams te legs par gnas/
/shar phyogs bdag po nyi ma ste/ /mig dmar me yi phyogs na gnas/
/gshin rje phur bu lhas mchod ma/ /gza' lhag

bden bral phyogs na gnas/ /bsangs chu bdag phyogs zhes dran/
/rlung phyogs bdag po spen par grags/ /zla ba nor gyi bdag po'i
phyogs/ /sgra gcan dbang ldan spyod yul lo/ /bya rgod khra dang
gong ma sreg /de bzhin ne tsho khrung khrung dang/ /rma bya 'ug pa
srin bya ste/ /'dab

chags brgyad du yongs su grags/ /'di ltar rim bzhin a sde dang/
/ka sde tsa sde de bzhin te/ /Ta sde ta sde zhes bya ba/ /ba yi
sde tshan bcas pa dang/ /ya tshan sha tshan bri bar bya/ /ya yi sde
tshan bcas pa dang/ /sha yi sde tshan tshang par ni/ /re mig brgyad
la legs

@77a @#/ /par dgod/ /sde tshan brgyad po rang rang gi/ /dus kyi
stobs ni 'dis shes 'gyur/ /bya rgod dang ni khra hor ba/ /nyin
mo'i lhag la stobs cher 'gyur/ /rma bya dang ni khrung khrung dag
/tho rangs dus che stobs su 'gyur/ /srin bya dang ni gong ma sreg/

nyi ma'i gung la stobs cher gsal/ /ne tsho dang ni 'ug pa dag
/mtshan mo'i dus la stobs cher grags/ /'ug pa dang ni ne tsho dag
/dgun zla gsum la stobs cher 'gyur/ /rma bya khrung khrung zhes
bya ba/ /dpyid zla rnams la stobs cher gsal/ /gong ma sreg ces
grags pa

yang; /dbyar zla gsum la bde legs byed/ /khra ni ston zla gsum la
stobs/ /bya rgod dang ni srin bya dag /zla ba kun la stobs cher
brjod/ /gcig dang dgu ba bya rgod stobs/ /gnyis dang bcu la de
bzhin khra/ /gsum pa dang ni bcu gcig la/ /gong ma sreg kyang

stobs cher byed/ /de bzhin bzhi dang bcu gnyis la/ /ne tsho'i
stobs ni 'byung bar gsal/ /khrung khrung zhes byar grags pa ni/
/lnga dang bcu gsum tshes la dran/ /drug dang bcu bzhi'i tshes
grangs la/ /rma bya'i stobs ni che ba yin/ /bdun pa dang ni bco
lnga ba/ /'dab

chags 'ug pa stobs skyed 'gyur/ /brgyad la srin bya stobs 'phel
grags/ /bla ma brgyad pa'i rim gyis so/ /de ltar dus kyi stobs
bshad pa/ /lha mo 'dri ba rnams la brjod/ /dbang por bya rgod nyi
ma'i res/ /a yi ming can stobs cher 'gyur/ /de ltar gza' dang
sde

tshan rnams/ /phyogs rnams kun la shes par bya/ /nyin mtshan cha
dang tshes grangs dang/ /zla ba'i bye brag rab shes bya/ /de ltar
ming gi sde tshan las/ /stobs kyi bye brag shes par bya/ /gang gi
rigs yin bye brag phyed/ /de la stobs dang stobs min shes/ /ne
tsho la ni

stobs gcig ste/ /hor ba'i khra la stobs gnyis byed/ /rma bya la
ni stobs gsum ste/ /gong ma sreg la bzhi 'gyur ro/ /khrung khrung
la ni lnga zhes dran/ /de bzhin 'ug pa drug 'gyur gsal/ /'ug pa'i
bdun 'gyur srin byar brjod/ /bya rgod brgyad 'gyur bstan pa yin//

@77b 'dab chags 'khor lo 'di lta bu/ /legs par zung shig dbang mo
che/ /de nas gzhan yang bshad par bya/ /tshangs pa'i 'khor lo chen
po de/ /lha yi yul na sngar med pa/ /'phral du phan 'dogs byed pa
yin/ /smin drug nas ni brtsams nas ni/ /rgyu skar dgu tshan gsum
la

bri; /rim pa gsum du bkod pa la/ /gdong tshugs zhes bya ri sras
mo/ /rim pa gsum gyi rgyu skar la/ /bsod nams sdig can gang gnas
blta/ /skyes pa phun tshogs ma tshogs dang/ /so so'i de bzhin
bsgrub bya dang/ /nges sbyin byams pa de bzhin du/ /pha rol byams

dgod mdzes ma kye/ /skar ma gsum la gdong tshugs ni/ /the tshom med
par rtogs par bshad/ /g.yas g.yon gyi ni sdug bsngal zhing/ /rims
dang nor nyams la sogs byed/ /gsum dang gnyis gcig 'dzom pa las/
/che 'bring bye brag shes par bya/ /bsod nams

gza' yis dge zhing bzang/ /sdig can rnams kyis mi shis byed/
/bsod nams sdig can 'dren mar gnas/ /'bras bu'i stobs ni 'dren
mar gsal/ /gza' rnams skar mar gnas bltas te/ /de yi stobs kyis
'bras bu skyed/ /nyi ma sgra gcan mig dmar dang/ /spen

pa song ba'i skar ma rnams/ /gal te skar ma gsum la 'dzom/ /de yi
srog ni 'dzoms par dran/ /bsod nams can gnas bde bar mthong/
/'dren mas 'bras bu 'dren mar gsal/ /'di la bsod nams sdig can
ni/ /gang gnas 'bras bu stobs cher 'gyur/ /de nas

klu yi 'khor lo mchog /nyon cig lha yi gzugs can ma/ /nyin zhag
skar ma nas brtsams te/ /kha nas mjug ma'i bar du bri/ /kha dang
mdun dang gsus pa dang/ /dpyi dang mjug ma mgul ba dang/ /dpung
ba lte ba gsang gnas te/ /klu yi 'khor lo rim pa bzhin/ /

gsum gsum mnyam par dgod pa las/ /'di yi 'bras bu rnam par ston/
/mgul pa gsus pa dbyi dang ni/ /mjug ma mdun la mi dge ba/ /'chi
ba la sogs shes bya ste/ /nad pa rnams la bstan pa yin/ /kha dang
lte bar skyes skar yod/ /nor rnyed na ni zhi bar 'gyur/ /

@78a @#/ /phrag par rnam par rgyal 'gyur te/ /gsang bar don nyams
nges par mthong/ /gdengs ka'i 'khor lo gang bshad pa/ /ming gi
rgyu skar las shes bya/ /de nas gzhan yang bshad par bya/ /sbrul
byi 'khor lo btsun mo nyon/ /sbrul gyi gzugs ni bri bar

bya; /de yi rtsa gsum gnas pa la/ /tha skar la sogs rim pa bzhin/
/nam gru'i mthar thug bri bar bya/ /rtsa gsum brgyad pa'i 'khor
lo la/ /gar gnas gza' yi 'bras bu brtag /nyi ma mig dmar song
ba'i rtse/ /spen pa rA hu gang gnas pa/ /gal te 'og ma dag

la song/ /nad mad nad 'byung nad can 'chi/ /bzhis 'chi gsum gyis
nor nyams byed/ /gnyis kyis gnyen brlag gcig gis ni/ /nor nyams
gnyen rnams rims nad 'byung/ /bud med sdug cing rang dbang med/
/rang gi skar ma gnas pa las/ /bsod nams yod na bde

las byed/ /gal te rtse ni gcig la song/ /de la dpon g.yog dge bar
dran/ /nor rnyed thams cad mthun par 'gyur/ /blo dang ldan par
shes par bya/ /bar ma'i rtsa la song ba na/ /grong dang yul khyim
bde par gsal/ /rtsa gcig la ni song ba la/ /bdag nyid bde zhing

skyid pa yin/ /chung ma khyo dang lhan cig tu/ /rtsa ni gcig la
song ba na/ /myur du khyo ni 'chi bar 'gyur/ /chung ma ring du
spang bar bya/ /rang gi rtsa la bsod nams snang/ /shis pa'i 'bras
bu mdun na sdod/ /de nas gzhan yang bzhin bzangs ma/ /gdugs kyi
'khor lo

bshad kyis nyon/ /tha skar la sogs nam gru'i mtha'/ /rtsa bzhi la
ni brgyan par bya/ /rtsa rnams legs par gsal ba la/ /rgyu skar
rnams ni mnyam par dgod/ /mgo dang nag pa mon gru la/ /gdugs kyi
yu bar yongs su grags/ /nyi ma sgra gcan mig dmar dang/ /spen

ba mgo dang lhan cig la/ /gal te phur bu yang dag gnas/ /shar gyi
rgyal po srog dang bral/ /brgya la phur bu med sred na/ /nad kyis
thebs par 'gyur pa yin/ /de ltar nag par gza' lag gnas/ /dbus kyi
rgyal po de bzhin no/ /mon gru zla ba yang dag gnas/ /nub kyi

@78b rgyal po sngar bzhin dran/ /de nas gzhan nas gsungs pa yi/
/shin tu gsang zhing bden byed pa/ /seng ge'i gdan rab grags pa
yi/ /'khor lo bshad kyis dkar mo nyon/ /gang gis shes pa'i 'khor
lo yi/ /bstan bcos mthar thug rtog par 'gyur/ /'jig rten rnams
kyi

byed pa po/ /sems kyi rgyal po 'di shes 'gyur/ /tha skar la sogs
dgu rnams dang/ /de bzhin mchu la sogs pa dang/ /snrubs la sogs
pa'i rgyu skar rnams/ /ngos rer dgu dgu bri bar bya/ /de la nor
bu nas brtsams te/ /chos kyi bar du dgu ba dgod/ /yul dang yul du
rgyu

skar tshogs/ /de dang de yod lha chen ma/ /mon gru de bzhin mgo
dang ni/ /nag pa rnams ni dbu ma la/ /seng ge'i gdan gyi ngos
rnams su/ /lha mo de ltar grags pa yin/ /mon gru byang gi yul du
brjod/ /dbus kyi yul du mgo zhes grags/ /lho phyogs nag pa zhes
bya ba/ /'di ni

yul der shes par bya/ /nor bu rta dang de bzhin gdugs/ /rnga ma
zhes bya lhas mchod ma/ /seng ge'i gdan dang glang po che/ /bu ti
dang ni de bzhin gser/ /chos ni rgyu skar rnams pa ste/ /rim pa
bzhin du re re dgod/ /gdugs dang seng ge'i gdan dang ni/ /rnga ma
dag la rim pa

bzhin; /ji ltar nyi ma'i dbus gnas pa/ /de yi 'bras bu lha dbang
ma/ /yul de'i rgyal po lho phyogs 'gro/ /nor bu la sogs gang la
shar/ /dkon par 'gyur te the tshom med/ /seng ge gdan gyi 'khor
lor grags/ /de nas gzhan yang bshad par bya/ /mda' gzhu'i 'khor

lo zhes bya ba/ /gang gis shes pa g.yul du ni/ /rgyal pham mtshan
nyid nges par ston/ /gzhu dang rgyud dang mda' bcas pa'i/ /mda'
gzhu 'khor lo mnyam par bri/ /nyi ma 'khyud pa'i skar ma nas/
/gsum gsum rim pa bzhin du bri/ /mda' yi ltong dang rked pa dang/
/mde'u

rnams la rim pa bzhin/ /gzhu mchog g.yas dang changs pa dang/
/g.yon par gsum gsum rim par bri/ /gzhu rgyud g.yon dang dbu ma
dang/ /g.yas su gsum gsum rim par bri/ /rang gi skyes pa'i skar
ma de/ /ji ltar gnas pas shes par byed/ /mda' yi ltong la song na

@79a @#/ /'chi; /rked par nad 'byung rtse mor rgyal/ /gzhu rgyud
dbu mas don nyams shing/ /changs pa la song nor rnams zad/ /gzhu
mchog g.yas pa dgra las rgyal/ /gzhu rgyud g.yas pas rnyed pa
'byung/ /gzhu mchog g.yon pas rtsod 'gyur 'chi/ /gzhu rgyud

g.yon pas 'chi bar mthong/ /de rnams kun la sdig can gnas/ /mi
dge 'bras 'byung ri sras mo/ /gal te bsod nams sbyor ba yod/
/shis pa'i 'bras bu nges par mthong/ /bsod nams sdig can 'dres
mar gnas/ /'bras bu 'dres mar mthong ba yin/ /de nas gzhan yang

bshad par bya/ /ral gri'i 'khor lo dge ba can/ /gang gis shis pas
'dri byed kyi/ /g.yul las rnam par rgyal bar 'gyur/ /gzhan du
gsung ba'i 'khor lo gang/ /dge dang mi dge rnam dpyod pas/ /bstan
bcos rgyud kyi mtshan nyid las/ /myur du 'di ni nges par mthong/
/ral gri

'dzin pa'i skyes bu la/ /smin drug la sogs rim bzhin bri/ /rtse
mor lnga ste kha la gnyis/ /rked par bcu dang yu bar bcu/ /rtse
mor sor brgyad gnas pa las/ /rked pa de yi 'gyur gyis gnas/ /kha
dang yu ba dag la ni/ /bye brag yongs su shes par bya/ /kha dang
rked par sdig can

song; /rang nyid dge bar 'gyur ba ste/ /ral gri'i rtse mor sdig
can gnas/ /bdag nyid nyams par 'gyur ba yin/ /kha dang rked par
bsod nams yod/ /bdag nyid mi dge byed par dran/ /drag dang zhi ba
gnyis ka yod/ /dge dang mi dge 'dren mar 'byung/ /rtse mor zhi
drag

gnyis ka yod/ /de la 'thab rtsod 'byung mi 'gyur/ /gal te rtse
mor bsod nams snang/ /rgyal dang rnyed dang bde bar 'gyur/ /rked
par dge sdig 'dren mar gnas/ /'khrug pa 'dum par 'gyur ma yin/
/bsod nams sdig can bdag nyid li/ /slobs kyis che chung 'bras bur
ston/ /

de ltar rigs pas legs brtags te/ /gzhan las brjod pas 'bras bu
ston/ /de nas bum pa'i 'khor lo mchog /pa Ta'i mtshan nyid shes
par bya/ /shar gyi bum pa lug dang ni/ /seng ge gzhu ni rnam par
gnas/ /glang dang bu mo chu sren rnams/ /lho yi bum par

@79b gnas par brjod/ /'khrig pa srang dang bu mo nub/ /byang du
ka rka sdig pa nya/ /phung po bzhi la bsdus pa yi/ /bum pa'i rnam
pa rim pa bzhin/ /nyi ma gar yod stong pa ste/ /med pa gang ba'i
bum pa mthong/ /stong par phyin na 'chi bar rig /gang ba'i sar ni
rgyal zhing

shis; /gang ba'i sar ni bsod nams yod/ /de la rang gi skar ma
snang/ /dgra thul don 'grub rnyed pa ston/ /de las bzlog na mi
dge nyid/ /bum pa'i 'khor lo rab shes pa/ /gzhan du ma bstan
gangs ri'i bdag /de nas yang dag bshad par bya/ /padma'i 'khor lo
dge ba mchog /

byes 'gro skyes bu'i 'tsho 'chi dang/ /dge dang mi dge shes par
'gyur/ /padma 'dab ma brgyad pa 'di/ /lte ba bcas pa bri bar bya/
/lte bar bzhi ni bri bar te/ /lhag ma 'dab ma rnams la dgod/
/shar gyi 'dab ma'i phung po la/ /nang du 'jug pa mnyam par bri/
/me mtshams phyi rol

'thon pa dang/ /de bzhin lho phyogs nang du 'jug /bden bral 'dab
ma phyi rol 'don/ /chu yi 'dab ma nang du 'jug /rlung phyogs phyi
rol 'thon par dran/ /gnod sbyin 'dab ma nang 'jug yin/ /dbang
ldan phyi rol 'thon pa ste/ /de ltar rim pa ji bzhin bri/ /nyin
zhag skar ma nas

brtsams te/ /'dab ma rnams la gsum gsum ni/ /shar nas brtsams te
bri bar bya/ /dbus su mjug ma bzhi yang bri/ /nang du 'jug dang
phyir 'thon dang/ /dge dang mi dge shes par bya/ /skyes bu'i skar
ma padma la/ /gang la gnas pa ma 'khrul brtag /'di la dge dang mi
dge

ba'i; /'bras bu shes par 'gyur ba yin/ /'di la lnga tshan lnga
dang ni/ /lhag ma gsum du yongs su grags/ /dang po la ni brtan
par gnas/ /de bzhin chas shing lam zhugs dang/ /lam ni phyed na
gnas pa dang/ /de bzhin bzhi char gnas pa dang/ /de bzhin yul du
phyin pa rnams/ /

rim pa bzhin du grags pa yin/ /nang du 'jug pa'i rnam lnga la/
/bde zhing rnyed pa che ba dang/ /nad med rgyal dang grags pa yi/
/kun du dge bar bstan pa yin/ /phyi rol 'thon pa lnga po la/ /dbu
ma gnas pa nyid dang ni/ /btang snyoms su yang bstan pa ste/ /de
ltar shes bya ri sras mo/ /

@80a @#/ /lhag ma gsum na gnas pa las/ /de yi 'bras bu mi dge
byed/ /dang por nor ni rnam par nyams/ /gnyis pa nad kyis thebs
par mthong/ /gsum pas khyim du slebs nas kyang/ /'chi bar 'gyur
ro gangs ri'i bdag /padma'i 'khor lo stobs

bstan pa/ /'di ni rnam par shes bya ste/ /tatkAl skar ma la gnas
pa'i/ /gza' yi dge dang mi dge byed/ /da ni 'dab ma'i grangs kyis
bshad/ /brgyad kyis dge dang mi dge 'byung/ /dang por bstan par
gnas pa ste/ /las kun 'grub par bsten pa yin/ /gnyis pa cha

shas nor shor dang/ /rnyed pa 'byung bar bstan pa yi ni/ /gsum pa
lam zhugs nad dang ni/ /rnyed pa med par bstan pa yin/ /bzhi bar
'chi dang rnyed nas 'chor/ /rnyed pa med par bstan pa yin/ /lnga
pa slebs 'gyur nor med 'chi/ /skyid par yang ni bstan pa yin/
/drug pas

phyir la log pa dang/ /lus kyang skyid par 'gyur ba yin/ /bdun pa
slebs 'gyur nor rnyed log /sdug bsngal 'byung bar bstan pa yin/
/brgyad par myur du slebs pa dang/ /nad 'byung sdug bsngal chen
po 'byung/ /de ltar rnyed dang mi rnyed dang/ /bde sdug 'tsho dang
'chi ba dang/ /rgyal

dang rnam par rgyal 'gyur ba'i/ /'khor lo bdag gis de bshad yin/
/gling dang nyi ma zla ba dang/ /bcu bzhi'i rang bzhin mig nyid
dang/ /'dod pa nor lha sngon po dang/ /dus zla dang ni 'jig rten
dang/ /yul pa 'byor pa bug dang/ /ro dang tshes dang rgya mtsho
dbyangs/ /gur

gum gi wang sbar ba las/ /dza rim la'i smyu gus bris/ /gcig ni
bcu drug cha yin te/ /da lta nyid du skye bar 'gyur/ /gnyis sogs
cha yi bye brag gis/ /nyin zhag cha rnams zhes par bya/ /'di ni
re mig bcu drug pa/ /'khor lor skye ba'i dus bstan pa'o/ /ji ltar
mchog tu

gsang ba yi/ /rdzong gi 'khor lo brtsam par bya/ /'di ni g.yul
las rnam par rgyal ba dbyangs 'char ba'i rgyud kyi rgyal po las/
/padma'i 'khor lo bstan pa chen po zhes bya ba ste le'u bdun
pa'o// //lha mos gsol ba/ /lha yi lha mchog bcom ldan 'das/ /lha
dang

@80b lha min phyag byas pa/ /dbang phyug chen po rdzong 'khor lo/
/mchog tu gsang ba bdag la stsol/ /ji ltar bsdus pa'i cho ga las/
/gza' rnams sbyed pa'i rab sbyor ba/ /gangs kyi ri la bzhugs pa
yi/ /bcom ldan 'das las mnyan par 'tshal/ /bcom ldan 'das kyis
bka'

stsal pa/ /gsang ba bas kyang shin tu gsang/ /mchog tu gsang ba
lha mo nyon/ /rdzong gis 'khor lo 'di lta bu/ /rang gi sems la
gzhag par bya/ /rdzong dang grong dang dmag sa dang/ /bstan bcos
ji bzhin yongs su brtag /gal te pha rol rdzong 'phrog gam/ /bdag
nyid srung ba byed

kyang rung/ /'khor lo'i bdag nyid rab brtags te/ /rdzong dang
dmag sa shes par bya/ /'dri byed mdun du 'ongs pa'i tshe/ /lha yi
dbang ldan mtshams su dgod/ /'di ltar 'khor lo gru bzhi la/ /ra ba
rim gsum ldan par bri/ /dbang ldan mtshams nas brtsams nas ni/
/smin

drug la sogs rim bzhin bri/ /mtshams bzhi nang du 'jug pa ste/
/phyogs bzhi'i phi ru 'thon par dran/ /rdzong gi dkyil du gnas pa
ni/ /drag po rnam par bzhi yin te/ lag dang me bzhi chu stod
dang/ /khrums smad rnams su grags pa yin/ /nang gi ra ba mgo dang
dbo/ /snrubs

dang khrums stod mtshams su dgod/ /na ba so nam pa chu smad dang/
/nam gru rnams ni phyogs su dgod/ /ra ba rab mar snar ma dang/
/gre dang snron dang mon gre mtshams/ /rgyal dang sa ri gro bzhin
dang/ /tha skar rnams ni phyogs su dran/ /ra ba phyi mar gnas pa
ni/ /smin drug

dang ni de bzhin mchu/ /sa ga lha mtshams byi bzhin dang/ /mon gru
bra nye brgyad po dgod/ /shar phyogs la gnas khyim bshad pa/ /nya
lug glang rnams de bzhin dgod/ /byang gi phyogs su gnas pa'i
khyim/ /'khrig pa karka seng ger dran/ /de bzhin nub phyogs dag
tu yang/ /bu

mo srang dang sdig par grags/ /gzhu dang chu srin bum pa rnams/
/lho yi phyogs na rnam par gnas/ /ra ba phyi nang bar ma la/ /ka
lA a pa ru tra zhes/ /rim pa bzhin du bstan pa yin/ /gal te
ming gi skar ma ni/ /ka lA la gnas 'chi bar 'gyur/ /a pa la
gnas stobs chung ste/ /gal

@81a @#/ /te ru trar gnas pa na/ /the tshom med par rdzong thob
'gyur/ /nang ma bzhi la drag gza' yod/ /phyi rol dmag gi don
'grub 'gyur/ /bar ma drag po'i gza' rnams gnas/ /phan tshun 'khrug
'gyur ring na thob/ /rdzong gi 'khor lo 'di lta bu/ /lha mos
steng dag na

dkon; /drag po'i gza' rnams phyi la gnas/ /dmag dpung tshogs pa
don med 'gyur/ /mtshams la drag gnas mjug la dge /phyogs drag
phyir 'thon dge ba yin/ /nang ma bzhi la bsod nams shar/ /drag
po'i gza' rnams phyi rol song/ /'jig rten gsum gyi dmag tshogs te//

dbang phyug lha yis sna drangs kyang/ /rdzong ni thob par mi
'gyur te/ /slar la ldog 'gyur bzhin bzangs ma/ /gang tshe dbu ma
bzhi po la/ /nyi ma rA hu spen pa dang/ /sa yi bu dag song ba
dang/ /bsod nams gza' rnams phyi rol song/ /brgya byin dpung dang
bcas pa yis/ /bsrungs kyang

rdzong ni thub mi 'gyur/ /rab bar mar drag gza' gnas/ /smra ba
brjod nor gtong zer bar 'gyur/ /bar ma bsod nams gza' rnams gnas/
/phyi rol dmag dpung pham par gsal/ /zhi drag med par gnas pa
las/ /'dren ma'i 'bras bu ston par byed/ /drag po phyi dang nang
du song/ /

'khrug pa chen po 'byung bar 'gyur/ /zhi ba'i phyi dang nang du
song/ /phan tshun 'dum par yongs su grags/ /rang dang dgra yi rgyu
skar la/ /gza' rnams gang gnas lta ba gces/ /zhi drag gdong tshugs
nyi mar song/ /khyim bdag rnams la mi dge byed/ /mdung dang mdung
chen sbyor ba

dang; /ka ba'i sbyor ba brtag par bya/ /rdzong gi 'khor lo'i cho
ga la/ /rang dang dgra la gnod pa brtag /rgyan gyi 'khor lo brtag
pa dang/ /sha la ka yi gdong tshugs dang/ /brgyad cu rtsa gcig
'khor lo sogs/ /rjes su mthun pa thams cad brtag /biShTi'i 'khor
lo brtag par bya/ /rang

gi khyim dang skyes skar brtag /ta tkA la dus sbyor brtag par
bya/ /dpal ldan rA hu'i 'khor lo mchog /las kun byed par brtag
par bya/ /dgra phyogs mi dge thams cad blangs/ /bdag nyid la dge
ma lus pa/ /dbyangs 'char rgyud las gang bshad mthong/ /mdor na
pha rol brlag pa

@81b dang; /bdag nyid ci nas rgyal bar 'gyur/ /de nas rdzong gi
'khor lo mchog /rim pa gsum ldan 'dir brjod bya/ /'di 'dra'i
'khor lo su la yod/ /bcom ldan 'das la 'khor lo mda'/ /smin drug
nas ni brtsams nas su/ /ra ba gsum la dgod par bya/ /smin drug
rgyal skag

mchu dang ni/ /sa ris ga lha mtshams dang/ /gro bzhin byi bzhin
mon gru dang/ /tha skar bra nye bcu gnyis po/ /phyi yi ra ba
rnams la yang/ /rim pa bzhin du dgod par bya/ /snar ma nab so gre
dang ni/ /nag pa snron dang chu smad dang/ /mon gre dang ni nam
gru ste/ /brgyad po bar gyi ra bar dgod/ /

mgo dang lag dang de bzhin dbo/ /me bzhi snrubs dang chu stod
dang/ /khrums stod khrums smad rnam pa brgyad/ /nang gi ra bar
dgod par bya/ /ra ba bzhin la dpung gi srog /nang ma bdag po'i
srog yin te/ /bar ma mnyam por bstan pa yin/ /de la rA hu rgyal
po ste/ /lhag ma blon por

gnas pa las/ /rgyal pham mtshan nyid ston par byed/ /nang gi
phyogs bzhir rA hu song/ /rdzong ni blangs pas mchog pa yin/
/phyi rol bcu gnyis rA hu song/ /bdag po nya la bsod nams 'grub/
/bar gyi ra bar rA hu song/ /phyi nang mnyam par grags pa yin/
/sngar bshad thur ma bdun

pa yi/ /'khor lo ji bzhin shes par bya/ /spen pa dang ni phur bu
dag /gang gnas pa ste legs par blta/ /ra ba gsum po gang la gnas/
/'khor lo 'di la mi dge yin/ /rdzong dang grong khyer rnams su
yang/ /nyi ma yod par mi 'gro ste/ /nyi ma phur bu spen pa gsum/
/lhan cig yod

par 'gro mi rung/ /rdzong gi 'khor lo'i cho ga las/ /sgra gcan
kha mjug legs par brtag /rkang pa brgya pa la sogs pa'i/ /sngar
bshad cho ga thams cad brtag /rdzong dang rdzong gi bdag po yi/
/skar ma rA hu yod dam brtag /gal te de la rA hu song/ /rdzong
dang bdag po dag la ngan/ /nang

gi phyogs bzhir rA hu song/ /rdzong la mi dge lhas mchod ma/ /ra
ba rnams kyi rim pa la/ /ji ltar gnas pa brtag par bya/ /drag po
bar ma bdag la sogs/ /yun ring lon na 'thob par 'gyur/ /sdig can
gza' rnams snying por zhugs/ /de tshe zla ba brtag par bya/ /zla
ba gnas pa'i

@82a @#/ /phyogs gnas rgyug /de tshe de nas rdzong 'joms dran/ /mig
dmar rA hu span pa gsum/ /bcu gcig snying po'i phyogs bzhi po/
/lag la sogs pa bzhi la song/ /phyogs der zla ba gal te gnas/
/zla ba'i phyogs nas rdzong rlag byed/ /da phyir zla ba gnas

pa brtag /snying po'i phyogs bzhir bsod nams song/ /bzhi 'am gsum
mam gcig gnas kyang/ /'khor los sgyur ba'i rgyal po yang/ /log pa
nyid du the tshom med/ /rdzong dang grong khyer gang yang rung/
/nyi ma mig dmar spen pa gsum/ /nang gi rgyu skar brgyad la gnas/
/gcig la rA

hu song ba'i tshe/ /phyi rol dmag dpung rgyal ba dang/ /rnam par
rgyal bar 'gyur ba yin/ /smin drug la sogs rgyu skar gsum/ /de
bzhin mchu la sogs pa gsum/ /lha mtshams la sogs gsum dang ni/
/mon gru la sogs gsum po rnams/ /nang du 'jug la dge ba ste/
/phyi rol 'thon

la mi dge byed/ /ka ba'i yi ge bzhi po yis/ /tho rangs rgyu skar
bcu gnyis so/ /lag nas bra nye'i bar du yang/ /phyi rol 'thon la
dge ba yin/ /ka bar grags pa bzhi po ni/ /ku su b+hu tu zhes byar
dran/ /smin drug la sogs grwa rnams la/ /rdzong dang bag po'i
skar ma song/ /phyi yi dmag la

dge ba ste/ /lag la sogs pa'i phyogs bzhi la/ /rdzong dang bdag
po'i skar ma ni/ /rdzong srung rnams la dge ba yin/ /nang du 'jug
dang ka ba la/ /gal te mig dmar brtag par gnas/ /de la dmag tu
chas pa na/ /don 'grub rgyal bar 'gyur ba yin/ /de ltar nang du
'jug pa dang/ /

ka bar mig dmar gnas pa'am/ /lug dang sdig pa'i khyim du ni/ /gal
te mig dmar legs par gnas/ /drag po gnyis ni 'joms pa rnams/
/grwa yi ra ba rnams la gnas/ /nang du 'jug pa rgyal mtshan te/
/sgrim mi dgos par rdzong thob 'gyur/ /gza' rnams 'khyog po'i

'gros la song/ /de tshe rdzong ni thob pa med/ /gang tshe phur pa
'khyog bor song/ /de tshe shar du mi dge byed/ /mig dmar 'khyog
pa'i 'gros la gnas/ /rdzong gi lho phyogs 'gro ba na/ /pa ba
sangs ni 'khyog pa la/ /nub kyi phyogs su 'gro ba na/ /gza' lhag
'khyog pa'i 'gros byed

@82b ba; /byang gi phyogs la ngan pa yin/ /gzhan yang nyi ma mig
dmar dag /gang gnas phyogs su 'gror mi rung/ /spen pa pa sangs
gza' lag phur/ /mig dmar 'khyog por song ba'i tshe/ /rdzong ni
thob par mi 'gyur te/ /dbung dang bcas pa log par 'gyur/ /mig
dmar dang ni

pa ba sangs/ /drag po'i 'gros la 'gro 'dug dge /'khyog po la ni
kha smras dang/ /zong mi lon sogs mi dge yin/ /chu yi 'khor lo'i
mtshan nyid ni/ /yul gyi yi ge tshad mar gzung/ /bum pa brgyad ni
mnyam gnas pa/ /sde tshan brgyad kyis rnam par brgyan/ /dang po'i
yi ge gcig

bzung la/ /de yi grangs kyis shes par 'gyur/ /A li so drug shes
bya ste/ /sde tshan kA li khru zhes dran/ /shar nas bgrangs pa'i
bum pa rnams/ /sde tshan gang gnas 'dom gyi tshad/ /'di ni rdzong
dang rdzong dag la/ /chu yi 'khor lor bshad pa yin/ /ji ltar rA
hu'i lus dang ni/ /rgyu

skar gnas pa'i mtshan nyid bshad/ /nyi zla rnam par gnon pa yi/
/lto 'phye'i gzugs ni bri bar bya/ /kha nas brtsams la spyi bor
gsum/ /mgrin par bzhi ni dgod par bya/ /rgyab tu gsum ni bri bar
bya/ /mjug mar gsum ni tshang bar bri/ /nyi ma zla ba'i grwa gyur
pa'i/ /bi tshin rA hu zhes

byar grags/ /rgyu skar rnams la longs spyod pa/ /'di ni legs par
brtag par bya/ /yan lag ldan pa'i rA hu ni/ /sprul gyi byed pa
mnyam par bri/ /lha mo de ltar legs bkod la/ /rA hu'i 'bras bu
brtag par bya/ /dge dang mi dge rim pa rnams/ /bshad kyis gangs
ri'i bdag mo nyon/ /de la

rang gi skar ma ni/ /rA hu'i kha la song ba ni/ /gnas las nyams
shing bud med shi/ /'ching dang bcom dang phyugs rnams zad/ /rA
hu'i mgo la song ba na/ /khyim tshig nor nyams 'thab rtsod 'byung/
/lkog mar song na chos rnyed cing/ /nor rnyed don 'grub bdag nyid
'gyur/ /gnyen dang lhan cig

'grogs par byed/ /rA hu'i dngos grub 'byung bar byed/ /rgyab tu
song na 'chi ba dang/ /rang dang gnyen rnams bsus pa na/ /de la
sogs pa'i 'bras bu 'byung/ /mgul pa dge bar grags pa yin/ /mjug
ma'i skar ma la song na/ /lcags sgrog 'ching dang 'gyel ba dang/
/lhung dang pus mo

@83a @#/ /snad pa dang/ /gnas nas g.yo bar 'gyur ba dang/ /klu
gnod 'jigs pa chen po 'byung/ /snying nad 'byung ba gzhug mas
phyed/ /zla ba phur pa gza' lhag dang/ /pa sangs snying por chud
gnas pa/ /rdzong la dpung gis bskor gyur kyang/ /'jigs zon mi
dgos gangs ri'i bdag /nyi

ma mig dmar span pa dang/ /rA hu snying por chud pa na/ /dgra
yis len par 'gyur bas na/ /rdzong bdag sdod par byed dam ci/
/rigs ngan gza' rnams snying por sang/ /phyi rol rnam par rgyal
bar grags/ /rigs bzang gza' rnams snying por gnas/ /rdzong bdag
rgyal bar bdag gis dran/ /

gal te 'dren mar gnas pa las/ /phan tshun 'khrug pa 'dum pa yin/
/rdzong ni 'joms dang srung ba las/ /'di yi cho ga bshad pa yin/
/rigs bzang rigs ngan yang dag shes/ /nag pa sa ga snron dang ni/
/chu stod gro bzhin smin drug mgo /tha skar mchu rnams rigs bzang
yin/ /bra nye snar

ma nab so skag /sa ri lha mtshams chu smad dpo/ /chu stod nam gru
me bzhi rnams/ /rigs ni ngan par ston pa yin/ /lag dang snrubs
dang mon gre dang/ /byi bzhin rnams ni 'dren mar dran/ /rigs
skyes rigs min skyes pa las/ /nyi ma zla ba phur bu spen/ /rigs
skyes zhes bya skal ldan ma/ /rigs

min grags pa slar yang nyon/ /mag dmar pa sangs rA hu la/ /gza'
lag rnams ni rigs min skyes/ /mdor na rdzong gyi bya ba dang/
/pha rol 'joms byed pa la/ /'di yi cho ga shes bya ste/ /bdag
nyid rgyal bar byed pa yin/ /rdzong gi 'khor lo mi shes par/
/gzhom 'dod mun pa'i mda' bzhin

dran; /don 'grub rgyas par bshad pa ni/ /rdzong gi 'khor lo yongs
su grags/ /de ltar mchog tu sgrol ba ni/ /mdzes ma yis ni gus pas
nyon/ /'di ni g.yul las rnam par rgyal ba dbyangs 'char ba'i
rgyud kyi rgyal po las rdzong gi 'khor lo rnam par phye ba chen
po ste le'u brgyad pa'o// //lha mos

gsol pa/ /bcom ldan 'das ni lha yi mchog /zla ba'i dum bus dbu
brgyan pa/ /pha rol dgra rnams 'joms pa la/ /shin tu gsang ba'i
rgyud chen po/ /rA hu'i 'khor lo zhes bya ba/ /g.yul du rgyal
dang pham byed pa/ /bdag nyid g.yul du chas pa'i tshe/ /gang gi
phyogs su rA hu 'jog /rA

@83b hu'i spyod yul ji ltar lags/ /dus dang phyogs la ji ltar
'char/ /'dri bar byed pa'i skyes bu la/ /ma lus par ni bshad du
gsol/ /bcom ldan 'das kyis bka' stsal ba/ /'di ltar rA hu'i
'khor lo la/ /nges pa'i gdams ngag bshad par bya/ /bdag gzhan
'chi ba thams cad ni/ /rgyal po

rA hu byed par bya/ /rgyu skar rnams kyi ring po nas/ /rA hu
mthong bar rgyal bar 'gyur/ /mdun du bstan na nyi zla yang/ /thal
ba bzhin du 'joms par byed/ /mthong bas 'chi bar 'gyur ba'i
phyir/ /rA hu rgyab tu gzhag par bya/ /nyi ma sgra gcan mig dmar
dang/ /spen pa g.yul du mdun gnas spang/ /

gang gi mgon po zla ba ni/ /mngon sum mthong bar byas la 'gro/
/khyim gyi 'khor lor 'gro ba ni/ /dpal ldan rA hu sngar bshad
rig /gru bzhi dum bur bcad pa la/ /tshes kyi rA hu 'char ba dang/
/yud tsam la 'char rA hu dang/ /thun phyed la 'char rA hu dang/
/zla ba phyed pa'i rA hu dang/ /de bzhin zla ba'i

rA hu mchog /nyi ma mig dmar spen rA hu/ /rA hu gdong gi 'khor
lo ste/ /rA hu thams cad mdor bsdus yin/ /zla ba gcig la nyin re
bzhin/ /tshes kyi rA hu shes par bya/ /'di ltar rA hu dpe chung
la/ /ka sogs gsal byed dgod par bya/ /re khA bdun ni gyen du
dgod/ /drug ni 'phred la bri bar bya/ /

rlung nas me yi mthar thug pa/ /dbus nas re khA bri bar bya/
/srin po dbang ldan de bzhin te/ /kA li rnams ni rim bzhin bri/
/de la me yi phyogs gnas pa/ /de yi yi ger yongs su grags/ /ha
yig rlung gi grwa ru ste/ /bden bral mtshams kyi grwa ru yang/
/dz+ha yi yi ge mnyam par gnas/ /dbang

ldan grwa ru ma yig ste/ /nub nas brtsams te rim bzhin du/ /kA
yi rnams ni legs par dgod/ /ka nas dza yi mthar thug par/ /g.yas
bskor dang po'i phyogs las dgod/ /re khA bdun du drangs pa la/
/nga nya Na rnams rnam par spangs/ /Ta nas Tha yig mthar thug pa/
/gshin rje'i phyogs su de

bzhin dgod/ /d+ha nas ma zhes shar du ste/ /de bzhin ra nas sa yi
bar/ /drug nas bdun bdag phyogs mtshams su/ /tshes la rim pa bzhin
du bri/ /dang po ka la sogs pa yi/ /zung gi drug nas yi ge rnams/
/zla ba nya yi bar du yang/ /dkar phyogs dag la gnyis gnyis yin/
/sha

@84a @#/ /nas d+ha la sogs pa dang/ /da yig zung du dgod pa ste/
/ma yig ra yig bar du yang/ /shar nub gnyis la re khA bdun/
/phyogs gnyis la ni drug tu 'gyur/ /ha sogs yi ge bdun pa gnyis/
/ya yig gnas pa'i phyogs gnyis su/ /de bzhin du yang 'gyur ba/

yin; /nag po'i phyogs gnyis dag la yang/ /d+ha la sogs pa rim
bzhin du/ /mgo drangs nas ni ha yi bar/ /phyogs gnyis la ni dgod
par bya/ /'di ltar dkar po'i phyogs la ni/ /ka nas thog drangs
'char bar 'gyur/ /ka yig ma yig thad kar ni/ /shar nub phyogs la
gnas pa na/ /ming

can rA hu 'char ba'i sar/ /'gro bar byed pa nyams par 'gyur/ /da
bzhin yi ge thams cad kyi/ /kha yig thad kar 'gro mi rung/ /'di
ni grwa bzhi'i yi ge yang/ /phan tshun thad kar rung ma yin/ /nag
po'i phyogs la yod pa rnams/ /dkar po'i phyogs su dge ba de/
/dkar po la yod ming can

rnams; /nag po'i phyogs la dge ba yin/ /de ltar tshes la 'char ba
ni/ /rA hu'i mtshan nyid par pa ti/ /tshes kyi rA hu'i 'khor lo
la/ /sa gzhi rab mnyam yid 'ong la/ /gyen du re khA bdun pa la/
/de la re khA brgyad pa bri/ /re khA'i rtse mo rtse mo la/ /ka
nas ha yig mthar thug bri/ /nub kyi phyogs

nas brtsams nas ni/ /byang gi bar du bri bar bya/ /de nas gzhan
yang bshad par bya/ /tshes kyi rA hu bzang po ni/ /lha dang lhan
cig thams cad mkhyen/ /dgra rnams kun las rgyal bar mthong/
/dbang mtshams mgo 'char lho mtshams nub/ /de ltar legs par gnas pa
yin/ /'di ltar tshes

kyi bye brag la/ /ming la 'char bar 'gyur ba yin/ /gcig nas bdun
gyi bar du ni/ /dbang po chu yi phyogs gnas pa/ /dbang po phyogs
grangs dgra nyid de/ /phyogs gnyis mnyam par bstan pa yin/
/brgyad nas rdzogs pa'i mthar thug bar/ /gshin rje lus ngan
phyogs su gnas/ /lus ngan rA

hu 'char ba'i tshe/ /phyogs de stobs dang ldan par 'gyur/ /dkar
phyogs dang pos thog drangs te/ /brgyad la 'char shing nub pa
yin/ /nub tu rA hu gnas gyur ba/ /stobs dang ldan par 'gyur ba
yin/ /dgu ba dang ni dang po yang/ /de yis thog drangs 'char ba
yin/ /lho phyogs rA hu gnas pa las/ /

@84b de bzhin lho nyid stobs cher 'gyur/ /shar nas rA hu gang
dag gnas/ /nub tu stobs chung 'joms par byed/ /de ltar me la sogs
pa yi/ /phyogs mtshams kun la shes par bya/ /phyogs la gza' brgyad
'char ba ni/ /nag phyogs gsum la dbang po'i phyogs/ /bdun la dum
bu rtsa gsum pa/ /

'dzin pa'i phyogs nas 'char bar 'gyur/ /bcu pa nor gyi bdag po'i
phyogs/ /bcu bzhi rlung gi gnas zhes dran/ /dkar po'i phyogs su
grags pa la/ /bzhi la chu bdag phyogs zhes bya/ /de bzhin bden
bral brgyad du grags/ /bcu gcig gshin rjer shes par bya/ /bco
lnga'i tshes la me

mchams pa/ /brgyad po zla ba gcig la 'char/ /shar nas nub tu mi
dge byed/ /dbang ldan phyogs gnas bden bral 'joms/ /byang phyogs
lho ru de bzhin bsnun/ /rlung gnas 'char tshe me mtshams brlag/
/chu bdag phyogs nas dbang por 'joms/ /bden bral la gnas dbang
ldan spyod/ /lho

nas byang du 'joms pa ste/ /me nas rlung du rnam par spyod/ /de
nas gzhan yang bshad par bya/ /yud tsam la 'char rA hu ni/ /gang
gis rnam par shas tsam gyis/ /'thab rtsod dmag chas shags las
rgyal/ /dbang ldan gshin rje rlung dbang po/ /srin po nor bdag me
nas chur/ /nyi ma dbu ma'i

yud tsam par/ /g.yas bskor lha yi dbang phyug ma/ /nyi ma dbu
ma'i mtha' nas ni/ /chu nas g.yas skor gnyis la 'char/ /mgo nas
mjug ma'i phyogs su 'char/ /mtshan mo de nyid 'char ba ni/ /chu me
nor bdag srin po nas/ /dbang po rlung dang gshin rje'i gnas/
/drag po'i phyogs nas chu

bdag tu/ /de ltar so sor 'char bar grags/ /nyin bzhin mtshan mo
dbyu gu gnyis/ /yud tsam rA hu zhes byar brjod/ /drag po tse ta
mi tra dang/ /swA ra b+ha To sa bi tra/ /lnga po rnam par snang
mdzad dang/ /rgyal ba zhes ni bya bar brjod/ /byi bzhin ra ma med
pa ni/ /'ba' lam dang ni rnam rgyal dang/ /

dga' ba dang ni gshin rje dang/ /chu lha de bzhin skal pa can/
/de ltar bco lngar brjod pa rnams/ /zhi dang ma rungs mtshan nyid
can/ /dbu ma'i cha la'ang byi bzhin dang/ /mthar ni skal can
'char ba dang/ /lha mo bdag gis nges bstan pa/ /yud tsam rA hur
yongs su grags/ /nyi ma

@85a @#/ /dang ni spen pa 'dzom/ /spen pa drag po'i sbyor ba dang/
/nyi ma dang ni spen pa dag /byi bzhin lhan cig sbyor ba dang/
/sa ra b+ha To mig dmar 'joms/ /gza' 'pho'i mtshams su stobs char
'gyur/ /de ltar drag po'i yud tsam lnga/ /gang gnas phyogs ni
stobs dang

ldan; /rA hu'i phyogs 'gro sbyor ba la/ /thog ma med pa'i gza'
rgyu bas/ /gza' dang lha de 'dzom pa las/ /gdong na gang yod thal
bar brlag /de na brgya byin stobs gnas pa/ /skad cig nyid la thal
bar byed/ /rA hu'ang drag na 'dzom pa ni/ /sngon du 'gro ba 'chi
'dod yin/ /yud tsam

'char ba'i mtshan nyid ni/ /gang yin so bzung shes par bya/ /lha
mo dang po'i rkang pa la/ /dgu bcu rtsa drug nyid du dran/ /drug
cu bcu gnyis drug dang lnga/ /gsum dang gnyis dang stong bar
bshad/ /gnyis nas brgyad kyi mthar thug pa/ /yud tsam de bzhin
'char ba yin/ /kha cig

gcig nas bdun gyi bar/ /yud tsam 'char zhes zer ba yod/ /dbu ma'i
bar du rim pa ste/ /phyi dro rim min shes par bya/ /de ltar rim
pa'i bye brag las/ /yud tsam rim pa shes par bya/ /snga dro nub
tu blta ba ste/ /phyi dro shar du blta bar bya/ /nyi ma dbu ma
grib ma ni/ /gang phyir stong pa

la zhugs pa/ /yud tsam cig la 'pho ba ste/ /lhag ma dag ni ma yin
no/ /gcig nas gnyis su 'pho ba yi/ /mtshams ni ma rungs 'jigs par
ston/ /yud tsam stobs char grags pa'i gza'/ /'dzom na mi dge 'pho
mtshams ngan/ /gza' dang yud tsam stobs can 'dzom/ /rigs

ldan nus pa nges par mthong/ /de nas gzhan yang bshad par bya/
/thun phyed ces byar yongs su grags/ /thun phyed rA hu'i rim pa
bzhin/ /shar phyogs bdag po nyi ma ste/ /mig dmar me yi phyogs na
gnas/ /gshin rje'i phyogs bdag phur bu yin/ /gza' lha gsrin po'i
phyogs na gnas/ /

pa sangs chu bdag phyogs na yod/ /sben pa rlung gi phyogs zhes
bya/ /zla ba byang phyogs rnam par spyod/ /rA hu dbang ldan
phyogs yul lo/ /thams cad de bzhin gnas pa yin/ /rang rang rnam
par spyod pa las/ /'char bar 'gyur ro rje btsun ma/ /gza' rnams
phyogs na 'khod pa las/ /

@85b dkar mo so sor 'char bar 'gyur/ /dkar po'i phyogs kyi thun
phyed la/ /ji ltar 'char bar brjod par bya/ /ji ltar nyi ma'i
nyin zhag la/ /shar nas rA hu 'char bar 'gyur/ /de yang shar du
nyi ma la/ /chu tshod bzhi ni yang dag gnas/ /de rjes shar gyi
phyogs nas ni/ /bden bral phyogs su

song ba las/ /srin po'i phyogs nas byang phyogs 'gro/ /byang gi
phyogs nas shar nas ni/ /me yi phyogs su de bzhin no/ /me nas chu
ru de bzhi 'gro/ /chu yi phyogs nas de bzhin du/ /dbang ldan
mtshams su gnas shing 'gro/ /dbang ldan nas ni yi dgas phyogs/ /de
nas slar yang rlung

gi phyogs/ /slar yang rlung nas shar du ste/ /de ltar mngon par
g'gro bar gsal/ /de ltar phyogs mtshams lam 'gro ba/ /nyin mo'i
thun phyed brgya por grags/ /ji ltar nyin mo'i phyogs bshad pa/
/mtshan la gza' brgyad 'char ba ni/ /dbang po nas ni rlung phyogs
'gro/ /rlung nas gshin

rje'i phyogs rim bzhin/ /sngar bzhin mnyam par bstan nas kyang/
/chos kyi rgyal po'i phyogs su song/ /yi dags nas ni dbang ldan
du/ /drag po drag mo nges par mthong/ /de nas chu bdag phyogs su
'gro/ /de nas me phyogs 'gro bar dran/ me nas nor bdag phyogs su
'char/ /

nor bdag nas ni bden bral phyogs/ /'di ni lug sogs shes pa yin/
/nyi ma'i cho gas dkar phyogs brjod/ /nag po'i phyogs kyi thun
phyed la/ /snga ma'i phyogs su rim bzhin 'char/ /dbang po nas ni
rlung phyogs 'gro/ /rlung nas gshin rje'i phyogs su song/ /gshin
rje'i phyogs nas

dag por song/ /de nas chu bdag phyogs su gnas/ /chu nas me phyogs
rgyug par byed/ /me nas lus ngan yang dag 'gro/ /byang phyogs nas
ni bden bral mthar/ /de bzhin rab tu rgyug pa yin/ /de ltar nyin
mo 'gro ba yi/ /thun phyed rA hu lhas mchod ma/ /dbyangs 'char
rgyud las gang

bshad pa/ /shar phyogs nas ni bden bral du/ /bden bral nas ni
gnod sbyin phyogs/ /gnod sbyin nas ni me phyogs rgyug /me nas
song bas chu yi phyogs/ /chu nas shar kar du 'gro ste/ /dbang
ldan mtshams nas shar nas ni/ /chos kyi rgyal por rgyug pa yin/
/slar yang yi dags

@86a @#/ /par bshad do/ /'dis 'byed par byed pas na zhes bya ba
'di ni dngos kho nar dge 'dun gyi dbyen yin no zhes ston to/ /de
ji ltar mtshams med par 'gyur zhes bya ba ni mtshams med pa ni mi
dge ba yin la/ dge 'dun gyi dbyen ni ma bsgribs la lung du ma

bstan pa yin no snyam du sems pa'o/ /'byed pa po ni mtshams med pa
dang ldan gyi/ /'byed pa po phye ba dang ni mi ldan pas dge 'dun
gyi dbyen mtshams med pa ma yin no/ /bar gyi bskal pa zhes bya ba
ni bskal ba chen po ma yin te/ /'dod pa'i khams na tshe'i tshad de
tsam med pa'i

phyir ro/ /yang gang gis mtshams med pa mang po byas pa yin la
zhes bya ba rgyas par 'byung ba ni dngos po kho nas dmyal ba dag
tu skye ba 'phangs pas ji ltar gzhan dag don med par mi 'gyur
snyam du bsams pa'o/ /don med pa ste gang gi phyir gcig gis skye
ba 'phangs pa las/

lhags pas gnod pa lhags par 'gyur/ /chen po zhes bya ba ni ches
che ba'o/ /gang yang mtshams med pa'i las gzhan gyi dmyal bar skye
bar so sor nges par gyur pa las/ phyis mtshams med pas ji ltar
mtshams med par 'gyur/ mtshams med pa las grol te las kyis

dmyal bar skye ba 'phangs pa ni de srid mtshams med pa byas pas
kyang ste de ni snga ma bzhin du med par 'gyur ro/ /dper na
mtshams med la gzhan gyis 'phangs pa'i mtshams med pa bzhin no/
/gzhan dag na re la 'phen par byed pa'i las kyi rnam par smin pa
smin par byed pa ma yin no

zhes zer ro/ /khyim pa yang ma yin la dge slong ma la sogs pa
yang ma yin no zhes bya ba ni de dag gi lus mi gnyan pa'i phyir
ro/ /de yang lta ba spyad pa kho nas zhes bya ba ni sdig pa'i
bsam pa brtan pa dang mkhyud pa can yin pa'i phyir ro/ /sred pa
sbyang las ni ma yin no zhes bya ba

ni kun nas nyon mongs pa dang rnam par byang ba'i phyogs dag la
bsam pa mi brtan pa'i phyir ro/ /bzod par dga' ba'i phyir zhes
bya ba ni zil gyis mnan par dkang ba'i phyir ro/ /chos mngon sum
du gyur pa'i phyir ro zhes bya ba ni lung dang rtogs pa'i chos su
dag mngon sum du byas

@86b pa'i phyir dang dad pa mi phyed pa dang ldan pa'i phyir ro/
/bzod pa thob ba rnams ni ma yin no zhes bya ba ni bzod pa chen
po thob pa rnams te/ mthong ba'i lam nye zhing nges pa la mngon
du phyogs pa'i phyir ro/ /lam 'jug pa'i gegs su gyur ba'i phyir
zhes bya ba ni dge 'dun

bye ba lam 'jug pa'i gegs nyid du gyur te/ dam pa ma yin pa'i lam
gzhan zhugs pas dam par gyur ba'i lam 'jug pa'i gags su gyur ba'i
phyir gegs nyid du 'gyur ro zhes bya ba'i tha tshig go /lhas phyin
gyas ni nges par 'byung bar bya ba'i phyir lam gzhi lnga pa bstan
te/

'o ma mi spyad pa dang/ sha spang ba dang/ lan tshwa nye bar longs
mi spyad pa dang/ gos ma dras pa bgos pa dang/ grong gi nang gi
gtsug lag khang du 'dug pa'o/ /gling gzhan ni med do zhes bya ba
ni sangs rgyas 'byung ba'i sa nges pa yin no/ /gang na ston pa
bzhugs pa de na ston

pa'i 'gran zla gnas kyi gzhan du ni ma yin no/ /gdon mi za bar
dge 'dun phyogs gnyis su gnas par 'gyur ba zhes bya ba la/ 'dir
bzhi sde la dge 'dun du mngon par 'dod do/ /brgyad dag dang lhags
pa dag gis kyang yin te byed pa po med pa'i phyir ro/ /dang po
zhes bya ba ni

de'i tshe sngar med pa'i chos byung bal dga' ba dang rab tu dga'
ba skye bas brams cad bsam ba dge ba'i phyir sha gcig pa yin no/
/mthar yang ston pa dang bral bar 'gyur ro snyam ste/ skyo ba'i
phyir sha gcig pa yin no/ /de'i tshe bstan pa 'phel zhing rgyas
bar gnas pa med pa'i yang phyir ro/ /sha

gcig ces bya ba ni blo gcig cing mi mthun pa med ces bya ba'i don
te/ dge slong gi dge 'dun mthun pa na sangs rgyas rnams yongs su
mya ngan las 'da' ba'i phyir ro/ /gzhan dag na re chos nyid kyi
nges pas 'khor rnams skyo ba la sogs pa'i phyir mtha' ma yin zhes
zer ro/ /bar

du yang skyon ma byung ba'i snga rol du zhes bya ba ni lta ba
dang tshul khrims rnam par 'gyur ba dmigs pas 'byed pa po'i tshig
gi glags yod par 'gyur ro/ /de la lta ba'i skyon ni ji skad du
bdag gis bcom ldan 'das kyis bshad pa'i don 'tshal ba ltar na/
/bcom ldan 'das kyis gang

@87a @#/ /hu song ba'i skar ma ni/ /kha yi nang du bri bar bya/
/mche ba la gnyis sna bug gnyis/ /sna sgang gnyis dang mig la
gnyis/ /rna ba g.yon bzhi g.yas la bzhi/ /dpral bar lnga ste spyi
bor gcig/ /ko sko la gcig mgrin par bzhi/ /kha yi nang nas

brtsams nas ni/ /g.yas skor du ni rim bzhin dgong/ /de la 'bras
bu brtag par bya/ /kha yi skar ma la song na/ /sdug bsngal sna
tshogs lugs la 'byung/ /mche ba gnyis kyi skar ma la/ /nad ni
'byung bar ston pa yin/ /sna bug skar ma gnyis la gnas/ /btson du
'dzin

par 'gyur ba yin/ /sna sgang gnyis la gnas pa las/ /mi mthun pa
yang mdza' bar 'gyur/ /mig gnyis dag gi skar ma la/ /'dod pa'i
'bras bu 'byung zhes dran/ /rna ba g.yon pa'i skar ma bzhi/ /nor
rnams zad par byed pa yin/ /rna ba g.yas pa la gnas bzhis/ /'dod

don thob par 'gyur zhes smra/ /dpral ba'i lnga pos bu thob cing/
/bde zhing skyid par yang dag ston/ /de bzhin spyi bo'i gcig la
ni/ /rang 'dod gnas ni thob par 'gyur/ /ko sko'i skar ma gcig po
yis/ /'bru dang bza' btung thob par 'gyur/ /mgrin pa'i skar ma
bzhi pa la/ /

rtsod dang rdeg sogs 'byung zhes bya/ /'di ltar rA hu'i 'khor lo
ni/ /rgyas par bshad do lha chen ma/ /lha mos gsol pa/ sngar
gsungs 'khor lo'i rim pa las/ /dbyangs dang gsal byed yi ge
rnams/ /ji ltar 'char ba sngar ma 'tshal/ /gtso bos bdag la bshad
du gsol/ /

bcom ldan 'das kyis bka' stsal pa/ /rab byung la sogs lo rnams
la/ /bcu gnyis lnga la a sogs 'char/ /de bzhin bgrod pa re re
la/ /a sogs lnga ni 'char bar dran/ /de yi gnas ske bas dag la
yang/ /nyi ma a i r-i u l-i/ /ha ba ra ba la zla ba/ /mig dmar

ka kha ka g+ha nga/ /rA hu ta tha da d+ha na/ /phur pa ba pha ba
b+ha ma/ /Ta Tha Da Dha Na spen pa/ /tsa tsha dza dz+ha nya gza'
lhag /a e ar o al ke tu/ /sha Sha sa ha k+Sha dkar po/ /rags
dang phra ba'i rim pa yis/ /gnas skabs la 'char rje btsun ma/ /de
ltar cho ga ma lus bshad/ /

@87b da gzod ci 'dod bshad kyis nyon/ /'di ni g.yul las rnam par
rgyal ba mchog tu gsang ba dbyangs 'char ba zhes bya ba'i rgyud
las/ /sgra gcan gyi 'khor lo rnam par phye ba chen po ste le'u
dgu ba'o// //lha mos gsol pa/ /spen pa'i 'khor lo ji lta bu/ /de

la rgyu skar ji ltar dgod/ /de yi 'bras bu ji lta bu/ /bcom ldan
'das las bdag nyan 'tshal/ /bcom ldan 'das kyis bka' stsal pa/
/nyon cig lha mo bshad par bya/ /khyod kyis ji ltar zhus pa
bzhin/ /spen pa'i yan lag rgyu skar gyis/ /dge dang mi dge'i
'bras

bu dang/ /spen pa rgyu skar spyod pa las/ /sems ni mnyam par
gzhag pa yis/ /rnyed dang mi rnyed shes pa dang/ /de bzhin 'chi
dang 'tsho ba ston/ /sa gzhi rab tu yid 'ong la/ /spen pa'i gzugs
ni mnyam par bri/ /'khyud pa'i skar ma kha la bri/ /lag pa g.yas
la

bzhi dgod bri/ /rkang pa gnyis la skar ma drug /lag pa g.yon bzhi
snying gar lnga/ /mig la gnyis te spyi bor gsum/ /de bzhin gsang
ba'i gnas su gnyis/ /de ltar rgyu skar bkod pa las/ /lha yi btsun
mo 'bras bu brtag /kha yi skar ma la song na/ /sdug bsngal

sna tshogs 'tsho ba'am 'chi/ /g.yas pa bzhi yis rnyed pa dang/
/rnam par rgyal zhing mi mthun mdza'/ /rkang ba'i skar mas gnas
nas 'pho/ /nad 'byung bu yang 'chi bar 'gyur/ /lag pa g.yo na
bzhis rgyas sa shor/ /nor stor rang gi mdza' bos gsod/ /snying

gas rgyal ba rnyed pa dang/ /bud med thob cing chos rnams sdud/
/mig gnyis skar mas nor sdud cing/ /mi mthun par yang mdza' bor
'gyur/ /mgo bos bde zhing dgra yang med/ /gsang bas 'jigs pa chen
po 'byung/ /yul 'thon 'chir nye'i sdug bsngal 'byung/ /bu

smad dgrar 'gyur 'thab rtsod 'byung/ /de ltar nyi ma'i bu la ni/
/rgyu skar gnas pa'i 'bras bu yin/ /kha nas gsang bar bgrod pa
ste/ /gsang ba nas ni mgo bor 'gro/ /de nas mig la rnam par
spyod/ /mig nas snying ga'i bar du 'gro/ /snying ga nas ni lag
rkang g.yon/ /

@88a @#/ /de nas rkang pa lag pa g.yas/ /spen pa'i lus la gnas pa
yi/ /rgyu skar de ltar bskor ba yin/ /de ltar spen pa bshad zin
nas/ /grogs mo gzhan gyi yan lag bshad/ /bya khyung 'khor los
mngon sum du/ /'bras bu ston no lha chen ma/ /bya

khyung gzugs mdzes bris nas kyang/ /rgyu skar rim kyis dgod par
bya/ /nyi mas 'khyud pa'i skar ma de/ /mchu nas ji bzhin bri bar
bya/ /brgyad ni rkang par dgod pa ste/ /mig la gnyis ni legs par
dgod/ /spyi bor gsum ni dgod par bya/ /snying ga dag la lnga

yin ta/ /gshog pa gnyis la brgyad bris la/ /de la 'bras bu brtag
par bya/ /mchu la song na lus nad 'byung/ /rkang pas don med mi
dge 'byung/ /mig gnyis kyis ni don rnyed 'gyur/ /spyi bos dgra
rnams 'joms par byed/ /snying gas bud med mnyam par sbyor/ /

gshog pas 'jigs pa chen po 'byung/ /lha mo 'di 'dra'i 'khor lo
yis/ /don ni nges par rtogs par 'gyur/ /ji ltar lha yi gtso mo
yis/ /zhus bzhin bdag gis bshad pa yin/ /lha mos gsol pa/
/biShTi'i 'khor lo zhes bya ba/ /biShTi'i rnam pa ci zhig bshad/

las dang bya ba ji ltar lags/ /dbang phyug gtso la bdag nyan
'tshal/ /bcom ldan 'das kyis bka' stsal ba/ /khyod kyis ji ltar
zhus pa bzhin/ /bshad kyis nyon cig rje btsun ma/ /biShTi rnam pa
brgyad du brjod/ /sna tshogs gzugs can stobs che ba/ /thams cad

'dus pas brgyad yin te/ /me ru 'bar ba can zhes bya/ /dpang po'i
phyogs su ka rA lA/ /ma hA g+ho ra dbang ldan du/ /bkra shis
byang gi phyogs su ste/ /ma hA dzi ka rlung gi phyogs/ /chu bdag
phyogs na bA ta bA/ /ma hA ma ri srin po'i phyogs/ /dus kyi
lce ni lho phyogs

su; /biShTi 'di rnams phyogs mtshams gnas/ /gzugs dang kha dog sna
tshogs pa/ /gdon gyi sgrub thabs sna tshogs sgyur/ /zla ba nya dang
de bzhin gsum/ /bdun dang bcu dang 'byung po'i nyin/ /bzhi dang
brgyad dang bcu gcig la/ /rim pa bzhin du 'char bar

@88b dran; /de ltar zla ba nya ba la/ /me nas biShTi 'bar ba
'char/ /dbang phyug gis kyang me mtshams su/ /de tshe kha blta rung
ma yin/ /de ltar gnas pa'i gnas skabs la/ /las dang bya ba'i bye
brag kyang/ /me nas rlung du 'gro ba dang/ /brde ga brdung me
spar las rnams

bya; /kA rA la yi sna tshogs mtshon/ /rengs pa'i las dge nub tu
dge /ma hA g+ho ras rmongs dang srin/ /gnod pa'i las rnams bsgrub
par bya/ /bkra shis dgra dang 'thab pa dang/ /dgra yul bgrod pa'i
las bsgrub bya/ /ma hA dzi ka drug sbyor dang/ /sna tshogs mthu
ni

bsgrub par bya/ /ba ta bA la sngags dang dbang/ /gsod pa'i las
bsgrub shar du dge /dgra chen ma la 'khrul 'khor dang/ /sgyogs
kyi las rnams bsgrub par bya/ /dus kyi lce la gzhan sdud bya/
/sems can thams cad bsad la bsgrub/ /ci la bab kyang bdag

gis ni/ /biShTi'i gdong ni spang bar bya/ /de nas biShTi'i longs
spyod bshad/ /biShTi'i chu tshod sum cu ste/ /biShTi'i gdong la
chu tshod lnga/ /bar gyi cha la bcu bzhi ste/ /tha ma la ni brgyad
du brjod/ /gzhug ma la yang gsum du dran/ /mtshan mo gdod dge mjug
ma ngan/ /

mjug dge gdong gdug nyon mor dran/ /bar gyi cha la nor nyams
shing/ /tha ma la ni srog 'phrog byed/ /bdun brgyad nya dang bcu
gnyis la/ /nyin mo'i biShTi zhes bya ste/ /gsum bzhi bcu dang bcu
gcig pa/ /biShTi mtshan mor shes par bya/ /de ltar cho ga dbang

phyug ma/ /biShTi'i 'khor lor yongs su grags/ /g+hu dzA Te Na
dkar phyogs la/ /gu tstshe te d+ha nag phyogs brjod/ /gsal byed
tshes su shes bya ste/ /de bzhin dbyangs ni thun mtshams nyid/
/bcom ldan 'das kyis gsungs pa las/ /de ltar byas na g.yul las
rgyal/ /

ming gi yi ge dang po ni/ /phyogs kyi dus la 'char bar dran/
/dbyangs sde ma thar ni sde tshan lnga/ /la ra la wa de bzhin te/
/sha Sha sa ha'i mthar thug pa/ /phyogs mtshams brgyad la rim
bzhin dgod/ /ming gi yi ge dbyangs las so/ /gcig dang dgu la rang
phyogs dge /ka sogs

@89a @#/ /rang gi phyogs la ni/ /gnyis dang bcu la dge bar dran/
/tsa sogs rang gi phyogs la yang/ /gsum dang bcu gcig dag la
'dzom/ /Ta sde rang gi phyogs gnas pa/ /bzhi dang bcu gnyis tshes
la 'char/ /Ta sde rang gi phyogs la yang/ /lnga dang bcu gsum pa
yin

tshe; /rang gi phyogs su pa sde rnams/ /tshes ni drug dang bcu bzhi
la/ /ya ra la wa rang phyogs la/ /bdun dang bco lnga dag la
'char/ /de ltar shaSha sa ha rnams/ /rang phyogs brgyad dang gnam
stong ngo/ /a nas ha yi mthar thug par/ /de ltar bdag nyid can
du brjod/ /sde tshan brgyad

kyi rim pa bzhin/ /dang po nas brtsams phyogs mtshams dgod/ /de
ltar rang gi dbyangs dang ni/ /gsal byed phyogs mtshams yang dag
gnas/ /dbang por tshes dang yi ge'i gdan/ /tshangs ma zhes byar
yongs su grags/ /de bzhin me ru yi ge dang/ /tshes kyi bdag mo
gzhon

nu ma/ /gshin rjer ming gi yi ge la/ /dbang phyug ma ni 'char bar
'gyur/ /srin por yi ge tshes la yang/ /khyab 'jug ma ni 'char bar
'gyur/ /chu bdag lnga dang bcu gsum la/ /ta yi bdag mo phag yin
no/ /rlung du drug dang bcu bzhi la/ /pa sde'i bdag mo dbang mor
'char/ /

bdun dang nya la rnam thos bur/ /ya tshan rgan byed ma yang 'char/
/dbang ldan brgyad dang gnam stong la/ /sha sde sgeg mo chen mo
'char/ /de ltar phyogs mtshams thams cad du/ /dkar mo tshes ni so
so la/ /ming gi yi ge dbang byed pa/ /rnal 'byor ma brgyad 'char
bar

grags; /rang phyogs nas song rgyal ba ste/ /der 'jug rnams la zhe
sdang byed/ /stobs chen nus med chos ba la/ /'khor lo bden par
the tshom med/ /de nas gzhan yang bshad par bya/ /dus sbyor byed
pa'i 'khor lo mchog /gang gis rnam par shes tsam gyis/ /las kun

the tshom med par 'grub/ /lha yi gtso mo zhag gcig la/ /dus sbyor
phyed pa nyi shu bzhi/ /chu srang sum cu chu tshod gnyis/ /lug gi
dus sbyor phyed par 'gyur/ /nyin mo'i chu tshod bcu gnyis kyis/
/bgos pas thob pa chu tshod yin/ /lhag ma drug cus bsgyur

@89b thob srang/ /mchan mo'ang de bzhin shes par bya/ /de las dus
sbyor phyed pa yi/ /longs spyod rtogs par 'gyur ba yin/ /thog mar
dang po nas brtsams te/ /gang 'dod lngas bsgyur ras gza' bsnan/
/bdun gyis phye ba'i lhag ma rnams/ /dus sbyor phyed pa'i gza' ru

'gyur/ /dus sbyor phyed pa'i bdag po ni/ /dang po la sogs nges
par mthong/ /rang sa nas bgrangs drug pa la/ /bskor ba dus skyor
che bdag gza'/ /nyi ma'i pa sangs zla ba'i spen/ /phur bu'i mig
dmar de bzhin sbyar/ /drug gi grangs la bskor ba yis/ /dus sbyor
phyed

pa'i bdag po 'byung/ /drag po bsod nams gtsigs pa can/ /brtan pa
spangs pa spong byed ma/ /'chi ba dgra dang dge ba dang/ /gdug pa
gtum mo smin drug dang/ /bdud rtsi'i dus mtshan drag byed ma/ /bi
kra ma dang skrag byed ma/ /go'u ha ra zhes grags dang/ /rgyu
ma'i

'od zer chen mo dang/ /srog 'phrog mya ngan 'char ba ma/ /da ha
ni dang kun thos ma/ /nyi shu rtsa bzhi rim pa bzhin/ /dus sbyor
byed pa'i ming du dran/ /drag po dang ni gtsigs pa can/ /'chi ba
de bzhin dgra dang ni/ /dus mtshan sgyur ma chen mo dang/ /skrag
byed ma dang srog

'phrog ma/ /mya ngan ma dang da ha ni/ /bcu po rtsub par yongs su
grags/ /de rnams kun la dge ba yin/ /las byas 'jig pa 'byung zhes
smra/ /kha ni gyen bltas thur bltas dang/ /'phred la lta ba yod
par snang /nyi ma spyod pa'i rim pa yis/ /dus sbyor

phyed pa shes par bya/ /dus sbyor phyed la gcig yin te/ /de ltar
byas pas nyi shu bzhi/ /gyen thur 'phred kyi mtshan nyid kyang/
/des par nyon cig ri sras mo/ /nyi ma gang la gnas pa yis/ /sngon
ma'i phyed pa gyen pa bltas dran/ /nyi ma dang ni lhan cig pa'i/
/khyim ni

'phred la lta ba yin/ /nyi ma'i phyi nas 'gro ba ni/ /thur bltas
dus sbyor phyed pa yin/ /gyen thur 'phred kyi rim pa lta/ /dge
ba'i las ni rung ma yin/ /de rnams spangs pa'i phyed pa la/ /dge
ba'i 'bras bu nges par mthong/ /'di ltar las dang bya

@90a @#/ /ba la/ /nyon mongs byed pa'i dus sbyor ni/ /'phred thur
bltas pas nyon mongs par/ /byed 'gyur lha yi dbang phyug ma/ /kha
ni 'phred bltas thur sbyor gyi/ /phyed bas 'khor rnams zad par
byed/ /gyen bltas zhes byar grags pa yis/ /sde ba'i dgra

kun pham par byed/ /kha ni 'phred bltas dus sbyor gyi/ /phyed pas
dgra yang pham par byed/ /rang gi dus sbyor bdag po yis/ /phyed
pas mthong na las kun 'grub/ /de ltar dus sbyor phyed pa'ang/
/bshad zin dpa' bo'i dbang phyug ma/ /za ba khyim ni gang la
gnas/ /

de yi cha shas shes pa yis/ /thams cad las ni de bzhin du/ /'grub
cing 'gyur bar byed pa yin/ /pra b+ha se dang rang lus gnas/ /'chi
ba dgod par skye ba dang/ /'bar ba dga' ba spyod pa dang/ /mi
mthun byed pa su pa ta/ /'byor ba rnams ni rim pa bzhin/ /

zla ba gang la gnas pa yi/ /lug la sogs pa'i khyim shes pas/ /de
yi 'bras bu 'byung bar 'gyur/ /brlag pa bde legs 'chi ba dang/
taShNi nor thob gsod pa dang/ /dka' ba nyams pa nges pa'i dgra/
/rgyal ba 'chi ba legs 'ongs so/ /de ltar khyim gyi

cha shas kyis/ /'bras bu rim bzhin shes par bya/ /zla ba'i longs
spyod bzang ngan las/ /las dang bya ba nges par mthong/ /cha shas
bzang nang gnas bltas te/ /dge mi dge las don 'grub 'gyur/ /thun
phyed yongs su shes pa las/ /rigs ldan 'char bar shes

par bya/ /dgos 'dod thams cad 'grub pa'i phyir/ /shin tu gzab la
spangs bar bya/ /rA hu dang ni rigs ldan gyis/ /thun phyed bya
bnyams par byed/ /gang gis rigs ldan longs spyod pa'i/ /thun
mtsham gang yin mi shes par/ /zas zhim zos kyang nad 'gyur zhing/
/nad

pas sman 'thungs dug tu 'gyur/ /sprul sos btab la khyung gis min/
/de phyir rigs ldan sbyar ba spang/ /thun phyed brgyad du rab
brjod pa/ /nyi ma'i dus su rA hu dang/ /de bzhin rigs ldan 'char
ba dang/ /zla ba mig dmar gza' lhag dang/ /phur bu pa sangs spen
pa dang/ /rim bzhin de rnams

@90b brgyad dang ni/ /bdun dang drug dang lnga dang ni/ /de bzhin
bzhi dang gsum pa dang/ /gnyis dang gcig ces bya ba rnams/ /gza'
rnams so so'i thun byed min/ /ring thung mtshan nyid shes bya ste/
/mnyam dus chu tshod gsum dang ni/ /chu srang bzhi bcu rtsa lngar
ldan/ /de yi thun phyed kun la sbyar/ /

gza' rnams kyi ni thun phyed brgyad/ /de la 'char ba nges par
mthong/ /lnga dang bzhi sogs sbyar zhes bya/ /thun phyed longs
spyod bdun gyis bsgyur/ /de la drug cus bgos thob pa/ /chu tshod
du 'gyur lhag chu srang/ /de ltar gzha' rnams re re zhing/ /rang
gi thun mtsham phyed du dran/ /zla ba la sogs drug la

sogs te/ /de la rigs ldan 'char bar 'gyur/ /drug pa sogs pa'i bye
brag gis/ /bya ba thams cad sngar bzhin rigs/ /nyi ma'i chu tshod
nyi shu drug/ /chu drang bco lda ri sras mo/ /zla ba'i chu tshod
ni shu gnyis/ /lha mo chu srang sum cur bzhid/ /chu tshod bco lnga
mig dmar la/ /chu srang bzhi bcu zhe lda

yin; /gza' lhag chu tshod bco lnga ste/ /chu srang stong par yongs
su grags/ /phur bu'i chu tshod bcu gcig ste/ /chu drang bco lnga
zhes byar grags/ /pa sangs chu tshod bdun yin te/ chu drang sum su
spen pa la/ /gsum dang bzhi bcu rtsa lngar brjod/ /de rnams rigs
ldan thun mtshams te/ las dang bya ba

thams cad la/ /ci la bab kyang gzab par bya/ /'di ltar dus sbyor
phyed pa ni/ /mnyam tshe dbyu gu gnyis dang phyed/ /de la gza'
rnams dbang byed pa/ /drug gi grangs la bskor bar dran/ /nyin mo
de yin lha btsun ma/ /mtshan mo dbyu gu gnyis dang phyed/ /dus
sbyor phyed pa'i bdag po rnams/ /lnga la rim pas bskor

ba yin/ /spen pa'i longs spyod dus su ni/ /rigs ldan ci nas spang
bar bya/ /dge 'joms sdig pa can de ni/ /spangs bas rang gi las
kun 'grub/ /nyi ma nas ni pa sangs dang/ /nyi ma nas ni phur <bu
sogs/ /nyin dang mtshan gyi dus sbyor phyed/ /drug dang lnga aru
'gyur ba yin/ /de ltar dus sbyor phyed shes pa/ /

legs par rtogs sam gnga sa ri'i bdag /nyi ma mtha' yas zla ba
gla/ /nor rgyas mig dmar 'jog por dran/ /gza' lhag stobs kyi rgyu
zhes bya/ /phur bu padma pa sangs ni/ /padma chen por shes par
bya/ /spen pa dung skyong shes par bya/ /klu dang gza' bdun rim
pa bzhin/ /shes par bya'i ri sras mo/ /brgyad

@91a @#/ /pa rigs ldan nyid yin te/ /rA hu drag po'i gza' ru
'gyur/ /thun phyed longs spyod gza' rnams la/ /klu rnams 'char
bar yongs su grags/ /chu srang bcu drug nyi ma'i dbus/ /spang bya
gzhan la skyon med dran/ /pa sangs mtha' ma'i chu srang bzhi/
/gza' lhag sngon ma'i chu srang gnyis/ /

zla ba'i dbus su chu srang brgyad/ /spen pa'i mtha' mar chu srang
bzhi/ /sum cu rtsa gsum phur bu'i dbus/ /mig dmar thog ma'i chu
srang drug /bzang po'i gtam yin ri sras mo/ /rigs ldan 'char bar
the tshom med/ /chu tshod phyed dang gsum la ni/ /dus sbyor byed pa
nges par mthong/ /drug dang lnga ni rim pa bzhin/ /

nyon mongs la sogs las shes bya/ /spen pa'i dus sbyor phyed pa'i
dus/ /gang yin rigs ldan 'char bar 'gyur/ /bya ba thams cad nyams
byed pas/ /ci nas 'di ni spang bar bya/ /gza' yi cha la ci rigs
pa/ /klu rnams 'char bar 'gyur ba yin/ /rgya mtsho drang srong mig
dang ni/ /'byung

ba dang ni nor lha mo/ /ro ste nyi ma sogs rim bzhin/ /thun phyed
sgra gcan drag por dran/ /'byung ba mig dang ro dang me/ /ri dang
rgya mtsho zla ba ni/ /mig dmar rA hu zhes bya ba/ /gzhan gsad pa
dang dug sbyor 'grub/ /de ltar thun mtshams bdun pa dang/ /drug
lnga bzhi gsum gnyis

gcig rnams/ /nyi ma la sogs rim pa bzhin/ /klu yi dug de ci nas
'dzem/ /ji ltar nyi ma la sogs pa/ /gang la khyim ni 'pho ba na/
/mtho ris la sogs bdag po rnams/ /rim pa bzhin du shes par bya/
/'pho ba bcu gnyis bdag po ni/ /sdig can gyur na mi dge byed/ /

bsod nams kyis ni dge bar ston/ /'dren mas 'bring por 'gyur ba
ste/ /mang nyung las ni dge mi dge /'bras bu mthong bar 'gyur ba
yin/ /lha mo dbyangs char zhes bya ba/ /dgos don ma tshang med pa
yi/ /rgyud 'di bla ma'i man ngag las/ /the tshom med par shes par
'gyur/ /

'khor lo'i mtshan nyid mang po rnams/ /gzhung gi mthar thug 'di
las shes/ /gang tshe bla ma'i man ngag bral/ /de tshe bstan bcos
gzhung 'di spangs/ /gang zhig thams cad ltas 'di las/ /'bras bu
mang po mthong bar 'gyur/ /thams cad mkhyen pa'i skye bos kyang//

@91b don med dga' bas 'dir zhugs na/ /bshad pa'i 'khor los 'dri
byed la/ /'bras bu phral du mthong ba yin/ /skyes pa'i gnas skabs
'khor lo dang/ /dus kyi 'khor lo ri sras mo/ /a ba ka ha Da nyid
dang/ /sha ha ba ta seng ge'i gdan/ /de bzhin rgyan gyi 'khor lo
dang/ /

mdzes ma mthong ba'i 'khor lo ste/ /de rnams 'bru yi bye brag
kun/ /bshad do dpa' bos phyag byas ma/ /rA hu'i 'khor lo mang po
yang/ /mdor bsdus brgyad bshad ri sras mo/ /khyad par yud tsam
'khor lo 'dis/ /'bras bu chen po sbyin pa yin/ /bzang

mo de snyed bshad pa 'dis/ /kun la dbyangs 'char nges pa yin/
/dbyangs 'char spong ba'i blun po ni/ /nor bu phyugs la ji ltar
bur/ /kha yi nor bu dpal min bzhin/ /skyes bu blun pos mchog 'di
smod/ /the tshom med cing 'jigs med pa/ /g.yul las

rgyal ba seng ge 'dra/ /rjes su bsngags pa'i stong phrag gcig
/'di yi tshad mdzod lhas mchod ma/ /the tshom thams cad gcod pa'i
rgyud/ /lha mos gsang ba las kyang gsang/ /mchog tu gsang bas rna
bzhi pa/ /shin tu sbas 'grub lha mo kye/ /sdig pa la

brtson g.yo sgyu can/ /khro zhing ma rungs las la dga'/ /med pa
ba dang rgyud 'tshong ba/ /gus med rnams la sbyin mi bya/ /bla ma
la gus sems zhi ba/ /bden smra rtag tu dge la brtson/ /bstan bcos
dam pa rnyed dka' ba/ /'di la sbyin bya las mchod ma/ /dpal ldan
khyu

mchog rgyal mtshan las/ /grub thob utpal dbyu gu des/ /dbyangs
'char bstan bcos 'di nyid ni/ /sa steng 'jig rten gsal bar mdzad/
/'di ni g.yul las rnam par rgyal ba'i rgyud kyi rgyal po las lhag
pa'i las sna tshogs bstan pa chen po ste le'u bcu pa'o// //g.yul
las rnam par

rgyal ba zhes pa'i rgyud kyi rgyal po dbyangs 'char ba zhes bya
ba'i bstan bcos rdzogs so// //rgya gar gyi mkhan po paNDi ta dpal
dza ya A nanda chen po dang/ bod kyi lo tsA ba dge slong
rmongs pa'i gnyen po dgos 'dod pa thams cad 'byung bas bsgyur
cing zhus te gtan la phab pa'o// //

@92a @#/ /tshe'i gnas skabs kyi 'bras bu gnod pa 'byung ba zhes bya
ba'i las bzhugs so// @##/ /'phags pa 'jam dpal la phyag 'tshal lo/
/gza'i gnod pa spang ba'o/ /nyi ma la me lha mchod par bya'o/
/zla ba la klu mchod par bya'o/ /mig dmar la khyab 'jug gi tshogs
kyi bdag po

mchod par bya'o/ /lag la de bzhin gshegs pa mchod/ /phur pa la
lhag pa'i lha mchod/ pa sangs la gzhon nu ma mchod/ /spen pa la
lam mdo'i lha mchod/ /rA hu la la dur khrod du tshogs bdag mchod/
/ke tu la mchod rten mchod par bya'o/ /nyi ma la zas/ /zla ba la
zas mu tig sbyin par bya'o/ /mig dmar

la gser sbyin par bya'o/ /gza' lhag dang phur bu la gser sbyin
par bya/ /pa sangs la lnga tu la pa/ span pa la nya/ rA hu la la
chad sbyin par bya'o/ /ke tu la rin chen sna tshogs sbyin par bya/
/nyi ma la sbyin sreg gi chog bya/ /sems can la phan pa'i cho ga
zla ba la bya/ /mig dmar la gtor ma'i cho ga bya/ /gza'

lag la 'chos pa'i cho ga bya/ /phur pa la 'bri ba dang klog pa'i
cho ga bya/ /pa sangs la chu'i cho ga bya/ spen pa la dbang bskur
ba'i cho ga bya/ /rA hu la la rab gnas dang zhi ba'i cho ga bya/
/ke tu la rje btsun bzhengs pa'i cho ga bya/ /kun la rig byed kyi
cho ga rim gro dang/ rdo rje rnam 'joms dang/

gdugs dkar po can dang/ lhag pa'i lha'i bden pa dang/ de rnams
kyi cho ga bcom ldan 'das la bsnyen bkur ba la sogs pa'o/ /tshe'i
gnas skabs kyi 'bras bu 'byung ba'i gnod pa zhes bya ba'i las
rdzogs so// //rgya gar gyi mkhan po dpal dza ya A nanda dang/
lo tsA ba dge slong

rmongs pa'i gnyen po dgos 'dod thams cad 'byung bas lam bu'i
grong khyer se lo gang bu'i gtsug lag khang du bsgyur cing zhus
te gtan la phab pa'o/ /dus sbyor bdun pa'i dus su nyi ma 'char
bar gyur pa de'i tshe nad kyis thebs par 'gyur/ /mig dmar 'char ba
de'i tshe rma 'byung bar 'gyur ro/ /

spen pa shar na de'i nor nyams par 'gyur ro/ /de'i phyir de rnams
spang bar bya'o/ /sgra gcan shar bar gyur pa de'i tshe dgra brlag
par 'gyur ro/ /zla ba shar bar gyur pa de'i tshe rgyas par 'gyur
ro/ /gza' lhag shar bar gyur pa de'i tshe g.yul las rgyal bar
'gyur ro/ /pa sangs shar bar gyur

@92b pa de'i tshe rdzas rnyed pa dang/ bde bar bcas te bud med
dang lhan cig par 'gyur ro/ /gal te yang dag pa'i dus thams cad
'char bar 'gyur bde'i tshe 'grub par 'gyur ro/ /paNDi ta dza ya
A nanda dang lo tsA ba shes rab rin chen gyi 'gyur rdzogs so// //

@##/ /rgya gar skad du/ tsu Da ma Ni nA ma/ bod skad du/ /gtsug gi
nor bu zhes bya ba/ /thams cad mkhyen pa la phyag 'tshal lo/ /kai
lA sa ri'i gnas mchog tu/ /bstan bcos dbyangs 'char zhes bya ba/
/g.yul las rnam par rgyal ba bshad de/ /de'i don shin tu gsal bar
'dir bshad de/ la la

ni gzhung nyid kyis dkrugs shing/ rigs la sogs pa shin tu bsdus
sam go yid rtogs pa dang/ dum bu drug la sogs pa'i dus sbyor
rnams dbyangs 'char ba'i rtsis de lta bu yin pas/ de dag lag len
du dril te bshad pa dang/ man ngag snying gtam du bshad pa dang/
snyan dngags dang sde ba sbyor

spangs te don khol bur phyung ba dang/ bu rnams la yang ste bkag
pa ni 'di'o/ /bcom ldan 'das zhes pa nas bshad du gsol zhes pa'i
bar du bstod cing zhus pa'o/ /lam lnga zhes pa nas klu rnams
'char ba zhes pa ni lha mos 'khor lo rnams sdom du zhus pa'o/
/sngon tshe zhes pa nas mi dgos zhes pa yan

chad ni/ rgyud 'di'i byung tshul dang/ grags phyogs dang/ nyan par
rna gtad bskul ba dang/ rgyud rnams kyi rtsa bar gdams pa dang/
lta ba rtogs pa la mi dgos par bshad pa'o/ /lus gnas zhes pa nas
ltas kyi dge mi dge bshad ces pa yan chad ni/ /rlung dang ltas
kyi rim pa ste go bla'o/ /tshes la zhes pa

nas tha mal zhes pa yan chad ni/ zhag gcig la dbugs nyi khri chig
stong drug ste drug brgya rgyu zhing/ chu srang dang dbyu gu'ang
des shes so/ /dbugs kyi grangs ni zhag gcig /chu srang ni zla ba
gcig /dbyu gu ni lo gcig ste/ nyi khri chig stong drug brgya'i
grangs la/ /bcu gnyis kyis bgos pas/

nor 'di dus sbyor gyi phung por 'gyur ro/ /brgyad kyis bgos pas
nor ni thun du 'ong zhing/ rgyal mtshan la sogs pa yang 'char ro/
/de dag la lam lnga yod de/ /sa dang/ chu dang/ me dang/ rlung
dang/ nam mkha'o/ /de dag kyang sna bug gi g.yas g.yon/ steng 'og
/dbus rnams la

@93a @#/ /rim pa bzhin rgyu'o/ /sa la sogs pa 'byung ba re re la
sum brgya bzhi bcu zhe dgu'i dbyug gi dbugs rgyu'o/ /sna bug
g.yas rgyu nyi ma g.yon rgyu zla ba/ /gnyis ka rgyu ba sgra gcan/
/g.yas lho g.yon byang/ khyim 'phrin las ring thung rnams gzhung
nyid la gsal lo/ /mig dmar

me; spen pa chu/ /nyi mas/ sgra gcan rlung/ /lag pa nam mkha'/
/gzhan rnams ni sgra gcan nam mkhar bzhed do/ /g.yas pa'i 'byung
ba dag gzhung na gsal lo/ /de dag gi lam lnga'i rim pa'o/ /sum cu
gnyis kyi ming yig shar ba de byis pa/ de nas bgrangs pa'i gnyis
pa'i gnyis pa gzhon/ gsum

pa lang tsho/ /bzhi pa rgan/ /dga' ba rim bzhin des go zhing/
/zhib par gzhung las shes so/ /le'u dang po'o// //gtso bor dus
sbyor ston pas/ de yang lo'ang dus sbyor ston pas yin zhing/
'bras bus zhag gcig gi dum bu la 'byung bas/ de'i rtsis rlung
grangs la lta ste/

zhag gcig rtsis pa nas/ /khyim bdag yan chad ni/ dus bcu gnyis
kyi 'khor lo rnams kyi dang po ste rtsa ba yin no/ /khyim dbang
ba yang 'dis shes so/ /dus sbyor kyi 'khor lo 'og ma rnams 'di'i
steng nas lta ba yin no/ /chu bdag ngan zhes pa yan chad ni/ /dus
sbyor gyi nus pa che chung

phyogs kyi stobs kyi tsa kra'o/ /zla ba bcu gnyis kyi nyin mtshan
gyi dbyu gu ni go sla'o/ /nyin mo du dbang ba'i chu tshod la
brgyad kyis bgos pas nor gyi thun phyed do/ /mtshan mo yang nor
lhas bgos pas thun phyed ces te/ 'di ni mtshon cha dar can lta bu
sgra gcan la gal che/ /chu srad ni blos spyod

skar ma gnyis dang/ dbyu gu bco lngas khyim gcig rdzogs/ des
gzhan rnams shes so/ /gzhan yang zhes pa ni yan lag lnga rtsis
kyi nyin skar dag pa la zer ro/ /'di phyogs ni zla ba la dbang
ba'i khyim bcu gnyis kyi nyi ma'i 'pho ba'o/ /lug la sogs par
'phos pa'i 'das pa'i

zhag du lon gnas gnyis su bya ste/ nyi ma zhag re zhing chu tshod
bgo zhing chu srang nyi shu rtsa lnga za bas steng bzhi 'og nyi
shu rtsa lngas bsgyur ro/ /drug cus bgos lhag dbye/ /nor steng du
gzhug /phyed lhag na gcig sbyin no/ /steng du drug cus bgo bar
bya zhing/ /nor gyis chu srin la sogs byang bgrod

@93b drug la dbri/ kar ka sogs lho bgrod drug la bsnan pas 'pho
ba'i chu tshod dag par 'gyur/ /chu tshod du 'das lta ba de/ /rgya
mtsho chu dang zla ba la/ /lug dang srad la drug sbyin bya/ /glang
dang bu mo rang sar gzhag /'khrig pa seng ge brgyad dor bya/ /kar
ka gnyis la bco brgyad dbri/ /sdig nya gnyis

la bcu sbyin zhing/ /gzhu dang chu srin bum pa ni/ /gsum la nyi
ma byin pa la/ /lug dang srang la drug sbyin bya/ /cha bdun grib
mar bcas pas bgos pas thob pa'i nor ni snga dro chu tshod 'das pa
yin/ /phyi dro lus pa nyid du 'gyur ro/ /'di dus sbyor bcu gnyis
la sogs la ngos 'dzin na/ /de'i dus

kyi chu tshod ni 'das pa drug cus bsgyur bar bya/ /des ni dbyu gu
yang chu srang gi phung por 'gyur ro/ /de la lug la nyis brgya
lta bu khyim rang rang gis bgo'o/ /lug sogs drug la yas kyis dbri
zhing/ /srang sogs drug la mas kyis dbri'o/ /ma ldang ba de tatka
la yin no/ /de ni nyin zhag

gcig gi bcu gnyis cha'o/ /'phel ba de las gnas lnga byed na/
/lhag sum cus bsgyur ba la khyim chu srang gis bgos pas/ /nor ni
cha shas yin pas tatkA la 'og tu bri'o/ /lhag drug cus bsgyur
zhing/ /thob pa dbyu gu yin zhing/ /de'i lhag drug cus bsgyur bas
thob pa chu srang yin/ /de'i lhag drug

gis bsgyur bas thob pa dbugs yin no/ /gnas lnga zhes ni de la
zer/ dus drug dag gam lta ba dang/ /dum bu drug gi don du yang/
/tadkA la chu srang sum cus bsgyur/ /de la 'og gi cha shas gzhug
/de'ang drug cus bsgyur zhing chu tshod gzhug /stong dang brgyad
brgyas de la bgo bar bya/ /nor ni

dus sbyor gcig gi rang bzhin te/ /gong gi de dang mnyam na dag pa
yin/ /dag par ma gyur mnyam pa'ang min no/ /cha shas drug cus
bsgyur chu tshod steng du gzhug /de ni dum bu lnga'i dgod bya yin
no/ /de la dgu brgyas pa gos nor dus sbyor phyed pa'o/ /drug
brgyas bgos nor sum cha yin/

nyis brgyas ba gos nor dgu cha yin/ /brgya dang bcu yis bgos nor
ni/ /bcu gnyis cha ru 'gyur ba lags/ /drug cus bgos pa'i nor ni
sum cu'o/ /de ltar dum bu drug ste 'di rnams thams cad la phyed
pas lhag la re re steng du sbyin par bya'o/ /'di rnams rgyud kyi
bcud lta bu yin zhing/ /

@94a @#/ /'o ma'i bcud mar lta bu'o/ /dum drug gis ni gsal ba'i
mig dang 'dra ste thams cad mthong ngo/ /dmag dang/ rkun ma/
rdzas/ byed las/ bzang ngan/ /chags ka thams cad la gnod drug rim
gyis rdzas dang 'dra 'o/ /dus 'di rtsis rnams kyi gzhi

ma yin pas sbyin par bya'o/ /khyim bdag gal che 'di bzhin rtsis
te/ /lug dang sdig pa'i mig dmar yin no/ /glang dang srad ni pa
ba sangs yin no/ /'khrig pa bu mo lhag pa'i zhing yin no/ /kar ka
Ta zla ba'i khyim yin pas/ seng ge nyi ma'i zhing yin/ /gzhu dang
nya ni phur bu'i

zhing yin/ chu srin bum pa spen pa'i zhing lags pas bdag po rnams
kyi 'bras bu bzhin brtsi'o/ /brtan g.yo/ zhi drag /pho/ mo/ sdig
/bsod/ mnyam/ mi mnyam rnams zhib par rgyud nyid la gsal zhing/
/ttkA la nas bgrangs pa'i bdun pa na mthong ba yod pa'o/ /rkang
pa zhes

pa ni zhib rtsis so/ /stobs ni go sla'o/ /dgra grogs ni gal che
bas rgyud nyid ji bzhin par blta'o/ /tadkA la na mig dmar yod
cing/ /bdun pa na phur bu yod na gza' gnyis ka'i 'bras bu 'byung
ngo/ /des gzhan yang 'gre'o/ /khams ni zla ba phur bu yin zhing/
/pa sangs mig

dmar rnams rtsa ba yin no/ /rtsa ba na shing dang/ gos dang/ ras
dang/ dar la sogs pa rdzas rtsa ba'i rigs so/ /lhag pa srog chags
rigs yin no/ /nyi ma spen pa ni lha dang rkang mangs kyi rigs yin
no/ /'di rnams rgyud nyid la 'khor yang bdag po gza' nad yin pas
'bras bu 'byung

ba la sogs pa med do/ /le'u gnyis pa'o// //bsam pa zhes pa nas
don gsal tshig pa yan chad ni zhu ba po'i mtshan nyid ni gal che'o/
/slob dpon gyi mtshan nyid go sla'o// //'dri ba'i dus su zur gsum
dang/ gru bzhir zhi ba'i gza' shar zhing/ /gzhan rnams su sdig
gza'

shar na/ 'dri byed kya don 'grub ste/ /u pa tsa ya 'di khyad par
du don gnyer ba ring thung la shis so/ /ttkA la zhes pa nas/
/zhib tu brtag yan chad ni/ /dus sbyor dum bu drug gi bzang ngan/
/rigs/ rnyed/ mi rnyed/ rkun ma ngos 'dzin/ ma brjod lkog gyur
gyi rtsis phyi nad rgyal pham/ /'dum/

@94b mi 'dum/ tshe ring thung/ 'ong mi 'ong/ sbed pa'i sa/ kha dog
/rmi lam rnams bshad pas/ rgyud nyid las shin tu zhib par gsungs
te/ blos zhib par brtag go /smra shes pa yan chad zas dkon mod
kyi rtsis so/ /rkun ma ngos 'dzin lo grangs kyis ngos 'dzin pa ni
go sla'o/ /bu mo skye ba la

sogs pa gzhung nyid na zhib cing ma 'grig pas kho bos rgyas par
bshad do/ /le'u gsum pa'o// //rkang pa brgya pa'i 'khor lo 'dis/
gshin rje lto ba'i tsa kre 'di dag byed pa yin no/ /gal che ba
thams cad du ming gi skar ma shes shing mthong ba ni sgra gcan
gyi rkang pa dgu dang nyi ma'i

nyi ma dang/ mig dmar gyi me dang/ phur bu'i drug dang/ spen pa'i
nor rnams dang/ lhag gi bdun dang/ pa ba sangs kyi lnga pa rnams
mthong ngo/ /zla bas g.yon du bskor ba'i nyi shu gnyis mthong
ngo/ /'khyud pas lus la na tsha sna tshogs pa 'byung zhing/ stobs
bzhis 'jigs zhes pa ni

'di kho nas yin pas ming spo/ gos bsgyur yul nas 'bros pa la sogs
bya'o/ sol ba ni drang srong gi nad dang/ dug ro rnying pa dang/
mdze nad dang/ gcong nad kyis zin zhing/ /srog dang bral ba la
nye'o/ /du bas ni blo'i sdug bsngal ba dang/ gtam ngan 'byung
ngo/ /stong gis sna

khrag dang/ khrag nad 'byung ngo/ /'di dag kun la 'chi ba bslu'i
lugs bzhin/ /lha dang rlung bzung ba dang/ dbang phyug gi skyabs
kyis 'tsho bar byed do/ /mthongs ni gzhung nyid la gsal lo/ /sha
la ka yis bag ma brtsi'i/ /stobs bzhi yis mi dang rta la sogs
pa'i thug

dgye ba brtsi'o/ /nyi ma gar gnas pa las dang bya ba ci byed
kyang ngan pas/ a ta mi ta yang brtsi'o/ /mdud chen chag kyang
bag ma dang/ don gnyer ba rnams la gal che'o/ /grong dang grong
gi bya ba la/ /phan yon chen po'i tsa kra gal che'o/ /pa ri g+ha'i
tsa kra ni dges pa chung ngo/ /

be ra mu pa'i tsa kra ni/ lo gcig gi chags ka brtag pa la dgos
so/ /le'u bzhi pa'o// //sngags la drag pa'i phyir a ba ka ha
zhes bya ba'i tsa kra'o/ /glang chen mche ba'i tsa kra 'ang zer
ro/ /'di ni 'dis rgyal po bya ba dang/ dmag dpon dang/ gral dpon
bya ba dang/

@95a @#/ /lha khang brtsig pa dang/ lha bzhengs pa dang/ rngams
che ba'i las la mig gi 'bras bzhin gal che'o/ /be la se ga'ang
'di'i nang ma zhib pas ltad mo dang ston mo gal che'o/ /rus sbal
'khor los yul gyi bde sdug dang/ legs nyes shes pa sa zhi drag gi
gza' la

blta'o/ /des pa tsa kra ni rgyal po'i bla mchod dang/ mi dpon gyi
g.yog byed pa dang/ rang las che ba rnams brtag go /le'u lnga
pa'o// //'khor lo dus kyi gdan la brten na/ rlung rgyu ba'i yun
nam ring thung blta ste/ /'chi ltas dang/ na tsha dang/ kha smras
dang/ de rnams shes te/

rlung rgyu ba yun ring na 'chi/ /'bring na ni/ /yun thung na kha
smras 'ong ngo/ /tshe tshad ni lo bdag dang skye skar dri ste/ blo
zhib na brtan no/ /gza'i lo bdag re re zhing yang dge mi dge
gzhung nyid kyis bgo'o/ /skyes bu dus ji tsam na skyes pa'i dus
kyi nyin skar khal dgod/ de nas rtsi'o/ /'di nas skye

ba brtag pa'i cho ga ste/ /gzhon pa kha byang gi rtsi'o/ /le'u
drug pa'o/ / / /lam gyi 'khor lo la sbrul gyi lus la rtsa gsum la
sogs pa gzhung nyid kyis go zhing/ de dag la zhi drag gi gza'
gang gnas blta'o/ /lam du zhugs po'i nyin zhag la dbang ba'i skar
ma dang/ /rgyud gcig

pa'i rtsal gza' gang gnas pa'i 'bras bu 'byung ngo/ /sa tshigs ji
tsam du 'byung na/ 'gro sar dpag tshad du yod pa de rtsa rgyud la
gnas pa'i gza' de yis bsgyur/ 'khor los bgo nor ni 'gro la ma
yin/ /lhag ma bzhis bsgyur/ /'khor los thob pa ni/ /mda' 'phen
drug cu'am rkad pa

gcig yin no/ /lhag ma drug cus bsgyur cing thob pa ni mda' rgyad
gang du 'gyur ba yin no/ /sa yul 'di nas brtsis pa'i dro lam
kyang la/ /mda' 'phen rnams 'di'i 'bras bu 'byung zhes bya'o/
/rgyan gyi tsa kra ni ming yig nyer gnyis rang gis bsgyur te/
brgyad kyis bgos pas thob pa'i

lhag ma la blta'o/ /rgyal mtshan la sogs 'char ro/ /'das pa'i dbyu
gu la brgyad kyis bgo/ /de ni rgyal mtshan pa 'char ro/ /re re
zhing gza' bdun gyi bdag po yang yod do/ /ming yig mnyam na 'dum
zhing/ bza' mi'ang 'grogs lugs yun ring ngo/ /mi mnyam na gang
mang rgyal lo/ /

@95b ya dang zung gnyis gnyis ya rgyal bar bshad do/ /skyes bu'i
lus la skar ma bkod do/ /zla ba gnas pa'i thog tu rma 'ong ngo/
/dgu cha'i dum bu ni gzhung nyid nas gsal lo/ /tri shU la yi tsa
kras ni 'khrug pa 'ong mi 'ong dang/ ming skar blta ste rgyal
pham dang rtsed mo dang/ bar dang yul rnams go

sla'o; /zhabs skud kyi tsa kra ni ma bkod do/ /brtag pa'i 'khor
lo'o/ /nyin skar nas mgo btsugs te skyes bu'i lus la dgod do/ /de
la rang gi ming skar gar babs blta'o/ /dge sdig gzhung na gsal
lo/ /'di ni chags ka brtag pa'i 'khor lo'ang zer ro/ /re mig bcu
bzhi pa'i 'khor lo

'di; smig rgyu lta bu la khyad par du gal che ste steng rnams
rgyal zhing/ /'og ma rnams pha ma mo/ /rigs gsum gyi 'khor lo ni
lhan cig sdod pa rnams la brtag ste gza' mi dang dpon g.yog
lgshis ma log pa gal che'o/ /mig ni kha 'phos so/ /a ka la sogs
pa sde brgyad kyi tsa kra ni/ /spyir rgyal

pham kun la dgos shing /khyad par du/ sho dang rgyan len pa dang/
thug 'gyed pa dang/ glang po che 'thab pa rnams kyi las so/ /'dab
chags brgyad ni las dang bya ba gang la'ang dgos te/ zla ba zhag
dus tshod rnams stobs che ba la bya'o/ /shar du rgod/ /nyi ma
'phred zla thams cad

tshes gcig dang dgu 'di rnams I ming can shar du stobs che'o/
/tshangs pa'i tsa kra 'di sdong sa la brtag ste/ gnod pa bzhis ni
srog dang bral bar 'gyur zhing/ /gsum gyis ni yun ring/ gnyis
kyis kha smras 'ong/ gcig gis don nyams/ de bzhin du zhi gza' la

yon tan grangs mang ba bzhin che'o/ /'dri ba'i nyin par skar ma
gang la gnas pa nas kha la dgod cing/ /klu'i 'khor los nad pa
rnams brtags te bden pas brtag go /dpon g.yog dang bza' mi/ rje
'bangs/ dpon po rnams la zam pa/ mda' gcig gi steng la/ las tshur

thug pa bzhin te/ shin tu bden zhing gal che bas rtsa gsum la
blta'o/ /gdugs kyi 'khor los ni phyogs kyi rgyal po ston te bden
pa nyung ngo/ /tha skar la sogs zhes pa nas/ rim pa bzhin du zhes
pa yan chad ni/ yul de la skar ma dang zong rnams dgod pa'i lugs
so/ /

@96a @#/ /spen pa gang la gnas pa nas mi rnyed cing dkon pa'o/
/'pho ba'i rgyu skar tshes bsres te zhes pa'ang 'di dang sbyar ro/
/seng ge brtan ni ming dang 'dra ste/ bden pa bzhi brtan no/
/mda' gzhu ni skyes bu mda' 'dzin rnams la dgos te/ g.yas g.yon
ni steng 'og go/ /rang

gi skyes skar dang ming skar/ stod la song na 'chi/ na/ 'pham/
rma 'bab po/ /rtse la song na thams cad rgyal lo/ /ral gri ni go
sla'o/ /ya tra na ltang mo ste/ 'di bum pa bzhis brtag go/ /nyi
ma gnas pa'i phyogs ltad mo la sogs byas na 'chi zhing rma 'bab/
rta 'gyel/ lug 'chi/ glang chen

gum rtsed mo bsdums stod par 'gro'o/ /nyi ma dang bral na dgos
pas rang rgyud gang ste bzang ngo/ /byes su song ba rnams la
padma'i 'khor los brtag ste/ shin tu bden zhing gzhung nyid na ma
sbas pas gsal lo/ /bre'i 'khor lo ni/ thub pa'i tshogs rnams la
gzhan du zhib par bshad do/ /

le'u bdun pa'o// //byis pa skyong gi rdzong ni gzhung nas ji ltar
bshad pa bzhin/ khyad par bsrungs pa rnams la gces so/ /rdzong
dang/ rdzong dag gi ming skar la dgra ma dar gces so/ /b+hi tri
'ang gal che'o/ /srin po'i rdzong 'dis gzhan 'bebs pa la gal che
ste/ dus rA hu la rgyal

po yin pas stobs che'o/ /gza' gzhan rnams blon po yin pas gzhug
pa bstan to/ /rtsa ba'i sgra gcan la rna ba g.yas pa bstan/ skar
ma rnams zas kyis bcos shing/ gza' bdun gyi gos chas su zhugs te/
dus sbyor gyi gnas brtsi zhing nyi ma la rgya ba bstan/ zla ba
mdun du bzhag ste/

thun phyed pa'i sgra gcan dang bsdongs nas 'bebs pa yin te/ rtsi
ta'i don kho na'o/ /chu'i mtshan nyid la yul de'i mi'i 'dri tshig
dang po bzung ste brtag go/ /sde tshan 'dom/ dbyangs 'khru/ gsal
byed sor/ des shes so/ /b+hi tshan rA hu ni rdzong bdag gal che
bas brtag go/ /nyi zla'i

stobs las che'o/ /drag gza' nang du chud/ zhi gza' phyi ru gnas
na/ 'bebs mi 'grub pa rnams kyi bsam pa 'grub/ de las bzlog na
bsrungs mkhan rgyal lo/ /rigs kyi nus pa ni rtsis bde'o/ /le'u
brgyad pa'o/ /gru bzhi zhes pa nas/ rnam par phyed zhes pa yan
chad ni/

@96b rA hu'i rtsis rnam pa dgu ste/ mkhar len la khyim gyi rA
hu gces so/ /drag las la rtsa ba'i rA hu gces so/ /gtad la yud
tsam gces so/ /rim gro la tshes kyi rA hu gces so/ /sa bon la
sogs la dkar nag gi rA hu gces so/ /bag ma la nyi ma la sogs
pa'i rA hu gces so/ /thun phyed

pa ni mtshon la dar gyis zhugs pa dang 'dra ste/ kun la gces pas
'di kho na blta'o/ /le'u dgu ba'o// //spen pa'i tsa kra 'dis
gzhon pa'i skyes skar dang rgan pa'i ming skar ba lta ste/ dge
sdig gzhung nas bshad do/ /bya khyung ni go sla ste bdun du rung
ngo/ /biShTi brgyad po 'di ni/

don bsgrub pa dang/ 'gro don bya ba dang/ khyad par du lha 'dre'i
las byed na gal che zhing dgos so/ /tshes la dbang bas brtag pa
zhib tu bya'o/ /rnal 'byor ma brgyad ni/ bre'i 'khor lo dang/ lam
lnga dang mthun na nus pa che bas/ phan gnod kyi 'khor lo la gces
so/ /dus sbyor byed

pa 'di rnams mngon yang nus pa chung bas brtag pa dka'o/ /rigs
ldan ni klu brgyad yod de/ /de bzhin du gza' bdun/ /rA hu dang
brgyad yod pas/ thun phyed pa'i rA hu la bltas te/ rig ldan dus
su las ci'ang spang zhing/ khyad par du zas/ sman/ gtar/ bsreg
/nad pa'i las rnams spang

ngo; ;dgos nor kun 'byung zhing/ cha shas phra ba gtan la 'bebs
shing/ gnad che bas gdams pa yang 'di kho na zab po/ /rgyud kyi
'khrugs bsdebs dang/ mang ba bsdus shing nyung ba bshad de/ gal
che ba rnams zhib tu byas la/ mi go ba rnams go sla bar smos
pa'o/ /

mig nad nas 'bras bu bzhin/ 'di dang rgyud do/ /le'u bcu pa'o//
//dpal gtsug gi nor bu zhes bya ba rdzogs so// //rgya gar shar
phyogs kyi paNDi ta dpal lhan cig skyes pa'i zhal snga nas dang/
u rgyan pa rin chen dpal gyis ljongs te rA hu'i tir bsgyur

ba'o// @##/ /rgya gar skad du/ A yu ga Ni ta pha la bra ka sha
nA ma/ bod skad du/ tshe rtsis kyi 'bras bu gsal bar byed ba zhes
bya ba/ 'jam pa'i dbyangs la phyag 'tshal lo/ /gnas skabs bzhin
shes skyes bu yis/ /dang po'i gnas skabs gsal 'dod na/ /mkha'

@97a @#/ /nyi drug sogs lo yis bsgyur/ /de la mkha' nyis bgos thob
lo/ /dag na kun bsdoms mkha' nyid grub/ /so so'i me rnams mkha'
dus mes/ /bsgyur te mkha' nyis rnyed brtan pa'o/ /rang rang brtan
pa drug sogs bsgyur/ /mkha' dus me yis thob pa lo/ /

lhag ma mkha' mes thob zla ba/ /de yi lhag ma zhag tu 'gyur/
/dgan rang lo'i 'gro ldog nges/ /dang po'i cha shas nges rgyas
shes/ /brgya sogs gsum la'ang drug la sogs/ /gza' dgu so so'i lo
yis bsgre/ /mkha' dang nyi mas thob pa lo/ /lhag la nam mkha' me
yis/

bsgre/ /thob pa zla ba lhag ma zhag /de nas so so'i lo rnams kun/
/mkha' dus me yis bsgyur bar bya/ /zla ba mkha' mes bsgres pa
sbyin/ /mkha' ros rnyed pa brtan pa zhag /lhag ma drug cus thob
chu chod/ /de nas rang rang brtan pa rnams/ /drug la sogs pa'i
rang los bsgre/ /mkha'

dus mes ba gos thob pa lo/ /gal te rnyed par ma gyur na/ /mkha'
mes bgos la zla ba bya/ /de yi lhag ma zhag tu 'gyur/ /dag na
lnga sogs rang gi lo/ /dgu tshan re la 'gro ldog nges/ /cha shas
phyi ma rgyas pa'o/ /cha shas re re drug cha re/ /phri bas brtan
pa'ang drug cha 'bri/ /de ni

rtsis kyi gzhi ma yin/ /bsgyur dang 'god byed mtshungs par ldan/
/de ltar zla klu rnams gzhi shes/ /gzhan yang tshe yi snod 'brid
dang/ /bslu zhing bsring ba'i chog rnams/ /khong du chud nas ston
par gyis/ /rdo rje'i tshig 'byed lde mig 'di/ /ji snyed mkhyen pas
bsgyur ba'o/ /tshe

'bras kyi rtsis gsal bar byed pa ma na pu ru Shas mdzad pa/ ithi
na ka ra ka Ta'i bram ze lag ma ti dang/ mkha' 'gro rdo rjes
bsgyur// @##/ /rgya gar skad du/ swa ro da ya artha saM gra ha/
bod skad du/ dbyangs 'char ba'i don bsdus pa/ 'phags pa 'jam dpal

gzhon nur gyur pa la phyag 'tshal lo/ /mgon po dus gsum sgrub pa
med/ /thams cad mkhyen la phyag 'tshal nas/ /dgos pa thams cad
byed pa yi/ /rgyud kyi don bsdus bshad par bya/ /g.yul las rgyal
bar 'dod pa yis/ /dbyangs 'char rgyud kyi don bsgrub pa/ /legs

@97b brtags las kun byed pa yin/ /dga' ba ster 'di mnyan par
gyis/ /gang du yid ni dag pa la/ /mi rtag phyir ni 'di mi dgos/
/'jig rten gsum gyi byed pa'o/ /sems 'di gcig pu yin pa'i phyir/
/dus gsum dus med ma rtogs pa/ /bde ba 'dod pas 'di bsgrub bya/
/sdig pa'i

gza' yis gnod byas pas/ /skar ma ji bzhin las mi bzad/ /khyim
dang 'gros kyi bye brag gis/ /gza' yi las kyang so sor mthong/
/ji ltar gsungs pa'i bdag po rnams/ /gnod pa'i dbang gis gzhan du
'gyur/ /'di ltar mkhan po 'dri byed dang/ /rgyu dang 'bras bu
bzhi

zhes dran/ /mkhan po mkhas shing bye brag shes/ /sbro zhing blo
gsal yid gzungs pa/ /'dri byed le'u gsum pa las/ /ji ltar gsungs
pa'i mtshan nyid can/ /rgyu yi mtshan nyid ces bya ba/ /lus ngag
yid kyi byed pa ste/ /res kyi gza' dang rgyu skar dang/ /byed
sbyor tshes kyi yan

lag dang/ /gza' rnams khyim la 'khod pa dang/ /dus sbyor thun
tshod bye brag rnams/ /lam lnga'i rnam par shes pa dang/ /dbyangs
dang gsal byed 'char nub dang/ /ltas dang yi ge'i bye brag de/
/'di la nges par shes par bya/ /mthong dang 'bras bu gnyis kyis
ka /'bras bu

thams cad bsdus pa yin/ /mthong ba rgyal po blon po dang/ /bud
med dmag dang mtshon cha dang/ /gtong len srid sde 'bru nang dang/
/bas dang dpa' dar bshes dang ni/ /phan tshun mthun pa zhes bya
ba/ /de ltar bcu gnyes bstan pa yin/ /gnas kyi gza' dgu rgyal pos
te/ /bka'

stsal gang gsungs mthong bar bya/ /khyed kyi rgyu skar blon po
ste/ /rje yi kha lo sgyur ba yin/ /yan lag lnga bsdus dmag dpung
ste/ /bzang ngan gang mang blta bar bya/ /tatkAl dus sbyor mtshon
cha ste/ /thebs na 'gyur ba med pa yin/ /rang gi bsod nams bud
med 'dra/ /mo ngag dbang

du kun kyang 'gro/ /hom ra thun phyed las rnams ni/ /g.yul gyi
mtshon cha gtong len 'dra/ /'di la bsgrims te spang blang bya/
/ltas kun srid sde nyid yin te/ /dang por ci snang brtag par bya/
/lam lnga nad pa'i zas dang 'dra/ /'phral du phan gnod byed pa
yin/ /ldang dus snga

@98a @#/ /dro'i zas dang 'dra/ /nyin gcig de yi 'bras bu byed/
/gsal byed dbyangs 'char dpa' sngar 'dra/ /'char nub dar rgud
brtag par bya/ /ming dang pho nya'i yi ge'i rnams/ /sngar 'dris
mi dang 'dra bas na/ /cir phub tu yang shes pa yin/ /dus sbyor
bye brag phra

ba yi/ /dus sbyor bye brag gang yin pa/ /'khus pa'i mi dang 'dra
ba yin/ /bzang ngan thams cad 'di yis byed/ /thun mong dang ni
khyad par de/ /'bras bu rnam pa gnyis su dran/ /'dri byed lus kyi
gnas skabs la/ /sdig can gnod pa'i mtshan nyid rnams/ /dbyangs
dang gsal

byed dar nub dang/ /sha la ka yi tsakra dang/ /brgyad cu rtsa
gcig 'khor lo dang/ /glang chen mche ba'i mtshan nyid dang/
/tshangs pa klu dang sbrul dang ni/ /bi chin rA hu'i 'khor lo
dang/ /rA hu gdong dang spen pa dang/ /bya khyung 'khor lo rnams
la brtag /khyo shugs la sogs lhan cig tu/ /gnas

pa rnams la ming yig dang/ /rigs gsum stobs kyi bye brag rnams/
/ji ltar gnas pa brtag par bya/ /khyad par 'bras bu ci snyed pa/
/rang rang las la shis pa brtag /lam ldas 'phral gyi bya ba brtag
/dbyangs 'char dar rgud las la brtag /pho nya'i bya ba thams cad
la/ /

tatkAla dus sbyor brtag par bya/ /g.yul du chas par 'dod pa'i
tshe/ /ltas kyi rim pa brtag par bya/ /zong ni 'pho ba'i dus tshod
brtag /chom rkun ming la brtag par bya/ /sbrum ma pho nya'i ming
la brtag /don ni pho nya'i gsal byed la/ /skyes skar zhag grangs
lhag mas brtag /nyin

gcig dge sdig ldang du brtag /tatkAla skar ma'i bye brag brtag
/sha ra ka yi 'khor lor brtag /yul rnams mtshan nyid ces bya ba/
/kurma'i tsakra brtag par bya/ /gong ma'i gnas su 'gro ba na/ /se
ba'i tsakra brtag par bya/ /'chi ltas rnams kyi mtshan nyid ni/
/dus kyi 'khor lo

las shes bya/ /ji ltar lus ni gnas pa las/ /tshe yi gnas skabs
'bras bu brtag /bsod nams sdig pa'i bye brag gis/ /'di yi 'bras
bu zhes su smra/ /ji ltar skyes pa'i 'du shes las/ /dzA ti'i
tsakra brtag par bya/ /lam zhugs lam gyi 'khor lor brtag /dkar
po'i

@98b 'khor los bud med brtag /rngon pa'i 'khor los ri dags brtag
/rgyan gyi 'khor los stobs la brtag /rgyal 'pham ming gi yi ges
brtag /thun mong rma ni tri shU la/ /bye brag rma ni ma 'khor
los/ /rim pa bzhin du brtag par bya/ /tshangs pa'i 'khor los gnas
skabs brtag

gdugs kyi 'khor los shar nub dang/ /dbus kyi rgyal po'i legs nyes
brtag /seng ge gdan gyi 'khor los kyang/ /lho byang dbus kyi
rgyal po dang/ /nor bu rta dang glang po che/ /bo ti gser dang
chos rnams brtag /mda' gzhu'i tsa kras de nyid brtag /ral gri'i
tsa kras de nyid brtag

ral gri bzhi yis gsod pa dag /bum pa'i tsakras pa tra brtag
/padma'i tsakras byes 'gro brtag /bre yi tsakras sbrum ma brtag
/bsrung dang 'joms pa'i tsakra las/ /rdzong gi 'khor lo bshad pa
yin/ /bum pa'i tsa kras khron pa brtag /drag po'i las la biShTi
brtag /g.yul du

mkha' 'grem brgyad brtag /dus tshod gzem par bya ba ni/ /dus sbyor
phyed dang thun phyed yin/ /zla ba'i snyigs ma bya ba brtag /'pho
ba'i brtag pa 'pho ba yis/ /dge sdig bye brag shes bar bya/ /'di
ltar 'khor lo ji snyed pa/ /lha yi dbang pos gsungs pa la/ /lam
lnga'i rnam par

shes pa dang/ /dus kyi 'khor lo'i cho ga bshad/ /rdul tshon dkyil
'khor dam pa ru/ /mi rnams 'jug pa byas la byin/ /dus kyi 'khor
lo'i byed pa ni/ /'dod lha mchod de bsten par bya/ /rjes su
bsngags pa'i tshigs bcad stong/ /dbu zhabs du ma bur ma yin pa/
/de ltar bdag

po rnams 'byung mod/ /ji skad gsungs pa'i cho ga rnams/ /skad cig
re re legs brtags pas/ /bye brag ma 'khrul shes par bya/ /yang
dag des pa thub pa'i mi/ /gnod pa kun gyis mi 'jigs shing/ /tshe
ring phun sum tshogs pa dang/ /gnas skabs kun du bde thob 'gyur/ /

dbyangs 'char ba'i don bsdus pa/ paNTi ta chen po sengge'i go
chas mdzad pa rdzogs so// //rgya gar gyi mkhan po paNDi shrI dza
ya A nanda dang/ lo tsA ba dge slong rmongs pa'i gnyen po dgos
'dod thams cad 'byung bas bal yul rnal 'byo ba'i gtsug lag khang
du zhus shing bsgyur te

@99a @#/ /gtan la phab pa'o// @##/ /rgya gar skad du/ swa ro da ya
kA la yu ga pha la u pa de sha /bod skad du/ dbyangs 'char ba'i
dus sbyor gyi 'bras bu nye bar mkho ba/ A rya manydzu shri ye
na maH/ lug gi dus sbyor shar ma thag tu/ dgra dang 'thab pa

dang dbang bskur ba dang/ 'thab rtsod kyi las dang/ khams la sogs
pa la spa ba dang/ /rang dang gzhan 'brel par byed pa la sogs
pa'i las bya'o/ /glang gi dus sbyor shar ba dang/ bag ma dang/
brtag pa'i las bya'o/ /khang pa'i bya ba dang/ rang gi gnas su
gzhug pa dang/ gzhon

nu ma'i gos dang/ rgyan la sogs pa bya ba dang/ sbyin pa'i las
dang/ zhing nyo ba dang/ zhing las bya'o/ /'khrig pa'i dus sbyor
shar ba dang/ sgyu rtsal gyi las dang bzo dang rgyan la sogs pa
dang/ gzhan gyi dus sbyor du bshad pa thams cad kyang bya'o/
/karka Ta'i dus sbyor ba bab pa na/

rdzid bu dang/ khron pa'i las dang/ chu bsgyur ba dang/ rgyas
pa'i las dang/ grub pa'i las dang/ mthar thon pa'i las rnams
bya'o/ /seng ge'i dus sbyor shar ba'i dus su/ tshong bya ba dang/
shes par bya ba'i las dang/ tshong phran dang/ he ha las dang/
mi'i bdag por

dbang bskur ba'i las dang/ gzhan dang mthun par bya ba dang/ lug
gi dus sbyor du bshad pa thams cad kyang bya'o/ /bu mo'i dus
sbyor la sman gyi las dang/ zas sbyor dang/ bzo bya ba dang/
brtan pa dang/ g.yo ba'i las dang/ rgyas pa'i las thams cad
bya'o/ /srang gi dus sbyor

shar ba'i tshe/ so nam bya ba dang/ tshong dang brtan pa'i las
dang/ sgyu 'phrul dang/ srad la sogs pa la gzhal ba'i las bya'o/
/sdig pa shar ba'i dus sbyor la/ 'bebs pa'i las dang/ drag po'i
las dang/ khrag gi las dang/ rgyal po bsnyen bkur bya ba dang/
dbang bskur

bya ba dang/ dpa' bo'i mtshon cha bya ba'i las dang/ brtan pa'i
bya ba rtsom pa dag bya'o/ /gzhu'i dus sbyor shar dus su/ gzhan
du sog pa dang/ rgyas pa'i las dang/ bag ma'i las dang/ phyugs
kyi 'dul sbyang bya ba dang/ yongs su bzung ba dang/ nad zad par
byed pa la sogs

@99b ba bya'o/ /g.yo ba'i las dag bya'o/ /chu srin gyi dus sbyor
la/ zhing las dang/ brtan pa brtsal ba'i las dang/ chu'i las
dang/ rgyu 'grul bya ba dang/ bcings ba bkrol ba dang/ chu brtol
bar bya ba dang/ g.yog mo gzhug pa dang/ rkang pa'i las dang/
rnga mo'i las dag bya'o/ /bum

pa'i dus sbyor shar ba dang/ gru ba'i las thams cad dang/ chu
sbyin pa dang/ brtan pa'i las dang/ sa bon bsdu ba'i las rnams
bya'o/ /nya yi dus sbyor shar ba dang/ rig pa rtsom pa dang/
rgyan 'dogs pa dang/ bzo'i las dang/ so nam bya ba dang/ phyugs
kyi las dang/ sgyu

'phrul bya ba dang/ bza' ba dang/ bag ma dang/ chos slob pa la
sogs pa mkhas pa'i las bya'o/ /'pho ba yang de dang 'dra bar shes
par bya'o/ /dus sbyor brtag pa rdzogs so// //rgya gar gyi mkhan
po shrI dza ya A nanda dag chag lo tsA ba dge slong chos rje
dpal gyis bsgyur ba'o// //

@##/ /rgya gar skad du/ bra dznyA sha ti ka nA ma pra ka ra Na/
bod skad du/ shes rab brgya pa zhes bya ba'i rab tu byed pa/ 'jam
dpal gzhon nur gyur pa la phyag 'tshal lo/ /gang zhig legs par
rtogs pa yis/ /mi rnams shes rab brgya bskyed pa/ /don gyi bstan
bcos lugs dag

gi /'byung gnas chen por rab tu bshad/ /mkhas pas don gyi bstan
bcos las/ /dngos po gang dag gzigs gyur pa/ /de dag yi ge mang po
yis/ /'jigs pa'i ched du 'dir bsdus byas/ /yi ge nyung la don
mang ba/ /gtan tshigs sna tshogs rnams kyis brgyan/ /'di ni tshigs

su bcad pa brgya/ /shes rab brgya pa zhes bya'o/ /mthong dang ma
mthong yon tan 'di/ /kun gyi rtsa ba shes rab yin/ /de ltar gnyis
ka bsgrub pa'i phyir/ /shes rab yongs su gzung bar bya/ /chos don
'dod dang thar pa yi/ /'byung gnas chen po rig pa yin/ /de ltas
dang por gus

pa yis/ /shes rab yum chen gzung bar bya/ /shes rab ldan pa gcig
rgya yang/ /gzhan gyis 'di la gnod mi 'gyur/ /dor thabs ldan pa'i
lus chung yang/ /mtshan dang ldan pas yo mi brnyas/ /shes rab kyis
ni lus bsrungs la/ /dgra yi tshogs kyis ci byar yod/ /lag na

@100a @#/ /gdugs dang bcas pa la/ /char gyi rgyun gyis rdzi ba
med/ /shas rab rtsal dang bral ba ni/ /gzhan gyi bran byed kho
nar zad/ /glang chen ri brtsegs lta bu yi/ /lus dang ldan pa
snang ba bzhin/ /shes rab mig phye rnams la ni/ /rgud pa rnam par
'jig 'gyur te/ /lag na mar

me thogs pa yi/ /mdun na mun pa med pa bzhin du byung ba yang/
/skad cig kho na de dag med/ /ma rings ba rnams bshes pa bzhin/
/legs par brtags te byed pa la/ /ma rungs pa dag mi snang ste/
/'phrod pa za ba'i

lus la ni/ /nad kyi bar chad mi 'byung ngo/ /gad la rang don
'phel 'gyur ba'i/ /shes nyen yod de mkhas pa/ /chu yis gang ba'i
mtsho la ni/ /mkha' la rgyu ba rnams kyang brten/ /gang zhig nyen
dang 'brel ba yi/ /nor de yang ni ci ru rung/ /sprul gyi mgo la
'dug pa yi/ /nor

bu la ni su zhig reg /rang don bsgrub par bya ba rnams/ /bag med
las kyis bsgrub mi bya/ /sprul so shin tu gdug pa yis/ /don ma
bsgrubs par phung bar snang/ /rang don bsgrub par bya ba rnams/
/bag dang bcas pa'i las kyis bsgrub/ /srin bu bdang bon can lus/
/khrag

'thungs bzhin du mi mthong ngo/ /rang gi gting 'dzugs 'dod pa
yis/ /gzhan gyi phan la brtson par bya/ /gting 'dzugs sbyor ba ma
byas pa'i/ /sgrub pa po yis ci mi 'grub/ /gzhan gyi phyogs gzhom
'dod pas kyang/ /bdag nyid yon tan ldan par bya/ /gzhu ni rgyud
dang mi

ldan pa'i/ /mdas lta gang du phyin par 'gyur/ /dbri mkhyud med
par smra ba dang/ /ji skad smras bzhin sgrub pa dang/ /chas bzhi
nyams dang sbyor ba yi/ /mi pho rnams ni bde bar 'tsho/ /ya rabs
rnams kyi spod pa la/ /skye bo ngan pas gnod mi 'gyur/ /rin chen
sgron ma 'bar

ba'i tshe/ /'thor rlung tshogs kyis mi sod do/ /gya nom skyes
bu'ang mi zhig ltar/ /ngan pa'i gnas su phyin 'gyur na/ /dur
khrod kyi ni me bzhin du/ /grogs ngan bstan las 'jigs pa 'gyung/
/g.yon can ngag 'jam smra ba la/ /mkhas pas nan tan ma brtags
par/

@100b yid brtan bya bar rud ma yin/ /rma bya yid 'ong sgra sgrogs
par/ /zas su dug chen za ba bzhin/ /shes rab can gang dgra la
yang/ /mdza' bshes lta bur sgrub byed pa/ /rgya mtsho bzhin du mi
'khrugs te/ /skye bo ngan pas drod mi zin/ /phyir rjed su ni lta
ba dang/ /bag yod khong khro

med pa dang/ /brtson 'grus brtan zhing mi g.yel ba'i/ /mi la dpal
mgon nye bar gnas/ /gang zhig lan la mi re bar/ /sbyin pa gtod la
sems spro ba/ /de ni snyan dang dal mkhas pa bzhin/ /mi yul 'di
na grags pas mdzes/ /gang zhig dbang po bran lta bur/ /bda' bzhin
rjes nsu

mthun byed pa/ /rgya mtsho che la rin chen bzhin/ /de la 'dod dgu
phun sum tshogs/ /bya ba ma yin mi byed cing/ /bshams ba mkhos su
phebs pa dang/ /yul la 'dod pa thag bsrings pa'i/ /skyes bu mkhas
pa sus mi bkur/ /mthu rtsal ldan pa'i khengs sems kyis/ /lugs kyi
gdams

ngag yongs mi spang/ /ru shing bzang po'i gzhu mchog kyang/
/rgyud med g.yu ngor ci zhig bya/ /g.yon cad rnams kyi gron can
tshig /mdzangs pas legs pa ma brtags na/ /khong glu'i don rnams ma
dbyang pa'i/ /ri dags gzhan gyis brlag par snang/ /mkhas pa rtag
tu dgra la yang/ /mnyen

des can du bya dgos te/ /'khri sheng mnyen pos ljon sheng la/
/'khris nas rtse mor phyin te gnas/ /khod rgyad dogs pa tsam gyis
'dir/ /dgos dgu 'grub par mi n'g yur bas/ /yid kyis legs par rnam
brtags te/ /ngag gis kun dang mthun par bya/ /ngag gis bzhams te
smra bya

zhing/ /res 'ga' byi lI spyod pa'ang spyad/ /thabs dang ldan
pa'i spyod pa la/ /mkhas pa su yang smod mi byad/ /rngon pa pus
mo gnyis btsugs te/ /yan lag rnams kyi gum phag tu/ /byas te khon
glu snyan len pas/ /ri dags sod par mi 'gyur ram/ /rgyas po'i
bzhed pa mi sbyor ba/ /

mkhas pas rtag tu 'bad de spang/ /sa bdag 'khor bcas thag ring
zhes/ /khyad du gsad pa rung ma yin/ /lugs la /khas pa'i blon po
yis/ /skye bo ma lus skyong byed pa'i/ /rgyal po gcig pu kho nas
kyang/ /sa rnams la lus chom du phebs/ /gang na rgyal po 'bangs
rnams

