@##/ /rgya gar skad du/ tsa tu rwaM ga b+ha rma tsA rya/ bod
skad du/ chos spyod yan lag bzhi pa/ 'jig rten dbang phyug la
phyag 'tshal lo/ /ston pa bdag la dgongs su gsol/ /bdag ming
'di zhes bgyi bas ni/ snying po byang chub mchis kyi bar/
/sangs rgyas chos dang dge 'dun te/ /skyabs

gsum skyob pa bla med la/ /rab tu gus pas skyabs su mchi/
/rten gzung bar bya ba'i phyir skyabs su 'gro ba'i yan lag ste
dang po'o/ /slob dpon bdag la dgongs su gsol/ /bdag ming 'di
zhes bgyi ba yis/ /thog med dus nas da lta'i bar/ /'dod chags
zhe sdang gti mug gis/ /lus dang

@258b dang ngag dang yid sgo nas/ /sdig pa mi dge ci bgyis pa/
/ma lus 'gyod pas so sor bshags/ /slan chad ci nus bsdam par
bgyi/ /rgyud dag par bya ba'i phyir sdig pa bshags pa'i yan
lag ste gnyis pa'o/ /slob dpon bdag la dgongs su gsol/ phyogs
bcu nam mkha'i mthas gtugs na/ /

sangs rgyas byang chub sems dpa' dang/ /nyan thos rang sangs
rgyas rnams dang/ /'jig rten pa ni gang gis kyang/ /ma lus dge
ba ci bgyid pa/ /de la rang nyid byed pa bas/ /lhag par dga'
bas yi rang ngo/ /dge ba'i rtsa ba tshogs chung dus bskyed pa'i
phyir rjes su yi rang ba'i yan lag ste gsum pa'o/ /slob

dpon bdag la dgongs su gsol/ ji ltar sngon gyi skyob rnams
kyis/ /sems can rnams kyi don gyi phyir/ /byang chub mchog rab
thugs bskyed pa/ /de ltar bdag kyang ma rnams phyir/ /byang
chub mchog tu sems bskyed do/ /bla na med pa'i byang chub nges
par bya ba'i phyir byang chub tu sems

bskyed pa'i yan lag ste bzhi pa'o/ /mthar dge ba'i rtsa ba
gnyis don phun sum tshogs par bya ba'i phyir byang chub mchog
tu bsngo ba'i yan lag kyang bya ste/ bdag gi bsod nams 'di yis
ni/ /sems can thams cad ma lus pa/ /gdul dka'i sems ni rab zhi
nas/ /'gro ba'i bla ma thob

par shog /ces bya ba'o/ /chos spyod yan lag bzhi pa rnal 'byor
gyi dbang phyug chen po shrI dza ga ti ma trA nandas mdzad
pa rdzogs so// //rnal 'byor gyi dbang phyug de nyid dang/ lo
tsA ba byams pa'i dpal gyis bsgyur ba'o//