@##// //rgya gar skad du/ Arya pradznyA pA ra mi tA saM gra ha
kA ri kA/ bod skad du/ 'phags pa shes rab kyi pha rol tu phyin ma
bsdus pa'i tshig le'ur byas pa/ bcom ldan 'das ma shes rab kyi pha
rol tu phyin ma la phyag 'tshal lo/ /shes rab kyi pha rol tu phyin
gnyis med/ /

ye shes de ni de bzhin gshegs/ /bsgrub bya don de dang ldan pas/
/gzhung lam dag la de'i sgra yin/ /rten dang dbang du bya ba
dang/ /las ni sgom pa dang bcas dang/ /rab dbye rtags dang ltung
ba dang/ /phan yon bcas par yang dag brjod/ /dad ldan 'jug pa'i
yan lag

tu; /ston pa dbang po 'khor dang ni/ /yul dus dag kyang nges
bstan pa/ /sdud po rang nyid tshad mar ni/ /rab grub phyir yin 'jig
rten na/ /yul dang dus kyis nyer mtshon zhing/ /dbang por bcas pa
smra ba yin/ /smra po tshad mar rjes su rtogs/ /tshig phrad bdag
thos

la sogs pa/ /'di dag thams cad zhar la ni/ /brjod pa yin te gtso bo'i
don/ /sum cu rtsa gnyis de dag nyid/ /stong pa nyid kyi dbye ba ni/
/rnam pa bcu drug brgyad stong par/ /rim pa ji bzhin brjod pa ni/
/gzhan gyis bstan par shes par bya/ /de ltar ji skad bshad

@293a @#/ /don gyis/ /brgyad stong 'dir don ma tshang med/ /'dir
gzhung bsdus pa yin 'dod de/ /don ni ji skad brjod nyid do/ /byang
chub sems dpa' de nyid du/ /ngas ma mthong zhes thub pas gsungs/
/za po nang gi dngos rnams kyi/ /stong pa nyid ni de yis brjod/ /

gzugs ni gzugs kyi rang bzhin gyis/ /stong pa zhes ni gsungs pa'i
phyir/ /bza' bar bya ba phyi yi ni/ /skye mched rnams kyang 'dir
bkag go/ /gzugs sogs med na de yi ni/ /lus gnas mtshan nyid zad pa'i
don/ /rtogs nyid gang gis de mthong ba/ /de yang

nang pa yin phyir med/ /gang phyir nang rnams stong nyid na/
/rang bzhin yang ni stong pa nyid/ /'di ltar rnam shes rang bzhin
rigs/ /brtse dang shes rab bdag nyid yin/ /sems can skye med 'gag
pa yang/ /med ces sogs kyis sems can dang/ /'khor ba dag ni stong
nyid

gtsor/ /des ni gsal bar bstan pa yin/ /sangs rgyas chos dang de
bzhin du/ /byang chub sems dpa'i chos rnams ni/ /ma mthong zhes
bya la sogs kyi/ /stobs bcu la sogs stong par bstan/ /gang phyir
chos rnams so sor ni/ /so sor brtags zhes rab brjod pa/ /

des na chos rnams don dam du/ /yod min zhes byar brjod pa yin/
/gang phyir bdag sogs log lta ni/ /chen po gcod mdzad de yi phyir/
/bcom ldan 'das kyis rnam kun du/ /gang zag bdag med nyid du
gsungs/ /chos rnams thams cad ma skyes zhes/ /brjod par

mdzad pas de bzhin du/ /de nyid rig pas rnam kun du/ /chos kyi
bdag med gsungs pa yin/ /kha na ma tho bcas med rnams/ /'phel
dang nyams pa med pa'i phyir/ /'dus byas 'dus ma byas pa yi/ /dge ba
rnams ni bsal ba yin/ /dge ba rnams ni stong pa na/ /der rten mi

zad de bzhin du/ /gzhag nyid de ni stong nyid kyi/ /rab tu dbye ba
bsdus pa'o/ /sems kyi rnam par g.yeng ba bcus/ /gzhan las sems ni
rnam g.yeng pas/ /byis pa rnams la gnyis med kyi/ /ye shes sgrub
pa'i skal pa med/ /de dag phan tshun gnyen po dang/ /mi mthun