@101a @#/ /kyis/ /legs nyes sems par byed pa yi/ /yul de rgyal po
yod ces bya/ /de ltar de dag gtsor brtag go/ /gad na rgyal po
'bangs rnams kyis/ /legs nyes sems par mi byed pa/ /rgyal po de
dag gtsug lag la/ /mkhas pa rnams kyis brten mi bya/

yon tan ldan pa chung yang ni/ /'jig rten thabs chen thob par
'gyur/ /zla ba shas tsam lus pa yang/ /drag po yis ni spyi la
thogs/ /mkhas pa gang zhig bag med pa'i/ /gnas nas byol te 'bros
pa dpa'/ /ri dags rgyal po mi gtsang ba'i/ /gnas nas 'dzur ba

ga la ltar/ /legs nyes don chen mi sems par/ /mun sprul brtul ba
dpa' ma yin/ /don med dpag tshad brgya yod pa'i/ /g.yang sar mchod
ba ci cha yod/ /yon tan ldan yang thams cad du/ /grags chen thob
par 'gyur ma yin/ /zla ba'i 'od zer bsil ba rnams/ /

padma'i rdzing dang 'phrod mi 'gyur/ /mjug tu skyor 'byin byed pa
yi/ /snyan tshig mkhas pa sus mi bsngags/ /gang gis khams 'khrug
'gyur ba yi/ /kha zas zhim po de su za/ /mkhas rnams rna bar mi
snyan yang/ /phan tshig sman bzhin bsten par gyis/ /re zhig cig

na de dag kyang/ /yang dag bdud rtsi lta bur 'gyur/ /rigs pa'i
don dang mi ldan pa'i/ /gzhung lugs gang zhig rtsom byed pa/ /de
yang dgos pa 'grub mi 'gyur/ /sdags dang bral ba'i sbyin sreg
bzhin/ /skyon dang yon tan 'di gnyis la/ /gcig tu mkhas par byas

nas ni/ /dgos pa rtsom par byed pa gang/ /de la nyes pa rgyab
kyis phyogs/ /snying la khong du dam bzung nas/ /bshes pa'i tshig
ni ston byed pa/ /de dag mdzes pa ma yin te/ /srin bus zos pa'i
sdong rul bzhin/ /gang dag tshig tu snyan smra zhing/ /snying la
gzhan zhig 'dog byed pa/ /

ri dags gzugs can stag lta bur/ /de bas yid brtan gnas ma yin/
/gson tshe grags pa dga' ba'i rgyu/ /'jig rten pha rol phan 'gyur
ba/ /de gnyis gcig kyang med pa ni/ /'jig rten gnyis na ci zhig
mi/ /gar skyes su ni zad ces te/ /rang gi brtson pa dor mi bya/
/'bad pa

@101b med par til dag las/ /til mar thob par 'gyur ma yin/ /kun
la gnyen des mi bya ste/ /ha cang des pa gnod par 'gyur/ /chu
shing snying po med pa la/ /su zhig spyod par rtsom mi byed/
/gang zhig gtong phod blo ldan dpa'/ /tshig bden gtsang la byas pa
gzo/ /de la rtag tu dpal grogs

rnams/ /grib ma bzhin du rjes su 'brang/ /nags kyi glang chen
zhags pa yis/ /bcings nas dbang du byed pa yang/ /thabs mkhas
tshul la gnas pa yi/ /yon tan rnams kyi mthu stobs yin/ /rje dpon
rang don lhur len pa/ /g.yog 'khor rten par mi byed de/ /sha la
brkam pa'i

seng ge la/ /wa skya re thag chad pa bzhin/ /gang zhig legs byas
mi tshor ba/ /de la g.yog 'khor rten mi byed/ /tsha sgo can la legs
rmos kyang/ /lo tog phun gsum tshogs mi 'gyur/ /bdog pa ha cang
spel ba yang/ /mjug tu rgud pas gdungs par 'gyur/ /changs tshing
mad dang ldan pa

yis/ /sa phyogs tshig par 'gyur ba bzhin/ /gang zhig skye dgu 'tsho
byed pa/ /de ni las nyid ston par byed/ /byis pa gnas sa ma byed
par/ /nu zho 'thung ba su yis bsten/ /gang la zhe 'gras yod pa
yi/ /dgra po de dang gzhar mi 'grogs/ /za bas bag tsam brjod pa
yis/ /sgra

gcan 'dzin gyis nyi ma zin/ /bya ba nyams kyis mi lcogs pa/
/gzhan gyis rbad kyang byar mi rung/ /dge'o dge'o zhes smras pas/
/me yi nang du su zhig mchod/ /ci nas bdag dmus ma byung ba'i/
/las kyis sbyor ba rnams bya ste/ /gsang bas 'di ni slob ma
rnams/ /blon po

nyid du 'gyur ram ci/ /phongs pa las gang byed pa ste/ /rnal mar
'dug pas byar mi rung/ /mdze can mer ni 'jug ces te/ /de ci gzhan
gyi sman yin nam/ /gang gis 'jig rten 'di dang ni/ /gzhan du sdug
bsngal mi 'gyur ba/ /'di 'dra ba yi tshul de ni/ /shin tu yun

ring dus su spyad/ /gang dag rgas rab mi bsten pa/ /de dag gtsug
lag mkhas mi 'gyur/ /gzu lums can gyi spyod pa rnams/ /dgos pa
myur du nyams par 'gyur/ /ha cang sog la zhen pa yi/ /bdog pa
gzhan gyi don du 'gyur/ /sbrang mas 'bad de bsags pa yi/ /sbrang
rtsi

@102a @#/ /gzhan dag spyod par snang/ /ngan pa rnams dang bshes
'dod pa/ /phung ba kho nar 'gyur bar zad/ /chu bos drung nas zos
pa yis/ /ljon shing 'greng yang 'gyel dang 'dra/ /phan skyabs che
la brten na ni/ /chung yang btsan po nyid du 'gyur/ /ri rab btsan
la brten

pa'i bya/ /gser gyi mdog tu 'gyur zhes grags/ /khang bzangs zo
mdog kya gyu med/ /klan ka mi tshol 'jar la phan/ /sgrub pa'i
'bras bu yod pa yi/ /grogs po rnams la lha yang dga'/ /mang po
rnams ni 'jing dril nas/ /longs spyod phyir ni dbung 'chang ba/
/chags pa'i

dbang gis phung 'gyur te/ /nas dang bral ba'i srin bzhin no/ /don
rnams kun la mi gsal ba'i/ /ngan pa rnams ni 'dzings bsdongs nas/
/go 'phang thob kyang rlag 'gyur te/ /srin bu ra ba'i khar phyin
bzhin/ /yul ngan bshes ni ngan pa dang/ /chung ma ngan dang 'khor
ngan dang/ /rgyal po

skye bo ngan spong ba/ /de dag rtag tu bde ba 'thob/ /skyes bu
mkhas pa gcig rkya yang/ /'dod pa'i don mchog grub par 'gyur/ /ri
dags rgyal po gcig pu yis/ /glang chen dregs khyu'i glad pa
'gems/ /mang po tshogs par gyur pa yi/ /nang na 'dug na gzhan dag
gis/ /de 'dir zad ces

mi rtsi ba/ /skyes bu tha shal yin snyam byed/ /rang don bsgrub
par 'dod pa yis/ /rtag tu skyabs chen btsal bar bya/ /gang dag
rgya mtsho cher phyin na/ /rang gi ming yang mi gleng ngo/ /rang
bzhin ngan pa'i skye bo dang/ /shin tu mdza' bor byas kyang ni/
/mar me'i me lce tsha ba bzhin/ /nyid kyi rang bzhin mi

'dor ro/ /khon chen zhags pas phan tshun du/ /glags pa'i sems dang
ldan pa rnams/ /'chi 'pho skyes na'ang de dag la/ /khon chen de
bzhin rjes su 'brang/ /dper na sprul dang ne'u le dang/ /bya rog
'ug pa ma he rta/ /tshe rabs gzhan la bsgrubs pa gang/ /de ci 'di
la mi snad dam/ /

khro ba la ni brten rnams kyis/ /rang gi ngon yang mi rigs pas/
/mkhas pas rnam par ma brtags par/ /khro ba'i yus su mi bya'o/
/gang la bzod pa'i rang bzhin chu/ /khro ba'i me ni zhi byed pa/
/gdul ba'i thabs kyi mchog yod pa/ /de la dgra rnams ga la sdang/
/g.yung drung chos kyi go 'phang

@102b mchog /legs pa'i gzhi la ma 'bad na/ /mthong dang ma mthong
phun sum tshogs/ /chu yi chu bur bzhin du g.yo/ /snying la yod
pa'i gsang tshig rnams/ /ngan pa rnams la spel mi bya/ /brang 'gro
gdug pa khros pa bzhin/ /de la de yis gnod 'gyur srid/ /blo ldan
gang zhig rtsom pa kun/ /chos

gtsor byed pa'i dpal ldan pa/ /de la 'di dang gzhan du yang/ /bde
bar 'gyur ba the tshom med/ /thabs mkhas cho gar ldan pa la/ /dgra
rnams kyis ni rdzi mi 'gyur/ /cho ga rab tu sbyar legs na/ /dug
kyang bdud rtsi nyid du 'gyur/ /dgra bcom phyogs dang bral ba
yis/ /sems kyi gnod

pa ga la spong/ /mtshon chag g.yul ngor cher zhugs pa/ /gdon mi za
bar pham par 'gyur/ /grogs mi bdog pa 'gas kyang ni/ /dgra dpung
gzhom par dka' bar 'gyur/ /tshang tshing nyung zad bsregs pa yi/
/me yang rlung la ltos dgos so/ /bdag dang gzhan la mi phan pa'i//

phyug po bkren dang cis mi mtshungs/ /bud shing rnams dang phrad
pa'i me/ /bud shing bsregs nas shi ba bzhin/ /gzhan gyis bzung
ba'i bud med dag /rum du bcug ste nyal ba ni/ /lcags kyo med par
glang po che/ /myos pa'i rgyab tu zhon pas thu/ /gang zhig rtag
tu smad 'tshong ma'i/ /

bud med rnams la gla 'jal ba/ /ston ka'i chu bo'i rtsa lag bzhin/
/de yi phun sum tshogs pa 'grib/ /blo ldan spyod lam zhi ba yi/
/lus kyi phan pa 'grub par byed/ /chu skyar spyod lam zhi ba yis/
/spyod pas nya rnams 'byin par byed/ /bdog pa rigs pas nyer
bsgrubs shing/ /

'jig rten kun la phan 'dogs gang/ /de ni 'jig rten thams cad
kyis/ /spyi la me tog phreng bzhin bkur/ /'jig rten 'di na mkhas
pa gang/ /dgra rnams snying nar 'jug 'dod pa/ /nges kyang bdag
nyid rtag par ni/ /yon tan rnams dang ldan par bya/ /gang zhig
gzhan dag brlag

bya zhes/ /khros pa'i me yis rang rgyud sreg /yon tan lhur len mi
byed pa/ /de dag nam nam zhar phung/ /gang la rang gi shes rab
med/ /de la bstan bcos ci byar yod/ /mig gnyis dang ni bral ba
la/ /me long gis ni ci zhig bya/ /sbrul la 'o ma blud pa ni/ /dug
'phel

@103a @#/ /'gyur ba kho nar zad/ /dan pa rnams la gdams pa yang/
/tshig pa za 'gyur zhi mi 'gyur/ /yon tan mchog ldan mi rnams ni/
/snying dang yid kyang 'dren par byed/ /mkhas pa yon tan lcags
kyo yis/ /lam log glang chen drangs te bkol/ /'jig rten kun

gyi dpal 'di ni/ /yid kyis lag tu 'ongs dang 'dra/ /dpa' bo tsham
tshom med rtsom pa/ /mthu stobs can gyi dbang du 'gyur/ /dpal gyi
'gro ba bzang mo 'di/ /'di dang rang dbang med par 'dug /mthu
rtsal ldan pa'i skyes mchog gis/ /lag nas drangs pa bzhin du
spyod/ /gang

zhig 'byung po thams cad la/ /rtag tu bdag dang 'drar byed pa/
/mdza' bshes 'phel ba 'di la ni/ /phun sum tshogs pa 'tshe ba med/
/btsan la mi 'gyur thabs mkhas shing/ /skye dgu rnams kyi gdung
ba sel/ /kun la snying brtser bcas pa yi/ /mi dbang rnams ni
sprin dang 'dra/ /gnam

la sprin chen dal snyoms pa/ /sa la lo tog kun gyi gsos/ /bzod
chen grib mar ldan pa yi/ /ljon shing skye dgu'i gdung ba sel/
/mi yi chos lugs legs spyad na/ /lha yul ba bgrod pa thag mi
ring/ /lha dang mi yi them skas las/ /'dzegs na thar pa gam na
'dug /don gyi bstan

bcos lugs chen po/ /don mang phreng ba brgyus pa las/ /gces pa'i
snying po mdor bsdus pa/ /shes rab brgya pa 'di yin no/ /gang
zhig gzhan dring mi 'jog par/ /shes rab rtsal gyis 'tsho 'dod pa/
/de yis phyogs 'di brtag byas pas/ /rang gzhan don du spyad pa
spyod/ /byang chub sems

dpa'i sa dang po rab tu dga' ba brnyes shing/ /chos kyi dbyings
kun du 'gro ba'i don rtogs pa/ /de bzhin gshegs pa ye shes 'byung
gnas 'od ces bya bar lung bstan pa/ /sangs rgyas gnyis par grags
pa/ /slob dpon 'phags pa klu sgrub kyis mdzad pa shes rab brgya
pa zhes bya ba'i rab tu

byed pa brgya pa rdzogs so// //rgya gar gyi mkhan po sarba dznyA
de ba dang/ /zhu chen gyi lo tsA ba ban de dpal brtsegs kyis
bsgyur cing/ zhus te gtan la phab pa'o// @##//rgya gar skad du/ nI
ti shAstra pradznyA daNDa nA ma/ bod skad du/ lugs kyi bstan
bcos shes rab sdong

@103b bu zhes bya ba/ /dkon mchog gsum la phyag 'tshal lo/ /mi
srun skye bo gdul bar bya/ /yon tan can ni bkur par bya/ /drang
po'i spyod pas dkor mdzod dgang/ /rang gi yul 'khor bskyang bar
bya/ /bdag gi gsang dang gzhan gyi gsang/ /rang gi bu gces bzhin
bsrungs nas/ /sa

rnams la ni snyoms gyur ba'i/ /mi ni gces pa rab gces 'gyur/
/chung ma ngan dang mdza' bo ngan/ /rgyal po ngan dang nye du
dan/ /khyim mtshes ngan dang yul ngan rnams/ /thag ring du ni
spang bar bya/ /grogs po nor dad che ba spang/ /chung ma log
g.yem dad che spang/ /bkur dka' so mi

mkhas pa yi/ /de lta bu yi sman pa spang/ /bye brag phyed pa'i
blo ldan yang/ /bya ba gros kyis bsgrub par bya/ /'grub 'gyur kho
nar ma zad kyi/ /ma 'grub na yang mdzes pa yin/ /brtan zhing 'jam
la tshig nyung gang yin pa/ /de la shin tu shin tu bag bya ste/
/nyi ma sprin bug nang nas

byung ba yi/ /'od zer shin tu tsha bar gyur pa bzhin/ /brtan rnams
sdug bsngal myong gyur kyang/ /yid ni gdung bar mi byed de/ /zla
ba sgra gcan khar zhugs nas/ /'char bar cig mi byed dam/ /kun
dga' ra ba'i phreng rgyud ltar/ /me tog rgyas pa btu bya yi/ /ji
ltar sol ba mkhan

bzhin du/ /rtsa nas gcad par mi bya'o/ /gsug dang rgyal po'i bka'
drin dang/ /smad 'tshong gla dang legs brjod dang/ /gru yi gla
dang gnas kyi skal/ /'di nyid du ni blang bya ste/ /drug po yun
ring thob mi 'gyur/ /rig sngags log par shes pa dug /nad la btang
snyoms byas pa

dug /rgan pos gzhon nu bsten pa dug /dbul po nyin par nyal ba dug
/dam pa mang po khas 'ches mi byed la/ /gal te dka' bas khas ni
blangs gyur na/ /rdo la ri mo bris pa lta bur ni/ /shi yang gzhan
du byed par mi 'gyur ro/ /dus su dgra dang 'jum par bya/ /dus su
bshes dang

'thab par bya/ /bya dang mi bya'i tshod shes pas/ /mkhas pas dus
ni 'da' bar bya/ /kha yi nyes pas phung 'gyur te/ /ne tso ri
skegs ti ti ra/ /mi smra chu skyar mis mi 'dzin/ /thams cad 'grub
byed mi smra yin/ /chas bzhag bstar bas dgra bo gdul/ /gos ngan
gyis ni chung ma

@104a @#/ /gdul/ /smyung ba byas pas nad rnams gdul/ /goms pa yis
ni ma rig gdul/ /rang gi spyod pa sba bar bya/ /'dam gyi nang du
lus bcug pa'i/ /gal te myu gus ma bos na/ /padma'i rtsa ba su yis
rnyed/ /gal te mngon sum gyur kyang ni/ /mi srid dngos po smra mi
bya/ /

ri mo la gnas rma bya yis/ /ji ltar nor bu za bar byed/ /gang
zhig yid la gnod byed 'dod/ /de la rtag tu snyan tshig brjod/
/rngon pa ri dags gsod mthong tshe/ /yid 'ong glu snyan len pa
bzhin/ /bsam pa gang dang gang gis ni/ /mi rnams yid ni yang dag
sbyor/ /des na de yi dbang du

'gyur/ /sna tshogs nor bu ji bzhin no/ /gzhan gyi khu tshur 'tsho ba
bla/ /nags na shing shun gyon pa bla/ /mi rnams shi bar gyur
kyang bla/ /nyin re bzhin du brnyas thabs min/ /ma brnyas mi yi
rtsa ba yin/ /brnyas pa'i nor gyis ci zhig bya/ /nga rgyal dregs
pas rab bcom pa'i/ /nor dang srog

gis ci zhig bya/ /bya ba mi lcogs rtsom par byed pa dang/ /tshogs
dang 'khon zhing stobs ldan dag la rgol/ /bud med la ni yid brtan
byed pa ste/ /'chi bdag bzhi po sgo yi drung na sdod/ /rgyal po
ngan pa yod ma mthong/ /mdza' bo g.yon can yod ma mthong/ /'dod
ldan chung ma yod ma

mthong/ /skye bo sdig can yod ma mthong/ /gang zhig kun du bgrod
bya yod pa de/ /rang yul chags pas brlag par ci phyir byed/ /skye
bo ngan pa bdag gi khron pa ni/ /'di yin zer zhing ba tshwa can
chu 'thung/ /skye bo blo dpangs mtho ba la/ /'di na bde skyid
gnyis yod de/ /'du 'dzi thams cad spangs

pa'am/ /'byor pa shin tu rgya che ba'o/ /dpal ni rgyab kyis
phyogs gyur cing/ /rtsol ba don med nyid gyur ba'o/ /dam pa dbul
por gyur pa las/ /nags las gzhan du bde ba med/ /dam pa'i 'gro ba
gnyis yin te/ /me tog dag gi mgo lcogs bzhin/ /'jig rten kun gyis
sbyor bkur

ba'am/ /nags nyid du ni dengs par bya/ /rang gis skad cig 'jig pa
yi/ /tshe yi snying po dI yin te/ mdza' dang mkhas dang shed ma
bye/ /lhan cig bag yangs gnas pa'o/ /bsags na grogs 'khar 'phel
'gyur la/ /spyad na mig sman zad 'gyur ltar/ /dus las 'god pa

@104b chung 'gyur ba/ /de nyid kho na mkhas pa yin/ /grogs 'khar
dang ni sbrang rtsi dang/ /zla ba tshes pa yar gyi ngo/ /rgyal
bo'i nor dang sprang po'i nor/ /cung zad cung zad bsags pas
'phel/ /ha cang sred par mi bya ste/ /sred pa che la nyes pa
'byung/ /ha cang sred pas rmongs byas na/ /ce

spyang gzhu mchog gtsug tor bzhin/ /bya ba'i don du rjes su
'brang/ /byas zin pa la brten mi byed/ /blo ngan zho yi rna ba
can/ /bsrung bar bya ba khyod kyis bcom/ /rab tu grags pa 'gro mi
bya/ /bdag nyid kyis ni mngon sum bya/ /bil ba chu nang lhung ba
yis/ /nags tshal stong par

gyur la ltos/ /gnad du 'phog pa'i tshig mi brjod/ /shin tu gnod
pa'ang brjod mi bya/ /skyes bu dang ni mtshon cha yi/ /pha rol dag
ni shes par bya/ /dgra bo'i bu ni snyan par smra na yang/ /mkhas
pa yis ni btang snyoms mi bya ste/ /dug lo shin tu mi bzad yin
pas na/ /de nyid dus

gzhan dag tu gnod pa skyed/ /gang zhig dgra bo dag la yang/ /g.yo
med sems kyis phan byed pa/ /de la dgra bo thams cad kyang/ /thal
mo sbyor ba nyid du byed/ /dgra bo zil gnon 'dod pa yis/ /bdag
nyid yon tan gyis bstod kyi/ /gnod sems ngan pas ci zhig bya/
/des ni

bdag gnod gra la min/ /mi srun skye bo zhi bas min /de dang 'tsham
pa'i rtsub bas bsten/ /bu ni mi bsgrungs pa dag la/ /phan 'dod
pha yis mi bsdigs sam/ /ji sred lam ni mthong ba dang/ /ji srid
rkang pa brtan pa dang/ /ji srid shes rab ma nyams pa/ /se srid
rang gi

phan pa gyis/ /rnam pa kun du rang phan spyad bya yi/ /'gro mang
nang du gnas pas ci zhig bya/ /skye bo thams cad yongs su mgu
'gyur ba/ /de 'dra'i thabs ni gang yang yod ma yin/ /gzhan las
tshol zhing zas zhim 'dod/ /slong mos 'tsho zhing khengs pa che/
/bstan bcos shes med rtsod par 'dod/ /

khyod kyi de gsum bzhad gad rgyu/ /nags bsregs pa yi me la ni/
/rlung gis grogs su 'gyur ba yin/ /de nyid mar me 'jig byed pas/
/nyam chung ba la bshes yod min/ /gzhan la gnod pa ma byas dang/
/dman la 'dud pa ma byas shing/ /dam pa'i lam ni ma spangs gang/
/nyung ba de ni

@105a @#/ /mang po yin/ /nad kyi 'jigs pa ma byung zhing/ /dam pa
dag dang 'grogs par brtson/ /dman pa'i tshig ni ma smras pa'i/
/nyin gcig lo brgya bas mchog yin/ /dman pas gang tshe nor ni cung
zad rnyed/ /'gro ba thams cad brnyas pa'i nga rgyal ldan/ /dam pa
nor gyi 'byor pa thob gyur

kyang; /sA lu smin pa lta bur shin tu 'dud/ /rigs rus dma' ba'i
sems can dag /nor ram rig pa rnyed gyur na/ /'gro ba kun la rtswa
snyam sems/ /bags pa sngon po'i wa bzhin no/ /nor ram rig par
ldan gyur na/ /dman pa rnams ni dregs par 'gyur/ /go 'phang gnyis
pa de dag gis/ /

mkhas pa shin tu dul bar 'gyur/ /bogs med tshong dang 'khor ldan
dag la 'tsho/ /slong zhing 'gying la nor med 'dod la dga'/ /bud
med bzhon la tshig rtsub smra ba ste/ /skyes bu log par spyod pa
de lnga'o/ /rma bya so ga'i tsha bas gdungs gyur kyang/ /mkha'
dkyil char gyi rgyun la re bla yis/

rdzing bu rnyog pa can gyi chu ngan la/ /dregs pas bstong pa'i
mgrin pa ma gdud cig/ /ti ti ra ni zil pa yi/ /thigs pas srog ni
'dzin byed kyang/ /bslang na gtugs pa'i 'jigs pa yis/ /brgya byin
la yang mi slong ngo/ /de nyid shes na slob dpon ci/ /nad sos
sman pa ga la dgos/ /chu bo

brgal na gru pas ci/ /chags bral byad mas ci zhig bya/ /ngan pa
ji srid nyam chung ba/ /de srid bar du rang bzhin bzang/ /ston ka
yi ni chu bo'i chu/ /skye bo kun gyis bgrod pa bla/ /gang du byi
bas mdzod pa byed/ /byi las mar ni bsrung ba dang/ /khwa yis
phyag tshang byed pa yi/ /dngos de la ni smos ci

dgos/ /gang na zhal ta byed pa mang/ /thams cad mkhas par nga
rgyal che/ /kun kyang gtso bo byed 'dod pa/ /de yi tshogs rnams
'jigs par 'gyur/ /nyin par 'khrig dang nyin nyal dang/ /chang
gsar zho ni gzhon nu 'thung/ /sha skam bud med rgan nyal te/ /'di
drug lus kyi stobs

'phrog pa'o/ /gang zhig khro na'ang 'jigs med la/ /dga' na'ang
phan 'dogs mi nus pa/ /tshar gcod bsdu ba med 'gyur ba'i/ /de
khros pas ni ci byar yod/ /nad dang phangs dus byung ba dang/ /mu
ge'i tshe dang dgras 'jigs dang/ /rgyal po'i sgo dang gshin rje'i
gnas/ /de rnams

@105b kun gyi gnyes por 'gyur/ /dgos pa'i don du 'jig rten sgrub/
/dam pa'i don du de dag min/ /be'us 'o ma zad mthong nas/ /ba ni
ring du spang ba bzhin/ /sdug pa dang bral rang mis brnyas pa
dang/ /bu 'on mang zhing dan pa dag la brten/ /dbul por mthong
nas mdza' bos spangs pa ste/ /

me ma yin pas lus sreg de lnga'o/ /mi mthun chung du 'phel ba la/
/mi gang zhi bar mi byed pa/ /sbrang rtsi'i thigs pa 'dzag pa
dang/ /yul 'khor 'jig par 'gyur pa bzhin/ /gang zhig rigs ldan de
bzhin brten pa dang/ /dam pa phangs kyang yon tan gtong mi byed/
/nyi ma'i rang bzhin

tsha bas gdungs kyang ni/ /kha ba grang ba'i rang bzhin gtong mi
byed/ /sdig pa zad 'dod bde bar gshegs la dad/ /skal ba zad 'dod
skye bo ngan dang bsten/ /rigs rgyud zad 'dod glan zhing lkugs pa
skye/ /'bru rnams zad 'dod pho ba'i me drod skye/ /'dod pas long
bas sdig mi mthong/ /dmus long

gis ni gzugs mi mthong/ /dregs pa yis ni skyon mi mthong/ /bdag
ltas de nyid mi mthong ngo/ /rgyal po yur chu 'khri shing dang/
/bud med dmus long lnga po ni/ /g.yon can blo yis ji ltar khrid/
/khrid rnams gzhan gyi dbang du 'gyur/ /bde ba'i rjes la sdug
bsngal te/ /sdug bsngal rjes la bde ba yin/ /mi

rnams kyi ni bde sdug dag/ /'khor lo bzhin du 'khor bar byed/ /ma
mthong ba dag mdun du lhags/ /slar yang ma mthong ba ru song/
/khyod kyi de ci khyod kyang ci/ /de la mya ngan su zhig byed/
/ji lta ji ltar shing dag ni/ /rgya mtsho che la mnyam 'gro ba/
/dba' rlabs kyis ni so sor phye/ /de la

mya ngan su zhig byed/ /blo gros che ldan khro bas shugs las
rgyal/ /skye bo ngan pa khro bas mod la pham/ /pham pas pham par
byas pa'i blo ngan dag/ /blo ldan dag dang lhan cig ci phyir
'gran/ /pha bong 'bad pa chen po yis/ /ri i rtse mor 'degs par
nus/ /cung zad tsam gyis de

skur ba/ /rang gi skyon yon de dang mtshungs/ /mi gang bya ba ma
yin pa'i/ /bya ba la ni sbyor byed pa/ /des ni nges par phung
'gyur te/ /khyi'u 'byin pa'i spre'u bzhin/ /rang gi phyogs ni
yongs spangs nas/ /gzhan gyi phyogs la dga' ba gang/ /de ni nges
par brlag 'gyur te/ /rgyal

@106a @#/ /po rab dmar ji bzhin no/ /mkha' la skar mkhan dag gis
rtsis byas na/ /zla ba dang ni skar ma'i lam rnams shes/ /khyim
na mi dang khyim thab log pa dag /sna tshogs spyod pa de ni mthong
ma gyur/ /rnyog med chu nang zla tshes snang gyur pa/ /padma'i
rtsa ba len par

khyod byed gyur/ /dang pa chu dang 'o ma 'byed shes pa'i/ /khyod
kyi blo gros de ring gang du song/ /mi gang bya ba chen po gang/
/cung zad byed par 'dod na yang/ /de ni bsgrims nas rab bya ste/
/seng ge'i las gcig yin par bshad/ /ji ltar rgyal srid bskyang ba
dang/ /bsdo ba'i dgra

rnams 'dul ba dag /'bangs la re ba ma 'jog par/ /zhal bzhugs tshe
na smyur te mdzod/ /snying du sdug pa'am gzhan gang zhes/ /sems
yang ba dag rtse bar byed/ /spyod pa rgya chen ldan pa dag /sa yi
dkyil 'khor thams cad gnyer/ /rtag tu snyan tshig smra ba yi/
/rgyal

pos skye dgu brid par sla/ /phan tshig sman dang 'dra ba de/ /nyan
pa bas kyang smra ba dkon/ /gal te chos don rtogs pa yis/ /zhal
che lam srang skyon na ni/ /'gro ba blo ldan gcig gyur kyang/ /de
las bdag ni rnam par rgyal/ /nor mnyam nus pa mnyam pa dang/
/gnad shes

'bad rtsol che ba yi/ /'khor gyis nges par gnod 'gyur gyi/ /gang
dgras mi phung de yis phung/ /chu yi nang nas me 'bar na/ /me de
gang gis zhi bar byed/ /skyob pa las ni 'jigs pa byung/ /'jigs pa
de las su yis srung/ /ma bskul mi snyan dgra ston la/ /bskul nas

snyan pa mi sgrogs la/ /'jig rten rnga zlum dang 'dra la/ /de
ltar bskul zhing sgra snyan sgrogs/ /sa bdag 'dod la chags pas
phan dang gnod pa shes mi 'gyur/ /ji ltar rang dgar rang spyod
myos pa'i glang chen bzhin du spyod/ /de 'og 'gyod pas rab gdungs
nyam nga'i mya ngan g.yang

sar lhung/ /de yis 'khor la nyes pa bgod byed rang gi skyon ma
rig /rtsod dus rgyal po nor tshogs thob pa las/ /srog ni srung gi
nor ni gtang bar bya/ /ji ltar shan pas lug gi bal bregs nas/
/srog thar byas pa rnyed pa che ba bzhin/ /rtsa ba brang 'gro
rtse mo mkha' lding dang/ /yal

@106b ga spre 'dzegs me tog bung bas bskor/ /gang zhig gdug pa'i
sems can gnas bcas pa/ /tsan dan shing de la ni bsnyen du med/
/gang gis thabs kyis pha rol gnon/ /nus pas ma yin thabs kyis de/
/bya rog gis ni gser phred gi /sbrul dag gsad par gyur la ltos/
/gang la blo yod de

stobs ldan/ /blo med stobs kyis ci zhig bya/ /ci zhig seng ge
stobs dang ldan/ /ri bong gis ni srog dang phral/ /bya ba'i thabs
kyis grogs byed na/ /blo ldan dag la dri bar bya/ /phun sum tshogs
pas smos ci dgos/ /phung gyur na yang mdzes pa yin/ /yon tan tshul
spyod rang

bzhin gsal ba yis/ /skye bo ngan pa bcos su ga la rung/ /tsha
zhing drod che rtsub pas bsgrubs pa yi/ /bad kan nad bzhin shin
tu 'phel bar 'gyur/ /snying la khon du gzung bya yi/ /de la tshig
gis mi bskul bar/ /dgra bo'i rkang pa nas gzung zhing/ /tshig gi
mtshon chas bsnun par

bya; /ji srid 'jigs pa ma byung ba/ /de srid 'jigs la 'jigs par
bya/ /'jigs pa mngon du byung ba'i tshe/ /'jigs med lta bur gzhom
par bya/ /bden pa zhugs par gyur pa la/ /slu byed mkhas pa yin
nam ci/ /pad par brten te nyal ba la/ /gsod pa de ci dpa'

bo'am/ /gzhon yang rgan pa'i nye bar zhi la dga'/ /mkhas par gyur
kyang shes pa'i nga rgyal med/ /gzi brjid che yang bzod cing des
pa'i dang/ /nge mthor phyin yang nga rgyal dregs pa med/ /rtag tu
sems can phan dga' rnams/ /rin chen sgron ltar mchog yin te/ /

snum la ltos par mi byed cing/ /snod dang sdong bu la ltos min/
/sman pa zas ni ma zhu dang/ /rgyal po brdzun du smra ba dang/
/rigs ldan sdig pa spyod pa ste/ /'di gsum shin tu mi rigs pa'o/
/mthu che ba dang 'grogs gyur na/ /mthon po nyid du su mi 'gyur/
/me tog

phreng bar 'brel pa yi/ /skud pa mgo la 'dogs par byed/ /dus la
bab par ston pa dang/ /gnas skabs bcas par smra ba dang/ /shin tu
ngo mtshar gyur la 'god/ /'jig rten chen po nyid thob 'gyur/
/brtson 'grus brtul phod brtan pa dang/ /stobs dang blo gros pha

@107a @#/ /rol gnon/ /'bad rtsol yon tan drug ldan pa/ /de la lha
yang 'jigs pa skye/ /skyon chad dgra bo pham par byas pa dag
/mdza' bor 'dod 'ongs pa la yid mi brtan/ /brag phug 'ug pa'i
tshogs kyis gad ba la/ /bya rog gis ni me btang bsregs la ltos/ /

za dang gnyid log 'jigs dang 'khrig pa spyod/ /mi dang phyugs
rnams de dag mnyam pa yin/ /chos spyod pa yi mi rnams khyad par
'phags/ /chos mi shes na phyugs dang ci mi mnyam/ /gang zhig chos
la smod pa rnams/ /nyi mar 'gro dang 'ong na yang/ /de ni mgar
ba'i sbud pa yin/ /dbugs

'byin kyang ni gson ma yin/ /sangs rgyas mgon po yongs spangs te/
/lha gzhan la ni phyag byed pa/ /blo ngan gang gA'i 'gram du ni/
/skom nas khron pa byed dang mtshungs/ /yul ni shin tu yun ring
gnas kyang nges pa kho nar 'gro bar 'gyur/ /'bral la khyad par ci
zhig yod la 'gro ba rang nyid sdong

mi byed/ /dbang med 'bral bas yid la yongs su gdung ba mtha' yas
skyed par byed/ /'di dag rang gis spong na zhi ba'i bde ba mtha'
yas 'thob par 'gyur/ /'dod pa yid 'ong yin pa bde/ /'byor ba
mnyam dga' yin mod kyi/ /'on kyang 'tsho ba'i 'jig rten 'di/ /nad
med chang 'thung khur par

mtshungs/ /'gro ba'i dri ma chags pa 'dra ba med/ /gzhan la gnod
pa phrag dog 'dra ba med/ /mdza' bo slong mo pa 'dra yod min te/
/gtong dang mnyam pa'i gnyen bshes gang yang med/ /shes rab dang
mnyam mig med de/ /rmongs pa dang mnyam mun pa med/ /nad dang
'dra ba'i dgra med

de; /'chi ba dang mnyam 'jigs pa med/ /de bas shin tu mi bzad
ba'i/ /'chi ba nges par 'byung 'gyur bas/ /'dod pa rnams la sems
bzlog la/ /dam pa'i chos la dga' bar gyis/ /grogs po 'di na nor
de yod legs pas/ /yid bzhin nor khyed rdor 'gyur nor ma byed/
/spur

long rgyan gyi dam par byed 'gyur pa/ /der ni 'di 'dra'i nor bu
'jig rten phung/ /gang zhig sa stengs 'bru rnams dang/ /gser dang
phyugs dang nad med rnams/ /de dag kun gyis gcig mi ngoms/ /de
ltar shes nas zhi bar gyis/ /'bad pas bsags pa'i nor la ni/ /yang
dang yang du

@107b nyugs par byed/ /bkren pas byi ba ji bzhin du/ /nor rnams
sdug bsngal kho nar zad/ /'jig rten 'tsho ba brtan ma yin/ /nor
dang longs spyod brtan ma yin/ /bu dang chung ma brtan min gyi/
/chos dang grags pa snyan pa brtan/ /rgyal po na ro sogs ngoms pa
med/ /mkhas pa legs

bshad kyis ma ngoms/ /rgya mtsho chu yis ngoms pa med/ /'jig rten
sdug la bltas mi ngoms/ /me la shing gis ngoms pa med/ /byis pa
'dod pas ngoms pa med/ /tshul khrims dag dang dul ba dang/ /sems
ni dul bar gyur pa dang/ /gang zhig drang por zhugs pa dag /

de la gnas na ci zhig dgos/ /chog shes dbang phyug la gnas na/
/skye bo ngan pa'i sa dang ring/ /longs spyod 'dod pa'i sred bas
bcing/ /gom re brnyas pa thob par 'gyur/ /lus zhes bya ba skyon
ldan 'di/ /yon tan chen po gcig yin te/ /gnas skabs gang dang
gang phrad pa/ /

de dang der 'gro go ra ba/ /nags kyi glang po rtswa lo za yang
stobs dang ldan/ /sbrul ni zas su rlung zar gyur kyang sbegs pa
med/ /drang srong rtsa ba 'bras bu tsam gyis dus 'das byed/ /de
bas khrel 'dzem chog shes kho na 'byor ba'i mchog /tshod ma ngag
dang rdul med pa'i/ /chu yi

dgon pa ga na'ang yod/ /zla ba thun mong mar me yin/ /'byor pa
dag gis ci zhig bya/ /chog shes nges pa'i bdag nyid can/ /'tsho ba
gang na'ang btsal mi dka'/ /rtswa dang lo ma chu yi gnas/ /gang
na'ang med pa ma yin no/ /nags mchog stag dang glang po'i gtsos
bsten par/ /rtswa yi

stan byas shing shun gos su gyon/ /shing gi 'bras bu la sogs zas
za ba'i/ /nor med nye du'i tshogs nang gson pa min/ /bzang po'am
ni ngan pa yi/ /sbyor ba gang yang rung ba yis/ /lus ni shin tu
bsrung bya yi/ /nor la chags pas ci zhig bya/ /bsod nams chen
po'i rin gyis

ni; /khyod kyis lus kyi gru nyos pa/ /ji srid chag par ma gyur
par/ /sdug bsngal rgya mtsho'i pha rol song/ /ji srid sdug pa'i
dus kyi zla rgyas pa/ /'chi bdag gza' chen 'di yis ma rnyed pa/
/de srid bag yod par ni gnas bya ste/ /rang gi bya ba dag ni bya
ba'i rigs/ /gang tshe

@108a @#/ /'du shes bral zhing mig mi g.yo/ /skigs bu rgyun 'byung
dbugs mthar thug pas slebs/ /mun par g.yang sa cher khring ltar
gyur na/ /de tshe bu dang chung ma gnyen cir 'ong/ /snying rjes
gdungs pa'i yid dang dbang po dul zhing sems ni chog shes dag la
dga' ba

dang; /chags bral mngon dga'i sems dang shing drung dag na lhung
pa'i 'bras bus bza' ba'i bya ba byed/ /lus ring shing shun gyon
zhing rgyal ba zhes ni snyan pa lta bur sgra sgrogs la/ /bA rA
Na sIr gshin rje'i dbang gyur bcom pa'i lus chig 'di ni nam zhig
spong bar 'gyur/ /bstan bcos

'dzin pas thar pa yin/ /lus dub bas kyang ma yin te/ /shes rab
kyis ni sems btul na/ /thar pa thag nye 'di na yod/ /nyes pa'i
skyon ni breg par gyis/ /mgo bo bregs pas ci zhig bya/ /gang zhig
yid kyi gos med na/ /ras kyi chos gos ci la phan/ /sems can rnams
la gang gi tshems/ /

snying rjes brlan par gyur pa dag /thar dang ye shes de yin gyi/
/thal ba ral pa chos gos min/ /gang zhig lang cho la zhi ba/ /de
ni zhi bar bdag gis shes/ /khams rnams yongs su zad pa na/ /ci yi
phyir na zhi mi 'gyur/ /mdza' bshes nye du dur khrod du/ /du ba
'thul nas

ldog par byed/ /gang zhig rang dang lhan cig 'grogs/ /las te des
na dge ba sbyang/ /gang zhig rab tu nyon mongs dang/ /chos dang
'gal bar byed pa dang/ /dgra la 'dud pa'i nor rnams ni/ / gang gi
nor du rung ma yin/ /dam pa legs spyod la sred shin tu bsdams
gyur te/ /kun

du 'ang skye bos smod 'jigs rtag tu sdug bsngal gnas/ /gang zhig
'dzem med longs spyod ngag gi rtsa rtsol ba/ /rigs dang mi rigs
dpyod med tha mal skye bo skyed/ /rigs dang mi rigs dpyod pa'i
blo med cing/ /thos dang sdom pa mang po rnam spangs nas/ /lto ba
'gengs pa tsam zhig

'ba' zhig 'dod/ /skyes bu phyugs dang phyugs la khyad ci yod/
/mthong dang ma mthong yon tan gyi/ /'byung gnas chen po rigs pa
yin/ /des na de bas don gnyer bas/ /shes rab yongs su gzung bar
bya/ /brgya yi nang nas dpa' bo skye/ /stong gi nang nas mkhas pa
'byung/ /brgya

@108b stong las ni mdzangs pa ste/ /stong pa skye'am mi skye'ang
srid/ /mkhas pas rig pa rnam kun du/ /na tshod yol yang bslab par
bya/ /gal te 'dir 'bras mi ster yang/ /skye ba gzhan du rnyed pa
sla/ /skra dkar gnyer ma lhags dus su'ang/ /thos pa bsags par bya
ba ste/ /gang du thos mang

'gro 'gyur ba/ /der ni phung po 'gro mi 'gyur/ /rgyal po dang ni
yon tan ldan/ /de gnyis 'dra ba ma yin te/ /rgyal po rang gi yul
na bkur/ /yon tan ldan pa kun du bkur/ /yon tan ldan pa skyon yod
kyang/ /yon tan dga' rnams skyo mi byed/ /zla ba rnyog pa yod
gyur kyang/ /

brtan rnams dga' bas lta bar byed/ /yon tan dang 'dra lus kyi
rgyan gzhan med/ /sems las dang 'dra lus kyi sdug bsngal med/
/bzod pa dang 'dra lus kyi srung ma med/ /gtong ba dang mnyam
gnyen ni gang na med/ /dam pa ring na gnas gyur kyang/ /yon tan
pho nya nyid

byed de/ /ke ta ka yi dri bsnams nas/ /bung ba rang nyid 'ong bar
'gyur/ /yon tan dag la 'bad bya yi/ /'gying tshul dgos pa ci zhig
yod/ /ba ni 'o ma med pa la/ /dril bu btags kyang nyo mi 'gyur/
/dus ni yun thung rig pa'i rnam pa mang/ /tshe yi tshad kyang ji
tsam mi

shes pas/ /dang pas chu nang nas ni 'o ma bzhin/ /gang zhig gces
pa de ni bsten par bya/ /skar ma chen po mang du shar gyur cing/
/sa yi rgyan gyur zla ba shar na yang/ /gang du nyi ma nub na
mtshan mor 'gyur/ /nyi ma ma gtogs shar nub ming mi 'dogs/ /gang
zhig shar bar

gyur na ni/ /mun pa med cing gzi can byed/ /nyi ma shar ba mchog
yin gyi/ /gzhan rnams shar bas ci zhig bya/ /skyes bu bya ba gang
yin gcig byas mthar phyin pas/ /sems 'phags 'gyur te mang po ci
la dgos/ /zla ba rgyas pas sa stengs gsal ba bzhin/ /skar ma mang

po'i tshogs kyis nus ma yin/ /yon tan skyes pa rang khar las/
/rdzas ni bsod nams khar las pas/ /skyes bu la ni ci phyir smre/
/yon tan 'bad pas bsgrub bya yin/ /'bad pa'ang bdag nyid la gnas
na/ /gzhan dag yon tan ldan zhes te/ /de ltar gson pa su yis

@109a @#/ /bzod/ /bstan bcos don ni shes pa'i mi/ /'di na zha bo
rnams la'ang mang/ /ral gri'i rtse mo rnon po yis/ /dgra las
rgyal byed de rnyed dka'/ /phyug po kla klo rnams la'ang yod/
/dpa' bo dud 'gro rnams la'ang mang/ /sna tshogs don gyi gtam smra
ba'i/ /dam pa dag ni

kun du dkon/ /ri bo kun la tsandan med/ /glang po kun la mu tig
med/ /yang dag don gyi gtam smra ba'i/ /mkhas pa'ang kun na yod
ma yin// yon tan shes la de nyid yon tan 'gyur// yon tan med na
de nyid skyon du 'gyur// chu bo'i chu ni shin tu skyon med
pa'ang/ /rgya mtshor phyin na btung du mi rung 'gyur/ /

yon tan ldan pa yon tan la dga' yi/ /yon tan med pa yon tan gyis
mi mgu/ /bung ba nags nas padmar 'ong 'gyur gyi/ /sbal pa lhan
cig gnas kyang de lta min/ /mkhas pa rnams kyi grags pa ni/
/mkhas pa nyid kyi nang du 'phel/ /rin chen shel la rin chen
dang/ /g.yul ngo dag

tu dpa' bo bzhin/ /dang pa khwa yi tshogs nang mdzes ma yin/ /cang
shes bong bu'i tshogs nang mdzes ma yin/ /seng ge wa yi tshogs nang
mdzes ma yin/ /mkhas pa blun po'i tshogs nang mdzes ma yin/ /gang
zhig chen pos spyi bos bkur/ /de nyid dman pas rtswa snyam sems/
/mkhas

pas phyag byas mchod rten ni/ /khwa dag stan du byed pa yin/
/bdag la grangs med yod gyur kyang/ /gzhan la nyung zad yod pa
yi/ /yon tan med la dam pa dga'/ /spyod pa 'di ni ngo mtshar che/
/thams cad mkhyen pa'i yon tan ni/ /thams cad mkhyen pa nyid kyis
mkhyen/ /sa gzhi yi ni

lci ba'i tshad/ /mtha' yas nyid kyis shes pa yin/ /gzhan gyis
gzhan dag bsgrags na ni/ /med pa'ang yon tan can du 'gyur/ /yon
tan rang nyid sgrogs pa ni/ /brgya byin yin yang mi btsun 'gyur/
/gang du yon tan ldan mi mchod/ /mkhas pa de ru ci phyir 'gro/
/gos med

gcer bu'i grong khyer du/ /khrus mkhan gyis ni ci zhig bya/ /kyi
ma 'jig rten glen pa 'di/ /rang rgyud grub pa yod yin te/ gzhan
gyis byas pa'i rje 'brang bas/ /zang sma'i snod ni stor nas med/
/bzhad gad mkhan dang mkhas pa gnyis/ /blun la bzhad gang byed pa
mchog /bzhad gad

@109b mkhan gyis nor rnyed kyis/ /mkhas la nor med stong par
'gro/ /sna tshogs don ldan gtan rgyud kyis/ /mkhas pa dus ni 'da'
bar byed/ /dbul po chos kyis phongs gyur pas/ /gnyid log na yang
'thab par byed/ /gang zhig mang po tshogs par gyur pa las/ /skye
bo dam pa'i yon tan

sten mi byed/ /de ni rang gi ma yi sdug bsngal gyis/ /bskyed de
skyes par gyur kyang ci zhig phan/ /mkhas pa'i tshul ni rigs pa
yin/ /khu byug tshul ni sgra snyan yin/ /dka' thub tshul ni bzod pa
yin/ /bud med tshul ni nyon mongs yin/ /skar rtsis de bzhin grub
mtha' dang/ /mkha' lding

sngags dang sngags smra ba/ /don gyi de nyid gzung bya yi/ /sgra
la dpyad par mi bya'o/ /glegs bam la bzhag rig pa dang/ gzhan la
tshol ba'i nor dag ni/ /dgos pa'i dus la bab pa na/ /de ni nor min
rig pa min/ /bzo slob pa yi yon tan kun/ /yon tan 'tsho ba'i rgyu
tsam

yin/ /'khor ba gcod pa'i blo gros gang/ /ci yi phyir na de mi
byin/ /mi ni su la'ang ma brtags par/ /gdams ngag spyin par mi
bya ste/ /spre'u tsam gyi gnas bcas dang/ /gnas med par ni byas
la ltos/ /kha cig smra ba lhur len te/ /kha cig mi smra don yang
bsgrub/ /'dam

bu me tog 'bras bu med/ /star ka 'bras bu me tog ldan/ /ke ta ka
yi 'bras bu ni/ /chu rnams dang bar byed mod kyi/ /de yi ming
tsam smos pa yis// chu rdul dang bar mi byed do// gzhung lugs dag
la byang byas kyang/ /nyams su len par mi byed na// lag na sgron
ma

yod kyang ni/ /long bas lam ni mthong mi 'gyur/ /zla ba yar ngo
mar ngo lta/ /dam pa dam min bsten pa las/ /yon tan chung du'ang
rgyas 'gyur zhing/ rgya che po yag 'gro ba par 'gyur/ /mkhas pas
dgra bor gyur pa'ang bla'i/ /mi mkhas pa dad mdza' ba min/ /rkun
pos

bram ze bsrungs pa dang/ /spre'us rgyal po'i mig bcar bzhin/
/mkhas pa dang ni dul ba dang/ /chog shes bden par smra ba dang/
/'chi ba na yang 'dug bla yi/ /skye bo ngan dang rgyal srid min/
/sbrul gdug skye bo ngan ba dug /sbrul las lhag par skye ngan dug
/sbrul

@110a @#/ /gdug sman dang sngags kyis thub/ /skye ngan gdug pa
gang gis zhi/ /skye bo ngan pa yon tan brgya yis phan btags te/
/dga' bar gyur kyang de ni tshig rtsub smra bar byed/ /gang zhig
rigs ldan de bzhin brtan pa dang/ /bsngags 'os phongs kyang yon
tan

gtong mi byed/ /rang bzhin ngan pa'i mi dag dang/ /srang gi mtshan
nyid dag dang mtshungs/ /cung zad tsam gyis mtho 'gyur zhing/
/cung zad tsam gyis dma' bar 'gyur/ /tsan dan gla rtsi ga bur
gyis byugs kyang/ /sgog skya'i rang bzhin dri nga mi 'dor ltar/
/rigs pa'i gzhung lugs

mang po rab bslabs kyang/ /rang bzhin ngan pa'i mtshan nyid 'dor
mi srid/ /dam pa'i bu la gdong na padma med/ /smad 'tshong bu la
glad nas rwa ma skyes/ /ji lta ji ltar log par byed gyur pa/ /de
lta de ltar nal bu'i mtshan nyid yin/ /kha nas smras pa'i tshig
gzhan la/ /yid la sems pa'i

bsam pa gzhan/ /kye ma yon pa'i blo gros can/ /'di yi rang bzhin
su yis sbrul/ /'bad pas skyin ni len par byed/ /yon tan rtag tu
spong bar byed/ /skyon len yon tan spong ba yi/ /skye bo ngan pa
chu tshags 'dra/ /skye bo nang pa sun phyung na/ /dam pa la yang
yid mi rton/ /byis pa 'o mas kha tshig na/ /

zho la'ang phu yis 'debs shing 'thung/ /mtshan mo mtsho nang skar
ma'i gzugs brnyan snang ba la/ dang pa dma'i rtsa bar 'khrul pas
sun phyung ba/ /nyin mo pad rtsa mngon sum mthong yang za mi
byed/ /brdzun smras sun phyung bden pa la yang dogs pa skye/ /bud
med zas ni nyis 'gyur te/ /de yi g.yo

sgyu bzhi 'gyur ro/ /ngo tsha dag ni drug 'gyur ro/ /'dod chags
brgyad 'gyur zhes brjod do/ /sbyin pas ma yin rim gros min/
/mchod pas ma yin bsnyen bkur min/ /brtan pas ma yin brtson pas
min/ /kun du mi bzad bud med yin/ /mkha' lding dbang pos khyer
ba'i tshe/ /pad dkar klu

yis smras pa ni/ /gsang tshig bud med la smra ba/ /de yi srog ni
de zad 'gyur/ /don dang chos ni rnam par nyams byed cing/ /mtho
ris dag dang thar pa'i gegs byed la/ /gnod pa kun gyi rtsa ba
nyid gyur pas/ /de bas gzhan gyi bud med rtag tu spang/ /gang gis
tshigs bcad gcig tsam zhig/ /bla mas

@110b slob ma la byin na/ /gang zhig btang nas shog btang 'gyur/
/rdzas de sa steng yod ma yin/ /'du 'dzi kun du spang bar gyis//
gal te de spong ma nus na/ /dam pa dag dang 'dre bar gyis/ /de
nyid de yi sman yin no/ /'dod pa kun du spang bar gyis/ /gal te
spong bar ma nus na/ /thar pa dag

la 'dod par gyis/ /de nyid de i sman yin no/ /phan med gnyen dang
gzhan yin te/ /pha rol yin yang gang phan gnyen/ /lhan cig 'byung
bI lus sogs nad/ /phan byed dgod pa'i sman bzhin no/ /'bad pa
yis ni bzung ba yi/ /bum pa yi ni chu phyed bzhin/ /spyi bo la ni
bkur byas na/ /

skye bo nang pa khro bar byed/ /gang zhig yi dang rjes mthu pa/
/ring na gnas kyang nye ba yin/ /gang zhig yid la brtan mi gnas/
/drung na gnas kyang ring ba yin/ /dam pa min dang lhan cig gnas
gyur kyang/ /chu dang pad mo bzhin du 'dres mi 'gyur/ /dam pa
thag ring dag tu gnas gyur

kyang/ /zla ba ku mu ta ltar dga' bar byed/ /gal te rtag tu mdza'
'dod na/ /gsum po 'di dag mi bya ste/ /rgyan po 'gyed dang nor
'brel dang/ /lkog tu chung ma dang smra ba'o/ /ji ltar rwa las 'o
ma 'byung/ /'dam bu me tog sbrang rtsi 'dzag /gal te bud med bden
gyur na/ /skam sa las

kyang padma skye/ /bsod nams yongs su dman pa'i mis/ /longs spyod
thob kyang spyod mi shes/ /gangs chen mtsho la khyi bzhin skom
na'ang lce yis lhag par byed/ /'jig rten 'di na las byed pa/ gla
med lam brgyags khyer mi btub/ /slong ba dman pa mi mngon par/
/phyi ma'i

dus na brgya 'gyur khyer/ /rang nor spangs nas 'gro 'gyur bas/
/skyes bu sbyin pa gtong bar byed/ /shi na'ang nor ni mi 'dor
bas/ /sbyin byad ser sna can 'drar shes/ /sbyin na dbul gyur dogs
pa yis/ /bkrin pa sbyin pa gtong mi byed/ /nges par 'jig pa de
nyid kyis/ /

mkhas pas nor ni gtong bar byed/ /zas las zan gyi phyed tsam
yang/ /slong ba rnams la cis mi ster/ /'dod dang rjes mthun 'byor
ba yang/ /gang gi tshe na 'byung bar 'gyur/ /las kyis 'byor pa med
kyang gdung ba mi skyed kyi/ /'on kyang ci 'byor pa la sbyin pa
gtang bya ste/ /

@111a @#/ /lo ma me tog 'bras bu chu dang sman rnams ni/ /thams
cad mtha' yas bsngo ba'i stobs kyis mtha' yas 'gyur/ /sbyin dang
spyod pas stong ba yi/ /nor des nor bdag yin na go /nor de nyid
kyis bdag kyang ni/ /nor gyi bdag po cis ma yin/ yab gcig

'di ni las kyi sa/ /'di nas pha rol 'bras bu'i sa/ /'di ni gang
zhig byas gyur pa/ /de nyid gzhan du nges par spyod/ /gzhan 'byor
rigs dang gzugs dang nad med nyid/ /mthong nas 'dir ni ci phyir
gdung bar byed/ /gal te 'di kun khyod 'dod bsod nams kyi/ /sa bon

las ni 'bras 'byung ma thos sam/ /'byor ba yod kyang gtong med
na/ /nye bar 'tsho bas ci byar yod/ /kim pa ka yi 'bras bu ni/
/chag kyang ltogs la ci byar yod/ /gang zhig gzhan la gnod pa med
par sbyin gtong ba/ /'di yi longs spyod sna tshogs chu yis mi
'khyer zhing/ /

me yis mi tshugs rkun po rnams kyis 'phrog mi nus/ /de yi 'byor pa
nam yang rab nyams mi 'gyur ro/ /gang zhig dmyal ba'i nad la ni/
/gso ba dag ni mi byed pa/ /sman med gnas su song nas ni/ /nad
dang bcas pas ci byar yod/ /mi srun skye bo sa khung las byung
ba'i/ /tshig ni sbrul gyis

skye bo dam pa zin/ /dug de zhi bar byed pa'i gnyen por yang/
/shes rab bzod pa'i sman dag btung bar bya/ /ji srid 'tsho bar
bsad kyang ni/ /dgra bo zad par mi 'gyur gyi/ /de ni dgra bo nyid
gsod yin/ /mthu chen bcos su mi rung la/ /bzod pa byar yang ci
zhig yod/ /dul ba zhi ba'i spyod

pa la/ /bzod par bya yang ci zhig dgos/ /gnod byed 'os pas khro
zhe na/ /chos don 'dod dang thar ba dag /mngon sum du ni 'jig
byed pa'i/ /khro la khyod ni cis mi khro/ /gzhan gyi 'byor pa dam
pa mthong nas ni/ /gang zhig sems 'khrug pa ni skye 'gyur bas/
/don de cung zad rnyed par

mi 'gyur gyi/ /'gro de rang gi bsod nams 'joms par byed/ /thams
cad chos ni mnyan par bya/ /thos nas rab tu gzung bya ste/ /gang
zhig bdag nyid mi 'dod pa/ /de dag gzhan la mi bya'o/ /'jig rten
pa rol 'gro ba dag /shes par smra la su zhig mkhas/ /de ni nyams
su len

@111b pa na/ /drang srong rnams kyang mkhas pa yin/ /'byor pa
g.yo zhing lang tsho yud kyis 'jig /srog ni gshin rje'i so gcig
gnas dang mtshungs/ /'on kyang 'jig rten pha rol sgrub la lhod/
/kye ma mi yi spyod pa ngo mtshar che/ /blo gros bzang yang le lo
yis/ /skye ba mthon por mi 'gyur

te; /lag rtsis sa la 'dri ba yi/ /pho long gsher ba dag dang
mtshungs/ /gal te 'gro ba 'di kun gyis/ /'chi bdag spyi bor gnas
mthong na/ /zas kyang yi gar mi 'ong na/ /bya ba gzhan lta smos
ci dgos/ /'dus byas zin tam ma zin ces/ /'chi bdag sdong par mi
'gyur bas/ /

sang gi bya ba de ring bya/ /phyi dro'i bya ba snga dro bya/ /ji
srid nang med lo tog skyes gyur ba/ /nad kyi ser ba chen pos ma
brlag cing/ /ji srid blo ni bya ba'i rjes 'jug pa/ /'di ni dam
chos mnyan pa'i dus yin no/ /bong bu phyugs la me tog phreng ba
ci/ /dud 'gro phag la kha zas zhim

po ci; /long la snang dang 'on pa dag la glu/ /glen pa rnams la
chos kyis ci zhig bya/ /ji srid 'dod chen ma gyur par/ /de srid
yon tan che nyid yin/ /'dod chen nyid la zhugs gyur na/ /yon tan
btsun par ga la 'gyur/ /ji srid su la'ang mi slong pa/ /de srid
dka' thub gzi brjid

can/ /dpa' zhing shes ldan rigs mno[?] dag /skyes bu zhes kyang de
srid brjod/ /dang po'i rtsom pa gang yin pa/ /'di ltar ngo mtshar
che ba yin/ /zo chun bzo sbyar gyur pa ni/ /bud med kyi yang
dbang du 'gyur/ /drang srong bu ni myur du shi yang rung/ /rgyal
po'i bu ni yun ring gson yang

rung; /rngon pa'i bu ni shi'am gson mi rung/ /dam ba'i bu ni
shi'am gson yang rung/ /de nas 'byung ba la gnas pa'i/ /mi yi blo
ni 'phel bya'i phyir/ /gang gis bstan bcos shes gyur ba'i/ /legs
par bshad pa bshad par bya/ /legs par bshad pa'i rang bzhin tshig/

gang yang rung ba bsag par bya/ /tshig gi gnas skabs mchod sbyin
la/ /nor med ci zhig ster bar byed/ /rig pa bslab dang dpa' bo
dang/ /gang yang gzugs bzang ldan bud med/ /gang dang gang du
'gro gyur pa/ /de dang der ni dpal chen thob/ /rig par ldan dang
rgyal po yi/ /

@112a @#/ /gang du'ang mnyam pa ma yin te/ /rgyal po rang gi yul
na bkur/ /rigs ldan kun du bkur bar 'gyur/ /gzugs dang lang tsho
phun tshogs shing/ /rigs mtho rnams las skyes gyur kyang/ /rgya
skyegs shing gi me tog ltar/ /rigs dang bral na mdzes ma

yin/ /lus can rigs dang bral gyur ba/ /rigs ldan yin yang ci zhig
dgos/ /'jig rten du ni rig pas mchog /rig pa med pas rlag par
byed/ /bde ba 'dod na rig pa dor/ /rig pa 'dod na bde ba dor/
/bde ldan rig pa gal 'grub/ /rig pa don gnyer ga la bde/ /rigs

dang mdza' bshes med gyur ba'i/ /mi ni rtag tu sdug bsngal 'gyur/
/rigs dang mdza' bshes ldan gyur ba'i/ /mis ni rtag tu dga' ba
'thob/ /rigs dang ldan pa gzhan yul gang/ /snyan par smar la pha
rol su/ /gnas dang ldan pa khur lci gang/ /brtson dang ldan la
thag ring

ci; /rtsol ba yi ni grogs yod la/ /ri rgyal rtse mo'ang mtho ba
min/ /sa yi 'og kyang dma' ba min/ /rgya mtshos chod pa'ang pha
rol min/ /rig pa glegs bam la bslabs kyi/ /bla ma'i thad rnams ma
bslabs pa/ /'phyon ma'i bud med sprum ma bzhin/ /tshogs pa'i nang
du mi mdzes

so; /bla ma gang zhig yi ge gcig /ster ba la ni brnyas byed pa/
/khyi yi skye gnas brgyar brgyud nas/ /rigs ngan du yang skye bar
'gyur/ /gang zhig la ni yi ge gcig /bla mas slob ma la byin na/
/gang zhig btang nas shog gtong ba'i/ /nor ni sa stengs yod ma
yin/ /skyed par byed dang

legs slob dang/ /gang zhig rig pa ster ba dang/ /zas ster ba dang
mi 'jigs sbyin/ /lnga po 'di dag pha ru bshad/ /rgyal po blon
po'i chung ma dang/ /de bzhin mdza' bo'i chung ma dang/ /spun
zla'i chung ma ma nyid de/ /lnga po 'di dag ma ru bshad/ /blun po
rnams la gdams pa ni/ /'khrug

par 'gyur gyi zhi mi 'gyur/ /sbrul la 'o ma blud pa ni/ /dug
'phel 'gyur ba kho nar zad/ /mngon sum pa yi rkang gnyis phyugs/
/blun po yongs su spang bar bya/ /ma mthong tsher ma ji lta bar/
/tshig gi zug rdus gnod par byed/ /blun pos blun po mthong gyur
na/ /tsan dan bas kyang bsil

@112b bar byed/ /gal te mkhas pa mthong gyur na/ /pha gsod pa ni
lta bur sems/ /skye bo ngan la phan pa dag /byas kyang gang
la'ang byas mi gzo/ /dam pa cung zad bkur na yang/ /ji srid 'tsho
bar rang dbang 'gyur/ /blun po chu yi ri mo ltar/ /gang zhig byas
pa de myur 'jig /dam pa rdo yi ri mo

ltar/ /shin tu chung du 'ang brtan par gnas/ /skye bo nang pa
snyan smra yang/ /'di la yid brtan rung ma yin/ /rma bya sgra
snyan sgrogs na yang/ /zas su dug chen za ba yin/ /e ma skye bo
ngan pa dang/ /bad kan dag gi rang bzhin mtshungs/ /'jam po yis ni
'khrug 'gyur la/ /rtsub po yis

ni zhi bar 'gyur/ /skye bo ngan dang gser dang rnga/ /mi srun rta
dang bud med dregs/ /brdungs nas dul ba nyid 'gyur gyi/ /de dag
legs byas snod ma yin/ /skye bo ngan dang lhan cig tu/ /dgrar
gyur mdza' ba'ang mdzes ma yin/ /khyim ni rtse bar byed pa'am/
/lhag pa'ang mdzes par

'gyur ma yin/ /sprul bas kyang ni mi srun gdug /sbrul gdug sman
dang sngags kyis zhi/ /mi srun cis kyang zhi mi byed/ /mi srun pa
yi nyes pa ni/ /ngo bo nyid kyis rjes 'jug la/ /gang zhig mi srun
dang 'dres de/ /mi srun las kyang mi srun 'gyur/ /pha yi spyod pa
ma mthong yang/ /bu

ni rjes su 'jug byed de/ /ke ta ka yi shid las ni/ /skyu ru ra
'bras 'byung mi 'gyur/ /pha dang ma dang de bzhin spun/ /chung ma
rjes mthun 'jug pa rnams/ /de yis sdig pa byas pa gang/ /de ni mi
des byas dang mtshungs/ /sa 'di rgya mtsho chen po dang/ /ri bor
bcas pa khur

min gyi/ /gang zhig byas pa mi gzo ba/ /de ni shin tu khur lci
yin/ /tshul khrims ldan dang lhan cig gnas/ /'byung po kun la phan
par dga'/ /gshin rje 'jigs byed gang yin pa/ /de ni mkhas pas rab
tu bsngags/ /mkhas ba dang ni dul ba dang/ /chog shes bden

smra lhan cig tu/ /btson rar gnas pa'ang gnas bla yi/ /mi srun
nang gi rgyal srid min/ /dam pa dag dang lhan cig 'dris/ /mkhas
dang lhan cig smra ba dang/ /brkam med lhan cig mdza' ba nyid/
/byed pa skyong bar mi 'gyur ro/ /shin tu yun ring dus su yang/
/gang gis

@113a @#/ /'jig rten 'di dang ni/ /gzhan du sdug bsngal mi 'thob
pa'i/ /blo ni chos mthun nyid du bya/ /sems ni dga' bar byed na
yang/ /rnam smin gnod byed ci ru rung/ /gang gis khams ni 'khrug
byed pa'i/ /kha zas zhim po'ang ci ru rung/ /gnod kyang phan par
'gyur

ba ni/ /mkhas pas sman bzhin btung bya ste/ /'di yi 'bras bu rjes
thob pa/ /mtshungs pa med pa nyid du 'gyur/ /don 'dir rigs dang
ldan pa yi/ /rgyal pos bsdu ba byas na ni/ /thog ma dbus dang tha
ma ru/ /de ni gzhan du mi 'gyur ro/ /rgya mtsho 'jig pa'i dus su
ni/ /

gzhung las rgal bar 'gyur zhes grags/ /dam pa 'chi na'ang gzhung
lugs las/ /nam yang 'da' bar mi byed do/ /lugs kyi bstan bcos
shes rab sdong bu zhes bya ba/ slob dpon klu sgrub kyis mdzad pa
las le'u gnyis pa logs shig tu bsgyur brdzogs so/ /lo tsA ba
shI len

dra bo d+hi dang/ bande ye shes sdes bsgyur cing zhus te gtan la
phab pa// @##/ /rgya gar skad du/ bya sha su dzantu bindu po sha
nA ma/ bod skad du/ lugs kyi bstan bcos skye bo gso ba'i thigs
pa zhes bya ba/ 'phags pa 'jam dpal gzhon nur gyur pa la phyag
'tshal

lo; /dpal gyi 'byung gnas 'jam dpal kun gyi dpal/ /mtha' dag
byams pas khyab pas 'jam pa'i ngang/ /'jam dang dpal du grags pas
thugs rje'i mgon/ /'jam dpal kun gyi mgon la phyag 'tshal te/ /blo
dman skye bo mun nag lta bu la/ /snyan ngag sgron me rab tu gsal

bya'i phyir/ /bdag lta dman pas snyan ngag sgron med kyang/ /blun
po gso phyir chu thigs tsam zhig brjod/ /gzhan gyi skyon rnams
brjod mi bya/ /gzhan gyi skyon rnams ci brjod pa/ /de bzhin bdag
la'ang yod pa ste/ /dper na wa dang bud med bzhin/ /bdag nyid la
ni bstod mi bya/ /

bdag nyid la ni gang bstod pa/ /de ni blo chung shes rab zhan/
/dper na ka lan da ka 'dra/ /grogs ngan bsten par mi bya ste/
/grogs po ngan pa sus bsten pa/ /ma gu ta ni bsten pa yis/ /shig
rnams phung bar gyur la ltos/ /ngan pa rnams la gros mi gdab/
/ngan pa rnams

@113b la gros btab na/ /legs par smras kyang nyes par 'gro/
/spre'us ka lan da ka yi/ /tshang bshig pa yi tshul la ltos/ /spyod
pa rnams la bag yod bya/ /bag med rgyun du spang bar bya/ /glang
chen myos pa lta bu ni/ /nam yang bya ba ma yin no/ /tshig rnams
brjod 'dod rtag tu ni/ /

ji ltar brtags shing de ltar smra/ /gang zhig ma brtags par smra
ba/ /dper na smyon pa'i bsnyon tshig bzhin/ /dgos pa med pa'i
brdzun tshig ni/ /nam yang brjod par mi bya'o/ /bdag mi phan par
gzhan gnod pa/ /dper na ni tso'i brdzun tshig bzhin/ /brdzun gyi
tshig rnams brjod mi bya/ /

brdzun gyi tshig rnams brjod byas na/ /myur bar gzhan gyis shes
'gyur te/ /dper na byi la'i brdzun tshig bzhin/ /tshul 'chos spyod
par bya ba yis/ /tshul 'chos spyod pa gang byed pa/ /de ni btsun
par mi 'gyur te/ /bram ze na ya'i rgyal mo bzhin/ /mdza' bshes
ngan po'i tshig mi mnyan

mdza' bshes ngan pa'i tshig nyan pa/ /'dod don med par bslus par
'gyur/ /dper na rus sbal spre'u bzhin/ /g.yon can ngag 'jam tshig
mi mnyan/ /de yi tshig rnams nyan byed pa/ /dper na dbang po'i
rgyal mtshan gyis/ /lha min la sogs bslus la ltos/ /gnod sems can
gyi

tshig mi mnyan/ /de yi tshig rnams nyan byed pa/ /bdag la phan pa
mi 'byung ste/ /wa ni sreg pas phung ba bzhin/ /sdig pa'i grogs
po yid mthun zhing/ /dga' bas sna tshogs tshig brjod kyang/ /sdig
can de ni bdud yin te/ /dper na gling gi srin mo bzhin/ /phyug po
kla klo la yang

yod; /dpa' bo dud 'gro la yang yod/ /don dang mthun pa'i gtam
smra ba/ /'jig rten 'di na shin tu dkon/ /de phyir yon tan dag la
ni/ /srog dang bsngos te 'bad par bya/ /gang zhig yon tan mi slob
pa/ /de ni blun po phyugs lta bu/ /yon tan med pa'i kha nyid ni/
/sa yi bug

dag dang mtshungs/ /yon tan rab kyis brgyan pa yi/ /kha ni pad mo
yid 'ong ldan/ /gzhon pa'i dus su rig pa bslab/ /zho 'dod pa ni
dgun nas gso/ /drod gsher ldan dus sa bon gdab/ /'di gsum 'phral
du smin pa'i rgyu/ /yon tan dag la 'bad bya yi/ /'gyid

@114a @#/ /tshul dgos pa ci zhig yo/ /'o ma med par gyur ba'i ba/
/dril bu btags kyang nyor mi 'dod/ /bdag la phun sum tshogs bcas
kyang/ /gzhan la brnyas par mi bya ste/ /zhun mar lta bu'i sems
kyis su/ /yon tan mtha' dag khong du sba/ /shes

rab ldan pa lus chung yang/ /dor thabs can gyis brnyas mi bya/
/dper na blo gsal ri bong gis/ /seng ge srog dang phral ba bzhin/
/kun la mthon dman med pa yis/ /nyi ma lta bu'i phan byas na/
/kun gyi lan rnams ldon 'gyur te/ /byi bas glang chen bslang ba
bzhin/ /

sems can kun la phan sems bskyed/ /res 'ga' rtswa bzhin zhum par
bya/ /res 'ga' me bzhin 'bar bar gyis/ /res 'ga' gangs ri lta bur
bya/ /res 'ga' dmag la bab pa bzhin/ /gzhan gyi yul na gnas pa
dang/ /gzhan gyi 'tsho bas 'tsho ba'i tshe/ /ji lta bur ni

brnyas gyur kyang/ /kha rog 'dug pas bde ba 'thob/ /skye bo ngan
pa yun ring bsten byas shing/ /bza' btung zhim pa mang po bsten
byas kyang/ /des ni nges par grogs po spong 'gyur te/ /dper na
khron par lhung ba'i mi bzhin no/ /mi gang blo ni rnam par 'gyur
byed pa/ /de

yi mdza' bshes rtag par mi 'gyur te/ /rab tu nyon mongs mi de ci
'dra na/ /shing shun tshon gyis ras dkar btsos pa bzhin/ /gal te
blo ldan mkhas pa dgra bo dag /rab tu mi dga' bar ni byed 'dod
na/ /tshig rtsub mi smra rab tu ngag 'jam gyis/ /des ni de la gnod
pa chen

por 'gyur/ /rgya mtsho dang ni ri rab glong la sogs/ /'jig rten sa
rnams bdag gi khur min gyi/ /'jig rten byas pa mi gzo gang yin
pa/ /de ni bdag gi khur chen dag tu 'byung/ /mi gang sems ni mi
rgod cing/ /byas pa gzo dang byas pa tshor/ /byas pa chud gson mi

byed pa/ /de ni mkhas pas rab tu bsngags/ /chos bde byams pa bde
ba ste/ /'jug ngogs bde ba'i chu klung bzhin/ /grogs la 'khu ba
med pa dang/ /nga snyems nga rgyal zad pa bde/ /khengs dang zol
byed nga rgyal che/ /sdig pa'i grogs po bsten pa dang/ /stobs

@114b ldan rnams la rgol byed pa/ /de dag yid ni bde mi 'gyur/
/de phyir khengs par mi bya ste/ /khro ba rnam par spang bar bya/
/khengs dang khro ba 'ongs gyur na/ /de dag rnams kyi grags pa
'jig /gang zhig rgan po byis pa nad pa dang/ /nyam chung thabs
stor de bzhin dman pa dang/ /

rgyal pos spangs dang skyabs med pa dag la/ /snying rje med pa de
dag mir mi rung/ /rang gi yul 'khor gnas spangs te/ /gzhan gyi
ljongs su phyin pa na/ /tshig ngan so sor ldog pa la/ /bzod pa
chen po bskyed par bya/ /dka' thub tshul ni bzod pa yin/ /gtso
bo'i tshul ni dka'

spyod yin/ /shar ba'i tshul ni dka' zlog yin/ /bud med tshul ni
dka' thub yin/ /de ltar ma yin rang bzhin ngan pa'i mi/ /byams la
lan med gzhan bgyis phan byas brjed/ /sdang bas gnod pa ji snyed
byas gyur kyang/ /brnyas thabs byas pa de yang chu bzhin 'thung/
/tshe dang longs

spyod gnyen bshes kun dar dkon/ /de dag rgud pa shin tu rnyed par
sla/ /de phyir sems ni dmas par gyur ba'i tshe/ /khwa bzhin mi
smra kha rog 'dug par bya/ /lag te nor med bdag gi phyogs nyung
la/ /mdza' bshes phyogs kyi stobs kyang chung gyur zing// dgra
bo'i phyogs kyi stobs

tshul ldan pa'i tshe/ /tshig ngan mi smra kha rog 'dug par bya/ /ya
rabs tshul med khengs pas shin tu nga rgyal che/ /g.yo sgyu dad
med khwa bzhin shin tu mu cor smra/ /gzu lums phrag dog brkam
dang khrel med ngo tsha bral/ /mi de bur gyur kyang ni gzhan bzhin
spang bar bya/ /de lta bu yi dman zhing

ngan pa de/ /mthon po'i sar mi drong zhing der mi bzhag /sa der
bzhag kyang dregs dang khengs mi thub/ /dper na pags pa sngon
po'i wa bzhin no/ /skye bo rmongs pa 'ga' zhig ni/ /log pa'i chos
la rab zhen pas/ /'dod pa'i don des bslus 'gyur te/ /rus sbal so
yis bya bslus

bzhin/ /rab tu mi gzo'i skye bo rnams/ /sdug bsngal 'byung ba'i
rgyu dag la/ /dang blangs don du gnyer byed pa/ /gcan gzan gal
sgor bcug pa bzhin/ /dregs pa log pa 'ga' zhig ni/ /rang gi skyon
rnams ma bsams par/ /yon tan phra mos rab mgu ba/ /khron pa'i
sbal pa ji

@115a @#/ /bzhin no/ /rmongs pa long ba 'ga' zhig ni/ /chos kyi de
nyid ma rtogs par/ /log pa'i chos kyis rab mgu ba/ /blun po nor
bu len pa bzhin/ /shin tu blun po la la dag /'chi ba'i rnam pa
rab brjod nas/ /bya ba mang po rtsom byed de/ /bdun gyis bslus
par

rig par bya/ /'gro ba bzang po bzang mo la/ /gang zhig rab tu
chags byed pa/ /srog chags me la mchod ba bzhin/ /'dod pas phung
bar 'gyur ba yin/ /rta dang ma he glang po sogs /'ga' zhig de la
chags byed pa/ /'dod pa can gyi skyes bu yis// rmi lam nor rnyed
bslus

pa bzhin/ /sdig ba'i las la rab dga' zhing/ /dge ba dran par mi
byed la/ /'jig rten dag la rab tu chags/ /dug dang 'dra ba'i
skyes bu des/ /'dir yang sdug bsngal che po can/ /phyi ma mnar
med rab tu 'jigs/ /bar do'i srid par las rnams dran/ /gsal ba'i
me lod rab

'jigs pas/ /las kyi dge sdig rnam par 'phye/ /rang 'dod gnas su
gnas dbang med/ /mi 'dod pa ru rnam par 'khrid/ /las kyi rgyu
'bras mi slu ba/ /kho bos mthong gi rnam pa'am/ /gzhan yang rab
tu grangs mang ltos/ /de phyir dam pa'i skye bo rnams/ /rgyun du
'chi

ba dran par bya/ /rang gis ci byas las rnams bgrang/ /yud tsam pa
yi tshe 'di la/ /thang cig 'dug pa'i blo can de/ /de ni shin tu
'khrul pa ste/ /mkha' 'gro ma yi rdzu 'phrul bzhin/ /de phyir
rtag pa'i sems mi bskyed/ /ngan song gsum po dran par bya/ /srog
gcod la sogs

lus kyi ni/ /nyes pa rnam par bsdam par bya/ /brdzun sogs ngag gi
nyes pa dang/ /ma lus pa ni bsdam par bya/ /de bzhin yid kyi nyes
pa yang/ /ma lus rab tu bsdam par bya/ /de ni skyes bu dam pa'i
tshul/ /rab tu tsha zhing grang ba yi/ /dmyal ba nyi ma gcig bzhin
dran/ /bkres

skom dag gis rid pa yi/ /yi dgas dag kyang dran par bya/ /rmongs
pa'i sdug bsngal rab mang ba'i/ /byol song blta zhing dran par
bya/ /de rgyu rnams spang bde rgyu spyad/ /thob dka' 'dzam glong
mi yi lus/ /de thob dus su ngan song rgyu/ /rab tu bsgrims te
gcad par bya/ /'dir

@115b bdag mi yi lus thob nas/ /phyi mar smon lam 'debs byed pa/
/de ni blun po le lo can/ /ngan song gnas su rab 'gyod de/ /'gro
bzhin skyes kyis rdo 'jog gi/ /yi dgas mthong ba ji bzhin no/
/'di yi tshe ni ma nges pas/ /de ring sad dam zla ba'am/ /lo yi
rnam pas 'chi 'gyur

te; /de phyir dge la brtson par bya/ /dam pa'i chos la rab 'jug
na/ rigs dang bran mo lta bu dang/ /'khor los sgyur ba'i rgyal po
yang/ /bran mo btsun par thob pas gsungs/ /dam pa'i chos la mi
'jug cing/ /'jig rten khril mi srung ba/ /shin tu smad cing
bshung

'gyur te/ /bi ra li ba'i dka' thub bzhin/ /ri brag 'dom gang sogs
yod zabs/ /de la 'ang rab tu srung byed na/ /shin tu gting med
gyur pa yi/ /g.yang sar ltung ba cis mi srung/ /yungs 'bru tsam
gyi rma khung yang/ /shin tu bsgrims te 'chos byed na/ /'tsho med
tshal par gas

pa yi/ /rma de ci phyir 'chos mi byed/ /nyin par 'ga' zung tsam
du yang/ /zas skom gyis dbul mi bzod na/ /bar gyi bskal pa la
sogs su/ /zas skom mi brgyong ci phyir bzod/ /rang lus dag la
tsher ma yi/ /rtse mo'ang bzod par mi 'gyur na/ /gzhan gyi lus la
imtshon

dag gis/ /srog dang 'bral ba ci phyir bzod/ /rma 'bu dug srin
shing srin dang/ /sa bon mu gu sdong skyes me/ /de bzhin ngan
pa'i mi rnams ni/ /rang rten kho na phung ba bsgrub/ /phi ma shes
pa mdzangs pa'i tshul/ /nyon/ mongs dgra thub dpa' bo'i tshul/
/chags pa med pa

chos byed tshul/ /mkhas pa'i tshul ni rtogs pa yin/ /rtogs pa'i
tshul ni byed pa yin/ /skyo ba med pa sbyin pa'i tshul/ /tshul
khrims tshul ni ma dpyas pa/ /bzod pa'i tshul ni chos nyid shes
/brtson 'grus tshul ni 'chi ba dran/ /bsam gtan tshul ni g.yeng med
yin/ /rnam

par 'byed shes shes rab tshul/ /sangs rgyas 'dod pa dang pa'i
tshul/ /rtog pa chung ba rnal 'byor tshul/ /zang zing gnyen bral
sgom mkhan tshul/ /phan sems che ba sgrin pa'i tshul/ /drang po'i
tshul ni mi slu ba/ /bag yod nyam nga med pa ni/ /de ni rgyal po'i
tshul du bshad/ /de lta'i

@116a @#/ /tshul dang ma ldan la/ /dman zhing smad pa'i tshul byed
pa/ /las kyi rgyu 'bras mi slu'i tshul/ /'og gi tshul ni 'di yin
no/ /yon tan ldan la ser snas bcings/ /bslangs na khro ba dang
bcas pa/ /sdug bsngal chen pos non 'gyur te/ /shu ma ra yi mi
sdug bzhin/ /mnyam

sogs dag la phrag ma dog /'dir yang sdug bsngal che 'gyur la/
/phyi mar rnam smin che 'gyur te/ /dper na gzhon nu wa dang 'dra/
/dregs med shin tu dul bar bya/ /kun la gsong por smra bar bya/
/khro med nga rgyal spang bar bya/ /kun la 'dzum zhing drang por
smra/ /don med

ca co smra mi bya/ /'du ba mang po'i sar mi 'gro/ /chang sogs
myos pa btung mi bya/ /ci 'dod sbyin pa gtang bar bya/ /bshes med
me la byams par bya/ /dge ba'i chos la brtson par bya/ /khri mas
sogs blangs la bsrung bar bya/ /de ltar byas nas mang po'i mi/
/ngang gis bde ba thob par

byed/ /da ni shin tu ngan pa'i mis/ /rgyal ba'i bstan pa nub tu
nye/ /da ni ma bsngags ngan spyod dang/ /log par lta ba ngan pa'i
mi/ /rmongs pa dag gis bcom ldan gyi/ /bstan pa'i ljon shing bcad
kyis med/ /nga ni snying rje med pa yis/ /chos lugs por zhing
rang bzo byed/ /brkam

chags pha rol mi mthong bas/ /bstan pa'i rgyal mtshan bsnyal gyis
med/ /da ni gdul dka' ngo tsha med/ /sdig la dga' zhing tshul 'chos
byed/ /sdig can rnams kyis thub pa yi/ /bstan pa'i zam pa bcag
gis med/ /da ni mgo bregs nyams mi len/ /spyod 'chal smad pa

lus la 'chos/ /ngan g.yo can gyis thub pa yis/ /bstan pa'i tshong
dus bcom gyis med/ /da ni khro dang nga rgyal dang/ /rgyags chos
byed cing rnyed la zhen/ /sdig pa sna tshogs byed pa'i mis/ /chos
kyi gru bo bcag gis med/ /da ni thub pa'i bstan pa yang/ /cung
zad tsam zhig lus

par zad/ /thub pa'i bstan pa gang chen mtsho/ /ring por mi thogs
skam par 'gyur/ /seng ge'i sgra yi bstan pa ni/ /dus kyi 'khor
los rab bcom nas/ /myur ba nyid du 'jig par 'gyur/ /gang dag 'di
'dra'i dus bab tshe/ /bde 'dod rnams kyis phan pa'i don/ /de ni
legs

@116b par brtag pa'i rigs/ /dus kyi 'khor lo ngan byed pa/ /ma
rabs shes rab 'chal ba dang/ /tshul can dag dang sten mi shes/
/nyes pa bsten zhing tshul khrims spang/ /dben pas 'jigs shing 'du
'dzi 'dod/ /mi mkhas bslab nyes slob dpon nor/ /gdug rtsub nga
rgyal

brnyas nga che/ /ngan pa'i mi la yid rton pas/ /sangs rgyas bstan
pa ma rung byas/ /zhi zhing bde ba'i dus ni zad/ /gdug rtsub mi
bzad dus ni byung/ /shes rab can gyi mi rnams dang/ /dbang gyur
skye bo rnams ni zad/ /de lta'i dus rnams byung ba'i tshe/ /rang
gi yul 'khor gnas spangs te/ /

gzhan gyi ljongs su phyin nas su/ /der yang nags 'dab dben pa ru/
/smra ba bsnyungs te gnas par bya/ /dkar po'i chos rnams yid la
mi 'jog skye bo rnams la ni/ /mi chos phul du byung ba yid la
'jog pa nyid la ni/ /cung zhig dge bar 'gyur snyam nas ni 'di
rnams bris pa yin/ /dge bas

blun po ma lus grol zhing yun du gnas par shog /lugs kyi bstan
bcos skye bo gso ba'i thigs pa zhes bya ba/ /slob dpon klu sgrub
kyi zhal snga nas mdzad pa rdzogs so// //rgya gar gyi mkhan po
shI landra bo d+hi dang/ zhu chen gyi lo tsA ba ban de ye shes
sdes bsgyur ba'o// //

@##/ /rgya gar skad du/ gA thA ko Sha nA ma/ bod skad du/ tshigs
su bcad pa'i mdzod ces bya ba/ /'jam dpal gzhon nur gyur pa la
phyag 'tshal lo/ /gang zhig rnam pa thams cad du/ /yon tan kun
ldan skyon spangs shing/ /sa kun skyong ba gang yin la/ /de la
rtag tu phyag 'tshal lo/ /

yon tan skyon dang glo bur mnyam/ 'di nyid 'jig rten goms pa ste/
/ngang gis bya rgod dur khrod dang/ /ngang pa mtshor 'bab ji bzhin
no/ /'gro ba mi srun dus kun du/ /skye bo'i yon tan 'chab par
byed/ /rigs bzang po yi rin chen dag /kun gyi don du sba ba byed/
/sems can skyon dang 'dres

na yang/ /yon tan ldan pas yon tan blang/ /chu las 'o ma 'byed pa
yang/ /ngang pa las gzhan su yis shes/ /mi srun 'gro la 'tshe ba
dang/ /skyes mchog phan 'dogs ngoms pa med/ /mun pas sa steng
snang ba min/ /nyi mas rtag tu gsal bar byed/ /mi srun gzhan la

@117a @#/ /gnad gcod tshig /'phan mkhas de ni rigs smra min/ /'di
ltar dug ni gnod nus kyi/ /de ni phan par byed mi nus/ /skye bo
dam pa rab bsgrims te/ /gzhan gyi skyon sbed smad rigs mtshungs/
/'on kyang 'di gnyis khyad yod de/ /skyes mchog sbed kyi

smad rigs smra/ /g.yo spyod skye bos rab gtses na/ /lhag par des
pa dran par 'gyur/ /'jig rten nyi mas rab gdungs na/ /lhag par
zla ba mngon par 'dod/ /ngan pa pha rol 'byed brtson ltar/ /skye
bo dam pa sdum de bzhin/ /khab kyis rim gyis phug pa yi/ /bu ga
skud pas

'gog par byed/ /pha rol gtses mthong ngan pa dag /dga' bar 'gyur
gyi stod rigs min/ /lcags las byas pa'i mtshon cha dag /phal cher
g.yul ngor spyod pa bzhin/ /skye bo ngan pas smad par shes/ /skye
bo dam pas legs bsngags shes/ /dgun gyi dus na skam par byed/
/dpyid nyin

nags tshal kha yang 'bu/ /snod dag lhag par 'dug pa yang/ /'tshe
khengs rtsub pa'i rang bzhin gyi/ /dus na bdag nyid chen po pas/
/spyi rtol can dag phal cher bkur/ /dam pa sdig pa chung yang
spong/ /ngan pa rnams ni che yang min/ /mig ni rdul yang 'dzem
par byed/ /lag pa

me lcer reg par byed/ /smad rigs go 'phang bstod drags dang/
/gzhung ngan phan btags mi sems te/ /gyen du mi gtsang zas gtor
na/ /thog mar mgo la 'bab par 'gyur/ /rigs shing 'os pa'i 'gron
po la/ /dpyang thag bcad pa 'byung 'gyur gyi/ /thang skyed bzang
po ma yin te/ /

mi srun pa yi skra sen bzhin/ /mchog las mchog dag skye ba dang/
/dman las dman skyed de rigs te phug la brten nas mun pa dang/
/thang la zla zer 'bab par byed/ /ngan pa ji ltar 'phang mtho
yang/ /rigs ldan rgud pas zil gyis gnon/ /rigs ldan nor bu nyams
mdun

du; /bcos ma'i nor bus gzi ma byin/ /yon tan ldan pa'i grags pa
dag /phyogs bcur grags pas sgra grags tshul/ /g.ya' dang ldan pa'i
me long gis/ /gzugs brnyan byung la dga' ba med/ /nyi ma rgya
mtshor nub pa dang/ /zla ba bri yang gzhan mi 'gyur/ /yon tan

@117b ldan pa rgud gyur kyang/ /nam du'ang che ba nyid mi nyams/
/tshe dang lang tsho dag dang ni/ /me lce'i rtse dang chu rgyun
gyi/ /'das pa phyir ni ldog pa med/ /mi srun go 'phang de bzhin
no/ /mi rigs zhen pa'i mi srun dag /rigs pa'i gzhi la gnas pa
med/ /rul pa'i ro la za bas kyang/ /tsan dan sdong

po spong par byed/ /ngan pa bdag bstod rang bzhin gyi/ /lhan cig
skyes pa 'dor mi srid/ /zla ba tshes na nges par ni/ /dbang phyug
chen po'i spyi bor thogs/ /phal pa dag ni rlung bzhin du/ /gzhan
gyi dri yi rjes su 'brang/ /skyes bu dam pa nyi zer bzhin/ /skyon
gyis rtag tu gos pa

med/ /khrims ldan gzhan la gnod spangs pa/ /rnam shes spangs
kyang dga' bar byed/ /rgyud dang bral ba'i dbang po'i gzhu/ /sa
dang nam mkha'i rgyan du 'gyur/ /mi srun gang zhig che bdag gang/
/rigs ldan des gang rgud pa gang/ /'byor pa mi 'dra byed pa 'di/
/rang bzhin

blun po cis mi gdung/ /bdag nyid chen pos smad rigs dag /yongs
bzung shin tu skyed kyang 'byung/ /bzo bo mkhas pas shel sbram
yang/ /tshon gyis bsgyur na nor bur snang/ /kha cig smra ba lhur
len te/ /kha cig mi smra don yang sgrub/ /'dam bu'i me tog 'bras
bu med/ /star

ka'i 'bras bu me tog med/ /yon tan drang bas mi chog ste/ /skye
bo'i gya gyu skyon min no/ /mda' drang bas ni gsod par byed/
/phub ni 'khyog ste lus kyang srung/ /shin tu gtum yang drang ba
bdam/ /ngan g.yo phub me rtswas g.yogs min/ /so ga'i sprin med
nyi ma bas/ /sprin

gyis mi gsal shin tu sreg /dpal 'go na ni blun po yang/ /shes rig
gsal ba'i skyes bur 'gyur/ /lang tshos rgyags pa'i 'dod ldan dag
/'jo ba sgeg pa ston par byed/ /zhi ba yi ni lus can las/ /'jigs
pa mi 'byung nges med de/ /mar me'i rtse mo dkar ba las/ /dud

pa nag po cis mi 'byung/ /'jigs 'byung gcig tu ma nges te/ /'jigs
byed chen po zhig pa'i gzugs/ /zhi ba'i ched du cis mi 'gyur/
/yon tan chu yis mi mdza' ba'i/ /'gro ba'i me 'jil skyon phub
min/ /snang ba kho nas mun pa ni/ /sel 'gyur min nam mun pas

@118a @#/ /min/ /blun pas don 'grub gang yin pa/ /de ni bya rog ta
lar mtshungs/ /srin bus shing dag zos pa'i rjes/ /stes dbang yi ge
snang ba bzhin/ /skye bo yon tan ldan pa dag /mkho ba'i sgo nas
phal cher nyams/ /ne tso tshig gsal smra ba yang/ /gzeb gyi spyil
bus

srung bar 'gyur/ /gdul bar bla ba'i dgra dag kyang/ /sems can
ches bsten gdul bar dka'/ /chu thigs mtsho nang lhung ba dag /nyi
mas skems par mi nus so/ /bdag nyid brtsams pa mthar phyin
pa'ang/ /yang na ma brtsams rtsom mi byed/ /gang du thog bab
'joms byed cing/ /yang na

'bab par mi byed de/ /rtogs par bla yang blun pos ni/ /yon tan
skyon dag 'byed mi nus/ /skye bo mig ni long ba la/ /snang ba
dang ni mun par mtshungs/ /'gro ba gnod las snod smad de/ /rtag tu
ro gcig 'bab pa'i char/ /sprul khar bab na dug tu 'gyur/ /nya
phyis khar bab mu tig

'gyur/ /blun po phal cher thub chod byed/ /mkhas pa de lta ma yin
no/ /chu nang zla ba'i gzugs brnyan ni/ /byis pa las gzhan su
zhig 'dzin/ /cung zad mi mthun byas pa'i rgyus/ /sems yang ba dag
lhag par khro/ /rlung gis bdas pa'i rdul phran yang/ /shin tu
thag ring

'thul bar byed/ /yon tan can la mi srun dag /thibs non brnyas
thabs sna tshogs byed/ /rtswa shing chu bo'i steng na 'phyo/ /rin
po che dag ma yin no/ /blo dang ldan pas rgud pa las/ /bslang bar
nus kyi phal bas min/ /sha ra b+ha yis dbugs rdubs pas/ /khron
pa'i chu ni

'thung bar byed/ /yun ring 'dris pa'i yon tan la/ /lus can dag ni
skyo ba skye/ /shin tu ngo mas par chu 'thungs nas/ /de nyid
yongs su spong bar byed/ /thabs dang bral bar byed pa na/ /dam
pas kyang ni don mi 'grub/ /gzhu ni log par 'gengs pa'i mis/
/mda' drang

'bem la phog mi 'gyur/ /mi dag go 'phang mtho rnyed na/ /phal
cher de na rmongs par 'gyur/ /ri rtse mtho la 'dug pas kyang/
/gshong yang thad dang 'dra bar mthong/ /kha cig yon tan med
'khor na'ang/ /dam pa 'khor ba spong mi byed/ /zla dkyil la brten
ra ri yi/ /lhan

@118b cig skye zhing 'grib pa bzhin/ /bdag nyid chel rgud dus
su'ang/ /lhag par mthu rtsal tha mal min/ /a ka ru ni mer bsregs
na/ /dri zhim tha mal de lta min/ /bdag nyid che la skyon phra
yang/ /bsal gyi phal la de lta min/ /ji ltar zla ba nya ba la/
/ra ri mngon gyi tshes la min/ /mthu yis

phongs pa'i phal pa dag /gzhan la rtsol zhing 'gro ba'i tshe/
/rang gcod mi nus bdar rdos kyang/ /sta re rnon por bdar bar
byed/ /skye bo gcam pa pha rol gyi/ /thag ring skyon lta rang gi
min/ /mig gis rang gi skyon mi mthong/ /zla ba'i ra ri rtogs par
byed/ /skye ba med cing rin chen

dang; /sel med brtan la dbye dga' ba'i/ /nor bu 'bar 'dra'i dam
pa dag /phran tshegs tsam gyis 'gyur ba med/ /gnyug thung rang
bzhin yang ba dang/ /mgu dka' khrel med khong rtsub pa'i/ /ngan
pas mdza' bshes yid gcod byed/ /mkha' la me ni rlung gis sbor/ /

phan byed sa bon dam pa'i sar/ /btab 'khrungs mi srun tsha sgor
min/ /til mar thigs pa chung dus kyang/ /chu la snyoms kyi bye
mas min/ /blo ldan dgra srog nyid 'joms kyi/ /mi mkhas pa ni yan
lag go/ /seng ge khros nas mi gsod kyi/ /khyi khros nas ni rdo la
snyegs/ /

'byor ba phan rtse gang dag gis/ /sems yang ba dag drod mi thub/
/pa rgyas sbrang bu 'dzin byed kyi/ /ma tang kA yis glang po
min/ /mang pos reg par mi bzod pa'i/ /zer ldan bkra shis zla ba
yang/ /skyon gyi rdul gcig bskyed pa na/ /yon tan brgya ldan
mtshungs par byed/ /

ngan pa 'tsho ba tshul 'chos pas/ /glags rnyed gzhan la 'tshe bar
byed/ /lag 'gro zas su rlung za yang/ /pha rol 'tshe ba mi gtong
ngo/ /mi srun mi yis ngan pa dag /skyon btags rab tu 'tshe rab
byed/ /pa yis mkha' la rgya btsugs nas/ /sbrang bu bzung zhing
gsod par byed/ /yul gyi

dug gis grong ba'i yid/ /rang bzhin ngan pa cis mi byed/ /sha rul
dri mi zhim pa dag /khyi ltogs kyis de cis mi len/ /skye bo dam
pa g.yo med la/ /ngan pa lhag par 'tshe bar byed/ /padmas gnod pa
ma byas par/ /ba mos rtag tu skems par byed/ /mi srun pa dag mi
srun

@119a @#/ /pas/ /'dul 'gyur skye bo dam pas min/ /mdze yi nad dang
mthun pa'i sman/ /a ri ta yi shing bsten no/ /ngan g.yo can dag
dang por ni/ /yon tan ldan pa'i che ba 'gog /bud med kyi ni nu
rgyas la/ /dga' ba dang por de la 'bab/ /blun po lhag par srid

mtho yang/ /blo ldan dbul pos zil gyis gnon/ /mkha' las char pa
bab pa yis/ /rdul phran ldang bzhi bar byed/ /blo ldan rab tu
nyam thag kyang/ /brnyas thabs bsres pa'i nor mi len/ /khu rta
dag ni sa stengs kyi/ /mtsho chu'ang 'thung bar mi byed do/ /bdag
nyid chen po dar ba

dang; /rgyud pa na yang sems snyoms 'gyur/ /nyi ma'i dkyil 'khor
'char ba dang/ /nub pa na yang 'gyur ba med/ /nyin re 'bri ba'i
sdug bsngal dag /zla des lta bur bzod par nus/ /nyi ma lta bu'i
btsan po yang/ /nub 'dod bri ba spos pa med/ /rang nyid nyam thag
ma byung bar/ /de srid

mi dang 'grogs byed de/ /glad par gnam lcags bab pa ste/ /su zhig
gis ni bskyab par nus/ /yon tan ldan pa gzhan phan pa/ /mi byed
phal dang khyad ci yod/ /nyi ma mun bsal mi byed na/ /de ni mun
las khyad par med/ /'ga' zhig dga' bsdoms mthu yod kyi/ /gcig pos
kun

'grub yod pa min/ /rdo rjes pha bong 'bigs byed kyang/ /de nyid
rwa rus gcod par byed/ /'dab gshog rdzogs kyang 'gro 'dod pa'i/
/'bad rtsol gyis 'phangs thag ring 'phur/ /'phangs pa'i shugs zad
mda' dag kyang/ /rang nyid ltung bar byed pa bzhin/ /longs spyod
bdog

kyang 'jungs pa dag /rang gi las kyis spyod dbang med/ /rgun gyi
'bras bu smin pa'i tshe/ /khwa la mchu nad 'ong zhes grags/ /shes
rab ldan pas rdzas bzang po/ /mthong na mod la bye brag phye/
/lag pa'i tshod la rab goms pas/ /srang tshad rnams ni shes par
byed/ /sdig pas

spags pa'i rang bzhin las/ /dka' bas yid ni dag 'gyur te/ /ngang
gis dri ma can gyi gos/ /rab tu 'bad pas dkar por 'gyur/ /g.yon
can gus pa ston pa ni/ /dgos pa'i ched yin gus pas min/ /smad
'tshong skyes pa dga' byed pa/ /'drid pa'i ched yin dga' bas

@119b min/ /spu dang myu gu sgong skyes me/ /dug dre'u shing srin
rma 'bu dang/ /rang bzhin khrel med mi dag ni/ /rang rten mi
phung mi gtong ngo/ /yon tan ldan la phyug po dkon/ /phyug po
phal cher yon tan med/ /me tog rna rgyan rab mdzes kyang/ /li
shi'i me tog dri rab zhim/ /rang bzhin

mi brtan lhag par g.yo/ /gzung dka' bcos dka' skyon ldan pa'i/
/dngul chu lta bu'i sbyor ba yis/ /ma bsdams dam pa gang la
'grub/ /mthon dregs par mi byed de/ /rgud na'ang yi chad mi
bya'o/ /nyi mas mun pa gsal mod kyi/ /nyi ma shar ba nub par
'gyur/ /rku la'i ri

brtan rab che yang/ /mi gzhol skyon gyis spangs nas ni/ /chu
rnams rgya mtshor 'bab pa yang/ /bdag nyid rim gyis gzhol ba ltos/
/cho rigs yon tan ldan na yang/ /rang bzhin mi srun bshes mi bya/
/me mched gyur na ma la ya'i/ /tsan dan gyis kyang sreg par byed/
/smad

rigs gzengs mthos thog mar ni/ /rje dpon khyad du gsod par byed/
/sa rdul gyen du 'thor ba yang/ /'thor byed nyid la thog mar
'bab/ /gang gis blun po nyam thag pas/ /bgrod dka' shes rab ldan
pas rgal/ /lcags gong chu nang bying ba dag /de nyid snod byas
steng na

'phyo/ /phung khrol rang nyams 'jungs nor dang/ /dman pa gson por
gyur pa dang/ /bya rog yun ring 'tsho ba dag /gnod par 'gyur gyis
phan pa med/ /dam pa snying rje'i gzi ldan pa/ /'gro ba kun la
gnyen par byed/ /'jig rten phar phyin nyi ma'i zer/ /mthon po'i

gnas nas sa la 'bab/ /smad rigs phal cher dman rnams la/ /rngan
can byed kyi mi mchog min/ /til mar chu nang khyab byed la/ /mar
gsar bcug na 'khyag par byed/ /skye bo dam pa rab khros kyang/
/thabs kyis gnyen 'gyur dmu rgod min/ /chab rom sra yang bzhu ba

yin/ /thabs yod rtswa 'jam ma yin no/ /smad rigs dag ni phan byed
na'ang/ /ya rabs la gnod khros ci smos/ /gshin rje 'dzum na'ang
'chi 'gyur na/ /rab tu khros na smos ci dgos/ /dam pa yon tan
ston byed de/ /skye bo ngan pa skyon nyid bstan/ /nor bu rin

@120a @#/ /chen rang bzhin lci/ /sha sha'i shing bal rang bzhin
yang/ /'gro ba shin tu grangs med kyang/ /sems can yon tan ldan
pa dkon/ /yul ljongs dpag tu med mod kyi/ /rin po che dag 'byung
ba dkon/ /rgyu spun mang po bsdoms pa bzhin/ /skye bo

ngan bsdongs gzhig par dka'/ /bye'u dus gcig 'phur ba yis/ /nyi
ma'i ngos ni khebs par byed/ /dman las yon tan ldan pa 'byung/
/dam pa las kyang ngan pa 'byung/ /'dam gyi nang nas padma
'byung/ /padma las kyang srin bu 'byung/ /rgyal po mi srun gces
byed

las; /yon tan ldan pa'i go 'phang min/ /khang pa sprul gdug can
dag tu/ /sgron ma legs par gsal mi 'gyur/ /bdag nyid chen po
nyams pa la/ /chen po min pas mi bkur ro/ /zla ba'i shas tsam lus
pa yang/ /drag po nyid kyis spyi la bkur/ /gnod pa byed na

phan 'dogs dang/ /dpon byed dang che nyam thag bsten/ /phongs
kyang sbyin gtong sems yod pa/ /bdag nyid chen po che ba'i rtags/
/ya rabs dag gi ngar can tshig /tsang shu'i khu bas za 'jil bzhin/
/ngan g.yo tshig snyan rgya shug gi /'bras bu mngar yang 'khru bar
byed/ /

phan btags drin bgrang mi byed dang/ /dman la dad chen ma bslangs
ster/ /bya ba 'dum byed yon tan can/ /brgya yi nang na 'ga' 'gar
shes/ /gang zhig chad pas gcod nus pa/ /de nyid phan par byed
kyang nus/ /nyi mas skems byed char nyid kyang/ /'bebs par byed
kyi

zla bas min/ /don gnyis mi mthong byis pas min/ /mkhas pa des
kyang ci zhig bya/ /long pa gnyis te dmus long dang/ /rig pa med
pa'i long ba'o/ /bstan bcos brtson byas phan med na/ /don med
brtson pa bya zhes bya/ /sbyor ba med par nad zhin/ /bcud kyis
len sogs

don med do/ /smra ba smra zhing bag 'khums min/ /btsan tshig ma
yin ran na mdzes/ /ran par 'jal ba'i srang mda' ni/ /mtho ba ma
yin dma' ba'ang min/ /rang bzhin mi srun phal cher ni/ /ma bsdigs
phan pa mi byed de/ /smad 'tshang mi yi rdog pa yis/ /mya ngan
'tshang bsnun me

@120b tog ltar/ /ngan pa legs kyang legs pa gang/ /mthong na de
ni de las blangs/ /yon tan ldan pa'i rin chen yang/ /ngan la nam
yang 'byung ba med/ /'jig rten rjes su 'gro 'dod pas/ /'tsho chos
thams cad shes par bya/ /mkha' 'gro ma yi dam tshig dag /mi shes
gnad rnams

shes pa med/ /'gro ba'i nang na 'di gnyis bde/ /'di gnyis rag las
med pa ste/ /'dod pa thams cad spangs pa dang/ /'dod dgu phun sum
tshogs pa'o/ /che bdag bskal bsgrub spyod pa yang/ /ngan pas thang
cig chud gson byed/ /chu yis rim bsgrubs lo tog kyang/ /skad

cig gis ni mes sreg byed/ /skye bo blun khrod g.yon can gyi/
/gong 'phang mchog thob che bdag min/ /rab rib stug por skar ma
ltar/ /nyi ma nam yang gsla mi 'gyur/ /rang bzhin rnam dag bsod
nams ldan/ /btsun mo'i 'khor na'ang sems zhi yi/ /dgon pa zhi
ba'i nags

dag gi /stag dag zhi ba ma yin no/ /mi srun 'dris byas phung
'gyur zhes/ /mi dag zer ba de re bden/ /sprul gdug dang ni rtse
ba'i dus/ /bde legs zhig tu ga la 'gyur/ /rang bzhin shin tu ma
dag pa'i/ /skye bo ngan pa'i sdom pa yang/ /rngon pa dur smrig
gos bgos

pas/ /ri dags 'dris nas gsod pa bzhin/ /blo ldan kun du thog mar
ni/ /'dul ba'i ched du spungs bskyed de/ /gser ni sbyang ba ma
byas par/ /las su rung bar i 'gyur ro/ /slong la byin pas phug po
ni/ /chos dang grags 'byung slong ba min/ /de bzhin phyugs la

bkur sti 'byung/ /slong la min pas slong ba kun/ /ngan g.yo tshig
snyan smra ba dag /spyod pa spu gri bzhin du byed/ /lag 'gro la
sogs bya ba gzhan/ /sgra snyan rma bya'ang bya ba bzhin/ /blun po
blo ldan gsal ba yis/ /bla 'og gi ni don mi nyams/ /mig ldan lam
du

zhugs pa ni/ /gom pa chud zos mi 'gyur ro/ /dbang phyug yon tan
ma dad gang/ /blun nam 'on te brnyas las 'gyur/ /mu tig mi shes
long ba yis/ /gces par ma brtsis ci zhig 'gyur/ /rgyal po'i byin
dang blon po'i mthus/ /thabs kyis 'grub par 'gyur

@121a @#/ /ba ni/ /chad pa dam por bsdams pa'i mthus/ /ral gri'i
gzas pa chad par 'gyur/ /gzhung lugs rnams la byang byas kyang/
/nyams su len par mi byed na/ /lag pa na ni sgron yod kyang/
/long bas lam ni mi mthong bzhin/ /kun la phyogs

su ma lhung zhing/ /lhag par byams sdang mi bya'o/ /ro gcig zas
kyi spyod pa ni/ /nad mi 'gyur zhes smra ba yin/ /kun du dbus na
gnas pa ni/ /mkhas pa rnams kyis bsngags pa yin/ /nyi ma 'char
tshe che ba ste/ /nam mkha'i dkyil phyin ran par 'gyur/ /bud

med che bdag nyid kyang spang/ /rgyal po'i 'byor ba smad 'tshong
bzhin/ /'khor yug gnas pa'i sa nyid kyang/ /gdengs can cha shas
g.yo bar byed/ /de ltar 'byor pa 'gas rnyed ltar/ /mkhas pa'i yon
tan mkhas pas shes/ /grong na skyon can lam log spyod/ /

rtswa bzhin du ni rab tu mang/ /legs pa ma mthong bdag nyid
che'i/ /yon tan yod kyang yid mi ches/ /rgya mtsho'i chu ni rgya
cha zhes/ /khron pa'i rus sbal sus yid ches/ /sgrub pa sna tshogs
sgo nas ni/ /la la ngan dgos che bdag min/ /'khar ba las ni byas
pa yi/ /me long

sten gyi gser gyi min/ /dam pa gzhan gyis phye na yang/ /rang gi
yon tan gyis 'dum byed/ /mi srun lcags gyong 'dra ba ni/ /'byed
par nus kyis 'dum mi nus/ /bdag nyid ngan pa ma rig pa/ /rig pa'i
lam la'ang rmongs pa skye/ /sgron mas phyung ba'i snang ba

la; /mkha' la rgyu ba log par rgyu/ /ji ltar nongs skyon med pa'i
tshig /drag po'i skyon gyis 'gyur ba ltar/ /gnod byed de ltar ma
yin te/ /sreg pa'i gnod 'gyur chu skyar min/ /bdag nyid chen po'i
'byor ba gang/ /de las rim gyis rgud pa 'byung/ /nyi mas

yun ring bskyangs nas ni/ /dus kyi mtha' mar 'gro sreg byed/
/'byor ba rang bzhin mi brtan pa'ang/ /sems can che la brtan par
'gyur/ /dngul chus byer ba sbyor ba yis/ /phan tshun 'byed bsdu
cis mi nus/ /ngan g.yo'i 'jam tshig rnon po yis/ /ji ltar snying

@121b la gdung byed pa/ /de ltar ral gri rnon po dang/ /rlung chu
de bzhin mes mi byed/ /nyams par gyur na sems can dag /spyod pa
log par byed par 'gyur/ /rmi lam na ni 'od med pa'i/ /nyi ma
mthong na 'chi bar 'gyur/ /gzhan la gnod pas yid gdungs ltar/
/rang la gnod pas de lta

min; /rang la gnod na mi g.yo ba'i/ /sa ni gzhan la gnod pas
g.yo/ /mkhas pas 'di ni gnyen gdug ce'am/ /dbang phyug shes rab
bdag mi dbab/ /rlung gis me yang gtor mod kyi/ /sgron ma 'bar
ba'ang gsod par byed/ /gtum po 'dis ni phan btags zhe'am/ /'phang
zhes

su yi ngor mi blta/ /me mched gyur na sbyin sreg mkhan/ /yo byad
bcas te tshig par 'gyur/ /srog la bab kyang blo ldan nyid/ /ngang
gtsang yon tan 'dor mi byed/ /dung ni me yis bsregs na yang/
/rang bzhin dkar ba mi 'dor ro/ /khrel med bya ba bya ba min/
/spyod pas nam yang chog pa med/ /

mya ngam lam du zhugs pa dag /chu gtsang mi gtsang su zhig rtog
/ngang gis rab bsgrims bya ba las/ /de las lhag par la bzlar med/
/bde bar shing rtser 'dzegs pas kyang/ /de las brtsal na ltung
bar 'gyur/ /phal cher 'gro mang pha rol las/ /skyon 'byung smra
rigs rang las min/ /

bud shing dang ni me gnyis la/ /brten nas mes ni sreg par 'gyur/
/thos pa mang bas nga rgyal dang/ /phyug khengs gzugs mdzes
rgyags pa dang/ /rgya mtsho la ni bul tog chu/ /gshin rje'i rtsed
mo phyin ci log /bkren pa 'di bas bdag 'byor bas/ /bdag la mi
phod de mi bsam/ /mi

g.yo rin chen rtse mo yang/ /cig rdo rjes mi 'bigs sam/ /nor gyi
bdag po srung mkhas kyang/ /nang byad shin tu bsrung bar dka'/
/nya dag rgya mtsho'i chu 'thung yang/ /'thung ngo bar ni mthong
ba med/ /sbyin pas phyug po nyid rnyed de nas/ /phongs la sbyin
par mi byed pa'i/ /khrel med

gang yin de la ni/ /khros pas lhag par phyir mi ster/ /ji srid
dam pa mi brtson pa/ /de srid nyes pa stobs ldan 'gyur/ /brtson
pas nyon mongs sngar ma la/ /blo ldan skrag par mi bya ste/ /nyon
mongs bag chags ngi ma ni/ /shes rab mes sreg ting 'dzin chus/
/rdo

@122a @#/ /thal rdo bsregs chus gtor na/ /dum bu brgyar 'gyes
bzhin du bya/ /bdag nyid chen pos bsten pa'i lam/ /gzhan dag goms
par byed pa yis/ /ci nas 'di la dga' lta'i phyir/ /'di ni goms
nas smras pa yin/ /de ltar 'gro ba nyes pa sna

tshogs mes/ /dge legs sa bon myu gu bskyed bsregs pas/ /ji srid
srid gsum za phod 'chi bdag ni/ /gnam lcags 'babs la grags pa'i
tshogs skyed shog /tshigs su bcad pa'i mdzod ces bya ba/ /slob dpon
nyi ma sbas pas mdzad pa rdzogs so// //za hor gyi

mkhan po dznyA na shAn ti dang/ bod kyi lo tsA ba dpal gyi
lhun po'i sdes bsgyur cing zhus te gtan la phab pa// @##/ /rgya gar
skad du/ sha ta gA thA/ bod skad du/ tshigs su bcad pa brgya pa/
dkon mchog gsum la phyag 'tshal lo/ /rig pa gzhon

pa'i dus na slob/ /ba ni rgyun gyi dus su gsos/ /zhing ni ser
dang ldan la rmos/ /'di gsum 'bras bu smin pa'i rgyu/ /mkhas pas
rig pa rnam kun du/ /lang tsho yol kyang bslab bya ste/ /gal te
'dir 'bras ma smin yang/ /skye ba gzhan du rnyed par sla/ /yon
tan dag la

'bad bya yi/ /'gying tshul bstan pas ci zhig bya/ /'o ma med pa'i
ba dag ni/ /dril bu btags kyang nyor mi 'gyur/ /yon tan ldan pa
yon tan la dga' zhing/ /yon tan med pa yon tan la mi dga'/ /nags
kyi bung ba mtsho yi padmar dga'/ /sbal ba lhan cig gnas

kyang de lta min/ /yon tan ldan la phyug po dkon/ /phyug po la
yang yon tan dkon/ /yul ljings dpag tu med mod kyi/ /rin po che
dag skye ba dkon/ /'gro ba dpag tu med mod kyi/ /pha ma rnyed pa
shin tu dkon/ /dam pa ring na gnas gyur kyang/ /pho nya yon tan
nyid byed de/ /

ke ta ka yi dri yis ni/ /bung ba rang bzhin 'ong ba bzhin/ /rgyal
po yon tan ldan pa gnyis/ /mnyam zhing 'dra ba ma yin te/ /rgyal
po rang gi yul na 'khur/ /yon tan ldan pa kun du 'khur/ /dus ni
yun thung rig pa'i rnam pa mang/ /gang zhig gces pa de ni bsten
par

@122b gyis/ /yul ni shin tu dus ring gnas kyang nges pa kho nar
'gro bar 'gyur/ /'bral la khyad par gcig zhig yod na 'gro ba rang
nyid spong mi byed/ /dbang med 'bral las yid la yongs su gdung ba
mtha' yas skyed par byed/ /'di dag rang gis spangs na zhi ba'i
bde ba mtha' yas 'byung

bar 'gyur/ /dam pa min dang lhan cig gnas gyur kyang/ /chu dang
padma bzhin du 'dres mi 'gyur/ /dam pa thag ring dag na gnas gyur
kyang/ /zla ba ku mu da ltar dga' bar byed/ /'du 'dzi kun du
spang bar bya/ /dam pa dag dang 'grogs par brtson/ /nad kyis 'jig
pa med pa ni/ /

nyin gcig lo brgya bas kyang mchog /'dod pa kun du spang bar bya/
/gal te de spong ma nus na/ /thar pa dag la 'dod par gyis/ /de
nyid de yi sman yin no/ /skar mchen po mang du shar gyur cing/
/sa yi rgyan gyur zla ba shar na yang/ /gang tshe nyi ma nub na
mtshan mor 'gyur/ /nyi ma ma

gtogs shar nub phyogs mi phyed/ /gang zhig shar bar gyur na yang/
/nyi ma med na gzi can med/ /nyi ma shar ba mchog yin gyi/ /gzhan
dag shar ba ci zhig dgos/ /me tog gi ni mgo lcogs bzhin/ /dam
pa'i 'gro ba gnyis yin te/ /'jig rten kun gyi spyi bkur ba'am/
/nags

nyid du ni dengs par bya/ /mi srun skye bo khungs nas byung ba
yi/ /tshig ngan sprul gyis skye bo dam pa zin/ /sprul de bzhi bar
byed pa'i gnyen por yang/ /shes rab bzod pa'i smad dag bsten par
bya/ /brtan rnams sdug bsngal myong gyur kyang/ /yid ni zhum par
mi byed de/ /zla ba sgra

gcan khar zhugs nas/ /'char bar cig mi byed dam/ /sems can rnams
la gang gi sems/ /snying rjes brlan par gyur pa dag /thar dang ye
shes de yin gyi/ /ral pa thal ba chos gos min/ /nags sreg pa yi
me la ni/ /rlung langs grogs su 'gyur ba yin/ /de nyid

med par gsod byed pa'i/ /nyam chung ba la bshes yod min/ /gzhan
gyis gzhan du bsgrags nas ni/ /med pa'ang yon tan can du 'gyur/
/rang nyid yon tan smra byed na/ /brgya byin yin yang btsun mi
'gyur/ /gang zhig rigs ldan khengs pa dang/ /nor yod ser sna ldan

@123a @#/ /pa dag /de ni lha yis smod 'dor te/ /chu las me ni
byung dang mtshungs/ /gang zhig yid dang rjes mthun pa/ /ring na
gnas kyang nye ba yin/ /gang zhig yid dang mi mthun pa/ /gam na
gnas kyang ring pa yin/ /gzhan gyi 'byor ba dam pa mthong nas

ni; /gang zhig sems 'khrugs pa ni skye 'gyur ba/ /don de cung zad
rnyed par mi 'gyur gyi/ /'gro des rang gi bsod nams 'joms par
byed/ /chags pa dang 'dra'i dri ma 'gro na med/ /phrag dog dang
'dra'i gnod pa gzhan yod min/ /slong ba dang 'dra'i mdza' bo yod
min te/ /

gtong ba dang mnyam gnyen ni 'gro na med/ /bkres pa dang 'dra'i
lus kyi zug gzer med/ /sems las dang mtshungs lus kyi skem byed
med/ /yon tan lta bu'i rgyan ni yod min la/ /bzod pa dang mnyam
lus kyi go cha med/ /skye bo ser sna can la nor yod ci zhig bya/
/g.yo

sgyu phrag dog can gyi bshes kyis ci zhig bya/ /pha rol gnod byed
yon tan mang ldan ci zhig bya/ /phongs dus rgyab kyis phyogs pa'i
mdza' bos ci zhig bya/ /rnam pa kun du rang phan spyad bya yi/
/'khor mang nang du smras pas ci zhig bya/ /skye bo thams cad
yongs su mgu

'gyur ba/ /de 'dra'i thabs ni gang na'ang yod ma yin/ /gnas skabs
dang ni mthun par bya/ /bden dang bstun dang byams sdang dang/
/bdag gzhan dus dang sbyar nas spyod/ /gang yin de shes mdzangs
pa yin/ /ji srid 'tshe ba bsad kyang ni/ /dgra bo zad par mi 'gyur
gyi/ /

rang gi khro ba nyid bsad na/ /des ni dgra rnams kun bsad yin/
/mi srun skye bo gdul bar bya/ /yon tan can dag kun du bkur/
/drang po'i spyod pas dkor mdzod dgang/ /rang gi yul 'khor
bskyang bar bya/ /ji srid las ni mthong ba dang/ /ji srid rkang
pa brtan pa dang/ /ji

srid shes rab ma nyams pa/ /de srid rang gi phan pa gyis/ /rgyal
po byi bo byed pa dang/ /de yi blon po mi mkhas pas/ /nor bsags
pa lta ga la ste/ /'bad pa chen pos srog srungs shig /gang na
zhal ta byed pa mang/ /kun kyang mkhas par nga rgyal che/ /thams
cad gtso

@123b po byed 'dod pa/ /de yi tshogs ni 'jig par 'gyur/ /gang na
byi bas mdzod pa byed/ /byi las mar ni srung ba dang/ /bya rog
phyag tshang byed pa yi/ /de yi dngos de smos ci dgos/ /kun dga'
ra ba'i phreng rgyud bzhin/ /me tog rgyas pa btu bya yi/ /ji ltar
sol ba mkhan bzhin du/ /

rtsa nas gcad par mi bya'o/ /grog mkhar sa dang sbrang rtsi dang/
/zla ba tshes pa yar gyi ngo/ /rgyal po'i nor dang sprang bo'i
nor/ /cung zad cung zad bsags pas 'phel/ /ti tir ni zil pa yi/
/thigs pa tsam gyis srog 'dzin byed/ /bslangs pas thob par mi
'gyur na/ /brgya

byin la yang mi slong ngo/ /rma bya so ga'i tsha bas gdungs kyang
ni/ /mkha' dkyil char gyi rgyun la re bla yi/ /rdzid bu rnyog ma
can gyi chu dman la/ /dregs pas bstod pa'i mgrin pa ma gdud cig
/stobs ldan seng ge ri dags sha khrag za 'thung yang/ /lo gcig
khyud kor la ni 'khrig

pa lan cig sbyod/ /bong bu rdul tsam za ba'ang 'dod pa rtag tu
spyod/ /de gnyis gang gi rgyus bskyed khyed kyis nga la smros/
/nags kyi glang po rtswa lo za yang stobs dang ldan/ /sprul ni
zas su rlung zar gyur kyang spegs pa med/ /drang srong rtsa ba
'bras bu tsam gyis dus 'da' byed/ /de bas

khrel 'dzem chog shes kho nar 'byor ba'i mchog /gang zhig yi ge
mchog gis brgyan pa'i kha ni gang yin pa/ /de ni yid 'ong padma
rab gsar rgyas pa lta bur mdzes/ /yi ge med par gyur ba'i kha ni
gang yin pa/ /de ni kha min sa yi bu ga dag dang mtshungs/ /bong
du phyugs

la nor bu mu tig ci/ /dud 'gro phag la kha zas zhim po ci/ /long
la snang dang 'on pa dag la glu/ /glen pa dag la chos kyis ci
zhig bya/ /ka tan tra zhes sgra mkhan dang/ /gces sgrub shes pa'i
sman pa dang/ /dbyig pa thog pa'i ral ka bas/ /de gsum 'jig rten
bzhad gad

sa'o/ /bdag la byin zer dman pa'i tshig /mi sbyin zer ba dman pas
dman/ /'di khyer zer ba mchog gi tshig /mi khyer zer ba de bas
mchog /gnod spangs phan pa bsten pa yi/ /sbyor ba gang yang rung
ba yis/ /lus ni shin tu bsrung bya yi/ /nor la sred pas ci

@124a @#/ /zhig bya/ /'byor pa yod kyang gtong med na/ /nye bar
'tsho bas ci zhig bya/ /kiM shu ka yi 'bras bu ni/ /chags kyang
kha bas ci byar yod/ /'dod pas gdungs la khrel med ngo tsha med/
/bkres pas gdungs na stobs med mdangs kyang med/ /nad

kyis gdungs na gnyid med bde ba med/ /lam gyis dub na 'jigs dang
brtson pa med/ /grogs po nor la brkam pa spang/ /chung ma log
g.yem che ba spang/ /rgyal po chos min spyod pa spang/ /blon po
rab gtum dbyen smra spang/ /yul ngan 'tsho ba ngan pa spang/
/bshes

gnyen ngan pa spang bar bya/ /bkur dga' gso dpyad mi mkhas pa/
/de lta bu yi sman pa spang/ /phan dang mi phan dpyod pa'i blo
med cing/ /thos dang bsam dang bsgom pa rnam spangs te/ /lto ba
'gengs pa tsam zhig gtsor 'dzin pa/ /skyes bu de blo phyugs dang
khyad ci yod/ /

chu yis bum pa phyed bkang ba/ /rab tu 'bad pas bzung byas te/
/spyi bor bdag gis khur ba bzhin/ /skye bo ngan pa bkur na khro/
/rang bzhin ngan pa'i mi rnams dang/ /srang gi mtshan nyid shin tu
mtshungs/ /cung zad tsam gyis mtho 'gyur la/ /cung zad tsam gyis

dma' bar 'gyur/ /tsan dan gla rtsig bur gyis byugs kyang/ /sgog
skya'i dri ni rang bzhin mi 'dor ltar/ /legs pa'i gzhung lugs
bzang po rab bslab kyang/ /rang bzhin ngan pa'i mtshan nyid 'dor
mi srid/ /ji ltar rigs pas brgyan gyur kyang/ /skye bo ngan pa

yongs su spang/ /sbrul gdug nor bus brgyan gyur kyang/ /ci ste
'jigs pa mi skyed dam/ /ngan pa ji ltar nyam chung ba/ /de srid
par du rang bzhin bzang/ /ston ka yi ni chu bo dag /skyes bu kun
gyis rgal bar bla/ /yon tan tshul spyod rang bzhin gsla ba yis/ /

skye bo ngan pa bcos su ga la rung/ /tsha zhing drod che rtsub pas
bsgrubs pa yi/ /bad kan nad bzhin rab tu 'phel par 'gyur/ /mi
srun skye bo ma gus bran/ /ma dul rta dang chung ma ngan/
/brdungs na mnyen par 'gyur ba ste/ /'di dag legs bya'i snod ma
yin/ /

@124b rgya mtshor char phab don med do/ /'grangs la zas byin don
med do/ /phyug la nor byin don med do/ /dman la legs byas don med
do/ /dam pa'i bu yi gdong la padma yod/ /smad 'tshong bu yi glang
nas dug lo skyes/ /ji lta ji ltar log par spyod par byed/ /de lta
de ltar go 'phang

'da' bar 'gyur/ /sprin gyi grib ma skye bo ngan dang mdza'/ /rje
bo ngan dang bdag po dman la brten/ /zil ba'i chu dang rtswa las
'bar ba'i me/ /drug po de dag chu yi chu bur mtshungs/ /sha skam
dang ni bud med rgan/ /chang gsar zho ni 'chag ma thag /nyin
phyed gnyid dang nam

phyed zas/ /'di drug 'phral du srog 'phrog pa'o/ /mar gsar 'bras
chan 'o mar bcas/ /sha gsar bud med gzhon nu dang/ /shing gi grib
ma chu dron khrus/ /'di drug 'phral du stobs skyed do/ /sdug pa
dang bral rang mis brnyas pa dang/ /bu lon mang zhing ngan pa dag

la brten/ /dbul por gyur nas mdza' bos ring du spangs/ /'di lnga
me med par ni sreg pa'o/ /bogs med chong dang stobs ldan dag la
'tshe/ /slong zhing 'gying la nor med 'dod la dga'/ /na chung sdug
la tshig rtsub smra byed pa/ /'di lnga log par spyod pa'i skyes
bu'o/ /gang

zhig chos ni sbyin byed dang/ /mi 'jigs sbyin dang kha zas sbyin/
/lus skyed pa dang gdams ngag sbyin/ /'di lnga phan 'dogs byed
pa'o/ /rab tu byung nas slar log dang/ /bud med khyo gsum mthong
ba dang/ /ce spyang rnyi las shor ba ste/ /'di gsum g.yon can
shes par bya/ /

sman pa kha zas ma zhu dang/ /rgyal po brdzun du smra ba dang/
/rigs ldan sdig pa spyod pa ste/ /'di gsum shin tu mi rigs pa'o/
/gzhan las tshol zhing zas zhim 'dod/ /slong mos 'tshe zhing khengs
pa che/ /bstan bcos mi shes rtsod par 'dod/ /'di gsum 'jig rten

bzhad gad rgyu/ /rgyal po smra ba lan cig dang/ /bu mo gtong ba
lan cig dang/ /'phags pa mthong ba lan cig ta/ /'di gsum 'jig
rten lan re ba/ /dka' thub lus ni 'tsho ba dang/ /mdzes ma gcig
pur nyal ba dang/ /dpa' bo rma mtshan med pa ste/ /'di gsum yid mi

