@##/ /rgya gar skad du/ sapta aM ga

sadd+ha rma tsArya a ba tA ra/ bod skad du/ dam pa'i chos
spyod la 'jug pa'i yan lag bdun pa/ de bzhin gshegs pa shAkya
seng ge la phyag 'tshal lo/ /sangs rgyas chos dang 'phags tshogs
ni/ /skyabs mchog bden gnyis yongs bzung pas/ /shes rab snying
rjes mnyam sbyor la/ /bdag ni gus

pas phyag 'tshal lo/ /phyag btsal ba'i yan lag ste dang po'o/
/skyabs gsum bla med rin chen la/ /phyi nang kho na nyid don
can/ /mchod sprin bsam mi khyab rnams kyis/ /legs par mchod
pa'i tshogs mchod/ /mchod pa 'bul ba'i yan lag ste gnyis pa'o/
/'gro rnams bsgral 'dod bsam

@259a @#/ /pa yis/ /sangs rgyas chos dang dge 'dun la/ /byang
chub snying por mchis kyi bar/ /rtag tu gus pas skyabs su
mchi/ /skyabs su 'gro ba'i yan lag ste gsum pa'o/ /bdag gis
lus ngag yid sgo nas/ /mi bzad sdig pa gang bgyis dang/ /bgyid
stsal rjes su yi rang gang/ /de

dag thams cad so sor bshags/ /sdig pa bshags pa'i yan lag ste
bzhi pa'o/ /rdzogs sangs byang chub sems dpa' dang/ /rang
rgyal rgyal ba'i slob ma dang/ /'jig rten bsod nams gang bgyid
la'ang/ /dga' bas rjes su yi rang ngo/ /rjes su yi rang ba'i
yan lag ste lnga pa'o/ /shes rab snying rje dang

bcas pa'i/ /brtson pas sems can don du bdag/ /sangs rgyas mdun
du gnas bgyis te/ /rdzogs pa'i byang chub sems bskyed bgyid/
/byang chub mchog tu sems bskyed pa'i yan lag ste drug pa'o/
/bsod nams tshogs kyi chos 'di dag /byang chub gsum gyi rgyur
gyur pa/ /bdag med gnyis kyi lam

brten pas/ /mtho ris thar bsgrub gyur cig /bdag gi bsod nams
gang bgyis bas/ /skye bos rgyal ba thob gyur te/ /gus pas sems
can thams cad don/ /rgya chen yang dag byed gyur cig /bdag ni
tshe rabs thams cad du/ /sangs rgyas mthong ba rnyed gyur cig
/dam pa'i chos ni nyan pa dang/ /dge

'dun zhabs 'bring byed gyur cig /thabs mkhas yang dag bshes
gnyen ldan/ /chos dang zang zing sbyin byed cing/ /longs spyod
sems can thun mong dang/ /pha rol phyin pa kun rdzogs shog
/'byor ba phul ba'i bsod nams dang/ /tshul khrims legs par
gzung ba dang/ /dam chos yang dag mnyan

pa yis/ /bdag ni byang chub mchog thob shog /bdag ni 'di nas
shi 'phos tshe/ /dga' ldan skyes nas yid dge pas/ /myur du
byams mgon bsnyen byas te/ /byang chub lung bstan rnyed par
shog /smon lam gdab pa'i yan lag ste bdun pa'o/ /dam pa'i chos
spyod la 'jug pa'i

yan lag bdun pa/ kha che'i paNDi ta chen po shAkya shrI b+ha
dras mdzad pa rdzogs so// //paNDi ta chen po de nyid dang/ bod
kyi lo tsA ba dge slong byams pa'i dpal gyis bsgyur ba'o// /