@293b phyogs kyis bzlog pa'i phyir/ /shes rab pha rol phyin gzhung
ste/ /de rnams kyang ni bsdus te bstan/ /ston pas phung po kun
brjod pa/ /gzigs phyir byang sems dpa' yod ces/ /gang gsungs pa yis
dngos med kyi/ /rtag pa'i g.yeng ba 'gog pa yin/ /'dis ni brgyad
stong la

sogs su/ /dang po'i ngag nas brtsams nas ni/ /rdzogs pa'i bar ni
sgrub pa yis/ /dngos med rtog pa dgag bya yin/ /'di dag gtan tshigs
ngag min te/ /bya ba tsam zhig smos pa yin/ /rigs pa tshangs pa'i dra
ba sogs/ /mdo kun du ni shes par bya/ /bdag gis byang

chub sems dpa' ni/ /ma mthong zhes sogs rgyas rnams kyi/ /bco
ldan dngos po kun rtog gi/ /'khrul pa 'gog par mdzad pa yin/
/gang phyir ming yang ma mthong zhing/ /spyod yul dang ni bya
ba dang/ /phung po kun nas de bzhin des/ /byang chub sems dpa'
mthong

ba med/ /'di ni brtags pa 'gog pa yin/ /de 'dra bsdus pa'i lta ba ste/
/shes bya nyid du blor zhugs pa'i/ /rnam pa thams cad brtags pa
yin/ /shes rab pha rol phyin par ni/ /bstan pa gsum la yang dag
brten/ /brtags pa dang ni gzhan dbang dang/ /yongs su grub pa
kho na'o/

med ces bya la sogs tshig gis/ /brtags pa thams cad 'gog pa ste/
/sgyu ma la sogs dpe rnams kyis/ /gzhan gyi dbang ni yang dag
bstan/ /rnam par byang ba bzhi yis ni/ /yongs su grub pa rab tu
bsgrags/ /shes rab pha rol phyin par ni/ /sangs rgyas kyis ni gzhan

bstan med/ /kun rtog g.yeng ba rnam bcu yi/ /mi mthun phyogs
bstan tshul la ni/ /gsum po bsdus dang so so ba/ /'dir brjod par ni
shes bya ste/ /dper na grub dang gzhan dbang dang/ /rab tu
brtags pas ngag dang por/ /dngos po med par rang bzhin gyis/
/rnam par

g.yeng ba sel ba bzhin/ /des na sangs rgyas de bzhin du/ /byang
chub ma thob par brjod pa/ /yongs su rdzogs pa'i bar gyis 'dir/
/brtags rnams bsal bar shes par bya/ /ngo bos stong pa'i gzugs
rnams la/ /gang du 'am gang gis sgro 'dogs 'gyur/ /des na ngag
gzhan

@294a @#/ /rnams la yang/ /de bzlog par ni shes par bya/ /stong nyid
kyis ni mi stong zhes/ /bya ba'i ngag ni ston pa na/ /skur ba yi ni
rnam rtog rnams/ /thams cad du ni sel bar gsungs/ /de bzhin sangs
rgyas sgyu 'dra dang/ /de bzhin rmi 'dra zhes bya yang/ /tshul 'di
nyid

ni mkhas rnams kyis/ /ngag gzhan dag la 'ang shes par bya/ /gzhi
mthun pa yis rgyal ba ni/ /sgyu ma lta bur rab brjod cing/ /sgyu
ma lta bu la sogs pa'i/ /sgra rnams kyis kyang gzhan dbang brjod/
/so so'i skye bo'i shes pa gang/ /rang bzhin gyis ni rnam byang ba/
/de la sangs

rgyas sgra brjod de/ /byang chub sems dpa' la rgyal bzhin/ /ma rig
pas ni dbang byas te/ /rang gi rang bzhin rab bsgribs nas/ /sgyu ma
lta bur gzhan du snang/ /'bras bu rmi lam bzhin du spong/ /gnyis
med gzhan du snang ba na/ /'bras bu la yang skur rnams kyi/ /skur
ba'i