@125a @#/ /ches ba'i rgyu/ /rgyal po byi g.yem byed pa dang/ /bram
ze gzhan la 'tshe ba dang/ /dge slong rtsed 'jo byed pa ste/ /'di
gsum 'jig rten smad pa'i gnas/ /mkhas pa nga rgyal med pa dang/
/dpa' bo nye bar zhi ba dang/ /phyug po gtong ba'i sgo phye ba/
/'di gsum 'jig rten

bstod pa'i gnas/ /brtser ldan phan 'dogs ngoms pa med/ /gdug can
'tshe bas ngoms pa med/ /byis pa 'dod pas mi ngoms te/ /'di gsum
'jig rten ngoms med pa'o/ /nor phyir yid mi gdungs pa dang/
/khyim na chung ma log par spyod/ /bslus dang brnyas pa byas pa
rnams/ /blo

dang ldan pas smra mi bya/ /mkha' la skar mkhan dag gis rtsis
byas na/ /zla ba dang ni skar ma'i lam rnams shes/ /khyim na
chung ma log g.yem byed pa dang/ /sna tshogs ngan spyod de ni
mthong ma gyur/ /de nyid shes na slob dpon ci/ /nad dang bral la
sman pa ci/ /chu bo rgal la gru pa

ci; /chags bral mdzes mas ci zhig bya/ /lha dang bram ze dam pa
dag /bden pa yis ni dga' bar 'gyur/ /mkha spa tshig zab smra bas
dga'/ /phal pa zas dang skom gyis dga'/ /ri bo kun la rin chen
med/ /nags tshal kun na tsan dan med/ /nya rnams kun la mu

tig med/ /dam pa kun la yod ma yin/ /ngang pa chu skyar tshogs
nang mdzes ma yin/ /cang shes bong bu'i tshogs nang mdzes ma yin/
/seng ge wa yi tshogs nang mdzes ma yin/ /mkhas pa blun po'i tshogs
nang mdzes ma yin/ /khu byug tshul ni sgra snyan yin/ /mkhas pa'i
tshul

ni rig pa yin/ /bud med tshul ni khrel yod yin/ /dka' thub tshul ni
bzod pa yin/ /mthu chen bcos su mi rung la/ /bzod pa byar yang ci
zhig yod/ /zhi ba dul bar spyod pa la/ /bzod pa bya ba ci zhig
dgos/ /phan med gnyen ni gzhan yin te/ /pha rol yin yang gang
phan

gnyen/ /lhan cig skyes pa'i nags sogs dang/ /gangs can ri bo'i
sman bzhin no/ /mthu che ba dang 'grogs gyur na/ /mthon po nyid
du su mi 'gyur/ /me tog phreng dang 'brel ba yis/ /srang bu mgo
la 'ching bar byed/ /rang bzhin bden par smra ba la/ /slu byed
mkhas pa yin

@125b nam ci/ /bang par brten te nyal ba'i mi/ /gsod pa de ci
dpa' bo'am/ /gzhon nu'i dus na pha ma'i dbang gyur cing/ /lang
tsho'i dus na bud med dbang gyur te/ /rgan po'i dus na bu yi dbang
gyur pas/ /blun po nam yang rang dbang yod ma yin/ /ji ltar 'dod
chags ma gyur pa/ /de

srid yon tan de nyid yin/ /'dod chen 'di la zhugs gyur na/ /yon
tan btsun par ga la 'gyur/ /skye bo phal cher rang gi ni/ /tshad
mas gzhan dag 'jal bar byed/ /drang srong gis ni yi dags mthong/
/'di ni dka' thub pa zhes zer/ /skye bo ngan pas sun phyung na/
/dam pa

la yang yid mi ches/ /byis pa 'o mas kha tshig na/ /zho la'ang phu
yis 'debs shing 'thung/ /zo chun bzor ni sbyar gyur na/ /bud med
kyi yang dbang du 'gyur/ /dang po brtsams pa gang yin pa/ /de ni
ngo mtshar che ba yin/ /gang zhig chen po'i spyir bkur ba/ /de
nyid dman pas rtswa snyam

sems/ /mkhas pas phyag byas mchod rten ni/ /khwa yis stan du byed
pa yin/ /ke ta ka yi 'bras bu ni/ /chu rnams dang bar byed mod
kyi/ /de yi ming tsam brjod pa yis/ /chu rdul dang bar mi byed
do/ /dam pa dang por khas 'che mi byed la/ /gal te dka' bas khas
ni blangs gyur na/ /rdo la

ri mo bris pa ji lta bar/ /khas blangs de ni nges par sgrub par
byed/ /dman pas gang tshe nor ni cung zad rnyed/ /'gro ba gzhan la
brnyas pa'i nga rgyal ldan/ /dam pa nor gyi 'byor pa thob gyur
kyang/ /sA lu smin pa bzhin du shin tu 'dud/ /shes rab dang
'dra'i mig med de/ /rmongs pa dang mnyam

mun pa med/ /nad dang 'dra ba'i dgra med de/ /'chi bdag dang
mnyam 'jigs pa med/ /de bas shin tu mi bzad pa'i/ /'chi ba nges
par 'byung 'gyur gyi/ /'dod pa rnams la sems zlog la/ /dam pa'i
chos la dga' bar gyis/ /yon tan can la rig pa yon tan 'gyur/ /yon
tan

med la de nyid skyon du 'gyur/ /chu bo'i chu ni shin tu dri med
pa'ang/ /rgya mtshor phyin na btung du mi rung 'gyur/ /bye brag
phyed pa'i blo ldan yang/ /bya ba gros kyis bsgrub par bya/ /de
la nyes dmigs mi 'byung ste/ /byung na'ang de yi slar spong byed/
/brtan zhing 'jam la tshig nyung gang yin pa/ /

@126a @#/ /de la mi yis shin tu bag bya ste/ /nyi ma sprin stug ma
nas byung ba yi/ /'od zer shin tu tsha bar 'gyur ba bzhin/ /na
tshod gzhon yang nye bar zhi la dga'/ /mkhas par gyur kyang shes
pa'i nga rgyal med/ /gzi brjid che yang bzod cing des pa yi/
/dgra las rgyal byed de ni rnyed par

dka'/ /phyug po kla klo rnams la'ang yod/ /dpa' bo dud 'gro rnams
la'ang yod/ /sna tshogs don ldan gtam smra ba'i/ /dam pa dag ni
shin tu dkon/ /'byor pa g.yo zhing lang tsho myur du 'jig /srog ni
gshin rje'i so yi bar na gnas/ /'dir bde don gnyer pha rol yal
bar 'dod/ /de

ni g.yang sa'i mthar gnas long ba bzhin/ /gang zhig nyon mongs
nad bcas pa/ /de sman dam chos mi bsten par/ /yul la bag yangs
spyod pa ni/ /srid pa'i lam nas 'byung mi 'gyur/ /gal te 'gro ba
'di dag gis/ /'chi bdag spyi bor gnas mthong na/ /zas kyang yid
du mi 'ong

na; /bya ba gzhan lta ji zhig smos/ /bya ba zin nam ma zin zhes/
/'chi bdag bstod par mi 'gyur bas/ /sang gi bya ba de ring nyi/
/phyi dro'i bya ba snga dro'o/ /'jig rten 'tsho ba brtan ma yin/
/nor dang long tsho brtan ma yin/ /bu dang chung ma brtan min te/
/chos dang bden dang phan pa brten/ /

rgyal po yun ring gson na rung/ /drang srong myur du shi na'ang
rung/ /rngon pa shi'am gson mi rung/ /dam pa shi'am gson yang
rung/ /tshigs su bcad pa brgya pa zhes bya ba/ slob dpon chen po
mchog sred kyis mdzad pa rdzogs so// //rgya gar gyi mkhan po bi
na ya tsandra dang/ /bod kyi lo tsA ba dge slong

chos kyi shes rab kyis bsgyur cing zhus pa'o// @##/ /rgya gar skad
du/ bi ma la pra shno ta ta ra ratna mA li nA ma/ /bod skad du/
dri ma med pa'i dris lan rin po che'i phreng ba zhes bya ba/ 'jam
dpal gzhon nur gyur pa la phyag 'tshal lo/ /dri med dris lan rin
chen

phreng ba 'di/ /gang gi mgul na nges par gnas gyur na/ /mthong
dang ma mthong sgrub pa la mkhas pas/ /ngas par rgyan du 'gyur ba
cis ma yin/ /bcom ldan blang bya gang zhe na/ /bla ma'i don ldan
tshig rnams so/ /spang bar bya ba gang zhe na/ /bya ba ma yin
thams cad do/ /bla mar

@126b gyur pa gang zhe na/ /de nyid ji bzhin rtogs pa dang/ /rtag
tu sems can thams cad la/ /phan par mngon par brtson pa'o/ /mkhas
pas ring bya gang zhe na/ /'khor ba'i rgyu ni nges bcad pa'o/
/thar pa'i sa bon zhing mchog gang/ /yang dag ye shes brtson byas
pa'o/ /shin tu mthun pa gang

zhe na; /chos kyi spyod pa skyon med pa'o/ /'di na gtsang ba gang
zhe na/ /gang gi yid ni yongs dag pa'o/ /mkhas par gyur pa gang
zhe na/ /bye brag ji bzhin phyed pa'o/ /gdug pa'i don ni gang zhe
na/ /bla ma brnyas byed gang yin pa'o/ /'khor ba na ni snying po
gang/ /yang dag don la rnam

dpyod nyid/ /mi yi de nyid thob pa gang/ /bdag gzhan phan par
brtson pa'o/ /ra ro lta bu'i rmongs pa gang/ /phyin ci log la
chags pa'o/ /mi srun dgra 'dra gang zhe na/ /mi bzad pa yi yul
rnams so/ /'khor ba'i 'khri shing gang zhe na/ /log par sred pa
dam pa'o/ /dgra

por gyur pa gang zhe na/ /yang dag don la brtson med pa'o/ /'di
la 'jigs pa gang zhe na/ /srog mthar gyur pa'i 'chi ba'o/ /long
ba las kyang long ba gang/ /phung khrol 'dod chags can rnams so/
/skyes bu dpa' bo gang zhe na/ /gang zhig bud med mdzas ma la/
/chags pa'i mig gi mda'

yis ni/ /yid la phog par ma gyur pa'o/ /rnar snyan bdud rtsi lta
bu gang/ /yang dag don gyi man ngag go/ /'di na lci ba'i rtsa ba
gang/ /gang 'di blun par gyur pa'o/ /tshang tshing mi bzad gang zhe
na/ /bud med rnams kyi spyod pa'o/ /shin tu sgrin pa gang zhe na/
/gang gis des dral ma gyur pa'o/ /

'di na dbul po gang zhe na/ /gang zhig chog shes med pa'o/ /shin
tu yangs pa gang zhe na/ /gzhan ltos slong mo pa rnams so/ /don
yod 'tsho ba gang zhe na/ /kha na ma tho med pa'o/ /skyes bu glen
pa gang zhe na/ /mkhas bya'i yul la mi slob pa'o/ /gnyid kyis ma
log gang zhe na/ /ma rmongs

don gyi bye brag shes/ /gnyid kyis log pa gang zhe na/ /skyes bu
shin tu rmongs pa'o/ /padma'i 'dab chags chu thigs ltar/ /mi
brtan myur 'jig gang zhe na/ /skyes bu rnams kyi lang tsho dang/
/nor dang de bzhin tshe nyid do/ /zla tshes lta bu'i yid 'ong gang/
/skye bo dam pa phan 'dod pa'o/ /

@127a @#/ /dmyal dang 'dra ba gang zhe na/ /gzhan gyi dbang du
gyur pa'o/ /shin tu bde ba gang zhe na/ /'du 'dzi kun la ma chags
pa'o/ /srog chags rnams ni dga' bya gang/ /don yod 'tsho ba'i srog
nyid do/ /legs par byin pa gang zhe na/ /lan la re ba med pa'o/
/mdza' bshes yid

'ong gang zhe na/ /gang zhig sdig las zlog byed pa'o/ /mdzes pa'i
rgyan ni gang zhe na/ /gang zhig tshul khrims phun tshogs pa'o/
/tshig gi rgyan gyur gang zhe na/ /gzhan la mi slu bden pa'i ngag
/phung khrol 'bras 'byin gang zhe na/ /yid ni kun du ma bsdams
pa'o/ /bde ba 'thob byed gang zhe na/ /kun

la byams shing phan byed pa'o/ /phongs pa kun 'jig mkhas pa gang/
/thams cad du ni skal ldan pa'o/ /skyes bu dmus long gang zhe na/
/bya ba ma yin la dga' ba'o/ /'on bar gyur pa gang zhe na/ /phan
dang mi phan mi nyan pa'o/ /lce med lkugs pa gang zhe na/ /gang
zhig snyan smra mi shes pa'o/ /

skyes bu 'chi ba gang zhe na/ /glen zhing gti mug can nyid do/
/rin chen gyur pa gang zhe na/ /gang zhig dus su byin pa'o/ /mi
yi zug rdur gyur pa gang/ /dben par bya min byas pa'o/ /gang la
'bad bya gang zhe na/ /rig pa legs par slob pa dang/ /sman chen
tshul bzhin bsten pa dang/ /sbyin pa kun du

gtong ba'o/ /ltos med bya ba gang zhe na/ /'gro ba mi srun 'dul
min dang/ /chags gyur gzhan gyi bud med dang/ /'brel med gzhan
gyi nor rnams la'o/ /gang zhig nyin dang mtshan rnams su/ /bsam
par bya ba gang zhe na/ /'khor ba snying po med nyid la/ /bag med
par ni mi bya'o/ /yid

du 'ong ba gang zhe na/ /g.yo med kun du snying rjer ldan/ /sbyin
par bya ba gang zhe na/ /byams pa'i sems dang yang dag ldan/
/lkog mar srog phyin gyur kyang ni/ /bdag dang mi 'bral gang zhe
na/ /glen pa skyon ni ldan pa dang/ /kun gnod byas pa mi gzo
ba'o/ /mchod par bya ba gang zhe na/ /

legs pa rnams la 'dzud pa'o/ /tha shal du ni shes bya gang/
/rtsom pa kun la mi brtan pa'o/ /'gro ba kun la thams cad las/
/nges par rgyal ba gang zhe na/ /skyes bu bden par smra ba dang/
/bzod pa yang dag ldan pa'o/ /lhas kyang gus pas phyag bya gang/
/snying rje gtso bor byed pa'o/ /

@127b gang la skyo bar bya zhe na/ /mkhas pas 'khor ba'i 'brog
dgon las/ /srog chags rnams kyi tshogs dag ni/ /gang gi dbang du
'gyur zhe na/ /gang zhig phan dang snyan smra dang/ /dul bar
spyod pa rnams kyis so/ /skyes bu legs par 'dod pa yis/ /gang la
gnas par bya zhe na/ /mthong

dang ma mthong bya ba'i phyir/ /bden pa'i lam la nges gnas bya/
/mya ngan 'gyur ba gang zhe na/ /'byor ba bzhin du zhen pa'o/
/glog ltar mi brtan gang zhe na/ /skyes bu dam pa phrad bsten
pa'o/ /bsngags par bya ba gang zhe na/ /gang zhig blo gros che ba
dang/ /shin tu nyam chung stobs med

la; /nus dang ldan zhing bzod byed pa'o/ /rigs kyi ri ltar mi
g.yo gang/ /rtsod dus skyes bu dam pa'o/ /'di na skyes bus rnyed
dka' ba'i/ /bzang po bzhi ni gang zhe na/ /sbyin pa snyan smrar
bcas pa dang/ /shes pa khengs pa med ldan dang/ /bzod pa brtson
'grus bcas pa dang/ /

sems ni rnal 'byor ldan pa'o/ /dri med dris lan rin chen phreng
ba ni/ /gang gi mgul na legs par yod gyur na/ /de ni skyes bu
mkhas pa 'dus nang du/ /mgul gyi mu tig rgyan bzhin mdzes pa yin/
/brtags nas rgyal srid rnam spong ba'i/ /rgyal po rin chen phreng
ba 'di/ /don

yod 'char gyis byas pa ste/ /blo bzad dam pa'i rgyan yin no/ /dri
ma med pa'i dris lan rin po che'i phreng ba zhes bya ba/ /rgyal
po chen po snyan ngag mkhan gyi dam pa slob dpon don yod 'char
gyis mdzad pa rdzogs so// //rgya gar gyi mkhan pa ka ma la gupta
dang/ /zhu chen gyi lo tsA pa

dge slong rin chen bzang pos bsgyur cing zhes te gtan la phab
pa// @##/ /rgya gar skad du/ /tsa na ka rA dzA nA ti shA stra/
bod skad du/ tsa na ka'i rgyal po'i lugs kyis bstan bcos/ /dkon
mchog gsum la phyag 'tshal lo/ /'jig rten gsum gyi bdag po gtso/
/thams

cad mkhyen la phyag 'tshal te/ /gang zhig legs par rtogs pa yis/
/mi rnams kyi ni don byed dang/ /rgyal po'i lugs kyi bstan bcos
ni/ /sna tshogs las btus bshad par bya/ /bstan bcos 'di ni bslabs
gyur na/ /chos bshad rin chen rnam grags pa'i/ /bya dang mi bya
dge mi

@128a @#/ /dge /yang dag nyid du shes par 'gyur/ /kun du grags pa
thob 'gyur zhing/ /phongs pa rnams dang mi phrad do/ /phye na don
chung phra ma dang/ /gzhan gyi nyes pa sgrogs pa dang/ /gzhan
dang 'thob par byed pa ni/ /ring du yongs su spang bar bya/ /chos
rnams thams

cad mnyan bya zhing/ /thos pa nyid kyang gzung bar bya/ /bdag
nyid gang la mi dga' ba/ /gzhan la kun du mi spyad do/ /rtsod pa
smra ba phra ma dang/ /blta min lta bar byed pa dang/ /mdza' dang
lhan cig khon gtsugs dang/ /dgra dang kun du mdza' ba spang/ /dam
pa dag dang 'grogs pa dang/ /mkhas

dang lhan cig smra ba dang/ /brkam chags med dang mdza' ba dag
/byed na skyo bar mi 'gyur ro/ /bya dang byed pa la brten te/
/dus su dgra dang mja' ba dang/ /dus su mdza' dang 'thab pa yis/
/mkhas pas dus ni 'da' bar bya/ /gang zhig shes pa tsam gyis ni/
/thams cad rtogs pa

nyid 'gyur ba'i/ /tsa na ka las ji skad bshad/ /rtsa ba'i don ni
rab bshad bya/ /gzhan dang rtsod dang gzhan nor dang/ /gzhan gyi
bzhad gad gzhan bud med/ /gzhan gyi khyim du gnas pa dag /nam
yang bya ba ma yin no/ /phan byed gzhan yin na yang gnyen/ /gnyen
yang phan med gzhan yin te/ /

phan byed dgon pa'i sman dang ni/ /phan med lus skyes nad dang
mtshungs/ /gang zhig phan la sbyor de gnyen/ /gang zhig gso ba de
pha yin/ /gang zhig bsgo ba nyan de bran/ /gang zhig skye ba de
sa bon/ /gang zhig yid 'ong de chung ma/ /gang zhig bde skyid de
bu yin/ /gang zhig yid ches de mdza'

bo; /gang du 'tsho ba de yul yin/ /khyim tshags mkhas gang de chung
ma/ /gang zhig snyan smra de chung ma/ /khyim thob srog gcig de
chung ma/ /khyim las mi 'phyo de chung ma/ /rtag tu khrus byed
lus dris bsgos/ /cung zad za la nyung du smra/ /kun la rtag tu
des pa ni/ /lha mo de yin mi mo min/ /

rtag tu bkra shis dang ldan zhing/ /rtag tu chos la dga' ba dang/
/rtag tu khyol gus byed cing/ /rtag tu bzhin ni 'dzum pa dang/
/rtag tu snyan par smra ba dang/ /rtag par dus tshigs 'dod spyod
yin/ /rtag tu phan par byed pa dang/ /rtag tu phan pa'i zas za
ba'i/ /bya ba de dag kun gyis ni/ /

@128b skal ba bzang po rnam par 'phel/ /gang la 'di 'dra'i chung
ma yod/ /de ni lha mo mi mo min/ /chung ma gang zhig tshig mi
snyan/ /dri ma mang zhing rtsod la dga'/ /tshig lan yang nas yang
du smra/ /de rgas rgas pa rgas ma yin/ /chung ma gang zhig mig mi
sdug /gzhan khyim 'gro bar

mngon par dga'/ /ngo tsha dang bral rang bzhin ngan/ /de rgas rgas
pa rgas ma yin/ /gang zhig chung ma sgrin zhing gtsang/ /zas zhim
mthong na sdug pa dang/ /bdag nyid sbas shing khyol gus/ /de nyid
lha mo'i gzugs su bshad/ /chung ma gang zhig yon tan shes/ /khyo
yi

rjes su 'jug byed cing/ /nyung du nyung dus chog shes pa/ /de
dpal dpal na dpal mo yin/ /mdza' bo g.yon can chung ma ngan/
/bran g.yog nang nas 'khu byed pa/ /de ni khyim gnas sbrul dang
ni/ /'chi bdag yin par the tshom med/ /khyim du sbrul mthong mi
snang gyur ba dang/ /

nad pa gso ba byas nas lus ma brtas/ /dgra bo lag tu chud nas
shor ba dang/ /khong pa'i nang nas zug rngu yid ces brtan/ /tsa
na ka'i rgyal po'i lugs kyi bstan bcos las le'u dang po'o//
//phongs pa'i don du nor bsrungs te/ /nor gyis kyang ni chung ma
bsrungs/ /

nor dang chung ma dag gis kyang/ /bdag nyid kun du bsrung bar
bya/ /khyim gyi don du gcig btang ste/ /grong khyer phyir ni
khyim btang ngo/ /ljongs kyi phyir ni grong khyer te/ /bdag gi
don du sa rnams btang/ /dmyal bar gnas pa mchog yin gyi/ /dbul
po'i khyim gnas

de lta min/ /dmyal bar sdig pa zad 'gyur gyi/ /khyim nang du ni
'phel bar 'gyur/ /mkhas pas rkang pa gcig bteg na/ /rkang pa gcig
ni gzugs bar bya/ /gnas gzhan legs par ma brtags par/ /snga ma'i
gnas ni dor mi bya/ /yul ni 'tsho ba med pa dang/ /'tsho

yang 'tshe ba yod pa dor/ /rgyal po bkren pa spang bya zhing/
/mdza' bo g.yon can spang bar bya/ /ser sna can gyi lag nas nor
ci rung/ /g.yon can phrag dog can gyi bshes ci rung/ /yon tan pha
rol gnod byed shes ci rung/ /phongs dus rgyab phyogs mdza' bo des
ci rung/ /

@129a @#/ /spyad du med pa'i longs spyod des ci rung/ /'bangs
rnams mi skyong rgyal po des ci rung/ /rang gzhan mi phan rig pa
des ci rung/ /nad la mi phan sman pa des ci rung/ /sngon chad ma
mthong grogs mang yod min gyis/ /'byor gnas gyur na kun kyang

mdza' bor 'gyur/ /nor dar bral zhing gnas las nyams gyur pa'i/
/dus su rang gi mi yang dgra bor 'gyur/ /g.yul du dpa' bo dben
gtsang sbra/ /'byor ba zad tshe chung ma dang/ /mu ge glo bur
mgron dga' dang/ /phongs tshe mdza' bor shes par bya/ /shing ni

'bras bu lhags na bya rnams spong/ /mtsho skams gyur na bzhad ni
spong bar byed/ /nor med skyes bu bud med spong bar byed/ /rgyal
srid nyams na blon pos spong bar byed/ /sbrang ma me tog rnying
pa spong byed cing/ /nags tshig gyur pa ri dags spong byed de/
/skye bo thams cad

byas la rag las pas/ /rjes su 'jug na su yis mdza' bo gang/
/brkam chags can ni nor gyis bsdu/ /khengs pa thal mo sbyor ba
yis/ /blun po rjes su mthun mgu ba ste/ /mkhas pa bden pas mgu
bar bya/ /lha dang bram ze skyes bu mchog /bden pa nyid kyis mgu
bar

'gyur/ /tha mal pas ni zas skom gyis/ /tshig ran sbyin pas mkhas
pa dga'/ /dam pa rnams la btud pa yis/ /dpa' bo la ni dbye ba
sbyar/ /dman la cung zad sbyin pa ste/ /mnyam la pha rol gnod pa
sbyar/ /gang gi bsam pa gang yin pa/ /de la de dang mthun par ni/
/blo dang

ldan pas rjes zhugs la/ /myur du rang gi dbang du bye/ /chu bo
dang ni sder mo can/ /rwa can lag na mtshon thogs dang/ /bud med
rgyal po'i pho brang la/ /yid brtan par ni mi bya'o/ /nor brlag
yid ni gdung ba dang/ /khyim na nyes pa spyod pa dang/ /bslus
dang brnyas thabs spyod pa

dag /blo dang ldan pas spang bar bya/ /nyes bral gang gi rigs la
yod/ /nad kyis ma gzir su zhig yod/ /phongs pa gang gis mthong ma
gyur/ /'byor pa rtag pa su la yod/ /sa stong nor rnyed su mi
dregs/ /dregs dang bral bu su zhig yin/ /su zhig bud med kyis ma
smas/ /rgyal

@129b po rtag tu yid 'ong su/ /gshin rje'i yul du ma gyur gang/
/slong bar gyur na su zhig btsun/ /skyes ngan rgus su sus ma
chud/ /skyes bu bde bas mthar byin su/ /mdza' bo rang mi gnyen
'dun gyi/ /blo ni bdag nyid gang yin pa'i/ /phongs pa'i brdar ni
rtogs gyur nas/ /mi yis nges

par shes par 'gyur/ /las gang grub par gyur na yang/ /phun tshogs
chen por mi 'gyur la/ /phongs tshe sdug bsngal cher 'gyur la/ /de
la mkhas pa ji ltar spyod/ /yul gang du ni mi bkur zhing/ /mi
'tsho nye du'ang med pa dang/ /rig pa 'ga' yang mi rnyed na/ /de
bzhir gnas par mi

bya'o/ /nad dang 'phongs par gyur pa dang/ /mu ge 'tshe dang dgra
dang 'thab/ /rgyal po'i sgo'am dur khrod du/ /gang zhig phan
'dogs de gnyen yin/ /nor gang rgyal po dag dang ni/ /rkun po'i
'jigs pa mi 'byung zhing/ /gang zhig shi na'ang mi 'dor ba'i/
/nor de legs par

bsags par bya/ /gang zhig srog 'chad ngal bas bsags/ /shi na skal
pa mi mnyam 'gyur/ /nor la chags shing nyes spyod byas gyur pa/
/de nyid lha yis nyer bcom smad bya yin/ /rdzas gang bsags shing
sbas gyur la/ /yang dang yang du reg gyur pa/ /'jungs pa'i nor ni
bye ba'i

ltar/ /sdug bsngal skyed pa kho nar zad/ /gcer bu phongs shing
lus du ba la/ /lag pa na ni thod pa thogs/ /'jig rten na ni snang
gyur pa/ /sbyin med 'bras bu 'di 'dra ba'o/ /bran ni mngag gzhug
byas tshe dang/ /nye du phongs par gyur ba dang/ /mdza' bo nyam
thag dus na ni/ /

chung ma kha zas med tshe rtogs/ /bud med kha zas nyis 'gyur te/
/ngo tsha dag ni bzhi 'gyur yin/ /rtsol ba dag ni drug 'gyur te/
/'dod pa brgyad 'gyur yin par bshad/ /shing rnams kyis ni me dang
ni/ /char pas rgya mtsho chen po dang/ /'byung po kun gyis gshin
rje dang/ /skyes

pas bud med ngoms mi 'gyur/ /zas zhim za bar byed pa dang/ /mdza'
bo snyan smra dang 'grogs dang/ /bde ba dang ni bu dang ni/ /'tsho
dang nor gyis ngoms pa med/ /rgyal po nor gyis ngoms med cing/
/phyug po nor sogs ngoms pa med/ /rgya mtsho chu yis ngoms pa med/
/mkhas

@130a @#/ /pa legs bshad kyis mi ngoms/ /blta na sdug pas mig mi
ngoms/ /sgra snyan dri zhim ro mchog dang/ /reg bya yid 'ong chos
rnams kyis/ /rna ba la sogs ngoms mi 'gyur/ /'tsho ba rang gi las
dang chos kyis bsngags/ /rang rang gi ni chung ma la

rtag dga'/ /dbang po dul zhing glo bur mgron la dga'/ /skyes bu
dam pa'i khyim na thar pa yod/ /tsa na ka'i rgyal po'i lugs kyi
bstan bcos las le'u gnyis pa'o// //gang zhig bstan bcos yongs
spangs nas/ /mi brtan pa ni sgrub byed pa/ /de yi brtan

pa nyams 'gyur te/ /mi brtan nyams pa nyid du zad/ /zas kyi tshod
las kha zas sbyin/ /bud med mchog la dga' nus shing/ /'byor pa'i
tshul las sbyin pa ste/ /dka' thub 'bras bu chung ma yin/ /rig
byed 'bras bu sbyin sreg ste/ /thos pa'i 'bras bu tshul khrims
dul/ /

chung ma'i 'bras bu dga' dang bu/ /nor gyi 'bras bu spyad dang
sbyin/ /bu mo rigs bzang shes rab ldan/ /gzugs ngan na yang blang
bar bya/ /gzugs bzang ba la dul ba dag /'di 'dra'i bud med ga la
yod/ /dug las kyang ni bdud rtsi blang/ /byis pa las kyang legs
bshad pa/ /

mi gtsang las gser bud med ni/ /rin chen rigs ngan las kyang
blang/ /rgyal po'i mdza' bo rtag pa min/ /sbrul la dug min gang
yang med/ /gang du bud med skyes gyur pa'i/ /rigs la skyon med
yod ma yin/ /bu mo rigs ni bzang la btang/ /bu ni rig pa la sbyar
bya/ /

dgra bo phongs pa nyid la sbyar/ /mdza' bo chos la sbyar bar bya/
/bran g.yog dang ni rgyan rnams ni/ /'tsham pa'i gnas su nges par
gzhag /gtsug gi nor bu rkang par ni/ /gdags par rigs pa ma yin
no/ /me tog dri dang kha dog ltar/ /dam pa'i tshul ni gnyis yin
te/ /'jig

rten kun gyis spyir bkur ba'am/ /nags nyid du ni dengs pa'o/ /rta
dang glang po lcags dang ni/ /shing dang rdo dang gos rnams dang/
/chu dang skyes pa bud med dag /khyad las khyad par che ba yin/
/brtan pa phongs par gyur na yang/ /snying stobs yon tan nyams mi
'gyur/ /me ni thur du

@130b kha bstan yang/ /me lce nam yang thur mi 'gro/ /rta mchog
lcag gis gzhu mi dgos/ /seng ges 'brug sgra mi bzod ltar/ /gzhan
gyis sor mos bstan pa ni/ /mkhas pa rnams kyis bzod ma yin/ /blo
dang ldan pa'i mi rnams ni/ /gal te 'byor pa nyams gyur tam/
/rang gi

yul dang bral gyur kyang/ /dman pa la ni 'dud mi byed/ /mi rnams
dregs pa dang bral zhing/ /shin tu phongs par gyur na yang/ /phal
cher glang po rnams kyi ni/ /khrag ni dron mo 'thung mi byed/
/lan cig zhe 'gras dgra bo dang/ /slar yang 'dum par 'dod pa ni/
/de ni dre'u mo

mngal chags ltar/ /'chi bdag nye bar bzung ba yin/ /dgra bo'i bu
ni snyan par smra na yang/ /blo ldan mi yis btang snyoms mi bya
ste/ /de ni dus gzhan zhig tu gnod skyed de/ /dug gi lo ma'ang
shin tu mi bzad bzhin/ /tsher ma rkang par zug pa la/ /lag pa dag
gis 'byin par ltar/ /phan

btags pa yi tshul gyis ni/ /dgra bos dgra bo blang bar bya/ /gnod
pa byed la nam yang ni/ /gnod pa'i bsam pa mi bya ste/ /chu 'gram
gyi ni shing lta bur/ /rang nyid kho na 'gyel bar 'gyur/ /nor gyi
tshul gyis gnod skyed pas/ /don dang don min nye bar brtag /nor
las phung khrol

'byung 'gyur te/ /de bas rig pas yongs su brtag /blo ldan mkhas
par gyur kyang ni/ /bya ba gros kyis bsgrub par bya/ /'byor 'gyur
kho nar ma zad kyis/ /rgud par gyur kyang mdzes pa yin/ /nor dang
'bru yi sbyor ba dang/ /de bzhin rig pa btsal ba dang/ /kha zas
tshong spogs rnams la ni/ /

rtag tu ngo tsha dor mi bya/ /ngo mtshar ltad mo 'jigs med dang/
/ngo tsha gzhung lugs gtong tshul khrims/ /lnga po gang la yod min
pa/ /der ni 'gro bar mi bya'o/ /khrengs shing dregs par gyur pa
dag /skye dgu'i gdung bar byed pa yin/ /kun du brtse ba dang ldan
pa'i/ /rgyal po sprin dang

'dra ba yin/ /zas dang skom la chags gyur pa/ /gdug cing yon por
'gro ba dang/ /gdengs ka sngags kyis bsgrub bya ba'i/ /rgyal po
sbrul dang 'dra ba yin/ /lce gnyis pa la las dug cing/ /rtag tu
glags skabs tshol byed la/ /lta ba gcig la rab chags pa'i/ /rgyal
po sprul

@131a @#/ /dang 'dra ba yin/ /kun nas 'bad pa thams cad kyis/
/rgyal po gdug pa spang bar bya/ /rgyal po'i rtog chen ma yengs
pas/ /thag ring las kyang thob par 'gyur/ /rgyal po gcig pu nyid
yin yang/ /skyes bu nyan rnams mkhas pa yis/ /kun la lags par
gnas

yin te/ /'gro ba ma lus 'byer bar byed/ /gang zhig zho shas 'tsho
ba dang/ /rgyal po gang zhig brnyas gyur pa/ /de ni sa bdag ma
yin te/ /g.yog 'khor rnams kyang bsten mi 'gyur/ /brkam chags la
ni rab zhen la/ /rgyud pa ring na gnas ma yin/ /mchil ba'i sha la
chags pa yi/ /

nya rnams dang yang mtshungs pa yin/ /kun gyis thams cad mi shes
te/ /thams cad shes pa gang na'ang med/ /gnas gcig la ni mthar
thug pa/ /shes pa'i skyes bu gang na'ang dkon/ /'jig rten na ni
kun rig yod min zhing/ /shin tu blun pa'ang yod pa ma yin te/
/shes pa

mchog dang bar ma tha ma'ang rung/ /gang gis gang zhig shes de
mkhas pa yin/ /tsa na ka'i rgyal po'i lugs kyi bstan bcos le'u
gsum pa'o// //sa bdag nyid dang bran g.yog gi /mtshan nyid kho na
bshad par bya/ /rgyal po kun la mkhas pa yis/ /bran g.yog

legs par brtag par bya/ /bden dang chos la gzhol ba yis/ /rtag tu
yul 'khor bskyang bya zhing/ /gzhan gyi dpung ni gnod pa dang/
/rtag tu chos kyis sa bskyang bya/ /kun dga' ra ba'i phred brgyud
ltar/ /me tog me tog tsam btu yi/ /sol ba mkhan ni ji bzhin du/
/rtsa

nas gcad par mi bya'o/ /'o ma bzhos nas 'thung bzhin du/ /ba ni
gsad par mi bya'o/ /de bzhin rgyal po'i yul 'khor ni/ /dus shes
nas ni longs spyod bya/ /ba yi brla ni bcag gyur na/ /bzho bas 'o
ma thob mi 'gyur/ /de bzhin yul 'khor tshul min pas/ /gnod pa

byas na 'phel mi 'gyur/ /yul 'khor sbrang rtsi ltar spyad ci/
/sbrang bu gsad par mi bya'o/ /ba las bdag pos bzho bltar/ /rgyal
pos sa ni de ltar bskyang/ /de bas 'bad pa thams cad kyis/ /sa ni
rjes su bskyang bya ste/ /sa rnams legs par bskyangs na ni/ /tshe
dang

@131b snyan pa grags dpung 'phel/ /brtan rnams phongs pa thob
gyur kyang/ /rnam par nyams par mi 'gyur te/ /zla ba sgra gcan
khar chud kyang/ /slar yang 'char bar mi byed dam/ /glu mkhan gar
mkhan ri mo mkhan/ /rol mo mkhan dang rtsis mkhan dang/ /don gyi
bstan bcos 'phang slob

dpon/ /sa yi bdag pos 'bad de srung/ /bran g.yog la ni rgyu med
par/ /gang zhig khro bar byed pa dag /de ni sbrul nag mche ba zug
/nyes pa'i dug gis zin pa yin/ /rgyal pos 'gyur zhing g.yon can
la/ /yon po nyid du kun du spyad/ /sdug la mdza' dang g.yo la
g.yo/ /drang po

rnams la khong drang nyid/ /mi brtan pa la brtan pa dang/ /log
par smra la'ang de bzhin no/ /gtsang spra spyod dang de bzhin du/
/g.yog 'khor tshogs ni sbyin pas bsdu/ /g.yog 'khor nor gyis dregs
pa dang/ /gang zhig rgyal po la bsdo dang/ /nyam chung g.yul du
'jug pa ni/ /dgra yi zil

gyis gnon par 'gyur/ /sa bdag rtag tu rgyu med par/ /khro gnyer
dag ni mi bya zhing/ /bran g.yog nor med par ma yin/ /rgyal po'i
chos ni bsrung bar bya/ /sa bdag gis ni rtsed mo dang/ /bde la
chags pa ring du spang/ /khyim na gnas bzhin dgra bo la'ang/ /bde
bas rab tu

gdul bar bya/ /brtson dang brtul phod brtan pa dang/ /blo dang
nus pa pha rol gnon/ /yon tan drug po gang la yang/ /de la lha
yang dga' ba skye/ /gang srid rgyal srid 'dod pa yis/ /sgrub
kyang thob par ma gyur na/ /de ni bsod nams rgyu yin gyi/ /skyes
bu'i rtsol bas nyes pa min/ /tsa na

ka'i rgyal po'i lugs kyi bstan bcos las le'u bzhi pa'o// //g.yog
'khor gang gi yon tan ni/ /gang yin yongs brtags bshad par bya/
/mdzangs shing bya ba kun la mkhas/ /grub mtha' bstan bcos la rab
byang/ /rtag par rgyal po'i bya ba sgrub/ /'di ni blon po yin par

bshad/ /rig byed kyi ni yan lag shes/ /bzlas dang sbyin sreg dag
la brtson/ /rtag tu shis pa brjod la brtson/ /'di ni rgyal po'i
mdun na 'don/ /tshe yi rig byed la legs bslabs/ /thams cad shes
shing blta na sdug /ngang tshul bzang la bya ba mkhas/ /'di ni
sman pa yin zhes

@132a @#/ /bya/ /blo ldan smra mkhas shes rab che/ /bden par smra
zhing dbang po dul/ /bstan bcos thams cad legs mthong ba/ /'di ni
yi ge pa zhes bya/ /rigs dang ngang tshul yon tan ldan/ /bden dang
chos la mchog tu gzhol/ /gzugs byad shin tu bzang ba ni/ /

rgyal po'i spyan mig yin par bshad/ /rang lugs ma 'chos rgyal la
bsten/ /rin chen thams cad yongs rtogs shes/ /sma ma bab cing
rtsol ba can/ /dmag can yin par shes par bya/ /brda la legs par
byang gyur cing/ /stobs ldan mthong na sdug pa dang/ /bag yod nor
ni che ba

dag /sgo dpon chen por de bshad do/ /blo ldan shes rab che ba
dang/ /gzhan gyi bsam pa rtog mkhas shing/ /brtan la ji bzhin lan
'debs shing/ /'di ni pho nyar shes par bya/ /g.yos kyi bstan bcos
kun la mkhas/ /dge zhing snyan smra dbang po zhi/ /gtsang sbra
che zhing yid

brten rung/ /'di ni phyag tshang yin par bshad/ /zhar ba zha bo ma
ning dang/ /sgur po rgan po dbang po bsdams/ /'di dag btsun mo'i
srung mar ni/ /rgyal pos nye bar sbyar bar bya/ /bran g.yog mchog
dang tha ma dang/ /bar ma mang po shes byas nas/ /de rnams las
don gsum

po la; /ci rigs par ni sbyar bar bya/ /smra mang khengs dang le
lo can/ /gdug dang g.yon can phongs chos ldan/ /chog mi shes dang
sme sha za/ /bran g.yog rgyal pos spang bar bya/ /bdag po la 'khu
spang bya zhing/ /shin tu bkren pa'i mi srun yang/ /bkren pas bye
brag mi shes pas/ /

de bkren 'di gnod byed pa yin/ /mi srun brkam chags phongs chos
can/ /mu cor smra dang gus pa med/ /zhe 'gras pa dang sdig las
can/ /rgyal pos yongs su spang bar bya/ /skyod dang smra ba lce
gnyis dang/ /gdug cing gcig tu mi srun dang/ /rang bzhin ngan
dang 'tshe bar dga'/ /

gnod pa 'ba' zhig skyed byed yin/ /gal te rig pas brgyan gyur
na'ang/ /skye bo ngan pa spang bya ste/ /sbrul ni nor bus brgyan
na yang/ /'di na 'jigs pa mi skyed dam/ /gang zhig rtag tu brnags
dka'i tshig ngan ni/ /smra zhing rgyu med par ni mi bzad khro/
/dug chen sprul dang mtshungs

@132b par byed pa yi/ /rang bzhin ngan la 'jigs pa su mi skyed/
/zab cing snyan dang ran par smra ba dang/ /dbang dul bden la
gzhol zhing rang dbang 'gyur/ /dngos don legs shes yang dag don
la mkhas/ /bran g.yog phal cher rang dbang gyur pa yin/ /le lo
med cing chog shes

la; /legs par gnyid log rab tu sad/ /bde sdug la mnyam brtan pa
yi/ /bran g.yog 'jig rten na rnyed dka'/ /bzod med mgu bar dka'
ba dang/ /gtong dang bral zhing nor la dga' ba dang/ /smod byed
stobs chung rab tu gdug /rten mi bdag pos spang bar bya/ /

g.yo dang zol la dga' ba dang/ /smra zhing skal bzang dang bral
ba/ /med par 'jigs shing skrag gyur pa/ /rgyal pos 'di ni spang
bar bya/ /zla ba drug gam lo gcig nas/ /rgyal pos sdums ni bya ba
yin/ /bdag nyid la ni dga' bsams la/ /dgra dang nye bar 'thab par
bya/ /glen pa'i

las la sbyar ba ni/ /grags pa ngan dang don nyams dang/ /dmyal
bar ltung ba nyid dag ste/ /rgyal po la ni nyes gsum 'byung/
/mkhas pa'i las la sbyar gyur na/ /grags dang tshe dang yon tan
dang/ /gnyen dang nor ni 'phel ba dang/ /mtho ris gnas su skye
bar 'gyur/ /dge ba'am

yang na mi dge ba'i/ /las rnams gang dag byed pa ni/ /legs spyod
dang ni nyes spyod kyi/ /rgyal po de dang 'brel pa yin/ /de bas
sa yi dbang phyug gis/ /chos dang 'dod don grub bya'i phyir/ /dge
sbyong dang ni bram ze dag /rtag tu phan dang bde la sbyar/ /tsa
na ka'i rgyal po'i

lugs kyi bstan bcos las le'u lnga pa'o// //yon tan ldan pa bsten
bya zhing/ /yon tan med pa spang bya ste/ /mkhas la yon tan kun
yod de/ /blun po la skyon 'ba' zhig yin/ /rtag tu dam pa dang
'grogs shing/ /dam pa rnams dang 'dra ba dang/ /bya rtsom dam pa

dang bya yi/ /ci yang ngan pa dang mi bya/ /grog mkhar dang ni
sbrang rtsi dang/ /yar ngo yi ni zla ba dang/ /rgyal po'i nor
dang sprang po'i nor/ /cung zad cung zad tsam gyis 'phel/ /mig
sman dag ni zad pa dang/ /grog mkhar yang ni bsags pas mtho/ /'du
las 'god pa chung bya ba/ /'di

@133a @#/ /nyid kho na mkhas pa yin/ /nags sam khyim na gnas kyang
rung/ /gzhan dang rang la phan 'gyur ba'i/ /sbyin dang klag pa'i
las rnams la/ /nyin zhag don med mi bya'o/ /chags can nags na
gnas kyang nyes pa 'byung/ /dam pa khyim na gnas kyang dbang po
dul/ /nags

na gnas pa'i gcan gzan khro ba dang/ /khyim na gnas pa'i rta
mchog dul ba bzhin/ /dam pas smad pa'i las la rab 'jug cing/ /yul
la chags pa'i nags ni nyes pa'i gnas/ /ma smad pa yi las la 'jug
byed cing/ /'dod chags las log khyim nyid dka' thub tshal/ /sems
kyis

chos ni bsrung bar bya/ /rig pa dag ni sbyor bas srung/ /gzugs ni
byi dor gyis bsrung zhing/ /rigs ni ngang tshul dag gis bsrung/
/rtag tu sbyin pa gtang bya ste/ /skye bo bkren par mi bya'o/
/'byor pa spyad pas mi zad kyang/ /skal bzad pas zad par 'gyur/
/sbyin pas zad par

mi 'gyur zhing/ /ma spyad pa yis 'phel mi 'gyur/ /gzhan du sngon
chad bsags pa yi/ /legs spyad zad pas zad par 'gyur/ /byin zhes
mi smra'i nor ci rung/ /ster ba na yang 'phel 'gyur te/ /khron pa
las chu blangs gyur kyang/ /nyin re chu ni mang por 'gyur/ /gang
la chos yod

bde ba ste/ /gang la chos med smad bya zhing/ /chos ni 'jig rten
la rtogs pas/ /nor gyi don du de mi spang/ /skye bo bkren pa nor
'dod pas/ /sdug bsngal gang zhig byas gyur pa/ /de yis gal te
chos don gnyer/ /slar yang nyon mongs gnod mi 'gyur/ /gtsang spra
dag ni thams cad

las; /nor gyi gtsang spra khyad par 'phags/ /gang 'dir nor yod
gtsang spra yin/ /sa dang chu gtsang gtsang ma yin/ /bden pa'i
gtsang spra sems gtsang spra/ /dbang po dul ba'i gtsang sbra
dang/ /sems can la brtse'i gtsang spra dang/ /chu yi gtsang spra
lnga ba yin/ /bsgul bas 'gul

bar mi 'gyur zhing/ /brnyas pas 'khrug par mi byed la/ /khro med
skyes bu zhes bshad de/ /'di ni dam pa'i mtshan nyid yin/ /skyes
bu dbul po rnams kyi tshig /mkhas shing snyan par smra ba dang/
/dus su smra zhing phan smras kyang/ /su yang nyan par mi byed
do/ /bsngags

@133b dang stobs dang rtsod pa dang/ /shes dang skyes bu'i rtsol
bas kyang/ /dngos gang rnyed par ma gyur pa/ /de la su zhig gdung
bar byed/ /bde ba'am yang na sdug bsngal dag /thob par byed pa ma
thob cing/ /bgrod par bya ba ma bgrod la/ /rnyed par bya ba ma
rnyed las/ /don gcig grub par

gyur na ni/ /de la gdung byar ci zhig yod/ /gang du 'chi bdag yod
der 'chi/ /gang na dpal gnas der phun tshogs/ /rang gi las kyis
khrid nas ni/ /de dang der ni bdag nyid 'gro/ /dge dang mi dge'i
las rnams ni/ /sngon chad byas pa gang yin pa/ /sngon tshe ji ltar
spyad pa bzhin/ /

byed pa po yi rjes su 'brang/ /skye bo ngan pa gzhan gyi skyon/
/yungs 'bru tsam la rtog byed kyi/ /rang skyon bil ba tsam yang
ni/ /yod du zin kyang mi mthong ngo/ /gzhan dbang thams cad sdug
bsngal te/ /rang dbang thams cad bde ba yin/ /bde dang sdug
bsngal gnyis mtshan nyid/ /mdor na

'di dag yin zhes bya/ /bde ba'i rjes la sdug bsngal zhing/ /sdug
bsngal rjes la 'ong bde ba ste/ /mi rnams kyi ni bde sdug dag
/'khor lo bzhin du yongs su 'khor/ /gang zhig song ba de 'das
zin/ /gang zhig ma 'ongs de thag ring/ /gang zhig gdung bar mi
'gyur bar/ /de ltar byung ba

gnas par gyis/ /tsa na ka'i rgyal po'i lugs kyi bstan bcos las
le'u drug pa'o// //'ga' yang su yi mdza' bo'ang min/ /su yang
gang gi'ang dgra bo min/ /mdza' bo dang ni dgra bo yang/ /rang gi
nus pa nyid las byung/ /mya ngan dgra skyed 'jigs las skyo ba/
/yid ches

gnas gyur snying du sdug /mdza' zhes bya ba'i yi ge gnyis/ /gang
gis rin chen 'di sprul 'gyur/ /gal te rtag tu mdza' 'dod na/ /pho
nya nyor gyi khe spogs dang/ /de min chung ma la lta ba/ /nyes pa
gsum po spang bar bya/ /rlung shugs mi bzad ldang ba dang/ /rgya
mtsho chen po'i dba'

rlabs dag /'byung ba dgag pa nus srid kyi/ /rjes chags sems ni de
lta min/ /me dang chu dang bud med dang/ /blun po sprul dang
rgyal po drug /'phral du srog 'phrog byed min pas/ /rtag tu bag
dang chas pas bsten/ /gzhan gyis rang skyon mi rtogs pas/ /rang
gi skyon yang shes

@134a @#/ /par bya/ /rus sbal yan lag sped pa ltar/ /rang gi yon
tan sba bar bya/ /gzhan gyi rang bzhin ma brtags na/ /rngon pa'i
glu yis ri dags ltar/ /bcos ma'i tshig gis slu byed pas/ /gzhan
gyi rang bzhin shes par bya/ /dma' bar rtsa dang chu sngon po/
/dul bas slob ma brid

byas pa/ /dka' thub kyis lha nor bu med/ /yon tan gyis ni thams
cad bsdu/ /mdza' bo la ga yos rnyog pos chos/ /gzhan la gnod pas
byor ba dag /rtsub pas bud med bder reg pa/ /gang zhig 'dod de
mkhas pa min/ /gang zhig rgan po'i gros mi nya/ /bstan bcos shes
pa'i

skye bo med/ /ma brtags pa ni spyod 'gyur ba/ /de yi bya ba mod
la 'jig /bgrod dka' bar ni gnas gyur kyang/ /mi yis gsang thub
rang dbang 'gyur/ /phye bar gyur pas 'khrug pa ni/ /g.yul gyi bu
bzhin mya ngan skye/ /dka' thub lus ni 'jam pa dang/ /dpa' bo rma
ni med pa dang/ /bud

med dam pa chang 'thung dang/ /rgyal po chos med yid mi ches/
/mdza' bo min la yid mi brtan/ /gal te mdza' bo khros gyur na/
/gsang tshig thams cad smra bar byed/ /byed pa po la ma ltos par/
/bya ba ci yang mi 'grub pas/ /bya ba kun la 'jug na yang/ /blo
ni brtan pa nyid du bya/ /bu

lon dbul po'i dug yin te/ /rgan po'i dug ni gzhon nu ma/ /blo
ngan gyi ni rig pa dug /ma zhu zas za dug yin no/ /lkog ma mi bde
glu la dga'/ /dmangs rigs stan mtho la dga' dang/ /dbul po gtang
ba la dga' zhing/ /rgan po gzhon nu la dga' byur/ /chu mang
'thung zhing stan srab dang/ /

lus zungs zad dang shugs bkag dang/ /nyin par gnyid log mtshan
gnyid med/ /drug po 'di rnams nad skyed byed/ /sha skam dang ni
bud med rgan/ /chang gsar zho ni chags ma thag /nad par 'khrig
spyod nyin gnyid log /drug po 'phral du srog 'phrog yin/ /chang
rnying sha dang mar

gsar dang/ /bud med gzhon dang 'o ma 'thung/ /chu tshan dang ni
bsil grib bdag /'phral du srog ni ster byed yin/ /khrus byas 'o
ma chu spyod sha /'phral du stobs skyed gsum yin no/ /gos ngan so
yi dri ma 'jog pa dang/ /mang du za zing brlang ba'i tshig smra
dang/ /nyi ma 'char dang nub

@134b pa'i tshe na nyal/ /de yi dpal ni nyams pa nyid du 'gyur/
/mgo bo byi dor bzang byas rkang legs bkrus/ /bud med mchog bsten
kha zas nyung du za/ /gcer bu mi nyal dus tshigs 'dod pa spyod/
/drug po yun ring dpal nyams slar skyed byed/ /gang dang gang gi
me tog ni/ /mchog tu dkar

bar gyur pa dag /mgo la bzhag par gyur na ni/ /byur ni rab tu
'jig par byed/ /mar me tha ma'i grib ma dang/ /mal khri yi ni
grib ma dang/ /khrus mkhan gyi ni chu ngogs gang/ /der ni dpal
min gnas pa yin/ /rang mi la drang skye bo gzhan la g.yo/ /skye
bo dam pa dang mdza' mi srun spong/ /

dgra la dpa' zhing bla ma la gus pa/ /'di dag gang gis shes de
dus shes yin/ /gzugs ldan rigs mtho mkhas par gyur pa dag /rigs
ldan ldan zhing bstan bcos mang thos la/ /gal te yon tan sna
tshogs kyis brgyan kyang/ /gos ngan skye bo mdzes par snang ma
yin/ /bud

med rgyal po sprul dang ni/ /kha drag dgra dang grogs po dang/
/longs spyod nyid dang tshe la ni/ /nam yang yid brtan mi bya'o/
/dgra bo dag dang sdums byas nas/ /bag phebs nas ni bder nyal ba/
/de ni shing rtser nyal gyur pa/ /sad nas lhung bar 'gyur dang
mtshungs/ /'jam pos

'jam po 'joms byed cing/ /'jam pos rtsub mo'ang 'joms byed de/
/'jam pos mi 'grub ci yang med/ /de bas 'jam nyid rnon po yin/
/shin tu drang por mi bya ste/ /nags su song la ltos shig dang/
/der ni shing drang gcod byed kyi/ /yon po lus par gyur pa yin/
/'bras

bu dang ldan shing 'dud cing/ /skye bo mkhas pa dul ba yin/
/shing skam dang ni blun po dag /'dud par mi byed dul ma yin/
/shes dang bye brag shes med cing/ /blun po rnams ni rtag tu
dga'/ /shes pa'i lcags kyus dbang byas pa'i/ /mkhas pa rtag tu
sems 'dul

byed/ /ri yi rtse mor char 'bab cing/ /bud med mdza' bo ngan la
dga'/ /dpal ni blun po la gnas shes/ /mkhas pa phal cher dbul por
yod/ /tsa na ka'i rgyal po'i lugs kyi bstan bcos las le'u bdun
pa'o// //chung ma ngan dang mdza' bo ngan/ /rgyal po ngan dang
bshes ngan

@135a @#/ /dang; /'brel pa ngan la brten pa ni/ /ring du yongs su
spang bar bya/ /yul 'jigs pa dang rigs zad dang/ /chung ma gzhan
sems phrogs pa dang/ /bu ni log pas phongs la gnas/ /gang zhig ma
mthong de skal ldan/ /ngan pa'i yul du su zhig sdod/ /bu

ngan pa la su zhig dga'/ /mdza' bo ngan la su yid rton/ /rgyal po
ngan la srog yod min/ /gzhan gyi zas dang gzhan gyi gos/ /gzhan
gyi yul dang gzhan bud med/ /gzhan gyi khyim du gnas gyur na/
/brgya byin yin yang dpal nyams 'gyur/ /dregs pas dpal ni nyams
'gyur zhing/ /

khro bas dka' thub nyams par byed/ /lam ring gis ni stobs nyams
byed/ /bram ze gtsang sbra med pas nyams/ /smad rigs rtsod pa
nyid kyis dga'/ /dam pa 'dum pas dga' ba yin/ /mi mchog go 'phang
bstod 'dod de/ /go 'phang bstod pa nor gyi mchog /bud med tshogs
spyod bran

gyur nga rgyal che/ /smad 'tshong snyan par smra bar byed pa dang/
/dka' thub chos gzob nor mdd 'dod la gdung/ /lnga bo 'di dag tshul
min spyod pa yin/ /gtong dga' bdul zhing ser sna can nor ldan/
/rang la mi skur bu ni bsgo mi nyan/ /gzhan la phan byed sngon
dga' tshe thung ba/ /lnga bo skye

dgu'i bdag pos nyes spyad yin/ /chung ma dang bral rang mis
brnyas pa dang/ /bu lon lhag ma skye bo ngan la brten/ /dbul por
gyur nas skye bos rgyab kyis phyogs/ /lnga bo me med par yang
shin tu sreg /rigs pas don byed bu ni bsgo ba nyan/ /nad med pa
dang dam pa dag dang 'grogs/ /

rang dbang yod cing rjes 'jug chung ma brten/ /lnga bo sdug
bsngal rtsa nas 'byin byed yin/ /zhum dang mdog ngan khengs pa
dang/ /gos ngan rang nyid 'ongs pa ni/ /lnga po 'di dag phur mi
yis/ /mchod sdong yin yang mchod mi 'gyur/ /tshe dang las dang
sems dang ni/ /mdza' bo dang ni

nor rnyed de/ /lnga bo 'di dag lus can rnams/ /skye ba'i rjes la
rjes su skyes/ /ri bo la 'jogs chu dang ni/ /ba lang khyi dang
'thab pa dang/ /'gyel ba las ni slong ba ste/ /be rga'i yon tan
lnga ru bshad/ /'jig rten na ni srog mi brten/ /nor dang lang tsho
brtan ma yin/ /mdza'

@135b bar rtsom pa mi brtan te/ /chos dang grags dang snyan pa
brtan/ /mi rnams tshe ni rab thung las/ /de phyed mtshan mos 'das
par byas/ /nad rgas nyon mongs phongs pa yis/ /phyed po de yang
tshang ma yin/ /'gro'am 'dug par gyur pa'am/ /gnyid ma log par
nyal ba na/ /gang zhig gzhan

don mi sems pa/ /de yi spyod pa phyugs dang mtshungs/ /phan dang
mi phan dpyod pa'i blo med cing/ /blo dang thos pa mang po dang
bral la/ /lto ba 'gengs pa 'ba' zhig 'dod gyur pa/ /de yi bsam pa
phyugs las khyad ci yod/ /mdza' bo rnams la phan gdags bya ba
dang/ /dgra bo rnams la

gnod pa bya ba'i phyir/ /mkhas pas rgyal po rnams la brten bya
yi/ /lto 'grangs 'ba' zhig tsam zhig su zhig byed/ /mkhas shing
rtsal dang grags ldan sma ma bab/ /mis bkur 'tsho ba skad cig gang
yin pa/ /de ni gson po yin zhes dam pa 'chad/ /khwa ni yun ring
'tsho yang gtor

zar zad/ /chu chung grog po dgang sla zhing/ /byis pa'i snyim pa
dgang sla la/ /skye bo ngan pa mgu sla ste/ /ngan ngon gyis kyang
mgu bar byed/ /sprin gyi grib ma rtswa yi me/ /blun po la brten
skam sa'i chu/ /smad 'tshong chags dang mi srun mdza'/ /drug po
'di dag chu bur mtshungs/ /nyam

chung dpung ni rgyal po yin/ /byis pa'i dbung ni da mo yi/ /glen
pa'i dpung ni mi smra yin/ /rkun ma'i dpung ni brdzun tshig yin/
/ji lta ji ltar skyes bu yis/ /bstan bcos legs par rtogs gyur ba/
/de lta de ltar shes pa yis/ /khyad par nges par skye bar 'gyur/
/ji lta ji ltar

skyes bu yis/ /blo yis dge ba'i las byed pa/ /de lta de ltar don
rnams kun/ /'grub 'gyur 'di la the tshom med/ /brkam chags bag med
yid ches pas/ /gsum pos skyes bu slu bar byed/ /de bas brkam
chags bag med dang/ /yid ches su yang mi bya'o/ /lkog na bya ba
nyams

byed pa/ /mngon sum du ni smra byed pa/ /dug bum kha na 'o ma
can/ /de 'dra'i mdza' bo spang bar bya/ /skye bo ngan dang 'dres
pa yis/ /skye bo ngan pa'ang rlag par byed/ /chu ni shin tu dang
ba yang/ /'dam gyis rnyog pa can du byed/ /gang zhig mgron mchod
lhag mar gyur de zas/ /gang

@136a @#/ /zhig sdig pa mi byed de shes ldan/ /gang zhig lkog tu
phan de mdza' bo yin/ /gang zhig g.yo med pas byed de chos yin/
/gang zhig rgan med pa de 'dun sa min/ /gang zhig chos ldan mi
smra de rgan min/ /gang la bden med de ni chos ma yin/ /gang zhig
slu ba

dang 'brel de bden min/ /gang du sems dang dga' ba bkra shis de/
/gang zhig gzhan la mi rten de 'tsho ba/ /gang zhig rang mi dang
spyod de bsags pa/ /gang zhig dgra bo zil gnon de nga rgyal/
/gang zhig nga rgyal bral de des pa yin/ /gang zhig sred pas ma
rmongs de dpal yin/ /gang

zhig bag phebs gyur pa de mdza' bo/ /gang zhig dbang po dul ba de
dpa' bo/ /rgyal po med par 'dug mi bya/ /bud med gtso bo byed pa
dang/ /gtso mang yod par gnas mi bya/ /rgyal po mkhas yod gnas
par bya/ /gzhon nu'i tshe na pas bsrungs la/ /lang tsho'i tshe na
khyos bsrungs shing/ /rgan

pa'i tshe na bus bsrungs pas/ /bud med rang dgar gnas ma yin/
/gcer bu'i khrus dang glang po myos/ /ba ni dad po be'u skyes pa
dang/ /chu med pa yi sbal ba dag /ring du yongs su spang bar bya/
/nor gyis gdungs la gnyen med bshes kyang med/ /'dod pas gdungs
la 'jigs med ngo tsha

med/ /bkres pas gdungs la stobs med mdangs kyang med/ /nad kyis
gdungs la gnyid med bde ba med/ /rigs ni spyod pas ston par byed/
/yul ni skad kyis ston par byed/ /brtse bar rtab rtab byed pas
ston/ /kha zas lus kyis ston par byed/ /gang zhig yid dang mthun
gyur

pa; /ring na gnas kyang gam na 'dug /gang zhig yid du mi 'ong ba/
/gam na gnas kyang thag ring yin/ /mi ni smra spobs zhan pa'i rig
pa dang/ /bstan bcos skyes bu ngan pa'i lag gnas pa/ /long ba'i
chung ma gzugs bzang lta bu ste/ /lus can dga' ba skyed par byed
ma

yin/ /nor ni ri brags kun na med/ /mu tig nya rnams phal la med/
/nags tshal kun la tsan dan med/ /dam pa kun na yod pa min/ /rkang
gnyis pa la mngon sum phyugs/ /blun po yongs su spang bar bya/
/mi mngon pa yi tsher ma ltar/ /tshig gi zug rngus gnod

@136b ba skyed/ /mkhas pas rtag tu bu dag ni/ /rig pa sna tshogs
la sbyar bya/ /mkhas shing blo ni phun tshogs ngan/ /rtag tu mchod
pa nyid du 'gyur/ /gang zhig gzhon tshe rig mi slob/ /pha dgra ma
ni zhes dgra yin/ /ngang ba'i nang na chu skyar ltar/ /mang po'i
nang na mdzes ma yin/ /

gal te blo rgya che 'dod na/ /tshigs bcad dam ni de yi phyed/
/rkang pa'am yi ge bslabs pa yis/ /nyi ma don med mi bya'o/
/gzugs dang lang tsho phun tshogs shing/ /rigs mtho ba las byung
gyur kyang/ /rigs dang bral na mi mdzes te/ /king shu ka yi me
tog

ltar/ /brid pa las ni nyes pa 'byung/ /brdeg pa las ni yon tan
mang/ /de bas bu dang slob ma la/ /brdeg par bya yis brid mi bya/
/lo lnga'i bar du brid bya ste/ /lo bcu'i bar du brdeg par bya/
/lo ni bcu drug lon pa dang/ /bu la mdza' ba bzhin du spyad/ /dri
rab

bzang zhing me tog rgyas/ /shing gcig gis kyang nags su ni/ /nags
de thams cad bsgos par 'gyur/ /rigs la bu bzang de dang 'dra/
/rang bzhin bzang zhing rigs ldan pa/ /bu ni bzang po gcig po
yis/ /rigs nang skyes bu seng ge de/ /zla ba lta bur gsal byed

yin/ /shing skam sdong bu gcig pu zhig /me yis tshig par gyur pa
na/ /nags de thams cad sreg pa yin/ /rigs nang bu ngan de dang
'dra/ /tshig tsam klag pa nyid dang ni/ /gang gzhan bstan bcos la
dpyod dang/ /thams cad nyon mongs ldan pa ste/ /bya bar

ma rmongs gang de mkhas/ /la la mi shes pas nyams la/ /kha cig
bag med pa yis nyams/ /kha cig rang bzhin gyis nyams la/ /la la
nyes pa nyid kyis nyams/ /shes ldan mkhas pa gzhan yin la/ /bstan
bcos mkhas pa'ang gzhan yin zhing/ /

gzhan dag gnas de mi shes pas/ /gzhan du 'jig rten nyon mongs so/
/gang gis yi ge gcig tsam zhig /bla mas slob ma la bslabs na/
/gang byin bu lon med gyur pa'i/ /rdzas de sa steng yod ma yin/
/bla ma gang ni yi ge gcig /ster la phyag ni ma byas na/ /khwa

@137a @#/ /yi skye gnas brgyar skye nas/ /sme sha can du skye bar
'gyur/ /rig pa glegs bam la bslabs shing/ /bla ma'i thad nas ma
bslabs na/ /'phyon ma'i bud med sbrum ma bzhin/ /tshogs kyi nang
na mjas ma yin/ /bram ze'i bla ma me yin la/ /rigs

kyi bla ma bram ze yin/ /chung ma'i bla ma khyim thab yin/ /kun
gyi bla ma glo bur lhags/ /mdza' bo la la phreng ba 'dra/ /mdza'
bo la la shing bal 'dra/ /mdza' bo la la lhun po 'dra/ /mdza' bo
la la sa gzhi 'dra/ /mdza' bo phreng ba 'dra spang zhing/ /shing
bal dang 'dra'i mdza'

bo dang/ /lhun po dang 'dra'i mdza' bo'ang spang/ /sa gzhi dang
'dra'i mdza' bo bsten/ /padma dmar ba nyid dang ni/ /dam pa gzhan
don byed nyid dang/ /dam pa min pa'i brtse med nyid/ /gsum po
rnam gsum ngang gis 'grub/ /tsher ma rno bar gyur pa su yis byas/
/ri dwags bya

yi ri mo su yis bris/ /bur ma shing mngar ni ma pa kha pa dag
/'di dag thams cad ngo bo nyid kyis 'grub/ /gang na skye bo glang
po myos ltar dregs/ /gang na rta dang pong bu khyad par med/
/gang na mchid bu ma rgad dbyer med pa/ /de ru yon tan can gnas
ci ru rung/ /yul

gang na ni yongs rtogs mkhas pa med/ /rgya mtsho las byung nor bu
der mi brin/ /nor bu chu shel rin thang che ba la/ /ba lang rdzi
ni phul gsum sbyin zhes zer/ /khwa yi tshogs nang ngang pa mdzes
ma yin/ /wa yi tshogs nang seng ge mdzes ma yin/ /bong bu'i tshogs
nang rta mchog

mdzes ma yin/ /skyes bu blun nnang mkhas pa mdzes ma yin yon tan
shes pa'i nang du yon tan 'gyur/ /yon tan med la de nyid skyon du
'gyur/ /chu bo'i chu ni shin tu zhim pa dag /rgya mtshor phyin na
btung du mi rung 'gyur/ /yon tan 'bad pas 'grub pa yin/ /'bad pa

bdag nyid la gnas pas/ /'bad nas yon tan mi slob par/ /gzhan dag
yon tan ldan zhes sgrogs/ /yon tan kun du mchog byed kyi/ /pha
mes rigs ni don med yin/ /khyab 'jug la ni skye bo rnams/ /phyag
'tshal nor lha lam yin/ /chos kyi rtsa mo rgyal po ste/ /chos

@137b rtsa dge slong bram za yin/ /rtsa ba las ni 'bras bu skye/
/de bas rtsa ba gnod mi bya/ /chos kyi 'bras bu rgyal po yin/ /me
tog dge sbyong bram ze yin/ /me tog las ni 'bras bu skye/ /de
phyir me tog la mi gtse/ /rgyal po shing de dge sbyong rtsa ba
yin/ /blon po yal ga grong mi

'dab ma yin/ /rtsa ba bsrungs na shing de mi nyams pa/ /de phyir
dge sbyong bram ze legs par bsrung/ /thams cad gzhan la rag las
gyur kyang na/ /mi yi dbang pos dge sbyong bram ze bsrung/ /chos
dang nor dang grogs dang snyan pa dag /dge sbyong bram ze legs
par

bskyangs las 'thob/ /rgyal po tsa na ka yi blos/ /bstan bcos
thams cad legs brtags nas/ /longs spyod lha yis bstangs pa dang/
/khyad par shes pa nyid du 'gyur/ /blo ldan mkhas pa thar pa'i
phyir/ /gang gis bstan bcos 'di bslab cing/ /bslabs pas 'di

la gnas gyur na/ /dpal dang dge ba thob par 'gyur/ /de la dgra
yis mi tshugs shing/ /nad kyis 'jigs pa yod ma yin/ /nang par dang
ni dgongs ka'i tshe/ /rgyal pos 'di ni bzla bar bya/ /gang gis 'di
don legs bsams nas/ /ji bzhin rjes su bsgrubs

gyur na/ /des ni rgyal srid yul 'khor yang/ /rtag tu 'phel ba
nyid du 'gyur/ /dpal ldan pa la katya 'i bus/ /lugs kyi bstan
bcos las btus pa/ /thos pa'i nor med sa stengs na/ /long pa yin
snyam bsams te byas/ /tsa na ka'i rgyal po'i lugs kyi bstan

bcos las le'u brgyad pa rdzogs po// //rgya gar gyi mkhan po pra
b+hA ka ra shrI mi tra dang/ zhu chen gyi lo tsA ba dge slong
rin chen bzang pos bsgyur cing gtan la phab pa// @##/ /rgya gar
skad du/ nI ti shA stra/ bod skad du/ lugs kyi bstan bcos/

thams cad mkhyen pa la phyag 'tshal lo/ /don gyi bstan bcos bye
brag las/ /bstan bcos bdag la phan pa dang/ /mi rnams blo ni
bskyed bya'i phyir/ /ma su rak+Shas bsdus te bshad/ /'jig rten dag
ni dga' ba bskyed pa dang/ /spyod pa ngan pa rnams ni spang phyir
dang/ /shes

@138a @#/ /rab bslab cing yang dag don sgrub phyir/ /blo skyed
phyir ni tshigs bcad tshul 'di brjod/ /dngos po kun la mkhas shing
goms par bya/ /chos spyad gzhan gyi mngon sum bsrung bar bya/
/khro ba spang zhign mkhas pa bsten par bya/ /bden par smra zhing
sgra

nyams brjod mi bya/ /bram ze bkur zhing ngan la'ang brnyas mi
bya/ /rgyal pos 'jigs shing spyod pa sba bar bya/ /dgra bos shes
bya mi rnams brnyas mi bya/ /dregs pa spang zhing smad dngos
bsten mi bya/ /phan pa'i zas bsten grogs po mnyes par bya/ /me la
mi 'gom g.yul

la blta mi bya/ /snyan ngag mnyan bya srog chags gnod mi bya/
/bya min mi bya khron pa bgo ma mi bya/ /rig pa blang zhing sbrul
dang rtse mi bya/ /ci nus sbyin zhing dman la bslang mi bya/
/bdag la mi bstod gzhan la smad mi bya/ /de nyid shes bya mtshan
mo rgyu mi bya/ /zhags

pa dang bral glang po'i rjes mi 'gro/ /lham med mi 'gro grogs med
lam mi 'gro/ /smyo byed blo ngan ring du spang bar bya/ /chung ma
ma rungs spang zhing yid 'ong bsten/ /ma 'dris pa dang nam yang
mthun mi 'jug /rgyal po'i bran mo 'dod spang ma'i ngag nyan/
/gang dang lhan cig zhe 'gras

yong mi bya/ /be'u gzhon pa ring du spang bar bya/ /bud med rnams
la nam yang yid mi brtan/ /chu po rgal dka' rgya cher 'jug mi
bya/ /chang 'thungs ra ro shing mthong mdzeg mi bya/ /don rnams
bsgrub cing chos dang nor mi spang/ /gang du bsrung ba med pa'i
yul du yang/ /

kun gyi gsang tshig nam yang mi smra ste/ /kun la yid brtan mi bya
legs par brtag /khar rjer mi gtang skyes bu'i rtsol la 'bad/
/gsang bor smra zhing 'brel med tshig mi brjod/ /glo bur lcag mdun
dus su legs 'ongs brjod/ /mi dang lha dang bram ze rnams la
mchod/ /

bsod nams yul ni rtag tu bsten par bya/ /rtag tu khrus dang gos
dkar gyon la 'grus/ /ha cang bud med chags min zhu nas za/ /shes
ldan gang zhig de ltar byed pa ni/ /'tsho ba nad med tshe ring shes
par bya/ /ma su rak+Shas byas pa'i lugs kyi bstan bcos

@138b las le'u dang pa'o// //bdag gis gsang dang gzhan gyis
gsang/ /bu gcig gces bzhin bsrung bya ste/ /sa bzhin kun la
snyoms byas nas/ /mi rnams dga' bas rab tu dga'/ /gnad kyi tshig
rnams mi brjod cing/ /gnad du phog 'gyur

mi bsgrags te/ /gzhan gyi gnad rnams smra ba ni/ /skyes bus mtshon
cha bzhin zhes bya/ /snying la tsham tshom med byas te/ /bu ram chu
bzhin kha nas brjod/ /zhe 'gras yid ches byas nas ni/ /de nas
ngag gam mtshon gyi sa gzhom/ /dgra rnams snyan pa brjod

kyang ni/ /blo ldan btang snyoms mi bya'o/ /de nyid mthar ni gnod
byed de/ /ji ltar dug gnod mi bzad bzhin/ /rang stobs chu bo mi
brtan te/ /chu bo'i rgya khyon yongs brtags nas/ /de bzhin dus su
brgal bya ste/ /rang don de bzhin rjes su bsam/ /ji srid

'jigs pa ma byung ba/ /de srid par du 'jigs par bya/ /'jigs pa
mngon sum byung na ni/ /'jigs pa btang ste brdeg par bya/ /don ni
chu skyar bzhin du bsam/ /pha rol gnon pa seng ge bzhin/ /byi
ba'i dri tshor byil ltar/ /shes nas shin tu brtul

bar bya/ /seng ge'i gcig dang chu skyar gcig /bya gag gi ni bslab
pa bzhi/ /bya rog lnga dang khyi yi drug /bong bu'i bslab pa gsum
rnams so/ /bya ba mang nyung gang yang rung/ /skyes bu gang zhig
byed 'dod pa/ /rtog med bya ba kun bsal te/ /seng ge'i

gcig ces grags pa yin/ /dbang po rnams ni rab bsdams shing/ /yul
dang dus la ci rigs par/ /bya ba rnams ni brtag dpyod de/ /skyes
bu mdzangs pa chu skyar bzhin/ /thor ngas ldang dang 'thab pa
dang/ /gnyen la kha zas snyoms par 'gyed/ /mo la rab gnon

nye bar spyod/ /khyim bya'i bslab pa bzhi yin no/ /mi mngon
'khrig dang rngom pa dang/ /dus su gnas ni 'cha' ba dang/ /bag
yod pa dang yid mi ches/ /'di ni bya rog bslab pa lnga/ /mang du
za dang cung zad chog /legs par gnyid log myur du sad/ /dpa'

@139a @#/ /la snying nye brtan pa ste/ /khyi yi spyod pa drug yin
no/ /khal gyis bkal na 'degs pa dang/ /grang dang tsha bas mi skyo
dang/ /rtag tu chog ni shes pa ste/ /bong bu'i spyod pa gsum yin
no/ /de ltar nyi shu shes bya ste/ /skyes bu gang zhig spyod

'gyur ba/ /'di ni dgra las rgyal 'gyur te/ /dgra rnams kun gyis
tshugs mi 'gyur/ /ma su rak+Shas byas pa'i lugs kyi bstan bcos las
le'u gnyis pa'o// //ji srid dus la ma bab par/ /dgra ni phrag
gong bkur bya ste/ /de bzhin dus su phyin

gyur na/ /rdo la rdza ma bsnun bzhin gzhom/ /dman zhing snying
rje'i skad brjod kyang/ /dgra ni gtang bar mi bya'o/ /de la
snying rje mi bya zhing/ /sngon chad gnod pa byed pa gzhom/ /bu
lon me yi lhag ma dang/ /de bzhin dgra yi lhag ma ni/ /yang dang
yang du 'phel

'gyur bas/ /de bas lhag ma gzhag mi bya/ /byas la lan du phan bya
ste/ /'chi ba byed la slar yang gtse/ /de la nyes par mi lta
zhing/ /ma ru dus byed la ma rungs bya/ /phongs pa'i don du nor
rnams bsrung/ /nor bas chung ma bsrung bar bya/ /nor dang chung
ma

gnyis pas kyang/ /thams cad don du bdag bsrung ngo/ /lkog na
'phya ba byams byed cing/ /mngon sum snyan par smra byed pa/ /de
'dra'i grogs po spang bya ste/ /bum kha'i 'o ma'i dug bzhin no/
/brkam chags sbyin pa mi ster dang/ /khengs pa thal mo mi

sbyor dang/ /de 'dra'i glen pa'i rjes mthun par/ /ji lta de ltar
thabs la mkhas/ /dgra la thal sbyar yid ches dang/ /spyi bos
gtugs te gus bya zhing/ /gdung gyur mchi ma 'dzag sogs bya/
/'byor bar 'dod pas de ltar spyad/ /dgra bo stobs

ldan rjes mthun bya/ /stobs chung dgra bo brlag bya ste/ /mthu
stobs mnyam pa'i dgra la ni/ /mthun min dul min bya ba'o/ /gang
gis gdung 'gyur de mi bya/ /gang gis zhum 'gyur tshul mi spyad/
/mthar mi phyin pa'i las mi brtsam/ /mgo ltung mi 'gyur

@139b brdeg mi bya/ /pha rol mi rgal de mi brtsad/ /gang du dgra
rnams der 'dug min/ /shing rtsa ma phyung phyung ba min/ /gnyis
su ma gyur bcad pa min/ /rgan po med pa tshogs pa min/ /chos mi
ston gang rgan pa min/ /gang la bden med chos ma yin/ /tshig

don ma 'brel don ma yin/ /tsher ma gting du zugs pa dang/ /chos
las nyams pa nyid dang ni/ /dgra dang sha khon zhugs pa gsum/
/rtsa nas phyung ba bde ba yin/ /gtan du drang po mi bya ste/
/nangs su song la yongs ltos dang/ /der ni shing

drang gcod 'gyur te/ /yon pa'i shing ni gnas la ltos/ /gang dang
gang ni ci bsams pa/ /de dang de la phan bsams te/ /rjes su 'jug
pa'i mkhas pa ni/ /myur du bdag gi dbang du 'gyur/ /'di ltar gsad
bya gang yin de/ /mi brjod ma tshor gsad bya

ste; /ri dags rgyal po rab 'khrugs pas/ /lus bskums na ni gnod
byed ltar/ /snying la khon du dam bzung nas/ /gzhan la ma ltos
spyad par bya/ /blo ldan bzod dang ldan byas nas/ /gzhan gyi
skyon ni yang mi bgrang/ /dper na khu byug grog ma dang/ /

dngul rdo lta bu'i mdog ldan pa'i/ /lag 'gro'i rkang mthil gang
yin des/ /dus ma yin par nyams kyang ni/ /gang zhig blo gros la
brten te/ /gdengs ka go 'phang mi smad cing/ /de ni dug nyams mi
'gyur ltar/ /skyes bu nyams kyang go 'phang mtho/ /ci srid

dag po pha rol la/ /'dir ni bus btsugs gdung bya ste/ /skye bo
dam pa rnams la ni/ /bsnyen bkur sna tshogs spyod pa dang/ /rngon
pa'i spyod lam 'jab bu yis/ /ri dags drung du phyin nas ni/ /dug
bsgos mda' yis bsnun bzhin bya/ /ma su rak+Shas byas pa'i

lugs kyi bstan bcos las le'u gsum pa'o// //bdag don 'bad pas bya
ba ste/ /gzhan don de bzhin bsam mi bya/ /bdag gzhan don rnams
spangs pas ni/ /mdzangs pa thob par mi 'gyur ro/ /gzhan gyi don
la mi brtul te/ /rang gi las la

@140a @#/ /brtsan pas bya/ /mig sman spyad na zas snang zhing/
/grog ma yis ni bsags pa dang/ /de bzhin du ni mkhas pa yis/
/bsags pa nyung du spyad par bya/ /ma rmongs thams cad rmongs bya
zhing/ /rmongs rnams rtag tu mgo bskor bya/ /

yid mi ches la yid ches bya/ /bdag nyid spa zhing gzhan rjes
bsam/ /nye ma don med mi bya ste/ /spyin pa kha ton las rnams
bya/ /ji ltar srin 'od kha chu yis/ /grog ma bslus pa bzhin du
bya/ /dam pa'i skye bo dga' bar bya/ /mi srun skye bo bsten mi
bya/ /skye bo

ma rungs yid mi brtan/ /skye bo dgra la dpa' brtan bya/ /bla ma'i
skye bo bzod par bya/ /smad 'tshong ma ni brid par bya/ /gang gis
de dag ma lus par/ /thams cad yongs su shes gyur pa/ /des ni
blang dor dpyad pa yis/ /'jig rten 'jig rten shes

pa yin/ /gang dang gang la nor ldan pa'i/ /skyes bu las la chags
'gyur ba/ /gang dang gang la dga' ba'i tshig /de dang de yi yon
tan brjod/ /yid mi ches la yid mi brten/ /yid ches lhag par yid
brtan min/ /yid ches pa las 'jigs pa 'byung/ /rtsa

ba las kyang gcod par byed/ /'byung po kun la yid mi brtan/ /kun
la yid ches bya ba'ang min/ /gang gi rang bzhin sba bya zhing/
/gzhan gyi rang bzhin shes par gyis/ /gzhan gyi bud med dug yin
te/ /de bzhin chung ma gzhan 'gro dang/ /gnyis po de la yid

rton pa'i/ /mi rnams 'chi sgor bsnyen pa yin/ /bud med rgyal po
sprul rnams dang/ /kha don dag dang dgra rnams dang/ /tshe dang
longs spyod dag la ni/ /shes ldan rnams kyis yid brtan min/ /rig
pa 'dod pas mkhas brten bya/ /shes par gyur

pa gzhan sten byed/ /de bas las rnams thams cad ni/ /lus pa med
par bslab par bya/ /sdig pa can la yid mi brtan/ /blo ldan bdag
ces zer yang yin/ /gang phyir de la yid ches min/ /de yi 'tsho ba
nyams par 'gyur/ /gshin rje gshed po 'chi ba dang/ /

@140b sa 'og rgya mtsho gling rnams dang/ /spru yi so drug sprul
dag ni/ /mi bsten phyogs gcig bud med yin/ /dgra yi phyogs byed
spang bar bya/ /bdag la dga' ba yongs su bsdu/ /kun la blo ni yod
pa ste/ /yun ring blo ni dka' ba yin/ /mig 'byed mig 'dzums tsam
yang rung/ /

dgra lam mngon sum bya ba min/ /smod pa na yang 'on pa bzhin/
/dus bab ral gris bcad bzhin bya/ /gang du chu yod ngang pa gnas/
/chu skams mtsho ni 'dor bar 'gyur/ /chu yis gang na phyir gnas
bzhin/ /ngang pa lta bu'i grogs mi brtan/ /rgyal po smad 'tshong
ma dang ni/ /de bzhin nye du dman pa

dang; /g.yog 'khor rnams la rtag tu yang/ /ha cang gdung par mi
bya'o/ /gang gi rgyu las mya ngan dang/ /dar dang sdug bsngal
nyid dang ni/ /lus kyi gnod byed rtsa ba de/ /gcig gam cung zad
tsam yang rung/ /mkhas pas spang zhing dor bar bya/ /gser ni rnam
bzhis brtag bya ste/ /bdar bcad bsreg

dang brdung bar bya/ /de bzhin rnam bzhis skyes bu brtag /thos
dang tshul khrims rig la sogs/ /thams cad shes shing rig par bya/
/kun la dogs bya dus shes kyis/ /'jig rten sems ni bsrung bya
ste/ /tshig rnams kun gyis yid ches bya/ /bdag gi gsang tshig gzhan
mi

smra; /ma su rak+Shas byas pa'i lugs kyi bstan bcos las le'u bzhi
pa'o// //blon po blo ni phun sum tshogs/ /bstan bcos kun la 'jigs
med cing/ /dbang mdzod stobs dang ldan pa ni/ /ma bsad der ni
phyir gsod 'gyur/ /yid ches skyes bu

'chi 'gyur te/ /smyug ma'i 'bras bu byung ba bzhin/ /yid ches
zhags pas gsod 'gyur te/ /nags na gnas pa'i ri dags bzhin/ /mig
rtsa dmar zhing tshig 'jam smra/ /dga' bas sems can kun dang
mthun/ /don rnams kun la gya gyur smra/ /gzhan

tshig dag la 'jig rten smod/ /de ni g.yon can spyod lam ste/ /de
snyid nyes pa chen po yis/ /sdig pa nyi tshe'i tshogs bsags nas/
/grong gi tshogs de bzlog bya ste/ /grong khyer la zug byed g.yon
can 'di/ /'byung khungs skye bo ngan pa'i gter/ /de ni 'jig

@141a @#/ /rtan spyi dgra yin/ /ma rungs skye bo kha snyan cing/
/tsan dan lta bu bsil ba'i ngag /snying ni ma rungs bdag nyid de/
/sog le bas kyang khyad par 'phags/ /ma rungs bdag nyid tshig 'jam
zhing/ /skyon dang rjes mthun snyan smra ste/ /mi mngon khon
bzung byams

byed la/ /yid brtan byed pa gshin rje bzhin/ /thag ring mthong
nas mgo smad cing/ /shin tu dam pa'i tshig brjod la/ /skad gsang
chung bas smra ba ni/ /g.yon can rnams kyi mtshan nyid yin/ /gang
zhig sngon chad gnod byas dang/ /de ltar gang gis gnod byed

pa; /de la yid ches mi rigs te/ /khung na gnas pa'i lag 'gro
bzhin/ /'bab chu sder mo can rnams dang/ /rwa can lag na mtshon
thogs dang/ /rgyal po'i pho brang bud med la/ /yid brtan bgrod
par mi bya'o/ /me chu bud med blun po dang/ /sbrul dang rgyal

rigs dgal ni/ /rtag tu 'bad pas sten byed pa/ /'phral du srog
'phrog de drug yin/ /nor rnams mang po ster byed pa'i/ /dgra la
gang zhig dpa' brtan dang/ /chung ma khyo la ma chags gnyis/ /de
yi 'tsho ba rab tu gcod/ /sngan chad dgrar 'gyur sten byed

cing/ /khon pa gzhi med 'khrug byed pa/ /grogs po 'dod pa zlog
byed pa'i/ /de 'dra'i grogs po ring du spang/ /dgra dang bshes
gnyen g.yog 'khor dang/ /par gnas rgan po nyam chung rnams/
/rmangs pas bye brag mi shes pas/ /de ni skyes bu tha shal

yin; /rkun ma'i chos pa gsad pa dang/ /grogs 'khu myur du brjod
par bya/ /chung ma 'khu ba mal stan byed/ /bram ze shes byed
spyan mi drang/ /bdag gis mngon sum ma gyur par/ /gang gis nyes
pa smra byed pa/ /gang gis dmyal bar ltung ba'i rgyu/ /lam

de brtsam par mi bya'o/ /bdag nyid bdag gi gnyen yin zhing/ /bdag
nyid bdag gi dgra yang yin/ /mtho ris dmyal ba de bzhin du/
/thams cad bdag gi dbang du bya/ /ma sur k+Shas byas pa'i lugs
kyi bstan bcos las le'u lnga pa'o// //

@141b blon pos legs par mnyam bzhag ste/ /spyod pa gzhan la smra
mi byed/ /nyi ma bzhin du dgra rnams la/ /gzi brjid kyis ni gdung
bar byed/ /mi srun lhan cig spyod pa dag /dang po dga' zhing
mnyan pa dang/ bar du rtsod pas dga' med do/ /tha mar

sha khon zhugs pa yin/ /bdag nyid tshe dang mtshungs par byed/
/dang po chung ngur bshes byed cing/ /bar du de bas lhag par
'gyur/ /tha mar rab tu dga' bas mdza'/ /dam pa'i bshes ni 'bab
chu 'dra/ /dang po myur zhing rab tu che/ /rim gyis rim

gyis rgya cher 'phel/ /'gro ba phyir ni bzlog pa med/ /dud 'gro
dri yis mthong bar byed/ /rig byed kyis ni bram ze mthong/ /sman
gyi rig pas sman pa mthong/ /rgyal po nyan rnams mthong bar byed/
/mi yi dgra ni gzhom 'dod pas/ /rtag tu snyan

smra dran pa bsam/ /glu yis bring ba'i ri dgas bzhin/ /sems
'khrul 'gyur nas gsad par bya/ /gang la nor yod bshes gnyen dang/
/gang la nor yod nye du ste/ /gang la nor yod 'jig rten mi/ /gang
la nor yod de mdzangs yin/ /nor med

gyur na gnyan bshes dang/ /bu dang chung ma nye du dang/ /skye bo
sdug pa rnams kyis spong/ /nor ldan gyur na phyir yang bsten/
/nor ni 'jig rten mi yi gnyen/ /go 'phang mchog thob gyur na ni/
/bshes gnyen grogs po la sogs pa/ /

sngon ma mthong ba rnams kyang 'dud/ /nor zad go 'phang nyams dus
na/ /rang mi rnams kyang dgrar 'gyur la/ /nor dang mi ldan skye
bo yis/ /bden pa smras kyang spong bar byed/ /gsang ngam khong ni
grims pa dang/ /brnag pa mthar phyin byed

dus dang/ /dgra la rigs pa spyod pa ni/ /dgra po 'jigs 'gyur the
tshom med/ /dgra yi phyogs la mkhas pa yis/ /dad po rtsa ba gcad
par bya/ /de nas rang gi phyogs bcas pas/ /sngon chad gnod pa
byed pa gsad/ /gang zhig dgrar 'gyur skye bo dang/ /slar

@142a @#/ /ni 'dum par 'dod gyur pa/ /de ni 'chi ba nyer len te/
/dre'u mo yi ni mngal bzhin no/ /dgra dang lhan cig 'dum byed
cing/ /yid brtan bde bar gnyid log pa/ /de ni shing rtser gnying
log pa/ /lhung nas gsad pa ji bzhin no/ /gal te bu'am spun
zla'am/ /snag

gi gnyen mtshams 'grogs bshes rnams/ /rgyal pos bar du gcod byed
na/ /gsang byar 'di la the tshom med/ /mnyen pas mi mnyen 'jig pa
ste/ /'jam pos rtsub pa 'jig par byed/ /mnyen pas mi 'dul cung
zad med/ /da bas mnyen pa shin tu rno/ /

nor mnyam nus pa mnyam pa dang/ /gnas la mkhas shing brtson 'grus
che/ /rgyal srid dngos su 'phrog pa'i mi/ /gal te ma bsad des
gsod 'gyur/ /zab mo glo ldan ngag 'jam zhing/ /dman par smra la
dbang po thul/ /bden par smra zhing gzhan dbang can/ /shis

pa'i tshig ldan de nyid rig /rje bo la ni rtag gus pas/ /de 'dra'i
g.yog 'khor bzang po yin/ /shin tu mchog shes le lo med/ /legs
par gnyid log rab tu sad/ /bde dang sdug bsngal grogs byed pa'i/
/g.yog 'khor 'jig rten rab tu dkon/ /g.yo can rnams la

g.yo ston cing/ /drang la drang ba'i spyod pa ston/ /dga' dang
dga' ba nyid dang ni/ mi dga' bal mi dga' ston/ /dngos po gang la
gang dga' ba'i/ /skyes pa'am bud med ston byed pa/ /dam pa rnams
kyi 'jug sgo ni/ /nam du yang ni mi 'dor ro/ /skye bo ngan dang

'grogs na ni/ /skye bo dam pa'ang nyams byed de/ /chu dang 'dam
du 'dres na ni/ /dang ba'ang dri ma can du 'gyur/ /kha la sbrad
rtsis bsgos bzhin dang/ /khong na rnyog pa'i bdag nyid de/ /nang
na ra gan phyi dngul lam/ /kha yi nang gi rdo phye bzhin/ /tshig
'jam brtse med

shes rab ldan/ /mi mngon shin tu mi bzad pa/ /bu ram dug 'dres
lta bu yi/ /de 'dra'i skyes bu bsten mi bya/ /shin tu ma rungs
skye bo la/ /rjes su mthun pas zhi bya zhing/ /mngar ba'i ngag
ges bsgo bya ste/ /mkhris pa'i nad 'byung ji bzhin no/ /n+ya gro
d+ha zhes bya ba yi/ /

@142b shing gi rgyal por grags pa yod/ /de yi myu gu bu rnams ni/
/rtsa ba zugs nas gting gnas te/ /gcig la gcig ni 'brel byas nas/
/de nas shing de 'jig par 'gyur/ /de bzhin bu dang tsha bo dang/
/blon po'i tshogs dang bcas pa yi/ /rgyal po gnas nas skyong byed
de/ /rgya[?]

gro d+ha yi myu gu bzhin/ /ma su rak+Shas byas pa'i lugs kyi bstan
bcos las le'u drug pa'o// //sa bdag gi ni g.yog 'khor gyi/ /mtshan
nyid bshad kyis mnyan par gyis/ /rgyal bo ji ltar shes nyen ldan/
/g.yog 'khor de ltar brtag par bya/ /ji ltar dbang

po la sogs pa'i/ /me ni lha rnams kun gyi kha/ /de bzhin rgyal
po'i blon po yang/ /yul 'khor rgyu dang mi rgyu'i kha/ /brtan
zhing zab mo'i blo dang ldan/ /mdangs ldan chos dang bstan bcos
rig /dul zhing bden par smra ba dang/ rgyal po'i 'khor la phan
par sems/ /rigs

btsun rgyud ni mnyen pa dang/ /bla ma la ni gus nyan dang/ /skye
dgu rjes brtser ldan pa yi/ /rgyud byung de ni rgyal sras yin/
/rgyal po snying rje phan sems ldan/ /bla ma'i skyon ni sped pa
dang/ /g.yul 'jug slar yang mi ldog cing/ /bde dang sdug bsngal
mnyam par shes/ /rigs

dang tshul khrims phun sum tshogs/ /chos lugs 'chad pa mkhas pa
ste/ /de bzhin dul dang dad pa dang/ /grims pa rgyal por rab
grags so/ /tshig gsal blo ni phun sum tshogs/ /lugs kyi bstan bcos
dag la mkhas/ /dad 'jam dpyod par byed pa ste/ /rgyal po'i

blon po de 'dras bya/ /yid gzhungs tshig gsal shes rab ldan/
/gzhan sems nye bar mtshon nus dang/ /brtan zhing ji skad bsgo
bzhin smra/ /rgyal po'i pho nya de 'dras byas/ /rig byed yan lag
de nyid shes/ /bzlas brjod spyin sreg mchog tu brtson/ /rtag tu
shis pa rjod

byed pa/ /shes rab ldan de mdun na 'don/ /sgra rig rtsis kyang
shes pa ste/ /yi ge byang zhing lag pa myur/ /yid gzhungs tshig ni
gsal ba dang/ /grags dang sbyin ldan yi ge pa/ /yi ge byang zhing
sgra la mkhas/ /sgra yi mtshan nyid rtogs byed cing/ /dri za bzhin
du dbyangs mkhas te/ /

@143a @#/ /de 'dra'i klog mkhan bsko bar bya/ /brtan zhing dbang
por rjes su 'os/ /shes rab che zhing legs nyes rtogs/ /gtsang
zhing rgyal po'i sku phyed brten/ /de 'dra chad pa gcod byed yin/
/tshe yi rig byed goms pa dang/ /chos rig yid 'ong snyan smra
zhing/ /cho ga dang

chul phun sum tshogs/ /thang la 'bar bzhin gso mkhas shing/ /nad
kyi mtshan nyid kun la mkhas/ /rgyal po de 'dra'i smran pa bstan/
/gzhan gyi spyod lam zur gyis shes/ /stobs ldan snyan par smra ba
dang/ /gzhan gyi bsam pa rtag tu shes/ /sgo dpon de 'dra bsgo

par bya/ /mtshon la goms shing nus dang ldan/ /bzhon pa dag la bya
bzhin goms/ /dpa' zhing brtan pa phun sum tshogs/ /de 'dra dmag
dpon yin par shes/ /pha mes rgyud byung grims par shes/ /bstan
bcos rig cing zhim par 'tshed/ /gtsang sbra che zhing snying

nye ba; /de lta bu yis phyag tshang bya/ /shes cher dpyad med phun
sum tshogs/ /bstan bcos kun la 'jigs med dang/ /rigs ni chen por
skyes gyur pa/ /de ni nang blon shes par bya/ /long ba 'phye bo
theng po dang/ /snying nye brtan la rtag 'grus te/ /ri bo bzhin
du mi

'gul ba/ /de 'dras btsun mo'i srung ma bya/ /lus kyi 'gyur ba
bcas pa yis/ /glu tshig lam la mkhas pa dang/ /gar dang sdeb sbyor
mchog shes pa/ /de 'dra'i srung mkhan bsten par bya/ /bstan zhing
rgyal ba 'thob pa dang/ /gdugs dkar ba dan dkar ba ste/ /

g.yul las rtag par rgyal ba ni/ /rgyal po'i bu zhes rab tu grags/
/ji ltar khyi zhig bkres nyen te/ /rus bskam po khar bcangs nas/
/khrag byung sdug bsngal ba de snyam pa/ /de bzhin 'dod rmongs
rnams kyis ni/ /bud med rnams la bde snyam sems/ /ma su

rak+Shas byas pa'i lugs kyi bstan bcos las le'u bdun pa'o/ /lugs
kyi bstan bcos rdzogs so// //rgya gar gyi mkhan po A tsA ra-ya
d+ha rma shrI b+ha dra dang/ lo tsA ba dge slong shA kya blo
gros la sogs pas bsgyur cig zhus te gtan la phab pa'o// //

@143b @##/ /rgya gar skad du/ sa mu dra b+ha dzA bi na/ bod skad
du/ rgya mtshos bstan pa'i mtshan/ thams cad mkhyen pa la phyag
'tshal lo/ /rkang ba'i gong gi sor mo'i mtshan rnams ni/ /skyid
dang sdug pa thams cad shes par byed/ /mthe bong che na sdug
bsngal 'thob

par byed/ /chung ba skam pa yul rnams bskor zhing sdug /leb mo
skam pa skya bo mi bzang ste/ /mtheb mdzub par du kha 'dra skam
pa ni/ /nyon mongs thams cad skye bar 'gyur ba yin/ /mthe bong
gyen du mtho ba legs par snyoms/ /snum zhing snyoms par skyes pa
bde ba'i mtshan/ /sor mo

zlum pa sen mo zangs kyi mdog /shin tu dmar ba khrag gi mdog can
ni/ /rgyal por 'gyur ba'i mthe bo'i mtshan ma yin/ /rkang ba'i
mdzub mo spom zhing ring ba ni/ /bud med longs spyod kyi ni rnyed
pa thob/ /thob pa'i bud med myur du 'chi bar byed/ /yang na bu
skyes 'chi bar 'gyur ba yin/ /

mdzub mo chung na kun dang 'khon par byed/ /gung mo mtho na don
rnams nyams par byed/ /chung na sdug bsngal bzhin du 'byung bar
'gyur/ /srin lag ring na rig pa 'dzin par byed/ /thung na chung
ma 'chi bar 'gyur ba yin/ /mthe chung ring na don rnams 'grub par
'gyur/ /chung na pha rol

nor rnams 'phrog par byed/ /mdzub mo mthe chung shin tu sbom pa
ni/ /a ma 'chi bar 'gyur ba rgya mtshos bshad/ /gung mo snyoms
shing zlum pa legs pa ni/ /bu skyes chung du'i lo la 'chi bar
byed/ /rgya mtshos bstan pa'i mtshan gcig pa'o// //sor mo mi snyoms
sbom phrar

gnas pa ni/ /'bangs po'i 'bangs kyi las rnams byed par 'gyur/
/'bangs bo min yang gzhan gyi las rnams byed/ /sor mo 'khyog cing
gang gis dang/ /rtag tu sdug bsngal 'ba' zhig spyod par byed/
/sor mo snyoms pa gcig tu skyes pa 'dra/ /zlum zhing 'dril ba
byin gyis phra

ba ni/ /rgyal po'i mtshan gyis brgyan pa'i sor mo yin/ /sen mo
dkar ba sha dang bcas pa ni/ /skyes pa sdug bsngal bzhin du gnas
par bshad/ /sen mo gas pa 'dod pa'i longs spyod med/ /sen mo
'khyog pa chag pa spom pa las/ /rtag tu slong mo byed pa'i dbul
por

@144a @#/ /bshad/ /ba bla lta bu sen po ser po yis/ /bram ze gsod
dam bkur 'os gsod par bshad/ /sen mo dmar ba rgyal por 'gyur ba
ste/ /des ni gnyen po byas pa mi bzang ste/ /rang gi rigs rnams
smod par byed pa yin/ /sen mo dung gi mdog gis

rgyal por 'gyur/ /zangs kyi mdog can rgyal po'i sen mo ste/
/padma'i mdog can kyang ni de bzhin no/ /sen mo khrag mdog mchog
gi dbang phyug ste/ /snum pa legs pa zangs mdog rgyal por 'gyur/
/rgya mtshos bstan pa las mtshan gnyis pa'o// //mthe bong nas

bzung mthil gyi sha rgyud ni/ /snyoms pa mdog bzang ring ba bde
bar 'tsho/ /thung du mdog ngan mtho dman ldan pa ni/ /bsam ngan
kun la gnod cing bde ba med/ /rkang pa pag gi lta bu yod pa la/
/rtag tu gzhan gyis 'ching bar 'gyur ba yin/ /mnyam snyoms pas ni
bde ba

thob par byed/ /bo la tshigs ma he lta bu phag bzhin no /bol tshigs
rdo rje lta bu rtag tu sdug /bol tshigs rta yi lta bu dbang phyug
thob/ /rgya mtshos bstan pa las mtshan gsum pa'o// //byin pa ri
dags lta bus rgyal por 'gyur/ /ce spyang lta bu'i byin pas sdug

bsngal 'thob/ /byin pa sbom pos mchog gi dbang phyug thob/ /byin
pa sbom po ring po gang gis kyang/ /rtag tu 'gro ba 'ba' zhig
'thob par byed/ /byin pa phag pa lta bus longs spyod med/ /byin
pa pho rog lta bus sdug bsngal thob/ /byin pa dom mam spre'u lta
bus 'chid/ /

seng ge stag gi byin pa 'dra ba las/ /pha rol grags pa nor rnams
mang por ldan/ /ba spu re re skyes pa rgyal por 'gyur/ /gcig
gnyis skyes pa nor gyi bdag por 'gyur/ /gsum bzhi yan chad gang
yang rnyed pa med/ /rgya mtshos bstan pa las mtshan bzhi pa'o// //

ngang pa ni tso'i gdangs can rgyal por 'gyur/ /de gnyis 'gros
kyis 'gro ba mchod par 'gyur/ /khyu mchog seng ge glang gi gdangs
dang 'gros/ /longs spyod mang po'i bdag po byed par 'dod/ /sna
tshogs bya dang dud 'gro'i gdangs dang 'gros/ /da dang de yi longs
spyod thob

@144b par bshad/ /chu nang sems can bzhin du dbugs kyib pa/ /gnas
pa mi yi 'jigs dang sdug bsngal 'thob/ /khyi dang phag dang ma he
lta bu'i dbugs/ /'gros can de 'dra sdug bsngal don mi thob/ /rgya
mtshos bstan pa las mtshan lnga pa'o// //brla phra'i skyes pa de ni
bu dang bral/ /brla sul

mdzes pa sbom po lo brgya 'tsho/ /nan tur sbom na sdug bsngal mang
po thob/ /sha rgyas snyoms pa mi yi dbang phyug yin/ /spom po
ring ba gzhan gyi 'ching ba thob/ /srab mo phug dang 'dra ba sdug
bsngal 'dzin/ /sha skams brla ni srab cing rgyus 'drul byed/
/sbom phra med par mdzes shing

snyoms pa ni/ /yon tan mang po 'dzin par byed pa yin/ /brla sgang
leb pa bud med rnyed pa thob/ /brla stod phra ba brla smad sbom
pa ni/ /rtag tu rgyu 'grul byed par 'gyur ba yin/ /rgya mtshos
bstan pa las mtshan drug pa'o// //sor mo'i ri mo g.yas su 'khyil
ba ni/ /bu thob g.yon

par 'khyil ba bu mo 'byung/ /sor mo mi snyoms sbom phra rtsa dang
bcas/ /de 'dra gang la yod pa sdug bsngal 'thob/ /snyoms pa ring
ba rtsa med sha dang bcas/ /gang la yod pa de ni bde bar 'tsho/
/rkang pa 'phongs tshos mnyam por 'dug pa la/ /rtags kyis sa la
reg pa sdug bsngal

'gyur/ /dbang pos tshigs la slebs pas dbang phyug 'thob/ /seng ge
stag gi dbang po 'dra ba yis/ /longs spyod dbang po'i bdag po
byed par 'gyur/ /rta yi dbang po lta bu'ang de bzhin mo/ /dbang
po'i nang du padma'i ri mo 'dra/ /gang la yod pa de ni rgyal por
'gyur/ /

gser dngul mu tig rdo yi snying po dang/ /dmar ba snum pa nor bu
rin chen 'dra/ /gang la yod pa de ni rgyal po'i mtshan/ /ljang
dang sdo nag dngul dang bcas pa dang/ /ri mo sde skya gas pa gang
kod can/ /gang la yod pa sdug bsngal mad po thob/ /brla yi ri mo
lta bu rgyal

por 'gyur/ /mdog ngan rdul dang bcas pa ri mo can/ /de 'dra gang
la yod pa rnyed pa med/ /yang na de 'dra'i mtshan ma ma ning
'gyur/ /mchog tu 'dod pa che ba bu mo skye/ /utpal sngon po pad
rgyas 'dra ba snyoms/ /bzang po'i mtshan ma yin par rgya mtshos
gsungs/ /dri chu ring por

@145a @#/ /'gro ba bde bar 'tsho/ /dri chu gnyis gsum bzhi lnga
ngan par bshad/ /nan ltar mang por 'gro ba bde bar bshad/ /dri
chu sgra dang bcas pa bde bar 'tsho/ /dri chu sgra med sdug bsngal
'byung bar bshad/ /'bab tshe g.yas su 'khor ba bzang por bshad/
/phyi nas

bu dang ldan par 'gyur ba yin/ /g.yon du 'khor na bu mo bzang mo
skye/ /ral gri sngon po lta bu sdug cing gson/ /skya ba skyed med
sdug bsngal mang po 'thob/ /rtags la reg tshe shing ltar gyong pa
yis/ /rang gi rigs rnams rlag par byed pa yin/ /snyoms pa zlum pa
'jam pa chu ba

'dzin/ /gang la de 'dra'i rtags can bde bar 'tsho/ /sor gsum sor
lnga ldan pa'i dbang po ni/ /gang la yod pa sa yi bdag por bshad/
/rgya mtshos bstan pa las mtshan bdun pa'o// //lte ba yangs pa zab
pa nang du zlum/ /de 'dra gang la yod pa bde bar 'tsho/ /nang du

zlum pa med na sdug cing gson/ /tshang ra sha dang bcas pa bde bar
'tsho/ /sha skams sngo dang bcas pa sdug bsngal 'dzin/ /sha skams
rting song rkub tshos spu dang bral/ /rtag tu de la dug bsngal mad
po 'byung/ /stag dang seng ge lta bu'i 'phongs tshos bcas/ /rtag
tu bde chen

bdag po byed par 'gyur/ /dom dang spre'u lta bu bde ba med/ /sha
skams khyi yi lta bu'ang de bzhin no/ /gsus pa ri dags lta bu bde
ba'i mtshan/ /gsus pa rma bya lta bu'ang de bzhin no/ /stag dang
seng ge lta bu rgyal por 'gyur/ /gsus pa chung ba mi yi bdag por
'gyur/ /gsus pa shin

tu che ba bde ba'i mtshan/ /gsus pa spe ga zlum po lta bu ni/ /de
ni sa yi bdag po byed par 'gyur/ /lte ba zab pa zlum po skyes bu
mchog /zlum po phyi ru 'thon na ngan par bshad/ /lte ba g.yas su
'khyil bas don rnams 'grub/ /g.yon du 'khyil bas don rnams stong
bar byed/ /spu gnyis

snyoms shing zab pa bde ba'i mtshan/ /spu gnyis mi mngon gsus pa
snyoms pa las/ /bud med longs spyod thob pa bde ba'i mtshan/ /spu
gnyis ri bong lta bu'ang skyes pa'i mtshan/ /gsus pa nas 'dra rtsa
yis gang ba las/ /mtshan ngan sdug bsngal mang po 'thob par byed/
/gsus

@145b ba zla gam sbrul 'dra grod pa che/ /sbrul dang nya 'dra
rang gi dka' thub nyams/ /khyi dang ce spyang lta bur ltogs shing
skom/ /tshe ring lo brgya 'tsho yang sdug cing gson/ /rgya mchos
bstan pa las mtshan brgyad pa'o// //nu ma mtho ba snum zhing
snyoms pa las/ /bde zhing bzang po'i mtshan

gyis brgyan pa yin/ /brang zheng snyoms pa zab pa bde bar 'tsho/
/tshe ring lo brgya 'tsho zhing longs spod che/ /sha rgyas tshe
zhong zlum pa rgyal por 'gyur/ /gdong ba sha med mi de sdug
bsngal 'gyur/ /dbang phyug stag dang seng ge 'dra bas thob/ /sde
yi bdag dang dpon po thob par 'gyur/ /seng

ge'i rgyab can 'dud cing kun gyis mchod/ /rta yi rgyab can skyid
sdug phyed mar spyod/ /shin tu rgyab gzhung ring ba gnyen dang
bcas/ /rtag tu bde bar skyong zhing rang don med/ /rgya mtshos
bstan pa las mchan dgu pa'o// //snying gar spu dang bcas pa bde
bar 'tsho/ /spu dang bral yang

bde bar 'tsho bar byed/ /spu snyoms cung zad skyes pa mkhas par
'gyur/ /spu gcig skyes pa phyug por 'gyur bar bshad/ /gnyis dang
gsum du skyes pa ngan par bshad/ /ser skya sngo nag sprin gyi
mdog can dang/ /ldong ros zla ba'i kha dog padma dang/ /'dra ba
de la rgyal po'i mtshan mar

'dod/ /ser skya nyi ma 'char ba'i kha dog can/ /sa skyong rgyal
po byed par 'gyur ba yin/ /rgya mchos bstan pa las mtshan bcu
pa'o// //glang chen lta bur lus pe byin du rgyas/ /bde bar son pa
bzang po'i mtshan ma can/ /thang kar langs pa lag pas apus mor
sleg /yon tan kun gyis

brgyan pa'i lag pa yin/ /shin tu lag pa chung ba 'bangs por
'gyur/ /lag pa'i ri mo g.yon du 'khyil ba ni/ /thams cad yongs su
rdzogs par rgyas pa yin/ /pha rol grags pa'i rgyal po thob par
'gyur/ /lag pa'i ri mo g.yas su 'khyil ba ni/ /rtag tu skyes pa
sdug bsngal 'gyur ba

yin/ /lag pa snyoms la mthug pa ror mo ring/ /dmar la zlum pa sha
dang bcas pa ni/ /'jam pa nang du chu blugs 'dzin par byed/ /de
'dra gang la yod pa rgyal por 'gyur/ /lag pa sha med rtsa dang
rdul gyis gang/ /ser skya sen mo ser ba sdug bsngal 'dzin/ /mdzub
mo'i dkyil lam

@146a @#/ /gyen du langs pa yi/ /ri mo gang la yod pa bu gsum
'gyur/ /gang du srang gi ri mo yod gyur pa/ /lag pa'i rting par
nya'am rnga ma 'dra/ /gang la yod pa sgrub pa'i 'bras bu thob/
/de ni bu mang bdag po byed par bshad/ /mthe chung srin lag rtsa
ba'i tshigs gsum gyi/ /'og ma'i

dkyil du ri mo snyoms pa gsum/ /nan tar gsal ba yod na lo brgya
'tsho/ /lag pa gur 'chad lta bu mdog can ni/ /gser dang nor mang
bdag po byed pa yin/ /gzhan yang rig pa 'dzin par byed pa yin/
/lag pa'i dkyil lam yang na gnas gzhan du/ /hom gzar lta bu gang
la yod pa de/ /

kun gyis bkur ram mchod sbyin bdag por bshad/ /lag pa'i ri mo
mang po yod gyur na/ /bram zer gyur na rig byed bzhi la mkhas/
/dbyug pa gdugs dang chu bum lta bu yi/ /ri mo gang la yod pa
bram ze'i rigs/ /de yi rkang la rgyal po'i mgo bos 'dud/ /rdo rje
rtse gsum shakti 'dra ba dang/ /

dgra sta'i ri mo ral gri 'dra ba'i gzugs/ /de rnams yod pa de ni
rgyal por 'gyur/ /dung dang gdugs dang lcags kyu mtshan ldan dang/
/gang la yod pa mi yi rgyal por 'gyur/ /ri mo dod snyoms snum pa
'khor lo 'dra/ /gang la yod pa de yang rgyal por 'gyur/ /ri mo
chad pa rdul can nyung du gson/ /

ri mo ri dang shing sdong lta bu dang/ /sor mo ring po zlum po
snyoms pa ni/ /dud 'gro mang po'i bdag po byed par 'gyur/ /ri mo
gdugs dang rgyal mtshan 'khor lo dag /gang la yod ba rgyal po nges
par thob/ /'gro 'am 'dug dang nges par bde bar son/ /rgya mtshos
bstan pa las mtshan bcu gcig

pa'o// //lag pa mtho ba zlum po sha dang bcas/ /de ni sde chen
bdag po byed par 'gyur/ /mgrin pa ring ba rnga mo lta bu ni/ /pha
rol nor la rlom sems byed par 'gyur/ /mgrin pa snum pa ki ra lta
bu dang/ /glang chen lta bu yod na rgyal por 'gyur/ /bza' btung
longs spyod mang po 'thob par

byed; /gdong ba zlum po chos dang tshul khrims ldan/ /gdong pa sha
dang bral ba zha kyog can/ /pha rol don rnams mang po smra bar
byed/ /mang po smra ba de ni rkun mar bshad/ /don rnams rdzogs
par smra ba rgyal por 'gyur/ /ra dang spre'u'i skad dang gdong pa
ni/ /pha rol grags pa nor rnams

@146b mang por 'gyur/ /'gram mgo padma'i 'dab ma lta bu la/ /de
yi mgrin pa longs spyod mang por ldan/ /ya mchu dmar ba srab pa
mi yi bdag /ya mchu mthug par gyur pa rmongs par 'gyur/ /nan tar
skams na sdug bsngal mang po can/ /bim pa'i mchu can bza' btung
mang bar bshad/ /

so rnams ku mu ta ltar dkar ba ni/ /mchog tu bzang po mi yi rgyal
por 'gyur/ /glang chen bong bu'i so can snum po rnams/ /bde bar
'tsho ba bzang po'i mtshan ma yin/ /dom dang sbre'u lta bu ltogs
par 'gyur/ /rdo ba lta bu gdol can 'khyog pa ni/ /sdug bsngal
thob pa so yi

mtshan ma yin/ /g.yas pa'i so gnyis sbom pa dpon por 'gyur/ /stobs
dang longs spyod mang po ldan pa yin/ /g.yon pa'i so gnyis spom
pa pha ma 'chi/ /so bzhi 'khyog pa sdug cing pha ma 'chi/ /dkar
po rno ba legs pas yi bdag /ring zhing rno ba mkhas pa'i mtshan ma

yin; /sum cu so gnyis so can rgyal por 'gyur/ /longs spyod dag
dang ldan par 'gyur pa yin/ /sum cu yod na bde bar 'cho bar
'gyur/ /sum cu so dgu'i so can sdug cing gson/ /nyi shu rtsa bzhi
pa ni bde bar 'tsho/ /des ni 'dod pa'i longs spyod mang po rnyed/
/ya so ma so mnyam pa

nor gyi bdag /dmar smug dkar can rigs sdig pa byed pa yin/ /mthug
brdul can le ni mi bzang ste/ /dkar po lce can spyod pa gtsang ba
yin/ /padma'i 'dab ma lta bu ring ba ni/ /shin tu srab pa ma yin
mthug pa min/ /rgyal por 'gyur ba'i lce yi mtshan ma yin/ /snum
dang dmar ba rig pa

'dzin par byed/ /dmar smug dkar can rigs rnams nyams par byed/
/des ni nor med sdug bsal mang po 'thob/ /ser nag dmar smug can
gang bzang po min/ /seng ge glang chen lta bu mi yi bdag /ngang
pa 'brug gi gdangs can nor dang ldan/ /glang ngam bong bu'i skad
can sdug bsngal

che; /rta dang bang bu bya rog sgra can sdug /tshig gtam zer ba
sdig can yin par bshad/ /nyung du smre zhing bden pa rgyal por
'gyur/ /rgya mtshos bstan pa las mtshan bcu gnyis pa'o// //glang
chen rta yi rna can rno ba ni/ /'jig rten 'dren pa byed par 'gyur
ba yin/ /ne tsho'i

@147a @#/ /mchu can de yang de bzhin no/ /shin tu rna gong mtho ba
longs spyod ldan/ /sna chus pa tshul khrims gtsang ma bsrung/ /sna
gong 'khyog pa sdig pa byed pa can/ /sna rtse spom pa mthug
pa'ang sdig pa byed/ /sna rtse spom pa sna gong leb pa ni/ /de
yang sdug bsngal mang po 'dzin par byed/ /rgya mtshos bstan pa

las mtshan bcu gsum pa'o// //me tog dmar po lta bu'i mig can ni/
/longs spyod bdag po sde yi 'dren pa byed/ /gru gsum mig can
'jigs pa zlum pa dang/ /khyil ngang pa lta bu'ang dpon por 'gyur/
/khrag ltar dmar ba nad dang bcas shing sdug mchog tu mig 'bor
mthob sdug par bshad/ /ma he lug dang

ra 'dra 'khrug pa rem/ /g.yo ba mig can kun du lta ba ni/ /pha
rol bud med la ni bsam pa can/ /mig gnyis nang du song ba ring
por gson/ /zlum pa'i mig can nyung du gson par bshad/ /ri dags
rma bya ce spyang ba lang dang/ /glang chen lta bus longs spyod
thob par byed/ /mchog tu chud pa skem po yo ba ni/ /chu yis gang

pa zag pa mchi ma can/ /nor med sdug bsngal can gyi mig tu bshad/
/rgyal mo shin tu gnag pa bde bar 'tsho/ /rgyal mo dkar ba 'chi ba
'thob par byed/ /rgyal mo dmar pa nor gyi bdag por bshad/ /mig
kong legs pa dbang phyug thob par byed/ /mig rtsa dmar ba longs
spyod thob par byed/ /dmar dang dkar

ba'i ri mo dod pa la/ /de ni mkhas shing blo gros bzang po can/
/mig nas mchi ma 'dzag pas 'khon zhing sdug /'gro tsho lam la lta
ba mkhas pa'i mtshan/ /kun du lta ba ba lang lta bu ngan/ /rgya
mtshos bstan pa las mtshan bcu bzhi pa'o// //padma skra can dmar ba
legs pa dang/ /me ltar 'od zer 'bar ba mdangs

dang bcas/ /de 'dra'i mdangs can 'khor los sgyur bar bshad/ /gser
gyi mdog can dbang phyug thob par byed/ /phug ron a rog ra dang
khu byug dang/ /dbang phyug longs spyod mang po 'thob par byed/
/byi la 'ug pa'i mdongs can dpal thob cing/ /nyi ma glang gi
gzugs can rgyal por bshad/ /ka la ping ka'i

ser skya'i mig can ni/ /'khor los sgyur ba'i rgyal po byed par
'gyur/ /rin chen mu tig mig can mkhas par 'gyur/ /mig gnyis 'byed
'dzums mang ba nyung du gson/ /'byed 'dzums nyung ba ring du gson
par byed/ /bstun nas 'byed 'dzums mang ba nad mang zhing/ /lan
gnyis 'dzums pa g.yon du 'gyur/ /

@147b ba yin/ /gsum du 'dzums pa bde bar byed pa yin/ /lan bzhi
'dzums pa ltogs par gnas pa yin/ /de ni tshe thung sdug cing bkren
par bshad/ /dpral ba skams pa rdul dang bcas pas sdug /gnyer ma
lnga po lo brgya 'tsho bar bshad/ /gnyer ma bzhi pa dgu bcur gson
par bshad/ /gnyer

ma gnyes pa dgu bcu gson par bshad/ /gnyer ma med pa'i mi rnams
tshe thung zhing/ /gnyer ma thung du gcig pa nad mang zhing/
/gnyer ma nyi shu rtsa lnga sdug bsngal mang/ /dpral bar rtsa
gsum pa yod pa dbang phyug thob/ /gnyen 'dun mang po'i 'khor dang
ldan par 'gyur/ /me tog padma lta

bu'i dpral ba can/ /chos dang tshul khrims 'dzin par byed pa yin/
/rdo rje rgyal mtshan 'khor lo zla ba dang/ /de 'dra gang yod sa
yi bdag por bshad/ /gyen du ri mo gcig pa 'bangs kyi bdag /zla
phyed 'dra bas dbang phyug thob par byed/ /gyen thur 'phred la ri
mo mang po can/ /sdug bsngal

'dzin pa'i skyes bu'i mtshan ma yin/ /ri mo ring po slob dpon byed
par 'gyur/ /mgo bo gdugs 'dra mi yi bdag por 'gyur/ /dpral ba tog
por mthon nas rno ba la/ /ltogs shing rtag tu nor med dbul por
'gyur/ /mgo bo glang chen lta bu rgyal po 'dra/ /dbang phyug du
ma'i bdag po byed

par 'gyur/ /mgo bo grum pa lta bu skyes pa dang/ /rdul dang skra
dang ldan pa'ang de bzhin de bzhin no/ /rdul can chen po mthug
por skyes pas sdug /srab mthug snyoms pa skyes pa bde bar 'tsho/
/legs pa rtsa snyoms pa ring thung med/ /de 'dra mi yi dbang
phyug thob par byed/ /rgya mtshos bstan pa las

mtshan bco lnga skyes pa'i mtshan bstan pa rdzogs so// //bud med
mtshan rnams bstan gyis mnyan par gyis/ /padma lta bur dmar ba
snum po dang/ /rkang pa chung ba'i bud med pa de bar 'tsho/ /'khor
lo gdugs dang padma rgyal mtshan dang/ /ral gri 'dra ba'i ri mo
gang yod pa/ /rgyal po'i

btsun mor 'gyur bar rgya mtshos bshad/ /rkang pa'i sor mo'i 'og tu
gyen thur la/ /ri mo yod na dpon po'i chung mar 'gyur/ /rkang pa
srab mo chen g.yog tu 'gyur/ /rkang pa skams pa ltogs par 'gyur
ba yin/ /'gro na bya phran lta bu'ang de bzhin du/ /de la'ang gi
rigs dang tshul

@148a @#/ /khrims med/ /mthe chung sa la mi 'byar khyo po 'chi/
/gung mos la mi 'byar bud med ni/ /skyes pa lta bu'i spyod pa
byed par 'gyur/ /mdzub mo zlum pas la mi rig pa/ /khyo bo spangs
shing skyes pa gzhan dang spyod/ /sor mo so sor gyes pa

sdug cing gson/ /de ni gzhan gyi g.yog mo byed par 'gyur/ /sor mo
sbom po bde ba med par byed/ /sor mo skams pa rtsa dang bcas pa
ni/ /sdug bsngal 'dzin par byed pa'i bud med yin/ /ring bsnyoms
pa gtsang ba bde bar 'gyur/ /sor mo snyoms pa bar med sha

dangs pa/ /rtag tu bde bar 'gyur ba'i bud med yin/ /rang gi khyo
bo sa chog par 'dzin par byed/ /sor mo mtho ba zlum pa padma'i
mdangs/ /de la bu dang nor rnams brtan par 'gyur/ /sor mo chung
ba sa reg par byed/ /skams la rdul dang bcas pa'i bud med

de; /rtag tu sdug bsngal 'ba' zhig spyod par byed/ /mthe ba chen
gas pa mo ngan pa can/ /de yi spun zla nyams par 'gyur ba yin/
/rgya mtshos bstan pa las bud med kyi mtshan bstan pa gcig pa'o//
//rkang pa'i mthil gyi sha rgyud mdzes shing gong/ /de

ni smad 'tshong byed par 'gyur ba yin/ /shin tu sboms na sdug
bsngal 'ba' zhig 'thob/ /sa la reg cing snyoms pa bde bar 'tsho/
/bol tshigs ma he lta bu 'chi bar 'gyur/ /bol tshigs snyoms pa'i
bud med bde bar 'tsho/ /brla yi sha rgyas snyoms pa snum pa dang/
/rtsa med

spu dang bral ba'i bud med de/ /'gro ba 'dug pa kun du bde bar
'tsho/ /brla gyen thur ri mo gnyis yod na/ /smad 'tshong byed de
tshul khrims gnyis pa yin/ /ri mo chung na khyo bo 'chi bar 'gyur/
/gyen du ri mo gcig pa bde bar 'tsho/ /rgya mtshos bstan pa las
mtshan

gnyis pa'o// //brla 'og ri mo 'phred la yod pa ni/ /phyi rol
skyes pa gzhan rnams 'tsho bar byed/ /brla stong shin tu sha rgyas
bde ba'i mtshan/ /nang nas phyi rol shin tu gnag pa'i spu/ /nyung
du snyoms par skyes pa'i bud med ni/ /mi yi bdag po'i btsun mo
byed

@148b par 'gyur/ /mtshan ma rus sbal rgyab can snum zhing rgyas/
/ba spu lta bu'i spu dang bcas pa ni/ /nor dang don 'dod bu dang
ldan zhing bde/ /de ni khyo ba bsnyen bkur byed par 'gyur/ /sha
skams chen mo rtsa yis gang ba ni/ /ltogs shing sdug bsngal chen
po skye bar 'gyur/ /

g.yas kyi sha rgyas bu dang ldan pa yin/ /g.yon pa mtho na bu mo
skye bar 'gyur/ /dmar ser spu can ltogs par 'gyur ba yin/ /spu
nang skyes pa bde ba 'tsho bar byed/ /ba spu lta bu mang bo rgyas
pa'i spu/ /gnag pa ma yin nyung ba ma yin pas/ /shin tu bde ba
mang

pos gang bar 'gyur/ /shin tu dkyil 'khor gang ba mtha' ma la/
/snyoms shing mdzes par gyur ba'i spu dang ldan/ /rus sbal rgyab
bam glang chen spyi bo ltar/ /'gram gyi sha rgyas khyo dang bcas
pa bde/ /mtshan ma skams pa kong pa ngan pa'i mchan/ /gang la yod

pa ltogs dang sdug bsngal 'byung/ /'gro tshe tshang ra 'gul zhing
phyi nas snyogs/ /tshul khrims gnyis pa byed pa'i 'os su 'gyur/
/mi 'gyur brtan pa bde ba thob par byed/ /tshang ra spom pa gru
bzhi gcang ba ni/ /ba spu cung zad yod pa bde bar 'gyur/ /rgya
mtshos bstan pa

las mtshan gsum pa'o// //lte ba zab pa skyes pas phongs pa med/
/padma ge sar lta bu'i lte ba can/ /bde bar 'tsho zhing bzang po'i
mtshan du bshad/ /lte ba mtho ba rgyas ba rdul dang spu/ /med pa
sdug bsngal mang po 'dzin par 'gyur/ /sha skams ring po

rdul dang spu yis gang/ /legs pa med pa gang zhig 'jigs par
skyes/ /glang chen 'gros dang ba lang ngang pa dang/ /rma bya ne
co'i 'gros can bzang po'i mtshan/ /'gro zhing smra dang ce spyang
skad can ni/ /bde spong sdug bsngal chen po 'dzin par byed/ /rkub
chos rtsa yis gang

dang mdud pa can/ /bud med khyo dang bral bar chags pa yin/ /tshul
khrims gnyis pa de ni smad 'tshong 'gyur/ /gsus pa chung na bud
med smad 'tshong 'gyur/ /gsus pa sha yis gang ba rtsa dang bral/
/rtag tu ltogs shing nor med sdug bsngal 'gyur/ /gsus pa gtsang

@149a @#/ /zhing snum pa legs bste/ /nu ma g.yas pa rgyas pa bu
dang bcas/ /g.yon pa mthon bu mo 'byung bar 'gyur/ /'khyog cing
yo ba bu dang bral bar 'gyur/ /skams dang rtsa ba yo bar 'gyur ba
la/ /rtse mo skams pa sdug pa'i mtshan ma ste/ /de yi khyo

'chi bu dang bral ba yin/ /nu ma rgyas pa sha yis gang ba yi/
/rab tu dal rgyas pa ni mdangs dang ldan/ /de la bu dang nor dang
bu mo 'byung/ /rgya mtshos bstan pa las mtshan bzhi pa'o// //sked
pa sgur ba gzhu 'dra g.yog mor 'gyur/ /rked pa gyod

po khyo po 'chi bar 'gyur/ /sha skams rtsa yis gang ba sdug par
'gyur/ /rked pa spu can shu ba 'dra bas gang/ /de la sdug bsngal
chen po thob par 'gyur/ /bya brang byung ba sdug ba'i mtshan ma
yin/ /brang zheng snyoms pa spu yis gang ba dang/ /sha yis rgyas
pa khyo bo bzang po

thob; /brang zheng srab pa khyo bo 'chi bar bshad/ /bskams pa'i
brang kyang de bzhin khyo bo 'chi/ /rgya mtshos bstan pa las mtshan
lnga pa'o// //lag pa spu med chu 'dzin zangs kyi mdog /snum pa
bde zhing sha rgyas nor dang ldan/ /lag pa g.yas pa'i sen mo

gas pa dang/ /shin tu srab pa spu yis gang ba ni/ /rdul can rtsa
dang bcas pa ngan pa yin/ /padma 'dab ma lta bu snyoms shing dag
/gshibs nas bslang na bar du mthong ba med/ /de 'dra'i bud med
bde bar 'gyur ba'i mtshan/ /lte ba'i dkyil du 'khor gos kyis
g.yogs shing

gnas/ /nor bu dang ni ldan par 'gyur ba yin/ /lag pa srab mo rna
ba chen mo can/ /tshe thung myur du 'chi bar 'gyur ba yin/ /mdzub
mo chen mo 'am rna ba chen po can/ /srin mo'i rigs te bdag po za
bar byed/ /lag pa'i ri mo rgyang nas gsal por mthong/ /snum pa ma
thob de ni

bde bar 'tsho/ /lag pa chung ba snum pa de 'dra ba/ /bde zhing
gson par 'gyur ba'i mtshan ma yin/ /lag pa mthug pa ri mo rdul
dang bcas/ /dmar ba snum pa ring ba mchog tu bzang/ /de 'dra'i
lag pa gang la yod gyur na/ /rigs ngan yin yang rgyal po'i btsun
mor 'gyur/ /

@149b sha yis gang la bkra shis mtshan ma can/ /dpon po'i chung ma
nor gyi dbang phyug 'gyur/ /spu med dkar por gnas pa zangs kyi
mdog /snum pa de yang bde bar 'tsho ba'i mtshan/ /sen mo gas pa
rdul can bu gas gang/ /spu dang bcas pa de ni sdug par 'gyur/
/lag pa bkra

shis rtags can snum pa ni/ /bu dang nor rnams thob par byed pa
yin/ /lag pa dmar po snum pa gtsang ba ni/ /yod pa de ni rgyal
po'i btsun mor 'gyur/ /me tog gdugs dang bum pa bkra shis mtshan/
/rnga ma ral gri yod pa don gsum 'grub/ /gtsang ma padmo rgyal
mtshan yod

gyur na/ /de la skyes pa rgyal po 'dra bar 'gyur/ /rgya mtshos
bstan pa las mtshan drug pa'o// //ha cang lag chung nyon mongs
skye bar 'gyur/ /nan tur che ba bdag po 'chi bar 'gyur/ /spu yis
gang ba'ang/ /de bzhin 'gyur ba yin/ /ring ba snyoms pa bde ba
'thob

par byed/ /mchog tu mgrin pa spom pa'ang de bzhin no/ /gang zhig
mdun du sgu bsdug pa yin/ /g.yon na sha mtshan nag po yod pa na/
/de yi khyo po 'chi bar 'gyur ba yin/ /sha mtshan dkar po gtsang
ba yod pa ni/ /dpon po'i chung ma khyed par 'gyur ba yin/ /mgrin

pa sha skams rtsa yis gang ba ni/ /sdug bsngal mang po skye bar
'gyur ba yin/ /rgya mtshos bstan pa las mtshan bdun pa'o// //mchu
la ser ka mang po shu ba can/ /mchog tu mthug pa smad 'tshong byed
par 'gyur/ /skams pa'i mchu can khyo bo 'chi bar 'gyur/ /

rtsa ba'i mtha' can snum pa snyoms pa ni/ /bu dang bral ba dmar
ba nor dang bu/ /rgyas shing rtag tu bde ba thob par 'gyur/ /mchu
sgros thad kar gyen du ri mo can/ /shin tu bde zhing skyid pa'i
mtshan ma yin/ /nag po'i mchu can kun dang 'khon par byed/ /skams
pa rdul can mthug ba

sdug pa'i mtshan/ /snyoms pa dkar po snum pa bde bar byed/ /ma so
'khyog pa bu mo 'chi bar byed/ /ya so 'khyog pa bu rnams 'chi bar
'gyur/ /brdzun can smad 'tshong byed pa'i rigs su 'gyur/ /so la
reg na ldeg par ltogs pa dang/ /bcu drug lon nas skyes pa 'tsho
bar 'gyur/ /

