@70b.5 @##/ /rgya gar skad du/ Arya pradznyA pA ra mi tA u pa
de sha nA ma/ bod skad du/ 'phags pa shes rab kyi pa rol tu phyin
pa'i man ngag ces bya ba/ sangs rgyas dang byang chub sems dpa'
thams cad la phyag 'tshal lo/ /sangs rgyas yum gyur de yi ming/
/rang bzhin

med pa'i rang bzhin can/ /tshig med yul las rnam par 'das/ /dge
ma de la phyag 'tshal 'dud/ /dngos po brgyad sogs rgyas par ni/
/khong du chud nus ma yin pas/ /rjes 'jug spros pa med pa'i don/
/bdag gis rab tu bshad par bya/ /snying gi dkyil du gnas

pa ni; /rdo rje dkar po rnam par mdzes/ /rtse mo lnga pa gzi
brjid can/ /lte bar thig le dkar po gcig /lnga po steng du rim
bzhin 'bar/ /pha rol phyin drug rim bzhin dag /rim bzhin thig le
sgra spangs la/ /brtan 'gyur stobs bskyed ting 'dzin sbyang/
/man

@71a @#/ /ngag rim pas sgra nang du/ /chu skyes 'ba' zhig 'dab
brgyad nas/ /'dab ma stong gi bar du dmigs/ /slar bsdus sgra yi
ngo bo las/ /'das pa'i ye shes mi phyed 'dod/ /de nyid gsal bar
bya ba'i phyir/ /mkhas pas rab tu bsten par gyis/ /

sems can rnams la bdag gsol 'debs/ /shes rab kyi pha rol tu
phyin pa'i man ngag rdo rje lta bu zhes bya ba dpal ka ma pa las
mdzad pa rdzogs so//