rnam par rtog rnams la/ /skur par byed par 'di dag brjod/ /phan
tshun du ni 'gal ba'i phyir/ /gzugs ni stong nyid yin mi rigs/ /stong
nyid rang bzhin med nyid la/ /gzugs ni rnam pa dang 'brel ba/ /des
na gcig tu rnam rtog la/ /gnod 'gyur gzugs de stong nyid las/ /ji

lta bur yang gzhan min pas/ /tha dad kyi ni rnam rtog 'gog /gang
phyir ma rig pas sprul pa/ /de ni med pa kho na snang/ /med pa ston
par zhus pa na/ /de ni ma rig ces brjod do/ /rang bzhin de nyid shes
rab kyi/ /pha rol phyin pa zhes kyang brjod/ /gnyis 'di nyid ni gnyis
med pa//

rnam rtog gnyis la gnod byed yin/ /rigs pa yang gsung rnam dag
ming tsam de nyid du/ /rang gi ngo bo yod min pas/ /des na ngo
'gal phyir yang/ /tha dad nyid kyang mthong ba yin/ /gzugs 'di
ming tsam de nyid du/ /rang gi ngo bo yod min pas/ /des na ngo bo
nyid du ni/ /rnam

rtog rnams kyi go skabs bsal/ /gzugs ni gzugs kyi rang bzhin gyis/
/stong pa sngar brjod gang yin pa/ /de ni rang gi ngo bo yis/ /sgro
'dogs rnam rtog 'gog byed yin/ /chos rnams kyi ni skye ba dang/
/'gag pa mthong ba med ces gang/ /bcom ldan 'das kyis gsungs pa
nges/ /

@294b de yi khyad par rnam rtog bsal/ /gang phyir ming bcos
brjod bya yi/ /chos de dag kyang brtags yin pas/ /sgra don dag gi
'brel pa ni/ /ngo bo nyid du des mi bzhed/ /byis pa'i phyi rol don du
ni/ /mngon zhen 'khrul pas spyad pa yin/ /tha snyad 'di yang de
bzhin te/ /'di yang de bzhin te/ /'di la don

'ga' yod ma yin/ /des 'dir ji ltar ming bya ba/ /de ltar brjod bya'i
dngos po de/ /yod min dang phyir ming ji bzhin/ /don du rtog pa
'dod ma yin/ /bden don rnam rtog sel ba na/ /shes rab pha rol
phyin pa dang/ /sangs rgyas de bzhin byang sems dpa'/ /ming tsam

zhes ni rab tu gsungs/ /'di ni sgra don 'gog pa ste/ /dngos po sel
bar byed pa min/ /de bzhin du ni ngag gzhan la'ang/ /don rnams
nges par shes par bya/ /de nyid rig pas ming rnams kun/ /don ji lta
bar yang dag tu/ /dmigs pa med nyid de yi phyir/ /sgra 'di zlog par
byed ma

yin/ /rab 'byor gyis ni sgra dang sgra'i/ /don nyid gnyi ga 'gog pa
na/ /de yis byang chub sems dpa'i ming/ /ma mthong zhes ni brjod
par 'gyur/ /shes rab pha rol phyin ngag gang/ /'di tsam gyis rtogs
min pa med/ /'on kyang 'di dag de shes pa/ /rnams kyis zhi ba

mo'i blo yis dpyod/ /skabs kyi don ni spong ba dang/ /don gzhan
rtog pa gang yin pa/ /de ni shes rab pha rol tu/ /phyin par gzugs
brnyan yin par 'dod/ /shes rab pha rol phyin rten can/ /bsdus don
'di tsam nyid yin te/ /slar yang don gzhan la brten nas/ /don de

nyid ni bzlas ba yin/ /shes rab pha rol phyin ma ni/ /brgyad stong
yang dag bsdus pa yi/ /bsod nams thob gang des skye bo/ /shes rab
pha rol phyin gyur cig /'phags pa shes rab kyi pha rol tu phyin ma
bsdus pa'i tshig le'ur byas pa/ slob dpon phyogs kyi glang po'i

zhal snga nas mdzad pa rdzogs so// //kha che'i paNDi ta ti la ka ka
la sha dang/ lo tsA ba dge slong blo ldan shes rab kyis bsgyur
ba'o//