@150a @#/ /rgya mtshos bstan pa las mtshan brgyad pa'o// //lce mdog
dmar po nor dang ldan par 'gyur/ /srab mthug snyoms pa'i lce yang
de bzhin no/ /mchog tu srab ba dkar ba nad dang bcas/ /shin tu
mthug pa'i lce yang de bzhin no/ /de ni kun dang 'khon par byed
pa yin/ /

ring bar sleb tsang dmar bsnum pa ni/ /de yis bde ba chen po thob
pa yin/ /rkan gyi kha dog dkar ba ltogs pa yin/ /rdul can rkan ni
chos la rton par 'gyur/ /ser mo mchog tu sdug bsngal chen po
'thob/ /padma'i 'dab can bde ba thob cing mchod/ /chu bya'i skad
can ngang pa__khu byug gi /gdangs

can rgyal po'i btsun mo byed par 'gyur/ /'gram 'og snum pa sha
rgyas bde bar 'gyur/ /skams pa rdul can shu ba mang ba dang/
/rtsa yis gang ba sdug bsngal mang po thob/ /de la bu dang 'bral
ba rgya mtshos bshad/ /sna gong ring ba khro bar 'gyur ba yin/
/nan tur chung na g.yog por

'khol bar 'gyur/ /sna gong srab pa khyo bo 'chi bar 'gyur/ /ring
po'i rdul dang tshul khrims gnyis pa yin/ /che chung snyoms pa bud
med bde ba che/ /sna gong mtho ba bde ba chen por bshad/ /rgya
mtshos bstan pa las mtshan dgu pa'o// //dmar ser mig la rtsa dang

ldan pa ni/ /bu dang bde ba mang po 'thob par byed/ /g.yon pa
mtho ba de ba med par 'gyur/ /g.yas pa mthon bud med don dang
bral/ /sprul dang byi la'i mig can dge ba med/ /dmar ser mig can
gyos pa'am bu dang ni/ /pha la sogs pa rnams la sbyor bar byed/
/padma'i

'dab ma lta bu snyoms shing sdug /snum pa ring zhing zhib pa'i
mdangs can dang/ /rma bya ngang pa ri dags lta bu yang/ /bud med
dam mchog tu gyur pa'i mtshan ma yin/ /mig gi rdzi ma mang ba snum
zhing gtsang/ /nor can nor gyi bdag po byed par 'gyur/ /smin ma
mtho nag ring zhing snyoms la

gcang /rna ba chen mo sha can zhum zhing gtsang/ /sgra mang chung
ba gnas ni bde ba'i mtshan/ /dpral bar ri mo gsum pa rtsa dang
spu/ /snyoms pa drug pa tshe ring bde ba'i mtshan/ /che chung
snyoms pa ring thung med pa ni/ /ri mo legs par mthong ba rgyal
po dang/ /lhan cig gnas par

@150b gyur pa rgya mtshos bshad/ /bud med dred kyi sgra can spom
zhing ring/ /des ni khyo bo za bar 'gyur ba yin/ /bud med phag gi
gzugs ltar spom zhing ring/ /ser skya'i sgra can khyod dang 'khon
par byed/ /rdul can skra tshogs srab pa sdug bsngal thob/ /ring
thung lag pa'i tshad can snum

pa dang/ /rma bya'i mdangs can rgyal po'i spyor bar 'gyur/ /rgya
mtshos bstan pa las bud med kyi mtshan bcu pa rdzogs so// //paNTi
ta pra b+hA ka ra dang/ /bod kyi lo tsA ba dge slong u rgyan
pas bsgyur ba'o// ~ / /mi dpyad kyi bstan

bcos bsdus pa bzhugs// @##/ /gang la gnyer ma lnga yod cing/ /de yi
sna rgyud mtho ba dang/ /dpral ba'i mtha' gnyis rgyas shing mtho/
/lus po shin tu spom la snyoms/ /mgo bo zlum zhing rab tu rgyas/
/sma ra srab cing snyoms pa dang/ /na chung lta bur nu ma rgyas//

dkar dangs so ni dam zhing snyoms/ /mig gi dbang po rgyas la
gsal/ /rna ba mdangs snyug chung zhing snyoms/ /phrag gong rab tu
rgyas pa dang/ /rkang pa'i sor mo bcu po ni/ /sha rgyas bkrag
bzang po la gong mtho/ /gang gi mchan khung spu med pa/ /lag pa
chung shing sha rgyas pa/ /de

rnams mchan ldan lha yi rigs/ /skom gdungs che zhing chung ngu
za/ /sha yi zas la rnam par rtsi/ /nad med de yi lus la ni/ /nyi
shu rtsa lnga'i lo lon tshe/ /chu yi gnod pa 'byung bar 'gyur/
/yul rnams bskor zhing rnam par 'khyams/ /kun du bde skyid ldan
par byed/ /brdzun

tshig spang shing thams cad ster/ /'dod pa chung zhing mi rkub/
/don rnams smra ba bzhin du sgrub/ /gang zhig mi yi rigs gyur pa/
/gdong ring gyen du gnyer ma can/ /sma ra nyung zhing rna shal
ring/ /bsdus pa lag pa rnam par 'gul/ /'bru tshugs su ni rnam par
lta/ /lus

po rdzud cing skems pa dang/ /ba spu mang zhing ring ba dang/ /de
yi mig ni gting du song/ /sna ni chung zad leb pa dang/ /lus
thong ring zhing ba rnab sems che/ /mang du za zhing kun la
'khon/ /'dod pa che la gcig tu brjod/ /chos min spyod cing thob
chod za/ /sems ngan de ni mi yi

@151a @#/ /rigs; /rkang ba ring zhing gdong pa skams/ /rkang lag
ser ka mang ba dang/ /gnag cing ba spu med pa dang/ /zas ngan
bza' zhing bzang po 'dor/ /mtshan ngan de ni nyi ma 'dod/ /lag
ba'i nor rnams nyams par byed/ /de rnams mtshan ngan yi dags

mi; /'gro zhing 'gro zhing sdod pa dang/ /'gro zhing phyogs rnams
kun du blta/ /rkang pa sha med rtsa yis gang/ /sma ra che'am yang
na med/ /de rnams mtshan ldan dud 'gro'i rigs/ /de rnams rnam par
bshad bya ba/ /gang gi dpral ba'i skra mtshams la/ /thig le'am

ri mo mngon can chags/ /blo las ldan zhing sdug bsngal thob/ /sna
yi g.yas g.yon mkhur ba la/ /sha mtshan nag po chags gyur na/ /zla
drug lon nas nang kyis 'debs/ /mig la nag po chags pa na/ /nor
yod zas kyis phongs par 'gyur/ /gdong pa gtsang

zhing mdangs bzang na/ /nad med gtsang zhing bde bar 'tsho/ /mkhur
ba g.yas ma g.yon pa la/ /mdzer ba chung du chags pa na/ /longs
spyod ldan zhing rnyed pa thob/ /sna 'debs nang na sme ba chags/
/gang zhig sum cu lon pa'i tshe/ /gser dang rta yi rnyed pa ni/
/rgyal

po las ni thob par 'gyur/ /mi dpyad 'di rdo rje gdan du u rgyan
pas bsgyur pa'o// @##/ /rgya gar skad du/ sa mu dri kam pa rI k+Sha
te na ra lak+Sha Ne nA ma/ bod skad du/ mi'i mtshan nyid brtag pa
rgya mtsho zhes bya ba/ /thams cad mkhyen

pa la phyag 'tshal lo/ /thams cad mkhyen pas thams cad gzigs/
/dang po'i lha la phyag 'tshal nas/ /skal bzang skyes pa bud med
kyi/ /rgya mtsho rab tu bshad par bya/ /sngon du tshe ni yongs su
brtag /phyi nas mtshan nyid la sogs rnams/ /tshe thung pa yi mi

rnams la/ /mtshan nyid kyis ni ci zhig bya/ /bud med rnams kyi
g.yon gyi cha/ /skyes pa de ni g.yas su de/ /rgya mtsho yi ni tshig
bzhin du/ /de rnams mtshan nyid nges par brtag /gnas lnga ring
zhing bzhi ni thung/ /lnga ni 'phra zhing drug ni mtho/ /bdun ni
dmar zhing gsum

@151b ni zab/ /gsum ni rab tu yangs par bsngags/ /lag pa mig dang
brang dang ni/ /de ni pus mo sna de ni/ /yan lag 'di rnams ring
ba ni/ /lnga po ring bar bsngags pa ste/ /mgrin pa rkang pa rgyab
dang ni/ /rje ngar rnams ni thung bar bsngags/ /gang gi bzhi ngo
thung ba

rnams; /rtag tu mchod pa thob par 'gyur/ /sor mo phra zhing tshigs
pa rnams/ /so dang skra dang sen mo pags/ /gang gi lnga po phra
ba nyid/ /de ni mtshan nyid mchog yin no/ /mchan 'og rtsib 'og
brang dang ni/ /sna dang dpung ba dpral ba rnams/ /rgya mtsho chen
po'i bdag

nyid kyis/ /drug po mtho na dge bar bshad/ /lag pa rkang pa'i
mthil dmar zhing/ /mig gi mtha' dang sen mo dang/ /rkan dang lce
dang mchu rnams ni/ /bdun po rnams ni dmar bar bsngags/ /dbyangs
dang sems dang lte ba ste/ /gsum po rnams ni zab na

bsngags/ /brang dang mgo bo dpral ba ste/ /gsum po rnams ni yangs
pa bsngags/ /lus kyi nang nas bzhi'am ni/ /yang na thams cad du
yang brjod/ /de la mchog tu rna dang ni/ /de bzhin mchog tu so
rnams dang/ /kha dog rnams ni mchog tu snum/ /dbyangs ni

mchog tu snyan pa dang/ /dbyangs las mchog tu bden pa dang/ /kun
nas bden pas rab tu gnas/ /mig dmar bud med spong mi byed/ /gser
mdog dmar skya nor med min/ /lag ring rnams ni dbang phyug ste/
/yan lag mdzes bsngags bden par byed/ /dbang

po chung na nor ldan zhing/ /bu bral che bas nor rnams dman/
/sgro ba'i g.yon dma' bu nor nyams/ /gzhan rnams mon po bu ldan
dbul/ /mgo bo che zhing rtsa phra dang/ /rtsu ba dang rtsa ni
mtho ba dang/ /spro[?] ma dang mdud pa gang 'gyur dbul/ /mnyen pas
rtag tu bde ba dang/ /

rtags ni gyong po yul gzhan 'khyam/ /chung du rnams ni skal ba
bzang/ /chen po yis ni dbul po dang/ /dma' mos bud med nges par
rgyal/ /sgro ba mnyam zhing mdzes par mthong/ /phan pa dang ni
cho dang ldan/ /brang yangs 'bru dang nor rnams spyod/ /bu yangs
mi

@152a @#/ /bdag mchod dang ldan/ /rked yangs bu ni mang du spyod/
/rkang pa yangs pa nor dang ldan/ /mig snum pa ni skal ba bzang/
/so snum pa ni zas dang ldan/ /pags pa snum pa bde bar 'gyur/
/rkang ba snyum pa bzhon par ldan/ /las med lag pa dag ni sra/ /

rkang pa dag ni lam la mnyen/ /gang gi lag pa rkang par ldan/ /do
ni rgyal por nges par ldan/ /gang la nya yi dbyibs yod na/ /brgya
yi bdag por shes par bya/ /phan tshun gyis ni stong du shes/ /dung
gis bye bar shes par bya/ /padma yis ni bye ba stong/ /mthe'u
chung

gi phyogs rnams nas/ /ming med la ni ri mo 'gro/ /rtags ni de yi
sum cu'i lor/ /'tsho ba nyid du shes par bya/ /mthe'u chung gi
phyogs rnams nas/ /gung mo la ni ri mo 'gro/ /'di yi rtags kyis
drug cu'i lor/ /'tsho ba nyid du shes par bya/ /mnyam pa'i phyir
na

brgyad cur 'tsho/ /ma mnyam de bzhin bdun cur 'tsho/ /tshigs pas
dman pa'i skyes bu rnams/ /lo ni drug cur 'tsho bar 'gyur/ /ma tho
ba chen gyi ni tshigs kyi dbus/ /gang la nas yod rnam par dge/
/rnyed dang zas su longs spyod cing/ /mi de bde ba'i longs spyod
ldan/ /

ri mo mang po nyon mongs shing/ /nyung ba yis ni nor dman no/
/dmar po yis ni bde ba thob/ /nag po yis ni khol por byed/ /slo
ma'i dbyibs dang rnam par rtsub/ /sen mo yon po skya bo dang/
/rtse mo la ni ri mo dang/ /shin tu dkar bar gyur ba dang/ /rkang
pa'i sor mo

sprad pa ni/ /dbul ba'i sdug bsngal rab tu ster/ /gang gi rkang
pa tsha ba dang/ /ngur smrig 'dra bar gyur ba ni/ /rigs ni rnam
par chad pa ste/ /tshangs 'joms gzhan gyi las byed pa/ /sa stengs
dbang med mnar bar byed/ /rdul mi 'byung zhing mthil ni mnyen/
/padma'i lte

ba lta bus te/ /sor mo 'byar zhing mdzes pa dang/ /sen mo zangs
mdog rting pa legs/ /bro zhing rtsa ni mi mngon dang/ /long bu
dag ni mi mngon zhing/ /rkang pa rus sbal ltar mtho na/ /mi rnams
kyi ni dbang phyug go/ /shin tu blo ldan grags pa ldan/ /de bzhin
du ni rnam

@152b par gnon/ /bde dang shin tu snum pa'i mig /de rnams tshe ni
thung bar bshad/ /gos ngan so yi dri ma sel/ /mang du za zhing
tshig rtsub smra/ /nyi ma nub shar nyal ba rnams/ /gal te 'khor lo
lag ldan yang/ /dpal ni rnam par spong bar 'gyur/ /mgo bo la

ni me tog bcas/ /rkang pa la ni legs par mchod/ /yan lag mchog
ldan bsten pa dang/ /kha zas nyung du spyod pa dang/ /gos med
nyal bar mi byed cing/ /dus tshigs 'khrig pa mi bsten na/ /dpal ni
rab tu nyams gyur kyang/ /slar yang rab tu thob par

'gyur; /mi sbyin gyis gsungs pa'i rgya mtsho las skyes pa'i mtshan
nyid brtag pa'i le'u ste dang po'o// //mi sbyin gyi ni gsung ji
bzhin/ /bud med mtshan nyid bshad par bya/ /nyi ma 'char kha'i 'od
mtshungs pa'i/ /bu mo zla ba gnag ba'i gdong/ /mig yangs mchu

dmar ba yi/ /bu mo de ni rnyed na bde/ /utpal sngon po'i mdog
ltar sngo/ /ri dags mig can glang ltar dkar/ /nor bu rin chen
mtha' dag dang/ /gser gyi rgyan gyis brgyan gyur ma/ /de ni gang
zhig mig nag pa'i/ /bu mo dkar mo shin tu mdzes/ /mig yangs mchu

ni dmar ba yi/ /bu mo de ni rnyed na bde/ /gang zhig 'gro ba tsam
gyis ni/ /sa gzhi g.yo ba ltar byed 'gro/ /ji ltar mi sbyin
gsungs pa ni/ /de yi zhe 'gras byed par gsungs/ /gang gi sor mo
mi sdug cing/ /rkang pa'i mthil ni nyag por gyur/ /de yang zhe
'gras byed pa

ni; /ji ltar mi sbyin gyis ni gsungs/ /gang zhig rkang pa'i mthe
chung dag /sa gzhi la ni mi reg na/ /bdag po brgya yang myur
'joms shing/ /de srid de ni 'tsho bar 'gyur/ /gang gi skra yi
tshogs pa rnams/ /rtag tu langs bar gyur pa ni/ /rgyal rigs nyid
du skyes gyur

kyang; /de ni bran mo nyid du 'gyur/ /rma bya 'khor lo padma
dang/ /bum pa gang dang rta babs ldan/ /de ni bran mo'i rigs
skyes kyang/ /rgyal po yi ni btsun mor 'gyur/ /gang gi lag mthil
ri mo la/ /so dang rta babs rab tu gnas/ /bran mo'i rigs su skyes
gyur kyang/ /

@153a @#/ /de ni rgyal po'i btsun mor 'gyur/ /rnam par brtson pa'i
ngang tshul can/ /blo ni rkab la dga' zhing/ /gzhan gyi rigs dang
ldan gyir pa/ /sdig pa mang byed las med cing/ /gzhan gyi khyim
la nyer brten nas/ /gal te bu dang bcas gyur kyang/ /mi yis de
'dra'i chung ma

spang; /mig skya khron pa'i 'gram pa dang/ /pha rol skyes bu
rnams la dga'/ /byin pa sbom zhing skra ni 'phyar/ /mchu 'phyar
rtsibs ni ring ba dang/ /so ni sprad po kha dog sngo/ /rkan dang
mchu dang rked lce dang/ /yan lag skams shing kha skams dang/ /nu
ma zung dag mi mnyam

dang; /sna dang pus mo ring ba rnams/ /bu bral tshul nyams bud med
de/ /bu mo de ni nor rnams spong/ /rdul mi 'byung zhing mthil ni
mnyen/ /padma'i lte ba lta bu ste/ /sor mo 'byar zhing mdzes pa
dang/ /sen mo zangs mdog rting ba legs/ /dro zhing rtsa ni mi
mngon

pa; /long bu dag ni mi mngon zhing/ /rkang pa rus sbal ltar mtho
dang/ /brla rgyas 'gram pa rgyas pa dang/ /so ni dkar zhing mnyam
pa dang/ /padma'i 'dab 'dra spyan yangs ma/ /bim pa'i mchu dang
sna mtho dang/ /gom pa glang po ltar 'gro dang/ /g.yas su bskor
zhing

log pa dang/ /lus ni snum zhing kha dog mdzes/ /gsang gnas mnyen
zhing mthug pa dang/ /dbyangs snyan skra ni mdzes pa rnams/ /de
ni bdag mo'i zhing du 'gyur/ /skal bzang bu bcas bud med de/
/rdul chu spu ni nyung ba dang/ /gnyid dang zas ni chung ba dang/
/mig dang lus la spu med na/ /

bud med rnams kyi mtshan nyid mchog /gnyis po'i mtshan nyid yang
dag la/ /gzhon nu ma dang skyes bu yang/ /dge ba dang ni mi dge'i
las/ /de bzhin du ni byed par 'gyur/ /zhes pa ni bud med kyi
mtshan nyid mi sbyin gyi gsung las/ mi'i mtshan nyid brtag pa

rgya mtsho zhes bya ba rdzogs so// //sde snod 'dzin pa chen po b+ho
Ta paNDi ta'i gsung gis bskul nas paNDi ta d+harma d+ha ri'i zhal
sdan nas/ yar lungs pa grags pa rgyal mtshan gyis dpal sa skya'i
gtsug lag khang chen por bsgyur ba'o// @#/slob dpon padma dge
bsnyen gyis

@153b 'jig rten dbang phyug las grub pa thob pa'i lo rgyus
bzhugs// @##/ /na mo lo kir shwa rA ya/ sngon rgya gar lho phyogs
na bstan pa dar ba'i tshe gtsug lag khang chen po gcag na paNDi ta
ting nge 'dzin la brtan pa thob pa cig snga dro rang gi brang
khang sgo bsdams te ting nge 'dzin la bzhugs nas/

po Ta la ke'i ri la thugs rje chen po la nyi ma re re zhing chos
gsan du gshegs skad/ de la g.yog dge bsnyen gcig yod pa na re/
slob dpon nyin re zhing sgo bsdams nas thugs dam mdzad pa de ci
lags zhes zhus pas/ de khyod la don ci yod ces gsung ngo/ /des
bdag la yang

chos de zhus nas slob dpon bzhin dge sbyor bgyid ces byas pas/
paNDi ta'i zhal na re khyod kyis mi 'ong ste/ /dge sbyor gzhan mi
byed dpa' po Ta lar thugs rje chen po las chos nyan du 'gro ba
yin gsung ngo/ /dge bsnyen gyi bdag kyang de bzhin du zhu zhes
byas pas/ jo bo la zhu dgos

gsungs te/ nang par chos thon rjes la bcom ldan 'das la phyag
dang bskor ba byas nas zhus pas/ bcom ldan 'das kyi zhal nas/ las
ngan tshan po che byas pas dbyal bar myur ud skye ba de dang mjal
ba'i skal pa med pas de skad ma zer ci cig ces gsung ngo/ /de'i
tshul zhus

pas khyed rang gi gtsug lag khang de na dus gsum gyi sangs rgyas
thams cad kyi yum brgyad stong pa dngul gyi glegs bam la gser
gyis bris pa'i shog bu gnyis brkus te gzugs 'tshong la byin gsung
ngo/ /de paNDi ta de lta bur rang gi las ngan yang mi shes pa'i
sems can gyis bcom

ldan 'das la gsol ba 'debs su 'dzud pa snyam du sdug bsngal nas
der log ste sgo phyir byon pa dang/ /dge bsnyen gyis slob dpon la
phyag phul nas zhus pas/ /khyod dmyal bar skye bar de lta bu'i
las byas pas mi shes par zhur bcug ngan pa yin zhes gsung ngo/
/bdag gis ci

bgyis zhes smras pa sngar gyi gtam bsnyen pa dang/ /de ngo tsha ba
dang rnam smin dmyal bar skye bas skrag nas mang po dus so/ /de
nas yang slob dpon la phyag phul te bdag las ngan pa 'di las thar
pa'i thabs kyis rjes su gzung du gsol zhes zhus pas/ de khyod
kyis nus na ni ngas

@154a @#/ /mi shes pas bcom ldan 'das la zhu dgos zhes gsungs te/
nang par chos pa'i rjes la phyag dang bskor ba byas nas bdag gis
sdig de las thar bI thabs 'dog na phugs rjes gzung bar zhu zhes
gsol bas/ thabs gzhan med ma shi ba la nga'i yi ge drug pa 'di
sgom

bzlas rgyun mi chad par byas na thabs kyi mchog go zhes gsung
ngo/ /paNDi tas ting nge 'dzin de las bzhengs te phyir byon nas
khyod bya ba gzhan thams cad btang ste/ bcom ldan 'das yi ge drug
pa'i sgom bzlas kyis dus 'da' bar byas na phan yon chen po 'byung
zhes 'phags pa gsung ngo zhes smras

pas; der dge bsnyen gyis slob dpon la gdams ngag rdzogs par zhus
te/ de sdig pa'i 'bras bu la shin tu 'jigs skrag pas lho phyogs
dpal gyi ri'i nags gseb shin tu dben par phyin te/ shing ma la'i
sdong po'i logs la bug pa khong stong yod pa'i nang du bsdad de
shing de'i pags

pa za zhing lo bcu gnyis gzhan ci yang yid la mi byed pas der
sgrub par byas so/ /nam zhig phyir sgom bzlas byed pa'i tshe bya
ro gcig gis yul gzhan nas 'bras zan dum bu khyer te sdong po de'i
yal ga'i steng du bza' bar brtsams pa dang kha nas shor te lhung
ba de dang po'i zas su dran te zos pas de

la sred pa chen po skyes te gyo mo'i dum bu khyer nas/ mthar gyis
'gro ba'i khyim kun gyi sgor phyin nas blangs pas 'bras zan la
sogs pa khyer nas phyin kyang ci yang ma mthong ste/ thams cad
kyang de bzhin nang du log pas/ de'i bsam pa la 'di ni nges par
nga rang gi las ngan len te/ de dang las

ngan ma zad snyam pa'i khro ba dang bcas pas gyo mo sa la brdabs
nas yang sdong po'i sar log go/ /de'i tshe gyo mo chag pa'i dum bu
cig sa'i gting du song de klu nor rgyas kyi mdun du byung ba dang
sa g.yo ba la sogs pa'i ltas byung ba dang/ klu'i rgyal pos 'di
gnyis kyi rgyu ci yin snyam du mngon

shes kyis bltas pas de las byung bar shes te/ des bza' btung phun
sum tshogs pa khyer nas de'i drung du phyin te drangs pas/ 'di mi
'dod de nga las ngan pa bsags pa'i gang zag yin/ de ring 'di za
na nang bar ci bzhes gsungs nas ma bzhed/ klu rgyal gyis nang par
nas kyang bdag

@154b gis nyi ma re re zhing 'dren pas cis kyang gsol bar zhu
zhus pas/ der zos te klu'i rgyal po yang dga' bzhin du log ste/
nang par nas nyi ma re re zhing bza' btung mang po bu mo la bskur
te gnyis ka yang slob dpon gyi drung du 'ong ngo/ /de nas klu'i
bu mo de slob dpon la chags te pha

la smras pa/ yab gcig bdag slob dpon gyi jo mo byed pas phul cig
ces smras te klu'i rgyal pos slob dpon la 'bul lags kyis zhes
gsol ba btab pas ma gnang ngo/ /de'i tshe klu'i rgyal pos gsol ba
cher btang ba dang/ de slob dpon gyis 'di mi 'grub snyam ste 'o
nang nga'i pha

thugs rje chen po dang/ ma rje btsun sgrol ma yin te/ bu mo 'di
la phas khrus dang/ mas bkra shis gsol na bya/ de ma grub na nga
de lta bu'i bya ba mi byed do gsungs pas klu'i rgyal po sa po TA
lar phyin nas gnyis po la phyag byas te/ de lta bu khyed kyi sras
bo la rung na bdag gi bu mo la

thugs rjes gzigs par zhus pas/ rung zhes gsungs nas myur bar gsum
kas byon te/ 'phags pas sku khrus dang/ 'phags mas aShTa mangga
la zhes bya ba'i bkra shis gsol nas btsun mor bzhes so/ /de 'jig
rten du ka ma la go mi zhes pa'i grub thob chen por grags so/ /

des na dam pa rnams kyis lo rgyus 'di yid ches par byas nas/ yi
ge drug pa'i sgom bzlas la brtson par byas na nges par 'grub
gsung ngo/ /slob dpon padma dge bsnyen gyis 'jig rten dbang phyug
las grub pa thob pa'i lo rgyus so/ /paNDi ta bi ma la shrI mi
tra dang/ lo tsA ba ldan ma tshul khrims seng ges

bsgyur ba'o// @##/ /tA rA'i sngon gtsug lag khang zhig na slob
dpon zla grags dang tsandra go mi gnyis cung zad 'gran skad/ slob
dpon zla grags sku 'chag pa'i tshe rgan mo cig gis bu mo bag mar
gtong ba'i nor blangs pas nga la med pha gi la slongs zhes slob
dpon tsan dra go mi la kha bstan no/ /der

bslangs pas slob dpon la na bza' la ba cig dang/ po ti cig min pa
ci yang med bsam dgyes nas bshum skad/ de nas slob dpon gyis
rtsig pa'i logs la sgrol ma rgyan dang bcas pa ci bris nas ma hA
tA ra shrI bu ta zhes pa sgrol ma dpal chen mo la bstod pa zhes
pa tshigs su bcad pa bzhi bcu pa cig mdzad pas

@155a @#/ /zhabs kyi gdu bu'i nor bu rin po che brgya stong ri ba
cig po gnas byung ba de byin nas tshim par mdzad skad do/ /tsandra
go mi'i gtam rgyud bin ya shrIs bsgyur ba'o// @##/ /na mo lo ki
shwa rA ya/ bi khyA ta de bas thugs rje chen po'i grub pa thob
pa'i gtam rgyud ni/ de rgya gar shar phyogs su 'khrungs

te bi kra mar rab tu byung rig pa'i gnas la mkhas par gyur to/
/'od kyang sred pa che ba'i skyon gyis der ma bzhugs par rdo rje
gdan du jo mo gcig dang lhan cig 'khor kha cig la chos ston gyi
na bzhugs so/ /nub cig gi rmi lam na thub pa chen po'i zhal nas
khyod da lo gsum na nad drag la yun ring bas shi

nas las ngan pas dmyal bar skye bas/ nga bshad pas mi phan gyi/
yi ge drug pa'i sgom bzlas gyis shig ces gsungs so/ /sad pa dang
shin tu skrag ste 'khor rnams la smras nas jo mos g.yog byas
'khor rnams kyis 'tsho ba sbyar nas sgrub pa mdzad/ de nas lo dus
su nad de 'dra bas grongs te/ 'khor rnams

kyis dur khrod du me'i gseb tu gzhug ste me mtha' nas spar ba
dang/ shing gi steng du 'thon byung ngo/ /ro langs byung snyam
ste bros pa dang/ /ma 'bros pa'i brda byas pas 'khor rgan po pho
tshod can cig gis nyi ma ring bsdad pas ma grongs par shes nas/
der thams cad kyis ci lags zhus pas/ ngas bshad

mi nus zho dang 'bras zan khyer shog ces gsungs so/ /der gsol nas
gsungs pa/ gshin rje'i mi shin tu 'jigs pa bzhis nga thag ring
por khyer ti ri cig rtse la sleb pa dang/ 'od dkar po zla ba'i
'od pas ches lhag pa nam mkha' la byung ba'i rjes la thugs rje
chen po don zhags rta mgrin/ sgrol

ma; nor bzangs dang bzhi nam mkha' la byon pa mthong ste/ des
gshin rje de dag shin tu bred nas 'dar ro/ /der mi dag rta mgrin
gyi dbyug tos brdungs pas bcom ldan 'das kyi zhal nas snying rje
ma byed gsungs pas rta mgrin gyi zhal nas 'o skol gyi mi la 'dir
bar chad byed pa mi rigs gsung ngo/ /der bcom

ldan 'das kyi zhal nas da chog gis 'di pha gi ma tshig pa la cig
car skyol zhes gsungs so/ /der bzhi pos 'dir bskyal/ skyel gyi
bar du mthong/ da nas ma mthong ste da nga'i nad drag par theg
ces gsung ngo/ /de nas paNDi ta grub thob tu grags te bla ma
shAkya shrI dang budd+ha shrI la sogs pa mang po

@155b 'dus shing grags pa shin tu che skad do/ /paNDi ta rnam par
grags pa'i lhas thugs rje chen po la grub pa thob pa'i gtam rgyud
paNDi ta bi na ya shrI mi tras bsgyur ro// @##/ /na mo lo ke shwa
ra ye/ shing bzo bas grub pa thob pa ni/ dza ga ta lar gar log
byung ba'i tshe mi

rnams kyis shar phyogs b+haM ga lar bros so/ /lam ka na shing bzo
ba'i bu cig yod pas mthong nas bros pa'i dge 'dun rnams la
brkyang phyag btsal zhabs spyi bor blangs/ bsnyen bkur byas skad/
der de ltar byas pa'i rgyu mtshan dris pas/ de na re bdag gi pha
dad pa che bas/ rab byung

cig la bsnyen bkur byas/ des kyang thugs rje chen po'i sgom bzlas
phog nas nyams su blangs/ dus ring zhig na nad kyis btab nas shi
ste dur khrod du shing brtsigs te dkyil du bcug nas mtha' nas me
sbar ba dang thon byung/ der dris pas nga khyim du theg bshad do
zhes zer ro/ /

der bteg nas smras pa/ nga gshin rje'i skyes bu shin tu 'jigs pa
bzhis khyer nas dmyal ba'i gnas su bkum pa na ra ka'i nang mes
gang bar bcug pa dang/ der bkum pa na ra ka kha zum nas ma tshud
phyir bskyed pa dang/ kha bye nas byung/ yang yang de bzhin du
byung bas skyes bu bzhi po 'jigs

nas gshin rje chos kyi rgyal po la dris pas/ de na re 'dir skye
ba'i rgyu zad thugs rje chen po'i bu yin da cig car skyol zhes
zer nas bskyal ba dang nga'i nad drag 'dug ces zer ro/ /de phyir
rab tu byung ba mthong tshad la brkyang phyag 'tshal zhing bsnyen
bkur byed/ bya ba thams cad bzhag nas sgom bzlas

byed pa cig byung/ bdag kyang pha'i rjes su bgyid pa lags zer ro/
/sngags pa kharsa pA Ni'i snying po bgrang ba cig la yang de kho
na bzhin byung skad/ shing bzo bas grub pa thob pa paNTi ta bi na
ya shrIs bsgyur ro// @##/ /yang b+haM ga la'i bud med cig gi khyo
shi

nas yid dgas su skyes te des bdag tu bzung nas rtag tu 'ong ba la
yul dbus kyi tshong dpon cig gis shar phyogs su tshong la phyin te
der bzhag nas g.yog gis rkang pa bkrus/ khurs dang bskul nye byas
te ston thog tu yi ge drug pa'i sgom bzlas byed gyi na bsdad do/
/der yi dags des nang du

@156a @#/ /'ong ma nus par phyi nas ku lu ku lu zer zhing tshong
dpon phyir thon gyi sgra brjod pa bud med des mthong ste blo
skyes nas tshong dpon la phyag dang bsnyen bkur byas te bdag
la'ang de bslab par zhu zhes gsol nas nyams su blangs nas de las
thar skad/ bud med kyis grub pa thob pa ni

bi na ya shrIs bsgyur ro// @##/ /na mo lo ke shwa rA ya/ sngon
rgya gar lho phyogs su bstan pa dar pa'i che/ grong khyer chen po
cig na tshong dpon gyi bu su kha de ba zhes pas longs spyod thams
cad rang gis chud gsan nas shin tu sdug bsngal zhing yod pa na/
/yul

der bud med cig tshad pas thebs te tsandan go shirSha min pas gso
mi nus la de yang ma rnyed de sman pa thams cad kyis bor ro/ /der
tshong dpon gyi bu des dris bas tsanda na de rnyed nas sos na bu
mo ster zhes zer ro/ /der pa mes kyi yi dam go shirSha las byas
pa'i thub pa'i sku cig yod pa bdar te

nang du btang zhing phyir byugs pas sos so/ /de gnyis lhan cig
gnas pa na bud med des de la 'di lta bu'i las byed pa gnyis ka
dmyal bar skye'o zhes spyos/ /der tshong dpon gyi bu de de dang
nye ba'i gtsug lag khang cig tu paNDi ta cig la yi ge drug pa
zhus nas bud med kyis g.yog

byas nas gnyis ka'i don du lo bcu gnyis bsgrubs pas rmi lam du
zhal gzigs te bo Ta lar 'dengs zhes gsung ngo/ /khos bdag 'gro
ste slob dpon la 'dri dgos zhes byas so/ /sad pa dang slob dpon
dang g.yog la dris pas de deng kyi drin yin pas mi 'khrid na mi
phan zhes

byas pas/ yang sgrub pa yun ring du byas te bcom ldan 'das byon
nas gsum char po Ta lar khrid do/ /su kha de bas smras pa/ ltos
shig sngags kyi nus pa dag /phra ba'i lha yang grub pa thob/ /bya
ba thams cad yongs spongs la/ /sngags kyi

bya ba sgrub par gyis/ /zhes gsungs nas po Ta lar gshegs skad/ su
kha de bas grub pa thob pa/ paNDi ta bi na ya shrIs bsgyur
ba'o// //

@156b rgya gar skad du/ sha li ho tra ya yAM a shwa A yur bai
dya saM hi ta nA ma/ bod skad du/ rta'i tshe'i rig byed sha li ho
tras bsdus pa zhes bya ba/ bcom ldan 'das de bzhin gshegs pa dgra
bcom pa yang dag par rdzogs pa'i sangs rgyas sman gyi bla

bai DUrya 'od kyi rgyal po la phyag 'tshal lo/ /khyab 'jug gi ni
btsun mo'i mchog /lha mo dpel mo rta yi mngal/ /phyag 'tshal nas
ni rta rnams kyi/ /tshe yi rig byed rtogs bshad bya/ /gang las
gang phyir gang don yin/ /de dag kun kyang brjod par bya/ /kha ba
can gyi

byang phyogs na/ /lha yi dbang po'i gnas 'dra bar/ /sha li ho tra
drang srong che/ /sbyin sreg byas nas 'dug pa'i tshe/ /legs thos
thos pa phun tshogs ldan/ /bu yis pha la dris gyur pa/ /legs ldan
chos rnams thams cad mkhyen/ /rta tshe'i rig byed mkhas

lags na/ /rta rnams kyi ni gso ba 'di/ /ji ltar byung bar gyur pa
lags/ /drang srong gzi brjid chen po yis/ /de la mnyan par gyis
zhes smras/ /sngon tshe rta rnams rang dgar ni/ /mkha' la rgyu
zhing gnas byed cing/ /zas dang spyod pa ci dga' bar/ /de rnams
rang

dgar spyod pa yin/ /thams cad la yang lus kyi ni/ /goms pas nad
ni byung ma gyur/ /gang nas brtsams te nga yi bu/ /bzhon pa nyid
du byas gyur pa/ /de nas brtsams te gnod byed pa'i/ /nad kun gyis
nig zir ba yin/ /de nas de la sems gdung skyes/ /nga

yis dka' thub chen po byas/ /tshangs pa lha ni mnyes byas nas/ /de
yi gso ba rnyed pa yin/ /zug rdu lus kyi gso ba dang/ /de bzhin
cha spyad nyid dang ni/ /rte'u yi ni gso ba dang/ /dug gi rang
bzhin sman dang ni/ /bcud len gdon nad gso ba dang/ /ro tsa byed
pa

brgyad pa yin/ /de ltar rta yi tshe'i rig byed/ /'di ni yan lag
brgyad du bshad/ /yan lag brgyad po 'di yi gnas/ /rgyas par bu
yis mnyan par gyis/ /mdo yi gnas ni dang po ste/ /de yi phyi ma
gnyis pa yin/ /gsum pa 'dir ni lus yin la/ /bzhi pa nyid ni gso

@157a @#/ /pa yin/ /lnga pa rte'u sman yin te/ /drug pa phyi ma'i
phyi ma yin/ /bya ba de dang de bstan pa/ /grub pa'i gnas ni bdun
pa yin/ /gsang ba gnas ni brgyad pa ste/ /tshe yi rig byed bsdus
pa yin/ /le'u'i rim pa nges pa ni/ /gnas gnas su ni ngas

bshad bya/ /tshe yi rig byed byung ba dang/ /de bzhin slob ma
sbyang bu dang/ /nges pa'i tshig dang byung tshul dang/ /de nas
mngal du chags gyur dang/ /rang bzhin dang ni skye gnas dang/ /de
bzhin rigs ni bzhi dag dang/ /yan lag thams cad brtag pa dang/
/bshad pa

dang ni tshad gzhal dang/ /yan lag bcu yi cha dbye dang/ /sdug
dang mi sdug shes bya dang/ /tshad shes bya dang zas sbyor ba/
/mdzes dang mtshan gyi le'u dang/ /de bzhin kha dog shes bya dang/
/zhur mdangs dang ni thig le brtag /sha ra'i mdog ni bzang ngan
dang/ /

'dren ma rgyal po'i bzhon pa dang/ /mig brtag pa dang so brtag
pa/ /gtsug dang na tshod shes bya dang/ /tshe shes pa dang bcas pa
dang/ /dri dang skad gsang brtag pa dang/ /'gros dang lus 'phel
cho ga dang/ /rgyug pa brtag dang gra ma can/ /nyes pa che dang
snying stobs

brtag/ gzi mdangs brtag dang rigs brtag dang/ /ston ka pa dang
nyo 'tshong bcas/ /de ltar gnas ni dang po yi/ /le'u'i rim pa gnas
pa yin// //dri ba chen po nyid dang ni/ /de bzhin sgo nga las
byung dang/ /rmen bu'i le'u gsum pa ste/ /nad shes bya ba rnam
gsum

dang; /yid bde yid mi bde shes dang/ /rlung 'khyil 'khrul ba shes
bya dang/ /rlung 'khyil gtugs pa shes bya dang/ /de bzhin lto ba
rgyas pa dang/ /rtsub par 'khyil ba'i le'u dang/ /de bzhin gcin
'gags gso ba dang/ /ri dgas ltar 'khyil ma 'dres 'khyil/ /rlung
gi

rmu rdzing gso ba dang/ /de bzhin khrag gi gcin nad dang/ /ko ra
du shas gnod gyur dang/ /snum 'khyil ba dang rnam 'khyil ba/
/khrag 'khrugs nad ni gso ba dang/ /khrag 'khrugs nad gzhi bzhi
las gyur/ /khrag 'khrugs rjes la gso ba dang/ /'theng dang rkang
nad gso ba dang/ /

@157b skye 'bru dbugs mi bde gso dang/ /dbugs mi bde ba lud pa
can/ /sna rnag dang ni mngon par tsha/ /rlung dang mkhris pa bad
kan rims/ /'dus pa las gyur rims gso dang/ /dus ni go bzlog las
byung dang/ /snad pa las gyur rims dang ni/ /yid kyi rims ni gso
ba dang/ /

de bzhin 'khru ba mang po dang/ /sman khu'i gong bu'i sbyor ba
dang/ /sbeg pa brtag pa'i le'u dang/ /de bzhin rnga ma'i nad gso
dang/ /gzhad byung ba yi gso ba dang/ /khrag dang mkhris pa gso
ba dang/ /so lhag byung ba gso ba dang/ /'ug pa'i rkang 'dra'i
le'u dang/ /gdug pas

zin pa'i mtshan nyid gso/ /smad pa'i mtshan nyid can le'u/ /dug gi
shugs ni shes bya dang/ /de bzhin dug gis zin gso ba/ /dug mdas
phog pa zhes bya ba/ /gnyis pa'i gnas su bsdus pa yin/ /mngal
chags zhes pa'i le'u dang/ /de bzhin lus kyi rnam dbye

dang; /lus bskyed pa dang rtsa yi tshogs/ /yul dang tsha sogs bstan
pa dang/ /'phel dang 'bri ba shes bya dang/ /ro drug gi ni bdag
nyid dang/ /nang gi bdag nyid can byung dang/ /bya dang bya min
brtag pa dang/ /'dir ni zas skom cho ga dang/ /de bzhin ljang
pa'i ro yi

tshogs; /gso ba'i yan lag dbang byas dang/ /long dang lkugs sogs
bstan pa dang/ /de bzhin skrangs pa gso ba dang/ /gzhan yang rma
gnyis le'u dang/ /zug rdu khong brlag gdon pa dang/ /zug rdu
dbyung ba'i le'u dang/ /sbubs kyi rma ni gso ba dang/ /de

bzhin chag grugs gso ba dang/ /chu bur gso ba nyid dang ni/ /rgod
ma'i mtshan nyid brtag pa dang/ /rlung nyen mngal gyi nyes pa
dang/ /mngal du shi ba'i nad gso dang/ /ba la'i til mar dang bcas
pa/ /le'u'i rim pa 'chad rnams kyis/ /gnas ni gsum pa yin par

bshad; /gso ba'i gnas kyi le'u ni/ /sems khong chud par byed pa
dang/ /ni ra ka yi nad gso dang/ /rgan nad bye ba med pa nyid/
/a ba tang ka'i gso ba dang/ /lce rings sna nad 'dzag byed dang/
/sna nad gal la ka gso dang/ /mgo nad rlung las gyur pa dang/ /

@158a @#/ /de bzhin mkhris pa las gyur dang/ /bad kan las gyur
khrag las gyur/ /'dus pa las gyur mgo nad dang/ /glo bur srin bu
las gyur pa/ /de bzhin rna ba'i nad gso dang/ /mchi ma 'dzag pa
gso ba dang/ /rlung nad pa la sha nyid dang/ /de bzhin kol nyes

nad nyid dang/ /gzhan yang brang cha ba yi nad/ /tshe'u tshe'i nad
ni gso ba dang/ /gzugs 'khums gzugs gyong nad gso dang/ /rmig ba
rdul can nad gso dang/ /sbal ba tsha bar bshad pa dang/ /mtshan ni
'phyang bar gyur gso dang/ /rlig pa skrangs pa gso ba dang/ /de

bzhin rlig 'bras g.yos pa dang/ /khrag las gyur pa'i rlig nad
dang/ /de bzhin mkhris pa las gyur dang/ /bad kan las gyur rnga
ma'i nad/ /sna rengs de bzhin rgyab rengs dang/ /lto ba gzhong
'dra'i nad gso dang/ /mchu skrangs nad ni gso ba dang/ /rlung nad
thi ba lta bu dang/ /

mkhris nad sbrang bu lta bu dang/ /ri dgas can dang ri dgas glal/
/chu 'dzin zhes bya'i nad dang ni/ /de bzhin snying nad rlung
gyur dang/ /mkhris pa las gyur snying nad dang/ /gzhan yang bad
kan can snying nad/ /srin bu las gyur snying nad dang/ /rlung gi
gzer dang lkog ma'i nad/ /snum

chos nyes pa'i nad dang ni/ /lan tshwa'i sbyor nyes chang blud
nyes/ /de bzhin 'bru zos nyes pa dang/ /'o ma 'thung nyis chu
'thung nyes/ /sbu bas las blud ni nyes pa dang/ /brdung nyes
bzhon pa pos snad dang/ /lud pa gso dang mdze nad gso/ /gyen
'byung glo nad gso ba dang/ /

dregs dang nyes pa gso ba dang/ /smyo nad gso dang mtshan mo bcom/
/gzhang 'brum gso dang rngo gso dang/ /de bzhin g.yan pa gso ba
dang/ /skrangs nad gso ba nyid dang ni/ /gzhan yang ri bo can nad
gso/ /yan lag phyogs gcig nad cong can/ /mgo 'khor chu yi rmu

rdzing dang/ /chu lha'i gdon ni gso ba dang/ /mig can 'gebs pa
khan gso dang/ /mig nad mig nad sgo nga can/ /chu bur can dang
sngo mtshan nyid/ /ling tog can dang mchi ma 'dzag /ling nad ma
'dres mthong ba nyid/ /mig dmar dang ni mun dza can/ /mun dza'i
dra ba can

@158b gso dang/ /thal mo byed pa can gyi nad/ /khrag 'khrugs pa
yi nad gso dang/ /tshigs su rma byung thog 'bab dang/ /gnye'u
rengs dang sbos nad gso/ /'khru ba gso ba zhes bya ba/ /gnas chen
bzhi pa gso ba yin/ /rte'u'i gdon ni bstan dang bshad/ /'khru
dang de bzhin rims

dang ni/ /g.yan pa lkog nang sha lu ka/ /khong ba'i srin nad gcin
srir bcas/ /bong bu can dang rlis rlugs dang/ /gcin nad gze'u
zhes bya ba/ /sbo dang brang nad ces bya ba/ /bkres pas nyen dang
lud pa gso/ /zad byed dang ni ro hi ni/ /ri mo can dang sbal ba
'dra/ /mes tshig tshigs nad

gcin dmar gso/ /yid mi bde dang rna ba'i nad/ /so nad dang ni
mjing ba'i nad/ /'gram nad lce yi nad bcas dang/ /mig nad sna nad
bcas pa dang/ /rmig pa'i nad dang dbyig pa'i nad/ /sems 'khrul pa
dang rdul nad bcas/ /sbrul gyis zin dang mes tshig gso/ /de bzhin

chag grugs gso ba ni/ /lnga ba'i gnas su ngas bshad cing/
/rte'u'i nad rnams gso ba yin// //rta khang pa ni brtag pa dang/
/khang pa'i lha rnams mchod pa dang/ /de gzhin gdon ni bsal ba
dang/ /dpal 'phel ba zhes bya ba dang/ /rta rnams rjes su bsrung
ba dang/ /rnam rgyal

rta ni dbang bskur dang/ /mche ba chag pa'i ltas bstan dang/
/ltas kyi mtshan nyid gzhan bstan dang/ /zhi ba bskyed par bya ba
rnams/ /drug pa'i gnas su bsdus pa yin/ /dang por rjes btung cho
ga ste/ /de log lan tshwa'i cho ga yin/ /snum dang lan tshwa chang
dang 'bru/ /'o ma chu

dang sbubs las byung/ /gnod pa'i nad ni bdun po yi/ /nad gzhi gso
bar bcas bstan dang/ /mar blud dugs kyi cho ga dang/ /dur byid
kyi ni til mar dang/ /don grub ces bya'i til mar dang/ /me btsa'i
las kyi cho ga dang/ /mas gtong cho ga bstan pa dang/ /gtsags bu

las gyur nad bstan dang/ /de bzhin lta ba'i las bstan dang/ /snum
blud pa yi yon tan dang/ /ro tsar byed pa bstan pa dang/ /snum
las gyur ba'i nad gso ba'i/ /bya ba bstan pa'i gnas 'di ni/ /bdun
pa grub pa'i mtshan nyid yin/ /dang po ri mo las che brtag /

@159a @#/ /de rjes nad kyis 'chi ltas bstan/ /nad med 'chi ltas
bstan pa dang/ /pho nya la sogs ltas bstan dang/ /phye ma rnams
kyi le'u dang/ /sman mar dang ni til mar dang/ /de bzhin sman
khu'i le'u dang/ /ma zhu sbyang ba'i sbyor ba dang/ /so sor

btung dang rdzas su btung/ /mas gtong las kyi cho ga dang/ /sna
sman rnams ni bstan pa dang/ /'jam rtsi sna tshogs bstan pa dang/
/de bzhin phyi yi lde gu dang/ /thal sman la na tshwa'i cho ga
dang/ /'bras bu gsum dang a ru ra/ /gu gul sgog skya'i cho ga
dang/ /mi la

brtag pa dang bcas pa'i/ /khur bstan pa yi le'u dang/ /de bzhin
skyes bu dang bcas pa'i/ /shing rta dang sbyar cho ga dang/
/sngags dang bya ba'i sbyor ba dang /mchog tu gsang ba nyid yin
no/ /de ltar gsang ba mchog gyur pa'i/ /gnas kyi le'u yin shes
bya/ /gnas brgyad yan

lag brgyad dang bcas/ /rta yi tshe yi rig byed mchog /ma lus 'di
ni tshangs pa che/ /zhal bzang bzhi dang ldan pas byin/ /legs ldan
sha li ho tra yis/ /de skad rjes bstan smras pa yin/ /sha li ho
tra'i gnas dang po las tshe'i rig byed byung ba'i tshul bstan pa
zhes bya ba'i le'u ste dang po'o// //

de nas sha li ho tra yis/ /legs thos la ni yang smras pa/ /slob
ma sbyang ba zhes bya ba/ /legs thos de bzhin nga las nyon/ /slob
ma rigs bzang yan lag tshang/ /mtshan ldan dad par bcas pa bya/
/bram ze sogs gsum gang yang rung/ /gtsang ma bla mas slob tu
gzhug /rta

la shin tu brtsebs na/ /bram ze las ni slob ma gzung/ /skye dgu
skyong la brtson pa yi/ /rgyal rigs slob mar gzung bar bya/
/dmangs rigs rnams ni gso ba yis/ /'tsho ba tshol bas de yang
gzung/ /nyi ma byang 'gro bsod nams dus/ /gza' la mig dmar nyi ma
dang/ /

tshes drug brgyad dang lnga dang bcu/ /tshes bzhi tshes ni bcu bzhi
dang/ /tshes gcig dang ni tshes dgu ni/ /rig pa rtsom la spang bar
bya/ /tshes grangs lhag ma shis pa yin/ /gzhan yang skar ma pa las
nyon/ /gang zhig 'jam dang myur ba dang/ /g.yo dang

@159b gdug dang smin drug dang/ /tha skar ma gtogs mi rnams kyis/
/rig slob rtsom la rtag tu shis/ /skar ma yang ni 'di rnams dang/
/thang cig kyang ni shis ba dang/ /gza' ni ma smad pa rnams dang/
/chu tshod bzang la brtsam par bya/ /de lta'i dus ni shis pa la/
/glob

ma gos gtsang bgos pa dang/ /bram ze mchod phyir thogs dkar
btags/ /dri ni dkar pos byugs pa dang/ /phreng ba dkar btags
mkhas pa dang/ /gos dkar bgos pa 'don du gzhug /de bzhin rgyal
rigs rnams kyang ni/ /cha lugs thams cad dmar ba dang/ /

de bzhin dmangs rigs thams cad ser/ /lha rnams thams cad byed du
gzhug /bram ze yis ni tshangs pa mchod/ /rgyal rigs kyis ni brgya
byin te/ /dmangs rigs kyis ni rlung lha mchod/ /bye brag med par
kun gyis ni/ /dbyangs can de bzhin dpal mo dang/ /sha li

ho tra mchod par bya/ /de rnams la ni me tog spos/ /kha zas phun
tshogs kyis mchod nas/ /de yi 'og tu sa bi tra/ /me la mar gyis
tshim par byas/ /bram ze rnams la kha zas sbyin/ /de nas bu gcig
yon byas pas/ /slob dpon la ni yon byin te/ /sa phyogs dag cing
brgyan pa

ru; /slob ma nub tu bltas nas ni/ /slob dpon shar du bltas te
brjod/ /rtag tu las la brtson pa yi/ /bu khyod kyis ni bslab par
bya/ /srog gis kyang ni bla ma dang /mnyes par bya na nor ci
smos/ /bla ma bram ze sa bdag la/ /bu yis 'khu bar mi bya ste/
/khyod kyis rta rnams

la yang ni/ /'khu bar nam yang mi bya'o/ /nga yi kha las gang
thos pa/ /de ni bu yis 'bad de slobs/ /de bzhin phongs par gyur
kyang ni/ /glegs bam las ni slob mi bya/ /glegs kham las ni gang
bslabs de/ /'jig rten gnyis ka dag dang 'gal/ /dang po 'di dag
thams

cad ni/ /gso ba bu yis bslab par bya/ /ma bslabs pa ni spangs nas
kyang/ /gang smras 'di ni mnyan par gyis/ /bco lnga gnyis dang
bcu bzhi gnyis/ /tshes brgyad dang bcas sa 'gul dang/ /bu btsas
shing drung nyid dang ni/ /mi gtsang bas ni khyab gnas dang/
/bdag

@160a @#/ /nyid mi gtsang ba nyid dang/ /nad kyis sems ni rmongs
pa dang/ /rlung ni chen po rgyu ba dang/ /de bzhin 'brug sgra
sgrogs pa'i tshe/ /'di bslab pa ni spang byas la/ /bu yis bstan
bcos gzung bar bya/ /bstan bcos gzung ba byas nas ni/ /bstan bcos
don ni gzung bar

gyis; /bstan bcos don ni gzung byas nas/ /de 'og las la goms par
gyis/ /bstan bcos shes pa 'ba' zhig la/ /las kyi bya ba tsam
mthong ba/ /gso ba'i las la 'jug par ni/ /de dag gnyi ga don med
'gyur/ /gso ba'i las la 'jug pa na/ /khyod kyis

rta ni rtag tu skyongs/ /mi bzad nad kyis nyen na yang/ /khyod
kyis spang bar mi bya'o/ /rta gang gsor ni mi rung ba/ /de yang
rigs pas gso bar bya/ /ma gsos na ni nges par 'chi/ /gsos kyang
nges pa med gyur pa'i/ /nad kyis gdungs par gyur pa gang/ /nad ni
gzhan la 'go bar

'gyur/ /bstan bcos las de spang bar bshad/ /spang tshul de yang
nga las nyon/ /de ni rta bres las ring bar/ /srung ma dang bcas
gzhag par bya/ /na ba'i rta ni gang yang rung/ /gtan spang ba ni
rigs ma yin/ /nad dang sbegs dang rgas pa'i rta/ /gtan spang bram
ze gso

dang mtshungs/ /rta ni mtshan nyid ngan gyur pa/ /nyo ba'i dus su
blang mi bya/ /gang zhig rang gi khyim du skyes/ /bram ze gzhan
yul pa la sbyin/ /ltas ngan byung bar gyur na ni/ /'di nyid sbyin
pa gtang bar bya/ /mi 'tshe ba ni tshe skyi mchog /sems can la
brtag brtse bya zhing/ /

de bas ci tsam gso nus pa/ /de tsam zhig ni gzhag par bya/ /bde
bar 'jog par nus gyur las/ /lhag par 'jog pa 'bad mi bya/ /rta ni
sdug bsngal bar bzhag na/ /chos don 'dod pa 'joms par 'gyur/
/gzhan yang rgyal po'i sa skyong ba'i/ /bya ba rta la rag las

pas; /de la khyed kyis gus bya zhing/ /de bzhin slob dpon bla ma
dang/ /bram ze la yang gus par bya/ /des ni khyed kyis dpal thob
'gyur/ /de las gzhan du byed na ni/ /ltung las nye bar ltung bar
'gyur/ /dmyal bar rang ni ltung ba dang/ /nges par ldan pa nyid
du

@160b 'gyur; /dam pa'i lam la gnas na ni/ /grags dang bsod nams
tshe ring dang/ /chos don 'dod pa ma lus pa'i/ /dpal mchog 'bad pa
med par 'thob/ /de skad brjod nas slob pa ma yis/ /khas blang de
rjes slob dpon gyis/ /dus shis pa la ma yengs par/ /slob

ma de ni slob tu gzhug /de yi 'og tu rgyun du ni/ /mkhas pa rtag
tu brtson pa yin/ /bya ba ci bzhin rdzogs par du/ /slob ma de ni
slob tu gzhug /de ltar rig pa byin pa yis/ /bla mas slob mar
bslab pa yin/ /slob dpon dang ni slob ma dag /'dod 'jo ba

ltar zad med 'gyur/ /sha li ho tra'i mdo'i gnas las slob ma
sbyang ba'i le'u ste gnyis pa'o// //de nas sha li ho tras bu/
/legs thos la ni yang smras pa/ /gang phyir 'di ni dpal mo'i bu/
/de phyir mchog tu bkra shis yin/ /gzhan yang rta yi mchod sbyin

la; /rta ni dgos pa nyid yin pas/ /de bas shin tu dag byed
de'ang/ /'di ni bkra shis dam pa yin/ /ri dags dang ni thag ring
'gro/ /de bzhin g.yul gyi las rnams la'ang/ /rgyal po rgyal byed
pa yi rgyu/ /rta las mchog gyur yod ma yin/ /rta yi mchod sbyin
dag la

ni; /skye dgu'i bdag gis longs spyod cig /de bas mchod sbyin
thams cad la/ /de ni spyad bya nyid yin no/ /de phyir shin tu
gtsang bas na/ /kun la rjes su gnang ba yin/ /de phyir tshangs pa
ma gtogs pa/ /thams cad kyi ni zas ma yin/ /rta yi mchod sbyin
las

lhag pa'i/ /dag byed mi la yod min pas/ /rta ma gtogs par sa gsum
na/ /bkra shis mchog gzhan yod ma yin/ /rnag can myur 'gro lam
las rgyal/ /'gros legs 'phrog byed las rdzogs dang/ /mgyogs dang
mgyogs 'gro myur 'gros can/ /dpal

mo'i bur yang bshad pa yin/ /'jig rten na ni sna che bas/ /de ni
sna can zhes byar bshad/ /rtag tu 'gro bas mgyogs 'gro yin/ /lam
du rgyal bas lam las rgyal/ /'gros legs ldan pas 'gros can yin/
/dbang med khyer bas 'phrog byed de/ /las

@161a @#/ /rnams rdzogs par byed nus pas/ /las rdzogs zhes ni
tshangs pas bshad/ /mgyogs pa dang ni mgyogs 'gro dang/ /de bzhin
myur 'gro can zhes pa/ /de ni mgyogs pa kho nar bshad/ /'di dag
des tshig tshul yin no/ /rta ni dpal mo'i

bu yin pas/ /dpal mo'i bu zhes bshad pa yin/ /mtshan dang rigs ni
bzang ba dang/ /dpa' bos bzhon zhing byang ba yi/ /rta ni stong
gis sa bzhi dag /ma lus pa las rgyal bar nus/ /mtshon thogs pa yis
mi thub pa'i/ /gnas der stobs che ba yi rtas/ /'phral

du rgyal bar nus pa yin/ /de phyir khyed kyis de la ni/ /shin tu
gus shing brtse bar bya/ /rgyal po sman pa'i chos don dang/ /phun
tshogs pa yang gzhan las min/ /sha li ho tra'i mdo'i gnas las ngas
pa'i tshig gi le'u ste gsum pa'o// //sha li ho tra

blo gros che/ /rta yi gnas na 'dug pa la/ /legs thos thos pa phun
tshogs pas/ /slar yang pa la dris gyur pa/ /rta ni ci ltar byung
bar gyur/ /mchod sbyin 'tsham pa ci ltar 'gyur/ /de ni dang por
rgyal po dag /gang gi bzhon pa nyid du 'gyur/ /de yi rigs bzhi ci
lta bu/ /

de lta bur ni ci ltar 'gyur/ /ci yi phyir ni de 'drar 'gyur/ /de
dag shes par 'tshal lags so/ /de yi tshig ni thos pa dang/ /sha li
ho tras smras gyur pa/ /'di na rgyal po'i chos kyi mchog /sa
rnams yongs su skyong ba yin/ /de yang dpung gis byed par nus/
/dpung

gi mchog ni rta rnams yin/ /de phyir rang don la mkhas pa'i/
/rgyal po'i chos don 'dod don du/ /yang ye rnam pa thams cad du/
/'bad de rta rnams bsrung bar bya/ /chos dang grags 'dod sman pa
ni/ /bstan bcos mkhas gyur pas kyang bsten/ /de bas de

rnams lha dang ni/ /mi ni ji ltar byung ba bshad/ /rigs dang nye
ba'i rigs dang tshe/ /na tshod shis dang mi shis dang/ /gtsug dang
gdong dang thig le dang/ /'tsher dang 'gros kyi rim pa dang/
/mtshan ngan gnyen po mchan khung dang/ /'byung dang bzhon

@161b ba'i bya ba dang/ /nad med nad ni rgyas pa dang/ /rna ba
rnams kyi sman dang ni/ /de bzhin sman ni byung ba yin/ /go rims
ci bzhin nyid dang ni/ /spu mdog mdog 'dres khyad par dang/ /spu
mdog dag dang mig dag dang/ /rang bzhin snying stobs dag dang ni/
/ston ka

skyes pa'i mtshan nyid de/ /'di dag thams cad mdor bsdus nas/
/khyed la legs par bshad par bya/ /lha rnams kyis ni mngal skyes
dang/ /mngal med byung ba gnyis su bshad/ /sngon tshe 'jig rten
zhig gyur cing/ /'jig rten 'di ni med pa'i tshe/ /'byin byed

me la sbyin sreg ni/ /byas pas dang por tshangs pa dang/ /rta pho
de rjes rgod ma mchog /rang gi skye gnas dag tu bskyed/ /gzhan
yang skye dgu'i bdag mo yi/ /mchod sbyin la ni tshangs pa yi/
/mchi ma byung ba dpal mo ni/ /dga' bas snyim pa sbyar bas
blangs/ /de

yi yan lag las byung ste/ /rta rnams bram ze'i rigs sogs gyur/
/kha dang dpung pa brla gnyis dang/ /rkang pa gnyis las go rims
bzhin/ /g.yas g.yon las ni pho mo ste/ /changs pa las rta de ltar
skyes/ /'o ma'i rgya mtsho bsrubs pa'i tshe/ /rta dang bdud rtsi
lhan

cig byung/ /de ming u tsa sra ba ste/ /sgra ni sprin chen lta bu
yin/ /rgya mtsho de las nam mkha' la/ /shugs kyis rnam par 'gro ba
na/ /lha min stobs dang lha 'khrug pas/ /phyi rkang gnyis ni
bzung bar gyur/ /stobs chen stobs ldan gyis drangs pas/ /dpyi ni
cung zad

nyams par gyur/ /de bas rta rnams da rung mi/ /dbyi ni myur bar
mi 'debs shing/ /ngal so ba na rkang pa ni/ /phyi ma res kyis dal
bar 'degs/ /tshangs pa'i bur gyur gtum po ni/ /dmod pa yis ni 'ug
par gyur/ /yid 'ong yid kyi mchod sbyin ni/ /ri dags mor gyur de

gnyis 'dus/ /de la sgo nga sna tshogs pa/ /du ma byung bar gyur ba
yin/ /lte ba man chad mes gdungs pa'i/ /rdul ni thal bar 'dzag
gyur pa/ /de las kyang ni kha dog rnams/ /tha dad bong pho bong
mor gyur/ /sgra skad rtsub cing rno ba dang/ /rang bzhin rtsub
cing rkang pa rtsub/ /de yang

@162a @#/ /rta dang lhan cig byung/ /skye dgu'i bdag gi gnas na
'dug/ /de nas de dag rmongs pa yis/ /de yi sbyin sreg khang pa
brlag /des ni de la bsad dang bcings/ /sgro bcad rtswa ni za ba
dang/ /lha dang mi yi bzhin pa ni/ /nyid gyur cig ces dmod pa

btab/ /rta de yid ni khums gyur nas/ /skye dgu'i bdag la gsol ba
btab/ /de nas de la mgu gyur nas/ /mchog 'di thob par gyur pa
yin/ /rta yi mchod sbyin la bsad dang/ /g.yul du g.yo bar gyur pa
dang/ /legs par sbyin pa btang ba na/ /bsod nams khyed kyis

thob gyur cig /de bzhin du ni yon gnas kyi/ /mchog nyid du ni rta
gyur cig/ /dad pas dge sbyong bram ze la/ /rta rnams byin par
gyur na ni/ /rta yi ba spu ji snyed par/ /lha yul du ni skye bar
'gyur/ /sbyin ba btang ba'i rta yang ni/ /'gro ba'i mchog tu
'gyur ba yin/ /de nas

skye dgu'i bdag po yis/ /tshig gis 'dus nas kha ba can/ /sha li ho
tra la 'khur zhing/ /drang srong rnams dang lhan cig rtse/ /stobs
ldan u tsa sra ba ni/ /zhon nas lha rnams gzir bar byed/ /lha
kun mngon mtho 'dod pa yis/ /sha li ho tra la gsol btab/ /de nas

lha la bzhon pa'i phyir/ /ji ltar 'dod pa bzhin du byin/ /zla ba
la dkar lha chen la/ /ljang gu khyab 'jug la rta ser/ /markta
mdog 'dra nyi ma la/ /me lha la dmar gshin rje nag/ /padma dkar
'dra chu lha la/ /sngo dang khra bo tha skar gyi/ /bu gnyis dmar
po rlung lha la/ /lha

rnams gzhan la sna tshogs pa/ /rang rang ji ltar dga' bar ni/ /'di
'dra yid 'phrog byed pa byin/ /lhag ma'i rta ni skye dgu'i bdag
/yid ches byas pas blangs nas ni/ /de yis mi yi rgyal po la/ /ci
rigs par ni bgos te byin/ /gshog pa bcad pas de rnams ni/ /

na gyur slar yang me yis bsregs/ /nad gdungs sha 'i ho tra la/
/'khus par gyur te khro ba yi/ /mche ba bcad nas stobs kyis ni/
/de gnyid log pa bza' snam na/ /de tshe drang srong mi snang gyur/
/de nas rta rnams zos snyam nas/ /dga' bar rta spangs 'byin cing
snom/ /

@162b de phyir rta rnams da rung yang/ /rta spangs btang nas snom
par byed/ /skye dgu'i bdag gi khyim bdag tshe/ /ha ha zer bas ha
yar bshad/ /bya ltar gshog pa mgyogs 'gro bas/ /mgyogs 'gro zhes
ni bshad pa yin/ /lam rdzogs mgyogs pas byed pa ni/ /'phrog

pa 'tsher ba nyid la'ang bya/ /lha rnams kyis ni rta byung ba/
/rnam pa bzhi ste du ma'ang yin/ /bong bu rgod ma la dre'u/ /bong
bu bas ni bzang bar 'dod/ /dre'u las skyes ki na yin/ /de las
skyes ba ki sa ta ta/ /ki sa ta ta'i bu chu bur can/ /chu bur can
bu bong bur gyur/ /

rang dang rta yi skye gnas te/ /bong bu'i skye gnas gnyis su
'dod/ /bong bu dang ni rta sogs la/ /lugs su 'byung dang lugs las
bzlog /de ltar rigs kyi dbye ba 'di/ /go rims bzhin du brjod pa
yin/ /rta rnams kyi ni 'byung ba dag/ /slar yang 'od chen bka'
stsol cig /

'o ma'i rgya mtsho las byung nyid/ /thams cad shes par 'tshal lags
so/ /bu yis de ltar dris pa dang/ /sha li ho tras smras pa ni/
/skye dgu dang bo byung ba'i tshe/ /'tsho ba'i 'jig rten bde gnas
gyur/ /de rjes lha dang lha min gyi/ /'jig rten kun la tshangs pa
yis/ /'jig rten

thams cad khyab byed pa'i/ /skom gyis gdungs pa nyid du byas/
/'jig rten pa yi srog chags rnams/ /slar yang rgyug cing 'gro bar
byed/ /lha dang lha min sha za dang/ lto 'phye srin po de rnams
kyang/ /stobs dang ldan pa'i skom gyis ni/ /gdungs pas nye bar
zin par gyur/ /lha

dang lha min kha zas dang/ /mal stan la ni dga' med gyur/ /de
rnams de ltar sems pa na/ /de yi tshe na blo skyes pa/ /gang 'di
chu yi snying por ni/ /gnas der bdag cag skom sel gyur/ /de nas
ri bo mandA ra/ /grags ldan srub zhing nyid du byas/ /klu yi
rgyal chen mtha'

yas ni/ /srub thag tu ni yang dag sbyar/ /der ni phyogs gcig lha
rnams te/ /phyogs gcig tu ni lha min gnas/ /srub thag 'dren zhing
mtsho chen ni/ /'jigs pa'i sgra rnams bsrubs pa na/ /mtsho chen der
ni lha dang mi'i/ /sman ni rtsa ba lo ma dang/ /'o mar bcas pa
bsdus nas ni/ /

@163a @#/ /thams cad bcug pa nyid du 'gyur/ /gzi brjid che zhing
gzi brjid can/ /ro la sogs pa 'byung zhing dge /me tog ser dang
go sring gi /de bzhin sor mo la spyod dang/ /mdangs ldan dzA ti
sa ra dang/ /'tsho byed 'chi ba gso byed dang/ /de bzhin rma 'tsho
byed la

sogs/ /gzhan yang tshangs pas gang sprul ba'i/ /bcud dang mthu
stobs bsam mi khyab/ /sman rnams mtsho chen der bcug sta/ /rgya
mtsho bsru bas par gyur pa na/ /de tshe dang po kho nar ni// dpal
mo la sogs byung bar 'gyur/ /gang gis nang bar brjod na ni/ /rmi
ngan

la sogs 'jig byed pa'i/ /dge ba zhes bya'i rin po che/ /brgyad ni
chu las byung bar gyur/ /nyi ma bzhon pa'i shing rta ni/ /'dren
pa'i rta dang lha yi chang/ /de bzhin nor bzang ko thu ba/ /nor
bu'i rna cha bzang po dang/ /bdud rtsi zhes bya'i sman dang ni/
/bdud rtsi nyid kyang byung bar

'gyur/ /bstan bcos thams cad 'dzin pa'i mchog /sman pa thang la
'bar dang ni/ /sgra mtho zhes ni bya ba'i rta/ /snying stobs che
zhing stobs che la/ /'brug dang rnga yi sgra dang ni/ /dung dang
rnga chen sgra 'dra ba/ /gang zhig skad gsang mthon po yis/ /sgra
des ming du btags pa ni/ /

de tshe lha dang lha min gyis/ /sgra mtho zhes ni bya bar btags/
/sprin dkar gyi ni mdog 'dra zhing/ /mgyogs shing bdud rtsi las
byung ba/ /mdangs ldan rgya mtsho chen po las/ /byung ste mkha' la
'gro bar byed/ /stobs ldan zhes bya'i snang byed bus/ /de yi
rkang pa gnyis

las bzung/ /de tshe lha min thams cad kyis/ /mandA ra dang de
bzhin du/ /klu yi rgyal po bor nas ni/ /rta yi rin chen la 'jus
te/ /'o ma'i rgya mtsho spangs nas ni/ /sa gzhi 'dir ni phyin par
gyur/ /lha min bum pa mnyam pa dang/ /de bzhin sems rab 'phags pa
dang/ /

me 'dra ba dang 'dod lha dang/ /gnod skyobs gser mdog ces bya ba/
/chu bur zlum ngo zhes bya bas/ /stobs ldan la ni tshig 'di smras/
/gang gis dpal thob 'gyur ba yin/ /don gnyer rin che thob pas na/
/bdag cag lha dang mi rnams la/ /'jigs pa 'byubng bar mi 'gyur
ro/ /

@163b rtag par rab tu dga' byed cing/ /thams cad stobs kyis dregs
pa dang/ /lha min skyes bu thams cad ni/ /dga' zhing mgu ba nyid
du bya/ /de nas stobs ldan yid dga' bas/ /des ni lha rnams la
smras pa/ /rgya mtsho chen po bsrubs pa las/ /rin chen gang zhig
thob gyur pa/ /de

ni nga la byin pas na/ /gzhan gyis de rnyed 'or ma yin/ /lha
rnams kyis kyang tshig smras pa/ /bdag cag gi yang rtsal yin pas/
/rin chen khyod ni gcig pu'i min/ /khyed dang bdag cag thun mong
yin/ /de nas lo ni khri yi bar/ /skar ma'i tshud kyis g.yul 'gyed
de/ /lha dang lha min

g.yul ngor ni/ /dpung tshogs ldang zhing ldang zhing 'thab/ /de
tshe stobs ldan sgra mtho ba'i/ /stobs mgyogs ldan pa'i rta zhon
nas/ /lha rnams kyi ni dpung gi tshogs/ /chen po dag kyang brlag
par gyur/ /gang yang der ni lha rnams kyis/ /g.yul du bsad pa'i
lha min rnams/ /

rta dbang de yis bsnams pa dang/ /yang dang yang du slar 'tsho
gyur/ /de nas lha min chen po yis/ /bsad par gyur pas rmongs nas
ni/ /skyabs 'dod pa yis tshangs pa la/ /skyabs su nye bar song bar
gyur/ /legs ldan stobs chen ldan pa yi/ /lha min g.yul gyis pham
par

bgyis; /legs ldan gyis ni bdag cag la/ /bzhon pa bzang po stsal
ba'i rigs/ /bdag cag gis kyang lha min gyi/ /g.yul bo'i gnas las
rgyal bar bgyi/ /de nas tshangs pa skye dgu yi/ /bdag pos de la
smras pa ni/ /phyis 'byung ba ni gang yang rung/ /nga nyid kyis
ni sngar shes

te; /gang tshe gnag gis ci tsam 'gyur/ /'di ni kho bos sngar shes
pas/ /nga yis sngon tshe rta sprul bas/ /de bzhin sa steng 'gro ba
dang/ /bar snang dang ni sa 'og gi/ /rgyu dang mi rgyu gang yin
dang/ /srog chags rnams ni gang ci'ang rung/ /de dag thams cad
mngon sprul to/ /mchod

sbyin bzhon pa'i don du ni/ /rta yang nga yis sngon phyung ste/
/sbyin sreg byed tshe nga yi ni/ /mchi ma 'dzag par gyur pa de/
/dpal mo yid ni dga' ba yis/ /lag pa gnyis kyis blangs par gyur/
/de las der ni rta byung bas/ /de phyir dpal mo'i bu zhes bya/
/der ni lag pa

@164a @#/ /g.yas pa yi/ /mchi ma las ni rta phor gyur/ /g.yon pa'i
mchi ma las rgod ma/ /snying stobs ldan dang mgyogs mdangs ldan/
/dpal mo'i lag pa'i nga'i mchi ma/ /der ni rta de bram ze'i rigs/
/nga yi mchi ma dpal mo yi/ /lag pa gnyis las

'dzag gyur pa/ /brang na gnas pa rgyal rigs te/ /g.yul ngor sra
bar shes par bya/ /lte ba brla yi rje'u rigs te/ /rkang pa 'dzag
pa dmangs rigs yin/ /der ni g.yon ngos rgod ma ste/ /g.yas ngos
kyis ni rta phor bshad/ /'di rnams phan tshun 'dus pa ni/ /rigs
bzhi dag tu bshad

pa yin/ /de ltar rta rnams yang dag byung/ /yid ltar mgyogs zhing
dog ldan te/ /mdog gcig mdog ni 'dres pa dang/ /sna tshogs mdangs
kyis phye ba dang/ /thog le can dang kha dog mda'/ /mtshan ma can
dang zhur ba dang/ /rkang dkar rdog ma mun dza 'dra/ /rgyal mtshan

dkyil 'khor 'dra ba dang/ /rnga rdog mdog ni mang ba dang/ /khra
bo thig le phra ba dang/ /'dam mdog se ba nyid dang ni/ /dkar la
rdog ma gnag pa ste/ /phal cher kha dog sna tshogs shing/ /ba spu
snum zhing bzang ba dang/ /tshad dang ldan zhing mig bzang la/ /ro
stod mtho bar gyur

pa dang/ /dbus phra gsus khyim chung ba dang/ /mchu legs brang
zhed yangs pa dang/ /rdog ma rked pa rmig pa bzang/ /pags srab
spu mtshams phra ba dang/ /yid du 'ong zhing phum phum bzang/
/snying stobs ldan zhing rkang mdog mthun/ /lus las skyes pa'i
gshog pa bzhi/ /nam

mkha' 'gebs pa lta bu dang/ /yan lag dang ni nyid lag rnams/ /lha
yi char ldan gzi brjid che/ /dpal ldan gyur pa dpal mo'i bu/
/tshangs pa'i mchi ma las byung mgyogs/ /me yis gdungs pa las gyur
ba'i/ /lte ba las ni byung ba'i rdul/ /thal bar 'dzag gyur de
las/

ni; /bong bu dang ni bong mor gyur/ /rna ba ring zhing mjug mar
ldan/ /gzhung thig phra zhing rmig pa sra/ /skad gdangs rtsub
cing khur sran che/ /gang zhig rtsub ba bong bu yin/ /thal ba las
ni skyes pa'i phyir/ /de bas bong bu thal mdog ldan/ /de dag de
ltar gyur nas ni/ /skye

@164b dgu'i bdag mo'i gnas na 'dug/ /de nas dregs pas rtse ba
dang/ /sreg rdzas dgang gzar blugs gzar dang/ /gzhong pa snod
dang bum pa bsnams/ /rmongs pa'i rta yis rab tu brlag /'jag mag
thal bas khyab pa yi/ /mi gang de ni mthong ba dang/ /dang khra
khros par

gyur nas na/ /rta rnams dmod pa btab par gyur/ /gshog bcad mtshan
ni nub pa dang/ /sa la rgyu zhing tshig mi 'don/ /lha rnams dang
ni mi rnams kyi/ /bzhon pa nyid du song gyur cig /de thos sdug
bsngal gyis gdungs te/ /de tshe rta rnams dang khra ni/ /de nyid
la ni

skyabs song nas/ /slar yang rjes su phan btags byas/ /rta yi
mchod sbyin 'bras bu ni/ /bsod nams don du 'gro gyur cing/ /mchod
pa bzang po thob gyur cing/ /bsod nams 'jig rten gyis thob shog/
/phan btags thob pas de dga' ste/ /dang khra la ni bskor bar

byas/ /mgo bos phyag byas bdag cag gis/ /ci zhig bgyis zhes tshig
tu smras/ /dang khras der ni lung bsgo ba/ /kha ba can du khyed
song la/ /ro 'dab yid du 'ong ba dang/ /chu dang ldan par gnas
par gyis/ /de skad smras nas rta rnams ni/ /dga' ba ri rgyal dag
tu song//

sbyin sreg bshigs pas khros pa na/ /dang khras ha ha zhes bzlog
pas/ /de phyir 'di la ha yi sgra/ /rta rnams la ni btags pa yin/
/ri bo dam pa de ru ni/ /rta rnams gnas par gyur pas ni/ /gang
zhig 'dod pa spyod gyur pa/ /rigs ni 'dres par gyur ba'i rgyus/
/rta dang bong

bu de dag gi/ /skye gnas 'dre bar bshad par bya/ /bong bu rta la
'jug gyur pa/ /gang yin de las re'u 'byung/ /drU dang rgod ma
dag las ni/ /go ri zhes ni bya ba skye/ /go ri rgod mar 'jig pa
las/ /ki ni zhes ni bya ba skye/ /ki ni rgod ma las skyes pa/ /ki
sa ta ta zhes bya

ba yin/ /ki sa ta ta dang rgod ma las/ /chu bur can zhes bya ba
yin/ /chu bur can dang rgod ma las/ /slar yang bong bu zhes byar
bshad/ /bong bu 'ong bar mthong na ni/ /rta ni thams cad rmongs
par 'gyur/ /bya ba mang zhing bslab bar dka'/ /de phyir bong bu
bzhon

@165a @#/ /dgra yin/ /de ltar 'di ni dre'u ste/ /ma 'dres 'jug las
rta nyid yin/ /rang dang rta yi skye gnas te/ /bong bu'i skye
gnas gnyis su 'dod/ /rta rnams gzhan gyi mngal du ni/ /'khrig pa
spyod par mi byed la/ /gal te byed par gyur na ni/ /yul de 'jig
par

shes par bya/ /de ltar nga ni rta 'byin la/ /mchod sbyin don ni
phyugs kyi mchog/ /dgra 'joms rgyas byed la sogs pa/ /rgyal po
rnams kyi dpung gi mchog/ /de nas kha don la dga' zhing/ /sbyin
sreg byed la rab gzhol ba/ /gzhon nu tshangs par spyod la gnas/
/sha li ho tra

dka' thub che/ /kha ba can gyi ngos kyi nags/ /lha yi tshal 'drar
'ongs par gyur/ /de ni de ru gnas bcas nas/ /ri yi tshogs ni nyams
dga' zhing/ /ri dags tshogs ni du mas khyab/ /mi 'am ci ni sna
tshogs gnas/ /bya tshogs du ma sgra sgrogs shing/ /dri za'i bu mo
rnams kyis bskor//

grub dang drang srong rol pa yi/ /tshogs dang lha rnams dag gis
mdzes/ /me tog 'bras bu mang po yis/ /nyams dga' ne'u gseng bzang
pos khyab/ /shin tu yid du 'ong ba'i gnas/ /nyams dga' der ni
gnas par gyur/ /der ni phye leb yan chad kyi/ /ri dgas

la sogs na tshogs gnas/ /rta dang dri za mi 'am ci/ /ne'u le sbrul
dang bya rnams ni/ /seng ge stag dang phag dang ni/ /glang po'i
dbang po spre'u dang dom/ /de la sogs pa mang po ni/ /sha li ho
tra drang srong che/ /bdag nyid thul cing gtsang ba yis/ /gnas
dang nye bar

'khod pa na/ /sha li ho tras rta de rnams/ /bu dang 'dra bar
yongs su bskyad/ /kha ba can gyi ngos na rtse sha li ho tra'i
dbang du gyur/ /de bas lha rnams myur du ni/ /sha li ho ta'i gnas
su song/ /der ni khyed la bzhin pa mgyogs/ /sha li ho tra ster
bar 'gyur/ /lha

mchog tshangs pas de skad du/ /lha rnams la ni smras pa dang/
/dga' bas de ltar bgyi zhes te/ /de rnams ri mchog de ru chas/
/de nas skad cig tsam gyis ni/ /brgya byin gshin rje chu lha
dang/ /dpal ldan nor gyi bdag po dang/ /bcas pa drang srong gnas
su song/ /phyin nas

@165b bsti gnas gnas de la/ /snyan pa'i tshig ni 'di skad smras/
/drang srong khyed ni gang gi phyir/ /dka' thub gnas bcas dka'
thub grub/ /tshur sbyon grub dang drang srong tshogs/ /mi bzang pa
yi gnas su dengs/ /de nas ngas ni dgra 'joms pa'i/ /brgya byin la
ni der smras pa/ /nga la dka'

thub yang spyad pa/ /mi dgos de ltar bya zhes smras/ /de nas nga
la gshin rje yis/ /snyan pa'i tshig ni 'di skad smras/ /rga med
'chi med zad med pa/ /lha yi dbang po'i gnas 'dra ba/ /'dzin rten
kun na gnag bzang ba'i/ /gnas de nga yis spyin par bya/ /zas dang
stan dang ma la khri

dang/ /spyod lam ci bde gnas med pa'i/ /ngas tshal 'dir ni dka'
thub can/ /khyed ni ji ltar dka' bar gyur/ /brgya byin bcas pa'i
lha mchog ni/ /kun la nga yis lhar smras pa/ /rtsa ba 'bras bu
nga yi za/ /gos ni shing shin ri dgas pags/ /'don dang spyin sreg
byed pa'i

na/ /mthar thug med par nga'i blo 'jug /ri dags tshegs kyang rtag
tu ni/ /kho bo'i bsti gnas dag tu 'ongs/ /glo bur lhags pa gzhan
dag dang/ /gshog thogs dag ni blta bya yin/ /de dang lhan cig
gnas bya yin/ /lha yul 'dod pa nga la med/ /de nas dgra thub
gshin

rje yis/ /nga la yang ni slar smras pa/ /gang dang 'grogs na
khyed dga' ba'i/ /gzugs sdug ri dags bya tshogs dang/ /gshog pa
yod pa'i rkang bzhi pa/ /thams cad bdag cag la bstan gsol/ /nga
yis de ltar khas blangs te/ /ri dags bya tshogs de dag kun/ /ji
srid

mthong bar gyur gyi bar/ /lha rnams yud tsam 'dug par gyis/ /de
nas lha rnams mkha' las ni/ /phyogs rnams kun nas 'ongs gyur
cing/ /ri rtse chu bo rnams las kyang/ /brang gi phyogs ni ston
cing 'ongs/ /de tshe rta phran par snang la/ /yid du 'ong ba'i
skad du 'tsher/ /rnar snyan

pa yi sgra dang ni/ /gshog pa'i rlung ni yid 'ong ba'i/ /sgra des
mdangs dang ldan pa yi/ /sgra des ngo mtshar skyes par gyur/ /lha
rnams dga' bas nga la ni/ /snum zhing yid 'od zab pa dang/ rjes
mthun sgra ldan pa snyam dga'/ /e ma'i mtho ris mtshungs zhes
smras/ /kye ma'o khyed ni

@166a @#/ /nyams dga' bar/ /gnas par gyur pa legs so legs/ /kye
ma'o ri dags gzugs bzang zhing/ /nyams stobs snying por mgyogs
par ldan/ /lha dang mi ni su la yang/ /'di 'dra'i bzhon pa yod ma
yin/ /bdag cag 'di la zhon nas ni/ /

'gro na nges par rgyal par 'gyur/ /khyod kyis bdag cag la gsol
cig /ci ltar bzhon par gyur pa yi/ /thabs de drang srong mchog
gis ni/ /yid la bdag cag bsam par 'dod/ /de nas de skad smras pa
yi/ /lha mchog rnams la ngas lan smras/ /lha min brlag pa'i

don dang ni/ /de phyir khyed rnams rgyal phyir dang/ /bram ze
rnams kyi mchod sbyin phyir/ /tshangs pas rta ni sprul pa yin/ /de
bas tshangs pas nga bsgo bas/ /khyed rnams shas cher dga' 'gyur
pa'i/ /bzhon pa rnams kyi dam pa ni/ /ma lus par ni sbyin par
bya/ /lha yi dam pa

khyed rnams ni/ /bram ze'i yul du 'gro bar gyis/ /der ni 'dul
thabs bya ba dag /'ongs nas bya yi gzhan du min/ /der song de
rjes nga yis ni/ /rta ni ji snyed bod par bya/ /de nas nga yis
rta rnams kun/ /bsdus nas tshig ni 'di skad smras/ /bla ma mkhan
po mdza' ba dang/ /

gnyen dang rang mi rnams kyang ni/ /ring bar blta bar nga 'dod
la/ /khyed rnams la yang mgron du 'bod/ /der ni 'bras bu mungga
dang/ /ma sha nas dang til dag dang/ /sA lu drug cu pa dang
'bru/ /rtswa ni mtho zhing 'jam pa dang/ /chu bo ne'u gsing rnams
kyang yod/ /de'i nags

gzar po ma yin na/ /nga dang lhan cig 'gro bya'am/ /yang na 'di
ru gnas par gyis/ /de nas nga la rta kun gyis/ /snyan pa'i tshig
tu 'di skad smra/ /nags tshal stong pa 'di mthong na/ /bdag cag
shas cher yid skyo bas/ /khyed ni gang du 'gro 'gyur ba/ /bdag
cag der

'breng gzhan du min/ /khyed kyi rjes su 'brangs te ni/ /'gro ba
bdag cag rab tu bsngags/ /de nas nga ni rtas bskor zhing/ /bde
gnas dgra dang lhan cig tu/ /gang du lha dang dus btab pa'i/
/bram ze'i yul du phyin par gyur/ /des ni a shwadtha yi rtswar/
/gtsub shing

@166b las ni me phyung ste/ /sbyin sreg nga yis byas nas ni/ /lha
dang srin po tshim par byas/ /de nas yul de'i sa mtshams kyi/ /nye
'khor kun du khyab nas ni/ /rta de dag gis 'bru dag ni/ /thams
cad za ba nyid du 'gyur/ /de nas 'bru de brlag gyur pa/ /bram zes
mthong

nas khros pa yi/ /yid kyis mig ni dmar po dang/ /de la tshig rtsub
'di skad smra/ /sngon ni dka' thub la gnas pa'i/ /bram ze gzhan
dag 'dir 'ongs tshe/ /dka' thub tshangs par spyod pa dang/ /'don
dang sbyin sreg byed pa yis/ /lo grangs mang por 'dir gnas shing//

de bzhin yams kyang zhi byed na/ /khyed ni ri dags 'di 'dra ba/
/khyer te yul du ji ltar 'ong/ /lam gang nas ni khyed 'ongs pa/
/de las slar ni 'gro bar gyis/ /khyed kyi yams 'di bdag cag gis/
/bzlog par nus pa ma yin no/ /bram ze khros ba de la ngas/ /bzod
gsol

sngon 'gro'i tshig 'di smras/ /rta rnams 'bru ni za ba dang/
/khyed la 'tshe bar nga mi dga'/ /sbyin sreg byed pas nga brel
bas/ /khyed la gnod pa ngas ma bkag /de nas nga yis rta rnams ni/
/thams cad bsdus nas 'di skad smras/ /nga la yul gyi mi rnams ni/
/ci skad smras gyur

pa la ltos/ /'di dag mgu bar bya ba'i phyir/ /re zhig khyed ni
legs par bcing/ /de nas mtshan mor gyur pa dang/ /slar yang ci
dgar spyad par gyis/ /de nas bcings pa'i tshor ba ni/ /ma myong
bas na bcing bar lhags/ /lha rnams ltad mo skyes pa yi/ /yid kyis
nga la yid

ches 'gyur/ /de nas chu lha rang nyid ni/ /bos nas zhags pas rta
rnams ni/ /yan lag lngar bcas shing la ni/ /go rims bzhin du
bcings par gyur/ /bcings pa'i rjes la stobs yod kyang/ /'gul bar
gyur ba ma gyur to/ /nye bar bcing ba byas nas ni/ /mtshon ni

rnon po thogs nas su/ /lha yis mdun dang rgyab kyi ni/ /rta rnams
kyi ni gshog pa bregs/ /de nas gshog pa bcad kyang ni/ /phyi
phyir zhing ni skye bar gyur/ /de rjes me yis bsregs pas na/
/tshig pas me lce byung bar gyur/ /bcings shing gshog pa med byas
nas/ /gang tshe

@167a @#/ /rta rnams nyam thag pa/ /de tshe lha rnams yid la ni/
/ji ltar 'dod pa bzhin du khyer/ /zla bas ri bong dkar 'dra ba/
/nyi ma ne tsho'i mdog 'dra ba/ /brgya byin gyis ni sngo bsangs
te/ /gshin rje yis ni nag po yin/ /me lhas rgya skyegs mdog 'dra
ba/ /rlung lhas

dmar ser mdog 'dra ba/ /chu lhas sngon po khyer bar gyur/ /nyi ma
gzhan gyis kha dog skya/ /lha chen gyis ni ser po ste/ /sna tshogs
las kyis rgyang mdog can/ /nyi ma su shas sna gnag pa/ /traShTas
mtshan dang ldan pa ste/ /lha gzhan gyis ni rang rang gi /yid la
'dod pa

bzhin du khyer/ /de ltar rta rnams bgos nas ni/ /lhag ma nga yi
gnas bzhag ste/ /g.yul du dgos pa'i las rnams dang/ /mtshan nyid
mtshan ma rnams dang ni/ /gso dang slar 'bros las rnams la/ /bu
dang lhan cig nye bar bskyang/ /nga'i bu mdza' bo las rgyal dang//

'khrul med tha chungs byed pa zhes/ /yon tan nges las ming btags
pa/ /bu gsum mkhas par gyur pa yin/ /zhi zhing mdza' bo rnams las
rgyal/ /des de mdza' las rgyal zhes bya/ /rigs byed bstan bcos ma
'khrul bas/ /de phyir 'khrul med ces 'di bshad/ /

nga yi tshig la mngon dga' bas/ /rtag tu 'di ltar byed pas na/
/de'i phyir de la byed pa zhes/ /tha chungs la ni btags pa yin/
/de nas rta gzhan bdag nyid che/ /ma na zhes bya tshangs sras
byin/ /de las gzhan pa rta bres su/ /las rnams la ni byang bar
byas/ /bzhon pa

la ni gdul pa dang/ /bya ba'i las rnams la yang gzhag /nga ni
rgas phyir grol ba tshol/ /rta rnams kyi ni nang du nyal/ /de nas
rta khros pa yis nga/ /gnyid log snyam ste bsad par brtsams/ /de
dag 'dus nas 'khon gyis ni/ /skyo ba'i yid dang phan tshun smra/ /

bdag cag bcing dang gsod 'di ni/ /gang las sdug bsngal skye 'gyur
ba/ /'di dag kun gyi rtsa ba ni/ /drang srong gnyid log 'di yin
gyi/ /de bas gnod byas lan bya zhing/ /zos par gyur na legs pa
yin/ /de nas bcings pa bcad nas ni/ /nga gsod phyir ni lhags

@167b par gyur/ /nga ni de la thabs gang gis/ /bde bar 'gyur zhes
sems shing nyal/ /de nas lha yis sad byas pa/ /nga yis rta la
dmod pa btab/ /deng nas brtsams te nga yi ni/ /dmod pas bzhon
khyed dong la ni/ /'jug cing rlig pa 'phyang ba dang/ /brjed ngas
pa ni nyid gyur cig/

de nas de ni 'chig pa dag /skyes shing dmod pas brjed ngas gyur/
/de skad de la ngas smras nas/ /gnas de nas ni mi snang byas/
/rta yi sgra de thos pa dang/ /de nas rta yis 'tsho ba dang/ /rta
la zhon dang 'ching byed dang/ /rta bres su ni 'ongs par gyur/
/rta rnams grol nas gnas

gnas su/ /phan tshun rgyu bar byed pa dang/ /mal khri rgya chen
dag dang ni/ /mal stan dag kyang stong pa mthong/ /de yis nga ni
ma mthong bas/ /rta rnams kyis ni zos snyam na/ /de yi mal khri
las mtshon pas/ /bram ze mi snang nyid gyur snyam/ /'di ltar rta
ni de dag rnams/ /bram

ze zos par byas snyam sems/ /de yi phyir na rta rnams ni/ /rta
spangs btang nas mang du snom/ /sha li ho tra ci nas kyang/
/phyis mi 'byung bar gyur to snyam/ /rta yi skye ba byung ba 'di/
/gang zhig rtag tu nyan byed pa'am/ /yang na la la 'dzin byed
dam/ /gtam la dad par gyur na ni/ /

lha rnams kyis ni bkur ba dang/ /bu dang tsha bo 'phel bar 'gyur/
/tshe ring ba ni thob 'gyur zhing/ /grags pa che ba nyid du 'gyur/
/'di ltar lha yi mthu ldan zhing/ /'das dang ma 'ongs don shes
pa'i/ /drang srong sha li ho tra yis/ /bu yis dris te smras pa
yin/ /sha li

ho tra'i mdo'i gnas las rta rnams byung ba'i tshul zhes bya ba'i
le'u ste bzhi pa'o// //tha skar tsha bo drang srong che/ /rta skad
las ni lus skyes pa/ /lha yi mthu ldan dka' thub can/ /tshangs pa
nyi ma me'i gzi mdangs/ /sha li ho tra drang srong mchog /de la

legs thos kyis dris pa/ /'di ltar mngal du chags par 'gyur/ /srog
ni ji ltar 'dzin pa lags/ /lus gzungs rmig pa spu dag dang/ /nad
gzhi lto ba 'byung ba dang/ /yan lag lus kyi sha rnams dang/
/rtsa dang rus pa de bzhin tshigs/ /zla ba gang la 'byung bar

@168a @#/ /'gyur; /mngal du ji ltar 'tsho ba lags/ /rte'u pho mo ji
ltar 'gyur/ /mtshan mi ldan dang ma ning dang/ /rte'u pho gnyis
sam rte'u mo gnyis/ /skye ba'am g.yang gsham nyid 'gyur ba'am/
/rte'u pho mo skye ba'am/ /phra dang rags pa ji ltar 'gyur/ /

'dug pa dang ni nyal ba dang/ /mnga' du zhu dang skams pa dang/
/shin tu dgye dang mthug pa dang/ /bslab sbyang so sor shes pa
dang/ /de bzhin zas dang rno dang bul/ /lho dang zhi ba ji ltar
'gyur/ /dpal dang mi 'jigs blo ldan dang/ stobs che mgyogs bdun
tshogs dang/ /

bul dang blo ni zhen pa dang/ /sbegs dang nyams dang ldan pa
dang/ /ngang tshul mdangs ldan nad med dang/ /phor skyes don med
ci lta bu/ /tshe ring ba dang tshe thung nyid/ /bkra shis bkra mi
shis gzugs bzang/ /mdog ma 'dres dang mdog 'dres dang/ /sna tshogs
dbye ba

ji ltar 'gyur/ /mtshan dang rlig pa lce dang ni/ /spu dang rngog
ma dag dang rkan/ /so dang rmig pa mig mi sdug /kha dog mi sdug
ji ltar 'gyur/ /sgur dang ma ning yan lag nyams/ /gzugs dang mjug
ma yo ba dang/ /bems[?] po 'dra dang lkugs dang 'on/ /rna yon kha
ni che ba

dang; /mi sdug pa yi nad bu can/ /gzhan gyi dbyibs 'dra 'khu ba
med/ /si si can dang nam khyi rngo can/ /mngal du gnas tshe ji
ltar 'gyur/ /de ltar blo ldan gyis dris tshe/ /sha li ho tras
smras gyur pa/ /ji ltar las dang nyon mongs las/ /sems can rnams
ni 'byung

'gyur ba/ /yid blo dbang po zhes bya ba/ /rnam shes dang ni 'dus
gyur nas/ /mngal du chags par gyur pa na/ /las kyi tshul la gnas
pa yin/ /sems can 'byung bar gyur pa'i tshe/ /khong khrag rlung la
brten pa yin/ /gang tshe rta pho rgod ma ni/ /zla mtshan ldan la
'jug

gyur ba/ /de tshe 'bar bar gyur pa yis/ /rnam shes mngal du gnas
pa yin/ /des ni khu ba khrag blangs nas/ /mngal gyi gnas su 'dren
par 'gyur/ /ji ltar padma'i sdong bu'i rtsar/ /skyes bus chu ni
blugs pa ltar/ /de bzhin mngal gyi gnas su ni/ /khu ba rlung

@168b gis 'dren par byed/ /de ni rtsol ba thams cad kyis/ /khrag
gis lus ni 'phel bar byed/ /ji ltar me grogs du ba ni/ /shing las
byung bas gyen du 'dren/ /de ni bar snang la gnas nas/ /gzugs can
du ni gnas par byed/ /de bzhin mngal na gnas pa'i rlung/ /

khu ba khrag tu byung ba rnams/ /de ni mngal chags gyur pa na/
/rnam shes dang ni bcas pa las/ /sems med gyur ba'i dngos po
yang/ /sems dang ldan pa nyid du 'gyur/ /de nas lus su tshor 'gyur
zhing/ /rang gi gnas su 'byung las skye/ /mngal gyi khu ba khrag

dang rlung/ /'dus pa las ni mngal chags 'gyur/ /rnam shes dang ni
'dres gyur la/ /khrag gis gsos par gyur pa las/ /snying stobs
dang ni 'dres 'gyur pa/ /de ni mngal chags shes par bya/ /legs
thos kyis ni slar smras pa/ /bdag la the tshom 'di

skyes te/ /khu ba zla ba'i bdag nyid can/ /khrag ni me yi rang
bzhin yin/ /de gnyis 'dus par gyur pa na/ /ji ltar mngal nas zags
ma gyur/ /bu yis de skad dris pa dang/ /sha li ho tras smras gyur
pa/ /de ni rnam shes kyis zin pas/ /drod kyis khu bar 'gyur

ma yin/ /ma yi nyis pa'i dbang dang ni/ /tshe yang yongs su zad na
'jig /sa sogs 'byung ba chen po dang/ /khu khrag skyon med gyur
pa las/ /de tshe yon tan dang ldan par/ /mngal ni 'dzin par 'gyur
pa yin /de ni nga yis bshad bya yi/ /rim gyis khyod kyis shes

par gyis/ /nam mkha' rlung dang me dang ni/ /chu dang de bzhin sa
rnams te/ /'byung ba chen po de dag las/ /mngal ni skyon med
'byung bar 'gyur/ /lus can dag ni thams cad kyi/ /skye ba de ltar
'byung ba yin/ /gzhan bshad gzhung yang mang mod kyi/ /kho bo de
ltar

mi 'dod do/ /pha dang ma las byung ba dang/ /las dang de bzhin
snying stobs skyes/ /de ltar sems can thams cad ni/ /mngal du
chags par shes par bya/ /ji ltar 'byung ba bshad bya ste/ /la la
mgo bo sngar skye zer/ /kha cig gis ni dang por snying/ /

@169a @#/ /gzhan dag rgyu ma skye zhes zer/ /de lta mod kyi mngal
du ni/ /ming can cig car skye bar 'dod/ /khu ba khrag dang rnam
shes dag /'dres kyang brgyal bar gyur pa las/ /zhag bdun nas ni
rlung dag gis/ /bskams las nur nur por 'gyur ro/ /zhag

bcu na ni mer mer po/ /zla ba gcig na gor gor po/ /rdza bum gser
las chu blugs pa/ /kun du gsher bar byed pa ltar/ /ma yi kha zas
yon tan gyis/ /mngal du chags pa gso bar byed/ /nur nur po la
sogs pa'i tshe/ /yan lag mi gsal nyid du

bshad/ /zla ba gnyis na rkang lag ni/ /so so'i char ni 'gro bar
'gyur/ /dus ni dus kyi khyad par gyis/ /yan lag gsal zhes bshad
pa yin/ /sngar ni mi gsal de rjes la/ /gsal ba nyid du snang ba
yin/ /ji ltar sman gyi sa bon la/ /thams cad mi gsal nyid du

'dod/ /der ni byed pa po mi snang/ /sa bon la rta de bzhin no/
/dper na 'o ma mar yod pa/ /de la snang bar 'gyur ma yin/ /de ni
bsrubs par gyur pa na/ /thams cad gsal bar 'gyur ba yin/ /de
bzhin ma chags rang bzhin ni/ /phra bas mngon par mi 'gyur la/ /

de nyid 'phel bar gyur ba yi/ /dus gzhan du ni gsal bar 'gyur/
/ji ltar a mra'i sa bon la/ /shun pa la sogs mi snang gi /dus
gzhan zhig na gsal bar snang/ /mngal du chags pa de dang 'dra/
/gang tshe gsal bar gyur nas ni/ /mngal du slar yang 'phel

'gyur te/ /yan lag nyid lag chags gyur pa/ /zla ba gsum lon la
sogs nyon/ /lus dang rgyab dang brang du spu/ /pags pa bu ga rked
pa lto/ /mid pa dpung pa rmig pa dang/ /rkan mchu nu ma kha 'gram
sogs/ /nam tshong brang dang rtsib ma rnams/ /zla ba gsum na skye

par 'gyur/ /zla ba bzhi par pho mtshan ni/ /rtsa rgyus bcas pa
skye bar 'gyur/ /de bzhin pags sra sha 'phel dang/ /mjug ma rdog
ma rus pa skye/ /zla ba lnga par rkub dang ni/ /long ka dag kyang
skye 'gyur zhing/ /snying dang glo ba mtsher pa dang/ /mchin pa
mkhal ma gzhad

@169b dang ni/ /rgyu ma gnye ma sogs pa 'byung/ /zla ba drug par
yan lag kun/ /rgyas shing rtsa phran rtsa chen dang/ /rus pa kun
dang tshigs rnams 'byung/ /zla ba bdun pa'i tshe na ni/ /ma yi nu
ma g.yos 'gyur zhing/ /dbang po drug ni tshang ba dang/ /dbugs ni
dman pa nyid kyis

rta/ /dbang po'i don dang bya ba la/ /nus pa chung ba nyid du
'gyur/ /de phyir zla ba bdun pa na/ /rgod ma dbugs rngub bder mi
nus/ /de tshe yan lag rgyas shing brtan/ /rtsa sogs bdun brgya
gsal bar 'gyur/ /de bzhin zla ba brgyad pa la/ /mngal du lus de
cher 'phel zhing/ /

lus rgyas ro drug tshor ba dang/ /stobs dang ldan zhing dbang po
gsal/ /dbang pos don ni gsal byed cing/ /ma yang bde bar dbugs mi
rngub/ /tshags tshigs mnyen zhing brtan 'gyur zhing/ /rgod ma'i lto
ba ci zhig na/ /zla ba dgu par rgod ma ni/ /mtshan dang de

bzhin nu ma skrangs/ /'byung ba gsal ba nyid 'gyur zhing/ /yan
lag nyid lag rdzogs par 'gyur/ /zla ba dgu'am ni bcu pa'am/ /zla
ba bcu gcig pa dag la/ /nye bar btsas pa nyid du 'gyur/ /rgod ma
nad dang bcas par ni/ /bu btsas pa ni 'gyur ba yin/ /bu

yi lte ba dang 'brel ba'i/ /mngal na rtsa sbubs yod pas na/ /de
las dangs ma rgyu ma yi/ /mngal ni 'phel bar gyur pa yin/ /mngal
na gnas pa rtag par ni/ /mgo bo gyen du bltas nas gnas/ /mngal na
gnas pa'i gcin rtug ni/ /skye ba'i dus na 'byung

'gyur la/ /zla ba bcu bar de 'phel te/ /de ni sha ma la gnod
byed/ /de ni gcin rtug la gnas pas/ /yid mi bde phyir sgyur bar
byed/ /mgo ni thur du sgyur byed cing/ /go bzlog par ni gnas pas
na/ /rgyu ma dkrugs par gyur ba'i phyir/ /ma yi nad ni mi bzad

skyed/ /de ltar thur du bsgyur bas na/ /de bas rgod ma'i kha zas
ni/ /rjes su mthun pa nyid du bya/ /rgyu des zla ba bcu na ni/
/legs par btsas pa nyid du 'gyur/ /de ni 'byung bar byed pas na/
/dang po mgo bo 'byung 'gyur te/ /de nas lus ni rim gyis 'byung//

@170a @#/ /de ltar na ni btsas par bshad/ / de yi rjes la sha ma
ni/ /mngal nas 'byung bar 'gyur ba yin/ /pho la sogs pa mngal du
ni/ /chags par byed pa'i rgyu nyon cig /khu ba mang zhing khrag
nyung ba/ /rlung gis 'dres par byas nas ni/ /der ni

rnam shes zhugs gyur na/ /rte'u pho ru skye bar 'gyur/ /de lta bu
yi tshul gyis ni/ /khu ba nyung zhing khrag mang na/ /de las rte'u
mor skye bar 'gyur/ /gang gis ma ning skye 'gyur nyon/ /rtsa dang
chu ni zad 'gyur zhing/ /kha rlung gis nyen gyur pa yi/ /phyin ci
log gi

dus su ni/ /pha ma dag kyang nyam chung zhing/ /dbang po'i stobs
kyang zad gyur pa/ /de gnyis phrad par gyur ba ni/ /khu ba khrag
kyang cha mnyam na/ /ma ning du ni skye bar 'gyur/ /nyes pa de
dag gnyis dang ni/ /pha ma nad gzhir bcas gyur na/ /zla mtshan
nyes pa cher

ldan las/ /rta ni g.yang gsham dag tu 'gyur/ /sngar bshad pa yi
rgyu yod cing/ /mngal du chags par gyur pa na/ /mngal gyi gnas ni
nad gzhir bcas/ /rlung ni shas cher gyur pa na/ /de la rte'u pho
mo 'byung/ /khu ba nyes par ldan 'gyur na/ /gseb kyis bu ni

skyed mi byed/ /khu bstong par gyur pa na/ /rlung gis gnyis su
phye ba las/ /khrag dang 'dres par gyur pa ru/ /rnam shes gnyis
ni zhugs pa na/ /rte'u mtshe mar skye 'gyur la/ /khu ba mang na
pho gnyis te/ /khrag ni mang bar gyur pa las/ /rte'u mo'i mtshe
mar skye bar

'gyur; /de las gzhan yang mngal gyi ni/ /nyes pa bzhi po mnyan
par gyis/ /rlung nad gnod kyi nyes pa yis/ /mngal du zhu bar gyur
pa yin/ /de la bad ka na lhags gyur na/ /mngal na nyal ba zhes
byar 'gyur/ /rlung dang bad kan gyis nyen pas/ /mngal

du lugs pa zhes byar 'gyur/ /rgod ma rtseg cing me drod nyams/
/mngal skam pa zhes bya bar 'gyur/ /mngal du rlung gis gzir gyur
cing/ /'jug tshe shin tu gnod byas la/ /bad kan khrag dang 'dres
pa las/ /de tshe mtshan mi ldang bar 'gyur/ /sbrum

@170b ma yi ni nyes pa dang/ /kha zas rtsub pas rlung bskyed
cing/ /grang bas bkag cing gnod gyur pas/ /de ni mngal du gzugs
thung 'gyur/ /gang tshe dus chigs nyes pa la/ /rgod ma'i nad gzhi
dang phrad par/ /mngal du chags par gyur ba na/ /de chen du bu
can du

'gyur; /ro ni mi mnyam nyes pa dang/ /de bzhin dus ni go log pas/
/mngal gyi rlung mkhris bad kan gyi/ /nyes pa nye bar 'khrug par
'gyur/ /rlung gis lce yi rtsa dag tu/ /rjes su rgyu bar byed pa
na/ /nad gzhi de ni 'khrugs gyur na/ /de las rta ni lkugs

par 'gyur/ /rna ba'i bu ga 'gags pa las/ /'on pa nyid du skye bar
'gyur/ /mid pa'i rtsa ni 'gags pa las/ /bems po 'dra bar skye bar
'gyur/ /mngal du mig gi rtsa dag la/ /gnod gyur ba yis khebs pa
las/ /rte'u dmus long dag tu ni/ /

rgod ma las ni skye bar 'gyur/ /sna yon rdog ma g.yo ba dang/
/gzhogs nyams gzhogs phyed che ba dang/ /lus dang mjug rdog mi
sdug dang/ /rgyab sgur rlig pa che ba dang/ rlig par ba chung
lhag pa dang/ mtshan ni ring dang thung deng gug /yan lag

rengs dang yo ba dang/ ma ning yan lag mtshang dang/ gzugs mi sdug
dang yan lag nyams/ /yan lag phra dang lhag ma rnams/ /de ni
rlung gi gnod las gyur/ /de ltar ji skad bshad pa dang/ /de las
lhag pa'i smad bya ba/ /snang na rta de rlung gi ni/ /nad kyis

nyen par shes par bya/ /rta ni gseb dang phrad gyur tshe/ /yid la
gang zhig 'dod gyur pa/ /de yi bu ni de 'dra bar/ /skye bar 'gyur
ba kho na yin/ /de bzhin spyod lam dag dang tshang/ /mdog dang gzi
mdangs 'gros dang ni/ /pha dang ma ni ci 'dra ba/ /de 'dra phal

cher 'gyur ba yin/ /kha zas ngan du 'khru ba dang/ /snad dang
'jigs dang ngal ba las/ /sbrum ma'i nad ni 'khrugs gyur pas/
/mngal 'jigs par ni 'gyur ba yin/ /gang tshe rlung ni mngal gnas
pa'i/ /rngog ma'i gnas su phyin gyur na/ /rdog ma rtsub dang mi
snyoms

@171a @#/ /pa'am/ /rngog ma srab par 'gyur pa yin/ /phags pa spu
dang rnga ma yi/ /skyon gang yod de rlung las gyur/ /bad kan
mkhris pa las gnas pa'i/ /so yi rtsa bar gnas gyur la/ /bad kan
mkhris pa sha sa che las/ /so mi sdug par 'gyur ba

yin; /'khrig tshe khu ba skyon med cing/ /zla mtshan yon tan ldan
pa dang/ /goms shing 'dod pa dang phrad cing/ /yid la 'dod pa ma
bkag dang/ /bkra shis shis pa brjod byas dang/ /dge sbyong bram
ze mchod pa las/ /tshe ring bar ni 'gyur ba yin/ /gzhan du de ni

tshe thung 'gyur/ /gseb sbyar tshe na skar ma tshes/ /byed pa la
sogs bzang po dang/ /yid 'ong gzhan yang mang po yis/ /bkra shis
dang ni mchod byas te/ /rta ni mtshan ldan rgod ma ni/ /shis pa
dang ni sbyar bar bya/ /lha dang bram ze mchod byas la/ /rol mo
sems

can gzhan gyis bskor/ /ro tsa gtsang ba'i kha zas dang/ /khu bcud
bzang po dag kyang sbyin/ /de ltar byas na bzang 'gyur te/ /gzhan
du byas na bzang mi 'gyur/ /gzi mdangs nyams dang snying stobs
rtsal/ /gzugs dang nad med dpa' ba dang/ /'jigs med pa

dang blo ldan pa/ /'og nas rgya cher bshad par bya/ /rdzas bcud
nus pa smin pa las/ /rta rnams mngal du chags pa'i tshe/ /bad kan
pags par khyab gyur na/ /rte'u dkar por skye bar 'gyur/ /rlung gi
kha dog sngo ba sangs 'gyur/ /mkhris pa yis ni nag por skye/ /

bad kan mkhris pa 'dres pa las/ /rta mdog ser skyar skye ba yin/
/gal te khrag mkhris nyung gyur la/ /bad kan yang ni shas chung
bas/ /rte'u 'i pags par phyin gyur na/ /mdog rjes se bo dag tu
'gyur/ /khrag ni gal te mang gyur cing/ /bad kan mkhris pa shas
chung ba/ /

rta yi pags par phyin na ni/ /rta ni dmar gro dag tu 'gyur/ /gang
tshe mkhris pa mang gyur cing/ /khrag dang bad kan nyung gyur pa/
/rte'u 'i pags par phyin gyur na/ /rta ni gro nag dag tu 'gyur/
/brtag pa'i tshul ni 'di nyid kyis/ /bad kan dang ni khrag 'dres
dang/ /khrag mkhris

@171b 'dres par gyur pa las/ /rta ni ser skya dag tu 'gyur/
/rlung dang mkhris pa bad kan dang/ /khrag rnams 'dres par gyur
pa las/ /rta rnams kyi ni kha dog dag /rnam pa du mar 'gyur ba
yin/ /nad gzhi rlung gis bcad gyur pa/ /pags par phan tshun gtor
ba

las; /khra bo dang ni thig le can/ /kha dog dbye ba dag tu 'gyur/
/mdangs kyis gzi mdangs 'phel 'gyur la/ /de bzhin snying stobs
dag tu 'gyur/ /mdangs dang rlung ni shas che zhing/ /ma 'dres zas
ni za ba las/ /nad med par ni 'gyur ba yin/ /me

rlung snying stobs dag las dpal/ /'byung ba chen po cha mnyam
zhing/ /snying stobs che las 'jigs med 'gyur/ /snying stobs rlung
dang stobs che las/ /mgyogs pa phun sum tshogs par 'gyur/ /sems
dang blo dang snying stobs yid/ /de bzhin bad kan rang bzhin

can; /'di dag lhags par gyur pa las/ /yan lag bcu chang blo ldan
'gyur/ /dge zhing byad la rab dga' dang/ /de bzhin dbang po dga'
byed pa/ /rigs dang dus tshigs phun tshogs ldan/ /yid dang blo ni
ma yengs pa/ /mngal du rta ni gang skyes pa/ /de ni yon tan

kun ldan 'gyur/ /de las bzlog par gang skyes pa/ /de ni yon tan
can mi 'gyur/ /bzang dang rno dang zhan pa ste/ /rang bzhin rnam
gsum ci bzhin dang/ /skye ba'i cha yang de bzhin te/ /rang bzhin
gsum du shes par bya/ /mngal du gnas nas zla gnyis na/ /

nags su nye bar bskyad bya zhing/ /kha zas sna tshogs pa dag dang/
/thug pa dang ni bldag pa sbyin/ /der ni rtag tu gang brten pa/
/kha zas gang zhig 'dod gyur pa/ /de ni yid la re bar bshad/ /'di
ni de la sbyin par bya/ /gal te 'dod pa ma byin na/ /gzugs

mi sdug cing mi srun dang/ /yan lag mi tshang blo chung dang/
/'jigs skyen stobs chung sems nyams shing/ /'dus dang las kyi
dbang dang ni/ /nad gzhi rnams kyi rang bzhin las/ /mngal du skye
bar 'gyur ba ni/ /ci lta bar ni yongs su bshad/ /legs

@172a @#/ /thos thos dang ldan pa yis/ /tshul bzhin yongs su dris
pa na/ /sha li ho tra dka' thub ches/ /dris lan de ltar smras pa
yin/ /sha li ho tra'i mdo'i gnas las mngal du chags pa zhes bya
ba ste le'u lnga pa'o// //rta skad las

skyes drang srong ni/ /rta yi rang bzhin shes gyur pa/ /sha li ho
tra nyid las ni/ /legs thos kyis ni yongs su dris/ /bu yis dris
nas drang srong de/ /dga' ba'i tshig tu smras pa ni/ /rlung dang
mkhris pa'i bdag nyid can/ /rang bzhin gsum du shes par

bya; /rtsub cing mi brtan rnga rngog srab/ /'jigs skyen sgyid
zhan khur stobs chung/ /lam gyis dub cing sna nang mang/ /gnyid
med shin tu gzugs mi sdug /'khrig pa la 'du 'dul bar dka'/ /'dod
pa'i nus pa chung ba dang/ /rlung gis gang tshe

'khums pa dang/ /slar yang rjes su rgyug pa dang/ /rtag tu rta
rdzi rnams dang ni/ /rta la sogs ni 'debs pa dang/ /mi dang rta
yi phyi nas ni/ /rngun nas mdun du ba rgyug pa dang/ /'dre bar
byed tshe lus kun ni/ /bzlog cing 'dre bar ma nus kyi/ /gzhogs
gcig

pa ni yang dang yang/ /'gre bar byed pa 'ang nyid dang ni/ /de
bzhin lam gyi gzhi mnyam par/ /khal med par yang bub pa dang/
/brdeg kyang rang gi spyod pa ni/ /yun ring zhig nas 'dor ba
dang/ /bslabs pa rnams ni brjed gyur pa'i/ /rta ni rlung gi rang
bzhin

can; /rdul can khro ba yun ring dang/ /gnyid med 'thab la dga' ba
dang/ /so dang de bzhin lag gnyis kyis/ /rta la rtag tu 'tshe ba
dang/ /rta rji'i las ni byed pa la/ /rang bzhin zhi ba ston pa
ni/ /rtag tu 'jigs shing nus pa chung/ /lam dang las la sran
chung

dang; /gzhogs gcig gis ni cung zad tsam/ /thog mar 'dre bar byed
gyur cing/ /de rjes lus ni thams cad kyis/ /zlog cing 'dre bar
byed pa dang/ /de bzhin nyam nga'i lam du ni/ /khal gyis du ba na
bub pa dang/ /'dul sbyong ba yi tshig snyan cing/ /bslab pa

@172b 'dor zhing 'bros byed dang/ /grang ba la ni dga' gyur pa'i/
/rta ni mkhris pa'i rang bzhin can/ /spu mdog snum zhing stobs
che la/ /sgra snyan dal gyis 'tsher ba dang/ /rta dang de bzhin mi
rnams la/ /rang bzhin zhi ba ston pa dang/ /'dul sbyod sla zhing
bslabs la brtan/ /

gnyid che rtag tu brtag pa dang/ /khal dang lam du g.yul ngo ru/
/rtag tu sdug bsngal cher bzod dang/ /chu la brtan zhing shugs
che la/ /gang du'ang bub par 'gyur ma yin/ /'gro tshe gzhogs ni
gnyis ka yis/ /yang dang yang du zlog pa dang/ /'obs la gom pa

mi 'dor gyi/ /shugs kyis mchod bar 'dod pa dang/ /bdag po la ni
dga' ba yi/ /rta ni bad kan rang bzhin can/ /mtshan nyid gnyis ka
dang ldan pa/ /rang bzhin gnyis pa zhes byar bshad/ /rlung dang
mkhris pa'i rang bzhin can/ /tha ma yin par yongs su

bshad; /rlung dang bad kan rang bzhin can/ /bar ma dag ni yin par
bshad/ /mkhris pa bad kan rang bzhin can/ /rta ni rab mchog yin
par bshad/ /nad med lus zungs mnyam gyur cing/ /bad kan can gyi
rta bsngags so/ /sha li ho tra'i mdo'i gnas las

rta'i rang bzhin gyi le'u ste drug pa'o// //legs thos thos pa
'dzin pa yi/ /bu la sha li ho tras smras/ /bzang po sman dang ri
dags dang/ /'dres pa'i mtshan nyid mnyan par gyis/ /stobs chen
mdog ni snum pa dang/ /dul ba'i gzugs can

gtsang sbrar ldan/ /tshangs spyod mtshan mo gnyid log cing/ /le lo
med cing phrag dog med/ /langs nas gnyid ni log pa dang/ /rtag tu
langs nas 'dug pa dang/ /bdag po la dga' ldab skyen dang/ /bslabs
pa nam yang mi 'dor dang/ /thams cad du ni dpa' ba

dang; /g.yul dang lam dang me la ni/ /sdug bsngal gyis zhum med
pa dang/ /nad kyis gdungs par gyur na yang/ /shin tu nyon mongs
med pa dang/ /ci yang rung ba zos nas ni/ /myur du lus ni rgyas
'gyur dang/ /thams cad du ni brtan pa yi/ /rta ni bzang po'i skye

@173a @#/ /gnas yin/ /bkra shis mtshan nyid ldan mod kyi/ /cung zad
smad pa yod pa dang/ /bslab pa myur du lobs na yang/ /myur du
brjed par gyur na yang/ /mtshan mo'i dus su lus phab ste/ /gnyid
ni log par byed pa dang/ /rta la zhe sdang che ba dang/ /'khrig

pa la 'du phrag dog can/ /dang po dpa' zhing de rjes la/ /'jigs
pa dag tu 'gyur pa dang/ /lcag gis cung zad gzhus pa na'ang/
/ring du 'gro bar byed pa ste/ /de lta bu yi rigs ldan pa'i/ /rta
ni dman pa nyid yin no/ /rtsub cing rta la 'jigs skyen dang/
/gnyid che rgyun

can le lo can/ /lto che sbegs cing 'khyam la dga'/ /de bzhin kun
du dog pa can/ /nyin mo dang ni mtshan mo 'ang rung/ /yan lag ma
lus brkyang nas ni/ /rtag tu gnyid ni log pa dang/ /rta la 'tsho
bar byed la dga'/ /lcag gis gzhus la mi tshor zhing/ /myur

du na bar byed pa dang/ /lus rgyas par ni dga' ba yi/ /rta ni ri
dgas skye gnas yin/ /yon tan 'dres las 'dres gyur te/ /de bzhin
dbye ba mang po'ang yod/ /bzang po mchog tu shes par bya/ /dman
pa bar ma zhes bshad la/ /ri dags tha ma yin zhes bya/ /

rta yi skye gnas 'di nyid yin/ /mdor na skyon dang yon tan dag
/'dres dang lhag pa yin zhes bya/ /sha li ho tra'i mdo'i gnas las
rta'i skye gnas kyi le'u ste bdun pa'o// //rta yi rang bzhin de
nyid shes/ /dul la brtson zhing dbang po thul/ /sha li ho tra blo
chen

la; /mdza' bo las rgyal gyis dris pa/ /gzi brjid chen po rta
rnams kyi/ /rigs bzhi ji ltar shes par bgyi/ /mtshan nyid spyod
lam gang dag gis/ /de las bzlog par shes par bgyis/ /de skad dris
te drang srong che/ /sha li ho tras slar smras pa/ /rta yi

rigs bzhi shes dga' bas/ /de ni nga yis go bar bya/ /rigs bzhi
rnam par dbye ba ni/ /skye gnas dang ni gzugs byad dang/ /tshul
spyod dang ni dul ba dang/ /skad gdangs dbyibs dang kha dog dang/
/dri nyid las ni nyer shes bya/ /gang zhig de las go bzlog ste/ /

@173b de yi khyad par smra ba ni/ /nyon la rnam par dpyad par
gyis/ /gzugs bzang dpal dang ldan pa dang/ /spyod pa dul zhing
bsngags par 'os/ /blo ldan ngang tshul bzang ba dang/ /'dul sbyong
mkhan gyis byas pa nyan/ /rjes su mthun zhing nus pa ldan/
/gtsang zhing

gtsang sbra dag la brten/ /bkres dang skom la sran che zhing/
/khro ba chung zhing blan par sla/ /gzi brjid dang ldan grags
dang ldan/ /las rnams kun gyi rjes su 'jug /btung dang kha zas
bza' bya yi/ /lhag ma dang ni mi gtsang dang/ /rta spangs dang ni
de bzhin

gcin; /'di ni ring du spong byed cing/ /gtsang zhing gtsang mar
spyod pa dang/ /nyal yang gnyid ni med pa dang/ /sbrang rtsi
'bras yos khur ba mar/ /'o thug sreg rdzas la dga' zhing/ /dri
dang sna ma'i phreng ba dang/ /khrus dang bkra shis la dga'
zhing/ /'tsher

zhing de dag snom pa dang/ /mi dag lta na sdug pa dang/ /'jigs
med mkhas la sran che dang/ /snyan par 'tsher zhing sgra skad che/
/ser dang dkar dang dmar ba dang/ /phal cher sbrang rtsi ltar ser
dang/ /'gros che sran ni che ba dang/ /brtan zhing snyan pa rjes
su 'tsher/ /

mdog snum pags pa srab pa dang/ /bram ze kun la dga' ba dang/
/gnyid log tshe ni 'bras yos dang/ /mar dang u shir dri 'byung
la/ /lha dang dri za'i snying stobs can/ /dge zhing rtag tu des
pa ste/ /de lta'i tshul spyod ldan pa'i rta/ /bram ze'i rigs su
shes par bya/ /rgyal

rigs khro ba'i tshul can te/ /tshangs pa'i mdog ldan shes par bya/
/rang bzhin rno zhing dpa' ba dang/ /sgra skad btang nas 'tsher ba
dang/ /dpung pa glo zhing snying stobs che/ /rang bzhin gtsang
zhing spyod pa yang/ /gces par bsdus dang ldan pa dang/ /yan lag

'byes shing pags pa srab/ /spyod pa gtsang zhing dul ba dang/
/'jigs pa rnams la mi skrag pa/ /chu dang me dang 'brug sgra
dang/ /sgra cher grags dang lhung dang khur/ /tsha dang rtsub pa'i
reg pa dang/ /sa rtsub shing gi tshang tshing dang/ /ring du 'gro
dang lam dog par/ /gang

@174a @#/ /zhig 'jigs pa med pa dang/ /glang po'i tshogs ni chen po
dang/ /dril bu rol mo'i sgra rnams dang/ /ca co 'don pa'i sgra
rnams dang/ /rta gzhan 'tshor bar gyur pa dang/ /dung dang rnga
chen sgra dang ni/ /rol mo'i sgra dang rdza rnga'i sgra/ /gdugs
dang

rgyal mtshan ba dan gyis/ /skrag par mi 'gyur rta mchog yin/ /rnga
rdog legs par brkyang nas ni/ /dga' ba'i yid kyis 'tsher ba dang/
/rkang gnyis legs par 'jug bzhin du/ /sa steng na ni 'tsher ba
dang/ /rdul dang gcin dang rta sbangs ni/ /yan lag

brkyang ste 'dor ba dang/ /mthar ni shugs kyis 'dor ba dang/ /rta
gzhan la ni bsdigs pa dang/ /g.yul ngor rta dang glang po dang/
/shing rta dpung bu chung 'joms dang/ /rjes su skad 'don sgra
'jam pas/ /phyogs kun khyab par 'tsher ba dang/ /rta gzhan dag ni

phyin nas ni/ /de ni 'gro bar bzod mi byed/ /mtshon gyis bsnun
kyang nad chung zhing/ /mtshon cha mthong na 'jigs mi 'gyur/
/spyod pa myur zhing dpa' ba dang/ /'thab tshe myur du pha rol
gnon/ /nor bu lta bur mig ser zhing/ /mdog bzang kha dog ngan pa
med/ /blo

ldan de bzhin mgyogs ba dang/ /sgrin zhing ma zhum stobs che la/
/rtag tu las kun nus pa dang/ /bag yod rtag tu nyon mongs med/
/bsod nams byed pa'i me tog mar/ /'bras bu ldan pa'i dri yod la/
/lha dang dri za'i snying stobs can/ /de mtshungs spyod yul

spyod par ldan/ /dge zhing spyod pa nges pa'i rta/ /rgyal rigs su
ni shes par bya/ /rje'u rigs btung ba la dga' brtan/ /zhi zhing
blo che le lo can/ /mi 'khrugs dga' bar 'gyur ba med/ /dul ba'i
spyod pa yang dag ldan/ /khro ba med cing nga rgyal med/ /dul
zhing dang

tshul snyoms pa dang/ /nad dang tsha dang bkres pa bzod/ /khal bkal
lam du 'gro tshe brtan/ /de ni mgyogs bul ran ma yin/ /nyams dang
lus stobs bar ma ste/ /mig ni de bzhin sngo dang ser/ /gnag dang
dUr ba'i mdog 'dra dang/ /sngo bsangs spu mdog

@174b dkar ba dang/ /smyig ma ta la'i mdog 'dra dang/ /phal cher
dad pa'i mdog 'dra zhing/ /steng 'og thad dkar che min gyi/ /ro
stod che ba nyid yin no/ /ha re nu ka de bzhin du/ /rnga mo'i 'o
ma'i dri dang ldan/ /bag chung gnyid ni che ba dang/ /mi yi
snying stobs la brten pa/ /

bzod ldan de lta'i spyod pa can/ /rta ni rje rigs yin zhes bya/
/dmangs rigs ngang tshul ngan pa dang/ /spyod lam spyod yul mi
gtsang zhing/ /gzhan gyis yongs su longs spyod pa'i/ /lhag ma'i
zas skom dag la dga'/ /skam dang smad dang ngan pa dang/ /bshad

gci dag ni brten par dga'/ /mig rkong mig ni zlum pa dang/ /rkang
pas sa ni brko ba dang/ /bshang gci snom par byed pa dang/ /za
zhing nyung du spyod pa dang/ /mi gtsang sar ni 'gro ba dang/
/rta rdzi la ni 'phra ba dang/ /rang dang rtsig pa shing la sogs/
/so

yis 'drad par byed pa dang/ /'bred ba dbyig pa lcug ma yi/ /lcag
mi tshor zhing mi 'khrugs la/ /lud pa lu tshe gsum pa che/ /'jigs
pa kun las sngar ba dang/ /mi gtsang ba la mi smod cing/ /gtsang
sbra'i spyod pa de la med/ /du ba rngul 'dra'i mdog ldan zhing//

ser skya mo gro dmar skya'i mdog /bsrung bar rab tu dga' ba dang/
/spyod pa ngan zhing zhi tshul chung/ /ma khros las sbyar mi nus
kyi/ /khros na las ni nus pa dang/ /bya rog tshang gi dri bro
zhing/ /khra dang mi ro'i dri dang ni/ /kun khyab gnyid che bag
chung la/ /srin po

sha za'i snying stobs can/ /de 'dra'i spyod pa mdog ldan pa'i/
/rta ni dmangs rigs yin shes bya/ /de dag 'dres par 'gyur ba yi/
/skye ba dag kyang bstan par bya/ /rgyal rigs bram ze'i rigs mo
la/ /zhugs pa'i bu ni dngul chur bshad/ /dngul chu

de ni spyod pa gtsang/ /des shing lhag ma za mi byed/ /mdog ni ba
so ltar dkar ser/ /nag po'i mdog tu 'ang 'gyur ba yin/ /phal cher
mig ni dang ba dang/ /sgra snyan rjes su sgrogs par byed/ /chang
dang phreng ba'i dri ldan gyi/ /dri mi zhim pa'ang yod ma yin/ /

