@086a @#/ /rgya gar skad du/ A laM ba na pa rA k+Shi/ bod skad du/
dmigs pa brtag pa/ sangs rgyas dang byang chub sems dpa' thams
cad la phyag 'tshal lo/ /dbang po rnam par rig pa'i rgyu/ /phra rab
rdul dag yin mod kyi/ /der mi snang phyir de'i yul ni/ /rdul phran
ma yin dbang po

bzhin; /gang ltar snang de de las min/ /rdzas su med phyir zla
gnyis bzhin/ /de ltar phyi rol gnyis ka yang/ /blo yi yul du mi
rung ngo/ /kha cig 'dus pa'i rnam pa dag /sgrub pa yin par 'dod par
byed/ /rdul phran rnam pa rnam rig gi /don min sra nyid la sogs
bzhin/ /de dag ltar

na bum pa dang/ /kham phor sogs blo mtshungs par 'gyur/ /gal te
rnam pa'i dbye bas dbye/ /de ni rdul phran rdzas yod la/ /med de
tshad dbye med phyir ro/ /de phyir de rdzas med la yod/ /rdul
phran yongs su bsal na ni/ /der snang shes pa nyams 'gyur zhing/
/nang gi shes bya'i ngo bo ni/ /

phyi rol ltar snang gang yin der/ /don yin rnam shes ngo bo'i
phyir/ /de'i rkyen nyid kyang yin phyir ro/ /gcig cha'ang mi 'khrul
phyir na rkyen/ /nus pa 'jog phyir rim gyis yin/ /lhan cig byed
dbang nus pa yi/ /ngo bo gang yin dbang po'ang yin/ /de'ang rnam
rig la mi 'gal/ /de ltar

yul gyi ngo bo dang; /nus pa phan tshun rgyu can dang/ /thogs med
dus nas 'jug pa yin/ /dmigs pa brtags pa slob dpon phyogs kyi blang
pos mdzad pa rdzogs so//rigs lam la gnas byang chub myur thob
shog/ //