@##/ /rgya gar skad du/ gu ru kri ya kra ma/ bod skad du/ bla
ma'i bya ba'i rim pa/ sangs rgyas dang byang chub sems dpa'
thams cad la phyag 'tshal lo/ /dang por tshed dang ldan pa'i
slob dpon gyis/ slob ma la dad pa dang yid ches pa dang 'dod
pa'i dad pa bskyed la/ de

nas byang chub kyi sems kyi phan yon brjod la spro ba bskyed
par bya'o/ /de nas gnas khang khyad par can du mchod pa'i
tshogs khyad par can bshams la/ 'phags pa'i tshogs spyan drangs
te/ phyag 'tshal ba dang/ zhabs bsil zhing gdan dbul ba dang/
bla na yod pa dang/ bla na med

pa'i mchod pa'i tshogs kyis legs par mchod cing/ mchod pa'i
sprin gyi sngags kyang lan gsum brjod do/ /bstod pa byed pas
bde bar gshegs pa'i yon tan khyad par can dran pa'i sgo nas
gus pas bstod cing/ de dang de 'phel ba'i tshig kyang brjod do/
/de nas bshags

pa dang/ rjes su yi rang ba dang/ bskul ba dang/ gsol ba gdab
pa dang/ bsngo ba la sogs pa bya ste/ de nas slob ma dad pa
dang ldan pas slob dpon la phyag byas la/ gsol ba gdab pa la
sogs pas byang chub kyi sems rnam pa gnyis legs par bskyed la/
de dag gi rang

gi ngo bo dang/ dbye ba dang/ khyad par yang brjod do/ /de nas
byang chub kyi spyod pa pha rol tu phyin pa drug dang/ bsdu
ba'i dngos po bzhi dang/ tshad med pa bzhi la sogs pa'i mtshan
nyid dang/ rgyu dang/ 'bras bu dang/ bslab pa'i go rims dang/
nyams pa dang/ ma nyams pa'i skyon yon

dang/ tshul ji ltar bslab pa la sogs pa yang rgyas par bstan
par bya'o/ /de yang bag yod pa dang/ shes bzhin dang/ dran pas
zin par bya'o zhes bslab par bya'o/ /de dag gi mtshan nyid
dang/ go rims dang/ nyams pa dang/ ma nyams pa'i skyon yon la
sogs pa yang bslab par 

@257a @#/ /bya'o/ /de dag byed pa la yang brtson 'grus drag po
bskyed la ji snyam pa dang/ sdug bsngal dang du len pa'i bzod
pa dang/ ma yengs pa'i bsam gtan dang shes rab kyi rang bzhin
med par shes par byas la/ bslab pa gsum mam/ shes rab rnam pa
gsum la mnyam par

gzhag pa dang/ spyod lam gyi tshul gyis bslab par bya'o zhes
bstan par bya'o/ /mthar smon lam gyis yongs su rdzogs par gyis
shig ces kyang brjod par bya'o/ /'di ni slob dpon gyis bstan
pa'i las kyi go rims so/ /slob mas kyang tshul ji ltar bstan pa
de bzhin du bslab par bya'o/ /

'di ni mtshan nyid theg pa chen po'i sems bskyed pa dang bslab
pa bstan pa'i tshul lam go rims che long tsam bstan pa yin no/
/rgyas par ni gzhan nas shes par bya'o/ /bla ma'i bya ba'i rim
pa mdor bsdus pa/ slob dpon mkhas pa chen po dpal mar me mdzad
ye shes kyi zhal snga nas

mdzad pa rdzogs so//