@175a @#/ /gnyid log na ni bag med pa'i/ /rta ni rigs 'dzin rgyud
yin no/ /bram ze'i rigs mor rje'u rigs zhugs/ /de ni ma ga da
zhes bya/ /snying stobs zhan zhing khur stobs che/ /lam du chas
tshe 'tsher zhing 'gro/ /rdog ma 'tshol bar skye ba dang/ /gar

la'ang smod par mi byed do/ /bung med mig ni na ba dang/ /'gros
che yid phebs med pa dang/ /kha dog mi sdug pa nyid de/ /sha za'i
snying stobs dag la gnas/ /sdig la dga' zhing ba star ba dang/
/gdul dka' dri ni mi zhim pa/ /spyod pa ngan pa spyod pa dang/
/dman

par lta ba ma gad/ /bram ze'i rigs mor rje'u rigs dag /zhugs pa
las ni skyes pa'i rta/ /de ni gdol ba zhes bshad de/ /sdig pa
skyed pa'i spyod yul can/ /las rnams la ni mi 'jug cing/ /gtum
pha bong bu'i sgra can yin/ /sgra 'chag rtsub cing gdug pa

dang; /yan lag mi snyoms pag med ldan/ /mi shis pa yi mtshan nyid
dang/ /mtshan ma spyod pas nye bar bsgos/ /thig le zhu ba mi sdug
pa/ /smad pa yis ni yongs su khyab/ /bdag la gsod par byed pa
dang/ /bag med gnas su khyer bar byed/ /rta spangs

lci ba gtong ba na/ /za zhing smod par mi byed la/ /mthar ni gnod
pa nyid byed cing/ /khang stong dag tu dga' bar byed/ /ce spyang
dag gam sbyang ki'am/ /du ba'i mdog gam mdog ngan ldan/ /sgra
rtsub yi dgas dri can te/ /chad la dga' zhing sha la dga'/ /sha
za

srin po'i spyod pa can/ /spyod pa ngan pa gdol ba'i rta/ /rtags
dang mtshan ma 'di dag gis/ /rigs bzhir rnam par dbye bar bya/
/gang zhig pha dang rtag spyod 'dra/ /skyes pa'i bu ni gang yin
pa/ /rigs bzhi ru ni rnam phye la/ /rta ni rang gi rigs su gzhag
/rigs gyi

dbye ba ci bzhin shes/ /sdig pas gos bar mi 'gyur ro/ /snying
stobs spyod pa lhag ma ni/ /gang gang yin pa mnyam par gyis/ /dri
za bram ze dang mnyam la/ /gnod sbyin rgyal rigs nyid dang 'dra/
/srin po rje'u rigs dang mtshungs te/ /dmang rigs sha za nyid dang
'dra/ /

@175b de ltar skye gnas 'dra ba yi/ /rang rang ci bzhin rnam par
dbye/ /de bzhin spyod tshul mi mthun pa/ /phya na sdig pas gos par
'gyur/ /de ltar legs ldan rjes ston pa/ /sha li ho tras bshad pa
yin/ /sha li ho tra'i mdo'i gnas las rta'i rigs bzhi'i

le'u ste brgyad pa'o// //de la rta yi mtshan nyid ni/ /yan lag ma
gtogs thag dad de/ /gdong ni srab la rgya che zhing/ /zur bzhi pa
la g.yul snyoms pa/ /drang zhing 'khyog pa ma yin la/ /yongs su
tshad ba bsngags pa yin/ /kha ni btsums

dang rgya che la/ /dri zad kha chu nyung ba dang/ /kha chu mi
'jig skam po min/ /rta la rab tu bsngags pa yin/ /so ni kha dog
yid 'ong bzang/ /srog shing sra la brtan pa dang/ /ma gyes drang
por skye ba dang/ /snum zhing nang ma mtho ba dang/ /mtho zhing
rtsa ba brtan pa

dang; /mtshan ma gsal zhing sra ba dang/ /sbrang rtsi 'dra ba'am
ma rab tu dkar/ /rta la bsngags par gyur pa yin/ /'gram so mnyam
zhing zlum pa dang/ /sra zhing snyoms par gyur pa bzang/ /mche ba
mdun so'i mdog 'dra zhing/ /rtse mo rno bar gyur pa dang/ /zlum

zhing rtsa ba brtan pa dang/ /snum zhing 'jam la skye ba bsngags/
/lce ni srab cing rjes 'brel dang/ /'jam zhing ring la snyoms pa
dang/ /mnyam zhing 'jam la dmar ba dang/ /khyi yi lce dang 'dra
na bzang/ /lce rtsa cung zad mthug pa dang/ /'jam zhing mnyen la

snyoms la srab/ /brtan zhing ljang ljin med pa dang/ /ring zhing
dmar na rab tu bzang/ /lce'u chud gting ring rtse mo dmar/ /srab
la ri mos rnam par khyab/ /'jam zhing gos pa med pa dag /rta la
rab tu bsngags pa yin/ /mchu ni 'jam zhing mnyen pa dang/ /

dbye sla sha rgyas dbyibs legs dang/ /shin tu g.yo dang 'phyang
ba'ang min/ /so ni khebs par gyur pa dang/ /mnyam zhing snyoms la
zlum pa dang/ /tshad ldan drang na bsngags pa yin/ /sna gung mnyam
par dbugs rgyu zhing/ /zlum la nang na yangs par

@176a @#/ /snang; /mnyen zhing 'jam la gnod pa med/ /rta la
bsngags par gyur pa yin/ /mtshul pa drang zhing dbyibs mdzes la/
/skyon med par yang gang gnas dang/ /drang zhing zlum la 'jam
zhing mnyen/ /yon tan dag gis brgyan na bzang/ /

rta yi 'dzum ni dbus srab cing/ /'gram gnyis mtho bar gyur na
bzang/ /kha 'gram mnyen zhing srab la snyoms/ /bu ga khebs shing
zlum la 'byar/ /kha 'gram yangs par snang gyur pa'i/ /rta ni yid
du 'ong ba yin/ /mkhur tshos byi dor byas 'dra zhing/ /

dbus sdug srab la lta na sdug /rim gyis mkhur ba'i zheng che
zhing/ /sha yis rgyas par gyur pa bsngags/ /sna 'gram pags srab
na chung ba/ /rim gyis zhing che sra ba dang/ /mkhur pa legs pa'i
'phral dang ni/ /rna bar legs par gnas na bzang/ /mchi

ma 'dzag gnas rgyus pa sra/ /mi mngon sha ni srab na bzang/ /mig
ni dkyus ring mig 'bras dag /shin tu dang bar snang ba dag /nor
bu'i 'od kyi mdangs 'dra zhing/ /snum pa'i sbrang rtsi ltar ser
skya/ /sna ma 'dra 'am rma bya 'dra/ /rnga mo ka la pingka yi/
/ngur[?]

pa'am gang ma sreg nag po/ /glang chen gyi ni mig 'dra 'am/ /seng
ge ri dgas mig 'dra 'am/ /de bzhin mchil pa'i mig 'dra zhing/
/rdzi ma mthug cing ring ba yi/ /mig ni rta la bsngags pa yin/
/mig sbubs sbom po ma yin zhing/ /gtsang dang mi mnyam med

pa dang/ /drang zhing rim gyis srab pa dang/ /blta ba'i tshe na
lhod pa dang/ /smin ma'ang snyoms zhing rim gyis srab/ /sha ni
sra zhing zlum pa dang/ /sha dang pags pa legs par 'brel/ /rtsa
rgyus mi mngon mnyam na bzang/ /'phral ba yangs par snang ba dag
/sha

srab mnyam zhing dbyes che dang/ /rim gyis yangs par gyur pa
dang/ /gnyer ma med na bsngags pa yin/ /'gram gling rim gyis
yangs pa dang/ /brtan zhing sra bar gyur pa bzang/ /rna ba spu
dang gnyer ma med/ /rtse mo phra ba bsngags pa yin/ /rta yi mgo
po

@176b snyoms pa dang/ /ring zhing rgya che nad med dang/ /gtsug
dang phum phum legs pa dang/ /dbyibs legs pa ni bsngags pa yin/
/rdog ma shin tu mang nyung min/ /'jam zhing de bzhin nag nog
med/ /snum zhing ring la cung zad 'khyil/ /de bzhin rim par legs

gnas shing/ /shin tu mi ring rab thung min/ /rta la bsngags par
'gyur ba yin/ /rta yi sbu ni mthug mnyen 'jam/ /rtsa ba brtan
zhing sha la 'dzugs/ /shin tu snum zhing legs par skye/ /nyag re
las ni skye ba bsngags/ /lkog ma mgo dang mgrin par 'brel/ /

rang bzhin zlum la snyoms pa dang/ /ljan ljin gyis ni gos pa med/
/dri ma med na bsngags pa yin/ /srol mdud zlum zhing mnyam la
'brel/ /dbyibs ni drang por 'dug pa bsngags/ /ske mgrin rim gyis
zlum pa dang/ /ring zhing dbyibs ni legs pa dang/ /

mid pa rtse'u chung dang 'brel zhing/ /de bzhin mgo bo dang 'brel
ba/ /lkog ma'i phyogs ni sha srab cing/ /lhod min cung zad gug pa
dang/ /sha rgyas legs par 'brel pa ni/ /rta la rab tu bsngags pa
yin/ /ska rtsa legs par rgyas pa dang/ /sha che sum mdo

yangs pa dang/ /sha mkhrigs yan lag legs 'brel zhing/ /sha mo
lhod na bsngags pa yin/ /ze'u ni legs 'brel cher mi mthong/ /ze'u
ltag dang ni rjes su 'brel/ /phrag gang ze 'dab 'brel zhing
yangs/ /she rgyas tshigs 'brel mnyam zhing sra/ /sog

pa sha rgyas rab tu 'brel/ /rta la bsngags par 'gyur ba yin/ /ba
ha zlum zhing sha rgyas la/ /gtsug med shin tu brtan pa dang/
/yang sa shing dbugs ni rgyu ba dang/ /mthong bar gyur na bsngags
pa yin/ /dpung rgyab zlum zhing rgyus pa rtsa/ /mi mngon tshigs

dang sha snyoms la/ /sha ni cung zad mtho bar snang/ /de ni shin
tu bsngags pa yin/ /dpung pa sha rgyas ring ba dang/ /sra zhing
zlum la drang zhing mnyam/ /rim gyis phra bar gar pa dang/ /tshigs
ni legs par 'brel ba bzang/ /bus mo dag ni rab mnyam

@177a @#/ /zlum; /tshigs sam tshigs ni mi mngon dang/ /mdzes shing
rtsa mi mngon pa dang/ /'gro tshe gug par bde na bzang/ /che drang
ring zhing shin tu zlum/ /shin tu sha srab ma yin mkhregs/ /rtsa
rgyus dag ni mi mngon la/ /nad med pa ni rta la

bsngags; /tshe'u rtsub cing 'greng ba dang/ /zlum zhing legs skyes
thung ba dang/ /tshigs mi mngon zhing long mo dang/ /sgrog mkhar
ring por snang dang bcas/ /rkang pa dang 'brel mnyam zhing ring/
/rta la bsngags par gyur pa yin/ /tshe'u che shin tu mnyam

zhing zlum/ /ring zhing zlum la mdzes pa dang/ /dbus ni cud zad
rkyong ba dang/ /tshe'u spus g.yogs bsngags pa yin/ /rmig pa mtho
zhing zlum pa dang/ /shin tu sra zhing mthug pa dang/ /za ma tog
ltar zlum zhing mdzes/ /bod rmig 'dra na'ang bsngags

pa yin/ /de bzhin sgros ni ma gas shing/ /rno zhing mi gug zegs
pa med/ /kha dog du ma'am kha dog gcig /khra bor gyur pa med na
bzang/ /dbus ni shin tu zab pa dang/ /rmig mthil rdo leb ltar sra
zhing/ /sbal mtshams legs par skyes pa

ni; /mdzes pa dag dang ldan pa dang/ /sbal pa bub cing gsal bar
mngon/ /mtshams ni legs par dod pa dang/ /nye 'khor mnyam zhing
'jam pa dang/ /rkang pa'i nad dang bral ba dang/ /brtan zhing
ljan ljin med pa dang/ /kha dog snum pa bsngags pa

yin; /ze'u'i sha ni rgyas pa dang/ /gtsug med pa ni bsngags pa
yin/ /sga 'og mnyam zhing yangs pa dang/ /rgyab ni mtheb sor tsam
gyis dma'/ /sgal tshigs cung zad mtho ba dang/ /sha yis rgyas na
bsngags pa dang/ /rtsib ma gug cing lcang lcod

med; /mi mngon rab tu mnyam zhing sra/ /phrag gong rgyas par
khyab gyur cid/ /mnyam zhing 'jam na bsngags pa yin/ /gsus khyim
zlum zhing yangs pa dang/ /ri dgas kyi ni dbyibs 'dra zhing/ /bu
ga med la thung zlum chu/ /dgu snyoms pa ni bsngags pa

@177b yin; /ong do mnyam zhing zlum pa dang/ /dbyibs ni legs par
gyur pa dang/ /mjug do shin tu rgyas min zhing/ /ha cang zhum pa
yang ma yin/ /rgyab gzhung bas ni mtho na bzang/ /sra zhing zlum
la rgyus mi mngon/ /gsal zhing rim gyis mdzes par gnas//

shin tu thung dang ring ba min/ /gdong gi tshad dang mnyam pa
dang/ /mjug ma dang legs 'brel ba bzang/ /rta yi rnga ma spu ring
zhing/ /ma nyams kha dog gcig pa dang/ /mnyen zhing snum par gyur
pa ni/ /rta la shis par bshad pa yin/ /mjug tsos shin

tu mtho ma yin/ /shin tu gyes dang 'dus pa'ang min/ /lus dang
rjes mthun tshad dang ldan/ /de lta bu dag bsngags pa yin/ /rkub
ni zab cing zlum pa dang/ /dbyibs legs phyi rol gnyer ma med/
/gang gis rta spangs legs gtod ba/ /de ni rab

tu bsngags pa yin/ /brla nang shin tu yangs min zhing/ /dog par
gyur pa min na bsngags/ /rlig pa ngo mnyam legs 'brel skyes/ /spu
ni med par gyur pa dang/ dbus ni bil ba tsam zhig ni/ /shin tu mi
'phyang gyur ba bsngags/ /mtshan ni rtsa

sbom rim gyis phra/ /'jam zhing myur du ldang ba dang/ /sbubs
yangs pa sa ni g.yogs pa dang/ /kha zhing shin tu phye zhing
zlum/ /gting ring kha dog gcig ldan pa'i/ /rta ni bsngags par
'gyur ba yin/ /dpyi mgul mnyam zhing dbyabs legs la/ /

bags srab spu ni legs pa bzang/ /rkub tshos sra zhing legs par
'brel/ /rtsa rgyus dag ni mi mngon bzang/ /dbyi ni legs par 'byor
ba dang/ /legs par rdzogs par gyur pa dang/ /yangs shing dkyus ni
ring ba dang/ /pags pa srab la sha rgyas

bzang; /rje dar snyoms shing dbyibs legs dang/ /rim gyis phra bar
gyur pa dang/ /shin tu phra ba'i rus pas khyab/ /rta ni bsngags
par 'gyur ba yin/ /che drang la sogs lus stod ni/ /ci 'drar ro
smad de bzhin du/ /mtshan nyid thams cad bshad

@178a @#/ /par bya/ /de yi 'og tu rgod ma yi/ /lus kyi phyogs kyi
mtshan nyid dag /gang dag yin pa bshad par bya/ /de yi mtshan ni
mnyam che gsal/ /legs par bltams shing legs par 'dzag /bug che
zhing grwa mtshams che/ /ring zhing mtshan ni

rgya phyed la/ /mngal gyi nyes pa dang bral ba/ /de yi mo mtshan
de 'dra bsngags/ /nu ma zlum zhing rgyas pa dang/ /shin tu
'phyang ba ma yin dang/ /'o ma skyon med legs par rgyas/ /rgod ma
rab tu bsngags pa yin/ /nu sor mnyam zhing zlum pa dang/ /bu ga
legs

shing 'o ma rgyas/ /shin tu 'dus min gyes pa'ang min/ /mthug cing
brtan la legs par skyes/ /shin tu 'byar min rab 'phyar min/ /rte
'us 'o ma btung bde bsngags/ /lhag ma rgod ma'i yan lag kun/ /rta
pho dang ni 'dra bar bsngags/ /de lta mod kyi

gzugs mdzes pas/ /rgod ma'i gzugs ni bzang bar bshad/ /lus ni
sbom por gyur pa yang/ /phra ba lta bur mngon pa yin/ /lus srab
par ni gyur na yang/ /rgod ma spu mdangs yod pa mngon/ /de 'dra'i
tshul gyis lus kyi ni/ /dbyibs kyi bye brag shes par

bya; /rgod ma rta pho 'dra ba dang/ /rta pho rgod ma 'dra bar ru/
/gal te phyin ci log ci snang/ /dgos pa'i 'bras bu 'byin mi
'gyur/ /lus che mdangs ni bzang ba dang/ /legs par skyes zhing
tshad dang ldan/ /gzi brjid yan lag dbyes pa dang/ /yan lag

cha ni snyoms pa dang/ /gtsug 'khyil dge zhing gzi mdangs dge
/dri bzang yan lag mi sdug med/ /lus rgyas 'gros ni bzang ba
dang/ /'jigs med gnas gsum yangs pa dang/ /tshad mnyam dbyi bas ni
legs pa ste/ /gang zhig de 'dra'i lus ldan

pa; /bdag po'i grags dang rigs dang nor/ /rnam par 'phel bar
'gyur ba yin/ /yon tan phyin ci log ldan pa/ /bdag po'i don rnams
nyams byed yin/ /sha li ho tra'i mdo'i gnas las yan lag thams cad
kyi mtshan nyid kyi le'u ste dgu pa'o// //

@178b dka' thub bsam gtan chen po yis/ /gzi byin gsal gyur drang
srong la/ /blo dang ldan pa legs thos kyis/ /sngar bshad pa ni
dris gyur pa/ /khyod kyis phyogs bstan gsungs mod kyi/ /bshad pa
dag ni ma gsungs pas/ /bstan pa rnams kyi bshad

pa ni/ /legs ldan gsung bar mdzad pa'i rigs/ /bstan pa bshad pa
dang bcas pa/ /bu yis bskul bas smras pa ni/ /mid pa srol gong
dang 'brel bas/ /ro 'dzin lcer ni shes par bya/ /de yi steng ni
rkan yin te/ /ma rkan lce 'og yin par bshad/ /'gram

so 'gram pa las skyes pa/ /ldang pa'i so ni yin par bshad/ /de
las gzhan pa mdun gyi so/ /bcu gnyis mtshan mar ldan pa yin/ /de
rnams kyi ni dbus gnas pa/ /steng 'og bzhi ni mche ba yin/ /steng
'og gi ni so 'gebs pa/ /gnyis po mchu ni

yin par bshad/ /mchu mtha' yi ni ngos gnyis na/ /'gram pa'i dbus
chud kha 'gram yin/ /ya mchu'i stang na sgros yod de/ /de yi
steng gi mchu lhag yin/ /ma mchu'i 'og ma ko sko ste/ /de ltag
'gram pa yin par bshad/ /sna gong mig gnyis par mtshams

gdong; /gdong gi yan lag sna khung gnyis/ /gdong gi ngos gnyis
mkhur tshos yin/ /de bar dma' ba mchi ma'i stan/ /de dag rnams kyi
gong na mig /mig 'bras 'gegs pa mig mchu yin/ /mig mtha'i dkar po
mig sprin yin/ /de dbus zlum nag

mthong mig yin/ /mthong mig nag po zlum po'i dbus/ /phra zhing
dad ba mig rgyal bong/ /mig ltag gnyis ni mig gi skyu/ /de steng
smin ma gnyis yin no/ /mig gi rgya ba ni mig zur te/ /nang gi
mtshams ni mig phugs yin/ /smin ma gnyis re dpral ba

ste; /dpral ba'i steng gi dpral mtshams yin/ /de steng spyi bo yin
par bshad/ /rna ba 'ang gnyis par glad pa ste/ /mig zur mig 'gram
bar mur gong/ /mur gong rna ba'i bar mur 'gram/ /mkhur tshos gnyis
kyi rgyab za yung/ /de gnyis phyi rol

@179a @#/ /'gram glad yin/ /'gram pa srol gong gnyis kyi bar/
/lkog ma zhes ni bya bar bshad/ /rna ba gnyis kyi steng dang
rgyab/ /rna ltag dang ni rna mchan yin/ /mgo dang phrag so'i bar
ske mgrin/ /ske mgrin phrag po'i ltag ske rtsa/ /de steng rngog

g.yab yin par bshad/ /rngog mtha' rna ba'i bar phum phum/ /rdog
g.yab mtha' ni ze'u ltag ste/ /de yi rgyab ni dang ru yin/ /dang
ru'i 'og ni nam tsong zhes/ /rta rnams la ni bshad pa yin/ /ze'u
ltag ni 'og ma nyid/ /ze'u yin par shes par bya/ /ze'u'i rjes

thogs kho na la/ /sga 'og yin par shes par bya/ /de phan cad ni
sga la tshigs dang/ /rgyab nyid yin par shes par bya/ /ze'u'i so
gnyis phrag so ste/ /phrag so'i rtsa ba dpung mgo yin/ /lkog ma
dang ni srol gong bar/ /mid pa'o de 'og srol mdud yin/ /mid

'og lag par brang yin te/ /de rjes lag 'og bar snying ga /de 'og
dpung sna dpung pa yin/ /dpung pa'i nang ni mchan khung phan/
/rgyab kyi cha ni dpung rgyab yin/ /de 'og bus mo gnyis kyi ltag
/bus gong dang ni lag ngar gnyis/ /pus mo'i 'og tu chig grang

ste; /de 'og chig grang phra mo yin/ /chig grang sbom phra'i bar
na ni/ /chig grang nang ste de 'og gi /mdun gyi cha ni tshe'u
gdong yin/ /rgyab ni tshe'u spur shes par bya/ /de'i ltag de ni
sgrog mkhar yin/ /de'i yang 'og na yod pa yi/ /tshe'u che zhes ni
bya bar bshad/ /

de'i 'og rmig pa'i mtshams yin la/ /de yi 'og tu rmig pa yin/
/rmig pa'i mtha' ma rmig sgros yin/ /rmig pa'i 'og ni rmig mthil
te/ /rmig mthil nang mtha' sbal ba'i mtshams/ /rmig mthil dbus ni
sbal ba yin/ /dpung mtha'i mgon snying yod de/ /

de yi ngos ni rtsib logs yin/ /rtsi ba logs 'og tu dku yin la/
/de yi steng ni sga 'dab yin/ /sgal tshigs kyi ni cha dag gi
/mtshams ni ro smad yin par bshad/ /rus pa gsum ni 'dus pa yi/
/sum mdo mjug do yin par bshad/ /mjug do'i 'og tu ong

@179b do sta/ /de rjes rnga rtsa yin par bshad/ /de yi ngos gnyis
dpyi steng yin/ /dpyi steng 'og ni ro hi ni/ /bar na rnga ma rnga
snying bcas/ /de gnyis 'og ni brlad byi'i mtshams/ /rnga rtsa'i
'og ni rkub yin la/ /de yi ngos gnyis rkub tshos yin/ /de yi 'og
ni 'breg

yin la/ /de dag bar ni mjug srub yin/ /brla yi yang na rlig pa
ste/ /rlig pa dang 'brel mtshan yin no/ /de gnyis mdun na rmong
kha ste/ /rmong kha snying de'i dbus lte ba/ /dku yang bar na
gnas pa yin/ /dku na lte ba'i bar na rgyu/ /rgyab dang dku yi bar
ran

'dra; /ran 'dra'i 'og ni sdu gu mig /de yi pha rol dpyi yin te/
/de yi 'og ma brla yin no/ /de yi yang 'og brla phra mo/ /de yi
'og ni rje ngar yin/ /de 'og sre long chig grang yin/ /lhag ma ro
stod rjes 'brangs te/ /thams cad nye bar dbye bar bya/ /sha

li ho tra'i mdo'i gnas las bstan pa rnams bshad pa ste le'u bcu
pa'o// //rta yi tshe yi rig byed mkhan/ /drang srong mgyogs 'gro'i
gnyen gyur pa/ /sha li ho tra dbang thul la/ /mdza' las rgyal
gyis yongs dris pa/ /rta yi tshul gyi de nyid

mkhyen; /tshad ni rnam pa du ru bshad/ /mi sdug gzhal min gang
zhig lags/ /sdug cing gzhal bzod gang zhig lags/ /yan lag nyid
lag shes pa dang/ /grangs nyid kyi ni bye brag rnams/ /bdag cag
blo gros zhan pas na/ /legs ldan khyod las

mnyan par 'tshal/ /de skad smras tshe slob dpon gyur/ /drang srong
dam pas slar smras pa/ /ji skad bstan pa 'di mnyan nas/ /mdza'
las rgyal gyis bzung bar gyis/ /sgur zhing gdong dang ske ba
zhum/ /'khums dang shin tu rgyas drags dang/ /'dug dang dbang po

yul gyi gnas/ /de bzhin brang ni 'phyugs pa dang/ /rked pa
skrongs par gyur pa dang/ /shin tu dma' dang shin tu mtho/ /gang
zhig lus stod shin tu che/ /de bzhin rgya ba ni lhag par dma'/
/lus ni shin tu mi snyug dang/ /de bzhin rked pa zhum pa ste/ /mi
sdug

@180a @#/ /rta ni bcu po 'di/ /gzhal min yin par shes par bya/
/stobs ma nyams shing mdzes pa yi/ /lus ldan rta ni bco lnga pa/
/lus kyi chu zhing legs gnas shing/ /gnas kyi cha ni ma 'phyugs
pa/ /tshod shes pa yi gzhal bya yin/ /

gzugs ngan nam yang mi gzhal lo/ /ske mgrin lus ni cha mnyam
zhing/ /rnga snying mgo dang mnyam pa dang/ /ong do dang ni
brang zheng mnyam/ /pus mo'i tshe'u mnyam pa dang/ /dpangs dang
zhing gi tshad dang ni/ /legs pa snyoms par gyur pa'i rta/ /de
'dra'i tshad dang ldan

pa dag /cha mnyam yin par shes par bya/ /rta ni lus kyi cha mnyam
pa'i/ /tshad ni rnam gsum mnyan par gyis/ /rta mchog gi ni dpral
ba la/ /sor ni bcu gnyis yod par bshad/ /rna ba sor drug yin zhes
bya/ /so dag sor ni phyed dang gnyis/ /mig ni sor

gsum shes par bya/ /mche ba'i dpangs ni sor gnyis yin/ /mgo bo
sor ni nyi shu brgyad/ /phum phum gnas ni dpangs sor gsum/ /rta
mchog gi ni chu ru ni/ /sor brgya rtsa bzhi nyid yin no/ /ske
mgrin sor ni sum cu ste/ /ze'u ltag sor ni drug yin la/ /

rgyab ni sum cur shes par bya/ /ong do gdong pa dag dang mnyam/
/'breg ni sor ni bcu yin te/ /'di ni chu yi tshad du bshad/ /rlig
pa bil ba bzang po yi/ /tshad tsam yod par shes par bya/ /rta
mchog gi ni mtshan dag la/ /sor ni bcu drug yin zhes bya/ /

phrag so sor ni nyi shu drug /dpung mgo nyid ni sor bcu yin/
/dpung pa nyi shu rtsa bzhi ste/ /pus mo'i tshigs ni sor drug pa/
/tshe'u spu sor drug yin zhes bya/ /chig grang dkyus su sor bcu
drug/ /tshe'u tshe sor ni drug pa yin/ /rmig pa'ang de dang mnyam
pa yin//

rked pa'i dbus kyi zheng gang yin/ /dpangs ni de dang mnyam pa
yin/ /tshad ni rta mchog dag gi yin/ /de nas bar ma'i bshad bya
ste/ /dpral ba'i tshad ni sor bcu yi/ /gdong ba sor ni nyi shu
drug /mig la sor ni phyed dang gsum/ /phum phum gnas kyang de
dang

@180b 'dra/ /so la sor gcig bzhi cha gcig /mche ba sor gcig bzhi
cha gsum/ /rna ba'i dpangs su sor lnga ru/ /rta ni bar ma'i yin
par bshad/ /ske mgrin nyi shu rtsa bdun du/ /bstan bcos rtogs pas
shes par bya/ /rngog mtha' sor ni lnga ru bshad/ /rgyab ni ske
mgrin

dag dang mnyam/ /'breg la sor ni bdun yin te/ /ong do nyi shu
rtsa drug yin/ /bar ma 'di yi chu ru ni/ /sor ni dgu bcu rtsa
gnyis yin/ /mgo bo sor ni nyi shu drug /'di yi rnga snying de
dang mnyam/ /bar ma rlig pa'i tshad dag ni/ /bil ba 'bring po tsam
yin no/ /

bar gyi mtshan gyi tshad dag ni/ /sor ni bcu bzhi yin par bshad/
/dpangs su sor ni bcu dgu dag /'di la bsngags par gyur pa yin/
/phrag sor sor ni nyi shu lnga/ /dpung mgo sor ni brgyad yin no/
/dpung ba sor ni nyi shu gsum/ /pus mo tshe'u dang mnyam pa

yin; /chig grang sor ni bcu bzhi ste/ /tshe'u spu sor ni lnga pa
yin/ /tshe'u tshe'ang sor ni lnga pa ste/ /rmig pa'ang de dang 'dra
par bshad/ /rta yi tha ma dag gi tshad/ /dpral ba sor ni brgyad
yin te/ /mgo bo sor ni nyi shu bzhi/ /mig ni sor gnyis yin shes
bya/ /

phum phum gnas kyang de dang 'dra/ /mche ba sor ni phyed dang
gnyis/ /so yi dpangs su sor gcig yin/ /rna ba'i dpangs ni sor
bzhi ste/ /skra 'gram nyi shu rtsa bzhi ste/ /rdog mtha' sor ni
bzhi yin no/ /rgyang ni ske ba nyid dang mnyam/ /'breg gi chad ni
sor bzhi

ste; /ong do sor ni nyi shu bzhi/ /chu ru sor ni brgyad cu yin/
/mgo po nyi shu rtsa bzhi ste/ /rnga snying dag kyang de dang
mnyam/ /rlig ba bil ba chung du tsam/ /pho mtshan sor ni bcu gnyis
yin/ /rta ni tha ma'i dpangs su ni/ /sor ni brgyad du yin par
bshad/ /phrag

so sor ni nyi shu bzhi/ /dpung mgo 'di yi sor drug yin/ /dpung ba
sor ni nyi shu gnyis/ /pus mo sor ni bzhi yin la/ /rta ni tha
ma'i chig grang gi /dpangs ni sor bcu gnyis yin no/ /tshe'u spu'i
gnas ni sor bzhi ste/ /tshe'u tshe'i rmig pa de dang 'dra/ /de ltar

@181a @#/ /chu yi tshad bshad pa/ /cha ni ci bzhin gzhag pa yin/
/ro stod kyi ni dpangs gang yin/ /'og nas rngog mtha'i bar du
gzhal/ /ro smad 'jug do'i mtshams nas ni/ /'og nas steng du de
bzhin gzhal/ /de ltar dpangs su gzhal nas

ni; /bstan bcos mkhas pas bya ba yin/ /rnga snying rtsa nas mig
zur gyi/ /bar du chur ni gzhal bar bya/ /dpyi steng mjug to dpyi
mgul dang/ /brla dpyi'i mtshams ni gang yin pa/ /mchog dang bar ma
tha ma la'ang/ /phrag so dang ni mnyam pa yin/ /rje ngar dpyi yi

ba ha las/ /sor gcig gis ni chung bar bshad/ /spu ra pus mo'i
tshad las ni/ /sor gcig lhag par shes par bya/ /chig grang la sogs
sngar bshad pa/ /phyi rkang gi yang de 'drar ldan/ /nas rgyas kyi
ni lto gshibs pa'i/ /zheng ni sor du shes par bya/ /

la la mthe bo'i tshigs kyi zheng/ /sor yin par ni 'chad par byed/
/gzhan dag skyes bu ran pa yi/ /lag sor gyi ni gung mo yi/ /tshigs
ni dbus ma'i nang dag la/ /sor min par ni 'dod pa yin/ /rta gzhan
gang dag yod pa dag /tshad 'di yis sna gzhal

bar bya/ /de ltar mchog dang bar ma dang/ /tha mar gyur pa'i rta
gsum la/ /tshad ni rnam pa gsum dag gis/ /gzhal bar 'di ni bshad
pa yin/ /de ltar chu zheng tshad ldan pa'i/ /lus dang ldan pa gang
zhig yin/ /lus dang 'tsham par sha rgyas shing/ /rkang pa

sra la mtshan dang ldan/ /yan lag gsal zhing mnyan pa dang/ /lus
snyoms sha ni mkhregs pa dag /bkra shis dpal skyed dge ba dang/
/'dod pa thams cad sbyin byed yin/ /sha li ho tra'i mdo'i gnas
las tshad gzhal ba'i le'u ste bcu gcig pa'o// //

de nas gzhan yang yan lag bcu'i/ /cha yi le'u bshad par bya/
/dang po'i gnas ni dpral ba yin/ /mthar thug tshad du bshad pa
yin/ /gnyis pa dpral ba'i steng gi ni/ /glad pa la ni brten pa
yin/ /gsum pa ske mgrin phrag so yi/ /lus kyi phyogs ni yin

@181b par bshad/ /nam tshong ze'u'i ltag ze'u/ /dpung mgo de bzhin
phrag so dang/ /sog pa'i gnas ni gang yin pa/ /bzhi pa dag ni yin
par 'dod/ /lus kyi ro stod cha mnyam dang/ /dpung sna la sogs
lnga po yin/ /snying ga lag 'og rtsi ba logs dang/ /sga 'og dang

ni rgyab nyid ni/ /rta yi gnas ni drug pa yin/ /sgal tshigs dang
ni lto ba dang/ /mtshan gyi nye 'khor gang yin dang/ /rgyu dang mi
rgyu gang yin rnams/ /gnas ni bdun pa dag tu bshad/ /od do'i
phyogs na gang yod dang/ /brla gnyis dang ni bcas pa dag /de

dag gnas ni brgyad pa yin/ /dpung pa dpung rgyab pus mo dang/
/rkub tshos dpyi mgul dpyi mtshams dang/ /rje ngar dang ni bcas pa
dang/ /gnas ni dgu pa yin par 'dod/ /pus mo rje ngar man chad ni/
/gnas ni bcu pa zhes bya'o/ /dge ba'am yang na mi dge

ba; /thams cad kyang ni mtshon par bya/ /gnas skabs cha yi 'bras
bu dag /de yi rtag tu brjod bya min/ /de bzhin gnas kyi dbye ba
yi/ /rta yi tshad la sogs pa'ang bshad/ /gnas shes pa yi gnas
rnams ni/ /rtogs par byas la'ang 'bras bu brjod/ /

tshe dang na tshod cha rnams ni/ /gnas las shes par byas te bstan/
/mtshan nyid ldan na 'bras bur bcas/ /go bzlog pa ni 'bras bu med/
/mtshan nyid gnas ni 'khrug pa las/ /'bras bu khyad par 'phags par
'gyur/ /mdog dang gzi mdangs snying stobs dri/ /

ci bzhin dus su 'bras bu ster/ /lus kyi 'gros dang skad dang ni/
/rtag tu 'bras bu 'byin pa yin/ /thig le dang ni gtsug gi ni/
/gnas skabs cha ni 'di las byung/ /sha li ho tra'i mdo'i gnas las
yan lag bcu'i cha dbye ba'i le'u ste bcu gnyis pa'o// //

legs thos thos pa phun tshogs pas/ /sha li ho tra la dris pa/ /mi
sdug ci ltar shes par gyis/ /ji bzhin sdug pa ji lta bu/ /dman
dang de bzhin mi dman dang/ /yan lag tshang dang mi tshang dang/
/gzhal bya nyid dang gzhal min dang/ /gso sla gso dka' ji lta bu//

@182a @#/ /de ltar bu yis dris pa dang/ /sha li ho tras slar smras
pa/ /so so'i mtshan nyid ci 'dra ba/ /de dag khyed la bshad par
bya/ /gang yang lus kyi dbyibs legs shing/ /rtsa rgyus snang bar
mi 'gyur dang/ /chu zheng tshad dang ldan pa dang/ /sha ni gnas

dang 'tsham par skyes/ /lus snyoms gsus pa chung ba dang/ /yid
dang mig ni dga' byed pa/ /ro smad mnyam zhing zlum pa dang/
mdzes shing dbyibs ni legs gnas dang/ /yan lag nyid lag rdzogs pa
dang/ /yan lag kun gyi dbyibs legs dang/ /nying lag

rnams ni mi sdug dang/ /mgyogs shing mnyam dang ldan pa dang/
/des shing stobs dang ldan pa dang/ /na tshod gzhon zhing 'gros
che dang/ /ske mgrin phrag so brang gi phyogs/ /sha rgyas tshad
dang ldan la sogs/ /'di dag gzhal bya cha mnyam dang/ /gso sla mi
sdug

med pa yin/ /de las bzlog par gyur ba'i rta/ /gzhal bya'i las dag
ma yin no/ /de lta'i mi sdug la sogs dang/ /ldan pa'i rta ni gang
yin pa/ /shing rta lam dang khal dang ni/ /rtsed mo'i gnas dang
g.yul dag tu/ /las dang 'tsham pa ma yin pas/ /de phyir

de ni spang bar bya/ /de phyir bzang po shes byas la/ /de lta'i
rta ni blang bar bya/ /de ltar blang 'os blangs nas ni/ /lhag ma
spang bya rnam par spang/ /tshong pa rnams la rta dag ni/ /bzang
po blang bar gyur pa dang/ /spris ma bshugs pa'i zho lta bur/
/lhag ma

snying po med pa yin/ /de lta mod kyi brtse ba yis/ /spang bya de
yang tshong ba dang/ /rta la brtse bar bya ba'i phyir/ /blangs te
sbyin pa gtang bar bya/ /mtshan ni ngan par gyur na yang/ /mgyogs
shing rigs dang na tshod ldan/ /rgyal pos lhag gang rnams

dang ni/ /bram ze la ni sbyin par bya/ /ma ning rgan dang nad
kyis nyen/ /nye 'khor gnas pa'i mi la sbyin/ /rlig pa med dang
rlig gcig pa/ /rlig ser dang ni lus skems dang/ /yan lag ma tshang
gyur pa dag /nyung rum la segs rnams la

@182b sbyin; /g.yul du 'jug par mi nus pa/ /gar mkhan dang ni glu
mkhan dang/ /'khrus mkhan dang ni 'dreg mkhan dang/ /de 'dra'i
tshul ldan dag la sbyin/ /de la shin tu mi sdug pa/ /shin tu bzang
ba mi sbyin no/ /shu la ka dang gzugs mi sdug /so mi sdug dang mi

srun pa/ /nye 'khor gyi ni pho nya sogs/ /drag shul byed pa rnams
la sbyin/ /'gro sa chung ba dang sbegs pa dang/ /rkang ngan glas
kyi nang mir sbyin/ /rta la gdug par gyur pa ni/ /mtshams srung
mtha' 'khob[?] ba dag dang/ /nyes pa cher bsten dag la sbyin/ /rang
gi

yul du de mi gzhag /de rnams rtog la mkhas pa ni/ /rgyal po'i
drung du rtag par gzhag /de ltar rta ni rnam phye na/ /rgyal po'i
'byor ba 'phel 'gyur zhing/ /yid ni dga' zhing mgu ba dang/
/g.yul dang dgra las rgyal bar 'gyur/ /sha li ho tra'i mdo'i gnas
las sdug

pa dang mi sdug pa rnam par phye ba'i le'u ste bcu gsum pa'o/
/nyi ma 'char ka 'dra ba yi/ /drang srong pha la phyag byas te/
/legs thos kyis ni zas kyi tshad/ /rnam par brtag pa dris gyur pa/
/legs ldan mi la zas kyi tshad/ /bshad kyis rta la ci zhig 'tshal//

phyugs rnams dang ni khyad par du/ /rta la de gso ma mchis te/
/de rnams dbugs 'byin tsam gyis ni/ /zos shing bcas pa 'ju gyur
la/ /phyugs ni lto bar grags pas na/ /de la tshad ni ci zhig bgyi/
/de skad legs thos kyis smras tshe/ /sha li ho tras slar smras pa//

blo gros bzang po nan tan du/ /shin tu 'drangs kyang tshad tsam
du/ /byin na dga' ba skyed byed cing/ /tshod zin dug kyang bdud
rtsir 'gyur/ /tshod ma zin na bdud rtsis kyang/ /gsod par 'gyur ba
nyid yin no/ /bde zhing gso la 'tsho byed pas/ /tshod zin 'jig rten
ma dang

'dra; /de med srog mtha'i 'jigs bskyed la/ /de dang ldan na gnas
mchog 'gyur/ /rta ni mang du za bas na/ /tshad kyi dgos pa bden
mod kyi/ /sman dang zas skom cho ga ni/ /'gro ngan bong bu la
yang dgos/ /tshod ma zin na sman gyis kyang/ /nad gzhan skyed bar
'gyur

@183a @#/ /yin la/ /tshod dang ldan pa byas pa yis/ /dug gis kyang
ni nad 'joms so/ /rdzas dang 'ju stobs rdzas ci yang/ /tshad ni
rnam pa gsum la 'jug /snying dga' shugs ni ma bkag dang/ /lto la
shin tu mi gnod dang/ /rtsib logs rnams

ni bde ba dang/ /gsus pa tshim bar ma gyur la/ /bkres dang skom ni
zhi ba dang/ /dbang po rnams ni tshim pa dang/ /dbugs rdub dbugs
dbyung bde ba dang/ /gnyid ni bde bar log byed dang/ /stobs dang
kha dog 'phel byed dang/ /bde bar 'ju bar 'gyur ba dang/ /

lus gzungs 'khrug par mi byed pa/ /tshod zin zos pa yin par bshad/
/kha zas lci bas lto ba yi/ /phyed dam sum cha bkang ba bsngags/
/kha zas shin tu yang ba yang/ /shin tu 'drangs par mi sbyin no/
/de ltar tshad las tshad min par/ /lhag pa'am chung par gyur

pa ni/ /stobs dang snying stobs blo dang ni/ /mdog dang dbang po
la gnod byed/ /rlung ni 'gags pa'am sbyor bar byed/ /nad skyed
byed pa'i mchog yin la/ /ro mi tsa zhing tshe thung dang/ /mdangs
med bkra mi shis par 'gyur/ /de bas rta rnams log pa yi/ /

zas la spyod lam bzlog par bya/ /'drangs drags par ni gyur pa
las/ /nad gzhi thams cad 'khrug byed cing/ /gsud dang pho ba'i
nad skyes pas/ /rta ni de las bzlog par bya/ /ji tsam gyis ni lto
ba'i me/ /'bar gyur de tsam sbyin par bya/ /tshad mi ldan par byin

pa yis/ /yang na drags pa'am chung bar 'gyur/ /rdzas ni chu skyes
rlan can dang/ /skam par skye ste gsum du 'dod/ /de dag tshad mi
ldan par ni/ /bza' ba'i bya ba'ang tha dad do/ /mar dang sbrang
rtsi mnyam zas sogs/ /tshad mi ldan dang 'dra ba yi/ /zas kyi

smos kyi skom mam ni/ /snum mam rtswa yi tshod dang ni/ /grang
lhags 'dren pa drags pas kyang/ /tshad mi ldan par gnod pa skyed/
/de bas spyi dang khyad par gyi/ /tshad ni nga yis bshad par bya/
/'o lam se bzhi ma sha bzhi/ /de bzhi la ni sha na ste/ /de

@183b bzhi la ni su ba sna/ /de nyid zho gnyis zhes bya'o/ /de
bzhi la ni srang gcig ste/ /de bzhi la ni phul du bshad/ / phul
bzhi la ni bre gang yin/ /de bzhi la ni bre bzhi ste/ /de bzhi la
ni dre na yin/ /'di ni spyi yi tshad yin la/ /gsher rdzas la ni
nyis

'gyur bya/ /snum ni tshad kyi phyed du bya/ /ak+Sha lag pa'i mthil
la sogs/ /zho gnyis kyi ni ming yin no/ /srang phyed ming ni a
smur bcas/ /srang gcig u du mwA ra ba shad/ /srang gnyis khyor
gang zhes byar bshad/ /de gnyis pa ni gnyis par bshad/ /

de la rtswa skam dag las srang/ /brgyad brgya ta la ran pa yin/
/rlon pa de'i 'dab snye mar bcas/ /bzhi brgya nyin mtshan gcig la
ran/ /thug sogs la ni bre bzhi tsam/ /bza' skam bre ni phye dang
gnyis/ /snum las phul gang btung ba ni/ /bre gang sbyin par shes

par bya/ /sbrang rtsi las ni phul gang sbyin/ /bu ram las ni
srang brgyad sbyin/ /hwags dang kha ra gang yin pa/ /srang ni bcu
yi tshad du sbyin/ /sna sman khu ba phul gang ste/ /snum gyi sna
sman de yi phyed/ /du bas bdug la zho drug ste/ /du ba drag po
zho gnyis tshad/ /

sman kha'i gong bu srang bzhi dag /bad kan nad la sbyin par bya/
/rta la dgongs ka btung bar ni/ /chang ni bre gang blud par bya/
/rta rnams la ni phye ma'i sman/ /btags pa srang gnyis sbyin par
bya/ /zas dang snum ni mnyam byin tshe/ /skom du chang ni blud par
bya/ /

rta la lan tshwa srang lnga yi/ /tshad du rab tu sbyin par bya/
/lus kun bsku byug bya ba yang/ /snum ni bre dang sbyar bar bya/
/rna ba kang la yang snum dag ni/ /srang gnyis nye bar gzhug par
bya/ /bsku ba'i snum la sman las ni/ /srang brgya phye mar btags
pa gzhug /

phye las bre ni do dag dang/ /de ru bu ram srang brgyad gzhug
/mar las phul do bsres pa yi/ /skyo ma dag ni sbyin par bya/ /chu
skyes sha ni srang lnga bcu/ /rlan can sha ni srang bdun cu/
/skam pa'i sha ni srang dgu bcu/ /sha yi kha zas tshad yin no/
/khrag bre do la rgyam

@184a @#/ /tsha ni/ /srang gnyis nye bar gzhug bya zhing/ /snum
yang srang gnyis bcug pa ni/ /khrag zad pa la sbyin par bya/ /mas
gtong ba la bre gang tsam/ /dum bu gsum du byas te gtong/ /btags
pa las ni srang gsum tsam/ /srang re ru ni

bcad de gtong/ /'jam rtsi phul bzhi gtang bar bya/ /'jam rtsi'i
gong ma phul gang gtong/ /mar la 'jam rtsi gtong ba ni/ /phul do
dag ni bya bar bshad/ /sman ni srang bzhi'i tshad dag ni/ /chu
srang sum cu rtsa gnyis bskol/ /bzhi cha lus par byas pa

dag; /'di yi sman khu yin par bshad/ /chu sman bcu drug 'gyur
nang du/ /bskol ba'i sman ni srang brgya gzhug /snum yang srang
brgya bcug nas ni/ /bzhi cha cha gsum bsrub par bya/ /der ni snum
gyi bzhi cha yi/ /sman phye bcug la lde gur bya/ /de la

sha khu 'o ma ni/ /chu yi bzhi cha gzhug par bya/ /bskol chu sman
dang spyar ba yang/ /zhag lon pa ni spang bar bya/ /bu ram bsil
du 'dod pa dang/ /bsregs na sgra mi 'byung ba yi/ /mtshan ma de
dang dang bar ni/ /snang na thob la dpog par bya/ /de ni tshos

pa yin pa'i phyir/ /snum de slar ni dbab par bya/ /de ni btsags
par gyur na ni/ /yon tan lhag par 'gyur ba yin/ /snum zhing dang
bar 'gyur ba dang/ /gsal bar gyur na mkhas pa yis/ /snum de mdog
ni phyin pa'i phyir/ /tshos pa yin par shes

par bya/ /de 'dra nad kun 'joms byed yin/ /ma tshos chu dang 'dres
pa dang/ /tshos drags nag por gyur pa ni/ /nad kun 'khrugs par
byed pa yin/ /rma dang sna sman 'jam rtsi la/ /'jam par tshos pa
gtang bar bya/ /bsku la tshos drags btung ba la/ /bar

ma tsam ni bsngags pa yin/ /ma tshos snum ni nad skyed la/ /tshos
drags phan pa med pa yin/ /legs par tshos pa'i snum dag ni/ /rta
yi nad ni 'jig byed yin/ /rlung mkhris bad kan sel ba'i snum/
/btung dang bsku dang sna sman dang/ /rma dang 'jam rtsi

@184b las rnams te/ /rnam pa lnga la gtang bar bya/ /tshad 'di dag
ni rta rnams las/ /mchog gi yin par shes par bya/ /bar ma la ni
bzhi cha dbri/ /tha ma la ni phyed dbri'o/ /so so'i zas skom cho
ga dang/ /sum gyi cho ga tha dad pas/ /nad rnams zhi ba nyid

'gyur gyi/ /kun la gcig ni bsngags ma yin/ /utpa la ni kha 'byed
pa/ /zla ba'i 'od zer nyid yin la/ /nyi ma'i zer gyis padma ni/
/kha 'byed par ni snang ba yin/ /tshad ni me stobs las shes bya/
/ji dga' sbyin par mi bya'o/ /mi drod de yang

rnam bzhi ste/ /rno rtul mnyam dang mi mnyam pa'o/ /rno bas shin
tu myur du 'ju/ /rtul bas dka' bas 'ju ba yin/ /ma snyoms pas ni
'ju mi snyoms/ /snyoms pas 'ju ba snyoms pa yin/ /me drod rtul
bas gzi mdangs mdog /dang po dang ni

'gros zhan 'gyur/ /me drod rno bas de rnams dang/ /ldan zhing nad
ni nyung bar 'gyur/ /me drod snyoms pas snying stobs mdog /nad
med 'gros dang skad dang ni/ /dbang po bde ldan nad med 'gyur/
/me drod mi snyoms skad dang mdog /stobs chung

nad ni mang ba dang/ /bde ba med par 'gyur ro zhes/ /sha li ho
tras rjes su bstan/ /sha li ho tra'i mdo'i gnas las tshad kyi le'u
ste bcu bzhi pa'o// //rta bres la ni legs gnas pa'i/ /drang srong
chen po dbang po thul/ /me la sbyin

sreg byed brtson la/ /legs thos la sogs kyis dris pa/ /tshod shis
gang gi don 'gyur zhing/ /gang gi yon tan skyon bshad pa/ /de yi
zas kyi bya ba ni/ /lus dang des 'brel bka' stsol cig /de skad
sha li ho tra la/ /drang srong dam pa bus

dris tshe/ /zas kyi sbyor ba drang srong che/ /mdangs dang ldan
pas slar smras pa/ /zas kyi sbyor bas kha dog mdangs/ /mgyogs
mdzes snying stobs dran pa dang/ /'drangs dang sems ni dga' ba
dang/ /na tshod la ni 'jog pa yin/ /la la 'tsham dang mi

@185a @#/ /'tsham dang/ /zas kyi sbyor bas bde 'gyur ba'i/ /sbyor
ba'i cho ga bshad par bya/ /bshad pa de ni mnyan par gyis/ /me
drod chung dang yid mi bde/ /lto ba na dang dbugs mi bde/ /dub
cing khal gyis nyen pa dang/ /dug 'thungs pa dang skams pa

dang; /lam 'gro mtshan ni mi ldang dang/ /dub la'ang kha zas mi
sbyin no/ /stobs ldan lci ba'i kha zas ni/ /de la sbyin par mi
bya'o/ /lam gyis nyam chung gyur stobs bri/ /rgan dang rab gzhon
dbang nyam chung/ /rtsa dang 'bras dang glo gcob can/ /zas sbyor
rtag tu

bya bar rigs/ /gang tshe phyi dro'i dus su ni/ /skyes bu gsum po'i
grib ma lhags/ /cung zad lhag pa'am ma tshad pa'am/ /zas sbyor bya
ba'i dus yin no/ /'bras bre gang ni legs btsos la/ /de rjes tsha
dang bsre bar dang/ /snum dang ldan par byas pa ni/ /byin na

legs par 'ju bar 'gyur/ /dang por snum dang ldan pa yi/ /rjes la
lan tshwar ldan pa dang/ /zas sbyor 'di ni skom dang dag /mi skyed
legs par 'ju par 'gyur/ /zho dang ku ladTha'i khu ba/ /chang dang
sbrang rtsi knydzi dang/ /til mar bsreg pas mnyen bya min/ /

khu ba gzhan dang bsre mi bya/ /kanydzi dang ni sha khu'am/ /'o
ma'am yang na hwags dang ni/ /'di dag mnye ba sbyin bya zhing/
/yang na til mar sbyar ba'ang rung/ /zhag dang til mar mar sbyar
ba/ /gsum po sbyar ba zhes bya ba'ang bsku/ /de la sha khu mchog
yin te/ /de dang nye

bar bya ba yi/ /nas dang ma sha gro dang ni/ /drug cu ba yi sbyor
ba gang/ /de ni 'o ma'am sbrang rtsi'am/ /mar dang sbyar bas mnye
bar bya/ /'di dag dang ni mnye ba'i tshe/ /de ru lan tshwa gzhug mi
bya/ /rlung dang bad kan gyis nyen dang/ /rta yi snum mang
'thungs pa dang/ /

me drod chung dang mi snyams dang/ /sbegs la lan tshwar bcas pa
gtang/ /mnye ba'i sbyor ba bya ba dang/ /chang dang chang snying
zho ga chus/ /lto ba'i ma zhu rnam sbyang zhing/ /kha cha'i rgyun
ni 'dzag par bya/ /khod ba'i srin bu yod pa la/ /bag cin dang
sbyar sbyin par bya/ /gang

@185b zhig rgan dang lud pa can/ /de la kha zas skam mi sbyin/
/de lta bu la snum dang ni/ /bcas pa'i zas kyi sbyor ba bya/ /rta
la zas ni sbyin pa ni/ /mgo bo gyen du legs bstan nas/ /zas ni
kham re bcad nas ni/ /myur min 'gor ma med par sbyin/ /nas thug
mar dang

ldan pa'am/ /yang na chag tshe mar gyis spangs/ /rta rnams rtas
byed dam pa yin/ /mkhris pa can la mchog tu phan/ /chag tshe nas
thug snum med pa/ /lan tshwa dang ni ldan pa ru/ /bca' lga btab
par gyur pa ni/ /bad kan can la sbyin par bya/ /rgyam tsha dang

ni bcas pa dang/ /ma sha ri la mar bcug pa/ /rlung nad can la
phan mod kyi/ /de las mkhris pa skye ba bsrung/ /sha rnams sna
tshogs dag dang ni/ /bad kan can la chang blud cing/ /mkhris pa
can la 'o ma blud/ /rlung nad can la sha khu sbyin/ /mkhris pa

can la rab bsil ba/ /rlung nad can la dro 'jam tsam/ /cung zad
dro 'jam bad kan can/ /zas dang skom ni sbyin par bya/ /rgud cing
snum ni med pa dang/ /yang shing tshad las chung ba ni/ /zad kan
can la sbyin bya yi/ /kha zas snum pa'ang mi sbyin no/ /chu dron

gyis ni kha bkrus la/ /kha 'gram legs par bltas nas ni/ /mnyes la
sna sman btang nas ni/ /de yi 'og tu 'dre ru gzhug /de yi mod la
rtswa mi sbyin/ /khyad par du ni sngo mi sbyin/ /de tshe lam b'gro
dub pa'am/ /chu rgal ba ni bsngags ma yin/ /zas sbyin

'og tu btung ba ni/ /chu bre phyed ni blud par bya/ /des ni drod
sked nad gzhi sel/ /legs par 'ju bar byed pa yin/ /mgyogs shing
stobs dang ldan pa dang/ /sha mkhegs dbang po brtan pa dang/
/khal dang khur la sran che bar/ /zas de yis ni 'gyur ba

yin; /rnying dang 'bu yis zos pa dang/ /tshig dang du bas khyer ba
dang/ g.yul sar char gyis nyen pa yin/ /rtswa ni rta la mi
bsngags so/ /skyon med pa ni nas bas kyang/ /yi gar 'ong zhing
zos pas sred/ /de nas rta yi 'tsho ba ni/ /rtswa yis nges par

@186a @#/ /bsdus pa yin/ /ljang pa dga' zhing yi gar 'ong/ /me
drod gzi mdangs sred 'phel byed/ /de phyir rta yi ljang pa yin/
/zos na de 'drar 'gyur ba yin/ /ljang pa tshad ldan byin na ni/
/nad rnams skye bar mi 'gyur zhing/ /rigs par ljang pa

byin pa yis/ /skyes zin nad kyang 'ju bar 'gyur/ /bong nga spu
shel tsha ba gsum/ /byi dang ga dang dug mo nyung/ /'bras btags
chang dang sbyar ba ni/ /mdog dang tshe ni 'phel byed mchog /'o ma
mar dang ma shar bcas/ /til btags sbyar ba zho can yin/ /

ma sha'i phye la lan tshwar bcas/ /stobs skyed byed pa gzhan dag
gam/ /sA lu'i phye ma'ang sbrang rtsir bcas/ /bi da ri dang ldan
pa ni/ /'o mar sbyar ba zhag gsum byin/ /stobs dang kha dog 'phel
byed yin/ /zho dang skyur rdzas lan tshwa dang/ /mar dang bcas

par dkrugs pa ni/ /nas dang sbyar byin lus zungs bzang/ /stobs
dang kha dog skyed byed yin/ /skams dang chu la rkyal ba dang/
/rtswa ni sngon po dag dang ni/ /gang zhig kha zas mngar ba dang/
/mar la sogs dang sbyar ba dang/ /sha la sogs bcas

bsil ba ste/ /drug po 'phral du srog ster yin/ /'brog tu rtswa ni
sna tshogs las/ /rtswa gcig la ni sred pa gang/ /goms pas bsten pa
yin zhes bya/ /ro yi goms ba zas sbyor las/ /de yi ro las shes
par bya/ /bya ba'i sbyor bas lus

'phel 'gyur/ /gzhan gyis zos de gang bor dang/ /gang zhig rtsa
nas byung ba dang/ /nang du rul bar gyur pa yi/ /rtswa ni shin tu
stobs 'phrog byed/ /sha li ho tra'i mdo'i gnas las zas kyi sbyor
ba'i le'u ste bco lnga pa'o// //gang zhig

zas sbyor sna tshogs kyis/ /'bad pa mang pos bsgrubs byas pa/
/mdzes pa zhes 'di grags pa 'di/ /ci 'dra rnam pa du zhig mchis/
/legs ldan de ni gsungs shig ces/ /de ltar legs thos kyis bskul
to/ /sha li ho tra drang srong ches/ /go

@186b rims de ni slar smras pa/ /ljang pa zas dang skom rnams
dang/ /de bzhin mar dang snum tshogs kyis/ /sos par gyur tshe mdzes
gyur te/ /de ni rnam pa lngar bshad do/ /brag bcas zhes bya dang
po ste/ /gnyis ba rtsi ba logs 'gengs byed yin/ /gsum pa

stobs ni skyed pa ste/ /bzhi pa sha ni rgyas pa yin/ /lnga pa lud
pa can zhes bya/ /de ltar rnam pa lngar bshad do/ /'di dag rnams
kyi mtshan nyid ni/ /so sor bshad kyi nyan par gyis/ /mtshan dang
rlig pa rmong ka dang/ rkub dang brang dang rtsa sbubs rnams/ /

khrag dang sha ni srab pa yis/ /mnyen zhing khrag gis rgyas 'dra
ba/ /de ni khrag bcas mdzes la gnas/ /rta ni gdul sbyor dag la
sbyar/ /yan lag sha ni 'jam po yis/ /cung zad g.yogs par gyur pa
dang/ /phrag so brang sogs sha skyes pa/ /

stobs ldan rtsib logs 'gengs byed yin/ /rked pa brla ni sha rgyas
shing/ /rtsib ma shas ni legs par khabs/ /stobs chen cung zad ma
rdzogs pa/ /mdzes pa dang ni stobs skyes yin/ /'dir ni ji ltar
dga' ba rung/ /bzhon pa'i don du bshad par bya/ /

ci nus par ni bkol ba yang/ /de ni nyam chung gis 'gyur ro/ /sha
ni rgyas par gyur ba'i rta/ /bya ba kun la nus par ldan/ /dregs
par bcas shing mdzes dang bcas/ /dpa' zhing stobs ldan dpa' ba
dang/ /tshigs rus rtsi ba logs rked pa dang/ /mjug

do dang ni shar nus zlum/ /ze'u nas rnga snying bar du ni/ /dma'
zhing gang gi ri mo chags/ /sha ni shin tu rgyas gyur pa/ /de ni
lud pa can zhes bya/ /mdzes pa 'di dang ldan pa'i rta/ /bya ba
thams cad bde blag nus/ /sha rnams 'phyang zhing dbugs mi bde/ /

rdul dang dub pa'i shas che ba/ /khru sman legs par btang ba yis/
/'di ni nyam smad nyid du bya/ /de yan chad ni sha rgyas par/
/rta ni nam yang mi bya'o/ /tshil ni shin tu ches gyur pa/ /de yis
las sbyor mi nus 'gyur/ /gso dka' ba yi nad ldan na/ /rigs

@187a @#/ /pas legs par gso bar bya/ /zas kyi sbyor sogs spang ba
dang/ /rim gyis dbri zhing sbyang bar bya/ /nyams smad drags
pa'am myur du ni/ /byas na ma goms dbang gis 'chi/ /me drod khong
nas 'bar gyur la/ /rgyu ba'i lam ni chil gyis bkag /

snum rnams byin par gyur pa ni/ /de ni nye bar rgyas par 'gyur/
/de bas bde ba drags pa dang/ /nyams smad drags par mi bya'o/ /de
dag gnyi ga drags pa yis/ /gsor mi rung ba nyid du 'gyur/ /grib
ma 'dod dang skom dad che/ /lud pa dbugs mi bde bas nyen/ /

khu bzhi'i nad ni mang ba dang/ /gcin mang bde ba med pa dang/
/gang zhig bdag nyid sdug bsngal zhing/ /nyam thag par ni 'gro
gyur la/ /lam 'jug par ni mi nus pa/ /bzhon pa po yis ci byar
yod/ /de ni grang drags tsha drags pa'i/ /bkres dang skom pa mi
bzod

pas; /mdzes 'dod rta ni skyid chos dag /shin tu drags par mi
bya'o/ /bkol du med cing lus nyam chung/ /gzi mdangs chud zhing
stobs med la/ /las la sbyor bar mi nus pa/ /de ni mdzes par mi
'dod do/ /sha li ho tra'i mdo'i gnas las mdzes pa'i le'u

ste bcu drug pa'o/ / / /sha li ho tra drang srong mchog /legs
thos kyis ni yang dris pa/ /gzugs ni gang dag nyid kyis na/ /rta
ni gzugs sdug 'gyur ba lags/ /spyod pa dang ni mtshan dag ste/ /de
ni bdag la lung bstan stsol/ /de nas rta yi mtshan

mkhas pa/ /sha li ho tras slar smras pa/ /rta yi yan lag nyid lag
gi /skyon med mtshan nyid mnyan par gyis/ /mtshan nyid sum cu drug
ldan pa/ /gang gis de ni bsngags pa yin/ /rigs dang mtshan nyid
nad med dang/ /lus kyang smad pa med gyur pa/ /gang

la 'di bzhi yod pa yi/ /rta de bsngags par 'os pa yin/ /gang zhig
dbugs ni cher 'byin cing/ /mid pa srab par mngon pa dang/ /sna yi
sbubs ni mi mthug pa/ /rta ni rab tu bsngags pa yin/ /mchu ltag
mnyam zhing zlum pa dang/ /che bar gyur na bzang

@187b ba yin/ /ma mchu srab cing mnyen pa dang/ /mi 'phyang na ni
bsngags pa yin/ /so ni thams cad snyoms pa dang/ /thags bzang
dkar zhing nag mtho la/ /snum zhing srab par gyur pa dang/ /mtshan
nyid legs par ldan na bsngags/ /rkan ni srab cing gnyer ma chags//

zab cing dmar ba bsngags pa yin/ /lce ni srab cing mnyen pa dang/
/rtsa mthug rgya skyegs 'dra ba la/ /khyi yi lce dang dbyibs 'dra
ba'i/ /rta ni bsngags par gyur pa yin/ /mgo bo phra min sbom pa
min/ /lus dang 'tsham par gyur pa dang/ /'gram glang che bar

gyur pa ni/ /bsngags par gyur pa nyid yin no/ /dpral ba mnyam
zhing yangs la che/ /pags pa srab cing mi gyong la/ /dbus na
gtsug 'khyil gnas pa dag /gang yin de ni bsngags pa yin/ /rta yi
mig ni mig mchu dag /srab cing legs gnas rdzi ma

srab; /mig 'bras kyi ni mtha' ma dag /legs par dkar zhing dbus
nag la/ /gang zhig gzugs kyi mdog sdug cing/ /phra zhing thag
ring mtho ba dang/ /glang po'i mig 'dra me tog ni/ /ma li ka yi
snying po 'dra/ /shel ltar yongs su dang ba dang/ /mthong

ba brtan pa bsngags pa yin/ /rna ba srab cing mnyen pa dang/ /spu
srab thung bar gyur pa dang/ /gang gi skra grags phra ba dang/
/thag ring ba yang thos pa bzang/ /gdong pa gsal zhing rtsa mi
mngon/ /sha srab sha mthug ma yin zhing/ /dpral mtshams chung
zhing

rdog ring bsngags/ /ske mgrin sha rgyas ring ba dang/ /rna ltag
rna mchan legs par gnas/ /pags srab rim gyis sbom par ni/ /gyur
pa de ni dge ba yin/ /phrag so legs 'brel nam tshong nub/ /rdog
mtha' legs par 'dus pa dang/ /ring zhing

kha zheng che na bzang/ /brang ni mthug cing yangs la mkhregs/
/sra zhing gnyer ma med pa dang/ /bar yangs dpung sna che ba
dang/ /'di 'dra ba dag bsngags pa yin/ /dpung pa mkhregs shing
yangs pa dang/ /zlum zhing sbom la rtsa mi mngon/ /rim gyis phra
bar

@188a @#/ /gyur pa ni/ /rtal bsngags par gyur pa yin/ /lag ngar
phra mo rim gyis phra/ /pus mo zlum par gyur pa dang/ /mnyen
zhing bskyang bar bde ba dang/ /rta la bsngags par gyur pa yin/
/phyi grang ring zhing dbyibs legs pa/ /sha srab rtsa

rgyus mi mngon srab/ /pags srab shin tu zlum pa yi/ /rta ni
bsngags par gyur pa yin/ /tshe 'u tshe legs skyes mnyam zhing zlum/
/dod cing snyoms par gyur pa dang/ /spu phra pags pa srab pa yi/
/rta ni bzang por bshad pa yin/ /rmig pa sra zhing dkyil

legs la/ /bong bu'i rmig pa 'dra ba dang/ /sbal pa nub cing legs
par 'byar/ /cha mnyam par ni 'gro ba dang/ /rgya ni zab mo dang
'dra zhing/ /rmig sgros snyoms shing sra ba dang/ /mkhregs shing
gnyer ma med pa yi/ /rta ni rab tu bsngags pa yin/ /rgyab

so thung dang rab tu bsngags/ /rtsib ma legs par sgu ba dang/
/ngos gnyis legs par skye ba bsngags/ /sga 'og gnas ni khang pa
bzang/ /lto ba zlum zhing rtsib ma'i nang/ /'dus pa ltar 'dug
bsngags pa yin/ /ong do yangs shing che la 'jam/ /spu yi

tshogs kyis khebs pa bzang/ /mjug ma rnga ma phra zhing 'jam/
/mjug rtsa ong do legs par 'brel/ /mjug ma'i phyogs su drang por
skyes/ /rta ni bsngags par gyur pa yin/ /rkub ni zlum zhing legs
par 'dzums/ /thung zhing gnyer ma legs par gnas/ /

gang gis rta spangs legs par 'byin/ /de ni bsngags par gyur pa
yin/ /rlig pa mnyam zhing legs par skyes/ /spu med par ni gyur pa
dang/ /bil ba chung ngu'i tshod tsam zhing/ /ma 'phyangs gyur pa
bsngags pa yin/ /rta yi pho mtshan rim gyis phra/ /thung zhing
drang

la myur du 'byin/ /gting ring kha dog gcig par ni/ /rta la
bsngags par gyur pa yin/ /rje ngar rgyab mthong ya yo med/ /sha
srab gug pa ma yin zhing/ /mnyam zhing ma 'khums dbyibs legs
pa'i/ /rta ni bsngags par gyur pa yin/ /rta spu srab cing drang

@188b ba dang/ /mdangs ldan kha dog ma 'dres bzang/ /rta ni 'dre
bar byed pa'i tshe/ /gang gis legs par sprugs pa dang/ /stobs dang
ldan pa'i gzugs yod pa/ /mtshan nyid mchog tu bshad pa yin/ /chu
la rgal ba'i gnas dang ni/ /khal bkal lam du 'gro ba dang/ /

bsnun dang nyam nga'i gnas dag tu/ /rtsal 'byin gzi can mtshan
nyid can/ /de ltar bsngags pa'i mgyogs 'gro ni/ /rgyal po'i bzhon
par rab tu brjod/ /sha li ho tra'i mdo'i gnas las mtshan gyi le'u
ste bcu bdun pa'o/ / / /legs ldan rta yi kha dog dang/ /

de bzhin mdog gi dbye ba dang/ /de yi ming gi nyes pa dag /bdag
cag mnyen par 'tshal lags so/ /bu yis de skad smras pa dang/
/snyan pa'i tshig gis slar smras pa/ /nga yi gzhung gi ma 'dres
mdog /rta la rnams bzhi yod par 'dod/ /dkar dang dmar dang gnag

pa dang/ /bzhi pa ser po zhes bshad do/ /'di rnams lus kyi phyogs
gnas dang/ /phan tshun 'dres par gyur pa dang/ /rdzas dang rdzas
min 'dres pa las/ /rgyas par mdog ni du ma yin/ /dkar la sogs pa
de dag rnams/ /ma lus shes bya mnyan par gyis/ /

pags pa dkar zhing ba spu dkar/ /de bzhin rnga ma rdog ma dkar/
/'di ni dkar po zhes bshad do/ /rta de srid sgrub yin par 'dod/
/pags pa dmar zhing ba spu dmar/ /rnga ma rdog ma dag kyang dmar/
/khrag dang nyi ma 'char ka 'dra/ /rta ni dmar po zhes bya'o/ /

pags pa spu dang rngog ma gnag /bung ba 'dra ba gang yin pa/
/stag zil nag po'i mdangs 'dra'i rta/ /de yi thams cad nag por
bshad/ /pags pa rnga rngog spu rnams ni/ /gang zhig gser gyi mdog
'dra zhing/ /dar ni ser po'i mdangs ldan pa/ /rta de ser

po yin zhes bya/ /de ltar kha dog rnam pa bzhi/ /so sor yang dag
bshad pa yin/ /de rnams mdog ni 'dres gyur pa/ /bshad pa nga las
rtogs par gyis/ /pags pa dmar zhing mig skyon med/ /kha dang rkan
dang pho mtshan dmar/ /ma du ka yi me tog 'dra/ /

@189a @#/ /'di ni la las kar kar bshad/ /pho mtshan rmang kha rlig
pa dang/ /rlig pa de bzhin rkub dang ni/ /mchu ltag mchu dang kha
dang ni/ /pags pa padma'i mdog 'dra gang/ /mig dang phum phum
rngog ma'i bar/ /ba spu dkar bar gyur pa ni/ /rta ni kar

ka kha cig 'dod/ /bkra shis dge ba dam pa yin/ /pags pa dmar
zhing ba spu dmar/ /rnga ma rdog ma dmar pa ni/ /nyi ma skyon
bral mdog 'dra ba/ /de yang kar kar shes par bya/ /btso ma'i gser
gyi mdog 'dra ba'i/ /spu ni gang la yod gyur pa/ /pags

pa padma'i dbus 'dra zhing/ /mig ni me yi rtse mo 'dra/ /rmig pa
kha dog gcig pa yi/ /rta de 'khor los sgyur ba'i yin/ /gang zhig
kar ka dra'i gzhi la/ /yan lag lto dang dpyi dang stong/ /thig le
nag po chags gyur pa/ /rta ni khyim bya can zhes bya/ /gang

zhig kar ka can 'dra la/ /dpyi la sogs pa dmar po yi/ /thig le
chags par gyur pa ni/ /de yang khyim bya can gnyis pa/ /ba spu
rnga ma rdog ma ni/ /dkar la pags pa nag po can/ /mtshan dang rmig
pa mig kyang nag /de ni dur ba'i gshog par

bshad; /pags 'jam pags pa mig dang spu/ /rnga rngog rmig pa dkar
pa dang/ /sin du ba ra dang 'dra bas/ /mdog de sin du ba ra can/
/pags dmar seng ge'i spu 'dra zhing/ /rnga ma dang ni rdog ma
dkar/ /rlig pa dmar zhing 'byar gyur la/ /rta de seng

ge'i mdog can yin/ /gang zhig spu rtse du ba 'dra/ /cung zad dmar
zhing ser skyar 'dres/ /kha dog de yi rta de ni/ /go ri'i spu
zhes bya bar bshad/ /de bzhin du ba'i mdog ldan pa/ /dud ser zhes
ni bya bar bshad/ /ser shas che ba gang yin pa/ /

me tog ku ruNDaka dang 'drar bshad/ /ser po'i nges tshig 'di yi
ni/ /dpe yang khyed kyis mnyen par gyis/ /sog ma mda' smyug dang
'dra zhing/ /so dang bad kan dang 'dra la/ /gang zhig ser po zlum
po yi/ /de ni khyab 'jug bzhon pa ste/ /rgyal dang

@189b rnam rgyal don gnyer la/ /'di dag thams cad bsngags pa yin/
/de bzhin kha dog mang ba dang/ /seng ge'i mdog dang 'dra ba
dang/ /dung dang kunda kha sha dang/ /'o ma dang ba nyi ma'i
mdog/ /ku mu da yi mdog 'dra dang/ /chu skyar bzang po 'dra ba
dag /

dkar dang ser po 'dres pa ni/ /thams cad dang pa zhes byar bshad/
/gang zhig me tog mkha' ldid 'dra/ /rnga ma rdog ma nag po ni/
/yod pa'i rta de stad zil gyi/ /spyi bo can zhes bya ba yin/
/rdog ma 'jam zhing dkar ba ni/ /rdog ma mu nydza can zhes bya/
/shin

tu dkar la rngog ma gnag /rdog ma mig sman mdog 'drar bshad/
/gang zhig rdog ma'i mdog sna tshogs/ /'dres pa'i rdog ma zhes
byar bshad/ /rnga ma'i kha dog sna tshogs pa/ /rnga ma 'dres pa
zhes byar bshad/ /de dang 'dra ba gzhan dag kyang/ /dkar

po'i mdog 'dres pa zhes bya/ /gso ma'i me tog mdog 'dra dang/
/lham bu chu gsher 'dra ba dang/ /a mra'i lo ma'i mdog 'dra
dang/ /rta gang ki shu dang 'dra dang/ /chu shing me tog 'dra ba
dang/ /kar kan ru yi mdog 'dra dang/ /me tog bandu dzi ba'i mdog
/lcang ma a shwa

ka'i mdog dang/ /gang yang byu ru'i mdog 'dra dang/ /mig dang rda
rdog nag pa dang/ /mtshan dang pags pa de bzhin gnag /de ni spu
gnag zhes byar bshad/ /de dag dmar po dang 'dres mdog /nag po
dang 'dres mdog nyon cig /khu byug dang ni char sprin 'dra/ /

dUr ba'am ma he'i mdog 'dra ba/ /a mra ba yi mdog 'dra ba/
/gang yang lung tad rlon 'dra dang/ sA la ta la'i mdog 'dra
dang/ utpal sdon po lta bu dang/ /gang gzhan tshul ni 'di 'dra
ba/ /rta ni nag po dang 'dres mdog/ /gang yang sA lu'i gra ma
'dra/ /ne tsho'i sgro gshog

'dra ba dang/ /mar gyi snying po'i mdog 'dra dang/ /padma'i sa
bon mdog 'dra dang/ /padma'i ge sar lta bu dang/ /de bzhin me yi
rtse 'dra dang/ /gang zhig gzha' dang 'dra ba dang/ /gang yang ba
bla 'dra ba dang/ /spu ti ka yi ser po 'dra/ /shri sha'i me tog
'dra ba dang/ /

@190a @#/ /gang yang khre 'bras mdog 'dra dang/ /gang yang spyang
khu'i mdog can dang/ /kha dog ser po ji snyed dang/ /gzhan yang
ser po dang 'dres dang/ /de 'dra de las gzhan pa dag /rta ni ser
po dang 'dres mdog /de ltar rnam pa bzhi po ni/ /mdog 'dres pa

zhes bya bar bshad/ /gzhan yang kha dog dbye ba dang/ /kha dog
sna tshogs mnyan par gyis/ /phug ron gyi ni ske 'dra zhing/ /pags
pa spu yi mdog dmar pa/ /phug ron ske 'dra phug ro na ske/ /dmar
dang nag po cung zad 'dres/ /pags pa rnga ma rdog ma gnag /

mig dang gsang ba rmig pa'ang gnag /mkhal ma'i mdog 'dra nag
'tsher ba/ /'di nyid gnag pa'i shas che ba/ /nag 'tshor ba ni yin
zhes bya/ /gal te mar nag tsham mnyam 'dres/ /rgun 'bru ltar 'tsher
yin par bshad/ /rgun 'bru ltar 'tsher de nyid la/ /

cung zad ser skyas 'dres pa ni/ /kha dog gnyis ni bsdus pa las/
/gang zhig shas che le la gdangs/ /nag po dkar po dang 'dres
shing/ /pags pa nag por 'dug pa ni/ /spu 'dres rang srong pa zhes
bshad/ /gsal pa ri dgas mdog can yin/ /de

nyid dkar po ma gyur na/ /dkar po'i drang srong pa zhes bshad/
/dkar po'i gzhi la gnag dang 'dres/ /khor ling mang du snang ba
dang/ /yan lag gnag cing mug ma dkar/ / de ni skya ba'i drang
srong pa/ /dkar dang dmar dang nag por 'dres/ /pags pa nag

po yod gyur cig /mig dang pho mtshan rmig pa gnag/ /'dren ma'i
drang srod pa zhes bya/ /dmar dang ser dang nag po yis/ /dkar la
'dres gyur gso dar mdog /dmar ser skar po mdog 'dres rta/ /ser
skya'i ba 'dra ser skya yin/ /nag po dmar pos

khyab gyur cing/ /dmar po dang yang cher ldan pa/ /rta de rta
mkhan dag gis ni/ /dud ka zhes ni bya bar bshad/ /khrag dang
btsag gi mdog 'dra zhing/ /pags pa 'dren mar snang ba dang/ /rnga
ma rdog ma dmar pa yi/ /ser dang dmar po'i 'dre gyur pa/ /spu

@190b rtse'i mdog ni gnag pa dang/ /rda rdog gnyis kyang gnag
gyur pa/ /rta de mtshal bu zhes byar bshad/ /gang zhig spu rtse
gnag gyur cing/ /gzhan dag ser skyar gnas gyur pa/ /gdong gi mdog
ni ma 'dres pa'i/ /rta de dur pa zhes byar bshad/ /kun du dkar
dang

dmar ba yi/ /spu ni 'dren mar gnas gyur la/ /pags pa pho mtshan
mchu dmar pa'i/ /rta ni se po zhes byar bshad/ /dkar dang ser
ba'i mdog 'dres shing/ /pags nag rda ma 'dren mar gnas/ /ser la
dkar shas che ba ni/ /khan dze te zhes bya ba yin/ /

gos ni srab mos bkab pa ltar/ /kha dog gcig tu mi mngon zhing/
/'khor ling mang po dang ldan pa'i rta de 'khor long can zhes bya
/kha dog mang po dang ldan zhing/ /mdog gzhan 'khor ling gnas pa
yis/ /brgyan pa lta bur snad ba ni/ /rta de khra bo

zhes bshad do/ /rta yi rkang pa bzhi dang ni/ /mgo dang rnga ma
rdog ma dang/ /rked pa dkar por snang ba ni/ rta de bkra shis
rgyas par bshad/ /dmar pa 'am dkar ba'i 'khor long dam/ /nag
pa'am/ /kha dog gzha dag las/ /kha dog dang ni rjes mthun par/ /

de las ming du gdags par bya/ /gang gis kha dog gang dag la/
/mdog gis 'dres par gyur na yang/ /mdog gi shas ni gang che ba/
/de yi mdog las gdags par bya/ /gang zhig mdangs snum brtan zhing
gsal/ /kha dog de ni thams cad bsngags/ /de

nas dkar ba mchog yin la/ /de dang ldan pa gzhan yang bzang/ /rta
yi kha dog thams cad las/ /kha dog dkar po mi 'gyur yin/ /brtan
zhing mi zad nyid kyis na/ /dkar po nyid ni khyad par 'phags/ /de
ltar rta yi kha dog ni/ /mdor bsdus nas ni bstan pa

yin; /kha dog dbye ba ma lus par/ /smra bar nus pa ma yin no/
/sha li ho tra'i mdo'i gnas las kha dog shes par bya ba'i le'u
ste bco brgyad pa'o// //sha li ho tra thub mchog la/ /legs thos
kyis ni yang dris pa/ /zhur dang de bzhin rgyal mtshan

@191a @#/ /dag; ji ltar gnas pa bka' stsol cig /de ltar dris tshe
legs thos la/ /sha li ho tras slar smras pa/ /mchu sgros ltag nas
dpral mtshams bar/ /dkar ba'am shin tu dkar gang yin/ /der ni zhu
bor shes bya ste/ /'di yis 'bras

bu rnam pa bzhi yin/ /gnas dang dbyibs dang kha dog dang/ /rang
bzhin las shis mi shis 'gyur/ /khur ba de yi 'bras bu ni/ /rim pa
bzhin du bshad par bya/ /mchu ltag dpral ba sna gdong dang/
/gzhan yang mchu ltag gdong pa dang/ /mchu ltag

phum phum mthar thug de/ /rta yi gdong pa kun dkar ba/ /rigs kyi
dbang phyug 'phel byed yin/ /mgo bo rna bar bcas dkar ba/ /bdag
po bde ba kun skyed de/ /gnas gnyis na ni gnas pa'i 'bras/ /me
long lcags kyu bum pa dang/ /gdugs dang

rnga yab 'dra ba dang/ /dpal shing rim gyis 'phel 'dra dang/ /bum
pa g.yung drung dbyibs 'dra ba'i/ /zhur ni gang gi rta la yod/
/bu tsha bran dang mdza' bo 'phel/ /rgyal pos legs par bkur gyur
la/ /rta yang bde bar 'tsho bar 'gyur/ /zhur ni byang

chub shing lo 'dra/ /de yis skal ba bzang 'gyur zhing/ /bu ni
mang po yod par 'gyur/ /zur bzhi yod na rgyal pos ni/ /yul khams
rnyed par ston pa yin/ /ral gri 'khor lo rdo rje gzhu/ /gshol
dang gtun shing dbyig pa dang/ /rgyal mtshan bdan gdugs

'dra ba/ /zhur la dbyibs yod rgyal po yis/ /zhon na g.yul las
rgyal byed yin/ /rta nge bzhon nas rgyal po yis/ /dgra rnams thul
bar 'gyur ba yin/ /chung ma bu dang tsha bo dang/ /nor yang shin
tu mang bar 'gyur/ /dgang gzar blugs gzar

mchod sdong me/ /kha khyer gyi ni dbyibs 'dra ba'i/ /zhur yod
bdag pos 'bras chen thob/ /mchod sbyin mang du byed pa dang/
/sbyin pa mang du 'gyed par 'gyur/ /gang gi zhur ni bum pa 'dra/
/me tog mgo lcogs dbyibs 'dra ba/ /rta bdag gter ni brgya byin
thob/ /

@191b me tog padma'i dbyibs 'dra ba'i/ /mig mngas ris kyi dbyibs
yod pa/ /gang gi rta la yod gyur pa/ /bdag po bkur sti nor mang
dge /shing rta'i dbyibs 'dra'i zhur yod pa'i/ /rta ni nor rnams
'phel byed yin/ /steng cha kha zheng che ba'i zhur/ /nor dang
'bru dang

phrad byed do/ /de yi bdag pos dpal thob cing/ /bu dang tsha bo
rnam par 'phel/ /de yi khyim du dpal rtag gnas/ /rgyal srid kyang
ni thob par 'gyur/ /rta de ci 'dod ma smas par/ /bde bar 'chi ba
nyid du 'gyur/ /mi shis pa yi mtshan rtags ni/ /rta'i

zhur kha dog 'dres pa dang/ /g.yon dogs 'gram glang bar du chags/
/g.yon pa'i mig dkyus dpral ba'i ngos dang bcas/ /khyad par skyes
pa'i rta de ni/ /dpral chags zhes te dang tshul ngan/ /rgyun du
dang nga zhing 'thab rtsod dga' bar 'gyur/ /mur 'gram dag tu
chags

pa'i rta yang smad/ /gdong bar dbyig 'dra'i zhur chags dang/
/g.yon ngos che zhing cung zad dang/ /dbus na lcags sgrog 'dra
yod pa/ /rta de bde bar mi 'gyur ro/ /de yi bdag po thag pa'am/
/lcags sgrog gis ni bcing bar 'gyur/ /mtshan nyid de 'dras mi

'gor bar/ /de ni dgra bo'i dbang du 'gyur/ /'phred du zheng du
che ba'i zhur/ /nor brlag par ni ston pa yin/ /nag nog can gyi
zhur yod pa/ /bdag po'i nor nyi mnyams par byed/ /zhur ba yo dang
spub pa dang/ /chad pa'i zhur yang sdug bsngal skyed/ /

spang leb 'dra dang 'dres pa yi/ /zhur yod rta yang de dang 'dra/
/kha dog dkar la mdog gzhan gyi/ /zhur yod pa ni smad pa yin/
/nag pos bdag po mi bzad dug /reg pa'ang brlag par byed pa yin/
/gang zhig glog gi dbyibs 'dra dang/ /mdung thung gi ni

dbyibs 'dra ba'o/ /de bzhin mi snang gzhan dag dang/ /srab cing
gsal bar mi mdzon pa/ /des ni nor rnams brlag pa dang/ /'chi ba
nyid du 'gyur ba'o/ /mdongs kyi mtshan nyid gang yin pa/ /de dag
bshad do nyan par gyis/ /zla ba'am skar ma 'dra ba yi/ /

@192a @#/ /mdongs yod bdag po rgyal srid thob/ /bu dang tsha bo
'phel bar 'gyur/ /gang gi dga' ba 'khyil 'dra ba'i/ /rus sbal
padma'i dbyibs 'dra yi/ /mdongs yod bdag po nor mang rnyed/ /gang
zhig rgyal mtshan sogs dbyibs 'dra/ /mdongs

yod bdag po'i nor brgyan 'phel/ /bu dang tsha bo 'phel bar byed/
/nas 'bras 'dra yod tha snyad mkhas/ /gdu bu 'dra yod zas rnyed
'gyur/ /ba glang ra dang bya dang sbrul/ /rda mo yi ni dbyibs
'dra ba/ /mdongs de shis pa skal ba bzang/ /mi shis pa yang bshad

par bya/ /dpral bar bya rog rjes 'dra dang/ /ba glang lci ba'i
'bu 'dra dang/ /g.yon 'dug pa'am 'og na 'dug /gang zhig thur du
bltas pa yod/ /de yi bdag po sdug bsngal zhing/ /rta dang lhan
cig nyam nga thob/ /chad dang kha dog mi sdug dang/ /mi gsal

ba dang srab pa dang/ /'dres dang pags pa lta bu dang/ /gang zhig
dbyibs ni mi sdug dang/ /kha dog gzhan la gzhan pa dang/ /rtsub
dang btsog pa can rnams kyi/ /mdongs des nor rnams nges par 'jig
/rgyan mtshan la sogs mtshan ma nyon/ /mgo dang

rna ba mig rngog mtha'/ /rnga ma rkang pa lto dang rgyab/ /kha
dog steng du mdog gzhan gyi/ /mtshan ma yod par gyur ba'i rta/
/zhon na g.yul las pham par 'gyur/ /de bzhin skra mtshams gdong
dang tseg /ze'u dang ze'u mtha' an tong dang/ /smin ma

dang ni sna rtse gnyis/ /mchu ltag pho mtshan rnga ma dang/ /mdog
steng kha dog byung gyur pa/ /rta de rgyal mtshan can zhes bya/
/rgyal mtshan can de zhon nas ni/ /rgyal po g.yul 'jug dpung nyams
'gyur/ /sha li ho tra'i mdo'i gnas las zhur mdongs brtag

pa'i le'u ste bcu dgu pa'o// //sha li ho tra thub chen la/ /rgyal
po ne sha tras dris pa/ /rta la kha dog du ma yi/ /thig le rnams
ni mthong lags na/ /dge dang mi dge zhu 'tshal lo/ /drang srong
gis ni slar smras pa/ /gang zhig thig le'i mdog mi gsal/ /

@192b lus la skyes par gyur pa ni/ /phra zhing mi gsal ba yi
gzugs/ /de la thig le zhes bya'o/ /kha dog 'dra ba'i thig le ni/
/'jam pa nyid kyi mngon gyur cing/ /sbubs dang rtsub dang gsal ba
dang/ /spu 'dus gyur pa las kyang sngon/ /ji ltar mig 'bras nag

po'i dbus/ /mig gi rgyal mo snang ba ltar/ /logs shig gyur pa med
gyur cing/ /mdog mthun na yang mngon pa yin/ /mdog ni phan tshun
'dres pa las/ /thig le gzhan yang 'byung bar 'gyur/ /ji ltar
shing la me tog ltar/ /de ni gnas

dbyibs kha dog las/ /shis pa dang ni mi shis skyed/ /mdun so ya
mchu ma mchu la/ /snum zhing dkar ba'i kha dog snang/ /rmig pa
rnams la'ang de 'drar chags/ /mkhas pas des ni zhag bdun na/ /nor
thob ltas su shes par bya/ /che chung las kyi zla phyed

ni; /bdun nam zla ba bdun gyis thob/ /mchu sgros las ni thig le
chags/ /sas dang skom ni rnyed par bshad/ / kha 'gram go skor
byung na ni/ /de yis zas dang skom rnyed cing/ /bdag po bde dang
longs spyod thob/ /'di yis khyim ni 'phel 'gyur zhing/ /gter

thob par yang snang ba yin/ /shis pa bshad zin 'dres ma nyon/
/sna ru byung na mtshon gyis 'chi/ /mkhur bar byung na bu nges
'chi/ /dpral bar byung na nor thob 'gyur/ /dpral mtshams kyis ni
rgyal srid 'gyur/ /lkog mar byung na zas skom rnyed/ /

mur 'gram dag tu byung na phung/ /'chis sran byung na nyer 'tshe
byed/ /mur 'gram za yur byung de 'dra/ /rna ba g.yon pa'i g.yas
las 'pho/ /g.yas su byung na mdza' bo 'phel/ /ske mjing ltag pa
ze mchen du/ /byung na mtshon gyi 'thab mo 'ong/ /lkog

mar byung na rta bdag gis/ /chung ma dang ni bu rnyed 'gyur/
/phrag sor byung na bu rnyed do/ /rtsib logs byung na rang phyogs
'phel/ /pus mor byung na gnod pa skyed/ /dpung par byung na mdza'
dang phrad/ /g.yon logs kyis ni skrod par byed/ /lus kyi stod
smad du byung

@193a @#/ /na; /bdag po phrog par ston pa yin/ /mchan khung dku yi
gnas su byung/ /ltogs 'gyur ma mchur byung na 'chi/ /ya mchur
byung na mi 'chi la/ /mig tu byung na gos zas thob/ /ze ba ltag
dang ze'u dang/ /dpyi mgul brla ni phra mo dang/ /

rja ngar dang ni de mtshams su/ /byung na 'dir ni smad par bshad/
/ske rtsar byung na nor thob cing/ /rdog ltag gis ni rgyal srid
skyed/ /rgyu mtshams thig le nor rnyed la/ /snying gar byung na
gcod can 'gyur/ /rtsib logs g.yas byung bud med rnyed/ /mjug

dor byung na nor zad 'gyur/ /rgyur byung na ni skal ba bzang/
/rgyab tu byung na gnas rnams 'phel/ /ltor byung rtogs pa'i 'jigs
pa ste/ /rlig par byung na skal bzang rnyed/ /lte ba'i rtsa las
dmag dpon 'gyur/ /ong dor byung na chung ma 'phyo/ /rkub dang
rnga

ma'i rtsa bar byung/ /nor rnams thams cad brlag par 'gyur/ / pus
mor byung na 'chi ba skyed/ /lkog ma tshe'u pus lam 'gro ston/
/rmang kha'i thig les bu skye ston/ /spyi la bud med nyes pa
skyed/ /tshe'u tsher byung na gnod pa skyed/ /gang zhig brtan pa'i
gnas su

byung; /'dod pa thams cad skyed byed do/ /yan lag la byung don
kun 'grub/ /mdza' bo 'phel zhing dpal skyed la/ /rigs dang grags
pa 'phel bar byed/ /mdog dang rjes mthun mdog byung shis/ /mdog
gzhan shis pa ma yin no/ /ser po byung na

g.yul du 'jug/ /dkar po la yang de dang 'dra/ /nag po 'thab mo
skyed par byed/ /nag po byung na g.yul du 'chi/ /sdug dang mi
sdug pa dag gis/ /bdag po la ni 'jigs chen 'byung/ /thig le'i
steng du thig le byung/ /de yang rjes mthun mdog tu min/ /

des ni rgyal po brlag pa dang/ /yul 'khor dag kyang 'khrug par
ston/ /gang tshe rta ni dkar po la/ /thig le dkar po rnams gyur
na/ /de yi bdag po rtag tu bde/ /bu dang tsha bo rnam par 'phel/
/gang zhig rta ni dmar po la/ /thig le dmar po snang gyur na/ /

@193b bdag pos mi bzad dgra 'dul zhing/ /longs spyod chen po'ang
yun ring 'gyur/ /nad kyis thebs kyang myur du 'tsho/ /gang tshe rta
ni ser po la/ /thig le ser po snang gyur na/ /bdag po rigs btsun
nor mang 'phel/ /gang tshe rta ni nag po la/ /thig le nag po

snang gyur na/ /de yi bdag po mi bzad pa'i/ /nad kyis btab cing
myur du 'chi/ /gang tshe rta ni dkar po la/ /thig le dmar po snang
gyur na/ /bdag po myur du dgra yis gsod/ /thig le nag po byung ba
na/ /bdag po myur du 'chi 'am 'chi/ /rta dmar po la thig

le ser/ /mi snang dgra bo bdag po gsod/ /rta dmar thig le nag po
snang/ /de yi bdag po grags min pa'i/ /las kyis gsod par 'gyur ba
yin/ /rta nag thig le dkar po snang/ /bdag po grags thob g.yul
las rgyal/ /nag po dmar po'i thig le

snang; /bdag po g.yul du snyan grags thob/ /dkar la shin tu dkar
ba dang/ /snum zhing mnyam pa'i thig le snang/ /de yi bdag po
rgyal srid thob/ /de ni rgyal por 'gyur ba yin/ /bu dang tsha bo
rnam par 'phel/ /rgyal po dang ni yul 'khor shis/ /

dpung dang mdzod kyang 'phel bar 'gyur/ /thig le shes pa'i gzugs
ldan zhing/ /rjes su mthun pa'i mdog can la/ /snum zhing mdog ni
sdug pa dang/ /gnas las mdun du blta ba dang/ /de nir rnams rnyed
par 'gyur/ / go bzlog pa ni smad pa yin/ /thig le nas

'bras 'dra ba ni/ /bdag po bud dang phrad par 'gyur/ /kha dog sna
tshogs mar shas che/ /nor rnyed par ni ston pa yin /mdog mi sdug
cing 'thor ba dang/ /rtsub cing cha ni mi mnyam dang/ /dbyibs
ngan pa dang phra ba dang/ /de bzhin rgyab tu blta ba dang/ /mi
mthun

gnas dang mtshon chogs dang/ /mdog las mdog gzhan gyur pa rnams/
/des ni yul 'khor 'jog byed yin/ /rgyal srid nyams par byed pa
yin/ /rgyal po yi ni dpung rnams dang/ /mdzod dang bu ni 'joms pa
yin/ /thig le shis pa'i gnas byung yang/ /

@194a @#/ /gang zhig mtshams su skyes pa dang/ /snum mdangs chud
bar gyur pa rnams/ /smad pa yin zhes rnam par bstan/ /snum zhing
mdzes par gyur pa ni/ /shis pa thob pa kho nar bstan/ /de ltar
gnas dang gnas min par/ /skyes pa'i mtshan ma

kun bstan nas/ /'dir ni kha dog kun 'bras bu/ /'di ni rtse gcig
yid kyis zung/ /ji ltar gnas ni rnam pa bcur/ /mtshan nyid so sor
rnam par dbye/ /de bzhin thig le 'bras bu yang/ /ltas su gyur par
shes par bya/ /de bas gnas dang ltas rnams ni/ /mtshan

ma dag kyang gzung bar bya/ /de ltar thig le ma lus pa'i/ /mtshan
nyid ji bzhin smras pa yin/ /sha li ho tra'i mdo'i gnas las thig
le bzang ngan brtag pa'i le'u ste nyi shu ba'o/ / / /sha li ho
tra bder gnas la/ /legs thos kyis ni yang dris pa/

sha ra zhes bya'i khyad par zlog/ /dka' thub chen pos de gsugns
shig /dkar la mdog gzhan dang 'dres pa/ /sha ra zhes ni bya bar
bshad/ /gang zhig kho na gzhan gyis ni/ /kha dog dkar ba zil mnan
na/ /gnas dang grags pa gzhan dag gis/ /de yi

bdag po0 zil mnan 'gyur/ /'di yang gnas dang dbyibs dag ni/
/gzhan las 'bras bu gzhan du 'gyur/ /ra ba mda' yab 'dra ba dang/
/khang ba'i phyi sgo lta bu yi/ /rta la sha ra yod na ni/ /bdag
po sa la dbang byed 'gyur/ /gdengs ka sbrul 'khyil

shing 'dra dang/ /khyu mchog rus spal chu srin 'dra/ /sha ra rta
la yod na ni/ /bdag po shin tu phyug par 'gyur/ /kha bzang ri yi
rtse mo 'dra/ /ri mo gsal po yod pa'i rta/ /bdag po dbang phyug
ldan pa dang/ /rang dang gzhan nyid bkur bar 'gyur/ /chag

pa'i shing dang skra 'dra yod/ /bdag po la phan zad par 'gyur/
/rnga rtse dag tu byung na ni/ /bdag po'i 'ching ba 'phel bar
'gyur/ /gang zhig lte ba nas bzung nas/ /ro stod nyi ma shar kha
'dra/ /de bzhin ro smad cha dang ni/ /zla ba yi ni mdog 'dra ba/
/mdangs dang

@194b mdog ni phun tshogs pa/ /nyin mo g.yul las rgyal byed yin/
/de las go bzlog gyur pa dang/ /mtshan mo g.yul las rgyal byed
yin/ /gang gi lte ba nas bzung nas/ /ro stod mdangs snum dkar ba
la/ /ro stod mdangs snum nag po ni/ /de yang nyin mo rgyal byed

yin/ /de las go bzlog gyur te yang/ /mtshan mo rgyal bar byed pa
yin/ /cha ni 'di dag nyid kyis ni/ / g.yas dang g.yon du 'od
gzhan byung/ /nyin mo 'am ni mtshan mo dag/ /'thab pa'i tshe na
rgyal byed yin/ /g.yas phyogs kyi ni kha dog dang/ /ro

stod kyi ni mdog 'dra zhing/ /mdangs snum shis pa'i gzugs can ni/
/rta de bsngags par gyur pa yin/ /bum ze'am ni rgyal rigs las/
/gzhan gyis de thob mi rigs so/ /des ni dgra kun zad byed yin/
/chos dang 'dod pa'ang ster byed yin/ /gang

gi ro stod mdog nag cing/ /ro smad mdangs snum dkar pa ni/ /dgra
'joms mdza' bo 'phel byed de/ /de yang g.yul las rgyal byed yin/
/ro stod dung ltar dkar ba la/ /ro smad mdog zhan ldan pa yin/
/de la mdza' skyes zhes bya ste/ /rigs 'phel nyin

mo shis pa yin/ /par la ltar mchu dmar zhing/ /kha dang lce'u
chung dmar gyur pa/ /khyim du'ang shis par 'gyur ba dang/ /lam
du'ang phan pa skyed byed yin/ /gzhan yang de dang 'dra ba'i rta/
/mdog la spu ni srab ba dang/ /mdangs snum shis pa'i gzugs can

ni; /rta mchog de ni bsngags pa yin/ /gnag dang dmar dang ser po
la/ /zlum ris dkar pos brgyan pa'am/ /dkar la mdog gzhan gyis
brgyan pa'i/ /rta ni dpal skyed byed pa yin/ /sha li ho tra'i
mdo'i gnas las sha ra'i mdog gi khyad par zhes bya ba'i le'u

ste nyi shu rtsa gcig pa'o// //lha dang drang srong grub pa'i
pha/ /gtsang ma'i bdag nyid dbang po thul/ /rta yi tshe yi rig
byed mkhas/ /rta bres nas ni gnas pa la/ /ka ra ya nas rkang pa
la/ /legs par bzung nas tshig 'dri dris/ /rta yi shis dang mi

@195a @#/ /shis pa'i/ /mtshan nyid thams cad shes bya ba/ /so sor
rgyas pa dag tu ni/ /legs ldan gyi snyi sngar bshad na/ /'di dag
thams cad ma lus pa/ /bsres pa dag kyang rtogs par 'tshal/ /sha li
ho tras slar smras pa/ /mtshan

nyid thams cad phun sum tshogs/ /bsres pa'i mtshan nyid nyan par
gyis/ /nag po snum mdangs ldan pa la/ /kha dang rkan pa rdog ma
la/ /de bzhin mig dang brang rnams ni/ /gang zhig dkar por gyur
pa dag /rta de zho na na rgyal po ni/ /ma lus pa las rgyal

bar 'gyur/ /gang zhig rmig pa spu yis ni/ /kun nas khebs par
snang gyur pa/ /rta de g.yogs pa zhes bya ste/ /bdag po phun
tshogs 'phel byed yin/ /yal lag nyid lag la bsten nas/ /gang gi
mdangs ni shis pa yod/ / mthong na mig ni dga' byed

cing; /yid kyang mgu bar byed pa yin/ /rta ni kha dog gcig gyur
ba'i/ /lus dang ldan pa de yi bdag /'jig rten du ni 'gro kun la/
/srog 'dra bar ni sdug par 'gyur/ /'dzam bu smin pa lta bur
snang/ /gnag pa legs par bris pa 'dra/ /rta de rgyal

pos zhon pa ni/ /mi dbang ba yang dbang du 'gyur/ /shin tu dmar
zhing rab snum pa'i/ /rta ni gang zhig 'chang byed pa/ /de ni don
kun phun sum tshogs/ /g.yul ngo dag tu rgyal bar 'gyur/ /kun nag
bya rog 'dra ba 'am/ /ce spyang spyang khu'i mdog 'dra ba'i/ /

gang yang gra ma'i mdog 'dra ba/ /de ni g.yul du rgyal byed yin/
/rgyal gzhung bong bu 'dra ba yi/ /mdog gzhan gyi ni ri mo can/
/de ni gzhung thig yin zhes bya/ /rta de nor ni 'jig byed yin/
/gang zhig lus mdog ri dgas 'dra/ /rmig pa sor mo 'dra

bar skye/ /byi ba'i sder mo zhes bshad do/ /rta de mdzad dang
'bral byed yin/ /gzhung thig can dang mig mi sdug /de bzhin byi
ba'i sder mo can/ /mdog mi sdug pa'i rta mthong na/ /ring du
yongs su spad bar bya/ /rdza gyi chag pa'i mdog 'dra ba'i/ /thal
ba'i

@195b mdog dang byi la'i mdog /byi ba'i mdog dang mdog mi sdug
/de dag gis ni bdag po gsod/ /don grub pa la smad pa yin/ /du ba
du ba mig mdog 'dres/ /me tog kha se tA la'i mdog 'dra ba/ /rnga
ma rdog ma dmar ser yod/ /rta de rigs ni rlag byed yin/ /

gang gi rlig pa rmig pa dang/ /rnga ma mig dang rkan yang gnag
/de ni mjug gnag ces bya ste/ /rigs dang mdzod ni zad byed yin/
/phrag so rgyab dang ske rtsa dang/ /ong do dag tu ri dags ni/
/e na ya yi mdog ltar gnag /de ni g.yang gzhi can zhes bya/
/phrag

sos bu ni 'chi bar 'gyur/ /ske rtsas kha lo ba 'chi 'gyur/ /rgyab
kyis bdag po 'chi bar 'gyur/ /ong dos chung ma ngan spyod 'gyur/
/gang zhig stag 'dra'i ri mo yod/ /rta de blun po zhes bya ste/
/gser can zhes kyang de la bya/ /g.yul du bdag po gsod byed yin//

ro stod dam ni gzhan dag tu/ /ri dgas pags 'dra'i nag pos khyab/
/bdag po gsod cing kun gsod skyes/ /gang zhig mdangs dang bcas pa
yi/ /rkad lag gnyi gar shis pa yin /rkad lag gnyis ni dkar gyur
pa/ /mdangs dang bcas na de mi smad/ /lag pa

gcig dkar mdangs med pa/ /bdag po gsod byed g.yul du spang/
/rkang lag gnyis ni dkar gyur pa/ /g.yul du shis shing dpal skyed
min/ /rkang lag dkar ba'i 'bras bu ni/ /rgya cher da yis bshad
par bya/ /rta gang gis ni mdun rkang gi /g.yas pa dkar por

gyur pa ni/ /g.yul du don mi 'grub par byed/ /snga rkang g.yon pa
dkar gyur pa/ /dpung pa gnod pa skyed byed yin/ /phyi rkang gis
ni g.yas pa dkar/ /bdag po gsod par byed pa yin/ /g.yon pa dkar
bas g.yul du ni/ /zhon pa po dang bcas btson 'khyer/ /

snga rkang gnyis dang de bzhin du/ /phyi rkang gi ni g.yon pa
dkar/ /bdag po g.yul du mda' mdung gis/ /'chi bar byed pa nyid
yin no/ /snga rkang gnyis dang de bzhin du/ /phyi rkang g.yas pa
dkar gyur pa/ /g.yul du bdag po 'chi gyur nas/ /de yi rjes la
rang nyid 'chi/ /

@196a @#/ /snga rkang g.yon ba dkar gyur cing/ /phyi rkang gnyis
ka dkar gyur pa/ /rta de g.yul du 'jug gyur na/ /grogs dang bcas
pa 'chi bar 'gyur/ /snga rkang g.yas pa dkar gyur cing/ /phyi
rkang gnyis ka dkar na ni/ /rta de bdag po gsod byed

yin; /las rnams 'grub par mi 'gyur ro/ /de ltar mi shis bshad nas
ni/ /shis pa bshad kyis nyan par gyis/ /snga rkang g.yas pa dkar
gyur cing/ /phyi rkang g.yon pa dkar ba ni/ /thad kar dkar po
zhes bya ste/ /mdza' bshes nye du 'phel byed yin/ /

de bzhin cig shos gnyis dkar ba/ /mdza' bo 'phel bar byed pa yin/
/snga rkang gnyis ni dkar gyur na/ /nor dang bde dang dga' ba
skyed/ /phyi rkang gnyis ni dkar gyur pa/ /g.yul du dgra las
rgyal bar 'gyur/ /ngos gcig dkar bar gyur pa las/ /

g.yas pa dpung dang mdzod 'phel byed/ /g.yon pas skal ba bzang ba
dang/ /nor dang mdzod kyang 'phel bar byed/ /rkang pa bzhi char
dkar ba'i rta/ /rigs dang chos ni 'phel byed yin/ /chig grang man
chad rkang bzhi dkar/ /'bras bu chen po skyed ces bya/ /

ba spu'i mtha' ma rting pa'am/ /spyi bor gang zhig dkar gyur rta/
/de ni sngar bshad las khyad par/ /'bras bu chu dun skyed par
byed/ /pus mo'i bar du dkar ba'i rta/ /'bras bu gsal por 'byin
par 'gyur/ /rta ni kha dog gzhan yod pa/ /rkang pa lus

mdog mi mthun na/ /de yi 'bras bu sngar bshad pa'i/ /khyad par
bzhin du shes par bya/ /gang gi lag pa gnyis dkar zhing/ /rkang
pa gnyis ni gnag pa'am/ /dmar ba'i kha dog gzhan yod pa/ /de ni
nyin mo rgyal byed yin/ /de las bzlog par gyur pa

ni; /mtshan mo rgyal bar byed pa yin/ /gang zhig kha dog dmar po'i
rta/ /rkang pa sngo ser dkar dang gnag /yang na rmig pa sngo
ba'am/ /ser dang dmar dang dkar dang gnag /kha dog gnyis sam gsum
mam bzhi/ /mdog gang mdog rjes yod gyur pa/ /

@196b lha yi rta ni de 'dra 'byung/ /de yi rgyal po rgyal byed
cing/ /dgra rnams thul bar byed pa dang/ /g.yul du rtag tu shis
pa dang/ /nor dang bu dang tsha bor ldan/ /gang zhig skyes pa tshun
tshang ni/ /rnga rdog skye bar mi 'gyur ba/ /bdag po rigs ni brlag
byas nas/ /de yi

rjes la ngar nyid nyams/ /rmong kha yi ni g.yas g.yon na/ /ba yi
nu sor lta bu dag /yod pa de yis rgyal srid 'jig /ba glang rwa
'dra ru ru yi/ /rwa yi rtse'am pa nu 'dra/ /lci ba'i rtse mo lta
bu'am/ /de bzhin pags pa'i mdzer ba'i dbyibs/ /yang na bil ba lta

bu'am; /lag sor lta bu'i rwa dag ni/ /sbom po'am yang na phra mo
dag /ring dang thung dang rtsub dang ljang/ /sra dang snyi ba
gang yang rung/ /rna rtsa'am skra mtshams tha ma'am/ /dpral ba
yang na spyi bo'am/ /de las gzhan pa'i gnas dag tu/ /de las gzhan
pa'i dbyibs yod

pa; /gang byung de ni rwa can de/ /bdag po yul 'khor 'jig byed
yin/ /yul phyogs gang na rta de yod/ /yul de rlag par 'gyur pa
yin/ /des na de ni dgra bo yi/ /yul du bskyal la rjes zhi bya/
/rta ni gang gi ba la ni/ /sha khra yis ni kun du khyab/ /de
bzhin rkub dang rlig

pa dang/ /rna ba ngag dang mig tu byung/ /rta de sha khra can
zhes bya/ /mi shis sdig pa'i mtshan nyid can/ /rta bres su ni mi
gzhug cing/ /bkra shis 'dod pas reg mi bya/ /mig gi nyes pa bshad
bya yi/ /khyi mig dom dang byi ba'i mig /spal mig nor bu'i mig
'dra dang/ /byi ba

'ug pa nya mig can/ /phag dang khyu mchog lta bu'i mig /bya rog
lug dang khra mig can/ /khra yi mig can smad pa yin/ /mig yo mig
ni gdug pa dang/ /mig ser ba yang spang bar bya/ /des ni bdag po
mi bde zhing/ /rigs zad pa yang byed pa yin/ /g.yul du bdag

po pham dang gsod/ /rkan gyi mdog ni sna tshogs dang/ /dbyibs kyi
'bras bu nga yis bshad/ /ge sar nag po lta bu yi/ /thig le gang
la khyab gyur pa/ /des ni lam du nyon mongs 'gyur/ /rkan gyi
phyed ni dkar ba yis/ /nor zad ge sar lta bu yis/ /'gags

@197a @#/ /na mi shis gyur pa yin/ /rkan ni snum zhing zab pa
dang/ /dmar bar gyur na bsngags pa yin/ /shin tu dmar zhing cher
khyab la/ /rtsub mo med la'ang 'bras bu che/ /snum chung dmar
ba'i sha chung ba/ /'bras bu chung bar shes par bya/ /rkan

gyi kha dog 'bras bu dang/ /so yi 'bras bu nyid dang ni/ /mtshan
nyid gnas dang bzhi las brtag /rlig 'bras gcig pa bdag po gsod/
/rlig 'bras gsum pa bu gsod byed/ /rlig 'bras med pa bkra mi
shis/ /rlig 'bras dmar ser nor nyams byed/ /rlig

'bras shin tu 'phyang ba dang/ /g.yul du bdag po gsod par byed/
/rlig pa spu ni che ba 'am/ /yang na ser skyar gyur pa'am/ /de
bzhin zhu bar gyur pa yang/ /de yis bdag po gsod byed yin/ /kha
dog gzhan dang ldan pa la/ /pus mo gnyis ni nag gyur cing/ /

sre long nag por gyur pa ni/ /bdag po gsod byed shes par bya/
/lus kyi kha dog nyid las ni/ /rnga ma'i kha dog gzhan gyur pa/
/'bar ba'i rnga ma can zhes bya/ /rta de rtag tu spang bar bya/
/rnga ma'i rtse mo mdog gzhan gyur/ /yul 'khor yang ni rlag par
byed/ /rta ni

mdog dkar gyur pa la/ /nag po cung zad yod mi shis/ /rna ba dang
ni rngog ma nag /rnga rtse nag por gyur pa ni/ /de ni rna nag yin
zhes bya/ /las rnams kun la shis pa yin/ /g.yul dang lam zhugs
khal bkal ba/ /rgyal po'i 'dod pa kun sgrub yin/ /rnga ma

'bar ba zhes bya dang/ /rnga rtse nag pa ma gtogs pa/ /rta ni kha
dog nag pa la/ /dkar po cung zad yod pa shis/ /lham bu chu shel
mdog 'dra zhing/ /gang gi mgo ni dkar gyur pa/ /rta de dpal yon
can zhes bya/ /rgyal po rnam rgyal skyed byed yin/ /sha li ho

tra'i mdo'i gnas las 'dres pa'i le'u ste nyi shu rtsa gnyis
pa'o// //kha ba can gyis ri bo'i mchog /'byung khungs sna tshogs
kyis brgyan pa/ /shin tu mtho zhing rtse mo che/ /kun nas rlung
ni mi ldang zhing/ /rtse mo kha bas rnam par g.yogs/ /mi 'am ci
yi glu

@197b sgras khyab/ /bya rnams sna tshogs sgra 'byin cing/ /ri dags
sna tshogs rnams kyis mdzes/ /sna tshogs shing gis kun du khyab/
/mkha' la rgyu ba rtag tu dga'/ /rig 'dzin tshogs ni legs gnas
shing/ /dri za'i chogs kyis bsten par ni/ /sha li ho tra legs

gnas la/ /legs thos kyis ni yang dris pas/ /rgyal po'i bzhon par
'os pa'i rta/ /drang srong chen pos bdag la gsungs/ /rgyal po'i
rta ni ci lta bu/ /de yi nges pa bdag la gsungs/ /bu yis de skad
dris pa dang/ /sha li ho tras slar smras pa/ /yon tan skyon

dag rgyal po la/ /'jig rten 'byung ba ci 'dra bar/ /de ltar tha
ma mi rnams la/ /'byung mi 'byung bar gzhung las bshad/ /de bas
rgyal po'i bzhon pa yin/ /mtshan nyid 'bad pas brtag par bya/ /ci
nas nyes pa mi 'byung ba/ /rnam pa kun du bya ba yin/ /tshad dang
stobs dang

snying stobs gzi/ /stobs dang lus kyi me drod ldan/ /gtsug 'khyil
bzang zhing mdangs rab snang/ /'gros ni phun sum tshogs pa dang/
/skad bzang dri ni zhim pa dang/ /de bzhin skye gnas bzang ba
dang/ /rig ldan ngang tshul phun sum tshogs/ /dul zhing mthong na
dga' ba dang/ /

bad kan rang bzhin can mchog dang/ /de bzhin bzang po'i skye gnas
dang/ /smad pa'i mtshan nyid med gyur cing/ /kun nas rnam pa thams
cad du/ /mtshan nyid bzang po phun tshogs pa/ /rab tu 'bad de brtag
par bya/ /rgyal po'i bzhon par 'os pa'i rta/ /rgyal po'i

rta zhes bya bar bshad/ /gang zhig gzhan kun med pa yi/ /brtan
pa'i gtsug ni bcu dang ldan/ /rgyal po'i bzhon par 'os pa'i rta/
/ma li ka dang 'dra ba'i mig /mdog snum rab tu dkar ba'i rta/
/zla ba'i lha dang ldan pa yin/ /rgyal po de la zhon na ni/ /sa
steng

dbang du byad par 'gyur/ /ne tsho mdog can nyi ma'i rta/ /rgyal
po'i g.yul ngor zhon na ni/ /de yi don rnams 'grub 'gyur zhing/
/sa yang dbang du byed par 'gyur/ /de bzhin rgyal po'i mdog dmar
rta/ /rnam thos sras kyi lha can te/ /de la bzhon na sa rnams ni/
/ma

@198a @#/ /lus dbang byed the tshom med/ /sngo bsangs lha dbang rta
yin te/ /mdangs snum ldan la rgyal po ni/ /zhon na sa ni ma lus
las/ /rtag tu rgyal bar nges pa yin/ /gnag cing 'tsher ba'i mdangs
dang ldan/ /rta mchog de ni chu lha'i yin/ /de la zhon na rgyal

po ni/ /myur du nor dang 'bru 'phel 'gyur/ /mdog da/r rna ba sngo
ba dang/ /rdog ma dang ni da ma gnag /chu lha'i rta ni gnyis pa
ste/ /de rnyed pa ni ma lus 'thob/ /lha ma bu chu shes ltar snang
ba/ /rta ni nor lha'i yin par bshad/ /rgyal po de la zhon na ni/
/myur du nor mang

bdag por 'gyur/ /ba so'i mdog 'dra rnga ma gnag /kun nas mdangs
ni snum dang ldan/ /chos kyi lha des de zhon na/ /rgyal po mchod
sbyin byed par 'gyur/ /lung tang snum po dang 'dra ba/ /rta mchog
de ni gshin rje'i yin/ /rgyal po de la zhon gyur na/ /myur du
dgra kun

las rgyal 'gyur/ /rma bya'i mdangs dang 'dra ba yi/ /ri mos khyab
par gyur ba'i rta/ /sna tshogs lha'i yin te zhon na/ /'dod pa
thams cad thob par 'gyur/ /de bzhin ma rgad bcag pa yi/ /mdog
ltar shin tu dmar ba'i rta/ /khyab 'jug rta ste de zhon na/ /myur
du sa ni

dbang byed 'gyur/ /de bzhin gser dang 'dra ba la/ /'tsher bas rnam
par brgyan gyur pa/ /dbang phyug chen po'i rta zhon na/ /dgra
rnams dbang du 'gyur ba yin/ /de bzhin shel dang 'dra ba du/
/dang zhing mdangs bcas lus yod pa/ /rnyed na mchod sbyin dam pa
yi/ /skal

ba rnyed par 'gyur ba yin/ /gang zhig nag la mgo bo dang/ /rkang
pa bzhi ni dkar gyur pa/ /shes ldan rta de rnyed na ni/ /nad kyis
zil gnon mi 'gyur ro/ /lham bu chu shel 'dra ba la/ /sngar zhing
yan lag lnga dkar ba/ /rgyal po de la zhon na ni/ /phun sum tshogs
pa thams

cad thob/ /lus kyi mdog ni gzhan dra zhing/ /mtshan nyid thams cad
ldan pa yi/ /tha skar bu yi rta rnyed na/ /rta ni mang po rnyed
par 'gyur/ /dkar dang gnag pa'i tshul gyis khra/ /g.yas logs dkar
ba'i shas che la/ /g.yon pa khra bor gyur pa yi/ /rta ni khra bor
rnyed

@198b gyur na/ /rta de'i lha ni ngan spong ste/ /'dod pa thams
cad rab sgrub yin/ /lham bu chu shel 'dra'i mdog la/ /ne tsho'i
mdog 'dra'i 'khor ling can/ /drag po'i rta de rnyed na ni/ /'dod
pa thams cad thob par 'gyur/ /de lta bu yi rgyal ba'i rta/ /rgyal
po yi ni rtag tu bya/ /

de yi gnas ni rta gzhan dag /gang dang yang ni gcig mi bya/ /ngo
mtshar mdog dang ldan pa'i rta/ /dmong pas sa steng skyes pa yin/
/dri za'i bur ni shes kyis la/ /rab tu 'bad de bsnyen bkur bya/
/sha li ho tra'i mdo'i gnas las rgyal po'i bzhon pa'i rta'i mtshan

nyid brtag pa'i le'u ste nyi shu rtsa gsum pa'o// //de nas gzhan
yang bshad bya ba/ /rta yi mig gi mtshan nyid do/ /gang zhig bai
DUra-ya 'dra'i mdog /de bzhin shel gyi mdog 'dra dang/ /phug ron
gyi ni mig 'dra dang/ /ka la pingka'i mig 'dra dang/ /glang chen
ma

bya rnga mo dang/ /sreg pa'i mig dang 'dra ba dang/ /gser gyi
mdog dang 'dra ba nyid/ /de yi mig ni shes payin/ /skyon med pa
yi mig la ni/ /rdzi ma phra mos khyab pa dang/ /mig 'dras legs
shing ma snang la/ /thur du bltas par ma gyur pa/ /mdog ni bzang
po

dang ldan zhing/ /mig gi mdangs dang ldan pa'i rta/ /de ni g.yul
las rgyal byed pa'i/ /rgyal ba yi ni bzhon par 'gyur/ /yangs
shing snum la mnyam pa dang/ /me tog ma li ka 'dra dang/ /tha ma
ring mo yod gyur cing/ /dbus na yongs su mdzos pa dag /rta de ma

li ka'i mig can/ /mig zur cung zad gnag pa yin/ /de yis mdza' bo
'phel 'gyur zhing/ /rta dang mdzod kyang rgyas par 'gyur/ /dkar
ba'am mdog rjes dkar gyur la/ /mig la skyon med mthong mig nag
/rdzi ma mig dkyus nag gyur pa/ /gang la yod pa

der nor skyed/ /mig ni shel du 'dra ba la/ /rgyal mo'i rtsa ba
gnag gyur cing/ /mig gi rgyal mo rdul med pas/ /de ni shel mig
can zhes bya/ /mig dang lus kyi mdog 'dra ba/ /mig gi mdog can
zhes bya dge /kha dog lus dang tha dad kyang/ /gang gi mig

@199a @#/ /ni bzang gyur cing/ /mi sdug pa dang ma tshad med/ /de
ni mig bzang nor 'phel byed/ /kha dog lus dang tha dad cing/
/smad par bya ba'i mig yod pa/ /mig ngan pa yi rta gang yin/ /las
rnams kun la smad pa yin/ /de bas dbyibs

dang tshad ldan zhing/ /dpe dang legs par 'dra ba dang/ /rdzi ma'i
kha dog snum pa yi/ /mig gang yin pa de bsngags so/ /sha li ho
tra'i mdo'i gnas las mig brtag pa'i le'u ste nyi shu rtsa bzhi
'o// //bsgrub dang grub pa'i rig 'dzin gtso/ /drang srong

gzi brjed chen po la/ /yon tan des kyis yongs dris pa/ /rta so'i
rig byed mkhyen lags sam/ /de skad dris tshe drang srong mchog
/sha li ho tra'i slar smras pa/ /rta so'i rig byed shes lags so/
/bu khyod kyis ni nyan par gyis/ /mdun so thams cad thags

bzang snyoms/ /sra zhing mtshan ma rab tu gsal/ /snum pa'am sprang
rtsi'i mdog 'dra ba'i/ /rta yi so ni bsngags pa yin/ /mche ba so
dang mdog 'dra dang/ /'gram so rnams kyang de dang 'dra/ /so
rnams gting ring srab pa dang/ /ri mo phra zhing shin tu 'jam/
/gos

ba med cing rtsa ba yi/ /mdog dang kun du 'dra ba shis/ /mnyam
zhing yan lag rab tu 'byor/ /chu zheng tshad dang ldan pa dang/
/gzugs ni shin tu legs gyur ba'i/ /so ni bde ba skyed byed yin/
/so ni lhag pa yod pa'i rta/ /bdag po yul mi rnams la gnod/ /de

bzhin so ni ma tshang ba/ /bdag po chung mar bcas pa rlag /so yis
kha ni khengs gyur pa/ /rigs rlag byed pas spang bar byed/ /so
rtsa so dang bcas pa ni/ /mi shis pa yi gzugs ldan zhing/ /log
las byung bar gyur pa dag /gtsigs pa de ni rigs rlag byed/ /

rta yi so ni gnag gyur ba/ /bdag po'i nor ni rlag byed yin/ /mtho
dman khyer dang sbom phra khyer/ /de bzhin phred ni rnam par
spangs/ /mi mnyam med ces bya so de/ /bdag po'i bu ni gsod byed
yin/ /rtse mo nang du grub pa yi/ /so ni nor rnams 'jig byed yin//

@199b thams cad byung ba'i chag pa'am/ /gang zhig so ni sngon du
'dus/ /de ni shin tu nyes chen skyed/ /mdog dang dbyibs ni nya
phyis 'dra/ /so de nya phyis can zhes bya/ /nya phyis so can rta
yis ni/ /zas dang skom la gnod pa skyed/ /'og so shin tu gyes
gyur na/ /bdag

po ltogs pa'i 'jigs pa 'byung/ /ya so shin tu gyes gyur na/ /bdag
po dgra las pham par 'gyur/ /zur gsum rtse mo rno ba'i so/ /sga
dang nor ni 'phrog byed yin/ /sa dang bcas par skyes gyur na/ /de
ni thams cad zad byed yin/ /de dag las ni go bzlog

pa'i; /so bzang 'bras bu shis pa yin/ /mche ba dang ni 'gram so
yi/ /'bras bu de bzhin shes par gyis/ /sha li ho tra'i mdo'i gnas
las so brtag pa'i le'u ste nyi shu rtsa lnga pa'o// //me dang nyi
ma'i mdog 'dra ba/ /dka' thub can de sdig pa

med; /thub mchog sha li ho tra la/ /mdza' las rgyal gyis yang
dris pa/ /brtan pa'i gtsug ni dur shes bya/ /glo bur bas ni du
zhig yin/ /shes dang shes bya'i bdag po yis/ /gtsug rnams kyi ni
mtshan nyid ni/ /gang du ji ltar gnas pa yin/ /gtsug rnams

kyi ni dbyibs gyur pa/ /rnam pa dur ni 'gyur pa gsungs/ /gtsug gi
tshad ni ji tsam zhig /shes dang smad pa'i grangs ni du/ /thams
cad gnas las 'phro ba dang/ /g.yas pa dang ni g.yon pa dang/
/stabs ba dang ni sman pa yi/ /'bras bu 'od zer ci ltar

'gyur; /gzhan yang lus kyi mtshan nyid ni/ /brtan dang mi brtan ji
lta bu/ /lus las skyes pa'i gnas rnams ni/ /gnas kyi gang zhig
gnas skabs dang/ /rkan gyi kha dog bye brag gi /glo bur byung
ba'i 'bras bu dang/ /srab dang mthug pa'i spu rnams ni/ /

gtsug pa ji ltar 'byung ba lags/ /de skad thub mchog la dris tshe/
/sha li ho tra sa bu la smas/ /'di na brtan dang mi brtan dang/
/yan lag rnam pa brgyad yin la/ /'bras bu 'byung ba'i tshul gyis
ni/ /tshan nyid rab tu shes par bya/ /shis dang rma bya'i mtshan

@200a @#/ /nyid ni/ /thams cad lus la brten pa yin/ /lus las
'byung bar gyur pa ni/ /lus dang yan lag rnam pa gnyis/ /dge ba'i
gnas su shas pa'i gtsug /rgya che ba yi 'bras bu ster/ /mi shis
gnas ni ngan pa 'byung/ /shin tu mi shis skal

chen 'gyur/ /tshad dang ldan zhing gsal bar byung/ /mtshan nyid
ldan pa'i 'bras bu che/ /tshad mi ldan zhing mi gsal ba/ /de'i
'bras bu chung bar 'dod/ /gnas dang dbyibs kyi bye brag las/
/mtshan nyid 'bras bu chen por 'gyur/ /sor gnyis las lhag nya
phyis

te; /sor gnyis pa ni lhag ces bya/ /shing lham 'dra dang rkang
brgya ba/ /sor ni phyed dang gnyis pa yin/ /shing lham phyed ni
nas drug zheng/ /'dres pa sor ni brgyad pa yin/ /de yi cha gsum
phri ba ni/ /'khyil ba zhes ni bya bar bshad/ /bzhi cha phri bar
gyur pa ni/ /

kha 'bus pa zhes bya ba yin/ /de las lhag pa'am ma tshang pa'i/
/gtsug ni 'bras bu med pa yin/ /pags srab spu ni phra ba dang/
/lus kyi gsang ba'i gnas su byung/ /de ni ngo bo nyid kyis phra/
/tshad dang ldan rung mi ldan rung/ /'bras bu bcas par shes par
bya/ /

phra ba de dag gnod byed yin/ /yan lag brgyad pa'i mtshan nyid
kyis/ /shis dang mi shis 'og nas bshad/ /rta yi gnas bcu'i spu
tshogs la/ /bstan pa gang yin der shes bya/ /mchu sgros rdog mar
re re dang/ /gtsug dang brad la gnyis gnyis te/ /rgyu zhabs

rkub lhag gnyis gnyis te/ /bcu po de dag ldan par bshad/ /kun nas
rdzogs shing shin du gsal/ /btsug ni g.yas su 'khyil ba dang/
/chung ba ma yin che ba min/ /gser ltar mdangs snum 'od dang
bcas/ /dbyibs ni legs par skyes pa dag /las rnams

thams cad sgrub byed yin/ /legs thos the tshom skyes gyur nas/
/drang srong de la slar smras pa/ /ji ltar bcu po nyid ldan gyi/
/gzhan dag de ltar ma yin bshad/ /rta rnams skyes zin gyur nas
ni/ /gtsug de nam yang mi skye la/ /skyes pa 'jig par mi 'gyur
zhing/ /

@200b gnas las 'pho bar mi 'gyur ro/ /skyes tshe lhan cig skye bar
'gyur/ /de bas thams cad bstan pa yin/ /legs thos tshig ni thos pa
dang/ /de rjes drang srong gis smras pa/ /ji ltar phyogs der
skyes gyur pa/ /de ltar gzhan du ma yin pa/ /pha mar yod dang med
gyur kyang/ /cig

shos la ni dbang ba yin/ /phal tsher gnas bcur dbang gyur gyi/ /de
ltar gzhan du mi snang ngo/ /de bas bcu po bstan par bya/ /nges
pa nyid du zung bar gyis/ /'di dag la med nges 'byung ba/ /gzhan
dag de ltar min par bshad/ /brtan dang mi brtan gang yin kyang/
/'bras

bu rnam pa gnyis su bshad/ /gnas ni dgu bcu rtsa drug yin/
/dbyibs ni rgyal po nyid yin no/ /'dres dang kha 'bus 'khyil ba
dang/ rkang ba brgya dang lhag pa dang/ /shing lham dang 'dra
shin lham phyed /nya phyis 'dra ste rnam par brgyad/ /smad pa'am
bsngags pa'i gnas

dag gam/ /gnas su bstan dang ma bstan gang/ /gtsug 'khyil pa yi
dbyibs byung na/ /de ni rjes mthun 'bras bu skyes/ /'khyil ba chu
skor lta bu yin/ /nya phyis nya phyis dbyibs ltar 'ong/ /dbyibs
gcig gnyis sam mang por ni/ /du ma gang tshe 'dus gyur pa'i/ /

gtsug 'khyil de ni dres pa 'am/ /'dus pa zhes ni bya bar bshad/
/spu ni 'gro tshe me tog dag /kha 'bus ltar sang kha 'bus yin/
/bzlog pa ltar snang lhag pa yin/ /zlum po'am yang na zur bzhi
ni/ /shing lham dbyibs 'dra shing lham can/ /brang ba'am yang na
rting

pa'i gnas/ /byed 'dra shing lham phyed pa yin/ /me tog mgo lcogs
dbyibs 'dra ba/ /de ni rkang brgyad par shes bya/ /dbyibs las mi
mthun gyur pa ni/ /gzhan dag kyang ni snad mod kyi/ /de ni spu yi
'gyur ba yin/ /gnas las shis dang mi shis 'gyur/ /gtsug kyang

gnas dang dbyibs dang ni/ /mi shis mtshan nyid shes par bya/ /cha
dang 'phos dang 'thor ba dang/ /gtsug ni 'phred du 'byung ba
dang/ /lhag pa 'am chad par gyur pa'am/ /gang yang gnas las 'pho
'gyur pa'am/ /dbyibs ngan mdog ni mi sdug pa /brtan po rnams ni
mi snang

@201a @#/ /ba'am; /smad pa'i gnas su g.yas 'khyil dang/ /bsngags
pa'i gnas su g.yon 'khyil ba/ /mtshan nyid ngan pa yin zhes bya/
/des ni tshe thung skyed par byed/ /gtsug gi gnas ni dgu bcu drug
/yod pa bshad pa de rnams ni/ /shis dang smad par

bya ba ste/ /rnam pa gnyis su bsdu bar bya/ /de las gzhan ni nyi
shu zhig /shis pa yin par shes par bya/ /bdun cu rtsa drug smad
bya ste/ /de ltar dgu bcu rtsa drug yin/ /kha 'gram la gnyis
dbral bar bzhi/ /dpal mtshams la gcig kho na yin/ /rna rtsar

gnyis te lkog mar gcig/ /mgo bo'i mthar ni gnyis yin la/ /brang
du gsum ste dpung par gnyis/ /mid ba gcig ste de bzhin du/ /rgyu
dang long gu gnyis gnyis su/ /gtsug ni 'byung bar shes par bya/
/de ltar shis par gyur pa'i gnas/ /nyi shu yin

par rnam par bshad/ /gtsug ni 'di rnams gnyis la ni/ /sum cu rtsa
bdun grangs su 'gyur/ /mur 'gram mur gong mchi stan dang/ /mkhur
tshos sna phor smin ma dang/ /rna rtsa lce'u ldang rtsi'u chung
dang/ /mchan khung dgu dang 'gram sre long/ /sna rtse bus mo

mig 'bras gnyis/ /rtsi ba logs rkub tshos dag tu ni/ /gnas ni
gnyis gnyis dag tu gtsug /gnyis gnyis 'byung ba sum cu drug /sna
gdong mchu ltag srol mdud dang/ /dpung sna snying ga ze'u drug
mdo/ /lte ba rkub dang mjug srub dang/ /ya mchu ze'u ltag sga

'og ste/ /de ltar gnas ni de dag tu/ /gtsug ni bcu gsum 'byung ba
yin/ /tshe'u spu de bzhin tshigs grangs dang/ /tshe'u tshe gcig phra
mo yi/ /gnas ni bcu drug 'di dag tu/ /gtsug kyang bcu drug nyid
yin no/ /an dang ru dang ske ba'i rtsa/ /rmad kha rda mar gnas

gnyis gnyis/ /de ltar gnas brgyad ldan pa ru/ /gtsug ni rnam
pa'ang brgyad yin no/ /mchu sgros de yi so gnyis te/ /gnas kyi
gsum po 'di dag tu/ /gtsug ni gsum po 'byung ba yin/ /de phyir
dgu bcu drug gsal nas/ /de ltar bstan zhing dge ba dang/ /smad

@201b pa dag kyang bshad pa yin/ /gtsug rnams kyi ni khyad par
gyis/ /'bras bu 'byung ba mnyan par bgyi/ /ya mchur gnas pa'i
gtsug gis ni/ /bdag po'i blon po gsod par byed/ /mchu sgros steng
dang g.yas kyis ni/ /bdag po'i pha ni 'chi bar 'gyur/ /de yi
g.yon na

yod pas ni/ /zhon pa po yi ma 'chi byed/ /mchu ltas gong du gtsug
byung na/ /bdag po'i rigs dang bcas pa sreg /sna phor la ni g.yas
pa yis/ /'tsho ba'i sgo ni 'gag par byed/ /gang gi mkhur tshos
gnyis ka la/ /gtsug 'khyil ba ni snang gyur na/ /de yi

bdag po'i bu thu bo/ /rta yis za bar 'gyur ba yin/ /rta gdong
'gram dang sna gdong la/ /gang gi gtsug ni snang gyur ba/ /rta
de'i bdag po g.yul du ni/ /dgra bos gsong bar 'gyur ba yin/ /gang
gi rta la mchi stan du/ /gtsug 'khyil kha ni gnas gyur pa/ /gang
la

'di 'dra'i rta yod pa/ /de'i rigs rtag tu ngu bar 'gyur/ /gang gi
rta yi mu 'gram gnyis/ /gtsug ni gsal por snang gyur pa/ /de
lta'i gtsug can bcang gyur na/ /des ni rigs ni gnyis su 'gyes/
/gang gi gtsug gi smin ma yi/ /bar du gnas par snang gyur pa/ /

rta de khro gnyer can zhes bya/ /nye du mdza' bshes rnams la
gnod/ /gang gi mur gong gnyis su ni/ /gtsug ni re re snang gyur
pa/ /de yis rigs kun zad byed cing/ /bdag po'i phongs pa skyed
byed yin/ /'gram glang tse'u chung dag gam ni/ /tshe'u sbu'am ske
rtsa chig grang phra/ /

mchan gnyis dag tu gtsug 'khyil ba/ /spu ni g.yon du 'khyil gyur
na/ /de yis rta dang bdag po ni/ /mda' char gyis ni 'chi bar
'gyur/ /gang gi rta yi rna ba'i rtse/ /gnyi gar gtsug ni snang
gyur na/ /gsang 'phel ba yi nyes pa yis/ /de yi bdag po 'chi bar
'gyur/ /

gang gi rta la rna rtsa ru/ /gnas pa'i gtsug ni snang gyur dang/
/ze'u lhad la yod pa'i rta/ /bdag po'i don sgrub ma yin no/ /gang
gi rta yi srong gong dbus/ /gtsug 'khyil ba ni snang gyur pa/ /de
yi bdag po bza' ba dang/ /btung ba re ba 'grub mi 'gyur/ /an

@202a @#/ /dong ru ra ni gtsug 'khyil ba/ /rta ni gang la snang
gyur pa/ /bdag po'am bu'am 'dul sbyor mkhan/ /gang yang rung la
gnod sa skyed/ /sung gi ze'ur gtsug byung ba/ /rta de phongs pa
dang bcas par/ /bdag po'i rigs rgyud bcas brlag pa'am/ /rigs

kyi gtso la gnas gyur pa/ /rta dang nor ni drag byed cing/ /rgyal
po'i yul 'khor bcas 'chi dang/ /don kun 'jig cing 'dug bar na/
/skyes pa'i tshe ni nyid na bskrad/ /lag gis rig dang mig gis
mthong/ /thag ring du ni spa dpang bya/ /de ni dgra la sbyin

pa 'am; /gzhan gyi yul 'khor dag tu bsgyur/ /gang gi ze'u ltag
gtsug yod pa/ /de yi bdag po pa'am[?] ni/ /sems can mi sdug pas zos
shing/ /g.yul du dpung dang bcas par 'chi/ /sga 'og gtsug gis
bdag po 'chi/ /gsal shing bskyon te 'chi bar 'gyur/ /

nyen pas nyen cing nor brlag par ma/ /yang na mtshon gyis 'chi bar
byed/ /gang gi gtsug ni snying ga'am/ dpung sna dag tu yod gyur
pa/ /rta de bdag po 'khor bcas par/ /g.yul du 'chi bar byed pa
yin/ /pus mo'i gtsug gis g.yul du ni/ /'khrul zhing

dpung bcas dgra pos gsod/ /rgyal po rkun ma chad pa mes[?]/ /bdag
po'i rigs ni rlag par byed/ /gang gis chig grang gnyis la ni/
/gtsug ni gnas par snang gyur na/ /de yi bdag gnyen bcas pa/
/lcags sgrog gis nis ba'i bar 'gyus/ /gang gi tshe'u'i tshe

rnams su/ /gtsug 'khyil ba ni sna 'gyur pa/ /bcir dang gsod pa'i
sdug bsngal gyis/ /de yi bdag po rlag par 'gyur/ /mchan khung
gtsug ni yod pa'i rta/ /g.yul du myur du 'chi 'gyur zhing/ /de yi
bdag po dag kyang ni/ /bde dang ldan par mi gnas so/ /mchan

khung gcig gis nyes pa chung/ /gnyis kas[?] smad par gyur ba yin/
/rtsi ba logs gtsug gis bdag po ni/ /phyogs dang bcas par zad par
'gyur/ /lte bar gtsug ni 'khyil gyur pa/ /gang zhig gis ni rta la
snang/ /de yi bdag po rigs rgyud bcas/ /nad

@202b kyis yongs su gdungs par 'gyur/ /rmad khar gtsug ni yod
gyur pa'i/ /bdag po chung ma mi rigs spyod/ /rlig par gang gi
gtsug 'khyil ba/ /rta de'i bdag por gyur ba ni/ /bu mang tshe ni
thung gyur te/ /rta de blta na mi sdug yin/ /rta gang gi ni drug
mdo yi/ /

dbus na gtsug ni snang gyur pa/ /'dul spyod mkhan gyis de zhon
te/ /gal te g.yul du 'jug gyur na/ /rta de nyid dang lhan cig tu/
/zug rdu yis ni 'chi bar byed/ rda rtsar gang gi rta la ni/
/gtsug 'khyil bad yod gyur pa/ /'di ni rtsag nas 'jig byed

yin; /bdag po'i sgo ba sdug par byed/ /rkub kyi phyogs dang spu
dag dang/ /'breg la gnas par gyur pa ni/ /bdag po'i lto ba'i nad
skyed cing/ /gar yang bde bar si 'gyur ro/ /rkub tshos rkub kyi
steng dag tu/ /gang gi gtsug ni snang gyur pa/ /de ni rtug

'brul zhes bya ste/ /bdag po'i rigs ni rlag byed yin/ /sre long
bar ni gtsug 'khyil ba'i/ /rta ni rtag tu lam 'jug 'gyur/ /bdag
po g.yog dang bcas pa ni/ /mtshon gyis 'chi ba nyid du 'gyur/
/chig grang gtsug la sogs pa yi/ /bshad 'bras phy

rgad la yang sbyar/ /de ltar mi shis bshad pa ni/ /shis ba dag
kyang bshad par bya/ /gang gi kha 'gram dag tu gtsug /gsal ba'am
nya phyis dbyibs 'dra gnas/ /rta mchog de yi bdag po ni/ /zas
thob don rnams 'grub par 'gyur/ /dpral bar gang gi

gtsug 'khyil pa/ /g.yas su 'khyil ba gnyis yod pa/ /de yi bdag po
g.yul du ni/ /rgyal zhing bu tsha rnam par 'phel/ /gang gi gtsug
ni dpral ba na/ /mi mnyam gsum ni yod gyur pa/ /rgyal rigs kyi ni
de dang rnyed/ /dgra bo'i sa la dbang byed 'gyur/ /mchod

sbyin legs par byed pa dang/ /rgyal chen yon kun gtong bar 'gyur/
/gang gi dbral bar gtsug 'khyil gsum/ /gong nas gong du brtsegs
pa ni/ /g.yon du mi 'khyil mnyam zlum yod/ /de ni rta yi rin chen
yin/ /des ni rgyal pos steng du/ /dgra rnams las

@203a @#/ /ni nges par 'gyur/ /gang gi dpral bar gtsug dag ni/
/phyogs bzhir bzhi ni yod gyur pa/ /gang la de 'dra'i rta yod pa/
/de ni myur dus bdag 'gyur/ /g.yul du rtag tu rgyal ba dang/ /nor
ldan bu dang tsha bo 'phel/ /rin chen tshogs kyang rnam

par 'phel/ /dgra rnams kyi ni spyi bor gnas/ /gang gi dpral
'tshams gtsug g.yas 'khyil/ /kha 'bus pa'am 'khyil ba yod/ /de ni
lhan cig g.yul zhugs na/ /dgra las rgyal te bzlog par 'gyur/ /rna
rtse kho nar gtsug 'khyil ba/ /rta ni gang la yod gyur

pa; /de ni gos pa zhes bya ste/ /bdag po'i mchod sbyin 'phel byed
yin/ /lkog ma ru ni gnas pa'i gtsug /g.yas su 'khyil zhing rab
gsal yod/ /lha yi nor bu zhes de bya/ /'dod pa'i don kun sgrub
byed yin/ /mgul ba skye ba kha ru ni/ /nya phyis 'dra ba'i gtsug

yod pa/ /yid du 'ong ba zhes bya ste/ /rta de dgra bo 'jig byed
yin/ /gang gi rdog mthar nya phyis 'dra'i/ /gtsug 'khyil gsal
zhing g.yas su 'khyil/ /rgyal rigs kyi ni de 'dra ba/ /rnyed na
dgra bo'i spyi bor gnas/ /gang gi brang la legs gnas pa'i/ /gtsug

ni gsum po g.yas 'khyil zhing/ /gsal zhing nya byis dbyibs 'dra
ba/ /spu ni gyen du bltas ba snang/ /des ni g.yul du dgra bsad
nas/ /bde bar ldog par 'gyur ba yin/ /gang la brang la gtsug bzhi
ni/ /g.yas su 'khyil pa yod pa dang/ /de bzhin ying 'ong gtsug

yod pa/ /de ni dbal gyi shing zhes bya/ /dpal shing zhes bya 'di
nyid ni/ /don sgrub byed pa'i rta yin te/ /de yis g.yul las rgyal
ba dang/ /bu dang tsha bo 'phel bar 'gyur/ /dpung ba la ni gtsug
yod cing/ /de yang nya phyis dbyibs 'dra ba/ /de ni dpung rgyan
can

zhes bya/ /bdag po'i 'dod pa ster byed yin/ /rgyu yi ltag na gang
gi gtsug /g.yas su 'khyil pa yod gyur pa/ /de ni 'og bag can zhes
bya/ /'bru dang nor rnams 'phel byed yin/ /nor gyis tshims par
byas nas ni/ /bu dang tsha bo 'phel bar byed/ /dpal shing padma
g.yung

@203b drung dang/ /sA lu dbyig pa rgyal mtshan dang/ /dga' ba
'khyil dang 'khor lo gshol/ /dur dang rdo rje ral gri gzhu/ /nya
dang zla ba zla phyed dam/ /dar dang de bzhin gtun shing 'dra/
/mtshan ma de 'dra ba gsal ba'i/ /gtsug 'khyil rta ni gang dag gi/
/brang ngam 'phral bar

yod gyur pa'i/ /rgyal po de ni rgyal srid brtan/ /de ltar smad
dang shis pa yi/ /gtsug ni yang dag bshad pa yin/ /gtsug las lhag
pa'i spu yod pa/ /bdag po'i nor dang 'bru skyed byed/ /sngar
bshad pa ni snang gyur na/ /gnas la sa 'bras bu 'byin pa yin/
/legs thos

the tshom gyur pa yis/ /slar yang pha la smras pa ni/ /yan lag
brgyad po 'di dag las/ /'bras bu sna tshogs 'byung 'gyur pa/
/rgyal po'i 'bras bu byed pa ni/ /rta yi lus la brten pa mthong/
/gal te rta las dge mi dge /'bras bu rgyal pos thob gyur na/
/rgyal po de

yi rang lus las/ /byung ba'i mtshan nyid don ma mchis/ /bu yis de
skad smras pa dang/ /sha li ho tras slar smras pa/ /dka' thub can
gyi drang srong gis/ /rgyal po'i mtshan ma gang mtho ba/ /de yi
'bras bu gsal bar ni/ /rta yi mtshan nyid kyis ston 'gyur/ /bdag

po bsod nams can la ni/ /mtshan nyid bzang po 'byung bar 'gyur/
/bdag po smad par bya ba la/ /rta yang smad par skye bar 'gyur/
/rgyal po 'dren ma'i la sa can la/ /rta yang mtshan nyid 'dren mar
'byung/ /tshe ni gnas dang 'brel ba las/ /gnas skabs ji bzhin

'byung bar 'gyur/ /rkan gyi mdog ni 'dren ma yis/ /le'u'i nang du
sngar bshad zin/ /glo bur ba yi 'bras bus ni/ /ltas ni le'u nang
nas ston/ /de ltar gtsug kun shis mi shis/ /brtan dang brtan min
mtshan nyid ni/ /ji ltar dris pa ma lus par/ /da yis

legs par bshad pa yin/ /sha li ho tra'i mdo'i gnas las gtsug
bstan pa zhes bya ba'i le'u ste nyi shu rtsa drug pa'o// //legs
thos la sogs bu kun dang/ /gcer bu rgyal tshogs slob ma rnams/ /na
tshod shes la mtshar skyes nas/ /pha la de rnams kyis

@204a @#/ /dris pa/ /rta yi na tshod ji ltar shes/ /'di yi tshe ni
ji ltar bshad/ /so rnams su ni mtshan ma dang/ /pags pa spu ni ji
ltar 'gyur/ /na tshod gnas su phyin ma phyin/ /ci ltar shes par
gyur pa lags/ /gang gis na tshod shes

'gyur ba'i/ /mtshan ma ji ltar shes par gyis/ /de skad dris tshe
drang srong mchog /de nyid shes par slar smras pa/ /rta yin tshod
shes pa ni/ /mtshan ma las kyis gnyer rnyed 'gyur/ /la la gzhon
pa'ang rgas 'dra dang/ /rgas pa 'ang gzhon pa'i tshul du snang//

de bas rta las kha cig ni/ /shin tu rmongs par byed pa yin/ /dus
ni brtag cing bsam mi khyab/ /'jig rten thams cad ma lus khyab/
/nyin mtshan dang ni zla ba dang/ /lo dang dus drug bcas par ni/
/dus kyi mtshan nyid ldan pa rung/ /dus 'di shes par

bya ba yin/ /gang gi so sogs la rim bzhin/ /dus ni dus kyi grangs
su 'gro/ /dus las mtshan ma gsal gyur la/ /mtshan ma las kyang dus
shes bya/ /rta ni skyes nas du lon pa/ /mtshan ma las ni shes par
bya/ /mkhas pas mtshan ma bstan nas ni/ /

legs par shes nas bstan par bya/ /legs par brtag par gyur pa yis/
/gzung ba de ni de bzhin yin/ /myur bar bltas pas ma shes pa/ /de
ni log par 'dzin par 'gyur/ /legs bltas ma rmongs par gyur pa/
/mtshan ma dus ni ston pa yin/ /de las 'bad

cing mkhas pa dang/ /bstan bcos don mthong yang dag shes/ /mtshan
ma shin tu nges brtags la/ /dogs pa med par bstan par bya/ /mdun
so steng dang 'og dag la/ /skyes pa drug drug yin zhes bya/ /de
nas rta yi mche ba ni/ /steng 'og gnyis la bzhi yod

de; /'gram so steng dang 'og gnyis na/ /nyi shu rtsa bzhi yod pa
yin/ /de ltar so bsdus kun gyi spyi/ /bzhi bcu yod par shes par
bya/ /mdun so'i 'og ma ci lta bar/ /steng so de ltar mi mngon te/
/rta yi so la mtshan ma ni/ /me long gzugs brnyen lta bur

@204b mngon; /zla ba'i rim gyis skyes pa yi/ /mtshan ma lo gcig
yin par 'dod/ /lo gnyis nas ni go rims bzhin/ /so so'i kha dog
las shes bya/ /de nas lo gsum nas brtsams te/ /so 'byung bar ni
'dod pa yin/ /lo lnga'i bar du so dag ni/ /'byung

zhing skye bar shes par bya/ /de yi rjes la so ris kyi/ /cha nas
na tshod shes par bya/ /gnag dang ser dang dkar ba dang/ /mching
bu sbrang bu'i mdog 'dra dang/ /dung dang gtun gyi dbyi bas 'dra
dang/ /de nas so ni 'gul ba dang/ /de rjes de ni 'byung ba ste/ /

'di ni mtshan ma bsdus pa yin/ /mtshan ma rnams ni go rims bzhin/
/re re las ni rab bshad bya/ /de las thog mar zla re ni/ /lon
pa'i mtshan nyid shes par bya/ /rnga rdog phags pa shin tu phra/
/yan lag dang ni rmig pa mnyen/ /drang la ba

mtho dman khyer ba dang/ /lus gug rtsol ba chung ba dang/ /mdun
so'i dbus ma gnyis zlum pa'i/ /rte'u zla gcig lon zhes bya/ /lus
kyi tshul ni mdzos pa dang/ /mdun so gnyis ni gsal bar gnas/
/dregs pas 'gro ba'i tshul can dag /de ni zla ba

gnyis lon yin/ /sha ni rgyas shing 'byes pa dang/ /sra zhing
brtan par gnas pa dang/ /mdun so dag ni rno ba dang/ /spu ni
rtsub par skye ba dag /rta la mkhas pas rte'u ni/ /zla gsum lon
bar shes par bya/ /skyes pa'i spu ni byi ba dang/ /mdun so

gnyis ni rdzogs pa yi/ /rte'u zla ba bzhi lon par/ /mkhas pa
rnams kyis shes par bya/ /mdun so gnyis ni rdzogs pa dang/ /bar
ma dag kyang skye ba yi/ /rte'u gang yin de nyid ni/ /zla lnga
lon par shes par bya/ /gang tshe ri mo dung mar 'dra/ /

shin tu phra bar snang gyur pa/ /mdun so la ni yod gyur cing/ /so
mtha' las ni gyen du 'greng/ /de tshe rte'u zla drug par/ /the
tshom med par shes par bya/ /spu ni mi mnyam gyur pa dang/ /mdun
so bar mar ri mo snang/ /lus dang rmig pa brtan gyur cing/

@205a @#/ /kun nas 'grim par gyur pa dang/ /mdun so tha ma rtol
gyur pa/ /de tshe zla ba bdun pa yin/ /mdun so rdzogs par gyur pa
dang/ /'gram so cung zad skye ba dang/ /rnga ma'i tshogs kyang
legs skyes pa/ /zla ba brgyad par shes par bya/ /mdun so bar

ma legs rdzogs shing/ /der yang ri mo snang gyur la/ /rdog ma'am
mi mnyam par snang la/ /de tshe zla ba dgu pa yin/ /rdog ma'ang
rnam par gyes pa dang/ /mdun so bar ma'ang dkar ba dag /gang yin
de ni mkhas pa yis/ /skyes nas zla bcu lon zhes bya/ /

'gram so rdzogs par gyur pa dang/ /rlig pa dag kyang 'phyang bdag
/de lta bu yi rte'u yis/ /zla ba bcu gcig lon zhes bya/ /gang gi
so ni thams cad kyang/ /dkar ba nyid du snang ba dang/ /ba spu
'jam zhing ring ba yis/ /lus la khyab par gyur pa yi/ /rte'u

mtshan ma 'di dag gis/ /lo gcig len par shes par bya/ /gang tshe so
ni mdog ser zhing/ /dud mar dag tu 'ang snang gyur pa/ /rdog ma
dang ni rnga ma ring/ /spu yang 'byi bar 'gyur ba dang/ /gnyid
kyang che bar snang ba dang/ /grags pa gzi mdangs 'phel 'gyur

ba; /mtshan ma 'di dag ldan pa yi/ /rta ni lo gnyis lon zhes bya/
/lo gnyis gsum mam de bzhin du/ /bzhi 'am yang na lnga yi tshe/
/mche ba bzhi ni skye 'gyur te/ /'di la nges pa mi snang ngo/
/rte'u lo gnyis lon pa la/ /rlig pa'i 'bras bu gcig snang

ste; /gnyis nas lda na mnyam gyur te/ /gzhan du mi shes pa nyid
yin/ /rlig pa dag ni gnyis ka yang/ /gang zhig mir skyes de go
bzlog /rang bzhin rdzogs par gyur pa na/ /rlig pa rang gi gnas su
phyi na/ /bu skyed par yang 'gyur ba dang/ /lam du 'gro ba'ang de
sran

thub; /don kun yang dag sgrub byed cing/ /nor dang dga' dang bde
'thob byad/ /mche ba skye ba'i dus dag gi/ /bya ba 'di ni khyed
la bshad/ /de yan chad ni mche ba dang/ /rlig pa rta la mi
skye'o/ /lo gsum pa la mdun so gnyis/ /lo bzhi pa la bar ma ste/
/lnga pa la

@205b ni tha ma dag /'byung zhing skye bar 'gyur ba yin/ /phyed
dang gsum na mdun so ni/ /gnyis 'byung bar ni nges pa yin/ /de
skyes yongs su rdzogs pa ni/ /lo gsum par ni shes par bya/ /phyed
dang bzhin de yi ni/ /bar ma 'byung bar shes pa yin/ /de nyid
skyes par gyur

pa ni/ /lo bzhi par ni shes par bya/ /phyed dang ldan mdun so yi/
/tha ma dag ni 'byung bar 'gyur/ /de nas tha ma skyes gyur pa/
/lo lnga par ni de shes bya/ /so 'byung ba dang skyes gyur kun/
/rdzogs pa'i rta ni lo lnga pa/ /gzhon pa las ni de 'das shing/
/mchog tu

lus ni rgyas pa dang/ /pags pa rnga rngog sdug pa dang/ /dbang po
dang zhing dga' ba dang/ /nus pa thob par 'gyur ba dang/ /dar la
bab pa gnas gyur cing/ /khu ba 'byung bar 'gyur ba dang/ /skad
kyang longs su brjes 'gyur te/ /ji ltar skyes pa lo bcu drug /lo
lnga pa

yi rta de 'dra/ /de tshe dar la bab ces bya/ /las rnams kun ni nus
par 'gyur/ /de rjes du ni the tshom dag /skyes par gyur bas dri ba
dris/ /so ni mi 'byung bar shes na/ /ji ltar 'byung zhing skye ba
lags/ /de ni bdag la bshad pa'i rigs/ /drang srong gis yang

slar smras pa/ /dper na 'bras bu skye ba na/ /me tog lung las
chad par 'gyur/ /de bzhin so ni skye gyur pa/ /g.yo zhing 'byung
bar 'gyur ba yin/ /gang zhig gzhan par gyur pa'i mo/ /ltung ba
skye ba lhan cig pa/ /de ni go rims ji bzhin du/ /thams cad

da yis bstan par bya/ /'o ma 'byung ba'i so srab cing/ /thung
zhing 'jam la mi mnyam lhod/ /rtsa ba phra zhing rtse mo spom/
/ma so rtse mo zlum pa dang/ /de bzhin kha dog nag nog can/ /so
rten chung zhing snyi ba dang/ /so rtse'i mo nag po dang/ /nag
nog can gyis mtshon

pa yin/ /'di ni dang por skyes pa yi/ /so yi mtshan nyid gyur pa
yin/ /rtse mo rno zhing rtsa ba spo ma/ /legs gnas so dkyus mnyam
pa dang/ /dkar zhing snum la ring ba dang/ /sra zhing thags ni
bzang ba dang/ /steng mi rkyod zhing de bzhin dbus/ /gsal bar

@206a @#/ /skyes pa de 'dra'i so/ /rim gyis yongs su rdzogs gyur
pa/ /nas dang 'bru ni za bar nus/ /de ltar 'byung dang skyes pa'i
so/ /rang gi mtshan nyid shes par bya/ /nag po mdun sor chags po
drug /bdun pa la ni bar ma dang/ /brgyad pa la ni tha ma ru/
/chags

pa yin par mngon par bstan/ /ser po dgu par mdun so ste/ /bcu pa
la ni bar ma de/ /lo ni bcu gcig lon pa la/ /tha mar de ni chags
par bstan/ /dkar po la ni bcu gnyis na/ /mdun so bar mar bcu gsum
na/ /tha mar lo ni bcu bzhi na/ /gnas par de

ni bstan pa yin/ /mching bu lo ni bco lnga na/ /mdun so dag la
gnas pa yin/ /bcu drug par ni bar ma la/ /bcu bdun par ni tha mar
'gro/ /sbrang ma dog lo ni bco brgyad na/ /mdun so bar ma bcu dgu
na/ /nyi shu tshe na tha ma ru/ /de ni gnas par 'gyur ba

yin; /dung 'dra nyi shu rtsa gcig na/ /mdun sor nyi shu gnyis na
dbus/ /nyi shu gsum na tha ma ru/ /de ni gnas par rab tu bshad/
/gtun 'dra nyi shu rtsa bzhi na/ /mdun sor rtsa lnga'i tshe na
dbus/ /tha ma dag dang ldan par ni/ /lo ni nyi shu drug na
'byung/ /

nyi shu rtsa bdun la mdun so/ /rtsa brgyad pa la bar na ste/ /nyi
shu dgu la tha ma dag /yongs su 'gul bar 'gyur ba yin/ /lo sum cu
na mdun so ste/ /sum cu gcig na bar ma yin/ /sum cu gnyis na tha
ma ni/ /'byung ba 'di ni the tshom med/ /de nas gnas kyi dbye ba

yis; /mtshan ma rnams ni shes par gyis/ /snying po cha yi phyi rol
gnas/ /so yi rtse mor mngon gnas yin/ /gnag dang ser dang dkar po
las/ /dkar po yin na mthil dbus skye/ /rta yi so rtsar chags pa
ni/ /nye ba'i lus zhes bya ba yin/ /mching bu sprang bu du

mdog 'dra/ /thel gyis dbus la brten pa yi/ /nang gi snying po'i
cha nas ni/ /so rtse'i bar du brten pa yin/ /gtun 'dra so rten
dag las ni/ /brtsams te skye ba yin par bshad/ /de ni 'jong dang
zur bzhi dang/ /shin tu zlum pa'i khyad par gyi/ /rma 'dra dang
ni bcas

@206b mtshan ma/ /dbyibs ni rnam pa gsum du 'gyur/ /sbrang bu'i
mdog can gru bzhir 'gyur/ /ma ching bu nyid ni 'jod par gnas/
/dung dang gtun 'dra nyid dag ni/ /shin tu zlum por gnas pa yin/
/rta rnams kyi ni so la mtshon/ /ngo bo nyid kyi chags pa yin/
/dper na shing

las skyes lo ma/ /gzhon tshe dmar por gnas pa yin/ /rgyas pa'i tshe
na sngon por 'gyur/ /de yi rjes la ser po ste/ /skams shing mi
sdug gyur pa na/ /smin cing lhung bar gyur pa yin/ /de bzhin rta
yi so dag gi /tshon ni rim gyis yal ba yin/ /de las gzhan yang

mtshan ma ni/ /so so zhing gi rab sbyar bya/ /la la lung tang mdog
can la/ /gzhi gcig 'dzam bu'i 'bras bu mdog /kha cig lcags ni
bcag pa 'dra/ /la la dngul rdo 'dra ba ni/ /nag po drug nas dgu
yi bar/ /ri mo so la gnas pa yin/ /de tshe nyams dga'

stobs ldan zhing/ /sha ni rgyas par gyur pa dang/ /rnga ma dang
ni rngog ma snum/ /spu mdog shin tu gsal ba dang/ /ma zhum mtsher
zhing 'gros bzang dang/ /mthong na dga' ba nyid du ni/ /shugs
dang spro bar ldan pa dang/ /grim zhing lang tsho dag la gnas/
/padma'i ge

sar 'dra ba'am/ /gser ram sbrang rtsi'i mdog 'dra na/ /ba ser ba
lang sprang bu yi/ /mdog 'dra de yi dbus na ni/ /grog ma'i dbyibs
'dra chags pa dang/ /'dam bu'i shun pa'i mdog 'dra ba'am/ /cung
zad sngo zhing ser ba ni/ /ring por so yi ngos la chags/ /

ser po mdun so la sogs par/ /de ltar dgu pa yan chad nas/ /ser
po'i mtshan ma ldan pa'i rta/ /sha yis rgyas shing stobs dang
ldan/ /mdangs ldan de bzhin kha dog bzang/ /brtan zhing dga' bar
byed pa yin/ /'bras ni grus pa lta bu dang/ /de bzhin

mu tig mdog can la/ /thil dang dbus ni mnyam zhing zlum/ /de
bzhin zho yi mdog can du/ /dkar po rnam pa tha dad par/ /bcu
gnyis sogs par mdun sor gnas/ /dkar po'i mtshan mar ldan pa la/
/phyi rol mtshan ma 'di 'byung ste/ /bgas pa sha ni

@207a @#/ /lhod pa dang/ /stobs ni yongs su bri ba dang/ /kha dog
dag kyar nyams pa dang/ /dpral ba ser bar 'gyur ba dang/ /lus kyi
stobs dang mgyogs pa dang/ /spro ba dag ni 'bri bar 'gyur/ /brang
gi stobs ni zad pa'i phyir/ /phrag sor gnyer ma 'byung

bar 'gyur/ /kha cig yungs kar dkar 'dra dang/ /la la sbrang rtsi
'dra ba dang/ /kha cig mching bu nag po 'dra/ /dmar zhing zlum
pa'i thig le chags/ /mching bu mdun so la sogs bar/ /bco lnga yan
chad 'byung ba yin/ /mig dang phrag so 'phral ba dang/ /rgyu dang
mchan

khung dag dang ni/ /rnga rtsa'i gnas ni gang yin par/ /spu dkar
gnyer ma 'byung bar 'gyur/ /rta yi spyod pa 'khrig pa dang/ /'dre
bdag kyang spong byed cing/ /'gros dang skad kyang chur ba dang/
/nyam nga'am lam du bub par ni/ /lo ni bcu bdun pa dag la/ /phyi
rol mtshan ma

'di dag 'byung/ /ser dang nag dang dmar ba 'am/ /sbrang bu'i
dbyibs 'drar sbrang bu'i mdog /bco brgyad nas ni nyi shu'i bar/
/rta la 'di 'dra 'byung bar 'gyur/ /de la gnyer ma spu dkar ni/
/slar yang 'phel bar 'gyur ba dang/ /rta yi spyod pa 'khrig pa
dang/ /'dra ba'ang

rnam par 'dor bar 'gyur/ /dud ni dung gi mdog 'dra bar/ /mkhas pa
rnams kyis shes bya ste/ /zlum dang zla ba phyed 'dra bar/ /so yo
so la 'phred du chags/ /rta de nyi shu rtsa gcig nas/ /rtsa gsum
pa yi bar yin no/ /de ni lpags mthug mdog 'gyur zhing/ /

mnyam po nyam chung reg na rtsub/ /gnyer ma dang ni spu dkar
skye/ /rna ba dang ni mjug ma lhong/ /nyi shu rtsa gsum pa yi
rta/ /'di 'drar 'gyur bar shes par gyis/ /so yi dbus su bug gang
'byung/ /de ni gtun 'drar shes par bya/ /mdun so la sogs nyi shu
ni/ /rtsa

bzhi yan chad 'byung shes bya/ /'di yi tshigs rus gang yin dang/
/tshe'u spu pus mo mi sdug cing/ /sgrog mkhar gug par 'gyur ba
dang/ /zhum zhing le los 'gro bar 'gyur/ /gnyid che bar ni 'gyur
ba dang/ /rtsa yang 'dor bar 'gyur ba yin/ /rta ni nyi shu drug
lon pa/ /

@207b 'di 'dra bar ni shes par bya/ /so mdog mi sdug gyur nas ni/
/de yi rjes la 'gul bar 'gyur/ /spu ni shor bar 'gyur ba dang/
/'byi zhing 'gros ni zhen pa dang/ /mig gyur mig ni 'dres pa
dang/ /mchi mar bcas shing dman par lta/ /mtshan ma 'di yis rta
dag

ni; /nyi shu dgu par shes par bya/ /sha yi gnas nas rim bzhin du/
/so rnams 'byung bar 'gyur ba dang/ /'brel pa chad cing gyes pa
dang/ /rta rgas mig ni zhum pa dang/ /mdangs bral sems khong
chung pa dang/ /nyal bar dga' zhing sems zhum dang/ /kha yi dbugs

ni dri mi zhim/ /rta yi kha nas kha chu 'dzag /mig la rgyun du
'dzag pa dang/ /zos pa dka' bas 'ju bar 'gyur/ /gang tshe sum cu
gnyis lon pa'i/ /rta ni las la sbyor mi nus/ /ji ltar glang pos
brgya nyi shu thub/ /rnga mo bong bu nyi shu lnga/ /ba lang 'di
dag nyi shu ni/ /

rtsa bzhis lhag pa nyid yin la/ /ra lug lo ni bcu gnyis te/
/dre'u lo ni nyi shu yin/ /mi dang glang po mnyam pa ltar/ /de
bzhin rta'i lo sum cu gnyis/ /tshe yi mthar thug gyur pa yi/
/rtswa yi me ltar 'chi bar 'gyur/ /na tshod lo yi dbye ba ni/ /ji
bzhin rab tu bstan pa

yin; /sha li ho tra'i mdo'i gnas las na tshod brtag pa'i le'u ste
nyi shu rtsa bdun pa'o// //de nas sha li ho tra'i bu/ /mdza' las
rgyal gyis yang dris pa/ /rta yi tshe ni shes bya ste/ /legs ldan
bdag la bka' stsol cig /sha li ho tra gzi brjid che/ /

pha yis bu la slar smras pa/ /gang gi so ni gyes pa dang/ /so
rtsa 'byung bar gyur pa dang/ /mig ni gnas bskyod mchi ma 'dzag
/zhum zhing rtsa ba lhod pa dang/ /rna rtsa dang ni lus kun
kyang/ /rab tu lhod par gyur pa dang/ /gze mdangs med cing sems
khong chud/ /

nyal bar dga' zheng blo zhum dang/ /kha'i dbugs dri ni mi zhim
dang/ /kha las kha chu 'dzag pa'i rta/ /de ni dang po'i gnas
skabs las/ /lhag par 'tsho ba ma yin no/ /gang zhig tshigs ni mi
sdug dang/ /chig grang tshe'u gug pa dang/ /sre lang pa yang yo ba
dang/ /'gros

@208a @#/ /lhod le lo che gyur ba/ /gnyid ni shin tu che ba dang/
/so yi mdog ni mi sdug dang/ /'di 'dra'i mtshan nyid ldan pa'i
rta/ /gnas skabs nyid las lhag mi 'tsho/ /pags mthug kha dog mi
gsal dang/ /dbang po'i stobs zhan reg na

rtsub; /rna ba rnga ma zhum gyur pa/ /gsum las lhag par mi gnas
so/ /mi sdug skad ni dman pa dang/ /gang zhig so ni spom pa dang/
/dpugs 'byin rgyun ring mi brtan pa'i/ /rta de bzhi las lhag mi
'tsho/ /mig ni chu yis khengs pa dang/ /cung zad zhum

par gyur pa dang/ /lus kun brtan pa chung ba'i rta/ /lnga las
lhag par mi 'tsho 'o/ /gang zhig dar la bab pa yi/ /mtshan nyid
gzhon pa'i tshe na yod/ /de ni gnas skabs drug 'thob ste/ /rta
dang 'dra bar gyur pa yin/ /stobs dang sgro ba'i yon tan ldan/
/skad

gsang dman par spyod pa ni/ /rta de gnas skabs bdun thob na/
/srog dang 'bral bar 'gyur ba yin/ /stobs ldan snying stobs phun
sum tshogs/ /dri mi zhim par gyur pa'i rta/ /de ni gnas skabs
brgyad du ni/ /phyin nas srog dang 'bral ba yin/ /tshad dang stobs
dang

snying stobs dang/ /gzi mdangs brtan pa rgya chen ldan/ /rlig pa
'byar bar gyur pa gang/ /gnas skabs dgu nas 'chi bar 'gyur/ /rta
gang rtag tu dga' zhing spro/ /lta stangs sdug cing brkam chags
chung/ /stobs ldan snying stobs phun sum tshogs/ /rlig

'bras zlum zhing mi 'phyang rta/ /de ni gnas skabs bcu pa ru/
/phyin nas srog 'dor 'gyur pa yin/ /snying stobs kha dog mdangs
mtshan nyid/ /ldan zhing 'gros bzang skad gsang snyan/ /phun tshogs
stobs ldan dregs par ldan/ /rus pa che zhing tshigs

sbom la/ /mdog bzang sha mtshams kun tshogs pa/ /tshe yi mthar phyin
'gyur ba yin/ /sha li ho tra'i mdo'i gnas las tshe shes par bya
ba'i le'u ste nyi shu rtsa brgyad pa'o// //sha li ho tra dbang po
thul/ /mchog dang mchog min de nyid shes/ /bu yi

@208b thu po mdza' las rgyal/ /nye bar song ste yang dris pa/
/dri ni yid 'ong dge ba dang/ /de bzhin dri gang mi dge ba/ /de
rnams kyis ni 'bras bu dag /cir 'gyur ba ni bshad du gsol/ /bu
yis de skad dris pa dang/ /sha li ho tras slar smras pa/ /'di dag
thams cad rab

bshad kyis/ /thos nas zung la bcang bar gyis/ /'o thug sbyin sreg
du ba dang/ /de bzhin utpal dmar po dang/ /tsandan a kar 'dra
ba dang/ /byi'u rug pa a rdza ka/ /sbrang rtsi chang dang 'dra
ba dang/ /de bzhin chang gi dri 'dra dang/ /sa la gsar du char
bab dri/ /de bzhin

sna ma spang spos dang/ /utpal padma'i ge sar dang/ /ha ri be ta
padma'i rtsa/ /a mra bi ba ka bi ta tha/ /pa nas 'bras smin 'dra
dang/ /nim pa ardzu ka dam dang/ /pa ra la dang a sho ka /dug
mo nyungs dang pan da na/ /spu na ga yi dri 'dra dang/ /tsam pa
ka dang ra ma la'i/ /

lo ma rgya sbos dri 'dra dang/ /dpyid ka'i nags kyi tshogs 'dra
dang/ /glang po'i rdul gyi dri 'dra dang/ /gang zhig dri ni zhi
ma gyur ba'i/ /me tog 'bras bu ldan pa dag /de rnams dri ni
mtshungs pa yi/ /rta mchog de ni bkra shis so/ /rtag tu rab tu
dga' ba dang/ /kun gyi

yid du 'ong ba dang/ /don kun yang dag sgrub byed cing/ /skal
ldan rigs ni 'phel byed yin/ /ci tsam yid 'ong dri yod pa/ /de
tsam yid 'ong don sgrub byed/ /tshe ring nad ni med pa dang/ /nor
dang dga' dang bde ba skyed/ /g.yul las rtag tu rgyal byed cing//

dang bu dang tsha bo skyed/ /de ltar dge ba'i dri dag ni/ /bshad
nas cig shos mnyan par gyis/ /rta ni rdul bar gyur pa dang/ /ma
da ku na yi dri 'dra dang/ /bshad dang gci ba'i dri bcas dang/
/de bzhin sgog pa'i dri bcas dang/ /byi la rnga mo phag dang ni/
/'ug pa'i dri dang

'dra ba dang/ /gang zhig khyi rlig dri 'dra ba/ /dge ba'i dri la
brten ma yin/ /nyes pa 'di dag ldan pa yi/ /rta de shis pa ma yin
no/ /rgyal po'i don mi 'grub pa dang/ /de bzhin bkra mi shis pa
yin/ /ring du 'tsho bar mi 'gyur zhing/ /las rnams kun la smad pa
yin/ /

@209a @#/ /de ltar shis dang mi shis pa'i/ /dri rnams rab tu bshad
pa yin/ /sha li ho tra'i mdo'i gnas las dri brtag pa'i le'u ste
nyi shu rtsa dgu pa'o// //sha li ho tras bu la ni/ /rta yi skad
gsang mtshan nyid bshad/ /srog ces bya ba'i rlung shugs

kyis; /lte ba'i rtsa nas byung gyur te/ /lus la gdos par gyur nas
ni/ /khar phyin 'tsher ba zhes bshad do/ /shin tu 'jam zhing gting
ring la/ /klod che 'dril zhing rgyun mi 'chad/ /'tsher bar byed
pa'i rgyal byed rta/ /rgyal pos yang dag rgyal ba thob/ /rtsub

cing nyam chung klod chung chad/ /ngar ngar po dang 'dzer bar ni/
/mgo bor phyin te 'tsher ba yi/ /rta ni bsngags pa ma yin no/
/dung dang rnga chen seng ge stag /shing rta'i gling bu khyu
mkhyog sgra/ /dar dur glang po ku ra ra/ /'brug dang rdza rna'i
sgra 'dra zhing/ /chu bo 'dra ba'i sgrar

ldan pa'i/ /de ni rtag tu 'phel byed ster/ /spyad khu bya rgod
rnga mo dang/ /phyi la ce spyang snod chag sgra/ /khyi dang
spre'u 'ug pa dang/ /shing dang rdo dang 'dre ba dang/ /ser ba yi
ni sgra 'dra ba/ /rta yi tha ma sdig ldan yin/ /skad zad pa yi
rta rnyed na/ /myur du nyams pa thob par

'gyur; /thur du kha bltas 'tsher ba'i rta/ /de ni bdag po'i phongs
pa skyed/ /g.yon logs bltas te 'tsher ba dag /rigs rgyud nyon
mongs byed pa yin/ /bkra mi shis pa'i rdzas dag ni/ /mthong nas
mang du 'tsher byed pa/ /rta de mi shis bskyed pa ste/ /bdag

po'i sdug bsngal byed par bshad/ /bong bu yi ltar gang yin pa/
/de ni bkra mi shis par bshad/ /bkra shis pa yi rdzas mthong na/
/gang zhig 'tsher bar byed pa'i rta/ /bdag po rnam par 'phel byed
cing/ /nor dang 'bru ni rgyas par bshad/ /g.yas logs su ni

bltas pa'am/ /reg cing 'tsher byed gang yin pa/ /rta de zhon na
rgyal po ni/ /sa rnams las ni rgyal bar 'gyur/ /mang po 'tsher bar
byed pa na/ /de yi 'tsher ba gsal gyur gang/ /rta de rjes sgrogs
zhes bya ste/ /bdag po'i don kun sgrub byed yin/ /gcig pu

@209b 'tsher bar byed pa yang/ /mang po lta bur mngon gyur pa/
/rta de gting ring 'tsher zhes bya/ /bdag po'i rnam rgyal 'phel
byed yin/ /gang zhig 'tsher ba thos nas ni/ /rta gzhan 'tsher bar
byed pa dag /des ni rgyal po'i rta brgya stong/ /'dod par byed pa
nyid yin no/ /

gzhan yang 'tsher ba thos nas ni/ /rta gang phyis nas 'tsher byed
pa/ /rta de zhon par gyur nas ni/ /mdza' bo 'phel bar byed pa
yin/ /rgan dang byis pa nad pa dang/ /gcong can ngal dang skom pa
dang/ /bkres tshe 'tsher bar gyur pa yi/ /rta skad brtag par mi
bya'o/ /

sha li ho tra'i mdo'i gnas las skad gsang brtag pa'i le'u ste sum
cu pa'o// //rta yi tshe yi de nyid shes/ /rig byed yan lag mthar
phyin la/ /'gros kyi bya ba shas pa la/ /the tshom skyes pa gar
dgar srid/ /legs ldan sa yi bdag po rnams/ /g.yul du

shugs mgyogs rta la ni/ /dga' zhing brtan pas rtsom byed la/ /rta
la gces par 'dzin pa yi/ /mchong ba dga' bskye 'gyur la/ /mgyogs
pas shin tu yid rton 'gyur/ /rta ni 'di ltar mi mchong ba/
/mgyogs shugs med na dga' mi 'gyur/ /'gros 'debs myur bar

'gro ba la/ /zhon na dga' ba skyed par byed/ /sa thag ring du
'gro ba na/ /'gros bde ba ni bsngags pa yin/ /rgyal po dang ni
rgyal bu dang/ /bud med skyed de ba yin pas/ /bzhon pas bskyod
pa'i nad rnams ni/ /de 'dras 'byung bar mi 'gyur ro/ /'gros kyi
tshul ni sna

tshogs las/ /shis dang mi shis 'bras bu 'byung/ /legs ldan 'gros
kyi tshul dag ni/ /rta la gang yod bdag la gsungs/ /ga rga'i tshig
de'i rjes la ni/ /sha li ho tras slar smras pa/ /mdor na ne'u le
sreg pa dang/ /rma bya dang ni mtshungs par 'gro/ /ji ltar ne'u

le'i rkang pa ni/ /myur du 'dor bar byed pa ni/ /bar mtshams med
pa lta bur mngon/ /rang gi spyi bo cung zad 'gul/ /mgo mgrin seng
ge ltar 'degs shing/ /rgyab dang lus ni brtan par gnas/ /mjug
tshos rgal tshigs mi 'gul zhing/ rnga ma'ang 'gul bar mi byed gang//

@210a @#/ /de ni ne'u le'i 'gros can du/ /blo dang ldan pas shes
par bya/ /'khrul pa med cing g.yo ba med/ /lam du ma yengs byed
pa dang/ /zhon pa'i mi ni brtan bzang ngam/ /gru la gnas pa snyam
sems zhing/ /gang gi shugs ni 'dor ba na/ /zhon pa spu rtse tsam
mi

'gul; /lam ring du ni song gyur kyang/ /chad par 'gyur pa med pa
dang/ /lam gyis ngoms pa med ltar 'gro/ /dbyibs ni legs par gyur
pa'i rta/ /me mdag la ni reg pa ltar/ /lam du myur du 'gro ba
dang/ /seng ge lta bur lus 'degs shing/ /mchu yis nam tshong brko
pa

'dra; /sa la rtog byed de bzhin du/ /lus ni 'degs pa ltar byed
dang/ /zhon pa po ni dga' skyed pa/ /gang ma sreg gi 'gros bsten
yin/ /gang zhig mgo drang la 'khums dang/ /mgo dang ske mgrin rab
tu rkyong/ /bdag po'i sems dang rjes mthun par/ /lam du mnyam

par lta ba dang/ /rtag par lam du mi bub cing/ /chu yi nang du mi
nub la/ /brtan zhing ma 'chol 'gro ba'i rta/ /rma bya'i 'gros la
brten pa yin/ /gsum po 'di dag 'gros kyi ni/ /gtso bo yin pas
shis pa 'thob/ /de las gzhan pa'i 'gros gang yin/ /phal cher smad
par

bya ba nyid/ /'gros kyi mtshan nyid phun sum tshogs/ /rta mchog
rnyed par gyur na ni/ /rgyal po dgra las rgyal 'gyur zhing/ /lam
du dub par mi 'gyur ro/ /'gros bzang rta la bdag po yis/ /lhag
par dga' bar bya ba yin/ /de bas rta yi bstan bcos ni/ /shes

pas 'gros ni brtag par bya/ /phag dang ma he rnga mo dang/ /khyi
spre'u rus sbal glang seng 'gros/ /gang yang byi la ltar 'gro ba/
/rta de mi shis yin zhes bya/ /tshe'u tshe tshig grang dpung pa
brla/ /'degs par dka' zhing 'gros zhan la/ /'khums shing rkang
'chol 'gro ba

dang; /rgyab ngan bzhon par mi bde dang/ /goms stengs 'jog nyes
bul bas 'gro/ /de ni yongs su spang par bya/ /dbugs rgod slar
bsdu dka' ba dang/ /lam ni thung dus rtag tu dub/ /snying stobs
chung ste rta mkhan gyis/ /dgra yi bsam pa 'grub de spang/ /rta
gang mgo bo

@210b 'degs pa dang/ /rmig pa mtho bar 'debs pa dang/ /bdag po
dga' bar 'gro byed pa/ /'gros de mchog ni yin par bshad/ /mgyogs
shugs mda' ltar rgyug byed cing/ /lus kun bub pa[?] med pa dang/
/sdud cing ring du snyod[?] byed pa/ /'gros de mchog ni yin par

bshad; /rkang 'jog lhag chad mi snyoms shing/ /de bzhin myur ches
bul ches pa/ /shin tu 'dus dang shin tu skye/ /'gros kyi nyes pa
'di drug yin/ /sha li ho tra'i mdo'i gnas las 'gros kyi bzang
ngan shes par bya ba ste le'u sum cu so gcig pa'o// //sha li ho

tra yid gzhungs pas/ /tshangs pa me yi rgal 'dra la/ /lus kyi
'phel ba'i bya ba ni/ /mdza' las rgyal gyis yang dris pa/ /thog
ma tha ma bar mar ni/ /lus 'phel bar ni ji ltar 'gyur/ /'gros
dang 'gros gzhan bcas bar ni/ /'di dag shes bar 'tshal lags so/ /

rta ni ji ltar rgyu ba dan/ /rten du ji ltar gyur pa dag /'di dag
shes par 'tshal lags so/ /bu yis de sad dris pa dang/ /sha li ho
tras slar smras pa/ /'di nwa nam mkha' sa dang rlung dang me dang
chu dang sa rnams snang gi /sems zhes bya ba drug pa dang 'bres
brgod ma'i mngal du zhugs shing

gcig tu 'gyur ba las lus su 'brel pa yongs su rdzogs par byed par
'gyur ro/ /de nas dus yongs su smin cing tshong ba na/ mngal gyi
dri ma dang bral ba'i tshul gyis skye zing 'byung ba na/ /sha ma'i
dri mas lus la gos shing/ lus dang sems nyon mongs pa las lus bde
bar gnas pa

na grang ba dang tshab dang phrad pa'i tshor ba bde sdug bdag nyid
kyis mngon par shes par 'gyur ro/ /de la rgyu gang gis 'byung ba
chen po lnga dang nang gi bdag nyid drug po phan tshun 'dres par
gyur pa ste/ sa bon dang 'bras bu'i tshul du nyams pa med par gnas
par 'gyur ro/ /rta de de ltar byung

ba na shing ltar rim gyis 'phel bar 'gyur zhing yon tan du ma
dang ldan par 'gyur ro/ /de bzhin du sred pa'i dbang gis dang po
yul la 'jug par zhus pa dang/ rlung 'thor bas dbus na phan tshun
du khyab pa na/ lus kyi 'gros dang gom pa'i shugs rim gyis 'byung
bar 'gyur te/

@211a @#/ /'gros gang dang gang gis dang por ma'i rjes su 'brang
zhing zas 'dod par gyur pa de ni lus 'phel ba zhes bya'o/ /de
bzhin du gcig bu rgyu zhing rjes su 'brang ba'i 'gros kyis 'gro
bar byed pa dang/ rim gyis 'phel bar gyur pa na yang/ lus dang
rjes su mthun pa'i stobs dang

'gros dang/ rgyug pa dang/ rtse ba dang/ mchong ba dang/ dkyu ba
dang/ 'gros dam pa'i yon tan dang ldan pa de ni dang po gcig tu
rgyu zhing rjes su 'phreng ba zhes bya'o/ /de la rkang pa 'jog
pa'i 'gros ni rnam pa bzhi ste/ 'di lta ste spo zhing 'gro ba
dang/ bzhag pa mnyam pas rjes su 'gro ba

dang; gzhogs dud cing 'gro ba dang/ spyod pa gcig gis rjes su
'gro ba'o/ /de dag ni rang bzhin gang yin pa de nye bar bshad par
bya'o/ /snga ma gnyis dang phyi ma gnyis/ /rkang pa mnyam par
'gro byed cing/ /rang gi lus ni spo ba dag /de ni spo ba'i 'gros
yin no/ /rtsib logs

gnyis ni mnyam gnas shing/ /res kyis nye bar gnas byed la/ /rim
gyis rmig pa nye bar 'degs/ /de ni gzhogs mnyam 'gro ba yin/ /mig
sbrug 'khrul ba med par ni/ /lus ni dad cing rgyu byed la/ /spyod
pa gcig gis mi 'gro ba/ /gzhogs dus 'gros ni de yin

no; /gang zhig yan lag res mos kyis/ /'jog cing 'degs par byed pa
dang/ /rkang pa gsum ni shas cher 'degs/ /rta ni spyod pa gcig
'gros yin/ /de bzhin du ri dag sa dang/ ma he dang/ byi la dang/
khyi dang/ dom dang/ stag dang/ ne'u le dang/ glang po che dang/
khyu

mchog dang/ rnga mo dang/ dre'u dang/ bong bu dang/ ra dang/ lug
dang/ e ne ya dang/ sa la dang/ sbyang ku dang/ gzhan yang de
lta bu'i rnam pa dag kyang lus mchog dang/ bar ma dang/ tha ma'i
dbye ba'i tshad kyis rkang bzhi ba rnams kyi lus 'phel ba'i rnam
par dbye ba bshad pa yin no/ /

sha li ho tra'i mdo'i gnas las lus 'phel ba zhes bya ba'i le'u
ste sum cu so gnyis pa'o// //thub mchog sha li ho tra las/ /legs
thos kyis ni yang dris pa/ /legs ldan rgyug pa'i mtshan nyid ni/
/mnyan pa ru ni 'tshal lags so/ /'dir ni skyon gang yon tan gang//

@211b 'di rnams rnam pa du ru grags/ /mtshan nyid gang dag yin pa
dag /'di dag thams cad shes par 'tshal/ /de skad smras tshe drang
srong mchog /sha li ho tras slar smras pa/ /khyed kyi yid la gang
gnas pa/ /de ni bshad kyis mnyan par gyis/ /rgyug pa med par rta
rnams ni/ /rtsig

pa shing 'dra bems po yin/ /rgyal po'i ste tshoms gsum po ni/
/sgrub la de ni gtso bo yin/ /de bas rgyug pa'i mtshan nyid ni/
/bzhi bcu dag tu shes par bya/ /dang por gtang ba'i don du ni/
/nyes pa nyi shu lnga shes bya/ /yang dag gzhag par bya ba yi/
/yon tan bco lnga nyid du

bshad; /de lta bu yi rgyug pa ni/ /zlum po dag tu nye bar sbyar/
/rang bzhin legs par shes bya ste/ /gzhan du de ni don med 'gyur/
/brdeg na lan byed dang po ste/ /rdeg byed gzhan la dogs pa dang/
/ske ba gcu dang rnga ma bskyod/ /mi sdug lta zheng 'bru tshugs
lta/ /mgo mdud

rna ba mi mnyam dang/ /sdigs dang rdeg par gyur na yang/ /mgo ni
mi brtan gyur pa dang/ /'du shes mi gsal de las gzhan/ /dbyig pa
la sdangs rko byed dang/ /so ni sgra dang bcas par 'cha'/ /gom pa
dud dang 'khyor ba dang/ /bcing dang khro ba de las gzhan/ /gzhan
yang

bcings pas rmongs pa dang/ /ske skyod brtan par mi gnas dang/
/dogs bcas yan lag 'khyor ba dang/ /yan lag rengs dang yan lag
chud/ /lus ni brtan par mi gnas dang/ /de bzhin gom pa mi brtan
dang/ /dbyibs mi mnyam dang dbyibs mi sdug /'di dag rta ni

ngan par bshad/ /'di dag rnams kyi mtshan nyid ni/ /bshad pa nga
las bzung bar gyis/ /gang zhig rdeg na slar rdeg pa/ /rdeg na lan
byed yin shes bya/ /gang zhig rdeg par byed pa la/ /dogs 'dod
'dog pa can zhes bya/ /ske ba rang dgar 'jog pa ni/ /ske gcu rta
yi tha ma

yin; /rnga ma brkyad dang sprug byed cing/ /yang yang bskyod pa
rnga sprugs yin/ /rtag tu rdeg par 'dod pa ni/ /mi sdug rta zhes
de bshad do/ /gang zhig bslabs kyang cung zad tsam/ /mi stong
sems kyis stong par 'dug /de ni blta bar sdug pa ste/ /des na
'bru tshugs lta zhes bshad/ /

@212a @#/ /gang zhig rtag tu sal blta/ /mgo dud pa ni yin zhes
bya/ /brdegs sam gzhus pa na/ /khros pas rna ba 'chol bar 'jog
/de ni rna ba mi mnyam yin/ /rang bzhin gyis yod ma gtogs so/
/gang zhig spyi bo rtag tu bskyod/ /de na mgo mi brtan zhes bya//

gang zhig rta ni mi dran pa/ /de ni 'du shes mi gsal yi na/ /lcag
la sogs pa gcig gis kyang/ /gnod med dbyig pa la'ang sdangs yin/
/lag pa gnyis kyis sa rko ba/ /de ni rko byed zhes bshad do/
/khro bas so ni 'cha' byed pa/ /so sgra 'cha' zhes bya bar bshad//

rta gang 'dul bar byed pa yi/ /rjes su cung zad mi 'jug cing/
/gom pa la lar sdud pa dang/ /la lar yang ni 'khyor byed pa/ /mi
mnyam pa yi 'gros can te/ /gom pa sdud cing 'khyor ba yin/ /ro
stod ro smad gdong ba'am/ /yid na lus kyi bar dag tu/ /gang zhig
bcings na

myur du 'khrug /bcings na khro ba'i rta ru 'dod/ /gang zhig thag
pas bcings na ni/ /bcings pas blo gros rmongs gyur yin/ /ro smad
kyi ni lus byed 'gul/ /bskyod pas rked pa skyod byed yin/ /'dis
ni bdag la rdeg snyom ste/ /'dul sbyong mkhan la sngar rdeg byed/
/de ni

dogs pa can zhes bya/ /ra ro ba ltar yan lag kun/ /phan tshun
'chol bar 'gro byed pa'am/ /gzer bcas lta bur byed pa'i rta/ /de
ni yan lag 'khyor zhes bya/ /yan lag kyang ni 'khyor byed cing/
/yang dang yang du rengs pa dag /de ni yan lag rengs yin pa'am/ /

yang na rtag tu lus mi 'gyur/ /gang gi yan lag rab sra zhing/
/brdeg kyang tshor ba med pa dang/ /dga' bas bya ba la 'jug pa/
/yan lag rtsub par de bshad do/ /gang gi lus kyi dbyibs dag ni/
/tshul gcig du ni mi mngon zhing/ /lus kyang sbrugs par byed gyur
pa/ /de

ni brtan mi gnas zhes bya/ /rta gang dang por gzhan du 'gro/ /de
yi rjes la'ang gzhan 'gro ba/ /'gros ni gtan nas med pa'i phyir/
/de ni gom mi brtan zhes bya/ /gang zhig lus ni 'dzum pa'am/
/gang zhig lus ni mi mnyam pa/ /de ni dbyibs mi mnyam zhes bya/
/lam du 'jug

@212b byed 'os ma yin/ /rgyab ni shin tu ring gyur cing/ /lus ni
rnga mo dang 'dra ba/ /dbyibs mi sdug par shes bya ste/ /bslab
dang mdzes pa med pa yin/ /'di dag skyon can yin pas na/ /mkhas
pas skyon ni shes par bya/ /da ni yon tan bstan pa yi/ /mtshan
nyid dag ni bshad

bya ste/ /rna ba mjug ma rgal tshigs rnams/ /yon tan che zhing yid
gzhungs las/ /yid gzhungs sems ni de nyid la/ /nges par sbyor ba
nyid yin no/ /lus la yengs pa med nyid dang/ /yon tan kun dang
ldan pa dag /yengs ma dag dang bral ba nyid/ /ma yengs zhes bya
gnyis

pa yin/ /ro stod mchog tu thel ka che/ /shugs kyis yongs su rgyug
byed cing/ /lte bar lta bar byed pa 'di/ /yon tan gsum par shes
par bya/ /mkha' la 'gro ba ltar byed cing/ /rgyug pa la ni mngon
dga' la/ /bar 'tshams med pa ltar rgyug pa/ /yon tan chen po

bzhi pa yin/ /dang po dbus dang tha ma du/ /cha mnyam par ni
mngon rgyug cing/ /dman dang bar ma'ang ma yin par/ /rta yi yon
tan lnga pa yin/ /rab tu thung min ring ma yin/ /yengs pa dag zhi
med par ni/ /rta ni gang zhig rgyug byed cing/ /rtag tu legs gnas
drug

pa yin/ /gang zhig dang por zhon pa na/ /drang por gzhu 'dom
brgyar 'gro zhing/ /shugs kyis myur du rgyug byed pa/ /yon tan de
ni bdun par bshad/ /rkang pa 'dor ba mkha' la ni/ /'gro bar mang
du snang byed cing/ /sa yi cha ni cung[?] zad snang/ /yon tan de ni
brgyad par 'dod/ /

rta ni gang zhig yan lag la/ /reg pa tsam gyis rgyug byed cing/
/bskul ba tsam gyis sems shes pa/ /yon tan dam pa dgu pa yin/
/gang gi dang ni tshad ldan par/ /mdzes par byugs na'ang snang
gyur 'dra/ /srab ni legs par 'tsho gyur ba/ /de ni bzhin bzangs

yin zhes bya/ /ma 'chol bar ni 'gro byed cing/ /mkha' la 'gro ba
ltar snang ba/ /mtshan nyid gang yin ma zhen pa/ /de ni yon tan
bcu gcig pa/ /bya ba la bskul tshe na ni/ /myur du ldang zhing
'jug byed la/ /tshig gi 'gyur du go byed pa/ /yon tan mchog ste
bcu

@213a @#/ /gnyis pa/ /nga rgyal med par ldang byed cing/ /'bad pa
med par ldog pa dang/ /yon tan gang gi yon tan dang/ /ldan zhes
bcu gsum pa yin no/ /'phad mkhan bya ba dag gis ni/ /mda' yis
bsnun par gyur na yang/ /zhum pa med par 'gro byed pa/ /yon

tan bcu bzhi pa yin no/ /yon tan gang gi shugs kyis ni/ /bya dang
'dra bar 'gro byed cing/ /shugs kyi rgyun gyis rgyug byed pa/
/yon tan 'di ni bco lnga ba'o/ /de ltar yon tan yang dag bshad/
/mtshan nyid cung zad ldan pa'ang rung/ /yon tan 'di dag yang dag

ldan; /rta mchog gang zhig thog mthar ni/ /yon tan rtag tu mi
'gyur zhing/ /legs par rgyug pa byed pa yin/ /rta de rab tu
bsngags pa yin/ /khyed la rgyug pa de ltar bshad/ /gzhan dag dris
pa ci zhig bya/ /sha li ho tra'i mdo'i gnas las rgyug pa brtag
pa'i le'u ste

sum cu so gsum pa'o// //legs ldan gra ma can zhes pa/ /'di ni
gang zhig rgyu gang lags/ /mtshan nyid gang gis de shes bya/ /de
yi gso ba ji lta bu/ /de ltar bu yis dris pa na/ /sha li ho tra
drang srong ches/ /don gyi rjes su 'gro ba'i tshig /gra ma can
mtshan

nyid 'di smras/ /gra ma rtser byar 'os pa ste/ /de na ngo tsha
'jig sogs yin/ /de rnams gang zhig byed pa ni/ /gra ma can zhes
de bshad do/ /de bas 'jigs med tshul ngan dang/ /brtse med rtsub
cing mi srun pa/ /'bras bu'i gra ma dang 'dra ba'i/ /nyes pa
'dzin pas de skad

bshad; /de bas nyes pa 'di ldan pa'i/ /rta yang gra ma can zhes
bya/ /rta gang gtum zhing mi srun pa/ /khro bar gyur pa gang zhig
yin/ /de kun gra ma can yin te/ /de ni rang dbang 'gyur ma yin/
/chas na 'khrug cing rdzas mthong skrag /'gyur zhing mi srun byed
pa dang/ /zhon

du mi btub pa dang ni/ /zhon nas 'phag par byed pa dang/ /'khrug
cing ring nas sos 'debs la/ /za zhing ltung bar byed pa dang/
/lcag gis gzhus kyang 'dug byed cing/ /'phra ba yang dang yang du
brdeg /'dul sbyong mkhan yang skyur byed yin/ /'gre ba lta bur
byed pa dang/ /

@213b khal ni legs par bkal gyur kyang/ /sa gzhir skyur bar byed
pa dang/ /'dul sbyong mkhan la gnod bya'i phyir/ /mgal me bskor
ba lta bur 'khor/ /rgyab ni glang po ltar bsgyur zhing/ /yang
dang yang du sbrugs pa dang/ /so dang lag yab dag gis 'debs/
/shing yang

ltung bar byed pa dang/ /g.yang du yang yang skyur byed de/
/bgrod bya las ni gzhan du rgyug /dogs pa med par ldog pa dang/
/lan 'gas gzhan du'ang 'gro bar byed/ /ra dang ri dgas ltar mchod
zhing/ /bar bar du ni 'dul byed sgyur/ /chu dogs shing dang khron
pa dang/ /

grogs srol du yang rgyug cing 'byer/ /rta khyu'i nang na mi 'dug
cing/ /dpung gzhan gyi ni nang du'ang 'gro/ /rab tu 'bad pas kha
bsgyur yang/ /zlog par nus pa ma yin la/ /rta bres las ni mi
'byung zhing/ /byung dang 'jug tu ni 'dod la/ /srog 'phrog las ni
gang dang

gang; /yid du mi 'ong las gang yin/ /de dag lhag par byed 'gyur
zhing/ /brdungs kyang phan pa med pa ni/ /de ni gra ma can zhes
bya/ /de yi mtshan nyid 'di nyon cig /khur tshad khur ni yo ba
dang/ /kha dang pho mtshan yo ba dang/ /rta gang 'phral ba mgos
'dra dang/ /rlig

pa shin tu 'phyang ba dang/ /ri mo chen po yod pa dang/ /ya mchu
nag cing rkan yang nag /gang zhig mchu ltag zhom pa dang/ /ser
skya dmar ser mdog can dang/ /gang gi mche ba mi mnyam zhing/
/gdong la gnyer ma yod pa dang/ /mi gnag ser ba nyid dang ni/
/mig sbom

khra yi mig 'dra dang/ /bya rgod mig 'dra mkhur tshos chung/ /gang
gi ya mchu thung ba dang/ /mgo bo rna ba rab tu che/ /'gram pa
yang ni zhum pa dang/ /sbal pa byi la'i mig 'dra zhing/ /ri bong
mdog 'dra mad ngas rtsub dang/ /rlig pa gcig ni dkar ba'am/ /yang
na rlig pa

gsum dkar la/ /bshad pa'i mdog 'dra du ba'i mdog /phrag so la ni
gnyer ma chags/ /'di dag dang ni gzhan mang ngo/ /mtshan ldan gra
ma can du 'dod/ /de bas 'di dang rigs can rta/ /gnas dang slob
sbyong bya ba dang/ /de bzhin rgyug pa'i bya ba rnams/ /rte'u

@214a @#/ /nas brtsam pa so sor bya/ /bya ba'i khyad par gzhan
yang ni/ /rim pa bzhin du bshad par bya/ /rlung med gnas na rab
dpon pa/ /spyod yul bde bar gzhag par bya/ /de rjes reg na bzod
gyur la/ /de nas bya ba gzhan dag bya/ /bdag po zas dang skom
bcas

dang; /sman rnams cho ga ci bzhin bya/ /gand+ha b+ha dra bu shel
tse/ /ka ra pI ra'i me tog ni/ /'o mar bcas dang ka lang tha/
/bskol ba der ni til thal ba/ /ko ke lak+Sha swa rdzi ka'i/ /thal
ba dang ni bcas par gzhug /bskol ba dar ba dang bcas par/ /nyi ma
bdun gyi bar du

gzhag; /'di ni 'di la zhag bdun par/ /cho ga bzhin du btung ba
sbyin/ /de ltar btung bas dbang gyur na/ /rta ni reg pa la sogs
bzod/ /bdag gcin dang ni rgod ma'i gcin/ /yongs gar de bzhin rna
sbabs dang/ /pi pi ling rtsa nag tshur bcas/ /ha re nu ka tsha ba
gsum/ /

tsandan dang ni ldan pa ru/ /btags te dben par sbang bar bya/
/'di yis zla tshigs dag tu ni/ /rta la mig sman bsku bar bya/ /de
ni rang bzhin gyis gso dka'/ /gram can ni zhi bar bya/ /dom dang
gzig sder khyi'i rus pa/ /ba lang 'gram pa lungs kar dang/ /rma
bya'i mkhris pa

ldan par ni/ /gdug pa gra ma can sel yin/ /rta bres su ni rtag pa
ru/ /gdug pa 'di ni gdul bar bya/ /tshes brgyad dang ni bcu bzhi
la/ /khyad par du ni bdug pas bdug /des na reg dang sgra dang ni/
/gzugs ni bde bar brten bzod 'gyur/ /gang dang gang ni byed

du bcug /de de rjes su mthun par byed/ /rkan dang kha 'gram dpral
ba dang/ /ma rkan smin ma'i 'og dang ni/ /rta yi mig la'ang pi pi
ling/ /rtsa ba tsha ba gsum gyis bsku/ /'di yi lus ni thams cad
kyang/ /ba yi lci bas yang yang bsku/ /'di yi yan lag nang grol

ni; /sbrang rtsi dang ni kha ras bsku/ /e la u shrir pra rtsi
pog /ru rta tsandan a ka ru/ /nA ga ge sar til mar bcas/ /bdug
pas rta la rab tu bdug /rta ni nyag par gyur pa na/ /bdug pas
yang yang bdug na ni/ /sgra dang reg dang gzugs dag ni/ /nges par
bzod par

@214b 'gyur ba yin/ /ji srid nges par zhi gyur par/ /cho ga 'di
ni sbyar bar bya/ /de tshe 'khrugs par mi byed cing/ /rta rdzi la
ni gnod mi byed/ /gang na gnas la mi sdang zhing/ /khro ba med
par rtswa rnams za/ /rna ba 'jums par mi byed cing/ /'dul sbyong
mkhan la mngon par dga'/ /

lam du zhugs par chas pa na/ /'dor zhing 'jigs par mi 'gyur la/
/khrid na sems ni ngul 'gyur zhing/ /tshig gis bsdigs na'ang 'jigs
par 'gyur/ /ci dga' bar ni khyer na yang/ /log par byed par mi
'gyur ro/ /dngos po gzhan la brdegs na yang/ /de ni 'jigs

pa skye mi 'gyur/ /de ltar gra ma med pa'i rta/ /bzod pa can du
bshad pa yin/ /dmod pa gdon gyi nyes pa dang/ /rta yi rlung nad
nyes pa dang/ /yul gyi nyes pa btang snyoms gzhag /mi srun 'grogs
pa dag las kyang/ /rta ni sems shes mi 'gyur las/ /gra ma can

du 'gyur pa yin/ /de bas nyes pa 'di rnams la/ /zhi ba'i thabs
'di yin par 'dod/ /gang la cho ga 'di dag ni/ /byas kyang gram ma
zhi na/ /de tshe 'brog stong dag tu yang/ /de la ltos par mi
bya'o/ /gang tshe mi'am rta gzhan gyi/ /phyi nas snyeg par byed
par 'gyur/ /

de'i tshe rlig pa chung ba yis/ /'di yi sems 'khrugs zhi bar byed/
/gra ma can ni legs dul yang/ /g.yul du gzhug par mi bya ste/
/gal te 'di yis rang bzhin nyid/ /las kyi dbang gis gsal byed
srid/ /gang zhig gra ma can zhi nas/ /la lar mi srun byed gyur
na/ /

dang po de ni byed tshul gyis/ /nye bar legs par spyar bar bya/
/sha li ho tra'i mdo'i gnas las gra ma can brtag pa'i le'u ste
sum cu rtsa bzhi pa'o// //bu sngon nga ni rta bres su/ /gnyid log
pa na rta der btab/ /nga ni khro ba ches khyab pas/ /de la dmod
pa btab

par gyur/ /bkra mi shis dang rnam kun du/ /spang bar bya ba nyid
du gyur cing/ /bdag po chung mar bcas pa'i yang/ /rigs ni rlag pa
nyid gyur cig /nga yi dmod pa'i dbang gis ni/ /nyes pa che dang
ldan par ni/ /rta rnams 'gyur ba nyid yin la/ /'di yi ming ni
shes par

@215a @#/ /gyis; /shis pa gzhan dang ldan gyur kyang/ /rta yi tha
chad de spang bya/ /so yis kha khengs kha dog nag /de bzhin so ni
mi mnyam lhag /yo zhing 'gul la chag pa dang/ /so gyes pa dang mi
tshang dang/ /nya phyis 'dra dang zur gsum dang/ /

skyes tshe so yod nyin mo skyes/ /ze'u lta pus mo ze'u dang/
/snying gad ni gtsug yod dang/ /yan lag ma tshang rlig cher skyes/
/mtshan che yan lag lhag pa dang/ /thig le chags shing gsum po
'phyang/ /mdo mas ni spre'u'i spu 'dra la/ /mi sdug g.yo zhing

dom 'dra la/ /sdig pa 'dra ba'am rlig pa med/ /khra dang lug dang
kang ka dang/ /nya dang spri'u byi ba 'dra/ /dmar ser phag dang
byi la dang/ /bya rgod 'ug pa'i mig 'dra zhing/ /de bzhin ma he
khyi'i mig 'dra/ /bya rog mig 'dra mig gcig ser/ /pags pa

bsregs pa'i dri 'dra dang/ /'bral ba mi sdug de bzhin blun/ /yi
dags kyis zin sha bkra can/ /spu sdom de bzhin ral pa can/
/'phral ba bskus 'dra rngog ma gnag /rkang bkra mi legs ma ning
dang/ /rnga ma rngog ma med pa ni/ /bkra mi shis par skye ba
dang/ /rlig

pa'i spu mdog zhan pa dang/ /de bzhin mgo bo'i mdog mi mthun/
/rgyab tu zhon la gnod byed dang/ /de bzhin rta dre'i 'i spu 'dra
dang/ /rngog ma phum phum 'dres pa dang/ /kha 'gram mche rlig nag
pa dang/ /de bzhin mgo dang lce nag dang/ /rkan dang ltag pa mchu

gnag dang/ /mngal na gnyis skye mang po skye/ /nyes pa chen por
rab tu bshad/ /rwa can rnam gsum rmig pa gnyis/ /rkang lnga bu
can g.yang gzhir ldan/ /drug po 'di dag mchog tu ni/ /mi shis
nyes chen ldan par bshad/ /rta yi so ni mi tshang ba/ /

bdag po'i bu dang bcas pa dang/ /chung ma spun zlar bcas pa dang/
/rta yi tha mas gsod par byed/ /so ni lhag par gyur ba'i rta/ /de
yi bdag po mi ring bar/ /nyon mongs che dang phrad byed nas/ /yid
du mi 'ong las kyis gsod/ /'og so lhag cing so gyes

@215b par; /gang zhig skyes par gyur ba ni/ /so skyes de yi rigs
kyi mchog /ring por mi thogs rlag par byed/ /so dang bcas par
nyin mo skyes/ /thams cad zad par byed pa yin/ /chu zhing tshad
kyi grangs las ni/ /lhag par gang zhis[?] gnas gyur ba'i/ /yan lag

yod pa'i rta yis ni/ /nor ni lhag par nyams byed yin/ /lo lnga'i
bar du rlig pa med/ /rgod ma la yang mi 'jug pa/ /dbang 'phel
gang yin rta des ni/ /rigs ni rlag par byed par bshad/ /gang gi
rlig pa mdog rmi[?] bzun [?]/ /thig thig le yis ni rla bor gyur/ /de
ni rlig

pa thig le can/ /bdag po'i rigs ni rlag byed yin/ /pags pa bsregs
pa'i dri 'dra ba/ /me yis tshig par byed pa yin/ /rta mi gnag la
rkan nag pa/ /myur du mtshon gyis gsod par byed/ /gang gi rkan las
nyer ma ni/ /gsum mam bzhi dag yod gyur pa/ /de ni

rkan nag nyes pa yis/ /dgos pa med pa'i rtar 'gyur ro/ /mdog nag
dud pa'i mdog can dang/ /dngul rdo bcag pa'i mdog ltar 'tsher/
/rta de'i rkan kun nag na yang/ /mdog dang mthun pas nyes pa med/
/kha dog brgyad po rnams kyi ni/ /cung zad damr zhing gnyer

ma gsal/ /dkar dang dar mdog skya ba dang/ /seng ge dur pa'i mdog
rjes 'dra/ /dmar dang ser dang sngo bsangs kyi/ /rkan gnag pa ni
bsngags ma yin/ /ri mo shin tu dma' ba yis/ /rmig pa gnyis su
snang gyur te/ /ba lang rmig pa 'dra ba ni/ /gang gi rmig pa

snang gyur ba/ /bdag po'i lus dang yid kyi ni/ /mi bzad sdug
bsngal gnyis bskyed nas/ /ring por mi thogs dus kyis ni/ /de dang
lhan cig 'chi bar 'gyur/ /rngog ma'i mthar ni rten pa'i rwa/
/mthe bo'i tshigs dang 'dra ba'am/ /rgya shugs skyu ru ra 'dra
ba'am/ /ma mra'i

rus pa 'dra ba ni/ /gang gi rta la snang gyur ram/ /rwa yi rtsen
rwa 'dra gnas/ /sha 'tsher gzhang 'brum 'dra ba ste/ /rta ni rnam
pa de bdun yin/ /rwa can de ni skyes gyur pa'i/ /grong der ring
ybor mi thogs brlag /rna ba gsum pa'i rta gang yin/ /de yang rwa
can dag dang mtshungs/ /

@216a @#/ /rta yi tha ma 'di gnyis ka /yul mtha' gzhan du spang
bar bya/ /pus mo'i tshe'u spu dang nye bar/ /rkang pa 'dra ste
rkang lnga pa/ /rwa can lta bu de'i mod la/ /spangs pa kho nar
bsngags pa yin/ /ze'u'am rgyab tu gtsug yod pa/ /rigs ni gtso bo
gsod byed

yin; /mi shes bzhon bya ma yin te/ /de bas de dag thams cad rta/
/mdog ni gang yang rung ba la/ /lce nag par ni gyur pa'i rta/
/khyim de mi shis bya ba ste/ /rta de thams cad zad byed yin/
/gang gi kha 'gram nag pa yi/ /rta ni bdag po gsod byed yin/ /rta
yi tha

chad sha bkra can/ /bdag po nor dang 'bral byed yin/ /stag 'dra
kha dog gzhan pa yi/ /mdog ni sna tshogs gyur pa dag /de ni mi
shis sdug bsngal ni/ /thams cad skye bas spang bar bya/ /stag
dang 'dra zhing rjes mthun la/ /spre'u'i mig dang 'dra ba yi/ /de
'dra ba yi bdag

po ni/ /sems ni smyo bar byed pa dang/ /khyim nas byung pa'am
spyug pa'am/ /log pa'i chad pa thob par 'gyur/ /gang zhig mdog
kun dkar ba la/ /rngog ma nag po yod pa ni/ /rta de rngog nag ces
bya ste/ /g.yul du bdag po gsod byed yin/ /bong bu ltar ni khra
bo'i rta/ /

'khor ling dma' bar gyur pa dang/ /shis min tshe 'phel byed min
la/ /las rnams kun la smad pa yin/ /mchu nag pa yi bu dang ni/
/rta rnams dug gis gsod par byed/ /rlig nag gsod dang 'chi byed
la/ /pho mtshan nag par gyur pa yis/ /chung ma mna' ma sgyug mo

dang; /de bzhin du ni bran mo rnams/ /'di dag thams cad rlag par
ni/ /rta de la ni zhon pas 'gyur/ /rta gang rmig par bcas par
skye/ /mtshe mar byung bar gyur pa dag/ /gang dag tu ni byung gyur
pa/ /rigs de yongs su brdug pa yin/ /sems med bcing dang gsod

pa dang/ /blun pas ngar sems med par 'gyur/ /'jigs pa chen po nye
bar ni/ /byed pas ring du spang bar bya/ /gang zhig gshin po la
bsngos dang/ /rta gang gshin pos khyer ba yi/ /rta de yi dags
kyis khyer yin/ /rtag tu nyes pa thams cad skye/ /dbang po

@216b 'phel ba dang 'dra zhing/ /za ma'i gzugs can ma ning yin/
/rgyab tu zhon pa gnod byed pa/ /yi dags kyis khyer bzhin du
yang/ /gnyis sam mang po mtshe mar skyes/ /bu dang bcas pa yongs
su spang/ /so yi le'ur so'i nyes pa/ /mig le'ur mig gi nyes pa
dang/ /

gtsug gi 'bras bu dag las ni/ /gtsug ngan 'bras bu bcas zhes bya/
/dpral bar chags pa zhur dang 'dra/ /'dres pa'i le'u gang bshad
pa/ /nu ma can dang rlig pa nag /mgo nag la sogs par bshad pa/
/'di yi 'bras bu'i mtshan nyid ni/ /'di ru rgyas

bas ma bshad do/ /der ni spang bya gang yin pa/ /'dir yang 'bras
bu de dang 'ang/ /de nyid tshe yi gnas skabs la/ /bab la nyes pa'i
'bras byin bshad/ /nyes chen shin tu nyes che ba/ /rtag tu 'bras
bu 'byin byed yin/ /shin tu bzang ba'i mtshan nyid kun/ /

ldan na nyes pa chen po'ang bcang/ /shin tu nyes chen ldan pa ni/
/nam yang bcang bar mi bya'o/ /gal te yon tan gzhan ldan yang/
/shin tu nyes cher ldan pa'i rta/ /khyim du skad cig tsam gyis
ni/ /mkhas pas gzhag par mi bya'o/ /reg pa yis kyang rta de ni/ /

phung khrol dang ni phrad par 'gyur/ /sha li ho tra'i mdo'i gnas
las nyes pa chen po brtag pa'i le'u ste sum cu rtsa lnga pa'o//
//sha li ho tra bdag nyid che/ /legs thos kyis ni rta rnams kyi/
/snying stobs shes par bya ba dris/ /drang srong gis de de la
smras/ /

dpa' zhing gtsang spra che ba dang/ /bdag po la gus bzhin dge la/
/stobs dang snying stobs mgyogs dang ldan/ /de mchod gtor ma la
dga' zhing/ /rang gi spyod pa'i mtshan nyid ldan/ /de bzhin zhi
ba'i rang bzhin can/ /'dul[?] byed dbang bsgyur lngo bskyed pa'i/
/rta

ni lha yi snying stobs can/ /gtsang sbra la dga' dul ba dang/
/skad snyan lam ni rnal mar 'gro/ /rig byed sgra la rab tu dga'/
/rgod ma la ni rgyab kyis phyogs/ /khrus la dga' zhing de bzhin
ni/ /drang srong snying stobs can du bshad/ /dpa' zhing stobs che
tsha mtshom

@217a @#/ /med; /de bzhin 'thab mo la dga' zhing/ /sha dang chang
la dga' ba ni/ /lha min snying stobs can de yin/ /dri dang phreng
ba la dga' zhing/ /glu rnams la ni shin tu mos/ /g.yul 'gyed la
spro de bzhin zhi/ /dri za'i snying stobs la brten yin/ /

gnyid la dga' zhing khro la brtag /rtag tu gcig pur gnas pa dga'/
/stobs che spro ba che ba yi/ /rta ni rlung gi snying stobs can/
/chu yi gnas la dga' ba dang/ /rtag tu chu dang phrad par 'dod/
/phal cher til la dga' gyur ba/ /yi dags mtshun lha'i snying stobs

can; /ri la 'dzeg na mi skyo zhing/ /stobs ldan 'tshor zhing 'gro
ba dang/ /til lam kha zas mngar la dga'/ /gnod sbyin snying stobs
can du bshad/ /mi brtan khro zhing gdug pa dang/ /chang dang
sbyar chang sha la dga'/ /gdong ni mi sdug par snang ba/ /srin
po'i

snying stobs la brten yin/ /mi brtan rtsub cing dri ma can/ /rtag
tu mi gtsang la spyod cing/ /zhum zhing khang stong dag la dga'/
/sha za'i snying stobs la brten yin/ /blun zhing lam log 'gro la
dga'/ /rgod ma yi ni phyi bzhin rgyug /rtag tu rtswa za la dga'
ba/ /

dud 'gro'i snying stobs ngag dang mtshungs/ /rlung dang grang
lhags tshad pa bzod/ /bdag po la dga' skad snyan cing/ /sems khong
chud cing le lo can/ /mi rgyu'i snying stobs la brten yin/ /rke
mgrin btung cing 'jigs pa can/ /rtag tu gnas 'di stong par

dga'; /mi gtsang la dga'i ngang tshul can/ /srin bu'i snying stobs
la brten yin/ /shugs chen rgyun du ltos pa dang/ /yongs su 'khor
ba'i ngang tshul can/ /rgod ma la ni rab dga' ba'i/ /rta ni 'dab
chags snying stobs can/ /dpa' zhing 'jigs pa

nyid du ni/ /dus dang dus su gnas 'gyur zhing/ /rgod ma la ni rab
dga' ba/ /'chi ba yis ni shin tu 'jigs/ /brdegs pa na ni rab tu
'khrug /rtse dang khyim du gnas la dga'/ /byas pa tshor ni stobs
dang ldan/ /mi yi snying stobs can de yin/ /lha dang drang

@217b srong gnod sbyin klu/ /dri za dang ni snying stobs dag
/mnyam par gyur pa'i rta gang yin/ /las rnams kun la rab tu
bsngags/ /mi dang yi dags lha ma yin/ /bya dang mtshungs ba bar ma
yin/ /de las gzhan pa'i snying stobs can/ /rta ni tha ma yin par
bshad/ /kun du

snying stobs gtso bo ste/ /snying stobs la ni thams cad gnas/
/sha li ho tra'i mdo'i gnas las snying stobs brtag pa'i le'u ste
sum cu rtsa drug pa'o// //bu dag gzi mdangs rnam pa lngar/ /rta
la dus su 'byung bar 'gyur/ /gang phyir 'di dag 'byung ba yi/
/bdag

nyid yin pas rnam lngar 'dod/ /mdog dang sbu kha rdzas dang ni/
/de bzhin du ni dbyibs dag las/ /mig gis gzung bya gzhan gang
yin/ /gzi mdangs kyi ni sgrar bshad do/ /re zhig rdzas ni yon tan
bzhi/ /kha dog gzugs ni dkar la sogs/ /rta ni kha dog tha dad
kyang/ /

spu kha ring po las kyang snang/ /gzi mdangs phra zhing dang bas
na/ /nye ba nyid na mngon pa yin/ /mdangs ni med pa tsam de
la'ang/ /med par yang ni dmigs ma yin/ /rlung dang de bzhin nam
mkha' dang/ /me dang de bzhin sa dang ni/ /chu nyid kyi ni mtshan
nyid dag /gang yin

de ni mnyan par gyis/ /rlung gi gzi mdangs snad pa yin/ /nam
mkha' yi ni 'bring du bshad/ /me dang sa dang chu yi ni/ /mtshan
nyid gsum po rtag tu shis/ /mi brtan rtsub cing mdog la gnod/ /de
bzhin cung zad dkar ba snang/ /rta yi spu kha la gnod pa/ /rlung

gi gzi mdangs de smad bya/ /shin tu dang ba nam mkha' ni/ /sprin
dang bral ba dang 'dra ba/ /mdangs can zhi bar gyur pa dag /de ni
nam mkha' can zhes bshad/ /rta rnams phal cher rtag tu ni/ /nam
mkha'i gzi mdangs can du snang/ /de ni mi smad bstod bya dag /

min par gyur pa nyid yin no/ /gzi mdangs ldan zhing 'od can 'dra/
/de bzhin me ni 'bar ba 'dra/ /me yi gzi mdangs bsngags pa ste/
/bsod nams kyis ni rta la 'byung/ /snum zhing chu yi mdog ldan
pa/ /dge skyed de ni chu yi yin/ /gzi brjid ldan zhing shin tu

@218a @#/ /brtan; /sa yi gzi mdangs gnyis yin la/ /rta la rtag tu
sa yi ni/ /gzi mdangs bsngags par gyur pa yin/ /smad pa'am
bsngags par bya ba yi/ /gzi mdangs yun ring gnas gyur pa/ /bdag
pos bde dang sdug bsngal gyi/ /'bras bu yun ring myong

bar 'gyur/ /gtsug dang kha dog 'bras bu ni/ /shis pa dang ni mi
shis gang/ /zhar la byung bar gyur pa gang/ /gzi mdangs su ni
rjes su 'gyur/ /dper na nyi ma'i 'od zer ni/ /sprin gyis khebs
par byed pa yin/ /de bzhin rta la gzi mdangs kyi/ /mtshan nyid
kyis ni khebs

par 'gyur/ /gnyid log las langs khrus byas dang/ /rnam kun skom
'thungs zas zos pa'i/ /rta la rta mkhan dag gis ni/ /gzi mdangs
nye bar brtag par bya/ /sha li ho tra'i mdo'i gnas las gzi mdangs
brtag pa'i le'u ste sum cu rtsa bdun pa'o// //

sha li ho tra drang srong che/ /rig byed yan lag mthar phyin pa/
/rta bres gnas na 'dug pa na/ /mdza' las rgyal sogs bu rnams
dang/ /bla ma la gus slob ma rnams/ /rta spyod shes la yang dris
pa/ /legs ldan rgya mtsho'i mthar thug pa'i/ /sa gzhi dri yi

phreng bas bskor/ /grong rdal 'byung gnas yul dag dang/ /nags
tshal rnams kyis nyer mdzes par/ /rang dgar rgyu ba'i rta rnams
ni/ /khyed kyis bgo bsha' mdzad lags na/ /de rnams kyi ni 'byung
lugs dang/ /rigs dang nye ba'i rigs rnams dang/ /

yul gyi rtags ni 'byung ba dang/ /kha dog spyod pa gzi mdangs
shugs/ /so so'i rigs shes rnam brtag pa/ /bdag cag la ni bshad du
gso/ /dog pa'i gnas kyi shes bya dang/ /rta rnams skye ba nyid
dang ni/ /yul mthar yon tan cher ldan dang/ /yul

dbus yon tan chung bar ni/ /'gyur bas de phyir de thams cad/
/legs ldan gyis ni bshad par rigs/ /de nas legs ldan drang srong
mchog /bu rnams la ni slar smras pa/ /gzugs dang skye gnas kha
dog dang/ /snying stobs spyod pa mdangs dang ma/ /gzi

@218b mdangs dbyibs dang dri dang ni/ /bde dang mi bde skad rnams
dang/ /rigs las byung ba 'di dag kun/ /ji lta bar ni smras pa
yin/ /thog ma kho nar sprul pa na/ /lha yul du ni rgod ma byung/
/mdog 'dres gnag dang dmar ba dang/ /dud ka sngo bsangs skya bo
dang/ /

khra dang ljang ba rnams yin te/ /de dag yul yul dag tu bgos/
/rta mchog de dag rnams kyis ni/ /bdag po yang ni de snyed de/
/brgya byin zla ba nyi ma dang/ /rlung lha dang ni chu lha dang/
/me lha dang ni nor bdag rnams/ /rta rnams kyi ni bdag por gyur/
/lha yi rta

yi 'byung gnas te/ /sa steng phyogs phyogs dag tu bgos/ /lha yi
mchog gi rgod ma ni/ /de ltar rjes su sprul pa yin/ /dbang po che
la mdog 'dres pa/ /gzhan dag go rims ji bzhin no/ /de yi bu dang
tsha bo yis/ /sa gzhi thams cad khyab pa yin/ /

la la rgya mtsho la gnas te/ /de bzhin gzhan dag sin dur brten/
/nas gling tho gar la gnas shing/ /gzhan dag nor can dag tu'o/
/sha kha bru zha gan du ra/ /drang srong can dang nyams dga'
dang/ /mnya' dga' gur shI ka li ka /nya dang me cha tig tig

gi; /chu bo brgya pa wing sa sha/ /zla ba'i cha zhes bya ba dang/
/ko shi ka dang sbyangs can dang/ /gang gA de bzhin sa srung
dang/ /chu bo cher ldan de dag dang/ /rus sbal can dang kha ba
can/ /ba lang shing rta ma la ya/ /spos dang ldang dang du ni ro/
/ca co can

na'ang gnas pa yin/ /grong khyer bzang dang dpa' bo'i ste/ /kha
che'i 'brog gi cha dang ni/ /lnga len sgra ngan aM bashtsa/ /ri
khrod mtha' 'khob nas kyi yul/ /yul dbus rgya mtsho bcu pa dang/
/dngul rdo'i ri dang ni sha dang/ /shar gyi mtha' dang bu ling
dang/ /

bi dar pa dang ke shi ka /phyogs dang mi yi yul kun na/ /sa la
brda ni brten pa yin/ /yul de rnams kyi khyad par gyis/ /dbye ba
gsum du 'gyur ba nyon/ /dbyangs can gyi ni byang phyogs su/ /der
ni gang zhig skyes gyur pa/ /sna tshogs 'byung gnas las

@219a @#/ /byung ba/ /spyod pa mchog dang ldan zhes bya/ /yang na
lho phyogs cha ru ni/ /shar du 'bab pa'i chu ngogs gnas/ /de ni
stobs dang gzi mdangs sogs/ /tshang kyang bar ma yin zhes bya/ /sa
rdul can dang ri rong dog /so ra sra la sogs pa'i

rta; /gzi mdangs stobs dang lus kyi tshad/ /snying stobs dman pa
yin zhes bya/ /rta yi rigs dang dbye ba ni/ /yul ni so so las
byung ba/ /rigs dang skye ba'i tshul dag ni/ /yul las lnga bcu
rtsa bzhir 'gyur/ /de las gzhan yang dog pa yi/ /yu[?] sa

skye ba rab bshad bya/ /ma dang cha yis bsten pa yi/ /nyes pa yon
tan med 'gyur zhing/ /rigs bzang yin yang phal cher yin/ /lus ni
mi sdug pa dag snang/ /dper na la lar mi dag ni/ /sgur bo dang ni
mi'u thung yod/ /de bzhin rta yang lus byad ni/ /mi sdug

par ni shes par bya/ /lus dang mgyogs tshul stobs rnams ni/ /dman
pas rta gzhan dag tu gyur/ /yul ni bzang por skyes na yang/ /yon
tan med pa dag kyang yod/ /pha dang ma yi skyon dang ni/ /ston ka
skyes par gyur pa dang/ /de 'dra gzhan las byung ba

yi; /de dag dang ni 'dra bar bshad/ /de bzhin pha dang ma dag ni/
/lus kyi yon tan ldan gyur kyang/ /legs par skyes par ma gyur pa/
/mtshan nyid de dang ldan pa min/ /rigs las byung ba'i mang po
dang/ /'dus pa dag tu bstan pa'ang min/ /mdza' las rgyal

la sogs pa yi/ /bu yis pha la yang dris pa/ /rgyu ni mtshungs pa
dang ldan zhing/ /mngal las dus gcig skyes gyur pa/ /dbyibs dang
yon tan mtshungs gyur cing/ /rlung gi shugs 'drar mnyam par ni/
/sngon tshe tshangs pa nyid kyis ni/ /rta rnams sprul par

byas pa yis/ /de ltar yon tan mnyam pa las/ /ci phyir de dag tha
dad gyur/ /'di yi rgyu ni gang yin pa/ /khyed kyis bdag cag la
bshad rigs/ /de ltar bu yis bskul ba dang/ /sha li ho tras slar
smras pa/ /dpar na chu ni ro gcig par/ /mkha' las

@219b bab kyang sa rnams kyi/ /khyad par dag gis bzang ngan gyi/
/ro ni sna tshogs mang por 'gyur/ /de bzhin tshangs pas tshul gcig
par/ /rta rnams sprul par byas mod kyi/ /lha rnams la ni bgos pa
las/ /lhag pa gang yin sa gzhi 'dir/ /rgyal po rnams la byin

gyur pa/ /rta de sa yi khyad par gyis/ /rigs dang skye gnas ming
dag ni/ /khyad par mang por gyur pa yin/ /sha li ho tra'i mdo'i
gnas las rigs brtag pa'i le'u ste sum cu rtsa brgyad pa'o// //sha
li ho tra rta bres na/ /'dug tshe dri za'i rgyal po

dang; /mdza' las rgyal ba gnyis ka ni/ /dul dang ldan pas dris
gyur pa/ /legs ldan rta ni bzang po yang/ /spyod pa ngan pa snang
ba dang/ /mtshan nyid mi shes ldan gyur kyang/ /kha cig rang bzhin
bzang po mchis/ /der ni rgyu dag gang lags pa/ /yang

dag par ni gsungs zhes dris/ /ston ka btsas pa'i mtshan nyid ni/
/yang dag par ni bka' stsol cig /de gnyis kyis de dris pa na/
/sha li ho tras slar smras pa/ /lung la goms byas shes rab ni/
/nam yang slu bar byed pa min/ /lus dang mdog dang stobs

ldan pa/ /tshul ngan ring du gyur pa yin/ /la la lus ni gtsang
gyur kyang/ /snying stobs mi nyams gyur pa yis/ /phyin ci log gi
snying stobs can/ /lus ni gtugs par ston par bshad/ /de ni shes
rab dman pa yi/ /skye bo phal cher rmongs par 'gyur/ /

skye ba nyid dang gces pa dang/ /shis dang mi shis mi rtogs
'gyur/ /de bas dbyibs legs snying stobs ldan/ /ngang tshul bzang
ba'i dam pa ni/ /snying stobs ngang tshul lus byad ni/ /sun 'byin
byed de spang bar bya/ /de ni nga yis bshad bya yis/ /khyad

par mnyan pa nyid du gyis/ /dbyibs legs pa dang dpa' ba dang/
/gzi mdangs stobs dang ma yengs dang/ /'phel ka che zhing sems
bzang la/ /dar la bab cing mdangs bzang la/ /dbang po brtan zhing
dga' ba dang/ /snying stobs mgyogs byad ldan pa yi/ /de 'dra

@220a @#/ /ba yi rta dag ni/ /yul dang dus las dga' gyur par/
/rtswa dang chu mang dus su ni/ /pha dang ma ni 'dus gyur pa'ang/
/de tshe skyes gyur rte'u ni/ /yon tan kun dang ldan pa yi/ /rta
ni de dag nyid kyis na/ /yon tan de nyid skye bar 'gyur/ /

'dod bcas pa dang 'dod bral ba'am/ /don du gnyer dang don mi
gnyer/ /gzhon dang shin tu rgan pa dang/ /rte'u dang rta rgan
nyid kyis ni/ /lus dang snying stobs ngang tshul rnams/ /bzang
ngan 'dres pa nyid du 'gyur/ /khro dang 'khrug par gyur pa dang/
/'jigs

dang skrag par byed pa dang/ /gcong can dang ni nyam chung dang/
/ngal dang sems ni dub pa dang/ /skye bar byed pa'i rta gang yin/
/las la mkho bar mi 'gyur ro/ /de ni mdangs stobs dman 'gyur
zhing/ /las rnams kun la nus pa chung/ /rtag tu na zhing rgyun du

sbeg; /gang zhig rnyog can 'gyur ba'i rta/ /pha dang ma yi rgud
pa yis/ /stobs chung gzi mdangs zhan par 'gyur/ /de ltar skye bar
gyur ba'i rta/ /las rnams 'grub par mi byed do/ /dgun mtha' tshad
pa'i thog ma ru/ /dpyid dus srog chags rnams la phan/ /

thun mong dus su gyur ba'i tshe/ /lus gzungs snyoms par gyur pa'i
rta/ /rgod ma lo bzhi lon pa dang/ /rta pho lo brgyad lon pa
dang/ /'dus gyur pa las gyur ba'i rta/ /rtag tu las rnams kun la
bsngags/ /de ni yon tan kun ldan zhing/ /nyes pa

kun dang bral ba yin/ /lus kyi phyi nang dag gi ni/ /yon tan ldan
zhing kun sbyor nus/ /mdza' las rgyal gyis yang smras pa/ /tha
mal pa dang nad bcas gnas/ /ston ka pa ni gang dag lags/ /gsor
rung gsor mi rung ba dag /gang lags

the tshom skyes lags kyi/ /drang srong chen po de gsungs shig
/mdza' las rgyal gyis de skad dris/ /legs ldan gyis ni slar smras
pa/ /'bras bu bzang dang ngan pa yi/ /phun tshogs ston ka'i tshe na
gnas/ /'bru yi phun tshogs mthun pas

@220b na; /rta la'ang ston ka pa zhes bshad/ /rang bzhin de 'drar
gyur pa yi/ /ston ka rnam pa bzhi ru mthong/ /rang bzhin la gnas
de bzhin sbom/ /phra dang dmar pa'i ston ka pa'o/ /rang bzhin la
gnas mchog yin te/ /phra dang sbom dang gzhan pa yin/ /rte'u ston
ka

dmar po ni/ /spang bar bya bar gyur pa yin/ /phra dang sbom pa
phrad pa las/ /sbom pa'am yang na phra bar 'gyur/ /phal cher gang
gi mtshan nyid dang/ /de las lhag par mi 'gyur ro/ /skye gnas
snying stob ma lus kyi ni/ /mtshan nyid dang ni rtags dag las/ /

'di rnams kyi ni las dag kyang/ /thams cad rim bzhin bshad par
bya/ /rgod ma'i sems stobs nye ba dang/ /lam du zhugs par gyur pa
yis/ /khur dang gom pa dag gis ni/ /de ni tsha bas gdungs gyur
cing/ /bkres dang skom pas nyen pas na/ /mngal

nas khrag ni 'dzag par 'gyur/ /zla ba drug ni 'das pa na/ /sha ni
khrag tu 'gyur ba yin/ /mngal de'i tshil ni gang yin pa'ang/ /phra
mo tsam zhig yod mi 'gyur/ /rus phra sha ni srab pa ru/ /skye ba
ston ka dmar po yin/ /'di ni longs spyod mi rung zhing/ /las
rnams

nus pa'am yin no/ /mngal ni chags par gyur ba'i rta/ /zas kyi bya
bas 'phel mi 'gyur/ /rtsub cing rnob za ba dang/ /de bzhin lam du
zhugs pa dang/ /khur gyis dub par byas pa dang/ /bcings dang rta
lo dang sbyar dang/ /der ni mngal chags gyur pa yis/ /khrag

zad log par 'gyur ba yin/ /ji ltar char med sman rnams ni/ /skye
bar 'gyur ba ma yin la/ /'bad med me tog 'bras bu sogs/ /'phel
bar 'gyur ba'ang ma yin no/ /de bzhin log par gsos pa yis/ /rta
yi mngal ni skams par 'gyur/ /de ni sbeg cing

nyam chung ba'i/ /rte'u dus ni 'da' bar byed/ /dus ma 'das pa'ang
nyam chung zhum/ /yan lag ma tshang skye bar 'gyur/ /rte'u de ni
stobs zhan zhing/ /dbang po zhan par skye bar 'gyur/ /khrag chung
snying stobs dman pa ru/ /dus su de ni las kyis skye/ /de ni rus

@221a @#/ /pa'i ston ka bar/ /shes bya de yi las nyon cig /rte'u
de ni mar ram ni ma/ /yang na 'o mas gso bya zhing/ /stobs skyed
pa ni gzhan dag ni/ /phra ba'i ston ka gso bar bya/ /ma ni 'bras
cha na yu sha dang/ /de bzhin khu ba sna tshogs dang/ /

de bzhin btung ba sna tshogs dang/ /bsku dang 'jam rtsis brda bar
bya/ /yang na rte'u zla drug pa/ /bsku dang 'jam rtsi 'bras chan
zhu/ /tshad dang ldan pas go rims bzhin/ /de bzhin lhag bar bya ba
dang/ /me stobs skyed pa sbyin par bya/ /bar 'o mar sbyar ba la/
/mar

ni tshad tsam bcug pa sbyin/ /rte'u lo gnyis lon pa la/ /kha zas
sbyin par bya ba yin/ /lug gi sha dang rma bya'i sha/ /khyim bya
bya yi sha rnams dang/ /nya dang rus spa lang sha rnams las/ /sha
khu dang ni kha zas bya/ /sna sman dgongs ka btung ba dang/ /bsku
dang 'jam rtsi

rtswa yis kyang/ /lus kyi lus gzungs brtas bya ba/ /zla drug par
du bya bar bshad/ /de nas sa 'dir bskyang bya zhing/ /lus dang
srog kyang bsrung bar bya/ /sor ni nyi shu bzhi la khru/ /khru
bzhi la ni gzhu gang ste/ /gzhu 'dom brgyad stong dag la ni/ /las
la sbyor ba'i

dpag tshad yin/ /der ni dang por rte'u dag /rim pa 'di dang ldan
pas kyang/ /'dom ni sum brgya nas brtsams te/ /dpag tshad par du
rim gyis bkri/ /dgun zla 'bring dang tha chungs tshe/ /de las nyis
'dab bya ba yin/ /dpyid zla rab gsum 'gyur te/ /dpyid

zla 'bring bo dpag tshad med/ /de yi rjes la dpag tshad ni/ /gcig
tsam zlum pos bskor bar bya/ /bya ba'i sbyor ba 'di nyid ni/
/nyam chung ba la bya ba yin/ /nas dang ma sha mar 'oms/ /bsku
dang 'jam rtsi rtswa rnams dang/ /shin tu snum pa'i ba tung ba
yin/ /gang tshe

gnyi ga brtas byas la/ /de bzhin rgod ma sbo ma gyur kyang/ /spom
po bskyed pa nyid yin te/ /sbom zhing mang la du lci ba'i phyir/
/de ni dus su so mi 'gyur/ /de yi yang yang ma zhu ltar/ /dus min
par ni skyed bar 'gyur/ /rte'u'i tshil ni cher 'gyur bzhing/ /sha
yi tshogs

@221b ltar gnas pa yin/ /de ni ldang dang brtse mi nus/ /lci
zhing khur gyis non ltar 'gro/ /sbal ba ltar 'gro sbom pa dang/
/lus ni snyoms par skye bar 'gyur/ /sbal pa skrangs par gyur pa
ltar/ /brtan par 'gro bar 'gyur ma yin/ /tshil gyis snying ni
khyab gyur cing/ /mi rtsus

rtsa ba rten pa yin/ /tshil ni lhag par gyur pa ni/ /lus kyi rtse
dang 'degs par dka'/ /'di ni tshil ches yin zhes bya/ /de la las
ni 'di phan no/ /pi pi ling dang bca' lga dang/ /haM sti pi pi
ling tsi tra/ /'di dag bskol ba'i mar dag ni/ /nang par zas kyi

sngon du sbyin/ /tshad tsam rte'u de la ni/ /sbyang ba'i phyir ni
sbyin par bya/ /de la ma yi 'o ma ni/ /mi blud ra yi 'o ma sbyin/
/tshon mo'i 'o ma lci bas na/ /de phyir ra yi 'o ma blud/ /'o ma
sbyong bar byed pa yi/ /btung ba rgod ma la sbyin bya/ /kha ba
dang ni bska ba dang/ /tsha ba

sbyin pas de sbyang bya/ /de la ti la mar 'jam rtsi dang/ /de nas
slar yang gnas par bya/ /zla ba drug gi bar du ni/ /rte'u de las
yang dag spyad/ /gzhu 'dom stong ni song nas kyang/ /de nyid tsam
du bzlog par bya/ /de yi rjes la 'dom bzhi stong/ /de nyid 'gro
zhing bzlog

par bya/ /zas dang bskyang ba nyid kyis ni/ /lus ni legs par
mkhrang bar 'gyur/ /lus dang yan lag rkang pa brtan/ /lag gnas
dbang po dga' ba dang/ /gang tshe nad med yid bde ba/ /de tshe las
la sbyar bar bya/ /de ltar sbom phra shes byas la/ /de nas las

rnams sbyar bar bya/ /'di ni dmar por gyur pa dang/ /sbom phra
dag kyang bshad pa yin/ /rta mchog gi ni ston ka dag /rang bzhin
la gnas bshad par bya/ /sngar ni nga yi rta rnams kyi/ /yon tan
kun ldan gseb dang ni/ /rgod ma yon tan de ldan zhing/ /na tshod

stobs ni phun tshogs pa/ /srog chags thams cad bde ba'i dus/
/dpyid do me tog dri can la/ /phan tshun 'dod pa bskyed pa'i tshe/
/rgod ma 'khrig pa'i don du 'gro/ /der ni mngal du chags gyur pa/
/rta yi nyams mnyam bzang po yin/ /mngal du chags

@222a @#/ /ba bsrung ba'i phyir/ /nas dang ma sha mar gyis gso/
/dman pa bsten du mi gzhug cing/ /skar khung dra ba can du gzhag
/gom pa dal gyis 'gro bya zhing/ /dben pa'i phyogs su bskyang bar
bya/ /khang pa skar khung can der ni/ /bzhi mnyam

stan dang bcas par bya/ /rte'u la ni phan pa'i phyir/ /'di dag
thams cad yang dag spyad/ /yungs kar dang ni chu dag dang/ /bu
shel tse dang shug pa dang/ /bse shing 'bras bu zhib btags pa'i/
/phye ma yi ni bdug bas bdug /de ltar legs par bsrungs gyur na/ /

rte'u dus kyi bzang por skye/ /lus kyi stobs ni phun tshogs shing/
/shin tu 'byes pa legs par 'dus/ /lus gzungs thams cad rgyas pa
dang/ /yan lag mdzes shing lta na sdug /mgyogs shing gtsug ni dag
pa dang/ /mkhregs shing gra ma can min dang/ /

pags srab ba spu snum pa dang/ /'gro legs gzung bar sla ba dang/
/lus kyi yon tan kun ldan zhing/ /mtshan nyid thams cad bsngags pa
dang/ /'dzin dang 'jog par byed pa la/ /rtag tu mnyam pa med par
dpa'/ /ston ka dag dang zhes 'di bshad/ /rta

ni bzang po yin par bstan/ /rkang pa brtan zhing 'gros che la/
/lus kyi 'phel ka che zhing legs/ /rtag tu khal gyi sbyor ba
dang/ /las rnams la ni nges sbyor nus/ /de ni slob dpon dam pa
yis/ /rag pa'i rang bzhin ston kar bshad/ /de ni bkra shis rta

yin te/ /rgyal po'i bzhon par de nyid bshad/ /de ni g.yul ngor
rab tu bsngags/ /rtag tu rgod ma'i gseb tu bzang/ /de ni byang
zhing dpa' ba dang/ /mchod sbyin la yang rta de bzang/ /rtag tu
tshangs pa smra ba yi/ /rta mchog ces ni de bshad do/ /de ni rtag
tu bzhon

par bzang/ /skye dgu skyed pa yin par bshad/ /'di yi las rnams
bshad pa ste/ /gzhan yang mngal can zhes bya'o/ /rta yi mchog tu
gyur pa 'di/ /las la sgyid lug 'gyur ma yin/ /ston ka ba ni bzhi
bo 'di/ /mtshan nyid grangs ni dus ma yin/ /sbom dang

@222b rang bzhin la gnas dang/ /dmar dang de bzhin phra ba ste/
/rnam pa bzhi po gso ba dang/ /bcas par de bzhin bshad pa yin/
/gzhan yang pags pa la sogs pa'i/ /rang bzhin gang yin bshad par
bya/ /pags srab mdangs snum phun sum tshogs/ /pa

spu snum zhing gnyer ma snyoms/ /gsang ba'i phyogs ni mdzes pa
dang/ /gtsug ni bzang por gang gyur dang/ /blo ldang byang zhing
mgyogs pa dang/ /rmang kha mnyan zhing tshor ba can/ /shin tu
'byar bar gang gyur pa/ /pags ba bzang por de bshad do/ /yan lag
tshad

dang ldan pa dang/ /lus kun lag par snyoms pa dang/ /dmar zhing
dmar ba'i mdog rdzas can/ /mig dmar lta na sdug pa dang/ /mdangs
ldan yid ni gzhungs pa dang/ /blo dang dran pa'i yon tan ldan/
/khrag gi mtshan nyid bzang ldan rta/ /mtshan dang kha dang rkan

dmar ba'o/ /so snum mig ni legs pa dang/ /pa spu rnga ma'i mdangs
snum zhing/ /de bzhin phum phum 'jam la snum/ /rngog ma rang
zhing bzang ba dang/ /lce ni 'jam zhing yangs pa dang/ /padma
'dra zhing lus tshugs nas/ /shin tu mdzes shing sha yis

rgyas; /rkan dang ma rkan mig dmar zhing/ /stobs chen gzugs ni
bzang ba dang/ /sha mkhregs pa zhes bya bar bshad/ /gseng khrom
me tog mdog 'dra zhing/ /zlum la tshil gyis rgyas shing bzang/
/sha che tshil ni che gyur pa/ /che mkhregs pa yi rta zhes

bya; /kha dog dkar ba'am sbrang rtsi 'dra/ /mdangs gsal snyoms
shing mkhregs pa yi/ /so'am mche ba yod gyur la/ /mtshan ni shin
tu legs gyur cing/ /gang gi rus pa las skyes shing/ /'byes las
brtan par gyur pa dag /khur gyis zhum pa med gyur pa/ /

de ni rus mkhregs rta yin no/ /rkang ni mar gyi snying po 'dra/
/sra zhing lci la mkhregs par snang/ /sha yi phyi dang nang dag
ni/ /shin tu snum par snang ba dang/ /mig gi mdangs bzang nag pa
dang/ /gang gi ba spu snum gyur cing/ /stobs dang mdangs kyi yon
tan ldan/ /

@223a @#/ /de ni rkang mkhregs pa zhes bya/ /snum zhing bska la
dring med/ /mang zhing ba ra'i 'o ma 'dra/ /gang la de 'dra'i khu
ba yod/ /de ni nga yis bshad kyis nyen/ /sra zhing stobs ldan
dregs pa bdo/ /rgya cher dga' zhing mgyogs dang ldan/ /rgod ma
shin tu tsham

byed cing/ /ma dangs snum 'gros ni myur ba dang/ /dgar ba'am yang
na mdog rjes dkar/ /sha dang gnad dang tshil dang ni/ /rkang dang
rus pa pags pa dang/ /lus gang gzhan la yod pa rnams/ /thams cad
rgyus pas sbrel ba yin/ /'di ni mkhregs par gyur pa yi/ /

stobs dang gzi mdangs mgyogs par ldan/ /lus kyi yan lag kun legs
'brel/ /tshigs legs las rnams thams cad byed/ /'di ni rtsa rus sra
ba yin/ /snying stobs brtan la da nyon cig /dpa' zhing g.yul du
dpa' ba'i mgo/ /blo dang dran pa'i yon tan ldan/ /

mdog snum de bzhin mdangs dang ldan/ /pho mtshan ldan zhing tshor
ba che/ /chu zheng gab par gyur pa yi/ /yon tan thams cad ldan pa
dag /snying stobs brtan pa'i rta yin te/ /rdo rje mkhregs pa 'dra
zhing grims/ /sa kun la ni thor med cing/ /las rnams kun la

bsngags pa yin/ /'khrugs shing tshim par byas na yang/ /khong
'khrugs dga' bar 'gyur ba med/ /'di dag sra bar yang dag bshad/
/de rnams kyi ni yon tan nyon/ /pags mkhregs srab cing mtshan legs
skye/ /mgyogs dal dag dang ldan pa yi/ /khrag

bzang mdangs dang ldan pa dang/ /yid gzhungs par ni 'gyur ba yin/
/sha mkhregs stobs dang ldan pa dang/ /rta ni gzugs bzang 'gyur
ba yin/ /tshil mkhregs par ni gyur pa'i rta/ /lam gyi pha rol
phyin par 'gyur/ /rus mkhregs stobs dang ldan pa dang/ /dpangs
mtho

de bzhin kun byed nus/ /rkang mkhregs par ni gyur ba'i rta/
/stobs dang gzi mdangs phun tshogs 'gyur/ /khu ba mang bar gyur
pa'i rta/ /bu mang stobs che 'dod mos med/ /rtsa rgyus mkhregs
par gyur ba'i rta/ /gnyid srab ngal ba med par 'gyur/ /snying
stobs che ba bdag

@223b nyid brtan/ /bdag nyid thul zhing thams cad byed/ /de ltar
ston ka zhes bya dang/ /mkhregs par gyur pa'ang bshad pa yin/
/sha li ho tra'i mdo'i gnas las ston ka pa zhes bya ba'i le'u ste
sum cu rtsa dgu pa'o// //dka' thub brtul zhugs yang dag grub/
/tshangs

pa'i gzi ldan thul bar dka'/ /shes dang rnal 'byor bsam gtan
dang/ /sgom pa la goms sdig bral la/ /sha li ho tra'i bu legs
thos/ /thos pa phun tshogs dul bar ldan/ /dri ba'i tshig 'di don
mchog ldan/ /sha li ho tra la dris pa/ /legs ldan sngar ni rgyal

po la/ /rta las mchog gyur dpung gzhan med/ /rta yis thob par mi
nus pa'i/ /gnas kyang rgyal pos thob ces gsungs/ /de la rtag par
rta yod kyang/ /gal te rgyal po gzhan las ni/ /yul gzhan las ni
byung ba yi/ /rta dag nyo bar 'dod gyur la/ /gang la

rin ni ci lta bu/ /yin pa de la rtogs par 'dod/ /de don ma lus
shes 'gyur ba/ /khyed kyi don ni shes par 'tshal/ /bdag nyid chen
po legs thos kyis/ /de la bsnyen bkur byed pa na/ /drang srong
chen pos nyo tshong gi /brtag pa 'di ni smras pa yin/ /gal te

rta ni yod gyur kyang/ /rta gzhan nyo bar 'dod gyur na/ /rta
nyung ba'am 'on te ni/ /bzhon pa zad tshe smos ci dgos/ /rgan yang
'khor los sgyur ba yi/ /rgyal po la 'os mtshan nyid rdzogs/ /mtshan
nyid don gyis 'bras 'dod pas/ /rab tu 'bad de nyo bar bya/ /rta

gang g.yul du mi shis yod/ /yon tan gzhan dag ldan gyur na/ /rgyu
ba'i yon tan ldan pa'i phyir/ /de yang 'bad pas nyo bar bya/
/mtshan nyid ngan pa'i gnas skabs ldan/ /rta yang nyo ba nyid du
bya/ /dper na mi shis nyes bral ba'i/ /nyin zhag 'das na lan

dang mtshungs/ /lha yi snying stobs gzi mdangs ldan/ /mgyogs shing
rigs stobs la gnas na/ /mtshan nyid cung zad ldan na yang/ /rta ni
blang bar bya bar 'os/ /dang po lus kyi mtshan nyid dag /bzang
ngan gang yin yang lag ni/ /re re nas sgos brtag

@224a @#/ /par bya/ /de yi rjes la na tshod brtag /lus brtags nas
ni tshe tshad de/ /ci srid nas ni 'chi ba brtag /de rjes rin thang
gdab bya ste/ /gzhan du bzang po ngan par 'gyur/ /de bzhin rigs
dang shes pa dang/ /mtshan nyid bzang dang ngan pa dang/ /mdog

dang gtsug dang 'gros kun dang/ /de las gzhan ci'ang rung ba
dang/ /chu zheng gi ni tshad dag dang/ /de bzhin rgyu ba'i 'gros
dang ni/ /brgyug tshe lus kyi mtho dman dang/ /de bzhin sdug dang
mi sdug dang/ /zhon tshe snying nye snying ring dang/ /skye gnas
bcas par shes

par bya/ /lhan cig skyes pa'i ba dang ni/ /sra snyi dag gi rang
bzhin dang/ /rta yi nang na rgyu ba na/ /snying stobs dang tshul
gzi mdangs dang/ /nad med nad dang bcas rnams dang/ /rta 'dod pa
yis rtag tu brtag /rin thang dag ni ci tsam gyis/ /sa ni ci tsam
chod

gyur pa/ /de ni rab tu bshad bya yis/ /ngas smras pa la mnyan par
gyis/ /rta mkhan dang ni rta rdzi dang/ /rta la gom dang 'gros
mthun dang/ /rigs mtho brkam chags med cing dul/ /blo zab bstan
bcos shes pa dang/ /gso ba legs par shes pa

dang /nad gso pa la mkhas pa dang/ /lan 'debs pa la mkhas pa
dang/ /long yod par ni brtag par bya/ /skar ma nyin zhag shis pa
dang/ /gza' ni bzang po la bab tshe/ /rgyal po blon po'i rgyal po
nyid/ /grong khyer gyi ni phyi rol gyi/ /shar dang byang gi

phyogs su ni/ /sa phyogs mnyam zhing gtsang ba dag /thag thogs
med cing bgrod bde bar/ /kun du mnyam par gyur pa yis/ /chu zheng
mnyam zhing shar du yangs/ /rin thang spyod pa gtsang mar gnas/
/chur ni gzhu 'dom nyis brgya pa/ /zheng du de yi brgyad

cha ru/ /ske nas 'dzin par byed pa yi/ /mi rnams kyang ni gzhag
par bya/ /mang po las ni mchog dang 'bring/ /tha ma sde tshoms
gsum du bya/ /de rnams mtshan nyid ngan pa yi/ /nyes dang ring las
rin thang gdab/ /nyo bya nyung zhing mnyam gyur na/ /cha

@224b mnyam pa yi rin thang gdab/ /so sor yongs su brtags nas ni/
/rin thang so sor gdab par bya/ /de bzhin bslab par bya ba dang/
/ma byang ba yi mtshan nyid ni/ /zho na te 'bad pas brtags nas ni/
/rin thar[?] gdab pa nyid du bya/ /sgra chen skye bo mang po yi/
/thal

mo ca co bsdigs byas pas/ /sems kyi rang bzhin brtag bya zhing/
/'jam pa yis kyang reg pa brtag /glo bur glang chen 'brug sgra
dag /grag las snying stobs brtag par bya/ /gzi mdangs dang ni mi
mthun phyogs/ /dang tshul dang ni dul ba dag /re re nas ni shar

phyogs sam/ /byang du kha ni bstan byas la/ /gdong ni mthar thug
yongs su ni/ /bskor zhing brtag pa nyid du bya/ /ci nas 'tshong
dang nyo ba dang/ /mchog dang dga' ba gyur ba ni/ /rta 'dul mkhan
dang tshong kha bas/ /de ltar rang bzhin nges par bcad/ /nyob dang
ni

tshong pa dag /lag brngas dang por go byas la/ /de yi 'og tu thams
cad kyi/ /mdun du gnas de gsal bar bya/ /rta la brdzun gyis slu
byed na/ /rigs brgya nges bar rlag 'gyur bas/ /'tshong ba'am nyo
bar byed pa la/ /slu ba dag tu mi bya'o/ /gal te rin thang

gsal byas nas/ /rta mi gtong ngam mi len nam/ /gang zhig 'gal bar
gyur pa na/ /de la chad pa ci rigs bcad/ /sha li ho tra'i mngo'i
gnas las nyo tshong brtag pa'i le'u ste bzhi bcu pa'o/ /gnas dang
po rdzogs so// //sha li ho tra bder gnas la/ /

legs thos kyis ni yang dris pa/ /rjes su btung ba'i chang dag ni/
/ci 'dra bar ni blud par bya/ /nang kyi rang bzhin ci 'dra bar/
/sman ni ci 'dra dang sbyar sbyin/ /ro ni gzhan du gyur pa na/
/chang gis nad ni gang zhig skyed/ /'dir ni chu sbu bas tshad ci
tsam/ /de

bzhin chang ni ci 'dra blud/ /rjes su btung ba'i cho ga 'di/
/smra mchog khyed kyis bstan du gsol/ /bu yis de skad dris pa na/
/sha li ho tras slar smras pa/ /'od ma tshigs ni gnyis pa las/
/sman pa yi ni sor tshad kyis/ /chur ni sor yang ba cu drug la/
/zheng du

@225a @#/ /sor gnyis chu sbubs bya/ /zlum zhir rtse mo rta rna
'dra/ /'jam zhing shin tu sra ba la/ /bu ga mthe bong shor tsam
ni/ /rtse mo'i phyogs su bya ba yin/ /ya so'i gseb tu btang nas
ni/ /g.yon phyogs su ni gzhag bar bya/ /bde zhing drang por bzhag
nas

ni; /mgo bor slar yang brdeg byas la/ /chu sbubs mtshan nyid de
'dra ba/ /sum cha nye bar bzung nas ni/ /sor bzhir kha yi nang
bsrings la/ /gnod pa med par blud par bya/ /ring par sbyin par mi
bya zhing/ /nyung nyung yang dang yang mi sbyin/ /de 'dra'i tshul
gyi chu

sbubs dang/ /rta la btung ba blud par bya/ /'o ma chang las gyur
pa'i nad/ /nam yang chu sbubs kyis ni se la/ /de bas chu dang 'o
ma ni/ /chu sbubs dang ni blud mi bya/ /chang ni 'bu zhugs rul pa
dang/ /skyur zhing mdog nyams sbyi bag can/ /gsar dang tshig dang

shun pa chags/ /snyigs mar gyur pa smad pa yin/ /gang tshe rta ni
skyur ba'am/ /sbyi bag can gyi chang blud na/ /de tshe khrag dang
mkhris pa ni/ /tha mal pa gnas 'khrug par 'gyur/ /tshig cing nyams
pas bad mkhris dang/ /rlung yang skyed par byed pa yin/ /

dri mi zhim zhing rul pa yis/ /rlung dang bad kan mkhris bdag
/gnas nas skyod par byed pa dang/ /brgyal dang rmongs bag skyed
par 'gyur/ /rnyings dang chang gi snyigs ma dang/ /'bu dang bcas
par sbyin na ni/ /rta yi nad gzhi rnams dang ni/ /lus gzungs dag

kyang 'khrugs par 'gyur/ /ro dang mthu med chang gzhon dang/
/blud na rlung ni 'khrugs par byed/ /de bas shas cher mngar gyur
pa/ /kha dang cha ba'i ro ldan pa/ /skyur dang lan tshwa cher mi
bro/ /bska ba bsngags par gyur pa yin/ /chang ni ro drug rjes
'jug pas/ /yon

tan drug dang ldan pa yin/ /mdog bzang dri ni bzang ba dang/
/gsal ba rnams ni bsngags pa yin/ /ro tsa rlung ni shad sel
zhing/ /dri med stobs kyang 'phel byed yin/ /ngal ba sel zhing yi
gar 'gro/ /phyi lo bsil byed yon tan ldan/ /lus kyi nang ni tsha
byed

@225b cing/ /zhu rjes kyang ni tsha ba yin/ /ban kan smug dang
skems pa sel/ /khrag kyang dang bar byed pa yin/ /gcin sri ba
dang tshad 'khru ba/ /phan zhing rlung ni bde rgyu byed/ /rtas
byed 'jug byed mchog yin zhing/ /mdog kyang gsal bar byed pa yin/
/me drod

nyams pas zos rjes la/ /chang 'thung me drod skyed par byed/ /rta
yi nad ni thams cad la/ /phal cher char ni phan pa yin/ /chang ni
khar sbrang rtsi dang/ /sbyar ba btung bar blud gyur na/ /khong
ba'i me drod skyed byed cing/ /kha yi ljan ljin sbyong bar byed/
/bu ram yang

ni khyad par du/ /ro tsa byed cing rlung mkhris skyed/ /kha zhing
bska ba'i ro ldan pa/ /zhu rjes tsha bar gyur pa yin/ /zhu rjes
tsha zhing rtsub pas na/ /bad kan sbyong bar byed pa yin/ /de
bzhin tsha zhing rtsub pa na/ /mkhris pa rlung ni 'khrugs par
byed/ /khar ba sil zhing

rtsub pas na/ /drod po min pas rlung skyed byed/ /nim pa seng
phrom pri yang ku/ /gla sgang pi pi ling btab dang/ /sbrang rtsi
dang ni sbyar ba yi/ /btung ba dpyid kyi dus su bsngags/ /shing
mngar seng phrom pi pi ling/ /pri yang ku dang bca' lga btab/ /bu
ram dang

sbyar btung blud/ /sos ka'i tshe na bsngags pa yin/ /thang shing
dang ni bca' lga dang/ /lan tshwa dang ni til ma dang/ /pi pi ling
phye btab pa yi/ /rjes su btung ba dang dbyar tshe bsngags/ /shu
ti bca' lga pi pi ling/ /tsi tra dar na le sham/ /khang rgun 'bru
dang

sbyar ba'i/ /rjes su btung ba ston tshe bsngags/ /'tsho byed sde
tshan pi pi ling/ /shing mngar dang ni ma nu dang/ /seng phro ma
rgyam tsha dang sbyar ba'i/ /btung ba dgun gyi dus su bsngags/
/zer dang ni byi dang ga/ /tsha ba gsum dang tsi tra ka/ /lce
myang tsha dang sbrang rtsi btab//

btung ba dgun gyi dus su bsngags/ /rlung dang mkhris pa bad kan
rnams/ /rnam pa du mar 'khrugs kyang gyur pa'i/ /gso ba nye bar
bstan pa la/ /rjes su btung ba blud par bya/ /nyi ma sha bam thag
tu ni/ /dang po gdong ni bkrus nas kyang/ /khong bdag gyur rta
rnams

@226a @#/ /la; /rjes su btung ba blud par bya/ /chu ni grang mo
dag gis kyang/ /gdong du nye bar blugs byas la/ /rtswa ni yid
tsam byin nas kyang/ /khrus byas rjes la kha zas sbyin/ /so so'i
me stobs so so'i nad/ /so so'i rang bzhin las dpag ste/ /dus ni

so sor blud bya bas/ /de phyir so sor btung bar bshad/ /zos pa'i
rjes la blud bya bas/ /rjes su btung ba zhes kyang bshad/ /zos
pa'i rjes la btung ba ni/ /'bras chang dangs ma 'ba' zhig
bsngags/ /skom du chang ni blud gyur pa/ /zas ni yi ga 'byed byed
cing//

stobs ni 'phel bar byed pa dang/ /nad rnams sel bar byed pa yin/
/ltogs dang shin tu dub pa dang/ /lus kyi khong tsha dran pa
nyams/ /gdon nad can dang dug gis phog /rta la chang ni blud mi
bya/ /chang blud pa yi rta la ni/ /nam yang mnye bar mi bya'o/
/de ltar

me drod tshul las ni/ /rdzas su btung ba blud par bya/ /rjes su
btung ba lan tshwa ltar/ /bu ram yang ni sbyin par bya/ /pi pi
ling dang bca' lga ni/ /der ni srang bzhi gzhug par bya/ /til mar
phul gang nyid dang bsre/ /btung ba snga dro blud par bya/ /chang
gi nyes pa las gyur

pa'i; /nad ni snang gyur gang yin la/ /gso ba ru ni bshad pa yin/
/sman gyis slar ni bcos par bya/ /rjes su btung ba'i don du ni/
/legs thos kyis ni yang smras pa/ /gang gi dus su gang sbyin
zhing/ /tshad dang sman ni gang dang bcas/ /btung ba sman ni gang
du sbyin//

chang dangs chang rnying sbyar ba'i chang/ /de bzhin rgun chang
la sogs pa/ /gang tshe sbyin pa bdag la gsungs/ /bu yis de skad
dris pa dang/ /sha li ho tras slar smras pa/ /dgun tshe nas chang
sbyin bya zhing/ /dgun smad dus su nas chang blud/ /dpyid ni
sbrang char sbyin

bya zhing/ /sos ka chang dangs sbyin par bya/ /dbyar gyi dus su
chang rnying sbyin/ /ston ni rgun chang sbyin par bya/ /zla phyed
dus dang sman sbyar ba/ /gang zhig blud bya de bshad bya/ /snga
dro khong pa sbyangs pa la/ /chang gi dangs ma phul gang dang/
/de bzhin til mar

@226b phul phyed dang/ /kha ra dkar po srang bcu dang/ /tsha ba
gsum ni srang gcig dang/ /lan tshwa yang ni srang gcig dag /rta ni
chen po la sbyin bya/ /de yis de la thob par 'gyur/ /bar ma la ni
brgyad cha dag /de la rnam par dbye bar bya/ /pi pi ling dang na
le sham/ /

par chu dag pu tse shel/ /bca' lga dang ni shing kun dag /srang
gcig dag ni yin par bshad/ /sngar bshad pa yi tshad las ni/ /phul
gang nyid ni 'di la sbyin/ /lan tshwa kha ra til mar ni/ /sngar
bshad pa yi phyed du 'dod/ /chang blud rjes la 'o ma ni/ /'bad

de yongs su spang bar bya/ /de bzhin 'o ma blud rjes la/ /chang
sbyin par yang mi bya'o/ /chang 'thungs rjes la skom blud pa'am/
/zas kyi rjes la blud pa'ang rung/ /zas ni dus rnams kun du
sbyin/ /skom ni phyi dro blud par bya/ /skom blud rjes la rtsol
drag pa/ /rnam

pa kun du spang bar bya/ /zla phyed dus su gang sbyin pa/ /de ni
ci bzhin sngar bshad yin/ /sha li ho tra'i gnas bdun pa las rjes
su btung ba bstan pa'i le'u 'o// //sha li ho tra thub mchog la/
/legs thos kyis ni yang dris pa/ /sman pa mchog gis rta

rnams la/ /ro drug po ni dgos par gsungs/ /ro drug po ni dgos pa
la/ /'di la shas cher lan tshwa ni/ /sbyor ba kun la rab shes te/
/lus ni rtas par byed pa dang/ /kha zas len par nus pa dang/ /lto
bar phyin par gyur pa ni/ /legs nyes ci 'gyur rgyu de gsungs//

de skad dris tshe legs ldan ni/ /sha li ho tras slar smras pa/
/rta ni rlunggi shugs ldan zhing/ /rlung shas lhag par che ba
yin/ /rlung 'joms pas ni ro drug las/ /lan tshwa rta la mchog tu
bsngags/ /mdangs ni rnam par 'phel byed cing/ /sbyor ba kun dang
rjes mthun la/ /

ljang pa shas cher mngar bas na/ /'ju dka' bar ni bshad pa yin/
/de bas lan tshwa phan gyur cing/ /rta rnams rtas par byed pa yin/
/gzhan yang lan tshwa'i yon tan rnams/ /nga yis bshad kyis de nyan
gyis/ /'drul zhing drod ni skyed byed la/ /zas 'ju lus rgyas

@227a @#/ /byed pa'i mchog /drags na bad kan skyed byed cing/ /lus
kyang lhod par 'gyur ba bshad/ /ran pas kha ni sbyong byed cing/
/stobs skyed mdog ni dag byed yin/ /gang zhig rlung nad kyis nyen
dang/ /gang zhig rtswa dang 'gras pa dang/ /gang yang

yid mi bder gyur dang/ /gnyid ni med par gyur ba dang/ /gang zhig
me drod nyams pa'am/ /gang zhig me drod ma snyoms dang/ /lus
gzungs rnams la gnod bya las/ /brtas kyang tshon por ma gyur dang/
/de la tshad ldan lan tshwa ni/ /byin na nad rnams sel byed yin/ /

lan tshwa 'ba' zhig byin pa'am/ /chang dang sbyar te sbyin par
bya/ /lan tshwa pho ba'i me drod ni/ /skyed cing mdog stobs 'phel
byed yin/ /lus ni rnam par rgyas byed yin/ /zas kyang mang du za
bar nus/ /de ltar lan tshwa'i yon tan ni/ /bshad nas so so'i dbye
ba

bstan; /rgyam tsha dang ni kha ru tsha/ /rgya mtsho'i tsha dang mtsho
tsha dang/ /ya bak+Sha ra sro hni ka /rtsal ru tsha ni bdun pa yin/
/bul tog brgyad pa nyid yin no/ /'di ni lan tshwa'i tshogs su 'dod/
/kun la rgya tsha mchog yin te/ /de nas rim gyis yon tan chung/ /

'di rnams sbyor ba'i tshad dang ni/ /dus kyang nga las nyan par
gyis/ /zas dang rjes su btung ba la/ /de yi khu ba dang sbyar
bya/ /snga dro'am yang na phyi dro'am/ /yang na khrus byas dus su
ni/ /rtag tu lan tshwa byin gyur na/ /me drod rnam par 'phel byed
yin/ /

sbegs dang rgan dang shin tu gzhon/ /de bzhin skom gyis gdungs pa
dang/ /mkhris pa khrag gi nad bcas dang/ /gang yang bad kan gyis
nyen dang/ /gcin ni khrag 'dra 'byung ba yi/ /nad ni gang tshe
sogs gyur pa/ /de tshe btang na thams cad la/ /khong par

gnod pa skyed par byed/ /lan tshwa'i sbyor nyes khong par ni/
/khrag gi nad ni sog par byed/ /mkhris pa yang ni skyed byed yin/
/bad kan yang ni sdud bar 'gyur/ /khrag dang mkhris pa las byung
ba'i/ /tsha ba snying gar skyed par byed/ /de ni rming bag skye
'gyur te//

@227b rtags 'dis sbyor nyes yin shes bya/ /snying ga tsha zhing
kha nas ni/ /kha chu lbu ba dang bcas 'byung/ /(tshul mngon yang
dag gal ba dang[?])/ /rtag tu 'thung bar 'dod par 'gyur/ /nyam
chung bshad ba sri ba dang/ /lce yang 'byin par byed par 'gyur/
/rtswa ba sred pa chung

ba dang/ /sa la lce yis 'degs par byed/ /kun du dbugs rgod lus
rul zhing/ /mkhros pa'i tsha bas gdungs pa dang/ /snying ga sreg
pa snyams sems shing/ /de yi kha yang skams par 'gyur/ /mgo bo
'gugs shing ske bar 'jog /mdog nyams

lus ni bcag par 'gyur/ /lan tshwa las 'gyur nad de 'drar/ /shes
par byas nas gso ba brtsam/ /chu la sbang dang blugs pa dang/
/'dam gyis yongs su bsku bar bya/ /chu bsil kha ra dang sbyar
ba'i/ /btung ba de la blud par bya/ /chu grang la ni spang bar

bya; /'thung du gzhug par mi bya'o/ /'bras chang grang mo'o ma
dang/ /mar dang sbrang rtsi dang sbyar byin/ /pha ru sha ka rgun
'bru dang/ /tsi lu'i 'bras bu kha ra dkar/ /sbrang rtsi dang ni
bsres pa yis /sman gyi chang bu de la byin/ /sngar bshad pa ni
gang yin

pa; /kha sbyong cho ga de yang bya/ /nas dang 'bras ni drug cu
pa/ /ba gcin dang ni sprus pa byin/ /yang na 'bras chan ba la
dang/ /skyur rtsabs dang ni sbyar ba byin/ /phal cher mdar zhing
rlung 'joms pa'i/ /sman gyis bda' ba'i cho ga bya/ /khrag dang
mkhris pa

sel ba yi/ /mngar ba'i sman gyi 'jam rtsi gtang/ /gal te khrag ni
shas che bas/ /lus ni shin tu lci gyur na/ /rta la gtang ga byas
gyur na/ /bde ba nges par 'thob par 'gyur/ /ngang pa dur pa
khrung khrung dang/ /chu bya gzhan dang 'ol bya dang/ /rma bya
khyim bya sreg

pa yi/ /sha las sha khu byas te sbyin/ /gnas ni bde zhing ser bu
rgyu/ /bsil zhing chag chag btab par gzhag /utpal brgyad pa dUr
ba dang/ /rta ma britta a rdzun/ /rtswa yi phyed du sbyin byas
na/ /des ni bde ba 'thob par 'gyur/ /sha li ho tra'i gnas bdun pa

@228a @#/ /las lan tshwa'i skyon dang yon tan bstan pa'i le'u'o//
//legs thos thos pa phun tshogs pas/ /sha li ho tra la dris pa/
/khyed ni rta yi tshe rig byed/ /yan lag brgyad kyi de nyid
mkhyen/ /rgyu dang mi rgyu'i 'dri ba ni/ /chu la rag ni las pa
lags/ /

'gro ba 'byung dang 'byung 'gyur dang/ /de ltar gang zhig gnas pa
yi/ /sems can ro la rnam par brten/ /ro yang chu las 'byung bar
bshad/ /mchog tu rta ni ro kun gyi/ /bdag cag cha ni skog tu
bshad/ /'di ni rta yi khang pa na/ /gnas tshe nad ni ci ltar
bskyed/ /zas kyi

nang du ro gang zhig /chu yis rnam par rgyas par byed/ /sman pa
mchog las 'di dag gi/ /nges pa bdag ni mnyan par 'tshal/ /bu yis
de skad dris pa dang/ /sha li ho tras slar smras pa/ /legs thos
'di dag thams cad ni/ /yang dag nyid du mnyan par gyis/ /chu

dang shing ni mang ba dang/ /rlung mang than pa med gyur pa/ /de
ni rlan can yin zhes bya/ /rta la mchog ni yin par 'dod/ /gang na
shing dang chu nyung zhing/ /rlung med than pa che gyur pa/ /yul
de skams pa can zhes bya/ /rta la rtag tu bzang ma yin/ /rlan can
skams pa

'dren ma ni/ /de ni thun mong yin par bshad/ /de ltar rnam pa
gsum po yi/ /yul las goms par 'byung ba yin/ /yul ni yon tan mang
pa las/ /bu yi yon tan chen por 'gyur/ /chu yi yon tan chu las
ni/ /sman rnams kyi ni yon tan 'byung/ /sman gyi yon tan rdzogs

gyur na/ /lus kyi yon tan chen po skyed/ /de phyir rta yi lus
'dzin pa/ /gtso bo yul ni yin par bshad/ /bsil zhing 'tsho byed
rlan par byed/ /shin tu phra zhing brtags pa dang/ /khyab cing ri
yi gnas gyur la/ /yang zhing snum pa bcud len 'gyur/ /chu ni sems

can thams cad kyi/ /dgos pa'i gtso yin rigs drug ldan/ /de las
char chu mchog yin te/ /de ni rlung dang 'dre bar 'gyur/ /ldud
cing phyogs kyi gtsor gyur la/ /rang bzhin gyis ni mkha' la gnas/
/chu la ro gang mi snang ba/ /de ni lus las brtag par bya/ /

@228b ro ni gang yang mi bro zhing/ /gtsang zhing dangs la dri
med pa/ /ma 'dres sla la bsil zhing yang/ /chu de nang gzhi gsum
sel yin/ /skom pa 'joms shing gtsang byed cing/ /gzhan yang 'di
dang 'dra mchog yin/ /de las bzlog pa bar gnas pa/ /smad de khrag
dang

nyes gsum bskyed/ /rdzing bu'i chu ni rlung skyed de/ /khron pa'i
chu yis mkhris pa skyed/ /chu bal can ni bad kan skyed/ /rgya
mtsho'i chu yis nyes kun skyed/ /'bu can lci zhing 'ju dka' la/
/nyi ma'i zer dang ma phrad dang/ /yul phyogs nyes pa'i khyad par
gyis/ /gnod

bcas de ni smad pa yin/ /chu bo rdzing dang bang so yi/ /chu ni
rgyun gyi dus su bsngags/ /g.ya' chu bsil mo gang yin pa/ /de ni
sos ka'i dus su bsngags/ /khron pa'i chu ni dbyar tshe bsngags/
/ston gyi chu ni thams cad bzang/ /kha ra 'o ma dang bsres pa/
/dgun

gyi dus su bsngags pa yin/ /sa phyogs dkar las bska dang ser las
tsha/ /dmar bas kha bskya las lan tshwa can/ /gro bo las gyur gnag
las mngar bag can/ /'byung bar 'gyur zhes bstan bcos mkhan rnams
'chad/ /'di ni log par blud pa las/ /chu

yis khong bar nad skyed de/ /than par ring du lam zhugs dang/
/khur lci ba yis nyen pa dang/ /shin tu dub par gyur pa yis/
/rdul zhing skom gyis nyen pa dang/ /lto stong gnas dang ngal ma
bsos/ /nyes shing sman gyi sbyor ma rdzogs/ /chu la spangs pa'i
mod la

ni; /gang tshe blun pos chu blud na/ /de tshe gnod pas bskyod pa
yis/ /chu ni mang du 'thung gyur zhing/ /dbugs ma bton par
'thungs pa las/ /snod las lhag par gyur pa ste/ /dbugs chung bar
ni gyur pa na/ /rlung gis kun du skyod par byed/ /de tshe rtse
gang lte

ba dang/ /'brel dang snying ga la brten dang/ /lto bar chu ni
rgyu ba'i tshe/ /gang tshe 'phral du chus rgyas 'gyur/ /rlung gis
kun du bskyod gyur cing/ /de yi lto la rgyas byas las/ /mtshan ma
mkhal ma'i nad skyed cing/ /lto sbos kyang ni 'byung 'gyur ba'am/
/log par

@229a @#/ /blud pa las byung ba'i/ /'chi ba nyid ni 'byung bar
'gyur/ /de yi lto ba skrangs gyur ba'am/ /chu yis dmu rdzing
'byung bar 'gyur/ /de yi lus la skrangs 'gyur zhing/ /khong par
chu yang 'phel bar 'gyur/ /de yi skom dad mi zhi zhing/ /spu yang

'byi bar 'gyur ba yin/ /gom pa lci zhing stobs chung la/ /ldang
bar dka' zhing sbegs par 'gyur/ /gcin rtug sri bar 'gyur ba dang/
/rtag tu 'dug pa la dgar 'gyur/ /mig ni dmar zhing zhum pa dang/
/lte bar sgra yang 'khrog par 'gyur/ /shin tu skrag

par 'gyur ba dang/ /mdog dang dbang po zhan par 'gyur/ /de ltar
nad gzhi shes byas la/ /gso ba'i las ni brtsam par bya/ /lto ba
til mar gyis byugs la/ /gso ma'i lo ma'i dugs kyang bya/ /shi ta
ba li nim pa dang/ /a ru ra'i sha pa ta la/ /snam ka

ra bI ra'i rtsi/ /btags pa dar ba dang sbyar ba/ /lan tshwa lnga
po btab pa ni/ /snga dro rta la blud par bya/ /des ni kyu ru chu
'bras dang/ /rus skrangs chu yi dmu rdzing la/ /stobs dang kha
dog gzi mdangs dag /rnam par 'phel bar 'gyur ba yin/ /ha re Nu ka
bri yang ku/ /

rgun 'bru shu dag spang spos dang/ /dza ti ka ra bI ra'i rtsi/
/chu yi nang du bskol bar bya/ /khu ba de ni lan tshwar bcas/
/snga dro'i tshe na blud par bya/ /yang dang yang du ngal sos la/
/zhag gsum gyis chod mang du sbyin/ /gal te des bder ma gyur na/
/de las chu ni gnod

byas la/ /chu yi dmu rdzing gso ba las/ /bshad pa'i cho ga 'di la
gtang/ /phag dang bya rog pri sha ta/ /ne'u le khyim bya 'ug pa'i
sha/ /khu bar bcas pa byin gyur na/ /des de 'tshe ba med par
'gyur/ /sha khu shin tu mi skyur zhing/ /snum zho pi pi ling btab
pa/ /

zi ra dang ni bca' lga dang/ /tsha yang ran pa dang sbyar bya/ /de
dang sbyar ba'i 'bras chan ni/ /drug cu pa rnying las byas sbyin/
/zas 'di dang ni 'jam rtsi dag /zhag re yis ni ci mang gtang/
/zhag re zhing ni lus kun la/ /snum gyis legs par bsku bar bya/
/nas zan 'o

@229b ma'am sha khu'am/ /bcas pa'i zas kyang sbyin par bya/ /de
ni gtsang zhing rlung med pa'i/ /gnas ni bde bar gzhag par bya/
/bi ban dzi ka ku la dang/ /sha sha pen bu mon sran de'u/ /rtswa
yi don du sbyin bya zhing/ /dur byid kyang ni blud par bya/ /de
'dra bas ni chu yi

nad; /sel zhing bde bar 'gyur ba yin/ /sha li ho tra'i gnas bdun
pa las chu shor ba'i nad gso ba'i le'u'o// //legs thos thos pa
phun sum tshogs/ /rta yi khong bar phyin nas ni/ /pha yi rkang pa
la btud de/ /'dri ba'i tshig ni 'di skad smras/ /bla ma'i

rdzas kyi nang na ni/ /'o ma mchog ni yin par bshad/ /rgyu ba'i
'gro ba mar dang ni/ /'o ma'i bdag nyid la brten lags/ /de phyir
yon tan kun 'o ma/ /ro des phan tshun nyid khyab na/ /rta yi khong
bar byin pa na/ /nad du ci phyir gyur pa lags/ /de skad smras tshe
legs

ldan gyis/ /dris pa kun gyi lan smras pa/ /'o ma yon tan grangs
med cing/ /rdzas rnams kun gyi dam pa yin/ /lus can dang ni lhan
cig tu/ /byung bas skyes nas brtsams te goms/ /ro rnams kyi ni
mchog yin zhing/ /tshe 'phel byed pa nyid kyang yin/ /de phyir

'o ma mchog yin no/ /gzhan yang 'di yi yon tan yang/ /ba dang ra
dang bud med dang/ /de bzhin ma he nyid dang ni/ /ba glang rnga
mo rta'i 'o ma/ /de bzhin lug gi brgyad pa yin/ /'di dag thams
cad mngar ba dang/ /snum zhing bsil ba yin par bshad/ /rtas byed

khong snum phan ro tsa/ /blo bskyed bcud kyis len 'gyur yin/
/'tsho byed yin zhing ngal ba dang/ /dbugs mi bde dang nyon mongs
sel/ /khrag mkhris nad ni zhi byed yin/ /tshigs rnams bde ar gyur
pa na/ /me drod nyams par byed pa'i rta

lud na srog ni 'phel byed 'gyur/ /skom dad 'phel zhing me drod
skyed/ /sbeg cing nyam chung la mchog yin/ /rlung 'khyil lto ba'i
nad rnams dang/ /dbugs mi bde la mchog tu phan/ /tshad par 'khru
dang rims pa dang/ /skangs pa dang ni sbrum ma dang/ /mngal gyi
nad dang

@230a @#/ /gcin sri ba'i/ /nad la'ang shin tu bsngags pa yin/
/bshad pa sri bar byed pa dang/ /de bzhin rlung gi nang kyang
sel/ /sna sman lde gu lus sman dang/ /rta yi cho ga rnams la
bsngags/ /zugs dang de bzhin dug la yang/ /thams cad du

ni 'o ma bzang/ /na tshod la 'jug tshe la phan/ /stobs bskyed pa
yang bsten na grub/ /gso ba'i sbyor ba dus dang ni/ /goms dang
nad tshul legs brtags nas/ /legs par btang na rta ni nad/ /thams
cad 'o mas sel bar 'gyur/ /ba yi 'o ma'i

bsil bcud len/ /zhu rjes mngar zhing phan pa che/ /rlung mkhris
sel zhing khong snum byed/ /'tsho byed rtas byed mchog yin no// ra
yi 'o ma'ang de 'dra las/ /skra dang tshad 'khru dag la phan/ /ma
ha'i 'o ma shin tu lci/ /ba yi bas kyang de bsil zhing/ /snum

che gnyid med la phan gyi/ /me drod nyams par byed pa yin/ /rnga
mo'i tsha zhing lan tshwa bro/ /gzhang 'brum skrangs dang lto nad
sel/ /lug gi lci zhing bad kan skyed/ /mngar zhing snum shas che
ba yin/ /rta yi 'o ma zhu rjes tsha/ /yang zhing phan par byed pa
yin/ /

ba glang 'o ma tsha zhing zhim/ /yang zhing lud pa thams cad sel/
/bud med 'o ma mngar bcas snum/ /mig nad rnams la phan pa yin/
/skye gnas goms pas lus rtas byed/ /mngar bas bad kan 'phel byed
yin/ /bsil bas snum pa skyed byed yin/ /grang

bas khu ba 'phel bar byed/ /'di dag lci dang yang ba dang/ /'dres
na nus pa 'dren par byed/ /yang na snum dang ldan par ni/ /bya ba
de dag rnams la sbyin/ /sos ka'i tshe na ma he'i mchog /dgun ni
lug gi 'ang bsngags pa yin/ /ba yi 'o ma dbyar gyi tshe/ /

rta la byin na bsngags pa yin/ /ra dang ma he dpyid tshe bzang/
/mar yang 'o ma dang 'drar bshad/ /a gsar ro tsa 'khru gcod
cing/ /bskal bad kan sel byed yin/ /zho ni snum skyur dro ba
bsre/ /'khru gcod lus ni rtas byed yin/ /dkyugs pa skyur ba

@230b nyes chung zhing/ /me drod kyes cing bad kan sel/ /dar ba
bad rlung sel byed yin/ /skra dang gzhang 'brum dag la phan/ /'di
ni blud nyes nyes pa yis/ /'o mas khong ba'i nad skyed yin/ /tshad
khas ches sa ma dus min par/ /'o ma 'thungs na gnod pa skyed/ /

chang 'thungs 'o ma 'thungs pa'am/ /'o ma'i rjes la cang 'thungs
pa'am/ /rta ni rtsol drags byas gyur nas/ /gal te 'o ma blud pa
las/ /de rjes rje na ba zos gyur na/ /'o mam zhur gyur ba des/
/bad kan gnas las bskyod gyur nas/ /de rjes snying la gnod par
byed/ /

bad kan g.yos par gyur pa na/ /me drod nyams par byed pa'i rta/
/lto ba sbo bar gyur pa dang/ /de bzhin 'khru bar 'gyur ba yin/
n/rgyab rengs rgyu long rgyas pa dang/ /nad dang bcas par 'gul pa
yin/ /snying ga tsha zhing rngul ba dang/ /kha nas kha chu 'byung
bar 'gyur/ /nad

kyis gdungs shing nyam chung ba/ /shin tu shas cher 'khru bar
'gyur/ /yan lag kun du 'khums pa dang/ /mdog mi sdug cing yid mi
bde/ /mgo yi g.yur ni lci ba dang/ /sems khong chud pa nyid kyis
'dug /'o ma las gyur nad 'di ni/ /shes par byas la gso ba brtsam//

de yang gso dpyad las bshad pa'i/ /sman dang kha zas sbyin pas
bcos/ /legs ldan rta la khyad par sngags/ /sha li ho tra'i gnas
bdun pa las 'o ma'i yon tan bstan pa'i le'u'o// //mang thog sha
li ho tra la/ /legs thos kyis ni yang dris pa/ /legs

ldan rta la khyad par du/ /mar blud pa dang dus gang tshe/ /byin
na phan gyur co ga de/ /yang dag bdag ni nyan par 'tshal/ /rta yi
las ni byas gyur pa/ /sbyar bzhin pa'am sbyor gyur te/ /rgan dang
khal gis dub ba dang/ /lam ring du ni zugs pa dang/ /rlung dang
de

bzhin mkhris pa dang/ /bad kan gyi ni nad rnams la/ /mar ni ji
ltar stsal bgyi ba/ /'di ni bdag la bka' stsol cig /bu yis de
skad ris pa dang/ /sha li ho tras slar smras pa/ /mkhas rnams
'tsho ba'i 'jig rten gyi/ /bdud rtsi mar ni yin zhes 'chad/ /

@231a @#/ /de yi dus su btang gyur cing/ /tshad ldan byin pa shin
tu bsngags/ /mar ni ci srid las 'khrus pa/ /de srid par du rta la
sbyin/ /de ni dus tshigs rnams la ni/ /dri ma sbyang ba'i don du
blud/ /bsrung dang nad gzhan sbyang phyir yang/ /rta la mar ni
sbyin

par bya/ /mdze dang dmar rigs bshad 'gags dang/ /'bu nad nges par
sel ba yin/ /nad gzhan la yang phan byed cing/ /'di yis khrag ni
skyed mi byed/ /gang tshe sdong bu tsher mar gyur/ /rtswa ni sna
tshogs za gyur pa/ /de tshe mar ni blud bya zhing/ /lan tshwa yi ni
chang bu

sbyin; /sman pa mchog gis de bzhin du/ /ston gyi zla ba gnyis pa
la/ /rta rnams nad ni med bya'i phyir/ /slar yang mar ni blud par
bya/ /rta la mar ni blud gyur na/ /khong ba'i 'bu ni ring po
dang/ /rngo dang g.yan pa la sogs pa'i/ /nad ni nam yang 'byung
mi 'gyur/ /dpyid

kyi dus la bab pa na/ /tsha dang kha ba byin par bya/ /des ni nad
med g.yen pa sel/ /tshe 'phel mdog bzang stobs 'phel 'gyur/ /mar
blud pas ni bkra shis shing/ /de bzhin lus ni bde bar byed/ /'dis
ni blo gros gsal byed cing/ /bcud len du yang 'gyur pa yin/ /

btsas pa rnams dang de bzhin du/ /srog chags rgan po rnams la'ang
phan/ /gcong can la yang 'di phan zhing/ /gzhan yang rlung mkhris
las gyur dang/ /khrag las gyur ba'i nad rnams dang/ /rta gang lus
zungs zad pa dang/ /gzhon dang de bzhin rgas pa dang/ /gang

yang lud pa dbugs mi bde/ /dug 'thungs dug mdangs phog pa dang/
/de bzhin reg pa'i dug rnams la/ /mar ni gsar ba'am rnying pa'ang
rung/ /'di la phan par the tshom med/ /gseb la khu ba 'phel bya'i
phyir/ /mar ni legs par blud par bya/ /de las skyes

pa'i rte'u ni/ /snying stobs che zhing lus mkhrang 'gyur/ /dbyar
gyi zla ba dang po la/ /rtswa yis rta ni shin tu 'khru/ /de tshe
rta sbangs slas gyur pa/ /btung bar mar ni blud par bya/ /snga
dro zas ni zhu ba na/ /byin pa de ni mchog tu bsngags/ /sman pa
mkhas pas me drod

@231b dang; /goms pa la sogs legs brtags la/ /ci rigs pa yi sbyor
ba yis/ /mar gyi tshad ni bskyed par bya/ /yung ba'i phye dang
sbyar ba yang/ /de bzhin sa rdzi ka sbyar ba'i/ /mar ni rta la
blud pa'i tshe/ /bca' ba dang ni bzang ba dang/ /lan tshwa sbyin
par mi

bya yi/ /rtswa ni 'ba' zhig sbyin par bya/ /chu yang tsha zhing
dro ba dag /de la blud dang bsrung ba dang/ /mar ni 'thungs par
gyur pa la/ /nyer spyod thams cad dron po bya/ /zhag gsum ma ma
ni zhag lnga'am/ /yang na zhag ni bdun nyid dam/ /zhag dgu yi ni
bar

dag tu/ /ji srid 'khrus kyi bar du sbyin/ /tshad chung bar ni byin
gyur ba'i/ /mar gyis 'khru bar byed mi nus/ /de bas ci srid legs
par ni/ /'khrus kyi bar du sbyin par bya/ /cho ga 'di 'dras brten
gyur kyang/ /'on kyang 'khrus par ma gyur na/ /'di ni legs

par 'khrus gyur pa/ /de yi bar du sbyin par bya/ /rta ni mchog tu
gyur pa la/ /mar srang sum cu rtsa gnyis sbyin/ /zas kyi nang du
de yi phyed/ /sna sman la ni srang bzhi btang/ /'di las bzhi cha
phri ba ni/ /bar ma'i tshad du shes par bya/ /snga ma de yi phyed
gang yin/ /

chung ba la ni sbyin par bya/ /gal te des kyang mi 'khru na/ /sa
rdzi kar dang sbyar sbyin/ /gal te rta sbangs snum gyur zhing/
/stobs dang bza' stobs chung gyur pa/ /de tshe mar nad ma chung
bar/ /de ni legs par gso bar bya/ /nas thug chang dang lan tshwa
bcas/ /

zhag gsum bar du blud par bya/ /de nas rim gyis me drod kyi/
/stobs ni legs par bskyed par bya/ /btung ba de ni ci rigs par/
/sbyin zhing chu ni nyung du blud/ /de nas 'di la 'jam rtsi ni/
/btang ba'i tshul gyis lus brtas bya/ /de la mngar ba'i kha zas
ni/ /

dgongs ka'i dus su sbyin par bya/ /khyim bya'am ni rma bya'am/
/phag gam ra'am ma he'am/ /sreg pa 'ol bya bar ta ka/ /ka pin tsa
la dang bcas pa/ /shin tu tsho min sbegs pa min/ /rgas pa med pa'i
sha sbyin bya/ /de yi khu bas lus rgyas shing/ /stobs

@232a @#/ /dang spro ba rtsol ba che/ /dga' zhing sran mi che ba
yi/ /las rnams thams cad nus par 'gyur/ /cho ga 'di yis rta la
ni/ /mar ni mang po blud gyur na/ /mdog mdangs stobs dang ldan
gyur cing/ /nad med par ni 'tsho bar 'gyur/ /til mar legs par

byin gyur pa/ /yon tan 'di dang 'dra ba yin/ /rta yis til mar
'thung 'gyur na/ /nad med stobs dang ldan par 'gyur/ /dbyar ni
lan tshwa dang sbyar sbyin/ /dbyar mtha' 'o ma dang lhan cig /dgun
che skyur ba dang sbyar ba/ /dgun smad 'bras bu gsum dang bcas/
/dpyid

ni chang dang ldan bya zhing/ /sos ka chu dang ldan pa sbyin/
/til mar blud par gyur ba'i rta/ /chu grang nang du spen par bya/
/cho ga 'di yis snum dag ni/ /legs par blud par gyur ba'i rta/
/las la bkol yang mi gnod cing/ /nad med par yang 'gyur pa yin/
/til mar zhu

bar gyur rjes la/ /chu grang blud na bsngags pa yin/ /sha li ho
tra grub pa'i gnas bdun pa las mar blud pa'i cho ga'i le'u'o//
//rta yi bstan bcos la mkhas pa/ /gzi brjid rnam par 'bar gyur
pas/ /nye bar 'dug par gyur pa la/ /legs thos kyis ni yang

dris pa/ /rgyu dang mi rgyu'i 'gro ba rnams/ /dro dang bsil ba'i
rang bzhin can/ /gso ba'ang de yi bdag can du/ /legs ldan khyed
kyis thams cad gsungs/ /khrag dang mkhris pas nyen rnams kyi/
/nad kyi gso ba lan mang bshad/ /de la bsil ba'i gso ba yi/ /

rnam pa du ma'ang khyed kyis gsungs/ /rlung dang bad kan dag gi
nad/ /lci zhing gnod pa ma gyur la/ /gso dka' bar ni snang gyur
na/ /de yi gso ba ci 'dra lags/ /dus kyi rnam ba du zhig mchis/
/dros pa'i mtshan nyid ci lta bu/ /tshad ni che dang chung gyur
dugs/ /mtshan nyid

khyed ni ci ltar bzhed/ /dugs mi bya ba'i nad gang lags/ /dugs
kyi yon tan gang zhig lags/ /tsha zhing rdul gyur gso ba dag /yang
dag gtso bos bdag la gsungs/ /de nas legs ldan de yis ni/ /ci
skad smras pa dris gyur pa/ /dugs kyi cho ga rnam pa brgyad/ /

@232b rim bzhin khyed kyis mnyan par gyis/ /snum gyi dugs dang la
gso ma/ /bye ma dang ni 'dren ma dang/ /rtug pa gsum dang go bra
dang/ /lcags leb dang ni rdza ma'i dugs/ /gci ba'i dugs kyis
btsos pa'i snum/ /'o ma de bzhin sha khu ni/ /sha za ba dang rlan
can sha/ /

sman spod legs par btab gyur pa/ /khron pa'i rdzing bu gzhong ba
na/ /legs par bsros ba blugs par bya/ /snum gyi dugs su bya ba
ni/ /sna tshogs sman dang sbyar bya ste/ /shi kru dang ni tad ka
ri/ /ba sra ra hi e ran dang/ /ba spru nye'u shing sa rdza ka
/ku pe rak+Shi dur byid dang//

gzhan yang tshul 'di de 'dra ba/ /de rnams la la so sor ni/ /chu
ni mang po dang bskol la/ /bri ba ran pa blugs par bya/ /'di ni
gso ma'i dugs yin zhing/ /shi ku ka yi me tog dang/ /glang po rta
dang rnga mo yi/ /rtug pa dang ni 'o ma zho/ /gso ma'i lo ma gcig
tu bsdus/ /

'dren ma'i dugs zhes bya ba yin/ /gso dang skyur rtsab nang du
spangs/ /kun nas legs par btsir nas kyang/ /de la ar ka'i lo
ma'am/ /e raNDa yi lo ma lding/ /sla da'am sa slong la brdos
pa'i/ /bye mtshan de der bsre bya/ /de nas de yi thon por bya/
/lag pa

gnyis ni mnyes nas kyang/ /yang dang yang du dugs bya ba/ /thum
po'i dugs su de bshad de/ /ba glang bong bu ra'i rtug pa/ /'o ma
dang ni bsres pa bskol/ /gos kyi nang bcug rab tsha min/ /rtug pa
gsum gyi dugs zhes bya/ /la phug chom chom ba rdzungs nas ni/ /

'o ma'i nang du bcug nas bskol/ /'o ma dag kyang der bcug ste/
/de btags nas ni gong bur bya/ /gyo mo me mdag 'dra der gzhag
/gyo mo'i dugs de ci rigs pa/ /khre dang 'bras dang gro rnams ni/
/phye mar btags la 'o mar sbyar/ /la phug e raNDa'i 'bras bu/ /

ga gon gso ma'i sa bon dang/ /phabs dang ma sha til rnams dang/
/yungs kar rnams ni phyer btags la/ /phye ma de ni 'o ma dang/
/chang bsres lan tshwa bro byas la/ /de yis mang du bsgos pa yi/
/ras ma yis kyang rab dkris pa/ /de ni lcags leb rab tsha ba/ /kun
du

@233a @#/ /nye bar sbyar bar bya/ /'di ni lcags leb dugs yin te/
/rlung gi nad ni 'joms byed yin/ /lcags leb la ni ji ltar byas/
/bum pa yis kyang de bzhin bya/ /bum pa'i dugs su bya ba 'di/
/brgyad pa bum pa'i dugs su bshad/ /'di ni

so so'i bya ba dag /nga yis khyed la bstan pa yin/ /rdza bum chen
por gso ma btsos/ /sbubs kyi dugs kyang byed du gzhug /'di ni
rlangs pa'i dugs yin te/ /reg na bde bar byed pa yin/ /bum pa'am
rdza ma dag tu ni/ /gso dam dang ni 'bras bu'i rigs/ /sna tshogs

pa ni btsos pa yis/ /rlangs pa'i dugs ni so sor bya/ /dkri ba'i
dugs zhes bya ba ni/ /gong bu'i dugs kyang yin par bshad/ /til
dang ma sha zar ma phabs/ /nas dang gro dang ku lattha/ /la phug
e rNDa'i sa bon/ /de bzhin ga gon gso ma yi/ /sa bon yungs

kar thang shing dang/ /sa la ra dang ru rta dang/ /shu ti dang ni
po son cha/ /ra sna rgya spos chu srin san/ /de bzhin rlung 'joms
pa yi sman/ /phye mar zhib tu btags par bya/ /snum ni bzhi po
gzhug bya zhing/ /sbrang rtsi zho dang 'o ma gzhug /de ltar snum
rab ldan sbyar la/ /

lan tshwa btab la btso bar bya/ /tshos nas gong bur gyur pa ni/
/gong bu'i dugs zhes bya bar bshad/ /rlung dang bad kan las gyur
na/ /tshil dang smin bur bcas gang yin/ /de la gong bu'i dugs bya
yin/ /'di ni shin tu bsngags pa yin/ /sman ni phan tshun sbyar

ba'am; /de bzhin nyi ma me drod kyis/ /gang phyir rdul ni 'byin
byed pas/ /de phyir dugs zhes bya bar bshad/ /'di yis lus ni
mnyen byed cing/ /'gags pa 'byin par byed pa yin/ /zhu ba'i phyir
ni 'byin byed cing/ /'thas pa zhu bar byed pa yin/ /skrangs

pa zhi bar byed pa dang/ /rlung ni bde bar rgyu bar byed/ /nad ni
tshar gcod par byed cing/ /de bzhin gso ma'i grogs kyang byed/
/smin par bya ba'i nang na ni/ /nang 'jig byed pa'i mchog yin no/
/dper na shing la snum bskus shing/ /dkri zhing ba ltos na dbug

@233b pa sla/ /de bzhin dus tshogs thams cad du/ /legs par sbyar
na lus pa de byed/ /'jam dang drag po'i sbyor ba ni/ /nad kyi
tshod las dpag ste bya/ /legs par bskus la dugs bya yi/ /rtsub bor
nam yang dugs mi bya/ /dper na shing ni rlan med par/ /bsros

na 'jig par 'gyur ba yin/ /de bzhin lus ni snum med par/ /dugs
byas na ni 'jig par 'gyur/ /nad gang snum dang dugs rnams kyis/
/lus la zags par byas gyur pa/ /de ni sbyangs pas bsal bar bya/
/rna brgyu mad ku dang ni/ /rlig pa mtshan gyi bar dag

kun; /gang tshe rdul bar gyur pa dang/ /kha ni yongs su bskam gyur
pa/ /lus lhod nyams ni mi bsod pa/ /de'i tshe dugs gyur yin zhes
bya/ /mnyen zhing yang ba nyid dang ni/ /de bzhin zug gzer zhib
dang/ /nad ni rnam par bsal gyur pa/ /rta'i dugs legs

pa'i mtshan nyid yin/ /gang gi spu ni 'byi 'gyur zhing/ /khrag
dang 'dra ba'i gcin 'byung ngan/ /skom dad dang ni rmongs bag
skyed/ /nyal bal ni mngon par dga'/ /'dar bas nyan par gyur pa
ni/ /dugs drags pa ni yin par bshad/ /dugs ni chung bar gyur pa
yis/ /

nad ni zhi bar byed gyur te/ /nad ni skyed par gyur na yang/
/gnas de las ni phyin ma byas/ /de bas 'di la nad shugs ni/ /shin
tu drag po skyed par byed/ /'di las mnyen pa mi 'byung gi /slar
zhing rengs pa skyed par byed/ /dugs drags pa la lan brgyar ni/
/gcin

pa'am mar gyis bsku bar bya/ /'o ma can shing khu ba dang/ /'o ma
zho dang zho ga chu/ /til dang de bzhin gzhan gyi chus/ /legs par
bskus la blugs par bya/ /dugs chung ba la slar yang ni/ /cho ga
bzhon du dugs bya'o/ /dugs drags chung bar gyur pa'am/ /tshad las

lhag par sbyar gyur na/ /nad gzhan dag kyang skyed byed cing/
/'di yis lus la gnod par byed/ /khong tsha skrangs par gyur pa
dang/ /lus kyang tshig par 'gyur pa yin/ /shin tu tshig pa'am chos
min pas/ /las ni nam yang 'grub mi 'gyur/ /tshad par 'khru dang

@234a @#/ /rims kyis thebs/ /pags nad can dang lus zungs zad/ /dmu
rdzing dbugs bdo gcin nad dang/ /khrag dang mkhris pa'i nad yod
dang/ /gseb ni mang pos dub pa dang/ /sbrum ma dang ni btsas ma
thag /zla drug lon par ma gyur dang/ /gnod pa can

dang snad pa dang/ /de bzhin glo bur pa yi nad/ /gang yang sbrul
gyis zin pa dang/ /dug mdangs phog par gyur pa dang/ /gyen du
rlugs bzlog skyugs pa dang/ /lud pa can dang khong pa na/ /'bu
yod pa la dugs mi bya/ /'di dag la ni dugs byas na/ /'chi ba'am
rims

kyis 'debs par 'gyur/ /shin tu grang min drod min pa'i/ /dus su
rta la dugs bya bsngags/ /gnas skabs gzhan du gyur pa dang/ /sos
ka ston tshe bya dgos na/ /tshad dang dus ni legs brtags la/ /ci
nas gnod par mi 'gyur bya/ /sha li ho tra'i grub pa'i

gnas bdun pa las dugs kyi cho ga'i le'u'o// //dur byid ganda bi
ra di/ /pi lu barNa ba la gnyis/ /gan da ra ba'i rtsa ba dang/
/sa ha tsa ra'i rtsa ba dang/ /agni ma na bil ba dang/ /gzi
mdangs dang ni tindu ka /'dra'i sman gyi rtsa ba rnams/ /bsdus te
chu bre bzhi dang nang

bskol; /legs par tshos par gyur pa na/ /sman pas slar ni dbog par
bya/ /de btsags sman khu dang mnyam pa'i/ /til mar 'o ma gnyis
'gyur gzhug /de ni thang shing ta ru pa/ /spang spos chu dag rdo
dreg dang/ /tsandan spang spos ru rta dang/ /ad shu ma ti a ka

ru; /ba la ra sna shing mngar dang/ /pi pi ling dang rgyam tsha
ni/ /sman ni re re srang phyed kyi/ /tshad du mkhas pas gzhug par
bya/ /der ni slar bskol sbyar ba yi/ /til mar 'di yi nus pa nyon/
/rta ni rlung gis nyen pa'am/ /glang po shin tu sbegs pa'am/ /'di
yis dbang

po brtas par 'gyur/ /bud med mo gsham gyur pa dag/ /'di la'ang de
ni blud par bya/ /'di yis dre mo'ang bu chags na/ /mi yi bud med
smos ci dgos/ /'di dag tshogs par gyur blud la/ /de rjes chang ni
blud gyur na/ /rlung gi gzer gyis nyen pa dang/ /mi bzad rna ba'i

@234b gzer dang ni/ /snying nad dang ni snying gnyer dang/ /mngal
'jig nyam chung rnams sel yin/ /de bzhin sna nad kha nad dang/
/gzhogs phyed kyi ni nad la'ang phan/ /don grub ces bya'i til mar
ni/ /khyab 'jug gis ni bstan pa yin/ /sha li ho tra'i grub pa'i
gnas

bdun pa las don grub ces bya ba til mar gyi le'u'o// //rta yi de
nyid la mkhas pas/ /bu dang slob ma la smras pa/ /nad gang la ni
me bca' dag /go rims ji bzhin bya'o zhes/ /gso ba'i gnas su bstan
pa ste/ /me btsa' btab pa'i thabs bshad na//

de la re zhig le btsa' la/ /dgos pa'i cha byad brjod bya ste/
/lcags leb dan da'i 'bras bu'i dbyibs/ /chur chag phyed dang
gnyis kyi tshad/ /'dab ma'i chur ni sor brgyad la/ /zheng du sor
ni bzhi bar bya/ /yu ba'i spom ni mtheb sor tshad/ /shin tu zlum
zhing sra

par brdung/ /sreg par byed pa'i cha byad kyang/ /lcags leb dang
ni 'dra bar brdung/ /de yi rtse mo zheng sor gnyis/ /byang chub
shing lo 'dra bar bya/ /she ba li 'bras ltar gug pa'i/ /sor ni
bco brgyad tshad du bya/ /lcags nag las ni rab zlum pa'i/ /rtse mo

dgug pa'i bzhar spyad bya/ /'dzam bu'i tshi gu yu ba 'jam/ /sor ni
bco brgyad tshad du bya/ /'jal da tsheg gu 'dra ba la/ /zlum zhing
legs pa nyid du bya/ /thur ma sor ni bcu drug pa'o/ /mar me'i
rtse ltar zlum pa ni/ /spu bsreg pa yi cha spyad 'di/ /lcags

las legs par brdung bar bya/ /lcags de me yi mdog 'dra bar/
/bsregs pa'i gnas cha shes byas la/ /'dzam bu'i tshi gu 'dra ba
yi/ /dbyibs ni du mar bsreg par bya/ /tshigs kyi cha yi phyogs su
ni/ /dbyibs gang bya ba ni nyon cig /cha bzung bar ni gnas

pa las/ /dang por bri ba nyid du 'dod/ /bir ram yang na btsag gam
ni/ /sa dkar gyis ni bri bar bya/ /de nas thur ma bsregs pa yis/
/gnas dar spu ni bsreg par bya/ /skreg par byed tshe tshigs las ni/
/gzhan du dbyibs 'di 'gyur srid la/ /de bas me btsa'i las

@235a @#/ /la ni/ /dang por mtshan ma bri bar bya/ /shi tu dang
dang tsha ba yi/ /dus su me yi las ni bya/ /grang ba'i tshe na rtsa
rgyus ni/ /rengs shi 'thas par 'gyur ba yin /nad 'di 'thas par
gyur pa dag /me yi las kyis sel mi nus/ /de nas grang bas nyen
gyur

rta'i; /nad mi sel bas de mi bya/ /shi tu tsha tshe khong tsha dang/
/rmongs bag mgo 'khor dbugs rgod bskyed/ /sos ka dbar gyi tshe na
ni/ /srog ni nges par zad par byed/ /de bas sang ro'i tshe na ni/
/shin tu grang min tsha min pa'i/ /le las tshad tam byas gyur pa/
/rta yi

bde ba skyed pa yin/ /'dug pa ngal ni legs bcings la/ /phyogs
gcig tu ni skyel bar bya/ /thag pa sra zhing sbom pa yis/ /lag pa
gnyis ni bsdam par bya/ /phyi rkang gnyis kyang bcings nas ni/
/ma snad 'gyur ba med par bya/ /zhags pas nang nas bsdams te
brdung//

'dis ni g.yo ba med par 'gyur/ /a bcu dag kyang bcing bya zhing/
/rna ba gnyis kyang legs par bsdam/ /bsdams te legs par bzhag nas
ni/ /de rjes las ni brtsam par bya/ /gnas ni mnyam zhing rtsa
dgram par/ /pags pa 'jam po bting bar ni/ /thag pa 'jam

zhing sra ba la/ /sboms su mtheb sor dag gi tshad/ /dkyus su 'dom
drug yod pa dag /bcings pa'i don du bya ba yin/ /phrag so nas ni
btab ma yin/ /ro stod legs par bsdams nas ni/ /nang nas bcug ste
tshe'u tshe nas/ /ro smad du ni bsdam par bya/ /bzlog nas

byin pa nas bkri bya/ /de ltar legs par bsdams nas ni/ /stobs
dang ldan pas legs par mnan/ /rtsib ma phab ste legs bzhag la/
/de yi rnga ma nas gzung bya/ /de nas lags par dgab pa yis/ /mig
gis mthong ma be dpar gzhag/ /lus ni shas cher ming tsir

zhing; /chu so dang ni mchan khung dang/ /dku yi bar ni legs
bsrungs la/ /de nas grub pa'i las kyang bya/ /snying ga kha dang
rmang ka ru/ /chu ni yongs su blugs par bya/ /dbugs phyung snyan
pa'i tshig smras pa/ /de rjes sreg pa'i las rnams bya/ /de nas
gzhan yang

@235b bsreg bya yi/ /gnas dang dbyibs ni bshad par bya/ /mchu
ltag gong du 'phred du ni/ /ri mo gsum ni bya ba yin/ /sna gdong
dang ni 'khur tshos su 'ang/ /mnyam par byed du bya ba yin/ /mchu
gros dang ni mchu dag tu/ /ri mo zlum po dag kyang bya/ /'gram
glang rtag tu thig

le yi/ /ri mo cung zhig bya ba yin/ /'dzam bu'i tshi gus 'bral bar
ni/ /bya rog rjes ni mnyam po bya/ /rna ba mig gi pha rol du/
/zlum po dag kyang bya ba yin/ /mur gong dang ni utpal 'dab/ /de
bzhin bya rog rjes gnyis bya/ /sna rtsa ru ni snum gyis ni/ /sa
tha

li yis thig le bya/ /rtse'u chung gnyis su zlum po'i nang/ /ri mo
gsum dag bya ba yin/ /phrag so gnyis su sin dzi yi/ /'dab ma lta
bur bri bar bya/ /dpung mgor dga' ba 'khyil pa dang/ /shing ris
lta bu bya ba yin/ /nam tshod du ni thig le ris/ /yang na

zlum po bya ba yin/ /snying ga yi ni phyogs dag tu/ /nam yang
bsreg par mi bya'o/ /pus gong dang ni dpung pa ru/ /chu srin so
'dra bya ba yin/ /yang na chu srin so'i 'og tu/ /ri mo reng bur
bya ba yin/ /dpud pa gnyis ki bar du ni/ /thig le tla bu'i ro mo
bya/ /lag

dar cig rang phra mo ru/ /thig le'am yang na 'khor lo bya/ /byin
pa tshe'u tshe dag la ni/ /thig le thor bur bya ba yin/ /dku gnyis
su ni bya ro rjes/ /yang na utpal thig le bya/ /sgal tshigs dor
ba'i rgyab tu ni/ mnyam zhing chur ni 'gro ba yin// ri mo gsum
dag bya ba

ste; /drug mdog yang ni gsum po bya/ /yang dug mdo'i gnas su ni/
/bya rog rjes ni bya ba yin/ /yang na lag pa drang ba'am/ /mar me
yi ni rtse 'dra bya/ /long bu bya rog rjes 'dra ba'am/ /utpa la
yi thig le bya/ /lto bar ri mo brgyad pa'am/ /padma yi ni

dbyibs 'dra bya/ /snying ga dang ni spu ris dang/ /lte bar yongs
su spang bar bya/ /dpyi steng du ni g.yung drung rung/ /dga' ba
'khyil pa'am padma bya/ /yang na ri mo mdzes pa'am/ /zlum po nyid
du bya ba yin/ /rnga rtsa dor la mjug tshos su/ /bya rog rjes sam

@236a @#/ /utpal bya/ /tshigs kyi mtshams su legs brtags la/ /dga'
ba 'khyil pa'am zlum po'am/ /lo ma bdun pa lta bu ni/ /kun du
gnod pa med par bsreg /dbyi yi 'og gi cha ru ni/ /chur ni rengs
pa'i ri mo bya/ /yang na zla ba lta

bu'am; /chu srin gyi ni so 'dra bya/ /brla yi phyi dang nang du
ni/ /ri mo 'phred du bya ba yin/ /sre long tshigs su mkhas pa yis/
/na+ya gro d+ha yi 'dab 'dra bya/ /ro stod kyi ni cha bzhin du/
/ro smad du yang bya ba yin/ /de bzhin mkhas pas skrangs pa dang/
/rmar gyur

pa yi nad la yang/ /dga' ba 'khyil dang chu srin gyi/ /so 'dra ba
ni bya ba yin/ /nad kyis nyen par gyur pa la/ /dbyibs ni de 'drar
bsreg par bya/ /cha ru dbyibs 'di gsal mngon zhing/ /legs bar
gnas pa dros nas ni/ /ri mo snyoms par gnas pa

la; /mkhas pas legs par bsreg par bya/ /ta la'i snying po dang
'dra ba'am/ /bil ba'i snying po 'drar gyur pa'am/ /legs par bsreg
par gyur pa ste/ /mdog gzhan smad par gyur pa yin/ /bsregs drags
na ni sha 'drul zhing/ /shin tu gting

ring rma 'tsho dka'/ /sdug bsngal dag kyang skye 'gyur zhing/ /yan
lag sngud mi shes par 'gyur/ /bsregs chung bas ni 'di yi nad/
/legs par bsal bar mi nus shing/ /rma yang myur du mi 'tsho la/
/las su mi rung nyid du 'gyur/ /rta ni legs par

bsregs pa'i rma/ /sha ni chu bur 'dras khyab cing/ /cung zad
'dzag pa 'dra ba dang/ /nad kyang rab tu zhi bar byed/ /skrangs
pa rnams ni zhi 'gyur zhing/ /skam po slar ni skyed par byed/
/rma ni sbyong bar byed pa dang/ /'tsho ba cing rnag ni zad par
byed/ /

gzer ni sel bar 'gyur ba dang/ /rlung ni bde bar rgyu bar byed/
/rmen bu skye bar mi byed cing/ /rma yang mched par mi 'gyur ro/
/gyong po rnams ni mnyen 'gyur zhing/ /lhod pa rnams ni sra bar
byed/ /khrag ni rmig tu 'byung 'gyur ba/ /me btsa' nyid kyis zhi
bar

@236b byed; /rmig mthil tshad dang dugs la ni/ /me nyid kho na bde
skyed yin/ /de la sogs dang gzhan pa yi/ /yon tan mes bsregs leg
las byung/ /kha zas dang ni btung ba dang/ /sna sman dang ni 'jam
rtsi dang/ /sman chu blugs dang bsku ba dang/ /dugs yang yongs

su mnye ba dang/ /dkri ba'i tshul ni sna tshogs sam/ /yang dag gtar
gi'i las rnams kyis/ /nad gcod bde bar mi snang zhing/ /nad ni
shin tu 'phel gyur na/ /bdag po la ni dris nas kyang/ /me yi las
ni brtsam par bya/ /me yi las byas 'og tu ni/ /gang dag

bya ba de bshad bya/ /tshig drags gyur la yang dang yang/ /mar
gyis legs par bsku bar bya/ /til dang 'o ma'i lde gu 'am/ /mar
gsar gyis kyang bsku bar bya/ /gzhan yang gang dag bsil gyur pa/
/'dab ma nyes par sbyar bar bya/ /ma tshig rma ni red 'gyur la/ /

snum ni dron po gtang bar bya/ /de bzhin sman chu dro pa dang/
/bsku ba dag kyang dron po bya/ /dus kyis las dang de bzhin du/
/dril phyis dag kyang bya ba yin/ /de yis nad zhir ma gyur na/
/slar yang de la bsreg par bya/ /bsregs nas yang dang yang du ni/
/de la mar ni blugs

par bya/ /de nas nyin zhag gsum na ni/ /brtags la 'drul bar gyur
na ni/ /chu ni dro 'jam dag gis ni/ /blugs shing legs par bkru
bar bya/ /mar dang sbyar ba'i til gyi ni/ /lde gu yis kyang bsku
bar bya/ /me yis gdungs par gyur pa la/ /rgyam tsha dang sbyar lde

gu bsku/ /de yi 'og tu mar dang ni/ /spag rnams sbyar ba bsku bar
bya/ /de ltar bsil bcos kyis bcos na/ /me yis nad ni sel bar
'gyur/ /legs ldan sha li ho tra yis/ /de skad rjes bstan smras pa
yin/ /sha li ho tra'i grub pa'i gnas bdun pa las me

btsa'i las kyi cho ga'i le'u'o// //ga ga ne sha da'i rgyal po/
/mdza' bo bzang dang ka ri tas/ /mas gtong spu gu'i cho ga rnams/
/sha li ho tra la dris pa/ /mas gtong sbu gu sman dang ni/ /bda'
ba yi ni tshod dag dang/ /smad du zhugs pa'i nad rnams ni/ /gso

@237a @#/ /ba dang bcas rgyas pa dag /rta la ci ltar bgyi ba ni/
/legs ldan khyed las shes par 'tshal/ /de rnams de skad smras pa
dang/ /sha li ho tras slar smras pa/ /rta ni snum zhing sgo lnga
nas/ /yongs su rtas par byed pa yin/ /mar dang til mar zhag dang

rkang; /kha dang sna dang mtshan mjug ma/ /pags ba las ni zhugs pa
yis/ /thabs ni bde bas de rtas byed/ /stobs bskyed ro tsa 'tsho
byed rnams/ /sbyar ba'am yang na ma sbyar ba'am/ /sbyor ba legs
par gtang ba'i snum/ /rta ni 'tsho bar byed pa yin/ /bza' dang

rjes su btung ba dang/ /kha bkang kha yi snum yin no/ /de bas
'jam rtsir btang gyur pa'i/ /snum gyis khong snum stobs skyed
cing/ /rtas byed mgyogs dang ro tsa dang/ /de bzhin mdog ni bzang
bar byed/ /'jam rtsi rta yi gso byed kyi/ /mchog yin par yang
bshad

pa yin/ /'jam rtsi spu gu'i tshad dang rdzas/ /ngas bshad pa las
mnyan par gyis/ /lcags dang shing dang ri dgas dang/ /bya rnams
kyi ni chu sbubs dang/ /sha mi seng ldeng shri mi sha/ /shing sha
pa dang tin tu ki/ /da ba 'o ma can tsandan/ /shing ni 'di brgyad
bsngags pa

yin; /ngang pa bya rgod ku dra ba/ /rma bya sa ri bla ba dang/
/dud pa ba la mda' gu ste/ /bya yi mchog ni de brgyad yin/ /bong
bu ma he rnga mo dang/ /de bzhin glang dang ba med dang/ /g.yag
dang ru ru glang po che/ /lgang pa mchog tu 'dod pa yin/ /gser
dang de bzhin dngul

dang ni/ /khar bar gan zha nye dang/ /ro nye zangs dang lcags
rnams ni/ /lcags kyi rigs ni brgyad du bshad/ /ba dang ra lug ma
he yi/ /lgang pa spu gu dang nyer bshad/ /shing rnams las ni
tsandan mchog /phyugs kyi nang na glang po mchog /pa ri bla ba
bya yi mchog /

lcags rnams mchog ni gser yin no/ /tshan ldan grang ldan tshe la
phan/ /bkra shis bsil sman rnams kyi mchog /pa ri bla ba'i mdzer
pa dang/ /bsil ba mchog tu bshad pa yin/ /gso ba la bcas spu gu
ni/ /lci zhing 'jam la sra ba yin/ /de ni rta yi

@237b nad sel yin/ /phan pa dam pa yin par bshad/ /gser las byas
pa'i sbu gu ni/ /'jam zhing myur du chud pa dang/ /myur du 'byin
par byed pa dang/ /lci bas rta la phan zhing bzang/ /de ni gas
med 'gyur ba med/ /zlum zhing shin tu bde bar bya/ /de dag rnyed

par ma gyur na/ /'od ma lcang ma dag las bya/ /'jam zhing 'bu yis
ma zos la/ /gzhug pa la gnod mi skyed bya/ /'od ma'i nang nas nag
po ni/ /sbu gu'i rgyu ni bzang bar bshad/ /sha mi shin tu gzhon
min pa/ /bde bar 'gro bar byed pa yin/ /sa rang ga yi

lgang pa ni/ /lgang pa rnams kyi dam pa yin/ /sbu gu sor ni bcu
gnyis pa/ /'jam zhing gag pa dang bcas pa/ /zheng du sor drug gis
'khyud pa/ /rtse mo rim gyis phra ba bya/ /rtse mo sna ma'i me
tog ni/ /kha 'bus 'dra zhing bu ga chung/ /mthe'u chung gi rtse

mo'i tshad/ /'di yi tshad ni yin par bshad/ /sman pa las rnams grub
'dod pas/ /de lta bu yi sbu gu yis/ /cho ga bzhin du zos 'thungs
la/ /'jam rtsi'i las ni sbyar bar bya/ /lag pa g.yon pa'i mdzub
mo yis/ /bkag pa yis ni bcug

nas kyang/ /chud nas rtse mo bkag pa yis/ /rtse mo yongs su gtang
bar bya/ /de nas lag pa g.yas pas ni/ /lgang pa brtser bas snum
par bya/ /kha nas snum dang tshad gang yin/ /mas gtong ba la gnyis
'gyur bya/ /srang ni drug cu rtsa bzhi'am/ /

bcu bzhi brgyad dang sum cu gnyis/ /bcu drug dang ni de yi phyed/
/de ltar rim par gzhag pa ni/ /mchog dang bar ma tha ma la/ /mas
gtong bar ni yin par bshad/ /'jam rtsi spu gur spud pa ni/ /tshad
de rnam pa bzhi yin te/ /sor bzhi sor gsum sor

gnyis dang/ /sor gcig pa ni yin shes bya/ /zla drug lon pa'i
rte'u la/ /sor gcig nang du gtang bar bya/ /snu ma ni srang bzhi
yin par bshad/ /snum tshad de ni go log bya/ /lo gcig lon la sor
gnyis te/ /'jam rtsir snum ni srang brgyad gtang/ /

@238a @#/ /lo gnyis lon la sbu gu'i rtser/ /sor gsum nang du gtong
bar bya/ /de yi 'jam rtsir gtong ba'i snum/ /srang ni bcu drug
gtang bar bya/ /lo lnga yan chad snum tshod ni/ /gong du ci skad
bstan pa bya/ /sbu gu nang du gzhug pa'i tshe/ /thams

cad la yang sor bzhi yin/ /rtsa ba lnga la nyi rgya tsha/ /yungs
kar bcas pa bskol ba'am/ /me dang lan tshwa dang bcas pa/ /dbyar
gyi tshe na mas gtong bya/ /pi pi ling dang bca' lga dang/ /'bru
skyur dang ni yungs kar dag /lan tshwa bro zhing snum dang bcos/ /

dgun gyi dus kyi mas gtong yin/ /til nag dang ni shing nag dang/
/thang shing dang ni sa ra la/ /ka ra bI ra utpa la/ /shug pa
tsandan pu shel tse/ /sha ra ba yi lde gur bcas/ /'o ma dang
sbyar so gar bsngags/ /nad dang bcas pa'i rta rnams ni/ /ci skad

bshad pa'i brda la bya/ /mgo ni thur du g.yangs gyur na/ /lgang
pa med pa btsir drags na/ /zhu ba'i gnas la 'das pa ni/ /snum ni
gyen du 'gro bar 'gyur/ /de las 'di ni rmig bag dang/ /sems myos
khong tsha skye bar 'gyur/ /snum ni zlog par mi byed

pa'am; /yang na dus ring zhig na 'byung/ /des na mgo bo rgyab nas
ni/ /lag pas cung zad brdeg par bya/ /bsku zhing mnye bar byas
nas ni/ /'jam por gyur nas gtong bar bya/ /dub par gyur pa'am
skom gyis gdungs/ /ltogs dang shin tu nyam chung ba'i/ /

mas gtod byar mi rung ba yin/ /gal te rmongs pas btang gyur na/
/de yi bde ba sgrub 'dod kyang/ /sdug bsngal nyid ni skyed par
byed/ /'jam rtsi dbyar ni mi gtong la/ /gal te blo chung bas
gtong na/ /snum ni myur du ldog 'gyur zhing/ /de yis phan pa byed
mi

'gyur; /de ltar nyes par gyur pa la/ /gcin rtug bsil ba'i sbyor
ba bya/ /de rjes 'jam rtsi legs btang la/ /de yi don ni sgrub par
byed/ /dub la sogs par mas gtong byas/ /smar ni byung rung ma
byung rung/ /de yis phan pa mi byed de/ /nad ni skyed par byed

@238b pa yin/ /smyo dang lud pa dbugs mi bde/ /lkog nad dang ni
gnya' rengs dang/ /'khru ba dang ni rlung 'khyil dang/ /de bzhin
snying nad bzhi po dang/ /mjug do rgyab rengs lto sbos pa'i/ /nad
rnams de las 'byung bar 'gyur/ /mas gtod las gyur nad 'di rnams/
/so

sor 'byung bar gyur pa la/ /gso ba la ni ji skad bstan/ /cho ga
byas pas bsal bar bya/ /legs par 'dug par 'gyur ba la/ /rnga ma
g.yas su gzung bya la/ /lag pa g.yon pas bcug nas ni/ /g.yam pa
yis ni 'tshir bar bya/ /rengs na shin tu dal min par/ /

rgyun gyis rjes su 'bab par gtang/ /lan cig gtang bar bya ba'am/
/yang na dus ni gnyis su gtang/ /dus gsum du ni mi gtong zhing/
/bag med par ni mi btsir ro/ /rgyab ni bsku ste btang gyur na/
/de las snum ni snyoms par 'gro/ /bde bas nad rnams gsos

nas ni/ /slar yang bzlog par 'gyur ba yin/ /rlung ni mang du
'byin byed cing/ /nad ni slar yang 'jug par byed/ /'jam rtsi
btang bar gyur pa la/ /rgyab mnye sen mos 'phrug par bya/ /til
mar 'jam rtsi btang gyur na/ /sa zhag gis ni bsku bar 'dod/ /til

mar dro zhing tsha bas na/ /rta yi mkhris pa skyed par byed/ /de
bas rked pa'i logs gnyis su/ /sa zhag gis ni bsku ba bsngags/
/'jam rtsi gtong bar byed pa na/ /gal te rlung ni zhugs gyur na/
/'jam rtsi dang ni 'dres pa yi/ /nad ni de ru gnas par 'gyur/ /

de bas shin tu mi lhod cing/ /drag tu btsir bar mi bya'o/ /'jam
rtsi phyed tsam btang ba na/ /gal te rta ni dbugs stong na/ /sbu
gu myur du dbyung bya zhing/ /rlung dgag par ni mi bya'o/ /rlung
de btang bar gyur pa na/ /rta ni mnyam du legs gzhag la/ /de nas
snum

gyi lhag ma yis/ /'jam rtsi gnyis pa gtang bar bya/ /gang phyir
rjes mthun btang pas ni/ /de phyir 'jam rtsi yin par bshad/ /'jam
rtsi zung du ma gyur pas/ /btang na tshe dang stobs 'phel byed/
/mkhris pa can la lan gsum gtang/ /bad kan can la

@239a @#/ /lnga'am bdun/ /de bzhin rlung nad can la ni/ /dgu'am
yang na bcu gcig gtang/ /nad pu can la ci srid du/ /nad ni zhi
gyur par du gtang/ /nad ni ma g.yos skyed byed cing/ /bskyod pa
rnams ni 'byin par byed/ /nad med gyur pa rnams

la yang/ /zla ba phyed cing rtag tu gtang/ /nad med pa la btang
gyur na/ /stobs dang mdog ni mchog tu skyed/ /zla phyed tshigs su
lhag par yang/ /'jam rtsi btang bar gyur na ni/ /de yi yid ni bde
'gyur zhing/ /stobs sogs yon tan 'phel bar 'gyur/ /de ni

legs par 'jug bya'i phyir/ /rjes su btang ba blud par bya/ /de
yis pho ba'i drod skyed cing/ /rlung ni bde bar rgyu bar byed/
/'jam rtsi btang bar gyur pa na/ /sman chu blud pa mchog tu
bsngags/ /de nas 'jam rtsi gong ma yi/ /cho ga yang dag bshad par
bya/ /sngar

bshad pa yi rdzas las ni/ /sbu gu 'jam zhing phra ba bya/ /bdag
mid med cing kha sgo phra/ /dpangs su sor ni bcu drug pa/ /rtsa
ba 'khor lo gnyis dang bcas/ /'jam zhing bcings par bde bar bya/
/'di ni tshad chen srang brgyad de/ /gzhan dag la ni de yi phyed//

mtshan ni sbubs nas phyung nas kyang/ /bu gu de ru gzhag par bya/
/de nas rta ni legs gzhag la/ /de nas sngar bshad tshul du ni/
/lgang pa legs par btsir bar bya/ /de 'dra'i mas gtong gong ma
ni/ /gcin nad can la gtang bar bya/ /cho ga 'di 'dras rta la ni//

gcin nad slar yang 'byung mi 'gyur/ /lhag ma lus sam phyi'i 'og
'gyur/ /mas gtong bas ni gnod skyed de/ /de bas rta ni legs gzhag
la/ /dang por legs par gzegs par bya/ /sman pa blo dang ldan pa
yis/ /na tshod stobs dang dus tshigs dang/ /rang

bzhin goms pa kun brtags la/ /snu ma btang ci rigs dugs bya'o/
/ba yi mar ram yang na ni/ /til mar shin tu dang ba bskol/ /rta
yi gso ba thams cad la/ /ba yi mar ni mchog yin no/ /ston skyes
til ni nag po la/ /lag pas bcir ba'i til mar yang//

@239b 'jam rtsi dang ni bsku ba la/ /rta la phan par 'gyur ba
bsngags/ /'jam rtsi gtong ba'i dus su ni/ /kha nas gtang bar mi
bya'o/ /rta ni skyon med shes byas la/ /lto ba ran 'grabs legs
gnas la/ /tshad ni legs par brtags nas ni/ /mar gyi 'jam rtsi
gtang bar

bya; /phyi de nyin ni lto stor la/ /rta yi zas ni ngan par sbyin/
/'grangs zin pa la brtag mi bya/ /ltogs la 'jam rtsi mi gtong
ngo/ /gal te rmongs pas btang gyur na/ /mas gtong de las gnod
'byung ste/ /de ni rno bas ma phyin par/ /zas ni 'byin par byed
pa yin/ /

'khru ba skyed par 'gyur ba dang/ /de bzhin mi bzad sbo bar
'gyur/ /gang tshe lto stong gyur pas la/ /'jam rtsi btang bar gyur
na ni/ /de yi khong pa stong bas na/ /rta spangs dang ni ma 'dres
par/ /slar yang don med 'byung 'gyur zhing/ /nad kyang skyed par
byed pa yin/ /

de bas rta spangs btang gyur cing/ /lto ni zas dang bcas pa la/
/tsha dang kha dang dro ba yis/ /'jam rtsi tshad tsam gtang bar
bya/ /'jam rtsi rkub las btang gyur kyang/ /cho ga legs na rim
gyis ni/ /lus kyi steng 'og thad ka ru/ /rnam par khyab par byed
pa yin/ /

mdog dang kha dog skyed byed cing/ /nad kyang sel bar byed pa
yin/ /dbang po gsal zhing dga' ba dang/ /lus zungs rnams kyang
'phel byed yin/ /me drod skye zhing brtan pa dang/ /gcin rtug bde
bar 'byung ba yin/ /mngal ni legs par byed pa dang/ /lus kyang

brtan par byed pa yin/ /'di ni 'jam rtsi btang gyur pa/ /legs par
gyur pa'i mtshan nyid yin/ /'jam rtsi btang drags ma legs pas/
/'phyin dang rtug pa 'gags 'gyur zhing/ /de bzhin gcin nad 'byung
ba dang/ /rlung 'khyil lto ni sbo ba dang/ /tshon gyi nad

rnams 'byung 'gyur la/ /snum rags gyur pa'i rgyu las ni/ /de
bzhin me drod mi mnyam dang/ /ngal skyen rmongs bag rnams kyang
'byung/ /de bas 'jam rtsi'i las rnams ni/ /shin tu legs par bya
ba yin/ /de bas drags par ma gyur pa'i/ /snum gyi 'jam rtsi

@240a @#/ /gtang bar bya/ /'jam rtsi btang bar gyur pa'i rta/
/bkol ba la sogs spang bar bya/ /'jam rtsi gtong ba'i dus su ni/
/sman pas ma g.yengs nyid du brtag /'jam rtsi btang ba'i rjes la
ni/ /pho ba'i me drod skyed pa'i phyir/ /lan tshwa bca' sga shing
kun dang/ /

na le sham sbyar chang blud bya/ /rjes su btung ba 'di nyid ni/
/nang par za ma zos tshe byin/ /dus ni ci srid byin gyur pa/ /de
srid par du khong rtsub bya/ /khong rtsub gyur par shes nas ni/
/de la bcos pa'i thabs kyang bya/ /de yi nyin zhag gnyis pa la/
/snga dro kha zas byin

pa phan/ /phyi dro khrus byas rjes la ni/ /sha khu dang sbyar kha
zas ni/ /snum dang lan tshwa bro ba sbyin/ /de stobs tshe ni 'phel
bar 'gyur/ /de nas zas skom 'o mar bcas/ /sbyin zhing chang blud
pas brda bya/ /rta ni pags par brtas gyur nas/ /las rnams kun la
legs

par sbyar/ /tsher ma chen po las skyes dang/ /lcug ma las skyes
rtsa ba skyes/ /lnga pa rtsa las byung ba ste/ /rtsa ba lnga pa
rnam lnga yin/ /lnga pa'i 'og ma drug pa dang/ /de bzhin bdun pa
'khru spyod byed/ /bil ba agni man tha dang/ /so na ka dang ka
ma ri/ /sa ha ma ste

'di dag ni/ /rtsa ba lnga pa chen por bshad/ /br-i ha ti gnyis a
ran dang/ /adshu ma ti ba su ga /rtsa ba lnga pa chung du ru/
/gnyis pa 'di ni shes par bya/ /br-ik+Sha dang ni sre tres dang/
/mi da ri dang sha ri ba/ /a dza shr-idga lcug ma las/ /skyes pa
lcug ma yin zhes bya/ /

bya bra na ga shre ya dang/ /ka ra ma ti tri ka na ra/ /'di ni
rtsa ba las byung ba'i/ /rtsa ba lnga bar bzhi par bshad/ /ku sha
'jag ma 'dam bu dang/ /kun dza mU la dang ba ni/ /'di ni rtsa
las byung ba yi/ /rtsa ba lnga pa lnga pa yin/ /ko sha pha la ba
ru na/ /shi kru bi ra rta ru dang/ /rta

ru zhes bya lnga pa ni/ /lnga pa'i phyi ma drug pa yin/ /sri
brtag par ni ba la gnyis/ /de bzhin pu na rna ba gnyis/ /'di ni
gcod byed lnga pa ste/ /bdun pa yin par rab tu bshad/ /dur byid
tsandan ci tra ka/ /sa ra de bzhin shing mngar dang/ /ku sha na
sa sha ma dang/ /be dza

@240b yan ti tra ban ti/ /dong ka nim po'u ti ka /de bzhin ga pur
sle tres dang/ /de bzhin sapta parNi dang/ /ma hA nim pa'i 'bras
bu dang/ /nas dang rgya shug ku lang dang/ /'di ni 'jam rtsi'i
sman sde tshen/ /'di dag thams cad bsdus nas ni/ /chu bre bzhi
nang me chung la/ /

legs par btsos pa'i srang brgya ni/ /rta ni mchog gyur pa la
gtang/ /bar ma rnams dang chung du la/ /bzhi bcas phri ba gtang
bar bya/ /sman khu de ni blangs nas kyang/ /bzhi cha lus kyi bar
du bsko la/ /yungs kar shar puShpa dang/ /pi pi ling dang bca'
lga

dang; /na le sha ma dang byi dang ga /sa ra la dang thang shing
dang/ /su ga sme la ru rta ha re Nu/ /bya bra na kha sha ma dang/
/ha ti pi pi ling rtsa ba/ /de bzhin yungs kar ser po dang/ /pu
tse shel dang po ngang dang/ /de bzhin du ni ga ru rnams/ /chang
dang til mar gcin dang ni/ /

de bzhin lan tshwa rnams dang ni/ /po son cha dang gzhan yang ni/
/'bras bu gsum yang gzhug par bya/ /de ni gcig tu bsags nas
kyang/ /mkhas pa yis ni gnas skabs su/ /rta ni ltogs par gyur pa
la/ /ni ru ha ni gtang bar bya/ /lgang pa tsha dang kha ra pa'i//

khu ba la ni spangs te gtang/ /rta yi nad dang tshe dang ni/ /goms
dang stobs dang dus tshod rnams/ /legs par brtags la bzhag nas
kyang/ /sman gyi sbyor ba legs par gtang/ /lo gsum lon pa ni ru
ha/ /srang lnga yongs su gtang bar bya/ /rte'u dang rgan dang

gzhon nu la/ /bzhi char dbye bas sbyang bar bya/ /mchog la sman
khu bre do ste/ /bar ma la de bzhi cha bri/ /chung du la ni de yi
phyed/ /'di ni tshad kyi nges pa yin/ /dang por reg na bde ba
dang/ /de bzhin rno bro tsha bro gtang/ /nad kyi tshul ni brtags
nas kyang/ /

gong nas gong du bskyed par bya/ /de nas nad ni ma gdungs dang/
/gnas gsum dag kyang rjes brtags la/ /nad kyi tshul las ci rigs
par/ /sman gyi sbyor ba bya ba yin/ /ni ru ha yi rjes thogs la/
/'o ma'i 'jam rtsi bde skyid yin/ /kha ra sbrang rtsi mar

@241a @#/ /dang ni/ /shing mngar dang ni ma du ka /shug pa btsod
dang pu shel tsi/ /tsandan padma ge sar dang/ /gtang bal dang ni
rgun 'bru dang/ /sha 'gag pa dang ril rnams dang/ /'o ma drang
dang sbyar ba yi/ /'o ma'i 'jam rtsi bsil mo gtang/ /'di

yis khong par bde 'gyur zhing/ /lus yang yig 'byed pa dang/ /gcin
rtug 'phyen ni 'gags 'gyur ba/ /legs par sel bar byed pa yin/
/sems gsal ba dang 'gres gyur pa/ /ni ru ha legs mtshan nyid yin/
/sems bde snying stobs che ba dang/ /rta yi

gzi mdangs 'phel bar 'gyur/ /lus la gnas pa'i rlung lnga yang/
/rjes su mthun par rgyu bar byed/ /rlung gi nad ni 'khyil ba
dang/ /de bzhin rtug skam nad rnams dang/ /gzhan yang de 'dra ba
yi nad/ /mas gtong drag pos sel bar byed/ /pags nad sel

cing dbang po gsal/ /de bzhin rim gyis sel byed de/ /nam mkha'
dangs pa'i zla ba ltar/ /rta de skyon med par snang yin/ /ni ru
ha nyes mtshan nyid ni/ /nad ni brtan pas gnas pa dang/ /lus lci
zhum par gyur pa dang/ /'phyen dang rta spangs 'gags pa

dang; /tshabs che rlon par 'gyur pa dang/ /gcin 'gags sbos par
'gyur ba yin/ /ni ru ha ni drags gyur na/ /rta yi rtug pa zad
'gyur zhing/ /khong pa gzer gyis khyab pa dang/ /lus kun na bar
byed pa yin/ /dri ma shin tu bsal drags pas/ /rlung ni rab tu

'khrugs par byed/ /de las sbeg dang mdog ngan dang/ /dbang po
shin tu zhum 'gyur ba'i/ /rmongs zhing 'khrul pa nyid dang ni/
/lus rengs par yang 'gyur pa yin/ /dkar ba'i mchu ni 'ba' zhig
pa'i/ /bdag ni 'khru bar 'gyur pa yin/ /'di yi nad bzhir 'gyur ba

yang; /yid bde bar ni mi 'gyur ro/ /chu 'thungs pa'am khrus byas
pa'i/ /de bzhin 'grangs par gyur pa dang/ /rlung ni gyen du zlog
pa dang/ /shin tu 'khru bar byed pa dang/ /rta gang 'jigs pas
nyen pa dang/ /gcong chen nad kyis btab pa dang/ /khur gyis shin

@241b tu dub pa dang/ /rte'u dang de bzhin gseb dang ni/ /khyad
par du ni sbrum ma dang/ /dugs gis nyen dang chang 'thungs dang/
/dub cing 'khrul bar 'gyur pa dang/ /lud pa dbugs mi bdes nyen
dang/ /khrag dang mkhris pas nyen pa dang/ /ston dang sos ka'i
tshe na ni/ /mas

gtong bas ni gtang mi bya/ /'di yis phan pa mi skyed kyi/ /gnod
pa mi bzad skyed par byed/ /de nas mas gtong byas pa yi/ /rta ni
rlung med gnas su gzhag /ske rengs kyis ni btab gyur na/ /rjes su
gso ba 'di bya ste/ /sa mang gar shu ti dang/ /rus ru rgyam tsha
sbyar ba

yis; /bskus nas de yi rjes la ni/ /rdo dang gseg mas dugs bya'o/
/sna sman gyi ni las rnams dang/ /me btsa' yi ni las kyang bya/
/'o ma dang ni sha khu dang/ /sbyar ba'i zas ni sbyin par bya/
/gzhad kha na par gyur ba dag /de yi gso ba bshad par bya/ /bsil

sman gyi ni lde gu dang/ /'dam la sogs pa bsku ba bya/ /mjug ma
mtshan dang mgo bo dang/ /rna ba mjug ma tshigs kun bsku/ /kha zas
bu ram mar dag dang/ /sbyar ba grang mo byin na phan/ /mar dang
sprud rtsi rgun 'bru dang/ /khar dang sbyar sbyin bya zhing/
/gnas ni bsil bar

gzhag par bya/ /des ni bde ba 'thob bar 'gyur/ /gcin ni gal te
'gags gyur na/ /de la gso ba 'di bya ste/ /mngar ba'i sman dang
sbyar ba yi/ /'o ma'i 'jam rtsi de nyid gtang/ /sman pas rta ni
snum chos dang/ /dugs byas nas ni ru ha gtang/ /mngar ba'i sman

dang sbyar ba yi/ /'jam rtsi nye bar gtang bar bya/ /tsha ba gsum
dang sbyar ba yi/ /reng bu rno zhing tsha ba dang/ /lan tshwar bcas
pa mtshan nas gtang/ /de ni gcin 'gags sel bar byed/ /kha zas mar
dang 'o ma dang/ /sbrang rtsi pi pi ling bcas byin/ /yang na
phyed

dang gsum ri dang/ /pi pi ling sbyar sbyin par bya/ /sman de dag
dang chang dang sbyar/ /rjes su btung ba sbyin par bya/ /'bras
chan sA lu 'o ma dang/ /zho sbyar kha zas sbyin pa bsngags/ /ci
nas 'dir ni bder 'gyur ba'i/ /me btsa' yi ni las kyang bya/ /gal
te

@242a @#/ /lus ni rengs gyur na/ /de la gso ba 'di bya ste/ /zas
dang bsku dang btung ba dang/ /sna sman dang ni 'jam rtsi gtang/
/rtug pa gsum gyi dugs dag kyang/ /'di la legs par sbyar bar bya/
/gtar ga yi ni las bya zhing/ /rlung med pa yi gnas su

gzhag; /smyo na 'byung po'i gtor ma dang/ /bdug pa dang ni mig
sman dang/ /sbyin sreg gi ni las bya zhing/ /bram ze dge sbyong
tshim par bya/ /gzhan yang smyo ba gso ba las/ /bshad pa'i cho ga
rnams kyang bya/ /de bzhin nad kyi khyad par gzhan/ /byung na'ang
ci

rigs gso bar bya/ /sha li ho tra'i grub pa'i gnas bdun pa las mas
gtong ba'i cho ga bstan pa'i le'u'o// //thub mchog sha li ho tra
la/ /legs thos dul ba dang ldan pas/ /rkang pa la ni mgo gtugs
te/ /dri zhing skul ba'i tshig gis smras/ /khyed

kyis brtse ba'i phyogs dang ni/ /gnod par gyur pa rnams kyang
gsungs/ /gtsag dpyad kyi ni dbye ba yang/ /rnam pa drug tu yongs
su gsungs/ /rtsa phug drags dang rgyus pa dang/ /tshigs la gnod
gyur las nad gyur/ /'di dag gi ni mtshan ma dang/ /gso ba

bdag la bka' stsol cig /de nas bu yis dris gyur ba'i/ /legs ldan
gyis ni slar smras pa/ /nang dang rus pa rgyus pa la/ /gnod 'gyur
gsum po gsor mi rung/ /tshigs pa gnya' bar rtsa bo cher/ /gnod par
gyur pa gsor rung yin/ /bstan bcos

las rnams legs mthong zhing/ /rang bzhin brtan la la sa la bya/
/lag pa shin tu goms gyur pa/ /de yis nam yang gnod mi skyed/
/rta rdzi las byung nyes pa yang/ /nad pa spyod lam 'chol ba las/
/nad kyi tshul ni byung gyur pa/ /de ni gso bar sla ba yin/ /

gtsag bus bcad dam phug pa na/ /sman pa'i nyes pa las nad gyur/
/de yi dbang po ma tshang ba/ /'chi ba nyid du 'gyur pa yin/ /sman
par ro nad bu can/ /de bzhin du ba dang tsha bas nyen/ /smyos sam
shin tu 'khrug gyur pa'am/ /rmongs bas 'khrul par gyur

@242b pa'am; /ngo tshas 'khums sam 'dar gyur tam/ /las la the tshom
bcas pa dang/ /rgan po'am yang na byis pa'am/ /yid mi bde ba'am
'jigs gyur pa/ /dam pa la ni mi brten pa'am/ /gang zhig rmongs
par gyur pa yi/ /thos pa nyung zhing nga rgyal che/ /bdag

nyid mi spyod nor la sdang/ /glen zhing don tshom yin la mkhas/
/sman pa gzhan mi bzod cing smod/ /yul la brkam zhing khro la
gdug /rtag tu rang gi don la brtson/ /bdag po'am ni bla ma dang/
/de bzhin legs par spyod pa na/ /'dzem pa med cing dor mi lta/
/ngo

tsha dang ni 'jigs pa spangs/ /rgyal po'i bka' drin gyis gso yang/
/rgyal po'i mdzod ni stong par byed/ /de 'dra'i sman pa nam yang
ni/ /rta yi gnas su gnyen mi bya/ /de 'dra'i sman pa drag ldan
pas/ /rta la mtshon gyis gnod pa skyed/ /tshad las rgyal ba'am

gnas nor pa'am/ /steng dang 'og tu gnod pa'am/ /phug drags pa'am
ma phugs pa/ /rtsa ni blo ngan des mi shes/ /de bas phug ni drags
pa yi/ /gnod pa bshad kyis mnyan par gyis/ /khrag ni phug drags
ma byung na/ /dbugs mi bde dang lud pa skyed/ /

'dug pa na ni na 'gyur zhing/ /yan lag nyams dang brtson chen
skyed/ /sha snying rma ni 'drul ba dang/ /khong tsha skrangs pa mi
bzod skyed/ /spu yang gshor bar 'gyur ba dang/ /rtsa rgyus kyi ni
nad skyed byed/ /nad 'dis srog ni 'phrog byed de/ /'phral du 'chi
bar 'gyur pa

yin; /mtshon gyis gnad du phog gyur ba/ /dper na me dang gnam
lcags sam/ /dug 'thungs las ni gsod pa ltar/ /rta yi srog ni zad
byed yin/ /de bas yus dang nad tshul dang/ /yul dang goms pa na
tshod stobs/ /dus tshigs lus rnams legs

brtags la/ /sman pas khrag ni dbyung bar bya/ /rtsa ni phug drags
ma phugs pa/ /gnyis ka las ni nyes pa 'byung/ /legs par phug na
nad 'byin cing/ /sdug bsngal de las thar bar byed/ /gal te ru[?] ni
rang gnas su/ /ma rgya sra gsal bar mi snang

@243a @#/ /ba'am; /gnas min par ni phug gyur pa/ /de las gnod pa
skyed par 'gyur/ /rus pa rgyus pa gnad rnams dang/ /mid pa dang
ni tse'i lhad dang/ /de ni tshigs kyi sbrel mtshams su/ /gtsag bu'i
las ni spang bar bya/ /tse'u lhad gnas su rtsa bcad

na; /de yi lus ni skams 'gyur zhing/ /rtsa ba nas bcad shing lta
bur/ /de ni 'chi bar 'gyur ba yin/ /tshigs kyi mtshams las rta la
ni/ /gtar ga byas pas rtsa bcad nas/ /de yi tshigs ni srang 'gyur
zhing/ /rtag tu 'theng ba nyid du 'gyur/ /mtshon gyis

gang gi gnad du ni/ /rtsa bcad de ni 'tsho mi 'gyur/ /gang gis
gtsag bu'i rtse yis ni/ /rgyus pa la ni gnod gyur pa/ /de yis
'theng por 'gyur ba'am/ /'phral du dbang po nyams par 'gyur/ /rus
pa phug na chu ser ni/ /ser po sla ba 'dzag par 'gyur/ /glang

po'i sna dang 'dra bar ni/ /yan lag de ni 'khums par 'gyur/ /mid
pa brtan la phug gyur na/ /de las gnod pa mang 'gyur te/ /rlung
gis rgyas par 'gyur ba dang/ /yang na 'chi bar 'gyur ba yin/ /de
bas nad dang rus tshigs su/ /byung ba gsum po gsor mi

rung; /gsor rung ba ni bshad pa gsum/ /de yi gso ba bshad par
bya/ /de la phug drags gyur pa na/ /snum dang dugs kyi cho ga
bya/ /snum ni bzhi pos bskus nas ni/ /khrag ni slar yang bskyed
par bya/ /khrag 'phel gyur pas na ba dang/ /tsha bas gdungs

par gyur na yang/ /'o ma bsil sman khu ba yis/ /bsku zhing yongs
su blugs par bya/ /gnas dang kha zas bzang po dang/ /mngar bag
dag gis de bsal bya/ /sman khu bsil ba'i 'jam rtsi yang/ /sman
pas bsgrims te bya ba yin/ /btsags pa dang ni sman khu

blugs; /dus gnyis su ni bya ba yin/ /ji ltar 'ju bar gyur ba'i
tshod/ /shes nas 'o ma'i btung ba skyed/ /chu la til mar blud pa
dang/ /de bzhin ljang pa sbyin par bya/ /de yi 'og tu 'di la ni/
/sna sman gyi ni las kyang bya/ /shin tu khrag mang byung gyur
na/ /

@243b gdon bsrung pa yi cho ga'ang bya/ /'o ma'i 'jam rtsi gtang
bya zhing/ /de bzhin nas chag kha zas sbyin/ /sman pas 'di la nas
thug dang/ /nya sha yi ni sha khu sbyin/ /gtsag bu las byung nad
rnams kun/ /sngar ni rnam par bshad pa yin/ /de las bshad pa'i
gso

pa ni/ /byas na'ang bde ba thob par 'gyur/ /sha li ho tra'i grub
pa'i gnas bdun pa las gtsag bu las gyur ba'i nad bstan pa'i
le'u'o// //sha li ho tra bde gnas la/ /legs thos kyis ni yang
dris pa/ /brta bya'i cho ga ma lus pa/ /don gyis yang dag shes

par 'tshal/ /'o ma'i 'jam rtsi'i yon tan dang/ /'jam rtsi gzhan
yang bstan du gsol/ /bu yis de skad dris pa dang/ /sha li ho tras
slar smras pa/ /'di dag thams cad ma lus par/ /ngas bshad pa las
shes par gyis/ /thog ma tha mar bcas pa yi/ /

rtsa ba lnga pa nyid po dang/ /nad dang rgya shug ku langtha/ /ta
pal yang ni bskol bar bya/ /yang na pid ri la sogs/ /sman gyi sde
tshan bsdus nas ni/ /chur bskol ba yi khu ba dag /tshad bzhin du ni
gtang bar bya/ /sman khu der ni thal sman dang/ /gcin dang de
bzhin

gzhang kha chung/ /bu ram shing khu 'o ma dang/ /chang dang sbyar
ba'i chang rnams ni/ /srog chags kun gyi sha khu ni/ /sman pa
mchog gis gcig tu bsdu/ /de las rta yi rlung nad ni/ /gso ba'i
sman gyis sbyang bar bya/ /gcin rnams kyis ni bad kan sel/ /thal

sman de las lhag pa yin/ /bu ram shing gi khu ba dang/ /de bzhin
'o ma sna tshogs ni/ /khrag dang mkhris pa sel byed cing/ /rlung
ni bde bar byed pa yin/ /nad kyi tshigs ni gsum sel ba'i/ /lde gu
nga las nyan par gyis/ /shing mngar dang ni thang shing dang/ /

sa ra la dang nyungs kar dang/ /ru rta sug smel ha te bu/ /rgya
spos dang ni bca' lga dang/ /rasna byA g+hra na kha dang/ /pi pi
ling dang shu dag dang/ /de bzhin lan tshwa lnga po dang/ /po son
cha yi 'bras bu dang/ /til mar dang ni sbyar ba dang/ /'khru ba'i
don du'ang sbyin par

@244a @#/ /bya; /ci skad bshad pa'i rim pa yis/ /btab pa'i cho ga
nyid bya ste/ /dus su rtogs par gyur pa la/ /sman pas ni ru ha
gtang bya/ /de ni lan tshwa dang bcas pa/ /rnam pa gsum ni gtang
bya ste/ /dang po 'jam po nyid du bya/ /de nas phyir zhing

rnon po bya/ /tshad las bzhi chas chung ba dang/ /dro zhing lan
tshwa chung 'jam pa/ /nad ni gdul bar dang por ni/ /mas gtong pa
ni 'di bya'o/ /tshad las bzhi chas lhag gyur cing/ /tsha dro lan
tshwa dang ldan pa/ /btul zen pa yi nad la ni/ /btang na nad ni
'byin

par byed/ /sman ni mngar po dang ldan zhing/ /'o ma mar dang
sbyar ba dang/ /sbrang rtsi legs par btags pa dag /nad bsal zin
nas sbyin par bya/ /sbyang byas rta la byas pa yin/ /dangs ma
rlung ni skyon med byed/ /zhu ba'i gnas kyi mkhris bad kan/ /legs

par sel par 'gyur ba yin/ /lus kyi rlung ni lnga po yang/ /bde
bar rgyu bar byed pa yin/ /ci ste thal sman bsre na ni/ /dri ma
'byin par byed pa ldan/ /de bzhin sbyangs pas nad kyi tshogs/
/gtong nas sel bar byed pa yin/ /sbyangs pas nad ni bsal

gyur cing/ /khong pa dag par gyur pa la/ /'jam rtsi legs par
btang na ni/ /zla rgyas lta bur lus 'phel 'gyur/ /dug dang rgan
po gzhon nu dang/ /chang 'thungs pa dang ltags pa dang/ /chu
'thungs pa dang khrus byas pa/ /de bzhin rtsub bag zos pa

dang; /gcong can dag dang rlung yar 'khyil/ /de bzhin skrangs pa
red pa dang/ /lud pa dbugs mi bde dmu rdzing/ /yin la mas gtong
las mi byed/ /gang la ni ru ha gtong ba'i/ /rta de la ni nang par
dag /lto stong nyid du bzhag nas ni/ /de nas legs btang nad bsal

bya; /'jam rtsi cho ga'i tshul las ni/ /sngar bshad lta bur gtang
bar bya/ /nad dang bcas par gyur pa la/ /bda' ba dag kyang bya ba
yin/ /tshad bzhin 'jam rtsi btang ba dang/ /'o ma'i 'jam rtsi'ang
gtang bar bya/ /snum 'thungs pa las gang bshad pa'i/ /cho ga dang
ni

@244b btung pa blud/ /snum gyi cho gas ro stod kyi/ /nad ni sel
bar byed pa yin/ /de bzhin lus kyi ro smad kyi/ /nad ni 'jam
rtsis sel bar byed/ /sbeg dang gzhon nu rgan po'i dang/ /rta gang
stobs ni zad pa dang/ /las chen dag la sbyar ba dang/ /de bzhin
lus

zungs zad pa dang/ /ro smad kyi ni nad rnams dang/ /nad ni tshigs
su zhugs pa de/ /'di dag gis ni nyin gyur pa/ /'jam rtsi btang na
bde 'thob 'gyur/ /khyad par du ni sos ka sbyar/ /'jam rtsi tshad
tsam btang byas te/ /'di ni sbyor ba rjes mthun pa'i/ /'jam rtsi

stobs ni skyed byed yin/ /rta yi bcud kyis len dang ni/ /ro tsa
rtas byed nyid du 'gyur/ /snga dro khrus byas skom blud la/ /bza'
dang bca' ba byin gyur nas/ /sngar bshad pa yi cho ga yis/ /legs
par btang na bde 'thob byed/ /rtsa ba lnga pa gnyis khu ba/ /de
la rjes su

btung phyir blud/ /ram nye ka rti ka ko la/ /bi dza ka dang ri
sha ba/ /ma sha mungga pa rNi gnyis/ /me dang de bzhin sle tres
dang/ /stag pa tsher dang ma du kaM/ /nA ga ge sar ba ta ka /pri
yang ku dang ga dur dang/ /'o ma can shing shun spang spos/
/padma'i rtsa ba sdong bur bcas/ /ka she ru

ka shri ga ta/ /ka ra bI ra utpa la/ /pu shel tse dang gseng
phram dang/ /tsandan dang ni pa yas sa+ya/ /sha ri ba dang pra ti
dang/ /til nag dang ni btsod dang ni/ /shug pa sring sna sha ra
ba/ /'di rnams lde gur bskol ba'i chu/ /'o ma dang ni legs sbyar
ba/ /tshags kyis legs

par btsags pa la/ /kha ra dang ni sbrang rtsi btab/ /bsil zhing
snyigs ma med gyur pa/ /mar dang lhan cig bsres nas ni/ /bshang
gci rnam par bsal gyur pa/ /shar du bstan de mgo ldog nas/ /drang
bar gzhag par gyur ba la/ /rnga ma g.yas nas bzung nas ni/ /blo
dang

ldan pas ma bltabs par/ /lan gsum mam ni lan lnga gtang/ /'o ma'i
'jam rtsis bsal ba'i nad/ /sos ka sbyar tshe bsal ba mchog /mkhris
pa las byung nad rnams dang/ /de bzhin rta yi khrag nad dang/
/ring nas 'ongs dang las kyis dub/ /dbugs rgod mgo

@245a @#/ /'khor gyur pa dang/ /lus kyi phyi nang tsha ba dang/
/rims kyi btab dang snum yal la/ /'o ma'i 'jam rtsi btang gyur
ba/ /lus kyi me drod skyed byed yin/ /rta gang mkhris pa can dang
ni/ /mkhris pa rjes 'dres nad rnams sel/ /de bas tsha ba sel ba

'di; /dus rnams kun tu bsngags pa yin/ /sha li ho tra'i grub pa'i
gnas bdun pa las bda' ba dang 'o ma'i 'jam rtsi'i le'u'o// //sha
li ho tra drang srong mchog /legs thos kyis ni yang dris pa/ /rta
rnams la ni sna tshogs snum/ /zas dang skom dang btung

ba dang/ /de bzhin rjes su btung ba la/ /mang du ci phyir sbyin
par bgyi/ /'jam rtsi yi ni las rnams la'ang/ /ci phyir mar dang
til mar dang/ /sna sman gyi ni las rnams la/ /ci phyir snum ni
bsngags pa lags/ /snum 'thung sbyor ba nyes pa yis/ /nad du ci
phyir gyur pa

lags/ /khyad par mkhyen pa khyed kyis ni/ /'di dag so sor bstan
du gsol/ /bu yis de skad dris pa dang/ /sha li ho tras slar smras
pa/ /'di dag thams cad ma lus par/ /ngas bshad pa las shes par
gyis/ /rta ni me dang rlung bdag can/ /las rnams kun las

myur du 'gro/ /bskul bar chung du byas gyur kyang/ /rtsol ba chen
po byas par 'gyur/ /ma goms pa yi yul du ni/ /rtag tu rgod par
'gyur ba yin/ /rlung dang mkhris pa dang ldan pas/ /de phyir rtag
tu snum chos 'phrod/ /chog bzhin du snum byin na/ /stobs dang me
drod

'phel bar 'gyur/ /de ni rlung dang gcin rtug rnams/ /bde bar rgyu
bar byed pa yin/ /de'i don phyir na gso ba la/ /snum ni rab tu
bsngags pa yin/ /lam ni ring por zhugs pa dang/ /yul khams du mar
phyin pa yis/ /lus ni nyam dar gnas gyur cing// shing dang 'dra
bar

gyur ba'i rta/ /de la mar dang til mar dang/ /gang zhig kun du
bskus na ni/ /lus ni mnyen par gyur pa dang/ /las rnams kun la
stobs ldan 'gyur/ /gang zhig rtag tu snum bskus pa/ /gnas ngan
nyal ba ngan pa dang/ /bcing pa dang ni brdeg pa yis/ /sdug
bsngal thams

@245b cad gnag bus 'gyur/ /dper na shing ni chus brlan na/ /myur
du kun du rgyas par 'gyur/ /rtsa ba nyid nas zug nas ni/ /rgyas
shing me tog 'bras ldan 'gyur/ /de bzhin rta la snum bskus dang/
/blugs pa bde ba skyed byed de/ /ba spu'i bu ga las zhugs nas/ /

sha dang tshil ni rgyas par 'gyur/ /rtsol ba drags gyur nad la ni/
/zhun mar kho na bde skyed yin/ /snum 'thungs gyur ba'i lus la
ni/ /rlung ni nam yang 'khrugs mi 'gyur/ /de bas rlung gi nad la
ni/ /snum bskus pas ni bsngags pa yin/ /rta la mar ni blud gyur
na/ /

stobs dang lus zungs 'phel bar 'gyur/ /pho ba'i me drod skyed
byed yin/ /stobs skyed ro tsa tshe 'phel 'gyur/ /dbang po gzi
mdangs kha dog la/ /dug dang rmongs pag sel mchog yin/ /de yi
phyir na rta la ni/ /mar blud par ni mchog tu bsngags/ /zas kyi

gang du snum byin zhing/ /rjes su btung ba'ang snum dag ni/ /tshad
dang ldan pa nyid du ni/ /phyi dro'i tshe yang sbyin par bya/
/mdze dang g.yan pa'ang sel byed yin/ /mchog tu rlung yang zhi
byed la/ /bad kan las gyur nad kyang ni/ /'di yis sel bar byed pa
yin/ /

bkres pa dang ni skom pa dang/ /sdug bsngal kun la 'ang sran cher
'gyur/ /de bas rtag tu zas rjes la/ /snum ni nye bar blud par
bya/ /sos ka'i tshe ni til mar ni/ /cha gnyis dang sbyar chu sbyin
bya/ /des ni dub pa mi 'byung zhing/ /lud pa dbugs mi bde mi
'byung/ /lus

la nad kyis mi tshugs shing/ /las rnams kyis ni zhum mi 'gyur/ /de
bas chu dang sbyar ba yi/ /til mar sbyin pa bsngags pa yin/ /snum
gyi sbyor ba thams cad las/ /'jam rtsi mchog ni yin par bshad/
/rta ni rlung gi bdag nyid can/ /'di ni rlung sel byed mchog

yin; /'ju tshe rtsa yi sgo nas ni/ /lus kun la ni khyab par byed/
/des ni tshigs rnams thams cad dang/ /rgyus pa bkur ni khyab par
byed/ /de dag dang ni 'brel ba'i nad/ /thams cad nye bar sel bar
nus/ /ro smad 'dra bar 'gyur ba dang/ /mjug do yangs

@246a @#/ /par byed pa yin/ /gcin rtug 'gags pa'ang sel byed cing/
/lus kun bde bar byed pa yin/ /stobs dang gzi brjid 'phel bar
byed/ /de bas 'jam rtsi khyad par 'phags/ /gcin nad rnams ni sel
byed cing/ /ro tsa lgang pa'i sgo sbyong byed/ /mngal

gyi nad ni sbyong byed cing/ /gseb kyi khu ba 'phel bar byed/
/khu ba zla mtshan skyon sel bas/ /mngal 'dzin par yang byed pa
yin/ /mtshan ma btang ba'i snum gong ma/ /gseb kyi gcin nad rnams
la bsngags/ /rta yi sna nas snum btang ba/ /mig gi mthong

stobs 'phel bar byed/ /rna ba mig dang sna nad dang/ /de bzhin du
ni mgo nad rnams/ /rta la sna sman btang na ni/ /nam yang 'byung
bar mi 'gyur ro/ /nam 'tshang yan chad nad rnams dang/ /lkog ma
ske dang mgor gtogs pa/ /sel cing yid ni bde ba dang/ /

zas 'ju bde bar gnas par 'gyur/ /ro stod stobs ni che ba dang/
/rnam par 'phel bar 'gyur ba yin/ /de yi phyir na rta la ni/ /rta
sman mchog tu bsngags pa yin/ /til mar gyis ni rta yi ni/ /rlung
sel stobs ni skyed par byed/ /shin tu tsha min dro ba min/ /de ni
rlung

'joms mchog yin no/ /'dis ni yi ga 'byed pa dang/ /gzi 'phel de
yi stobs skyed byed/ /rta yi mdog ni bzang byed cing/ /lus kyang
mnyen par byed pa yin/ /myur du 'ju bar shes bya ste/ /til mar
yon tan de dag ldan/ /mar gyi tshe ni 'phel bar byed/ /nad kun

'jig par byed pa yin/ /bcud kyis len dang ro tsar byed/ /snum
rnams kyi yang mchog yin no/ /bsil zhing mngar ba snum pa dang/
/gdon 'joms dug ni sel ba dang/ /goms na srog ni 'dzin byed yin/
/rta yi rang bzhin dag dang mthun/ /de bas snum ni thams cad

las; /mar ni mchog tu gyur pa yin/ /phag dang rlan can rlun rgyu/
/sha za ba yi zhag dang rkang/ /snum mchog yin zhing stobs skyed
pas/ /gso ba'i las ni kun la btang/ /zhag ni kun gyi nang nas
kyang/ /phag gi zhag ni mchog yin no/ /rlung dang

@246b mkhris pa sel byed cing/ /rtas par byed pa'i dam pa yin/
/chu dang rlan can las byung pa/ /gang de dbugs mi bde ba sel/
/'bras bu za ba'i mkhris pa sel/ /lo ma za ba'i bad kan 'joms/
/ba lang ma he ra dang ni/ /de bzhin rta zhag rkang nyid de/
/zhag rkang bzhi po

'di dag gis/ /mkhris pa dang ni bad kan sel/ /shin tu stobs che'i
rkang dang zhag /thams cad rlung nad can la phan/ /de ltar sman
pas rlung gi mchog /bzhi po legs par gtang bar bya/ /sna sman gyi
ni sbyor ba dang/ /nyes pa rab tu bshad bya ste/ /chu sbubs srid
du

sor bcu pa/ /zhing du sor ni phyed dang gnyis/ /khong stong tshigs
ni gcig pa yin/ /mod la las ni bya ba yin/ /rtse mo rta yi sna
'dra ba/ /'jam por byas la sna sman gtang/ /yang na bal gtsang
sbangs pa yis/ /til mar btsir te gtang bar bya/ /ci skad bshad
pa'i

nad rnams sam/ /nad med gyur pa'i rta la yang/ /tshad shes pa yi
sbyor ba yis/ /ci skad bshad pa bzhin du gtang/ /snga dro lto ni
bkres gyur tshe/ /mkha' la sprin ni med pa na/ /sna ni drang por
gzhag byas la/ /khar ba'i sbubs las sna ru blugs/ /dbugs phyung
bas ni

ma gnod par/ /rgyu ni phra mor gtang bar bya/ /mod la snum ni
blugs gyur na/ /lud pa dbugs mi bde ba skyed/ /sril rkang zhugs
pas mdzer byed cing/ /mig dang sna nas chu 'dzag 'gyur/ /mgo ni
yon por gzhag gtad na/ /ro stod kyi ni tshigs rnams dang/ /bu ga

rgyus pa rtsa rnams su/ /go rims ji bzhin 'gro mi nus/ /gyen rgyu
snum gyis bkag pas na/ /rta yi bu ga thams cad nas/ /rgyun lam
'gag par 'gyur ba yis/ /ro stod kyi ni nad rnams skyed/ /snabs
'dzag mgo bo'i nad dang ni/ /gnye'u rengs lkog ma'i nad rnams

dang; /lud pa dbugs mi bde gcod can/ /nad rnams 'di yis skyed par
byed/ /tsha dang rlung bcas kha char 'bab/ /khrus byas zas skom
zos dang 'thungs/ /skom gyis nyen par gyur pa na/ /sna sman btang
bas nad skyed 'gyur/ /cho gnyes pa 'di dag las/ /sna sman nye

@247a @#/ /bar bsrung bar bya/ /sna sman btang zhing lus bsku
dang/ /rta la snum ni blud pa dang/ /'jam rtsi btang bar byur pa
la/ /chu yis gang ba'i snod ltar bsrung/ /mchod dang rgyug pa
nyid dang ni/ /rtsol dang mi 'phrod za ba dang/ /khrus dang char
dang rlung las ni/ /bsrung

zhing kun tu bsdam par bya/ /snum ni dri ma sel byed cing/ /nad
ni 'gog par byed pa yin/ /brtan par gnas pa skyon byed cing/
/g.yos pa rnams ni 'byin par byed/ /de yi nad ni bsal gyur pas/
/me stobs bri bar gyur pa na/ /nyam chung de yis kha zas ni/ /lci
ba

myur du 'ju mi nus/ /de bas las kyi rtsol ba dang/ /kha zas lci
ba byin pa dag /dang por snum ni 'thungs pa la/ /rtag tu spang
par bya ba yin/ /rtsol ba byas las rlung gi nad/ /rnam pa du mar
'byung 'gyur zhing/ /brang du drug mdo rgal tshigs rengs/ /sna
tshogs

mgo bo'i nad rnams dang/ /lud pa dbugs mi bde gcong can/ /lus ni
skem par 'gyur ba'am/ /mchi ma ru ni 'gyur ba dag /snum 'thunngs
rtsol ba sbyar las 'byung/ /'khru zhing rlung ni 'khyil ba dang/
/de bzhin snying nad rnam bzhi dang/ /gzhan yang pags

pa'i nad rnams dang/ /lus zungs zad par 'gyur ba'am/ /khrag dang
mkhris pa'i nad rnams dang/ /bad kan gyi ni nad rnams 'byung/ /de
bas snum 'thungs gyur pa'i rta/ /legs pa kho nar bsrung par bya/
/snum ni legs par btang gyur cing/ /spyod lam legs par

bsrungs gyur na/ /nad rnams kun dang bral ba dang/ /yon tan thams
cad rgyas par 'gyur/ /gnod pa'i dbang du mi 'gyur zhing/ /las
rnams la ni zhum pa med/ /snum gyi btung ba legs gyur par/ /srog
ni gnad la gnas par 'gyur/ /lus kyi me stobs

'bar ba yis/ /kha zas snyoms par 'ju bar 'gyur/ /'di yis lus
zungs rnams dang ni/ /stobs dang lus kyi yon tan 'phel/ /lus
kyang 'gyur ba med pa dang/ /mdog kyang gsal ba nyid du 'gyur/
/gcin dang rtug pa 'phyen rnams kyang/ /bde ba kho nar 'byin par

@247b 'gyur; /snum ni legs par btang gyur pa/ /mtshan ma 'di las
shes par bya/ /snum chung bas ni dri ma dag /'byin par dka' zhing
nad dang bcas/ /yan lag skrangs shing rgyu ba bul/ /lus lci gcin
ni dmar ba dang/ /kha chu 'dzag cing bzhin ras ngan/ /me

drong chung zhing nyam chung 'gyur/ /snum sbyor nyes par gyur pa
yi/ /rta yi tshul ni 'di yin te/ /rta sbangs 'gril bar byed pa'am/
/yang na sla zhing mang du 'dzag /'gro zhing 'dzag par byed
pa'am/ /shin tu 'tsher bar byed pa yin/ /spu ni shin tu gshor ba
dang/ /pags

pa'i mdog ni mi sdug 'gyur/ /de ni khong rtsub shes byas la/
/snum ni slar yang sbyin par bya/ /kha zas rtsub bag zos pa'am/
/shugs ni bkag par 'gyur ba yi/ /rlung gi gnas las bskyod gyur
nas/ /lus kun du ni khyab par byed/ /tshigs dang rgyus pa rtsa

dang ni/ /bu ga rnams la 'ang gnod par byed/ /de ni rtag tu snum
byed yang/ /nad ni bsal par nus ma yin/ /nad ni rab tu bsal ba
la/ /lus kyi me drod skyed par byed/ /me drod 'bar zhing khong
snum na/ /rtag tu nad med nyid du 'gyur/ /de bas ji skad bshad pa
yi/ /

cho gas rta la snum byin bya/ /snum ni legs par btang gyur na/
/yon tan kun dang ldan par bshad/ /sha li ho tra'i grub pa'i gnas
bdun pa las snum legs par btang ba'i yon tan bstan pa'i le'u'o//
//rta yi tshul gyi de nyid shes/ /rta yi bstan bcos la

mkhas shing/ /rta yi tshe yi rig byed bya/ /rta la phan par rtag
dga' ba/ /sha li ho tra bdag nyid thul/ /tshangs pa nyi ma me'i
gzi can/ /dka' thub kyis ni gtsor byas la/ /legs thos the tshom
skyes gyur nas/ /de yi rkang gnyis la btud de/ /'dri ba'i tshul ni
'di dag

smras/ /khyed kyis rta yi bstan bcos su/ /zug rngu lus kyi gso ba
dang/ /de bzhin rte'u'i gso ba dang/ /mtshon dang bsrung ba'i cho
ga dang/ /dug gi gso ba nyid dag ni/ /yan lag drug ni legs gsungs
na/ /khyed kyis bcud kyis len dang ni/ /ro tsar bya ba bka'

@248a @#/ /ma stsal/ /rta ni khu ba mang gyur na/ /'gros yang
rtsol ba che bar 'gyur/ /rang bzhin de dag nyid kyis ni/ /rgod ma
rnams la ngoms pa med/ /rgyu de nyid kyis blo ldan pa/ /gzhan
gyis rta ltar byed ces bshad/ /de bas la lar mi la yang/ /rta
ltar byed pa nyid

ces zer/ /rta yi de nyid mkhyen gyur pa/ /ro tsa bar ni ci ltar
'gyur/ /bcud kyis len gyi sbyor ba dang/ /de dag gi ni rgyu nyid
kyang/ /legs ldan blo gros mchog gyur pa/ /khyed las yongs su
shes par 'tshal/ /de ltar yongs su dris pa na/ /legs ldan drang
srong

gis smras pa/ /legs thos 'di yi rgyu yi tshul/ /rnam pa sna tshogs
yod pa yi/ /re zhig rta yi bcud kyis len/ /thog ma kho nar bshad
par bya/ /de ni tshe 'phel blo skyed cing/ /skra dkar gnyer ma
'jig byed la/ /dpal ldan mdog dang kha dog skyed/ /na tshod 'jog
pa'i

dam pa yin/ /dbang po gsal zhing mdangs skyed byed/ /dge zhing
tshim la mgyogs par byed/ /de yi rgyud dang bya ba yi/ /thabs ni
nga las shes par gyis/ /bcud kyi sbyor ba khyad 'phags pas/ /bcud
kyis len zhes bya bar bshad/ /lus zungs rgyas par byed pa

dang; /nad rnams 'joms par byed pa yin/ /dus dang dus tshigs goms
pa dang/ /yul dang stobs ni ci bzhin dang/ /rta yi khong pa dag
gyur la/ /snga dro'i tshe na blud par bya/ /bse shing 'bras bu'i
khu ba dang/ /'bras bu gsum gyi khu bar bsre/ /lcags phyed dang

ni sbyar ba dag /pho ba'i me drod legs drags la/ /shin tu bsil ba
zhag bcu'i bar/ /ma yengs par ni 'di la blud/ /nyer spyod dang ni
kha zas dag /kun kyang bsil chos nyid du bya/ /'bras chan 'o ma
dang bcas shing/ /sbrang rtsi mar ni btab pa byin/ /de nas

bse shing 'bras bu'i khu/ /cha ni rim gyis bskyed nas kyang/
/sngar bshad pa yi cho ga yis/ /zhag bcu'i bar du blud par bya/
/de ltar blud par gyur pa na/ /rta ni snyoms bag skye bar 'gyur/
/zhu bar gyur nas 'o ma ni/ /drang rtsi dang sbyar btung ba blud/
/de yi

@248b rjes la brag zhun gyi/ /khu ba sbrang rtsi dang sbyar blud/
/mi stobs la sogs brtags nas ni/ /de ni zla phyed bar du [?]/ /'ol
bya gong ma sreg sha khu/ /drug cu pa yi 'bras chan byin/ /khyi
ra bul ka sle tres dang/ /ba la bi dar 'bras bu gsum/ /bskol ba'i
khu ba'i

grang mo ni/ /zhag bcu'i bar du blud par bya/ /sbrang rtsi kha ra
dang bcas pa'i/ /'bras bu gsum gyi lde gu byin/ /nye bar spyod pa
'di yis ni/ /stobs dang stobs min shes par bya/ /sbyor ba 'di dag
rta rnams kyi/ /bcud len cho gar yongs su bshad/ /nye bar spyod

pa bsil ba dang/ /rtsa yang mngar po bsngags pa yin/ /cho gar
ldan pa'i mar byin gyi/ /til mar lan tshwa sbyin mi bya/ /gnas ni
bsil zhing bde ba dang/ /'jam zhing dben pa byed du gzhug/ /sman
gyi dus kyi nyis 'gyur ram/ /yang na de yi sum 'gyur du/ /'jam
rtsi

btang ba'i sbyor ba ltar/ /rta ni 'bad de bsrung bar bya/ /de
ltar legs par spyod pa yis/ /rta la bcud len byin gyur na/ /sdar
bshad pa yi yon tan dang/ /de ltar gzhan yang thob par 'gyur/
/rta rnams kyi ni ro tsa ba'i/ /cho ga yang dag mnyan par gyis/ /

ro tsa ba yi cho ga yi/ /dri ba khyed kyis legs par smras/ /ro
tsa bar ni byed pa yi/ /rgyu ni 'di tsam nyid yin no/ /rta ni su
yang rung ba la/ /ro tsa 'di ni bya ba min/ /sbeg dang rgan dang
nyam chung dang/ /stobs chung khu ba zad pa dang/ /rgod ma dang
ni sbyor 'dod la/ /ro tsa

ba yi cho ga bya/ /de rnams yon tan bcas 'gyur gyi/ /lhag ma
rnams la de ltar min/ /khyod la yang dag bag da pa yi/ /yon tan
'di ni rim gyis nyon/ /yid bde shugs ni che ba dang/ /sbro ba che
zhing khu ba mang/ /'jug dga' du skyes pa la bzang/ /bu ni

mang po nyid skyed byed/ /lus drang mdzes shing ma dangs ldan pa/
/ro tsa las byung yon tan yin/ /de bas rta'am gzhan dag la/ /ro
tsa bya ba de nyid nyon/ /legs par snum btang sbyangs byas pa'i/
/khong pa dag 'gyur rta yi ni/ /khu ba legs par 'phel byed

@249a @#/ /pa'i; /btung ba 'di ni blud par bya/ /'o ma dang ni bi
ra ti/ /dzi da ka da ri sha ba/ /ma sha parNi ram nye ba/ /adma
gupta nye'u shing/ /mudga pri tags parNi dang/ /sa mad ga dang ma
du ka/ /me dang shu ga na pa nyid/ /tso ra ka dang bcas pa

dag; /bskol ba'i khu ba grang mo ni/ /kha ra dang ni sbrang rtsir
bcas/ /lde gu dang sbyar btung ba ni/ /snga dro'i tshe na blud par
bya/ /btung ba 'di ni zhu ba dang/ /'o ma slar yang sbyin par
bya/ /bde bar gnas tshe ljang pa ni/ /sngar bzhin dus su byung ba
sbyin/ /de yis rta ni

nyams brtas shing/ /rgod ma la yang gda' bar 'gyur/ /padma dang
ni ku mud dang/ /dri zhim pa yi sdong bu dang/ /puNDa rI ka ba
da ri/ /utpa la dang pa spang bya/ /ta pa ri ni dmar po dang/
/sha lu ka yi sdong bu dang/ /ka she ru dang padma'i rtsa/ /'bra
go dang ni ma ga ta/ /

sring ka ta ka dang bcas pa/ /cha mnyam byas te sman khu bskol/
/de yi khu ba grang mo ni/ /kha ra dang ni sbrang rtsir bcas/
/adma gupta'i me tog dang/ /'bras bu dang bcas snga dro blud/
/de zhu rjes la skom blud cing/ /skom gyi rjes la kha zas byin/
/ma sha snun bsam

legs par tshos/ /phyi dro legs par sbyin par bya/ /sA lu'i 'bras
chan ri dags dang/ /bya yi sha khur bcas pa sbyin/ /rtswa yang
mngar po sbyin na phan/ /gnas ni mnyam zhing bde bar gzhag /'di
yi shin tu dregs bdo zhing/ /rta yi rigs ni 'phel bar byed//

yang na sbyor ba 'di nyid dang/ /ba bzhon be'u rgan po yi/ /ba
yar gyi ni 'o mar sbyang/ /rta de la ni blud par bya/ /'di yis
rta ni dregs bdo zhing/ /lan mang 'jug par nus par 'gyur/ /sman
'di rnams kyi khu ba dang/ /'ol ba'i sha khu dang bcas pa/ /rta
la blud par gyur

pa ni/ /des kyang ro tsa nyid du byed/ /gseb ni shin tu chags
'dod cing/ /rgod ma la yang mngon dgar 'gyur/ /adma gupta
padma'i rtsa/ /btags pa'i lde gu bsil po ni/ /'o ma dang sbyar
blud na yang/ /shin tu ro tsa 'gyur ba yin/ /karka ta ka rgya
mtsho'i lbu/ /

@249b de ni gtun nang brdungs nas ni/ /shin tu zhib par gyur pa
dang/ /til mar dang ni gcig tu bsre/ /adma gupta'i 'bras bur
bcas/ /zas kyi rjes la sbyin par bya/ /bi da ra yi sdong bu ni/
/til mar dang bskol byin pa bsngags/ /u da tsa ta yi phye ma
btags/ /sbrang rtsi

kha ra dang sbyar ba/ /sna nas btang dang btung ba dang/ /'jam
rtsir btang ba bsngags pa yin/ /bskol nas zhag bdun bzhag pa yi/
/til mar gyis kyang bsku bar bya/ /skam pa'i srog chags lda dang
ni/ /rtsa ba sdong bu 'bras bu dag /bsil zhing yon tan dang

ldan pa/ /tshul 'di 'dra ba gzhan gang yin/ /de dag thams cad
gzhan gang ni/ /ro tsa skyed pa'i mchog yin no/ /ra yi 'o ma nya
dang mar/ /de bzhin mar yang sha khu ni/ /yongs su legs par byas
pa dag /kha zas mchog ni sbyin par bya/ /rgyas dang bsdus

pa'i tshul gyis ni/ /sbyor ba sngar ni bstan pa las/ /ro dang zhu
rjes dus kyi cha/ /mkhas pas legs par brtag par bya/ /bras su
ljang pa byin pa dang/ /chang blud pa dang bsku ba dang/ /ud tsa
ra dang bi da ra/ /Adma gupta'i 'bras bu ni/ /rtag tu 'di la
sbyin bya yi//

zhag gcig shin tu drags mi bya/ /me stobs gnas ni ci 'dra dang/
/nad gzhi dus tshigs ji bzhin du/ /lus kyi nyams ni ci yod pa/
/legs par brtags te bya ba yin/ /sngar ni ci skad bstan pa yi/
/bda' ba'i cho ga rnams kyang bya/ /rgod ma la ni gso ba dang//

mngal skyon sbyang ba'i las rnams bya/ /'di ni bcud len dam pa
dang/ /rtsar byed pa ni nyid yin no/ /rta la gang dag dgos pa yi/
/dris pa ma lus bstan pa yin/ /legs thos kyis ni yang smras pa/
/bdag la the tshom gzhan mchis te/ /rta la dangs ma skyon med pa//

rim gyis lus zungs la 'jug na/ /ro tsa ba yi yon tan ni/ /zhag
gcig nas 'byung khyod kyis bshad/ /lus zungs rnams kyi mchog gyur
pa/ /khu ba rgyu ni gang zhig gis/ /'phral du 'phel bar 'gyur ba
bshad/ /sha li ho tras slar smras pa/ /ci ltar shing la chu

@250a @#/ /blud na/ /de ni me tog 'bras bu la/ /nyin zhag de nyid
kho na la/ /khyad par gyur par snang ba yin/ /de bzhin sman gyi
bcud rnams ni/ /'phral du nus pa skyed pa yin/ /bu ram shing gi
rtsa ba dang/ /bar dang rtse mo bye brag yod/ /de bzhin

me tog 'bras bu sogs/ /zhu rjes so sor snang ba yin/ /yon tan nus
pa tha dad pas/ /rdzas kyi rang bzhin sna tshogs yin/ /sbyor ba'i
yon tan dbang gis ni/ /'phral du dus gzhan nus pa 'byin/ /'di ni
mngon sum yin shes bya/ /rgyu dris pa yang

mnyan par gyis/ /dur byid dang ni de 'dra gzhan/ /mod la 'khru
bar byed pa yin/ /'o ma 'thas par 'gyur ba dang/ /po son cha yi
'bras bu dag /'phral du 'khru bar byed pa dang/ /thal sman gyis
kyang 'phral sreg byed/ /til mar mar gyis 'phral snum phyed/ /

ma sha 'phral du 'dul bar byed/ /chang gis 'phral du dregs pa
skyed/ /'o mas 'phral du srog skyed byed/ /bse shing gi ni 'bras
bu yis/ /la la rma ni 'phral du skyed/ /de dang 'dra ba gzhan dag
kyang/ /nus pa mod la 'byin pa yod/ /ro yi rdzas ni khyad par
can/ /

mngon sum gtan tshigs 'di dag gis/ /rdzas kyi zhu rjes nus pa ni/
/'phral du skyed par mngon pa yin/ /ro tsa byed pa'ang de bzhin
du/ /'phral du khu ba'ang 'phel bar byed/ /sngar bshad pa yi sman
rnams kyang/ /sbyor legs 'bras bu 'phral du skyed/ /'di ni

slob ma min pa dang/ /log 'jug bu la'ang sbyin mi bya/ /smod par
byed pa rnams dang ni/ /sdig can la ni mi sbyin no/ /sha li ho
tra'i grub pa'i gnas bdun pa las ro tsa bar byed pa bstan pa'i
le'u'o// //rta yi chu sbubs gyur nad dang/ /blud bya blud

mi bya nyid dang/ /gso ba'i nad ni yang dag nyid/ /legs ldan gyis
ni bstan du gsol/ /bu yis de skad smras pa na/ /sha li ho tras
slar smras pa/ /gang tshe rta la 'o ma chu/ /chu sbubs byin gyur
de yi tshe/ /nyes skyed 'o ma dang bcas pa/ /tsha skyed mgo bor

@250b zhugs pa na/ /spos bdug mgo yi spyangs pa yis/ /de ni bsal
bar nus ma yin/ /skam par gyur tshe chu yi tshad/ /legs par bsal
bar nus ma yin/ /de bas chu dang 'o ma ni/ /chu sbubs las ni
sbyin mi bya/ /chu dang 'o ma de dag kyang/ /sman dang bcas par

bskol ba ni/ /chu spubs las ni sbyin mod kyi/ /ci nas gnod mi
'gyur bar bya/ /gang tshe chang dang 'o ma chu/ /spubs las blud
pa'i shugs drags na/ /sbyor ba nyes par 'gyur ba'i rgyus/ /mod la
mang du zhugs gyur pa/ /de tshe lce dang lkog ma'i sbubs/ /shin tu

bkang na drags par 'gyur/ /de bzhin shin tu 'thor ba yis/ /srol
gong du yang 'jug par 'gyur/ /de yi gyen rgyu'i rlung las ni/
/byung ba'i nad kyis lus snod byed/ /de las lud pa 'byung ba na/
/lkog mar gnas pas gnod skyed byed/ /byen byung shugs kyis bskyod
pa

na; /mgo bor yang ni phyin par byed/ /de yis mchi ma 'dzag 'gyur
zhing/ /mgo 'degs pa yang dka' ba yin/ /lce ni nag por 'gyur ba
dang/ /lud pa lu zhing skam par 'gyur/ /mig gnyis rnam par 'gyur
ba dang/ /sal 'gre zhing 'dar bar 'gyur/ /

pa la sha yi mdog 'dra ba'i/ /snabs ni sna nas 'dzag par byed/
/rna ba chag cing yid mi bde/ /lus ni rdul zhing zhum par 'gyur/
/chu sbubs las ni gyur pa'i nad/ /gso bar shin tu dka' ba yin/
/'chi bar 'dra ba yin na yang/ /de la phan 'gyur gso

dpyad bya/ /dang por mar gyis bskus nas ni/ /shin tu bsil ba'i
sman chu blugs/ /ta la'i 'dab ma'i rlung g.yab bam/ /gos ni gsher
bas g.yab par bya/ /mar bskus nas ni sman bsil ba'i/ /lde gu'am
'dam gyis bsku bar bya/ /de 'phral tsha dang dbugs

mi bde/ /rdul dang du ba pa dang bral 'gyr/ /de nas dud pas bdugs
pa yis/ /bcud bder gnas par gyur bya la/ /thang shing dang ni sar
la/ /shing mngar dang nig bur dang/ /bri yang ku dang tsandan
dang/ /de bzhin rta la parNi dang/ /nA ga puShpa sbo na yang/ /

@251a @#/ /dug mo nyung dang bya ma ka /shre be ra dang spang spos
dang/ /rdo dreg gla sgang ma du li/ /shing tsha dang ni smyig
rkang dang/ /ing gu de'i shun gu gul dang/ /ra sna ga bra ldong
ros dang/ /pu shel tse dang ba la ka /sman ni 'di rnams cha mnyam
du/ /legs par

sbyar bar bya ba yin/ /gzhan yang de 'dra 'dug pa la/ /bsngags
par gyur pa rnams kyang btul/ /rlung las gyur ba'i nad la ni/
/snum dang sbyar te btul bar bya/ /bad kan gyi ni nad kun la/
/bar ta ki yi khu ba sbyar/ /ka ra mar dang sbyar ba yis/ /lkog
ma

bde ba'i sman yang sbyin/ /sbu gu mod la khong stong las/ /cha
gnyis pa ni che tshad yin/ /bzhi chas phri ba bar ma ste/ /phyed
phri ba ni tha ma yin/ /de nas rdza bum blangs nas ni/ /der ni me
mdag gzhug par bya/ /kha bkag pa yi dbus su ni/ /sor gcig pa yi

bu ga gdod/ /sbu gu'i bu ga mnyam byas la/ /sbu gu bum pa'i bu
gar sbyar/ /ngos la bu ga phra gtad de/ /de las de ni bud par
bya/ /'dab ma der ni bdug pa de/ /bcug la dud pa bdug tu gzhug
/sman pa mchog gis du ba ni/ /legs par de la bdug par bya/ /

dud pa bdug pa'i che tshad yin/ /grangs brgya'i bar du gtul ba
yin/ /bar ma bzhi pas phri ba ste/ /phyed phri ba ni chung tshad
yin/ /rma lam dud pas bdugs gyur na/ /nad sel bar ni 'gyur ba
yin/ /gang tshe sna nas ljan ljin ni/ /sbyin bag mang po 'dzag
'gyur zhing/

sgra ni 'byin par nus 'gyur ba/ /sbyang pa legs par shes par bya/
/du bas mgor song nad dang ni/ /rkan dang lkog mar gnas pa yang/
/sel cing bu ga bad kan gyis/ /khengs pa'ang sbyong bar byed pa
yin/ /rlung ni bde bar rgyu byed cing/ /so yi stobs kyang 'phel
bar

byed; /dbang po rnams dang lus zungs dag /dangs shing skyon med
byed pa yin/ /rlung gis tshil ni sel byed cing/ /sems gsal yi ga
'byed par byed/ /lhod pa rnams ni dam byed cing/ /gyong ba mnyen
par byed pa'ang yin/ /gseb dang lam rings nas 'ongs

@251b dang; /shin tu rgan dang skom gyis nyen/ /zas rtsub zos
dang yongs su du ba/ /khrag dang mkhris pa na pa dang/ /chu yid
chu rdzing can dang brtags/ /snum btang ba dang dug zos dang/
/sbegs dang 'jigs pas nyen pa dang/ /chang 'thungs ba dang nyam
chung dang/ /'o ma

'thungs par gyur pa yi/ /rta la nam yang dud mi bdug /lkog nad
nam 'tshang yan chad nad/ /lud pa rnams kyi nad rnams dang/ /skyi
gas bu mgo bo'i nad rnams dang/ /chu sbubs las gyur nad rnams
dang/ /bad kan las gyur nad dang ni/ /de bzhin rlung gi nad

rnams dang/ /pus tshigs na ba rnams la yang/ /dud pas bdugs pa
bsngags pa yin/ /rta yis kha zas zos gyur cing/ /bsil bar gnas la
dud pa btang/ /dud pas nad ni bsal ba dang/ /sman pas rlung 'joms
kha zas sbyin/ /'bras chan sbrang rtsi

dang sbyar cing/ /'o ma bca' sga btab pa sbyin/ /pi tsu mar da'i
khu ba dang/ /bskol ba'i mungga nyid sbyin cing/ /de la rtsa yi
don du ni/ /dUr ba nye bar sbyin par bya/ /legs ldan sha li ho
tra yis/ /de skad ces bstan smras pa yin/ /sha li ho tra'i grub
pa'i

gnas te bdun pa las sbubs las gyur pa'i nad gso ba'i le'u'o/
/grub pa'i gnas zhes bya ba gnas bdun pa rdzogs so// //rig byed
rig byed yan lag mkhas/ /snying stobs ldan zhing dbang po thul/
/gso dang rig pa'i las la mkhas/ /rta

yi bstan bcos pha mthar phyin/ /sha li ho tra thub mchog la/
/legs thos kyis ni yongs dris pa/ /rta ni 'chi bar 'dod gyur pa/
/nang dang bcas par gnas gyur cing/ /sum cu rtsa gnyis par dag gi
/mtshan nyid legs ldan las rtogs 'tshal/ /'di

ni na tshod gang gi tshe/ /nad ni gang dang gang dag gis/ /rta ni
'chi ba nyid 'gyur pa'i/ /mtshan nyid de ni bdag la gsungs/ /de
nas sha li ho tra yis/ /legs thos dris don slar smras pa/ /rta yi
nges pa 'chi 'gyur rtags/ /sha yi mig can gyis shes dka'/ /

@252a @#/ /rim gyis brgyud de shes gyur pa/ /bshad kyis mnyan te
bzung bar gyis/ /mchu ltag sor ni bzhi pa la/ /de ni ri mo brtag
byas te/ /khyad par rnam pa sna tshogs pa/ /de la 'chi bar shes
par bya/ /mi yi lag pa dang 'dra bar/ /rta

rnams kyi ni mchu ltag brtag /gang la tshe ni yod gyur pa/ /de
nyid bshad kyis mnyan par gyis/ /mchu ltag dbus mar ri mo ni/
/gyen du sor gcig gang la yod/ /de ni lo gcig nyid la ni/ /kha
nad kyis ni 'chi bar 'gyur/ /de 'dra ba yi ri mo gnyis/

sor gnyis par ni snang gyur na/ /rta de nyid ni lo gnyis na/ /lce
rengs kyis ni 'chi bar 'gyur/ /'di 'dra ba yi ri mo gnyis/ /mchu
ltag tu ni 'phred du snang/ /lo gsum nas ni 'gram nad kyis/ /de
ni 'chi bar 'gyur ba yin/ /'di 'dra'i ri mo dbus na

dma'; /rta gang la ni yod gyur pa/ /rta de lo bzhi lon pa na/
/'gram lkog nad kyis 'chi bar 'gyur/ /gang gi g.yon na ri mo ni/
/rtse mo yon po sor gnyis yod/ /rta de nyid ni lo lnga nas/ /ri
dgas glal gyi nad kyis 'chi/ /mchu ltag dbus na ri mo ni/ /

sor gnyis tshad ni yon po yod/ /gang yin de ni lo drug nas/ /a ba
ra ga'i nad kyis 'chi/ /gang gis ri mo 'di 'dra ba/ /sor phyed
khar ni chud gyur pa/ /rta de lo ni bdun nyid na/ /gri shi'i nad
kyis gdungs nas 'chi/ /ri mo de 'dra sor gsum pa/ /rta ni gang la

snang gyur pa/ /rta de lo brgyad lon nas ni/ /rim gyis nye bar
'chi bar 'gyur/ /gang gi ri mo 'di 'dra las/ /dbus na nas 'dra
sbom po yod/ /rta de nyid ni lo dgu na/ /rlung gi gzer gyis srog
zad 'gyur/ /ri mo mchu ltag dang mnyam pa/ /gyen du byung ba dbus

na gnas/ /rta de lo ni bcu pa na/ /ske rengs kyis ni brlag par
'gyur/ /gang la ri mo 'di 'dra gnyis/ /mchu ltag dbus na gnas
gyur pa/ /lo ni bcu gcig lon pa na/ /rlung 'khyil nad kyis srog
zad 'gyur/ /gang la de ni sor gnyis las/ /bcud

@252b che ba yi ri mo yod/ /rta de lo ni bcu gnyis na/ /gyen du
log pa'i rlung gis gsod/ /ri mo chur ni sor phyed pa/ /sbom po
nas dang 'dra ba yod/ /rta de lo ni bcu gsum na/ /dbugs mi bde
ba'i nang kyis 'chi/ /steng dang thad kar ri mo ni/ /mchu ltag
dbus na

gnyis gnyis yod/ /yang na bya rog rjes 'dra ba/ /gnyis ni rta
gang la yod pa/ /rta ni lo ni bcu bzhin/ /'byung ba'i nad kyis
dus byed 'gyur/ /de yi bdag po'i nor dang 'bru/ /nyams par byed
pa nyid du 'gyur/ /gang gi ri mo rim tsam ni/ /gyen du 'greng
zhing

dbyibs legs la/ /drang zhing gsal bar gyur pa dang/ /blta na sdug
cing yid 'ong pa/ /gang gi mchu ltag dbus na yod/ /de ni gang gi
khyim na 'dug /myur du rgyal po nyid 'gyur zhing/ /drin skyabs
nor dang 'bru 'phel 'gyur/ /rta de gang na gnas gyur de/ /grong

khyer rgyal srid 'phel bar 'gyur/ /de 'dra'i rta ni rnyed gyur
na/ /mchod cing yongs su bskyang bar bya/ /de ni de 'dras lo bco
lnga/ /bde ba kho nar son nas ni/ /rta rdzi yis ni snang byas pa/
/de rjes srog ni 'dor bar 'gyur/ /gang la mchu ltag ri mo ni/
/'di 'dra

dkar por snang gyur pa/ /de yang lo ni bco lnga na/ /ba la sha yi
nad kyis 'chi/ /gang gi mchu ltag dbus na ni/ /ri mo sor ni gsum
pa yod/ /de ni lo ni bcu drug na/ /lo logs nas ni 'chi bar 'gyur/
/de lta bu yi rta de ni/ /bdag po mdza' bo'i nor

'phel 'gyur/ /gang la de 'dra'i ri mo ni/ /mnyam po gsum ni mchu
ltag nas/ /de yang lo ni bcu drug na/ /rlig skrangs kyis ni dus
byed 'gyur/ /de lta bu yi rta de ni/ /rtag tu bdag po'i don sgrub
'gyur/ /bu mang bar ni 'gyur ba dang/ /rta ni pho mo 'phel

bar 'gyur/ /steng gi char gnyis 'og khar gnyis/ /ri mo rta ni
gang la snang/ /de ni lo ni bcu bdun na/ /mtshon gyis 'chi ba thob
par 'gyur/ /de lta bu yi ri mo ni/ /gyen du lta ba gang la yod/
/rta de lo ni bco brgyad na/ /khrag nad kyis ni srog zad 'gyur/ /

@253a @#/ /ri mo gyen du lta zhing mnyam/ /snum pa bzhi ni gang la
yod/ /rta de lo ni bcu dgu na/ /gcin 'gag pa yis dus byed 'gyur/
/ri mo nyams shing ring ba lnga/ /gang gi mchu ltag mnyam yod pa/
/de yang lo ni nyi shu na/ /mgo nad kyis ni 'chi bar

'gyur; /gang la rta phyis 'on te nad/ /'dra yod de ni gseb kyi
mchog /lo ni nyi shu rtsa gcig na/ /kha nad kyis ni 'chi bar
'gyur/ /gang gi mchu ltag ri mo ni/ /bcud gug pa ni yod gyur pa/
/de ni nyi shu rtsa gnyis na/ /smad nad kyis ni 'chi par 'gyur/ /

mchu ltag lcags kyu 'dras brgyan pa/ /rgyal po la gces dpal yon
can/ /lo ni nyi shu rtsa gsum na/ /brang tsha ba yis 'chi bar
'gyur/ /rus sbal chu srin 'dra gang yod/ /de yang rgyal po'i rjes
mthun yin/ /lo ni nyi shu rtsa bzhi na/ /rna ba'i nad kyis 'chi
bar

'gyur; /rta ni gang gi mchu ltag na/ /padma'am utpal 'dra yod
pa/ /bdag po'i nor ni rtag tu bskyed/ /lo legs par yang byed pa
yin/ /lo ni nyi shu rtsa lnga na/ /gzhong 'dra'i nad kyis dus
byed 'gyur/ /de ni tha skar bcas yod pa/ /bdag po'i nor dang bud
med

bskyed; /lo ni nyi shu rtsa drug na/ /snum nad kyis ni 'chi bar
'gyur/ /ba dan bcas pa gang la yod/ /bdag po bsten na nor ster
'gyur/ /lo ni nyi shu rtsa bdun la/ /sbrul gyis bzung ste 'chi
bar 'gyur/ /gang la mchod sdong 'dra ris yod/ /bdag po mchod

sbyin gyis 'byor 'gyur/ /lo ni nyi shu rtsa brgyad na/ /gzer nad
kyis ni 'chi bar 'gyur/ /gang la ri mo blugs gzar 'dra/ /mchu
ltag dbus na nye bar skyes/ /de yi bdag po mchod sbyin byed/
/sbyin gtong rtag tu 'gyed par 'gyur/ /lo ni nyi shu rtsa dgu na//

mgo nad kyis ni dus byed 'gyur/ /g.yung drung ris dang rin chen
'dra/ /dpal gyi shing ngam lha yi shing/ /dga' ba 'khyil pa'am
phreng ba 'dra/ /gang gi mchu ltag nyid na snang/ /rta mchog de
ni bdag po yi/ /dpal ni mchog tu 'phel bar byed/ /bu dang tsha bo

@253b 'phel bar byed/ /bde bar rnam par rgyal bar byed/ /gang la
'di 'dra'i rta yod pa/ /rgyal po de ni rnam rgyal 'gyur/ /bdag po
tshim zhing bde ba dang/ /nor rnyed pa ni tshim byas nas/ /de ni lo
ni sum cu na/ /khong ba'i srin bu'i nad kyis 'chi/ /'khor

lo'am rdo rje lta bu'i dbyibs/ /rta gang gi ni mchu ltag gnas/
/rta de rgyal po'i bzhon par 'gyur/ /bdag po rtag tu bde skyid
byed/ /rgyal pos de ni bzhon gyur na/ /dgra yi tshogs ni kun las
rgyal/ /rta de sum cu rtsa gcig na/ /nad med par

ni 'chi bar 'gyur/ /gang la mchu ltag dbus na ni/ /zla ba kham
pa'i nyi 'dra yod/ /rgyal po gang la'ang 'di 'dra yi/ /rta yod de
ni 'byor chen yin/ /lo ni sum cu rtsa gnyis na/ /bde bar 'dug
bzhin dus byed 'gyur/ /gal te ri mo rtsub bam

chad/ /dum bu'am yon po yod gyur na/ /de ni bsngags pa ma yin
gyi/ /drang zhing mdangs snum bsngags pa yin/ /de ltar tshe ni
shes bya ba/ /nga yis khyod la bshad pa yin/ /de dag shes kyang
brjod mi bya/ /brjod na nyes par 'gyur ba mi

yin; /nyo ba dang ni 'tshong ba dang/ /gso dpyad tshe yang brjod mi
bya/ /sha li ho tra'i mdo'i gsang ba'i gnas brgyad pa las/ /ri mo
las na tshod dang tshe brtag pa'i le'u'o// //nad ni shin tu mi bzad
pas/ /rta rnams zad par gyur pa na/ /gzhi

nas brlag par 'gyur ba yis/ /bzhon pa'i bde las nyams par 'gyur/
/de tshe rgyal po skam po rtswa/ /gan da ra dang ma tra ka /sin du
so bir dang ni/ /lho phyogs pa yi gtso bo sogs/ /rgyal po dang ni
gling bar pa'i/ /mi rnams gang dag yin pa dang/ /

yul gyi skye bo thams cad kyang/ /rta yi 'chi ba'i 'jigs pas
nyen/ /sha li ho tra drang srong che/ /de yi gnas su nye bar
lhags/ /nyi ma lta bu'i gzi brjid can/ /de la dul bas phyag byas
nas/ /rta yi tshul la brten nas ni/ /thams cad kyis ni dris pa la//

@254a @#/ /sna tshogs nad kyis nyen gyur pa/ /rta rnams shin tu ma
rung 'gyur/ /srog dang bral gyur nye ba na/ /de rnams kyi ni
skyabs khyed lags/ /khyed ni rta yi de nyid mkhyen/ /ci nas de
dag 'tsho gyur pa/ /de dag khyed kyis bstan par mdzod/ /de nas

sha li ho tra yis/ /mi dbang 'khor bcas la smras pa/ /sems ni
sdug bsngal gyis gdungs shing/ /'jig rten 'di nas lo gnas ni/
/'jig rten gzhan du 'gro gyur pa/ /srog sbyin pa yi thabs med do/
/de yi srog ni shes bya dang/ /'chi 'dod pa ni shes bya

dag; /shes la goms pa'i mig ldan las/ /sman pa yis ni shes par
bya/ /blo med bstan bcos mi shes pas/ /gso bar nus pa ma yin no/
/gang zhig dus la bab gyur pa/ /de la sman par byar med de/ /sems
can kun la 'chi ba ni/ /

bcos su med pa mdun na bstod/ /sems can kun gyi dus min 'chi/
/nad las byung bar gyur pa ni/ /sman dang sbyor ba rnams dang ni/
/sngags rnams kyis kyang bzlog par bya/ /gang zhig sngon gyi las
kyis ni/ /tshe ni nges par zad gyur pa/ /de la lha sogs

bcas pas kyang/ /bzlog par nus pa ma yin no/ /sdug bsngal tshor ba
bzlog pa dang/ /nad rnams bsal bar bya ba la/ /tshe yi rig byed
yan lag brgyad/ /rtag tu nus dang ldan par bshad/ /nad rnams zhi
bar byed pa dang/ /de bzhin tshor ba gsal

gyur pa/ /'di dag sman pa'i las yin gyi/ /tshe yi bdag po sman pa
yin/ /'chi ltas kyis ni zil gnon pa/ /'chi bar 'gyur gyis srog
yod min/ /'chi ltas med par gyur na ni/ /de la 'chi ba yod ma
yin/ /gang tshe dus la bab pa na/ /de tshe 'chi ltas

mang du 'byung/ /dus ni go bzlog gyur pa dang/ /rgyal po'i skyes
skar mi 'phrod dang/ /sngon gyi las kyi nyes pa'am/ /de bzhin
rgyal po'i sdig spyod las/ /log par spyod par gyur pa las/ /ltos
nas mang du 'byung bar 'gyur/ /'chi ltas kyi ni mtshan nyid dang/

@254b nad ni sna tshogs de las 'byung/ /mi bzad tshul can du ma ni/
/srog ni 'jig par byed pa 'byung/ /de tshe gso ba sngags bcas pas/
/don ni ci bzhin byed mi nus/ /sman rnams kyis kyang nad kyi
tshogs/ /legs par sel bar byed mi nus/ /de tshe lha

tshogs mchod pa dang/ /sdom pa gnas dang zhi ba'i las/ /sdags dang
sbyin sreg ga tor ma yis/ /nad kyi tshogs rnams zhi bar bya/ /yams
kyi nad ni zhi bya'i phyir/ /sngar bshad pa yi zhi ba'i las/
/byas pas srung zhing 'tsho ba bsal/ /des ni sna tshogs

nad gzhi 'gyur/ /sman pas gang zhig mthong gyur na/ /rta ni nges
par brlug 'gyur pa'i/ /tshe zad pa yi rtags dang ni/ /mtshan ma
yang dag bshad par bya/ /nad ni mi bzad kyis nyen cing/ /srog
dang 'bral bar 'gyur ba na/ /mtshan ma gang zhig snang gyur

pa; /de 'di nga las shes par gyis/ /gang zhig ske bsdams lud pa
lu/ /kha chu dang ni mchi ma 'dzag /dku ni stong bar snang gyur
ba/ /nad de'i mtshan ma ngan pa yin/ /gang gi lus kun skrangs pa
dang/ /rmen bu mang po 'byung ba dang/ /gas shing 'dzag par byed

pa dang/ /de la dri ba 'byung 'gyur te/ /bya rgod tshang gi ring
'byung ba/ /de ni ci nas 'tsho mi 'gyur/ /rnga ma g.yab bar mi
byed cing/ /so yang krig krig 'cha' bar byed/ /sems rmugs shin tu
yid mi bde/ /mgo yang phrug par byed mi nus/ /mtshan dang lto

ba skrangs gyur ba/ /rta nge 'tsho bar mi 'gyur ro/ /rna ba chag
cing zas mi za/ /bzhin ras ngan cing rnga ma 'byi/ /'dar dang mgo
'khor gyis nyen pa/ /skad mi 'byin cing 'dug mi tshugs/ /sems
khong chud cing mchi mas dkrugs/ /tshe zad par ni shes

par bya/ /kha nas chu sngon 'dra ba yi/ /kha chu rgyun du 'dzag
pa dang/ /rta spangs rgyun mi 'chad par 'khru/ /gcin ni khrag
dang 'dra bar 'dzag /sman pa mkhas par gyur pa yis/ /de ni 'chi
dang 'drar shes bya/ /rta gang sgra ni mi thos dang/ /gang zhig
mi 'phrod

@255a @#/ /la brten la/ /kha zas dang ni bral gyur pa/ /de yang
'chi ba 'drar shes bya/ /shin tu 'khru zhing mi zad byed/ /brgyal
rengs yid mi bde dang ldan/ /gang zhig dkur ni lta byed pa/ /de
yang srog zad gyur pa yin/ /gang zhig rtsa ni mi za bar/ /rgyun
du so

ni 'cha' byed la/ /rkang pas sa ni rko byed pa/ /de yang 'chi bar
'gyur shes bya/ /gang gi kha dang sna nas ni/ /khrag ni rab tu
'byung 'gyur zhing/ /rdzi ma dmar por snang gyur la/ /nye bar
gyur kyang mthong mi nus/ /mig ni dmar zhing 'tshubs par byed/
/gcin ni

khrag 'dra 'byung 'gyur la/ /sems khong chud par gyur pa dag /de
'dra 'tsho bar 'gyur ma yin/ /gang gi mig ni ser gyur cing/
/'khrul pa'i mig gis lta ba'am/ /rkang pa la ni rtog byed pa/
/rta de 'ang 'chi bar 'gyur ba yin/ /gang gi mig ni dmar gyur
cing/ /

dkar po'i cha ni mi mngon la/ /rab tu g.yogs par gyur pa gang/
/de yang myur du ma rung 'gyur/ /'gro ba'i tshe na rnam par
'khyor/ /rkang pa 'dzugs par mi nus shing/ /'tshe'u tshe 'khums par
byed pa dang/ /gnye'u rengs gyur pa de mi 'tsho/ /rtsib logs dag
ni re re

yis; /yang dang yang du 'gro byed cing/ /gsum che mchu 'phyang
lce nag pa/ /'gro bar byed pas de mi 'tsho/ /'gro bzhin du ni lci
ba dang/ /dku la yang dang yang du lta/ /kha nas btung bar gyur
pa rnams/ /sna nas 'byung bar byed pa dang/ /mig gis mthong bar
mi

nus shing/ /rna ba dag kyang rengs gyur pa/ /de ni 'chi ba dang
'dra bas/ /sman gyi sbyor ba mi bya'o/ /gang zhig rlung 'khyil
drag tu spo/ /yang dang yang du drag tu 'khru/ /'khru ba ring du
'byin byed cing/ /'khrus nas slar yang spo ba dang/ /gcin dang
rtug pa zad

gyur kyang/ /rtsa ni za bar mi byed pa/ /de yang 'chi ba dang
'dra bas/ /sman gyi sbyor ba mi bya'o/ /gang gi rngog ma mthor
gyur cing/ /dkur ni lta bar byed pa dang/ /lce rkan kha dang mchu
gnag cing/ /'gram pa 'thas par gyur pa dang/ /pags pa spu dang

@255b lus dri pa/ /'jig rten pha rol 'gror shes bya/ /kha'i tshong
'dra ma sha rul pha'am/ /mda' sgro ba sregs pa lta bu yi/ /rta ni
gang la yod gyur pa/ /de yang 'chi bar shes par bya/ /gang la
rngod ngag yan la sogs/ /phags nad 'byung bar gyur pa na/ /phags

pa nag po nyid 'gyur zhing/ /spu yi tshogs kyang byi nas ni/ /chu
ser shas ni che pa yi/ /khrag ni 'dzag par byed gyur pa/ /de
mthong nas ni zla gsum ba cas/ /lhag ma'i 'tsho bar shes par bya/
/lus ni rtag tu rengs ba dang/ /kha nas kha chu'i rgyun 'dzag

cing; /yang dang yang du sgra 'byin pa'i/ /'jig rten pha rol par
shes bya/ /rta gang kha skam lce dang ni/ /rkan dang mchu ni nag
por 'gyur/ /mi ro lta bu'i dri 'byung pa/ /de yang ro dang 'dra
shes bya/ /gang gi 'bras bu lkog ma ni/ /rab skrangs mgo po'i nad

kyis btab/ //kha chu ma rdog ni du ma 'dzag /de yang 'chi ba dang
'drar bshad/ /gang zhig lung pa mi bzad lu/ gang du gnas par rnam
par 'gro/ /dbugs mi bde zhing rkang 'dzag pa/ /de 'dra ba yang
'tsho mi 'gyur/ /zad byed nad kyis btab gyur

kyang; /yid bde lta bur byed gyur pa/ /gang la mtshan nyid 'di yod
pa/ /de yang 'chi bar shes par bya/ /mdog dang stobs dang skad
gsang nyams/ /mig dang sna dang lus skrangs shing/ /rna ba mjug
ma bskyod mi shes/ /de yang 'chi bar

shes par bya/ /gang zhig mgo dang de bzhin du/ /ro stod bskyod
par gyur pa dang/ /lud pa lu tshe kha nas ni/ /khrag ni 'byung bar
byed pa dang/ /lus skrangs gcin nid mar po 'byung/ /de yang ro
dang 'dra ba yin/ /rta gad gcin mang sna tshogs pa'i/ /

mdog can mad du 'byung 'gyur la/ /rtswa ni ci yang mi za ba/ /de
yang ro dang 'dra ba yin/ /snying ga skrangs pa dang bcas pas/
/shin tu mi bzad lud pa lu/ /sman ba mkhas pas mthong gyur na/
/'di ni mi 'tsho zhes bstan bya/ /rta gang sge ni yang yang

@256a @#/ /rkyong; /'dar zhing mig ni dmar ba dang/ /lus lci yan
lag rengs gyur pa/ /de yang 'chi bar 'gyur zhes bya/ /gang gi bu
ga'i sgo skya zhing/ /mchu ltag skrangs par gyur pa dang/ /mig ni
thur du 'gebs shing 'gro/ /spu ni shin tu gshor gyur

pa; /yid mi bde bas ring du 'dug /phrag so'i steng ni skam por
snang/ /gnye'u rengs kyis kyang btab gyur pa/ /rta de'ang 'tsho
bar 'gyur ma yin/ /rtsol ba chung zhing chu nyung 'thung/ /zas
kyang za bar mi byed kyang/ /rta spangs gcin ni mang gyur pa/ /de
yang

ro dang 'dra shes bya/ /gang zhig tshul ni 'di 'dra ba'i/ /'chi
ltas snang bar gyur pa na/ /de yang legs par snang gyur na/
/gzhan du 'gyur ba de ma yin/ /nad pa gang dag lus 'jam zhing/
/mdog dang spyod pa mang gyur la/ /mig dang spyod pa skyon med
snang/ /

thams cad du yang spyod pa yang/ /dro grang dus ni ci bzhin shes/
/gcin rtug gnod pa med par 'byung/ /sa la 'gre bar gyur nas ni/
/slar yang chur 'jug par mi byed/ /sman gyi sbyor ba byas pa na/
/phan dang gnod pa'i khyad par snang/ /de ni gso ba'i las

rnams la/ /grub pa'i 'bras bu yod pa yin/ /de ltar gsor rung gsor
mi rung/ /shes nas gso ba'i las rnams brtsam/ /de ltar shes nas
gang spyod pa/ /sman pa des ni las grub 'gyur/ /gso ba'i bya ba
byas kyang ni/ /'chos par

mi 'gyur 'chi 'dod pa/ /de la sman gyi sbyor ba ni/ /yon tan
skyed par 'gyur ba yin/ /'chi ltas kyi ni mtshan nyid 'di/ /yon
tan med la sbyin mi bya/ /bu dang slob ma yon tan gyi/ /snod ldan
rnams la sbyin par bya/ /

'chi ltas byung ba gsang ba ni/ /nam yang su la'ang brjod mi bya/
/sha li ho tra'i gnas te brgyad pa las nad kyis 'chi ltas bstan
pa'i le'u'o// //sha li ho tra drang srong che/ /rta yi khang pa
la dga' ba/ /thos ldan bu ni legs thos kyis/ /

@256b tshig ni 'di skad smras par gyur/ /nad dang ldan pa'i 'chi
ltas rnams/ /'di dag legs par thos lags na/ /nad med rnams kyi
'chi ltas kyang/ /go rims bzhin du brtag par mdzod/ /de skad dris
tshe legs ldan ni/ /sha li ho tras slar smras pa/ /nad med

rnams kyi 'chi ltas kyang/ /legs thos nye bar mnyan par gyis/
/rta gang nad ni med bzhin du/ /lus kyi nyams ni 'grib pa dang/
/yid mi bde zhing sems khong chud/ /phyin ci log tu snang gyur
na/ /'tsher yang log par 'tsher byed cing/ /log pa kho nar mthong

bar byed/ /dbugs kyang de 'drar snang gyur cing/ /lus ni de ltar
mi sdug 'gyur/ /de mthong na ni sman pa yi/ /'chi bar nges par
shes par bya/ /mang du za yang nyon mongs byed/ /kha chu mang du
'dzag byed la/ /gcin dang rtug pa nyung gyur ba/ /de yang myur du

brlag par 'gyur/ /nyi ma'am yang na mar me'am/ /zla ba'am ni chu
nang du/ /gang gi grib ma mi mngon pa/ /yang na mun pa'i nang du
ni/ /shin tu ring ngam thung bar snang/ /de yang myur du 'jig par
'gyur/ /gang zhig 'gro bar byed pa na/ /grib ma rgyab tu

phyogs gyur pa'am/ /yang na nyis 'gyur snang gyur pa/ /rta de'ang
'chi bar 'gyur ba yin/ /phag gam de bzhin rnga mo'am/ /khyi dang
'dra ba snang gyur zhing/ /mi sdug rta dang mi 'dra ba'i/ /grib
ma gang la snang gyur pa/ /de yang yun ring nad kyis ni/ /'chi

bar 'gyur ba kho na yin/ /shin tu dangs pa'i chu la yang/ /gzugs
brnyan snang bar mi 'gyur ba'i/ /skyon dang bcas par snang gyur
pa/ /de yang myur du 'chi bar 'gyur/ /gang gi mgo ni stod smad
dag /mi 'dra bar ni snang gyur la/ /rtswa nyung za zhing chu la

dga'; /de yang myur du srog 'jig 'gyur/ /gang gi mig ni mchi mas
khengs/ /de bzhin dbang po log par 'gyur/ /gang gi lus ni shin tu
zhum/ /skom gyis gdungs pa lta bur snang/ /sbrang bu rnams ni
'dus nas kyang/ /rgyun du tshor ba mi bzad skyed/ /

@257a @#/ /de lta bu yi rta de ni/ /srog zad par ni shes par bya/
/gang zhig rna bas mi thos shing/ /dbang po nyams par snang gyur
la/ /rtswa yang nyung du za byed pa/ /de yang myur du 'chi bar
'gyur/ /gang gi rna ba rengs nas ni/ /shin tu 'greng bar snang

ba dang/ /yang dang yang du 'dug byed cing/ /dran pa'ang yang
dang yang du stor/ /mig kyang ling thog dag gis ni/ /khebs pa lta
bur snang gyur pa/ /shin tu lhod par snang ba dang/ /rnam par
bskyod par mi shes la/ /rnyog can tshad ni chen por snang/ /de
yang

myur du ma rungs 'gyur/ /gang zhig shin tu skrag pa lta/ /rgyas
bsdus 'gugs par snang ba dang/ /lce yang skrang zhing rengs gyur
pa/ /de yang myur du 'chi bar 'gyur/ /skrangs par gyur pa ma yin
yang/ /shin tu skrangs par ltar snang la/ /rta ni gang la snang
bar gyur/ /

de ni yun ring 'tsho mi 'gyur/ /gang zhig padma dkar 'dra bas/
/mig ni rnam par khyab ltar snang/ /rab rib yod kyang mthong gyur
pa/ /de yang myur du 'chi bar 'gyur/ /mod la stobs dang ldan gyur
zhing/ /spyod pa la yang thag thogs med/ /de nas myur du lus

zhum pa/ /de yang myur du 'chi bar 'gyur/ /gang zhig khrus ni
byas mod la/ /dang po snying ga skams 'gyur zhing/ /lus kun rlon
par gnas gyur pa/ /de ni zla phyed las mi 'tsho/ /gsos kyang rtas
par mi byed kyi/ /'grib pa tshab cher snang gyur la/ /stobs dang

mdog ni med gyur pa/ /de yang yun ring 'tsho ma yin/ /bya ni 'phur
bar gyur pa na/ /yun ring blta zhing 'greng 'dod la/ /dran pa
nyams kyang dga' dga' ltar/ /yang dang yang du 'tsher bar byed/
/rta de tshe ni thug zos pas/ /ring por thub par 'gyur ma yin/ /

bu ga'i tshogs rnams skam gyur zhing/ /blo yang shin tu 'grib par
'gyur/ /lus kyi khrag kyang 'grib 'gyur cing/ /spyi bag spyod
kyang 'byar mi btub/ /lus las dri mi mi zhim 'byung/ /skad gsang
mdog kyang nyams gyur pa/ /lus kyis kyang ni tsha grang dang/
/'jam

@257b rtsub tshor bar ma gyur pa'am/ /phyin ci log tu byed gyur
pa/ /rta de'ang 'chi bar 'gyur ba yin/ /zas dang spyod tshul thams
cad la/ /thams cad du ni 'gyur pa ston/ /blo dang ldan pas de lta
bu/ /sems nyams par ni shes par bya/ /mtshan mar snang ba 'di dag
gis/ /

nyams par 'gyur bar shes par bya/ /sha li ho tra'i gsang ba'i
gnas te brgyad pa las nad med pa'i 'chi ltas bstan pa'i le'u'o//
//sha li ho tra drang srong mchog /bstan bcos kun la 'jigs med
pa/ /thos ldan bu ni legs thos kyis/ /dul dang ldan pas

dris gyur pa/ /pho nya 'ongs dang lam dang ni/ /khyim du 'jug tshe
shes bya dang/ /nad la mthong bar gyur pa dang/ /las ni rtsom par
gyur pa na/ /shis dang mi shis mtshan nyid dag /'di ni legs ldan
bstan pa'i rigs/ /bu yis de skad dris pa dang/ /sha li ho tras

slar smras pa/ /'di ni rta yi pho nya yi/ /mtshan nyid nga yis
bshad par bya/ /nad pa'am zhum pa'am rtags can nam/ /yang na gos
ni dri ma can/ /sdang dang gdug pa'i las can dag /pho nyar 'ongs
pa mthong gyur na/ /sman pa mchog gis na ba yi/ /rta de 'chi

bar shes par bya/ /nad pa'i don du pho nya ni/ /rta dang rnga mo
mi la ni/ /zhon te 'ongs par mthong gyur na/ /rta de 'chi bar
shes par bya/ /pho nyar bud med 'ongs pa'am/ /mgo reg skra bcings
ral ba can/ /gos ni rdul can gyon pa'am/ /yang na nag gam rnyog
can

gyon; /mthong na sman pas rta gso'i phyir/ /der ni 'gro bar mi
bya'o/ /gang zhig gos dmar rlog pa yis/ /lus ni kun nas dkris
gyur cing/ /sman pas dris par gyur ba na/ /med ces bya ba'i tshig
smra dang/ /so 'dar ba dang de bzhin du/ /sen mo phan tshun 'dar

byed la/ /skra dang kha spu rgyu med par/ /shin tu sprug cing
nyed byed pa'i/ /pho nya 'ongs par mthong gyur na/ /sman pa der
ni 'gro mi bya/ /rtswa dang shing dang rdo ba dag /gcod dam bcod
par byed pa'am/ /yang na bcog cing nyed pa'am/ /skra dang thal ba

@258a @#/ /'thor byed pa/ /de lta bu yi tshul ston pa/ /yongs su
spang bar bya ba yin/ /thal ba phyag dar sol phub dang/ /gyo mo
bdar bar byed bzhin du/ /pho nya 'ongs par gyur na ni/ /des ni
don ni 'grub mi 'gyur/ /skyes bu lag na 'khar thogs pa/ /khros

pa'am shin tu zhum pa yi/ /yang na mig ni mchims khengs/ /gos
dang phreng ba dmar po thogs/ /gang gi pho nya 'di 'dra ba/ /rta
ni de ru 'tsho mi 'gyur/ /rna bcad yan lag nyams pa dang/ /yang na
cung zad tshig gyur pa/ /kha nas mi shis tshig smra ba'am/ /yang

na yid la mi dge sems/ /sman pa nyams tshe 'ongs gyur na/ /de yang
nges par brlag par 'gyur/ /shi'o tshig go nyams so zhes/ /gtam ni
sgrogs par byed pa'am/ /mi shis pa ni gzhan smra ba/ /pho nya des
kyang 'chi 'dod ston/ /pho nya gang gi mdun na ni/ /

mtshun gtor byed pa'i rdzas thogs pa'am/ /shing rta chag gyur
mthong na ni/ /de yang spang bar bya ba yin/ /gang gi mdun na chu
yi ni/ /bum pa chag pa mthong gyur pa/ /nad pa de ni 'chi 'dod
cing/ /'jig rten gzhan du 'gro shes bya/ /sog ma phub ma nya'i

rus pa/ /skra dang sha dang sen mo so/ /zhib ma gtun dang mchil
lha ma dang/ /thal ba dang ni phyag dar dang/ /rtswa dang shing
dang sol ba dang/ /bong pa la yang reg byed dang/ /shing dang
sngon po'i gos gyon pa'am/ /mi ro'i rgyan gyis brgyan pa'am/
/bcom dang nyams

dang rlag pa dang/ /tshig dang chag dang de bzhin shing/ /de la
sogs pa gzhan dag kyang/ /mthong ngam thos sam reg gyur pa/ /pho
nya 'ongs pa'i thog mar ni/ /snang bar gyur na de mi 'tsho/ /pho
nya 'ongs par gyur pa na/ /rta yi tshul ni dris pa'i tshe/ /nan
gyis

mi shes smrar bcug pa/ /de 'dir brtag par bya ma yin/ /pho nya
'ongs par gyur ba'i tshe/ /ro ni yid du mi 'ong pa'am/ /yang na
bshang bam gci ba yi/ /dri ma glo bur byung gyur ba'am/ /'dri
ba'i tshe na byung gyur na/ /sman pas de ni spang bar bya/ /gso
ba'i

@258b gnas su song ba dang/ /nad pa mthong bar gyur pa dang/ /las
ni rtsom par byed pa dang/ /mtshan ma mthong ba bshad par bya/
/dmod mo 'debs pa'am brdeg pa'am/ /bzlog pa'am ni smod pa'am/
/gos dang gtsug tor stod g.yogs dang/ /phyugs

dang bya yi tshogs rnams dang/ /shing rta dang ni glang po che/
/de 'dra 'jig par 'gyur ba dang/ /gdugs dang rgyal mtshan ba dan
dag /bsgreng ba 'gyel bar mthong ba dang/ /snod ni gang bar gyur
ba dag /mngon sum du ni chag gyur ba/ /bcom dang yid du mi 'ong

dang; /mchil ma thal ba 'thor ba dang/ /lam ni 'gegs par mthong
gyur na/ /nad pa yi ni srog zad 'gyur/ /'jug tshe bum pa gang dang
me/ /rgun 'bru'i 'bras bu mar dang ni/ /khyu mchog bram ze rin po
che/ /lha ni phyir 'byung mthong gyur na/ /sman pas der ni na ba

yi; /rta de 'tshor mi 'gyur shes bya/ /thal bas gang ba'i snod
dang ni/ /kun nas chag par gyur pa dang/ /nyam chung ba'am chag
gyur pa/ /thal ba phub ma sol ba dag /khyim gang du ni 'jug
mthong na/ /der ni rta de 'tsho mi 'gyur/ /zas dang skom dang sman
rnams ni/ /

de bzhin longs spyod gzhan dag ni/ /ro la byed pa ltar byed na/
/rta de 'tsho bar 'gyur ma yin/ /nad pa'i gan na gnas pa dag /phan
tshun spyod pa byed pa na/ /shin tu rmongs pa ltar 'jug na/ /de yi
srog kyang rnyed par dka'/ /dud pa sol ba 'thor byed dang/ /de
bzhin

khri ni gcog pa dang/ /sbed pa'am yang na mi snyan smra/ /yang na
snod ni gcog pa'am/ /gso ba las ni zlog byed pa/ /gal te sman pas
mthong gyur na/ /der yang nad pa de yi ni/ /srog zad gyur par
shes par bya/ /thal bas bskus pa'am tshig pa'am/ /'dam gyis

bskus par gyur pa'am/ /smyon pa'am rdza mkhan mthong gyur na/ /de
ni 'chi bar ston pa yin/ /skyes bu gdol ba mthong ba dang/ /yang
na til mar gyis bskus mthong/ /shin tu nyams par mthong gyur na/
/de yang ma rung 'gyur shes bya/ /glo bur nas ni dri nga ba/
/byung

@259a @#/ /na de ni 'chi bar 'gyur/ /sman pa yis ni mngon sum du/
/bram ze'i khyim nas chu'am ni/ /mar snod thogs te song gyur na/
/de yang 'tsho bar 'gyur ma yin/ /gang zhig ag tshom de bzhin du/
/mjug ma nyed cing phyi byed na/ /de 'dra'i mtshan ma

mthong na yang/ /srog zad par ni shes par bya/ /sman gyis rnam pa
thams cad du/ /nad ni bsal bar ma nus pa/ /gang yin de ni myur ba
ru/ /'chi bar 'gyur bar shes par bya/ /de ltar mi shis gyur pa
yi/ /mtshan nyid rgyas par bstan pa yin/ /de nas gzhan

yang shis pa dag /bshad kyis nga las mnyan par gyis/ /gtsang
zhing kun spyod bzang dang ldan/ /sa phyogs yid 'ong nyams dga'
bar/ /pho nya 'ongs gyur mthong na ni/ /las grub par ni shes par
bya/ /bcu bzhi tshe dbu ma yin dang/ /de bzhin bcu bzhi ma

yin zhing/ /mtshan phyed dang ni nyi ma gung/ /dus su ma yin na ba
min/ /shis shing gnod pa med pa yi/ /yul dang dus su ci bzhin
'ongs/ /sman pas der ni 'ongs pa las/ /las grub par ni shes par
bya/ /lam du 'gro bar gyur ba na/ /shis pa'i mtshan ma

bshad par bya/ /zho dang 'bras bu ma gnang dang/ /skyes bu dregs
dang ldan pa dang/ /khyu mchog dang ni bum pa gang/ /mthong na
'grub par ston pa yin/ /rgyal po dang ni ded dpon dang/ /de bzhin
gdugs dkar mthong ba dang/ /bram ze lag pa khengs dag ni/ /

mthong na las rnams 'grub par 'gyur/ /na chung dga' ston byed pa
dang/ /de bzhin rin chen mthong ba dang/ /phyugs gcig btags par
gyur pa dang/ /de bzhin me ni 'bar ba dang/ /dri dang phreng ba
shis pa dang/ /bud med bzang dang rgod ma dang/ /sa ni 'degs

par byed pa dag /mthong na las ni 'grub par 'gyur/ /bud med rin
chen rnams kyi ni/ /rgyan gyis brgyan cing bkra shis smra/ /'bras
bus gang ba'i snod dang ni/ /chang dang sbrang rtsis gang ba
dang/ /dri dang sgra ni yid 'ong dang/ /gos dkar ro ni mngar ba
yang/ /

@259b mthong ngam thos na blo ldan pas/ /don grub par ni shes par
bya/ /phreng ba sar pa yid 'ong ba/ /de bzhin zas skom bzang po
dang/ /shing rta mi dang bcas pa dag /mthong na dge bar bshad pa
yin/ /rgyal mtshan sgreng bar gyur pa dang/ /ba dan gyis brgyan
mthong bo'am/ /

glang po ra ro mthong gyur na/ /blo ldan grub par shes par bya/
/lha dang de bzhin bram ze dang/ /skyes pa bud med chas dang
ldan/ /padma 'dab brgyad dang pa dang/ /sa ra la dang rma bya
dang/ /yungs kar dang ni sA la'i shing/ /de bzhin gi waM nyid
dag ni/ /lam du mthong na

sman pa yis/ /don grub par ni shes par bya/ /gang na khyu mchog
bzang po ni/ /lam kan ni snang gyur na/ /de ni rnyed pa dang bcas
par/ /bya ba thams cad 'grub par 'gyur/ /shing rta sa yis gang ba
ni/ /ba bzhi yis ni drangs gyur pa'am/ /yang na 'bru yis

gang gyur pa/ /mthong na don ni 'grub par 'gyur/ /shin tu bde
legs sgra dang ni/ /mi ni lag na padma thogs/ /gang zhig bram ze
dge sbyong mchod/ /brgyan cing yid la re ba rdzogs/ /de las gang
yang rung ba ni/ /mthong na don ni 'grub par 'gyur/ /khyim

du 'jug tshe bum pa gang/ /mtshan ma sna tshogs kyis brgyan dang/
/de bzhin bud med rgyan can dag /mthong na las ni 'grub par
'gyur/ /dri zhim mdog ni bzang po dang/ /de bzhin ro ni mngar
zhing gtsang/ /bya dang ri dags mi rnams kyi/ /sgra skad snyan pa

thos na dge /gdugs dang rgyal mtshan bsgreng ba dag /'jug pa'i tshe
na mthong gyur na/ /blo ldan don grub shes par bya/ /dung dang
rdza rnga rnga bo che/ /sgra ni snyan cing sgra che dang/ /glu
gar rol mo'i sgra dag dang/ /snyan pa'i sgra ni skor phyogs 'gro/
/gnas su

'jug tshe thos gyur na/ /blo ldan don grub shes par bya/ /mdza' bo
chu lha skem byed dang/ /nyi ma zla ba rgya mtsho che/ /dga' byed
dang ni khyab 'jug dang/ /tshangs pa lha chen mi thub dang/ /brgya
byin dang ni rnam thos sras/ /tha skar gnyis dang tshogs dang
rlung/ /

@260a @#/ /ming ni sgrogs par byed pa dag /don grub par ni ston pa
yin/ /dad par byed dang rjes mthun dang/ /nor ni mang po bsags pa
dang/ /las kyi mtha' ni grub pa dang/ /de bzhin dge bar smra ba
dang/ /dbugs 'byin byed cing nyug pa dang/ /de bzhin

sman ni 'thung ba dang/ /grub pa'i phyir ni byed pa dang/ /de ni
nad med 'gyur rtags yin/ /sman rnams rnyed par 'gyur ba dang/ /de
bzhin dga' ba thob pa dang/ /sman ni sna tshogs sbyor ba dag /byed
par mthong na 'grub par 'gyur/ /mtshan nyid thams cad phun

sum tshogs/ /dge ba thams cad 'dod gyur pa/ /ltas 'di las ni nad
med pa'i/ /don grub par ni 'gyur ba yin/ /de ltar pho nya'i gnas
skabs su/ /rtags ni 'di dag bstan pa dag /nad kyis btab par gyur
pa yi/ /gsor rung mi rung ston pa yin/ /lam dang khyim du

'jug pa na/ /nad pa mthong bar gyur pa dang/ /las ni rtsom par
gyur pa'i tshe/ /'dis ni 'grub dang mi 'grub ston/ /'chi ltas
gsang ba 'di dag ni/ /yang dag nyid du shes par bya/ /'di dag
thams cad gang gis ni/ /yang dag shes te sman pa'i mchog /legs

ldan sha li ho tra yis/ /de skad rjes bstan smras pa yin/ /sha li
ho tra'i gnas brgyad pa las gsang ba'i gnas te pho nya'i las
bstan pa'i le'u'o/ /rta'i tshe'i rig byed rdzogs so// //sha li ho
tra thub chen la/ /legs thos kyis ni yang dris pa/ /legs ldan

chos rnams thams cad mkhyen/ /bstan bcos kun gyi pha mthar byon/
/gsang ba dang ni bcas pa'i gnas/ /legs ldan gyis ni sngar gsungs
gang/ /khyed kyi drin gyis legs par ni/ /de nyid mnyan par 'tshal
lags so/ /blo ldan de skad 'dri ba dang/ /sha li ho tras

slar smras pa/ /gsang ba legs rab rnyed dka' dang/ /phye ma til
mar sman mar dang/ /bcud kyis len ni bzang po dang/ /ro tsa ba yi
mchog gyur pa/ /'dod nas gnas shing bslab bya ba/ /bshad kyi bu
yis mnyan par gyis/ /pi pi ling dang bca' lga dang/ /

@260b byi dang ga dang lan tshwa rnams/ /pi tsu mar da pa to la/
/a ru ra dang na le sham/ /ba ru ra dang skyu ru ra/ /yungs kar
shing kun tsi tra ka /thang shing dang ni pa la sha/ /dug mo
nyung shun tsu ka dang/ /ar ka'i rtsa ba bong ba dang/ /sapta
parNa shing tsha dang/ /te dzo ba ti dzi ba ti/ /kaNDa

ka ri br-i ha ti/ /a mra'i tshi gu sru sru'i rtsa/ /de bzhin spang
spos kad pha la/ /se'u 'bru dang ni ti ka /shu dag ru rta star bu
dang/ /byi tsher ba dang ser po gnyis/ /dur byid tig ta ro hi ni/
/nas tshig 'khus tha las rdzi ka /ha re Nu ka kyi lce ba/ /sha ti
dang ni ma nu dang/ /

sle tres dang ni bi sha la/ /pi pi ling rtsa dbyi mong dang/ /de
bzhin ha ri pi pi ling/ /rgya shug dang ni dra ban ti/ /a shwa
gand+ha dan bya dang/ /a dza mo dang zi ra lnga/ /so ma ku rtsi
la la thud/ /nye'u shing dang dug mo nyung/ /de bzhin kar ka ta
shri ka /ta ma la ga ga bra'i rtsa/ /

ke ra ta dang bu nim pa/ /bar ba ta dang gla sgang dang/ /bri
yang ku dang ba lu ka /pr-i shtsi ka li so na ka /gze ma dang ni
g.yer ma rnams/ /de dag cha ni mnyam byas pa/ /phye ma zhib mor
btags par bya/ /phye ma dag ni srang gcig dang/ /chang sbyar ba
ni blud par bya/ /yang na nya khu

chu'am ni/ /chu tshan dang ni sbyar ba blud/ /de yis rta ni gang
zhig gi /me drod nyams dang ma snyoms dang/ /khong ba'i srin bu
rnams dang ni/ /zad byed tshangs par 'khrub sel/ /ba gcin dang ni
sbyar nas kyang/ /de la blud par gyur na ni/ /'di la rta yi sgom
dang dag /

mchog tu sel bar byed pa yin/ /sha li ho tra'i gzhung bsgrub pa/
/rta yi stobs skyed byed pa yin/ /gsang ba'i gnas te brgyad pa
las phye ma bdun cu rtsa lnga ba'o// //tsha ba gsum dang 'bras bu
gsum/ /shing kun pi pi ling rtsa ba/ /tin ti li ka se'u

'bru dang/ /star bu rgyam tsha kru trug tres/ /pha tha gla sgang
g.yer ma dang/ /shing tsha sug smel g.yer ma dang/ /ka ra ka ta
sring ha pu sha/ /byi dang ga dang kha ru tsha/ /shu dag thang
shing dur byid dang/ /dug mo nyung dang bong nga dang/ /pa tha ma
nu ga bra'i rtsa/ /yab k+Sha

@261a @#/ /ra pu tse shel/ /'di dag cha ni mnyam byas nas/ /phye
ma zhib mo nyid du btags/ /phye ma khyor gang chang dang ni/
/sbyar ba rta la blud gyur na/ /rlung dang bad kan nad rnams
dang/ /de bzhin me drod nyams pa dang/ /nad kun sel cing stobs
skyed

la; /srin bu'i nad ni sbyong bar byed/ /til mar yang na mar sbyar
ba'i/ /phye ma snum can me drod skyed/ /mkhris dang bad kan las
gyur ba/ /wa ra sbrang rtsi dang sbyar sbyin/ /rlung las gyur
pa'i nad rnams dang/ gnye'u rengs dang lkog nad dang/ /kha yi nad
ni thams

cad la/ /sbrang chang dang sbyar sbyin na phan/ /sbeg dang zad
byed can la ni/ /sha khu dang ni sbyar te sbyin/ /gal te 'di dag
ma rnyed na/ /dar ba'am chu tshan dang sbyar sbyin/ /sman pa yi ni
rta'i gnas dang/ /nye bar rtag tu 'di gzhag bya/ /tsha ba gsum la
sogs pa'i phye/ /

sha li ho tras bshad pa yin/ /sha li ho tra'i gsang ba'i gnas te
brgyad pa las tsha ba gsum la sogs pa'i phye ma bstan pa'o// //tsha
gsum pi pi ling mU la/ /shu dag ci tra 'bras bu gsum/ /thal sman
gnyis dang lan tshwa lnga/ /de bzhin zi ra lnga dang/

bcas; /kyi lce ba dang ser po gnyis/ /kyi lce ba dang gla sgang
dang/ /dbyi mo ha ti pi pi ling/ /la la phud dang bong nga dkar/
/mur ba dang ni dug mo nyung/ /de bzhin dug mo nyung shun ba/
/thang shing dang ni sa khris dang/ /ni ma pa dang ni ro tsa ka
/so ma ra tsa so ba na dzi/ /

ru rta dang ni par pa ta/ /g.yer ma shing kun sgog skya dang/ /de
bzhin rta sga nyid dang ni/ /zur pa kan ta ka ri dang/ /de bzhin
byi dza su ra'i khu/ /'di dag cha mnyam bsdus nas ni/ /phye ma
zhib mo nyid du btags/ /sbrang rtsi dang sbyar gom bu'am/ /chang
dang sbyar te

blud par bya/ /yang na mar ram til mar ram/ /ba gcin kAnydzi dad
sbyar blud/ /bad kan gyi ni nad kun la/ /sbrang rtsi dang sbyar
sbyin na phan/ /mkhris pa'i nad ni thams cad la/ /mar ram kha ra
dang sbyar sbyin/ /rlung gi nad ni thams cad la/ /mar ram til

@261b mar dang sbyar sbyin/ /gcin sri ba dang za gu la/ /ba gcin
kAnydzi dang sbyar blud/ /chag grugs dang ni lus zhum dang/
/khyad par du ni sbeg nad dang/ /zad byed kyis ni btab pa yi/
/rta la sman gyi mchog yin no/ /nad rnams kun las rnam grol
zhing/ /skyon

kun dang ni bral bar 'gyur/ /shugs ni rlung dang mnyam pa dang/
/stobs ni glang po dang 'drar 'gyur/ /sha li ho tra'i gsang ba'i
gnas te brgyad pa las tsha ba gsum la sogs pa'i phye ma gnyis
pa'o// //ha pu sha dang lce myang tsha/ /ru rta shing kun zi ra
dang/ /shu dag e

raNDa'i sa bon/ /ra sna bca' sga yungs kar dang/ /thang shing a
dza mo da dang/ /nas tshig 'khus thal lan tshwa rnams/ /phye mar
byas pa mar dang ni/ /til mar dang bskol dam pa 'di/ /rta ni
rlung gis nyen pa la/ /'jam rtsi btang na stobs skyed yin/ /phye
ma 'di dang

sbyar ba yi/ /snum gyi 'jam rtsi gzhan yang bsngags/ /nad med
rtas byed ro tsa byed/ /nad kyis gdungs la ngal ba sel/ /sman pa
mkhas pas 'jam rtsi yi/ /las rnams kun la 'di sbyar bya/ /sha li
ho tra'i gsang ba'i gnas te brgyad ba las ha pu sha la sogs pa'i
phye

ma'o// //byi dang ga dang ser mo gnyis/ /lce myang tsha dang tsal
ru tsha/ /pa tha pa to la'i lo ma/ /nim pa'i lo ma tsi tra ka /pi
pi ling dang bca' lga rnams/ /phye mar btags pa 'di sbyin na/
/snying nad khong pa'i srin bu sel/ /me drod skyed cing smin byed
yin/ /nad

kun rnam par zhi byed cing/ /bad kan dang ni mdze nad sel/ /rta
ni me drod nyams pa la/ /lus kyi me drod stobs 'phel byed/ /sha
li ho tra'i gsang ba'i gnas te brgyad pa las byi dang ga la sogs
pa'i phye ma'o// //'bras bu gsum dang ser po gnyis/ /de bzhin

tsha ba gsum po dang/ /gla sgang te dzo ba ti dang/ /mur pa ha ri
pi pi ling/ /yungs kar pi pi ling rtsa ba/ /ba la ka dang pu tse
she la/ /byi tsher sro lo kru trug tres/ /dug mo nyung gi sa bon
dang/ /pi tsu mar da pa tol/ /dra ban ti dang dur byid dang/
/br-ishtsi ka li zir

@262a @#/ /dang; /ga bra'i rtsa ba thang shing dang/ /g.yer ma
dang ni byi dang ga /shing kun ru rta shi kru dang/ /a pa ma rga
bi sha la/ /shu dag dang bcas phye ma sbyar/ /sman gyi sbyor ba
'di nyid ni/ /rta la bdud rtsi dang 'dra yin/ /rlung dang bad kan
nad rnams dang/ /

de bzhin rlung khrag 'dres pa dang/ /de bzhin nad khrag can dang
ni/ /g.yan pa bkra ba sel ba yin/ /khyad par du yang snying nad
dang/ /lud pa me drod nyams la bsngags/ /sha li ho tra'i gsang
ba'i gnas te brgyad pa las 'bras bu gsum la sogs pa'i phye ma'o// //

g.yer ma shing kun a ru ra/ /ma nu dang ni lan tshwa brgyad/ /nas
bskol khu ba dang sbyar sbyin/ /nad gzhi gsum skyes gzer rnams
'joms/ /gnas brgyad pa las gzer 'joms pa zhes bya ba'i phye
ma'o// //pi tsu mar da pa to la/ /kaNDa ka ri br-i ha ti/ /sle

tres dang ni 'bras bu gsum/ /g.yer ma chu dang lhan cig bskol/
/de bcags pa yi khu bar ni/ /mud ga legs par btso bar bya/ /de ni
legs par tshos pa dang/ /thab nas slar yang phog nas ni/ /der ni
tsha ba gsum po dang/ /lan tshwa dag kyang tshad tsam

gzhug /mar dang til mar zhag sbrang rtsi/ /de dag thams cad gcig
tu bsre/ /tsha yi phye ma dag dang ni/ /mud ga'i khu ba sbyar bar
bya/ /de nas tsha ba'i kha zas te/ /nya la cho ga bzhin du sbyin/
/des ni bad rlung sel byed cing/ /lud pa dbugs mi bde ba 'joms/ /

snying nad zhi bar byed pa dang/ /skrangs pa dag kyang sel bar
byed/ /'go ba'i nad dang rna nad rnams/ /nges par sel bar byed pa
yin/ /lkog nad rnam par sbyong byed cing/ /mchog tu me drod nyams
la phan/ /gnas brgyad pa las tsha ba'i phye ma dang bsres ba zhes
bya ba ste

phye ma'i le'u'o// //til mar de bzhin mar cha mnyam/ /zhag dang
rkang ni ci rnyed dang/ /de bzhin skyur yang ci rnyed dang/ /'dir
ni zho ni bzhi 'gyur gzhug /der ni sman ni 'di dag rnams/ /lde gu
btags pa gzhug par bya/ /shu dgar sna shing mngar dang/ /'tsho
byed dang ni dzi ban

@262b ti; /a shu ma ti 'di dag ni/ /ba la ba sgi ba sbru ba/
/'di dag dang bskol snum chen po/ /stobs dang nad med skyed par
byed/ /rlung las skyes pa'i nad brgyad cu/ /'di yis sel bar the
tshom med/ /sha li ho tra'i gsang ba'i gnas te brgyad pa las snum
chen po'o// //kaNDa ka ri

rtsa'i rtsa dang/ /'bras bu bsris pa srang brgya ni/ /chu bre
bzhi yi nang du bskol/ /bzhi cha lus par gyur pa dang/ /de las
bre gang lus pa ru/ /mar ni bre gang dang bsres bskol/ /go rims
bzhin du bshad pa yi/ /sman gyi lde su 'di yang gzhug /pi pi ling
rtsa byi dang ga /ha ti pi ling

ci tra ka /nas tshig 'khus thal kha ru tsha/ /ra sna shu dag tsha ba
gsum/ /'di bcu mar gyi dud pa lnga/ /sel zhing legs par gso bar
bya/ /nad kun sel bar byed pa yin/ /snum de bde ba skyed byed
yin/ /gsang ba'i gnas te brgyad pa las kaNDa ka ri'i sman mar
ro// //

yung dang skyer pa shu dag bcas/ /nim pa byi tsher bar pa ta/ /sle
tres dang ni kyi lce ba/ /pu tse shel ni cha mnyam byas/ /de la
'bras bu gsum dang ni/ /tig ta tsandan pi pi ling/ /dug mo nyung
dang ga dur dang/ /ri sho ba gnyis dzi ba ka /lde gur btags pa
dang bsres

pa'i; /mar bskol gyur pa de yis ni/ /rta yi mkhris pa sel byed
cing/ /gzhang 'brum khong tsha zhi bar byed/ /rngo dang g.yan pa
rnams dang ni/ /me dpal dang ni rims la yang/ /'di ni rtag tu
bsngags pa yin/ /dbyar tshe rta la rtag tu phan/ /sha li ho tra'i
gsang ba'i gnas

de brgyad pa las tsha ba'i [?] mar ro// //a shwa gand+ha'i rtsa
ba dang/ /'bras bu yal ga srang brgya ni/ /chu bre bzhi yi nang
du bskol/ /de nas sman khu de dang ni/ /mar ni bre gang bskol bar
bya/ /til mar mar dang ca nyam pa dang/ /'o ma bzhi 'gyur de du
gzhug/ tsandan

dang ni bca' lga dang/ /a ga ru dang shug p0a dang/ /rgun 'bru
pad rtsa 'bras bu gsum/ /sna ma'i lo ma sha ri ba/ /kaNDa ka ri
br-i ha ti/ /nA ga puShab ba spru ba/ /sa la kr-iShNa pa rNi
gnyis/ /shing tsha gand+ha b+ha dra dang/ /padma ge sar lde gu ni/
/btags pa der ni gzhug par bya/ /'di

@263a @#/ /yis rta ni sbeg pa dang/ /rlung gis nyam thag gyur pa
dang/ /zad byed kyis ni btab pa dag /sha skyed byed pa'i mchog
yin no/ /sha li ho tra'i gsang ba'i gnas te brgyad pa las a shwa
gand+ha'i sman mar ro// //bong nga mur ba pu tse shel/ /

gla sgang shing tsha ba to dang/ /sapta pa rNi pa to la/ /pi tsu
mar da byi tsher ma/ /bar ba ta dang 'bras bu gsum/ /ser po gnyis
dang dra ban ti/ /tsandan dmar po ma du ka /rtsa mkhris dang ni
pi pi ling/ /nye'u shing shug pa pu shel tse/ /dong ga dang ni
sle tres rnams/ /dug

mo nyung gi sa bon bcas/ /srang re cha mnyam sbyar lde gu/ /ni ma
pa pa to la dang bcas/ /kaNDa ka ri ba sha ka /srang ni lnga yi
tshad du byas/ /skyu ru ra ni bre gang bcas/ /cho ga bzhin du
bskol nas ni/ /sman khu mar khu dang bsres la/ /me ni chung dus
btso bar bya/ /

tig ta chen po zhes bya ste/ /'di ni gu gul dang bcas pa'am/
/yang na 'ba' zhig sbyin byas na/ /yin tan bdud rtsi dag dang
mtshungs/ /lus kyi me drod skyed par byed/ /gzi mdangs stobs ni
'phel byed yin/ /mdzes dang khrag mkhris nad rnams sel/ /lus

rgyas par yang byed pa yin/ /sha skyed mdog ni bzad byed cing/
/nad kun sel ba'i dam pa yin/ /sha li ho tra'i gsang ba'i gnas te
brgyad pa las tig ta chen po'i sman mar ro// //rtsa ba lnga pa
gnyis nim ba/ /sle tres a ta ru sha ka /dong ga dang

ni pa to la/ /'bras bu gsum ni cha mnyam bya/ /cham chom brdungs
la chu nad bskol/ /sman khu bzhi cha lus pa ru/ /de dang mnyam
pa'i zhun mar dang/ /sman ni 'di rnams dang bcas bskol/ /kyi lce
ba dang bar pa ta/ /sha ri ba gnyis tsandan dang/ /tig ta dang

ni bu tse shel/ /pa tha dad ni bcas pa dang/ /bal bu dang ni pu
shel tse/ /u tpal sngon po shug pa dang/ /pi pi ling rtsa byi
dang ga /te dzo ba ti tsi tra ka /bong da ha ti pi pi ling/ /dug
mo nyung shu na sa bon dang/ /ser po gnyis dang pi pi ling/ /na
le sham dang

@263b bca' lga dang/ /thang shing zhes bya thams cad ni/ /cha
mnyam der ni gzhug par bya/ /me chung gis bskol tshos pa dang/
/shin tu sbyangs pa'i snod du gzhug /tig ta chen po'i sman mar
'di/ /ta yi sman gyi mchog tu bshad/ /lud pa dbugs mi bde dang
mdze/ /la ba

'bras kyi phreng ba dang/ /bad kan gyi ni nad rnams dang/ /de
bzhin rna rnag gyur pa dang/ /bad kan nad ni gzhan dag la'ang/
/'di ni shin tu bsngags pa yin/ /'di ni nad kun sel byed cing/
/gzi mdangs stobs ni skyed pa dang/ /brtan zhing lus ni sra bar
byed/ /dbang

po gsal bar byed pa dang/ /yid kyang dga' bar byed pa yin/ /khrag
dang mkhris pa sel byed cing/ /gcong chen rigs dang lud pa 'joms/
/pags pa la snad nad rnams dang/ /gang yang khrag la gnas pa
dang/ /rus brkang la zhen pa rnams/ /mar 'di yis ni

sel bar byed/ /nad kyi rgya mtsho rgal 'dod la/ /gzings dang 'dra
ba mar 'di yin/ /tig ta chen po'i sman mar gnyis pa'o// //shi sha
dang ni yan lag lnga/ /cha mnyam srang ni brgya ru bya/ /chu bre
bcu drug nad du bskol/ /bzhi cha lus par gyur pa dang/ /de rnams
sman khu de dang

ni; /mar ni bre do bskol bar bya/ /sman ni 'di dag nyid kyi ni/
/lde gu der ni gzhug par bya/ /pi pi ling rtsa tsha ba gsum/ /br-i
shtsi ka li 'bras bu gsum/ /shu ti dang ni thang shing dang/
/spang spos dang ni ba lu dang/ /bya kra na ka shri ka ta/ /tsi
tra ka dang na ku li/ /btsod dang dzi ba

ni ya dang/ /ha ti pi pi ling tsandan/ /gand+ha b+ha dra ru rta
rnams/ /lde gur byas bcug me chung bskol/ /rta gang rlung nad can
dang ni/ /de bzhin mkhris pa'i nad yod dang/ /bad kan snying gar
'khyil gyur pa/ /de rnams kyi ni sman mchog yin/ /shri sha la
sogs sman mar 'di/ /

nad kun sel ba'i mchog yin no/ /sha li ho tra'i gsang ba'i gnas
te brgyad pa las shri sha la sogs pa'i sman mar ro// //shri sha
yi ni lo ma ni/ /chu bskol de yi khu ba dang/ /mar ni tshad bzhin
bskol ba ru/ /tsha ba gsum dang 'bras bu gsum/ /de bzhin ha ti pi
pi ling/ /

@264a @#/ /lde gur sbyar ba dang bsres bskol/ /mdze yi nad ni
thams cad dang/ /dug sel me drod skyed mchog yin/ /rlung dang
mkhris pa las gyur dang/ /khong tsha khrag gi nad rnams sel/
/dbyar gyi tshe na phyin gyur na/ /'di ni bdud rtsi dang 'dra yin/
/shri sha la

sogs pa'i sman mar gnyis pa'o// //mur ba dang ni 'bras bu gsum/
/tsi tra ka dang shu dag dang/ /bca' lga dang ni ser po gnyis/
/pa tha shing tsha par pa ta/ /na le sham dang gla sgang dang/ /de
bzhin nA ga ge sar dang/ /tsandan dang ni sha ri ba/ /rgya spos
dang ni ma lu ka

bong nga ha ti pi pi ling/ /dan da dang ni dra ban ti/ /ro hi ni
dang tsi tra ka /dbyi mo dUr ba kyi lce ba/ /cha mnyam sbyar te
chu dang ni/ /mar dang me ni chung ngus btso/ /tshos te mar ni lus
pa dang/ /de ni de las dbab par bya/ /'di blud rta ni mgyogs pa
dang/ /lus stobs rgya cher 'phel bar

'gyur; /pags par gtogs pa'i nad kyi tshogs/ /rdo la sogs dang bral
bar 'gyur/ /rlung dang mdze yi nad rnams dang/ /mkhris pa'i nad
dang lus rengs dang/ /de bzhin dbugs mi bde kun dang/ /nad ni sna
tshogs gzhan yang sel/ /'di ni nad 'joms mchog yin zhing/ /

bkra shis par yang byed pa yin/ /sha li ho tra'i gsang ba'i gnas
te brgyad pa las mur ba la sogs pa'i sman mar ro// //nim pa pa to
la 'bras gsum/ /ser po gnyis dang pu tse shel/ /byi tsher ba dang
par ba ta/ /dra ban ti dang sle tres rnams/ /'di dag cha ni mnyam

byas la/ /brdungs pa chu nang bskol bar bya/ /bzhi cha lus par
gyur pa ru/ /sman 'di dag gi lde gu gzhug /tsandan pi pi ling gla
sgang/ /ri sho ba gnyis dzi ba ka /kan da ka ri ti ga ta dang/
/dug mo nyung gi sa bon rnams/ /cha ni mnyam par sbyar byas nas/
/de bzhin

du ni mar khu dang/ /'o ma snum dang mnyam bcug la/ /me ni chung
ngus btso bar bya/ /'di ni tig ta chen zhes bya/ /mdze dang rims
dang me dpal dang/ /'brum bu dang ni 'bras nad dang/ /de bzhin
pags nad gzhan dag kyang/ /khrag mkhris nad rnams sel bar byed/
/sman

@264b pa mkhas pas 'di nyid ni/ /rta la nye bar blud par bya/
/dpyid dang dgun gyi tshe na ni/ /sna sman 'jam rtsir btang na
phan/ /dbyar gyi tshe na khyad bar du/ /sman 'di rab tu bsngags pa
yin/ /sha li ho tra'i gsang ba'i gnas te brgyad pa las tig ta can
gyi sman mar ro// //dur byid

chen po brdungs nas ni/ /chu pre bzhi yi nang du bskol/ /bzhi cha
lus par gyur pa dang/ /de ru mar khu bre gang blugs/ /ram nye
k+Shi ra ka ko la/ /ri sho ba gnyis dzi ba ka /ba la a ti ba la
dang/ /de bzhin k+Shi ra ba dang ni/ /me da ma hA med dang/
/shing mngar dang

ni sha ri ba/ /cha ni mnyam por byas nas kyang/ /de ni lde gur
btags par bya/ /mar der bcug nas dkrugs nas ni/ /me ni chung ngus
dal gyis btso/ /de ni tshos par shes pa na/ /de las phog ste
btsags par bya/ /snum 'di rtag tu btung ba dang/ /'jam rtsi yi

ni las la sbyar/ /rgyun du byin na mo gsham yang/ /bu skyed par
ni nus pa yin/ /sha li ho tra'i gsang ba'i gnas te brgyad pa las
sha ma dur byid kyi sman mar ro// //nim pa dang ni pa to la/
/skyer ba tsandan pu tse shel/ /kyi lce ba dang la la phud/ /par
pa

ta ni srang re dang/ /skyu ru ra ni bre gang bcas/ /chu bal can
gyi chu las ni/ /chu bre bzhi yi nang du bskol/ /bzhi cha lus
dang mar bre gang/ /gla sgang rtsa mkhris shing mdar dang/ /btsan
dug dug mo nyung la phud/ /pi pi ling dang bcas bskol ba'i/ /mar
gyis sna

mig rna nad 'joms/ /rgyu rlugs rims dang nad dang ni/ /me dbal la
sogs sel bar byed/ /sha li ho tra'i gsang ba'i gnas te brgyad pa
las nim pa la sogs pa'i sman mar ro// //nim pa ba to pa'i lo ma
dang/ /sle tres dang ni kaNDa ka ri nyid/ /cha mnyam

srang bzhi nyi shur byas pa dag /chu ni sman gyi bcu drug nang du
bskol/ /sman gyi khu ba bzhi cha lus pa dang/ /sman khu de dang
mnyam pa'i mar dang bskol/ /der ni tsha ba gsum ni srang gsum dag
/zhib tu btags pa'i phye ma gzhug par bya/ /de ni legs par

@265a @#/ /tshos par shes pa dang/ /gu gul dang sbyar rta la blud
par bya/ /mang na de dang mar bsres 'ga' zhig sbyin/ /des ni 'dze
yi nad kun sel bar 'gyur/ /khrag mkhris rngo dang de bzhin g.yan
pa dang/ /'brum bu 'brum phran de bzhin shu ba ni/ /sel

zhing rta yi mdog dang stobs ni skyed/ /nad kyi tshogs 'joms bdud
rtsi dang 'dra yin/ /sha li ho tra'i gsang ba'i gnas te brgyad pa
las bdud rtsi lta bu'i sman mar ro// //ka ran dza dang ba sha ka/
/spo ra khyim gyi dud pa dang/ /ka ping tha dad dong ga dang/
/yug snam

dang ni padma dang/ /ka ra bI ra bong nga dang/ /ro hi ta dang
sle tres dang/ /pr-i ha ti yi 'bras bu ni/ /ra thug gi ni gcin
dang btags/ /'di dag srang gnyis sbyar ba la/ /mar srang sum cu
rtsa gnyis bskol/ /mar dang mnyam pa'i 'o ma gzhug /bskol ba'i
sman mar

stobs chen yin/ /mdze yi nad ni thams cad la/ /rtag tu bskus dang
blud na phan/ /sha tshil rus pa skyed byed cing/ /pags par zhugs
pa'i khrag sbyong byed/ /mdze nad 'dzag par byed pa yang/ /thams
cad zhi bar byed pa yin/ /legs ldan sha li ho tar yis/ /

de skad rjes bstan smras pa yin/ /sha li ho tra'i gsang ba'i gnas
te brgyad pa las ka ran dza la sogs pa'i sman mar ro/ /sman mar
gyi le'u'o// //de nas gzhan yang til mar gyi/ /le'u nges par
bshad bya ste/ /pra sa ra ni srang brgya ni/ /chu bre bcu drug
nang du bskol

bzhi cha lus par gyur pa na/ /khu ba de ni thab las dpog /sman
khu de dang mnyam pa yin/ /til mar nye bar gzhug par bya/
/kanydzi rang skyur nyis 'gyur gzhug /de la sman ni 'di dag gi
/lde gu nye bar gzhug par bya/ /ra sna ba la gze ma dang/ /lce
myang tsha dang shi kru

dang; /pra sa ra na'i rtsa ba dang/ /bi bi ling gi rtsa bar bcas/
/tsi tra ka dang bca' lga dang/ /shu ti dang ni thang shing dang/
/bse shing 'bras bu pong nga dang/ /pi pi ling yang srang re ni/
/cha ni mnyam por sbyar nas kyang/ /phye ma zhi ba mo 'thag tu
gzhug /me ni chung ngu

@265b dang btsos te/ /snum de snod ni bzang por gzhug /'di ni sna
sman bsku ba dang/ /'jam rtsi btung ba dag la bsngags/ /rta ni
rlung nad kyis bcom dang/ /mi'am yang na glang po rung/ /lus
'theng yun ring nad kyis btab/ /nges par bde ba 'thob par 'gyur/
/rta gang

bu ni mi chags pa/ /'di yis nges par mngal skyed 'gyur/ /pho min
skyes pa nyid 'gyur zhing/ /mo gsham yang ni bu skyed byed/ /'di
yis long ba khyab 'jug rigs/ /rabs chad bu ni yid 'ong skyes/
/bra sa ra yi til mar 'di/ /nad kun 'jig par byed pa yin/ /

sha li ho tra'i gsang ba'i gnas te brgyad pa las pra sa ra'i til
mar ro// //pra sar yi rtsa ba dang/ /yal ga lo ma bcas srang
brgya/ /rtsa ba bcu ni de yi phyed/ /chu bre bcu drug nang du
bskol/ /bzhi cha lus par gyur pa dang/ /tha ba las slar ni dbog
par bya/ /sman khu de

yi nyis 'gyur gyi/ /kanydzi rang skyur gzhug par bya/ /zho yang
sman khu'i nyis 'gyur ni/ /de la nye bar gzhug par bya/ /sman ni
'di rnams srang re la/ /lde gur byas la de ru gzhug /bse shing
'bras bu bca' lga dang/ /tsi tra ga dang lce myang tsha/ /bra sa
ra yi rtsa ba/ /

dang; /de bzhin pi pi ling rtsa ba/ /thang shing dang ni shu ti
dang/ /me da tsakra hwa gan dang/ /e raNDa'i rtsa dzi ban ti/
/ru rta shu dag sa ha tsar/ /bo son cha ni bzang po dang/ /de
bzhin mang du sra ba dang/ /sa bon dza na ser po gnyis/ /a shwa
gand+ha ha pu sha/ /ba ma seng

phrom mi rkang dang/ /shre ya se ni cha mnyam gzhug /'di ni bsku
dang sna sman dang/ /btung dang 'jam rtsi dag la gtang/ /rlung gi
nad ni thams cad dang/ /de bzhin gzhan kun sel bar byed/ /smyo
dang 'byung bo brjed byed dang/ /de bzhin gdon nad sna tshogs
dang/ /

zha bo me dpal gyis thabs la/ /til mar bsten na bde thob 'gyur/
/skam dang rus pa'i nad rnams la/ /til mar 'di ni gtang bar bya/
/rgod ma bu ni mi chags pa/ /'di blud na ni bu chags 'gyur/ /rgod
ma dang ni rta pho yi/ /rlung nad brgyad cu sel bar byed/ /

@266a @#/ /gnyer ma 'dus shing na tshod rgas/ /slar yang lang tsho
thob par 'gyur/ /pra sa ra yi til mar 'di/ /rta la phan byed
mchog tu bshad/ /tshe dang stobs ni skyed byed cing/ /dran pa sems
gsal dpal skyed byed/ /rgyus pa chad dang rtsa chad la/ /til

mar 'di yis sna sman gtang/ /sha li ho tra'i gsang ba'i gnas te
brgyad pa las pras ra'i til mar gnyis pa'o// //sle tres chu yi
nang bskol la/ /khu ba bzhi cha'i til mar gzhug /'o ma de dang
mnyam bcug la/ /sman 'di dag gi lde gu gzhug /pi pi ling

rtsa tsha ba gsum/ /tsi tra ha ti pi pi ling/ /shu dag ru rta byi
dang ga /skyer pa dang ni lce myang tsha/ /pra sa ra ni ba la
dang/ /ra sna gze ma ha pus pa/ /bcug la me ni chung ngus btso/
/de bzhin bca' lga gzhug par bya/ /'di yis sna rengs rlig sbos
dang/ /lus

rengs rked ba na ba dang/ /de bzhin rgyab ni rengs pa dang/
/rlung nad pa la sha dang ni/ /rlung las gyur pa'i mig nad la/
/khyad par du ni rtag tu btang/ /sle tres la sogs til mar ni/
/tshangs pas sngon tshe bshad pa yin/ /sha li ho tra'i gsang ba'i
gnas te brgyad

pa las sle tres la sogs pa'i til mar ro// //shu ti ra sna dong
gra dang/ /btsod dang ru rta lce myad tsha/ /thang shing dang ni
ba la gnyis/ /ser po gnyis dang tsandan dmar/ /sle tres kyi ni
khu ba dang/ /ti la mar 'o ma bcas bskol ba/ /'theng ba'i nad ni
thams cad la/ /

bsku dang sna sman 'jam rtsi gtang/ /gsang ba'i gnas te brgyad pa
las shu ti'i til mar ro// //pi pi ling dang po son cha/ /bil ba
shing mngar shu ti dang/ /ru rta de bzhin ma nu dang/ /tsi tra ka
dang thang shing ni/ /btags te til mar 'o ma ni/ /nyis 'gyur bcug
ste bskol bar

bya; /gzhad 'brum rlung ni 'khyil ba la/ /'jam rtsir gtang pa'i
mchog yin no/ /gzhang 'brum pa dang gzer nad dang/ /gcin sri ba
dang za gu dang/ /rked pa brla yi nad rnams dang/ /sbeg pa dang
ni sbos nad dang/ /khrag 'dzag pa dang gzhang kha skrangs/ /rlung
'khyil ba ni sel bar

@266b byed/ /de la sogs pa'i nad rnams ni/ /'jam rtsi btang na
sel 'gyur ro/ /gsang ba'i gnas te brgyad pa las pi pi ling la
sogs pa'i til mar ro// //'tsho byed shing mngar ma dang/ /pi pi
ling dang po son cha/ /shu dgar sna ba la dang/ /bil pa nye'u
shing shu ti

ni; /btags pa'i lde gu til mar dang/ /'o ma nyis 'gyur bcug ste
bskol/ /til mar 'di ni 'jam rtsi ru/ /btang na rlung nad sel bar
byed/ /gsang ba'i gnas las 'tsho byed la sogs pa'i til mar ro//
//ma sha'i rtsa ba srang brgya ni/ /dus su skyes pa btu bar bya//

chu bre bcu drug nang du bskol/ /bzhi cha lus par gyur pa dang/
/sman gyi khu ba de dang ni/ /til mar bre bzhi bsres pa rung/
/sman 'di dag ni srang gnyis pa/ /mnyam byas lde gu bcug ste
bskol/ /btsod dang a shwagand+ha dang/ /rgyam tsha dang ni shing
mngar dang/ /nim

ba'i rtsa ba shu ti dang/ /ra sna yang ni bcug ste bskol/ /me
chung la bskol til mar 'dis/ /rlung gi nad kun sel byed cing/
/lus rengs pa yi nad rnams ni/ /rab tu 'joms par byed pa yin/
/rlung las gyur pa'i nad brgyad cu/ /thams cad 'di yis sel bar

byed; /gsang ba'i gnas te brgyad pa las ma sha'i til mar ro//
//ra sna la sogs bshad bya yis/ /legs thos ma yengs mnyan par
gyis/ /ra sna'i rtsa ba lo ma dang/ /'bras bu yal ga srang brgya
ni/ /brdungs te chu bre bcu drug dang/ /bskol la bzhi cha

lus pa na/ /de yi khu ba bre bzhir ni/ /til mar bre do gzhug par
bya/ /ra sna de nyid lde gu byas/ /srang bcu der ni bcug par bya/
/der ni 'o ma bzhi 'gyur dang/ /blo ldan sman pas sbyar bar bya/
/kha ra srang ni bco lnga dag /srang bcu nye bar gzhug par bya/
/kha ra rnyed par ma

gyur na/ /bu ram nyis 'gyur gzhug par bya/ /me ni chung ngus
bskol nas ni/ /u dumwA ra'i snod nang gzhag /til mar 'dis ni
rlung gyur te/ /brgyad cu sel bar byed pa yin/ /ra sna'i sbyor ba
ci bzhin du/ /ha sa tsa ra'ang de dang 'dra/ /sna sman bsku ba
btung ba dang/ /

@267a @#/ /'jam rtsi'i las la'ang bsngags pa yin/ /sha li ho tra'i
gsang ba'i gnas te brgyad pa las ra sna la sogs pa'i til mar ro//
//'bras bu gsum dang na le sham/ /bca' lga ldong ros ba bla dang/
/nag tshur dur byid gla sgang dang/ /de bzhin ar

ka'i lo ma dang/ /thang shing dang ni ser po gnyis/ /spang spos
dang ni tsandan dmar/ /'di dag srang re'i tshad byas pa/ /ba gcin
dang ni lhan cig bskol/ /yungs mar srang ni sum cu dang/ /dug ni
srang gcig gzhug par bya/ /lcags kyi snod du me chung gis/ /rim

gyis de ni bskol bar bya/ /til mar 'di yis rta yi ni/ /lus kyi
nad rnams sel bar byed/ /g.yan pa dang ni rkang shu dang/ /de
bzhin 'brum bu sna tshogs ni/ /bskus pa yis ni sel byed cing/
/mnyan par yang ni 'gyur ba yin/ /gang zhig rma red gyur pa dag/

de la'ang sman ni mchog yin no/ /sha li ho tra'i gsang ba'i gnas
te brgyad pa las ngug gi snying po can gyi til mar ro// //ru rta
rgyam tsha ser po gnyis/ /ka ra bI ra na le sham/ /na ta man ta
bi sha la/ /kam pi le dang sra rtsi pog/ /yungs kar gla sgang pa
to la/ /ni

baM sbad ma skyer khaN dang/ /byi da ngag ni cha mnyam bya/ /'di
dang til mar ba gcin ni/ /nyis 'gyur bcug la bskol bar bya/ /til
mar bska bar gyur ba'i tshe/ /rnyigs mar bcas pas bskus na ni/
/rdo dang g.yan pa'i nad rnams dang/ /mdze nad lo mang lon pa

'joms; /rkang shu dang ni sha bkra yang/ /lan cig bskus pas sel
bar byed/ /mdze yi nad ni bco brgyad dag /dbang po'i thog bab lta
bur 'joms/ /sha li ho tra'i gsang ba'i gnas te brgyad pa las ru
rta la sogs pa'i til mar ro/ /til mar gyi le'u

rdzogs so// /ra sna ba la sle tres dang/ /ba spru ba dang e raN
dang/ /shi kru bca' lga thang shing dang/ /a shwa gand+ha nye'u
shing dang/ /rtsa ba lnga ba a ru ra/ /sa ha tsa ra sru sru'i
rtsa/ /chu dang bskol ba'i sman khu 'di/ /gu gul bcas pa'am de

@267b gcig pu/ /sbrang rtsi dang ni sbyar byas pas/ /ske rengs
rgyab rengs mjug do'i nad/ /gzhang 'brum ro stod nad rnams dang/
/sna rnag 'byung ba sel bar nges/ /sha li ho tra'i gsang ba'i
gnas te brgyad pa las ra sna la sogs pa'i sman gyi khu ba'o//
//gla sgang

po dang pa tha dang/ /shu dag dang ni a ru ra/ /pu tse shel dang
kyi lce ba/ /thang shing dang ni par pa ta/ /pi pi ling rtsa byi
tsher ba/ /sle tris dang ni bca' lga dang/ /pa to la yi lo mar
bcas/ /sman khu bzang po bskol bar bya/ /me drod bri dang rims
bcas dang/ /sems

khong chud dang lkog nad dang/ /gzhong 'dra skrangs nad lud pa
dang/ /ma zhu rlung dang stobs zad pa'i/ /rta yi nad la btang
gyur na/ /nad kun sel ba'i mchog yin no/ /gsang ba'i gnas te
brgyad pa las gla sgang la sogs pa'i sman khu'o// //shring ga ta
ka shri sha yi/ /

shun pa la ka'i rtsa ba dang/ /a shwa gand+ha ra sna dang/ /sra
pa ra yi rtsa ba ni/ /cha ni mnyam por sbyar byas la/ /gtun gyi
nang du brdungs te bskol/ /bzhi cha lus par gyur pa dang/ /dro
'jam rta la blud par bya/ /brang gi nad ni thams cad la/ /sman pu
'di ni mchog tu

bsngags; /gsang ba'i gnas te brgyad pa las shring ga ta ka la
sogs pa'i sman khu'i le'u'o/ /sman khu'i le'u rdzogs so// //rta
ni ma zhur gyur pa dag /rtswa nyung za zhing yid mi bde/ /byin pa
gnyis ni 'theng gyur zhing/ /nyam thag pa yis gcin rtug gtong/
/yang

na byin pa skrangs pa'am/ /rma yi nad ni 'byung bar 'gyur/ /srod
dang nga rgyal med 'gyur zhing/ /rmongs bag ma zhu las byung
skye/ /de la ci srid nad med ni/ /nyam chung gyur par smyung bar
gzhag /shin tu na na nad gzhi gsum/ /sel ba'i sman khu dro 'jam
blud/ /rta la smyung ba byas rjes

la; /dus mthun zas dang skom byin te/ /zhag lnga'am zhag bzhi'i
bar du ni/ /rjes su btung ba blud par bya/ /de yis nang byang ma
gyur na/ /nad stobs skyes la sman pa yis/ /zhag bdun gyi ni rjes
la ni/ /gtar ga nye bar gdab par bya/ /rna ba mur 'gram rtse'u
chung

@268a @#/ /dang; /brang gi rtsa la gtar ga gdab/ /byin pa rkang pa
tshe'u tshe yi/ /rtsa las 'theng gyur gtar ga gdab/ /sha li ho
tra'i gsang ba'i gnas te brgyad pa las ma zhu pa sbyang pa'o//
//de nas rta yi so sor btung/ /khyed la yang dag bshad par

bya; /a rdza mo dang la la phud/ /pi pi ling dang tsi tra ka /pi
pi ling gi rtsa ba dang/ /bca' lga yang ni cha mnyam sbyar/ /'di
dag gi ni phyi ma dag /chu tshan dang sbyar blud par bya/ /btsod
dang sbrang rtsi da ta ki/ /ser po gnyis dang lo ma bdun/ /pri
yang ku dang kha ra dang/ /

yungs kar dmar dang pi pi ling/ /'di dag cha ni mnyam byas la/
/bu ram chang dang sbyar ba blud/ /'dis ni rta yi lto ba na/
/gnas pa'i nad rnams sel par byed/ /gsang ba'i gnas te brgyad pa
las so sor btung ba'o// //pi pi ling dang na le sham/ /bca' lga
shu dag

byi dang ga /shing kun g.yer ma tsi tra ka /dan da dang ni bu tse
shel/ /chang dangs dang ni sbyar ba ni/ /so sor ba tung ba blud
par bya/ /gsang ba'i gnas te brgyad pa las so sor btung ba gnyis
pa'o// //pi pi ling dang lan tshwa dang/ /shu dag dang ni shing
tshar bcas/ /

ardza mo da go snyod dang/ /tsi tra ka dang na le sham/ /chang
dangs dang ni sbyar ba yi/ /rjes su btung ba blud par bya/ /'di
yis rlung dang bad kan gyi/ /nad rnams sel bar byed pa yin/
/gsang ba'i gnas te brgyad pa las so sor btung ba gnyis pa'o//
//pi pi leng dang lan tshwa dang/ /shu dag dang ni shing tshar
bcas/ /

yin; /sman lugs de ni rab tu gnas/ /'di yis rkang mthil sbyi bo'i
bar/ /lus kun rtas par byed pa yin/ /khur chen dang ni bkres dang
skom/ /char dang de bzhin rlung rnams ni/ /rta yis rab tu bartags
nus shing/ /rtsa med na yang sems mi zhum/ /rta ni sha tshil rus

pa brtan/ /gom pa shin tu yangs pa dang/ /lus ni mdzes par snang
ba dang/ /rgyab dang rkang pa sra bar 'gyur/ /ji ltar shing ni
rtsa ba nas/ /chu yis brlan par gyur pa na/ /lo 'dab la sogs
rgyas par 'gyur/ /rta yi 'jam rtsi'ang de dang 'dra/ /lus la gnas
pa'i

@268b rlung lnga po/ /srog dang gyen rgyu thur sel dang/ /me dang
mnyam gnas khyab byed rnams/ /rjes su mthun par rgyu bar 'gyur/
/de tshe thur ser rlung gis ni/ /me dang mnyam gnas skyad par
byed/ /mnyam gnas kyis kyang khyab byed brtan/ /des kyang gzhan
dag brtan par

byed; /de ltar gong nas gong du ni/ /'di dag rim gyis rjes mthun
gnas/ /dper na sos ka'i nyi ma yis/ /sa la gnas pa'i chu tshogs
kyi/ /gzi ma dangs blangs par gyur nas ni/ /nam mkha'i ngos la
gnas pa yin/ /rtal 'jam rtsi legs btang pa/ /

de dang 'dra bar shes par bya/ /ji ltar leb rgan rtsis bsgyur
ba'i/ /mtshon pa'i 'dag chal gyis sel ltar/ /de bzhin mas gtong ni
ru ha/ /phra ba'i lam nas zhugs gyur bas/ /mgo nas rkang pa'i bar
gyi ni/ /nad rnams sel bar byed pa yin/ /sha li ho

tra'i gsang ba'i gnas te brgyad pa las mas gtong ba'i las kyi yon
tan bstan pa'o// //sna sman gtong ba'i sbu gu ni/ /sor bcu ru ni
bya bar bshad/ /yang na steng nas blugs bya ste/ /de yang ras bal
nyid lag zab/ /snga dro lto g+hor gyur pa yi/ /rta yi lus

ni drang por gzhag /'phral du blugs kyis rgyun du min/ /dbugs
dbyung tshe na spyad par bya/ /sna sman gtong brtsol ba dang/ /chu
'thungs pa las bsrung bar bya/ /gsang ba'i gnas las sna sman
btang ba'i cho ga'o// //ru rta yung ba pi pi ling/ /bca'

lga shing kun skyer kha Na dang/ /pri yang ku dang ra sna ni/
/lhan cig sbyar te btags par bya/ /sman khu de la ra sna ni/
/bzhi cha slar yang gzhag par bya/ /sna sman 'di ni gnye'u rengs
dang/ /rna rtse'i nad la gtang bar bya/ /de ni 'theng dang brang
kha na/ /'gram pa dang ni brla

rengs dang/ /rlung dang bad kan las gyur pa'i/ /nad kun sel bar
byed pa yin/ /gsang ba'i gnas las ru rta la sogs pa'i sna sman
no// //bu ram bca' lga'i ra ba'am/ /pi pi ling dang rgyam tshar
sbyar/ /sna sman btang na bgra ma ba snad/ /dpung pa mgo po'i nad
rnams dang/

@269a @#/ /lkog nad dang ni rna ba'i nad/ /rgyab rengs sel bar
byed pa yin/ /gsang ba'i gnas las bca' lga la sogs pa'i sna sman
no// //pi pi ling dang bca' lga dang/ /rgyam tsha br-i ha ti'i
'bras bu/ /bag cin dang ni sbyar ba dag /sna sman du ni gtang bar

bya; /sna sman 'di yis rengs pa'i nad/ /cung zad rnying par 'gyur
ba yin/ /gsang ba'i gnas las pi pi ling la sogs pa'i sna sman
no// //br-i ha ti yi 'bras bu ni/ /chu dang bcas pa zhib tu btags/
/sna sman sbyar bar btang gyur na/ /ni ra na ka'i nad sel 'gyur//

gsang ba'i gnas las br-i ha ti'i 'bras bu la sogs pa'i sna sman
no// //shri sha ni dang dzi ban ti/ /shud ga ra sna thang shing
dang/ /a ra sha dang bcas pa ni/ /ba gcin gyi ni nang du bskol/
/rlung las gyur pa'i nad brgyad cu/ /sel bar byed par the tshom
med/ /gsang ba'i

gnas las shri sha la sogs pa'i sna sman gyi le'u'o// //a shwa
gand+ha shu dag dang/ /nye'u shing ru rta thang shing dang/ /a ba
dang ni a pu sha/ /sen du bar ser po gnyis/ /chu yi nang du
bskol nas ni/ /bzhi cha lus par gyur pa ni/ /rlung nad can gyi
rta rnams la/ /mas

gtong ba yi sbyor ba bya/ /rlung nad rked pa'i tshigs gnas dang/
/de bzhin brla la brten pa la/ /rus pa la gnas de thams cad/
/myur du sel bar byed pa yin/ /mdog dang stobs ni skyed byed de/
/rta yi 'jam rtsi mchog gyur yin/ /sbyor ba 'di yis lam ring du/
/bkol yang

gnod pa med par 'gyur/ /'di byas gyur na rta de ni/ /rang gi lus
stobs bri mi 'gyur/ /sha li ho tra'i gsang ba'i gnas te brgyad pa
las a shwa gand+ha la sogs pa'i 'jam rtsi'o// //a pu sha dang
lce myang tsha/ /tsi tra ka dang dbyi mong dang/ /shu ti ru rta
shu dag dang/ /

thang shid dang ni yungs kar rnams/ /sman gyi phye mar byas pa
yis/ /'jam rtsi'i sbyor ba byas gyur na/ /rlung gi nad ni brgyad
cu dang/ /mkhris pa'i nad ni bzhi bcu dang/ /bad kan nad ni nyi
shu dag /'jam rtsi 'di yis sel bar 'gyur/ /sha li ho tra'i gsang
ba'i

@269b gnas las a pu sha la sogs pa'i 'jam rtsi'o// //rta la phan
par 'dod pa yis/ /ru rta brgyad pa bshad par bya/ /ru rta shu ti
shing mngar dang/ /e raNDa dang thang shing dang/ /skyer pa dang
ni ha pu sha/ /po son cha yi 'bras bu ni/ /cha mnyam nyid du
bsdus

nas kyang/ /phye ma zhib mor btags nas ni/ /phye ma de las srang
gcig cig /mar ram til mar dang sbyar la/ /'jam rtsi rtar ni btang
gyur na/ /rlung 'khyil ba yi nad rnams sel/ /khu ba zad dang
gcong chen dang/ /rlung nad smad du zhugs pa dang/ /rlig skrangs

gcin ni sri ba dang/ /rlung nad kyis ni sems bcom la/ /dus dang
mthun pa'i snum dang ni/ /byin na phan par 'gyur ba yin/ /sha li
ho tra'i gsang ba'i gnas las ru rta brgyad pa zhes bya ba'i 'jam
rtsi'o// //pi pi ling dang bca' lga dang/ /na le sham dang dur

byid dang/ /br-i ha ti yi 'bras bu dang/ /gur gum de bzhin ga bur
dang/ /gla rtsi dang ni rgya spos dang/ /de bzhin smig rkang nyid
dang ni/ /skyer pa rnams ni cha mnyam byas/ /phye mar zhib tu
btags par bya/ /de las 'jam rtsi'i sbyor ba ni/ /byas te rta la
btang gyur na/ /rlung

dang mkhris pa'i nang rnams ni/ /'jam rtsi 'di yis sel bar byed/
/gsang ba'i gnas las pi pi ling la sogs pa'i 'jam rtsi'o// //sha
kha ra ni srang gcig dang/ /mad du ka ni srang gnyis dang/ /de
bzhin mar ni srang lnga dang/ /'o ma las kyang

srang bcu drug /'o ma'i 'jam rtsi 'di btang na/ /mkhris pa'i nad
rnams sel bar 'gyur/ /khrag dang mkhris pa zhi byed la/ /ston
dang sos ka'i tshe na bsngags/ /gsang ba'i gnas las 'o ma'i 'jam
rtsi'o/ /sha li ho tra'i gsang ba'i gnas te brgyad pa las

'jam rtsi'i le'u'o// //phye ma mar ni kha ra 'am/ /bu ram dag
dang sbyar byas la/ /chu grang dag dang skyos pa ni/ /nang par
rta la byin gyur na/ /ngal dang ltogs dang dbugs mi bde/ /gcin
'gags pa yi nad rnams ni/ /'di yis 'phral du zhi byed

@270a @#/ /cing; /stobs kyang skyed byed byed pa yin/ /sbeg dang
gcod chen gyis nyen dang/ /nyam chung lam gyis dub pa la/ /'o ma
mar dang phyir byas pa'i/ /lde gu de la sbyin par bya/ /yang na
phye mar pi pi ling/ /kha ra dang sbyar sbyin gyur na/ /sems

ni gsal bar 'gyur ba yin/ /mkhris nad ngal ba sel bar 'gyur/ /lus
kyang sbom pa nyid 'gyur bas/ /rtag tu rta la 'di sbyin bya/
/snga dro khrus byas chu 'thungs nas/ /phye ma lde gu sbyin par
bya/ /gang gi khong par rlung zhugs dang/ /lus la mkhris pas nyen
gyur

pa; /de la btung ba dang sbyar sbyin/ /rlung mkhris nad rnams sel
bar byed/ /sha li ho tra'i gsang ba'i gnas te brgyad pa las phye
ma'i lde gu'o// //ya bak+Sha ra tsha ba gsum/ /ser po gnyis dang
tsi tra ka /ka ra bI ra dkar tsa ba/ /lce myang tsha dang bcas pa

dang; /arka'i rtsa ba bi sha la/ /khang pa'i dud pa yungs kar
bcas/ /de bzhin sa rdzi ka k+Sha ra/ /dug ni cha phyed dang bsres
pa/ /rang skyur dang ni btags nas kyang/ /grib ma la ni bskam par
bya/ /ba gcin dang ni sbyar nas kyang/ /snga dro ma je can rtal
sbyin/ /ljan ldin

rnam par bsal nas kyang/ /thal sman gyis kyang dril phyis bya/
/phyi ba dang ni bsku ba dang/ /zhag bdun gyi ni bar du bya/ /'di
yis 'bus zos sbrul gyis zin/ /g.yan pa rdo dang 'brum phran dang/
/de bzhin pags pa'i nad gzhan dang/ /sdig pa dang ni de bzhin

du; /srog chags gdug pas zin pa dang/ /rkang nad gsor ni mi rung
rnams/ /nges par sel bar byed pa yin/ /thal sman gyi ni sbyor ba
'di/ /drang srong rnams kyis sngon tshe bshad/ /'di yis rma reng
rtag tu ni/ /sbyong bar byed par the tshom med/ /sha li ho tra'i

gsang ba'i gnas te brgyad pa las arka'i thal sman no// //nas
tshig 'khus thal cho ga bzhin/ /byin pa de yi yon tan gang/ /de ni
nga yis bshad par bya/ /ngas bshad pa las mnyan par gyis/ /chen
po la ni srang gcig byin/ /cha gcig phri ba bar

@270b ma la/ /tha ma la ni srang phyed byin/ /yang tha la ni zho
gnyis so/ /dbyar tshe til mar dang sbyar ba/ /rtag tu sbyin par
bya ba yin/ /dus kun du ni mar bcas par/ /byin par gyur ba rab tu
bsngags/ /'di yis skrangs pa dug dang ni/ /mjo nad khong ba'i
srin

bu dang/ /rlung 'khyil ba yang sbos nad dang/ /gzer gyi nad dang
gzhang 'brum dang/ /pho ba yi ni nad rnams dang/ /kha yi nang
rnams ma lus dang/ /shu ba'i nad rnams ser ba yin/ /de ni tshad
tsam byin gyur na/ /stobs skyed mdog ni gsal bar byed/ /

rta la nas tshig 'khus thal pa/ /bcud len mchog ni yin par bshad/
/rta gang rtag tu mi 'thungs pa/ /de ni rtag tu nad med 'gyur/
/de ni rlung gi nad rnams dang/ /mkhris pa dang ni bang kan dang/
/ldan pa dang ni 'dus pa dang/ /de bzhin glo bur ba yi

nad; /khrag las byung ba'i nad rnams sel/ /sha li ho tra'i gsang
ba'i gnas te brgyad pa las nas tshig 'khus pa'i thal ba'i cho
ga'o// //de nas gzhan yang lan tshwa yi/ /cho ga dam pa bshad par
bya/ /lan tshwa yi ni yon tan rnams/ /bshad

kyis de ni mnyan par gyis/ /rgyam tsha rta la phan pa'i mchog
/rlung dang bad kan sel bar byed/ /de yis snying nad ma zhu ba'i/
/nad rnams sel bar byed pa yin/ /rta rnams nad med par 'gyur
zhing/ /rda rdog kyang ni legs par skye/ /me drod bri bar mi

'gyur zhing/ /pho ba'i nad rnams 'byung mi 'gyur/ /zos pa myur du
'ju 'gyur zhing/ /bde ba kho nar smin par byed/ /lan tshwas rta yi
gcin rtug dag /bde ba kho nar 'byung bar 'gyur/ /lan tshwa rta yi
tshe yin pas/ /dus ni rtag tu bsngags pa yin/ /sman

pas dgun stod dgun smad tshe/ /lan tshwa snga dro sgyin par bya/
/dpyid dang sos ka dbyar dang ston/ /phyi dro'i dus su sbyin par
bya/ /rta ni mchog tu gyur pa la/ /lan tshwa srang drug sbyin par
bya/ /bar ma la ni srang bzhi sbyin/ /chung ba la ni srang gsum
sbyin/ /dbyar gyi

@271a @#/ /tshe na lan tshwa ni/ /nim pa'i lo ma dang sbyar sbyin/
/dgun gyi tshe ni dgu thi yi/ /lo ma dang bcas sbyin par bya/ /pa
to la yi lo mar bcas/ /dgun smad dang ni dpyid dus sbyin/ /sos ka
dang ni ston gyi tshe/ /mar dang sbyar ba sbyin

par bya/ /lan tshwa yi ni sbyor ba 'di/ /bu lang yis bshad pa yin/
/sha li ho tra'i gsang ba'i gnas te brgyad pa las lan tshwa'i cho
ga'o// //tshangs pa drag po khyab 'jug ni/ /bad kan mkhris pa
rlung dag can/ /phan tshun bsten par byed pa

dang; /gcig la gcig ni ma 'dres gnas/ /de la tshangs pa bad kan
te/ /drag po mkhris pa yin par bshad/ /khyab 'jug rlung gi bdag
nyid can/ /de ltar tshul ni rnam gsum yin/ /sa la bcos mas gnas pa
yin/ /tshangs pa la sogs lha

gsum pa'o/ /lus can rnams kyi brten pa'i rgyu/ /a ru ra dang
skyu ru ra/ /ba ru ra ste 'bras bu gsum/ /'di yi yon tan rnams
dang ni/ /sbyor ba'i khyad par bshad par bya/ /rked pa brla yi
nad sel cing/ /lus zungs thams cad dang bar byed/ /mdog

dang stobs ni skyed pa'i mchog /de bzhin gnas gsum sbyor bar
byed/ /'dis ni me drod skyed byed cing/ /smin dang nyams byed
mchog yin no/ /de bas rlung dang mkhris pa dang/ /bad kan 'khrugs
par gyur ba na/ /'bras bu gsum bskol sbyor ba

yis/ /nad ni sbyong bar byed pa yin/ /a ru ra ni cha gcig ste/
/ba ru ra ni de'i nyis 'gyur/ /skyu ru ra ni ba ru ra'i/ /nyis
'gyur kho nar gzhug par bya/ /sman ni bre gang dag dang ni/ /chu
ni bre bzhi bskol bar bya/ /bzhi cha lus par gyur ba dang/ /

sman khu de ni thab las dbog /tshags kyis legs par btsags nas ni/
/dus kyi cho ga shes pa yis/ /me stobs che chung brtags byas la/
/rta la nye bar blud par bya/ /rlung nad can la til mar sbyin/
/mkhris pa can la mar sbyar blud/ /bad kan can la

@271b sre tres dang/ /pi pi ling dang sbyar ba blung/ /mig gi nad
dang rlig sbangs dang/ /rma dang rgyus nad 'khums pa dang/ /rngo
dang g.yan pa 'brum phran dang/ /'brum bu lto yi nad rnams dang/
/de bzhin lto nad gzhong 'dra dang/ /lkog nad 'bras kyi phreng ba
la/ /zhag

ni nyi shu rtsa gcig par/ /blud na bde ba thob par 'gyur/ /sha li
ho tra'i gsang ba'i gnas te brgyad pa las 'bras bu gsum gyi sbyor
ba'o// //legs thos thos pa phun tshogs pas/ /sha li ho tra la dris
pa/ /a ru ra ni gang na skye/ /rigs ni du zhig ro du

mchis; /skye gnas rnam pa du zhes bgyi/ /mid dang kha dog mtshan
nyid dang/ /rta yi nyes pa gang dang gang/ /sel 'gyur thub mchog
khyed kyis gsungs/ /bu yis de skad dris pa dang/ /sha li ho tras
slar smras pa/ /brgya byin bdud rtsi 'thungs pa na/ /thigs

pa sa la lhung bar gyur/ /de las rigs dang yon tan ni/ /thams cad
dang ldan sman skyes 'gyur/ /bsil dang bdud rtsi'i thigs las
'byung/ /yon tan gsum ldan a ru ra/ /lan tshwa nyid ni ma gtogs
pa/ /ro lnga dang ni ldan bshad de/ /bska dang mngar dang cha

ba dang/ /kha dang skyur bar grags dang ldan/ /de ltar ro lnga
bshad nas ni/ /de yi ming ni bshad par bya/ /rnam rgyal 'phel ba
zhes bya dang/ /skem byed de bzhin bdud rtsi dang/ /nag po dang
ni 'jigs med dang/ /'tsho byed ces ni ming du grags/ /rnam rgyal
ku

ba lta bur zlum/ /'phel byed shin tu zlum pa yin/ /skem byed rus
pa cha zhing dkar/ /bdud rtsi rtse mo sbom pa yin/ /'tsho byed
gser gyi mdog can de/ /'jig med zur ni lnga ba yin/ /nag po zur
gsum pa nyid de/ /rigs ni bdun du shes

par bya/ /'jig med rta yi rkang pa yi/ /nad la rtag tu gtang bar
bya/ /'phel byed dang ni bdud rtsi dag /rtag tu rta yi lus la
gtang/ /nag po sbyong bar byed par bshad/ /'tsho byed stobs ni
'phel bar byed/ /skem byed mig gi nad la gtang/ /

@272a @#/ /rnam par rgyal bas 'khru bar byed/ /de ltar rigs dang
ming dag gis/ /rnam pa bdun du bshad pa yin/ /rlung dang mkhris
pa las gyur dang/ /khyad par du ni bad kan nad/ /mngon du 'phrog
byed a ru ra/ /skyur bas rlung ni sel bar byed/ /mngar

dang kha bas mkhris pa sel/ /tshwa dang bska bas bad kan sel/ /de
bas nyes gsum 'joms zhes bshad/ /rta la ci ltar sbyin bya ba/ /de
yi nyes pa nyan par gyis/ /ba gcin nang du zla ba gcig /a ru ra
ni gzhag par bya/ /dang po'i zhag ni rdog ma lnga/ /

gnyis pa la ni bcu sbyin bya/ /zhag ni nyi shu rtsa gcig par/
/lnga lnga yis ni bskyed par bya/ /nim pa yi ni khu ba dang/
/seng ldeng khu ba dang btags la/ /lcags kyi snod nang du bcug
ste/ /mtshan mo bkab ste dben par gzhag /lde gu btags pa'i tshad

gang yin/ /snum gyi tshad kyang de tsam du/ /sman pa mchog gis
sbyin bya yi/ /snum mang skyon ni yod shes bya/ /shu ba g.yan pa
'brum bu dang/ /mdze dang rkang shu 'bras dang ni/ /nad ni rkang
la zhugs pa dang/ /gzhang 'brum dang ni sha bkra dang/ /de bzhin

rta yi rkang ba'i nad/ /a ru ra yis sel bar byed/ /dbyar tshe
rgyam tsha dang bcas sbyin/ /ston ni kha ra a ru ra/ /dgun ni
bca' lga dang bcas pa/ /dgun smad kha ru tsha dang bcas/ /sbrang
rtsi dang sbyar dpyid tshe sbyin/ /sos ka bu ram sbyar ba sbyin/
/de 'dras me

yis shing bsregs ltar/ /nad kyi tshogs rnams zad par byed/ /gnad
dang rus pa tshigs rnams dang/ /drug mdo dang ni gnas pa'i nad/
/rlung mkhris las ni gyur pa dang/ /de bzhin bad kan las gyur
dang/ /khrag dang gyur las yan lag gi/ /nad ni sna

tshogs gnas pa sel/ /blo dang stobs dang dbang po yi/ /tshogs kyi
kha ni 'byed pa yin/ /rlung dang mkhris pa bad kan gyi/ /nad
rnams kha ni 'dzums par byed/ /gcin dang de bzhin rtug pa dang/
/dri ma rnams ni sbyong byed pa/ /a ru ras ni rta yi ni/ /nad

@272b ni ma lus 'joms par byed/ /sha li ho tra'i gsang ba'i gnas
te brgyad pa las a ru ra'i cho ga'o// //sha li ho tra thub mchog
la/ /legs thos kyis ni yang dris pa/ /gu gul ji ltar byung gyur
cing/ /rang bzhin mtshan nyid ci 'dra lags/ /tshad dang

tshul ni ji tsam zhig /nad ni gang la gtang bar bgyi/ /bu yis de
skad dris pa dang/ /sha li ho tras slar smras pa/ /bdud rtsi
bsrubs par gyur pa'i tshe/ /thigs pa phra mor 'thor gyur pa/
/'dzam bu chu bo'i grub pa dang/ /dri zas brten pa'i gnas su
bcas/ /de

las rtsa ba rgyas pa yi/ /shing ni chen por skyes par gyur/ /de
yi khu ba cud 'dzags gyur pa/ /gu gul zhes ni bya bar grags/
/bska zhing tsha la bska ba ste/ /zhu rjes mngar po yin par bshad/
/smin pa 'dzam bu'i gser 'dra zhing/ /smin pa'i gi wang lta bu
yin/ /

de 'dra'i gser mdog bsten 'os yin/ /de las bzlog pa smad par 'os/
/zhag bdun pa gcin dang sbyar ba/ /zhag bdun 'bras bu gsum dang
sbyar/ /zhag bdun mar dang sbyar bsten pa/ /rjes su mthun pa
gtang bar bya/ /rlung gi nad la mar dang sbyar/ /bad

kan nad la ba gcin sbyar/ /mkhris pa 'bras bu gsum sbyar gtang/
/'di dag tshul ni rnam gsum yin/ /sos ka dang ni dbyar gyi tshe/
/mar dang sbyar te sbyin par bya/ /ston gyi tshe dang dgun stod
ni/ /'bras bu gsum khu dang sbyar gtang/ /dgun smad dang ni

dpyid kyi tshe/ /ba gcin dang sbyar sbyin par bya/ /dang po srang
ni phyed sbyin zhing/ /srang phyad kyis ni rim bzhin bskyed/
/srang lnga dag gi tshad byas pa/ /che tshad kho na yin par bshad/
/rta la snga dro blud nas ni/ /phyi dro kha zas sbyin bya ste/
/shin tu snum zhing g.yos su

bya; /sha ni de la sbyin par bya/ /chu ni nye bar bskol ba dang/
/ljang pa skam po sbyin pa bsngags/ /rta ni chen po nyid la ni/
/mthar gyis drug cu rtsa bzhi sbyin/ /bar ma la ni bzhi bcu
brgyad/ /nye bar sbyin pa nyid du bya/ /chung ngu la ni srang sum
cu/ /rtsa gnyis

@273a @#/ /kyi ni tshad du sbyin/ /'di ni rta yi nad gzhi gsum/
/'khrugs par gyur la bsngags pa yin/ /chigs skrangs pa dang skran
dang ni/ /de bzhin rma yi nad rnams dang/ /lus rengs yan lag
skrangs pa dang/ /skrangs dang gzhang kha'i nad

rnams dang/ /lto ba yi ni nad rnams dang/ /de bzhin bad kan nad
rnams dang/ /'theng ba'i nad ni thams cad dang/ /mdze nad bad kan
las gyur dang/ /rta gang me drod nyams pa dang/ /de bzhin 'byung
ba mi snyoms dang/ /mtshan dang rlig pa skrangs

pa dang/ /nad rnams sbyong bar byed pa yin/ /rgod ma rte'u shor
mngal mi chags/ /gang zhig rtag tu bu 'chi dang/ /gang zhig rtag
tu rlung gis gnod/ /rgod ma de la'ang sman pas sbyin/ /lus kyi
stobs dang goms pa dang/ /me drod che chung shes

byas la/ /nyams stobs ldan zhing gzugs dregs bdo/ /khur dang sdug
bsngal bsten nus la/ /byin na bde ba nyid 'gyur gyi/ /gzhan la
bcud kyis len mi 'gyur/ /sha li ho tra'i gsang ba'i gnas te
brgyad pa las gu gul gyi cho ga'o// //

sha li ho tra drang srong mchog /legs thos kyis ni yang dris pa/
/sgog skya ji ltar byung bar gyur/ /'di yi ro ni du ru bshad/ /ro
ma tshang zhes ji ltar gdags/ /bcud kyis len du ji ltar 'gyur/
/gang zhig dang ni sbyar gyur na/ /sman gyi bya ba byed pa lags//

nad ni gang la sbyin par bgyi/ /ci ltar na ni lus rgyas bgyid/
/bu yis de skad dris pa dang/ /sha li ho tras slar smras pa/ /lta
dang lha min dag gi ni/ /gnas su bdud rtsi byung bar gyur/ /de
byung ba dang lha rnams ni/ /thams cad 'bad de srung bar byed/
/de tshe ma

la phan 'dod pas/ /mkha' lding gis ni phrogs par gyur/ /de ni
shugs kyis song ba na/ /bdud rtsi thigs pa sa la ltung/ /mi
gtsang ba yis smes pa yi/ /logs su lhung bas dri ngar gyur/ /bdud
rtsi las ni byung bas na/ /de bas bcud kyis len nyid yin/ /

@273b snum zhing brtan la ro lngar ldan/ /tsha zhing stobs ni
skyed par byed/ /lci zhing ro tsha byed pa ste/ /skyur ba'i ro
dang bral ba yin/ /de bas ro ma tshang ba zhes/ /drang srong rnams
kyis bshad pa yin/ /gang zhig rlung gi shugs kyis ni/ /yan lag
'byung ngam 'khums gyur

tam; /gang yang shin tu 'theng ba dang/ /gang gi lam du ba 'theng
gyur dang/ /gang yang 'khyor zhing 'gro ba dang/ /byin ba rgyab
dang drug mdo dang/ /dpung ba bus mo rnams su ni/ /nad ni zhugs
par gyur ba dang/ /rtsa rgyus sha dang rus pa dang/ /rtsa la nad
kyis

khyab gyur pa/ /de la sgog skya las lhag pa'i/ /stobs ldan sman
gzhan yod ma yin/ /rta ni lto ba'i nad kyis nyan/ /sgog skya
chang dang sbyar ba ni/ /cho ga bzhin du byin gyur na/ /myur du
de las thar bar 'gyur/ /rlung 'khyil ba la sogs pa'i nang/ /

khong pa la brten mi bzad dang/ /skran dang mchin pa mkhal ma'i
nad/ /shin tu gso dka' thams cad kyang/ /'di yis nye bar sel bar
byed/ /mngar dang tsha dang kha ba dang/ /bska dang de bzhin lan
tshwa ste/ /de ltar ro lnga dang ldan zhing/ /ro skyur gcig po

med pa yin/ /'di la sa bon mngar ba yi/ /mtshan nyid yod par bshad
pa yin/ /rtsa ba tsha ba nyid yin la/ /lo mkhab yin par bshad/
/sdong bu'i ro ni bska ba yin/ /sdong bu'i rtse mo lan tshwa can/
/sbyor ba ji bzhin byas pa yis/ /'di yi yon

tan bshad par bya/ /rlung gi nad la mar dang ni/ /sha khu dang
sbyar gtang bar bya/ /mkhris pa can la 'o ma dang/ /legs par
bskol te sbyin par bya/ /rang skyur kanydzi dang sbyar bas/ /spo
dang bshang ba 'gags pa sel/ /khong ba'i srin bu rnams la ni/ /ba

gcin dang ni sbyar ba blud/ /bad kan la ni 'bras bu gsum/ /khu ba
dang sbyar blud par bya/ /'di ni sbeg pa'i rta rnams dang/ /rlung
nad can dang sems nyams pa dang/ /rta gang khrag dang nyams stobs
zad/ /de rnams brta ba'i mchog yin no/ /lud pa dbugs mi bde

@274a @#/ /sel zhing/ /nad kun 'joms par byed pa yin/ /til mar
dang sbyar bang rlung 'joms/ /mar dang sbyar bas rlung mkhris
sel/ /'o ma bu ram shing khur sbyar/ /khrag dang mkhris pa sel
byed yin/ /me drod nyams pa rgyam tsha dang/ /chang dang sbyar te
sbyin par

bya; /'o byang sos ka ston gyi tshe/ /sgog skya sbyin par mi
bya'o/ /gal te rmongs pas ster gyur na/ /rta ni nye bar gsod pa
yin/ /zhu rjes kha dang mngar bas na/ /bad kan dang ni mkhris pa
sel/ /rgod ma mngal ni chags byed cing/ /gseb kyi khu ba 'phel
bar byed/ /rlung nad

kyis ni nyen pa dang/ /tshigs su byung ba'i sman mchog yin/ /sgog
pa las ni snum nyis 'gyur/ /bya ba sbyor ba la rab bsngags/ /snod
ni bzang po'i nang bcug ste/ /shin tu dben pa'i gnas su spa/ /lo
gcig lon par gyur ba'i tshe/ /dri ni gang tshe byung gyur pa/ /de
tshe

dus tshigs khyad par dang/ /rta ni stobs dang me drod dang/ /rang
bzhin dang ni goms pa dag /shes par byas la legs par gtang/ /nyin
zhag bzang la lus sbyang bya/ /gtar ga sbyong sogs kyis byas la/
/bcud kyis len gyi sbyar ba 'di/ /rta rnamsl ni bya bar

bshad; /rta yi mchog ni rtag tu ni/ /de la srang ni nyi shu
sbyin/ /bar ma la ni bco lnga ste/ /tha ma la ni bcu nyid sbyin/
/phag dang de bzhin ma he dang/ /yang nya byi'u gong ma sreg /rma
bya dang ni ri dags sha/ /mar btab g.yos ni legs par byas/ /kha
zas bzang po

dang sbyar ba/ /byin pas lus ni brta bar bya/ /bcud kyis len gyi
dam pa 'di/ /rta ni gang gis bsten byas pa/ /shin tu nyam nga la
sbyar yang/ /lus ni 'bri bar 'gyur ma yin/ /sgog pa dag ni tshe la
phan/ /stobs skyed kha dog bzang byed cing/ /lus 'di rgyas

bar byed pas na/ /ro rnams kyi ni mchog yin no/ /'di ni legs par
brtan gyur na/ /na tshod rgas par gyur pa yang/ /shin tu gzhon pa
nyid 'gyur zhing/ /nus pa kun dang ldan par 'gyur/ /legs ldan sha
li ho tra yis/ /rjes bstan de skad smras pa yin/ /sha li ho

@274b tra'i gsang ba'i gnas te brgyad pa las sgog skya'i cho ga
rdzogs so/ / / /sha li ho tra drang srong mchog /nyi ma dang ni
gzi mnyam pa/ /rta khang na ni 'dug pa na/ /legs thos kyis ni
yang dris pa/ /rta la go cha bskon pa ni/ /ci 'dra ba zhig bgyi
pa gsungs/ /de bzhin yan lag

gcig par ni/ /shing rta la sbyar bdag la gsungs/ /g.yul du dgra
dang lhan cig ni/ /'thab pa na ni gnod med pa/ /rta yi las kyi
cho ga mkhyen/ /'di ni khyed kyis bshad du gsol/ /legs thos kyi
ni tshig thos nas/ /sha li ho tras slar smras pa/ /na tshod kyis ni
che

ba yi/ /skyes bu sngar ni smras pa yin/ /sum cu ma lon par ma
yin/ /lnga bo 'bri ba chung ngu yin/ /grags ldan rnams kyi mi yi
tshad/ /de ltar sngar ni bshad pa yin/ /shing rta ba lang rta yi
ni/ /bstan bcos shes shing legs par byas/ /mda' gzhu ral gri la

sogs pa'i/ /mtshon cha yi ni thabs la mkhas/ /legs par go bgos yan
lag bde/ /de lta bu ngag rta la bskyon/ /rta ni rigs bzang legs
brtags la/ /'thab pa rtsed mo'i tshul du sbyar/ /'di yi dang po'i
khur po yi/ /mdor bsdus nas ni bshad par bya/ /

dang po go cha srang tshad ni/ /brgyad cu rtsa bzhi yin par bshad/
/las gcig la ni rjes bsngags pa/ /de yi srang tshad sum cur bshad/
/mgo bo 'gebs pa legs brdungs pa/ /srang tshad sum cu rtsa lngar
bshad/ /brla 'gebs pa ni srang brgyad dang/ /de bzhin bcu

ni yin par bshad/ /lkog ma dang ni rmig pa sogs/ /bsrung bzhin
brgyan par byed pa ni/ /thams cad srang ni lnga bcu ste/ /rta
mchog la ni de ltar bya/ /bar ma la ni brgya yis 'bri/ /chung ngu
la ni brgya lnga bcu/ /ci nas g.yul du shugs drags pas/ /'gro bar
mi

'gyur de ltar bya/ /ral gri srang tshad nyi shu lnga/ /g.yon logs
su ni gdags par bya/ /gzhu nyid srang ni nyi shu lnga/ /de nyid
du ni gdags par bya/ /g.yas ngos su ni mda' yi tshogs/ /brgya po
srang ni nyi shug sum/ /tshad du phyin pa gdags par bya/ /phug
dang

@275a @#/ /de bzhin thag pa yi/ /tshad ni 'dir ni des ma byas/
/mdung la'ang tshad gcig yod gyur pas/ /'di 'dra gang gas zhes de
la smras/ /rta yi rgyab tu dgab bya ba/ /ri dags ri'u bal sha
rang ga /spu gzhan 'jam pa las byas pa/ /sra zhing shin tu 'jam

pa bya/ /shin tu legs par btags pa las/ /sna tshogs mdog gis
brgyan par bya/ /de yi 'brel thag dang bcas pa/ /srang ni sum
cu'i tshad du bya/ /gdong rgyan srang ni nyi shu lnga/ /legs par
lhas pa gdags par bya/ /glo ni sdom par byed pas na/ /rgyab tu
gnod

skyed mi 'gyur par/ /lug bal shin tu 'jam pa yis/ /srad bu las ni
legs bar bya/ /yang na pags pa legs nyed pa'am/ /ras bal dkar po
las byas pa'am/ /dar ram gso mdar la byas/ /gzhan yang mdzes
shing sra la 'jam/ /stan dang cha byad legs

pa yi/ /rdzas kyi bzo ni du ma bya/ /de bzhin gdong gzan sang
tshad ni/ /bcu dag rna ba'i gra nas gdags/ /gdong ni legs par
srung byed pa/ /shin tu legs pa nyid du bya/ /g.yer kha shin tu
snyan pa ni/ /srang re yi ni tshad byas pas/ /sra zhing lus ni
brtan pa

dag; /rna ba'i ngos na gdags par bya/ /de ltar thams cad btags
nas ni/ /de rjes rta la zhon par bya/ /g.yul du rta yis bskyur
bya ba'i/ /khur dag bdag gis bshad pa yin/ /sha li ho tra'i gsang
ba'i gnas te brgyad pa las go cha la sogs pa'i khur bstan

pa'o/ / / /de nas shing rta dang sbyar ba'i/ /nges par da yis
bshad par bya/ /rta ni gang gi mchu ltag na/ /shin tu shis pa'i
mtshan ma yod/ /ba dan bzang po 'am zla brgyas/ /nya dang rgyal
mtshan yod gyur pa/ /rta de rtag tu bsdags pa yin/ /de 'dra'i
mtshan nyid dang

ldan pa'i/ / rta ni sa rteng shis par bshad/ /ngang tshul bzang
zhing bu bzang la/ /skad ni dung dang 'dra gyur pa/ /rta de rgyal
po la shis pas/ /rigs mthun shing rta la sbyar bya/ /mdog dang
tshad ni mtshungs gyur cing/ /stobs ldan nyon mongs bzod pa shis/
/'thab pa'i

@275b tshen mi skrag cing/ /'dres pa na yang mi 'then la/ /mda'
dang dbyig pa mdung sogs kyis/ /brgya ba na ni sran che ba/ /de
'dra ba yi rta dag ni/ /g.yul gyi dus su bsngags pa yin/ /rna bar
bzlas pa'i tshe na ni/ /mig las mchi ma 'byin byed cing/ /sna
sbubs shin tu rgyas byas nas/ /

nyi ma la yang blta bar byed/ /rkang pa g.yas pa sa la ni/ /yang
dang yang du rdebs par byed/ /'di na skye ba dran pa yi/ /mtshan
nyid dang ldan mchog tu bshad/ /de las gzhan pa'i rta ngan dag
/shing rta la yang sbyar mi bya/ /legs thos rnam pa thams cad du/
/rna bar bzlas la brtag par

bya/ /sngon tshe nga yis ji ltar thos/ /rna bar bzlas pa gang gi
ni/ /rta ni shin tu rigs ldan 'byung/ /don med mi 'gyur de mnyan
gyis/ /shing rta yan lag kun ldan zhing/ /'khor lo legs par btags
pa dang/ /gdugs dang rgyal mtshan legs par bsgreng/ /shin tu
rdzogs pa nyid

du sbyar/ /legs par sbrel zhing shin tu phyir/ /nyi ma lta bur
gzi mdangs ldan/ /rigs dang mtshan nyid bzang ba yin/ /rta bzhi
dang ni yang dag ldan/ /kho lo bsgyur ba bzang por bcas/ /'brug
sgra lta bu'i sgra sgrogs pa/ /shing rta de ni legs gnas pas/
/shar phyogs su ni kha

bstan gzhag /g.yas su bskor zhing bkra shis dang/ /shis par brjod
pa legs par bya/ /de yi rna ba g.yas par ni/ /sngags kyi tshig 'di
brjod par bya/ /khyod ni dri za'i rigs su skyes/ /rigs sun par ni
ma byed cing/ /khyod ni dngul las byung gyur cing/ /dpal mo'i lag
tu

gnas na 'phel/ /me yi bu nyid khyod dran byos/ /ko tu ba yi nor
bu'ang dran/ /'o ma'i mtshe las bdud rtsi'i phyir/ /lha dang lha
min gyis bsrubs tshe/ /dang po u tsa sra ba byung/ /de las khyod
skyes dran par gyis/ /shugs mchog ston de nga yis ni/ /dgra dpung
ma lus las rgyal gyis/ /

tshangs pa dang ni zla ba dang/ /chu lha yi ni bden tshig dang/
/nyi ma yi ni gzi brjid dang/ /de bzhin drang srong dka' thub
dang/ /stobs bzang gi ni tshangs spyod dang/ /de bzhin rlung gi
shugs nyid dang/ /me nyid kyi ni nus mthu yis/ /rta khyod rgyal
ba skyed gyur cing/ /'thab pa'i tshe na rta khyod kyis/ /

@276a @#/ /gal te log par 'gro 'gyur na/ /bram ze pha ma gsod 'dra
yi/ /nyes de khyod kyis 'thob par 'gyur/ /gal te g.yul las rgyal
gyur na/ /bdag po bde ba nyid skyed byed/ /oM na ma/ /A did
taya ya u pa yag ga ga swA hA/ rta yi rna ba g.yas par ni/
/'thab pa'i tshe na brjod

gyur na/ /skye ba dran pa tsam gyis ni/ /don med nyid du 'gyur ma
yin/ /de 'dra'i stobs dang snying stobs ldan/ /rta dang sbyar
ba'i shing rtar zhugs/ /go bgos mtshon char ldan brtson pa/ /yul
'khor 'jigs pa las bskyab bya/ /sha li ho tra'i gsang ba'i gnas
te brgyad pa las shing rta dang

sbyar ba'i cho ga'o// //de nas rna bar bzla bya ba/ /gang zhig
shes pa tsam gyis ni/ /sngon gyi skye ba dran byed pa/ /shin tu
nges par bshad par bya/ /bu yis mtshan nyid 'di dag ni/ /dang por
nga las mnyan par gyis/ /sbrang ma na sab s+ya bA de nas/ /so ma
sa btu na sa tsaH o dzwa swa

tsai ba su t+ya s+ya/ mA ni na ma ta pa satta/ b+ha dra saM b+hra
ma tsa r+ye na/ pa b+ha na sa ba len tsa sra b+ha bAntu ta/ shwA
sA bard+ha sa tAM tu raM ga maH oM ya ya ya ya/ ga ga ga ga
swA hA/ 'di ni bdag nyid chen po ni/ /rta yi snying por gyur pa
yin/ /g.yul gyi dus su dran bya yi/ /gzhan du nam yang ma

yin no/ /legs par btags shing go bgos la/ /'dra ba la rtag zhon
nas ni/ /'ga' zhig rang gi don gyi phyir/ /rmongs pas bdag nyid
skyob byed kyi/ /legs thos rta yi lus yan lag /legs par srung ba
mi byed na/ /de tshe sdig can dmyal bar ni/ /yun ring du ni

'tshed par 'gyur/ /rta yi spu ni ci snyed pa'i/ /dmyal bar de tshe
gnas par byed/ /rta la go zhig ma bskon yang/ /bdag nyid go gyon
zhon gyur pa/ /mang du bshad pas ci zhig bya/ /de 'dra'i sdig pa
yong ma yin/ /de bas 'bad pa thams cad kyis/ /rta ni legs par
bsrung

bar bya/ /dka' thub yon tan kun gyi gter/ /rta tshe'i rig byed la
mkhas pa/ /legs ldan sha li ho tra yis/ /'di skad ces bstan smras
pa yin/ /sha li ho tra'i gsang ba'i gnas te brgyad pa las rna bar
bzlas pa bstan pa'o/ /drang srong chen po sha li ho tras yang dag
par bsdus pa'i

@276b rta'i tshe'i rig byang mtha' dag rjes su bstan pa zhes bya
ba rgyas pa rdzogs so// //rgya gar gyi mkhan po A tsA rya d+ha
rma shrI b+ha dra dang/ /budd+ha shrI shAnti dang/ zhu chen gyi
lo tsA ba chen po dge slong rin chen bzang pos bsgyur cing zhus
te gtan la phab pa'o// //dpal ldan rgyal po'i

rgyal po che/ /mi dbang mnga' bdag ces grags pa/ /rtsod pa'i dus
su 'khrungs gyur kyang/ /dam pa'i spyod pa kun dang ldan/ /khyed
ni thams cad mkhyen dang cing/ /khyed la bzod dang bden sogs
mnga'/ /khyed la yon tan kun gnas pas/ /khyod nyid bstod par 'os
pa dang/

khyed la mkhas dang rgyal phran gzhan/ /bram ze slong mo ba rnams
kyis/ /rang re gser gyi dbang phyug tu/ /rgyal chen khyed ni gcig
tu bsgrags/ /mi dbang rgyal po dgyes pa dang/ /gsang dpyad kyis
gzhan phan gdags phyir/ /bka' yis bskul bas gzhung rgyas 'di/
/bod kyi

rang skad spyod yul byas/ /chos ldan gzhung lugs la mkhas pas/
/sa rnams legs par skyong mdzad cing/ /yon tan phun tshogs kun
ldan pas/ /skye dgu yun ring rgyas par mdzod/ /drang srong shes
pa rgya mtsho pha mthar phyin/ /mngon shes lnga ldan yon tan phun
tshogs pa'i/ /sha

li ho tras tshangs pa las thos nas/ /rta yi tshe yi rig byed gang
gtams te/ /yul mthos gtsang 'dzam gling dkyil sgang na/ /mi rje
lhas mdzad spu rgyal btsan po'i gdung/ /byang chub sems dpa'i
sbrul pa'i rgyud du 'khrungs/ /mtha' bzhi'i rgyal po gzhan las
khyad par

'phags; /'khor dang stong sde gser dbyer kun la mkhas/ /sa yi
bdag po seng ge'i gzi byin gyis/ /rgyal phran glang chen myos
pa'i dregs 'phrog pa/ /mi dbang bkra shis lha lde btsan gyi bkas/
/gsang sngags pha rol phyin dang bden pa yi/ /

lung dang rigs pa'i bstan bcos kun la mkhas/ /skye 'gro dam pa mi
dang mgyogs 'gro yi/ /tshe yi rig byed kun kyang zhugs slad du/
/dman la snying brtse bag yod khrel la sogs/ /gtong la sogs pa'i
yon tan rnams dang ldan/ /mi shes

@277a @#/ /brda sprod sgra bsgyur lo tsA bas/ /lha mi skal ba can
gyi mchod pa'i gnas/ /rin chen kun la yod kyang bzang po med/
/rin chen sngon 'gro bzang pos mtha' brgyan pa/ /gus pa sngon
'gro'i bka' yis rab bskul bas/ /

sgra dang tshad ma'i bstan bcos la mkhas pa/ /rgya gar mkhan po
sangs rgyas zhi dpal dang/ /rta dpyad sha li ho tras bsdus pa
bsgyur/ /'di ni dbang po'i rdo rje bsde bas tshul du/ /tshigs bcad
phyed dang bdun du byas pa'o// //oM swa sti sidd+hiM

grags pa'i 'od zer bye ba rab spro zhing/ /rgyal mtshan thub bstan
shar ri'i rtser son nas/ /tshogs gnyis rta ljang shugs kyis gling
bzhi yi/ /mun sel nam mkha'i nor bu de la 'dud/ /khyed kyis bskal
ba bye ba dpag yas su/ /rang gzhan don du

tshogs gnyis rab rdzogs byas/ /phul chen shugs kyis stobs kyi
'khor los sgyur/ /'dzin ma'i khyon nyul khams gsum bde mdzad
bstod/ /bsod nams phul phyin stobs kyis rab bskyod pas/ /srid
zhi'i dpal 'byor longs spyod gang

mchog dang/ /gsang sdags lung rigs man ngag bstan bcos sogs/ /ma
lus nyid kyi drung du 'du ba'i phyir/ /mnga' bdag btsan po sde
yis rab bsgrubs pa'i/ /mgyogs 'gro dpal mo'i bu yi blad dor gyi/
/gtan tshigs chen po bstan

bcos rab gsal ba/ /shin tu gsang zhes yang yang gdams pa 'di/
/gsang sngags zab mor spyad na dngos grub thob/ /'chol bar spyod
pa mkhas pa'i tshul min pas/ /tsandan tshul dbang klu dbang nor bu
ltar/ /nyams su don bzhes

dkor mdzod du gzhag gsol/ /ces pa dang bcas pa 'di dag phag lo
zla ba dang po'i tshes gcig gi nyin/ /thos pa cung zad 'dzin pa ma
ti b+ha dras gsol pa phyogs kun du bde legs kyis gang bar gyur
cig/ //